[& رغد &]

نرجع لاحداث القصة


نواف وهو طالع سمع انين وبكاء كان يبي يعرف من فين الصوت بظبط
كانت في نفس الصالة 4 غرف
غرفة للعروس وغرف لاهل المعرس وغرفة لاهل العروس وغرفة لتصوير
نواف محتار وين يدخل
نواف: ياربي انا الحين فين ادخل في اي غرفة.
فجأة سمع شخص ينادية بصوت ناااااااعم مررة
البنت :هلا والله ابو النيف"تدليع لنواف" وش ذا الزين
نواف وهو مو عارف يتصرف
نواف بكئابة وحزن: هلا هلا والله وعد
(وعد بنت عم نواف وريما)
وعد: الف الف الف مبرووووك عقبالك يارب "كانت متقصدة الكلمة"
نواف: بيني وبينك يابنت العم ولا احد يسمع ( نواف تكلم بصوات واطي علشان لحد يسمع)
انا ماراح اتزوج ارتاااااااااحي
وعد بقهر: ليييييييييييييييش؟!
نواف: لين اشوف بنت الحلال الي تناسبني
وعد: ليش انت مو شايف فتح عيونك زين علشان تشوف
نواف حس انها منقهرة وحب يقهرها زيادة: تصدقين انا زوجت المستقبل اشوفها حتى لو كنت نايم
( غمض نواف عيونة اقل من ثانية)
نواف: وعد تصدقين ماشفت احد
وعد ماتت من القهر: لا والله
احلف نواف
نواف بثقة:والله
وعد: راح اعلمك يانواف مين انا
نواف: والله
وعد طالعت في نواف نظرة قهر ومشت
نواف: يا الله وش ذا النشبة الي قاعدة مثل السم على قلبي.
نواف رجع يفكر بجود
نواف: يا اللة وين ادخل
يلا راح اعد من 1 الى 10
10987654321
هذي الغرفة بسم اللة
فتح نواف الغرفة
نواف وكلة امل انا يشوف جود ويتأسف منها
بس حصل الي مايخطر على البال
نواف:بسم اللة وش ذا
الحرمة الكبيرة: ليش شايف جني ياقليل الادب يا الماتستحي على وجهك يا اسود الوجة(شكلها الحرمة ماشافت بياض نواف زين) انت لو تعرف الادب مافتحت الابواب على حريمنا وبناتنا الي يبي يتزوج يطق الباب ويدخل بشرع الله مو يفتح الابواب بدون لا احم ولادستور لو انك متربي عرفت الادب شباب هل الايام مايستحون...
نواف من الصدمة ساكت مو عارف ايش يقول
ا لحرمة: موعارف تدور لك كذبة تقولها ياقليل الخاتمة
نواف بأحراج: فهمتيني غلط ياخالة كنت ابي خطيبتي ( نواف يقول في بالة : ياربي سامحني على الكذبة)
نواف وهو منحرج الى بدخول امة وبنت عمة وعد وشافت الحرمة وهي تقول
الحرمة: وينها خطيبتك ولا كذبة من عندك
الام وهي ماتدري ايش السالفة وحست انا ولدها في مشكلة
الام: هذي خطيبتة
كانت تأشر على وعد
نواف بدهشة وصرااااااااخ: ايش تكرمتي يمة
الام غمزت لنواف وقالت لوعد روحي برة مع نواف وانا بجي انتبهي نواف يطلع
وعد: ماطلبتي شي ياخالة
الام فيك الخير يابنتي
وعد استقلت الفرصة وراحت وقفت امام نواف ومسكت يدة بكل جرائة وطلعت لبرة
طبعا نواف كان بموووووت من القهر بس كان يبي يخلص من ازمة الحرمة الشايبة الي جميع الفاظ التهزئ
اول ماطلعو برى نواف شال ايد وعد ونزلها
نواف :لاتعيدي الحركة ترى ماتناسبني لاني ما احبها
وعد:بس هذي مني
نواف : يعني سويتي شي اي انا ما احبها ولا احب الي يسويها لي
وعد: بس انا زوجتك
نواف بصدمة :خير ايش تكرمتي
وعد: اي انا زوجتك اليوم امك كلمت امي وقالت لها انها تبيني لك ...
امي وافقت وجات خالتي امك وقالت لي ووافقت
نواف بعصبية: ومن قال اني ابيك انا ماراح اتزوج وبعدين انتي كيف تقبلين في واحب مايبيك مايحبك مايحس اتجاهك شي
وعد: نواف حبيبي الحب بعد الزواج
نواف والنار بتطلع من عيونة من اسلوبها الهمج: لا تقولين حبيبي خلي عندك كرامة اقولك ما ابيك
وعد: بس انا ابيك وبتشوف انك راح تحبني مثل ما احبك
نواف بعصبية: انتي وحدة ما بستح..
وسمع صراخ الحريم داخل ولاشعورين
نواف :يا الله يا الله
ودخل وسط الحريم يبي يعرف السافة
اول مادخل وشاف جود انصعق
(جود من النزيف الي في رجلها اغمى عليها ومحد كان منتبة كان وجهها اصفر وشفايفها بيض وثوبها الاحمر تغطى بدمها )
نواف بخوف: يمة هاتي جلال او عباية
جابت الوالدة جلال ونواف لاشعورين شالها من الارض وتوجة الى المستشفى
في سيارة
ام نواف تطالع في جود وتطالع في نواف وهو يسرع
الام:ياالله ملاك على هيئة بشر
نواف يطالع في شارع دقيقة وفي جود دقيقتين
وطالع امة وبتسم
نواف:يمة
الام :نعم
نواف :حلوة صح مثل القمر بس تعبان
الام بصدمة: نواف يمة شفيك استح على وجهك
نواف انحرج وسكت
في المستشفى
طلب نواف الاسعاف بسرعة وساعدته الممرضات على رفع جود
دخلت جود غرفة الفحص ونواف والام برى ونواف كان على اعصابة لانه شاف طبيب رايح وطبيب جاي
طلع الدكتور الي شخص حالت جود
نواف:بشر يادكتور
الدكتور: خير الله يجعلة خير بس نبي دم من اقاربها لانا البنت محتاجة دم
نواف :انا موجود ان شاء الفصيلة تناسب
الدكتور بستعجال :بسرعة ماعندنا وقت
صار التحليل وصار دم نواف مثل دم جود
في غرفة جود
بعد ماأضاف الدم لجود
الدكتور:لوسمحت انت اخوها
نواف برتباك: لا
الدكتور:خالها
نواف: لا
الدكتور:عمها
نواف:لا
الدكتور بصدمة:ولدعمها؟! ولدخالها ولد عمتها ولد خالتها
كانت اجابات نواف جميعها:لا
في هذي اللحظة جود فتحت عيونها بس ماكان الدكتور ونواف منتبهين
الدكتوروهو مازال يكلم نواف
الدكتور :طيب اكيد انت زوجها او خطيبها
نواف برتباك واضح:هااااااا اي اي خطيبها
جود سمعت كلام نواف وهي منصدمة هذا ايش يقول
بس جود من شدة الالم ماقدرت تتحمل وصارخت
جود:آآآآآآآآآآآآآه
نواف بدهشة :جود ايش فيك وش تحسين فية
جود:آآآآآآآآآآه تعبانة حاسة بألم بياكل رجلي
نواف يكلم الدكتور
نواف:تصرف دكتور
الدكتور: راح اعطيها منوم
بعد ما اخذت ابرة المنوم نامت جود
الدكتور:تفضل ياأخ جلستك عند خطيبتك مالها داعي
نواف برتباك: اي اي الافضل اني اطلع
طلع نواف وشاف امة
الام:نواف يمة اتصل على احد من اهلها اكيد خايفين على بنتهم والحين الوقت متأخر
الافكار توديهم وتجيبهم
نواف:يوووو تصدقين يا الغالية نسيت
اخذ نواف جوال جود
الي انصدم اول مافتحة كانت
فية 95 اتصال 25 مسج وكانت بعض الاتصالت بألقاب وبعضهم بأرقم بيت
نواف شاف اسم مكتوب حبيبي
واسم مكتوب الغالي
جذبة اسم حبيبي وفضول خلة يتصل على هذا الاسم
نواف:
حبيبي: الوو وينك جود انتي بخير فيكي شي فين انتي حبيبتي انتي عند احد من صديقاتك انتي لية مارجعتي البيت الكل يدور عليك الووو جود ردي علي بكلمة وحدة بس طمنيني
نواف: السلام عليكم
حبيبي: وعليكم السلام
وين جود سويت لها شي فيها شي ليش انت الي ترد على جوالها
نواف:لو سمحت شوي شوي انت ابوها او اخوها
حبيبي: انا اخوها
نواف: اختك يوم كانت في الزواج___________الخ(قال القصة كلها)
سعود بصمت:____
نواف:الوووو
سعود من كثر حبة لختة كانت عينة بتدمع
سعود: والحين كيفها ايش اخبارها
نواف لاحظ خوف سعود
نواف:يا اخ
قاطعة سعود
سعود:معاك اخوك سعود
نواف: هلاوالله بسعود تشرفنا.. لاتخاف اختك بخير
سعودبغيرة:بس انت مع اختي
نواف ارتبك وبرد سريع:لالالا معنا امي
سعود:دقايق وانا عندكم مع السلامة
نواف:في امااااان الله
سكر نواف من سعود وهو ماشي شاف محل ورود
دخل المحل ولا ايراديا اخذ باقه ورد كلها جوري وممزوجة بالورد الوردي والابيض طالعة باقه الورد جنان روعة
اخذها وكتب عليها مجهول
وكاتب بين قوسي(اسف سامحيني على الموقف الي صار)
اخذ الجوري وحطها في غرفة جود
وطلع
وصل سعود وشاف نواف وسلم علية
سعود: انت اكيد نواف
نواف: وصلت
سعود سلم علية وتأسف على التعب
سعود: سامحني تعبتك مع جود
نواف: لا ماسوينا الى الواجب
يلا مع السلامة نشوفك وقت ثاني لانا اختي راح تجي
سعود: اللة معاك
سعود دخل لجود بسرعة وشاف وجهها اصفر وخاف عليها حضنها وهو يبكي على شكلها
(( كان وجهها اصفر وذبلان وشفايفها بيضه))
فجئة دخل ماجد طبعا بعد ماخبرة سعود
ماجد:السلام عليكم
سعود مسح دموعة :هلا والله ماجد وعليكم السلام
رغدة:السلام عليكم
سعود:وعليكم السلام
ماجد:سعود هههههههههه انت جالس تبكي
سعود برتباك:لا شايفني بزر
ماجد: والله انك تبكي واضح على شكلك
رغدة:والله ماتستاهل جود الي صار لها
سعود يقول في بالة: انقذتيني يا مرت اخوي
جات رغدة وباست جود في جبهتها
دخل عليهم الدكتور
الدكتور: ترى جلستكم مالها اي داعي بعدين الزيارة انتهت
سعود وماجد ورغدة:اوكي يلا راح نطلع
سعود :لوسمحت يادكتور بس تصحى جود تخبرني وهذا رقمي___________055
الدكتود:ابشر يا سعود
سعود:مشكوريا دكتور
طلع سعود بعد ماطلع ماجد ورغدة وصل الجميع البيت
شافوا الوالدة تبكي
سعود:الغالية وش فيها
الاب: الله جابكم تعالو شوفو امكم
الام:الحين ابي اشوفها ليش مارضيتو تاخذوني انا وابوكم اكيييييد بنتي فيها شي
ماجد: يمة حنا ما اخذناكم لانا ماندري عن حالت جود بس الحمد لله مافيها شي
سعود :وبكرة من الصبح بوديكم
الام:يمة رغدة جود مافيها شي
رغدة: والله مافيها شي
يلا عن اذنكم بروح اشوف بنتي
ماجد:انا بعد بروح ارتااااااح
الام و الاب وسعود :الله معكم
في بيت ابو خالد
ريم تتكلم بجوالها
ريم: ياقلبي ياجود والله ماتستاهلين ماجاك
رغدة: بس حبيت اطمنك
ريم تسلمين ياالغلا
يلاباي
رغدة :باي
ريم راحت لفيصل وهو كان نايم
ريم :فيصل فيصل
فيصل وهو مغمض عيونة:يووو ريم اطفي الانوار ترى راسي مصدع
ريم:فصول قوم بسرعة عندي خبر مو كويس مرررة
فيصال بعد الفراش عن وجة وهو خايف:امي وابوي فيهم شي
ريم :لا مافيهم شي هم بخير
فيصل رجع للفراش :خوفتيني وش عندك اكييييد شي سخيف
ريم وهي معصبة: انا على اعصابي وانت مرتاااح
فيصل:خلصينا وش عندك ابي انام
ريم: جود
فيصل فز من مكانا :جود ايش فيها
ريم:انت مادريت من امس
فيصل بخوف: لا شنو تكلمي حرقتي اعصابي
ريم: جود من امس مارجعت البيت و عمي كانـ..
فيصل قاطع ريم :والحين وينها لقوها كيف متى صار وليش انا اخر واحد ادري
قام فيصل بسرعة بدل وراح يدور عليها
ريم بخوف وقلق:فيصل لقوها بس
فيصل ودمعة بعينة: بس شنو
ريم:...............
فيصل:ريم يعني مافي جود خلاص راحت
ريم:لا فيصل جود في المستشفى تعبانة
فيصل براحة قليلة: زين بسرعة بدلي ثيابك وتعالي السيارة
انا باخذ لي دش سريع وبصلي وبطلع
جود اوكي بروح اخبر امي اكيد بتروح لخالتي ام ماجد تتحمد لها السلامة
فيصل: اوكية بسرعة
طلعت ريم من غرفت فيصل
ونزلت لصالة وهي سرحانة بجود وسعود
ريم :ياقلبي عليك يابنت عمي اكيد انتي تعبانة وسعود ماتركك ولا لحظة
قطعت سرحانها مريتو(( مريتو شغالتهم))
مريتو: ريم ريم
ريم :وش تبين
مريتو: ما ما انتي يقول انا في روح بيت ابو ماجد مع بابا
ريم :طيب خلاص
راحت ريم وغيرت ثيابها ولبست عبايتها وجلست تنتظر فيصل ينزل
نزل فيصل بسرعة مو طبيعية: يلا ريم جاهزة
ريم: اي خلاص جاهزة
فيصل: والوالدة وين
ريم:سبقتنا وراحت مع ابوي
تعرف امي ماتقدر على اخت دنياها ام ماجد
فيصل: الله يخليهم يلا انتي لا تأخرينا
في السيارة فيصل يسرع وريم قلبها في بطنها من الخوف
ريم:فيصل تكفى يا خوي شوي شوي والله السرعة مو زينا وجود مافيها شي
فيصل:.....................
جود: فيصل لاتزعل جود وهي تعبانة
فيصل بستغراب: شنو ؟؟
ريم : لاتسرع جود ماتحب السرعة
فيصل خفف السرعة
في بيت نواف
نواف: يمة
الام: نعم يمة وش فيك
نواف: لازم تدري ريما عن صديقتها حرام مسكينا تدري من حد ثاني
الام: بس انا ما ابي ازعل بنتي وهي توها في بيت زوجها
نواف :بس راح تعرف
الام : من فين راح تعرف
نواف: يمة نسيتي انا ريما متزوجه اخو الهنوف وهنوف زوجة ولد عم جود
الام :اوووه صحيح كيف ماخطر على بالي هذي السالفة
قوم يمة خبرها بس لاتخوفها شوي شوي على اختك
نواف : ان شاء الله
نواف اتصل لاختة ريما وكان الصباح الساعة 9ونص
ريما:.........
نواف:يمة بنتك غارقة بعسل
الام : يلا قوم ياقليل الادب احد يقول عن اختة كذا
نواف:يمة انا على صابي وانتي تقولي قليل الادب طيب ماتصير قليل نحو ههههه
الام:هههههه لا ماتصير
نواف زين يا الغالية انا طالع
الام:وين يمة
نواف:بروح عند ريما
الا:والله وحشتنا ريما بالبيت(دمعت عيون ام نواف)
نواف:لية الدموع يا الغالية مايهون علي اشوفك كذا هذا اذا تزوجت ايش بسوي
الام:يمة نواف انت ماراح تروح بعيد
نواف فهم قصد امة وحب يسكر الموضوع
نواف:يلا يا الغالية انا قايم
الام:يمة نواف اليوم العصر بيجون عندنا ضيوف ابيك تشتري بعض الاغراض
نواف:بأمر الغالية انا يلا فمان الله
الام:بمان الكريم
طلع نواف وهو يفكر ببنت عمة وعد وكلماتها "امك كلمت امي"
ياربي معقولة وعد صادقة بكلامها يا الله ان شاء اللة تكذب
وقطع تفكيرة صوت الجوال
نواف:الو
ريما بصوت فية النوم:صباح الخير نواف
نواف:ههههه صباح النور وش في صوتك كل ذا من النوم
ريما بخجل: ايوه
نواف لاحظ خجل اختة وحب يكسر الخجل
نواف: ايش اخبار زوجك
ريما :بخير يسلم عليك
نواف: الله يسلمك الا بقولك اجهزي بمر عليك
ريمابصدمة: وين ان شاء الله؟؟
نواف:اذا جيتي راح تعرفي
اوكي
ريما: بقول لزوجي واقولك
يلا باي
نوف:بايو
نوف طلع وهو يقول في بالة معقولة حبيت جود وانا ما اعرفها معقولة اخذت عقلي
لا مستحيل هذا بس عطف وكسر خاطر
نواف مر على اختة بعد موافقة
زوجها
نواف:الووو
ريما: هلا نوف قلبي"تدليع نواف عن اختة"
نواف: يلا ريوم اطلعي انا برى
ريما:يلا بايوو
طلعت ريما لنواف
نواف كان شاري صندوق متوسط الحجم كل من حولة ورد جوري احمر واصفر كان الصندوق مسكر
وكان في قمة الجمال والاناقة
اول ماطلعت ريما من الباب طلع نواف من السيارة وحضن اختة بحرارة
نواف:وحشتينا يادبه
ريما بفرحة:وانتو اكثر
ركبو السيارة
نواف طلع الصندوق واهدا اختة بمناسبة الزواج كان داخل الصندوق طقم ذهب من لزوردي
ريما :مشكور ياقلبي نهديك في زواجك
ريما:صحيح نواف وين ما خذني
نواف بصوت هادي: ريما حبيبتي انتي مؤمنه بقضاء الله وانتي بنت مصلية وصايمة ولله الحمد
ريما طاح قلبها من سمعت هذا الكلام
ريما:نواف بختصار اكثر ابوي وامي فيهم شي
نواف:لالالا مافيهم شي
ريما:نواف شنو صاير
نواف: جود
ريما صرخت بصوت عالي
جود: شنو فيها
نواف ببتسامة يريح فيها اختة :بخير بس تعبانة
ريما: وانت وش دراك
نواف:طاحت امس بعد زواجك وانا قلت لازم تدرين منا ولاتدرين من الغريب
وصلو عند المستشفى نزل نواف وريما المستشفى وصلو لغرفة جود دخلت وكانت عندها باقة ورد روز روعة وصندوق مكتوب علية الحمد لله على السلامة(شرتة قبل لاتوصل للمستشفى) دخلت وحضنت جود وتحمدت لها بسلامة
برى في جانب غرفة جود
كان نواف واقف وحاط راسة على باب غرفة جود ويفكر
بجود
نواف: معقولة احبها معقولة حطيت قلبي بيدها وانا الي الكل مايتوقع اني احب يارب عوفك
فجأة سمع نواف صوت واحد واضح انا معصب رفع نواف راسة بتجاة مصدر الصوت شاف واحد واقف وجانبة بنت
نواف: خير الاخ تكلمني
نواف وهو مو منتبة جاتة ضربة على على وجة "قريب عينة اليمنى" ومن شدة الضربة سقط نواف بأرض ونزل الشاب على صدر نواف وظل يضرب بقوة على وجة نواف نواف من شدة الضرب فقد قوتة وما قدر يتماسك وستسلم لضرب الشاب بعد محاولات لنواف بجمع القوة لكن ما استطاع
والبنت الي مع الشاب تصارخ
البنت:فييييصل وش سويت للولد وهي تبكي حراااااااام مااااات الولد اتركة
كانت "البنت ريم بنت عم جود جاية مع فيصل يزورون جود"
داخل الغرفة سمعت ريما صوت صراااخ وطلعت لبرة جود حاولت تقوم بس ماقدرت من كثر الاجهزة
طلعت ريما وشافت ولد واقف وثيابة كلها دم وبنت جالسة حاطة ايدها على وجهاها خايف تشوف شكل الولد الجميل الوسيم الذي تحول الى شبح من كثر الرضوض والضرب
وهي تسمع صوت انين وبكاء البنت
فجأه لفت نظرها شاب طايح الى الارض ومرطخ بدمائه
نزلت ريما لنواف وهي من شدة الصدمة ما استطاعت تتكلم
ريما :نواف حبيبي اخوي قوم نواف لاتخلينا"كلامات كانت قليلة بس ثقيلة على لسان ريما"
ريما بصرخة هزت المستشفى قتلت اخوي قتلت شمعة البيت قتلت نور قلب امي وقلبي
جود سمعت الصراخ شالت المغذي من يدها بصورة غشوائية وطلع
جود بصوت ناعم ومرهف ومتعب: نواف
فيصل انصدم وظل في مكانه وريم مسكت ريما الي كانت بتذبح حالها من البكي
وصلو الاطباء اخذو نواف ودخل العناية
جود من نزف الدم الي في يدها وصدمتها بفيصل ونواف طاحت على الارض____



هل بموت نواف ؟؟
هل بتكشف جود قصة فيصل ؟؟
هل فيصل بيهرب بعد فعلتة ؟؟
هل جود بتعبر عن مشاعرة اذا كانت تحب نواف ؟؟
واخيرا ايش السبب اللي دفع فيصل يسوي كذا لنواف ؟؟

سنعرف بالبارت القادم

انتظرووووووني وانتظر ردوودكم

محبتكم رغووده