الفصل التاني ...
دق جرس الباب
خديجة : ماااااارية قومي افتحي البااااااب
مارية : طييييب دحين قايمة دقيقة
فتحت مارية الباب اتفاجأت ببنت : فين امك ؟؟
مارية : هي دحين نايمة مين ؟
البنت : انا بنت الجيران من الدور الاول ^^و كنت حابة اتعرف بس
مارية : اها طيب لمن تصحى ماما باقولها
البنت : طيب ^^
خديجة باستغراب : مين يا ماااارية ؟
مارية : بنت الجيران
خديجة : أماااااانة !!
مارية : والله
أبو وليد : مييين كان عالباب يا مارية ؟
مارية : بنت الجيران كانت تبا ماما من الدور الاول
ابو وليد : هههههههههههه ربنا رزقنا بجيران دحين الحمدلله
خديجة : من جد والله 7 سنوات و نحن ساكنين في داكا البيت و لا احد جا دق و لا سال عننا
شوية بعد كم ساعة ...
رن جرس الانتر كوم
رفعت خديجة : مين ؟؟
وليد : هدا انا وليد انزلي تحت افتحي الباب
خديجة : طيب دقيقة
تصرخ خديجة من بعيد : باباااا باروح تحت افتح الباااب عشان اخويياااا
ابو وليد : طيب طيب بس لا تصرخي وي
قامت خديجة من مكانها و لبست العباية من دون ما تطقطقها و لفت الطرحة اي كلام
************
في هدي الاثناء في الدور الاول ...
محمد : أمي انا رايح البقالة تبغي شي قبل لا اخرج ؟
أم محمد : ايوا الله يرضى عليك جيب لي معاك بقدونس و لبن زبادي و مرة وحدة سفن اب
محمد : طيب يلا انا خارج مع السلامة
أم محمد : في امان الله
لبس الكاب الاحمر و البلوزة البيجية باكمام طويلة و واسعة من نحفو
لبس الشوز و قفل الباب و خرج
محمد : عمره 21 سنة في السنة التالتة بالجامعة .. طيوب و هااادئ مرة و يحب الجلسة قدام التليفزيوون و مرة غامض .... شعره اسود فحمي كيرلي نحيف عيونو سودة واسعة رموشو كتيفة و طويلة و شفايفه حمرة و ابيضااني بشرتو و نحيف و طويل
قام محمد خرج و مرة وحدة فتح الباب لوليد و سلم عليه و وليد بسرررعة طلع من الدرج للبيت
و خديجة نزلت من المصعد و سارت تجرررررري تفتح الباب
و ....... درررررربج حدث الاصطدام
واتفكت عباية خديجة و تساقطت خصلات شعرها البني الناعم على وجهها البريء وهي مهي منتبهة بمين انصدمت و ماسكةراسها : آآآآآآآي راااسي
سكت محمد بدأ يطالع في جمالها اللي هو في عيونو الجمال مع انها جميلة فقط ..
شوية ,,,,,,,,,,,,,!!!!