اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 18-01-2009, 11:11 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


البارت ((8))

لو كان قلبي معي ما اخترت غيركم و لا رضيت سواكم في الهوى بدلا ً ...****

في بيت بوفهد ...الشياب والشباب يتغدون بروحهم ....والحريم والبنات ..بروحهم ....

عند الحريم....

الام العودة توجه رمستها حق سمية: سمية يابنيتي شلي عنج النقاب ...كيف راح تاكلين والنقاب عليج ..ماراح ترتاحين وانتي لابسته....

سمية: ماعلي عمتي انا مرتاحة جذي...

شويخ: مرت عمي اظن ان احنا كلنا بنات ومحد شباب هني ...مافي داعي تستحين ....

قصايد: اظنج بعدج ماتقبلتينا ....

حور: شلون ماتتقبلنا ..بالاخير راح تكون منا وفينا ...ولازم تتعود علينا ..ولا انا غلطانة يامرت عمي .....

سمية: لا عادي بس ....

مياسة: لا بس ولا شي ...شلي عنج النقاب وكلي لانج ماراح ترتاحين ..وبعدين النقاب بيتوصخ وبتطلع من ريحه..وماظن انج بتروحين دبي وريحة نقابج اكل ....

ام فهد: بنات ..خلوها بحالها يمكن هي ماتبا مرتاحة جذي....

ام حمدان: بس يام فهد محد غريب هني ...لاتخافين ياسمية الحين انتي صرتي منا ..يالله شلي عنج النقاب ...عسب ترتاحين بالاكل....

سمية : ان شاء الله ...

البنات من صوب يتزهبن يشوفن كيف ويه سمية غادي ..وتشيل سمية عنها النقاب ....

الكل شهق يوم شاف ويه سمية من ناحية الحريم...اما من ناحية البنات فيهن ضحكة وماسكات عمرهن عسب لاينفضحن....

الام العودة: ويه ..سمية شو مستوي في ويهج جذي...ليش متورم عليج.....خليفة امس ضربج....

قصايد وهي ماسكة ضحكتها .:: يما العودة وعمي ليش يضربها ,,انتي شفتي معرس يضرب حرمته بليلة عرسه...ماظن ..

حور : يمكن طاحت يكرمكم الله بالحمام ...

شويخ: لا ماظن ...يمكن طاحت امس ع الشبرية ....

ام فهد: سمية ليش ويهج منتفخ جذي ....

سمية : ماشي بس الظاهر ان خبيرة التجميل حطت بويهي بودرة لانكوم..وهالبودرة مااطيح علي وتخلي ويهي متورم لمدة اسبوع.....

موزة: وليش ماخبرتي خبيرة التجميل انها ماتستخدم البودرة على ويهج ...

سمية اطالع موزة باحتقار : خبرتها بس هي الظاهر نست .....

قصايد تهمس للبنات: ههههه انتو شوفوا ويها كيكة هههه

حور: هههه انا مادري كيف خالي نش الصباح وشافها جذي....

شويخ: اسميه اول ماشافها اخترع فديت عمي والله ....

مياسة : سكتن عن لا ننفضح ....

من ناحية سلوى كانت تراقب حركات شفايفهن ...وعرفت انهم سو لها شي وقالت راح تعرف منهم بعدين ...

ومن بعد ماخلصوا الغدى ...ر.احو البنات خذوا مرت عمهم يعرفونها ع البيت ....

شويخ: وهذي الله يسلمج غرفة قصايد .....

سمية: وايد حلوة ::::

حور: اكيد حلوة ..لان كل الاثاث اللي تشوفينه هني ياييبينه خصيصا من المغرب ...يعني عندج غرفة فهد وفارس وغرفة خالي وحرمته ...طالبين لهم ااثاث خصيصا من المغرب ...يعني كل شي من المغرب حتى الاباجورات ....

سمية : حلو ...

شويخ: تعالي انراويج الحين جناح عمي خليفة ....

وراحوا وودوها جناح خليفة.....

مياسة: وهذي جناح عمي خليفة ...وطالبين الاثاث خصيصا من ايطاليا وفرنسا ...

سمية: الله يعني اثاث جناحي وجناح ريلي من ايطاليا وفرنسا ...

البنات : ههههههههههههههه
سمية : ليش تضحكون ....

حور: الله يسلمج هذي جناح عمي خليفة وحرمته موزة ....

سمية .:: شوووو بالله عليكم وانا جناحي وينها ...

شويخ: بالسطح او يمكن تلاقينها بالكاراج ...

البنات: هههههههههههههههههه

قصايد اطق شويخ على يدها ....: ماعليج منها شويخ دومها مزوح وتحب تمزح ومحد سلم من مزحاتها ثقيلة شراتها ...

سمية : هههه وانا تحريت صدق ....

حور: فديتج انتي بعدج ما سووو لج غرفتج ..ان شاء الله من بعد ماتردون من دبي راح تلاقونها جاهزة ....

مياسة : غرفة مو جناح ..لان بالفلة بس عندنا جناح واحد وخصيصا حق موزة....

سمية مقهورة : وانا من وين راح تطلبون اثاثي.........

شويخ : من بيت الجيران .....

مياسة : هي شويخ احنا ماعندنا اثاث اخر اثاث طلبناه خصيصا حق دريولنا من الهند ....

قصايد: ههههههههه الله يسلمج انتي راح اييبون لج اثاث من اكيا....

حور: هي من اكيا ...

سمية : شو انا من اكيا ...ليش يعني من اكيا ..

شويخ: احمدي ربج يابولج اثاث من اكيا ..كان عادي ايبون لج الاثاث من المنجرة .....

قصايد تضرب شويخ : ماعليج منها ..وبعدين شو فيها اثاث اكيا وايد حلو الصراحة ومسوين الحين تنزيلات ...احسن لج بعد من الغالي.....

حور: هي ترا الحين كل شي بيكون غالي ...وبما ان اكيا مسوي تخفيضات اشتري اللي يعجبج ....

واتي موزة تزقرهم ..

موزة: وينكم تعالوا تحت بالصالة...

سمية: اف بني الحين ...عسب الحين لازم اروح انا ويا خليفة دبي شهر عسلنا ..واطالع موزة باحتقار....

موزة حزت بخاطرها : الله يهنيكم ..

شويخ تهمس حق البنات: ملعونه والله لا اراويها يالسة تقهر بمرت عمي ماعلي ياسميو ....

قصود : صبري الحين شو باسوي فيها راح اخليها تحترق.....

حور:مرت خالي بتروحون دبي ...؟؟

سمية: هي الصراحة اول مرة باروح دبي.....

قصايد : الصراحة احنا ملينا من كثر مانروح دبي حتى حفظنا اماكنها كان عمي خليفة دوم ياخذنا ويا موزة ونتسلى .....

حور: هي صح ...احيد ان اول شهر عسل كانت موزة تبا تروح دبي ..لكن عمي خليفة رفض...قال انتي تروحين دبي ,,قال لها خلي دبي لبعدين ....الحين باخذج لايطاليا وسويسرا وفرنسا ..وبعد ماردوا من شهر عسلهم كملو شهرهم الثاني في دبي يعني شهرين بس ....

سمية مقهورة من داخل : اها ماعلي راح اخبر خلوفي ياخذني ايطاليا وبريطانيا بعطلة الربيع .....

قصايد تهمس للبنات : خلوفي عشتوا سكتي عن لايسمعج عمي وتلوع جبده منج ...

البنات: هههههههههههههه

مياسة : بس مرت عمي لاتنسين ان عطلة الربيع عرس اختي ..وماظن ان عمي راح يوافق ياخذج ايطاليا او بريطانيا ...

سمية : راح تشوفون راح اخليه ياخذني ايطاليا وبريطانيا وبروحنا بس ماراح ناخذ حد ويانا ....واطالع موزة....

موزة: الله يهينج ياسمية

شويخ تهمس:الله لايهنيها بدنيا واخرة ....

واي خليفة عندهم : السلام عليكم ....

الكل: وعليكم السلام ...

سمية يالسة ترمس خليفة واطالع موزة: حبيبي مابنروح شهر العسل الحين .....

خليفة: بعدين الحين مو فاضي لج ...موزة حبيبتي تعالي شوي اباج يالغالية.ابا ايلس وياح قبل مااروح دبي ...عندج مانع ياسمية لو يلست مع حرمتي ...

سمية نار بقلبها : لا حبيبي ماعندي مانع ....

خليفة: يالله موزة:..باي بنات ويغمز الهن ....

قصايد والبنات : ههههههههه الله وياكم يالاحباب ...

سمية مقهورة من خليفة كيف يرمس موزة بهالطريقة .....

وبعدها يلس خليفة مع حرمته شوي ..وبعدها استأذن خليفة وراح دبي هو ويا سمية شهر العسل لمدة اسبوع .....

وبعدها الكل راح البيت ......طبعا بس حور وشويخ ظلو ويا قصايد عسب يقضون الويك اند وياها .....وراحت مياسة للبيت ....

ما كل من حبيتي يذكرك بالخير بعض البشر بنساك من يوم تمشي.....

العصر في العين وبالتحديد في مستشفى التوام ..بغرفة خالد....

ام خالد: ها ياوليدي خبرني الحين ..ان شاء الله احسن....

خالد: لاتحاتين يالغالية ..انا بخير والحمد لله .....

ام خالد: خذ يالغالي واكل لك فواكه ....فيه الصحه عسب ترد شرات اول واحسن ....

منال: يووووووه بدينا الحين بالتغلى ...يما تراني اغار ..ليش يعني خالد ..المفروض انا ادلعوني وحيدتكم وبنوتتكم ....

خالد: هههههههههههه

ام خالد: اه منج انتي ...وبعدين هذا ولدي حبيب قلبي ,,,,وماعندي غيره ....وبعد انتي بنتي ,,يعني كلكم مكانكم بالقلب....

خالد: ها شوتبين بعد...لج مكان بالقلب ...يعني قلب امي نص بينج وبين امنه والباقي لي ههههههههههه

ودق ع الباب وتدخل عليهم ام سلطان .....

ام سلطان: السلام عليكم ..

ام خالد: وعليكم السلام ...يا هلا ومرحب باختي ام سلطان حياج يالغالية اقربي....

ام سلطان: الله يحييج يالغالية وتستاهلون سلامة ولدج خالد...

ام خالد: الله يسلمج...

ام سلطان: الحمد لله على سلامتك ياولدي ....

خالد: الله يسلمج خالتي ....

وتدخل عليهم امنه وهي تصيح وتربع عند اخوها ....

امنه: اخوي الغالي ..ماتشوف شر يالغالي....وتروح تحضنه

خالد: الشر ماييج ..امنه بلاج تصيحين ..انا الحمد لله مافيني شي ..هذا انا جدامج لا متعور ولاشي....

امنه: اه ياخوي شو صابك ...شو مستوي فيك يالغالي ..منو اللي سبب لك هالانهيار ....

خالد وف قلبه آه لو تعرفينها منو بس الله يسامحها : ماصابني شي ..وانتي مسحي دموعج ...مو زين لج تصيحين وتتعبين علينا مرة وحدة ....

ام سلطان : نسيت ..ابو سلطان والعيال برع يبون يتحمدون لك بالسلامة ياولدي ....

ام خالد: ويه وليش مخلتنهم برع خليهم يدخلون حياهم ....امنه يما ...روحي زقري عمج وريلج وخليهم يدخلون..مو حلوة واقفين برع ...

امنه وتمسح دموعها : ان شاء الله يما ...
وتروح امنه تزقر ريلها واخوانه وعمها ....عسب يدخلون ويتحمدون حق خالد بالسلامة ......

ويدخل عليهم بوسلطان وسلطان : السلام عليكم ...

الكل: وعليكم السلام ....

بوسلطان: ماتشوف شر ياولدي ..والحمد لله على سلامتك ...

خالد: الله يسلمك ياعمي ..حياك اقرب....

ابوسلطان: اشحالج اختي ام خالد ..تستاهلون سلامة ولدج خالد...

ام خالد: بخير سرك الحال ياخوي ..الله يسلمك من كل شر...

سلطان: اشحالج عمتي ان شاء الله بخير ...والحمد لله على سلامة خالد...

ام خالد: الله يسلمك ..ياولدي ......عيل وين اليهال....؟؟

سلطان : عند الريم راحت تشتري لهم حلويات ..مأذينها الا يبون حلويات ....

خالد من سمع ان الريم موجودة تذكر انها لعبت على مشاعرها ..ومايعرف كيف راح يقابلها مع انها المرة الاولى اللي راح يشوفها ......

سلطان: الحمد لله على سلامتك يابو وليد .....

خالد: خالد الله يسلمك..

سلطان: اشحالج منال ..واخبار الدراسة وياج...؟؟

منال: الحمد لله تسرك الحال ..والله ماشي امورها .....

سلطان : بالتوفيق ان شاء الله ....

ويدخل عليهم حمد وسعيد : السلام عليكم ...

الكل : وعليكم السلام....

حمد: اشحاك يابووليد....والحمد لله على سلامتك ماتشوف شر....؟؟؟؟

خالد: الله يسلمك يالغالي,,,,اشحالك انته ...؟.؟؟

حمد: نشقح بس ماننطح ..ههههههههه اشحالج مرت عمي ...؟؟؟

ام خالد: بخير علني فداك يالغالي ....حياك يالغالي اقرب ...

سعيد: ليش بس هو غالي وانا لا ..يعني اظهر احسن لي...

ام خالد: لا يالغالي هم انت غالي..انت اغلاهم بعد ..اشحالك ياسعيد من زمان مااتي تزرونا وين الغيبة عنا ....؟؟

سعيد فرحان : عال العال والحمد لله وتستاهلون سلامة بووليد .....والله الدراسة تعرفينها يبالها قعدة ....

ام خالد: الله يسلمك ..يالله بالتوفيق ان شاء الله ...وبعدها نشوفك معرس ..انت واخوك حمد ....

سعيد وهو يشوف منال: امين ....لاني الصراحة مستعيل ابا اعرس...هههههههههه

منال استحت ونزلت راسها ...

الكل: هههههههههههه

حمد : ها صوبنا مستعيل الريال ..انت اول دور لك على عروس توافق تاخذك ..وبعدها عرس.....

ام خالد : ههههههه وليش ماراح يلاقي الف وحدة تتمناه .....بس هو يأشر منو يبا ...انا بروحي بخطبها له....

سعيد : تسلمين مرت عمي ..بس ع الله توافق علي..ماعرف لو هي تباني ولا لا ....

ام سلطان تشوف منال: وليش ماتوافق ..ماراح تلاقي احسن منك .....
ابوسلطان : عيل انا اترخص بخليكم شوي ....

خالد: وين عمي ..اقعد....

ابو سلطان: ماعلي ياولدي ..بس عندي كم شغل ..وبالمرة بازور واحد من الربع من زمان ماشفته ....

سلطان: هم انا بعد اترخص باروح ..عند الربع ..اسمحولنا ..

الكل: الله وياكم...

حمد همس حق خالد: ها بووليد ..منو اللي ضوت شعرك وخلتك اطيح هالطيحة يالله قول .....

خالد: ههههههه وانت شو دراك اني طايح طيحة بهواهم ...

سعيد وهو يطالع منال: علينا ها ..يالله قول منو ....؟؟

خالد: هههههههههه صدقوني ابد بس شوي تعبت ..وبعدين انت اللي طايح بهواهم ..على بالك ان احنا مانفهم شي ....

حمد: غربل الله بليسك ياسعيد فضحتنا خف شوي .....

سعيد : هههههههههههه اسمحولي ترا القلب يوم يحب مايشوف غيره ....

خالد: اقول مو كأنك ماخذ راحتك ...وانا جدامك .....

ويدخلون عبدالله وعلي وهم يربعون عند خالهم خالد......

عبدالله : خالي العزيز....اشحالك الحمد لله على سلامتك ...

علي : ويا ويهك انا المفروض اقولها مو انت ...

عبدالله : قولها محد قال لك تتأخر ..اللي سبق لبق....هههههههه

خالد: الله يسلمكم ..ها راح تبدون الحين بالضرابة .....وبعد بالمستشفى....

علي: لا خالي كل ولا الضرابة بالمستشفى ..بس ماعلي ياعبود مردك بالبيت....

عبدالله : عبود اصغر عيالك يا علوي .....

الكل: ههههههههههههههه

حمد: عيل وين الريم عنكم ....

علي : الحين بتدخل يالسة تعدل شيلتها هههههههه...

سعيد: اكيد سويتو لها شي.....يالله قولو شو سويتو بها

عبدالله: كل من علوي لعوزها بالطلبية ..ابا سنكرز ..لا ابا باونتي ..لا ابا ايسكريم ..وعمتي مسكينة متبهدلة وياه ....

حمد : ها علوي شو قلنا احنا ...اول ماندخل المستشفى عن الشيطنة .....ولا مافي العاب ...

علي: لا عمي ماعليك منه...اوريك ياعبود تفتن ...علي وانا اخوك حبيب روحك....

خالد: ههههههههههههههه وانتو ماراح تودرون عنكم هالعادة ...

ودق ع الباب وتدخل الريم عليهم ....

الريم : السلام عليكم .....

الكل : وعليكم السلام ....

وخالد اول مادخلت الريم شافها ومانزل عينه عليها ...وكيف هي حلوة وتحسف كيف انها كانت تلعب عليه ..وبعدها غض بصره لان قرر انه ينساها ولا يكون لعبة بيدها ....

ام سلطان: تعالي يالريم ...اكيد عرفتيها يام خالد::: هذي بنتي الريم ...؟؟

ام خالد: ماشاء الله تبارك الرحمن...محلوة الريم ومتغيرة وصايرة عروس ...تعالي فديتج عسب اسلم عليج ...

تروح الريم عند مرت عمها : اشحالج مرت عمي...

ام خالد: بخير علني فداج يالغالية ...

وتشوف خالد : الحمد لله على سلامتك ياولد عمي ...

خالد وهو يتحاشا انه يشوفها: الله يسلمج يابنت العم .....

الريم كانت اول مرة تشوف خالد ..وخالد بعد كان اول مرة يشوفها ...الريم شافت خالد وركزت على ملامحه ...وانعجبت فيه .....

ليت المسافه بيننا بس مترين يمشي متر وامشي متر وانتلاقى.....****

خلونا نعدي الاسبوع بالمرة ....بهالاسبوع صارت الاحداث التالية ........

ام غانم راحت وخطبت سهيلة حق ولدها غانم ...وطبعا ابوسهيل ماكان عنده مانع بس قال اهم شي راي البنت ..وعطوهم اسبوع عسب يردون عليهم ....

اما من ناحية بوهزاع وام هزاع ...طبعا ظهروا برع وتعشوا بالمطعم وكان ولا احلى يوم بالنسبة للاثنين ....وبوهزاع ماقصر بالرمسة الحلوة لحرمته ام هزاع....

موزة قررت انها تروح تسكن مؤقتا كم شهر عند عمتها بالسويحان ....لانها ماتبى تواجه سمية ...طبعا خليفة بالبداية رفض لكن مع اصرار موزة وافق.....اما سمية استانست وايد ان موزة ظهرت وخلت الجو لها ...عسب تتقرب اكثر من خليفة .....وتخلي خليفة ينسى شي اسمه موزة....

اما هزاع تلاقونه اربع وعشرين ساعة في بيت عمه بو فهد ...يقول انه يروح عند امه العودة وعمه..بس بالاساس يروح يشوف العيون الذباحية .....لكن قصايد ماتكون موجودة بوقت هو يكون عندهم اما بالمول ..او السويحان عند حور..او بغرفتها لكن كانت تشوفه من فوق وماتخليه يشوفها .....

حمد شاف دانه مرة واعترف لها بحبه وانه ناوي يخطبها ..طبعا دانة ماصدقت اللي سمعت وعلى طول خبرت مياسة ..ومياسة فرحت لها .....

اما مياسة تفكر بفهد وكل يوم يزداد حبها له ...اما فهد فهو يفكر بمياسة ..ويفكر انه يخبر امه انه تخطب له مياسة .....

سلوى تحسنت صحتها اكثر وبدت تيلس وياهم وتظهر مع البنات المول ..وطبعا عرفت شو سون البنات بسمية بعرسها ...بالاول طبعا عصبت عليهم وخبرتهم ان هالشي غلط بس استانست لانها هي بالاساس ماتحب سمية....

ام حمدان وابوحمدان قرروا انهم يروحون العمرة من بعد مايرد خليفة من شهر العسل ....وطبعا شويخ وحامد بيروحون بيت عمهم بوفهد يقعدون لين مايرد ابوهم وامهم من العمرة ......

اما الحبايب بالرماح ..مبارك بعده متلعوز مايعرف منو يختار حور او الريم والي مبتلشة بمبارك هي غبووش لانه دوم يسالها منو اختار ....اما مهرة بدت شوي تنسى فارس..ومن ناحية شيما صارت اكثر تسلط وشر ....طبعا شرات عمتها ظبية ...

اما شما وسهيل..سمن على عسل كل يوم حبهم يزداد ....

اما من ناحية خالد يحاول ينسى الريم لكن صعبة عليه ومسكر تيلفونه وناوي يشتري له رقم ثاني ....اما الريم تحاول تتصل بخالد وماتعرف ليش هو مايرد عليها او يتصل ....وايمان تكون وياها بس هي ماتعترف لها ان خالد ناوي ينساها وانه هو عرف بالحقيقة وماتروم تخبر الريم ان خالد هو نفسه ولد عمها ...

طبعا شويخ وقصايد ومياسة ودانه يوم تزورهم يالسين يخططون حاليا شو يسوون بسمية ...عسب تكره عيشتها وياهم طبعا بما ان شويخ بتنام بيت عمها مدة اسبوع فهي العقل المدبر ......

اما فارس وحامد ومنصور مسوين لهم شلة وناويين يفتحون لهم موقع بما ان منصور وفارس يحبون الكمبيوتر ....فتلاقونهم اربع وعشرين ساعة ويا بعض مع لابتوبهم .....

هيوم دوم تتصل حق شويخ وتعرف منهااخبار حامد ..وطبعا حامد متشقق يوم يعرف ان هيوم تسال عنه ..وطبعا بالاسبوع هيوم تزور شويخ بس مايكون لها حظ انها تتقابل ويا حامد لانه يكون برع البيت .....وطبعا ماقصروا البنات وخبروا هيوم شو صار بالحفلة وكيف لعوزوا سمية .....

شلت عنك اللوم ماقصدي غلا رأفتن في حالتك يوم انتهيت.....****

من بعد مامر الاسبوع على خير .....
السبت نهاية الاسبوع ..ع الساعة 10 صباحا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 18-01-2009, 11:15 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


في الرماح في بيت بوذياب....

في غرفة غبوش .....ومهرة يالسة وياعمتها ع الكمبيوتر....

ويدخل عليها مبارك فجأة وهو متضايق.....

مبارك : غبوووش مليت ومو عارف شو اسوي اف ...منو اختار الحين ...؟؟

غبوش: بروك الحين انت من صدقك ...ولا يالس تلعب ..الحين انت ماتعرف منو تختار .....

مبارك: آه ياغبوش ..والله مو عارف يميني عن شمالي..وقلبي مو عارف يختار حور ولا الريم....

غبوش: حبيبي بروك انت لاتسوي بعمرك جذي ..ماكنت ادري ان الحب يسوي جذي...انت شوف وايلس مع نفسك وخل قلبك يرشدك لوين ....

مبارك: وقلبي المشكلة مايعرف منو يبا...؟؟

مهرة :عمي تبا اقولك راي؟؟؟

مبارك مستغرب من وجود مهرة : مهرة انتي هني ..ومن متى...؟؟؟

غبوش: هي الظاهر انت ماصرت تشوف حد ....ولي درجة اني اسوي لك اشارة عسب تسكت لان مهرة موجودة....

مبارك: وشو رايج ..خبريني يمكن نستفاد منج....وقبل خبريني منو تحسينها احسن الريم ولا حور ؟؟؟

مهرة: عمي هالشي لازم انته تعرفه ..يعني انت اذا بتختار وحدة اختارها على اساس الدين والاخلاق والطيبة ...ولا تختار على اساس الجمال....وماشاء الله الريم وحور حلوات..بس اهم شي الاخلاق....

مبارك: انتي تشوفين منو احلى ....يعني يوم عرفتي حور وقعدتي وياها شو حسيتي ..؟؟

مهرة: الصراحة عمي انا حبيت حور ...طيبة وحبوبة ,,وتدخل القلب مرة وحدة ...اجتماعية ..طيبة ...دوم مبتسمة ....تدخل القلب من اول مرة ...بس الريم انا مو دوم ايلس وياها ..يعني احسها ماتحب تيلس ويا الصغارية يعني اللي بعمري ...لكن حور تموت بشي اسمه صغار وتحب تيلس وياهم ...يعني انا اصغر من حور لكن هالشي عادي عند حور تيلس وياي وترمس ولا كأني بنت صغيرة ....

مبارك: يعني تشوفين ان حور مناسبة لي....؟؟

مهرة : الصراحة ماراح تلاقي احن واحلى منك...

غبوش: هوب الظاهر نسيتونا ..اقول مبارك ممكن طلب..؟؟

مبارك: امري ...

غبوش: مايآمر عليك عدو بس بغيت تاخذني بوظبي ابا ازور قصايد ...دوم تتصل وتقول ليش ماتين فممكن ...بليز

مبارك : مشغول ..خلي ميحد ياخذج,,,,.

مهرة: واذا قلنا ان حور موجودة ف بيت عم مياسة ...شو راح تسوي...

مبارك فرحان: والله تفداكم سيارتي وصاحب السيارة ....

غبوش: افا كل هذا علشان حور ..يعني احنا مالنا مكان....

مبارك: اكيد لكم مكان ...متى بتروحون ..

مهرة: ع العصر انا وعمتي غبوش..وعووش ونورة بيون ويانا بعد ....عسب عم قصايد وحرمته امس ردوا من شهر العسل وبالمرة بنروح نبارك لسمية ....

مبارك: خلاص زهبن عمركن عيل ....

غبوش: تسلم يالغالي...لو دريت ان حور تسوي فيك جذي ....كنا من زمان خطبناها لك ....



ازعل وان كان حبة الكوع ترضيك كسرت يدي لك وحبيت كوعي****

في بيت بوغانم الله يرحمه ::::

ف الصالة الكل يالس....

عوووش: يما اليوم انا ونورة بنروح نزور قصايد وبالمرة نبارك حق سمية حرمت عم قصايد ....

ام غانم: مع منو بتروحون...؟؟

نورة : بنروح ويا غبوش ومهرة ....ع العصر ...

غانم: منو بيوديكم ؟؟؟انا مشغول ع العصر وماروم اخذكم ...؟؟

عووش: غبووش قالت ان مبارك راح يودينا ...امي ممكن نروح....؟؟

ام غانم: روحن وباركن للعروس بدالي ..

نورة: ان شاء الله ..يما مااتصلت مرت خالي ....وماقالو شي ....؟؟

غانم: هي يما شو سويتوا بالموضوع ماتصلوا ...؟؟

عوووش: ههههه الريال مستعيل ويبا يعرس....

ام غانم: لا والله بس ان شاء الله اليوم الليل راح اتصل لها واشوف شو ردهم ....

نورة: اكيد موافقة لانها ماراح تلاقي احسن من اخوي..

ام غانم: ان شاء الله ....


قبل السفر ودي بنظرة اخيرة اعيش فيها باقي العمر واموت*******

في بيت بوفهد ف غرفة موزة...

خليفة : يعني خلاص ياموزة ..بتروحين وتتركيني بحالي....مايهون عليج تتركيني ...

موزة: هههه اللي يقول الحين اني بروح ولا برد ....هي كم يوم ورادة لك .....

خليفة: تقصين علي كم يوم ...الا كم شهر .....

موزة: اوكي مافيها شي ...وبعدين راح اي ازوركم هم انت لاتنسى تزورني.....

خليفة : راح تلاقيني عندكم مبيت ...تدرين ماروم اتحمل فرقاج ...

موزة: سمية موجودة راح تتعود عليها ....

خليفة: وانتي كل ماابي اي عندج اتيبين طاري سمية ....خليها تولي مايهمني تدرين اني انجبرت اني اخذها ....

موزة: خليفة لاتنسى هذي حرمتك ...ولازم تعدل وتعطيها بعض الاهتمام ....

خليفة : انزين منو راح ياخذج ..انا بوديج...؟؟؟

موزة: لا خلك ..الدريول بياخذني ....

خليفة: شو ..الدريول ..وانا شو مهمتي ...مو ريلج ...

موزة: حبيبي ..ماابي اتعبك خلك عند البنات لانهم والله مشتاقين لك وايد ..ماتتصور شلون قصايد وشويخ وحور كل يوم يرمسون عنك ويحيدون ايام كنت تاخذنا للامارات الشمالية .....

ويروح خليفة ويحظنها : امممممممم وانتي ماشتقتي لايام اول ..امممممممم ماتبينا نعيدها ونروح الشمالية ...شو رايج ....

موزة: هههههه حاليا لا ...بعدين ...ليش ماتروح الويك اند مع سمية وخذ البنات وياك....

خليفة : ياربي تقهرني هالمرة ..بلاج انتي انا اقول انتي مو سمية ...شو دخل سمية ويانا ...؟؟

موزة: سمية حرمتك ولازم تعطيها اهتمام ....

خليفة: الله كريم ......ويحضنها وموزة تحاول تبعده عنها عسب ترتب شنطتها .....

وتدخل عليهم سمية من دون استأذان وتشوف كيف خليفة يحضن موزة....

خليفة معصب: هي... شو... وين تتحرين انتي يالسة ....ليش ماتستأذنين بالاول ....

سمية اطالع موزة باحتقار وكره شايلة بقلبها لها : اسفة بس كنت اناديك عسب ....اني خلصت اكوي ثوبك ..

خليفة: لا والله اظن انا قلت لج من بعد ماتكوينه وديه وعلقيه ف الكبت ....

موزة: خلاص ياخليفة ...سامحها ...ماكان قصدها ...ماعليج سمية حياج تعالي ....

سمية باحتقار: لا مافي داعي السموحة...

وظهرت سمية من الغرفة وهي مفولة من الخاطر كيف ان خليفة يعاملها بهالطريقة ويهزبها جدام موزة.....

وبالطريج شافت قصايد وحور وشويخ:::::...

شويخ: الله يستر ..اشم ريحة حريقة.....

قصايد: حور اطلبي الاسعاف...؟؟

حور: اسعاف ولا المطافي .....

شويخ: الاسعاف فديتج لين تطلبين المطافي البيت احترق..هههههههههههه

قصايد: بلاج مرت عمي شو فيج ليش معصبة ؟؟؟

سمية: اف شو فيني يعني من عمج اللي يقول ماخذني غصب ...؟؟؟

شويخ تهمس: هو اصلا ماخذج غصب ....

حور: ليش خالي شو سوا بج ...وبعدين انتي بعدج عروس ...والعروس لازم تكون فرحانة ومدلعة ....

سمية: اي مدلعة وخرابيط ..بما ان موزة موجودة بالبيت ....

قصايد: شو قصدج..شرات ماانتي بالبيت وحرمة عمي ..هم موزة هي حرمة عمي ولها مكانة عالية بالبيت ...وركزت على كلمة مكانة عالية بالبيت ....

شويخ: شو سوت لج موزة عسب تكرهينها كل هالكره...؟؟؟؟

سمية انتبهت من كلامها : ها لا ولا شي ...اكيد موزة حرمت عمج ولها مكانة ....بس انا كنت ادور على عمج عسب اعطيه ثوبه...ومالقيته وين ....؟؟؟

حور: فديت خالي .تلاقينه عند موازي ..لاتلومينه اسبوع غاب عنها ...وبعدين لاتنسين ان موزة اليوم بتروح عنه فمن حقه ان يقعد وياها ...هذا اذا ماعندج مانع....

سمية: ف قلبها روحة بلاردة يعلها الموت : لا فديتج ماعندي مانع تروح وترد بالسلامة ان شاء الله... والبيت من دونها مو حلو ....

قصايد: اكيد مو حلو ...بس ما عليج ترا هي بتزورنا ...واحنا بعد بنزورها ....

وتروح عنهم سمية ..وهي محروقة وتقابلها بالطريج سلوى....

سمية: واحنا ماراح نرتاح الحين بالاول خليفة يهزبنا جدام العقربة موزو ..وبعدها حور وقصايد وشويخ ..وماناقصلي غير الصمة اللي ماتسمع ولا تتكلم ......هلا سلوى اشحالج ....

سلوى طبعا فهمت اللي قالته من حركة شفايفها ...وحزت بخاطرها بس سكتت عنها .....

سلوى تسوي الاشارة : الحمد لله بخير :::: انتي اشحالج..؟؟

سمية: ولينا الحين شلون راح اعرف الاشارة..اقول سلوى اسمحيلي باروح حيرتي ارتاح ...وتروح سمية عنها ...وسلوى مستغربة من تصرفها ....

وبعدها تروح موزة السويحان والكل يودعها .وطبعا قصايد وحور وشويخ الدموع بعيونهم ...لان موزة كانت دوم وياهم تونسهم مايعرفون كيف راح يعيشون من دونها .....

الام العودة: بل الحين اللي يقول انها ماراح ترد لنا....

ام فهد: لاتلومينهم ياعمتي ..تراهم تعودو على موزة ....وهذي اول مرة موزة تروح عنهم ...

الام العودة .: هذي سمية شو فيها ..ماشاء الله عليها راح تكون بدل موزة واحسن عنها ....

شويخ تهمس: وع شكلي برجع من رمسة امي العودة...قالت بنتعود على سمية

قصايد: دخيلج لايكون انتي حامل ...

حور: والله مبروك ,بأي شهر..؟؟؟

شويخ: هههه بايخات ....والله ان ماخليت سمية تين ..ويطلع لها قرون ماكون شويخ ....

قصايد : واحنا وياج طبعا دانه ومياسة راح يكونن معانا ....

حور: تعالي امج وابوج متى تحركوا من ابوظبي....

شويخ: اليوم الفير ....ع الساعة خمس ....راحو بالسيارة ...

قصايد: وليش ماراحو بالطيارة احسن لهم ....

شويخ: الله يسلمج عسب بيت الجيران بيروحون وياهم وقالو بالمرة يروحون بالسيارة احسن له..

حور : الله يتقبل منهم ..ويوصلون بالسلامة ان شاء الله ...

الكل: امين ......

قصايد: حورو وانتي ليش تصيحين خلي الصياح لي و لشويخ ...انتي ياحظج ترومين تشوفين موزة ...وتزورينها ...لكن احنا اخ..

حور: والله مادري شفتكم تصيحون قلت خلني اصيح وياكم ههههههههه

قصايد وشويخ: ههههههههههههههههههه

وبعدها راحوا البنات الغرفة يخططون ويرسمون للياي ....>>>اسميهن شياطين حاذروا منهن ,,,ولا راح تكونون صيدة لهم هههههههههههه

فهد: انا مادري احس ان هذيلا الثلاث يوم يجتمعن ...ماي من وراهم غير المشاكل ....

فارس: المفروض انت تعرف لانك دوم وياهن ومايخبن عليك...

حامد : هي صح ...انا اخو شويخ ماتعاملني شرات ماتعاملك بكل حب وحنان ....

فهد: هههههه تغارون مني...فديتني شو اسوي يوم ربي خلاني طيب وحبوب....

فارس : تنكت انت ...بس تدري مادري ليش احس ان الامر يتعلق بمرت عمك ....

فهد: شو دخل مرت عمي ....

حامد: لاتنسى هالثلاث بعدهم ماتقبلو وجود سمية بحيات عمي خليفة ....ورافضين انها تكون حرمت عمك الثانية ....

فهد: هم عمي اصلا رافض ..وبالاصل مجبور انه ياخذها ...وانتو تدرون غلات موزة بقلب عمكم خليفة ....الله يصلحهم ويتقبلونها شرات ماتقبلناها ....

حامد يطالع فارس وبالمرة : هههههههههههههههههههههههههه

فهد : ليش تضحكون ...ضحكوني وياكم ...

حامد: هههههههه بالاول ...مستحيل يتقبلونها .....

فارس: ثانيا .. منو قالك ان احنا متقبلينها .....؟؟؟

فهد: يعني انتو ماتقبلتوها ...

حامد وفارس: نعم .....

فهد: بل حتى انتو مو متقبلينها ..بقولكم شي هم انا مومرتاح لها ...

فارس: عيل لاتجمع ..وتقول متقبلينها ......

وبعدها راح فهد حيرته ..اما حامد وفارس اتصلوا حق منصور عسب اييب لاب توبه واي بيتهم ويكملون الموقع اللي يصممونه .....


لو الارض تحس بلوعتي يوم فرقاك يمكن .تجف بحورها من زعلها****

في بيت بوسلطان ع الساعة 2 الظهر ....في حيرت الريم يالسة تزهب غراضها عسب تروح جامعة العين...

الريم وهي ترتب اغراضها تفكر بخالد ليش مايرد على مسجاتها وتليفوناتها ....

الريم: ياربي ليش مايرد علي ..كم من مسج اطرش له مايرد علي..وكل مااتصل خارج نطاق الخدمة ...صار اسبوع ومارمسته...والله اني حسيت بغلاتك بقلبي ياخالد ..لي درجة صرت ماافكر بهزاع وكل تفكيري فيك ....

الريم تشل تيلفونها وتتصل حق خالد ...

الريم : الحمد لله انه مومشغول ولا خارج النطاق ...يالله ياخالد رد تولهت على صوتك....

من صوب خالد كان بالسيارة ياخذله لفه بالعين يشوف الرقم بس مايرد عليها ..مو مستعد انه ينلعب عليه ...

الريم: اف ليش مايرد امممممممم..راح اطرش له مسج وان شاء الله اول مايقراه يتصل لي...

وطرشت الريم الرسالة...

وخالد من سمع رنة الرسالة فتح الرسالة وقرااها...

دونك الدنيا عساها
(ماتكون)
مالها في خاطري
(اي اهتمام)
يشهد الله مسكنك وسط
(العيون)
وإنك اول من صحى
(فيها ونام)
لو تبى عمري مع أيامه
(تمون)
فدوتك عمري ولافيها
(كلام
)من بعد ماقرا خالد استغرب من المسج لان اول مسج حب وشوق اطرشه الريم ...

معقولة حست بغلاتي ماظن ...

وطرشت الريم مسج ثاني ..

وفتح خالد الرسالة وقراها ..

أغليك من قلبي ولا أقدر أنساك...
ذكرك يحرك كل الاحساس فيني .....
إنت دخلت القلب والقلب أغلاك ....
مقدر أكابر ولا أخفي حنيني.....
عسى السعادة وين مارحت تلقاك.....
وعسى الغلا والحب يدوم وياك.....
خالد حبيبي وينك افتقدتك يالغالي اسبوع ماسمغت صوتك الله يخليك رد علي ...

وزاد استغراب خالد لكن قال بالاول راح يتاكد من احساسه ان كانت الريم بدت تحبه ...
فاتصل خالد حق الريم .........

الريم من شافت رقم خالد فرحت وردت عليه....

الريم : خالد وينك ...؟؟ليش ماترد علي...اسبوع ولا اسمع صوتك....

خالد: .........................

الريم: خالد ليش ماترد علي....الله يخليك رد....؟؟؟

خالد: الريم ....

الريم: عيونها .....

خالد: الريم ابا اسئلج سؤال واباج ...واباج تجاوبيني بصراحة ...؟؟؟

الريم: خير ياخالد ...شو هو ...خالد دخيلك لاتخرعني....؟؟؟

خالد: الريم انتي يوم تعرفتي علي ...حد كان بقلبج ..يعني انتي تحبين واحد ثاني غيري...الريم جاوبيني بصراحة .....انا من يومي كنت وياج صريح .....

الريم :خالد ...انا

خالد: هي ولا لا ...يعني هل كان حد بقلبج يوم كنتي ترمسيني ...؟؟؟

الريم: هي ..بس ياخالد انا ...

خالد: مافي داعي تكملين يالريم ماكنت اعرف اني كنت لعبة بيدج ..وتستغليني ...وانا اللي عطيتج كل شي حب صادق ...لكن انتي ماكنتي تحبيني .كنت لعبة بيدج بس وكل تفكيرج كان ناحية الشخص اللي تحبينه...

الريم والدموع بعينها:خالد انا..

خالد: اسمعيني يالريم ..انا مو لعبة تلعبينها ومتى ماتبينها اتين لي ،،،،لا يالريم انا انسان لي قلب واحساس ومشاعر...الله يسامحج على اللي سويتي فيني تعلقت فيج وحبيتج من كل قلبي ....يعني كل الكلام اللي كنتي تقولينه لي كان ولا شي حتى ماكان من قلبج..خلاص يالريم انا بظهر من حياتج ..وراح اخلي الشخص اللي تفكرين فيه هو لج ....هذا اذا كان يفكر فيج...بس اسمعيني يالريم ...لاترتكبين الغلط وترمسين حد ثاني ...انا مستحيل أأذييج لانج غالية عليه ...انتي ماتعرفين ..يمكن تلاقين حد ثاني بعد تلعبين عليه ...ويمكن اللي راح تلعبين عليه راح يأذيج فابتعدي .....والله يستر عليج دنيا واخرة .....وكان يرمسها ودموعه بعينه.

الريم: خالد انا .....

خالد وقلبه متقطع: الريم قبل ما اسكر اباج تسمعين شي ...

وشغل المسجل وحط اغنية ناصر المنصوري الله يسامح....

الله يسامح يوم في حقي أخطيت
والا أنا ما أسامح الدهر كله
ما أسامحك يوم أنت عني تخليت
عذبتني يا زين من دون زله

خلني بزيدك من الشعر بيت
حلفت ما أنسى لين دمعك تهله
تقول سامحني وأنا أقول يا ليت
مع السلامه روح ما ارضى المذله

غلطة زماني يوم طعتك و حبيت
صارت حياتي دون شوفك ممله
اخلصت لك عهدي و شوقي و داريت
صدقت قلبي فيك الله يشله

انسيتني و الا انت يعني تناسيت
معقول يرجع كل شي بمحله!!
خذ ذكرياتك بس من الحب مليت
الحفظ لك واللي تغليه غله

وبعدها سكر الخط عنها ....اما الريم مو مصدقة ان هذي هي النهاية ماكانت تتوقع ان خالد يعرف....الريم حست بخالد من بعد مافقدته ...سبحان الله محد يعرف الشخص الا من بعد مانفقده ...وهذا كان شعور الريم انها فقدت شخص غالي عليها وماكانت تعرف انها تحب خالد وانها ماتروم تعيش من دونه..اسبوع من دون ماتسمع صوته او تقرا مسجاته اللي تفرح قلبها ....ويلست الريم تصيح ....على اللي صار وتتمنى ان الدنيا ترجع لورى عسب تحس بخالد وتحبه اكثر ....لكن الي فات مات ...

كيف أحبك وقلبي بالغرام امتلا وش تبي منه اكثر وانت كل شي فيه****

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 18-01-2009, 11:18 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


في السويحان ف بيت بوكايد الله يرحمه....

في الصالة ...كايد يالس ويا حرمته فطيم ويلاعبون حماني ....ومعاهم ام كايد

مانع يالس يلعب بلايستيشن ....

مانع: يما صحيح ان مرت خالي موزة موجودة بالسويحان ...؟؟

ام كايد : هي يما ..هي يالسة بيت عمتها ....

فطيم: عمتي يعني بتسكن عند عمتها وخالي خليفة ..؟؟

ام كايد: مادري والله يابنيتي ...اللي عرفته ان حور خبرتني ان مرت خالها بتم كم شهر في بيت عمتها ...

كايد: يحليلها مرت خالي ....والله انها ماتستاهل اللي يصيبها ...احس صعبة انها تتقبل ان وحدة فوق راسها ....

فطيم: اكيد صعبة .. ضرة فوق راسها ... وتشاركها ريلها ...المرة تحب ان ريلها يكون ملك لها مو لغيرها ...الله يكون بعونها..

كايد حب شوي ينرفزها : فطيم ..شو رايج انتي ....؟؟

فطيم: راي بشو :::؟؟

كايد: لو يعني فكرت اني اعرس واييب لج ضرة ....بتوافقين تروحين تخطبين لي..؟؟

فطيم عصبت : شو والله لاذبحها ...لو حطت ريولها بهالبيت ....وبعدين انا ماقصرت وياك دوم اسوي اللي تباه ...
كايد: هههههههههه فديت حرمتي والله اصلا لو عطوني ملايين الدنيا وقالو لي خذ وحدة فوق راسها ..مستحيل ..اترك ادنيا واترك اموالها واكون وياج حتى لو بكوخ صغير....

فطيم استحت: عيل ليش قلت تبا تعرس....

ام كايد: ههههههههههه يبا يشوف ردة فعلج شو راح تسوين.....

مانع: هههههههه عيل يامرت اخوي انتي عرفتي شو سوى يوم كان يبا يخطبج .....حشر علينا الدنيا وخاصة يوم كتب كتابكم ....

ام كايد: هههههههه لاتلوم اخوك ..حبها ..حتى االليل ماخلانا ننام ...عرست ..عرست...اللي يقول انه الوحيد اللي عرس....

كايد: ههههههههههههه بس كانت ايام حلوة ....

مانع: ايام حلوة لك ..بس احنا تعبنا وياك...ماخليتنا بحالنا ...انا مادري شلون تتحملينه ....؟؟ههههههههههههههه

الكل: ههههههههههههههههه

حماني : بابا وين امو هور...(باب وين عمو حور)

كايد: عمو حور عند قصايد....

حماني: بابا ابا اثير ئند امو هور.....(بابا ابا اسير عند عمو حور)

مانع: بوديك العصر عندهم ..حماني تبا تلعب ....

حماني : اي امي ابا الئب كلاس....(اي عمي ابا العب كراش)

مانع: واحلى كلاس راح العبك....ههههههههه

يمطر لغيري من حنانك سحابك ويموت قلبي ظامي بين اياديك*****

في بيت بوسهيل ع الساعة 3 الظهر ... ف الصالة الكل يالس ...

ام سهيل: بما انكم الحين كلكم مجتمعين ...خبرينا ياسهيلة شو قرارج الحين ....

ابو سهيل: هي يابنيتي شو قرارج موافقة على ولد عمتج غانم ..ماراح تلاقين احسن من غانم ....

سهيلة: يما يبا ...اممممممم انا مو موافقة ...

الكل مصدوم من قرار سهيلة...

دانة: ليش مو موافقة على غانم ...انتي سمعتي عنه شي ..عسب ترفضينه...؟؟

سهيل: سهيلة ...خبرينا ليش رافضة ...ماراح تلاقين احسن من غانم يعزج ويكرمج ...والقريب اولى من الغريب ....

ابو سهيل: صبروا عليها ياولاد ..خلوها ترمس بحالها ..

ام سهيل: الحين انتي ليش رافضة خبريني ..شو تبيني اقول حق عمتج ..اقول لها سهيلة رافضة ماتبا ولدج ...تبين تفشليني جدام عمتج ....

ابو سهيل: صبري يام سهيل خلينا نعرف شو السبب ..واحنا مانروم نجبرها ..بالاول والنهاية هذي عشرة عمر ...

سهيلة: يبا انا رافضة انا ماابي اتزوج ...وغانم كل بنت تتمناه ....وربي اني ماشفت ولا سمعت شي غلط عنه ..بس انا ماابي اتزوج...

ام سهيل: ماتبين تتزوجين شو قصدج ....شو تتحرين انتي.... البنت مردها تعرس وتروح بيت ريلها ....

سهيلة: يما الله يخليج انا ماابي اعرس وبس .....

ام سهيل : سهيلة انتي ترمسين حد ...ياويلج لو عرفت لذبحج....

ابو سهيل: لاتظلمين البنت يام سهيل ..انا واثق ببناتي مستحيل يسون جذي ...بناتي ومربنهن احسن تربية ...

ام سهيل: بس يابو سهيل ..شو بقول حق اختك ..وين اودي ويهي عنها .....

ابو سهيل: ماعليج اناراح اخبرها باقول مالكم نصيب والبنت ماتفكر تزوج ..ومانروم نجبرها ....

دانة تروح عند سهيلة : انتي من صدقج ترمسين ....والله ان غانم مايتعوض ...حرام عليج...

سهيلة: يوووووووه دانو سكتي عني انا قلت لج ما ابي عرس يعني غصب.....

وراحت سهيلة لغرفتها ......

ام سهيل: الله يهديها ..والله مالي ويه اقابل ام غانم....

دانة: يما صلي ع النبي ...انتي تدرين ان سهيلة متعلقة ف البيت وماتبا تودره ....

ام سهيل: لو متعلقة فيه مرد البنت تروح بيت ريلها ...لو باجر متنا منو راح يهتم فيها....

سهيل: بعد عمر طويل يما ....يمكن هي ماتبا تتزوج حاليا ....

ابو سهيل: خلاص بس يام سهيل ....ماراح نجبر البنت ....والله يرزق غانم بزوجة صالحة ..

سهيل: عن اذنكم ....

دانه: آ وين رايح ...رايح ترمس الحبايب ..ها

سهيل: مالج خص ....

وراح سهيل عسب يرمس مياسة ....

اما دانة مباشرة راحت حيرتها تتصل حق مياسة وتخبرها اخر الاخبار ...

دورت لك في داخلي شي يكرهك لقيت حتى الكره فيني يحبك****

عند سهيل ....

سهيل: مرحب بناعم الصوت ..مرحبا بالحب كله...مرحب بالقلب وحياتي كله...اشحالج الغالية ...

شما: ههههه مرحب باجي يالغالي بخير يسرك الحال.....اشحالك انته...؟؟

سهيل: بخير سرج الحال بس ولهااااااااااااااااااااااااااااااااااااان وايد وايد ومشتاااق لج حيل ..اخ متى اتي عطلة الربيع بسرعة وتكونين عندي......

شما : ههههههه لي هالدرجة عيل تعال عندنا زورنا....

سهيل :ولا يهمج دقايق واكون عندكم...

شما : هههههههه هي وين وقف ...وين بتي من الحين ...الحين الظهر ..مو حلوة اتي والناس نيام تلاقيهم ...

سهيل: عيل متا تبين اي ....

شما : امممممممم تعال العصر ....

سهيل: خلاص بي ..بس عاد يوم اي ...ماشوفج متخبية في حيرتج وتقصين علي ..اباج تكونين وياي ...اوكي ...مو شرات كل مرة يوم اي بيتكم وباج ..يقولون لي بحيرتها تستحي...

شما: خلاص بي ...

سهيل: وبعد اخبار قلبي ..ان شاء الله مرتاح الغالي....

شما مستحية : ههه الحمد لله تمام....

خلونا من العصفورين ونروح عند دانه.....وهي ترمس مياسة...

مياسة: دبوووووووو بتين اليوم ولا لا....؟؟

دانة: وين...؟؟؟

مياسة: دانو بلاج عند قصايد لاتنسين ان اليوم غبوش وعوووش ونورة ومهرة بيون.....

دانه: بيه تصدقين والله اني نسيت زين انج ذكرتيني ...؟؟؟

مياسة: مالومج يوم تنسين ..بما ان حمد اعترف لج انه يحبج وانه ناوي يخطبج......يالله زين والله اول وحدة بتنخطب ...بقينا الحين انا وقصايد وحور وشويخ....

دانة: هههههه ويا ويهج قصايد ...راح تلحقني بما ان اخوج طايح بهواها .ههههههه يحليلج يا قصايد ...ماكنتي تدرين ان الولد اللي عطيتيه كف هواللي راح يكون من نصيبج ....

مياسة. هههههههههه يحليها يليقون ف بعض....بس تصدقين ماهقيتها منه ....

دانة: من منو؟؟؟

ميااسة: من منو بعد... من حبيب قلبج حمد ....ماكنت متوقعه انه راح يعترف لج ..الظاهر ودر عن حركات الغزل والصياعة ...علشانج يادانو ...

دانه: فديته والله ....

مياسة : طاعو هذي بدت تتفداه وللحين مااستوى شي...

دانو: يووووووووووه سكتي ..نسيت اخبرج ....؟؟؟

مياسة: شووو؟؟

دانه: سهيلة رفضت غانم...

مياسة: من صدقج ..وليش رفضته...وحد يرفض غانم ....

دانه: مادري عنها بس تقول انها ماتبا تظهر من هالبيت ...ماتبا تودر امي وابوي....

مياسة: هذي ينت اختج ...البنت مردها بيت ريلها ....وفي حد مايتمنى انه يكون له بيت واعيال وريل ...

دانه: مادري ..الله يهديها ...والله كاسر خاطري غانم ..ريال والنعم فيه ...حرام ينرفض ....

مياسة: عيل شو رايج تاخذينه انتي ...بدل حمد....

دانه: شو لا مااغير انا ...

مياسة: طاع تحملي على عمرج وين حمد عسب يسمع ...

دانة : انطمي...ويا ويهج المهم انا بروح الحين عسب اتزهب مرة وحدة ...يالله باي وسلمي ....

مياسة: يوصل باي ....


نذر علي والنذر مافيه تبديل يا جارحك مايتهنى في منامه***

العصر في بيت بوفهد ...بالميلس...قصايد وحور وشويخ ودانه ومياسة مجتمعين >>>الله يستر

مياسة: وينهم عووش وغبووش ومهرة ونورة ..ماقالو راح ايوم ...؟؟

قصايد: من شوي رمستهم قالو الحين بيظهرون من البيت وبيون..قالو قبل بيروحون يشترون هدية حق مرت عمي...؟؟؟

شويخ: فاضيين والله ماعندهم سالفة ياخذون هدية حق العقربة....

حور: انزين الحين شو راح تسوون مع الحية....؟؟

شويخ: لو سمحتي عقربة هب حية ...؟؟؟

دانة: حية ولا عقربة ...اهم شي شو راح تسووون ..؟؟

قصايد: والله مادري بس عمي يوم الاثنين بيروح دبي ...يوم واحد ,,,وسمية بتظل هني مابتروح عسب تبى تشرى اغراض ناقصها ...

شويخ: اممممممممممممم والله ماعندي فكرة حاليا...؟؟؟

حور: افا انتي ام الافكار الجهنمية ماعندج ....

مياسة يالسة تمشي يمين ويسار بالميلس تفكر.....

دانه: مياسو دوختينا بسج عاد ....وتشوف دانه اشرطة فيديو .....

دانة: الله عندكم اشرطة هندية ..لوو عندكم حطو نبا نشوف ...

قصايد: مادري والله روحي شوفي اذا في.....

تروح دانه وتشوف الاشرطة ..وشافت شريط لفلم رعب,,,...

دانه: ابيه عندكم فلم رعب ياقوة قلبكم كيف تحبون تشوفونه ....

شويخ: هذا عمي يحب يشوف فلم رعب ...ويت فكرة لي شويخ.....

شويخ: لقيتها ...لقيتها .....

مياسة وقصايد ودانه: شو خبرينا شو ...؟؟

شويخ: حور سمية ماتخبرج بشي يوم اتي بيتكم انها تكره افلام الرعب ولا شي ..لان حسب علمي ان عندكم افلام رعب اخوج مانع يحب يشوف افلام رعب.....

حور: اظن ..لحظة هي تذكرت مره يت بيتنا واخوي مانع كان شاري قناع يخرع..وخلاه بالصالة يوم يت بيتنا شافت القناع وصرخت مرة وحدة ....

شويخ: حلو ..وهذا هو ....

قصايد مو فاهمة شي...: شويخ فهمينا ...

شويخ : سلامتج ..تعرفي عمي يحب افلام رعب ...راح اخليه اليوم نسهر ع فلم رعب وبالمرة راح نخلي سمية تقعد ويانا وتشوفه ...

حور: ماظن انها راح توافق ...

شويخ: ماعليج خليها علي.....وطبعا هي اكيد بالبداية راح تعقعد ويانا تشوف وبعدين بتروح حيرتها .....

مياسة: اها وبعدين ....

شويخ: انا طبعا ماراح اتابع الفلم باسوي عمري اني بالحيرة نايمة ..ويوم سمية تروح حيرتها راح اخرعها بقناع ..يخوف ...

قصايد: بس ماعندنا قناع...

شويخ: افا يبالنا واحد ....

مياسة تذكرت قناع اخوها هزاع: انا راح اييب لكم قناع ..هزاع عنده قناع يخرع ..الحين باروح اييبه ...

وراحت مياسة البيت اتييب القناع ..

قصايد: هههههههههههه والله وانتي وافكارج ياشويخ ..الصراحة مستانسة انج تنامين عندنا ...

حور: احم احم ..لاتنسين اني اليوم بنام عندكم بعد ...ولانسيتي ....

قصايد: افا كل ولاحور الحوريات اكيد وراح تحلى السهرة ...

دانه: تراني اغار انا بعد ابا انام وياكم ....حرام ....

البنات: هههههههههههههه لا خلج بالبيت احسن ....

قصايد: ماتبون اييب لكم شي تشربونه ...ولا مافي داعي انا باشوف شو فيه وباييبه لكم ..تلاقون الحين البنات راح ايون...بالمرة اروح ازهب الفواله....

وتروح قصايد المطبخ اتزهب الفواله للبنات ....اما شويخ راحت تحط لهم فلم يتابعونه .....

قصايد وهي بالمطبخ يالسة تزهب العصير والكيك والبسكويت....ويدخل هزاع المطبخ ويشوف قصايد وهي تسوي عصير وقصايد عاطه ظهرها له ....

هزاع : احم ...

قصايد اتروعت : بسم الله الرحمن الرحيم...

هزاع: بسم الله عليج يالعيون الذباحية ...اشحالج الغالية ..تولهت عليج وايد....

قصايد ويها غادي احمر: بخير سرك الحال ولد عمي....

هزاع: شو ولد عمي قولي اسمي ..احلى تطلع منج ....

قصايد وهي منزلة راسها .....

هزاع يراقبها وغارق فيها ....

قصايد: هزاع بس عاد ..لا اطالعني جذي...

هزاع: خليني يالغالية ...حرام عليج والله اني مو مصدق اتي الفرصة واني اكون وياج بروحنا ....ويروح هزاع ويسكر باب المطبخ .....

قصايد خافت : هي شو تسوي ليش تسكر الباب..اخاف حد يدخل ويشوفني وياك ...

هزاع: خليهم يدخلون عادي ولد عمج ماسوي شي غلط ....قصودة...

قصايد: اها ....

هزاع: شو اها ...المفروض تقولين عيونها ...

قصايد: يوه هزاع ترا انت ماخذ راحتك وياي ..

هزاع: عادي تراج بعدين راح تصيرين حلالي....

قصايد صار ويها اشارة مرور : يوه هزاع بس عاد

هزاع: قصايد سمعيني ..انا اليوم لازم اعرف رايج ...انا اباج لي ياقصايد ..الصراحة انااموت فيج وماروم اصبر ..ابا ارمس ابوي عسب يخطبج لي...شو قلتي ....

قصايد مستانسة من داخل ان هزاع يحبها : بس انا ماابي الحين ..ابا اكمل دراستي ..وبعدين يصير خير...

هزاع: مافيها شي كمليها وانتي معرسة..وانا ماراح امنعج ....

قصايد: لا بالاول ابا اخلص وبعدين يصير خير...

هزاع: حرام عليج قصود والله اني ميت فيج ..وباج اليوم قبل باجر ..اخاف حد اي وياخذج مني ....؟؟

قصايد: لا تخاف ...بالنهاية راح يكون القرار بيدي ....

هزاع : انزين مافيها شي لو خطبتج بليز,,,

قصايد: لا اول ابا اخلص الدراسة ..وانا بعدني بالبداية صبر سنتين وبعدين تعال...

هزاع: سنتين تبيني اموت ...لا لا مسنحيل...

قصايد : بعيد الشر ...عنك وبعد عمر طويل بس صبر...

هزاع: تخافين علي ...قصود تحبيني ...؟؟؟

قصايد سكاته...

هزاع: العيون الذباحية رفعي عينج وخبريني تحبيني ..تراني ماراح اظهر الا يوم اسمعها ...

ققصايد منزلة راسها وويها احمر ...

هزاع : يعني ماراح تقولين ....ويروح هزاع عندها ويقترب منها ....

قصايد خافت : هي روح بعيد....

هزاع: لا ماباروح الا من بعد ماتقولين تحبيني ولا لا...؟؟

ويتقرب هزاع من قصايد وصار قريب منها ....

هزاع: بتقولين ولا ......

قصايد: ولا شو ...شو راح تسوي....؟؟

هزاع بمكر: الصراحة عادي اقترب اكثر ..وابوسج على خدج..ترا عادي لاتلومين القلب...القلب متلعوز الصراحة ويباج اليوم قبل باجر....

قصايد: دخيك هزاع لاتسوي شي ....؟؟؟

هزاع: اول قوليها ...

قصايد من الخوف : والله احبك واموت فيك ...بس دخيلك ابتعد عني قبل ما احد اي ويشوفني وياك ....

هزاع يضحك: هههههههههه فديت قلبج والله كنت امزح وياج ..اصلا مستحيل اسوي شي يسيء لج..ترا بالنهاية انتي راح تكونين لي ...احبج ...

وقبل مايظهر عطاها بوسة ع الطاير .....ووقصايد ويه ااحمر

قصايد : مينون ,,,,,

رد هزاع وسمعها : اكيد مينون فيج يالغالية ....ههههههه...وراح

قصايد: هههههه ....خرعني ويا ويهه ..اف قلبي بيطيح ....خلني اهدي قبل ماروح لهم واخاف يشكون فيني هههههه

وراحت قصايد عند مارلين وخبرتها انها اتيب الفواله بعد عشر دقايق ...وراحت الميلس عند البنات ....

شويخ: بل جان تأخرتي شوي ..مياسو راحت وردت مع انها ظهرت برع البيت وانتي الا هي مسافة طريج ....شو كنتي تسوين ...

قصايد: بل عليج ....كنت اشوف شو احط لكم ولا ماتبون فواله ....

حور: لا اكيد نبا حد قالج مانبا كيك ولا حلاوة .....اهم شي الكيك ....

ويرن تيلفون قصايد:::::

قصايد: اكيد هذي غبوووش...الو

غبوش: هلا والله اشحالج الغالية ...

قصايد: بخير علني فداج ....وينكم .....؟

غبوس: عند الباب ..فلو سمحتي نبا وحدة تظهر لنا ..تدرين اول مرة اني بيتكم ...

قصايد: خلاص ولا يهمج الجين بخلي حور اتي عندكم ....يالله باي ..

غبوش: باي؟؟؟؟

حور: حلفي والله انتي بس...على كيفج اخترتي من دون تاخذين اذني...

قصايد: فديت قلبج حور...روحي تراهم عند الباب...

حور: اف منج ..

وتروح حور بروع وتوقف عند الباب...

ومبارك اول ماشاف حور ..استانس.....

غبوش تهمس له: شوي شوي ع البنت عن لايستوي فيها شي....

مبارك: غبوش ..دخيلج اسئليها لو هي مخطوبة ولا شي ...عسب لو هي مو مخطوبة بخبر امي تخطبها لي...

غبوس: بل صبر عليها ..مرة وحدة....

وتنزل عووش ونورة ومهرة وغبوش ويسلمن على حور...

حور: ياهلا ومرحب والله حياكن البيت بيتكم ...

غبوش: الله يحييج ويبقيج ..اشحالج الغالية ...

حور: بخير سرج الحال ..اقربوا الغالييين البيت بيتكم...

عووش : تسلمين حور ..

مهرة: اشحالج حور..

حور: بخير علني فداج مهرة اشحالج ..انتي والله اني اشتقت لكم ...حياكم لاتستحون ..

وقبل مايدخلون ..كان مانع برع ...ويشوف البنات وحط عينه على غبووش ...وعيبته مع انه شافها بالعزبة بس ماركز عليها ...

حور شافت سيارة مانع .....وراحت له...

حرو: هلا مانع حياك اقرب..

مانع: هلا والله ..لا انا باروح بس يبت لج حماني يباج ...

حور: فديت حماني ....تعال حبيبي,,,

حماني: امو انتي وينس ...ليس ما ييتي البيت ...(عمو انتي وينج ليش ماييتي البيت )

حور: انا هني حبيبي تعال وياي ...

ونزل حماني من السيارة وراح عند عمته حور...

مانع: حور منو هذيك البنت اللي كانت واقفة عدالج ....

حور: اي وحدة ترا كانو اربع ....

مانع: اللي كانت شالة باقة ورد ....

حور :اها هذي غبووش بنت عم مياسة بنت خالي بوهزاع..ليش تسأل ..؟؟

مانع: لا بس جذي...؟؟؟

حور: جذي...ولا حاط عينك عليها وعيبتك ,,,يالله قول لو تباها راح اخطبها لك ...

مانع: اقول روحي لهم احسن صرتي امي وانا مادري عسب تخطبيلي هههههههه

حو: فديت اخوي والله ...يالله نا باروح باي ...

مانع: ويت بتين اليوم البيت ولا لا...؟؟

حور: لا بتم بيت خالي بنام ...بعدين انت تعال خذ حماني ...

مانع: اوكي .....

عند البنات كل ضحك وسوالف...

غبوش: عيل وينها مرت عمج عسب نسلم عليها ونبارك لها ...

حور: مادري عنها ...وانتو الحين ليش متعبين اعماركم ويايبين لها هدية ...

عوووس: عسب لانها عرووس ...ولازم من الآداب انيب لها هدية؟....

قصايد: مادري وينها اذا بتي حياها هي تدري انكم راح اتون ..

غبوش: انا مادري احس انكم ما تقبلتوها ....حتى اللي استغربت منه ان فستانها كان بسيط ...وعادي وشكله قديم ....

عووش: مياسة الفستان اللي لابسته مو كأن حق اختج بعرس اخوج...؟؟؟

مياسة: هي هو ....

نورة: عيل هي مااشترت لها فستان....؟؟

دانه: هههههههههههه اشترت بس اتلعوز كل حبر .....ومالبسته....

مهرة: ياحرام ....ماتهنت...

قصايد: الله لايهنيها ....

عوووش وغبوش مستغربات :

عووش: حرام عليج ليش تقولين جذي....

مياسة: اقولكن لا تستغربن ....سمية وحدة مو زينة لسانها متسلط ومغرورة ...وهي اصلا كانت حاطة عينها على عمي قبل ما ياخذ موزة....

عووش: معقوولة ....؟؟؟

شويخ: هي ..عيل بالذمة شفتي وحدة عروس توافق انها تتزوج من دون حفلة او فستان ابيض...

غبوش: انا هذا اللي استغربته ...كيف انها وافقت تاخذ عمج من دون فستان ابيض او حتى يكون العرس بقاعة ومغنية....

قصايد: ماعليج ...هذي وحدة ملعونه ...وهي ع الله ماصدقت ان عمي يا وخطبها ....

نورة: انزين ليش وافق عمج ياخذها بما انها مو زينه ...

حور: الله يهداها كل من امي العودة تبا تشوف عيال عمي خليفة...

شويخ: حسافة مسميني على اسمها ....هههههههههههه

البنات: ههههههههههههه

مياسة: عيل مادريتن شو سوينا فيها بالعرس ..ولا بعد شو ناويين نسوي لها ...

عووش وغبوش ...شو خبرونا يمكن نساعدكم .....

قصايد: سمعوا عيل بس محد يعرف خلوه سكرت ...

البنات : سرج في بير.....

وبدن قصايد وحور وشويخ يخبرن البنات شو سون وشو ناوييين يسون بعد ...عسب تطفر من البيت وتتركه ...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 18-01-2009, 11:20 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


ليه اترك ايامك تبخر مع الريح وانسى وجودك بالحياه ابسهوله.....

في جامعة العين ....في غرفة الريم وايمان ....

ايمان لاحظت ان الريم فيها شي وزعلانه....

ايمان: الريم بلاج ...شو صاير فيج ...

الريم بدت تصيح ....

ايمان: بسم الله عليج شو بلاج الريم ...ليش تصيحين....

الريم: خالد يا ايمان خالد..؟؟

ايمان: خالد شو فيه خالد...شي صاير له....؟؟

الريم: لا بس خالد عرف اني احب هزاع ...وعرف اني كنت العب فيه .....

ايمان: كان هالشي لازم تتوقعينه ...بس كيف عرف ...؟؟؟

الريم وهي تصيح: قال لي انتي تحبين حد ..او حد بقلبج وانتي ترمسيني...

ايمان: هي شو قلتي....

الريم : قلت له هي ...بس هو ماخلاني اكمل ....

ايمان: وبعدين شو صار.....

الريم: قال ان هو مو لعبة العب فيها ...واني انا جرحته ويلست العب بمشاعره....بس والله ياايمان اني حسيت بقيمته ..اسبوع ماكان يتصل او يطرش مسج ...حسيت بغلاته لي درجة اني ما صرت افكر بهزاع...كنت ابا اخبره اني نسيته وانه هو اللي افكر فيه حاليا ..بس هو ماعطاني فرصة اشرح له....

ايمان: بس يا الريم لاتقطعين قلبي...انتي الحين صدق تحبينه ....ولا بس جي يوم حسيتي انه خلاص راح عنج وماتعرفين منو راح يسوي بروجكتات لج....او يساعدج....

الريم: ايمان شو هاللي تقولينه ...صحيح ان خالد كان يساعدني ...بس صدقيني حسيت بحبه لي ...وانا ماحسيت بهالشي الا من بعد ماخسرته...آه يا ايمان احس إني بموت ..ما اتخيل ان خالد خلاص راح مني ...انا غلطانة ما حسيت بقيمته ....

ايمان: خلاص حبيبتي ..مسحي دموعج.. صدقيني لو كنتي تحبين من صدق راح اييلج بنفسه...

الريم: اشلون ...وهو خلاص اللي من بينا انتهى .....

ايمان: صح انتهى بس انا متأكدة ان خالد يحبج ومازال يحبج ...ولا يمكن ينساج ...اسمعيني لو كنتي تحبينه صدق برهني له انج انتي تينه ...

الريم: كيف....

ايمان: طرشيله مسجات انج انتي بديتي تهتمين فيه وانج نسيتي هزاع .وانج انتي ماحسيتي بغلاته ...الا من بعد ماقطع عنج....وان شاء الله بعدها تصطلح الامور واي يخطبج ....

الريم وهي تمسح دموعها: تتوقعين راح يسامحني على اللي سويته له.....

ايمان: انا متأكدة انه راح يسامحج ..لو تبيني ارمسه راح اخبره انج انتي بديتي تحبينه وماتبين تفتقدينه....

الريم: الله يسمع منج يا ايمان ...صدقيني ماحسيت بغلاته الا من بعد ماخسرته وان شاء الله يسامحني....

ايمان : ان شاء الله ......

وراحت الريم يكرمكم الله الحمام تغسل ويها ...اما ايمان حست ان الريم كانت صادقة بكلامها ....لانها من اسبوع تشوف الريم ما تذكر هزاع ودايما تذكر خالد وتمنت من الله ان الله يوفقها وياه .....

ملكت قـلبي و أنـت فـيـــــــــــــــــــــه كـيـف حـويـت الـذي حـواكــــــــــــــــــــــــا.,,,,

في بيت بو سلطان ....

بالصالة

عبدالله يهمس حق علي: علوي شو رايك نطفر شوي في ماريا...

علي:و انت ماتيوز ماتبت ..خلها بحالها انا الصراحة تبت وما ابي العوزها وبعدين يدي بيزعل منا..اقول شو رايك نلعوزها ...من زمان مالعوزناها..

عبدالله : ههههههههه عيل منو قال انا تبت ...

حمد : هي بلاكم تهمسون ..شو في من وراكم ...

علي: لا عمي ماشي ...بس قلنا نبا نلعب شوي بلاي ستيشن ...

ويرن تيلفون حمد:::

حمد: هلا والله بو حمد ...وينك من زمان ماشفناك ...

هزاع: ههههههههه هلا بك زود الغالي ..والله انا الحين عند باب بيتكم ...

حمد: عيل تعال اقرب ...حياك محد بالبيت ....

هزاع: اكيد بقرب من دون ماتقول ....

حمد: يالله تعال ..كأني عطيتك ويه زيادة ...

ويسكر الخط عنه ..الا دق بالباب...

حمد: عبود روح افتح الباب ...

عبدالله : علوي روح افتح الباب ماسمعت عمك يقول افتح الباب,,,,

علوي: اظن قال انته روح هب انا ...

حمد: يعني مارح تقومون.....

عبدالله: عمي انا مشغول ماتشوفني شو اسوي ....وكان يرسم....

حمد: ماشاء الله عليك بتطلع فنان واحسن بعد من مايكل انجلو ....

وراح حمد يفتح الباب....

عبدالله: علوي منو مايكل انجلو هذا,,,,

علوي : الحين ماتعرف منو هذا ...هذا واحد من سلاحف الننجا ....

عبدالله: اها عيل زين بصير احسن منه ....

حمد: اقرب اقرب يا بوحمد حياك.....

هزاع: الله يحييك يالغالي....

عبدالله : هلا والله بوعبدالله .....

علي : هي قصدك بو علي ..ماعليك منه سم ولدك علي على اسمي عسب يطلع حلو شراتي ....

هزاع: ههههههههه لا يكفيني حمد ..اروح ابتلش بشياطين شراتكم ..اسميهم راح يطلعولي قرون انا ولي حرمتي....

حمد: ههههههههههه ها لي هالدرجة ما تبا حرمتك تتلعوز ..اه من اللي ضوت فيك....

هزاع: فديت العيون الذباحية..ليش انت ماعرفت طلعت بنت منو ...

حمد: بنت منو...؟؟

هزاع: الله يسلمك طلعت بنت عمي بوفهد بنت جيرانا ....

حمد مصدوم: احلف والله انها بنت عمك..؟؟

هزاع : هي نعم ...واسمها قصايد...اه من هالقصايد ....

حمد: يوووووووووووه زين والله عيل ماناوي تخطبها ولا لا....؟؟؟

هزاع: قلت لها بس هي قالت تبا تكمل دراستها ,,,,,

حمد: زين والله الله يهنيك ..عيل اسميك كل طايح بيتهم ...ويوم اتصل ماترد علي .....

هزاع: توي من شوي كنت في بيتهم....

حمد: عيل مالومك ....

هزاع: ههههههههههههههه

عبدالله وعلي يالسين يسمعونهم ومايعرفون بشو يرمسون...

حمد: اقول خلنا نروح بعيد عنهم....

هزاع: امش خلنا ناخذ لنا حواطة بالفريج..

حمد: يالله سرينا...؟؟؟

عبدالله: وقفوا بني وياكم ....

حمد: لا خلكم هالطلعة حق رياييل مو لكم ....

وراحو وخلو عبدالله وعلي بالبيت ...

اذا جرحي مهو منك يعل الجرح مايبرا واذا دمعي مهو منك يعل افقد نظر عيني...****

في السويحان ...في بيت عمة موزة...

موزة يالسة بحيرتها ومسكرة على عمرها ..ويالسة تصيح ...

موزة: آه ليتني مت ويا امي وابوي واخوي ..ولا اني خليتك تعرس يا خليفة...بس غصبن علي ..ماابي احرمك من اليهال.....

ودخلت عليها عمتها ...

خلوني اعرفكم عليها ...اسمها احلام ...وساكنة بروحها عندها ولد واسمه جاسم متزوج وحرمته ماتحب تعيش ويا عمتها ....فسكنوا بحالهم ..مشكلة ان عمتها من النوع اللي ينسى دايما ....عادي تلاقون تذكر شي مهم وصار علي هالشي خمس سنين ...وهي مرة طيبة وحنونة ..عمرها ماتشتكي ..دوم تحمد ربها .....

ام جاسم : موزة ..بلاج يالغالية تصيحين ..شو فيج...؟؟

موزة: آه ياعمتي ماتحمل وانا بعيدة عن خليفة ....احس اني بموت,,

ام جاسم : بسم الله عليج لا تقولين جذي...وانتي ليش مودرة ريلج وياية عندي ..اكيد تلاقينه الحين مسكين يالس يدورج ...مايلاقيج...راح يحاتي ويخاف عليج ....

موزة: عمتي..انا خليته عسب يتعود على سمية ,,,,وهو يعرف اني انا موجودة عندج لاني خبرته اني راح اتم عندج كم شهر....

ام جاسم: اها ومنو هذي سمية ....؟؟وانتي المفروض تروحين له مو هاللي اسمها سمية ...انتي حرمته ...مو سمية.....

موزة: هههههه عمتي سمية تكون حرمته بعد ..ترا هو بعد ماخذنها لا تنسين انه هو تزوجها الاسبوع اللي طاف....

ام جاسم: متزوج ...ومن متى ...؟؟؟

موزة: هههههههه ماروم اقول شي المشكلة انج دوم تنسين ....؟؟

ام جاسم : شو اسوي يابنتي ..الحمد لله على كل حال...يالله يابنيتي نشي عسب تتغدين....

موزة: هههههههههه اتغدى عمتي تغدينا ع الساعة 2 ...والحين الساعة 6 قريب المغرب والحين بعد شوي راح يأذن .....فديتج والله ياعمتي ..محد لي غيرج من بعد امي وابوي واخوي ...الله يحفظج لي....

ام جاسم: امين ...


لعنبوا وقت يجادلني على طيبك الطيب لك عبد يقول السمع والطاعه****

في بيت بوهزاع ..قريب الاذان ....بالصالة سهيل ويا سيف...

سهيل: عيل وين حرمتي ...؟؟؟

سيف: بحيرتها ...يوم درت انك ييت ربعت تستحي...

سهيل: الحين انا كل ما اي ابا اشوفها تيلس بحيرتها .....وانا بعد موصيها اول مااي اشوفها جدامي....

سيف: هههههههه لاتلومها بعدها تستحي.....

وينزل منصور .....

منصور: السلام عليكم ..اشحالك سهيل....

سهيل: بخير سرك الحال....

منصور: هههههههههه اكيد يالس تنتظر ست الحسن والجمال.....؟؟

سهيل: هي والله والحين بيأذن وبعدها مانزلت....

منصور: الحين بتنزل ....لاني قبل ماانزل خبرتها ااتي ....

وتنزل شما من الدري....وتشوف سهيل وتضحك.....

شما: السلام عليكم ....

سهيل: وعليكم السلام ....

سيف: عيل انا اخليكم بما ان حرمتك يت ....؟؟؟

سهيل: بعد شو الحين انا بظهر لان الحين بيأذن ....ويطالع شما....

سيف: لا وين روح صل واتعشى عندنا ....

سهيل: اسمحلي هالمرة لان واحد من الربع عازمني ..ان شاء الله المرة الياية ....

سيف: ان شاء الله يالله ان ااترخص ....

منصور: خذني وياك هم انا اترخص....

سهيل: الله وياكم ...

سهيل سوى عمره معصب وزعلان ونش عسب يروح البيت .: اسمحيلي هم انا اترخص باروح اصلي وبعدها اروح عند ربيعي....

شما : سهيل زعلت....؟؟

سهيل: لا مازلعت انا ازعل منج ..مستحيل...وانا بعد موصنج اني اول مااي بيتكم اشوفج جدامي ....واول ماييت ربعتي لحيرتج...والحين نزلتي بعد شو ....

شما: والله انا اسفة ..بس والله اني استحي ...

سهيل: تستحين مني انا ..وانا ريلج ...ماشاء الله عليج بالتيلفون كل شي يطلع منج ....اما يوم اكون عندج ..اشوفج بحيرتج يالسة ....

شما: والله انا اسفة ....

سهيل يراقبها وهي تترجى عسب يسامحها ....: فديتج مشكلتي ماروم ازعل منج احبج يالغالية ....

شما استحت وصار ويها احمر...

سهيل: ويلي على اللي يستحي ..حرام عليج يوم اي بيتكم ماشوفج...الحين راح يأذن ....

ويروح يقرب منها : شمو راح اذبحج يوم تكونين عندي اوريج ...انا تسوين فيني جذي وتذليني ....ويمسكها من يدها ...ويبوسها ..

ومن صوب شما شوي راح يغمى عليها ..وتقرب منها سهيل وهمس بذانها احبج موووووووووت وباسها ع خدها وراح ......

وشما واقفة مكانها ماتروم تتحرك ..ماتعرف ان اللي صار واقع ام حلم .....ومريامي وهنودة ومحمد كانوا يراقبون باللي استوى ....

هنودة : تن تن ترا ....تن تن ترا ....تسويها على شكل لحن للزفة ..........

شما نشت من الحلم: هنودة من متى انتي هني .....؟؟

هنودة: الله يسلمج من اول ما سوى عمره عصب وقال يبا يروح ...لين ماقرب من اذنج وهمس لج وباسج وراح

مريامي : ويوووووووووووووو ثثهيل اتا ثما بووووووووووث ه ( سهيل عطى شما بوسه)

محمد: امو هلوة ...(عمو حلوة)

شما: يوووووه سكتو ..بعدين انت ياحمود عيب ...وانتي يامريامي ..ويلج لو خبرتي حد ماراح اعطيج حلاوة....

هنودة: تروح عند شما وتهمس لها : خبريني شو حسيتي ..يو عطاج البوسة....

شما ويها احمر: يوووووووه هنودة بس عاد والله استحي....

هنودة: يالله عاد عادي تراني انا شراتج جذي كان اخوج وياي ولا اكثر بعد ...بعدين راح تحسين اكثر ههههههههه

شما: ابيه سكتي لاتخرعيني ....وتروح شما لحيرتها ....

هنودة: ويلي ع الحب ....واي من وراها سيف ..وويلي على هنودة الحلوة ....احبج

هنودة: هي عيب اخاف حد يشوفنا ....

سيف: عادي حرمتي وحلالي....

هنودة: بس يا سيف الصغار هني ....

سيف: عيل تعالي وياي الحجرة بما ان اهني ماناخذ راحتنا .....

وراحو العصفورين لحيرتهم ..خلوهم بحالهم ....

ودخل بوهزاع ووياه ام هزاع ....

ام هزاع: مريامي محمد ..شو يالسن تسووون هني ....؟؟

مريامي: مهد يبانا ...أنودة ثالت ويا ثيف ..وثما لاهت فود ..ومنثور راه بلع( محد يبانا ,,,هنودة سارت ويا سيف...وشما راحت فوق...ومنصور راح برع)

ابوهزاع: وخلوكم بروحكم ...

محمد: اي مايبونا ...

ام هزاع: اذا مايبونكم احنا نباكم....

ابوهزاع: عيل تزهبوا باروح اصلي وبعدها باوديكم العاب...

مريامي: هيه هيه بنلوح اللآب ...( هيه هيه بنروح العاب)

وبعدها راح بوهزاع للصلاة .........


باللين والترحال تكسب غرامي ماينفعك كثر التغلي والزعل****

بعد صلاة المغرب ...في بيت بوفهد بالصالة...
الكل يالس ماعدى البنات لانهن بالميلس .....

الام العودة: وينهن البنات ماشوفهن موجودات...؟؟

ام فهد: عمتي قصايد اليوم عازمة بنات عندها ....

الام العودة: منو هذيلا..؟؟؟

ام فهد: بنات عم مياسة ...؟؟؟

الام العودة : اها ...وتوجه رمستها حق سمية....يما سمية روحي ييبيلي دوا الضغط وبالمرة ييبي جهاز الضغط عسب تقايسين ضغطي...؟؟

سمية ف قلبها " ولينا الحين يعني اجابلج انتي بعد انتي العيوز ...اللي يقول ماخذني خليفة عسب اهتم فيج....اف متى نفتك منج ..شكلنا راح نتبهدل ويا ادويتج ..وهذي موزة الا تروح وتخليني انا اهتم فيج وبأديوتج ....: ان شاء الله عمتي ...

تروح سمية فوق اتييب ادوية وجهاز الضغط للام العودة....

خليفة : المهم تامروني بشي ...انا بظهر...

ابو فهد : وين رايح ياخوي....؟؟

خليفة: ابد ..ضايق بخلقي وابا اروح اتنفس...احس اني مخنوق هني ....

الام العودة : عيل اصبر خذ حرمتك وياك انتو بعدكم عرسان....

خليفة: انا اقول اني مضايق وابا اروح برع اتنفس ومابي حد ..وانتي تبيني اخذ سمية وياي ..مابيها خليها عندج تقيس ضغطج....

وراح خليفة وهو متضايق .,,,,,هو بروحه يبا يفتك من شوفة سمية ...

الام العودة: وانا شو قلت له ..عسب يتنرفز جي .....

فهد: اعذريه امي العودة ...متضايق لان موزة مو موجودة وياه ...اول مرة من زواجهم ..موزة تكون بعيدة عن عمي ....

الام العودة: يعني احنا ماراح نخلص .وبعدين هذي سمية شو فيها ..ماعليكم منه راح يتعود ...بس تلاقيه دلع فيه...

حامد: اي دلع امي العودة ..لاتلومينه ...مشتاق حق موزة....الصراحة هم احنا مشتاقين لها ..البيت من دونها مو حلو ..

فارس: وانت صادق....

الام العودة: سكتوا انتو ..عن لا تسمعكم مرت عمكم وبعدين تزعل ...وتقول انكم مامتقبلينها ...

حامد يهمس لفهد وفارس: اصلا بالاساس احنا بعدنا ماتقبلناها .....ههههههههه

وتنزل سمية واتيب وياها دوا الضغط وجهاز الضغط اتقيس فيها ضغط عمتها ...وطبعا هي سمعت اللي دار من بينهم ...ومن داخلها تقول ....يعلج الموت يا موزو ....كريهة....

الام العودة : شوفي ضغطي يابنتي كيف صاير....؟؟؟وبعدين روحي الميلس عند البنات اكيد يبون يباركولج ...؟؟

سمية: ان شاء الله عمتي .....

بالميلس ....عند البنات....

مياسة: هههههههههههه والله ياشويخ افكارج جهنمية ...

شويخ: اكيد حبيبتي ..ان ماخليتها ..تين ويطلع منها قرون ماكون شويخ....

حور: هههههههههه مسكينة ماراح تتهنى بصورها ......ماعليه راح اتعوضها ....

غبوش: اسميكن انتن ...شريرات ....بس الصراحة تستاهل ..لو هي كانت حرمت اخوي ...كنت راح ايننها من اول يوم ...ههههههه

مهرة: بس والله حرام ...ع الاقل ماخليتو لها شي تتهنى فيه...

دانه: مهرة شو تتهنى وحدة كل هالصفات فيها شو تبينا نسوي لها نفرح فيها ...مستحيل لو كانت طييبة وحبوبة كنا راح نتقبلها ...لكن كل هالاشياء فيها مستحيل....

عوووش: بس الصراحة عمتج سلوى ..كيف انها وافقت تكون وياكم ....

قصايد: قبل ماتكون عمتنا هم هي شرات عمتج...وثانيا هي بالاول رفضت ...لكن بعدين تقبلت هالشي لانها بالاصل بعد ماتحب سمية ولا تقبلتها .....صح عمتي ..وهي تسوي لهالاشارة...

سلوى ترمسها بالاشارة : صح ..بس الله يستر من اللي راح اي مع اني مو مرتاحة ويا سمية ...ماراح اي من وراها غير البلاوي ..الله يستر ....

شويخ: تخسي الا هي ..والله لاحرقها ....ماباقي الا هي اتيب البلاوي لنا .....

عووش: غبوش اتصلي حق مبارك وخليه اي ...نبا نروح تأخرنا ...

قصايد: وين خليكم ...تعشوا عندنا ....

غبوش: لافديتج تسلمين...يوم ثاني لاتنسين باجر ورانا جامعات ....

مهرة : اتصل حق عمي مبارك عمتي,,,,,..

غبوش: هي اتصلي ...

وتتصل مهرة حق عمها ....

ودق ع الباب ....

قصايد: منو ....؟؟؟

سمية : هذي انا ..السلام عليكم ....؟؟؟مع ابتسامة مصطنعة.....

الكل : وعليكم السلام....

غبوش: مبروك ياعروس....

سمية ف قلبها "اي عروس وماتهنت بعرسها : الله يبارك بحياتج ....

عووش: مبروك سمية ....وامي تبارك لج....

سمية: الله يبارك بحياتج حبيبتي ...ويبارك بحيات امج....

حور: مرت عمي متى راح تخلص صورج نبا نشوفهن الصراحة .....

سمية : مادري والله بعدني مااتصلت لهم ....؟؟

قصايد: ليش ماتتصلين لهم الحين وتخبرينهم ...متى راح يجهز ..والله نبا نشوف الصور ....خذي موبايلي واتصلي لهم ....

وتعطي قصايد سمية تيلفونها عسب تتصل للمصورة وتعرف متى راح يخلص البوم الصور ....

والبنات يالسين يطالعون بعض وكاتمات ضحكتهن ...

سمية: الو ..لو سمحتي ممكن تعطيني مدام نور...؟؟

الرسبشن: لحظة من فضلك ....

نور: الو السلام عليكم ...مين معايا ..؟؟

سمية: هلا مدام نور انا سمية ال..... اللي حجزت منكم المصورة عسب تصورني بيوم عرسي ...

نور: هي عرفتك ياهلا ومرحب بمدام سمية ..ومبروك ...

سمية: الله يبارك بحياتج...بس حبيت اعرف متى راح تخلصون من الصور ...؟؟

نور ف قليها ...الحين انا كيف بدي أئول لها ان المصورة نست تحط الفلم ..::..........

سمية: الو مدام نور وينج...؟؟

نور: اي معك مدام سمية ..بس الصراحة ما اعرف شو بدي اخبرك....بس...

سمية : خير شو صاير....

نور: الصراحة يا مدام سمية ...ان الفلم احترق ...ولا صورة طلعت سليمة....

سمية بعصبية: شو ..شو تقولين انتي .....؟؟والله لاشتكي عليكم ..شو ها دفعت لكم 5000 درهم حق التصوير واخر شي الصور محترقة ....يعلج الحراق انتي ومحلج ...يا ....وسكرت عنها وهي معصبة ع الاخر ....

قصايد والفرحة بقلبها : خير مرت عمي شو مستوي....وتسوي عمرها مهتمة ...

سمية معصبة: الحقيرة الواطية الصور احترقن ...ولا صورة طلعت اوكي ....

حور: افا ..الحين انتي لو خليتينا نصورج من كاميرتنا ...كان راح يكون عندج شي ذكرى حلوى مابينج وبين خالي....

شويخ: هي والله بس انتي الله يهداج قلتي ماتبين ...قلتي مصورتي يبتها لي خصيصا ..وهذي مصورتج حرقت الصور....

مياسة : ماعلي لاتعصبين انتي ..مازين لج انج تعصبين .....

وتروح سمية ...وهي معصبة ع الاخر ....

ومن بعد ماظهرت ...

الكل : هههههههههههههه

حور: تستاهل ...بعدج ماشفتي شي ياسميو ....

شويخ: الا راح تندم بيوم وافقت وخذت عمي ....

وبعدها كل وحدة راحن بيتها ...واللي بقن حور وشويخ وقصايد ...وبعدها يا مانع وخذ حماني .."طبعا بالاول رفض حماني انه يروح من دون عمته حور...........


قبل لاتجي طاري وانا كنت في طاريك تصدق قبل حتى اذكرك كنت في بالي***
بالطريج في سيارة مبارك ومعاهم ميحد ...بالاول وصلو ا عووش ونورة وبعدها راحو للبيت ...بالطريج..

مبارك: غبوووش بشري شو قالتلج...؟؟

ميحد : تبشرك بشو ...وعن شو ...؟؟؟

مهرة: هههههههههههه عمي ترى عمي مبارك خلاص حدد البنت اللي يحبها ...

ميحد: لا والله منو اللي ملكت قلبك...؟؟

غبوووش: حوووووووووووووووووووووووووووووور الحوريات ...ههههههههههه

مبارك: يووووووووووه الحين ماراح تقولين شو قالت لج ...

غبوش: عن شو ..تقولي...

مبارك : ليش انتي ماقلتيلها ..اذا هي مخطوبة ولا لا ..ولا رمستيها عني ...؟؟

ميحد: يوووووووووه صوبنا ..الظاهر ناوي تعرس ...خلاص مليت من العزوبية ...؟؟

غبوووش: ههههههههه الظاهر جي... والله اني نسيت اخبرها ...تدري يلسة البنات ..تنسي الواحد شو يقول...

مبارك: يوه غبوش الحين كيف راح اعرف لو كانت هي مخطوبة ولا لا....

غبوش: لا تخاف راح اسالها بيوم ثاني بل ماراح اطير عنك ...

ميحد: لاتلومينه يا غبوش ..الريال عاشق ويحب ..ويبا يدخل القفص الذهبي.....هههههههههههه

مهرة وغبوش : هههههههههه

مبارك : ماتضحكون راح اي يومك ياميحد يوم تحب ....

ميحد: لابعدني ريض لين احب ....خلني اول اتهنى بعز شبابي ...

ووصلو البيت ....وبالاستقبال كانت ظبية معصبة ....

غبوش: يالله بالستر الظاهر دخان يظهر من راس ظبية ههههههههههه

ميحد : الله يعينج ..انا باروح انام عن الصدعة ..تصبحون على خير...وقولو لهم ميحد مايبا يتعشى تعشى بالمطعم ...

الكل : وانت من اهل الخير....

مبارك : وانا بروح بعد ..وماظن ان راح اييلي رقاد ...

مهرة : الله يعينك ياعمي ...ماتبا عشى

مبارك: لا ماابي ..بس قولوا لهم يخلولي ..يمكن بعدين انش واكل ...

مهرة : ان شاء الله عمي ...

غبوش: خير ليش معصبة وكأنج ناوية على حرب علينا ,,,

ظبية: وين رحتي ...؟؟؟

غبوش: مالج خص وين اروح ..ماظن انج امي عسب تتحكمين فيني فاهمة ....؟؟؟

ظبية: وين كنتي ...رحتي عند قصايدو ....

غبوش: احترمي اسمها قصايد..هي رحت عند قصايد ..عندج مانع ...

ظبية: وليش ماخبرتيني ..كنت باي وياج ...؟؟

غبوش:هههههه لا فديتج يلستج بالبيت احسن من انج اتين ويانا ...عسب لا اتخربين قعدتنا ويا البنات ...

ظبية: لا والله تاخذين وياج مهروا ..وانا تخليني مع اني اختج واولى منها ...

مهرة حزت بخاطرها ..

غبوش: كيفي اخذ اللي اباه ...على مااظن اللي ترمسين عنها هي بنت اخوج عل .. وبعدين ع الاقل مهرة احسن منج ....قلبها ابيض .مو شراتج قلبج فيه بغض..مهرة حبيبتي خلينا نروح احسن قبل مااتي شيمو ..وتكتمل علينا ..عافانا الله منكن ...الواحد يسم بدنه من يرمسكن ....

وتروح غبوش ومهرة فوق ...وتنزل شيما ...

شيما : بلاج عمتي شو فيج معصبة ...؟؟

ظبية: منو ماغيرها غبوشو...ويا ويها خذت مهروا وياها ...ولا خذتني معاها ...؟؟

شيما: ليش هم وين راحو ؟؟؟

ظبية: راحو عند قصايدوا ...

شيما: اها انتي تدرين ان عمتي غبوش تحب مهرة وايد....

ظبية: يووووووووه اقول روحي عني انتي بعد ...انا بروحي متضايقة ...

وتروح ظبية فوق ...اما شيما تروح المطبخ وتشوف يدتها وامها ....

شيما : يما انا يوعانه ابا اكل ...؟؟؟

الهنوف: صبري راح يجهز العشى ..وبعدها نحط ....

شيما : يوووه يما وانا لين متى راح اصبر اف ....

ام ذياب: شيما صبري يما ....الحين ابوج راح اي ويا يدج ...بل مافيج صبر....

واي عبدالله : ماما انا يوعان ابا اكل .....

الهنوف: من عيوني ..الحين بحط لك عسب تاكل....

شيما: هي يوم عبدالله ..من عيوني ومن قلبي....ويوم اقولج انا يوعانه ...ولايهمج ولا كأني بنتج....

الهنوف: عبدالله صغير ...وهو الحين بيتعشى وبينام لان وراه باجر روضة ....انتي احيدج تسهرين لين نص الليل ...

شيما: اف ..والله مو حاله في هالبيت ..اف متى اظهر منه وافتك ....

واي من وراها ذياب....ويعصب عليها

ذياب: شيما شو هالرمسة هذي ..الظاهر يبالج انربيج مرة ثانية ..ارمسي باحترام ويا امج ....

شيما: يبا انا ماقلت شي ..بس قلت انا يوعانة وابا اكل ...وامي قالت صبري لين ايون ويوم يا عبدالله وقال يوعان ..امي قالت من عيوني بعطيك ...ليش يعني التفرقة ....

وتروح وهي معصبة.....

ام ذياب: شيما تعالي الحين راح نحط العشى ....

شيما وهي تصرخ: مابي اكل سدت نفسيتي ....

ذياب: هذي هالبنت راح اتينني ..على منو طالعةجي ....والله ان مهرة احسن منها ماشفتها مرة ترفع صوتها علينا ...

الهنوف: والله مادري على منو طالعة ...وهي تشوف ريلها ...

ذياب: شو قصدج يعني طالعة علي...

الهنوف : انا ماقلت انت اللي قلت...؟؟؟هههههههه

ام ذياب: هههههه ليش انت ماتحيد يوم كنت صغير كنت وايد شري ..اللي تباه لازم يكون بيدك ولا تقلب الدنيا فوق تحت راسنا هههههه

ويروح عند امه ...ويبوس راسها ..

ذياب:يما هذا اول والحين غير ....اول كنا صغار والحين كبرنا,,,

ابوذياب: وهم بنتك بعد صغيرة الحين ..بس ان شاء الله تتعدل ...المهم العشى جاهز..؟؟؟

الهنوف: هي عمي الحين بحطه ....

ذياب: عيل باروح ابدل ملابسي وبي....

ام ذياب: باروح ازقر العيال ....عسب يتعشون ...؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 18-01-2009, 11:22 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


الساعة 10 المسا ..في بيت بوو غانم الله يرحمه ام غانم بحيرتها ترمس ام سهيل ...

اما بالصالة عووش ونورة و غانم...

عووش: الصراحة..وايد عيبني ...التصميم الميلس في بيت قصايد...؟؟

نورة: هي تصميم مغربي...خبرتني حور انه ام قصايد طلبته خصيصا من المغرب ....ترا ام قصايد مغربية....

غانم: وان شاء الله استانستوا....

عووش: الصراحة يبالنا نعيد القعدة وياهم ووناسة وضحك ....والله اني حبيت شويخ ...هههههه

نورة: ههههههههه شويخ عجيبة ويا افكارها ...تقولين مستحيل انها ب 20 سنه ...تقولين انها صغيرة ....بعمر 15 سنة.... شو رايج لو نعزمهم الاسبوع الياي عندنا ....

عووش: فكرة والله ؟؟...

وتنزل ام غانم ...وتوجه انظارها لولدها غانم....

غانم ..حس ن في شي ...واتمنى ان اللي يفكر فيه مو صحيح؟؟؟

غانم: يما ردت عليح مرت خالي....؟؟؟

ام غانم: هي ولدي وتوي من شوي مسكرة عنها ....

عوووش: اكيد وافقت سهيلة ...على اخوي...

نورة: وليش ماتوافق اكيد ..ماراح تلاقي احسن من اخوي...

ام غانم: يما اسمعني ..الظاهر الله ماكتب لك نصيب ويا سهيلة ...

غانم مصدوم .: ليش....؟؟؟

عووش : معقولة ...ليش مو موافقة...؟؟؟

نورة مصدومة وتشوف اخوها ....

ام غانم: امها تقول انها ماتفكر بالزواج ...البنت متعلقة ف بيت امها وابوها ....

عووش: ماتفكر بالزواج ....اكيد ينت سهيلة ...مرد البنت في بيت ريلها ....

غانم ساكت ومن داخله قلبه متقطع البنت اللي حباها رفضته .....وظهر من البيت ...

ام غانم: يما غانم وين بتروح ....غانم...

عوووش: خليه يما تلاقينه الحين مصدوم ....الله يعوضه باحسن منها ....فديت اخوي والله ....

نورة: بس ليش ...ودانه كانت موجودة في بيت خالي بوفهد ...ليش ماخبرتنا ....

ام غانم: خلاص يابنات ...بعد هذا اللي الله كاتبنه ...والله يعوضه ببنت الحلال....

اما من ناحية غانم كان يالس ع العراقيب ويا ربيعه بطي...ودموعه تنزل من عيونه......

بطي: غانم .انت تصيح ..عسب انها رفضتك..انساها يا غانم ربك ماكتب لك نصيب وياها ....

غانم: آه حبيتها يابطي..وانت تعرف هالشي ..ماتوقعتها انهاترفض...

بطي: قل عسى ان تكرهو شيئا وهو خير لكم ....شو دراك يمكن خير لك ..لو خذتها يمكن ماراح تتوافقون ....واللي الله كاتبنه بيصير ...وان شاء الله ربك يرزقك باحسن منها ....

غانم يمسح دموعه: آه يابطي ...والله احس ان قلبي محترق....

بطي: لامحترق ولا شي ...شدة وراح تزول ...وراح تنساها ..ماهقيتها منك ياغانم انك ضعيف ...وتضعف بسبة بنت رفضتك....

غانم: الحب يا بطي الحب ...

بطي: ان شاء الله راح تشوف لك وحدة من اول نظرة تحبها وتدخل قلبك....

غانم: ماظن تي وحدة بدل بنت خالي ......خلاص اانا ماابي ...

بطي: شو خلاص ...ان شاء الله اتي وحدة وتنسيك بنت خالك ..وعن قريب ان شاء الله ...بدعيلك لاتخاف ههههههههههههه

غانم: ههههههههههههههه

بطي: هي جي اباك تضحك ...تترك الاحزان وراك ..خلك كووووووووووول ...

غانم: والله ماكنت أعرف شو راح اسوي من دونك يابطي....

بطي: انا باقولك شو تسوي ...اركب سيارتك واجلب ويهك انت وسيارتك وروح البيت اكيد تلاقي خالتي الحين تحاتيك....

غانم يسوي عمره زعلان: يعني ماتحبني ماتباني ..خلاص عافني الخاطر ....وانا اللي اموت فيك واحبك وتركت الدنيا علشانك .....

بطي: لا دخيلك ...هم انا اموت فيك واحبك..ماتشوفني لا ليلي ليل ولانهاري نهار..كل تفكيري فيك .غانم توافق تاخذني ..صدقني ماروم اعيش من دونك احبك يا اخي احبك ...ويروح ويبوووووووسه ....

غانم : قم عني غربل بليسك ... شو ها ماتستحي انته تبوسني جدام العالم ....استح ...شو بيقولون عني ...

بطي: ايقولون اللي يقولونه ..واحد يموت فيك يعني شو بيقولون ...هههههههههههههه

غانم: هههههههههههههههههههههه

وبعدها كل واحد راح للبيت ...............


كل القصايد فالحروف هذي قصيد كل المشاعر في حضوري هذي عشق****

في بيت بوفهد ع الساعة 11 ...الكل نايم ماعدى فهد ..وفارس... وحامد...خليفة... وشويخ... وحور.... وقصايد وسمية ......
في حيرت قصايد

شويخ: الحين شوفن روحن الصالة راح تلاقينهم يالسين هناك ..وروحن خبرن عمي يحط لكم فلم رعب واكيد هو بيقعد وياكم يشوف ...وبالمرة حاولو سمية تكون وياكم ....

حور: واذا سألونا عنج ..اخاف يشكون...

شويخ: اعرف ان راح يسالون وخاصة فهد ..لان يعرف اني احب افلام رعب...قصايد ..خبريهم اني نايمة وباجر وراي امتحان ولازم انام عسب انش الصباح ...

قصايد: اوكي ..وانتي شو راح تسوين ....

شويخ:: انا راح اراقبكم شو راح تسوون ..وراح انتظر يوم سمية تصعد لغرفتها ...ويوم تصعد ...باروح حيرتها وبتخبى مكان عسب لاتشوفني ..عسب اطلع لها بالقناع...

حور: هههههههههههههه اخاف يشكون

شويخ: ..ماعليج حاسبة هالحساب .....اما هالقناع الحين بلبسه هاتي عبايتي عسب يكون كل شي اسود ولا يظهر مني شي....

وتلبس شويخ القناع العباية ...

حور: يما وايد يخرع ...والله اخاف اتيودها جلطة وانكون السبب ...

قصاايد: لا ماظن ...

ودق ع الباب وينفتح ......وكان فارس وحامد..

خافن البنات ..انهن ينكشفن وعلى طول شويخ شلت القتاع من ويها ....

فارس يطالع بالبنات : مو كأن هذا قناع ...شو ناويين تسوون...؟؟؟

قصايد تعطيه ابتسامه ...

شويخ: ابد ماراح نسوي شي....

حامد: متأكدين....

فارس : اها فهمت ...المهم انا ماشفت شي ولا عرفت شي ...ولا كأني ييت وفهمت شو راح تسوون...حتى حامد ماشاف شي ...صح حامد...

حامد: لا اسمحلي انا شفت مو عمي ...اول قولو شو راح تسووون ...

فارس: غبي ..هذيلا البنات اذا اجتمعن شو يفكرن ...يعني ماعرفت هالقناع راح يخرعون منو....؟؟

حامد: اها ..صدق والله انا ماشفت شي ولا عرفت شو راح تسون ....

فارس:: اقول قصود ابا حلاوة ....ولا انا شفت وعرفت,,,,

قصايد: خذ لك .....

حامد: ههههههههههههه واحلى تهديد يبالي اتعلم منك عسب اهدد شويخ ههههههه

شويخ: هههه ماتنكت....

وخذ فارس حلويات وراح ويا حامد الصالة ....

بالصالة: خليفة: عيل وين البنات....

فارس يطالع حامد: عمي يالسات يذاكرن....

فهد: يذاكرن غريبة ....مامن عوايدهن...

حامد: يمكن باجر عندهن امتحان...

وتنزل حور وقصايد:::

قصايد: اشحالكم يالربع.....

خليفة: هلا والله بنور البيت ..بخير ..شو وينكن ..

حور: ابد خالي كنا نيلس شوي نذاكر.....

تروح قصايد عند عمها : عمي شو رايك نشوف فلم ...

حليفة: امممم تفكرين اللي افكر فيه ... بالفلم اللي بنشوفه...

حور: مو بس قصايد تفكر فيه حتى انا ....

فهد: اذا انتو تفكرون بالفلم هم اناافكر فيه ...حور شو رايج تسوين لنا بوب كورن ناكل واحنا نشوف الفلم ...تعالو بس اللي اعرفه شويخ تحب هالافلام وينها...

قصايد: فديتها شويخ باجر تقول عندها امتحان صعب ورقدت عسب تنش بسرعة ....

فارس يشوف حامد ويضحكون....

خليفة : اها الله يوفقها ...

قصايد: مرت عمي شو رايج تشوفين الفلم ويانا وايد حلو ....

فارس: مايتعوض هالفلم.....

سمية: اذا حلو باشوفه...

حور: الا روووووووووووعة اخر فلم منزلينه بالسينما ...وايد يخبل....

حامد: وين مانع عسب يشوف الفلم ...ويبدأ التشويق....

قصايد اطالع حور ويتبادلن الابتسامات ...

وراح خليفة يحط ال سي دي بالدي في دي ....وسكروا الليت عسب يحلى الجو وكأنهم بالسينما ....

وبدأ الفلم ...ومن بدايته كان يخرع .....

وفوق شويخ كانت تراقبه وكان خاطرها تشوف ..بس قالت راح تشوفه يوم ثاني ...وكانت تراقب سمية ....

حور: يالله شوفوو كيف يخرع ..واي يخبل...

قصايد: لا هذا مو حلو ..الاحلى هذاك يوم يا من وراها .وكان شكله يخرع من الخاطر واللي زاد حلاته ان المقطوعة حطوها تخرع .....

خليفة: اوبس شو فوا شو سوى بها ....

سمية من صوب كل مااتي لقطة تخرع تسكر عيونها ....ومارامت تتحمل....ونشت عسب تروح حيرتها...

حور: وين مرت خالي ...ليش ماراح تكمليين الفلم...

سمية: لا مابي انا اخاف من افلام الرعب....

قصايد: تخافين ..والله لو حماني لو يا كان بيقعد ويانا ويستانس ...

سمية: لا لا مااحب انا اخاف ,,,اخاف احلم فيه باروح حيرتي....

خليفة: روحي احسن اخاف بعد يستوي لج شي .....

وراحت سمية حيرتها ...وكانت شويخ وهي لابسة القناع والعباية ومتخبية ورا الباب...تنتظرها ..........


انا بدونك ليتني يوم ماكنت بس انت قلي كيف حالك بدوني***

في العين عند خالد .....

كان منسدح ع الشبرية ويفكر بالريم...

خالد: آه يالريم ,,والله ان نسيانج صعب ..وخاصة من بعد ماشفتج .....

وبنفس الوقت خرب تفكيره صوت رنة المسج....

وكانت الريم مطرشه له المسج

فتح المسحج وقراه.....

"عندما افتقدكم ...
لن أبحث بعيدا عنكم ....
بل سأنظر الى ...
أعماق قلبي حيث تكونون دائما ....
فليس الحب أن تبقى بجانب من تحبهم!!ولكن ان يبقى في " القلب"من تحبهم....

خالد انا اسفة ..سامحني...

وطرش لها رساله ...

من ناحية الريم فتحت الرسالة وقرته


"" الا الوفا ماله بقلبك بقايا عند الذي مثلك اظن الوفا عيب""الله يسامحج دنيا واخرة على اللي سويتي فيني ...

وبدت الريم تصيح وطرشت له مسج ثاني....


فتح خالد المسج وقراه...
يارسايـــل خبريه:
"مستحيل انسى غلاه"
واضحكيله ودلليله..
"وسولفي دايم معاه"
حيل اعزه علميه..
"طار قلبي في سماه"
كل شووقي سلميه..
"واسهري صبحه
ومساه"
هو (عيوني) دلعيه..
"اللي قلبي مانساه"

استغرب خالد وحس ان المسج طالع من قلبها وانها ندمت وحست بغلاته...بس قال بالاول يبا يتأكد ويخليها تعرف غلاته اكثر...

طرش لها مسج ...

من ناحية الريم فتحت المسج وقرته..

عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

وزاد صياحها وحست انها راح تفتقده بس قالت ماراح تستلم ..وراح ترد كل شي مثل اول ....وطرشت له مسج اخر...

وصل المسج حق خالد وفتح المسج وقراه....

يمكن أنا أكون أعز الناس في عيونك
بس انت والله كل الناس في عيوني
يكفيني انك لامن قلت وشلونك
تطيب كــل الجروح ويـختلف لوني
إن غبت عني شعرت بلذة طعــــونك
وإن شفت زولك
شعرت بقيمة
"عيوني"فرح خالد من قرا المسج ..بس قال راح يكمل اللعبة وبعدين راح يقرر انه يرمسها ويسامحها ....

وطرش لها مسجين بس اقوى شوي ....

ووصل المسج حق الريم وقرته....

((يابنت...ياللي كل همك غرامي
الظاهر انك ..جاهله بالعناوين
كم قلت لك هالحب ماهو مرامي
روحي اكيد انك بدالي تلاقين ..!!))

والمسج الثاني

لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجــــيبك

. ..الريم: استاهل هالشي ..بس ماراح اتركك ..ماراح اتعب الا يوم تسامحني...

وطرشت له مسج اخر...

وصل السمج لخالد وقراه...

وصلت حــــــــــــــدي
بالغلا..
كيف بغليك!؟
كل الكلام(مقصر)
مايطولك..
من كثر ما
أحبك..أعاندك..
وأرضيــــــك..
((وأغــــــــار من اللي
يعزك ومن كل حولك))
وأخذ غلا من عزني
حيـــــــل وأعطيك!
حتى أكون بحجم حبك
وقولك

انت لي وماراح اخلي حد ياخذك مني وماراح اتعب ادري اللي سويته جرحك بس اتمنى انك تعطيني فرصة..لاتحكم علي من دون ماتعطيني فرصة ....

استانس خالد من المسج : راح اخليج تعرفين قيمتي ياالريم ..بس صبري شوي ...

وطرش لها اخر مسج ...

وصل للريم وقرته...

أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!

نرد لبيت بوفهد عند سمية ...دخلت حيرتها وسكرت الباب من دون ماتنتبه حق الشخص اللي كان ورا الباب....

سمية: ويه كيف يحبون يشوفون افلام رعب..واي يخرع.لا وقصايد تقول..حماني يموت على افلام الرعب..الحين يالسة تقارني بهالولد الصغر..مالت عليج وعليه ....

وشويخ يالسة تتمشى بشوي شوي.وف قلبها : مالت عليها اوريج الحين ياسميو ..............

سمية تحس بحركات بالحيرة وماتعرف خافت وتبا تلف لورى تشوف ...

الا صرخة بويها : واااااااااااااااااااااااااااااااااااااااااااااااء .....>>>شويخ صوتها يوم تخرعها ...هههههه

سمية: واااااااااااااي يما يما شبح خليفة الحق علي ....وتروح تظهر من الحجرة للصالة...

وشويخ ميته ضحك ...تستاهلين بعدج ماشفتي شي ياسميو ..وتروح تظهر من الحجرة وتروح حيرت قصايد بسرعة عسب محد يكشفها وتبدل ملابسها وتسوي عمرها نايمة.....

بالصالة اول مانزلت سمية من الدري وهي تصيح وتصرخ ....

الكل قام من مكانه خايفين انه صاير شي....

سمية: خليفة الحق علي بموت..

حور تهمس: الله يسمع منج ...

قصايد تسوي عمرها خايفه عليها : بلاج مرت عمي شو صاير ..ليش تصرخين حد مستوي فيه شي ...

خليفة: شو مستوي ليش تصرخين ..امي فيها شي..؟؟؟؟

فارس يهمس حق حامد: الظاهر سوتها شويخ وخرعتها ...ههههههه

حامد: اكيد ولا مالقيتها يالسة تصرخ وتصيح ..خوافه هههههههه

فهد شافهم يهمسون :..شو فيكم تهمسون ....؟؟؟

فارس: لا ابد سلامتك....

سمية: خليفة الحق علي شبح بحيرتي.....

خليفة مستغرب:شبح ...انتي ينيتي ..وشبح من وين بي ...؟؟

سمية : والله وشكله يخرع ..وكان يبا ياخذني...

قصايد تهمس: ليته خذاج وريحنا منج....

حور: ههههههه سكتي عن لاتسمعج وتشك....

سمية: والله ماامزح وياكم كان بحيرتي ...دخيلك خليفة تعال شوفه ...

فهد: مرت عمي انتي متاكدة ...ماظن في اشباح في بيتنا ...؟؟

سمية: والله انا احلف لكم ..تعالو شوفوا ..

والكل راح حيرت خليفة.....

خليفة: ها وين الظاهر الفلم أثر عليج ...عسب تتوهمين وتشوفين اشباح...

سمية: بس والله اني شفته وكان هو وراي واول ماشفته ..صرخ ..ماسمعتوا الصرخة ...

حور: صرخة :....ماظن...

فارس: مرت عمي الظاهر صدق اثر عليج الفلم...ماكان المفروض اتابعينه ....

سمية:...بس.... يمكن هي ..هيه هي مافي غيرها شويخ تبا تخرعني....

قصايد تسوي عمرها معصبة: مرت عمي لاتظنين بحد من دون ماتتأكدين؟....ان بعض الظن اثم....

حور: وبعدين شويخ نايمة لو تبين تشوفينها تعالي ويانا واحكمي .....

قصايد: لو تبين انوعيها عسب تتأكدين تعالي.....

حامد: الا شويخ ماظن انها تنش من رقادها ..هذي رقادها ثقيل ..والواحد يموت اهون له من انه يوعيها ..حتى القنبلة النوية ماراح توعيها ..

فارس: بل الظاهر شويخ ماتسمع عدل....ههههههههه

وراحو حيرت قصايد ..وهم عند الباب...

قصايد يالسة توعي شويخ: شويخ شويخ نشي شويخ....

حور: شوووووووووووويخ نشي ...يالله بسج رقاد...

خليفة: ها شفتي ظلمتي بنت اخوي ..وهي نايمة حتى الصريخ اللي صرخته قصايد وشويخ ماسمعته..مو هذا بس حتى صريخج ماوعاها ....

....سمية: مادري بس والله اني شفته...

خليفة: اقول سمية روحي نامي احسن لج .....عن لاتظلمين حد ثاني ,,,وعادي اتين وتقولين ان موزة هي اللي خرعتج....

قصايد: لاعمي ماظن موزة بالسويحان ..شو بييبها هني ....

حور: الله العالم...

وبعدها كل واحد يروح لحيرته ينام......

عند فارس وحامد .........

حامد: هههههههههههه اسميها ماتت من الخوف ...والله شويخ لها افكار جهنمية ...

فارس: ههههههههههه غربل الله بليسها ,,الله يعين ريلها عليها ...اسميه بينتحر بسببها ...

حامد: مااسمح لك تهين نسيبي ..خله بحاله.....

فارس: اول شوف حد اييلها ....الله يرزقها بواحد يصبر عليها ...

حامد : الله يسمع منك...ههههههه

اما عند البنات ....

حور: هههههههههههههههه واي بطني..اخ يا شويخ لو تشوفين شكلها كيف وهي نازلة ميته من الخوف..

قصايد: ههههههههههه تستاهل اللي يحط راسه براسنه مرده ..راح يندم انه حاول بس يدخل بأمورنا ويدخل حياتنا ...

شويخ: خسارة طوفت شكلها ..وفوق هالشي طوفت الفلم وماشفته...

حور: ماعليج راح نشوفه باجر.....

شويخ: يالله امشن رقدن باجر ورانا رقاد ويوم يديد...

حور: وافكار يديدة ..هههههههههههه

قصايد : انتي صادقة ..الله يعينج علينا ياسميوو.....

وبعدها راحن حور وشويخ ينامن ...اما قصايد فتحت كتاب يومياتها وكتبت باللي صار اليوم وقبل ماتختمه بدت تكتب اللي بقلبها .....مهداة حق هزاع...

في حب جيت اضحك ..لقيت الضحك يستاهل جلوسك ...جيت ابكي لقيت دمعتي ما تستاهل تنزل الا وتمسحها كفوفك .... جيت اسكت .. لقيت سكوتي يحلى بسماع صوتك جيت احكي .. لقيت الحكي يحلى وعيني تشوفك بالله عليك وش أسوي دام دنيتي ما تكمل بدونك. قلبي لك يا من ملكت كل القلوب ... وعهدي لك أني سأبقى رفيق الدروب .... فكن صبورا .. فقلبي لا يقوى الحروب .. وكن بي حنونا فحبي لك .. شمس تأبى الغروب . بعد ما ذاب السكوت , صاح فيني ألف صوت .. قالوا فقدته ؟ قلت يمين الله وحشتني موت أروع ما قد يكون في العمر ( حب ) ولكن الأروع ! أن يزهو بالوفاء .. وأروع ما في القلب ( نبضات ) ولكن الأروع أن ينبض بالدعاء , فيا رب في هذا الوقت أسعده وبما يرضيك أشغله .. وبأعلى جناتك أسكنه .. وبما فيها من نعيم متعه .. ( أمين يا رب العالمين ) فكرت بأن أهديك عمري واكتشفت بأنه ملكك .. فأردت أن أهديك قلبي فوجدته بيتك ! أما عيناي فأعذرني !!! فهي الطريق إلى أملي .. وهو ( رويتك ) لكني سأهديك ما يعجز عنه أغلب البشر ؟ !!!! ” الوفـاء ” كنت أحسبك غالي لكن للأسف تغيرت !!! وصرت فوق الغلا كله ، عذري أني احبك .. لو تموت الأعذار .. وعذرك انك تحس وتدري أني أبيك .. المهم غيرك ماله أي اعتبار .. كل قلبي خذيته .. أنت مالك شريك .. صرت من زود حبك من محبتك أغار .. شفت وش كثر احبك ” حسبي الله عليك

وبعد ماسكرت الدفتر طلعت القلادة اللي لابستها وباستها وبعدها راحت تنام ............

و الـلـه مـا طـلـعـت شـمـس و لا غـابـت إلا و ذكـرك مـتروك بأنـفـاســـــــــــي.***

الصباح في بيت بوهزاع...
بغرفة هزاع....ومن بعد ماظهر من الحمام يكرمكم الله ....

هزاع وهو يتذكر باللي صار امس مع قصايد : فديتج والله يا العيون الذباحية.....الحين كيف راح يصبرني ...ليش تأخرين الخطبة ,..خليني اخطبج وارتاح ..بس المهم تكونين محجوزة لي ....

مياسة كانت واقفة عند الباب وهزاع مو منتبه لها ...

مياسة: ويلي عليك ياخوي ..من كثر حبك حق قصود صرت تهلوس فيها ..لا لا حالتك حالة لازم تنعرض ع الطبيب...

هزاع: وانتي من متى هني ...وليش ماتستأذنين قبل ماتدخلين...

مياسة : صار لي ساعة وانا ادق الباب ...وانت بعالم ثاني ...بعالم ويا العيون الذباحية هههههه

هزاع: جلبي ويهج يالله ...

مياسة: لا ماراح اجلب ويهي ..اباك توصلني الجامعة ...؟؟

هزاع: وسلمانو وينه ....؟؟

مياسة : راح خذ منصوروا ولا صبروا ياخذوني وياهم ....

هزاع: اوكي تزهبي عيل.....

مياسة: انا زاهبة بس انتظرك لين تخلص...

هزاع: مياسة امممممممممممم ابا منج طلب ....

مياسة : بالاول قولي ...شو قصدك يوم قلت ليش تأخرين الخطبة ....انت رمستها ...ومتى...

هزاع: هي بالامس بس ياويلج لو خبرتيها ....امس شفتها بالمطبخ وقلت لها ابا اخطبج ....

مياسة : هيه وشو قالت لك....؟؟

هزاع: قالت لا ...تبا تخلص دراستها بالاول ...آه وانا شو يصبرني لين تخلص....

مياسة.:بل عليك حتى انت ماعرفت مشاعرها تجاهك ..او حتى هي تحبك ولا لا ....

هزاع: اعرف انها تحبني لانها اعترفت لي .....

مياسة وهي فرحانه: احلف والله انها اعترفت لك ..ومتى...؟؟؟

هزاع: امس ...

مياسة: كيف اعترفت لك ..مع ان قصايد مستحيل تعترف وتقولك انها تحبك مع انها تحبك ...

هزاع: وانتي شو عرفج ....؟؟؟

مياسة: امممم اعرف لانها خبرتني واعترفت بهالشي يوم ملجة اختي شما وعرس عمي خليفة....انت خبرني كيف اعترفت لك..؟؟

هزاع: امممممم بطريقتي الرومانسية سر ماقولج.....

مياسة وهي تترجى: دخيلك هزاع خبرني والله ماقول لها ....بليز....

هزاع: قلت لج سر ماقول .....يالله تاخرنا امشي مو ناقص ابوي يهزبني ليش تأخرت عن الدوام...

وطبعا راحو ...وبالطريج مياسة تترجى هزاع وتبى تعرف كيف هزاع خلا قصايد تعترف له......وهزاع نسى شو كان يبا من مياسة .....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 18-01-2009, 11:23 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


قـصـائدي قـبـلـك يا حـلـوتـــــــــــــــي كـانت كـلاماً مـثـل كل الكــــــــــــــــــلام..****

في بيت بو فهد ع طاولة الفطور....

تنزل قصايد وحور وشويخ من فوق ..........

شويخ وقصايد وحور:صباااااااااااااااااح الخير والفل والياسمين والنرجس....

فارس قاطعهم عسب لا يكملون التحية ....: صباح النور بس خلاص حفظناها والله حفظناها .....

فهد: هههههههههههه خلهم حلو انهم يصبحون علينا ....

حامد: هي راح يصبحون عليك وانت الحبيب والغالي ..اما انا محد يصبح علي مسكين....

شويخ: فديت اخوي والله ..اكيد بنصبح عليك اصلا كنا راح نغير التحية ..بس فارس قاطعنا ..يالله يوم ثاني راح تسمعونها ........

فارس : مستحيل تغيرونها ...لا وبعد عاديتو حور صارت شراتكم .....

حور: هههههههههه من ناحية التغيير لازم نغير...عسب مرت عمي اليديدة موجودة ..ولازم يكون لها تحية خاصة بعد...

قصايد: هي نعم بما ان فديت قلبها موازي حبيبة قلبنا مو موجودة ....بس يالله مردها ترد لنا من دونها البيت مايسوى شي....

سمية مقهورة من داخلها لان البنات دوم يذكرونها ويحبونها وايد ...فوق هالشي دوم اسمها موجود هي بروحها ماصدقت ع الله انها تظهر عسب يخلى لها الجو وتسيطر على خليفة ,,,وتخليه ينسى موزة...

الام العودة : بسكن عن الهذرة الزايدة وتعالن فطرن ,,,,قبل ماتروحن الدوام .....

بوفهد: يالله تامرونا بشي انا تأخرت ...

ام فهد: سلامتك يالغالي.....

بوفهد: الله يسلمج يالغالية .....ويوجه رمسته للبنات ...تامروني بشي يالحوريات ....

شويخ: سلامتك عمي ....قصايد: تسلم حبيبي الغالي.....حور تسلم ابوي عبدالله ( تسميه ابوي لانها تعتبره شرات ابوها الله يرحمه)

بوفهد: يالله مع السلامة......

فارٍس: بل شو هالدلع اللي دلعونه ,,,واحنا مالنا مكان ..مالنا دلع ..

حامد: ههههههه احنا مساكين مقطوعين من نخلة ...محد يبانا .....

فارس: وانت مالقيت غير النخلة .....

شويخ: هههههههههه الله يشفيكم ....

سمية: خليفة شو تباني اسوي لك الغدى.....

قصايد تهمس للبنات: عشتوا هي تبا تسوي غدى ....

حور: الظاهر تبا تكبر بعين الكل ....

شويخ: يعلها الصغر ولا االكبر.....

خليفة: لا ماابي اليوم ..باروح اتغدى عند موزة.....

البنات: والله بتروح عند موزة بنروح وياك.....

حامد: بل حتى بهالشي ترمسون شرات بعض ومع بعض,,

شويخ: بل عطيتنا عين قول ماشاء الله .....

فارس وفهد: هههههههههههههههههههههههههه ههههه

الام العودة : ليش بتروح تتغدى عند موزة اتغدى اليوم هني ..وباجر روح عند موزة.... عسب سمية بتسوي الغدى لك....

خليفة: يما انا باروح اتغدى عند موزة وبس ....وباجر باروح دبي لاتنسين عندي شغل ويمكن انام في دبي .....وانتن من بعد ماتن من الدوام تزهبن بنروح ع الساعة 2 ونص ...

البنات : ان شاء الله .....

وراح عنهم خليفة .......

سلوى تسوي اشارة : هم انا باروح وياكم ...الصراحة اشتقت لي موزة....

قصايد: اكيد راح ناخذج ويانا ....

سمية من داخلها محترقة ومحتقرة موزة .......

الام العودة ترمس سمية: ماعليج يابنيتي خليها بيوم ثاني اطبخي له ...خليه يعرف طعم اكلج الغاوي ....

سمية: ان شاء الله عمتي...

شوويخ: لاتزعلين مرت عمي المرة الياية ان شاء الله ...بالمرة نجرب طعم اكلج ....وتهمس للبنات....ابصم بالمية مو حلو راح تأكلنا سم....

البنات: ههههههههه

وبعدها راحن البنات للدوام وفارس وحامد راحو للكلية ...وفهد راح الدوام .....

نـسيـت الـهوى إلا هـواك فـإنــــــــــــه تغلغل في الأعماق و انساب في دمـــــي.****

في غرفة تجارة وصناعة ابوظبي .....

سامية سكرتيرة فهد يالسة ترمس اختها سمر...اكيد تذكرونها ...

سامية: يووووووووه سمر خلاص شو بدي اعمل لك ..انتي رسبتي بالمآبلة...

سمر: بليز حبيبتي سامية ..بدي اشتغل ..حتى لو سكرتيرة مبتدئة.....

سامية: سمر ..انتي ليش بدك تشتغلي عندنا ..ليش بالضبط حددتي انك تشتغلي معي وخاصة بقسم الاستاز فهد.....

سمر: بس هيك انا عجبني ...التصميم الي بقسم الاستاز فهد ..مريح ويخلي الواحد يركز بالشغل.....

سامية شاكه فيها : سمر انتي تحبي الاستاز فهد ..مابعرف بس حاسة هيك انك بتميلي اله ..لانك دوم بالبيت بتتكلمي عنه ..

سمروهي مرتبكة: شو لا لا ...شو بحبه ..بعترف لك انه وسيم ...بس انتي بتعرفي مستحيل هو يحبني....

سامية: بتمنى ...بس شوفي ويلك لو حبيتيه ..لانك ماراح توصلي له ...لان الاستاز فهد عاف شي اسمه حب وانتي بتعرفي انا خبرتك شو صار له ...

سمر: اي بعرف...بس انتي حاولي معاه بدي اشتغل والله حرام متت من الملل....

سامية: اوكي ....راح اشوف .....اللي أئدر له .....

سمر: اوكي مرسي حبيبي ويسلمو...باي

سامية: باي....وتسكر عنها وتروح عند الاستاذ فهد


سامية وهي ادق الباب.....

فهد: ادخل....

سامية : صباح الخير استاز.....

فهد : صباح النور...

سامية: استاز هاد البريد ...وهاي الاوراق اللي طلبتها ...

فهد: راجعتيها كلها ....وسويتي منها نسخة...

سامية : اي استاز راجعتها وعملت نسختين بدل نسخة وحدة ....

فهد: اوكي شكرا ....

سامية: العفو استاز...استاز ممكن طلب....

فهد: خير ....

سامية: الصراحة استاز مابعرف كيف ابدى بس ..انت بتعرف ان اختي سمر ...عملت مآبلة هوون ورسبت ...

فهد : اها ..وهي بعدها ماتوظفت بمكان ثاني..

سامية : لا استاز لسا....ماحالف لها الحظ....فممكن استاز تشوف لها وظيفة هون ...حتى لو سكرتيرة ....بليز استاز,,,

فهد: خلاص خليها اتي باجر ..واتيب لها اوراق وبعدها اشوف وين احطها تشتغل...

سامية بفرح: يسلمو استاز ..الله يطول بعمرك ....يارب....

وتروح سامية وتخبر اختها انها باجر عندها مقابلة مع الاستاذ فهد ...من ناحية سمر فرحت وايد وقالت لازم تنجح في المقالبة عسب تكون قريبة من فهد ...


اللي ستر عيبه عن الناس بهدوم وش يستره لاصار عيبه كلامه****

بالرماح وبالاخص بمدرسة مهرة وشيما ....بوقت الفسحة....

مهرة ويا ربيعاتها اللي دوم تمشي وياهم ....رشا وشرون...

شرون: مهرو بعدج تفكرين باللي اسمه فارس....

مهرة : ااممممممممممم تقريبا ...

رشا: مهروا انتي بعدج صغيرة ..يعني مادري كيف حبيتي ...لو انتي حبيتي المفروض هم احنا نحب.....

شرون: بالله عليج ...ليش يعني المفروض...

رشا : مادري بس بعدنا مادخلنا بسن المراهقة عسب نحب...ماسمعتي شو قالت ابلة العلوم ...ان البنت يوم تدخل سن المراهقة تتغير ,,,وتبدا تحب.....

شرون: هي والله تصدقين نسيت الدرس هذا ....

رشا: مالومج ..لانج يالسة تاكلين حزتها ...كل حصة حاطة ريل على ريل وتاكلين لج حب ....ولبان ..واخرتها طرده ههههههههههههه

شرون: عيبي ويا ويهج ..شو اسوي والله ايوع ....

ومن بين هم يمشون بالويه كانت شيما وربيعتها امل ....

شيما اتطالع اختها من فوق لتحت باحتقار: مالت ويا هالويه....

وبعدها راحن ......

رشا: اخ والله لو ماكانت اختج ...كنت يودت من شعرها وضربتها ضرب عسب تتأدب....انتي كيف تتحملين شوفتها بالبيت .....

شرون: والله انا مستغربة كيف تكون اختج ...فرق بينج وبينها ..شرات مابين السما والارض.....

مهرة: الله يهديها ...ماعلي تراني متحملتنها ....بس شكلي ماراح اسكت عنها وايد ....اليوم راح ارمسها عسب اتعدل رمستها ...ولا راح اخبر ابوي ...

رشا: رمسيها ..ماتشوفين كيف ترمسج ....بطريقة كريهة...وشايفة نفسها ....اسمحيلي بس اختج وحدة عافانا الله ...لو اختي هي كنت بنتحر....

مهرة: الله يهديها خلونا من سيرتها .....الحين بيدق الجرس وعندنا رياضة .....

شرون: اف اكيد الحين بتركضنا كم دورة ..والله تعب...

رشا: الا قولي ماتبين عسب من بعد الركض تيوعين ...هههههههههههه

مهرة: هههههههههههههه

وبعدين راحوا لقاعة الرياضة .........

قلبي معك لو شفت حسي مع الناس ماغاب طيفك عن خيالي دقيقه****

بالدوام عند بطي وغانم هم لهم مكتب ويا بعض....

غانم لاحظ بطي انه متردد وفيه شي ويبا يرمس

غانم: بطي شكلك عندك شي وتبا تقوله بس متردد ...خير ...؟؟

بطي : خير بويهك ..بس مو عارف كيف اقولك ..او كيف ابدا..؟؟

غانم: ابدا من المكان اللي يريحك....

بطي: اعرف ان الوقت والمكان مو مناسب بس ....

غانم: بس شو يابطي..خرعتني ياخوك ...قولي وريحني شو صاير...

بطي: هد ماصاير شي..بس انا ناوي اعرس واكمل ديني ....

غانم ضحك: ههههههههههههههه ويا ويهك وانا على بالي صاير شي..زين والله انك فكرت تعرس ..ومنو هالبنت اللي راح تخطبها تباني اروح وياك عسب تخطب...

بطي : اممممممممم غانم انا ابا اصير نسيبك ...وابا اختك على سنة الله ورسوله....

غانم متفاجأ: اختي ..؟؟

بطي : هي ...اذا ماعندك مانع...

غانم: افا وانا ليش يكون عندي مانع.اكيد موافق وانا واثق ان اختي ماراح تلاقي احسن منك ...فوق هالشي ربيعي الروح بالروح...

بطي: يعني انت موافق.....

غانم: اكيد ومايبالها حتى..تصدق ان انا خاطري انك ترمس بهالموضوع وتكون اختي من نصيبك.....لانها صدق ماراح تلاقي احسن منك ....

بطي: تسلم يالغالي:::بس بالاول انت لازم تاخذ رايها ..عسب بعدين اخبر امي وابوي ايون ويخطبونها منك....

غانم: ولا يهمك ..وانا واثق انها ماراح تردك لان سيرتك طيبة بلساني يوم اذكرك جدامهم ...

بطي: تسلم....يالغالي ...وان شاء الله اي دورك واتشوف لك بنت الحلال اللي تدخل قلبك...

غانم: ماظن من بعد سهيلة .....

بطي : ها بدينا مرة ثانية .راح نجلبها حزن من بعد فرح..تكفى دخيلك لا تخرب وناستي ..لا اخرب يومك....

غانم: ههههههههههههه ماتروم عيل برفضك...

بطي: ماظن لانك بروحك قلت ان بخاطرك ان اختك تكون من نصيبي....

غانم بجدية: ترا عادي اغير راي.....

بطي: لا تكفي دخيلك ....

غانم: ها اقول بديت تحب وقبل ماتشوفها بعد ....صوبنا .مادريت ان اختي طيحتك بالهوى ....

بطي: السمعة والسيرة الطيبة هي اللي خلتني اطيح بهواكم ....

غانم: علينا بهوانا ولا هواها ....

بطي: ههههههههههههه



انتهى البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 19-01-2009, 09:14 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


البـــــــــــــــــــــــــــــــارت ((9))

تعال واللي طرا في خاطرك سوا موتن بقربك ولا عمرين من دونك****


بجامعة زايد ع الساعة 10 ..ونص....

قصايد : بما ان احنا خلصنا بتصل حق الدريول اي وياخذني..

دانه: ليش ...انزين يلسي لغاية الساعة وحدة ..نكتب الاسايمنت مرة وحدة ...ونروح...

قصايد: انا كتبته وخلصته ...بس اليوم بروح السويحان نزور موزة وبالمرة نتغدى وياهم .....

مياسة : والله ومنو بي وياكم ...؟؟

شويخ وهيوم من وراهم ...

شويخ: انا وقصود وعمي خليفة وحور....

دانه : اها ليتني اي بس ادري امي ماراح تخليني سلمي عليها وايد...

قصايد: ان شاء الله ...خلوني اتصل على عبدالقادر اي وياخذني....

شويخ: ليش خلصتي كلاساتج ....

قصايد : هي خلصت وبالمرة بروح عند حور اشلها من الكلية ونروح البيت ....

شويخ: عيل باي وياكم .....

هيوم: لا والله والكلاس..؟؟؟

شويخ: عادي كلاس مستر بين بستأذن منه ..من ناحية الاسايمنت انتي ماراح تقصرين...

هيوم: لا والله احلفي بس .....

شويخ: فديت هيومتي ادري انج ماراح ترديني ...

هيوم: اف منج ....خلاص ...بس تعالن اخبار حرمت عمكم ....

وبدت قصايد وشويخ يضحكن .: هههههههههههه

دانه: شو فيكم ....ضحكونا وياكم شو سويتوا فيها ....

مياسة تذكرت: هي سويتو الي كنتوا تفكرون فيه وشو صار ....خبروني...

هيوم: ليش بشو كانوا يفكرون .....؟؟؟؟

قصايد: ههههههههه هي سوينا لها ..ويه لو تشوفونها شو صار فيها لتموتن من الضحك ..

دانه: يالله عاد خبرونا شو صار....

وبدت قصايد وشويخ تخبر البنات شو سون بمرت عمهن امس ....

وكلهن ضحكن وتمنن انهن يكونن عندهم ويشوفونها كيف كانت خايفة .....

وبعدها استأذنت شويخ من الاستاذ وراحت ويا قصايد اييبن حور من الكلية...وبعدها راحن البيت يتزهبن ,,,وبالمرة اتصلن بعمهن ..انهم بالبيت ....فخبرهم انهم يزهبون لانهم يروحون من وقت عند موزة .....
وع الساعة 12 راحو عندها ......


جيت المكان اللي قعدنا به اوقات وعجزت اقعد في مكاني دقيقه***

بالسويحان ع الساعة وحدة بعد الغدى عند بيت عمة موزة.....

خليفة : سلمت ايدج يام جاسم ع الاكلة الطيبة.....

ام جاسم: الله يسلمك ياولدي...اشحالك واشحال امك.....

خليفة: بخير كلهم يسلمون عليج ....

ام جاسم: اشحالج سلوى ...من زمان ماشفناج يالغالية ..واخبار عبد العزيز ريلج

قصايد ف قلبها : بيه الحين وقت انج تذكرينها بعبدالعزيز...: ام جاسم عمتي ماتزوجت ..بعدها

ام جاسم : ليش هي...

وقاطعتها موزة: عمتي نسيت اخبرج وين حطيتي القطعة اللي شريتها لج ..اليوم باخذج الخياط عسب يخيطونها لج ...

ام جاسم : عندي اظن ...بس مادري وين حطيتها باروح ادورها عن اذنكم .......

موزة: اذنج معاج عمتي...

قصايد: مرت عمي والله اشتقنا لج واااااااااااايد ماتتصورين البيت من دونج...موشي.حتى عمتي سلوى اشتاقت لج وايد وايد..

موزة: تسلمين حبيبتي هم انا اشتقت لكم وااااااايد... وحق سلوى اكثر

شويخ: مرت عمي حددي اشتقتي لنا ولا اشتقتي حق بعض الناس...

موزة: ههههههههه اكيد كلكم ...مافي شخص معين...

حور: افا يعني خالي ماله مكان خاص بقلبج....

موزة: خالج قلبي له ....

قصايد : يوووووووووووووه صوبنا ...

حور وشويخ : ترااااام تراااااااااااااااام ....>>>يسون لحن رومانسي...

سلوة ترمسهم بالاشارة: هههههه يعني انتو ماراح تيوزون عن سوالفكم خلوهم بحالهم ...

خليفة: احبج ياموازي ...البيت من دونج مر ....ومحد محلنه غيرج يالغالية....

موزة: فديتك هم انا احبك يالغالي ...انت كل شي بالنسبالي ...

قصايد : مو كأنا عاطينا اكبر طاف....

سلوى: هي انتي صادقة اظنا احنا يينا بالغلط وياهم ....

حور: اظن انهم مايشوفونا عسب يرمسون جذي وجدامنا بعد ...

شويخ وهي تقلد امها العودة: ويه بلاك يمه ماتخوز عينك ع البنية .ماتشوف ويها غادي احمر شرات الطماطة ...وبعدين يما عيب جدامك بنات اخوك واختك عيب ترمس جدامهم ...ولا ها بالعيرة ياولد ...ههههههه

الكل: هههههههههههههههه

خليفة: اخ منج ياشويخ ...طالعة على امي ...

حور: اكيد خالي..عيل ليش مسمينها على امي العودة....

موزة: ماتبون اييب لكم شي تتحلون فيه....

خليفة: يلسي مكانج ولاتتحركين ....انا بروحي مو مصدق ايلس وياج ...ويوجه رمسته للبنات ...اقول بنات من غير مطرود لو سمحتوا....

والبنات ولا كأنهم سمعوا شي...

حور: اقول قصايد شو سويتوا اليوم بالجامعة...؟؟

قصايد: ههههههههه الله يسلمج ابد كل يالسين نطنز ع المس ....عمتي سلوى شو رايج نروح الويك اند المول ..خلينا نشوف ونتشرى شو رايج...

سلوى: حلو لاني خاطري اظهر واروح السوق.....

خليفة: احلفن انتن بس ...

شويخ: عمي بلاك ..اعتبرنا مو موجودين ...ترا احنا مخفيين ....

قصايد : هي مخفيين الظاهر الاكل خلانا نختفي ....ماعليك عمي رمس موزة واحنا ولا كان موجودين.....

حور: هي خالي رمسها نحن لانرا ولانسمع ولانتكلم .....

خليفة: لو مارحتن من هني لايود شعر كل وحدة وافرها برع .....

شويخ: بيه اقول نشن احسن عن لايرتكب فينا جريمة .....

قصايد: لاتلومينه الرومانسية اثرت فيه ....

حور: خالي ...الله يشفيك ...مرت خالي ...تحملي عليه وهالله هالله فيه وبالكلمة الحلوة والمعسوووووووولة وتغمز لها .....

موزة ويها احمر : هههههههههههههه من عيوني...

خليفة: يعني مابتظهرن ..وينش عسب يظهرهن.....

قصايد: حور شويخ نشن نروح عند حماني نلعب وياه لا اي ويود شعرنا هههههههههه

ويربعن لبرع ......

خليفة : بل عليهن ولا يخلون الواحد ويا حرمته .........

موزة: ههههههههه

خليفة: موازي احبج واشتقت لج وااااااااايد ياغلا كله....

موزة: يووووووه خليفة بس عاد ...والله استحي ...

خليفة: وانا اموت فيج والمستحى اللي فيج.....

ويروح خليفة يشغل الاستيريوا ويحط موسيقى هادية.....

خليفة يمد يده لها : خلينا نعيد ايام يوم كنا بشهر العسل ونرقص رقصة Slowdance


موزة: ههههههههههه اوكي؟......

وبدى خليفة يرقص مع موزة رقصة Slowdanceعلى انغام الموسيقى الهادية .....

اما البنات فتحواالباب شوي ويالسين يطالعون عمهم يرقص ويا مورة....

شويخ: ويلي ع الرومانسية لا ماروم اتحمل ..ابااعرس.....

حور: روحي ينتظرج عبد القادر..يباج ...اليوم قبل باجر....

قصايد: ياي شو هالحب ..فديتج يامرت عمي والله ماتستاهلين اللي يصيبج....

سلوى: الله يهنيهم .....

شويخ: بنات باقولكم شي ....

قصايد : شو ..؟؟؟

حور: شويخ مو ناقصين حق تفاهاتج خلينا نشوف ...ياويلي..

شويخ: باقولكم شي قبل مايصير...؟؟

قصايد: شوووووووو...؟؟؟

شويخ: باطيييييييييييييييييييييييييييح ...وطاحت شويخ وطوحت وياها قصايد وحور وسلوى......وانكشفن ..

خليفة: بناااااااااااااااااااااااااات شو ها يعني كنتوا تشوفون ...والله لا اوريكم ....

قصايد: بنااااااااااااااااااات شردة ...........

وربعن البنات راحن بيت ام كايد .....

موزة: هههههههههههه اسميهن هالبنات مو هينات .....والله فضيحة شافوني ارقص وياك.....حتى سلوى صارت شراتهن ...

خليفة: هههههههههههه مايهم شو يعني لو شافونا انتي حرمتي عادي.....

وبعدها يلسوا يرمسون ....ويتذكرون ايام العرس.......

اشعر ان الكون في بعدك خراب والاماني بكل شي خايبه***

في العين وبالتحديد كلاس الريم ...

الريم مو منتبهة حق شرح الاستاذ ..وكان كل تفكيرها بخالد: آه ياخالد والله لو تعرف بقلبي ..كيف اني افتقدك ..وان الحيا من دونك مو حلوة ...

ايمان لاحظت الريم مو منتبهة..: ريوم ريوم ...

الريم انتبهت ان حد يزقرها : خير شو فيه.....

ايمان: اللي ماخذ عقلج يتهنى به ....

الريم : تعرفين منو...

ايمان : شو سويتي..وياه رمستيه ....؟؟

الريم: لا يوم اتصل له مايرد....بس اطرش له مسجات اعتذار ..

ايمان: اها وقبل الاعتذار....

الريم: لا ..اه يا ايمان لو تشوفين مسجاته والله كل مااقراها تحرق قلبي..اقول انا بظهر ماتحمل اكمل احس اني مخنوقة ...

وظهرت الريم ...من الكلاس....وبعدها ظهرت ايمان لانها مو عايبتها حالة ربيعتها .....

ايمان: الريم فديتج لاتسوين بعمرج جي..والله موزين خايفة يصير فيج شي....

الريم وهي تصيح: شو اسوي يا ايمان ..والله اني ندمانه على اللي سويته ...ليته يعرف قيمته بقلبي ...حسيت بغلاته ...وان الحياة من دونه مو حلوة..ليتني مت ولا اني لعبت عليه ....

ايمان: لاتقولين جي ...صلي ع النبي ....ان شاء الله كل الامور راح تتصلح ...ولايهمج ..وانا متأكدة ان خالد بيسامحج ...وواثقة بعد ..لانه يحبج ....

الريم: بس خايفة اخسره...

ايمان: لاراح تخسرينه ولا شي ..بسج دلع ..بس انتي صبري...يمكن هو حاليا مجروح باللي صار ..اللي عليج انتي بس تحاولين تتصلين فيه واطرشين مسجات عسب يعرف انج تحبينه وماترومين تتخلين عنه ...

الريم: الله يسمع منج ....

وبعدها راحو الكافتيريا عسب يطلبون لهم شي ويتغدون.....


الموت يقتحم بلا موعد ويدخل بلا استئذان وما تدري نفس ماذا تكسب غداً****

في الرماح ع الساعة 2 ونص بغرفة غبوش ....

مبارك: غبوش يعني متى راح ترمسينها ..والله حرام عليج ارحمي حالي....

غبوش: صبر انته...والله اني ماشفتها بالكلية كنت مشغولة بالبروجكتات مع البنات ...

مبارك: انزين متى راح ترمسينها ...؟؟

غبوش: مادري يوم افضى ان شاء الله ....

مبارك:حرام عليج ...انا شكلي باروح عند مهرة وبخبرها ترمسها ...انتي مامنج فايدة؟؟؟

غبوش: هههههههههههه

ميحد يدخل: ومنو اللي مامنه فايدة....

غبوش: انا يقول مامني فايدة...شفت كيف ياميحد ...

ميحد: افا غبوش اللي مامنها فايدة...غبوش فيها كل الخير...وانت اكيد تذلها بموضوع قلبك...

مبارك: شو اسوي القلب مايرحم....ومايخليني ارتاح...

ميحد: نسيت شو ابا منك ... هي تعال وياي ابا اروح اودي سيارتي المصفح مادري شو بلاها ...

مبارك : يالله امش خلنا نروح ...بدل مااذل عمري اكثر عند اختك....

غبوش: هههههههه فديتك والله ولا يهمك ان شاء الله اليوم برمسها وعد....

مبارك: كلاااااااااااام ...وظهر مبارك ويا ميحد من حيرت غبوش....

برع بالتحديد عند شيما ومهرة من بعد مانزلوا من الباص...

مهرة : شيمو سمعيني ..ابا ارمسج....

شيما ولا هامها شي....وعاطى مهرة ظهرها ...

مهرة: شيمو لا تعطيني ظهرج واسمعيني..تروح عندها بويها ...

شيما: اف شو تبين ...خير...

مهرة: اي خير اي من وراج ..شو هالحركات الي تسوينها جدام ربيعاتي ..استحي عاد واحترمي ..انا ساكته عنج من فترة ومااخبر ابوي ...والله لو شفتج مرة ثانية تسوينها يمين اخبر ابوي عسب يأدبج...

شيما: انا متربية احسن منج فاهمة .... ...

من ناحية ثانية غبوش يالسة ترمس عووش:

غبوش: والله حلو زين ...متى بالضبط راح تعزمينهم ....يوم الخميس ولا الجمعة ...

عوش: يوم الجمعة ...بعزمهم ...تعالي انتي ومهروا ...

غبوش: اكيد راح تلاقينا الصباح عندكم ..عسب نساعدج بالتحضيرات ..

تروح غبوش عند الشباك وتشوف مهرة وشيما يالسات يرمسن ....

غبوش: اقول عووش انا بسكر الحين ...الظاهر شيمو مااي من وراها غير الشر...

عوووش: خير ان شاء الله شو مستوي...

غبوش: شو مستوي بما ان الموضوع فيها شيمو ..اشوفها يالسة تضارب ويامهرة بالشارع ...بخليج الحين اوكي ...

عووش: اوكي باي وسلمي ...

غبوش:يوصل باي....

نرد عند مهرة وشيما ..ومن ناحية غبوش يالسة اطالعهم من الشباك ....وتراقبهم ...

مهرة: شو قلتي متربية احسن مني...لاتنسين اللي مربينا هو شخص واحد اللي هو ابوج .....

شيما: اقول بعدي عني ومالي نفس اضارب وياج ..ذلفي...

مهرة: شيمو احترمي وارمسي عدل ..وعن االرمسة الوسخة بلسانج....

شيما عصبت :يوووووووه روحي عني وتبعد مهرة عنها وتفرها ناحية الشارع ..... وكانت في سيارة ياية مسرعة واصطدمت بمهرة ...

شيما: من شافت اختها اطيح جدام عينها ماعرفت شو تسوي يبست مكانها ودموعها بعينها ....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 19-01-2009, 09:17 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


ظهر مبارك وميحد ..واول ماشافوا الحادث ربعوا عند مهرة.....

مبارك بخوف: مهرة مهرة ...ميحد بسرعة اتصل بالاسعاف...

ميحد: اي اسعاف شو تقول ماتشوفه الدم كيف متلعوزة .....نش ييب سيارتك نوديها المستشفى بسرعة ..

ويروح مبارك يشغل سيارته عسب يودون مهرة المستشفى ويلحقون عليها ....

ميحد ودموعه بعينه: مهورة حبيبتي تسمعيني ,,,,مهورة هذا انا عمج ميحد فتحي عينج حبيبتي .....

ميحد بعصبية: يشوف شيما واقفة..انتي شو تسوين هني روحي داخل خبري ابوج بسرعة ....وشيما ابد ماتسمع كانها مو موجودة بالدنيا لانها السبب اللي صار في مهرة....

عند غبوش اول ماشافت الحادث صرخت صرخة قوية الكل سمعها ..وراحت للصالة وهي تصيح من الخاطر....

الكل من شافها خاف .....

ام ذياب : بسم الله يما غبوش بلاج ليش تصيحين شو صار ...

غبوش وهي تصيح: يما لحقي يما ...وهي تصيح...

بوذياب خاف: غبوش بلاج يبا شو مستوي هدي حبيبتي ....

ذياب: غبوش بلاج ليش تصرخين جي حد صار له شي....؟؟

غبوش وهي تصيح اكثر...:: يما مهرة يما...

الهنوف خافت على بنتها ..وقلبها دق بسرعة..وتروح عند غبوش : غبوش بنتي مهرة بلاها شو فيها ...

غبوش: مهرة صار لها حادث جدام البيت ....

الهنوف: شوو لا بنتي مهرة واطيح الهنوف مغمى عليها ....

ام ذياب: شو تقوولين يابنتي ....وتروح عند الهنوف توعيها ..يما الهنوف نشي ...بنتج ماصار لها شي...وهي تصيح ...

ذياب: غبوش شو تقولين ...اي حادث....؟؟

غبوش: برع صار الحادث شفتها من الشباك وميحد ومبارك خذوها المستشفى...

ويظهر ذياب وبوذياب برع ويشوفون شيما واقفة مكانها .....

ذياب يشوف بقعة الدم وسيارة اللي صدمت مهرة .....وويروح عند شيما ...

ذياب والخوف بان عليه : شيما وين اختج....

شيما وهي تصيح: يبا والله ماكان قصدي ....والله وانهارت في الصياح...

ابو ذياب: بابا بلاج وين مهرة وين خذوها....

ذياب معصب: وين مهرة ...شو سويتي فيها ..

شيما بخوف: بابا عمي مبارك وميحد خذوها المستشفى ...

وبعدها راح ذياب بسرعة يلحق على بنته....

اما بوذياب دخل البيت وخذ شيما وصار يهديهم ...وغبوش كل مرة تتصل بميحد او مبارك بس الخط مشغول او مسكر....والبيت حالته حاله ....

بالطريج بالسيارة ميحد حاط مهرة بحضنه ومبارك مسرع عسب يلحق ياخذ مهرة ويسعفونها...

ميحد وهو يصيح: مهورة حبيبتي فتحي عينج هذا انا عمج ...

مهرة تفتح عينها : عمي ميحد ...

ميحد: عيون عمج يالغالية ...صبري حبيبتي الحين بناخذج المستشفى....

مهرة والدموع بعيونها : عمي لا ......انا حاسة خلاص ...

ميحد: اوس لاترمسين بشي..ان شاء الله راح ناخذج المستشفى ويسعفونج...

ومبارك يالس يسمع مهرة وهو يصيح.....

مهرة: عمي انا قربت اموت ..بس عمي ابا اقولك شي...شيما مالها خص بهالشي..لاتلومونها ...اختي بعدها صغيرة اهتمو فيها ....عمي هالله هالله باخوي عبدالله ..اكيد راح يدورني ويقول وين مهرة ..خبروه انها راحت بس..موجودة وياك تحميك .....

ميحد يصيح .....

مبارك : مهرة بسج عاد ..لاترمسين وكانج خلاص بتموتين ....

مهرة ودموعها بعينها : عمي مبارك ..ماوصيك بعمتي غبوووش لاتزعلها وهي تحبك وايد...عمي تبا نصيحتي ..اخطب حور لانها طيبة وحبوبة ...انا سألتها يوم رحنا نزورهم وخبرتني انها مو مخطوبة ....الحين اللي عليك تروح تخطبها ....كنت اتمنى اني اشوفك معرس ...واشوف كيف حور لابسة الفستان الابيض...

ميحد زاد صياحة: ...

مهرة تمسح دموع عمها ......

مهرة: عمي ميحد ...اهتم باخواني وامي ابوي تراهم امانه برقبتكم .....وخاصة اختي شيما ...وخبروها اني احبها ومو زعلانه عليها ...هي اختي واحبها .وانا مسامحتها ....عمي انت تدري ان عيد ميلادي وميلاد اختي قرب ..انا شريت هدية حق اختي شيما وخبيتها تحت السرير ..واباك تعطيها حق شيما يوم عيد ميلادها ...راح يكون اول عيد ميلاد وانا بعيده عنها ....بس خبروها ان مهرة تتمنى لج كل الخير وربي يوفقج بكل خطوة تخطينها ...

مهرة: عمي مبارك ::::: طالبتك بطلبة واباك تسويها لي....؟؟

مبارك ودموعه بعينه: عيوني لج يالغالية....

مهرة: بحيرتي ..راح تشوف فوق الكبت حصالتي ..وفيها 3500 درهم كنت ايمعهم ....ويوم زواج امي وابوي راح يكون بعد عيد ميلاد شيما بيوم ...اباك تشتري لهم احلى هدية وتخبرهم هذي من مهرة وشيما .....

مبارك: ان شاء الله بس انتي سكتي الحين ...انا اباج انتي تهدينها لهم يكون احسن ....

مهرة : عمي انا خلاص جربت اروح عنكم ...بس مو معناتها راح انساكم لا بازوركم كل يوم ..وراح تشوفوني نجمه بالسما ..تلمع...تحيد عمي يوم قلت ان الواحد يوم يموت يصير نجمة بالسما تلمع ..وان هانجمة تسمع شو يقولن احبابها لها ...انا بكون هناك وراح اسمعكم .....

مهرة: عمي ميحد ..اباك تخبر عمتي غبوش اني احبها واايد وراح اشتاق لها وبعد خبر يدي ويدتي اني احبهم . وايد ..وخبر عمتي ظبية اني احبها مع اني ماكنت وياها دوم ....واني راح ازورهم دوم..وانتو بعد لاتنسون تزوروني..لاني ماابي اكون بروحي ومحد يزورني وهي تصيح ........

وصلو المستشفى مبارك راح داخل يربع عسب اييب الممرضات ..وياخذون مهرة لداخل...

دخلوا مهرة غرفة العمليات ....ومبارك وميحد يالسين برع يدعون ربهم انها تقوم بالسلامة....

ويوصل عندهم ذياب مسرع وخايف...

ذياب: وينها مهرة ...وينها ....؟؟

ميحد ودموعه بعينه: بغرفة العمليات ..دخلوها من شوي....

ذياب: وينها بنتي ابا اشوفها ..خذوني عندها...

مبارك يروح عند اخوه ويهديه....: صبر وادعي ان الله يقومها بالسلامة ....ياذياب..

ذياب: ابا اشوف بنتي يبوها لي...وهو يصيح ويحضن مبارك ....



ادري انك تحب الخاين اللي غدربك بس كمل طريقك وارفظه من حياتك***

في بيت بوفهد..الكل نايم ماعدى سمية ملانه ويالسة تتحوط بالبيت>>>الظاهر يالسة تتحوط بالمول ههههههههه

وتدخل غرفة قصايد ...وتشوفها وتشوف اغراضها ...

سمية: اف حتى هذي قصايدو يايبين لها اثاث خصيصا من المغرب ,,,وانا ياييبين لي من اكيا ,,,,

وشافت ع التسريحة كتاب وردي ...فراحت وفتحت بالضبط على صفحة يوم عرسها وقرته....

سمية وهي مصدومة من الي تقراه..: شو ها يعني يوم عرسي اخترب من تدبير البنات ...والله لا اوريكن ..نذلات ...

وتسمع صوت من برع خافت وبسرعة سكرت الباب وحطته مكانه وظهرت .....


وينك يالافراح ماعاد لك طاري مري على قلب من وقت ناسيته***

في السويحان عند البنات....يالسات بالصالة ....

قصايد: امممممممممم الحين شو راح اسون ..في اللي ماتتسمى....

شويخ: امممممممممم يالسة افكر...؟؟

حور: يالله راوينا افكارج الجهنمية ....

شويخ: لقيتها ...شو رايكم نجرب اكل سميو.....

قصايد : ويع...شو تبين ناكل من اكلها ينيتي ..الموت اهون لي ولا امسه...؟؟؟

حور: الصراحة اكلها وايد حلو ...لانها كانت اطرش لنا ....

شويخ: بل عليج صبري خليني اكمل ..منو قال انا احنا راح ناكل بالاساس.....؟؟

قصايد: عيل..؟؟

حور: شويخ شو ناوية عليه....؟؟

شويخ: الله يسلمكم احنا ماراح ناكل ..بس بنقول انها تسوي اكل من يدها عسب نشوف كيف اكلها ...

حور وقصايد:::...اها وبعدين....؟؟؟

شويخ: بعدها احنا راح ندخل شوي يوم تسوي اكل ...يعني راح نحط باكلها ملح وفلفل ..عسب يصير مو زين ..وبعدها الكل يذم بأكلها ....

قصايد: والله لج افكار ...اخ منج ..الله يستر جان ماتقلبينها علينا ....

حور: ابيه بذبحج شويخ ....

شويخ: لا لاتخافن انا ما اخون .....

ويدخل عليهم كايد ومانع: السلام عليكم ...

البنات: وعليكم السلام...

كايد: يوووووووووه البنات اثلاث اجتمعوا الله يستر ....

حور: حرام عليك اخوي ...لي هالدرجة الواحد يخاف منا ...

قصايد: فديتنا مانسوي شي طيوبات وعلى قد حالنا .....

مانع: انتو طيوبات ..اقص يدي لو ماكنتوا يالسين وتتآمرون .....

شويخ: احنا نتآمر لا لا ابد ....يمكن بس نتآمر عليك ...هههههههههههههه

مانع: عيل اظهر ابرك ولا يصيبني شي منكن هههههههههههههه

وبعدها يروح كايد ومانع فوق .....

ومرة وحدة تصرخ قصايد........

شويخ: ويعه بلاج تصرخين خرعتينا ....؟؟؟

قصايد: حيرتي نسيت اقفلها واييب المفتاح وياي....

حور: انزين خير ياطير...شو يعني...؟؟؟

قصايد: مصيبة كبيرة بتصير لو سميو دخلت حيرتي ...؟؟

حور: خل تدخل تشوف اثاثج وتنقهر ....؟؟؟

شويخ: وشو المصيبة اللي راح تحل علينا ...بعد لو دخلت ام السعف والليف....

قصايد : دفتر يومياتي اللي اكتب كل شي يصير ...واخاف تفتحه وتقرا اللي كاتبتنه....

حور: خلها تقرا يمكن تتسلى فيه....؟؟؟

قصايد: مافهمتن شي....؟؟؟

شويخ : فهمينا....

قصايد : ترا انا اكتب كل شي وخاصة كتبت يوم العرس وشو صار والمؤامرات اللي سويناها لها ..ونخاف ننكشف...

شويخ خافت: وانتي لازم تنسين مفتاحج....

قصايد: شو اسوي نسيت من فرحتي اني بزور موزة....

حور: تهدي الوضع: صلن ع النبي ,,وان شاء الله ماراح تدخل ..لان فارس مستحيل يخليها تدخل ....

قصايد وشويخ: الله يسمع منج....

وبعدها الثلاثة كلهن يالسات على اعصابهن .....ويشوفن الساعة عسب يبن يروحن البيت ويتاكدن...ان سمية مادخلت الحيرة وقرت الدفتر...لكن وين سمية اكتشفت الاعيبهن ....الله يعينكن عليها ......


ودي قبل موتي ارد اعتباري اخاف اموت وخاطري منك مكسور***

بالرماح في بيت بوغانم الله يرحمه....

بالصالة عووش يالسة ويا امها ....

ام غانم: يما اتصلي حق مرت خالج ام ذياب نشوف اخبارهم....؟؟

عووش: ان شاء الله يما...

وتروح عووش تتصل حق غبوش....

اول ماردت عليها غبوش كانت تصيح وخافت عووش عليها ...

عووش: غبوش بلاج تصيحين ..شو صاير...؟؟

غبوش وهي تصيح: عووش لحقي علينا مصيبة حلت فينا...

عووش بخوف : شو مستوي لاتخرعيني ..حد صار فيه شي...؟؟؟

ام غانم يالسة اطالع بنتها خايفة....

دخلت نورة وغانم ,,وقبل مايسلمون شافوا عووش وهي ترمس بخوف بالتيلفون وام غانم خايفة وتبا تعرف شو مستوي ...

غانم يأشر على امه : شو مستوي ...

ام غانم: ماعرف ...

نورة : الله يستر...

عووش: غبوش حبيبتي مسحي دموعج وخبريني شو صاير...

غبوش: مهرة يا عووش مهرة...

عووش: بلاها مهرة ....؟؟

غبوش: صار لها حادث وهي بالمستشفى الحين ..وكل مااتصل بمبارك او ذياب او ميحد مايردون علي ...خايفة صاير لها شي....اخاف انها ماتت وبدت تصيح...

عوش: شو لا ان شاء الله مايصير لها شي...الحين راح اني عندكم وثواني نكون عندكم ...

وسكرت التيلفون وعووش تصيح ...

ام غانم خافت: شو مستوي يا عووش...؟؟

عووش: يما مهرة صار لها حادث والحين هي بالمستشفى وماينعرف شو صار....

غانم : شو تقولين ..انا الحين باروح المستشفى واشوف اخبارهم ....

عووش: يما خلينا نروح بيت خالي ..هناك الكل خايف وحالتهم لله ...

ام غانم: الله يستر خلونا نروح...

نورة:بي وياكم ببدل ملابسي وبلحكم ...

ام غانم : لاتتأخرين وسكري الباب وراج...

نورة: ان شاء الله...

وبعدها راحت ام غانم وعووش بيت ام ذياب....


احبابنا في ضلام الليل *** راحو وشدة خطاياهم
ودعتهم والدموع تسيل *** والروح تتبع خطاياه

في المستشفى عند ذياب وميحد ومبارك يالسين على اعصابهم ويبون يعرفون شو صار ....

ذياب ماتحمل : يووووووه يعني لين متى راح يخلونا على اعصابنا ابا اعرف حالة بنتي شو صار لها ...

ميحد: هد ياخوي ان شاء الله بيظهر الدكتور ويبشرنا بالخير....

ويظهر الدكتور وعلامة الحزن بويهه..

مبارك من شافه بدى يصيح بصوت عالي...

ميحد راح عند اخوه مبارك يهديه ...

ذياب من شاف اخوه مبارك يصيح .خاف اكثر...وراح عند الدكتور...

ذياب والكلمات بصعوبة تظهر منه: دكتور ...خبرني بنتي ...بنتي شو ...صار لها ...وينها ...

الدكتور: انت والدها ....عظم الله اجرك البنت توفت وماقدرنا نسوي لها شي....ترحموا عليها ...والله يصبركم ...

ذياب والدموع بعيونه: دكتور شو تقول انته ...: بنتي مهرة ماتت...لا مستحيل مستحيل...

ويظهر ذياب برع المستشفى وعيونه كلها دموع الم وحسرة على فقد بنته وغاليته مهرة....

ميحد يصيح : لا حول ولا قوة الا بالله ...اانا لله وانا اليه راجعون.نش يا مبارك وخلنا نروح ..هذا كتبت ربك ومالنا اي اعتراض ..الله يرحمها ويغمد روحها الجنة ....

مبارك: لا مستحيل مهرة تموت...مستحيل...ابا اشوفها ....خذوني عندها ابا ارمسها ....حرام تروح من دون مااكلمها ...

ميحد: هد ياخوي خلاص مهرة راحت راحت ويحضن اخوه مبارك ..ويصيحون والدكتور من شافهم ...تالم على حالهم ....

واي عندهم غانم ويشوف حالتهم فعرف ان مهرة راحت ...فراح عندهم يهديهم ..وبعدها راحو البيت ....

في البيت الكل على اعصابهم ...غبوش يالسة تتصل باخوانها عسب يطمنونها بس محد يرد عليها ....

اما من ناحية الهنوف يالسين يحاولون يهدونها ...وهي مصره تروح تشوف بنتها ماتبا تخسرها ....

ظبية من ردت من المدرسة صارت تصيح على بنت اخوها ...ويالسة تدعي ان الله يقومها بالسلامة ....اما شيما قافلة على عمرها الحجرة ويالسة تصيح وتندم على اللي صار وصارت تتمنى انها تموت ولايصير لاختها شي....

غبوش: اووووووووه ليش مايردون ..حرام عليهم ابا اعرف شو صار بمهرة ...

عووش: هدي فديتج ان شاء الله الحين بيدخلون ويخبرونا انها بخير ....

ام ذياب: ويلي عليج يامهرة ...يارب رحمتك ترحمنا وتنجيها يارب...

ام غانم: هدي يالغالية ...ان شاء الله مايصير فيها شي.....

ويدخل ذياب البيت وهو يصيح وعلى طول راح حيرته ومارمس حد ....

غبوش وهي تزقر ذياب: ذياب دخيلك خبرني شو صار بمهرة ..وينها ليش مايبتوها معاكم ....وهي تصيح..

الهنوف: بنتي وينها بنتي ..ييبوها لي بنتي ...

ويدخل عليهم مبارك وميحد وغانم ....

اول ماشافتهم غبوش راحت عند اخوها مبارك ....

غبوش والكلمات مو طايعة تظهر من فمها ....: مبارك ..حبيبي مبارك وين مهرة ..ليش مايبتوها معاكم ....ميحد حبيبي وين مهرة وينها ....وهي تصيح....

مبارك يصيح.............وغانم يهديه ...

الهنوف تروح عند ميحد واطالعه ....: ميحد وين بنتي...

ميحد وهو يصيح: ترحموا عليها ..وادعوا لها بالمغفرة....

اول ماسمعت الهنوف الخير اغمية عليها ...وغبوش مصدومة ووقفت الدموع من عينها مو مصدقة ان مهرة راحت وماراح تشوفها ...

وام ذياب يلست تصيح ...وام غانم تهديها ...اما عووش راحت عند غبوووش انها خافت عليها وماصارت تصيح...

ونورة يلست تصيح وظبية وياها ..اما عبدالله الصغير مايعرف شو صار بس يالس يقول وين مهرة ليش مايت من المدرسة؟.....وهو يصيح ...

ابو ذياب ماتحمل الخبر وانهار من الصياح ............

بعدها الكل عرف بالخبر ..وبيت بوهزاع وبوسهيل وبو سلطان وبو فهد راحو بيت بوذياب عسب يعزونهم ....اما البنات وخليفة بعد الخبر ماوصل لهم.....


ماقلت تكفى ولاني قايل تكفى هذا انت غالي قريب وتبتعد غالي***

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 19-01-2009, 09:19 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


في السويحان خليفة والبنات يتزهبون لردة لبوظبي...

خليفة: تامرينا بشي اختي....

ام كايد: سلامتك يالغالي هالله هالله بالطريج...

حماني: امو وين بثيرين .....(عمو وين بسيرين)

حور: باروح حبيبي وبعدين برد ....

مانع: ليش مابتمين ولا يازت لج اليلسة بيت خالي بوفهد...

حور: لا بس بتم هناك عسب شويخ هناك قلت اكملها وياهم وتحلى القعدة...

كايد : الله يستر منكم ...هههههههه

وبعدها ردو حق بوظبي...

واتصلت ام فهد بام كايد تخبرها ان هم بالرماح ان مهرة توفت وهم يالسين يعزونهم ...وبعدها راحت ام كايد وموزة وفطيم حرمة كايد.. الرماح ..اما الشباب راحو عند االرياييل يعزون...


لقد دب الهوى لك في فؤادي دبيب دم الحياة إلى عروقي .***
في بوظبي في بيت بوفهد وبعد ماوصلو البنات وخليفة من السويحان...ع الساعة 5 العصر..

اول مادخلو البيت شافوا فارس بطريقهم وهو مستعجل...

قصايد: ويت ويت ليش مستعيل....وش مستوي...واهل البيت وينهم ماموجودين بالصالة .....

شويخ: يمكن نايمين ....

حور: الساعة 5 ونايمين ماظن ...

فارس: ليش انتو مدريتوا شو صار....

شويخ: لا مادرينا شو مستوي...

فارس: احلفوا وانا على بالي انكم في بيت بوذياب...

حور: ليش نروح بيت بوذياب...

خليفة: خير شو مستوي يافارس...

فارس: مهرة بنت ذياب توفت اليوم ..اصطدمتها سيارة ....

حورمنصدمة: شو تقول انته يافارس مهرة ...

فارس : هي والكل في بيت بوذياب يعزونهم ...وانا الحين باروح لهم ...

قصايد ودموعها بعينها : ياويلي عليج ياغبوش ..كيف راح تصبر على هالمصيبة ...

فارس: قولي الله يعين ابوها مسكين حالته لله ..الله يصبرهم ...

شويخ: لا اله الا الله خلونا نروح بعد خذنا وياك يافارس لازم نروح ونعزيهم بعد ...

خليفة: خلونا نروح كلنا يالله بسرعة...


لملمت اشعاري واحرقت دفاتري وعلى ضوء الشموع ذرفت دموعي ..
سقطت دمعتي على شمعتي لتعلن حينها ان حياتي اصبحت ظلام بدونك يا حبيبي ...***

من بعد ماوصلو البنات عزوا بالاول ام ذياب والهنوف .وبعدها راحوا فوق عند غبوش....

بغرفة غبوش ....غبوش يالسة ساكته ماترمس وماتصيح....

قصايد: غبوش حبيبتي ...لاتسوين بعمرج جذي ...والله جي راح تمرضين...

عووش: لاتحاولين ويااها ياقصايد...انا من فترة صار لي وارمسها لكن ماتسمعني ..احاول وياها انها بس تدمع واطلع اللي بقلبها ...

شويخ: وانتو ليش تبونها تدمع ...الله يرحمها ويغمد روحها الجنة ....
حور:شويخ لازم تدمع واطلع اللي بقلبها ..موزين اتم جي ..ولا راح تمرض...حتى لو دمعة وحدة...

شويخ: عووش شو صار بالضبط...

عووش: والله مادري ..اول ماييت كانت تصيح ..وانااهدي فيها ..واقول ان شاء الله ماراح يصير فيها شي....ترد علي وتقول كل منها هي السبب هي اللي ذبحتها ...

قصايد: منو ..؟؟؟

نورة: شيما...؟؟؟

شويخ: شو دخل شيما ..وليش تقول انها السبب...؟؟

عووش: انا كنت ارمس غبوش ..وبعدها قالت لي بسكر عنج عسب ان مهرة كانت تضارب ويا شيما ...وشافت شيما تبعد مهرة عنها وادزها لناحية الشارع ..ومن صوب السيارة يت واطصدمت بمهرة ...

حور: لا حول ولا قوة الا بالله ...وشيما وينها ....

مياسة: شيما قافلة على عمرها الباب وتصيح وتقول انها السبب ...

شويخ: غبوش حبيبتي ..ترحمي عليها مو زين تسوين في نفسج جي ...ندري ان مهرة غالية عليج..مو عليج بس هم علينا ..بس ربج اختارها ..والله يرحمها

غبوش ساكه.....

قصايد : شويخ تعالي خلينا نروح عند شيما ...لازم نهديها هي بعد ..نورة تعالي ويانا وراوينا حيرتها ....

نورة: ان شاء الله ..وراحن عند شيما ......

حور: غبوش حبيبتي سمعيني اللي تسوين بعمرج ماراح يفيد بشي ...حتى لو تميتي تصيحين ليل نهار ..مهرة خلاص ماراح ترد ..والله لو الصياح بيرد الاموات كنا صحنا عسب نرد امواتنا ...وكنت انا بظل اصيح ليل ونهار عسب ابوي يرد لي...

عووش: صح ياغبوش... اللي عليج انج تترحمين عليها وتدعين الله ان يرحمها برحمته..وتذكرينها دوم بالطيب....لان الملائكة تفرح بهالشي وتوصل الاخبار لربها ..وربج يفرح يوم يسمع الاخبار الطيبة عن عبده...

دانه: غبوش..الله راد هالشي انه ياخذ مهرة عنكم ..لانه شاف انكم تحبونها وايد ...فربج يوم شاف الحب والمعزة اللي تكنون لها حق مهرة .,,,الله راد انه ياخذها ويكرمها ...يالله يالغالية نشي وتوضي وصلي ركعتين ودعي ربج انه يرحمها وينور عليها قبرها ...وهي تصيح

غبوش بدت تصيح: بس مهرة راحت راحت يادانه ...راحت ولا ودعتها حتى ..حتى ماخبرتها اني احبها ..حتى انها راحت وتركتني بحالي .منو اللي راح يقعد وياي ..منو ...راحت وتركتني كل منها هي السبب شيمو..ماراح اسامحها ذبحتها ذبحتها ...وبدت تصيح......

مياسة: لاتقولين جي يا غبوش....ولاتحطين اللوم على شيما ..هذا كتبت ربج ...حتى لو ماكانت السبب شيما كانت راح تموت ..لان ربج اختارها ..سواء ماتت بحادث او غيرها ..هذا هو اليوم انكتب حق مهرة انها تموت من اول مايت لهالدنيا ..خلي قلبج ابيض ...بما ان مهرة راحت اللي عليج الحين انج تترحمين لها وتدعين الها ..مهرة ياغبوش تحتاج حق دعائكم ...وماتبا دموعكم ..دموعكم تحرقها ياغبوش تحرقها ..وهي تصيح..

غبوش وهي تصيح اكثر: آه ليتني مت ولا راحت هي ...

عووش: لاتقولين جي يا غبوش حرام عليج ..لا يتمنى احدكم الموت ...غبوش ..انا متأكدة ان مهرة موجودة الحين ويالسة تسمعج ...وهي لو تسمعج تقولين جذي اكيد راح تزعل وتتألم .هي ماتبا منكم غير انكم تذكرونها بالخير وتدعون لها بالمغفرة....يالله فديتج نشي وروحي صلي ركعتين وافتحي كتاب الله واختمي القرآن لها ...

تنش غبوش وتروح يكرمكم الله الحمام تتوضأ عسب تصلي وتقرا قرآن ....

عند الرياييل بالميلس........

بوذياب يصيح .....

بوهزاع : لا حول ولا قوة الا بالله ..بس يابو ذياب خلاص ...حرام الي تسوونه اترحمو بالبنت ...الله يرحمها ويغمد روحها الجنة...مو زين اللي تسونه...

بوفهد: يا بو ذياب ..صل عالنبي ..وترحم فيها ...الدموع تحرق الميت ..والبنت ماتبا منكم الحين غير انكم تدعون لها بالمغفرة....

بوذياب وهو يصيح: هذي مهرة يابوهزاع مهرة ...بنتي غاليتي مهرة .....

ابو سلطان: صل ع النبي يابو ذياب مو زين جذي.... شو تبا نسوي ..انت يابو ذياب اللي تصلي وتصوم وتؤمن بالقضا والقدر ...وربك اختار مهرة لانه حبها ..شافكم انتو تحبونها وتعزونها ...فربك اختارها تكون عنده ...يابوذياب..هذا بلاء من الله واحمدو ربكم ..الرسول عليه الصلاة والف السلام قال...

الكل: عليه الصلاة والف السلام ....

بوسلطان: قال ان الله اذا احب عبدا ابتلاه ...وربكم حبكم من بين الناس وعطاكم هالبلاء عسب يختبركم ...هل تصبرون ولا لا....

بوذياب: الحمد لله على كل حال ....

بوسلطان: يابوذياب خلك قوي ...واصبر وادعي لها بالرحمة واترحم لها ..واتصدق ...الميت ..يوصل له الدعاء والصدقة...والبنت محتاجة لدعائكم ... وانت يا ذياب ..نش ياولدي توضأ وصل ركعتين حمد وشكر ,,,واقرا قرآان بنتك محتاجة له...ولازم توقف ويا حرمتك ..اكيد هي منهارة الحين وتحتاج انك توقف وياها ...تبى حد يخفف عنها ..روح لها ياولدي ...ترا هذي بعد بنتها ..هي اللي تعبت عليها وحملت فيها تسع شهور وتعبت ...وانت يامبارك وقف دموعك هالدموع تحرق بنت اخوك ...لازم توقف ويا خواتك...وتخفف عنهم ..شوف اخوك ميحد ...كيف صابر يالله ياولدي نش واغسل ويهك ....ولاتنسون باجر لازم نروح المستشفى ونكفن البنت ..وبعدها نصلي عليها وناخذها المقبرة ...وندعي لها بالرحمة..ولازم الحريم يروحن ويشوفنها لان راح يكون اخر يوم لهم وهم يشوفون البنت ....الله يرحمها برحمته....

عند قصايد يالسة تهدي شيما ..

قصايد: بس ياشيما ..لاتصيحين ..

شيما وهي تصيح: ياليت لو مت ....وهي اطالع قصايد .: والله ماكان قصدي والله ..هذي اختي واحبها .والله اني ندمانة ..وماحسيت بغلاتها الا من بعد مافقدتها ...حتى راحت من دون مااعتذر لها.....

شويخ: سمعي ياشيما..انسي اللي صار..هذي كتبت ربج..والله راد... كلنا بنموت ومردنا للتراب ...وانتي اللي عليج تصبرين..وانا واثقة ان مهرة مستحيل تكرهج وهي تحبج...

شيما: تحبني ...كيف تحبني وانا السبب في موتها...

قصايد: شيما شو قلنا ..انتي مالج ذنب ..هذا يومها وانكتب لها ..كل واحد له يومه...هي ماتت اليوم شوفي باجر منو راح يموت...ياشيما لاتسوين بعمرج جي.... خلج قوية ...واظهري من العزلة اللي انتي فيها ..امج محتاجة لج ...انتي اللي بقيتي من بعد مهرة ...واخوج عبدالله لازم تهتمين فيه ..مهرة كانت دوم ويا عبدالله تلاعبه ..وراح تلاقين الحين عبدالله يحتاج حد يكون وياه ويلاعبه ويساعده...وانتي اللي عليج تكونين وياه بدل مهرة...ومهرة تركت عبدالله امانه برقبتج عسب تهتمين فيه .....

شيما: امانه برقبتي....؟؟

شويخ: هي امانه برقبتج ....وانتي لازم تهتمين فيها عسب بعدين بعد عمر طويل ..تروحين عندها وتخبرينها انج حافظتي ع الامانة اللي تركتها لج ....

نورة: شيما ..هذي امانة مهرة ..ولازم تحافظين عليها ...وتهتمين فيه ....وانتي الحين لازم تكونين قوية ....اختج راحت ومانروم نردها ..بقيتي انتي ..وانتي تشبهين مهرة ...يعني مهرة ماراحت مهرة موجودة ويانا ....

شيما: لكن انا مو شرات مهرة مهرة احسن مني...والكل يحبها .....

قصايد: صيري شراتها . تغيري..ردي مهرة ..وخليج طيبة وحبوبة وخلي الكل يحبج ويفرح بتغيرج...عسب تصيرين نسخة منها ...صحيح انج ماراح تكونين مهرة بس ..خليهم يحسون مهرة موجودة ...

شويخ: مهرة موجودة بقلوبنا ...ياشيما ..هي موجودة الحين ويانا وتسمعنا وتشوفنا بس احنا مانسمعها ولا نشوفها ....شيما لو كنتي تحسين بالضيق او لو كنتي تبين ترمسين اختج مهرة ...بالليل شوفي نجمة بالسما تلمع ....

شيما : نجمة ...؟؟

شويخ: هي نجمة ...هذي النجمة هي مهرة تلمع ارمسي معاها وراح تسمعج ...وراح تشوفج ..واكيد مهرة راح تفرح يوم ترمسينها ....وانا متاكدة من هالشي ...

نورة: يالله حبيبتي قومي واغسلي ويهج ...وصلي وادعي ان الله يغفر لها ,,,,

شيما: بس ابا اشوف مهرة ...ودوني لها وانهارت بالصياح....

قصايد صاحت وياها .......

شويخ: قصايد الله يهداج ..انتي يالسة تخلينها تصيح اكثر واحنا نبا نخفف عنها ....

قصايد: شو اسوي والله ان مهرة غالية وحبيتها ...

نورة: مو بس انتي ياقصايد ..الكل حبها ....

شويخ: الله يرحمها .... وباجر قبل ماياخذونها بنروح عندها نشوفها ...

شيما ودموعها بعينها : والله يعني بنشوفها ...

شويخ: هي بس ياشيما ..يوم تروحين لها رمسيها انج تحبينها وانج راح تفتقدينها وايد وخبريها انج راح تهتمين بعبدالله ..بس ياشيما لاتصيحين ...مو زين تصيحين يوم تشوفينها ....

شيما : ماروم اختي وما صيح عليها ...

قصايد: لو صحتي راح تتضايق وتزعل منج ...وهي تبا تشوفج وانتي فرحانة ..مو تصيحين...

شيما: واختي راح تسمعني يوم ارمسها ....

نورة: هي راح تسمعج حتى راح تشوفج ..بس انتي ماراح تسمعينها ...الميت يسمع كل شي ..بس مايروم يتكلم وياكم ....

شيما : الله يرحمج يا اختي ..وبدت تصيح ...

والبنات كل مايهدونها تصيح مرة ثانية .....

بالصالة عند الحريم ....

ام ذياب يالسة تصيح ..وام فهد وام هزاع يالسين يهدونها ...

ام فهد: بس يام ذياب ..لاتسوين بعمرج جي ...ترحمي ع البنت ...

ام ذياب وهي تصيح: مهرة راحت مهرة راحت كيف ماتبوني اصيح ...كيف ماتبوني اصيح بنت ولدي ..

ام هزاع: لا اله الا الله صلي ع النبي موزين ...والله انتو يالسين تعذبون البنت ..ترحمو لها ..ربي يرحمها برحمته ....

ام سلطان: يام ذياب..اللي عليج انج تترحمين لها ..مهرة راحت وباجر كلنا بنروح ...محد بيتم هني ...كلنا راح نرد للتراب ..شرات ماانخلقنا بالتراب مردنا راح نرد له....

ام سهيل: الله يرحمها ويغمد روحها الجنة ..والله كانت بنت اصيلة ومهرة غالية ....وبدت تصيح...

الام العودة: والحين انتو تزيدون صياح ..بسكم بدل مايالسين تصيحون ادعوا بهاللحظة ربكم يغفر لها ....وانتي يام سهيل لاتصيحين ...بسج بدل ماتوقفين ويا اختج ام ذياب ...وتواسينها يالسة تزيدين عليها ...

ام كايد : الله يرحمها ...

نروح عند الهنوف ام مهرة بالغرفة يالسة تصيح وتقطع القلب بصياحها ..لاتلومونها بنتها وظناها ...تروح عنها بلحظة وحدة ..ومن دون ماتودعها ....الله يصبرها ترحموا عليها .....

موزة وفطيم حرمت كايد وسمية وسهيلة وهنودة حرمت سيف وشماوامنة حرمت سلطان..يالسين يحاولون يسكتون الهنوف ويهدونها ..لان من الظهر وهي يالسة تصيح وماسكتت...

موزة: الهنوف فديتج لاتصيحين مو زين عليج ...والله اني عارفة شعورج ..كيف ان الوحدة تفقد ضناها ..واللي تعبت عليه...بس يالغالية هذي كتبت ربج ...ولازم نتقبل هالشي..ادعي ان الله يغفر لها ويرحمها برحمته....

الهنوف زاد صياحها : بنتي راحت راحت.....

سمية يالسة اطالع موزة باحتقار وف قلبها : هيه تعرف شعور كيف الواحد يفقد ضناه اللي يقول الحين عندج عيال يالعقيم ...<<< لا حول حتى بالعزى ماسلمت منج الله يستر...

وتروح سمية وتبعد موزة عن الهنوف وتيلس مكانها تواسيها عسب يعرفون طيبتها ....

موزة استغربت من تصرف سمية ليش تعاملها بهالطريقة مع انها ماسوت لها شي...طبعا البنات شافوا بس سكتوا

سمية: صلي ع النبي يالغالية ..ربي يرحمها ..وان شاء الله ربج يعوضج بأحسن منها ...>>>لاحول عدلي رمستج شو احسن منها ..الناس تقول ربي يعوضج بوحدة شراتها ....

فطيم: الهنوف اذكري الله ..وان شاء الله ربي يعوضج بوحدة تكون شرات بنتج مهرة ...>>>عدلت الرمسة حق سمية ..تسلمين والله يا فطيم ؟؟...>>العفو فديتج بس خليها شوي تتعدل ..>>ولا يهمج ..

امنه: الهنوف لاتنسين عندج شيما بقت لج ....ولاتنسين هي التوم لمهرة يعني تشبها صحيح انها مو شراتها ..بس هذي بعد بنتج ومحتاجه لج...

الهنوف زاد صياحها : شيما آه من شيما لو تركت عادتها السيئة ..ماكان صار اللي صار...

هنودة: صلي ع النبي ولا تحطين اللوم ع البنت .البنت بعدها صغيرة وما تفهم ....هذا يومها ..وشيما مالها دخل ..ربج راد لمهرة تموت هالموته ...والموت يالغالية مايفرق بين صغير ولا كبير ..الموت اي بغته وحدة ...وياخذ ويا الشخص اللي مقرر عليه انه يظهر من هالدنيا ...

شما: الله يرحمها ..يام عبدالله ..لاتصيحين ..وباجر لازم تزهبين عمرج عسب تروحين وتزورينها ..وتشوفينها ..راح يكون اخر يوم تودعينها ....

سهيلة: يام عبدالله ...خلي بنتج تشوفج ...وتسمعج ..بس لاتروحين تصيحين عندها ..البنت راح تتضايق ..والبجي يحرق الميت ...اترحمي على حالها ...

الهنوف: الله يرحمها ويغمد روحها الجنة....

سمية: الله يرحمها .و.الله انها كانت طيبة >>>وانتي شو دراج فيها اللي يقول يالسة وياهم اربع وعشرين ساعة ....

الهنوف: بنتي الغالية ييبوها لي....وتصيح....

موزة: صلي ع النبي ياالهنوف...ربي يعووضج ببنت تشبه مهرة بكل صفاتها ...

سمية وهي اطالع موزة: ان شاء الله ربي يرزقها بوحدة شرات بنتها ..وان شاء الله اانا اول ما احمل راح اسمي بنتي مهرة على اسم بنتج الغالية...>>>يعني ماراح تيوزين من رمستج السامه ...

الهنوف: تسلمين فديتج ...
موزة حزت بخاطرها من رمسة سمية ..وطبعا شما شافت هالشي ...وماحبت رمست سمية ...وف نفسها تقول : الله يعدي اليوم على خير ....

وظلو العائلة من صوبين في بيت بو ذياب لغاية الليل وبعدها راحو البيت ..عسب يستقبلون اليوم الثاني ..ويروحون المستشفى الصباح عسب يشوفون مهرة..وبعدها يصلون عليها ...وبعدها ياخذونها للقبر...

رحت المقابر ابي اشكي الحال *** جاتني الجماجم تواسيني
شكيت همي ودمعي سال *** ومازلت يازين ناسيني

الصباح ع الساعة 9 في المستشفى ..الكل موجود عسب يودعون مهرة لان راح يكون اخر يوم لهم يشوفونها .....

طبعا بالاول الرياييل دخلوا عليها يودعونها طبعا اعمامها وخوالها وابوها ويدها ....

اما الباقي يو يودعونها بس من بعيد ويترحمون لها ...عسب يروحون بعدين يصلون عليها وبعدها ياخذونها للمقبرة ......من بعد ماظهروا انهار ذياب من الصياح لان ماتحمل ولا تخيل ان بنته خلاص راحت وماراح يشوفها ...مرة ثانية ..وميحد يحاول يهديه ...ويذكره بأن هالشي ارادة ربه ....

وبعدها يا دور الحريم ....

اول شي دخلت الهنوف مع ولدها وام ذياب عسب يودعون المهرة الاصيلة ...والهنوف كاتمة دموعها بعينها لانهم خبروها انها لازم ماتصيح جدامها ولا ماراح يخلونها تدخل.....

الهنوف تقرب عند بنتها وتهمس لها بإذنها وصوتها مخنوق: يما المهرة الاصيلة ...هذي انا امج يالغالية ...نوري وغاليتي ..يما الغالية ...رحتي عني ..وخليتيني منو الحين راح يمسي ويصبح علي ..منو اللي راح يضحكني يوم يشوفني متضايقة ...يما المهرة ...منو راح يهتم بعبدالله من بعدج ..شوفي هذا عبدالله ياي وياي يبا يشوفج ..لان كان يدورج ...ويقول وين المهرة توديني وتلعبني ...

ام ذياب يالسة اطالع الهنوف وكيف هي متعذبة ...ويالسة تهديها ...

الهنوف: يما المهرة فتحي عينج...فرحي امج ,,وخليني اشوفج يالغالية تنشين من مكانج وتحضنين امج ...وترمس عمتها ..عمتي دخيلج خبريها تنش ولا تلعب وياي ...هذي بنتي عمتي وماعندي غيرها ...عمتي دخيلج خبريها ..عبدالله حبيبي رمس اختك قول لها تنش وتفتح عينها عسب توديك الالعاب ...

عبدالله موفاهم شي وهو يرمس مهرة: مهورة قومي وديني العاب ..مهورة الابلة عطتني واجب ومااعرف اسويه ..تعالي علميني ..لاتنامين الحين ...بعدين نامي ..اول اكتبي واجبي,,,وبعدين انا بنام وياج ....

وام ذياب ماتحملت شوفه الهنوف وعبدالله راحت رمست المهرة وباستها وبعدها حاولت تظهر الهنوف لانها ماتبا تبتعد عن بنتها .....ومن بعد ماظهرت الهنوف انهارت من الصياح والحريم راحو لها يهدونها ويهدون ام ذياب....

وبعدها دخلوا عليها البنات ...شما ...امنه مرت سلطان...وفطيم مرت كايد...وسمية ..وموزة...وسهيلة ....وهنودة...يودعونها ....ومن بين هم يودعونها ....

غبوش كانت واقفة تحاول تكتم دموعها لانها تبا تروح عند مهرة وتودعها شافت شيما وراحت لها ,,,,وحور شافت غبوش تروح عند شيما...

غبوش بعصبية : انتي شو تسوين هني..مو كفاية الي سويتيه ..انتي السبب ذبحتي مهرة..ماراح اسامحج ابدا ياشيمو..ذبحتيها ....وقتلتي برائتها ...ظهري اكيد مهرة ماتبا تشوفج وهي تكرهج ...

شيما تصيح: حرام عليج عمتي ...لاتقولين جذي والله اني ندمانه ليتني مت ولا هي ...

غبوش: ان شاء الله ...وقبل ماتكمل اتي حور من وراها .....

حور: لا ياغبوش استغفري ربج ...ولاتقولين جذي..والمفروض توقفين وياها ولا انج تعصبين عليها ..هذي حكمت ربج ...واحنا ماراح نرد حكمته ....وبعدين لاتنسين انها اختها ....والبنت ندمت ..ولا تحطين اللوم عليها ..هذا قرار وصار من يوم ماانولدت مهرة .....

غبوش: لكن انا ماابي اشوفها هني...

حور: انتي ماتبين تشوفينها ...بس اكيد اختها تباها تشوفها وتبا تسمعها ...وانا متاكدة انها تباها ..واذا ماودعتها اكيد مهرة راح تتعذب وراح تتحرى ان شيما تكرها ..خليها يا غبوش ...غبوش خلي قلبج ابيض وسامحيها ..

غبوش: اسامحها وهي السبب ...؟؟

قصايد اتي من وراهم :: لا ياغبوش ..شيما مو السبب ...الله راد انه يكون هاليوم يكون يومها ...شو دراج يمكن احسن لها ...قل عسى ان تكرهوا شيئا وهو خير لكم...يمكن خير انها تظهر من هالديناا...ولاتشوف الاشياء اللي تصير بالدنيا ويمكن تخترب ...ربج اختارها ياغبوش لانه حباها ...غبوش ماتوقعت انج تكونين قاسية عليها شيما مازالت صغيرة وماتفهم ...والشيطان قصى عليها ...والانسان دوم يغلط ومرده يندم ...غبوش سامحيها ...

غبوش : مستحيل..

حور: غبوش اذا ربج يسامح عباده....ليش العبد مايسامح اخوه..سامحيها عسب ربي يفرح فيج ...ويتفاخر جدام ملائكته ويخبرهم بأن عبده قلبه كبير ويسامح ....

وتروح غبوش بعيد عنها ....

شيما: تكرهني ومن حقها تكرهني ...ليتني مت بدلها ...

قصايد تروح تحضنها: لاتقولين جذي ياشيما ..بس تلاقين غبوش ..متألمة لانج تدرين كانت دوم ويا مهرة ...

شيما: شو اسوي عسب تسامحني...

حور: تغيري للافضل وتقربي منها ...يمكن بالبداية راح تلاقين الصد منها لكن لاتستسلمين ...

وبعدها يا دور البنات ودخلو عليها ..لكن شيما رفضت تدخل وقالت تبا تدخل اخروحدة وتودعها .....

غبوش من شافت مهرة حاولت تكتم الدموع بعينها وراحت تربع لها ..وتحضنها ...وهمست لها .والبنات شافوها وقطعت قلوبهم....

غبوش: مهووورة حبيبتي هذي انا عمتج يالغالية..نشي فديتج ..ماباقي على عيد ميلادج غير اسبوع ..كيف راح نحتفل من دونج ..مو حلو ..حبيبتي يالله تراني مسوية لج مفاجأة كبيرة ..حتى شريت لج هدية كبيرة بس خبيتها لين يوم ميلادج ...مهورة ..يالله لاني من بعد عيد ميلادج راح اخبر اخوي مبارك ياخذنا مدينة العين نروح العاب الهيلي ...عسب نلعب....مهورة تحيدين شو قلنا ...اذا بنروح العين ..قلنا بنخبر مبارك ياخذنا جيل حفيت ..وهناك فوق نصرخ بأعلى صوت عسب تسمعين التردد ..مو انتي قلتي تبين تسمعين التردد..يالله حبيبتي نشي...ولاتمزحين وياي ..تدرين اني مااحب مزاحج....وخاصة هذا ..يالله حبيبتي ...قومي ...

قصايد تروح عندها : بس ياغبوش لاتعورين قلبج مهرة راحت خلاص .....

غبوش: لا ماراحت ..بس هي نايمة ويالسة تلعب وياي ....صح مهورة خبريهم ...

حور: خليها يا قصايد راح يكون اخر يوم تشوفه...

مياسة : بس ياحور ماتشوفين حالتها كيف خايفين يصير فيها شي..؟؟

عووش: لاتلومينها غبوش كانت متعلقة بمهرة ....كانت دوم وياها ....

غبوش: ماعليكم بس هي تمزح تراه هي وعدتني ان احنا بنروح العين وخاصة جبل حفيت ...ومهرة ماتخون العهد ....انا اعرف مهرة ...من صغيرة لاني انا اللي اهتميت فيها ..وكنت دوم الاعبها ...

ظبية تصرخ عليها: غبوش بسج عاد ..البنت راحت ...ومانروم نرد الميت ...بسج ودعيها وظهري عسب يصلون عليها وياخذونها للمقبرة...

غبوش: سكتي انتي ولاترمسين..انتي السبب اللي علمتي شيمو صفاتج ..وهلي اللي ذبحتها ...لو انتي كنتي طيبة وعلمتي شيمو الطيبة كان ماصار اللي صار....

شويخ: هدوا يابنات ..حرام عليكم يالسين تضاربون ..وعند مهرة شو تتوقعون مهرة الحين....اكيد راح تزعل ..وخاصة منج انتي ياغبوش ...يالسة تصرخين ....ومهرة دوم تعرف انج طيبة وقلبج ابيض ومسامحة ....الحين شو تتوقعين ..اكيد راح تتفاجأ منج ...ومن رمستج ..وخاصة يوم تحطين اللوم على اختها وتوأمها ...

دانه: شويخ لاتقسين عليها ...مهرة وغبوش كانوا دوم ويا بعض...ومايفترقون ..ويوم غبوش تروح مكان لازم مهرة وياها ....

نورة: الله يرحمها ...يالله بنات خلونا نودعها وبعدها نظهر عسب اتي شيما وتودع اختها ..وبعدها ياخذونها ويصلون عليها وبعدها ياخذونها للمقبرة....

وبعد ماودعوها ظهروا وغبوش يالسة اطالع شيما باحتقار ...قصايد راحت عند شيما ؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 19-01-2009, 09:24 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ياعين حني على قلب استصاب منك من أول نظرة ، من تأليفي


قصايد: يالله شيما روحي عند اختج تلاقينها الحين منتظرتنج بفارغ الصبر..وتبا تسمع صوتج ...روحي لها ...

شيما ودموعها بعينها ....: ومهرة راح تسمعني...

قصايد: اكيد راح تسمعج ..والحين مسحي دموعج وروحي دخلي عندها ..واللي بقلبج قولي لها ولاتخلين شي...لان راح يكون آخر يوم وأخر لحظة تشوفين فيها مهرة ....فاللي بقلبج خبريها ,,,

شيما: ان شاء الله وتروح شيما عند مهرة....

دخلت شيما عند اختها مرة وشافتها ع السرير والغطى عليها وشافت ويها كيف منور ....وتروح تقترب عندها وتهمس عند ذانها ....

شيما: مهرة ..هذي انا شيما ..انا آسفة يا مهرة سامحيني ..ادري اني غلط عليج ..وانا السبب باللي صار ..ليتني مت بدالج ..تدرين يامهرة ..ان قصايد وشويخ وحور كلهن طيبات ..وحبوبات ليتني سمعت كلامج وتصادقت وياهم ...تدرين شو قالن لي ..قالو انج راح تسمعيني ...مهرة ...تدرين اول ماصار لج الحادث كل يالسة بحيرتي واصيح واقول اني انا السبب ...اني انا اللي سببت هالحادث ...ومحد افتكرني ولا يلس وياي او يواسيني ..استاهل هالشي لاني انا وحدة مااستاهل حد يصادقني او يعطف علي..لكن تدرين منو الي يا يواسيني ...قصايد وشويخ ونورة ..يو عندي بالغرفة وخففوا عني ..مهرة حسيت بطيبتهم ورقة قلبهم ...حتى عمتي ظبية مايلست وياي تواسيني ...انا تحريت انها بتي عندي لكن ابد ولا اهتمت فيني ....قصايد وشويخ ماقصروا وياي...حتى انهم قالو لي ...لو كنت متضايقة ..ولو ابى حد يسمعني ..اروح عند الشباك بالليل واشوف نجمه تلمع بالسما ..وهالنجة هي انتي ..وانتي راح تسمعيني...حتى خبروني انج تركتي عبدالله امانه بيدي..وانا اوعدج يا مهرة اني راح احافظ على هالامانة وراح اتغير واكون طيبة وراح اتقرب من عمتي غبوش عسب تسامحني..لانها تكرهني ..وماتبا تشوفني ...من حقها انها تكرهني لاني انا السبب ..مهرة انا احبج يامهرة ..وانا اسفة على كل اللي صار ..انا احمد ربي انه جعلج اختي ...بس ماعرفت بقيمتج الا من بعد ماتركتيني ...ويلست تصيح....

مسحت شيما دموعها : تدرين خبروني ان موزين ادمع عندج ..لانج راح تتعذبين ,,وانا ماابي اعذبج ..انتي اختي وحبيبتي ..مهرة باقي اسبوع على عيد ميلادنا ....ومااعرف شو راح اسوي من دونج ..وراح يكون اول عيد ميلاد من دونج ...كيف راح اطفي الشمعة وانتي بعيدة عني ...مااظن ان احنا راح نسوي عيد ميلاد وانتي بعيدة عنا .. صحيح تعرفين منو كان هني فارس...هي فارس..يا وبيروح بعد المقبرة معاج....اكيد تستغربين كيف عرفت...الصراحة انا كنت يالسة اسمعج وانتي ترمسين عمتي غبوش يوم قلتي انج معجبة فيه..الصراحة صرت احسدج انج شفتي واحد تعجبين فيه ...وهو ماشاء الله عليه حلو ...مهرة ..مادري لو راح الاقي حد يحبني او احبه...بس اوعدج اني راح اتغير ...للاحسن وراح اخبر ابوي ياخذني العمرة وراح اعمر عنج ...وان شاء الله توصل عمرتي لج يالغالية ..مهرة راح يكون اليوم آخر يوم لي وانا اشوفج ..بس راح تظلين بقلبي ....وراح اكلمج كل ليلة يوم اشوفج نجمة تلمعين ...مهرة راح افتقدج وايد احبج يامهرة واتمنى انج تسامحيني ....سامحيني يامهرة ...وراح اخبر عمي مبارك ياخذني لج عسب اقرا عليج الفاتحة وازورج واخبرج بكل اللي يصير
وبعدها تروح تبوسها وتظهر وتشوفها قصايد ...وتروح شيما ترتمي بأحضان قصايد وتصيح من قلبها ...

وبعدها راحن الحريم للرماح ...

اما الرياييل راحو يصلون عليها ثم خذوها المقبرة يدفنونها .........

في المقبرة بعد مادفنوا مهرة ظل بوذياب وذياب ومبارك وميحد ....

ميحد يالس يرش الماي على قبر مهرة ....

اما ذياب يحظن ابوه ويصيح ....

ميحد: بسكم خلاص تصيحون الحين مهرة راحت واللي علينا انا نترحم بها وندعي لها ..وانت ياذياب بسك صياح موزين انت بجذي يالس تحرقها ..روح البيت وايلس ويا الهنوف تلاقيها تحتاجك الحين ...لان من اول ما توفت مهرة وانت بعيد عن حرمتك اكيد هي تحتاجك الحين ..يالله روح...

ويروح ذياب ومن بعد ماودع بنته ...وراح وياه ابوه وظل ميحد ومبارك ....

ميحد : مبارك بس عاد شو يعني خلاص مهرة راحت ولاتنسى شو اللي وصتنا عليه ...ترا راح يظل برقبتنا لين يوم الدين ...مبارك كلنا راح نموت وهذا هو يومها ....وشوف باجر منو راح يموت...

مبارك :بس يا ميحد ماتخيل مهرة مو موجودة بالبيت كيف ادخل البيت من دون مااشوفها جدامي...

ميحد: خلاص يامبارك تعود على هالشي ..مهرة راحت بس ذكراها بقلوبنا ....كلنا مردنا بهالتراب ....ومهرة سبقتنا ..الله يرحمها ويغمد روحها الجنة ..

مبارك : الله يرحمها\.....

وقبل مايظهر مبارك قال:

غابت عني ولا ادري وش حالتها * * * * * ولا أدري وشلون قلبي بتنام عيونه

قلت أقوم أنشد عنها بنت خالتها * * * * * عله يرتاح قلب تلعب فيه ظنونه

صدت عني ما تبيني أشوف دمعتها * * * * * قالت ياولد البنت بالعود مدفونه

ماتت وغابت بالسما أحلى نجمتها * * * * * وحزن النجم والقمر إنخطف لونه

ماتت ومات بالحديقة أغلى وردتها * * * * * وبكى الشجر والزهر قاموا يرثونه

وقفت مذهول وزاد بجسمي رعدتها * * * * * وقفت صامتن وعقلي جنت جنونه

رحت المقابر علي الحق جنازتها * * * * * لقيتها مكفنه وقبرالبنت يحفرونه

وصلت المقابر ومحدن فيه حرتها * * * * * غير امها وأبوها وأخوها يعزونه

شالوها يبغون يحطونها بحفرتها * * * * * وغطوها بالتراب وقلبها يدفنونه

لولا خوفي من الله ثم فضيحتها * * * * * لأقول هالبنت جسمها لا تدفنونه

إلتفتلي شخص أظنه من جماعتها * * * * * يقول هالولد علامه تبكي عيونه

غمضت عيني ماأبي تزل دمعتها * * * * * بس بان الحزن والناس يشوفونه

وإنزلت دمعة من قوة حرارتها * * * * * احرقت خدي وخلته احمرن لونه

قلت انا اللي روح روحي فدتها * * * * * قلت انا من روحي وقلبي يفدونه

قلت انا من تركتني وحيد بدنيتها * * * * * وانامن عشقها وحبها دايم يصونه

أحبها واسالو عين ياكثر ما بكتها * * * * * واسألو كل هالبشر وهالعالم وكونه

أبيات شعري يا ما ويا ما تغنتها * * * * * تقول أبيات شعرك قلبي يطربونه

من لام روحي عله يعيش حسرتها * * * * * ويعيش طول الدهر تبكي عيونه

يا لايمين قلبي شوفوا صورتها * * * * * بعدها تبون تلومونه لكم تلومونه

ما أبي غيرها أبي أسعد بضمتها * * * * * ماأريد غير قليبي تنجلي حزونه

فوق قبر هالبنت تعالت ضحكتها * * * * * يا عسى قبرالبنت بالسما يرفعونه

لعنبو عين عقبك ما تحدر دمعتها * * * * * ولعنبو خلقن كان إسمك ما يطرونه

لعنبو روحي كان تكتمل فرحتها * * * * * ولعنبو الحزن لو فارق يوم بسجونه

روحي فقدتها ودموع عيني رثتها * * * * * بأبيات شعر مكسرة ماهي بموزونه

يالله يا كريم تغفر لها كل زلتها * * * * * وتغفر لها ذنب كل الملا يقترفونه

يا كريم إجمعني بها بجنة عدتها * * * * * حج البيت والصيام وخمس يصلونه

يا ليتني ساكن اليوم بوسط حفرتها * * * * * وروحي بجنب روحهااليوم مدفونه


ويلس يصيح وراح ميحد يحضن اخوه وصاح وياه وبعدها ظهروا من المقبرة تاركين مهرة بروحها ..بس وعدوها انهم يزورونها ..

مر الاسبوع بسرعة والبنات والحريم ماقصروا دوم يروحون يزورون ام ذياب والهنوف يوقفون وياهم ويخففون عنهم ..والبنات طبعا دوم يقعدون ويا غبوش ويطلعونها من المحنة اللي هي فيها ..وطبعا مانسوا شيما ويخلونها تطلع من العزلة اللي حابسة فيها ...ويخلونها تنسى شي انها هي السبب بهالشي ...ودوم يذكرونها ان هالشي الله كاتبه من يوم مانولد الشخص.....

وبهالاسبوع طاف يوم ميلاد شيما ومحد سوا له سالفة ...حتى شيما ماكان لها خاطر تحتفل بيوم ميلادها من دون اختها ....وكانت كل ليلة قبل ماتنام تروح عند الشباك وتشوف نجمة مهرة وتلمع بالسما وترمس معاها ...وكانت تصيح يوم تسمعها .....

غبوش اسبوع انقطعت عن الكلية وماراحت ..عووش راحت سوت لها عذر ...اما ظبية يومين تغيبت عن المدرسة وبعدها كملت الدراسة ....اما عبد الله الصغير من بعد مااي من الروضة يروح غرفة مهرة ويدورها عسب تساعده بالواجبات بس مايلاقيها ....ويروح عند عمته غبوش عسب تساعده ..بس غبوش ...ماتبا حد يدخل عندها ومسكرة على عمرها لا اكل ولا شرب...بس كل صياح ....

اما مبارك وذياب خذوا اجازة شهر ...وكل يالسين بالبيت ومالهم خاطر يرمسون حد او ياكلون ....

اما الهنوف تصيح ليل نهار وماتسكت وام ذياب تحاول تهديها بس من تشوفها تصيح تصيح وياها ....

ظبية صارت عادي تقبلت الامر .....

حمدان بعده ماعرفوا عنه خبر ....ولايعرفون عنه شي...من بعد هالاسبوع ردت ام حمدان وابو حمدان من العمرة وعرفوا بالخبر...وراحو لبيت بوذياب يعزونهم ...واعتذروا لهم لانهم ماكانوا وياهم بمحنتهم ....وردت شويخ وحامد لبيتهم ...وطبعا حور ردت لسويحان ونسوا سالفة مؤامرتهم ضد سمية ...اما سمية يالسة تفكر كيف تنتقم من البنات وانها راح تواجهم ليش سوو معاها جي وخربوا عرسها .....اما خليفة كل يوم يزيد شوقه حق موزة ودوم يتصل لها ..ويترجاها انها ترد ...وسمية صارت معاملتها سيئة حق عمتها ...بس لو كانوا بروحهم ...اما لو كانوا جدام الكل تسوي عمرها المرأة الطيبة والحنونة ....وطبعا الام العودة صابرة بس عسب الاعيال ....واللي كانت تراقب سمية وتصرفاتها السيئة ويا الام العودة هي سلوى ..بس هي ساكته وماتبا حد يعرف عسب تعرف لين متى راح تظل سمية بهالاسلوب ....

اما من ناحية شما فخبرت اختها مياسة باللي صار وكيف ان سمية تعاملت معا موزة بهالطريقة وكيف كانت رمستها قوية بالنسبة لي موزة...وطبعا مياسة على طول خبرت الشلة ...وشويخ متوعدة لها انها تنتقم منها....

والريم عرفت الخبر متأخر وطبعا راحت تزور بيت ابو ذياب وتعزيهم ...وبالمرة تستسمح منهم لانها ماعرفت باللي صار ..غبوش بالبداية زعلت منها ...لكن الريم طلبت منها السماح لان محد خبرها باللي صار ..وبعدين سامحتها غبوش....

اما هزاع كان ينتهز فرصة يوم اخته مياسة تروح مع قصايد لبيت بوذياب فيعطيها دايما اوراق ورسايل حب وغزل وورود وهدايا عسب تعطيها حق قصايد ..مع ان مياسة ترفض هالشي لانهم بهالحالة ماتسمح حق الحب ..لكن مع الحاح هزاع لمياسة توافق فمياسة تكون مرسول الحب للعصفورين ...حتى انه اشترى قلبين ...منفصلين واحد كاتب فيه اسمه والثاني كاتب فيها اسمه قصايد وهو خذا اللي كاتب اسم قصايد وعطى قصايد اللي كاتب اسمه ...

بارق برق والتمسني ماس *** والكل تكهرب واحرقني
والكهربه ولعت في الناس *** وبحر الهوا هل واغرقني***


بالرماح ..ع الساعة 1 بالمسيد ...

من بعد الصلاة ميحد يالس بالركن ويذكر الله ....شافه غانم وراح عنده....

غانم: السلام عليكم ...وتقبل الله

ميحد: وعليكم السلام ..منا ومنكم ..ومن سائر الاعمال الصالحة ....

غانم: اخبارك ياميحد ...واخبار خالي ..والاهل ....؟وينهم ماشوف خالي ومبارك وذياب بالمسيد ...ليش ماشوفهم هني .....؟؟

ميحد: والله شو اقولك يا غانم ...من وفاة مهرة محد له خاطر يظهر ..وكل واحد حابس بحيرته ...وانا اللي ضايع من بينهم ...حتى البيت يوم تدخله تقول محد فيه ...يوم تمر من عدال بيتنا تقول هذا بيت محد فيه خالي,,,,من الناس...

غانم: اسمعني يا ميحد ..انت لازم تسوي شي ..طلعهم من العزلة والحزن اللي انت فيه ...صدقني مهرة الحين ماراح تلاقيها مرتاحة ...يوم تزوركم وتشوف الاوضاع بالبيت ...انت تصرف...

ميحد: كيف اتصرف انا بروحي مو عارف شو اسوي ....

غانم:اسمعني ياميحد ..انا من توفى ابوي الله يرحمه ..ترك وراه بنتين ولد ..وغير امي ...توفى ونورة صغيرة بعدها ..يعني نورة ماشافت ابوي ولا حست بحنانه ...من توفى يلست بالحيرة اصيح ...وخليت امي واختي عووش ونورة بحالهم من دون مااهتم فيهم مع اني انا ريال البيت ....لكن بعدين يلست افكر ..وقلت ابوي اليوم مات وباجر اي حد بيموت ..يعني محد بيتم بهالدنيا كل واحد له اجله ....والبيت محتاج ريال يساعد ويهتم فيه..ابوي راح لكن ظل ولده الريال اللي راح يهتم بعايلته ..وانت تدري ان امي رفضت تزوج وفضلت تيلس وتربي اعيالها....بعدها قررت ...ورحت عند امي وخبرتها ...قلت لها ..ابوي مات مو معناته انه مافي ريال بالبيت ..قلت انا الريال واللي تبونه بسويه لكم بهتم بخواتي ...وبكون لهم الاخ والابو اللي يعطف على بناته...وبعطيهم اللي يبونه ومابقصر وياهم ...وماخليتهم يحسون بالنقص ..كملت دراستي ورحت الخارج ..اكمل واخذ الشهادة ...وخليت امي واخواتي بعهدة ربي وخوالي يهتمون فيهم ...ومن بعد ماتخرجت ورديت البلاد ...اهتميت فيهم اكثر وماقصرت وياهم ..الدنيا يا ميحد تمشي واحنا لازم نمشي وياها ...مو معنات لو حد مات خلاص الدنيا زالت ..لا ..الدنيا راح تستمر لين الله يحكم بقراره وتقوم القيامة ...وانت الحين ياميحد روح وطلعهم من العزلة اللي فيهم ..ومهرة مازالت موجودة بقلوبنا .....ولاتنسى الوصايا اللي وصتكم ياها مهرة ...لازم تنفذونها بالحرف الواحد عسب ترتاح مهرة بالقبر ...

ميحد والدموع بعيونه...: وهذا اللي راح اسويه ماراح ارتاح الا من بعد ماارد البيت لحالته الطبيعية ....مشكور ياغانم ...

غانم: العفو ..لو تبى اي مساعدة انا حاضر...

ميحد: تسلم....

وبعدها راح ميحد للبيت وبراسه انه لازم ينتهي هالشي وانهم يردون شرات قبل ويطلعون من الحزن اللي هم فيه ...


انا شبابك لاغزا راسك الشيب وانا عضيدك لو تدور الليالي***في بوظبي في بيت بوفهد؟؟؟

قصايد بحيرتها يالسة تذاكر....وادق الباب سمية ...

قصايد : منو ه اللي يزعجني ....منو؟؟؟

سمية: هذي انا ممكن...

قصايد: اف ولينا منج انتي بعد انا بروحي مااطيق اشوفج ...تفضلي مرت عمي..

وتدخل سمية ....

سمية: شحالج قصايد ...ماشفناج ع الغدى....؟؟

قصايد..وعيونها بالكتاب: بخير الله يسلمج ..مااشتهي اكل ...اكلت بالجامعة ويا شويخ ومياسة ودانه....

سمية: اها .....

قصايد: اها .....

سمية: ممكن تودرين عنج شوي الكتاب ابا ارمسج بموضوع...

قصايد: مرت عمي باجر عندي امتحان صعب وابا اذاكر ..خلي موضوعج لبعدين...

سمية: لا ابا ارمسج الحين,...

قصايد: مرت عمي بعدين ابا اذاكر..لو موزة كانت هني ..كانت عادي بتأجل الموضوع لبعدين ..وراح تخليني بحالي اذاكر...عسب انجح...

سمية عصبت: مرت عمج موزة اول ..الحين انا مو موزة ..انا سمية ولاتبيني اذكرج..انا غير وموزة غير...ولاتيبين طاري موزة جدامي ...لاني ماطيق اسمع اسمها..فكة منها انها ظهرت من هني...

قصايد معصبة: زين والله ..زين انج طلعتي على حقيقتج ياسميو...وبعدين مرت عمي موزة احسن منج بمليون مرة فاهمة...وانتي ماتسوين ظفر من ريولها ...فلو سمحتي ظهري من غير مطرود....

سمية: ماراح اظهر قبل ماتسمعيني ....

قصايد: اف منج ..يعني ماراح تظهرين ..والله لأزقرج عمي اي ويكفخج الحين...؟؟

سمية: سمعيني عدل ولاتخرعيني بعمج ...ولاغيره...انا عرفت شو سويتو فيني انتي ويا شلتج الخايسة ...يوم خربتوا عرسي ...وكل شي صار من تحت راسكم ....بس والله يا قصايد انتي والبنات راح تندمن ..لو حاولتن تدخلن في حياتي وحياة ريلي خليفة...

قصايد تفاجأت يوم عرفت سمية بأنها عرفت بمؤامراتهم اللي سووها لي سمية...فسوت عمرها انها ماتهتم ...

قصايد: والله زين عرفتي عسب تعرفين ان اللي يحط راسه براسنا ويدخل بحياتنا ...راح يلاقي جزاه....

سمية: والله انا مادخلت بحياتج ولا حياة البنات ...اظن ان خليفة هو بنفسه قال يباني .....

قصايد تضحك: هههههههههه ضحكتيني ومالي خاطر اضحك....ليش الهانم ماتعرف ان عمي خليفة مجبور انه ياخذج ..وانه بالاساس مايبا يعرس على موزة لولا طلب موزة له ...عيل بالله عليج لو عمي كان بغاج ..كان سوالج احلى عرس باكبر قاعة ..حبيبتي سمعيني عمي خذاج بس عسب العيال اللي امي العودة اللي احتشرت عليه الا يتزوج ....ولا انتي مو شي بالنسباله ابد ..لان اللي بقلبه هي موزة وبس....لا انتي ولا غيرج ترومن تدخلن قلب عمي وتنسنه موزة....

سمية مصدومة باللي تقوله : شو تقولين ..انتي وحدة حقيرة ..انتي تقولين جذي ..بس علشان انج مو موافقة ان عمج ياخذني على راس موزة ...صدقيني راح اخلي عمج ينسى موزة وراح اخليه يطلقها بعد....وراح تشوفين ...

قصايد: الحقيرة انتي ..وبعدين ماترومين ..لان القلب انكتب باسم موزة ..يالله عطيني مقفاج وبرع ومابا اشوفج بحيرتي مرة ثانية ..والا والله يا سميو...راح تندمين بيومها انج دخلتي هالبيت ...برع..

سمية: الظاهر امج وابوج ماربوج عدل ..عسب ترمسين الاكبر منج باحترام ..الظاهر تربيتي من الشارع ويبتي هالرمسة الشينة والماصخة ياقليلة الاحترام ....

من ورا .........

******: انتي اللي قليلة الادب عسب ترمسين بنتي هالطريقة ...وبنتي الحمد لله ربيناها وماقصرنا وياها ...علمناها الصح والغلط ...وعلمناها كيف تحترم الاكبر منها ....

سمية خافت : ام فهد...؟؟

ام فهد: هي ام فهد ...يالله قولي اشوف عيدي الرمسة الي قلتيها جدام بنتي الحين ..لو فيج خير...

سمية: ام فهد انا ,,,

ام فهد: انتي ولا شي يالسة تعقين رمستج الوصخة على بنتي .....وبنتي متربية ...ومافي داعي ترمسين بهالرمسة ....انتي ياية اهني لانج زوجة خليفة وبالعين والراس تحترمينا نحترمج ونحطج بالراس...اما انج تتعدين حدودج وتغلطين علينا انا ماراح ارضاها ....فاهمة ....

ويدخل عليهم خليفة من بعد ماسمع صوت ام فهد وهي معصبة ....,

خليفة: خير يامرت اخوي ليش معصبة ...ويشوف سمية ...: سمية شو صار ليش مرت اخوي معصبة شو سويتي لهم ...

تروح قصايد بحضن عمها وتصيح .........

خليفة خاف على بنت اخوه : قصايد بلاج ليش تصيحين شو صاير....

قصايد: عمي مادري شو بلا سمية ...يالسة تسبني وتقول اني مو متربية ..لا وتقول انها راح تنسيك موزة ....

ام فهد معصبة وترمس خليفة : ماهقيتها من حرمتك ياخليفة ..حطيناها فوق راسنا وبالاخر تغلط علينا ..ليش شو سوينا بها ...وبنتي الحمد لله ابوها ماقصر فيها رباها احسن تربية ...وانت تعرف هالشي يا خليفة ....

خليفة معصب : سمية روحي حيرتج بسرعة ....

سمية خايفة :خليفة انا ,.......

خليفة عصب عليها : سميو روحي حيرتج احسن لج يالله جدامي..

وتظهر سمية وتروح حيرتها وهي تصيح...

خليفة : السموحة منج يا مرت اخوي امسحيها بويهي ...وانتي ياقصايد خلاص يالغالية محد يروم يغلط عليج مسحي دموعج .....

وبعدها ظهر خليفة وراح عند سمبة ..وظهرت ام فهد تروح عند ريلها وتخبره باللي صار .......

الرد باقتباس
إضافة رد
الإشارات المرجعية

يا عين حني على قلب إستصاب منك من أول نظرة / بقلمي ، كاملة

الوسوم
ياعين حني على قلب استصاب منك من أول نظرة , هزاااع و قصايد و حمداان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6809 04-09-2017 02:45 AM
غيروني غصب عني .. و غصب عنهم بغيرهم / بقلمي ، كاملة Bed روايات كامله - يتم نقل الرواية هنا بعد اكتمالها 75 15-07-2017 03:08 PM
صحيتي بداخلي توك و كنتي نايمة بروحي / بقلمي ، كاملة غرامي الدلوعه روايات كامله - يتم نقل الرواية هنا بعد اكتمالها 886 17-08-2016 07:30 PM
الثلوج مصيرها السيول / بقلمي ، كاملة سولـــــ♥°The Lost Hope♥°ـــي روايات كامله - يتم نقل الرواية هنا بعد اكتمالها 179 09-06-2013 02:26 PM
هبالي عالم من إختياري / بقلمي ، كاملة تــايــد روايات كامله - يتم نقل الرواية هنا بعد اكتمالها 489 29-10-2012 05:12 AM

الساعة الآن +3: 11:05 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1