الفصل الخامس
مي وهي جالسه تفكر مدري خالد ايش اخباره صار محمد مايجيب طاريه وهو ماعاد يجي بيتنا .. أوه شفيني انا جالسه أفكر فيه ليكون ......... لالا ما اتوقع بس شنو هذا الاحساس اللي احس به الحين هل هو اهتمام وإلا اني فاقدته .. طيب وإذا فاقدته ايش يعني ؟ّ أوه خلاص راسي قام يعورني خلاص ماراح افكر بكره اسأل محمد عنه. وقامت لجوالها .. خلني اتصل لريما احسن لي .
ريمان : ألو
مي : أحلى ألو
ريمان : ياهلا فيك
مي : ايش اخبارك ؟!
ريمان : تمام و أنتي ؟
مي : تمام ..إلا باقولك ايش رايك نروح السوق
ريمان : تدرين فيني اني ماعندي مانع .. بس اسأل الوالده .. إلا اي سوق ؟
مي : مجمع الظهران (جيان) .. اوكي حبيبتي أنتي اسألي الماما وردي علي .. وأنا بدق على رهوف
ريمان : أوكي .. باي
مي : بايووو
ريمان : ماما .. وينها شكلها بعدها ما ترجع من العمل ..خلني ادق عليها احسن
أم ريمان : ألو
ريمان : يا هلا بأم ريمان الحلوه
أم ريمان : اخلصي قولي ايش تبين تدرين اني مو فاضيه لك
ريمان : مشكلتك عارفتني .. امممم حبيت استأذنك علشان بروح السوق مع مي
أم ريمان : أوكي روحي بس حطي في بالك على الساعه 11 تكونين بالبيت
ريمان : أوكي مام
رهف : ألو
مي : هلا .. ساعه على ما تردين
رهف : ماكنت جنب الجوال
مي : طيب أنا داقه عليك علشان تروحين معانا السوق
رهف : طيب نروح وش ورانا بس تعالي من بيروح معك دلع ؟!
مي : قال دلع قال .. لا يابابا بروح مع ريمان
رهف : طيب على الساعه كم بتمرون علي ؟!
مي : على الساعه 3 العصر كوني جاهزه .. أوكي
رهف : أوكي
----------------------------
نزار : مدام أي بوابة ؟
ريمان : هاه بنات تبون أي بوابة ؟!
رهف + مي : بوابة 1
ريمان : نزار بوابة واحد
نزار : أوكي مدام
ونزلوا ودخلوا المجمع وشافوا أنواع الزحمة فيه لان اليوم الخميس والكل إيجازه
مي : تبون نروح الكوفي والا اول نتسوق ؟
رهف : أول نتسوق قبل لا يأذن لصلاة المغرب
ريمان : وأنا من رأي رهوفه
مي : أوكي خلاص خل ندخل هذا المحل
ريمان : أي واحد
تقول العنود انه عنده ملابس حلوه femi9 مي:
رهف : طيب خل نروح ونشوف
وراحوا المحل وكل وحده تختار قطعه وتروي الثانيه علشان تاخذ رايها
ريمان : شوفي هذا الثوب الاخضر مو حلو؟!
رهف : إلا حلو
ريمان : أوكي خلاص بأخذه
رهف : وانتي ميو ما راح تاخذين لك شي
مي : الا باخذ هذي الشنطه البنفسجيه
رهف : الله مره حلوه .. طيب شوفوا هذي البدله بتطلع علي حلوه ؟!
مي + ريمان : مو بس بتطلع حلوه إلا كأن مفصله خصيصاً لك
رهف : أوكي .. خل نحاسب بسرعه ونطلع نروح محل ثاني قبل لا يضيع الوقت وحنا واقفين مكانا
وحاسبوا وطلعوا
ريمان : خل ندخل إيتام
رهف + مي : أوكي
ودخلوا وأخذوا لهم أغراض منه <<ما راح اقول ايش هي ^_^
بعدين وأهم يتمشون أذن المغرب وراحوا يصلون ولما خلصوا راحوا ستار بكس
رهف : لو سمحت واحد موكا واثنين اسبريسو
وجلسوا وشربوا اللي طلبوه
مي : شوفي هذا شلون جالس يناظرنا
رهف : أي واحد فيهم
مي : هذا اللي لابس تيشيرت أحمر
رهف : شفت .. يمه يخوف شكله ويسوي حركات بعد
ريمان : وش يسوي ؟
رهف : يأشر على جواله .. يقول افتحي البلوتوث
ريمان : وأنتي سمعتيه قال كذا ؟
رهف : نسيتي اني اعرف اقرأ الكلام من حركة الشفايف
مي : ايه صح .. طيب خلونا نقوم بلا مسخره هالاشكال
ريمان + رهف : يالله
وهم يمشون مي طالعوا موهذا عبد الرحمن أخو العنود؟
رهف + ريمان : ايه والله
مي : بس ما اشوف العنود معه
رهف : يمكن جاي مع ربعه
ريمان : احنا وش علينا منه خلونا بس ندخل هذا المحل
وكذا حالهم .. لين صارت الساعه 10 بالليل
ريمان : يالله خلنا نروح نتعشى
رهف : انا بطلب من هارديز
مي : وانا من البحار
ريمان : وأنا بطلب من كنتاكي
وطلبوا لهم وتعشوا وكل وحده رجعت لبيتهم ووينك يالسرير
نهايه الفصل الخامس