هل هذه الصورة ستصبح واقع نعيشه ؟؟؟
ربما ولكن ليس بالوقت الحالي ......................
هل يختلف الزواج العادي عن الزواج الإنترنتي ؟
نعم .............. شوفي انا مو قادره اعبر عنها بشكل سليم لكن انتي افهميها خلاص ............ الزواج العادي يكون واقع ملموس يعني مو مبني على تخيلات .......خلاص انتي تعرفي فلان من اوله لاخره ماضيه التعيس وحاضره المجيد.................. ما في حاجه تتخبى لكن الزواج عن طريق النت بعيد عن الواقع فيه تخيلات كثيره واشياء متخبيه كثير ............ في صفات كثير ما تبان عن طريق الكلام وكذا زي الكذب والنفاق ممكن الواحد يمثل انو صادق .......... وكمان هناك سلوكيات ما تبان عن طريق النت زي مثلا النظافه و اسلوب الاكل وهذي اشياء مهمه مررررررررره
هل توافق على مبدأ الزواج عن طريق الانترنت ؟
عن طريق مواقع زواج يعني ............ لا ابدااااااااااا
من وجهة نظرك ما هي سلبيات هذا الزواج ؟
اظن اني كفيت ووفيت بالسوال الاول و لكن اكبر سلبيه له انو نسبه الفشل كبيره جدا بيه والاهل ما راح يتقبلونه و احتمال الشك بين الزوجين كبير ....... وترا قبل فتره قريت لعبد الله باجبير يتكلم فيه عن زواج النت بس عند الغرب لو تعرفي ايش قال تنصدمي .............. يقول هذا الزواج فشل بالخارج فشل ذرييييييييييع عارفه ليه لانهم يحطوا تصورات لبعض زي ما قلتلك عن الشكل والاسلوب و الشخصيه و لما يتقابلون ينصدمون انو الشخص الاخر ما كان نفس المقاس اللي هما حطوه ................. بس عارفه انا احسه قله ايمان عندهم لانهم ما يستخيرون و هوا يعني الطرف المقابل او الشخص اللي هما بيقابلونه بيجي من المريخ ...........بيجي من هنا .......... يعني ممكن ضروس متقدمه عيون مبحلقه ...........اشياء تنبلع. لكن هما ينصدمون وما يتحملون وكمان ترا التمويه والكذب والظهور بشخصيه مخالفه للواقع شكلها هيا اللي تصدمهم..................... لاني ما قد شفت اجنبي ضروسه متقدمه .......... المهم ما علينا له سلبيات كثيره الله يجيرنا منها
ما هي تنبؤاتك لهذا الزواج من حيث نجاحه أو فشله ؟
ما ادري ......... هوا على حسب الاشخاص اللي مرتبطين و ثقتهم ببعض وتصوراتهم لحياتهم مع بعض
هل يساهم في حل مشكلة العنوسة ؟؟؟
و ممكن انو يزود المطلقات ؟؟؟؟؟؟؟؟
وأخيرا ً ...
هل قابلت شخص تزوج عن طريق الإنترنت ؟
لا للاسف ...............
الزواج موسسه عظيمه بكل المقيايس تشعبت طرق بنائها هناك من يبنيها عن طريق الاهل و هناك من يبنيها عن طريق النت وهم اقليه لا تكاد تذكر .................. ولكن يبقى اهم عوامل نجاح هذه الموسسه على اختلاف طرق بنائها الايمان بالله ورضا كلا من الطرفين عن بعض واهم شي الاستخاااااره ............. لانكي حينما تستخيرين فانتي تسالين الله .......... و هل هناك من هوا اعلم من الله ؟؟؟؟؟؟؟؟
ونعم بالله ......................
تحياتي لكي