اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 121
قديم(ـة) 31-01-2009, 10:23 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، للكآتبة n-warey


هزاع:
يا زهرة الكون غيرك في الملى ملي
انته هوايه وعيني اللي أشوف بها
انته مقاتي وشربي بشمسي وظلي
ومن دونك الروح يا مكثر مشاكلها

إن غبت من عيني لحظة دمعتي تهلي
دمعه حزينه على الخدين مثقلها
ومن دونك الكون كله عندي ينملي
أشوفه أضوق من الإبره ومدخلها
أكتم مماتي عن الشمات يفطلي
وأصبر الروح من شانك وأحملها
وانته اتمادى بهجري ليش يا خلي
وإن يتك شكواي تتجاهل وتهملها

إن ييتني يا خفيف الدم تاملي
بهجة عمر يالغلا ماحد يعملها
إلا انته يا صاحبي وإنك التصافلي
يا بهجة الروح دنيايه تعدلها
أرجوك راجع حسابك فيه وانظرلي
بالطيب والزين والمعروف كملها
سلمت عمري وروحي لك وعدلي
غير حياتي وذوكرها جملها..


صارت ساعتين لين ماظهرت قصايد ..والحبيب يالس يطرب عمره لين ماتظهر,,,

تظهر قصايد يكرمكم الله من الحمام ...وويها احمر ...

ينش هزاع من الشبرية وهو يشوفها ويتأمل بها ...

قصايد: يوووه هزاع لا تم تتأمل فيني جي ..والله استحي..

هزاع: فديت اللي تستحي ويروح لها ويشلها ويدور بها بوسط الغرفة ...

قصايد: هههههههههه هزاع بدوخ دخيلك ..وقف...

هزاع: اول تحبيني...

قصايد: هيه احبك ..لو ماحبك كنت ماخذتك ولا شو رايك...

هزاع: رايي بقولج شو هو ويغمز لها ...

ويروح وياخذها وينزلها ع الشبرية ...

هزاع: احم .n-warey ممكن ...خصوصيات ...

n-warey: امممممممم افكر...

هزاع: لا والله بعد تفكر ...يالله اشوف جلبي ويهج وخليني ويا القلب..وروحي كتبي النهاية ...

n-warey: قلت انك مصلحجي....يالله تهنوا ومبروك مقدما ...

هزاع وقصايد : الله يبارك بحياتج ...



النـــــــــــــــــــــــــــــــــــــــــــــــ ــهاية .....


خلوني اخبركم عن الاحداث بكم من سنة ....

اول شي خلوني اخبركم اللي بالرماح ...في بيت بوغانم...

الثنائي الرائع غانم وشويخ ...لهم من الاعيال 3 ولد وبنتين ...البنت اسمها الغلا والثانية لطيفة على اسم عمتها الله يرحمها .. والولد سمته غيث...طبعا الام العودة بالبداية رفضت تسميها الغلا ...قالت لازم تسمون بنت على اسمي...شويخ رفضت وعاندت ...وسمته الغلا..لانها ماتبي بنت تظهر شرات امها العودة ..غانم ترقى بالدوام ...وبنى بيته من اول ويديد وسوى حديقة خاصة كلها من زجاج وفيه انواع الزهور وعلم شويخ كيفية الاهتمام بها ..وتلاقون عشاهم وفطورهم كل بالحديقة

....نورة من بعد ماخلصت الثانوية ...على طول تزوجها ميحد ..وبعدها سافروا للخارج ...عسب ميحد حقق امنبت نورة انها تدرس بالخارج وتصير دكتورة وبالتالي مرة وحدة ميحد راح يكمل ياخذ ماستر بالخارج ...

عووش وبطي ولا احلى منهم ...بطي راح انتقل للعين بسبب شغله نقلوه ...فخذ عووش معاه وسكنو بالعين ..طبعا بالبداية بطي خاف ان عووش ترفض لانها ماتبا تبعد عن اهلها ...لكن عووش قالت ان البنت من بعد ماتتزوج ماعندها غير ريلها وين مايروح تروح وياه .....وعنده منها ولدين ...واحد اسمه عبدالرحمن على اسم ابوها ..والثاني اسمه عبدالله على اسم ابوه بطي....

عايلة بوذياب..

مبارك وحور عايشيب بابوظبي بروحهم بشقة ..وعندها من مبارك ولد وبنت ...البنت سمتها مهرة ...على اسم المرحومة ..والولد سمته ذياب....عايشين مستانسين ...

ميحد قلنا انه خذ نورة وسافروا للخارج للدراسة بس اوقات الاجازة ايون الامارات...

ذياب والهنوف..خذوا قسم كبير من البيت من بعد ماطلع مبارك وميحد وغبوش وسوو لهم جناج كبير...عسب الهنوف تاخذ راحتها بالبيت ...وشيما وعبدالله كل واحد له غرفة ....

ظبية من بعد ماتخرجت من الثانوية دخلت جامعة ابوظبي..تدرس..من بعد مادخلت الجامعة اربع يو خطبوها لكنها رفضت ...قالت تبا بالبداية تكمل...صارت ظبية حبوبة من الكل وترابعت مع بنات ..وكل وحدة تباها لخوها بس هي ترفض...لكن بالنهاية يا واحد وخطبها وافقت عليها ..تتوقعون منو ..امممممممممممممم عرفتوا منو ..لا مو منصور فارس ..وافقت عليه ..فارس استغرب بالبداية وماتوقع انها راح توافق .لانها رفضت غيره ...لكن بعدين اعترفت ظبية انها حبت فارس من اول ماشافته بالعزبة وظل حبها ومحد عرف بحبها له ...واستانس فارس ان في حد يفكر فيه ويحبه....

نروح للسويحان ...

ام كايد ...رممت بيتها من اول ويديد من بعد ماظهر مانع وسكن بحاله هو ويا حرمته ..وسوت جناح كبير حق كايد اللي رفض انه يترك امه ...وياب لها خادمة ..تساعدها بالبيت ...وفطيم حملت ويابت حق حماني توم اخوان بنت وولد ..وسمتهم مايد وميادة...وسوت غرفتين للضيوف..عسب ان حور ومانع ..اتفقوا بكل ويك اند انهم يروحون السويحان ويباتون عند امهم ...طبعا غبوش وياهم ..لكن مبارك بيت ابوه ...واوقات يروح يزورهم وبالليل يرد الرماح ...

نروح للعين ..

الريم وخالد ...احلى ثنائي...عايشين ع الحلوة والمرة ..اوقات ضرابة واوقات ضحك ...والريم لها من خالد 3 اولاد ...علي وعبدالله وماجد ...وتخيلو ان علي وعبدالله ظهروا شرات علي وعبود المشاغبين ..تدرون ليش ..لان اول ماعرف علي وعبدالله سموهم باسمائهم قالو لازم نخليهم شراتنا ..عاد تلاقون هالصغار اول مايوون علي وعبدالله العين يتلصقون فيهم وياخذون منهم كل حركة..ويتعلمون منهم ..اما ماجد النونو الصغير مسكين هادي ومايحب علي وعبدالله يشلونه ..يتم يصيح ....

منال خذت سعيد وسكنت بابوظبي في بيت عمها ...وهي حاليا تكمل دراستها بجامعة زايد وهي حامل....بحملها الاول...

نروح لابوظبي...

حمد ودانه بروحهم بالشقة ...ولها من حمد بنتين ..فجر وطيف..وتلاقون علي وعبدالله عندهم ..فوق هالشي علي وعبدالله المستنسخين منهم من ايون من العين عاد على طول يروحون بيت عمهم حمد ..وتبدا المشاغبة ...ودانه عادي عندها تستانس يوم علي وعبدالله يزورونها ...

عايلة بو سلطان ...

سلطان بالبداية قال بيسكن بروحه بالبيت ..عاد علي وعبدالله رفضوا وعارضوا لانهم مايبون يتركون يدهم ويدتهم ..احتجوا وامتنعو عن الاكل ..وبالنهاية وافق ابوهم انه يظل بالبيت..وعدل جناحهم ورمماه مرة ثانية . ...وطبعا امنه استانست ان سلطان وافق يسكن بالبيت ويا ابوه وامه ...بالاساس ان امنه هي اللي عطت الافكار حق علي وعبدالله انهم يحتجون ولا يوافقون ....

سعيد ومنال ساكنين وياهم بالبيت ...وبالمرة تكون قريبة من اختها بوقت ولادتها عسب لاتخاف....

علي وعبدالله الثنائي المرح ..الكل اللي مااستلم من مقالبهم ..لي درجة ان مرة سوو مشكلة كبيرة بالمدرسة ...وتعاقبوا عليها لمدة اسبوع انهم مايروحون المدرسة ..وبالتالي حصلوا تهزيبة من ابوهم ويدهم ...ومنعوهم من مصروفهم ...لكن الاحلى ان جميع طلاب المدرسة الخاصة والمعلمين والمعلمات احتجوا وعارضوا المدير وطلبوا منه انهم يردون علي وعبدالله ...لان المدرسة مو حلوة من دونهم ..وطبعا وياهم العنود اللي تعودت على اسلوبهم ....ماشاء الله لهم شعبية كبيرة ...

نروح لبيت بوسهيل...

سهيل وشما ...عندهم ولد وبنت ...الولد سمته خالد والبنت سمتها خواطر,,,وشما تركت الشغل ...عسب تتفرغ لتربية اعيالها وريلها ...

العنود مازالت تدرس وكونت صداقة مرة ثانية ...مع ذالك مانست ربيعاتها اللي بالمدرسة الحكومية وبالمرة عرفتهم على ربيعاتها اليدد...

سهيلة تقدم لها ..بالبداية رفضت لكن بالحاح من امها ودانه انها لازم توافق..ومستحيل البنت تظل من دون زوج ...بالتالي وافقت ...واللي تقدم لها هو اخو طيف يوسف....وبالتالي يوسف قرر انه يسكن بابوظبي....

نروح لعايلة ...بوحمدان...

حمدان وطيف تعلق حمدان بطيف لدرجة كبيرة وماصار يبتعد عنها ...واللي تطلبه طيف ينفذه لها حمدان...وتلاقونهم بكل صيف يسافرون للسياحة وطبعا يروحون الكويت عسب تزور اهلها ...وطيف هي اللي خبرت يوسف عن سهيلة وانها ماراح يلاقي احسن منها ...فطلب يوسف من طيف تخطبها له ...وفرحت وايد طيف...واكثر شي فرحت يوم وافقت سهيلة ...وحمدان عنده من طيف غير حميد...واحمد والمها ...

حامد تزوج من هيوم ..ولا احلى من هالاثنين روماسنية لابعد الحدود اللي يقول حامد مامصدق انه خذ هيوم ...مايخلي شي الا يسوي لها ..وينقهر من هيوم يوم تتعازم مع البنات لان كل الوقت ويا البنات ...وهو مايبا يبتعد عنها ..ابدا وعندها بنت منه واسمها هيا وهي حامل الحين ....

نروح لبيت بوهزاع ...

منصور اخر سنة للجامعة عسب من بعد الباكلوريوس كمل ماستر ..وبنفس الوقت يشتغل...ظبية رمست فارس عن وحدة من ربيعاتها انها بنت ناس وليش مايرمس منصور عنها وبالتالي يروح يخطبها طبعا ..فارس رمس منصور..وخبراه وبعدها وافق منصور ..وخطب منصور ربيعة ظبية اللي تدرس وياها بالجامعة ...

سيف وهنودة ومحمد ردوا من لندن من بعد ماخلص سيف دورته للخارج ..واستقر في بوظبي وسكن ويا ابوه بالبيت الكبير...ماحب يظهر من البيت وسجل ولده في مدرسة خاصة تروح فيها مريامي...عسب الاثنين يكونون مع بعض....وهنودة حاليا حامل بتوأم ...

خلونا من هزاع هذا اخر شي بقول عنه...

نروح لبيت بوفهد ...

بوفهد وام فهد عايشين والحمد لله ..وابوفهد بكل صيف ينزل هو وحرمته وامه العودة ويروحون المغرب ....يقضون الصيف هناك ..طبعا الام العودة بالبداية رفضت تروح ..لكن باصرار من ام فهد وافقت ومن بعد ماراحت المغرب وشافت المناظر اصرت على ابوفهد كل صيف ينزلونها وياخذونها المغرب...<<<تجدد صباها هههههههههههه

خليفة اشترى فلة وخذ حرمته موزة وعياله عسب يسكنون بحالهم ..موزة رفضت بالبداية انها تسكن بعيدة عن عمتها ..طبعا الام العودة عصبت من خليفة ليش يبتعد عنها ..ماتحب عيالها يكونون بعيد عنها وخاصة خليفة لانه اصغرهم ...طبعا بإلحاح من موزة انها ترد تسكن بالبيت لانها ترتاح اكثر يوم تشوفهم كلهم مع بعض وافق خليفة ..وبالتالي ظهر من الفلة وردوا للبيت الكبير..اما الفلة اشتراها هزاع وسكن هو ويا قصايد وعياله ....
موزة ماشاء الله عليها ماقصرت باعيالها ...ولافضلت حد ع الثاني وشويخ تعتبرها شرات بنتها واكثر تعطيها الحب والحنان ...وعلمت اعيالها ان شويخ هي اختهم من ابوهم مو معناتها يغيرون طبايعهم ...بالعكس لازم يحبونها ..لان الام مو اللي تولد الام اللي تربي وتتعب ...

سلوى وعبدالعزيز ثنائي رائع ...سلوى زاد حبها حق عبدالعزيز ..وعندها من عبدالعزيز ولد وسمته على اسم ابوها سالم وطببعا ماتفرق بين ولدها وبنت ضرتها المرحومة ...وسلوى تروح تزور خالة عبدالعزيز وتطمن عليها مع انها هي السبب اللي فرقت من بينهم ...

فهد ومياسة ...فهد سال بالبداية مياسة لو تبى تسكن بروحها بشقة ..لكن مياسة رفضت لانها تبا تكون قربة من امها وابوها وعمها وعمتها ..وانها تحب اللمة واليلسة وياهم وماتحب تيلس بروحها بالشقة من دون شغل..عسب فهد طلب من مياسة من بعد ماتخلص الجامعة انها تيلس بالبيت تهتم فيه وبعيالها ...ومنه من فهد اربع وحاليا ماتبا ...بنتين وولد ...البنات اساميهم ..شيخة تنفيذا لامر الام العودة ...وشرين ...والاولا سالم باسم الجد ..وعبدالله باسم عمها ...

فارس طبعا قلت لكم بالبداية انه كان يبا يخطب بنت خالته ..من بعد ماخطبها رفضت لانها ماتبا تبتعد عن اهلها وتسكن بالامارات ...تقبل فارس هالشي...وبعدها كمل دراسته وخلص واشتغل بشركة عمه ..مع حامد ومنصور الثلاثي اللي مايفترقون ...امه يابت له صور بنات من خطابة عسب يشوف وحدة وتعيبه وبالتالي امه تخطبه لكنه رفض..وموزة خبرته عن ظبية وعن اخلاقه ..فوافق فطلب من امه انها تخطب له ظبية ..فخطبوها له ...

خلوني اقول لكم عن الام العودة...مسوية قرار ان كل ويك اند لازم يروحون للعزبة ولا واحد يتأخر خمس دقايق ولا الويل له ...طبعا الكل ينفذ امرها ماعدى هزاع وقصايد ..بخبركم بعدين عنهم شو يسوون ..عاد هني تعصب عليهم ليش هم مايوون العزبة ..لكن قصايد وهزاع مايقصرون ويشترون لها بخور وعطور عسب ان الام العودة بدت اتاجر ببيع البخور وتربح ..فالبتالي من تشوف البخور يايبينه لها ترضى عنهم ...منو قدها ..تاجرة الحبيبة ...بس وين الفلوس اللي تربحه نصه تعطيه وتوزعه على اليهال....

الحين خلوني اخبركم عن هزاع وقصايد ...اللي سكنوا بحالهم بفلة من بعد مااشترى الفلة من عمه خليفة ..وقصايد هي اللي سوت التصميم حق بيتها ..كل غرفة الاثاث من بلد..من تركيا ..ومن المغرب ومن سوريا ..ومن ايطاليا ...هزاع وقصايد عايشين احلى عيشة ..تلاقون كل ويك اند من بعد مايظهر هزاع من الدوام على طول يروح البيت ويشل حرمته ويروحون يقضون الويك اند بالامارات الشمالية او دبي او الشارجة ..او الغربية ..او البحرين وقطر ...طبعا مستانسين .ولا همهم من حد حاليا عندهم بنتين اسمائهم ..طبعا اول وحدة شويخ تنفيذ للام العودة ..وثاني وحدة شمايل...وهي حامل ..هزاع طلب من قصايد انه يكون منها 12 يعني ست اولاد وست وبنات ..الريال الظاهر يبا يكون فريق كرة سلة ههههههههههههه....وطبعا قصايد قبل الويك اند تعزم البنات لفلتها يلسة وسوالف وضحك وشواء ..


في فلة هزاع ...

يدخل هزاع من الباب وهو مستعجل...

هزاع ينادي بأعلى صوت: قصااااااااااااايد قصااااااااااايد...

تظهر ميرنا من المطبخ...

هزاع: وين ماما قصايد...

ميرنا : ماما قصايد فوق هجرة مال هو ...

هزاع: يوووووووه الحين انا قلت لها ..خلج زاهبة عسب اول مااوصل ارد الاقيج جاهزة عسب نطلع قبل مااطب علينا امي العودة ..ويروح فوق عند قصايد ويفتح الباب..

كانت قصايد تسوي شعرها ..ولابسة تنورة وردية هادية متدرجة ..وقميص كت ..ابيض داخل مرسوم قلب لامع باللون الزهري. ومكتوب عليه I love you ..تصد صوبه ..

قصايد: هلا حبيبي بلاك مستعيل...

هزاع: حياتي يالله خلينا نروح ..عرفت ان امي العودة الحين بتي عندنا تاخذنا العزبة..وانا مابي اروح..

قصايد: وانت شو دراك ..

هزاع: توه حمد اتصل فيني وخبرني هم كلهم بالعزبة ..الظاهر اليوم راحو من وقت ..ويوم امي العودة ماشافتنا هناك ..ركبت السيارة وعلى طول راح اتي هني.وسيف هو اللي يايبنها ..وانتي تدرين بسواقة سيف يسرع ....يالله بسرعة خلينا نروح ..

قصايد: بس بعدني ماتزهبت ...وانت اليوم ظهرت بسرعة ولاخبرتني...

هزاع: يالله لبسي عباتج خلينا نروح ..وبالمرة نقط البشكارة بيت عمي...يالله ....

قصايد: بس البنات ...بعدهم ماعطيتهم اكلهم ..

هزاع: حبيبي بالطريج ...يالله قبل مااتي امي العودة....

قصايد: عيل اروح عند البنات ازهبهم ..تعال وياي عسب تلبس شويخ ..

ويروح هزاع ويا قصايد حيرت بناتهم ..ويلبسونهم ملابسهم ..ويجهزون اعمارهم ويظهرون من البيت ...لكن الام العودة جدامهم ...

الام العودة:تبون تنحاشون ولا اتون العزبة ...يالله اشوفكم جدامي للعزبة ...مو كل مرة تنحاشون وتروحون ولا اتون ...

هزاع: خيبة متى وصلت ....

قصايد: هلا امي العودة اشحالج ..وتروح تبوس راسهاا ..

الام العودة: والله انا الحمد لله من بعد مامسكتكم قبل ماتنحاشون ..

قصايد: احنا ننحاش افا ..امي العودة ..تونا قلنا بني عندكم العزبة ..صح هزاع وهي اطالعه...

هزاع: هي صح يما ..من شوي تونا كنا راح اني..بس ماشاء الله عليج ييتي مرة وحدة ..

الام العودة: عن الجذب يالله اشوفكم جدامي ....قصوا على بناتكم ولاتقصون علي..

هزاع: الله يسامحك ياخوي ياسيف...كنت شوي بطيت .,لاسرعت ...

سيف: هههههههههه انا مالي خص امي العودة هي اللي ساقت ..

قصايد: شو امي العودة انتي سقتي...معقولة ...

الام العودة: هي انا ..شو مويازلج ..سيف ماقصر كل وكند يعلمني بالعزبة شلون اسوق ه الدبة ...

هزاع: هههههههههههه واي بطني...محلات رمستج امي العودة ..وكند ....والدبة ...

الام العودة: يامسود الويه يالس تتطنز ع رمستية ...

هزاع: افا امي العودة انا اطنز حاشاج ...كل ولا اني اطنز على امي وحبيبتي ...

الام العودة: يالله اشوف جدامي للعزبة ..

ويروح هزاع عند قصايد ..الحين شو ..مالي خاطر اروح ..انا من زمان كنت انتظر هالوقت عسب نروح ونعيش احلى ويك اند تراني مخطط بكل شي شو بنسوي...

قصايد: خلاص انا بحلها ...

الام العودة: شو تهمسون ...من هني ماتتحركون الا وانتو بالعزبة واصلين ..يمين ويسار مافي...والا بتلاقوني جدامكم...

هزاع: حشى ..درينا انج تسوقين عاد مو لي درجة تلحقين ورانا ...

قصايد: امي العودة ...دريتي ان في الشمالية يبيعون لج هذاك البخور اللي ريحته اتم على ملابسج اسبوع ...لا فوق هالشي العلبة تبيعينها ب الف درهم ..والله لتصيرين راهية ...بس المشكلة مافي غير شوي..بعد لو خلص بطير عليج ..

الام العودة: شنو ...وهالبخور مافي هني بابوظبي,,,؟؟

قصايد: لا امي العودة مافي غير الشمالية ..بالمنطقة اللي نروح لها وانيب لج البخور عسب تبيعينه ...خسارة ...ماعلي...يالله خلونا نروح العزبة ...

الام العودة توقف وتفكر.....

سيف: مادريت ان حرمتك لها افكار ...تغير راي امي العودة...

هزاع: فديت حرمتي...اموت فيها ...بس يالله ادعي انها توافق....

سيف: ان شاء الله ....

قصايد: امي العودة بلاج خلينا نروح ...مانبا نتأخر عليهم ..

الام العودة: ها ..اقول انتو ماقلتو بتروحون الشمالية...شو موقفنكم هني...روحو تهنوا بدل ماتمون هني بابوظبي....

هزاع: لا يما خلينا نروح العزبة احسن ....

الام العودة: لا لا ...مرة ثانية ...انتو روحو الشمالية احسن ..بس ها لاتنسون البخور...

قصايد: ولا يهمج ..راح انيب لج درزنين ...

هزاع: فديت حرمني لها تأثير والله ...اقول امي العودة شو رايكم لو تاخذون وياكم ميرنا ..مع بناتي...يونسونكم هناك ..

قصايد: شو ...ماروم اتحمل وبناتي بعيد عني.. ...

هزاع : سكتي مابي حد يخرب علينا ...امي العودة خذيها ..عسب يشوفها يدها ويدتها ...

الام العودة: خلاص عيل هاتوهم وانتو يالله روحو الشماالية ..بس ها لاتنسون ..

هزاع وهو ياخذ قصايد : ان شاء الله يما العودة ولا يهمج ...

قصايد: بناتي حرام عليك...

شويخ: باي باي ماما...باي باي بابا ....

شمايل : تاتا ..تاتا ....

ويروحون الحبايب يقضون احلى ويك اند ...من بعد الصاروخ اللي ولعته قصايد على الام العودة ...

والنهاية ...............

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 122
قديم(ـة) 09-02-2009, 07:00 AM
بنت فزاع بنت فزاع غير متصل
©؛°¨غرامي جديد¨°؛©
 
الافتراضي رد: ياعين حني على قلب استصاب منك من أول نظرة ، للكآتبة n-warey/ كآمله


واااااااااااااااااااااااااو
خيااااااااااااااااااااااااال
تسلم ايدج يالغالية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 123
قديم(ـة) 09-02-2009, 07:19 AM
صورة مووري نكوته الرمزية
مووري نكوته مووري نكوته غير متصل
©؛°¨غرامي مشارك¨°؛©
 
الافتراضي رد: ياعين حني على قلب استصاب منك من أول نظرة ، للكآتبة n-warey/ كآمله


يسلموووووو على الموضوع اكثر من رائع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 124
قديم(ـة) 19-02-2009, 09:23 PM
نوفه الحلوه نوفه الحلوه غير متصل
©؛°¨غرامي مشارك¨°؛©
 
الافتراضي رد: ياعين حني على قلب استصاب منك من أول نظرة ، للكآتبة n-warey/ كآمله




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 125
قديم(ـة) 08-05-2009, 01:02 PM
chamalia77 chamalia77 غير متصل
©؛°¨غرامي جديد¨°؛©
 
الافتراضي رد : ياعين حني على قلب استصاب منك من أول نظرة ، للكآتبة n-warey/ كاملة


الله يعطيك ألف عافية على هذه القصة الرائعة أختي n-waraey
والله أتحفتينا

وننتظر جديدك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 126
قديم(ـة) 12-10-2010, 04:27 AM
فتاة ضائعه فتاة ضائعه غير متصل
©؛°¨غرامي مشارك¨°؛©
 
الافتراضي رد: ياعين حني على قلب استصاب منك من أول نظرة / للكاتبة n-warey/ كاملة


رواااااااايه

روعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 127
قديم(ـة) 07-04-2011, 07:37 AM
صورة Noor u.a.e الرمزية
Noor u.a.e Noor u.a.e غير متصل
©؛°¨غرامي مجتهد¨°؛©
 
الافتراضي رد: يا عين حني على قلب إستصاب منك من أول نظرة / بقلمي ، كاملة


ماشاء الله الروايه تجننننننننننننننننننننننننن

الله يعطيج العاااااااااااااااااااااااافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 128
قديم(ـة) 29-07-2013, 11:15 PM
غموض الجليد غموض الجليد غير متصل
©؛°¨غرامي مشارك¨°؛©
 
الافتراضي رد: يا عين حني على قلب إستصاب منك من أول نظرة / بقلمي ، كاملة


شكرًا على الرواية الرائعة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 129
قديم(ـة) 07-09-2017, 03:39 PM
رهوفه بنت البقوم رهوفه بنت البقوم غير متصل
©؛°¨غرامي جديد¨°؛©
 
الافتراضي رد: يا عين حني على قلب إستصاب منك من أول نظرة / بقلمي ، كاملة


الروايه تجنن صراحه حبيت اللهجه الإمارتية من روايتك

الرد باقتباس
إضافة رد
الإشارات المرجعية

يا عين حني على قلب إستصاب منك من أول نظرة / بقلمي ، كاملة

الوسوم
ياعين حني على قلب استصاب منك من أول نظرة , هزاااع و قصايد و حمداان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6809 04-09-2017 02:45 AM
غيروني غصب عني .. و غصب عنهم بغيرهم / بقلمي ، كاملة Bed روايات كامله - يتم نقل الرواية هنا بعد اكتمالها 75 15-07-2017 03:08 PM
صحيتي بداخلي توك و كنتي نايمة بروحي / بقلمي ، كاملة غرامي الدلوعه روايات كامله - يتم نقل الرواية هنا بعد اكتمالها 886 17-08-2016 07:30 PM
الثلوج مصيرها السيول / بقلمي ، كاملة سولـــــ♥°The Lost Hope♥°ـــي روايات كامله - يتم نقل الرواية هنا بعد اكتمالها 179 09-06-2013 02:26 PM
هبالي عالم من إختياري / بقلمي ، كاملة تــايــد روايات كامله - يتم نقل الرواية هنا بعد اكتمالها 489 29-10-2012 05:12 AM

الساعة الآن +3: 08:43 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1