بأتكلم كلام عام والشباب ما قصروا
في رأيي
المراهقه هي قوه واندفاع في الشخصيه وتحول كبير من الطفوله إلى مرحلة الشباب
والكل في هذي المرحله يمكن لاحظها على نفسه أو أخوانه بأنه في هذا السن صار
ما يقبل كلمه من أحد يعني ( لا تحسبني صغير )
المراهق يحب الشخصيات القياديه واللي لها شهره
حتى في المدارس تحصله ( يتلزق ) بمثلا القوي في فصله أو اللي له كلمته أو بدون ما يتلزق
ينظر له نظرة إعجاب ويحاول إنه يقلده
المراهقه زي ما قلت هي سن اندفاع وحماس ونشوه وطاقه يجب استغلالها واستنفاذها في الخير
يعني في من وضع طاقته في القرآآن فحفظه
وفيه من استغلها في النوادي الرياضيه ...... الخ
والعكس صحيح
فيه من إزعجنا عشانه ( بلغ ) قام يغازل بنات العالم ويحضر في السوق أربع وعشرين ساعه
وكأن مافيه في العالم واحد بلغ غيره
الواجب على ولي الأمر إنه يتعامل مع المراهق كالصديق يعني ( يخاويه )
ياخذه معه وين ما يروح
لا يجعل التعامل تعامل سلطوي أنا آآمرك وأنت تنفذ بدون أي نقاش
لأنه بهذي الطريقه بيخسره وبكل سهوله
لأن النتيجه هي ( العناد ) وهذا طبع المراهق
حبيت أشاركم
ولا أنا قليل خبره والشباب ماقصروا الله يحفظهم
شكرا