منتديات غرام اجتماعيات غرام نقاش و حوار - غرام خلع الزوجة حذاء زوجها مذلة أم تدليل ؟
امواج الشوق ©؛°¨غرامي نشيط¨°؛©

بسم الله الرحمن الرحيم


اخواني الكرام .. اعجبني هذا الموضوع في احد المنتديات واحببت ان اطرحه عليكم لاخذ ارائكم فيه ..



ِ
يقول عليه الصلاة والسلام :

لو أمرت أحداً أن يسجد لأحد لأمرت المرأة أن تسجد لزوجها .

والسجود أعظم المذلّة . .


إذاً . . لا مذلّة بين الزوج وزوجته .



في الماضي الزوجات في معظمهن يقمن بفعل بعض الآمور لازواجهن

كأن يخلعن حذاءه وجواربه

يغلسن اقدامه

وبعض الامور الاخرى التي لم تعد تحدث مع نساء الوقت الحالي


هل تقبلي ان تقومي بغسل قدمي زوجك او خلع حذاءه ...ولماذا؟

هل تقبل ان تقوم زوجتك بذلك ؟




بانتظار ارائكم ,,


واختلاف الرأي لا يفسد للود قضية

ودمتم بخير

Medᴓ ©؛°¨غرامي مجتهد¨°؛©

هل تقبلي ان تقومي بغسل قدمي زوجك او خلع حذاءه ...ولماذا؟
هل تقبل ان تقوم زوجتك بذلك ؟
الصرآحه ..!
اذا جبرني (( عناد )) ماني مسويه كذا .. حتى لو يضربني ...@

لكن ..
-----------> لو على مزح او شئ كذا .. عادي من عيوني
بس بالأخير .. --------------> [ .. اهون عليه ..] !!!!


:::

منسدح بالصاله عضو موقوف من الإداره

هل تقبل ان تقوم زوجتك بذلك ؟
إن رجعنا للحقيقه وللأصل

مافيه أي رسميه أو مذله أو من هذا القبيل بين الزوجين أبدا

ولا فيه إني أتحدث بها وأشوف هذي منقصه للزوجه وإني خليتها تغسل رجلي

اللي يقول مثل هذا فهو ناقص لأن هذي زوجتك واللي يجيها يجيك وهي أم عيالك

لكن تفكير الشباب هذي الأيام صار سخيف

وهذا الكلام اللي نسمعها كثير في هذي الأيام

لا تذلين نفسك له والنصائح اللي تاخذها المتزوجات من بعضهم البعض

واللي سببت في الكثير من المشاكل وحالات الطلاق وبعدين تسب صديقتها وتقول بأنها السبب

في اللي صار

أو لا تسمع لكلام زوجتك تراك رجال ولا تاخذ منها رأي وكأنها من ( سقط المتاع )

هذي ما طلعت إلا في السنوات الأخيره وفي الأجيال الأخيره

ولا إسألوا العجايز والشيبان يعني كبار السن

كانت المرأه تصبر صبر لا يعلم به إلا الله

ولا سمعنا إنه وحده فيهم ( زرية ) يعني راحت لأهلها زعلانه

حتى فرج الله عنهم وصارت حياتهم سهله

حتى سبحان الله نادرا ما تشوف إن الواحد ياخذ له زوجتين

أنا أتكلم عن مجتمعي والله كلهم متزوجين وحده إلا ناس معدودين

ولا زال فيها بنات ما شاء الله عليهم يحافظون على هذا الشئ

وما تأثروا بهذي التفاهات وصار الشي المهم عندها رضا زوجها وإنها تحافظ على بيتها

أما تجي الوحده مسويه فيها غرور وثقل وإن عندها كبرياء وعزة نفس

أقول خلي عزة نفسك تنفعك إذا صرتي عند أهلك والخاسر هو أنتي

ولا الرجال النسوان يا كثرهم


نرجع للسؤال اللي طرحتيه

أما عن نفسي فأنا ولله الحمد أملك يدين وأقدر أخدم نفسي بنفسي

والنبي صلى الله عليه وسلم كان في مهنة أهله

كان يخصف نعله ويرقع ثوبه

يعني لهذي الدرجه كسلان الواحد إن يخلع شرابه وحذيانه ويغسل رجله ( الله يكرمكم )

أنا واثق بأن بعض الزوجات ما تقصر وتتحمل محبة له وإرضاء له

لكن أشوفها بايخه والله وبأنها وصلت لدرجة إن ما عنده إحساس ولا شعور بالطرف الثاني

فيه أشياء يمكن تسويها لك تزيد من المحبه وأنت تستطيع تسويها لكن حتى هي ترغب تسويها لك

لكن بعض الأشياء أشوفها زياده عن الحد ونسميها ( دلع ) وتسلط زائد



وأشكرا على موضوعك الروعه

ســـارا ذبــوحـ صغـيــرونــه ــه

امممممــم >>الصراحــه اشوفها عادي ياروحــي
مافيـها شي ولا فيــه مذلــه
لأن الزوجيـن مابينـهــم مذلــه
وبعديــن ياقلبـي يستاهــل انـي أغسل رجلينــه وأسوي له مسـاج بعد
لأنــه يـجي من الدوام هلكـان وتعبـان ويشقــى عشان زوجتـه وعيالـه
>> مسويــه الأخت متزوجــه >> هع هع


تحياتــي

you'r my destiny ©؛°¨غرامي فعال ¨°؛©


أسئله جميله
هل تقبل ان تقوم زوجتك بذلك ؟
عني شخصياً

ما افرض هذي الحاجه على زوجتي ولا اطلبها
لكن هي من كيفها تسوي كذا

واكون مبسوط كأني هارون الرشيد بزماني


ومن جد ألله يسلم يديها



تقبلي ودي

ابو فهد

امواج الشوق ©؛°¨غرامي نشيط¨°؛©

يسلمكم ربي على ارائكم ،،
وكل الي ذكرته اخووي منسدح بالصاله صح ،،
بهالوقت ،، مافي احد يخرب العلاقة بين زوجين ،، غير الناس ،، بس طبعا مو الكل ،، !!

وانا بعد راح اجاااوب ،،
اذا تزوجتـ بإذن الله ،،
اكيد هالشي ما اعتبره ذل ،،بالعكس من زوود اهتمـــامي به ،، !
واذا ما اهتميت فيه انــا منو بيهتم فيه غيري ،،
طبعــا ،، وهو كذلك ما اعتقد بياخذهــا عاده ،،
يعني ،، اوقااات ،، ^ــ^ ،، مو كل يووم ،، !!


تسلموون لي كلكم ،، واشكر كل شخص اعطااني رايه بالموضوع ،،
دمتم بخير

روح الحريه ©؛°¨غرامي مشارك¨°؛©

لو أمرت أحداً أن يسجد لأحد لأمرت المرأة أن تسجد لزوجها .

والسجود أعظم المذلّة . .

لاأعتبرها مذلة هذا إحترام والله كرم الإنسان بإختيار طريق ومصيره نجاته أما الحق أو الباطل وهذا دليل
على أن الله كرم الإنسان وجعله في أعلى منزلة بين المخلوقات ولم يأمر المرأة بسجود بل دليل على حق الرجل العالي المستوى

اما إذا قامت المرأه بذلك فيدل على إحترامها لزوجها أما إذا أمراها بذلك فهاذا هو الذل الذي لا يرضاه الله
مثلاً
المرأه لو لم تهتم بالمنزل لا تأثم لأن ليس من حقوقها ووجبتها ولكن من بالباب الحسن العشرة

e7sas 4reeb ©؛°¨غرامي نشيط¨°؛©

والله الزوج الطيب اللي يتعب ويشقى ويشتغل ويحترم زوجته ويحب عياله وغيره >>> طولت

يستحق ويستاهل وهذا نوع جميل من الود والتدليل

والله مافيها شي لو جت دللته شوي وحسسته بانها تحبه وتحاول تريحه شوب

شي جميل ورائع منها

مثل ما قلتي في الحديث

يقول عليه الصلاة والسلام :

لو أمرت أحداً أن يسجد لأحد لأمرت المرأة أن تسجد لزوجها .



دمت بود


^^

رهاافي ©؛°¨غرامي فضي¨°؛©

هل تقبلي ان تقومي بغسل قدمي زوجك او خلع حذاءه

طبعا وبكل تأكيد بعـد ... اذا تزوجت طبعـا وبكل تـأكيد سوف أقـوم بهذه الأشيــاء

أصلا بدون مايتكلم أو يطلب مني .. لأنه راح يكون جزء مني "قطعة مني"

كيف ماأغسل ريوله أو أخلعه حذائه ..هذا يزيدني شرف وسعادهـ

الزوجه واجب عليهـا إنها تقوم بمثل هالأشياء بدون مايطلب الزوج منها

لأن مثل هاذي الامور يجب أنها تكون نابعه من الواحد نفسه بدون ماأحد يطلبه منه

وبالمقابل أكيد الزوج ماراح يقصر في تدليل الزوجـه إذا شاف إنها مو مقصره معاه

وهذا الشي لايعتبر مذله ابدا ابدا على الاطلاق ..وأي زوجه تفهم إن هالشي مذله

فهي فاهمة الحياه الزوجيه غلط ومااحس إنها واصلة قمة السعاده مع زوجها ..

هاذي وجهة نظري اللي مقتنعه فيها اقتناع تام تام ...


اشكرج ع هالموضوع ..

][^][عساف][^][ ©؛°¨غرامي متألق ¨°؛©





مرحبـا
أنا أشوف إذا كان الزوج هو من طلب هالشيء .. فهو واحد من اثنين يا يكون فاهم الحياه الزوجيه خطأ ويحس إن هالشيء من حقوقه ، أو إنه يبي يذل زوجته .. (هذا إذا كان هو اللي طلب هالشيء).
وإذا تزوجت و طلبت مني زوجتي هالشيء .. أكيد بكون مبسوط لأنها بهذاك الوقت بتثبت لي اني انا وهي واحد (على كلام رهافي) .. لكن مستحيل أخليها تسوي كذا .
.
.
ومن ناحيه اخرى .. لو قام الزوج بهذه الاشياء لزوجته (سواء خلع حذاءها او غيره) .. فبنظري اعتبره شخص راقي و فاهم للحياه .. لأن لزوجته حقوق مثل ما له حقوق ، والمرأه بطبيعتها غير الرجل فهي تهتم لأشياء و تنظر لها باعتبار قد لا يراعي لها الزوج أي انتباه ، يعني كلمه من الزوج قد تسعد زوجته و كلمه يقولها ماحسب لها تخليها تتنكد أيام .


هذا بنظري .. و أتوقع حتى لو تزوجت ماراح تتغير نظرتي .
تحياتي للجميع
.
.
عسـاف

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1