[احساس خالد]

سافري لابعد مكانٍ ان كـان فعـلاً تقدرينـه
سافري ياأغلا فقيدة وانسي انـواع العـذاب
سافري ياول عذابي وقصة الحـب الحزينـه
اجعلي دربي شتات وذروة أحلامـي سـراب
كنت أحبك وانتي أغلا من سكن وسط المدينه
مابعد صدك صدود ولابعـد عـذرك عتـاب
كنت قلبٍ فـي كيانـك ماقدرتـي تفهمينـه
كنت دفتر في خيالك لاشتهى فكـرك وطـاب
كنت دمع وكنت ليلٍ وكنتي انتـي تسهرينـه
وكنت قلبٍ مايعاتب عن سبب سـر الغيـاب
كنت انا نبع الحياه اللـي بيدينـك تشربينـه
كنت انا باحسان ظنك ولابعد قلتـي وخـاب
كنت انا ورد بكفوفك وان بغيتـي تقطفينـه
تنثني أغصان قلبي وكـل ورداتـك تهـاب
كنت لك غبة بحرك وكنتي انتـي تسبحينـه
زادت جروحي جـروح وزودتنـي التهـاب
ماغدرك الموج لكن !! كنتي أنتي تغدرينـه
وماتحديتك وانا ادري راس مالي الانسحـاب
كم جنيتي الحب مني قبل لانتـي تزرعينـه
كنتي تقريني سطـور قبـل تقرينـي كتـاب
سافري قبل انتلاقا ولايهمـك ويـن وينـه؟
لايهمك كـود دربـك ياعسـاه بـلا آيـاب
ارحلي يانور عيني وامتطي ظهـر السفينـه
مايهم قلبي رحيلك دامـك اشبـه بالسـراب
واتركيني قلب عاشق مالقـا لـه عاشقينـه
وحطمي مبنى العلاقه واسكني وسط السحاب
عاشقك موّت ضميره وجيتي انتي تطلبينـه
مابعد موت الضماير يابعد عمـري حسـاب
لو دريتي عن غلاك وكنتي ثالـث والدينـه
مارخصتيني وبعتي قلـب عاشـق بالتـراب
ابحترم ماضي نسيته واكتبه ذكـرى ثمينـه
واكتب التوقيع (عاشق ) مالقا درب الصواب
بوعدك يانور عيني قصتـي تبقـا سجينـه
وارحلي مادام قلبي شـال همـك والعـذاب
سافري باوراق شعري واحفظيها لك رهينـه
واكتبي العنوان ( شاعر فارق احبابه وتاب)
سافري قبل النهاية حتى العـزا لاتحضرينـه
واكتبي ذكرى وفاتي ( مات في عز الشباب)