السلاام عليكـــم
هذي أول مشاركـــــــــــــــاتي بهذاا القسم .....^.^
أخترت... قصيدهـ اعجبتني .... للشاعر محمد بن فطيــــس ...اتمنى ان ترضي ذائقتكم ....
" مـــــــا كني أعرفــــــه "
ما كنـي اعرفـه ولا كنـي ابغيـه
وانا عليه من امه احـب واجـرى
ياكثرهـا تسليمـة يـوم الاقـيـه
لي عين تكتب له وله عين تقـرى
ولا حل طاريـه تجاهلـت طاريـه
ماكني ادري عنه وانـا بـه ادرى
احشم قريبه حشمـة لـه واداريـه
واخشا يجي في خاطره شي وادرى
بسكات يغليني وانـا حيـل مغليـه
لا تيلفـون ولا مواعيـد غــدرى
لا اسولف بحبـه ولانـي بمخفيـه
وغيري لونه يوالفه كـان هـذرى
لايحسبنـي يـوم قفيـت ناسـيـه
لعيونـه انـي ماتحاليـت عـذرى
ليت الزمن يرجع وانا اعلمـه ليـه
ولا الحظوظ من المقابيـل تشـرى
كل العذارى في الوفـاء ماتساويـه
كنه اليمين وباقـي الغيـد يسـرى
قولوا له اني مارتضي بالبـدل فيـه
لا مال قارون(ن) ولاعرش كسـرى
يرتاح ماغيره مـلا عيـن هاويـه
غلاه نهر النيـل والقلـب مجـرى
واكبر دلليل اني الى غـاب احاتيـه
كم لليلة ماتت علـى كـف مسـرى
وان قالوا انه شرق وازريت لا اجيه
وجهت وجهي كل ما نمـت حـدرى
دمتمـ بخيـــــــر
جوجو