هذي قصة قراتها في احد المنتديات وحبيت انقلها لكم وانشاء الله تعجبكم
وكل ماتنزل الكاتبة البارت راح انقله لكم
الجزء الأول
القسم الاول من الجزء الاول
قصتي عن وحده اسمها ملاك عمرها 19سنه كانت بنت نعُومه طويله وجسمها متكتك تقول عارضة ازياء وكانت البنت اخلاق واجتماعيه دلوعه بس مو لدرجة كبيييره كان دلعها مناسب لها وكان شعرها ناعم وكثير ولونه بني وطويل يوصل لنص ظهرها وكانت قاصه شعرها فراوله بس مخيله التدريجات كثيره......
كانت ملاك جالسه مع اختها الي لها معزه كبييييييره عندها اختها الي اكبر منها نوره_22سنه
كانت نوره كله في غرفتها ماتطلع الا بالطقاق ممكن اذا صار كرم فيها تنزل تتغدى وبعض الاحيان تنزل هي ويا ملاك ويستهبلون ويسولفون وخبال (( صح ان ملاك كانت دلوعه بس دلعها على قدها لايق على شكلها النعومي وكانت اجتماعيه ومصرقعه وكل ردات فعلها ياتبتسم ياتظحك كانوا الا ستاذات في الثانوي اذا تكلموا عن البتسامه يلفون عليها صديقاتها يعرفون انها مهما صار ايش شيء تبتسم سواء كانت من صدمه....خوف....توتر....حتى اذا انحرجت تظحك ظحكه تخفي احراجها ))..
نوره((كانت شخصيه نفس ملاك اجتماعيه وخبال .....بس اذا عصبت ...الرجاء عدم الاقتراب ههههه بس ذا البنت يافيها قوه... قوية عين تعجبني هههههه..بس طبعاً ماتتجاوز الحدود..الحق معها بس ببعض الاحيان تخربها.))
كانوا يمشون نوره وملاك في السوق >>مسوين سناعه –يتبضعون- مع الوالده والوالد والصغار جايين يتنقون حلاو ...يعني بزارين هههههه
امهم:يابنات جيبوا عربيه انا معي وحده وانتوا الثانيه....
الخادمه:خلاس انا ااخوز واحد .....
ملاك بهمس:احسن..
نوره:ههههههه .....
ملاك تطالع نوره تدور في شنطتها:نوره وش تدورين......
نوره:هاه..ادور جوالي جتني رساله....
ملاك تتنهد:وعوووه من اولها جتك رساله يعني بتردين عليها ...صح!!...
نوره وهي تبتسم:على حسب ..
ملاك: تلاقينها عزيزه(شفره للي تحبه نوره اسمه عبدالعزيز حبته من قبل سنتين .. ولاحد درا عنه حتى الان الا ملاك ونواره<<هذا عبدالعزيز كانت نوره ماتحب تشكي لاحد الا عبدالعزيز تحس انه يريحها واذا انبسطت اول من يدري اهو بعده ملاك بس نادرا ماتنقلب وتقول لملاك اونواره(اصديقتها الروح بالروح)وماكان احد يريحها بكلامه من بينهم الثلاثه الا عبدالعزيز ....كانت علاقتهم صداقه.. علاقه غير متعمقه بين نوره و عبدالعزيز تحس انها تعزه بس ماتدري وش كانت المشاعر الي تلقيها له ...تحس انها بتحب احد بس ماتدري مين ..بس في الاخيراكتشفت ان حبها كان عندها بس هي كانت عمياء ماانتبهت لا لدقات قلبها الي كل ماسمعت صوت عبدالعزيز تحس ان ابعد الناس عنها يسمعون دقاته الا هي...وكل ماجاء طاري واحد اسمه عبدالعزيز تلتفت ولو انها ماتدري مين ...))
نوره ابتسمت وقالت :مادري ..........
ولقته هو عبدالعزيز مرسل لها رساله يقول لها انه دخل في الماسنجر يبي يكلمها..هو مايعيش بدون مايكلمها ولا هي تعيش بدون ماتكلمه.........
من بعد مالقته دخلت الماسنجر بجوالها وتكلمه وتسولف كان شكلها تحفه تمشي وعينها على الجوال لولا الله ثم ان ملاك منتبهه لها كان خبطت في اول واحد يمر قدامها ولا اول جدار قدامها ..
ملاك :وعووووووووه..درينا انك تحبينه بس في البيت حتى برا البيت ..يوه وانا متى يجي دوري..
نوره وهي مفهيه:هاه...ايه شوي بس........
ملاك:صكري جوالك كل خلق الله يطالعونك ..
نوره :مالك دخل ..اقول لك شوي بس ماراح اطول.................
ملاك بعد لحظة صمت:نوره حتى الان خمسه تغزلوا فينا وانتي في عالمك...
نوره :هههههههههه..
ملاك:تظحكين معي ....
نوره :لا مع الجدار ..ايه انتي...
ورجعت تكتب بجوالها...ملاك لاحظت واحد خايس يلف حولهم ف ماعطته وجه ..شوي الا هو جاي من الجهه الثانيه وهو يطالعها في بالها((وعووه))سفهته ..يوم شاف ان ملاك ملاحظه نشبته رفع الجوال مسوي لي يعني افتحي البلوتوث ((اقول تسند بس))..بعدين جاء من وراها ((اااااااااااه...نشبه))..
ملاك عشان تقنع نوره تصك الجوال :نوره ترا صف واحد زياده صارو سته يالله عاد صكريه..
نوره:هههههههههههههههه.طيب صكرناه ...
ملاك ملت كل ما لفت تلقاه:ياربييييييه..وش ذا.. المشكله خايس...
نوره: منهو هذا الي يلاحقنا وينه...
ملاك: شوفيه قدامك بالظبط..
نوره :ههههههههههههههههههههههه...يلعن ابو الخياس ياشيخه ههههه.....
ملاك : شفتي فينا شي يلفت الانظار؟؟!! ..
نوره : ماادري ..صح فيه كثير يبحلقون فينا مافيه شي غريب..
ام يزيد(امهم):نوره ملاك روحوا جيبوا هاالأغراض(وعطتهم ورقه)..
نوره وملاك:انشاء الله...
خذوا عربيه ومشوا يجيبون الغراض وقفوا الي راحت هناك والي هنا..
ملاك يوم رجعت لم نوره لقت نوره ترمي ورقه عرض حقت السوبر ماركت من العربيه ..ظحكت في البدايه على طريقة رميها ..يوم لفت لقت الخايس يمشي شكله مر عليهم..
ملاك:ههههههههههه احلا ياحركات ..والله انك منتب هينه..
نوره :الله يلعن هاالوجه..الله من زود الملح..لا ومجهز الرقم بعد..
ملاك ماتت ظحك:هههههههههههههه..
ام يزيد:هيه قصروا صوتكم الي في الشارع يسمعكوم ..عيب.. (توجه كلامها لنوره). وانت ليش ترمين الورقه كذا وش ذنب الي وراك..
نوره :الحمار الي توو حطها...
ام يزيد :واذا!!!.
نوره:هاه ..ليه حط الورقه يعني ......الرقم ياماما(قالتها بطريقه يعني تلمح انها واضحه)..
ملاك:حسافه مالتفت يوم رميتيها..
نوره : بيرجع ويشوفها ...
ملاك:ههه معليش ارضي بالواقع..ترا اليوم الموعد الرسمي لخروج الظبان من جحورها..
نوره:هههههههههه تقصدين التماسيح..
ترجع وتكمل كلامها: ياليتني خذيت رقمه ...
ملاك :هيييييييه تستهبلين..
نوره :لا بس عشان اعطيه عبدالعزيز يلعن والد والديه...
ملاك :من وين تجيبين الافكار الجهنميه ههههههههه .. بصراحه الله يكون في عونه...
نوره :خلاص خلينا نلطلع نروح نحاسب ترا ابوي دق علي لما قال ربي الله...
ملاك :مشينا...
بعدين طلعوا وراحوا للمطعم وكانوا خبال ماخذين راحتهم من جد وقرروا انه نوره وملاك يجلسون بلحالهم ويسولفون ونوره جتها رساله من عبدالعزيز مكتوب في الرساله((نوره ترا انا داخل الحين في الماسنجر اذا كنتي فاضيه ادخلي)) طبعا هي عندها فاضيه ولا مو فاضيه بتكلمه ودخلت بالجوال في الماسنجر......هنا عاد ملاك طنقرت(يعني عصبت) ..ويوم جاهم الطلب نوره جالسه وسافهه العالم..
يوم خلصت ملاك سحبت الجوال:جيبي الجوال ترا مصختيها....
نوره :يالدبه جيبي بلا بياخه...
ملاك :لا تخافين بس بقول له اننا في المطعم وانك بتتعشين..بس..
نوره:طيب على الاقل قولي انا ملاك فاهمه...
ملاك:لا تخافين بقولها..
وبدت ملاك تكتب وكتبت له ((السلام انا ملاك وللمعلوميه ترا احنا في المطعم ونوره الدبه ماكلت وهي من الصبح وهي ماكلت شي يعني اذا كنت تحبها وماتبيها تموت جوع خلها تاكل ..يعني راعي شعورها ))...
نوره عصبت :وش ذا جيبي ..لا ترسلينها مافيه اسلوب...
وبدت تحاول تاخذ الجوال من ملاك
نوره بعصبيه:ملييييييك جيبي..
ملاك :طيب قولي له انك بتتعشين...
انتبهوا لرساله جايه سحبت نوره الجوال وكان كاتب لها ((نوره امي تبيني اوصلها معليش بس بروح ..باي))
ملاك: جابها الله ههههه...
نوره :ها ها ها ماصخه...
يوم نوره جت بتاكل جت ام يزيد:خلصتوا؟؟؟؟؟......
ملاك :لا الاميره توها بتاكل..
نوره عطت ملاك نظره استحقار:لا شوي بس ليه خلصتوا انتم ...ماشاءالله امداكم...
ام يزيد :لا ماخلصنا ..بس وحده فيكم تروح مع منار للحمام تبي تغسل...
ملاك :انا بروح معها...(قالت وهي تناظر نوره)..وانتي كلي مو تسوين لي برود....
طلعت ملاك مع منار.....
((عايلتهم تتكون من ثلاثه بنات وولد اول بنت نوره وبعدين ملاك بعدين يزيد عمره 13بعد يزيد دلوعة اهلها منار الي عمرها 9 سنه )....
منار سبقت ملاك وراحت قبلها يوم جت ملاك بترجع طلعت لقت مجموعه من الشباب سادين الطريق ماتقدر تمر يعني واشكال الشباب مخربينها وهي خوااااااافه اذا صارت بلحالها ....
ملاك عشان تنبهم انها تبي تمر:اححمم..
الشباب لفوا عليها واحد من الشباب اول ماشافها قاللها :الللللللله..وناسه اليوم فيه قمرين والي قدامي احلا واحد....
واحد من الشباب الي معاه:احلا ياقمرين..طالع عمرو دياب ....
ملاك حست انهم ماصخين لفت ظهرها ودقت مشوااااار كله من ها الاشكال المتخلفه
واحد من الشباب:افاا القمر بخل علينا بنوره.....
ملاك ماعندها نقاش بس ماسكه ردة الفعل ولا كان لعنت والده والديه.......
سفهتهم ومشت واضطرت تدق مشوار..
يوم رجعت نوره:منار من زمان جايه وانتي وين كنتي ..
ملاك :يعني وين ..فيه شباب متخلفين خلوني انزل من الدرج وارقا من الدرج الثاني سادين الطريق ..
نوره (وهي تغمز):اهاا علينا ولا عازمه الربع....
ملاك طنقرت:هيييييييييييييييييييه وين قاعدين وع تخيلي انا اعزم.... الله يوفقني القاه اول بعدين يصير خير مو ابو فلفوله الي برا...
نوره:ههههههههههه يالله ترا تقول امي بنمشي.....
ملاك :طيب اصبري اعدل نقابي...
يوم طلعوا كانوا نفس الشباب الي هبلوا في ملاك موجودين برا عند الباب وابوها كان رايح يجيب السياره عند الباب...يوم شافوا الشباب ملاك طالعه . ..
ملاك:وعوووه..
نوره :وش فيك ...
ملاك:هذولي هم المتخلفين ...
نوره:وعع خايسين ...
واحدالشباب :اووه الله فيه نسختين من القمر الي هنا(يقصدون الي مع ملاك يعني نوره لان نوره وملاك كانوا نفس الطول ونفس العبايه بس الي مايعرفهم يقول يشبهون لبعض وهم ابدا لا يوجد وجه شبه واحد)
نوره :ملاك امسكيني لا اجي العن جدفهم هالخايسين...
ملاك : طنش تعش تنتعش....
ملاك (تغمز لنوره):لو عزوزي هنا كان لعن والدا والديهم ..مايرضى على قلبه وعيونه....
نوره استحت:يمه كاانك تقرين افكاري هههههه..
ملاك:ياحظي لين الحين ماجاء الي بيعذبني ...لا حظي عارفه انه بيعذبني وراضيه بالواقع.هههه...
نوره:ههههه الله يوفقك..وترا كل ...
ملاك سمعت نوره تقول كل (فكملت معاها):شي ياخذ مساره...
نوره:عارفه وش بقول يعني..
ملاك:اقول اول كنتي تقولين(if you want to have some thing you’ve never had do something you’ve never don)..
****(ان كنت تريد شيئا لم تستطع الحصول عليه ..افعل شيء لم تفعله من قبل)..
نوره: حلوه المقوله بس انا ماسويتها ..(فكرت وبسرعه قالت )وانتي لا تطبقينها فاهمه...
ملاك :لاتخافين علي انا حريصه...
وركبوا السياره ورجعوا للبيت...
كان يوم الاربعاء الساعه 12 قي الليل وبيداومون السبت ومابقا الا شوي على الاختبارات...طبعا نوره مهويه ماوراها دوام ونااسه بس ماوراها الا الخراط ..يعني عشانها فاضيه...
اذا تبوني اكملها لاتحرموني من ردودكم لانه القصة مررره رووعة