[~ آمَآل ~]

السلام عليكم ورحمة الله وبركاته ..

أثرت اليوم أن أحضر لكم احدى قصائد شاعر لطالما ضاع صيته ..

واستمتع الناس بحروفه وكلماته ..

أنا عن نفسي أجد متعة خاصة مع حروفه ..

هذا الشاعر هو

( سالم سيار ) ..

وقصيدته بعنوان ( الجراح ) ..

عسى ما زعلتك البارح وزودت الجراح أجراح = عسى ما مرت الدمعة على أهدابك من أسبابي

جرحتك من كثر شوقي وخليت الكلام أرماح = ولادري شلون يا عمري طعنتك حيل بعتابي

بدون شعور صدقني ترى كثر الغلا ذباح = تعال وشوف بغيابك غلاك شلون سوابي

حرام تغيب من عمري وتعطيني الفراق وشاح = حرام الدمع في عيني مناديله هي أهدابي

غيابك يشغل عيون الزوايا وأمتلي أشباح = وأنا أنثر صوتك بقلب المكان وأشعل أبوابي

تلفت للأمل دام الرجا في عمري الملواح = اناديلك ولو شرهة وصولك تقطع أعصابي

أبيك الجاي من عمري أنا ما ابيك شئ وراح = مدامك أجمل وأخر مدامك أول أحبابي

أبي أرتاح يا عمري وأنا أدري هم تبي ترتاح = تعال وقبل ما افرح ترى تفرح بك ثيابي

أحبك يا بعد عمر الحزن والجرح والأفراح = أحبك كثر ما نامت عيونك داخل أهدابي