:: الـقـنـاصـ :: ©؛°¨غرامي مشارك¨°؛©

السلام عليكم ورحمة الله وبركاته
عندي مشاركه وأتمنى انها تعجبكم





(سيارات ضد السعوديه)
حينما يفكر شخص ما في السعوديه بشراء سياره مستعمله [طبعا أقصد المفلسين اللي مثلي مايقدر يشتري سياره جديده] يخطر بباله للمرة الأولى السفر لدول الخليج ثم بعد ذلك يفكر بشراء سياره من السعوديه.
ليس لأن دول الخليج سياراتهم أحدث من سياراتنا؟
وليس لأن عندهم شركات قادمه من الفضاء تجيب سيارات غريبه؟ لا.
الشركات هي نفسها اللي تورد لنا تورد لهم!!
أذا لماااااذا؟
أولا: الشخص السعودي مايبيع سيارته إلا وهي منتهيه.
وهو ماخلاها من باب:
(الزهد في الدنيا أو الشح).
لا لأنه مايقدر يشتري غيرها.
ثانيا: الشخص السعودي اذا بغيت تشتري منه سياره مايبيعها إلا بسعر خيالي.
وهو ماغلاها عليك لأنه يكرهك أو أنه بخيل.
لا! لأنه يبي يزيد عليها ويالله يالله يلقا له سياره غيرها.
ثالثا: المواطن الخليجي بأمكانه أن يشتري سياره جديده كل عام.
ليس لأنه يملك أموال قارون أو أنزلت عليه كنوز من السماء؟ لا!.
لأن راتبه يسمح له يأخذ كل سنه سياره جديده وهو مرتاح.
إذا" الآن عرفنا لماذا الشعب السعودي يذهب للخليج.
علشان يشتري سياراتهم حقت العام الماضي.
بس اللي محيرني ليش سياراتهم ماتخرب وحنا سياراتنا تخرب؟
أنا أقول لأن الغرب حاقد علينا حتى اليابان صارت معهم بعد.
لأن عندنا في السعوديه بترول ويبون يغشونا حتى في السيارات.!
بس اللمشكله أن الخليج عندهم بترول ولا غشوهم زينا.!
أكيد أن الغرب واليابانيين مظلومين.
أجل لييش سياراتنا تخرب وسيارات إخوانا الخليجيين ما تخرب؟
يمكن لأن الدول الخليجيه تنفق الملايين من الدولارات وترصد الميزانيات لتعبيد الطرق والشوارع في المدن.
لكي ينعم المواطن بالسير في الطرقات بكل رفاهيه دون إلحاق الضرر بالمواطن أو بسيارة المواطن.
ناهيك عن نظافة الشوارع وإتساعها. لكي يشعر السائق وكأنه وحده في الطريق رغم أزدحام الطرق لديهم!.
ولكن حكومتنا تدفع إيضا ملايين الدولارات وترصد الميزانيات للطرق والشوارع!!
فأين تذهب هذه الأموال؟
الآن عرفت السبب تبون تعرفون إيش السبب؟
إنه المقاول!!
قبح الله المقاول.
وليس المقاول وحده.
إنهم بعض المسؤلين في الوزاره والبلديه ممن غاب عنهم الضمير وأطغاهم حب المال والطمع والأنانيه.
فحياة المواطن رخيصه عندهم وآخر شي يفكرون فيه المصلحه العامه.!
لا ويقولون نسبة الحوادث زايده عندنا بشكل كبير!.
أكييد بتزيد وتزيد دام اللي يستلمون المشاريع مقاولين سعوديين!
فالمقاول السعودي يغري بالعرض في المناقصه بأقل الأسعار في تنفيذ المشاريع.
ليس لأنه يريد الحفاظ على اموال الدوله؟
كلا ثم كلا!!
علشان يلهف الفلوس لهف وينفذ المشروع بأقل تكلفه ولا تهم الجوده.
أجل في بعض الشوارع من ثاني أسبوع تمشي عليه تلقاه متكسر!!
ناهيك عن ضيق الشوارع وكآبتها وأمراضها المزمنه.
عجيب أمر هذا المقاول يصول ويجول في شوارعنا بكل ثقه ليس لأنه شجاع؟
بل لأنه أمن العقوبه!!
ودرا أن ماحوله أحد.
لاااا للمقاول السعوودي.!
الفرق بين المقاول السعودي والأجنبي.
أن المقاول الأجنبي يفكر في (العالميه) والمقاول السعودي يفكر في
(أمات خمس ميه)!!
علشان كذا تخرب سياراتنا وتتكسر وهي جديده شلون لو هي قديمه؟
فالسبب اللي يخلينا نروح للخليج ونشتري سيارات هو شوارعنا المتهالكه!
والشكوى في هذا الموضوع ما لها أي فايده.
طييب إييش الحل؟
الحل حاجه من أثنين:
نروح للدول الغربيه واليابانيين ونقول لهم أصنعوا سيارات ماتخرب
(ضد شوارع السعوديه).
أو نقول تعالوا
(أفزعو لشوارع السعوديه)..!!
أرجو أن يكون الموضوع حاز على اهتمامكم ......... وانتباهكم

ترف ~ ©؛°¨غرامي ماسي ¨°؛©

هلا اخوي ما اقدر انساهـ

والله كلامكـ واقعي وشئ يحز بالنفس ان هالشئ في بلدنا

لكن لا تلوم المواطن لوم اللي حد المواطن ..

موضوعكـ شيق

سلمت اناملكـ

تقبل طلتي..

:


بنت عساف

:: الـقـنـاصـ :: ©؛°¨غرامي مشارك¨°؛©

هلا بك أختي وحياك الله
وشكرا ً على مرورك وتقبلي تحياتي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1