اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 18-01-2009, 10:30 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


نرد لابوظبي درا بوخليفة الله يرحمه ويغمد روحه الجنة >>>آمين

بالمستشفى راشد كان برع غرفة زايد لان الطيبب داخل يفحص زايد.....راشد يتصل حق هزاع.....

راشد: هلا بو الشباب وينكم تأخرتوا ....؟؟؟

هزاع: هذا احنا يينا عند باب المستشفى دقايق ونكون عندك .....

راشد: اوكي يالله عجلوا مليت بروحي ...

هزاع: ان شاء الله ....

راشد : مع السلامة ....

هزاع: مع السلامة....

ووصل حمد وهزاع عند راشد.....

حمد وهزاع: السلام عليكم .....

راشد : وعليكم السلام ....

حمد : بلاك واقف برع ,, ليش حد عند زيود...؟؟

راشد : الدكتور توا دخل يبا يفحصه....

هزاع: اها وانت من متى اهني ......؟؟

راشد : تقريبا من ربع ساعة ......

حمد نقع من الضحك مرة وحدة :ههههههههههههههههههههههه

هزاع : بلاك ...؟؟

حمد : اسمحولي بس تذكرت سبب حادث زيود ضحكت .......

هزاع: هههههههههه استغفر الله بدل ما تتحمد له بالسلامة وتدعيله ... يالس تضحك عليه ....

حمد : حوبته يستاهل ... بالله عليك حد يرقم بنات وهو يسوق ,, ومالقى غير وهو يسوق ... بدل ماينتبه لطريج ...........هههههههههه

راشد: ههههههههههه وياويهك ادعيله بدل ماتضحك.....

حمد : الله يقومه بالسلامة .........

وظهر الدكتور من عند زايد ..... ودخلو عنده ........

حمد وهزاع وراشد: السلام عليكم .........

زايد : وعليكم السلام .........

حمد: ههههههههههه ها يابو الشباب اخبار صحتك ,, ان شاء الله احسن عن قبل .........

زايد : الحمد لله بخير .... ويا ويهك تضحك بعد ........

حمد : اسمحلي بس كل ما أذكر الحادث اضحك .....وانت مالقيت غير وانت تسوق .... احمد ربك انها عدت على خير وانك ضربت الاشارة ... ولا دعمتك شاحنة ...........هههههههههههههه

هزاع: بسك حمد فضحت الريال ,,, استرها عليه ههههههههههههههههه

والكل بدى يضحك : هههههههههههههههه هههههههههههه

زايد: اضحكوا شو وراكم ... شايفين جدامكم مصخرة ...........

راشد: محشوم يالغالي محشوم ..........

وبعدها ظلوا عنده يطمنون عليه وبعدها راحو للبيت ............

من الزهر عطر المحبه اخذتي ومن الطفل رقة حلاوة كلامه

الظهر ع الساعة 1:30

الحريم والبنات بالمطبخ يزهبون حق الغدى......

ام هزاع: يالله بنات عجلو بسرعة .... الشياب ميتين من اليوع......

البنات: ان شاء الله.....

ام سلطان : ماشاء الله عليهم ... اليوم الكل يوعان ......

ام غانم : لاتلومينهم يام سلطان .... الحركة ف العزبة تخلي الواحد ميت من اليوع... ماشاء الله شفتيهم الشياب اربع وعشرين ساعة عند البوش والغنم.... والشباب تلاقينهم اما على هالدراجات او يربعون مابين النخل....

ام ذياب: صدقتي يا ام سهيل......

شما: يما من بعد الغدى بنروح البيت ولا بنظل لغاية العصر......؟؟؟

ام هزاع: لا يما بنروح بعد مانتغدى ....لاتنسين باجر دوامات راح تبدأ.....

ام سهيل: هي صحيح ياام هزاع .. نسيتت اخبرج يالغالية ....

ام هزاع: آمري يام سهيل....

ام سهيل: مايآمر عليج عدو يالغالية ...بس ان شاء الله باجر بعد المغرب انا وابو سهيل وولدي سهيل راح نمر عندكم ....

ام هزاع: حياكم الله البيت بيتكم يا ام سهيل ....

ام سهيل: تسلمين يالغالية ......

شما من سمعت ان مرت عمها وعمها وسهيل بيزورونهم باجر ع المغرب .... استانست وبنفس الوقت ..ارتبكت وهدت نفسها عسب لا أحد يشوفها .....

سهيلة لاحظت ارتباك شما .......

سهيلة: بلا الحلو مرتبك ,,,,, من سمع ان عمها ومرت عمها وسهيل بيون عنده استانس وبنفس الوقت ارتبك ..؟؟؟هههههههههه

شما: ها ماشي ابد سلامتج .......

سهيلة وهي تهمس لشما: اظنج تعرفين ليش امي وابوي واخوي بالذات بيون بيتكم ....؟؟؟

شما استحت شما : ها مادري ,, اقول كملي الشغل الشياب ميتين يوع ,, لازم نزهب لهم الاكل .....

سهيلة : بس الشياب مافي اشخاص محددة...؟؟؟؟

شما : يووووووووه سهيلة بس عاد ....

العنود ومهرة ونورة يحطون التبولة وفتوش بالصحون ...... اما الريم تزهب العصير ... وظبية تغسل الصحون والملاعق...... عووش وغبوش يحطن الصحون بالصينية الكبيرة عسب البشكارات اين وياخذنها عند الشياب .....

طبعا الشياب والشباب ينتظرون الاكل بفارغ الصبر ....

الشباب والشياب بالخيمة ................ اما الحريم والبنات .....بوصب ثاني ياكلون مسوين لهم عريش قاعدين فيه ..........

وبعد ماخلصوا من الاكل الكل تزهب للروحة للبيت .عايلة بوذياب وعايلة ام غانم راحو الرماح ...... اما عايلة بوسهيل وابو هزاع وبو سلطان ,,, راحو ابوظبي........طبعا عايلة بوهزاع اتصلوا بمياسة انها ترد ويا بيت عمها هي ودانة .........


وش فيك ضايق من الدنيا وش الطاري من زعلك ما انخلق جنسه ولا جيله

في عزبة بوفهد الكل يالس من بعد ماتغدوااااا...........ماعدى فهد وحماني راحو يتمشون....وموزة

ابوفهد : ها مو ناووين تردون ... ولا تبون تقضون الليلة بعد بالعزبة .....

شويخ: هي والله عمي خلنا نبات الليلة هني ....

قصايد: والدوامات::::::....

شويخ:تزول من دوامات ,, الا هي يوم واحد.......

الام العودة تضرب شويخ بالعيرة : فقدتج يالويه ...وش عنه ماتبين اداومين .....حلات الواحد يشغل نفسه بالدوامات او الدراسة ....ليتني بأعماركم كنت الحين تلاقين الكتاب بيدي وانا اذاكر.....

شويخ: هي صدق يما العودة ,, ليش ماتدخلين المدرسة .....عسب تتعلمين القراية والكتابة ....

الام العودة: ومنو قالج اني ماااعرف اقرا ,,,, الحمد لله على ايامنا كنا نروح عند المطوع يعلمنا القراية والكتابة ....لكن يدج الله يرحمه من خذني قال ودري الكتابة والقراية ...

قصايد: اكيد يغار عليج ,,, وما يبا حد يشوفج ...

فارس : اكيد كنتي غزال ياغزال ...ههههههههههههه

الام العودة: هي كان يغار عليه ,,, بالاول الكل كان يشوفني ,, والحريم كانوا يتمنون اني اكون حق واحد من عيالها ... بالاول كان شعري طويل يمشي لين ريولي .... وعيوني ووساع وكنت دوم اكحلهن ....والكل كان يغار مني وبالذات يدك الله يرحمه....

حامد: يالله من حقه يدي يغار عليج ,,,,بس اكيد هو بعد ماسلم من عيرتج .....هههههههههههههه

الكل : هههههههههههههههه

الام العودة : بيه وين بالاول ما كان عندي العيرة ... العيرة كانت بيد يدك الله يرحمه ... كنت يوم اظهر من البيت كان هو واقف عند باب بيتنا وكل مااظهر الاقيه وراي وكانت عنده العيرة ,, ومن يشوف حد يقرب عندي يضربه بالعيرة ....

حور : استانست على سوالف يدتها : وبعدين خبرينا يدتي كيف يا وخطبج يدي ....

الام العودة : يدج الله يرحمه كان رايح الغوص ,,, وكان قريب يرد ...ويوم رد من الغوص ... قال راح يرمس امه عسب تخطبني ... المشكلة ان يوم هي يت كانت في وحدة خطبتني حق ولدها ,,,بس امي وابوي ماردوا عليهم قالو بعدين راح نعطيكم الخبر.....

مانع: هي وبعدين ..شو صار؟؟؟

الام العودة : يوم يدكم خذ خبر ان في واحد يا وخطبني ,,, عصب وحلف ان ماراح ياخذ غيري ... يا بيتنا وانا كنت يالسة اخم الحوش ...واشوفه دخل علينا وهو معصب وشال الدنيا فوق راسه ,,,, انا ماكنت اعرف شو مستوي لان امي وابوي ماخبروني ان واحد تقدم لي .... يوم شفت يدك وهو يصيح خفت ,,,,

خليفة : يما لي هالدرجة تحبين ابوي ....؟؟

الام العودة : واكثر يايمة ,, هو كل شي كان بالنسبة لي وزاد اعجابي في ابوك ... يوم دخل على ابوي وقال له : ياعمي شيخة راح تكون لي ومحد راح ياخذها غير ولو على جثتي ,,, وبهالطريقة عرفت ان في واحد غير ابوك خطبني ......امي بالبداية رفضت اني اخذ ابوك ... لان الي متقدم لي كان ولد ناس وعز ,,, لكن ابوي وقف بويها وقال محد راح ياخذ شيخة ويعزها ويقدرها غير سالم ...واتصل ابوي حق الريال وقال انه مالكم نصيب بالبنت ......

ام كايد : ويدتي شو سوت...؟.؟؟

الام العودة : يدتج بالاول عصبت وقالت سالم واحد فقير ,, وانا مابي ياخذها لانه ماراح يعيشها ....لكن مع الايام تعودة عليه وندمت يوم قالت هالرمسة ....لان ابوج يابنيتي كان يشتغل بالغوص وبعدها صار نوخذة وخذاله محمل .... والحمد لله الله رزقنا بالحلال.....

دانة: الله يعني امي العودة ايامكن كانت وايد حلوة ....

الام العودة: واحلى بعد يابنيتي بالاول كنا عادي نلعب ويا الشباب .. ونسولف ....لكن الحين ماتشوفين حد من البنات يلعبن مع الشباب وان شفتي وحدة تلعب .. صارت الرمسة الشينةعنها ... الدنيا يابنيتي اختربت مو شرات قبل ....

مياسة : هي يما العودة اختربت ... بس يما كل واحد على يومه بيقول ايامنا حلوة ... الحين انتو تقولون لنا ان ايامكم حلوة واحسن من ايامنا ... ويوم اي الدور علينا راح نخبر اعيالنا ان ايامنا احسن من ايامهم ... وبجذي الدنيا الدور وتلعب لعبتها ...........

وبعدها استأذنت منهم مياسة تروح تتمشى ....اما دانة وقصايد وشويخ وحور راحو داخل يزهبون اعمارهم لردة .....

الأم العودة ترمس بنتها ام كايد: يما هذي سمية بنت ام عبيد ....بعدها ماتزوجت...؟؟؟

ام كايد: لا يما مايالها النصيب ,, الله ايسر لها ,,,, بس ليش يما...؟؟

الام العودة توجه الرمسة لولدها خليفة: ها خليفة شو رايك لو نخطب لك سمية بنت ام عبيد.. ماشاء الله عليها بنت مزيونة .. وطيوبة وان شاء الله ربك يجعل منها الذرية ,,شو رايك ياولدي ؟....

خليفة: يما انا قلت ما ابي اتزوج .... يكفيتي موزة ... وانا بعدني مو مستعيل ع العيال... اذا الله راد ان يكون لنا عيال ان شاء الله يكتب .... وانا مستحيل اعرس....يما الله يخليج سدي الموضوع ....

الام العودة : لا ماراح اسده انا ابا اشوف عيالك انت.. ماتقولي كم سنة يالس من دون عيالك .. مو خاطرك بولد يشل اسمك ولا يزقرك ابوي ....؟؟؟

خليفة : لا ماابي .. واذا ابا ابا.... يكون من موزة .. لكن غير موزة مستحيل .....

الام العودة توجه رمستها لعيالها : وانتو ياعيالي ليش ماتقنعونه ... حرام يقعد من دون عيال......

الكل ساكت ... لانهم يعرفون ان خليفة مستحيل يوافق لانه يعز ويحب حرمته موزة ,,, وموزة عمرها ماقصرت وياهم .....

الام العودة : يما انا بس ابا اشوف عيالك ,, ومافيها شي لو عرست على راسها ,, والزواج هب عيب ,, والاسلام شرع لريال ياخذ اربع ... وموزة بتظل معززة ومكرمة في بيتها ومحد يروم يقول لها شي ....

خليفة ولا كأنه سمع رمسة امه .....الي براسه خلاص انه مستحيل ياخذ وحدة على راس موزة ....

ومن صوب موزة كانت تسمع الرمسة الي دار من بين عمتها وريلها وراحت مباشرة لي حيرتها وهي تصيح ........

ومن صوب ثاني فهد كان يتمشى ووياه حماني .....

حماني : امي فهد أني ائنية ..(عمي فهد غني اغنية )

فهد: هههههه ان شاء الله راح اغنيلك ........اممممممممممم بغني جرح القديم .....

جرحي القديم ..
جرحي القديم..
يا ويلي من جرحي القديم
جرحي القديم..
جرحي الأليم..
يا ويلي من جرحي القديم
ليتك تبادلني الشعور من دون صد ولا غرور
ليتك تبادلني الشعور من دون صد ولا غرور

جرحي القديم..
جرحي الأليم..
يا ويلي من جرحي القديم
يا ويلي من جرحي الأليم
تخطي وأنا أتحملك معذور قلبي دللك
تخطي وأنا أتحملك معذور قلبي دللك
بأمر الهوى أنت الحبيب قريب من قلبي قريب
بأمر الهوى أنته احبيب قريب من قلبي قريب
يا ويلي من جرحي القديم..
يا ويلي من جرحي الأليم..
أن كنت ناوي على الهجر برضا أنا بحكم القدر
أن كنت ناوي على الهجر برضا أنا بحكم القدر
مكتوب لي هذا المصير واللي انكتب لازم يصير
مكتوب لي هذا المصير واللي انكتب لازم يصير
جرحي القديم..
جرحي الأليم..
يا ويلي من جرحي القديم يا ويلي من هذا المصير


ودمعت عيون فهد ...وحماني من شاف فهد يصيح صار يصيح وياه ...فهد استغرب من حماني ليش يصيح.....

فهد: حبيبي حماني ليش تصيح....؟؟

حماني: ألسان انته تصيه .. امي منو ذرباك..دولي وانا بذربه....(علشان انت تصيح..عمي منو ضرباك قولي واناا بضربه)))

فهد: يضحك ويمسح دموع حماني: هههههههه لاحبيبي محد ضربني ... بس تذكرت جرحي القديم ...واه من جرحي القديم والاليم ....

حماني: امي انت سي يأولك : ((عمي انت شي يعورك))

فهد : لا حبيبي اقعد هني وبخبرك ...

حماني : اندين يالله دول ( انوين يالله قول....)

فهد: حماني انا كنت احب وحدة .. وكنت بخطبها ,,, لكن هالبنت خانتني مع اعز صديق لي ... وربك راد اني اكشف خيانتها لي ويا ربيعي ... بحادث اليم صار لهم ... صارت لي صدمة من هالشي وبعدها عفت الزواج ....

حماني مو فاهم ....: امي انت باتتذوج(عمي انت باتزوج)

فهد: ههههههههههه لا حبيبي انا عفت الزواج من بعدها ::: انا مااقول اني احبها لا كيف احب وحدة خانتني بس الله يسامحها عطيتها كل شي الحب الحنان والصدق والصراحة ,, وهي عطتني الخيانة ......

مياسة كانت تسمع الرمسة من بين فهد وحماني ... وكانت متخبية ورا النخلة .....

فهد : وهذي هي الحياة ورفع راسه وشاف عباية بنت من وراه النخلة ... وعرف انها مياسة .....

فهد يهمس لي حماني : حماني اقول حبيبي تشوف هذيك النخلة ....

حماني وهو يهمس له: إي امي اسوفها ...؟؟ ليس؟؟؟( إي عمي اشوفها ليش؟؟؟)

فهد : روح ورا النخلة وبتشوف حورية ,, وخبرها ان الواحد يوم يسمع عيب .....هههههههههههه

حماني : ادين امي (انزين عمي))

وراح حماني وشاف مياسة وهمس لها بإذنها وقال لها الي خبراه فهد شو يقول لها ...........

افتشلت مياسة وعرفت ان فهد شافها وظهرت من ورا النخلة .........

فهد : حياج اقربي مافي داعي انج تسترقين السمع من ورا النخلة ,,, لو تبين تسمعين تعالي عندنا ويلسي ....

مياسة وويها احمر: السموحة بس كنت اتمشى وسمعت صوتك وانت تغني ,, فما حبيت اقطع شي ....

فهد : لا عادي .....

مياسة: اممممممم انا عرفت الي صار خبرتني قصايد ......

فهد: هذا صار وولى والله يسامحها على الي سوته .....

مياسة : بس مافي داعي انك ,, تفكر فيها لانها خانتك .. الي تخونك اتركها وراك راح تلاقي الف وحدة احسن منها .. والي خانتك الظاهر ماعرفت قيمتك ...

فهد متعجب من رمستها: الله يسامحها ويرحمها برحمته....

مياسة : مافي داعي تفكر فيها.... انت بطريقتك هاي راح تخلي الكل يعرف انك انت مازلت تحبها ,,,مع انها خانتك ... وانت لازم تفكر بالحاضر والمستقبل ....وتخلي الماضي وراك ....انت بجذي راح تكون ضعيف يوم تفكر بوحدة شراتها .....

زاد تعجب فهد من طريقة كلامها : اها

مياسة : لااتم تسوي عمرك شرات واحد اهبل .... وتقول اها .........ارجع شرات قبل الكل يعرفك بطيبتك وحيويتك ......صدقني راح تلاقي الف وحدة غيرها واحسن عنها ,.........

فهد : طيبتي وحيويتي ؟.؟؟!!!!بس انا ماتغيرت ابد ....شرات ماانا يمكن بس انصدمت وبعدها رديت شرات قبل ....

فهد حب يحرجها شوي :: ومن وين راح الاقي البنت الي تتمناني ... كيف راح اعرف انها ماراح تخوني .....

مياسة : راح تلاقي مو كل بنات شرات بعض .....في بس دور....

فهد حب يحرجها اكثر : انزين انتي راح تكونين منهم الي تتمناني ... وتكون لي ..ولو تقدمت لج راح توافقين ........

مياسة اهني صار ويها احمر على اصفر على وردي استحت وربعت لداخل......

فهد وهو يضحك: هههههههههه انا ماقلت شي غلط ... حماني انا قلت شي غلط .....

حماني مو فاهم شي : لا امي مادلت سي ( لا عمي ماقلت شي))

وبعدها ردوا لابوظبي من بعد ويك اند ممميز وحلو في العزبة ووصلو الدانة ومياسة لبيوتهم ............

وفهد صار يفكر بمياسة ورمستها له .... ومن ناحية مياسة يالسة تسب عمرها كيف انها رمسته بهالطريقة ...وبنفس الوقت حست بشعور غريب ماتعرف شو هو معقولة حبته هههههههههه يمكن ...ليش لا....


لوكان قلبي ناوي اليوم ينساك لقطع عروقه وانزعه من مكانه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 18-01-2009, 10:31 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


في العين وبالتحديد في بيت ام خالد:::

ام خالد توجه رمستها حق بنتها امنه : يما ريلج مايا العين ؟؟

امنه: لا يما تلاقينه الحين بالطريج توي مرمسته قال الحين راح اي...

ام خالد: وانتي زهبتي شنطتج..؟؟

امنة: هي يما زهبتها...

منال: افا يعني بتروحين ... ماراح نشوفج بعدين ...

امنه: ههههههههه بسكم مامليتو مني ...؟؟؟

منال: افا حد يمل من الحلو وخاصة ويا هالكرشة ههههههههههه

امنة: ههههههههههه

ويدخل عليهم خالد : السلام عليكم

الكل : وعليكم السلام...

خالد : يما سلطان برع ينتظر امنه عسب يروحون بوظبي..؟؟

ام خالد: ويه وين بيروح بهالسرعة؟؟ خله يدخل....؟؟؟

خالد: يما قلت له ...بس يقول عنده اشغال ولازم يروح ...وهو يسلم عليج وايد...

ام خالد: الله يسلمه .. يالله يابنيتي نشي وييبي عباتج وشنطتج عسب تروحين وياه ...

امنة: ان شاء الله يما ...

وتروح امنه فوق اتييب اغراضها ...

خالد يرمس سلطان : وين يابو علي خلك عندنا انزين تعشى .. وبعدها روحوا .....

سلطان: تسلم يالغالي المرة الياية ,, مرة ثانية ان شاء الله بس عندي اشغال ولازم اخلصها ....وانتو بعد لازم تزورونا ...

خالد: ان شاء الله ...

وتركب امنة السيارة .....

امنه: ماتامر على شي ياخوي...

خالد: سلامتج يالغالية وهالله هالله بالطريج....

سلطان : مع السلامة
وحرك سلطان السيارة وعلى طول ابوظبي .................

يا أمي يا غلا الدنيا وأصدق عاطفه في الكون
وأدفا حضن يحضني .. وأكبر قلب يحويني
أنا بك دنيتي جنه وبسماتك مطر ومزون
وضحكاتك ربيع أخضر زهوره فتحت فيني

الليل ع الساعة 9 ونص بعد العشى في بيت بوهزاع .......الكل مجتمع في الصالة .....ماعدى مياسة راحت حيرتها تنام لان باجر وراها جامعة .....ومريامي

ام هزاع توجه رمستها لبوهزاع: نسيت اخبرك يابوهزاع ,, اخوك بوسهيل وحرمته وسهيل... باجر راح يزورونا عالمغرب....

ابوهزاع: البيت بيتهم ,, حياهم الله ,, خير ان شاء الله شو المناسبة ....؟؟؟

ام هزاع: والله مادري بس يمكن ( وهي اطالع بنتها شما ) ايون يخطبون بنتك شما...؟؟

شما استحت واستأذنت تروح غرفتها .....

ابوهزاع: هذي الساعة مباركة .... حياهم ...

سيف: صدق يما بيون يخطبون شما .....ومرت عمي هي خبرتج ....؟؟؟

ام هزاع: لا ياولدي ماخبرتني ,,, بس انا فهمت منها هالشي .....

سيف: وشما شو رايها .....؟؟؟

ابوهزاع: مايحتاي ياولدي توك شفتها راحت غرفتها وهي مستحية ...يعني البنت موافقة ....

هزاع: زين والله من زمان مافرحنا .....

ابوهزاع يرمس ولده هزاع: وانت ياهزاع وين رحت امس ماشفناك بالعزبة ...؟؟؟

هزاع: يبا انا رحت عند ربيعي زايد مسوي حادث ورحت اطمن عليه .....

ابوهزاع: واخباره الحين ....؟؟؟

هزاع: الحمد لله بخير ,,, مع كسور بسيطة ...

بوهزاع : الحمد لله ... المهم امك العودة سألت عنك ,, وانت الوحيد الي ماشافتك ... ولازم تروح تزورهم ....

هزاع: ان شاء الله يبا من بعد ما افضى ..

ام هزاع: وليش ماتروح الحين .. تلاقيهم يالسين هب نايمين ....؟؟؟

هزاع: ان شاء الله باجر يما .. يمكن هم تعبانين من ردة العزبة ... ان شاء الله باجر العصر بروح ازورهم ....

بوهزاع: خلاص عيل... ولازم تروح تتعرف على عيال عمك .....

بوهزاع: ان شا ء الله يبا ....

وراح بوهزاع وام هزاع غرفتهم .... وسيف وهنودة ومحمد ... راحو غرفتهم ......وظل بالصالة منصور ,,,وهزاع....

هزاع: ها منصور سمعنا انك بديت تشرب حليب بوش.... ؟؟

منصور: هي ,, بس تصدق ماكنت ادري انه طعمه حلو .....

هزاع: غريبة ,, مع انك ماتحب شي اسمه حليب ,,, منو الي خلاك تشرب حليب بوش... مع ان الكل بالبيت يالسين يصرون عليك انت ومياسة تشربون ...؟؟؟

منصور: هذي امي العودة هي الي اصرت احنا نشرب .. ولا,,, ازيدك من بيت الشعر هم اختك مياسة شربت ... واصرت عليها امي العودة الا تشرب هي ودانة ههههههههههههه

هزاع: ههههههههه زين تسوي فيكم جذي .....

منصور: المهم انا بخليك باروح انام باجر وراي كلية .. تصبح على خير ....

هزاع: وانت من اهل الخير .....

وظل هزاع بالصالة وفكره رايح للعيون الذباحية ......

هزاع: آه يا العيون الذباحية ... ذبحتني نظرة من نظراتج ... ويلي حالي شلون راح اصبر ... ليتني اشوفج مرة ثانية .....

وبعدها راح ينام وتفكيرة بالعيون الذباحية ..........



لا تزيد المواجع خلني قد نسيت
لا تقلب بقلبي صفحة الذكريات
انتهى الحب وانته من حياتي انتهيت
كل منا تخير له طريق الحياة


في بيت بوحمدان .... ام حمدان تزقر بنتها شويخ....

ام حمدان : شويخ ...شويخ تعالي ...

شويخ: خير يما ....

ام حمدان: شوفي اخوج حمدان رد البيت ولا لا...؟؟

شويخ: ان شاء الله يما ....

وراحت شويخ بالاول غرفتها ...عسب تاخذ لها كاكاو ,,, وشافت فوق ثلاجتها رسالة من حمدان ....

شويخ: رسالة من حمدان ,,, الله يستر ....

وفتحت الرسالة شويخ وقرتها ............

شويخ : الله يستر الحين شو باقول حق امي ماراح تصدق ...اه منك ياخوي ,, وانت لازم يعني تقول حق قصايد هالرمسة ,,, انا قلت لك قبل قصايد تعتبرك شرات الاخو .....

ومن وراها حامد يالس يسمعها ,,,,,,

حامد : الحمد لله والشكر ,,,, صارت تكلم عمرها ....

شويخ: ويا ويهك روعتني .....

حامد: بلاج وش مستوي ؟؟وشو هالي بيدج...؟؟؟

شويخ: هذي رسالة من اخوك حمدان ... واخوك مسافر.....

حامد: مسافر ؟؟؟!!!

شويخ: هي مسافر ..

حامد : ليش مسافر...؟؟

شويخ : الحبيب يبى يبتعد لانه رمس قصايد وقال له عن شعوره تجاها ,, وقال لها لو هو تقدم لها بتوافق .....

حامد : اها وبعدين .....؟؟؟

شويخ: حامد انت تدري ان قصايد تحب حمدان شرات الاخو ,,, ولا مرة فكرت ان حمدان بيتقدم لها او يحبها ,,, وخبرته انه هو شرات الاخو وبس .....

حامد : الله يهداه ,,, مايسمع الكلام ... وانا شوف يوم قالي راح اعرف اليوم كل شي منها ....اثاريه راح وخبرها عن شعوره تجاها .....الله يعينه ....

شويخ: وطبعا لهالسبب سافر ,, وقال لي اتصرفي .... الحين شو راح اقول حق امي وابوي....وهي الي طرشتني عسب اشوف اخوي رد ولا لا.....

حامد: امممممممممممم .... ليش ماتقولين لها انه سافر ,,حق الشغل ,,وان المدير طلب منه ان يروح واذكري اي بلد عسب يخلص الاشغال هناك .....؟؟؟؟

شويخ: وامك راح تصدق ماظن ... بتقول وماتيله السفرة الا بالليل.....

حامد : يوووووه شويخ دوختيني ,, خبريها اي شي... وهو ماقال وين رايح ...؟؟

شويخ : لا ماذكر .....خلني اروح عند امي واخبرها ان شاء الله بس تصدق.....

وراحت شويخ وحامد عند امهم .....

ام حمدان: ها يما شفتيه اخوج بالحيرته.....؟؟؟

شويخ: لا يما ماشفته ....

ام حمدان وبان عليها الخوف..... واي عليه وين ولدي ..حامد يما اتصل له وشوفه وين ...؟؟ ظهر من العزبة يوم الخميس ولا شفناه بعدها ....

شويخ: يما هدي حمدان سافر......

ابو حمدان : سافر!!! ووين.؟؟؟وليش سافر؟؟؟؟وليش ماخبرنا؟؟؟

شويخ: يبا ... حمدان سافر حق الشغل .. المدير اتصل له وخبراه انه يروح لندن عسب عنده كورس واشغال ....

ام حمدان: وحد يسافر بالليل .... وليش ماخبرنا .....

حامد: يما تدرين حمدان ,,, مايحب يخليكم تحاتون عليه ,,, وبعدين يما هذي مو اول مرة يسافر ...

ام حمدان: قلبي مو مطمن ياولدي ... مادري احس هالسفرة غير عن قبل السفرات .....

شويخ: يما اطمني ...تلاقين كم شهر ... وبيرد...

ابو حمدان: وماقال كم شهر بيظل...

شويخ: لا يبا بس قال انه سافر ....

وبعدها الكل راح ينام من بعد ماهدوا ام حمدان لانها كانت ما مطمنة على هالسفرة المفاجئة؟؟؟؟........


يا ورد وش يقرب لك الخد؟
لي صاحبه يقطفك بيديه
شد إنتباهي في الشبه شد
ياورد شاللي منك تعطيه؟؟؟

الصبح في بيت بوفهد

بغرفة الطعام ....

قصايد تاكل بسرعة عسب تروح الجامعة ...لانها تأخرت ........

ام فهد: شوي شوي يابنتي... ليش تاكلين بسرعة....؟؟؟

قصايد: يما تأخرت ,,, لازم اروح قبل ماتدخل المس الكلاس....

فارس: اسمعوا انتو ... اتقول .. تأخرت ,,,,,اناالي اعرف انه مايهمج ان تأخرتي ولا لا .....اول ما تحطين ريولج ع الجامعة ,, تبدا الحواطة ,,, واذا ضربت براسج تروحين الكلاس....

قصايد: لا حرام عليك ... فديتني والله احب الدراسة ... والحواطة بس اخليها حق وقت البريك....

فهد: ههههههههه بس بشوي شوي عن لاتوقف اللقمة ببلعومج ....
وتدخل عليهم شويخ: السلام عليكم , وصباح الخير معطر بورد الياسمين والقرنفل والبنفسج والجوري والزنبق وصباح معطر بالعود العربي والكمبودي والكادي والعنبر والمسك لاحلى عم بو فهد, واجمل مرت عمي ام فهد, واحن اخو الي هو فهد, واعذب عمي خليفة ,واطيب ولد عم الي هو فارس, واطيب مرت عمي موزة.وشافت يدتها موجودة مع عمتها سلوى.....لا مستحيل الي اشوفه جادمي ايم العودةوعمتي سلوى اسميه البيت نور وخاصة غرفة الطعام وتروح تبوس امها العودة وعمتها سلوى .........

فارس: سمعوا بدى الراديو بالاغنية الصباحية ...ههههههههه

فهد: ههههههههههههههههه

شويخ: ماتضحكون ....فديت عمتي سلوى اشحالج الغالية .... والله اني فرحت يوم شفت القمر نازل عندنا وبغرفة الطعام ....

الام العودة : ويه منج ومن عينج ,,قولي ماشاء الله عن لاتحسدين عمتج ,,,واطيح علينا مرة وحدة ...

شويخ: يووووه امي العودة .. والله عيني باردة ,, واصلا مستحيل احسد عمتي الغالية .. انا بروحي مو مصدقة ان عمتي يالسة وياكم ,,,, ان شاء الله دوم نشوفها بهالحالة ....

الكل : ههههههههههههه امين .....

ام فهد : بلا عيونج تحت غاديات سود ,, مانمتي بالامس....؟؟

شويخ: آه يا مرت عمي ولاذقت طعم النوم ابد ... والله مالي خاطر اروح الكلية اليوم ....

ابوفهد: ليش يابنيتي ... شو بلاج ....؟؟؟

شويخ: سلامتك عمي... بس بالامس مانمنا عسب كنا نهدي امي .....؟؟؟

الام العودة : وبلاها امج ... شو فيها ؟؟؟

شويخ: سلامتج امي العودة بس بالامس يوم ردينا البيت ماشفنا حمدان بالبيت ....وامي قالت روحي حيرته يمكن نايم...؟؟

فهد : اها وبعدين؟؟؟..

شويخ: الله يسلمك رحت حيرتي اكل كاكاو ,, وشفت فوق ثلاجتي رسالة من اخوي....؟؟

موزة: رسالة ... خير عسى ماشر ...شو كاتب فيها ...؟؟

شويخ: سلامتج ...بس اخوي ظهرت له كورس وشغل برع البلاد ... وسافر من دون مايخبرنا .,,,,وامي امس تقول مو مطمنة ,, ليش اول سفرة مفاجأة له .. وما ينعرف متى بيرد لانه ماحدد لنا متى بيرد ...؟؟؟

خليفة: لا عادي شرات كل مرة الا كم شهر وبيرد ,,, هو دوم تظهر له كورسات .. ويعني مايت الا على هالكورس وامج تحاتي ....

شويخ: انا قلت لها جي ,, بس تقول لا هذي غير ومادري شو .... وبعدها يلسنا وياها عسب نهديها شوي .....

قصايد وهي تشوف شويخ وحاسة ان السالفة فيها شي واكيد يوم رمسها حمدان عن مشاعره لها ....

وبعدها الكل راح دوامه ............

دروب الارض .. لـكـــــــــــــــــــــــــــن
انـا احــــس السفــــــــــر ســــــــــــاكن
دروب الارض .. مابـيـن الامـــــــــــاكن
ولغـيـر الارض وين بنروح .. نسافـــــر


في جامعة زايد .......

تدخل قصايد وشويخ وهيوم ويسلمن على البنات وبالمرة يروحن عند مياسة ودانة .....

شويخ: مرحب والله مرحب ,, ببنات العم ... وتوايهن...

مياسة : مرحب باجي ,, اشحالج علني فداج....

شويخ: بخير يسرج الحال ,, ومن صوبج...؟؟

مياسة : مانشكي باس يالغلا... اشحالج قصايد ...

قصايد : بخير والحمد لله ....

شويخ: ها شو الاخبار ,, ان شاء الله مرتاحين ....

دانة: الحمد لله |..

وتدخل المس .....

شويخ: اقول انا بسير الحين بما ان مستكم يت ..شو رايكم اتون كلاسنا تراني مليت من كثر مااي كلاسكم... اوكي

البنات: اوكي

هيوم : انلاقيكم بعد الكلاس يالله شويخ ,, خلينا نروح تلاقين الاستاذ مايكل بالكلاس .....

شويخ: فديت هالاستاذ ... الي يقول حصة ضحك ,, حركاته تشبه حركات مستر بين ههههههه

وظهرن من الكلاس وقصايد تفكيرها بولد عمها حمدان ........... وبالسفرة المفاجئة ....

من بعد ماخلص الكلاس راحت قصايد وشويخ ودانة عند شويخ وهيوم ,,واول ماحدروا الكلاس لقوا هيوم وشويخ ميتين من الضحك ....

قصايد : بيه بيه شو صاير .. صوتج واصل لآخر الدنيا ضحكينا وياج.........

شويخ: ههههههههههه ماشي بس اليوم الصراحة الحصة ولا احلى من هالاستاذ ههههههههههه

دانة: قولن عاد شو صار ...؟؟؟

هيوم: ههههههههه الله يسلمكم الاستاذ اليوم ماله خاطر يعطينا كلاس ,,,فقلنا له شو راح نسوي ... قال راح اقلد لكم حركات مستر بين ......ههههههههههههه

شويخ: هههههههههههه واحنا ميتين على حركاته تضحك , الي يقول مستر بين عندنا ههههههههههه

مياسة : هههههههههههه ياحظكم ويا هالاستاذ ...........فنان...

شويخ:/ االا فنان من الخاطر بس دخيلج لاتحسدينه نباه ...........

قصايد: تعالي اباج برمسة ... اسمحولي بس شوي خاص.....

دانة ومياسة وهيوم : لا عادي فديتج .....

وراحت قصايد وشويخ يتمشن ....

شويخ: ادري شو بتقولين... انتي مو مصدقة الي قلت الصباح .,,, حتى انتي ماارتحتي من هالسفرة المفاجأة.....

قصايد: انا السبب ...صح ؟؟؟....

شويخ: قصود : انتي مو السبب ,,,بس اخوي الله يهداه كان من المفروض يعرف هالشي,, بس هو مو طايع يصدق....ماعليج لاتحاتين راح تلاقين كم يوم وراد ....

قصايد: هو وين راح...؟؟

شويخ : مادري لانه ماكتب بالرسالة وين راح... بس قال راح يبعد شوي وبعدها بيرد....

قصايد: الله يرده بالسلامة .....

شويخ: امين ....

وبعدها كل وحدة راحت لكلاسها ........


أعلنت لك حبِّي وتالي انسحابي
أمن قلبك القاسي وقلبي جبرته
حبٍ عفيفٍ وافيٍ ما يعاني
حبٍ كتمته وسط جوفي وصنته
علَّقتْ فيه آمال عمري وشبابي
ياما تمنّيته وياما انتظرته
حبٍ سكن ما بين جفني وهدابي
واللَّه ما تتصوَّره لو وصفته


في بيت بوفهد بغرفة الام العودة ومعاها موزة تقيس الضغط .....

الام العودة : اخ راسي احس يعورني ... خير يابنيتي شو الضغط مرتفع ....؟؟؟

موزة: شو ي مرتفع... لازم ترتاحين عمتي ...موزين وايد يرتفع....

الام العودة : وين ارتاح ,, وانا شايلة هم عيالي ....

موزة : عمتي ..اممممممممممم انا موافقة ...

الام العودة وهي مستغربة : على شو موافقة يابنيتي ...؟؟؟

موزة : موافقة ان خليفة يتزوج ... وانا مابي احرمج واحرم خليفة من العيال .. وانتي شوفي له البنت المناسبة ... وانا بروحي بروح اخطبها لها .......ودموعها بعيونها ...

الام العودة : يابنيتي ,, لاتزعلين مني .. بس والله ابا اشوف عيال خليفة .. ابا اقر عيني بشوفتهم قبل مااموت ....وانتي يابنيتي راح اتمين معززة ومكرمة في بيتج ومحد راح يقولج شي ... تراج غالية عندنا ...مو بس عند خليفة .....

موزة: ادري عمتي والله لايحرمني منج ... وان شاء الله تشوفين عيال خليفة وهم يربعون عندج ....

الام العودة : بس خليفة هب طايع يتزوج ....

موزة: بهالشي لاتحاتين .. انا بقنعه.....وبعدها من بعد مااقنعه انا وياج بنروح عند ام عبيد نخطب سمية له....

الام العودة مستغربة شلون عرفت انها تبا سمية لخليفة .:: وكيف عرفتي يابنيتي .... اني ابا سمية لخليفة ...؟؟

موزة:بالصدفة سمعتج ترمسين خليفة .. وان شاء الله الليلة راح اخليه يوافق ...

الامالعودة : تسلمين يابنيتي.. وشرات ماقلت لج انتي راح تظلين المعززة والمكرمة ,, وماراح اخلي حد يسئ لج يالغالية ...

وظهرت موزة من عند عمتها وقلبها محترق ... كيف انها هي بنفسها راح تخطب حق ريلها ,,, وهي ماسوت هالشي الا عسب ترضي عمتها ......


نروح لرماح عند بيت بوغانم ....

بالصالة ام غانم تزقر بنتها عووش ....

ام غانم : يما عوووش شوفي العيش طبخ ولا بعده ....

عووش : ان شاء الله يما ,,,,,

ام غانم : يما عووش زهبي الغدى الحين راح يرد اخوج واختج من الدوامات ,,ولازم نزهب لهم تلاقينهم ميتين من اليوع ,, وخاصة اختج نورة .........

عوووش: ههههههههه ان شاء الله يما .....

وراحت عووش تشوف العيش وبالمرة تزهب الغدى .....

عوووش : يما اليوم وايد مسوية غدى ,, هو انتي عازمة حد ....؟؟؟

ام غانم:: لا بس هذا ربيع اخوج بطي راح يتغدى عندنا ,,, اخوج عازمنه اليوم ....وبالمرة بطرش صحن حق يارتنا ام عبيد ....

عووش: اها .....

وتدخل عليهم نورة : السلام عليكم ....

ام غانم وعووش: وعليكم السلام ....

نورة : يما انا ميته يووووووووووووع ... زاهب الغدى ......

عوووش: ههههههههه دومج ميتة من اليوع .. صبري بس اخوي اي وبنحط ,, عسب اخوي عازم ربيعه .....

نورة: بما انه اخوي عازم ربيعه .... خلوني اكل بالاول ,,هو وربيعه بياكلون بروحهم ....

ام غانم : ماتصبرين ... خلي اختج اتحط لج بصحن ,,,انتي روحي بدلي ملابسج...

وتروح عايشة اول شي الميلس عسب تنظفه قبل مااي حد ............

وعووش كانت تنظف الميلس مانتبهت حق واحد واقف برع ... يالس ينتظر عسب تظهر وهو يدخل ,,, فتحم حم عسب تعرف ان في حد برع......

عوووش من سمعت تروعت ..وشافت واحد بطول اخوها بالاول تحرت اخوها بس يوم شافت ملامحه استحت وربعت لداخل ,,,,,,بطي من ربعت من عداله عوووش ,مارام يتحرك اول مرة يصير له هالموقف ....وحدة تربع من جدامه وحلوة .....

تدخل عووش ....

ام غانم : يما وينج روحي زهبي الغدى اخوج توا يا من الدوام واكيد ربيعه بطي بالميلس ...روحي زهبي الحين ,, عسب اي اخوج وياخذ منج الغدى ...

عووش : ان شاء الله يما....

وراحت عوووش داخل المطبخ عسب تزهب الغدى ,,, وقلبها يدق بسرعة كيف انها ربعت جدام واحد وهو ربيع اخوها ,,,وخافت لو حد شافها .....وزهبت الغدى وهي تفكر ببطي ............


ماقلت لك عمر سيف العشق مايقتلك ماتشوفني حي قدامك وانا اموت فيك

في بيت بوهزاع وبالتحديد غرفة هزاع يالس يتزهب عسب يروح بيت عمه ويسلم عليهم .....وظهر وهو متسبح عالاخر بالعطر الشيوخي والعود العربي.....

هزاع ينزل من الدري ويشوف الكل متيمع بالصالة ...

هزاع : السلام عليكم ....

الكل : وعليكم السلام ...

بوهزاع: بتروح بيت عمك ... ؟؟

هزاع: هي يبا ,,تامرني بشي ..؟؟

بوهزاع: سلامتك ..سلم على امك العودة وعمك ... ولاتنسى من بعد ماتظهر من بيتهم تعال البيت لان بيت عمك بيون عندنا .....

هزاع : ان شاء الله

وظهر هزاع وراح بيت عمه بوفهد.....


في بيت بوفهد قصايد كانت بالحوش تذاكر, وكانت تسمع اغنية اجنبية من موبايلها .....

دخل حمدان وتحراها بشكارة بيت عمه ,,,,,,

هزاع: هي .. عمي وامي العودة موجودين >>>>لاتلومونه مايعرف اسم البشكارة ههههههههه

قصايد تلف ويها عنده عسب تشوف منو يرمسها بهالطريقة ....

هزاع مصدووووووووووم من الي يشوف جدامه ومو مصدق الي جدامه هي العيون الذباحية ....

ومن ناحية ثانية قصايد مو مصدقة الشخص الي شافته بالمول والي عطته كف ,, والي شافته بالعزبة داخل عندهم بالبيت ........

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 18-01-2009, 10:38 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


وهذا البارت (6)وصل
با متع عيوني .. بشوفة عيونك ** اخاف من يـوم اجـي فيـه مـا لقـاك


في بيت بوهزاع .. من بعد مادخل هزاع شاف وحدة يالسة ع الكرسي وتسمع اغاني اجنبية وتحراها البشكارة ...

هزاع: هيه ,,,عمي بوفهد .. وامي العودة موجودين داخل ......

لفت قصايد ويها عسب تعرف منو الي يالس يرمسها بهالطريقة ويتحراها بشكارة ....

هزاع مصدووووووووووم من الي يشوف جدامه ومو مصدق الي جدامه هي العيون الذباحية ....

ومن ناحية ثانية قصايد مو مصدقة الشخص الي شافته بالمول والي عطته كف ,, والي شافته بالعزبة داخل عندهم بالبيت ........

هزاع: معقولة الي اشوفه بعيوني ولا انا احلم.....شو هالصدفة الحلوة الي تجمعني ويا العيون الذباحية....

قصايد مازالت منصدمة من شوفة الشخص الي شافته بالمول والعزبة وتقول بخاطرها : ابيه .. هذا هو شويايبه هني .,,, وليش يقول عمي بوفهد وامي العودة .... معقولة يكون حد من عيال عمي بوهزاع.....يمكن هو هزاع...لان الوحيد الي ماشفناه هزاع....

هزاع فرحان من الخاطر ...والبسمة تبين عليه ومحلتنه: لاتقولين لي انج بنت عمي بوفهد ,,,لو قلتي هي راح يغمى علي هههههههههه...

قصايد: هي انا هي بنته .....

هزاع: يافرحتي عيل العيون الذباحية هي بنت عمي بوفهد ..... ويل حالي .....عيل مافي داعي ادخل واشوف عمي وامي العودة يكفيني اشوفج انتي بس......

قصايد استحت منه وتقول بخاطرها : شو جريء هذا ,,,حتى ولايغض بصره بل ......

هزاع: ممكن ايلس وياج......؟؟؟

قصايد متعجبة من زيادة جرأته : لا مو ممكن ... لو تبى امي العودة ,, او ابوي موجودين داخل روح عندهم ....وراحت عنه وهي معصبة ليش انه تجرأ رمسها بهالطريقة .....

هزاع: افا راحت وانا شو قلت,,ماقلت شي خلاها تعصب ....يالله شو هالصدفة ....وينك يابوهزاع تشوف اخوك ,,,يوم تعرف ان البنت الي ماخذة عقلي هي بنت عمي حلاااااااااااااته.......>>>>تحمل لا تستخف >>>>هزاع: ههههههههه اكيد راح استخف العيون الذباحية بنت عمي باروح عند ابوي عسب يخطب لي ياها ..... n-warey>>> ..وين وين رد عند عمك ريض لين تخطبها لين تضرب براسي راح اخطبها لك >>> هزاع : حرام عليج

ودخل هزاع بيت عمه طبعا من بعد ما ستأذن وشاف عمه ومرت عمه ,, وامه العودة وعمته سلوى وقصايد.... سلم عليه م واحد واحد وعيونه ع العيون الذباحية ......

الام العودة : يا هلا والله بولد ولدي الغالي .. اشحالك يالغالي....؟؟

هزاع: بخير سرج الحال امي العودة ... اشحالج انتي ... واخبار صحتج .....؟؟

الام العودة : بخير علني فداك يالغالي....عيل وين امك وابوك ,, ليش مايوا معاك ...؟؟؟

هزاع: الله يسلمج اليوم عمي بوسهيل وحرمته وولده سهيل يبزورونا .. وبيخطبون اختي شما حق سهيل....

بوفهد: مبروك والله يبارك لهم ....وعقبالك ان شاء الله .....

هزاع وهو يشوف العيون الذباحية : امين عن قريب ان شاء الله .....

الام العودة : تعال ياوليدي عندي ايلس حذالي ...وانتي ياقصايد روحي زقري اخوج فهد وفارس وعمج خليفة وحرمته خليهم ايون ويسلمون على هزاع ولد الغالي.....

قصايد : ان شاء الله امي العودة ....,وتروح قصايد لفوق تزقر اخوانها ومرت عمها وعمها ......

هزاع وبخاطره الله يهداج يما ليش تبعدينها عني .. خليها وخلي عيني تغرق بعيونها فديتها .......>>>استح

ام فهد: شو تشرب يا هزاع:.....

هزاع: تسلمين مرت عمي .... ماابي اتعبج.....

ام فهد : لا تعب ولا شي ,,, راح اصب لك شاي ....

هزاع: تسلمين مرت عمي ....

ابو فهد: لاتستح منا يا هزاع ,, ترا احنا منكم وفيكم والي يالس عندها هي امك العودة ,, واحنا مو غرب عنكم ....

هزاع: اكيد عمي مو غريب انتو هلي وناسي بعد ,,,,,, وفي قلبه يقول وانت راح تكون ابو حرمتي فديتها...

وتنزل قصايد ومعاها اخوانها وعمها ومرت عمها ...........

خليفة: يا هلا مرحب بولد اخوي محمد ..... ويعطون خشم

هزاع: مرحب باجي عمي , اشحالك ...؟؟

خليفة : بخير سرك الحال.....

وبعدها ايسلم عليه فهد وفارس ........

ابوفهد : خلني اعرفك على اعيالي ......الي يالس على يمينك هو ولدي البجر فهد ,,,والي يمه فارس ,,, والي يالسة عند مرت عمك الي هي حرمتي تكون موزة مرت خليفة ... الي هو عمك هذا ويأشر عليه .... اما الي يالسة يمين امك العودة هي حبيبة قلبي ودلوعة البيت قصايد .....

هزاع وف قلبه : ((هذي العيون الذباحية حرمتي ,, ومحلاة اسمها اسم على مسمى ...))

ابوفهد : اما هذي الغالية اختي وهي عمتك سلوى ....

هزاع وهو يوجه رمسته حق عمته سلوى ... اشحالج عمتي سلوى .....

فارس: يأشر على هزاع ويقول له انها ماتسمع ولا تتكلم ؟.......

حز بخاطر هزاع لانه عنده عمه ماتسمع ولا تتكلم .....

شافته سلوى : وأشرت له وقالت انها بخير وانها فهمت كلامه من حركة شفايفة ....وطبعا الي ترجمت له هي قصايد .....

خليفة: على فكرة مو احنا بس ترا عندك عمك بوحمدان ... وعمتك ام كايد عايشة بالسويحان رفضت اتي تسكن بابوظبي .....

فهد: عمك بوحمدان عنده ولدين وبنت ,,حمدان وحامد والبنت شويخ ,, مسمينها على اسم امي العودة ,, وماخذه طبايعها بكل شي.....

وتدخل عليهم شويخ وحامد من دون احم ولادستور ........

حامد وشويخ : السلام عليكم ....

الكل: وعليكم السلام ..........

الام العودة تصرخ على حامد وشويخ: وانتو ياعيال ليش ماضربتوا الجرس قبل ماتدخلون ,,, وانا متى راح اعيد واقول دقوا الجرس وبعدين دخلو؟؟؟

حامد: امي العودة انا قلت بدق الجرس بس شويخ منعتني قالت عادي تراه بيتنا الثاني ....

الام العودة : شويخ ويهد ,,,قلنا بيتج بس لازم الاستئذان واجب ....

شويخ: عادي امي العودة ,,و واحنا مو غرب ,,, وماالغريب غير الشيطان.....

شويخ شافت هزاع وشهقت مرة وحدة ........وقصايد يالسة تأشر لها انها تسكت ......

الام العودة : ويه بلاج شهقتي .. الي يقول شايفة يني ,,, تعالي لاتستحين هذا ولد عمج محمد ,,, هزاع.....

شويخ وعلامات التعجب بويها : ولد عمي ...؟؟؟!!!

فارس:هي ولد عمج بلاج ...؟؟

شويخ: لا ابد سلامتك .... وتشوف قصايد وتضحك .....

حامد : اشحالج امي العودة ويروح يبوسها على راسها ......

الام العودة: بخير سرك الحال ياولدي ..... وانتي يامضيعة المذهب ليش واقفة ماتين اتسلمين ,,,,,

شويخ: افا اكيد بسلم .... وتروح تسلم على امها العودة وعمها ..........

وتروح تيلس عند قصايد .............

فارس: هذا حامد ولد عمي بوحمدان ,, وهذي شويخ ....

هزاع: يا هلا ومرحب ....

حامد : مرحب باجي ياولد العم ......

شويخ تهمس لي قصايد: معقولة الي اشوفه ....ولا انا احلم ....

قصايد تهمس لشويخ: سكتي غربل الله عدوج فضحتينا ....ويلج لو خبرتي حد خاصة مياسة ودانة .....

شويخ: ولا يهمج ......وف قلبها تلاقين الخبر باجر منتشر هههههههههههه

وطبعا يلسو يسولفون ويتعرفون ,, وهزاع ماشل عينه عن قصايد ... وشويخ لاحظت نظرات هزاع لقصايد ...........وبعدها دخل بوحمدان وام حمدان ... وبالمرة هزاع تعرف على عمه بوحمدان ومرت عمه ......



يا ليت ربي ما خلق .. حب وفراق ** وإلا خلق حب علـى غيـر فرقـا

في الرماح ع الساعة 6:30 في بيت بو ذياب في غرفة غبوش....

غبوش يالسة ع الكمبيوتر تسوي لها بروجكت..... ومهرة وياها يالسة تكتب واجبااتها >>>>مهرة تحب تيلس دوم عند عمتها غبوش

مهرة : اممممممممممم عمتي ممكن أسأل سؤال؟؟؟

غبوس وهي مندمجة بالبروجكت|: إسألي حبيبتي.....

مهرة: عمتي عادي الوحدة بسني تحب؟؟؟؟

غبوش تترك الي بيدها وتصد لمهرة : كيف يعني تحبين ...؟؟؟

مهرة : بلاج عمتي احب... يعني حب من طرفين ......

غبوش: حبيبتي فهميني ... الحب الي تقولينه يعني قصدج .... تحبين معلمة ,او صديقة ... ولا الحب النوع الثاني ....؟؟؟

مهرة وهي مرتبكة وتستحي : عمتي الحب النوع الثاني .....

غبوش: منصدمة : الحب النوع الثاني ....؟؟

مهرة : هي الحب النوع الثاني ,,يعني يوم الوحدة تنعجب بواحد وتحبه .....

ونشت غبوش من عند الكمبيوتر وراحت تيلس عند مهرة : حبيبتي انتي تحبين حد ... او حاطة عينج بواحد؟....وتفكرين فيه....

مهرة : هي ,,,, فارس....

غبوش: فارس؟؟؟؟منو فارس؟؟؟؟

مهرة : عمتي بلاج ....فارس اخو قصايد .. الي تصير حق مياسة بنت عمهم ....

غبوش: اها .. مهرة حبيبتي ... اسمعيني انتي بعدج صغيرة ع الحب ,,بعدين انا ما اخبي ان فارس ماشاء الله عليه حلو ,,,بس عمره اكبر عنج ,, انتي 9 سنين ,,وهو 22 سنة ...هو معدي سن المراهقة ,,,انتي بعدج مادخلتي سن المراهقة ....ومستحيل انه يحبج ... وان حبج كأخت بس ... حبيبتي مهرة ,,انسي فارس ولاتفكرين فيه,,,انا خايفة عليج لو تعلقتي فيه راح تتعذبين بعدين ,,والحب مايرحم ,,انتي بعدج صغيرة ...لين تكبرين ,, ان شاء الله ربي ايعوضج بأحسن من فارس ... لكن فارس بعيد انه يكون لج ...فكري بأشياء تخليج تنسين فارس ...حبيبتي لاتظنين اني اقولج جي ...لاني ابعدج عن شي تبينه .. انا مااشوف هالشي الا لمصلحتج ... ولانج مازلتي صغيرة....وما اباج تتعذبين ...

مهرة ودموعها بعيونها : ادري عمتي وانا فكرت بهالشي ,, واوعدج اني راح انساه ....

غبوش: يالله حبيبتي امسحي دموعج ,,تراها غالية .....

مهرة : ان شاء الله عمتي ..مشكورة عمتي ... وراحت باستها على خدها ..........

وتدخل عليهم شيما وهي معصبة ومن دون ماتستأذن ....

شيما وهي تشل القلم من يد مهرة : انتي منو قالج تاخذين قلمي يالسراقة ....؟؟؟

مهرة : شوفيج ,, وبعدين هذا مو قلمج ....هذا قلمي عمتي غبوش عطتني ياه....

غبوش: هي انا عطيتها ياه ...وبعدين منو سمح لج تدخلين حيرتي من دون استأذان ...شو محد علمج انج بالاول لازم تستأذنين ...؟؟

شيما : يووووووه روحوا لا ,, عيل وين قلمي .....؟؟؟

ويدخل عليهم عبدالله الصغنون اخو مهرة وشيما ,, وشال قلم ودفتر .....

غبوش : هذا هو قلمج ولا بعد دفترج ويا عبدالله ... بدل ماتقطين رمستج الشينة على اختج ... شوفي بالاول منو خذاه ....

وتروح شيما وتضرب عبدالله على راسه وتاخذ منه الدفتر والقلم......وعبدالله بدا يصيح ,,ويروح عند حضن عمته....

وقبل ماتظهر زقرتها عمتها غبوش: هي.. شو يالسة تضربين صغير ,, ماتستحين انتي وبعدين مو كأنج نسيتي شي ....قبل ماتروحين ... تعتذرين حق مهرة ...

وظهرت شما من دون ماتعتذر.....

غبوش: والله هذي تقهرني شو ها الحركات الي فيها ,,,,

مهرة : عادي عمتي تعودت عليها ,,وانا ساكته ماقول لها شي ...ولاتنسين كل هالحركات ماخذتنها من عمتي ظبية ....

غبوش : عافانا الله منهن... الله يكفينا شرهن ...وانت حبيبي خلاص ,,خلها تولي دواها عند ابوك ....

ويدخل عليهم مبارك : السلام عليكم ....

غبوش ومهرة : وعليكم السلام ...

مبارك شاف عبدالله يصيح: بلاه الحلو يصيح منو ضرب ابوي الحلو ....

غبوش: منو ماغيرها شيمو ...

مبارك : الله يهديها ...وهذي ماتيوز عن حركاتها ....

غبوش: حركات اختك ظبيو ....

مبارك :هي صدقتي . .. المهم حبيبتي مهرة خذي عبدالله وعطيه شي ياكل عسب يسكت ,, ابا عمتج برمسة .....

مهرة : ان شاء الله عمي .....

وظهرت مهرة وخذت عبدالله معاها وسكرت الباب من وراها ...........

غبوش تروح عند اخوها :.......واخوي حبيبي شو يبا مني .. اكيد السالفة سالفة قلب ,,,,.؟؟؟

مبارك: آه المشلكة مو قلب صار قلبين ....؟؟؟؟

غبوش : قلبين ... افا خير قول منو الي احتل قلبك الثاني ,, الي اعرف ان الشخص يحب مرة وحدة بس......

مبارك : حور .....

غبوش: حور .؟؟؟؟منو حور تطلع....؟؟؟

مبارك :غبوش بلاج حور بنت عمة مياسة ....

غبوش : هي .. حور وهي الي صابت قلبك ....؟؟؟

مبارك: هي مادري بس حسيتها احلى من الريم .....

غبوش: وين الي يقول احب الريم واعشقها واباها ...الحين حور ...والله انتو يالشباب سالفتكم سالفة .....

مبارك: انزين خبريني شو اسوي....؟؟؟

غبوش: شو تسوي ماعندك غير انك تسأل قلبك ..وشوف منو اكثر راح يرتاح له .....؟؟

مبارك: مااعرف والله ....محتار ....

غبوش: والله محد الي مرتاح غير ميحد ولا يخصه بالحب وسواياها ...........

ويدخل عليهم ميحد...... وهو يدندن.....

ميحد : وبلاه ميحد ....

غبوش: يا هلا ومرحب بميحد حمد :::::: عاشوا عاشوا

ميحد: تسلمين فديتج .. تبين توقيعي .. ولا اقولج خليه لبعدين ,,,الحين مو فاضي عندي حفلة جرش ههههههههههه

غبوش وتسوي عمرها زعلانة ......

ميحد : افا كله ولا معجبتي العزيزة غبيشة .........

غبوش مستانسة : احم تسلم تسلم ..

ميحد : خبروني بشو كنتو ترمسون عني ......

غبوش: سلامتك بس كنت اقول حق مبارك الوحيد الي مرتاح من الحب هو ميحد ......

ميحد : شو دراج ... يمكن انا حب وما قول؟؟؟؟؟

مبارك: صدق تحب ... ومنو ...؟؟؟

غبوش: مستحيل وابصم بالمية ان ميحد ... مايخصه بالحب ,,,لو كنت تحب كنت راح تخبرني اول وحدة باللي تحبها .........

ميحد: ههههههههه اختي وتعرفني ,,,,وانت على طول صدقت وين بعدني صغير ع الحب ....خلوني اتهنى بعز شبابي ,,,لا اتعذب شراتك ..وافكر بالريم .....

غبوش:ههههههههههه لا ازيدك من شعر بيت في وحدة ثانية ظهرت بقلبه ...؟؟؟

ميحد: منو هذي بعد ...الي اعرفه ان القلب حق وحدة بس... .....

غبوش : الا مبارك .... ثنتين ومايندرى يمكن باجر تظهر ثلاث هههههههههههه

ميحد : بروك منو الي احتلت قلبك النص الثاني ....؟؟؟

مبارك: حور بنت عمة مياسة ينت عمي بوهزاع....

ميحد : حور ..... الصراحة مالومك من ناحية الجمال فيها جمال ...بس في وحدة احلى منها هذيك العيون الرمادية حلوة .....

غبوش: قصدك قصايد......

ميحد : هي قصايد ...وهي مخطوبة ولا شي.....؟؟

مبارك: ها يمكن حبيتها وتباها ....

ميحد : لا بس أسأل ...؟؟

غبوش: الله يسلمك الي عرفته من شويخ .. ان اخو شويخ حمدان يحبها ....

مبارك: حمدان ماظن شفناه يوم يوا زارونا ......

غبوش: شويخ قالت ان حمدان اتصلو فيه الشغل ويبونه ضروري .....

وبعدها كل واحد اح لغرفته ...........

ما بي ظمأ .. لا شك بي روح عطشان ** وما ني عليل وأن بدى سقم حالي

في بيت بوحمدان من بعد ماردوا من بيت بوفهد ........

اول مادخلت شويخ البيت على طول غرفتها عسب تتصل حق حور وتخبرها باخر الاخبار .....>>>>بدت اخبار البي بي سي ...هههههههه

ام حمدان: ويه بلاها هالبنت اليوم ,,مو على طبيعتها ....

بوحمدان: خليها يام حمدان ,,,,تلاقينها نست تكتب شي من واجباتها والحين تذكرت....

ام حمدان: ماظن لانها خبرتني انها خلصت من كل واجباتها ....

ابوحمدان: يبا حامد ,,ماتصل فيكم اخوكم حمدان...؟؟

حامد: لا يبا ماتصل ...يمكن اتصل حق شويخ ....

ام حمدان : وا عليه على ولدي ...قلبي مو مطمن ,, ليش مايتصل ,,,اخاف صابه شي يابو حمدان .....

ابوحمدان: صلي عالنبي .. الولد مافيه شي ..وشرات ماقالت لج شويخ ....راح كورس ,, ويمكن هو مشغول ومايروم يتصل ...ان شاء الله يوم يفضى راح يتصل ...بس وكلي امرج لربج ,,وادعي له انه يتوفق بالكورس.....

ام حمدان: الله يسهل له ويوفقه .....يما حامد ,,روح عند اختك شويخ وخبرها اذا حمدان اتصل له ولا لا....؟؟؟

حامد: ان شاء الله يما .......

وراح حامد عند اخته شويخ ...........

اما عند شويخ قافلة الباب يالسة ترمس حور ...........

شويخ: حوووووووووور اتوقعي منو شفت اليوم في بيت عمي بوفهد....؟؟؟

حور: منو ؟؟؟

شويخ: توقعي بالاول .........؟؟؟

حور: يوووووه شويخ قولي موفاضية لج...............

شويخ: تعرفين منو شفت في بت عمي بوفهد .....

حور وهي معصبة : شويخ ذليتيني قولي منو ؟؟؟؟؟

شويخ: ماراح تصدقين منو شفته ,,, راح تستغربين .....؟؟؟؟

حور: ههههههههه حرام عليج ذليتيني ماصارت ,,,يالله فديتج لو تبين قولي ,,لو ماتبين مردي راح اعرف من قصايد.....

شويخ: بقولج ...تدرين شفت منو .... الله يسلمج تعرفين الشخص الي شافته قصايد بالمول وعطته كف ,,,والي شافته بالعزبة ..........

حور : لاتقولين انه هو شفتيه في بيت عمي ......؟؟؟

شويخ: هههههههههه انا ماقلت انتي الي قلتي ....

حور: حلفي والله .......من صدق تتكلمين .. وشو يسوي في بيت عمي .....لايكون عرف قصايد بنت منو وراح خطبها ,,,مستحيل....؟؟؟

شويخ ::: ويت ويت .....اولا : والله هو ... وثانيا ...الله يسلمج والي ماراح تصدقين انه هو يطلع ولد عمنا .. ولد عمي محمد ...هزاع ,,,الوحيد الي ماشفناه في العزبة.....

حور: شووووووووووووو... من صدقج يالسة ترمسن ....

شويخ: هي والله ,,,,,,, اليوم رحنا بيت عمي وشفته يالس عدال امي العودة ......لا وعيونه كله على قصووود ولا يخوز عينه منها ....

حور: وقصايد شو سوت ......؟؟؟؟

شويخ: فديتها منزلة عينها مستحية الحبيبة ......ههههههههههه ماتخيل ان هزاع هو نفسه الي عطته كف ههههههههههههه

حور: ههههههههههههه يحليج يا قصايد اثاريج عطيتي الكف حق ولد عمج هههههههههه....

شويخ : المهم حور انا بسكر الحين ..راح اشوف منو بالباب اكيد شنغل ..

حور : اوكي سلمي ...

شويخ : يوصل وانتي بعد .....

وتسكر شويخ عن حور وتروح تفتح الباب.......

شويخ: خير .... شوي راح تكسر الباب......

حامد: ليش مقفلة الباب.....؟؟؟

شويخ: كنت يالسة ارمس حور ....

حامد: بل بدت الاخبار ...انتو يالبنات ماتخلصون من رمستكم ... المهم امي تقول حمدان اتصل لج ...؟؟؟

شويخ: لا ..ماتصل .....

حامد: يوووووووووه ,,الحين شو باقول لها ..وهي قالت روح عند اختك وخبرها لو حمدان اتصل لها .....

شويخ: امممممممم ... قول لها اتصل ويسلم عليكم ....

حامد: حلفي انتي بس .. انا اجذب ...لا اسمحيلي مردها راح تعرف ...اني اجذب .....

شويخ: عيل خبرها بعده ماتصل يمكن مشغول.....

حامد: انزين انتي اتصلتي له.....؟؟؟

شويخ: اتصل بس كله خارج نطاق الخدمة ...........

حامد: اه عيل باروح عند امي واخبرها انه ماتصل ويمكن مشغول ....اقول شويخ .؟؟؟؟

شويخ: شو .....؟؟؟

حامد: امممممممممم اخبار هيوم .....؟؟؟؟

شويخ: وانت ليش تسأل .....يعني من صدقك حبيت البنت ...؟؟؟

حامد: يووووه شويخ بتقولين ولا افلعج بالمزهرية .....

شويخ: بل راح ترتكب جريمة ...وبعدين منو راح يقولك اخبار هيوم .......

حامد: يالله قولي اخبارها...وقلتيلها اني معجب بها .....؟؟؟

شويخ: اخبارها زين والحمد لله...من ناحية اني خبرتها هي تدري اصلا....انك مهتم بها .....

حامد: حلفي والله انتي خبرتيها ...؟؟

شويخ: لا مو انا قصايد خبرتها ....

حامد: وقصايد شو دراها ..اني احبها ؟؟؟؟

شويخ: انا الي خبرتها تدري انا وقصايد مانخبي عن بعض.....

حامد: بل عليكم .... المهم شو قالت عني ..؟؟

شويخ تبا تلعب عليه شوي..:: سلامتك ...قالت هذا من النوع الي ماحبه ..مغرور ومتكبر وشايف حاله...وهو بعده صغير ..وهي ماتفكر فيك .......لاتنسى انت الحين 19 سنة

حامد حز بخاطره: اها ,,, الله يسامحها انا مغرور ومتكبر وشايف حالي,,, مافيها شي انا 19 سنة وهي 20 سنة يعني من بينا سنة وحدة بس ...تلاقين هالايام وايد بنات ياخذون شباب اصغر منهم بسنة او سنتين .... المهم باروح اخبر امي ان حمدان مااتصل .........

شويخ تضحك: ههههههههه فديت اخوي .,,,, تعال اقص عليك ...بالعكس هيوم معجبة فيك ..بس هي ماتخبر,,,

حامد: ويا ويهج شوي وابا اصيح ...وانتي شو دراج انها معجبة فيني ....؟؟؟

شويخ: احنا البنات نعرف كل شي ... الله يسلمك يوم قصايد اتييب طاريك مانشوف لك الا هيوم اطب علينا كانها سوبر مان ههههههههههههه ,,,

حامد متشقق فرح : والله ...يعني هي معجبة فيني ...

شويخ: اكيد ....واذا تباني اخليها تعترف وجدامك انا حاضرة .....

حامد: حلفي والله ,,والي تبينه راح اسويه لج؟.........

شويخ: الي اباه.......اممممممم تودينا ابوظبي مول ......راح افكر متى وبخبرك ........

حامد: تم .. يالله اتصلي........

شويخ: لا مو الحين ...خلها لبعدين ...الحين تلاقها مشغولة .....

حامد: الله يخليج الحين....

شويخ: لا هي مشغولة ...ف الليل راح اتصل لها ...لاني وعدتها اتصل لها ع الساعة 9 ........واخبرها بالي صار بالعزبة .....

حامد : خلاص خبريني يوم تتصلين لها .......
شويخ: ههههههههه اوكي شنغل ........

وظهر حامد هو فرحان من الخاطر وراح عند امه يخبرها ان حمدان ماتصل............



والله ما غيرك بقلبي يوازيك ** أغلى من الدنيا ..علـى الخـد مـا طـاك

في بيت بوسلطان .....امنه بالمطبخ يالسة تسوي باشميل للعشى ......

ام سلطان دخلت عندها بالمطبخ ....: يما امنة خذي الموبايل واتصلي بالريم ... ابا اشوف اخبارها ... مو من عادتها تروح العين ولا تتصل ....؟؟؟

امنه: ان شاء الله عمتي .....

وتتصل امنه للريم ,,,بس الريم ماترد ....

امنه: ماترد عليه عمتي ...يمكن تلاقينهاترمس حد من ربيعاتها.....

ام سلطان : يمكن ....تبين اساعدج يابنيتي.....؟؟؟

امنه: لا عمتي تسلمين .....ماابي اتعبج .....راح اخلص الحين ....وبحطه بالفرن....

ويدخل علي وعبدالله وهم معصبين ............

عبدالله : يما اااااااااااااااااااا

امنه: بيه ,,, بسم الله بلاكم ....ليش معصبين .....؟؟؟

علي : ومنو ماغيرها الساحرة ...ماريووووووووووو

ام سلطان : وهذي شو فيها بعد.....؟؟؟

عبدالله : يدووو هذي ماريا ماتخلينا بحالنا ...اف ماتخلينا نلعب مع عمي سعيد بلايستيشن ....تقول لنا قومو اتسبحوا ......شو ها ...الواحد مايرتاح بالبيت ...

علي وهو يقلد رمسة ماريا: اتقول :: اذا انتا مافي كوم انا بيكوم انته وبيودي همام سوي سبه انته ......اخر زمن بشكارة تسبحنا .......

ام سلطان : ماعاشت لو دخلت عليكم .... وانتو ليش ماتسبحون ... ودروا عنكم اللعب وروحو اتسبحوا ....

عبدالله : يدتيه ,,, خلينا بالاول نلعب وبعد العشى بنسبح .....الله يخليج .....

وتدخل ماريا: ابدلة , ألي روه همام سوي سبح .....(عبدالله ,علي روح يكرمكم الله الحمام اتسبح )

عبدالله : وانتي ماراح تسكتين عنا روه روه ......روحي وياويهج قبل لا اضربج ....

علي: هي روحي ولا الحين اخلي ابوي يسفرج .....

امنه: بسكم ياولاد ,,, لا تعصبون .....ماريا خلاص انتي روحي كملي شغلج ,,وهم بعدين راح يسبحون...

ماريا وهي تروح وتتحرطم: والله مشكل كل مشكل ...روه روه شو ها يأني واهد مافي يرتاه من شغل واجد شغل .....اف والله هرام ... وهزا أبدلة وألي دوم سوي جنجال واجد .........

ام سلطان : حسبية الله عليها ,,, وصار لها لسان بعد ....

عبدالله : هي والله لسانها طويل يبا قص ....يدتيه سفروها تولي ....

علي : هي يدتيه سفروها تذل الواحد............

امنه: حرام عليكم ... انتو شر,,, انتو الي وصلتوها لهالحال .....ماتخلونها بحالها ..ملعوزينها ....زين انها صابرة عليكم ,,, صار لنا الحين اربع مغيرين بشكارات .. زين هذي الي صبرت عليكم ....

علي وعبدالله يالسين يطالعون بعض ويضحكون: تستاهل حوبتها ... يالسة تتشرط علينا ...

ام سلطان : يما روحو كملو لعب ويا عمكم سعيد.....ومافي داعي تضاربون وياها ....

وراح عبدالله وعلي يكملون اللعب ......وطبعا اصواتهم توصل لاخر الدنيا ...........

ويدخل عليهم سلطان : السلام عليكم.........

امنه وام سلطان : وعليكم السلام

يروح سلطان ويبوس امه : اشحالج امي ...؟؟؟

ام سلطان : بخير علني فداك اشحالك انته .........

سلطان: الحمد لله يسرج حالي ,,, بس حاس اني هالك توي راد من الشغل ,, يالله شو تعب.....

ام سلطان : وانت ليش ماتودر هالاتصالات دام هي متعبتنك ,,, ولاقي لك شغل ثاني .... كل وقتك لشغل ,, يادوب نشوفك .......

سلطان:/ يما انا الحمد لله مرتاح بالشغل وعايبني الشغل بالاتصالات..........

سلطان : اشحالج امونه .. واخبار البيبي,,,,,,..؟؟؟

امنه: الحمد لله سرك الحال يالغالي .. والبيبي الحمد لله صحته تمام .....

سلطان: يالله شو هالريحة الغاوية ........اكيد باشميل.......

امنه: هي ادري فيك تحب الباشميل قلت اسوي لك ..........

وبالمرة يسمعون صوت صريخ ماريا ...........وركض ع الصالة

الا يشوفون عبدالله وعلي هجوم على ماريا المسكينة ......

ام سلطان : ياولاد بس حرام عليكم ذبحتوها ... خلوها بحالها .....

ماريا : والله هرام شو هزا ..مافي خلي انا سوي شغل ...ماما هرام قولي هق هو يخلي انا يكنس .....

امنه: ياولاد ليش ماتخلونها تكنس......

عبدالله: يما مانبا صوت ...نبا نلعب وهالصوت المكنسة يشوش علينا ... ومانعرف نركز .. قومي غربل الله عدوج .....

علي : هدني عليها ,, لااكسر ريولها هالساحرة ............

سلطان ميت ضحك على عياله .....

ام سلطان : وانت ياولد بدل ماتأدبهم يالس تضحك ..ماتشوف المسكينة شو مسوين فيها .............

سلطان : يما هذيلا صغار بعدهم ,,وهي ليش تكنس الحين ,,وانتي تدرين هذيلا مايحبون حد يزعجهم وخاصة لو يلعبون هالجيم .......

ام سلطان توجه رمستها حق ولدها سعيد : انت ياسعيد شل الجيم وخبيه بمكان .. وماباك تلعب بالجيم الا بالويك اند....

سعيد: يما الله يخليج بس خلينا نخلص الشوط الثاني ,,وراح اسكره ....وبعدين الويك اند نروح العزبة ومايكون لنا وقت نلعب جيم ....

ويدخل عليهم بوسلطان وحمد : السلام عليكم

الكل : وعليكم السلام .......

حمد : يوه الظاهر كانت عندنا حرب .... اكيد هذولا عبدالله وعلي مسوين ضرابة ويا ماريا يبين ....

علي: هي نعم وطبعا احنا الفايزين ..........

حمد: ههههههههههههههه مسكينة هالبشكارة ,,شلون صبرت عليكم ,,

ام سلطان : وانت بعد تضحك بدل ماتهزبهم ......

حمد: يما ماروم اهزبهم ابوهم موجود ...خليه هو يهزبهم ..........

ابو سلطان : خير شو مستوي ....وليش الصالة صايرة جي.....؟؟؟

ام سلطان : ابد سلامتك ,,بس علي وعبدالله ...ماسكين هالبشكارة وضاربينها ,,ليش ,,,عسب انها تكنس الصالة ومايبون حد يخرب عليهم لعبهم .....

ابو سلطان : عبدالله وعلي تعالو عندي شوي.....

وراحو علي وعبدالله ويلسو عند يدهم ::::

ابو سلطان : بابا حرام الي تسوون فيها ,, هذي مسكينة ياية من بعيد وتركت اهلها وعيالها عسب تشتغل .. وتحصل بيزات واطرشهم لهم ... وشوفوا كيف هي صبرت عليكم واتحملت الضرب والسب منكم .....وانتو شفتوا الي قبلهم شو صار فيهم ماتلاقيهم اسبوع الا وهم يبون يردون ....

عبدالله : بس يدي يالسة تتشرط علينا ..سو هذا مافي سوي هذا ....لا يالسة تصر علينا الا نروح نسبح الحين ,,,,,

علي: وتقول لو مارحنا نسبح راح دخلنا غصب وتسبحنا ...........

ابو سلطان: هههههههه تلاقيها تمزح ...وبعدين ليش ماتسبحون ,, يمكن هي تبا تغسل ملابسكم ,,وتخلص اشغالها بسرعة ...ماشاء الله عليكم انتو ماتخلونها تشتغل عدل ,,دوم تزقرونها ،،،،ماريا ييبي ماي ،،،ماريا سوي سندويتش ,,,ماريا وماريا ... الرسول عليه الصلاة والف السلام قال ....

الكل : عليه الصلاة والف السلام....

ابو سلطان : ارحموا من في الارض يرحمكم من في السماء ... ارحموا هالمسكينة ,,,, عسب ربي يرحمكم برحمته ....ولا انا غلطان ....

عبدالله : صح كلامك يدي وانا اسف .........

علي : وانا اسف يدي.....

ابو سلطان : لازم تعتذرون منها هي ,,, مو انا لانكم غلطو عليها .....

علي وعبدالله : ان شاء الله .....

وراح علي وعبدالله يعتذرون من ماريا ...........

ام سلطان: الله يهديهم .....

وبعدها ردوا وكملو اللعب ..............


سلام يا رمش **ر باهي الخـد ** سـلام .. يـا ذابـح القلـوب الخليـة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 18-01-2009, 10:41 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


في بيت بوهزاع ع الساعة 8

في الميلس ....ابو هزاع , وهزاع , وسيف ومنصور...وبوسهيل ,وسهيل يالسين ....

بوسهيل: طالبنك بطلبة ياخوي .....

ابوهزاع: امر يالغالي ...

بوسهيل: مايآمر عليك عدو ولا ظالم ... بس اليوم ياي لك خصيصا وابا اخطب بنتك لولدي سهيل ....وسهيل باغنها على سنة الله ورسوله.....شو قلت ياخوي.....

بوهزاع: هذي الساعة المباركة وسهيل ..هو ولدي .. وشما هي بنتك .. ومن الحين انا قول موافق....

بوسهيل: تسلم ياخوي .. بس لازم ناخذ راي البنت .. بالاول عسب نعرف رايها ....

سيف: مايحتاي ياعمي شما اكيد بتوافق لانها ماراح تلاقي احسن من سهيل يعزها ويكرمها....

سهيل: تسلم ياسيف .......

بوهزاع: الي تامره ياخوي راح ناخذ رايها ونعرف ان كانت موافقة ولا لا....

سهيل:عمي اذا ماعندك مانع يكون الكتب الكتاب والعرس بيوم واحد ,,وبالمرة تكون بعطلة الربيع .....

بوسهيل : اسكت ياولد .....

بوهزاع: ههههههههه خله ياخوي الريال مستعيل ويبا يلحق على رزقه ......ليش مانخلي الكتب الكتاب يوم الخميس الياي..... والعرس يكون بعطلة الربيع .....

بو سهيل: خلاص تم ,, ياخوي بس بالاول انت شو ف راي البنت وام البنت يمكن هم رايهم غير ....

بوهزاع: لاتخاف يا اخوي انا عارف رايهم .....

هزاع: يالله يا بو الشباب ناوي تعرس خلاص ... يعني راح تدخل القفص الذهبي .....

سهيل: ياخوك ملينا من العزوبية بسنا ... خلنا نبدا حياة المسئولية .. والزواج ....

منصور : الله حيه المعرس ... زين منك المال ومنها العيال ....

سهيل: تسلم وعقبالكم ان شاء الله ...

من ناحية ثانية بالصالة عند الحريم ..........

ام سهيل: تعالي يابنيتي شما ...تعالي يلس عدالي ....

راحت شما ويلست عدال مرت عمها ....وبدت مرت عمها تحضنها وتبوسها .......

ام سهيل: اسمعيني يام هزاع .. احنا اليوم مايينا الا لشي واحد ,,الي هو ياييين نطلب يد بنتج حق ولدي سهيل.. وانا اعرف ان احنا ماراح نلاقي احسن من بنتج شما بنت دين واخلاق وجمال...شو قلتي يا ام هزاع......

ام هزاع: هذي الساعة المباركة .. والبنت بنتكم ..لو تبونها خذوها من اليوم ....

ام سهيل: تسلمين فديتج ,,, ادري انكم ماراح ترفضون .. بس لازم نعرف راي البنت .. شو قلتي يالغالية موافقة .....

شما ساكتة ومنزلة راسها ومستحية ,,,,,

مياسة : مافي داعي مرت عمي البنت مستحية ... ويقولن ان السكوت علامة الرضا ....

وتروح شما تربع لغرفتها وهي مستحية وفرحانة ......

ام هزاع: ههههههههه اسمحيلها الظاهر البنت مستحية ... اكيد هي موافقة ,, وهي ماراح تلاقي احسن من سهيل....

ام سهيل: عيل يام هزاع .. انتي شوفي ابو هزاع وخبريه متى نكتب الكتاب ,,, والعرس خلوه ان شاء الله بعطلة الربيع .....

ويدخل عليهم هزاع: السلام عليكم .....

الكل : وعليكم السلام........

هزاع: اشحالج مرت عمي ....

ام سهيل: بخير علني فداك .. اشحالك انت ..؟؟؟

هزاع: بخير مانشكي باس... اقول وين العروس ,,نبا نسالها لو هي موافقة على سهيل ولا لا.....

الهنوف : مافي داعي تروح لها لانها موافقة اكيد....

هزاع: والله .. وينها لازم اسمعها بأذني ,,لاني ابوي قال .. روح اسالها ...؟؟؟

ام هزاع: هي موافقة روح فحيرتها واسالها عسب تتأكد ....

وراح هزاع عند اخته شما ......

هزاع يدق الباب على اخته طق طق طق >>دق الباب

شما : منو .؟؟؟؟

هزاع: هذا انا هزاع ممكن ....؟

شما تفتح الباب: خير هزاع.....

هزاع: الخير بويهج .. بس ابوي يقول انتي موافقة تاخذين ولد عمج سهيل على سنة الله وروسوله ......

استحت شما ونزلت راسها .....

هزاع: شو في ترا انا هالحركات ماحبها اما إي او إي مالج مفر .... اختاري هههههههههه

شما : تسوي اي براسها ....

هزاع: لا انا ابي اسمعها ......

شما : يووووه هزاع بس عاد وسكرت الباب بويهه....

هزاع: بل بالويه عاد ... انزين ماقلتي موافقة ولا لا.,,, اذا جي بخبرهم هي موموافقة لاني ماسمعت منها شي .,,,,

تظهر شما بسرعة: لا لحظة موافقة اكيد ..............وصار ويها احمر

هزاع: ههههههههههه ها صوبنا موافقة زين اني سمعتها منج ...........يالله انا باروح اخبرهم الحين ...

وراح هزاع يخبرهم ان شما موافقة ...

وطبعا الكل مستانس لهالشي وحددو ان كتب الكتاب يوم الخمس ,, والعرس راح يكون بعطلة الربيع .. وطبعا الخبر انتشر مابين الاهل .. والكل معزوم ؟؟............





أنت العذاب وكيف أنا بك اعذبك ** يامن جرحت القلب .. جرحك علاجي

في بيت بو فهد ... ع الساعة 9

في غرفة موزة وخليفة ......

موزة يالسة عالتسريحة وتسوي شعرها .... وخليفة يالس يطالعها ......

موزة : بلاك اطالعني جذي ........؟؟؟

خليفة: اشوف القمر جدامي.... كل يوم يحلو ....

موزة وف خاطرها : الحين كيف بقوله آه والله احس سكاكين تقطع فيني .....

خليفة : بلاج سكتي .. وين سرح القمر ......

موزة : سلامتك .... بس قوووووول تم ....

خليفة : تمين مو تم ..امري وادللي ....

موزة : لاتنسى انك قلت تم ولازم تنفذ لي اللي اباه .......

خليفة: آمري وادللي ...كم موازي عندي ...بس وحدة ..واموووووووووت فيها ...........

موزة: عيل اباك توافق انك تعرس..........

خليفة مصدوم من رمسة موزة وكأن حد صب عليه ماي بارد.: شو قلتي ....؟؟؟

موزة: اباك تعرس.....

خليفة: لا وبعد تعيدينها ....شو تقولين انتي .. اعرس عليج ...ينيتي...مستحيل ...لوتنطبق السما على الارض ماراح اعرس......

موزة ودموعها بعينها: لاتنسى انك قلت تم ....

خليفة : الا هذا مااوافق عليه .....موزة من صدقج انتي يالسة ترمسن ...وبعدين ليش تبيني اعرس.....

موزة: خليفة انا ماابي احرمك من العيال او احرم عمتي انها تشوف عيالك .....

خليفة : موزة انتي قد مرة سمعتيني اتشكى واقول ابا عيال.....

موزة: لا ,, وربي الشاهد عليه....

خليفة: عيل انسي السالفة.....

موزة: بس انا ابا اشوف عيالك احس اني ظالمتك ... وعايش من دون عيال ظالمتك وظالمة عمتي.....

خليفة: ليش ماتقولين امي هي الي اقنعتج بهالشي ......

موزة: امك مالها خص بهالشي ... انابروحي فكرت ,, ليش احرمك ,....خليفة لوتعزني دخيلك عرس ... والبنت موجودة ..........

خليفة: لا والله ,,وبعد مجهزة لي وحدة .... لا اكيد انتي ينيتي,,,, مو انتي موزة الي اعرفها .....

موزة: الله يخليك ياخليفة ,,,, دخيلك لاتعذبني اكثر ....

خليفة: اعذبج .. عيل انتي شو سويتي فيني ,,,,من قلتي هالرمسة ... احسج يالسة تنهشين بلحمي .....موزة انتي ماتعرفين قيمتج عندي ومعزتج وغلاتج ,,,وتبني اعرس عليج ,, يعني اييب لج ضرة فوق راسج ...

موزة: خليفة انت راح تعرس ... وانا بنفسي راح اخطب لك البنت .,,,خلاص ومو من شيم الريال انه يرد بكلمته انت قلت تم.....

خليفة :طاعوا هذي مصرة على الي تقوله ... انا قلت لج عرس ماراح اعرس ..........وظهر خليفة من عند موزة وهو بحالة لايحسد عليه معصب وحاس الدنيا ضاقت به............اماموزة من بعد ماظهر انهارت صياح وكيف انها قالت هالرمسة حق ريلها ؟......

خليفة هو ظاهر شافته قصايد

قصايد: عمي ,,,عمي ويت وين رايح....

خليفة : خلوني بحالي مالكم خص فيني ,,,,,

وظهر برع البيت......

فهد يظهر من المطبخ : منو الي يصرخ شو مستوي....؟؟؟

قصايد: مادري شفت عمي وهو معصب ويصيح ....مادري شو بلاه....فهد دخيلك روح وراه شوفه وين راح اخاف يصيبه شي.....

فهد: خلا ص انابروح له وانتي روحي عند مرت عمي شوفي شو صار له....

قصايد : اوكي ............

وراح فهد ورا عمه ...اما قصايد راحت عند مرت عمها وبالطريج فارس ظهر من حيرته......

فارس: قصود قصود .. شو صاير كأني سمعت عمي يصرخ ......

قصايد: مادري لاتسألني انا بروحي مو عارفة شو صاير ...عمي ظهر من البيت وهو يصيح ....وفهد راح وراه ....

فارس : عمي يصيح ...؟؟؟ ليش شو مستوي ...؟؟

قصايد: يوووه فروس لاتسألني انا بروحي مااعرف ... الحين باروح حق مرت عمي اسأل شو صاير.....؟؟؟

وراحت قصايد عند مرت عمها تعرف السالفة ...امافارس راح يربع عند حيرت امه وابوه يخبرهم باللي صار...وبالمرة راح عند امه العودة ........


قصايد وهي اطق الباب على مرت عمها : مرت عمي ممكن ادخل......؟؟.

وتدخل قصايد وتشوف مرت عمها منهارة من الصياح خافت عليها قصايد وربعت .........

قصايد بخوف: مرت عمي بلاج ..شو صاير .....

موزة وهي تصيح: آه ياقصايد ,,احس اني بموت .....مو رايمة اتحمل هالحياة ليتني مت ويا امي وابوي واخوي.....

قصايد: بسم الله عليج مرت عمي ...شو مستوي ...؟؟وليش عمي ظهر وهو معصب ويصيح .......

موزة: اناالسبب ...؟؟؟

قصايد : انتي السبب:::... مافهمت مرت عمي دخيلج مسحي دموعج وخبريني شو صاير....عسب افهم ...؟؟؟

ومسحت موزة دموعها تخبر قصايد باللي صار............

اما عند فارس...........

ام فهد: ومرت عمك وينها الحين ......؟؟

فارس: مرت عمي بحيرتها قصايد راحت لها تبا تعرف شو صار....؟؟

ام فهد : باروح اشوف شو صار ... ان شاء الله خير.....

وراحت ام فهد عند موزة؟......

ابوفهد: خوفي الي في باللي صار.....

فارس: شو هو يبا ... شو اللي صار.....

ابوفهد: راح تعرف بعدين ......

عند قصايد وموزة...........

قصايد: شو تقوووووووووووووولين .....مستحيل اصدق الي تقولينه ....لكن كيف ...لا لا مستحيل تكونين انتي موزة اللي تموتين بعمي ........

موزة: مو بيدي ياقصايد ,, مابا احرم عمج من العيال ....

قصايد: مرت عمي انتي تدرين شو سويتي ... انتي بجذي ذبحتي عمي ... تدرين هو يموت فيج ليش تروحين تخبرينه ... لازم يعرس.. وبعدين عمي ابد ماسمعته يتشكى من العيال اوو قال يبا ياهل ... مافي غيرها امي العودة اكيد هي الي قالت لج ....

موزة:/ لا ياقصايد امج العودة مالها خص ,,,, انابروحي سمعتها بالعزبة تلح على خليفة انه يتزوج وانها تبا تشوف عياله ...واناظلمتهم وياي ..كان المفروض خليفة يعرس من قبل عسب امج العودة تشوف عيال خليفة ,,,,لاني ياقصايد مااييب عيال انا عقيم ياقصايد عقيم ,,,,,,ويلست تصيح ......

وتروح قصايد تحضن مرت عمها : بس فديتج ,, لاتقولين جي والله تقطعين قلبي ... الله يهديج يامي العودة ... تبين تخربين بيت ولدج ....

ودخلت عليهم ام فهد ... وخبروها بالسالفة .... وام فهد من ناحية ماصدقت ... باللي تسمعه كيف موزة تتجرأة وتقول حق خليفة لازم يعرس وانها هي راح تخطب لها ...... لكن مو باليد حيلة ........


كل يعاتب بعض الاحيان غاليه ** والحـب يبقـى فـوق كـل الجروحـي

ع الكورنيش عند خليفة وفهد ..........

خليفة : وهذي السالفة يافهد .....وانت احكم ....

فهد: مااروم اقول شي ... واناعرف انك تحب موزة ...بس ياعمي يمكن هي تبا تشوف عيالك ....

خليفة: انت سمعتني يوم اتشكى وقلت ابا عيال .....

فهد: لا .........

خليفة: عيل ليش تباني اعرس ليش.... لا فوق هذا عندها وحدة تبا تروح تخطب لي .....

فهد: عمي بقولك شي ولاتزعل.....

خليفة : قول .....

فهد: الصراحة انت لازم يكون عندك ولد يشل اسمك ...ومافيها شي لو عرست ... وبعدين مو انت اول واحد ولا اخر واحد راح يعرس ...ومن ناحية حرمتك ...راح تظل معززة ومكرمة في بيتها ومحد يروم يقولها شي .. حتى حرمتك الثانية ماتروم تقول لها شي ...لان احنا كلنا بنكون وياها ...وانت تدري معزة موزة بقلبنا .....

خليفة :آه يا فهد ... شلون تباني اعرس على موزة واييب لها ضرة....تدري شو معناة ضرة ..... وبعدين انا متأكد اني مستحيل اني احبها.. الوحيدة الي بقلبي هي موزة ,,,ومافي حد ثاني راح يحتل مكانها ......

فهد: عمي اتكل على الله ,,,ولاتنسى انك قلت لها تم ....وما من عادتك انك ترد بكلمتك ....

خليفة: آه ليتني ماقلت تم .....ليت الارض بلعتني ولا قلت لها تم ..........

فهد : الله كريم ,,خلنا نروح الحين تلاقيهم الحين يحاتون عليك ,,وخاصة موزة .....يالله خلنا نرد.....

خليفة: آه منج ياموزة ذبحتيني.............

وراحو البيت .............ومن بعد ماردوا البيت دخل خليفة حيرته من دون مايرمس بس يالس يفكر ,.,,,وموزة من صوب يالسة تحبس دموعها ... ويالسة تدعي ان الله يعدي الليلة على خير ...........والام االعودة من بعدماعرفت ان موزة فاتحت خليفة بالموضوع , اتصلت حق بنتها ام كايد ,,تخبرها عسب تخبر ام عبيد انهم راح يزورونا باجر...>>>>الحبيبة سوت كل شي من دون اذن خليفة ..مخططة لاتلومونها تبا تشوف احفادها ....واثقة امية بالمية ان خليفة راح يوافق....

والجو كان متكهرب في بيت بوفهد


يازين صوتك لاعبر بين الاسلاك وشلون لو حطو مع الصوت صورة

في بيت ام كايد ع الساعة 11

من بعد مارمست الام العودة بنتها ام كايد عسب تخبر ام عبيد انهم راح يزورونها .........
ام كايد وهي تنزل من الدري وتتوجه للصالة عند اعيالها ................

حماني نايم في حضن امه ...وكايد يالس يتغزل بحرمته ,,,اما حور يالسة تذاكر ,,,,اما مانع بالس يطالع الاخبار في قناة الجزيرة ...........

ام كايد: ياولاد سمعوني ...بخبركم شي.....

فطيم: خير عمتي,, الظاهر شي صاير,,لان رمستج يبين عليها جدية ...؟؟؟

ام كايد: الخير بويهح يابنتي .....بس الي بقوله لكم يمكن يصدمكم؟؟؟؟

حور تركت الي بيدها: خير يما شو صاير خرعتينا ...؟؟؟؟

ام كايد : كل خير يما,, بس امكم العودة اتصلت فيني من شوي ,,وخبرتني اني ارمس ام عبيد ان احنا باجر نروح لها ونخطب سمية حق خالكم خليفة.........

حور فاتحة عيونها ع الاخر ومصدومة:شو ووووووو ,شو تقولين يما,, خالي خليفة بيتزوج على موزة ..مستحيل ما اصدق ..........وتروح حور لغرفتها وهي تصيح.....

مانع: يما خالي بيتزوج ..ومرت خالي موزة ,,,شو رايها..؟؟؟

ام كايد: يما هذا راي حرمت خالك موزة ,,هي الي اجبرت خالك خليفة انه يعرس ....

كايد: معقولة مرت خالي هي اللي اصرت ان خالي يتزوج...مااصدق....اللي اعرفه ...ان موزة تحب خالي وهم خالي يحب موزة,,,ومستحيل خالي يسويها ......

فطيم: يعني خلاص خالي بيزوج (تسمي خليفة خالها,,شرات ماكايد ينادي خاله))....وبياخذ سمية بنت ام عبيد....

ام كايد: هي يابنيتي.. هذا اللي صار ,,واحنا مانروم نسوي شي...هذا هو قرار حرمت خالكم.....ماعرف كيف ان موزة اصرت على خالكم خليفة الا يتزوج.........

مانع: يما الحين انتو مالقيتوا غير سمية بنت جيرانا .....

ام كايد: ليش , شو فيها بنت جمال ودلال.....

مانع: هي يما بس ...الله يستر عليها .....(وفي قلبه يقول: الله يعينك ياخالي على اللي راح تاخذها ....حاس فيك ياخالي اكيد متعذب )))

من ناحية ثانية حور بغرفتها تصيح ومو مصدقة ان خالها راح يتزوج على موزة الطيبة والحنون ,,,وراحت تتصل حق قصايد تعرف الاخبار منها .............

حور وهي ترمس قصايد وهي تصيح..::الو قصايد ,,صحيح الي سمعته ان خالي خليفة راح يتزوج على موزة..؟؟؟؟

قصايد: هي ياحور ,,,مرت عمي هي اللي اصرت عليه ,,انه يتزوج...

حور: بس ليش...؟؟اللي اعرفه ان خالي مستحيل يتزوج عليها ..وكيف جذي..؟؟

قصايد: مرت عمي مرة سمعت امي العودة..ترمس عمي انه لازم يتزوج علشان اييب اعيال ...حرام يقعد من دون اعيال ....وبذاك الوقت مرت عمي يالسة تفكر ,,,,كيف تقنع عمي يتزوج...آه ياالحور لو تشوفينها كيف تصيح ...تقولين انها مجبورة انها تزوج ريلها ,,,لا وتقول هي بروحها راح تخطب له البنت ,,,,,

حور: وانتي تعرفين منو الي راح ياخذها خالي...؟؟؟

قصايد: لا ..منو..؟؟؟؟

حور: راح ياخذ سمية بنت ام عبيد بنت جيرانا......

قصايد: مصدومة من الي تسمعه.:: انتي شو تقولين....سميو ماغيرها ..ام اسعف والليف لا مستحيل...

حور:هي سمية ...امي العودة اتصلت حق امي وتخبرها ان باجر بيروحون يزورونها وبالمرة يخطبون سمية..

قصايد: حورو لا تمزحين وياي تدرين سميو من زينها ...وانتي تعرفين اصلا هي لا اخلاق ولا شي ...وانتي تعرفين هي اصلا كانت حاطة عينها على عمي من زمان ...لكن عمي مايعطيها ويه....كيف ؟؟؟؟؟

حور: اعرف ...انا مادري كيف امي العودة تباها حق خالي....؟؟؟لا تقول دين واخلاق...اخ بس لو تعرفها على حقيقتها ......؟؟؟

قصايد: ماباليد حيلة ياحور ...تدرين بعد امي العودة اللي براسها تسويه ...........

حور: والله قلبي يعورني على خالي ومرت خالي ,,,كيف مرت خالي راح تتعايش وياها .....

قصايد: مابيد حيلة ياحور .انتي لو تشوفين كيف البيت الجو متكهرب عندنا ...وكل واحد مسكر على عمره الباب ولا له خاطر يرمس حد .......

حور: خلاص المهم انا بسكر الحين ..والله يعدي الليلة وباجر على خير...وان شاء الله خالي مايوافق......

قصايد: الله يسمع منج ....اوكي سلمي ......

حور: يوصل وانتي بعد ...مع السلامة ........

وسكرت حور الخط ويلست تفكر بخالها ومرت خالها .................


من حبكم قمت البس الثوب مقلوب وانشد عن الغتره وهي فوق راسي*****

في بيت بوحمدان الساعة 12
وبالتحديد غرفة شويخ ..........وحامد وياها يلح عليها انها تتصل على هيوم.........

حامد: شويخ يالله عاد لاتذلينا ..اتصلي فيها ....قلتي راح تتصلين ع الساعة 9 والحين الساعة 12......

شويخ وتبا تلعب بأعصابه: يوه حامد البنت تلاقيها نايمة الحين..وماحب ازعجها ..........

حامد: شويخ بتتصلين لها ..ولا اكسر المزهرية براسج......

شويخ: وانت بلاك دوم على هالمزهرية تباها خذها لو عايبتنك..وبعدين لو كسرت المزهرية براسي..منو راح ايب لك اخبار هيوم.........

حامد: والله مذلة وياج...روحي لا ...تعالي قولي حامد خذني مكان ,,اوريج......

ويسوي عمره انه بيظهر من الغرفة....

شويخ: ويت ويت ,,,فديت اخوي والله ترا كنت امزح وياك بل.... تعال الحين بتصل لها ....

حامد: يالله اشوف خذي الموبال واتصلي لها ....ويعطيها موبايله عسب تتصل.....

شويخ: ينيت تباني اتصل لها بموبايلك ..لافديتك راح اتصل بموبايلي........

وتروح شويخ تتصل حق هيوم من موبايلها وتحطه عسبيكر ...وتأشر حق اخوها انه يسكت ولا يرمس بحرف واحد...........

شويخ: مرحبا والله بناعم الصوت ....

هيوم معصبة:؛ يعلج بريل اعمى قولي امين......

شويخ: بيه بلاج ....ليش معصبة ...وبعدين انتو ماراح تستقرون بريل واحد لي...انتي تعطيني ريل اعمى...وقصوود يوم تعطيني ريل احول,, ويوم ريل اسود......استقروا بواحد الله يخليكم..

هيوم : ان شاء الله الثلاث الصفات في ريلج ...اعمى واحول,,,واسود بعد....؟؟

شويخ: ههههههههههه اسميني راح اتلعوز ويا الريل هذا الي اخترتولي ياه.....

هيوم: انجبي يالدبة ...وين الي تقول راح تتصل لي ع الساعة 9 ...شوفي الساعة كم الحين ..

شويخ:اسمحيلي فديتج مالبس ساعات....وبعدين كنت مشغولة في ترتيب غرفتهيه.....

هيوم: لازين والله ..صرتي حرمة سنعة تعدل غرفتها....

شويخ: شو اسوي بعد ياختج بما انكم اخترتولي ريل,,لازم اعدل واتكشخ....

هيوم: انجبي خبريني ,,اخباركم.....

شويخ: حددي..اخبارنا منو قصدج.....لو اخباري قولي اخبارج...لو اخبار امي وابوي...قولي اخبار امج وابوج...اما لو اخبار الحلوين ..قولي اخبارهم فديتهم....

هيوم: شويخ انجبي ...اف منج ....وتسو عمرها تستحي...((واخباره ))..؟؟

شويخ يالسة تستهبل عليها : اخبار منو .....دريولنا ولا دريول بيت عمي بوفهدههههههههههههههه.....

حامد يأشر على شويخ لاتستهبل خلها تكمل.....

هيوم:يوووووووه شويخ تعرفين منو قصدي....يالله عاد؟؟؟

شويخ: اسمحيلي ماعرف منو يمكن ولد الجيران ....؟؟

هيوم: لاترفعين ضغطي ....منو بعد اخوج حامد ......؟؟؟؟؟

حامد مستانس ع الخاطر انه لفظت اسمه وانها تتخبر عن اخباره.......

شويخ تبا تنقع شوي على هيوم: ليش انتي مادريتي شو صار....؟؟؟؟

حامد ضرب ويهه لان اكيد شويخ راح تبدأ التنقيعات ...بس سكت وقال بيسمع شو بتقول هيوم.....

هيوم: شو صار ؟؟؟خبريني شو مستوي.....؟؟؟

شويخ: الله يسلمج اليوم ,,اخوي وهو راد من الكلية ....سوى حادث ...واعليه الي دعم اخوي تعور شوي....لكن اخوي فديته وتسوي عمرها تصيح ...........

هيوم بدت تخاف: شو استوى بحامد ....شويخ خبريني الله يخليج صابه شي ...؟؟؟ تعور؟؟؟قولي لاتحرقين قلبي؟؟؟؟

شويخ وتزيد التنقيعات بصياحها ومرة سكتت....

هيوم خافت عليها : شويخ بلاج سكتي شو مستوي ؟....

شويخ: هيوم انتي تحبين اخوي لي هالدرجة .وتخافين عليه ......(وهي يالسة اطالع اخوها ,,,,,

هيوم: احبه الا اموت فيه ,,خبريني الله يخليج شو استوى به.....؟؟؟

حامد من صوب مامصدق اللي يسمعه واخيرا هيوم تحب حامد وسمعها بأذنه الاثنين..........

شويخ: الله يسلمج اخوي ماصار فيه ولا شي ..وبالاحرى ماصار حادث ابد...بس نقعت عليج صاروخ من صواريخي.............ههههههههههههههههه

هيوم: يعلج بريل اعور قولي امين ..يحمارة طيحتي قلبي ,,وانا على بالي صابه شي .....اوريج ياشويخ معليه .....

شويخ: هههههههههههههههههههه واي بطني يعورني ......بعد يبتيلي ريل اعور .....ههههههههههههههههههههه

هيوم: جب ولاترمسيني ,,,ما احبج اكرهج...

شويخ: افا كل ولا هيومتي حبيبة قلبي ....والله السموحة فديتج ...بس كنت ابا اعرف شعورج تجاه اخوي وبس ...........

وبعدها ظهر حامد من حيرت اخته شويخ وهو طاير من الفرحة .وحاس ان الارض مو شايلته...وتأكد الحين ان هيوم تحبه شرات ماهو يحبها .......

اما شويخ يلست ترمس هيوم بس ماخبرتها ان حامد كان موجود يسمع الحوار


عرفت الناس والدنيا وطريقي___
عرفت ان الهوى كذب وأماني ____
خذاني الشوق والحب الحقيقي_____
لذاك اللي عقب وده جفاني______

الصباح الساعة 6 يوم الاثنين في بيت بوفهد:

الكل يالس يفطرمع انه محد له خاطر يفطر ولا حد له خاطر يرمس ,كل واحد بحاله ....

الام العودة: بلاكم ساكتين ..مو من عادتكم تسكتون...؟؟

فهد: مافينا شي امي العودة....اسمحولي انا تأخرت عن شغلي....عن إذنكم...

وظهر فهد من البيت وراح لدوامه .....

بوفهد :هم انا اسمحولي تأخرت ...ماتامرونا بشي؟؟

الكل: سلامتك.....

وظهر بوفهد من البيت ..........

خليفة: يما ....اكيد عرفتي بالامس شو صار..وهذا اللي كنتي تبينه تحقق...؟؟؟

الام العودة: يما انا ماسويت شي غلط ,,وهالشي لصالحك انته....حرام تيلس من دون عيال ....وموزة بالعين والراس راح تظل حرمتك ومحد بيسيئ لها .....وان شاء الله اليوم انا باروح اخطب لك البنت ...باروح ويا اختك ام كايد ...........

موزة: هم انا باروح وياكم ,,ابا اشوف حرمة خليفة .....(تقولها وقلبها متقطع ))

نش خليفة وماله نفس انه يرمس ...او يقول شي من بعد رمسة حرمته ....

الام العودة: انزين يما ماتبا تعرف بنت منو راح تاخذها ؟؟؟؟؟

ظهر خليفة من دون مايعرف منو هي حرمته المستقبلية .....

وتدخل عليهم شويخ وشافت عمها خليفة ..وماعطاها ويه؟؟.....

شويخ: السلام عليكم .........استغربت ان محد يالس ع الطاولة ...وحست ان شي صاير ..وخاصة ان عمها ظهر من دون مايرمسها ......
ام فهد: هلا يما وعليكم السلام ...حياج حبيبتي اقربي افطري.....

شويخ: الله يحييج مرت عمي...خير شو صاير ..ليش الكل ساكت..كأن مصيبة حلت عليكم ...

الام العودة:\ويه بسم الله..شو مصيبة فال الله ولا فالج....

شويخ تروح عند قصايد :قصود بلاكم ...وكأن الطيور فوق راسكم ....

قصايد: يوه شويخ سكتي عني الله يخليج ,,مالي خلق ارمس حد ............

فارس: اسمحولي انا باروح الكلية تأخرت.....

قصايد: خذني وياك ,,,...؟؟؟

فارس: يالله بسرعة ماابي اتأخر...

وتنش شويخ وقصايد وراحو ويا فارس ...وشويخ وفوق راسها مية علامة استفهام وتعجب وماتعرف شو صار ......
واول ماظهروا من البيت شافوا مياسة ظاهرة ويا منصور وهزاع..............

مياسة تنادي قصودة: صباااااااااااح الخير ياوجه الخير........

قصايد: هلا صباح النور ..........

مياسة : بلاج قصود ...شو فيج...؟؟

قصايد: مافيني شي.....

مياسة وهي اطالع شويخ وتباتعرف شو فيها قصايد,,,,من ناحية شويخ تهز راسها انها ماتعرف .....

هزاع ويشوف العيون الذباحية مو على بعضها ,,وهو يرمس فارس: مرحبا فارس ,,اشحالك ياولد العم ...ويروح يتخاشم مع فارس....

فارس: مرحب باجي ..الحمد لله يسرك الحال ..مبروك على خطبة اختك ....

هزاع: الله يبارك بحياتك...عقبالك ان شاء الله .....

منصور: اشحالك فارس .....

فارس: بخير يسرك الحال.....

منصور: بلاك ..كأن شي صاير لك....؟؟؟

فارس: سلامتك :....بس شوي تعبان....

هزاع ومنصور: سلامتك..........

فارس : الله يسلمكم......

وبعدها اسـتأذن فارس من هزاع ومنصور وراح يوصل قصايد وشويخ وبالمرة راحت وياهم مياسة ....

منصور: غريبة ,,فارس مو على بعضه ,,حتى قصايد ,,,يبين شي صاير ..الله يستر ..ولا شو رايك؟....

هزاع وتفكيره صوب العيون الذبايحة :بلاها مو على بعضها ..ان شاء الله مايكون فيها شي.......

منصور وهو ينادي هزاع: هي يابو الشباب وين سرحت ......

هزاع: ها شو ....لا ابد سلامتك ....يالله امش خلنا نروح تأخرنا.....

عند فارس يالس يسوق السيارة ....وقصايد يالسة تفكر بمرت عمها والهدوء عم السيارة .........

مياسة تهمس لشويخ: شويخ شو مستوي ..اليوم قصود وفارس مو على بعضهم شو صاير ...

شويخ: علمي علمج..انا من دخلت البيت شفتهم جذي...حتى عمي خليفة ظهر وماعطاني ويه ...ماعليج مردنا راح نعرف شو صار .....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 18-01-2009, 10:42 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


ووصل فارس البنات ,,,وبعدها راح للكلية ......

اول مادخلو الحرم الجامعي ...

شويخ: قصود ,,قصود,,,تعالي خبريني شو مستوي ...اليوم مو على بعضكم ...حتى عمي خليفة ماعطاني ويه..والغريبة عمتي سلوى مو موجودة وياكم ...شي صاير لها ............

قصايد وشوي تبا تصيح: شويخ احس اني مخنوقة ومالي خاطر احضر الكلاس............

مياسة: بسم الله عليج ....قصايد خبرينا شو صار ..لاتخرعينا .....

قصايد وهي تصيح..........

شويخ خافت عليها : قصود بلاج,,, عمتي سلوى صابها شي ....امشي خلينانروح مكان عسب تهدين وتخبرينا باللي صار ....

مياسة: والكلاس......؟؟؟

شويخ: تزووول من كلاسات ....قصايد اهم من الكلاسات ,,ماتشوفين كيف ويها غادي وهي تصيح.....

واتي من وراهم دانه وهيوم ...ومن شافوا قصايد تصيح خافوا عليها ...

هيوم: قصود حبيبتي بلاج شو مستوي فيج ؟ غناتي ليش تصيحين ...؟؟؟

دانة: خير اللهم اجعله خير شو مستوي ليش تصيح قصايد...؟؟؟

مياسة: ليش احنا نعرف ,,,اول مادخلت الجامعة بدت تصيح ,,,واحنا يالسين نهدي فيها ....خلونا نروح مكان نيلس فيه ونهديها ونعرف شو صار .............

وراحو عند حديقة الجامعة ويلسوا ويهدون بقصايد.....

شويخ: حبيبتي قصود هدي انتي الحين ,,,وخبرينا شو مستوي ....وليش كل البيت مو على بعضه....؟؟؟

قصايد: الي صار ويلست تصيح........؟؟؟؟؟

مياسة: قصود حبيبتي بلاج هدي ...ولاتسوين بعمرج جي...خبرينا الله يخليج حد من العايلة صابه شي.......

وهدت قصايد وبدت تخبرهم باللي صار امس ...........

قصايد وهي تمسح دموعها : وهذا اللي صار ومن امس محد يرمس حد ,,وكل واحد يالس بحيرته مسكر على عمره.....

شويخ: معقوووووووولة عمي خليفة خلاص وافق انه يعرس....ومنو بنت السعف والليف سميوووووووو...لا اكيد عمي استخف.....

قصايد: حتى حور مو مصدقة بالبداية ان عمي راح يعرس....بس انصدمت يوم خبرتني اللي بياخذها هي سمية....

شويخ: ومرت عمي ليش قالت له هالرمسة ..جذي ذبحت عمي ..ليش.....؟؟؟

قصايد: قلت لج سمعت رمسة امي العودة وهي ترمس عمي عسب يعرس ...وحست انها ظلمت عمي لانها ماتييب عيال....؟؟آه لو تشوفينها بالامس كيف كانت تصيح قطعت قلبي من الصياح .....

مياسة: انزين الحين ليش انتو ماتبون عمي خليفة يعرس...لاتزعلون مني بس هو من حقه يعرس...لازم ع الاقل يكون عنده ولد يحمل اسمه.....

شويخ: مو السالفة يعرس ولا شي...بس عمي يموت في شي اسمه موزة ,,,ومستحيل حتى يفكر يعرس ..حتى ماقد مرة سمعته يشتكي ويبا عيال....انتي تدرين كيف علاقته بموزة ...علاقة مستحيل حد يفرق من بينهم ...عمي يمووت على موزة ومايحب يزعلها ...لو مرضت شوفي شو يستوي فيه ..يقلب الدنيا فوق تحت.....

دانه: لي هالدرجة يحبها ......

قصايد: واكثر بعد ....

هيوم: انزين ليش ..الحين انتو رافضين هذي اللي اسمها سمية .....؟؟

قصايد: هذي وحدة نعرفها بنت جيران عمتي ام كايد...وهذي كانت تحب عمي خليفة وتباه ...لكن عمي ماكان يعطيها ويه..لان الي بقلبه هي موزة......

شويخ: من ناحية الاخلاق...شرات مايقولون حدث ولاحرج .....مغرورة وشايفة نفسها ومتسلطة ولسانها متبري منها .....

مياسة: لو لسانها متبري منها وكل هالاخلاق فيها ,,,ماظن ان امي العودة راح توافق عليها ....؟؟

شويخ: هههههههههه يحليلها امي العودة ... اصلا يوم امي العودة او عمتي ام كايد تروح يزورونهم ,,الحبيبة تسوي عمرها طيبة وحنونة ومرة سنعة ...بس عسب تنعجب فيها امي العودة وتخطبها حق عمي خليفة.....

قصايد: يعني هي لابسة قناع تخفي مظهرها الحقيقي...........

وبعدها راحوا الكلا س...مع ان ولا وحدة خاطرها تحضر الكلاس من بعد ماسمعوا الخبر ...........

انا اذكر يوم جيتيني وبصدرك نزيف طعون سحبت السيف ابفزع لك وبسيفي طعنتيني*****

في العين وبالتحديد بجامعة العين ......

من بعد ماخلصن كلاسات الريم وايمان ردوا للسكن .......

الريم: اف باجر عندنا امتحان ولا لي خاطر اذاكر....

ايمان: عيل شو بتسوين .....ماتبين تنجحين....

الريم: من ناحية انجح ..اكيد لازم انجح....اما شو بسوي ...امممممم ..برمس خالد ....لاني الصراحة مارمسته الا مرة وحدة ,,واكيد تلاقينه الحبيب زعلان ,,,,

ايمان: وانتي لين متى راح تظلين تجذبين عليه...الريال مسكين يحبج ..ويباج وانتي ابد ولا يهمج....

الريم: يووووووووووووه ايمانو ,,انا مو ناقصة محاضراتج .....تعالي انتي ترومين تظهرين من السكن صح ..عسب انتي من العين .....

ايمان: هي اروم ليش..؟؟؟

الريم: ايماني حبيبتي اباج بخدمة ....؟؟؟

ايمان: خير قولي....واحنا متى ماخلصنا من طلباتج.....؟؟؟

الريم: فديتج ادري انج ماراح ترديني .....اباج لو سمحتي تروحين العين مول وتشترين لي فستان على ذوقج....وبعطيج حقة....؟؟؟

ايمان: شو المناسبة ؟؟؟؟

الريم: الله يسلمج بنت خالتي ام هزاع شما راح تكتب كتابها يوم الخميس ....وانا ماراح يكون عندي وقت عسب اروح السوق واتشرى ,,تدرين بظهر يوم الخميس من هني الظهر وبوصل بوظبي تعبانة,,,وماراح يكون عندي وقت اتشرى...وبعدين الحفلى بتكون بالليل....فممكن تروحين تشترين لي بليييز؟؟؟؟......

ايمان: اوكي هاتي ..ماروح ببلاش ....انزين شو اللون تبين يكون....؟؟

الريم: اممممممممممم مادري شو رايج باللون ازرق فاتح...؟؟؟

ايمان: لا مو حلو عليج بيسمرج .....شو رايج لو شريت لج اللون البرتقالي مع اللون الاخضر وايد حلو ...لاني الصراحة شفت لج فستان يخبل ..لونه اخضر مع برتقالي وياه اكسسواراته بعد......والفستان له ذيل من ورى .. والصراحة يجنن وتخيلي بالليل والاضواء راح يلمع لانه فيه اكسسوارات تلمع باللون الاخضر والبرتقالي ....

الريم: خلاص ..انتي اشتريه ...وييبي مرة وحدة ..عسب اقايسه ...عسب لو كان طويل يبالي اوديه الخياط عسب يقصره......

ايمان: قصدج اوديه الخياط لج..............

الريم: اوكي ...الحين خليني ادق عى خلووووووووودي.........

ايمان: الله يهديج......

وتتصل الريم لخالد...........

الريم: الو::::::::::: السلام عليكم ...اشحالك خالد......

خالد: نعم شو تبين ...توج تذكرتي خالد ...تذكرين خالد بس لو عندج شغل تبين فيه....

الريم: حرام عليك حبيبي...والله انا اسفة ادري اني مقصرة ولا اتصلت فيك ... بس شو اسوي رحنا بالويك اند العزبة ونسيت اودي تيلفوني .....

خالد: اوكي ومن بعد ما رديتي ,,,ماكان عندج وقت اطرشين مسج ,, تخبريني عن اخبارج ......؟؟

الريم: ادري اني غلطانة ...بس شو اسوي اول مارديت من العزبة على طول رحت اوضب اغراضي وبعدها على طول العين ....لي درجة اني وصلت هلكانة ......

خالد: زين والله ذكرتيني ,,فيج الخير.....

الريم: حياتي والله انا اسفة ....حياتو قلبو بليز السموحة ......

خالد: هههههههه المشكلة ماروم ازعل منج ...تدرين روحي وحياتي لج...تدرين اني اموت فيج يالغالية.....

الريم: ادري هم انت غالي عندي .....

وايمان كانت تسمع الي يدور من بينهم لان الريم محطتنه ع سبيكر ,,,,و قلبها يتقطع كيف ان الريم تلعب بمشاعر خالد ,,مااستحملت ايمان وظهرت وهي مخنوقة ......وتركت اريم تلعب لعبتها على خالد.........

يلست ايمان ع الدري وخاطرها تصيح وتصرخ واطلع الي بقلبها ....بس ماتروم تسوي شي لان الريم ربيعتها وماتبا تخسرها ....ويلست تفكر كيف تتصرف .....

واتي حنان وتشوفها سرحانة وتفكر..............

حنان: ايمان.....ايمااااااااااااااااااااااااان .......ايماااااااااااااااااااانو ........بل

ايمان: بلاج اسمعج مو صمخة ....شوفيج؟؟؟

حنان: شو فيني ..انتي الي شو فيج يالسة ازقرج ولاتردين عليه....؟؟؟

ايمان: يالسة افكر بالريم .....؟؟؟

حنان: بالريم ولا بولد الجيران خالد...؟؟؟

ايمان: الاثنين......

حنان: انزين انتي فكرتي بالفكرة اللي قلتلج ياها ....ولا بعدج مصرة ماتسوينها ..؟؟؟

ايمان: شلون تبيني اخون ربيعتي ......لا ماروم اتصل بخالد واقوله عن الريم ..واذا خبرته اكيد راح يخبرها ...وبعدين اخاف انها تسأله منو خبرك....واخاف اايقول ان وحدة من ربيعاتج اتصلت وخبرتني.....وبعدين محد يعرف غيري وطبعا انتي لاني خبرتج ....واكيد الريم راح تعرف اني انا قلت له ,,,,وانا ماابي اخسر علاقتي فيها ...

حنان: بس لاتنسين انها تلعب عليه ...وانتي بروحج قلتي مستحيل تنسى ولد خالتها ...سمعيني ياايمان انتي ماراح تسوين الا اللي قلبج يدلج عليه..وانتي بهالشي راح تنقذين واحد انه يتعذب بعدين.....وخبريه بالبداية انه مايخبرها ......ها شوقلتي ؟؟؟؟؟

ايمان: مادري...... بس انا خايفة ....

حنان: لاتخافين ولا شي؟؟؟؟وانتي ماراح تسوين شي غلط.....

ايمان: يعني اتوكل على الله ,,واتصل واخبره....

حنان: هي اتوكلي ..وانتي بهالشي راح تسوين خير له من انه يتعذب بعدين ......

ايمان: بس ماراح اتصل فيه الحين...بالويك اند...احسن.....

حنان: برايج...واذا تبيني اكون وياج هم انا حاضرة ......


اتعبني الحلم لين الواقع انكرني كني مسكت الفرج بيدي وهديته

نرد لابوظبي من بعد ماخلص وقت الدوامات

هزاع ومياسة بالسيارة ..........

مياسة: عيل وين منصور ..مايا ...؟؟؟

هزاع: منصور رد ويا واحد من ربعه.....

مياسة: اها .....

هزاع: مياسة شو بلاها اليوم قصايد ...شو صار ..اليوم ماكانت على بعضها ...خيران شاء الله...؟؟؟

مياسة: ليش تسأل عن قصايد بس...وليش ماقلت فارس ,,لان بعد فارس اليوم كان ماعلى بعضه.....؟؟؟؟

هزاع: بتتكلمين الحين ولا شو...؟؟؟

مياسة:بتكلم بس بشرط ....تعيبك ....؟؟؟

هزاع: منو .....؟؟

مياسة : بشكارتهم ..لاتستهبل وياي تدري منو قصدي....؟؟؟

هزاع: هههههههه الصراحة هي تعيبني عيونها ذباحية...من اول ماشفتها ....لا ليلي ليل,,, ولانهاري نهار....

مياسة: وانت متى شفتها غير امس ..بل لي هالدرجة حبيتها من النظرة الاولى ....

هزاع: ههههههههه لاتلومين القلب يوم يختار ...المهم خبريني شو فيها.....؟؟؟

مياسة: سلامتك بخبرك يوم نوصل البيت ....بعدين مو فاضية اعيد لهم .....؟؟؟

هزاع: لي هالدرجة الموضوع كبير....؟؟؟

مياسة : واكثر ...لي درجة ان قصايد تعبت وماكملت الكلاس وروحت ع البيت .....

هزاع: ويلي عليها ..وعسى ماصار فيها شي.....؟؟

مياسة: أووووب صوبنا الظاهر صدق تحبها .....

هزاع: بيني وبينج ولاتخبرين حد.....الا اموت فيها ......وخاصة بعيونها الذباحية.....

ومن بعد ماوصلوا البيت ...

الكل يالس عند سفرة الاكل ...يتغدون ....

هزاع يهمس حق مياسة :يا الله عاد خبرينا شو صار ...حرقتي اعصابي ابااعرف شو مستوي في بيت عمي بوفهد...؟؟؟؟

ابوهزاع: بلاك ياهزاع يالس تتساسر ويا اختك شو في....؟؟؟

هزاع: سلامتك يبا ..بس مياسة الظاهر عندها شي تبا تقول لنا ,,,يخص بيت عمي بوفهد..؟؟؟

ام هزاع: خير يا مياسة شو مستوي...؟؟؟

مياسة : سلامتج يما ...بس اليوم قصايد خبرتني ...ان امي العودة بتروح اليوم السويحان هي وموزة مرت عمي خليفة ...يخطبون حق عمي خليفة....؟؟؟

الكل مصدوم من رمسة مياسة.....

سيف: كيف يعني بيخطبون له ,,ليش وشو فيها مرت عمي موزة.....؟؟؟

مياسة: بيخطبون يعني راح يتزوج ...لان مرت عمي موزة هي اصرت على عمي يعرس ...عسب اييب عيال..لان قصايد خبرتني ,,ان موزة ماتييب عيال ..وبالمرة مرت عمي سمعت امي العودة تصر على عمي خليفة يعرس ..عسب يكون عنده عيال....

ام هزاع: معقولة موزة هي بنفسها تصر على عمج يعرس ..ماصدق..؟؟

مياسة: امي ..مرت عمي مجبورة ...لانها ماتبا تحرم عمي من العيال .....وخاصة امي العودة ....

منصور: لي هالدرجة اليوم فارس وقصايد مو على بعضهم الصباح.....؟؟؟

مياسة: مو جذي بس..بالامس كان عندهم الجو متكهرب .ولا حد له نفس يرمس حد ,,وكل واحد مسكر على نفسه باب حيرته.....مسكينة مرت عمي والله انها طيبة وحبوبة ...وعمي يحبها وايد....

شما: لوعمي يحبها ,,كان اكيد راح يرفض ولا راح يوافق....انه ياخذ وحدة فوق راسها.....؟؟؟

مياسة : هذي المشكلة بالاساس..ان مرت عمي بالبداية طلبت مه طلب ..وهو وافق من دون مايعرف شو هو الطلب....؟؟مسكين عمي انصدم من اول ماسمع طلبها ...والمشكلة مايروم يردها لانها وافق ع الطلب....

ابوهزاع: انزين الحين ليش هم ....رافضين انه يعرس..واخوي من حقه يكون له اعيال يشلون اسمه ع الاقل....؟؟؟

مياسة:يبا المشكلةعمي يحب موزة وايد ....ومايبا اييب لها ضرة ,,وهو راضي باللي الله عاطنه....

هنودة: انزين مافيها شي ....لو عرس ..وموزة راح تظل حرمته ....؟؟؟؟

مياسة : وهذي المشكلة ....ان اللي راح ياخذها مو شي..لااخلاق ولا هم يحزنون.....

ابو هزاع: مستحيل امج العودة تخطب وحدة مالها دين او اخلاق....؟؟

مياسة : وهذي بعد مشكلة ..شويخ بنت عمي خبرتني انها مغرورة ومتسلطة ولسانها متبري منها...وهي بالاساس كانت حاطة عينها على عمي ...بس عمي محد بقلبه غير موزة .....والحبيبة يوم امي العودة تزورهم ..تسوي عمرها مرة طيبة وحنون وسنعة ..عسب تنعجب فيها امي العودة وتخطبها حق عمي خليفة ......

سيف: يعني لابسة قناع ....

مياسة : هذا هو قناع ....الله يعينك ياعمي .....

ابوهزاع: انااليوم العصر بروح واشوف شو السالفة ....الله يستر بس....

وبعد الغدى كل واحد راح لحيرته .....

ياصاحبي ماهي حكاية كرامة حنا خسرنا بسبتك ناس غالين***

في بيت بوفهد بعد الغدى الكل يالس بالصالة ماعدى قصايد......

ابوفهد: عيل وين قصايد ماشفناها ع الغدى ......؟؟

ام فهد: بنتك شوي تعبت اليوم ,,وردت من الجامعة وراحت على طول حيرتها ومالها خاطر تاكل....

ابوفهد: خير عسى ماشر..شو صار في بنتي...؟؟

فارس: سلامتك يبا..بس انت تدري شو السالفة..

الام العودة: فهمت كلام فارس:::::الحين شوفيها لو عمكم عرس لاهو اول واحد ولا اخر واحد بيعرس..مكبرين السالفة انتو .....

فهد وفارس لاتعليق ويالسين يشوفون عمهم خليفة.....

ام فهد : تدرين يا عمتي قصايد شلون متعلقة بموزة...وصعب انها تتقبل وحدة ضرة تكون فوق راسها .....

موزة والدمعة محبوسة بعينها وقلبها متقطع لان اليوم هي بتروح تخطب حق ريلها ......

الام العودة : المهم انا اليوم بروح السويحان ويا موزة عسب نشوف البنت ونخطبها لك ....

خليفة: سوو الي تبونه مايخصني انا.....

الام العودة : شو مايخصك ...تراها بتكون حرمتك ..وانت ماتبا تعرف بنت منو هي.؟؟

خليفة: قلت لكم مايهمني ....

ونش خليفة من مكانه وهو يالس يطالع حرمته موزة ..ويوجه رمسته لامه .....

خليفة: يما عندي شروط ...قبل ماتروحون تخطبون ..واذا وافقوا حياهم الله ...وذا ماوافقو يضربون راسهم باليدار......

فارس وفهد كاتمين الضحكة ....عسب قال يضربون راسهم باليدار.....

الام العودة : شو شروطك.....

خليفة: شرطي ...الاول : لو تباني الي بتخطبونها لي..قولو لها مافي عرس ولاخرابيط ولا حتى فستان ابيض تلبس ...تبا حياها من اول مانكتب الكتاب تدخل البيت ..لو ما تبا تضرب راسها باليدار ......

الام العودة: ويه يما مستحيل تلاقي بنت ...توافق ..لازم تبا تتشرى وتلبس الابيض وتفرح ,,ترا هذي ليلتها ....

خليفة : برايها ....عيل خلاص ماابي اعرس...وفي شي ثاني وهو يطالع موزة....يكون كتب الكتاب يوم الخميس ...ويا بنت اخوي شما .....تبا حياها وان ماتبا تراني قلت تضرب راسها باليدار ......

الام العودة: ينيت ياولد ..كيف تبا البنت توافق .....

خليفة : انا قلت وهذا اخر كلام لي...تبون تخطبون روحوا ,....وان ماتبون انسوا احسن ......

الام العودة : هذا الولد بيذبحني ..الحين وين بلاقي بنت بتوافق على شروطه ..والله ويهي بيفتشل جدام العرب ..كيف بقابلهم ...الله يهديك ياولدي ......

سلوى تسوي اشارة وترمس امها وكيكي اترجم لهم بالانجليزي وطبعا فهد يترجم عربي: يما مافي داعي بالاساس انه يعرس ....بجذي انتي تخربين بيت ولدج ...وانتي تدرين خلييفة يحب موزة وايد.....

الام العودة: انتو الحين الكل معارض ..شو فيها لو يعني عرس ..هو ماراح ياخذها لانه يحبها بياخذها بس عسب اتييب اعيال له....والاولى راح تكون موزة .....وتوجه رمستها حق موزة : يما موزة نشي وديني حيرتي احس ان الضغط ارتفع عندي .....يبالي ارتاح شوي ..

موزة: ان شاء الله عمتي......

ابوفهد : انا بروح اشوف بنتي قصايد .....

وراح بوفهد عند بنته قصايد ........طق طق طق>>>دق الباب

قصايد: تفضل....

ابوفهد: قصايد ليش يابنتي ماييتي تتغدين ..؟؟بلاج يالغالية ...؟؟؟

قصايد: سلامتك يبا بس مااشتهي اكل ,,,,ومالي خاطر اكل شي .....

وراح بوفهد عند بنته قصايد ويلسها بحضنه>>>لاتلومونه دلوعته ومايحب يشوفها متكدرة .....

ابوفهد: اسمعيني يالغالية...ادري انج رافضة ان عمج يعرس.....مو بس انتي الكل رافض...ومحد مقتنع بهالشي...وانتي تدرين ان موزة غالية علينا كلنا ...وكلنا نحبها ..شرات ماعمج يحبها ...بس يابابا لازم عمج يكون عند ولد يشل اسمه ويعتمد عليه.....

قصايد والدموع بعيونها : بس ابوي عمي هو مااشتكى مرة ولا قال يبا عيال....؟؟؟

ابوفهد: حتى لو هو ماقال ,,انتي ماتعرفين شو بقلب الشخص ....ماراح تلاقين حد بهالدنيا معرس ومايبا ولد ..عمج يالغالية خاطرة بولد بس من موزة ..بس ربج ماكتب له وهو متقبل هالشي ....انتي الحين تتوقعين عمج موافق خلاص يبا يعرس ...هو موافق وهو مجبور يابنيتي واظن ان موزة خبرتج بهالشي...وعمج مايرد بكلمته ......

قصايد: بس يبا احس صعبة اني اتقبل وحدة تكون حرمة عمي وفوق راس موزة.....

ابوفهد: مو بس انتي الكل مو متقبل حتى عمتج سلوى.... بالبداية ماراح تتقبلون لكن بعدين راح تتعودون عليها ...الحين يابابا نشي وغسلي ويهج وسمي بالرحمن وروحي تغدي ..وخلي قلبج ابيض ...وتقبلي هالشي ....وان شاء الله الحرمة الثانية اتييب الولد لعمج ....

قصايد: ان شاء الله يبا ..بس ماقلتو متى راح يتزوج عمي .....

ابوفهد: ههههههههههههههه ..ليش انتي مادريتي شو سوى عمج وشو قال شروطه حق امج العودة ...؟؟

قصايد مستغربة : شو قال.....؟؟؟

بوفهد: بخبرج اللي صار من الحين هههههههههههههههه ..وبدي بوفهد يخبر بنته قصايد بشروط عمها ...وقصايد ضحكت من الخاطر كيف ان عمها تجرأ وقال هالشروط لامها العودة ..واستانست ان سمية راح تاخذه من دون فرح ولافستان .....وزعلت لان العرس بيكون يوم الخميس ....مع بنت عمها شما .....

وطبعا من ناحية ثانية في بيت بوحمدان عرفوا ان خليفة راح يعرس والكل انصدم من الخبر....

بشرب من الدله لو كان بها سم......ما اهز فنجالي ولا اقول كافي
مادامه بيمناك وتقول لي سم...... بسم الله اشرب وكل سم عوافي

في الرماح في بيت بوغانم الله يرحمه الكل يالس بالصالة .....

نورة يالسة تكتب واجباتها ...وغانم يالس يتابع المسلسل مع امه.....

تنزل عووش من الدري....

عوووش :يما ..طلبتج قولي تم ...

ام غانم: خير يابنيتي امري...؟؟

عووش :مايأمر عليج عدو ,,ابا اروح المول عسب اتشرى فستان حق ملجة بنت خالي شما ....

نورة: بعد انا ابا اشتري فستان....

ام غانم : خلاص اليوم العصر تزهبوا باخلي اخوج غانم يوصلنا ....

غانم: يما يعني خلاص سهيل ان شاء الله راح يكتب كتابه يوم الخميس على شما....؟

ام غانم: هي ياولدي .الله يتمم لهم على خير...
الكل: مين.....

غانم: امممممممم يما شو رايج لوتخطبين لي..بعد انا ابا اعرس ..ولازم اكمل عمود الدين....؟؟؟

ام غانم والفرحة باينة عليها : هذي الساعة المباركة ..وانا ياولدي خاطري من زمان اشوفك معرس ....خبرني بخاطرك وحدة ولا تباني ادور لك .....؟؟

عوووش: شو رايكم لو نخطب له سهيلة بنت خالي حمد حلوة وطيوبة ....؟؟

ام غانم: ها شو رايك فيها ..؟؟

غانم : الصراحة يما كان خاطري من زمان اقولج تخطبين لي ياها ....انتي رمسي خالي وشوفي متى نروح نخطبها وبالمرة ناخذ خالي بوهزاع ويانا .....

ام غانم : خلاص عيل ,,ان شاء الله بفاتح الموضوع حق مرت خالك يوم الخميس بالملجة..............





stooooooooooooooooooooooooooooooooop

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 18-01-2009, 10:49 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


البــــــــــــــــــــــــارت ((7)) وصل

لو بحر الهوى غدار انا ياصاحبي عوام دام عيونك المرسى سنين العمر مجدافي

العصر ع الساعة 5 في بيت بوفهد ....

الام العودة يالسة تنتظر موزة وام فهد عسب يروحون السويحان وبالمرة ياخذون ام كايد وياهم ويروحون بيت ام عبيد عسب يخطبون سمية لخليفة......

قصايد تنزل من الدري .........

قصايد: على وين امي العودة متلبسة وكاشخة عمرج؟؟؟؟

الام العودة: بنروح السويحان عسب نخطب سمية حق عمج خليفة....

قصايد ومن دون ماتسمع امها العودة: ان شاء الله ماتوافق ...يعلها بريل احول ....عساها ماتتوفق ...

الام العودة : بلاج ترمسين عمرج؟؟؟

قصايد: سلامتج امي العودة بس كنت اقول...ليش شويخ تأخرت ,,قالت بتي وبعدها مايت....؟؟؟

وتدخل شويخ من بعد ماضربت الباب بالقو ...........

الام العودة: حسبي يا الله عليج ياشويخ..شو ها ماراح تعقلين انتي.....ليش تضربين الباب بالقو ,,,راح تكسرين الباب....

شويخ:اشحالج امي العودة...بالاول الناس تسلم وبعدين ...تقول ليش....؟؟؟

الام العودة: بخير يسرج الحال ....زين والله تعرفين تسلمين من عادتج اتين ولا تسلمين .....

شويخ تروح عند امها العودة وتحضنها: افا امي العودة الحين انا مااسلم ,,الله يسامحج ...تدرين اول مااشوفج لازم اسلم عليج ...انسى الكل ولا انساج.....على وين الحلو بيروح لابس ومتكشخ ,,لا بعد ضارب عووود عربي....اسميهم الشباب راح يطيحون من اول مايشوفونج ...ههههههههههههههههه

الام العودة: تضرب شويخ ...ماتيوزين من رمستج انتي ...باروح السويحان عسب اخطب حق عمج خليفة.....

شويخ : اها اسميهم الشباب بدل ما يطيحون راح ينتحرون ههههههههههههههه اول مايشوفونج ........

قصايد: ههههههههههههههههه غربل الله عدوج شويخ احترمي .....

شويخ: ان شاء الله عمتي تامرين امر.....

الام العودة : واخبار امج ليش مايت وياج ....؟؟؟

شويخ: الله يسلمج امي بخير دامج بخير...ثانيا: راحت بيت الجيران عسب جارتنا ميهودة شوي ..وراحت تطمن عليها .....

الام العودة: واخوج حمدان ..اتصل لكم ولا لا...؟؟؟

شويخ : لا بعده مااتصل يمكن تلاقينه مشغول ...الحين .....

قصايد حزت بخاطرها وتذكرت اللي صار مع حمدان وكيف انه زعل منها ..........

شويخ: قصود لاتفكرين وايد ,,, خلينا نروح فوق بدل اليلسة هني ......اووكي grand mother “ see u later: and I hope they say no “”some one >>>>

قصايد: عن التنقع باالانجليزي ..اللي يقول ماشاء الله كله صح ..امشي خلينا نروح حيرتي .....

شويخ: هههههههههههههه ابصم بالمية لو فهمت كلمة وحدة ............باي امي العودة ..........

وبالطريج شافوا مرت عمهم موزة.............

شويخ: مرت عمي ..بعدج مصرة انج تروحين تخطبين سميو ام السعف والليف حق عمي...؟؟

موزة: هي ..وبعدين هذي راح تكون حرمة عمج ,,شرات ماانا حرمت عمج .....

وراحت عنهم موزة وظهرت هي والام العودة وام فهد يروحون السويحان ..............

شويخ: وتسكر الباب بالقو : اف يعلها ماتربح ,,اكره هالسميو ..والله لااراويها ان ماخليتها ماكون شويخ.....

قصايد: يعني شو بسوين ..خلاص الحين صار....بس تدرين لو وافقت ماراح تتهنى ......؟؟

شويخ وعلامة تعجب بويها : ليش شو ناوية ...؟قولي باشاركج المؤامرة ههههههههههه..

قصايد: سمعي عيل... الله يسلمج عمي تشرط لو هي تباه ..لاعرس ولا خرابيط ..ولافستان ....حتى اغاني مافي ....والملجة تكون يوم الخميس مع شما بنت عمي .....وبعدها اتي بيت ريلها هههههههههه..

شويخ مو مصدقة اللي تقوله قصايد: احلفي والله ؟......

قصايد: والله ...

شويخ: ياحليلها ماراح تتوفق ...ولاتتهنى بليلة عرسها ههههههههههههه,,تدرين يت لي خطة نخرب عليها ملجتها .....

قصايد: شو قولي .......

شويخ : تعالي بخبرج ....وطبعا حور بتكون ويانا لانها هي اصلا رافضة هالشي ولازم تشاركنا ..........

قصايد: ولو اكيد هالشي ...يالله قولي...........

شويخ بدت تخبر حق قصايد شو المقالب اللي راح يسوونها حق سمية بيوم ملجتها ...وبالمرة اتصلو حق حور وخبروها بالمؤامرة وحور مستانسة وموافقة تشاركهم.............


في الصالة بوفهد يالس ويا اخوه خليفة وولده فهد وفارس .........

وسمعوا دق بالباب ........

ابوفهد: فارس يبا شوف منو عند الباب؟؟؟؟؟

فارس: ان شاء الله يبا.....

وراح فارس يفتح الباب وشاف عمه بوهزاع وهزاع ومياسة ..........وسلم عليهم

فارس : هلا عمي حياك اقرب البيت بيتك........

بوهزاع: الله يحييك يالغالي ..وين ابوك موجود ..وامك العودة موجودة ...

فارس : ابوي موجود بالداخل ويا عمي ,,,اما امي العودة راحت السويحان .....

ودخل بوهزاع وهزاع ومياسة ..داخل وسلمو على بعض...

مياسة من شافت فهد استحت ونزلت راسها ,,واستأذنت منهم وراحت عند قصايد وشويخ.....

ابوهزاع: يعني صحيح الخبر اللي سمعناه....

خليفة: هي ياخوي صحيح اللي سمعتوه...هذي كانت رغبة امي ....

ابو هزاع: بس ياخليفة ,,بنتي مياسة..خبرتني ان البنت مو زينة ....لا دين ولا خلق ...كيف امي توافق انها تاخذ لك وحدة شراتها.....؟؟؟

ابوفهد: الله يستر عليها ..يمكن تتعدل البنت من بعد ماتتزوج .....

بوفهد: اشحالك ياهزاع::::....؟؟

هزاع: بخير سرك الحال عمي ....

خليفة: والعرس خليناه يوم الخميس ....

بوهزاع: اي خميس قصدك هذا الخميس ....؟؟

بوفهد: اي هذا الخميس.....

هزاع: الخميس...بس الخميس راح يكون كتب كتاب اختي شما ...وبعدين كيف راح تتزوج وماراح يكون في وقت لخطيبتك انها تتشرى الاغراض لها ياعمي ...؟؟؟

خليفة: والله برايها ...لو تباني حياها ..وان ماتباني وقبل مايكمل .........

كمل عنه فارس : تضرب راسها باليدار...........

فهد وفارس: ههههههههههههههههههههه

بوهزاع وهزاع مستغربين .........

فهد : السموحة عمي بس هذا هو شرط عمي خليفة لوتباه حياها لو ماتباه تضرب راسها باليدار......ههههههههههه

بوفهد : بس ياولد عيب ....

خليفة : ههههههههههههه خلهم برايها لو هي تباني حياها ..محد ضربها على يدها وقال لها تاخذني ...هذا اذا وافقت .....

ابوهزاع: يعني انتو ماراح تحضرون كتب كتاب بنتي...؟؟؟

بوفهد: تونا من شوي كنا نرمس بهالموضوع ...........فقلنا ان وافقت البنت نخلي كتب كتاب بنتك شما وكتب كتاب اخوك خليفة بيوم واحد وف بيت واحد............شو رايك ياخوي؟؟؟؟؟

بوهزاع: حلو ...وخلو الحفلة في بيتي ....لانه كبير ....

بوفهد: تم ..........

من صوب عند البنات ..............

قصايد اطالع بشويخ ويضحكن مرة وحدة : هههههههههههههه

مياسة: بلاكم تضحكون ...ضحكوني وياكم .....

شويخ : تبين تعرفين ليش نضحك...؟؟؟

مياسة: هي قولي ,,فيني فضول اعرف....؟؟؟

قصايد: بس بشرط ماتخبرين حد ويكون سر....وبالمرة لو تبين تشتركين ويانا بالمؤامرة حياج........؟؟؟

مياسةمستغربة: مؤامرة ...مؤامرة شو وحق منو..........؟؟؟

قصايد وشويخ يضحكن:هههههههههههههه

شويخ: اول يتم سر من بينا ...طبعا حور اتصلنا فيها وخبرناها السالفة وافقت على طول............

مياسة: سركم في بير؟...

قصايد: الله يسلمج راح نسوي مؤامرة ضد سميو ...وراح نخلي ليلتها ليلة سودة .....

مياسة: وانتو حددتوا متى ملجة عمي ...؟؟؟

شويخ: هي يوم الخميس هذا ..الي بيي...

مياسة مو مستوعبة : ويت ويت قصدج الخميس هذا ..يعني اليوم الاثنيين.وباجر الثلاثاء.واللي عقبها الاربعاء,واللي عقبها الخميس ..وهو هذا اليوم ...؟؟؟

قصايد: هي .........

مياسة: بس هذا بيكون كتب كتاب اختي كيف.......؟؟؟.

شويخ: الله يسلمج الظاهر راح يكون كتب كتاب اختج شما ..وعرس عمي بنفس اليوم..ويمكن يكون بمكان واحد بعد....

مياسة اتلخبطت : اقول تلخبطت انا خبروني ..كيف يكون عرس عمي ..وبعدين ماراح يكون في وقت للعروس تزهب وتتشرى ............؟؟

قصايد: الله يسلمج هذا شرط عمي .....لو هي تبا عمي كتب كتاب وعرس بيوم واحد من دون فستان ابيض ولا زفة ولا حتى رقص .ههههههههههههههههههه.........

مياسة مو مصدقة: معقولة ...مستحيل توافق ....مينونة لووافقت ؟؟؟؟

قصايد: من ناحية بتوافق بتوافق ..حتى لو قالو لها نباج الحين راح اتي ....اصلا هي من زمان خاطرها بعمي .....

مياسة: اها ويعني ماراح يسوون رقص ولا فرح كبير ولاقاعة .........

شويخ: لاااااااااااااا الحبيبة ماراح تتهنى .قلبي يعورني عليها هههههههههههههه

مياسة: حلو ,,خبروني بالمؤامرة ,,الصراحة ابا اشترك فيها ....

قصايد: راح نخبرج ...بس نسيت لازم نروح نشتري فساتين حق يوم الخميس....

شويخ: باجر خلينا نروح ..وباخلي حامد ياخذنا .....

قصايد: حامد مستحيل يوافق.....

شويخ: ماعليج راح يوافق تراني تراهنت وياه ....وسويت له خدمة بشرط انه ياخذني المول باي وقت ...وبخبرج شو ....هي الخدمة اللي سويت له هههههههههههه بس ماتخبرين هيوم وانتي بعد ماتخبرونها .............

قصايد ومياسة :اوكي

وبدت قصايد وشويخ تخبر مياسة شو راح يسون بيوم الخميس بعرس عمهم .....وبالمرة شويخ خبرت قصايد ومياسة باللي صار ويا هيوم ويوم حامد كان وياها بالغرفة وهو يسمع المحادثة .............وبعدها بدى لسان شويخ يطلع كل الكلام وخبرت مياسة ان هزاع هو الشخص الي قصايد عطته كف بالمول....من ناحية مياسة مومصدقة ...وقصايد يالسة تسب شويخ انها خبرتها ...........وقصايد ويها صار احمر شرات الطماطة ..لكن مياسة عادي عندها وعرفت الحين ليش هزاع يعطي اهتمام حق قصايد ..........



بس يكفي ما ابي منك ملااااااااام عفت حبك عفت شوفك يا ظلووم
مابي منك لا كلام ولاسلاااااااااام خل غيري يعتنـــــــيبك لو يرووم
كنت اشوفك حول عقلي كالحمام دوم تطريلي على بالي وتحوووم
كنت غادي كالقمر وقت التمااام في عيوني لا ولا عندك خصوووم

في السويحان في بيت ام عبيد.....

ام عبيد: يا هلا ومرحب بام عبدالله ..نور بيتنا بوجودج يالغالية ...

الام العودة : الله يحييج ويبقيج يالغالية:::: اشحالج ,اشحال عيالج...؟؟؟

ام عبيد: بخير يسرج الحال والحمد لله مانشكي باس ..والعيال الحمد لله بخير ....

ام فهد: اكيد يام عبيد ,,,تعرفين شو سبب زيارتنا لج....؟؟؟

ام عبيد: لا والله يا م فهد ... خير عسى ماشر....

الام العودة: ليش بنتي ام كايد ماخبرتكم ......؟؟

ام عبيد: تخبرني بشو ...هي بس اتصلتلي وخبرتني انكم راح تزورونا....

وتدخل عليهم سمية بكل اناقتها وزينتها والقناع اللي لابسته ...قناع الطيبة والحنان....تدخل وتسلم على الام العودة ..وبعدها على ام فهد ,,وام كايد ...ومن شافت موزة .سلمت عليها بس من دون نفس ..وتذكرت بانها خذت منها خليفة الي تتمناه ....

ام عبيد: اكيد عرفتيها ..هذي بنتي سمية....اللي كانت اتي بيتكم يوم كنتو ساكنين هني بالسويحان ....

الام العودة: هي ماشاء الله عليها غادية عروس بنتي ...تعالي فديتج يلسي عندي.....

تروح سمية وهي مستحية ...: ان شاء الله عمتي ....

الام العودة : سمعيني يام عبيد ,,اليوم احنى يايين خصيصا بيتكم عسب نخطب بنتج سمية حق ولدي خليفة ......

ام عبيد تشوف موزة : لكن يام عبدالله اظن ان خليفة عنده موزة ,,وماشاء الله عليها موزة حرمة طيبة وسنعة ....

موزة : يام عبيد ..انا بنفسي راح اطلب منج ان احنا نخطب بنتج سمية حق ريلي خليفة ...وهي ترمسها وخانقتها العبرة.....

ام عبيد مصدومة من رمسة موزة: انتي شو تقولين ياموزة ...انااللي اعرفه انج مرة طيبة وحنون والكل يتمناج ,,والحمد لله صرتي من نصيب خليفة ...وبعدين ليش خليفة يفكر انه يعرس عليج....؟؟

سمية مقهور من رمسة امها ,,هي بروحها ماصدقت انها تحصل خليفة ,,والحين امها تردهم .....

ام كايد: ربج بعد يام عبيد ..والحين شو تقولين انتي ,,,راح تعطينا بنتج ....؟؟

ام عبيد مازالت مصدومة واطالع موزة: والله مااعرف شو اقول ؟؟

موزة: قولي موافقة وبس ....

ام عبيد: الراي راي البنت ...وبعدين لازم نشوف اخوانها شو يقولون ...وهذا زواج مو لعبة ....يابنيتي ...؟؟

الام العودة : وانتي يابنيتي سمية شو رايج ..توافقين تاخذين خليفة؟؟

سمية وتسوي عمرها مستحية ,,وفي داخلها اكيد موافقة: الراي رايكم ....

ام فهد: احنا نبا رايج ..لان خليفة عنده شروط .....

سمية : هي موافقة >>>قوية عين ماتستحي......

ام عبيد وهي تشوف بنتها عسب تسكت : شو هي الشروط يام فهد....؟

الام العودة : اسمعيني يام عبيد ..الريال مستعيل ويبا يعرس بسرعة ...ويبا يكون كتب كتاب والعرس بيوم واحد ....اللي هو يوم الخميس الياي.....

ام عبيد: شو تقولين يام عبد الله يوم الخميس..بس مادري شو اقول ...البنت لازم يبالها وقت عسب تتشرى ...

ام كايد: ام عبيد ,,اخوي يبا يعرس بسرعة ومايبا حفلة وغيرها .....

ام عبيد : ام عبدالله ,,فهميني الموضوع ..ادري فيج ماتخبين شي...ليش العجلة ,,وليش خليفة يبا يعرس على موزة ..؟؟؟؟

موزة: انا بقول لج...ريلي يبا عيال وانا يام عبيد ماييب له عيال ....وان شاء الله سمية هي اللي اتييب له العيال اللي يتمناه ....

ام عبيد: والله ماعرف شو اقول ..بس الخميس صعبة....والبنت لازم تبا وقت تشرى غراضها ....مادري والله ؟؟؟

الام العودة:اذا البنت موافقة مافي داعي ,,,,خلينا نتوكل على الله ..هي تتشرى اغراضها الحين..ومن بعد العرس ماراح نقصر عليها ..بنوديها كل مكان عسب تتشرى اغراضها ......

ام عبيد : ان شاء الله... ان شاء الله الليلة راح نتصل فيكم ونخبركم .....

الام العودة : خلاص ..بس لاتنسين يالغالية نباها ..ترا الريال مستعيل....

ام عبيد : ان شاء الله...

من ناحية سمية فرحانة واطالع موزة باحتقار ,,وف نفسها ::اخيرا حصلت اللي اتمناه ,,ان ماخليت خليفة يحبني ويطلقج ياموزو ...ماكون سمية.....

ومن بعدها ظهروا الحريم من بيت ام عبيد وروحو للبيت,,, اما ام عبيد راحت عند اعيالها تشورهم بالراي وتخبرهم بالسالفة .."طبعا ف البداية رفضوا ,,لكن سمية اصرت انها تاخذ خليفة ...ولا ماراح تتزوج ابد ..وبالتالي وافقوا عليه.....واتصلت ام عبيد اتبشرهم انهم موافقين .....وسمية بدت تزهب عمرها للعرس ..مع ان كان بخاطرها حفلة ماصارت ,,والكل يشهد عرسها ......


راح العمر وانتي تقولين باكر وعيا يجي باكر من العام للحين***

مر اليومين بلمحة بصر والكل محتاس ومتلخبط من ناحية عرس خليفة ومن ناحية كتب كتاب شما.....البنات قصايد ,ودانة,وحور,وشويخ,ومياسة اربع وعشرين ساعة بالمول والاسواق عسب يتشرون ويتزهبون ..اوقات ياخذهم الدريول .واوقات حامد ...واوقات فهد.وطبعا يوم الدور يكون عند فهد ترفض مياسة لانها تستحي ....لكن قصايد تصر عليها الا تروح وياهم ...وقصايد تلاحظ نظرات اخوها فهد لمياسة ,,استانست لان بجذي فهد راح ينسى البنت اللي خانته ..واتمنت لو ان فهد يفكر بالزواج وتكون مياسة من نصيبه ...اما بالرماح من ناحية بيت بوغانم عووش ونورة ...ملعوزين اخوهم غانم تعال خذنا وودنا ...اما في بيت بوذياب مرة مبارك ومرة ميحد ومرة ذياب مبتلش ياخذ البنات لاسواق والخياييط ...من ناحية سهيلة تروح ويا شما تتشرى اغراضها وبالمرة تساعد شما تشوف لها الفستان الي يناسبها وغيرها.....اما عن سمية تلاقيها مبيته في الاسواقة تتشرى حق عرسها ماترد البيت الا بعد منتصف الليل ....وحجزت لها خبيرة تجميل ....وطبعا حجزت لها مصورة تصورها

اما من ناحية الشباب سهيل متلخبط ساير وياي ,,ومايعرف شو يسوي الحبيب مستعيل يبا يشوف خطيبته ..وكل مايروح بيت عمه ..مايشوف شما ..ويوم يبا ياخذهم للسوق عسب يتشرون شما ترفض تقول خل يصبر بليلة الكتب كتاب يشوفني .........اما من ناحية خليفة ..ولا كأن شي صاير ولا يهمه سواء عرس ولا لا ....ولا له خاطر حتى يروح العرس ..ويفكر انه مايروح غير يوقع ويرد البيت ...لكن امه العودة تلح عليه انه لازم يكون موجود ....اما بطلنا هزاع ..كل يوم تلاقونه في بيت عمه على اساس انه يبا يسلم على امه العودة وعمه ..لكن طبعا هو الاساس رايح يشوف العيون الذباحية ...لكن مايلقاها لانها دوم برع تتشرى هي والبنات ....

اما الحريم ....يالسين يتزهبون كل وحدة تشوف شو ناقص من ترتيبات وغيرها ..وكل وحدة تتأكد من المعازيم ....واللي تتأكد ان الكيكة راح تكون جاهزة يوم العرس ....اما الشياب...اثنين تلاقيه عند الجزار عسب
يأكد يذبح الغنم ...واللي رايح عند المطاعم ويأكد عليهم ان البوفيه لازم يكون اوكي .....يعني اليومين كان تعب والدنيا قايمة عليهم مايعرفون شو يسوون .........


انت البخور اللي تطيب به الدار وغيرك حطب والكل بالفرق داري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 18-01-2009, 10:51 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


يوم الخميس ....ع الساعة 4 العصر في بيت بوهزاع.....

كل البنات متجمعات في بيت بوهزاع على اساس ان العرس والحفلة راح تكون في بيت بوهزاع لانه كبير ....

عوووش ,نورة.,,,غبوووش...ظبية..شيما...مهرة...العنود...سهي لة .....دانة....مياسة....قصايد..حور...شويخ.... الريم ...الكل يالسين بحيرت مياسة عسب راح يتعدلون فيها وحجزوا خبيرتين تجميل لانهم وايد ......بس قصايد وحور ودانة ومياسة وشويخ ..راح يتعدلون ويا العروسة وشما؟؟؟....

غبوووش : يافرحتي من زمان مافرحنا ...اقول مياسة شوفي الشباب ,,,بدوا اليولة ولابعدهم ....

مياسة: طاعوا هذي ...هي مو الحين قالو بعد صلاة المغرب بعد مايوقعون المعاريس راح يبدون .....اليولة....

قصايد: لاتلومينها ..من الفرحة الصراحة حتى احنا من زمان مافرحنا ..بس صدق اليوم بيكون احلى يوم ...وتشوف مياسة وشويخ وحور ودانة ويلسو يضحكون .........

غبوش: بلاكم يالسين اطالعون بعض....؟؟

قصايد: لا سلامتج .....

دانة : اقول يالله امشن تلاقن الحين خبيرة التجميل وصلت ...لان احنا باالاول راح تعدلنا بعدين راح تعدل شما .....

مياسة: والعروس منو راح يعدلها ....؟؟

شويخ: ست الحسن والجمال ..اتصلت خصيصا حق خبيرة تجميل من دبي عسب اتعدلها ,,لافوق هذا حجزت مصورة ...

حور: انامادري ليش حجزت مصورة اللي يقول الحين راح تلبس فستان ابيص ..الا هو فستان لو بنفسجي ....انا اول مرة اشوف وحدة تلبس فستان عرس بلون بنفسجي....

قصايد: الموضة فديتج ..تراها تمشي مع الموضه .....

مياسة: امحق موضة هههههههههه.

الكل: ههههههههههههههه

قصايد: حور يبتي الاغراض اللي وصيناج اتيبنه وياج....؟؟

حور: لا فديتج مانسيته ..اول شي حطيته بالكيس ,,اهم شي هذا لاتنسين... وتغمز حق شلة المؤامرة .......هههههههههه

شويخ: انزين روحي ييبي حماني ..فديته هالحماني راح يسوي لنا خدمة كبيرة ....

حور: ولا يهمج ترا هذا انا حسبت حسابه بالاول ....وراحت حور اتييب حماني من عند امه ..اما البنات ظهرن وراحن لغرفة شما ............

طق طق طق>>صوت دق الباب..........

شما : تفضلن ....

قصايد: زاد فضلج يابنت عمي ..........مبروك مقدما .....

شما وهي تضحك: ههههههههه الله يبارك بحياتج ,,اول خلينا نوقع ,وبعدين باركي ..

قصايد: لا ابارك لج بالاول احسن .....

شويخ: هي مو انتي بس هم انا ...مبروووووووووووووووووووووك يا احلى عرووووووووس ....

شما : الله يبارك فيج حياكم توها وصلت الخبيرة ...يالله زهبن عسب اتعدلكم ......

ودخلن داخل ولقن خبيرتين تجميل .....ومصورة وطبعا العروس مرت عمهم ....

قصايد وتهمس حق البنات: مالت طاعن ,,من زينها رافعة الخشم...

شويخ: سكتي عن لاتسمعج ..خلينا نبارك لها ....

مياسة: الله لايبارك فيها ..يوم دخلت حياتنا ......

دانة: قصدج حياة عمج ...........

قصايد : هلا والله هلا بالعروس الحلوة ...هلا بمرت عمي الغالية ...>>>ماشاء الله ممثلة البنت ...

سمية بدلع: الله يبارك بحياتج وعقبالج ن شاء الله .....

شويخ وتبا تقهرها : ان شاء الله عقبالها وبأفخم قاعة الكل يشهد لها ...ومبروووووووووك ياعروس ....وتروح تبوسها ...

سمية انقهرت من رمستها: الله يبارك بحياتج يالغالية ..

دانة ومياسة : مبروك ياعروس ...

سمية : الله يبارك فيكم ....

وتدخل عليهم حور: السلام عليكم ....

الكل: وعليكم السلام والرحمة .........

حور وتروح عند شما وتبارك لها : مبرووووووووك يا بنت خالي ..مبروك ياالغالية منج المال ومنه العيال ....وتروح تبوسها .....

شما: الله يبارك بحياتكم ..بس صبروا بعدني ماوقعت .....

مياسة: ان شاء الله راح توقعين ....

الكل: ان شاء الله .....

حور من دون نفس تبارك لسمية: مبروك يامرت خالي الجديدة ....منج المال ومنه العيال ....

سمية: الله يبارك بحياتج ....

شما: الحين منو راح يبدأ يتعدل ......

قصايد : انا اول وحدة ...وتزقر خبيرة التجميل ..: تعالي فديتج ابدئي فيني .....

مياسة: تهمس حق حور ,,,شو راح تسوون الحين .....

حور: صبري اول شي واهم شي..مرت عمج تكره بودرة لانكوم لانها ماطيح عليها ..واقولج يبت لها هالبودرة ...عسب تلاقون باجر ويها منتفخ من الحبوب........

شويخ: زين ..ويبتي الصرصور ,, االلي على شكل لعبة ..اللي شريتوه حق حماني ....

حور : هي ..وهذا بحطه بجوتيها ...يوم تلبسه عسب تصرخ مرة وحدة هههههههههههه

دانه: اسميج شريرة ....

حور: لافديتج صبري انتي ...الحين خليني الاقي القلم اللي يلعوز ..وراح اخبر حماني يروح عند سميو ..ويخليها تفتحه ..عسب اول ماتفتحه ...يلعوزها الحبر والتالي يخترب الفستان..ههههههههه

مياسة : ههههههههههه

وخلصت قصايد ...وبدت بعدها مياسة ......

قصايد ها شو راح تسوون....

حور : صبري الحين مرت عمج راحت يكرمج الله الحمام عسب تلبس فستانها ..واول ماتظهر راح اخبر حماني يروح عندها ويعطيها القلم عسب تفتحه.....شويخ خذي علبة البودرة وحطيها بعلبة خبيرة التجميل اللي ياتها سمية...انتي قوم الهمت الصعبة .....

دانه: بس هذي عليه مكياجي...مو لانكوم؟؟؟؟

شويخ: ههههههه ماعلي فديتج الظاهر بعدتج ماتعودتي على افكارنا ,,وكيف نفكر.انتي تشوفينها علبة مكياجي لكن البودرة بودرة لانكوم

دانه: مافهمت؟؟؟

حور : الله يسلمج انا عندي علية بودرة فاضية من مكياجي ...وقلت مرة وحدة اشتري لانكوم وابد العلب واحط الانكوم في علبة مكياجي....تلاقين سميو اكيد وصت خبيرتها انها ماتستخدم لانكوم...

دانه : اها زين والله....

وتروح شويخ وتحط العلبة من دون محد يشوفها ........اما حور تروح عند حماني وتعطيه القلم وتخبره بكل اللي لازم يسويه من دون مايقول شي .....

واول ماظهرت سمية من الحمام يكرمكم الله ...راح عندها حماني ......

حماني : آلو افتهي هدا الدلم(خالو افتحي هذا القلم )

سمية : وبابتسامة مصطنعه: ان شاء الله حبيبي.....

واول مافتحت سمية القلم ...اتلعوز فستانها كله حبر......

سمية بصرخة كبيرة وعصبية : لااااااااااااااااااا ...شو هذا شو سويت ...لعوزت فستاني ...والله لاضربك...

حور : هيه ,,شو بتضربين ولد صغير ..وهو شو ذنبه انتي اللي فتحتي القلم ...

قصايد وهي تمثل: ابيه مرت عمي ..فستانج تلعوز ,,والحين كيف راح تظهرين للناس ..مو حلو الكل راح يطالع البقعة ..والمشكلة بقعة كبيرة .....

شويخ: وبعدين مايمدي وقت تروحين المول وتشترين فستان ....

شما: ماعليج مرت عمي بعطيج فستاني ...انا عندي فستان اظن راح اي عليج ...وتروح شما اطلع فستانها....وتعطيه لسمية....

سمية : وهي مقهورة: تسلمين..مع اني شريت الفستان ب 5800 درهم .....

مياسة: لا عادي فديتج الاهو فستان وراح ينغسل ....وبعدين شوفي فستان اختي وايد حلو وبسيط ..يعني بس قديم وقيمته ....350 درهم ...

شما تأشر حق مياسة عسب تسكت....

سمية: اها زين المهم فستان ...مو وسخ ...( من داخلها محترقة على حماني لانه وسخ فستانها الغالي....))

ويلست سمية ع الكرسي عسب اتعدلها الخبيرة...

دانة : انا باروح المطبخ حد يبا شي ..وبالمرة بخبر حق البشكارة تسوي عصير برتقال حق المعاريس ......

وقبل ماتظهر دانه زقرتها سمية؟.....

سمية : فديتج ,,خبري البشكارة تسوي لي انا عصير مانجا ...لاني ماحب البرتقال ....

دانة وتمرر عيونها ع الشلة .:: من عيوني ياعروس ...

سمية : تسلم عيونج....

وراحت دانة للمطبخ وبخبركم بعدين شو سوت .....

مياسة : قصايد يبتي كاميرا التصوير....

قصايد: لا عند شويخ :...شويخ يبتيها ولا لا......

شويخ: ابيه سكتي..نسيتها بالعزبة ....؟

قصايد:: الحين كيف راح نصور شما يوم تظهر ع المعازيم ....

مياسة: روحي بحيرت اخوي هزاع..راح تلاقين كاميرا تصوير على تسريحته .....وافتحي السدة الاولى راح تلاقين اربع اشرطة فاضية ييبيهم وياج....

قصايد: اخاف حد يكون هناك ......؟؟

مياسة : لاتخافين كل الشباب برع ...واذا بيون اكيد راح يتصلون عسب يخبرونها انهم راح ايون...

وتلبس قصايد عبايتها وشيلتها ...وقبل ماتروح ووين غرفته.....

شما : هذي مايبالها ...دوري من بين الغرف ...غرفة عليها لاصق مكتوب غرشوب بوظبي.......هههههههههه

مياسة: هي فديت غرشوب بوظبي هههههههه

وظهرت قصايد ادور غرفة غرشوب بوظبي .....

شويخ: يالله بدت الخبيرة اتحط البودرة ...اسميها باجر راح ينتفخ ويها .....ههههههه

حور: ههههههه اقول سيري سايسيها عسب احط الصرصور بجوتيها ,,,,

شويخ: اوكي ....

وتروح شويخ تسايس وتلهي سمية عسب لا تشوف حور وهي تحط الصرصور.....

شويخ: مرت عمي ....

سمية بعصبية...:نعم

شويخ: بيه ليش معصبة...الحين معصبة بس عسب فستان ,,وبعدين لاتحطين عقلج بعقل ياهل ...الحين انتي سويتي جي ,,عيل باجر لو عندج عيال شو بيستوي فيهم ...الله يعينهم

سمية : لا بس والله خاطري البسه ...

شويخ:ماعليه فديتج ..ان شاء الله بتلبسينه بعرس شما .....

سمية : ان شاء الله ,,,,,

شويخ: ماخبرتيني ..وين بتروحون شهر البصل..عفوا قصدي شهر العسل.....

شما تضحك على رمسة شويخ....

سمية : والله مادري بس خاطري اروح ايطاليا ....

شويخ حبت تقهرها شوي: اها ,,تدرين ان عمي يوم خذ موزة راحو ايطاليا وسويسرا وفرنسا...مالومه الحبيب يحبها ...وبدل مايكمل شهر كمل شهرين وياها؟......

سمية مقهورة من الخاطر: اها ,,ماعليه انا باخليه ياخذني ويحوطني بكل مكان .....

شويخ: لا زين...تستاهلين صح ...

ومن ناحية عند حور حطت الصرصور بجوتي سمية وشافت المصورة يالسة اطالع من الشباك وبالمرة فكرت تخرب الكاميرا ...وتعبثت فيها .وشلت الفلم اللي داخلها .....

ودخلت عليهم دانة واشرت للبنات ان كل شي تمام .....

وبعد ماخلصت مياسة يا دور حور .....

نروح لصوب قصايد ..وهي طبعا يالسة ادور غرفة غرشوب ابوظبي ....لاتلومونها أول مرة تزور بيت عمها ..والبيت كبير ..وفيه غرف وايدة.....الله يعين ميري في الشغل .....

وهي تمشي يالسة ترمس عمرها :...من حقك تكون غرشوب بوظبي....الحين وين حيرتك تعبت وانا يالسة ادور ..........

وفجأة لقت حجرة هزاع ولاصق ع الباب ملصق مكتوب غرشوب بوظبي ........
دخلت قصايد حيرت هزاع وسكرت الباب وراها ....

دخلت ويلست تتأمل غرفته وكيف هي كبيرة وحلوة ...........

خلوني اوصف لكم غرفته ....غرفتين ..الغرفة الاولى حق اليلسة وفيها طاولة وكراسي وغير الغنفات من الجلد باللون الرمادي .....والارضية بلاط اسود لامع ...اما الجدران فهي بلون السما الهادية وفيها غيوم ابيض على رمادي ...لاتلومونه الحبيب رومانسي ..........وفي مكتبه صغيرة وتلفزيون ....ومابين الغرفة الاولي والغرفة الثانية ستارة من اشكال الاصداف والقواقع .....عسب تدخل للغرفة الثانية

وراحت مشت لغرفة النوم ,,,,وهي شرات الغرفة الجلوس البلاط اسود لامع .....والجدران بلون السما الهادي مع الغيوم الابيض المختلط مع الرمادي ..بالوسط سرير كبير ...ومن على يمينه ويساره كومدينو .....وكل كوميدينو فيها اباجورة على شكل قلب احمر ....

ومقابل السرير التسريحة وفيها عطورات طبعا لاننسى عطر الشيوخي وعطره العود العربي ..... ونظارته المفضلة Gucciومتزينة بالورود المجففة والمبعثرة ع التسريحة ...وبالاضافة الي الشموع باللون الاحمر والابيض.....

تخبلت قصايد على شكل غرفته وكيف هي حلوة ....وحست انها بعالم اخر وبهدوء السما الموجودة ع الجدران ....ويلست ادور من حواليها ونست الكاميرا والشرايط ....الي خبرتها مياسة عسب تحضرها لها .....

ومن بين ما قصايد هي ادور ولا حاسة منو حواليها ...اصطدمت بشخص وكانت راح اطيح..لكن الشخص مسكها من يدها قبل ما اطيح.............

ترفع قصايد وتشوف منو اللي مسكها .....وانصدمت يوم شافته ....وحست بشي غريب من مسكها ...وصار ويها احمر شرات الطماط......

هزاع وهو يتأمل ويه العيون الذباحية وكيف هو غادي احمر: عيبتج .....؟؟؟

قصايد وويها احمر ومنزلة راسها............

هزاع يرفع اسها : ماخبرتيني عيبتج الحيرة...لو ماعيبتج راح اغيرها .....ترا بعدين راح تكون لج ....وهو يطالعها ....

قصايد وويها احمر: السموحة ماكنت اعرف انك موجود .بس كنت ابا اخذ الكاميرا عسب مياسة طلبت مني اييبها .....

هزاع: تفداج الكاميرا وصاحب الكاميرا بعد ...لا عادي حياج بأي وقت ..كنت ياي اخذ نظارتي ماروم استغنى عنها .......

وراح هزاع وخذ الكاميرا والشرايط ...وعطهم لقصايد....

هزاع: هذي الكاميرا يالعيون الذباحية ....وهذي الشرايط وهو يعطيها الكاميرا وعينه بعيونها .......

قصايد: تسلم,,,,,

هزاع : العفووو ياعيون ذباحية.........

وكانت تبا تروح عنه...بس مسكها من يدها .....استغربت قصايد من تصرفه....ويها بدل ماصار احمر شرات الطماط صار اشارة مرور.........

هزاع: السموحة يالغالية ..ادري اني تعديت الحدود ,,بس ممكن لحظة شوي ....

وراح هزاع للتسريحة وفتح السدة الاولى وظهر منها صندوق صغير على شكل قلب وراح عطى قصايد.........

هزاع: اتمنى انج ماترفضينها ...تراج بنت عمي ,..وراح تغدين حرمتي ان شاء الله .........

قصايد مستحية: شو هذا ,,بس ماروم اخذها ........

هزاع: ليش ....خذيها وبعدين افتحيها لاني ابا اشوفج لابستها اليوم .....

وقبل مايظهر هزاع............

هزاع: العيون الذباحية ..........احبــــــــــــــــــــــــــــج وحني عليه شوي ..واشر على قلبه......

وبعدها ظهر..........وقصايد ماتعرف شو صار من شوي ,,,او ان الكلمة سمعتها ولا لا...تحس انها كانت تحلم .........

قصايد: يحبني ...يعني صدقت شويخ وحور يوم قالوا انه يحبني ..... احس اني احلم ماابي انش من الحلم .....

وبعدها فتحت الصندوق وشافت سلسة للرقبة وفيها قلب كريستالي يلمع باللون الاحمر وداخل القلب كاتب فيه ""ياعين حني على قلب استصاب منك من أول نظرة""

عيبتها القلادة ولبستها ولكن خبتها تت العباة عسب لاحد يركز عليها ......وظهرت من حيرت هزاع وهي فرحانه وتحس بشعور غريب ..ماقد مرة حست فيه ....

ودخلت ع البنات ولا كأن شي صار لها ,,وحاولت تطون على طبيعتها ......زز

قصايد: هذي الكاميرا ,,وهذي الشرايط....

شويخ: كنتي تأخرتي شوي ....

قصايد: شو اسوي يلست ادور الغرفة ماعرفت وينها ,,ماشاء الله بيت عمي وايد غرف عندهم .....

مياسة: المهم الحين خلونا نبدأ انصور ...وانتي شويخ بسرعة تراج ذليتي الخبيرة سوي هذا او هذ احسن .....لاتنسين باقي شما وهي الاهم ...

شويخ: صبري الحين بخلص .....ومن بعد ماخلصت شويخ ..بدت الخبيرة اتمكيج شما ...........

من ناحية عند البنات بغرفة مياسة يالسين يلبسون ملابسهم وهم خلصوا قبل البنات ...لانهم راح يظهرون قبل لكن قصايد وشويخ وحور ودانةومياسة راح ينزلون مع شما وسمية.......

خلوني اوصف كل وحدة وفستانها .....
الريم خبرتكم قبل فستانها باللون البرتقالي والاخضر ...ومعاه ذيل له اكسسوارات ماشية مع الفستان ..رافعة راسها لفوق ومحطية شدو ماشي مع الفستان ......وروج باللون البرتقالي اللامع ....

اما عوووش ونورة فساتينهم شرات بعض شارينه من كان كان وهو .عبارة عن تنورة وقميص على شكل فستان ....عووش لون فستانها ازرق فاتح وقميص كت و ظاهر من الكت قطع من الشيفون واصل لين نص الكتف ...والتنورة طويلة معاها ذيل والتنورة مزغرفة بقطع من الكرستال باللون الازرق اللامع وسير ازرق بفصوص ازرق لامع ..ومسوية تسريحة وحاطة تاج لون ازرق ..اما نورة شرات الفستان بس بلون الزيتوني ....اما شعرها رفعته لفوق وطلعت منه خصلات ...والميكاب ماشي مع فستانهم ...

من ناحية ظبية وشيما شارين شرات بعض تنورة وقميص ...تنورة سودة لامعه ...قصيرة تحت الركبة ولابسين بوت ...اما القميص بدي ابيض لامع باللون الرصاصي وفوق جاكيت على شكل شبك .... وشارين ويااه سير وعليه نجمة كبيرة بعدة الوان مزغرف ....

اما من ناحية غبوووس لبست مغربي ازرق سماوي كت وعليه جاكيت طويل .....وعليه فصووص مزغرف من فوق لتحت بلون ذهبي.....وسوت شعرها تسريحة عادية ......والميكاب طبعا ازرق مع الذهبي ....

مهرة ::لبست فستان ضيق وطالع عليها حلو وبسيط بلون الزهري االلامع. مافيه اي زغرفة او فصوص ...وبالوسط سير من اللون الرصاصي عسب يعطي لمعة ...والميكاب بلون الزهري ....

العنود لابسة فستان منفوش فيه ازهار صغار باللون العنابي .......

سهيلة: لابسة مغربي بلون الاخضر الليموني ومن ناحية اليد اوساع نازل لتحت ........وسوت وياه تسريحة وحطت معاه تاج على شكل نجمة .....

اما من ناحية الحريم يالسين يستقبلون الضيوف ..ويضيفونهم ....والام العودة فرحانه ....اما موزة فهي ويا عمتها واقفة تخاف لايصيبها شي وراسمه على ويها بسمة عسب لاتبين علامات الحزن والعذاب اللي بقلبها .....واستقبلت الناس بكل ترحاب .....

اما عند الشباب والشياب يالسن ويا الشيخ ..........عسب يكتب لهم الكتاب .....وطلب من ابو االعروسة يسوي درب عسب يدخل الشيخ عسب يسمع راي العروسة وتوقع مرة وحدة ............

راح بوهزاع وسوا درب وخذ الشيخ لعند باب غرفة شما ..ودق الباب عليهم ......

بوهزاع: يبا شما... الشيخ يبا يسمع رايج لو كنتي موافقة على ولد عمج سهيل.....

شما: هي يبا موافقة ....وبعدها عطى شما الدفتر عسب توقع ....

وبعدها سأل الشيخ سمية لو هي موافقة تاخذ خليفة .....وطبعا موافقة ووقعت على طول .........

ومن بعد ماظهر الشيخ وابو هزاع من البيت

البنات كل واحدة راحن وسلمن على شما وعلى سمية ,,,,وبدوا البنات يرقصون بالغرفة عند شما لين مايظهرونها ...وماعطو سالفة حق سمية .....

وبعدها ظهروا البنات للصالة ..وظلن شويخ وحور ودانة وقصايد ومياسة وشما وسمية ...بالغرفة ...

شويخ تروح عند الشباك وتنادي ع البنات .....

شويخ: هي لحقوا تعالوا شوفوا الشباب بدوا ايولون ....ياويلي تعالو شوفو فهودي شلون يرزف واي فديته يخبل...

والبنات على طول عند الشباك طبعا هن لابسات الشيل عسب لايشوفونهم.....

شما : بنات الحين راح يشوفونكم لانه عاكس......

قصايد: ماعليج لابسات الشيل واذا حد شافنا راح نخبي عمرنا ......

قصايد وهي تراقب هزاع كيف ايول ....ومن داخلها :: يخبل فديته شكلي من صدق حبيبته ........

ومياسة من صوب تشوف فهد : وكل ماتشوفه تحس بشي غريب ويصير ويها احمر .....

حور شافت ويه مياسة: مياسة اقول منو الي شفتيه واستحيتي منه .....؟؟؟ها قولي مسكتج ...؟؟

مياسة استحت: سكتي وياويهج محد ....بس كنت اشوفهم وهم ايولون .....

قصايد عرفت ان مياسة تشوف فهد: احم يا حظه الي راح يكون من نصيبج ...لو هو يدري انج تشوفينه ...كان راح يسوي احلى الحركات لا يمكن بعد يطالعج ويعطيج الاهداء لج .........

مياسة : يوووووووووه قصود بس عاد .....

دانةوهي تراقب حمد وهو كيف يرزف ويسوي حركات مع هزاع ...ومن داخلها تتفداه ......

شويخ تهمس: اقول اقص يدي لو وحدة منكن ماشافت لها شوفه وحبته ..يالله اعترفن وقولن ......وخلو هالسر من بينا...

قصايد: شويخ انطمي ويا ويهج ....

شويخ: انتي سكتي نعرف منو ...بس باقي حور ودانة ومياسة ...يالله اعترفن ......؟؟

دانه: منو قولو لي قصايد حاطة عينج على منو اخاف انا اللي حاطه عيني عليه بذبحج......

مياسة: لا مو هو ..انااعرف منو قصايد حاطةعينها على منو هههههههههههههه

شويخ وحور : هههههههههههههه احم احم ...

قصايد : استحت ::: انطموا والله ازعل ...

حور: لافديتها بنت خالي كل ولازعلها...بس صدق دانة انتي منو حاطة عينج عليه ......

مياسة : تبون تعرفون منو ....؟؟؟

حور وشويخ: منو .؟؟

دانة: ياويلج لو قلتي .....؟؟؟

دانه: مياسو بذبحج ...؟؟؟

حور: شو رايكن كل وحدة تخبرنا منو فارس احلامها اللي اخترتوه ,ويكون من بينا الخمسة ومحد يدري عنه ...يعني مايطلع من بينكم ....

الكل: اممممممممممممممم موافقين ....

حور: قصايد انتي منو ...؟؟؟

قصايد وتأشر على هزاع .......

شويخ: ههههههههه ندري ونعرف هههههههههه

دانه: ولد عمي هزاع ..يعني كلكن تعرفن وماخبرتوني .....ياحظج فيه مبروك منج المال ومنه العيال

وضحكن على دانه......

حور : الناس تقول منه المال ومنج العيال ... من ناحيةنعرف هي بس خاص ...والحين انتي منو .....؟؟؟

دانة : وتأشرعلى حمد....

حور وقصايد وشويخ مايعرفون منو ومرة وحدة : منو هذاك

طالعن بعض وضربن الخشب ...........

الكل : هههههههههههههههه

مياسة : بل لي هالدرجة مليتن وتبن تعرسن.

حور: هههههههههههههههه يمكن ...والحين انتي يامياسة منو حاطة عينج عليه .........؟؟؟

مياسة استحت : امممممممم مو متأكدة من شعوري ..بس احلفن مايظهر منجن وخاصة انتن ..لاني ادري فيكن لسانكن متري منكم تقصد شويخ وقصايد..........

قصايد وشويخ : سرج في بير...قولي؟.....وقصايد طبعاتعرف منو...؟؟

مياسة من دون ماتشوف من الشباك: احلى واحد فيهم ايول ؟؟؟؟

دانه: كلهم اوكي باليولة؟؟؟منو قصدج؟؟؟


حور عرفت قصدها منو: شو في عدل وركزي منو احلى واحد يسوي حركات باليولة ....اظني شويخ قالت بالبداية احلاهم باليولة .....

دانه: فهد ..اخو قصايد......وهي اطالع مياسة.....

مياسة استحت ونزلت راسها :::::::

قصايد: هي اخوي ليش شو فيه فديته حلو ....

دانه: بس انتو مو قلتو ان فهد عاف شي اسمه عرس او حب....؟؟؟

قصايد: بالاول ..الحين والصراحة انا دوم اشوف اخوي كل ما مياسة اتي بيتنا يتم يتأمل فيها ,,,,

مياسة مستانسة ان عرفت فهد معجب فيها ......

شويخ: ويا ويهج ولا تخبريني بعد .....اوريج ماعليه....

مياسة: هي لاتروحن تخبرن حد ..والله ازعل....

حور: لاتخافين لان محد راح يروم يرمس لان سر من بينا ....وان شاء الله تحصلن مرادكن .....

قصايد: وانتن منو اخترتن.....؟؟

حور : الصراحة بعدني مالقيت حد ولا شفت ....

مياسة : انا راح اختار لج واحد اوسم ...تدرين منو اوسم واحد سلمانو .....ياله شو حلو يهبل........زترا دريولنا بعده ماعرس شو رايج فيه هههههههههههههههههه

قصايد وشويخ ودانه : هههههههههههههههههه

دانه: نصيحة خذيه وايد حلو ....وحلاته بشعره اللي دوم يحط لج دهن عافية هههههههههههه...

حور: انطموا مالقيتو لي غيره من زينه.....

شويخ تستهبل وياها : شو رايج حور انتي تاخذين دريولهم ,,وانا اخذ دريول بيت عمي عبد القادر طيب يحليلة .....

قصايد: ههههههههههههههه اسميه راح ينتحر عبدالقادر من اول مايعرف انج تبينه ..ههههههههههههه

شويخ: هههههههههه الا قولي ماراح يصدق انه راح ياخذ بنت حميد سالم ال.........

حور: طالعو يالله كلهم قاموا ايولون ...بس خالي خليفة وينه ...ماشوفه......

قصايد تتلفت يمين وشمال عسب تشوفه وينه.....: هذاك هو اتشوفينه هناك واقف عند واحد ماسك الكاميرا يصور ...

حور: وينه ماشوفه....؟؟؟؟

شويخ: مالومج يوم قالو انهم راح يخطبون لج سلمانو ..الظاهر من سمعتي اسمه اتلخبط عليج كل شي ,,,لي درجة ماصرتي تشوفين وين خالج هههههههههههههههه...

قصايد:ههههههههههههه شوفي هناك واقف عند واحد ماسك الكاميرا يصور ..الي لابس ثوب لونه كركمي.....

حور وهي تشوفه وينه....: هي شفته ....بس منو هذاك ,,,,وتذكرت حور الشخص اللي كان يالس يطالعها بالعزبة في عزبة خالها ......بوهزاع.....

دانه: هذاك الله يسلمج مبارك ولد عمي بوذياب ,,,اخو غبوش وظبيو الشرية ...

حور: اها ......

مياسة: مسكين عمي ...شوفي كيف حالته ...واعليه عليك ياعمي والله اني حاسة فيك.....

قصايد: مو انتي بس ...انا مادري ليش سوت فيه جذي موزة ...الله يسامحها..........

شويخ: بعدو عنك الغزال .....ويابولك وحدة مالت على شيفتها جيكرة...

قصايد: سكتي غربل الله عدوج عن لاتسمعج....

شويخ: خلها تسمع ...لو تبا تضارب انا زاهبة لها ...

دانه: شويخ ..انا وياج بعد بضارب ..من زمان ما ضاربت حد ,,,

مياسة : هي قولن تبن وبس ....اف منكن ..ياله بعدو عن لاحد يشوفنا......

قصايد: شويخ انتي صوري بالفيديو اوكي ..ودانه انتي صوري بالكاميرا ....اما مياسة انتي امسكي المرش ...وانا راح امسك البخور ..حور انتي خذي هالسلة ونثري الورود .....

شويخ: اكيد ورود لونج المفضل الوردي والاحمر ..........

قصايد: طبعا .....

ودخلت عليهم الام العودة: السلام عليكم....

الكل : وعليكم السلام....

شويخ : مرحبا والله مرحب بالزين كله ...وخفت صوتها عسب لاتسمعها .مرحب باللي ياب لنا جيكرة لعمي ..........

قصايد وحور ومياسة ودانه: هههههههههههههه

الم العودة : شويخ بسج من الهذرة ......وتشوف شما وسمية ...: بسم الله تبارك الرحمن....تعالن يابنيات عسب اقرا عليجن ....عيون الحريم ماترحم ....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 18-01-2009, 10:52 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


وجمعت الام العودة البنات وبدت تقرا عليهن ......

الام العودة : يالله الحين وحدة تزهب عسب تحدر ع المعازيم ..منو راح تحدر...

الكل: شمااااااااااااااااااااااااااااااااااااا

الام العودة : يالله بسرعة عسب اي دور سمية ......

شويخ: ان شاء الله ...واطالع البنات .....: يابنات سمعتن امكن العودة شو قالت بسرعة عسب اي دور العرووووووووووووسة ...حرام تنتظر وايد ....

البنات: ان شاء الله ههههههههههههه

وشما بدت تتزهب لنزول ............

وقريب ماتوصل للدري عطت قصايد حق غبوش اشارة انها تشغل ع المسجل......
وعلى انغام المقطوعة الموسيقية بدت تمشي شما وبخطواتها الهادية وابتسامتها للحضور ....مع دقات قلبها المتسرعة .....مشت وهي تسمي على عمرها عن عين الحسد .......شما لابسة فستان بيجي اللون منفوش....فستان خط من فوق وعليه شال شفافي يلمع ....ومن فوق مزين بورود من كريستال بلون الاحمر والبنفسج لين تحت ......واي على شكل مخصر من فوق وبعدها منفوش من تحت ....مسوية تسريحة .والميكاب هادي مناسب لها ومحلنها اكثر .....وشالة باقة ورد على شكل سلة وطايح منها كريستال يلمع .....

وطبعا جدام شما في البداية تمشي شويخ اللي شالة الكاميرا الفيديو ودانه الي شالة كاميرا التصوير.....شويخ ودانه لابسات فستان شرات بعض مخصر بلون عنابي ....ومعاه شال ..فستانها بسيط ماحبت تشتري شي يكون وايد فيه من الفصوص وغيرها ......وخلت شعرها فاتح طبعا شراتها قصايد وشويخ ودانه ومياسة خلوا شعورهم طايح لتحت .....

ومن بعد شويخ ودانه اتي حور تنثر الورود امام شما وتبتسم لشما بابتسامه تخليها تهدى ...حور لابسة تنورة وقميص على شكل فستان بلون البنفسج .....القميص شفافي بس محطية عليه شال عسب يسترها .....

ومن بعد حور اتي كل من قصايد الي حاملة البخور ..ومياسة اللي حامله المرش ..ومياسة و قصايد مطقمين شرات بعض ..ولابسات فستان قصير يوصل لين تحت الركبة بلون الوردي وله ذيل طويل والفستان فيه قطع صغيرة من حبات اللولو بلون الوردي اللامع ......

وكل الانظار تتوجه ع الاميرات الصغيرات .وكلهن يسمن بالرحمن عليهن .....تمشي شما لين توصل ع الكوشة....وتيلس وتوقف على يمينها قصايد وهي شايلة المبخر ...وعلى يسارها مياسة وهي شايلة المرش..اما جدام شما شويخ ودانه يالسات يصورونها.........

وتبدأ البنات بالرقص ع الاغاني ..ومن صوب العنود شايلة الدنيا برقصها ,,وامها من صوب تأشر لها انها ماترقص تخاف عليها من العينن الحاسدة ......

لكن الام العودة ما تخلي حد ماشاء الله عليها تراقب الحريم من تشوف وحدة رمست ...تروح لها وتخليها غصب تسمي عليها ...

وبعدها بدقايق قالو راح يدخل سهيل ع الحريم ..البنات كل وحدة ربعن لداخل اييبن عباياتهن وشيلهن ....وشويخ عطت كاميرات الفيديو حق مياسة عسب تصورهم لانها تستحي جدام سهيل توقف وتصور.....

دخل سهيل ومعاه ابوه وعمه ..وهزاع وسيف ومنصور ....وطبعا وياهم محمد ولد سيف شال وياه خيزران عسب يرقص .....

وراح سهيل ووقف عند شما وباسها فوق راسها ...وبعدها يابو الخاتم ولبسها الخاتم والشبكة ,,,,من بعد مالبسها الخاتم والشبكة ...بارك لها ابوها وعمها واخوانها ...وهزاع من اول مادخل يالس يدور على العيون الذباحية لكن قصايد كانت متغشية...وشافها واقفة عند امها العودة ..وراح هزاع على اساس انه يبا يسلم على امه العودة ....

هزاع: اشحالج امي العودة ,....ومبروك عليكم .....

الام العودة: الله يبارك بحياتك ياوليدي .....وراح يبوسها فوق راسها ...ومن بعد ماباسها همس حق قصايد ....لبستيها ...يالغالية ....

قصايد استحت منه ....وظهرت القلادة عسب يشوفها ....

فرح هزاع انها قبلت القلادة واعتبر انها قبلت بحبه .....وقبل مايظهر من عند الحريم ....غمز لها وظهر

طبعا محد من الحريم والبنات شافن هزاع يغمز حق قصايد ..بس الوحيدة اللي شافته هي الريم ....والريم من داخلها تبا تصيح ....وتأكدت ان قصايد هي اللي غرق بعيونها يوم سمعته يوم يرمس حمد .....من بعد شكوكها الي تشك فيه .....
وبعدها يابو العصير وبدا سهيل يعطي شما عصير تشربه من يده ...وشما عطت سهيل العصير يشربه من يدها وطبعا مياسة ودانه يصورن .....

وبعدها خذ سهيل شما وراحو للغرفة يرمسون .................

من ناحية ثانية كانت سمية تنتظر عسب ايون وياخذونها ...

دخلت عليها قصايد وشويخ ودانة وحور ومياسة .......

قصايد : يالله يامرت عمي دورج .....

سمية: ويت صبروا راح البس نعالي الكعب.....

وراحت سمية تلبس الجوتي ,ويوم دخلت ريولها حست بشي داخل ..فيوم شافته صرخت صرخة ...بس الحمد لله محد سمعها غير البنات لان بالصالة محطين اغاني .....

شويخ وتسوي عمرها خايفة على مرت عمها : بسم الله عليج بلاج مرت عمي ليش تصرخين ..شو فيج.....

البنات كاتمات ضحكتهن

سمية: صرصور بجوتيه ..صرصور ...مقرف...

شويخ: ولا يهمج مرت عمي الحين بذبحه وينه عطيني .....وتروح شويخ وتاخذ نعالها الكعب وتوديه يكرمكم الله الحمام ..وتسوي عمرها تضرب الصرصور...

شويخ من بعد ماظهرت من الحمام يكرمكم الله : يقي مقرف شكله يخرع.....

حور كاتمة الضحكة : ومن وين يا هالصرصور.....

مياسة: مادري مع ان احنا مافي في بيتنا صرصور .....

سمية: لا مابي النعال ,,,فريه شلون راح البس الحين ....

دانه: المشكلة محد يلبس مقاسج ...ماعندج غير انج تظهرين حافي من دون نعال....او البسي النعال......

سمية: كيف لازم البس عسب بعدها بنروح الفندق.....

مياسة : مرت عمي لو تبين خذي نعال الحمام يكرمج الله ....مافي غيره ...

سمية : شوووووووووووووو لا اف ..عطيني نعالي ..قصايد عطيني كلينكس بحطه بالنعال ....المهم مايلمس جلدي قرف الصرصور.....

وحطت سمية كلينكس ولبست النعال وصار ضيق عليها وصارت تمشي بصعوبة فيه .....

دانة: مرت عمي الظاهر ضيق عليج كيف راح تتحملين ...؟؟

سمية: ماعليه راح اتحمل ...يالله خلونا نروح ..صبروا وين باقتي .....

حور: هذي باقتج ..احسها عادية ....يعني موو حلوة ذاك الزود.........

سمية عصبت :كيفي انا اباها جذي ..اف يالله امشو شو هاليوم الزفت الي حل عليه .....

البنات وف قلبهم : حوبتج تستاهلين .......

وظهروا ومشوها للدري وهي تمشي بصعوبة بسبب انه النعال ضيق عليها بس هي تستحمل .....

وحطوا لها اغنية الجسمي الزفة ...وسمية تنزل وابتسامتها بويها ....وخشمها رافع لفوق .واول ماشافت موزة ..ابتسمت ابتسامة النصر وطالعتها بنظرة احتقار وكره بقلبها لها .....

وفستان موزة كان بسيط ومخصر وعادي ..والحريم استغربوا كيف تكون عروس وفستانها عادي ....

ووصلت سمية للكرسي ويلست ...وراحت لها موزة تبارك لها .....

موزة :مبروك يا سمية ...

سمية ترمسها بجفاء ومن دون نفس...: الله يبارك بحياتج عقبال مااييب له العيال .....

موزة حزت بخاطرها وبعدها مارامت تتحمل اكثر وراحت للبيت على طول ..مارامت تشوف ريلها وهو ينزف لسمية ....تحس بشي يحرقها ....

اما عند الشلة الخمسة ...ف المطبخ .......

قصايد: وين عصيرها ..بسرعة ييبو ه..

دانه:ويت ...هذا هو ...

شويخ: حور ييبي الملح بسرعة ....وانتي مياسة ييبي الفلفل الاسود المطحون...

وتروح حور اتييب الملح ..ومياسة اتييب الفلفل......

مياسة : هي تعالو اخاف عمي يشرب منه ......

شوخ : لافديتج ....اولا المانجا راح نعطيه حق عمي عسب يشرب سميو ....واصلا عمي يكره المانجا..وطبعا بجذي سمية راح تشرب العصير باضافات الملح والفلفل الاسود هههههههههههههههه.....

حور: وين الصينية اللي راح تحطون عليها العصير ....

دانه: هذي يالله بسرعة ,,,قبل مااي المعرس...وظهرن البنات ومن بعد ماوصن البشكارة اتييب العصير بعد ما يحدر المعرس الصالة بخمس دقايق ..........

وبعدها بدقايق يدخل عليهم المعرس بروحه وعيونه ادور موزة ,,لكن مالاقاها ....ويلس مقابل سمية وسلم عليها ولبسها الشبكة والخاتم بسرعة لان ماله خاطر يقعد اكثر ...

دانه: اف يايبة مصورة اكيد صورها راح تطلع احسن.....

حور تضحك: هههه ومنو اللي قالج راح تظهر احسن ,,وهذا اذا لقوا بالكاميرا فلم ......

قصايد : حور الفي انج تعبثتي بالكاميرا وشليتي الفلم....

حور: اكيد حبيبتي عيل تبينها تتهنى ....

مياسة : اسميج داهية يابنت عمتي .....

حور: العفو حبيبتي ...لو تبون دروس انا حاضرة ......بس بمقابل...هههههههههههه

الشلة : ههههههههههههههه

ويابو العصير لهم .....

دانه :اخ راح تفوتنا لحظة تشرب العصير .....لو عندنا كاميرا كنا راح نصورها ...

شويخ: لا دخيلج الكاميرا من اول ماتشوف ويها راح تخترب ,,,,

وقصايد كانت واقفة عند عمها ......

خليفة: قصايد ..وين موزة ماشوفها ......؟؟

قصايد: مادري والله توها كانت موجودة .....

خليفة: الحين لازم يعني اعطيها العصير ....غصب...

قصايد: لاعمي حرام عطها لاتخليها تفوت فرصة عمرها انها تشرب من يدك ..زين انها وافقت على شروطك.....

خليفة : امري لله ...وخذ خليفة العصير وشرب سمية من يدها ...ومن صوب سمية من شربت العصير مارامت ترد العصير من فمها ..فاضطرت انها تبلعه مجبورة ....ومن ناحية الشلة كاتمين الضحكة عسب لاينفضحن .............

وبعدها خذ خليفة سمية الفندق ... وبعدها الكل راح بيته يرتاح من بعد 3 ايام شاقة ومتعبة ...............

في بيت بوفهد ..الكل نيام ماعدى موزة يالسة بحيرتها ....وهي تصيح لان هذي اول مرة خليفة مايكون وياها بنفس الغرفة...واول مرة ماينام معاها ............

موزة وهي تشوف صورة ريلها: آه يا خليفة ...ليتني مت ولا قلت لك تعرس...بس غصبن علي .لازم يكون عندك عيال ..وانا ماابي احرمك منهم ...اعرف انك تتمنى الولد اللي تسند ظهرك له....وان شاء الله سمية اتييب لك الولد اللي مارمت اييبه لك....

وتسمع دق ع الباب.....طق طق طق .....

تنش موزة وتمسح دموعها ....

موزة: غريبة منو اللي سهران للحين...منو ..؟؟؟

قصايد: هذي انا مرت عمي ...

شويخ: وانا وياها وحور...قصود لاتنسينا ترا احنا وياج ...بعدين تدخلين بروحج واحنا مساكين نظل برع....

تفتح لهم موزة الباب....:ههههههههههه افا ومنو قال انكم راح تظلون برع..ادخلو .....

ويدخلون وياها ....

موزة: ليش مو نايمين.....

قصايد: امممممممم شرات ماانتي مو نايمة هم احنا مايالنا رقاد....مرت عمي كنتي تصيحين.....

موزة: لا بس عيوني شوي تعورني.....

شويخ: مرت عمي التمثيل مو لايق عليج..والجذب حبله قصير ويبين عليج ...واضح وضوح الشمس اللي بالسما ....

وتروح حور وتربع تشوف من الشباك.........

قصايد: بلاج تربعين حد برع........

حور: لا بس قلت اشوف الشمس ,,شويخ تقول واضح وضوح الشمس ..والشمس بعدها مااشرقت هههههه

شويخ: بالله عليج ماتشوفين الشمس اللي هي انا منورة الغرفة ...............

قصايد: اقول بسكن ...عن الهذرة الزايدة...وانتي مرت عمي ليش مو نايمة للحين .....

موزة والدموع بعينها : آه ياقصايد هذي اول ليلة وعمج مايكون وياي..وبعيد عني ...ماتعودت انه بعيد عني ....ما اتخيل كيف راح اصبر من دونه....

حور تروح عند مرت عمها وتمسح دموعها : بس مرت عمي والله تقطعين قلبي,,,اصلا كان الامر بيدج وترومين ترفضين ...لكن انتي الله يهداج الا تبين يعرس ..ولا بعد انتي الي رحتي تخطبين له ,,,ومنو سميو ...

موزة: غصبن علي ..مابي احرم خالج من العيال ....وان شاء الله سمية هي اللي اتيب له العيال ...اللي انا مارمت ايييب له ....

شويخ وف قلبها نار شابة.:: يعلها ماتربح ..اكرها ...والله ان ماخليتها تنسى اسمها ..ماكون شويخ.....

موزة : عيب ياشويخ ..تراها تكون مرت عمج بعد ,,ولازم تحترمونها وتحبونها شرات ماتحبوني انا ,,,,,

قصايد: من زينها شايفة عمرها ....ومتسلطة ماشفتي كيف رافعة خشمها وهي نازلة...

موزة: ولو المهم انها صارت منا وفينا ....بس استغربت شي ..فستانها شكله قديم ...

حور:ههههههههههه الله يسلمج هي كان عندها فستان شارته يديد ..بس حماني كان عنده قلم ويبا يفتحه ...وراح عند سمية وقال لها تفتحه ...والمسكينة فتحته وبالمرة لعوز فستانها ...لان القلم بالاساس خربان وكله يظهر منه الحبر...

قصايد وشويخ: ههههههههههههههههههه مسكينة ماتهنت بعرسها ..........

موزة :: اشك ان في شي ..مادري حتى يوم نزلت حسيتها تمشي بصعوبة ...بنات ادري فيكم ..اخاف الا سويتو شي فيها ...

حور: ها لا ماسوينا شي ...صح بنات فديتنا والله ,,طيوبات وحبوبات .....

قصايد وشويخ كاتمات الضحكة : هي نعم ....

موزة: تعالن انتن وليش مارحتن البيت.....؟؟؟

قصايد: الله يسلمج انا قلت لهم تعالوا عندنا اليوم واقضن الويك اند في بيتنا ..لان طبعا مستحيل نروح العزبة ..فقلنا مرة وحدة نيلس ضحك وسوالف وبالمرة سهر ع الافلام الهندية .....

موزة: ههههههههههههه اه منكن انتن خاصة يوم تجتمعن محد سلم منكن......

حور: ههههههههههه حرام مرت عمي تشوهين فينا .

شويخ: محلات ضحكتج مرت عمي ...ان شاء الله دوم انشوفج فرحانه .....والله لااييب الزعل والحزن بقلبج....

الكل: امين...

موزة: وانتن ماراح تورحن تنامن ....ولا بعدكن في نشاط.....

شويخ: بيه ريض بعدنا ...انا مافيني رقاد ...شو رايكن نلعب ورقة او نشوف فلم هندي .......؟؟

قصايد: طاعوا هذي .....انتي شوفي كم الساعة الحين ....؟؟

شويخ: ماالبس ساعات.....

حور: انا الصراحة تعبانة ...وابا انام ...احس ان جسمي مرهق ويبالي ارتاح ...العن ابو ثلاث ايام من دون راحة ركض بالمولات وغيرها .....

قصايد: صدج والله ..يالله امشن ..وخلونا نروح ننام ......

شويخ: هيه وانا شو اسوي مافيني رقد ....

موزة: هههههههههههه عدي خرفان وراح تنامين ....

شويخ: اخاف اعدهم ,,,واحلم فيهم مرة وحدة ...مرت عمي شو رايج انام عندج وتخبرينا قصص ...

قصايد: هي والله ..بما ان عمي مو موجود ..خلينا انام عندج....

موزة: هههههههههه اوكي ..كل وحدة تروح اتييب مخدتها وكفرها

وطبعا كل وحدة راحت اتييب مخدتها وكفرها ...ونامن عند مرت عمهم موزة ,,,وموزة من صوب يالسة تخبرهم قصص ....اما قصايد يالسة تسمع وبنفس الوقت فاتحة دفترها اللي تكتب فيه يومياتها ..وكتبت الاحداث اللي صارت بالعرس ...وكتبت يوم كانت ويا هزاع ويوم عطاها القلادة ...وبعدها كتبت اهداء حق هزاع::::

احبه
بكل معنى كلمه احبه
واشوف القلب منه دوم خفاق
اوده بروحي وروحي دوم منه
وايذا بعدت عنه ادور لحظه عناق
اشمه ورده فياحه بريح شمه
واظن ريح الدنيا من دونه خناق
اهمه لو زعل نور عيني اهمه
هموم الدنيا هم وهم خلي غراق
اشوفه النظر وعيون وغير شوفه
ما ترضى عيوني لوالزمن ضاق
احسه اجسي واسرح انا بحسه
واثر باسمه امتلت كل الاوراق
المه بروحي والم حسي بحسه
والحس من غيره كيف ينطاق
اعزه معزه رسول الله لقومه
واجاري لكسب رضاه دوم سباق
احبه بعد عمري والله احبه
ترى فبعدك (( يا هزاع)) ذبحتني الاشواق


وبعدها سكرت الدفتر وحطته تحت مخدتها ونامت .....وكل تفكيرها بهزاع ...............

من ناحية هزاع ..يالس يفكر بالعيون الذباحية....وانها قبلت القلادة ..وفكر باجر الصبح يروح عندهم عسب يسلم ع امه العودة وعمه ???>>>>> بدى الحب وبلاويه الله يعينك........>>>خلصيني وخليني اخطبها >>>اعناد ماراح اوافق >>>نام نام وفكر فيها>>>>اكيد بفكر بالعيون الذباحية عيل تبيني افكر فيج هههههههههه......

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 18-01-2009, 11:04 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


من قدر الايام جيتك كارهن نفسي لوقلت وش فيك بكيت وقلت محتاجك..........


يوم الجمعة الصباح الساعة 9 في بيت بوهزاع.......

بغرفة هزاع يالس عند التسريحة يعدل سفرته عسب بيروح بيت عمه ..على اساس انه بيسلم على عمه وامه العودة...بس هو بالاصل رايح عند العيون الذباحية .....

هزاع وهو يشوف المراية ويالس يرمس عمره: اسميني حلو ...آه يالعيون الذباحية..تفكرين فيني شرات ما افكر فيج ....انا لازم اخطبج ..اول لازم اشو رايج وبعدها اروح اخبر ابوي يخطبج لي ...ماروم اعيش وانتي بعيدة عني ....

وتدخل عليه مياسة: صبااااااااح الخير ياغرشوب بوظبي ....

هزاع: صبااااااح النور ..حياج يالغالية ...

مياسة : اكيد بدخل اصلا من دون ماتقول حياج..امممممممم وين بتروح متعدل ومتكشخ ع الاخر ...ع وين .....؟؟

هزاع: باروح الله يسلمج عند امي العودة وعمي فهد ,,اسلم عليهم .....

مياسة .:: بس عند امي العودة..وعمي فهد ..ولا عند ناس ثانيين ومتوله عليهم تشوفهم ...ويالسة تغمز له .....

هزاع: ههههههههه وانتي وش لج ...روحي يالله خليني اتعدل ..ماابي اتأخر عليهم ...

مياسة: ماتبي تتأخر عليهم ,,ولا ماتبي تتأخر عليها ....؟؟ المهم صبر بي وياك عسب حور وشويخ امس نايمات عند بيت عمي بوفهد ....

هزاع: شوفي ثواني ..لو ماييتي باروح عنج...

مياسة: لادخيلك صبر البس عباتي وبرد لك.....

هزاع: وليش العبا ...من بعد بيتهم ...فرة حصى ..تعالي من دون عباه مو ناقص انتظرج .....

مياسة: اوكي بس خلني اروح اييب شيلتي وارد ..وتروح مياسة غرفتها وتلاقي منصور ..

منصور : ويت ويت ..ليش تربيعن منو ...لاحقنج....

مياسة : اوووف خلني بحالي باروح البس شيلتي واروح بيت عمي بوفهد ويا هزاع....

منصور: والله عيل باروح وياكم .....

مياسة: عيل بسرعة قبل مايروح هزاع عنا ...

منصورمستغرب من مياسة: ليش هو هزاع بيروح بالسيارة ...ماظن انه بيت عمي بعيد عنا الا هي فرة حصى ...الله يهديج ...وراح منصور عنها ...

مياسة وهي ترمس عمرها: هي ولله وانا ليش اربع ...من بعده ...هههههههههه

ومن وراها شما: اللهم سكنهم بمساكنهم...بلاج تضحكين ..ماظن حد عندج عسب تضحكين ....؟؟

مياسة: هلا والله بالعروس ...شوكيف اصبحتي ......

شما: ههههههههه هلا بيج ..ابد بس مانمت امس ..وهي تثاوب ؟......

مياسة: ليش مانمتي ....؟؟؟

شما : امممممممم ابد بس بالامس ظليت سهرانة ويا سهولي ...

مياسة: طاع صوبنا عاد سهولي مرة وحدة .....لا زين والله .....وشو كنتو ترمسون؟؟؟

شما: مايخصج كلام كبار ...ماراح تفهمين ..

مياسة: افا الحين انا مايخصني..مادري منو اللي كانت اتي عندي وتترجاني عسب اييب لهااخبار الحبيب القلب...والحين استغنيتي عن خدماتي افا ماهقيتها منج...وتسوي عمرها زعلانه....

شما : افا كل ولا زعل اختي,,,وانا مستحيل انسى اللي كانت اتييب اخبار القلب اول بأول ..بس هذي سوالف يعني تخص اللي معرسين ...راح تفهمينها يوم تعرسين ..يالله انا بروح افطرلاني ميته يوع ,,,بالامس ماتعشيت ....

مياسة : اوكي ...

وراحت شما عسب تفطر....

مياسة: وهي ترمس عمرها : وانا ليش كنت مسرعة ..والله اني نسيت .....

ويظهر هزاع من حيرته ويشوف مياسة : وانتي بعدج مايبتي شيلتج..برايج انا رايح يالله باي...

مياسة توها تذكرت شو سبب انها كانت مسرعة .::لاوقف الحين بييب شيلتي وراحت اتيب شيلتها من حيرتها وظهرت ويا هزاع ......لبيت عمهم .....

اما عند ام هزاع فكانت يالسة بالمكتبة تقرا كتب ..ومريامي ومحمد وياها يالسين عندها ويلعبون بالالعاب ...ويدخل عليها ابوهزاع ...من دون ماتحس بدخوله ,,محمد ومريامي شافوه بس اشرل لهم انهم يسكتون ..وراح بوهزاع من وراها وحط ايدينه برفق على عيون ام هزاع.....

مريامي : منو انا ...........

محمد: لا مو انتي ..منوووووووووو اناااااااااااااااا

ام هزاع: هههههههه وهي تتحسس الايد .....اممممممممم هذا لا حمودي حبيبي ولامريامي حياتي ...........

مريامي : أيل منو .....؟؟؟

محمد: إي منو...انا ائلف ....؟؟؟(عيل منو ...انا اعرف)

ام هزاع: اممممممممم هذا بوهزاع الغالي.....

وشل بوهزاع يده من عين ام هزاع : ماشاء الله عرفتيني....

ام هزاع: وحد مايعرف حبيب قلبه...وبعدين عطرك مايقصر ..الوحيد اللي يحب عطر هيوجو هو انت ....

ابوهزاع: عيل يبالي اغيره ههههه .وفراشتي وحبيبة قلبي شو تسوي .....ويورح يحضنها ........>>>يبا يدلع شوي....

ام هزاع استحت : بس يابو هزاع مو جدام اليهال عيب ....انت تدري بنتك مريامي ..الحين بتروح وبتخبر الكل باللي شافته ....

ابوهزاع: خليها تخبر مافيها شي,,,حرمتي وحبيبة قلبي ....ويرمس بنته مريامي ...مريامي حياتي تحبيني .....

مريامي : هي وااااااااااااااااااايد ...

محمد: وانا بئد ( وانا بعد...

بوهزاع: عيل روحي خبري الكل باللي شفتيه ..

وراحت مريامي ومحمد عسب ينشرون الخبر في البيت.........

ام هزاع: وانت متى راح تيوز من حركاتك ...الكل عرف الحين ....

ابوهزاع: شو فيها عادي حرمتي وحلالي ....خليهم يعرفون كيف ان ابوهم يحب امهم وااااااااااااااايد ..وانه مايروم يستغنى عنها ..........فطومتي حبيبتي تحبيني ...

ام هزاع: هههههه ماتيوز من رمستك ..

ابوهزاع: تحبيني ولا لا.....؟؟؟

ام هزاع: اكيد احبك ..مو بس احبك اموووووووووت فيك .....

ابوهزاع: انزين توافقين لو عزمتج اليوم على عشاء رومانسي.....؟؟

ام هزاع مستغربة: ليش ...تبا تتعشى برع.....

ابوهزاع: ابد بس اشتقت لأيام اول يوم اول ماخذتج ..كيف كنتي اطعميني يوم نروح المطعم تحيدين ولا لا....؟؟؟

ام هزاع: ههههههههههههه كيف ماحيد ذليتني الا تباني اطعمك .....

ابوهزاع: عيل اليوم اباج تتزهبين وتتعدلين لي ...وباخذج من العيال وبنروح ومحد راح يحس فينا ..ابا اتهنى اليوم وياج ......

ام هزاع: ومريامي ماراح ناخذها ويانا..؟؟؟

ابوهزع: لا خليها عند شما ..تهتم فيها ...انا ابا اكون وياج بس انكون بروحنا ....مابي حد ..

ام هزاع: ان شاء الله يالغالي ..

وراح بوهزاع وهو مستانس وقبل مايظهر باس حرمته على خدهاااااااااااااااا..



ادري مع غيري تخونيني الحين وادري بعد ساعه تخونين غيري

في العين وبالتحديد عند ايمان ....

حنان : الحين شو راح ترمسينه ولا لا ؟؟؟؟

ايما : مادري خايفة ... والله خايفة ان كلامي يجرحه ويعذبه....

حنان: ايمانووووووووووو لاتذليني الحين ..زين ان امي وافقت اني اي بيتكم ...وانا ماييت الا عسب اكون وياج يوم تخبرين خالد .....

ايمان: مادري.....اخاف

حنان: لاتخافين ولا شي.....خذي الموبايل واتصلي وشرات ماقلت لج قبل ...انتي بتسوين شي خير ...وانه مايتعذب .....

ايمان : اوكي ..روحي قفلي الباب ...ماابي حد يدخل علينا فجأة واناارمس خالد...

حنان : حاولي تغيرين صوتج ...عسب لايعرفج...

وتروح حنان تقفل الباب ..وتتصل ايمان حق خالد........

ايمان وهي تغير صوتها : الو السلام عليكم ...عفوا انت خالد ...

خالد: وعليكم السلام الرحمة..هي نعم وياج خالد..منووياي..؟؟

ايمان: مايهم منو انا ...بس اخوي ابا ارمسك بموضوع مهم ..واباك تسمعني للآخر....

خالد: خير اختي ...انا اسمعج....

ايمان : اسمعني اخوي ..الموضوع اللي راح ارمسك هو عنك وعن الريم .....

خالد وهو خايف: الريم ...شوفيها الريم صار لها شي

ايمان: اخوي انت اسمعني اول ...

خالد وكل تركيزه لها: خير قولي اسمعج...

ايمان: اخوي اللي راح اقوله لك يمكن يجرحك ويعذبك ..بس هالشي لمصلحتك ..لاني مااباك تتعذب بعدين ..فحبيت اخبرك الحين قبل ماتعرف بعدين ...

خالد: خير ان شاء الله ....وليش اتعذب ....؟؟

ايمان: اخوي الريم يالسة تلعب عليك وهي بالاصل ماتحبك....هي تحب ولد خالتها هزاع ..

خالد: شو تقولين انتي ..اكيد تمزحين...؟؟

ايمان: اخوي انا ماامزح وياك وهذي الحقيقة ....الريم تحب هزاع حتى تلاقي اسمه مكتوب بكل مكان بدفترها بقلمها ..ودوم اتييب طاري هزاع ..وماقد مرة سمعتها اتيب طاريك ....بس اتييبه فوقت تبا تساعدها بالبروجكتات ...

خالد: وانتي شو دراج ...انتي ربيعت الريم....

ايمان : هي ربيعتها ..واتمنى ان المحادثة الي صارت من بيني وبينك ما تعرف الريم عنها ..لاني ما ابي اخسرها .......اخوي انا مااحب الريم تلعب بمشاعرك وخاصة انك ريال طيب وولد ناس ..وعندك ام واخت تهتم فيهم ....

خالد: وانتي شو دراج....؟؟

ايمان استوعبت باللي قالت له وحبت اتصلح هالشي:ها الريم خبرتني ..ترا هي تقولي عنك.....

خالد: تقولج عني ..مو انتي توج قلتي انها ماتييب طاريي.....؟؟

ايمان: هي ماتييب طاريك االا بوقت يوم تتصل فيك ...

خالد : معقولة كل هالسنين والريم تلعب عليه...وليش هي ماتعترف لي وتخبرني بدل ماهي يالسة تمثل عليه...؟؟

ايمان: تقول يمكن تنسى ولد خالتها وتحبك ..لكن الصراحة انا اشوف العكس ...دوم تذكر هزاع....

خالد: انال ة...لازم أسالها ...واعرف ؟؟؟

ايمان : اخوي انا قلت ابا هالشي يكون من بينا ..ماابي الريم تعرف اني رمستك ....ماابي اخسرها ..لاني انا الوحيدة اللي اعرف العلاقة من بينكم ...الله يخليك اخوي ..لاتتصل ولاتخبرها ,...لانها اكيد راح تعرف اني انا خبرتك بهالسالفة\....

خالد ودموعه بعينه: شو تقولين انتي ..كيف ماتبيني اعرف السالفه ..وليش هي تلعب علي كل هالسنين ليش....كلامج يااختي شرات السكين اللي تقطع قلبي...آه ليش...وانا اللي عطيتها كل شي عطيتها قلبي وحياتي ..مع اني مااعرف بنت منو هي.....

ايمان وتحس بتأنيب الضمير لانها جرحت شخص: اخوي المهم انك عرفت الحين وانا مابيك تتعذب اكثر.....ربك راح يعوضك بأحسن منها وتنسيك الريم...

خالد وهو يضحك: هههههه تنسيني الريم ...كييف تنسيني والريم تمشي بعروقي ...وكل عرق انكتب اسمها .....

ايمان: الله يخليك اخوي لا تخليني احس بتأنيب الضمير اني خبرتك وخليتك تنجرح ......انا ماسويت هالشي الا لمصلحتك اني ماابيك تتعلق فيها وايد وبعدين هي بنفسها تخبرك وتنصدم فيها ....

خالد وهو يمسح دموعه : الله يسامحها على اللي سوت فيني : بس اختي ممكن طلب ...؟؟

ايمان: آمر .؟؟؟

خالد : مايآمر عليج عدو..الريم شو اسمها الكامل .....

ايمان: ها اسمحلي اخوي ماروم اخبرك ..انا اسفة ....

خالد : اسمعيني اختي ... لاتفكرين فيني بالغلط ..انا مستحيل اسوي شي يسئ لها بس ابا اعرف هي بنت منو ..لان كل هالسنين ماعرفت اسمها الكل او حتى وين بالضبط في بوظبي عايشة....

ايمان : اسمها الريم علي ال.....

خالد مصدوم من اللي سمعه...:: اختي انتي متأكدة ان اسمها الريم علي بنت علي ال.....

ايمان مستغربة : هي... هي نفسها ليش...اخوي الله يخليك لاتسوي شي غلط .....

خالد وهو يضحك : ليش انتي قد مرة شفتي او سمعتي ولد العم يسئ حق بنت عمه....

ايمان مصدومة : و الريم تصير لك بنت عمك ...بس هي ماخبرتني ....

خالد: ليش الريم تعرف اصلا اني ولد عمها ..هي بالاصل ماتعرفنا ولا شافتنا .....

ايمان: هي صح اعرف انها قالت لي ان عندها عيال عم في العين ..بس ماقد مرة زارتهم لان مووايد وياهم .....

خالد: اختي ..طلبتج ..لاتخبرين الريم اني انا ولد عمها كفاية الي سمعته ...والله يعيني ع نسيانها مع ان نسيانها صعب......

ايمان : ان شاء الله ....

خالد: مشكورة اختي لانج تهتمين لمصلحتي ..ولانج خبرتيني هالشي.....

ايمان : العفو والسموحة منك والله ماكان خاطري اجرحك ...بس هالشي كان لازم يصير سواء مني انا عرفت او من الريم ...

خا : مشكورة ....مافي داعي للاعتذار ,,,والسموحة منج مع السلامة ...

ايمان: مع السلامة ...وتسكر ايمان من خالد وهي مصدومة من اللي سمعته ...

وحنان اطالع ايمان وتبى تعرف شو صار............وبعدها ايمان خبرت حنان باللي صار ...ومن صوب حنان مصدومة ان الريم تصير حق خالد ..واللي زاد استغرابها ان ولا واحد من الاثنين انهم يعرفون انهم عيال عم ....

اما من صوب خالد ........ مصدوم مرتين ان الريم ماتحبه وثانيا انها بنت عمه وماكان يعرف...وظهر من البيت وهو متضايق ولا له خاطر يرمس حد وطبعا الدموع في عيونه...........>>>الله يعينك ياخالد قلبي معاك ...>>>لو قلبج معاي كنتي خليتيها تحبني بدل ما تحب هزاع,وتعذبيني>>>والله هذي الافكار اللي اتي لي بس ماعلي كل شي بوقته حلو


أقطفني من قصائد روحي
زهرة الشمس
حين شروق النفس
و إنتباه البوتقات ..


ع الساعة 10 صباحا

في بيت بوفهد الكل متيمع ومعاهم بوحمدان وحرمته وولدهم حامد عسب اليوم مسوين عزيمة حق المعرس والعروسة ,,وطبعا هزاع ومنصور ومياسة عندهم .....

الام العودة: هزاع عيل وين ابوك وامك مايو وياك.....؟؟

هزاع: امي تسوي الغدى ..اما ابوي مادري والله اظنه راح اي العصر يزوركم...

اما عند حامد ومنصور وفارس عيونهم ع الاب توب ....

حامد: اقول فروس اباك تنزلي برنامج الفوتو شوب اليديد اللي نزلته حق قصايد,,,وشويخ....

فارس: كم تعطي....مو بلاش اسوي ...؟؟

حامد: بل عليك ولد عمك ..وتاخذ منه....؟؟

فارس: ولد عمي بالعين والراس .....

حامد: يعني ماراح تسويلي ياه ببلاش....؟؟

فارس : لا ...

منصور: اذا تبا انا راح انزلك ياه ..وان تبا راح اعلمك بعد...؟؟؟

حامد: احلف والله ..انت تعرف كيف تنزل ...وبعد تعرف تشتغل على برنامج الفوتوشوب....؟؟

منصور: اصلا حياتي كلها فوتوشوب...ويوم اسوي التوقيع ...مباشرة احطه بالمنتديات ....

حامد: عيل خلاص ..متى تباني اييب لك اللاب توب عسب تنزلي ياه...؟؟

منصور: برايك ..متى تشوف الوقت المناسب هاته....؟؟؟

حامد: اممممممم شو رايك باجر العصر ..راح اييبه لك ....؟؟؟

منصور: اوكي ...

فارس: الله يغربل بليسك...طرت علي اللي راح احصله من حامد....

حامد: طاعو هذا والله انك مخادع .. المفروض تسويلي ياه ببلاش ...انا مستغني عنك..منصور ماراح يقصر ...

منصور: ولا يهمك ...بس كم تعطي..ههههههههه

فارس: حلو حصلتلك واحد ثاني تدفع له ...يقولك هالايام البترول وايد مرتفع فلازم الواحد يشقى ويتعب عسب يحصل فلوس ...ههههههههههه

حامد: افا وانا الحين اقول انت ولد عمي احسن من فارسوا ظهرت شراته ..الله يسامحك.....

منصور: امزح وياك ..بل ماتاخدها بروح مرحة .....وانت يافارس ماتسوي خدماتك الا بفلوس ....

حامد: هههههههههههه ومنو قالك انه خدماته اللي يقدمها بفلوس ,,,لا هذا غير ...

منصور: كيف ..عيل..؟؟؟

فارس: خدماتي اقدمها مقابل...حلاوة باتشي ...او بستاش..او حد يسويلي بروجكتات ..اما من ناحية فلوس مافكر فيها....

منصور: اها شي طيب ....

ام فهد: موزة ..وين البنات ...بعدهم ماصحوا من النوم ...؟؟؟

موزة: لا ..بعدهم نايمين بالامس مانامو الا قبل ما يأذن بربع ساعة ...؟

ام حمدان: اكيد هذي شويخ اللي مسهرتنهم ....

الام العودة توجه رمستها حق ام حمدان: اقول نادية ولدج حمدان ما اتصل ....؟؟؟

ام حمدان: بعده ماتصل فينا ياعمتي ...وانا خايفة صار له شي الولد ...راح من دون مايخبرنا وما من عادته مايتصل....

ابوحمدان: عيني خير يام حمدان..تلاقين الولد مشغول ومايروم يتصل...؟؟؟

الام العودة : وانتو ليش ماتتصلون له ...وتعرفون اخباره ..ووين داره..؟؟؟

ام حمدان: نتصل فيه ياعمتي كم من مرة..بس كل الخط مشغول ....بس ليتني اعرف وينه هو الحين..؟؟قلبي مو مطمن احس ان ولدي فيه شي ....؟؟

الام العودة :: ان شاء الله بيرد ...لا تحاتين....

من ناحية ثانية مياسة كانت عند البنات تحاول تصحيهم من الرقاد بس ولا وحدة طايعة تنش....

مياسة : يالله عاد ذليتوني ..صوتي راح من كثر مااصحيكم ..بسكم كسل صارت الساعة 10 ونص ...اف يالله مليت وانا يالسة بروحي ....

قصايد : يوه مياسو خليني انام مانمت امس عدل ....وتغطي ويها باللحاف....

مياسة : شويخ ...نشي بسج رقاد.....؟؟؟

شويخ لاحياة لمن تنادي ...وشويخ صعب حد يوعيها من الرقاد لان رقادها ثقيل.....

مياسة: حور حبيبتي نشي ..حرام عليكم ياية عندكم وانتو رقاد....

حور: مياسة دخيلج ابا انام ...مانمت امس....

مياسة :يوووووووووووه الحين الكل يقول مانمت امس ....يالله عاد ....

تعبت مياسة من كثر ماهي تصرخ عليهم ولا وحدة راضية تنش من الرقاد ....

وتدخل عليهم عمتهم سلوى ..وتشوف مياسة وشكلها متضايق...

وتروح سلوى اتييب ورقة وقلم عسب تكتب شو فيها ,,لان كيكي موموجودة معاها .....

وتاخذ مياسة الورقة من عمتها وتقراها ....

مياسة: مافيني شي ,,بس اليوم ياية خصيصا حق الهوانم ولا وحدة طايعة تنش ...

سلوى تكتب بالورقة: ليش ماتخبرينهم ان حرمت عمهم يت ....وراح تلاقين الكل ناش....

مياسة قرت اللي كتبته وضحكت من افكار عمتها .....: اوكي

مياسة وبصوت عالي : بناااااااااااااات لحقوا مرت عمي سميو يت بسرعة يالله نشن وخلونا نروح نشوف ويها كيف غادي .هههههههههههه لو تشوفون كيف صار لتموتون من الضحك ....

والكل من سمعن ان سمية مرت عمهم يت ..كل وحدة تربع يكرمكم الله للحمام عسب تغسل ويها وتبدل ملابسها ..وتروح لصالة يشوفن مرت عمهم .....

مياسة تضحك على اشكالهن: ههههههههههه واي بطني والله انكن تضحكن ...من سمعتن ان سمية يت ...كل وحدة يالسة تضارب مع الثانية بس عسب تخلص وتروح تشوفها ...مادريت انها مهمة لي هالدرجة ههههههههههههههه....

قصايد عرفت ان مياسة تضحك عليهم: ويا ويهج ..وانا على الي صدق ..تجذبين علينا .....اوريج....

وتروح قصايد وشويخ وحور ويشلن المخدات ويضربن مياسة فيها ...........

مياسة: ههههههههههه شو اسوي انتو علمتوني شلون انقع صواريخ...بعدين الفضل حق عمتي هي اللي عطتني هالفكرة ..لاني اعرف انكن تبن تشوفن مرت عمكن شلون ويها غادي ......ههههههههههه وثانيا الصراحة صوتي راح من كثر مااصحيكن .....

شويخ: ويا ويهج راح الرقاد عني .....اف منج ....

حور: هههههههه الله يغربل بليسج ...لوو خليتيني شوي اكمل الحلم اللي حلمته ..اف منج ....

مياسة : ماعلي لاحقة عالحلم ..الحين يالله عاد كل وحدة تغسل ويها وتبدل ملابسها وخلونا ننزل تحت ....والله استحي بروحي ايلس محد بنات ....

شويخ:: ليش منو بياكلج هناك محد ....

مياسة : لا في ...؟؟؟

حور منو ..كلهم اهلج ..مافي حد غريب ....؟؟

مياسة :: ولو بعدني ماتعودت ..بعدين مافي بنات ..كلهم شباب ..وشياب وحريم...

قصايد: ليش منو عندنا تحت ....؟؟؟

مياسة: الله يسلمج عمي بوحمدان وحرمته ...وامي العودة ..وابوج وامج ..واخوج فارس وحامد ومنصور وهزاع..

قصايد من سمعت اسم هزاع استانست من قلبها ....: اها عيل صبري خلينا نتعدل وبعدها ننزل ...

شويخ: تتعدلين قصدج مو نتعدل ....؟؟؟

حور تغمز لقصايد: ها صوبنا نتعدل ..مادرينا كنا خلينا بالامس كتب كتابج بعد....

سلوى وهي تسوي لهم الاشارة: عن شو ترمسون......

شويخ : الله يسلمج ياعمتي السالفة طويلة يبالها قعدة...

قصايد : شويخ انطمي ...مالج خص ...عمتي ماعليج منهم ....الحين انتو بتسكتون ولا لا....

حور :ههههههههههههه ليش خلينا نخبر عمتي ما فيها شي ...تدرين عمتي ماتخبر حد .. عمتي السالفة ومافيها الا ان قصايد ..معجبة بهزاع ولد خالي...

سلوى وهي تشوف قصايد ويها غادي احمر وترمسها بالاشارة: عرفتي تختارين ياقصايد ...لاتخافين ماراح اخبر حد ...سرج في بير....

مياسة: هههههههههههه بالاول اعرفي كيف تعرفت عليه ..وكيف قابلته .ههههههههههههههه

سلوى: ليش كيف قابلته .....

شويخ : لا الصراحة يبالها قعدة تعالي يلسي وراح نخبرج بالسالفة ...........

وبعدها يلست سلوى والبنات خبروها كيف هزاع قابل قصايد ..وكيف رقمها باحترام ..والكف اللي خذاه من قصايد ..وغيرها ...ومن ناحية قصايد ويها احمر ..........

على كف الغلا شلتك وحطيتك وسط عيني اداري خاطرك واكسر خواطر ناس تغليني...

.....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 18-01-2009, 11:06 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


في الرماح في بيت بوغانم الله يرحمه....

بحجرة ام غانم ....يالسة تشوف قطعها اللي شرتهاا ....ودق ع الباب........>>>طق طق طق

ام غانم: تفضلن

وتدخل عووش ونورة:سلام عليكم ...

ام غانم: وعليكم السلام.....

عوووش: وامي الحبيبة شو دراها ان احنا اندق عليها الباب يمكن يكون اخوي غانم...؟؟

ام غانم: هههههههههه مايحتاي ...بناتي واعرف دقتهم ع الباب.......

تروح نورة عند امها وتحضنها...: احبج يالغالية.......

ام غانم: هههههههه انتي ماتسوين جي الا اذا وراج شي ...يالله قولي شو تبين ...وعن هالحركات المعروفة....

نورة: افا يعني انا الحين ماحبج ..وحد يكره جنته ...انتي جنتي وناري وشلون تبين ارفض جنتي .....واخلي النار تحرقني .....

ام غانم: الله يرضى عليكم دنيا وآخرة ....ويجعلكم من اصحاب الجنة....

عوووش ونورة: امين ....

نورة: يما خلينا نروح اليوم بيت خالي بوهزاع ....

ام غانم : مادري يابنتي بس انا قلت يعني بروح بيت خالج بوسهيل...عسب ارمسهم بالموضوع....

عوووش: ليش انتي مافتحتي الموضوع مع مرت خالي بالامس....؟؟؟

ام غاانم: لا يابنيتي ....انتي شفتي امس كيف كانت حالتنا محد كان فاضي لثاني ....ان شاء الله اليوم بروح لها بس خبرت مرت خالج اني يزروها اليوم ...بالمرة انا بروح بيت خالج بوسهيل ..وانتو خبروا اخوكم غانم ياخذكم لبيت خالكم بوهزاع....

نورة: امممممممم انا راح اي وياج بالمرة بروح عند دانة .....

ام غانم: يما عوووش روحي سوي بخور حق اخوج الحين بيروح المسيد ....

عوووش :ان شاء الله يما....وتروح عووش تسوي بخور

ويدخل عليهم غانم : السلام عليكم ....ويروح يبوس راس امه...

الكل: وعليكم السلام....

ام غانم: هلا ولدي ....فطرت يالغالي....

غانم: هي يما فطرت ...

نورة: ها بدينا بالتفرقة يا يما ..يعني هو بس غالي واحنا لا.....

ام غانم: ههههههههه اكيد لا ..انتو كلكم غاليين عندي ..وماعندي غيركم...بس هذا اخوج الوحيد وسند ظهركم ..الله لا يحرمني منكم ,,واشوف كل وحدة ف بيت ريلها ..قبل مااموت ....

غانم : بعد عمر طويل يالغالية ,,يما رمستي مرت خالي....

ام غانم : لاياولدي ,,,بالامس محد كان فاضي ..ان شاء الله اليوم بروح لهم وبزروهم ....وبرمسها بالموضوع ...

نورة: شو رايكم لو يكون عرس غانم ويا عرس سهيل بعطلة الربيع ....عسب نفصل فستان واحد عن الخساير .....

ام غانم: والله مادري ..شو رايك ياغانم ...

غانم : الشور شورج يالغالية....بس بالاول خلونا نعرف لو سهيلة موافقة ولا لا..

وتدخل عليهم عوووش وشالة المدخن...: وليش ماتوافق ماراح تلاقي احسن منك ..دين واخلاق ..والكل يتمناك ....

غانم: هههههههههه الله يسمع منج ...وبالمرة نشوفج عرووسة ......

عوووش: لا بعدني صغيرة ..خلني اتهنى بالاول ..وبعدها افكرههههههههه...


لاتروح بعيد والواقع امامك لو لمست القلب صافحت المشاعر

نرد لبيت بوفهد بالصالة الكل يالس .........

الام العودة : يما حور اتصلي حق امج شو فيها متى راح اتي ...؟

حور: ان شاء الله امي العودة.....وتروح حور تتصل حق امها

هزاع من صوب يالس يطالع قصايد ..وبالمرة يبعد نظره عنها عسب لا احد يصيده...

شويخ تهمس حق قصايد: هي قصود ..حبيب القلب مايروم يخوز عينه عليج ...الظاهر طاح الريال ...خفي عليه .

قصايد: سكتي يعلج بريل اسود........

شويخ: مااسمح لج تهينين ريلي خليه بصوب ....شوفي كيف يطالعج عن بوه ...مايخاف ان امي العودةتشوفه وبعدين تضربه بالعيرة ...ههههههههههه

مياسة: لاتلومينه يا شويخ .اخوي اسير عيون قصايد ...لا بعد يسميها عيون ذباحية ...قصايد فديت قلبج حني على اخوي,اخاف يصيبه شي ..من عيونج ..

قصايد: اسكتن ..عن لاتفضحونا .....

مياسة كانت اطالع بالصالة وكأنها ادور على حد....

شويخ حست فيها : اقول انتي الثانية ...لاتمين ادورين..بل قلنا وحدة عدنا مو ثنتين .وبعدين ماراح تلاقينه هني تلاقينه ظاهر عند شغل الريال.....

مياسة احمرت: سكتي وياويهج ...بس كنت ادور على حور وين راحت...

قصايد: نقعي علينا صاروخ .....شفتينا يهال صغار جدامج .....شوفي ويهج شلون غادي احمر ..رديه لونه قبل مايشوفونه....

مياسة : يووووووه سكتن ....

شويخ: اوكي راح نسكت,,,وتوجه رمستها حق مرت عمها ام فهد: مرت عمي وين فهودي.....

فارس: طاعو هذي فهودي مرة وحدة ...كل من الدلع اللي دلعكم ياه فهووووووووووودي يوم كنتن صغار,,,,

شويخ : اتغار انته....عسب ماادلعك ...

فارس: هههههههههههههه اسمع ياحامد اتقول اغار.....انااغار فديتني عندي امي اللي ادلعني ..صح ماماتي....

حامد: هيه مااسمح لك تهين اختي كل ولا شويخ .....

شويخ: فديت اخوي حامد يدافع عني .....

حامد: صح شويخ وين فهووووووووووووودي دلوووووووووعج مانشوفه عندج ههههههههههههه

فارس: ههههههههههههههه حلوة منك حلوة ...بس لاتعيدها ....حقوق الطبع محفوظة ...

شويخ: بايخين .....

فارس: ماعليج راح انضيف لها سكر عسب تصير نكهتها احلى هههههههههه

حامد: هههههههههههههه كفك ....ويعطي فارس كف بكف ع اليد .....

الام العودة : بسكم عن الهذرة والخرابيط ..وانتي شو ها فهووودي اصغر عيالج ..احترمي اسمه فهد....

شويخ : ان شاء الله امي العودة ....وحامد وفارس يضحكون ع شويخ لان الام العودة هزبتها ...وشويخ اطلع لسانها لهم ....

شويخ: مرت عمي وين فهد ماشوفه موجود ....؟؟؟

ويدخل عليهم فهد : السلام عليكم ...هذا انا منو اللي ذكرني .....؟؟؟

الكل : وعليكم السلام......

شويخ: مرحب والله بالغلا كله ....فديت فهودي وحبيب قلبي...

فهد : ههههههههه مرحب باجي الغالية ....

فهد يشوف مياسة ويضحك لها ...ومياسة من شافته ابتسم لها تلون ويها احمر على اصفر ونزلت راسها .....

الام العودة: شويخ رمسي عدل اسمه فهد .....

فهد: امي العودة خليها يفداها فهودي هي وقصايد ...

قصايد تهمس: يووووووووووه الويه احمر ..شوي شوي يامياسة ..عن لايغمى عليج..ادري ان اخوي حلو ...بس هالله هالله فيه..ههههههههههههههه

شويخ: لا اسمحيلي قصايد تراني حاجزته ......بس المشكلة قلبه عاد يشوف غيري...الظاهر ياقصايد طلعت لنا منافسة قوية .....ههههههههههه

مياسة: يوووووووووووه بس عاد ..والله ازعل منكن واروح البيت....

حور ترد لهم : تروحين ويفوتج منظر ويه مرت عمج اليديدة .....

مياسة : عيل بتم بس ماراح ارمسجن ...راح ارمس حور فديتها .....

حرو: تعالي فديتج ...بس عاد خفي على ولد خالي ....

مياسة : حورووووووووووو بعد انتي اف منكن ...

حرو وقصايد وشويخ: هههههههههههه

ام فهد : حور اتصلتي حق امج ...؟؟

حور: هي مرت خالي ...وقالت راح اتي بعد مايرد اخوي كايد ومانع من الصلاة ....

ام فهد: اها زين ...انا بروح اشوف الطبيخ شو صار فيه....

ام حمدان: خذيني وياج....ياام فهد ..اساعدج ....

وراحت ام حمدان وام فهد ومعاهم موزة يشوفن الاكل شو صار فيه عسب للعزيمة ....

ويسمعون صوت الجرس.....

فارس: هذا اكيد عمي خليفة ويا حرمته المصون....

ويروح فارس عسب يفتح الباب .....من بعد ماسلم فارس على عمه ومرت عمه يدخل خليفة ....

خليفة: السلام عليكم...

الكل : وعليكم السلام ....

الام العودة : ياهلا ومرحب بولدي الغالي بالمعرس ....تعال يما تعال احضنك يالغالي.....

ويروح عند امه ويسلم عليها ويحضنها ..وبعدها يسلم على اخوه بوفهد واخوه بوحمدان واخته سلوى واعيالهم.........

ومن بين مايسلم عليهم كانت عيونه ادور على شخص محدد بس مالقاها ....

قصايد تروح تقعد عند عمها :: اشحاك عمي الغالي ...والله ان البيت من دونك مو حلو ...

خليفة: بخير يالغالية اشحالج انتي ...ادري تراني نور البيت .....

فارس: لاتصدق عمرك انك نور البيت .....احم احم فديتني انا نور البيت ودلوعهم ....

شويخ: الا نور البيت وبوظبي كلها ...يستاهل عمي الغالي.....اما انت مظلم البيت ..ههههه

حور: خالي عيل وين العروس ماشفناها .....

خلفة : شو درااني فيها يمكن برع وماتبا تدخل تستحي ....؟؟؟

الام العودة: وليش برع روح ازقرها ,,,

خليفة: برايها تبا اتي حياها ....قصايد روحي ازقريها اتي ....

قصايد : ان شاء الله ....

خليفة: اعيال اخوي محمد هني ..اسميه البيت نور مرتين .....اشحالكم يالغالييين...

هزاع ومنصور: بخير سرك الحال....

مياسة: اشحالك عمي ...ان شاء الله مرتاح....

خليفة:: الحمد لله على كل حال....

وتدخل قصايد واطالع حور وشويخ ومياسة....حياج مرت عمي البيت بيتج لاتستحين ....

وتدخل سمية لابسة النقاب .....: السلام عليكم ....

الكل: وعليكم السلام .....

الام العودة: حياج يالغالية مرت الغالي ....تعالي يما تعالي بحضني ...فديت مرت ولدي الغالي.....

وتروح سمية عند عمتها تحضنها ...

شويخ تهمس حق البنات: اكيد بتكون غالية عندج ...بما انها اللي راح اتييب اليهال حق عمي ...

حوري: اقول الظاهر الويه منتفخ شرات الكيكة لي درجة انها ماتشل النقاب عنها ....

مياسة : ههههههه الظاهر جذي ...

قصايد : صبرن شوي الحين...وتوجه رمستها حق مرت عمها ...مرت عمي شلي عنج النقاب مافي داعي تلبسينه محد غريب هني ..

شويخ: هي مرت عمي مالغريب الا الشيطان .....

حور تهمس للبنات : والله محد الشيطان غيرها لابسه هالقناع....

سمية: لاعادي انا مرتاحة جذي...

الام العودة: بلاج يابنيتي ...محد غريب تراج صرتي منا وفينا ....وبعدين راح تسكنين عندنا بهالبيت ...

سمية: ماعلي عمتي انامرتاحة جذي ....

الام العودة :برايج الغالية.....

شويخ تهمس للبنات: افا راحت علينا ,,,بس مردها تشله....اقول حور ..هي ماقالت لج اذا هي حطت بودرة لانكوم كم يوم يظل ويها متورم..

حور: اسبوع واحد بس....

مياسة ...: حلفي والله ...

حور: والله...

قصايد: الله يعينك يا عمي شلون راح تصبر بهالاسبوع وهي وياك .....قلبي وياك ...

البنات : الله يعينك ههههههههه

وتظهرموزة من المطبخ وتشوف ريلها يالس وياهم .....ومن شافته حاولت تتمالك نفسها وتمسك دموعها وحزنها .....
موزة: السلام عليكم ... اشحالك خليفة ومبروك يالغالي...

خليفة ينش من مكانه ويروح عندها : وعليكم السلام .بخير سرج الحال ...اشحالج غناتي ..اخبارج ....تولهت عليج يالغالية ....ويهمس لها ليتج تعزيني ولا تباركيلي

موزة: بخير سرك الحال مانشكي باس ..بس نشكي من فرقا الحبايب .....ونزلت عيونها تحت

خليفة: رفعي راسج وخلي عينج تلاقي بعيني ...اشتقت لنظراتج الغالية.....

وكل هذا كان يصير جدام سمية ومن داخلها تحترق .....

شويخ تهمس للبنات: هي شوفن اظن ان حريقة راح تصير بالبيت .ههههههههه

قصايد: حور دخليج اتصلي حق المطافي بيتنا غالي مانبا يحترق.....

حور: هههههههههههه ولا يهمج .....مياسة ييبي سطل ماي ,,,,

مياسة: هههههههههههه مرة وحدة سطل ماي الله يستر اخاف ان النار توصل لبيتنا .....

سلوى يالسة اطالع البنات وحست ان من وراهم شي .....

الام العودة: بلاك ياولد واقف هناك تعال هني ....

شويخ: امي العودة خليه حرام عليج اشتاق حق موزته وحبوبته ...اول مرة يبتعد عنها ...ويالسة اطالع سمية ....

حور: هي امي العودة ..خليه يشبع عينه عليها ,,,فديت خالي والله ....

الام العودة: سكتن انتن ...بعد سمية حرمته ...جذي هب زين يعتبر تفرقة .....

قصايد: اي تفرقة يما العودة بالامس كان عند سمية ...خليه اليوم دور موزة فديتها والله ....

وتروح موزة تسلم على سمية وتبارك لها .....

موزة: مبروك ياعروس....

سمية اطالع موزة من دون نفس: لله يبارك بحياتج .....

وبعدها يلسو شوي وراحو الشباب والشياب للمسيد .......


قل للجروح الموجعه لاتجيني من مات قلبه ماشكى نوع الاعدام

في العين وبعد صلاة الجمعة ..في بيت بوخالد...

ام خالد يالسة تزهب الغدى ومنال عندها تساعدها .....

ام خالد: يما منال روحي زقري اخوج عسب يتغدى ....

منال: ان شاء الله يما ....

وتروح منال عسب تزقر اخوها عسب يتغدون وادق الباب عليه .....لكن محد يرد عليها ....

منال: خالد تعال تغدى ...خالد....وتفتح الباب...وتشوف اخوها ملقى ع الارض مغمى عليه

منال وهي تصرخ: خالد خالد ...خالد رد علي ,,,اخوي بلاك ليش ماترد علي ....يما لحقي علي يماااااااا.....

وام خالد من سمعت صريخ بنتها خافت وربعت لفوق تشوف شو بلاها ......

ام خالد بلاج يابنتي ...وتشوف ولدها طايح ع الارض.....وتروح عنده....

ام خالد وهي تصيح : يما ولدي رد علي ...ويلي عليك ياولدي شو صارلك ....شو مستوي .....يما منال روحي اتصلي لبيت الجيران ايون ياخذون ولدي المستشفى ..بسرعة ...

منال وهي تصيح: ان شاء الله يما ....
وتروح منال تتصل لبيت الجيران .....

منال ودموع بعينها : الو خالتي ام ناصر دخيلج لحقي علينا ........

ام ناصر: بلاج يابنيتي ..شو مستوي ليش تصيحين ...؟؟

منال : اخوي خالتي ..اخوي مادري شو بلاه ...امي قالت لي ازقره عسب يتغدى يوم رحت له شفته طايح ع الارض مايتحرك ,.....دخيلج خالتي لحقي علينا ..ماعندنا حد ياخذ اخوي المستشفى ....

ام ناصر : خلاص يابنيتي الحين بخبر ولدي ناصر عسب اي ويودي خالد المستشفى ...

وتسكر منال الخط عن ام ناصر وتروح عند امها ....

منال : يما اتصلت حق خالتي ام ناصر وقالت الحين راح اي ولدها وياخذ خالد المستشفى.....

ام خالد: ياويلي عليك ياولدي شو استوا بك ....ماابي اخسرك شرات ماخسرت ابوك ....يارب عفوك ارحمنا برحمتك ....يالله تلطف بحالنا .....

وبعدها اي ناصر وياخذ خالد وتروح معاه ام خالد وياخذونه المستشفى .....

في المستشفى ام خالد ومعاها ام ناصر ...وام ناصر يالسة تهدي بام خالد.....

ام ناصر: استهدي بالله واذكر الله يام خالد...وان شاء الله ماراح يصير شي بولدج ..ان شاء الله بيتعافى ....

ام خالد: هذا ولدي وحيدي يام ناصر....ماعندي غيره ...ماابي اخسره شرات ماخسرت ابوه....

ام ناصر: وحدي الله وان شاء الله الحين بي ولدي ناصر وراح يخبرنا شو قال له الدكتور .....؟؟؟

ام خالد: لا اله الا الله ......

ويظهر ناصر من عند الدكتور ....

ام خالد: قولي ياولدي..بشرني الله يبشرك بالجنة....شو فيه ولدي ....

ناصر: صلي ع النبي ياخالتي ولدج مافيه الا العافية .....بس الدكتور يقول انه صار له انهيار عصبي ....

ام خالد: انهيار عصبي ....ليش ...شو السبب اللي خلا ولدي ينهار علينا ....؟؟؟

ناصر : علمي علمج ..خالتي ...بس الدكتور قال انه يباله راحة ...وبعدها ان شاء الله راح يصير بخير....

ام ناصر: خلاص ياخويتي ..الحمد لله اطمنا عليه ...الحين امشي خلينا نروح البيت عسب ترتاحين ...وبعدين نرد نشوفه ...

ام خالد: لا ياخويتي ..انا بظل عند ولدي ..شلون تبيني اروح ارتاح ولدي منوم بالمستشفى .....اخاف ينش ويبا شي....

ناصر: ماعليج خالتي انا بتم عنده ...وان شاء الله اول مايصحى راح اتصل فيج ....الحين انتو روحو لان اخوي تلاقونه برع ينتظركم لاني اتصلت فيه عسب اي وياخذكم ..

ام ناصر: خلاص يام خالد ..توكلي ع الله وان شاء الله ولدج مافيه الا الخير ...وناصر بيتم عنده ...

ام خالد: يما دخيلك خبرني ولاتنسى تتصل فيني ...

ناصر : ان شاء الله خالتي....

وبعدها راحت ام خالد وام ناصر للبيت ....وبالمرة يطمنون منال عن اخوها ...ويتصلون حق اخته امنه ويخبرونها عن اخوها .....

دمعن تناثر واتعب الكف لمه ومن حيرتي قمت امسح الدمع بالدمع...

في بيت بو سلطان اول ماعرفت امنه بالخبر يلست تصيح وام سلطان وسلطان يالسين يهدون فيها ...

ام سلطان : استهدي بالله يابنيتي ..ان شاء الله مايصير فيه شي .....اذكري الله ....

امنه وهي تصيح : خالتي هذا اخوي الوحيد من بعد ابوي ..خايفة يصير فيه شي ....

سلطان: ان شاء الله ماراح يصير فيه شي ..ياامنه هدي تراج حامل ومو زين عليج ....

امنه: خذوني عند اخوي ابا اطمن عليه....

ام سلطان: ولا يهمج يابنيتي كلنا بنروح نزوره ع العصر ونطمن عليه ...بس انتي هدي يابنيتي ....؟؟؟

ويدخل عليهم بوسلطان: السلام عليكم ....

الكل :وعليكم السلام.....

ابو سلطان يشوف امنه وهي تصيح...: خير يابنيتي شو مستوي ليش تصيحين ....

ام سلطان : ولد اخوك منوم بامستشفى .....

ابو سلطان : خير ان شاء الله ليش منوم بالمستشفى شو صابه....؟؟؟

سلطان : مادري اتصلت فينا عمتي..وخبرتنا انهم شافوه بحيرته طايح مغمى عليه ..ودوه المستشفى وقالوا انه صابه انهيار عصبي...

ابوسلطان: لا مايشوف شر ...وانتي يابنيتي ليش تصيحين ...مافي داعي للصياح ,,,بدل ماتصيحين ادعي ان الله يقومه بالسلامة ...

امنه: الله يشفيه ...دخيلك عمي اابا اروح اشوف اخوي ....

ابو سلطان : ان شاء الله يابنيتي كلنا بنروح نزوره ..ع العصر بس انتي هدي وان شاء الله مايشوف شر....

ويدخل عليهم حمد وسعيد : السلام عليكم ...

الكل وعليكم السلام .....

حمد: خير شو مستوي ...

ام سلطان : ولد عمك خالد منوم بالمستشفى.....

حمد : مايشوف شر ان شاء الله....

سعيد: عيل بتروحون العين اليوم ..عسب تزورونه ....؟؟؟

ابو سلطان : هي ع العصر ان شاء الله...

سعيد: كلنا بنروح ...

ام سلطان : هي كلكم ...وهذا واجب زيارة المريض....

حمد : والريم ...؟؟

ابو سلطان: بعد الريم راح اتي ...وهذا ولد عمها مو غريب عنها ....اتزهبوا عالعصر بنروح العين ....

سعيد : ان شا ء الله

وطبعا الكل بالبيت عرف ان خالد منوم بالمستشفى ...وانهم بيروحون العين ..طبعا الريم بالبداية رفضت لكن مع اصرار ابوها ولزم عليها انها لازم تزور بيت عمهم وتواصل الرحم

الرد باقتباس
إضافة رد
الإشارات المرجعية

يا عين حني على قلب إستصاب منك من أول نظرة / بقلمي ، كاملة

الوسوم
ياعين حني على قلب استصاب منك من أول نظرة , هزاااع و قصايد و حمداان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6809 04-09-2017 02:45 AM
غيروني غصب عني .. و غصب عنهم بغيرهم / بقلمي ، كاملة Bed روايات كامله - يتم نقل الرواية هنا بعد اكتمالها 75 15-07-2017 03:08 PM
صحيتي بداخلي توك و كنتي نايمة بروحي / بقلمي ، كاملة غرامي الدلوعه روايات كامله - يتم نقل الرواية هنا بعد اكتمالها 886 17-08-2016 07:30 PM
الثلوج مصيرها السيول / بقلمي ، كاملة سولـــــ♥°The Lost Hope♥°ـــي روايات كامله - يتم نقل الرواية هنا بعد اكتمالها 179 09-06-2013 02:26 PM
هبالي عالم من إختياري / بقلمي ، كاملة تــايــد روايات كامله - يتم نقل الرواية هنا بعد اكتمالها 489 29-10-2012 05:12 AM

الساعة الآن +3: 10:59 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1