ول ياغصن ورد ٍ فوقه الورد مـال
قام مع رايح النسمات يمـي يميـل
فاضح ٍ زينه الطاغي حرام وحـلال
والمحبه على أوراقه تحط وتشيـل
جاذب ٍله غرامي من معاليق بـال
دلو شوق ٍ تعلق في رشاه الطويـل
كل ماجيت أبدله زارنـي فالخيـال
وأبحر بذكرياتي معه في حلم ليـل
لين ألاقيه في دنيا البها والجمـال
وألتجي له من الفرقا والأشواق حيل
ألتجيله وأثرني غـارقٍ فالضـلال
مع تواهيم طيفه واللقـا والرحيـل
أبو خد ٍ فتق نوره ظلام الليـال
نور عيني ولا له فالخلايـق مثيـل
دنقت له ضلاعين الخفوق الطـوال
لين سلطان قلبي صار عبـدٍذليـل
--------------،، ------
دع العذل يا دكتور واوصل كلامي ليـن
يصل للعواذل كلهـم واعذلـوا غـاري
ليا قلت ما تدرون قلتـوا بلـى داريـن
وانا داري انْ اللي فطن ماهـو بـداري
تقولون مخلاب الوحـش كنّـه السكيـن
ولا شفتوا بعين الوحش طلقـة سـواري
وحشكم عساه بقلعـتْ الوادريـن آميـن
ووحش نيّتي يالله عنه تقصـر الجـاري
اعيذه برب البيت من نظـرة الشرهيـن
وهو المصوّر واحسن الصورة البـاري
عنه هقوة الطاروح تنزل دهـور البيـن
ويونس حرور الياس ويـلازم الطـاري
اخذ من طيور الشام وافي شخوص وعين
وندر من مواكر سيف ماهوب سنجـاري
تزينه طبوعـه والركـادة تزيـده زيـن
ولافيه غير ان نظرته نظـرة الـزاري
ليا واق بالعاتق ووطّـى مـن المتنيـن
طلوعه وكاد اوكد من الحاصد الـذاري
انا قبل هكالطيـر سـالٍ مـع الساليـن
تجاري ولع مير الولـع ماهـو تجـاري
يوصّلك يالرجال للعسـر عقـب اللّيـن
ولو ماانته بمجبور يلحق بـك اجبـاري
عسى من يلوم اثنين يمسي تحت ثنتيـن
ابن عـمٍ اودابـه وابـن عـمٍ يثـاري
يا الدكتور يوم ان السوالف معين وعيـن
امانٍ من الكاتب وامـانٍ مـن القـاري
على ويش رطن الهند والا ملاغى الصين
وحق ايش شوف غليص ومعامل مكاري
لهم دين والنـا ديـن والله يعـز الديـن
لك اسوة بشـرع الله وامثـال ومبـادي
،،،،،
شي يقلب مواجع اهل الغرام بس بدون تعمق و بدون أهات 
رد: شي يقلب مواجع اهل الغرام بس بدون تعمق و بدون أهات 
العرض العادي
