غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 07-03-2008, 02:34 PM
صورة سآكِبَتْ الْـ عُ ــودْ الرمزية
سآكِبَتْ الْـ عُ ــودْ سآكِبَتْ الْـ عُ ــودْ غير متصل
©؛°¨غرامي مجتهد¨°؛©
 
رد : قصتي: والله احبك ويشهد الله علي لما اشوفك ابتسم صدقني ما هو بدي


الـــــــــبـــارت الـــرابـــع
*************************************
عايشه:اسيل أسيل أصحي بسك نوم
أسيل(تحضن المخده)خليييييييني ليه مصحيتني
عايشه:وليه ما أصحيك الساعه صارت 10
أسيل:أف أف أفففففففف ليه كذا عيوش عاد مازن كان توه بيلبسني الشبكة
عايشه:هههههههه طيب قومي لا تسمعك أمك
أسيل:طيب( ترجع تحضن المخده وتغمض) خليني أنام 10دقايق يلبسني الشبكة وأقوم
عايشه:منتي صاحيه هههههههه ( تتلفت حولها وأبتسمت وأهي تطالع لكوب ماي وتكته على أسيل) قوووووووومي
أسيل(تشهق) أهئئئئئئئئئئئئئ يا الخايسه عوييييييش أوريك
عايشه(تنحاش من الغرفه للمطبخ ) يمه يييييييمه
الأم:علامك
عايشه(تتخبى ورى أمها) شوفي أسيل
أسيل(غرقانه ماي)عويش يالخايسه
الأم(تطالع لأسيل وعايشه)غرقتيها ماي حشى بزارين مو حريم متى تكبرن
عايشه:عيت تصحى يمه شسوي
الأم:روحي بدلي ملابسك وبسك نوم
أسيل:ماأبي أبي حقي بالأول
الأم:أسيلوووه روحي بدلي وياويلك إذا سويتي شئ
أسيل(تضرب برجلها بالأرض بعصبيه)ظلم ظلم لييييييييييييه كذا
الأم(بعصبيه)ظلم يله ذلفي يارقدانه(نايمه)
نجود(تدخل بسرعه) يمه يمه خالي وصل ومعه عائلته الكريمه
أسيل(تتأفف)أفففففففف أيش جابهم
الأم:عييييييييب يله طلعي غيري ملابسك
وسميه(تدخل)السلام عليكم
الكل:وعليكم السلام
وسميه:شلونك ياأم عايشه
أسيل: ينقال لها أم عبدالله
وسميه(تتصنع البسمه)أيه نسيت أم عبدالله
عبدالله أرضعته زهره مع أسيل ماعندها أولاد الكل يناديها أم عبدالله وأهو بار فيها وأكثر من أمه وسميه اللي مو معطيته أي أحساس بأنها أمه عكس دلوعتها عابد والحنان اللي فقده عند أمه وسميه حصله عندأمه زهره
ترفه:السلام عليكم(حبت راس عمتها)
الكل:وعليكم السلام
أسيل(تبتسم)ترووووووووووفه
ترفه(تفتح أيديها)أسوووووووووله
أسيل تضم ترفه ويحبن بعض أهن بنات خال وعمه بس مكانة كل وحد بقلب الثانية فوق كل شئ
نجود:الحمد لله والشكر
عايشه:ياااربي على هالحب ذا كله لترفه
أسيل(تمسك يد ترفه)تعالي عندي لك سالفه
ترف:يله معاكي
نجود:أنا بروح عند نجد
عايشه:نجوووووود والغدا من يساعدني
وسميه(تبي تفتك) يووووووه ماسملت على عمي
عايشه:مالت عليك تحججي بشئ ينصدق جدي أول واحد سلمتي عليه تحسب بطلب مساعدتها
الأم(بحزم)عيب مهما يكون وسميه أم رجلك لازم تحترمينها
عايشه(ترفع أديها تدعي) ياجعلي للموت قبل أخذه حسبي الله عليك ياخال لو أبوي عايش كان مارضى باللي تسويه فينا
الأم(تضم بنتها بحنان) يمه لا لا تدعين خليها على الله
عايشه:سامحيني يالغاليه ضايقتك
نجد(تدخل ركض وأهي معصبه) يمه يمه
الأم:بسم الله عليك يمه فيك شئ
نجد(بعصبيه)خالي قال لجدي أن عايشه وعابد عرسهم بعد شهر
الأم وعايشه(بصدمه) شنووووووووووووو
الأم:أنتي متأكده
نجد:أيه والله يمه
عايشه(بصدمه) شهر شهر يمه حنى أتفقنا بعد 4شهور (لفت لنجد) عابد هنا
نجد:أيه موجود لا وراز عمره وشاقه حلقه هالأبتسامه
عايشه(بعصبيه) ززززززين أنا رايحه له
الأم:عايشه عايشه تعالي يمه أهدي
نجد(ركضت لأسيل )أسييييييييييييييل أسيييييييييل
أسيل(طلعت بسرعه على صراخ نجد)خير شفيك
نجد:لحقي عايشه
ترفه(طلعت)أكيد عرفت عن العرس
أسيل(تلتفت لها وتعقد حواجبها)أي عرس
ترفه:أبوي حدد العرس بعد شهر
أسيل:شنوووووو
نجد:وعايشه معصبه
أسيل(تلف لفتها) أنا أتصرف
نزلت والأصوت عاليه برى البيت والكل معصب
عايشه(بصوت عالي وبعصبيه)عااااااااااابد
وسميه:قصري حسك
عايشه(تلف لها)رجاء أنا أتكلم مع عابد مو معك
الأم:عايشه أهدي يمه
عايشه:أعوذ بالله عابد أتفقنا العرس بعد 4شهور
عابد:أبوي وأمي يقولون كذا أحسن
أسيل:ولييييييه وأنت ماعندك شخصيه تقرر وتشوف شنو الأحسن
الخال(بعصبيه)أسيلوووووه أنطمي
أسيل:شنووو يا خال أيش تغير
وسميه:الولد كبر ولازم يعرس
أم أسيل:ما فيه فرق بين شهر و4شهور ننتظر
الخال(بحزم)لا بعد شهر
عبدالله(بعصبيه)عااااابد تكلم
عايشه:ليه كذا يا عابد يااارب أموت وأفتك من كل هذا يا رب
نجد:لا تدعين على نفسك عساهم اللي يضايقونك
أم أسيل(بحزن)تعالي يمه خلينا ندخل الله يعين
نجود:الله على الظالم
الخال(بعصبيه)تدعين علي
أسيل:ليه أنت الظالم حشى لله
أسيل:أسمع يا خال أمي وخواتي داخل هذا أنا وأنت ومرتك وجدي وهذا ولدك عابد وعبدالله أخوي بتكلم وأشهدوا على كلامي له
الخال(بإستهزاء)خير يا بنت عبدالوهاب
أسيل:قلتها بنت أبوي عبدالوهاب أنت عارف من أبوي ومن عمامي والله بدقه يكونون هنا
الخال(بتعجب)تعرفين فين هو وأنه ما مات
أسيل:إيه عرفت صدفه قبل شهر
الجد:شفتيه
أسيل:لاء بس قريب
وسميه:يهب كيف عرفتي
أسيل(تأشر على خالها)من هذا
الخال:مني كييييييييييييييف
أسيل:لما تبي تسرق أسرق على حجمك
وسميه:ووووجع تقولين لخالك يسرق
الخال(عصب ووقف يبي يضربها) يا حيوانه
الجد(بعصبيه) حدك يا خلف
الخال:ما تسمع شنو تقول ما تحترمني
أسيل:أهدى يا خال أهدى
عبدالله:أسيل يعني أبوك مو ميت
أسيل:لاء عاااااااااايش
الجد(يطالع ولده)لييييييه قلتو لنا أنه مات بحادث لييييييه
الخال(يبرر)لأن اللي سواه وسووووه في أختي قوي شلووووون ترجع له ما نرضى على كرامتنا
أسيل:كذب أنت وخالي متعب رفضتو رجوعه لنا أكيد بس بعرف كيف ما اصر يأخذنا منكم
أم أسيل(بحزن) أنا بقولك
أسيل(تلف متفاجئه)عارفه أن أبوي حي
أم أسيل:إيه عارفه بس أنتي كيف عرفتي
أسيل:أنا أشتغل بمستشفى عمي محسن مع ترفه وفي يوم جانا رجال لفت نظري حسيت براحه لوجه ولما شفت ورقه التحليل لسكري عرفت أنه أبوي واستفسرت من الممرضات وأكدا ليه أنه عبدالوهاب محسن الــ.....
الجد:زهره أنتي عارفه ولا قلتي ليه وأنا أبوك
أم أسيل(تدمع عيونها) يبه سامحني متعب وخلف هددوني أني إذا فكرت أرجع له راح يزوجوني غيره وبناتي أبوهن يأخذهن مني سكت مو رغبه مني غصب عني أبيه وأبي بناتي
الخال(يبرر)إحنا سوينا كذا عشان التهمه اللي أتهموك فيها
أم أسيل(بعصبيه)لا يا أخوي دام أنكشف كل شئ و عبدالوهاب عرف الحقيقه أني شريفه و عفيفه وأن أخته ومرته السبب وكان بيكلم أبوي
أسيل(بدموع على خدها)بيرجعك يمه
أم أسيل:إيه يمه بس طمع خوالك رفضوا وقالوا أن ولد خالتي سطام تزوجني وأنتقلت معه ومع بناتي للدمام ولأنه طيب وحنون ما حب يحرمني من بناتي وياخذهن وطلبوا منه يصرف على البنات وكان يدخل مبلغ ضخم بحساب خلف كل شهر ولكن أخواني وطمعهم كانوا يتقاسمون المبلغ بيناتهم
الخال(مصدوم من اللي يسمع) كيف عرفتي
أم أسيل: ياخوي ربك اللي كشفكم على حقيقتكم سمعتك من 10أيام تكلم متعب بالشرقيه تقوله بكره عبدالوهاب بيدخل المبلغ بحسابي تبي أسحبهن لك أو أحولهن لحسابك
وسميه(تلف لخلف) دوم أنت كذا تخرب كل شئ
عبدالله(انصدم من اللي سمع معقوله امه وابوه) حتى أنتي يمه مشتركه معهم
الجد:ماشاء الله طابخينها سواااااااا
وسميه(بأرتباك) لا لا لاااااااا ما أعرف
الجد(عصب ورفع عصاه) قم قم أطلع من مزرعتي قممممم وخذ معك ذي السوسه وذا اللي بلا شخصيه يله
الخال: يبه أسمع
الجد(زادت عصبيته) أأأأأأطلعووووووو
الخال(بعصبيه وقف) قومي نادي بناتك
أسيل(تصيح وحطت وجها بين أديها) الله لا يسامحكم الله لا يسامحكم
وسميه( رجعت لهم ومعها أمل) يله خلنا نمشي
الخال: وترفه
وسميه: تبي تجلس خلها تولي
الجد(بعصبيه) عساكم تولون أنتو ييييييييييله
عبدالله: جدي هد الله يخليك لنا
أم أسيل: يايبه خلاص مضى 18سنه
الجد: 18سنه يغشون ويخدعون عبدالوهاب 18سنه والنفقة اللي ملككم
أم أسيل: أنا وبناتي مانبيها مو محتاجين لها
الجد: حرام يابنتي أول مانعرف بس ألحين لا هذا نصب
عبدالله: جدي صادق هذا نصب لازم يعرف ويوقف التحويل
أم أسيل: يبه كيف نوصل له
أسيل(بعد صمت) أناعندي رقم بس رقم الدكتوره روابي
أم أسيل: روابي من تقصدين لا تكون بنت أمينه
أسيل: أيه بنت عمتي أمينه
عبدالله: أنتي تشتغلين في مستشفى عمك محسن كيف ماأكتشفك أنك بنت أخوه أقصد الكارنيه(بطاقة العمل)
أسيل:دوم أخبيها خفت إذا عرفونا ياخذونا
الجد:مو لهذي الدرجه وأنا جدك
أسيل:جدي خفت بعد يعتقدون ان نبي فلوس
عبدالله:أسيل حججك مو مقنعه
أسيل:مو عارفه ليه أتجنبهم
أسيل(في نفسها)خايفه بدايه أرتباطي فأهل أبوي نهايه لأرتبطي بمازن دوم البنت عندنا مظلومه ياولد عمها ياولد خالها إذا جاء مازن و قرر يخطب ويرتبط ذيك الحزه أرجع كل شئ ماباقي شئ على رجوعه أنتظر
أم أسيل:أسيل أسيل علامك سرحانه
أسيل:هاه هلا
الجد:دقي وأنا أبوك عليه قولي له حرام يقط فلوسه كذا على متعب وخلف
أسيل:أروح أجيب جوالي بس ما كنه الوقت حزت غدا
الجد:ليه الناس يصلون قبل الغدا والصلاة توها
أم أسيل:إذا ما تقدرين أنا أكلمه
أسيل:لا أقدر خلاص بروح أجيبه بس ما نقوله أحنا وين زين
الجد:ليه ما تبين تشوفينه
أسيل:خلاااااااص جدي بعدين أكلمه
أم أسيل:لا يمه ماراح نقول أحنا وين
أسيل(تبتسم) زين ثواني بس
************************************************** ********
الشباب يلعبون بلاستيشن
أحمد:حده حده
فراس:أحمد أكسر عليه الطريق لا يسبقك
حمد:ياأبو عبدالوهاب لا يسبقونا
فهد:أنا أنحولت أي سياره لي
الكل:ههههههههههههههههههههههههههههههههههههههههههههه ههههههه
حمد:الزرقا الزرقا الحمد لله والشكر ليه أخذتك بفريقي
جراح:قلتلك ألعب بداله تستاهل
روابي(جت تركض لهم أخذ نفس) حـ..حـ..حـ..حـمد
حمد(يوقف)روابي أيش فيك
روابي(تأشر على الجوال) خالي عبدالوهاب وين
حمد:في بيت الشعر علامك على الجوال
فهد:علامك روابي من اللي داق
روابي(تأشر لهم)بعدين بعدين
راحت روابي لبيت الشعر
فراس:علامها هذي
أحمد:تاشر على جوالها الظاهر مكالمه مهمه
فهد:خلونا نروح لهم
الشباب:بسرعه
روابي(تعطي الجوال لخالها)خالي كلم
عبدالوهاب:من
محسن:روابي من اللي متصل
روابي(تبتسم)كلم خالي وتعرف
عبدالوهاب: ألو
أسيل(بتردد) ألو
عبدالوهاب: روابي هذا صوت بنت
فهد: روابي تخلين أبوي يغازل
حمد(يدعي العصبيه) ليييييييييه روابي لييييييه كان عطيتيها أخوك حمد يكلمها
فراس:لازم الشياب لازم شنو فيهم الشباب كاهم حلوين لييييييه تخربين أبوي
أحمد: صادق علامهم الشباب
روابي(عصبت وبصوت عالي) بببببببببببببببببس( سكتت الشباب وأخذت الجوال من خالها) ألووو
أسيل: هلا روابي
روابي(تطالع خالها وتبتسم) معاك خالي عبدالوهاب خذ خالي
عبدالوهاب: روابي علامك مو صاحيه
روابي:خالي خذ يله خذ
عبدالوهاب(بعصبيه) نشوف اخرتها..... ألوووووووو
أسيل(بلعت ريقها صوته معصب) يبه
عبدالوهاب(تفاجئ) يبه
الكل( بصدمه) يــــــــبـــــــــه
أسيل(تحاول تتغلب على دموعها) أأأأأأأنا أسيل بنتك بنت زهره
عبدالوهاب:..............
محسن(يقرب من أخوه بخوف باين مصدوم) بسم الله عليك عبدالوهاب عبدالوهاب علامك
فهد( عصب ولف لروابي) رواااااابي أيش سويتي بأبوي ومن ذي
روابي( بخوف) م........م...... ما سويت شئ
عبدالوهاب(بعيون دامعه) أسييييييييييييييييييييييييل
*****************

أنــتـــهـــى الــبـــارت
*مكالمة أسيل لوالدها ماذا ستترتب عليها
*هل سيكتشف حمد أن أسيل الفارسة هي أسيل بنت عمه
*هل سيتم زواج عابد وعايشه ولا ستختلف الخطط بظهور الوالد لحياتهم
*شنو سالفة حمد وفراس مع زواج المسيار وهل سينكشف سرهم وتتحول لزواج شرعي
*علاقة أسيل بمازن هل ستستمر أم تنتهي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 10-03-2008, 09:59 AM
صورة سآكِبَتْ الْـ عُ ــودْ الرمزية
سآكِبَتْ الْـ عُ ــودْ سآكِبَتْ الْـ عُ ــودْ غير متصل
©؛°¨غرامي مجتهد¨°؛©
 
الافتراضي رد : والله أحبك..يشهد الله علي..قصه بقلمي روعه


فراس: أسيل من أسيل
أحمد :عمي يبكي
حمد(بعدتفكير): أسيل من ذي لا تكون اللي أمس
خالد(بأستهزاء): يعني تظن قالت لعمي عنك وأهو بكى من الصدمه
الكل:هههههههههههههههههههههههههههه
حمد(عصب) : جــــــــب زين
محسن وسعد(بفرح) أحلف أسيل بنتك
فهد: أسيل أختي
أحمد: ياااااااااه 18سنه
فراس: أييييييييييش خلونا نسمع
عبدالوهاب: أسيل ياقلبي وينك
أسيل: موجوده يالغالي
عبدالوهاب: بشوفكم أنتي وخواتك وأمــ....(سكت)
أسيل : يبه أحنا بخير وأمي بخير للحين تذكرك
عبدالوهاب: أهي للحين زعلانه مني
أسيل: لا يبه أهي عرفت الحقيقه
سعد(يأشر له) يفك السبيكر
عبدالوهاب(يفك السبيكر):يبه عمامك وأهلك عندي
أسيل:شخباركم عمي سعد ومحسن
سعد:بخير وأنتي وخواتك
أسيل:بخير
محسن:نبي نشوفك أنتي و خواتك
أسيل:أنا أشوفك كل يوم
محسن(متفاجئ) شــلــون
أسيل:بقلبي يا عم يبه بقولك شئ
عبدالوهاب:شنو يبه
أسيل:سكر السبيكر أنا أسفه بكلم أبوي بشئ خاص
عبدالوهاب(يسكر السبيكر) هلا يبه
أسيل: يبه وقف الفلوس اللي تدزها لخالي
عبدالوهاب:الــفــلـــوس
سعد (يأشر له أي فلوس)
عبدالوهاب(يأشر له لحظه) لـيـه يبه
العيال يتسألون أي فلوس شنو السالفه
محسن(بحزم) يا عيال سكتوا ولا صوت
محسن (مد يده وأخذ التلفون وفك السبيكر)
اسيل(ما أعرفت شنو تقول) أنا..أنا..أقصد
عبدالوهاب:ليه يبه الفلوس اللي أدزها لكن ما تكفي
أسيل:يبه والله والله ماكنا نعرف أنك تدز مصرف شهري لنا عن طريق خوالي إلا من فتره قصيره
عبدالوهاب:مافهمت أيش تقصدين
أسيل:أقصد أنا ماأخذنا ولا فلس من الفلوس اللي تدزها لخالي ما عطوناااااااااااااا ولا ذكروهن يتقاسمون بينهم
عبدالوهاب: من متى
أسيل:هههههه من 18سنه
سعد(متفاجئ ) معقوله
أسيل:يبه كنت فاتح السبيكر ليه أنا قلت لك بينا
محسن: ماحنى غرب أنا عمك
أسيل: مو قصدي عمي يبه اقطع الفلوس أرجوك
سعد: طيب ليه ماتجين تاخذينهن
أسيل: لأنا مو بالرياض بالدمام
عبدالوهاب: الدمام
أسيل: أيه لازم أسكر
عبدالوهاب(يسكر السبيكر) أسيل
أسيل: ياعيون أسيل
عبدالوهاب:يبه انتن وين لا تقولين الدمام الخط بالرياض صح
أسيل: ههههههههههههه وأنا أقول طالعه على منو ذكيه
عبدالوهاب:ههههههههههههههههه
الكل تعجب يضحك والفضول يذبحهم
أسيل: يبه أنا شفتك مره ياحلوك يبه
عبدالوهاب: ووووووووين
فهد: شنووو
عبدالوهاب: تقول شافتني
أسيل: ههههههه يسألونك
عبدالوهاب: هههههههه أيه
أسيل: مقدر أحدد لك المكان صعب يبه شفت عمي محسن بعد
عبدالوهاب( يطالع لمحسن) وشفتي محسن وعرفتيه
محسن(متفاجئ ) شافتني
أسيل: يوووووووه يايبه عصبي عمي محسن
عبدالوهاب: هههههههههههه صحيح أهو كذا
محسن( رفع حاجبه) كذا شنو
عبدالوهاب: تقول انك عصبي
الكل: هههههههههههههههههههههههههههههههههههههههههههههههه
سعد: يعني ما شافتني أنا بعد
أسيل: بلغ عمي سعد قريب راح أشوفه
عبدالوهاب: وليه ما تخليني أشوفكن
أسيل: في هذا الوقت صعب ورانا سفر بعد كم يوم صدقني يبه أول مانرجع نكلمك وأقابلك
عبدالوهاب: والله
أسيل: والله بس سفرتنا مطوله شوي يله مع السلامه
عبدالوهاب: مع السلامه وسلمي على الكل
روابي( أخذت جوالها) فرحان خالي
عبدالوهاب فرحان كثييييييير أخيرا لقيتهن
روابي خبرت الكل عن سالفة بنات خالها عبدالوهاب البعض فرح والبعض كتم غيضه وفيه شخص ماشارك بالأحداث منعزل بنفسه
على المراجيح لوحدها
: ليه الحلو جالس لوحده
بشاير( بعصبيه )أيش دخلك
:إذا أنا مادخلني أجل من دخله ياحبي
بشاير( تلف بعصبيه) أنت ما تفــ........ ههههههههههه أحمد ياشينك أذا غيرت صوتك وأنا أقول من من عيال عمامي الجريئ
أحمد: علامك بشوره
بشاير:متضايقه شوي
أحمد: أحنا بهذا المكان الحلو وتقولين متضايقه
بشاير( بحزن)مو المكان الناس اللي بالمكان
أحمد(يدزها بعد ماجلست على المرجوحه) طيب من من الناس اللي هنا ضايقوك
بشاير: أحمد خلاص لا تزيد قوتها
أحمد: ههههههههه مو خابرك خوافه
بشاير: واااااااااااااي أحمد بسسسسسسسسسس أحمد
أحمد: تمسكي عدل لا تطيحين هههههههههههه
بشاير:هههههههه أحمد والله أقول لأبوي ووووووووووووقف
من خلف النخيل كان فراس يراقب بشاير وأحمد
فراس: ياحلوك وياحلو ضحكتك وين كنتي متخبيه عن عيوني كيف رفضتك ورفضت هالجمال صدق غبي يوم صدقت أمي وتركتك
أحمد(يوقف المرجيحه) هاااه خلاص راحت الضيقه
بشاير: قطعت نسمي كيف ماتروح ههههههه
أحمد: أنا كم بشاير عندي أقطع نسمها حاضرين للطيبين
بشاير(يدق جوالها) لحظه حموووود..... ألو هلا ترفه
ترفه: ياعمر ترفه بشوره كيفك
بشاير: بخير وأنتي
ترفه: تمام
بشاير: أنتي بالرياض
ترفه: أجل بكون بالصين أيه بالرياض
بشاير:خخخخخخخ بايخه ودي أرد البيت ماأحب المزرعه مافيها خصوصيه
ترفه: طيب أنا بعد بالمزرعه عند جدي
بشاير: والله من معك
ترفه: مع عبدالله وعمتي وبناتها أيش رايك تجين وتوسعين صدرك عندنا
بشاير: والله قكره لحظه......(تلف لأحمد) أحمد صديقتي هتا ممكن توديني ساعه بس ساعه أجلس معهن ما موجود غير أخوها
أحمد: مافيه مانع بس بعد صلاة العصر
بشاير(تبتسم) ألووووو ترفه خلاص بعد صلاة العصر
ترفه: نستناكم باي
بشاير: باي
أحمد(يحط أيدينه على كتفها) ماعاش من يضايقك روحي لخواتك
بشاير: أن شاء الله
فراس: صادق ياأحمد ماعاش من ضايقك وفراس موجود أشوفك على خير ياقلبي
فــــــــــــي الــــــمــــجــلـــس....
أحمد: السلام عليكم
الشباب: وعليكم السلام
فهد: وين رحت أنت قلت بتروح الحمام(وأنتو بكرامه) تأخرت
أحمد(يجلس) ياأخي شفت بشاير ورحت أسولف معها جالسه بروحها
خالد: فيها شئ
أحمد: لاأبدا متضايقه شوي عادي بس كلمت صاحبتها وأتفقت معها العصر تروح لها
فراس : السلام عليكم
الشباب: وعليكم السلام
حمد: وأنت بعد وين رحت ضعت
فراس( يبتسم) قريب أقول من يلعب بلاستيشن سباق سيارات رباعي
حمد:أنا ألعب بس فهد مو بفريقي هذا شرطي
الكل:ههههههههههههههههههههههههههههههههه
فهد(يطلع جواله) مالت عليكم ماأبي ألعب....... ألو هلا وغلا بالغاليه أقول تعالي أنا أنتظرك بره بنتمشى يله باي
حمد: خساره لو ماأبي ألعب كان رحت معك
فهد: وليه قاط وجهك
حمد: عادي أختي وولد عمي
فهد( يوقف) وووووووول بس الحمد لله أنها أختك بالرضاعه بس
حمد:وووووووووووول أنت رح لها لا تجيها ضربت شمس
فهد: بسم الله عليها
فراس: أخلصووووووو أنا وسلمان فريق وحمد أحمد فريق
حمد: وخالد
فراس: هذا مايحب اللعب عطه كتاب عن كيفية معالجة الأمعاء الدقيقة والغليظة أيه يحب
الكل:ههههههههههههههههههههههههه
خالد: تتطنز يافريس والله أنا أثقف نفسي بالطب أنت تثقف نفسك بكيفية المغازله الحديثه
فراس: ياعم أنا دكتور مغازله بفخر
خالد: ووووول عليك
حمد( ببرائه) ترى أنا ماخربني غير فراس
أحمد: عاد أنت بروفسور مغازله مو دكتور
فراس: ووووووول كاشفينك
حمد : أقول نلعب أحسن
**************
روابي: وين بتروحين
بشاير: عند ترفه وبنات عمتها
روابي: من أنا أعرفها أنا أعرف كل صاحباتك
بشاير : لا ترفه ممرضه معنا بالمستشفى ماصار لها 5شهور تعينت مع بنت عمتها كانت الأولى على الدفعه
روابي: شاطره مرررررره ليه مادخلت طب دامها كذا
بشاير: أهي ميولها طب بس خالها رفض
روابي: وليه خالها وليه وين أبوها أو أخوها أو أمها
بشاير: يتيمه الأب عايشه مع أمها وخواتها عند خالها وأخوها لا يحل ولا ير بط الأملا بيد الخال
روابي: ألا هي شسمها
بشاير: أسيل
روابي( متفاجئه) لا تكون بنت عمي عبدالوهاب
بشاير:ههههههههه لاأنا مثلك ضنيت بنت عمي بس عمي ماعنده ولد وأمها ينقال لها أم عبدالله
روابي: تصدقين لوهله قلت خلاص حصلناهم الله يلم الشمل على بعض عمي وبناته
بشاير: تروحين معي
روابي: لا أيش يوديني
بشاير: أسيل فارسه تموووووووت بالخيل عندها فرس الوضحه
روابي: بنت فارسه شوقتيني
بشاير" منتي فارسه بعد ماشاء الله عليك
روابي: شكرا أخجلتي تواضعي
بشاير: تجين معي
روابي: بقول لأمي أذا وافقت أروح
*************
أسيل(تتصفح المجله) من قلت راح يجي
ترفه: صاحبتي بشاير
أسيل: ماأعرفها
ترفه: أول مره تجينا شفتيها
أسيل: أنا وين
ترفه: بالمستشفى عندنا
أسيل(ترفع نظرها لها) أهي مريضه عندنا
ترفه: لا أهي بنت الدكتور محسن صاحب المستشفى
أسيل( تشهق) إهئئئئئئئئئئئئئئئئئئئئئئئئئئئئئئئئئ
ترفه(بخوف)علاااااااااااااااامك
أسيل(تمسكها وتهزها بعصبيه) مجنوووووووووووونه ليييييييه سويتي كذا
ترفه( خلاص بتموت من الخوف) و...و...و...والله بس عزمتها
أسيل(هدتها وحطت أديها على راسها) ياربي أيش أسوي أيش أقول لها
ترفه: مخترعه من زيارة بنت الدكتور لنا تراها حبوبه وطيبه ومتواضعه
أسيل: أييييييه و لأنها بنت عمي محسنياهبله محسن محسن ال.........
ترفه: أسفه وربي ما تنبهت أسفه
أسيل(تاخذ نفس وتحاول تهدى) من بيجي معها
ترفه: أخوها أحمد أظن
أسيل( تمسك يدها وتوقف) تعالي لازم يعرفون
نجود(دخلت) السلام عليـ....
أسيل(قاطعتها ومسكت يدها ) تعالي انتي بعد
نزلت للخيمه تحت
نجد: ههههههههههههه الظاهر معاقبتكن
أسيل( بعصبيه) جب انتي
الجد: علامك معصبه
أسيل : قعدن أسمعن ياخواتي بنات عبدالوهاب بقول لكن حقيقه ماتعرفنها
الأم( بخوف) أسيل أجليها مو ألحين
أسيل: يمه في ناس مهمين بيجون العصر ولازم نستعد
عبدالله : هههههههه منو خطاطيب لك
أسيل: خخخخخخ بايخ أسكت ولا أدوس على رجلك ألحين
الجد: من اللي راح يجي العصر ولهذي الدرجه خايفه
أسيل: بشاير وأحمد عيال عمي محسن
البنات أنصدمن عمهن محسن مضى 18سنه ماشافوا عمامهم ولا عيالهم حتى أخوانهم ياما قال الخال انهم ما يبون أي صله فيهم يكرهونهم
الأم: كيف عرفو مكانا
ترفه: أسفه بشاير صاحبتي من عمر وماعمري دققت على الأسم ودقت وعزمتها
الأم(تبتسم) لا يمه عادي وعسى أن تكرهو شئ وهو خير لكم
نجود: بعد18سنه نشوفهم الله يرحمك يابوي
أسيل: أبوي حي ما مات
البنات( بصدمه) حـــــــــــــــــــــــي
عايشه: أبوي حي مو ميت مثل ما الكل قال كيييييف
نجد: حي أأأأأأأأأأبوي وليه خبيتو عنا
أسيل: مافيه وقت أخبركن بعدين بس ألأحين مدري شلون أتصرف أذا سولفنا أخاف نطري أبوي
ترفه( وكأنها تذكرت شئ) لحظه مره سألتني عنك ولما قلت أسمك أسيل عبدالوهاب قالت بنت عمي سألتني شنو ينقال لعمتي( يعني أم من) قلت بحكم أنا متعودين نقول لها أم عبدالله قلت ينقال لها أم عبدالله
قالت عمي ماعنده أولاد من خاله زهره بس بنات
أسيل( بفرح) متأكده
ترفه : أيه
نجد: تعرف أسمائنا
ترفه: لاء دوم أذكر أسيل وعبدالله لها
عايشه( تطقها بشويش على كتفها) طايحات من عينك
ترفه: ههههههه لا والله غاليات بس لأن عبدالله وأسيل دوم سوالف ودقات وطلعات
الجد: أسمعن وأنا جدكن ربك ياأسيل يحلها شفتي
أسيل: الحمد لله بس لو ذكرنا أسمائنا يصير فضول لما يسولفون لأهلهن
عبدالله( بستهزأ) غيرنها هههههههه
أسيل( نطت وحبت راسه) مشكور على الفكره
عبدالله: أمزح والله
أسيل: أنا ما أقدر أغير أنتن
نجد( تبتسم) عندنا بنت أموت فيها وأسمها روان بسمي نفسي روان
نجود(تضم نجد) دامي توأمتك بسمي نفسي رزان
عبدالله: مثل رزان المغربي
نجود: ووووووووع ماأحبها
عايشه: علامها تهبل خصوصا ببرنامج ألبوم كانت راقيه وحـ
أسيل( تضربها على كتفها بشويش ) الأخت هيييييييييه نسيتي الموضوع خلينا من رزان ولا نوال خلصينا أختاري الأسم
عايشه( تطالع أمها) يمه تسلفيني أسمك ساعه وحده
الأم : هههههههههههه طيب بس رديه سليم بدون عاهات ولا تدفعين غرامه
الكل :هههههههههههههههههههههههههه
*****************
كانت جالسه تحت المظله في الحديقه الخلفيه وعابسه الوجه
حمد(شافها سرحانه وحب يخوفها مشى بشويش) بووووووووووووووووه
روابي: يييييييييييمه خرعتني
حمد: هههههههههههههههههههه
روابي:.......................
حمد( لاحظ انها متضايقه) علامك روبي زعلانه
روابي: وووووووووووووع كم مره قلت لك لا تقولي روبي ما أحب هالأسم
حمد: ههههههههههه طيب أيش فيك
روابي: طلبت أمي بروح مع بشاير ورفضت
حمد: أنا عارف أنها صاحبت بشاير أنت أيش دخلك
روابي(تلف له) أنا أبي بنت عمتها
حمد: تعرفينها صاحبتك
روابي: لاء بس سمعت عنها وجاني فضول أشوفها
حمد( بفضول) أيش سمعتي عنها
روابي(تطالعه بنص عين فاهمه حركات حمد) أيش دخلك أنا كل صاحبه أعرفها وشافتك وقلت لها ( تقلد صوته) أحم أحم أنا حمد بن فهد تعطيك رقمها ما أدري مصدقات تبي تتزوجهن أحس أني مذنبه
وذنب هالبنات اللي تكلمهن وقلت توووووووووووووبه أتعرف على بنات والسبب سوالفك
حمد: ههههههههههههههههههههه هالكثررر حاقده على هههههههههههههههه
روابي( تكتف أيديها وتبوز) أيييييييييييه تركت كل صاحباتي والسبب أنهن يكلمنك وتربيتي ماتسمح لي أعرفهن
حمد( يوقف) خلاص أنا بالأول كنت بقنع أمي أمينه تخليك تروحين
روابي: أحلف راح تقول لها
حمد( ببلاهه مصطنعه) بالأول بالأول ألحين لاء هونت دامك ماتبين تقولين عنها
روابي: خلاص حلاص بقولك عنها بس عشان أشوفها وربي يسامحني أسمها أسيل
حمد( متفاجئ) أسيل بنت عمي
روابي: ههههههههههه لا أسيل غير لأن أخوها أسمه عبدالله وعمي ماعنده أولاد شباب من خاله زهره
حمد( رد جلس شده الموضوع) أخوها عبدالله أيه كملي
روابي: بشاير تقول أنها فارسه بالخيل وعندها فرس أسمها الوضحه
حمد(يبتسم وفي نفسه) أهاااااااا وأخيراااااا وااااااااااااااااااااااو ( يلف لروابي) خلاص راح تروحين بس لازم أروح محرم لك
روابي( بعصبيه) حميييييييييييييييييييييييد عارفتك وعارفه سوالفك
حمد( يبتسم ويغمز لها) مالي دخل مافيه روحه إلا رجلي على رجلك
روابي(كتفت أيديها) كيييييييييييييييفك الله يستر على البنت منك
حمد( يوقف) بروح أقول لأمي أمينه وأحمد باي ياحلوووو
روابي: باي
****************
في بيت الخال.........
عابد: يبه أيش نسوي ألحين
الأب: لا تحاتي عرسك مثل ما خططنا بعد شهر
الأم( من غير نقس) وأبــــــــــــــوك
الأب: مالكم دخل العرس بسيط والسكن عندنا وغصب عنهن راح يقبلن لأن مالهن مكان ثاني غير هالبيت
عابد: والمهر يبه
الأب( بعصبيه) مهي محتاجه مهر معاشها يكفيها تجهز نفسها فيه
الأم: نستفيد منه حنى أولا فيه
عابد: لا تنسى تقول لعمي متعب عشان يرتب أموره ويجي من الشرقيه هنا
الأب : خلاص أخبره بعد شهر العرس
الأم(تلف لبنتها) أنتي ما خلصتي من هالتلفون
أمل: ثواني يمه صاحبتي نوف تسولف لي عن عرس أخوها
الأم( توقف) زين أذا خلصتي شيلي التلفون بغرفتي بحط الغدا لكم
أمل( بهمس) هلا... نواف
نواف: ههههههههه حسبي الله على أبليسك سويتيني بنت
أمل: معليش سامحني
نواف: تمونين أموله متى أشوفك
أمل : حبيبي ماحنى شايفين بعض من يومين
نواف: أوووووووووه ذيك تسمينها شوفه أبي أجلس معك بعيد عن الكل
أمل: بروحنا صعب حبيبي
نواف: لييييييييه ماأنت زوجة المستقبل لازم ناخذ ونعطي مع بعض
أمل(بفرح) زوجتك
نواف( بخيث) زوجتي وحبيبتي وأم عيالي بعد أمل أنا كلمت أبوي وأمي ووافقو أخطبك بس أبوي مسافر لباريس ولما يرجع راح أتقدم لأهلك ولازم أخطط معك لمستقبلنا
أمل: بشوف ظروفي وأشوفك يله باي
نواف: باي ياقلبي
****************
نعود للمزارع.........
نزل أحمد وحمد وروابي وبشاير ودخلن البيت والشباب دخلو بيت الشعر وسلموا على الجد وعبدالله وجلسو...
عبدالله: حياكم الله
حمد: الله يحييك هاه عبدالله شلون رجلك
أحمد: تعرفه حمد
حمد: هذا اللي قلت لك عنه أمس بغيت أدعسه
عبدالله جت سليمه
أحمد(كتم الضحكه في نفسه.. وأناأشوف أصرارك على الروحه منت هين) كيفك ياعم
الجد: بخير وسهاله حيالله الشباب
حمد وأحمد: الله يحييك
الأم ( جابت الصينيه القهوه والشاي) حيالله من جانا
حمد وأحمد: الله يحييك ياخاله
الأم : أسمحولي بروح للبنات
عبدالله: تفضلي يمه
عبدالله( يصب قهوه ويقدمها) هذي الساعه المباركه اللي شرفتونا
الجد: أقدعوا ياعيال ترى البلح من مزرعتي
حمد( ياخذ حبه) ماشاء الله تزرع ياجد
الجد: ما يبيلها شئ ياولدي
أحمد( يلف لحمد) حمد ليه ماتزرع في المزرعه وتذوقنا مثل هالزين
حمد: ما أعرف تعلمني ياجد
الجد: أبشررررر ياولدي
حمد: تسلم ياجد خلاص أجيك الأسبوع الجاي أتقفنا
الجد: هههههههههه خلاص أتقفنا
عبدالله: فنجانك ياحمد
حمد: تسلم
الجد: إلا أنتو من عياله أنا أعرف الناس اللي هنا بس أول مره أشوفكم
أحمد: أنا أبوي ينقال له محسن محسن ال.... دكتور بالرياض
عبدالله: وأنت دكتور بعد
أحمد: لاأنا عسكري وهذا ولد عمي حمد بن فهد رجل أعمال
عبدالله: ماشاء الله أسمحلي ماعرفتك بالأول ألحين ذكرتك
حمد: ذكرتني ليه انت شايفني قبل هذي المره
عبدالله: بالبنك بنك........ لما مره جيت تودع مبلغ أنا موظف فيه
الجد: ماشاء الله ( مد الفنجان لعبدالله) عبدالله قهونا
عبدالله: تبشر
نـــــذهــــب للــبـــنــات<<<< ما أحب الفصحى
ترفه: ماقلتي لي أن الدكتوره روابي يتجي معك
روابي: أي دكتوره محنا بالمستشفى روابي وبس
بشاير(تطالع أسيل) بصراحه روابي جايه معي عشان أسيل
أسيل( متفاجئه) عشاني
ترفه: أهااااااااه يعني مو عشاني
روابي: ههههههههههه وعشانك بس أنا أنجذبت نحو أسيل عشان الفروسيه اللي أظن تجمعنا
أسيل: أنتي تحبين الخيل
روابي: مرررررررره وأنا عندي البرنسيسه فرسي هدية أخوي وأنتي سمعت أنها الوضحه
أسيل: أيه جدي أهداها لي وأجي تقريبا كل أسبوع هنا
الأم: يمه حابه تشوفينها أشوفك متحمسه
روابي: ياليت ياخاله
عايشه: أسيل أيش رايك بسباق
أسيل: والله فكره هاه روابي أيش رايك برأي أختي زهره<<<< لاعبه الدور ^_^
روابي: موافقه بس مو لابسه بوت
أسيل: رزان روحي جيبي لها أنت مقاسك 39<<<<<< قلت لكم لا عبه الدور ^_^
روابي: أوكيه أنا 38 بس39 عادي ينفع
طلعن البنات من البيت بعد ماتلثمن وأهن يمشن بحركه لا أراديه لفت أسيل لبيت الشعر وجت عينها بعينه اللي عرفها كيف ينسى هالعيون وبكل جرئه أبتسم وغمز لها ^_*
أسيل( في نفسها) ووووووووووووووووجع وقح وقح ومغررررررررررررررررررر
الجد: هذلن وين رايحات
عبدالله: مدري بس الظاهر صوب الحظيره
حمد: أنتو كم خيل عندكم
الجد: 4 ثنتين لي ووحده لعبدالله ووحده لأسيل
أحمد: حمد من عشاق الخيل والفروسيه عنده5 خيول أصيله ونفسه بالسادس
حمد: أيه والله أنا شفت الوضحه وأعجبتني وأتمنى عندي مثلها بأي مبلغ
الجد: ههههههههههه صعب أسيل تموت بالوضحه ولا تستغني عنها هي عشقها وحبها بعد أمها
وتعالت أصوات صياح وتشجيع
الجد: عبدالله شف شنو هالصراخ
عبدالله ( يوقف) حاضر......... ( رجع بعد ثواني) هههههههههههه جدي ذي أسيل تتسابق مع وحده من البنات
حمد: أكيد روابي أختي هي تحب الفروسيه كثثثثثثير
الجد( يوقف) تعالو نشوفهن
الشباب: يله
أسيل وروابي يتلثمن بلفاتهن............
عايشه( ترفع الرايه) 1................2.................3...........أنط لقووووووووووو
نجد( تصفق) أسيييييييييييييييييييييل هوب هوب أسيييييييييييييييل
بشاير: روااااااااااااابي روابييييييييي سبقيها بسررررررررررررعه
نجود: عاااااااااااااشت أخت عبدالله يللللللللللللللللله
ترفه: يلللللللللللله بنااااااااااااات ( تصفر) واااااااااااو
الكل مستمتع بالسباق!!!!!!! وفجأه
الجد: عبدالله ماتلاحظ شئ
عبدالله( بقلق) والله كأن الجارح فيه شئ
الجد: والله كأنه عبدالله عبدالله وووووووووووقفه وقفه لا يصير شئ أسرع
أحمد: علامه
الجد( بصوت عالي ) أسيييييييييييييييييييييل يا أسيييييييييييييييل
عبدالله يركض رغم ألم رجله بس الجارح شكله مو طبيعي وأحمد وحمد يركضون معه وقرب من حلبة السباق وأشر لأسيل على الجارح كل خوفه يحصل مكروه للبنت
عبدالله( بصوت عالي) الجااااااااااااااارح الجااااااااارح وقفييييييييييييييييييييييييييييييييه
أسيل( تحاول توقف) رواااااااابي روابي وقفي
روابي(تعتقد أن أسيل تخدعها) لا ء لاااااااااااا
أسيل( عصبت) وقفي الجارح مو بخير وقـــــــــــــــــــــــــــفــــــــــــــــي
روابي: لااااااااااااااااااااااااااااااااا
حمد( صرخ) رواااااااااااااااابي



أنتهى البارت الخامس
* لقاء أسيل وحمد للمره الثانيه؟؟؟؟؟؟؟ ماذا سيحدث!!!!
* خطت أسيل بتستمر بنجاح أم ستكشف الحقيقه
* ماذا حدث اروابي هل أسيل قدرت توقفه أم فات الأوان


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 11-03-2008, 05:26 PM
صورة سآكِبَتْ الْـ عُ ــودْ الرمزية
سآكِبَتْ الْـ عُ ــودْ سآكِبَتْ الْـ عُ ــودْ غير متصل
©؛°¨غرامي مجتهد¨°؛©
 
الافتراضي رد : والله أحبك..يشهد الله علي..قصه بقلمي روعه


حبايب قلبي اممممم الظاهر القصه دون المستوى مثل ماقلت لكم بالأول أتقبل النقد بسرور
أشكر كل من تفضل بالمرور أو قراءة أولى كتاباتي <<<< كاتبه فاشلة الظاهر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 13-03-2008, 01:19 PM
صورة فجر الغرام الرمزية
فجر الغرام فجر الغرام غير متصل
©؛°¨غرامي مشارك¨°؛©
 
الافتراضي رد : والله أحبك..يشهد الله علي..قصه بقلمي روعه


والله القصه مرررره حلوه بلييييييييييييز كمليها

^_^ تقبلي مروري ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 14-03-2008, 09:59 AM
صورة سآكِبَتْ الْـ عُ ــودْ الرمزية
سآكِبَتْ الْـ عُ ــودْ سآكِبَتْ الْـ عُ ــودْ غير متصل
©؛°¨غرامي مجتهد¨°؛©
 
الافتراضي رد : والله أحبك..يشهد الله علي..قصه بقلمي روعه


فجر الغرام شرفتيني بمرورج يالغلا واشكرج ولعيونج بكمل القصه
انــــــــــــــــــــــــــــــــتـــــــــــــــ ـــــــــــــــظــــــــــــــــــــــــــرونـــــ ــــــــــــــــــــي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 15-03-2008, 12:55 PM
صورة سآكِبَتْ الْـ عُ ــودْ الرمزية
سآكِبَتْ الْـ عُ ــودْ سآكِبَتْ الْـ عُ ــودْ غير متصل
©؛°¨غرامي مجتهد¨°؛©
 
الافتراضي رد : والله أحبك..يشهد الله علي..قصه بقلمي روعه


الـــبـــارت الـــســـادس.....

أسيل(أسبقتها بأمتار قليله ولفت الوضحه تقابل الجارح ووقفت قدامه بمسافه
حمد: هذي مجنونه أيش تسوي
عبدالله: هي تعرف له
أسيل(تصفر وتصفر والوضحه تهز راسها وتضرب برجلها الأرض وفجأه بدى الجارح يهدي السرعه لين وصل للوضحه ووقف)
أسيل(بعصبيه تطالع روابي)هبله انتي
روابي(بخوف) ليه
حمد(بعصبيه) هييييييه تكلمي عدل مع اختي
أسيل( لفت له وخزته) أنت مالك شغل
أسيل(نزلت وقربت من روابي اللي نزلت عن الجارح وهمست من اذنها) آسفه بس وربي خفت عليك
روابي(أبتسمت وضمتها) ياقلبي أنت حبيتك وربي
الكل يطالع بتعجب شنو حصل لهن بس اكتفو بالأبتسامه
روابي: المره الجايه راح أسابقك بالبرنسيسه
أسيل( تمسك لجام الجارح) وبأسبقك باي بوصل الحصن للحظيره
أحمد: بشاير روابي يله مشينا
عبدالله: تو الناس جلسوا
أحمد : مره ثانيه بس انتو زورونا
حمد(بعد تردد) عبدالله ممكن اشوف الجارح حاب اتطمن عليه
أحمد(فهمه..الجارح ياحمد..حب يخليله الجو) عبدالله إذا ممكن اشوف نخل الجد قبل نمشي
عبدالله: هااه أيه حياك حمد المكان مكانك خذ راحتك حياك أحمد
عايشه: بنات خلنا ندخل الجو حار على مايرجعون ومنها روابي تغسل
روابي: أيه تكفين
أسيل تشيل السروج عن الحصن ودق جوالها بهذي اللحظه وصل حمد قبل يدخل حب يسمع لها
أسيل(بفرح) هلا وغلا بنور عيوني
مازن: هلا بقلبي أنا كيفك
أسيل: بخير بس أسمع صوتك وأنت
مازن : تمامووووو
أسيل: مازن متى ترجع
حمد( متفاجئ) تكلم شباب الخايسه مسويه شريفه لا لا شنو هالافكار يمكن اخوها خالها عمها
مازن: قريب وربي قريب فينك
أسيل: أنا بالمزرعه عند جدي
مازن: في أحد عندك
أسيل: لا لا تخاف حبيبي محد عندي أنا أكلمك بعيد
مازن: وش تسوين
أسيل: أبدا كنت أسابق وبروح أخذ لي دش وأكلمك الليله حبيبي لما ينامون أوكيه
مازن: حمام الهنا خلاص الليله يله باي
أسيل: باي
حمد( متسند علي الباب وبخبث) ياعيني ياعيني الليله
أسيل( لفت وعدلت لثامها) أنت أيش جابك
حمد: رجولي خخخخخخخ
أسيل: أيش تبي
حمد(بابتسامه جانبيه) دامك يالحلو تكلم ترى كلنا رجاجيل شبه بعض
أسيل(بعصبيه) أيش تقصد
حمد( بأستهزاء) يؤيؤيؤيؤ ليه العصبيه كذا مو حلوه سمعي أكلمك الليله حبيبي لما ينامون أوكيه ليه مسويه فيها عفيفه دام تكلمين رجال أنا أحسن من مازن بكثير
أسيل(عصبت كيف يسمح لنفسه يقول كذا عني رفعت يدها تأشر له بتهديد) ماأسمح لك فاهم
حمد(يقرب منها)ماتسمحين لي وتسمحين لغيري كم حبيب عندك غير (بأستهزاء) مازن على شنو شايفه نفسك
أسيل(بعصبيه زايده) كييييييييفييييييي أكلم 100مالك دخل فاهم وأطلع لا أنادي لك أخوي
حمد(يطالع لها من فوق لتحت) لومني شاري رفقة أخوك وجدك الطيب كان عرفت كيف أتصرف معك صدق حرام أنت اخوك عبدالله الحبوب صدق خساره
أسيل:خساره أنا ألتقينا فيك في يوم يالمغرور أطلللللللللللللللللع
حمد: طالع أنا ما يشرفني يجمعني معك مكان يا حثالة المجتمع
حمد طلع وأسيل عصبت من كلامه كيف يجرح من اهو عشان يشك فيني وبأخلاقي كيف يقول كلام مثل السكاكين كيف حقييييييييييييييييير طلعت بعده
أسيل( بعصبيه) هييييييييييه ياحمد بن فهد أسمع
حمد( لف لها بأستهزاء) خير ماتبيني أقول لأخوك لا تخافين ما بيه ينصدم بأخته بجهنم لو تحترقين ماألتفت لك
أسيل(بصوت عالي) عـــــــبـــــــدالــــــلـــــــــه عـــــــــبــــــــــــود
عبدالله( بصوت عالي) هلاااااااااا
أسيل( تخز حمد وبصوت عالي) مااااااااازن يسلم عليك
عبدالله:الله يسلمه ويسلمك متى يجي وليه ماكلمني
أسيل( ترفع يدها بوجه حمد كان فيها خاتم) قررررريب ياخوي الليله بيتصل متأخر أذا حاب تكلمه
حمد( بهمس ) قويه
أسيل: عشان تعرف أني قبل اخاف من أهلي أخاف من ربي ومو كل الناس مثل حمد بن فهد اللي سمعته والعياذ بالله ( تصر على ضروسها بعصبيه) وألحين برى برى المزرعه
حمد( عصب) تطرديني أنا حمد أنطرد والله لأرد لك الصاع صاعين
أسيل ماأتهمت له عطته ظهرها ورجعت للبيت وتركته يغلي قهر وحقد أول مره تحصل له بنت تطرده .. وأسيل اللي ماتقل عن حمد بحقد وقهر كيف يتجرأ ويهينها ويتلفظ عليها بأسوء الكلمات حقيره خايسه حثالة المجتمع
رجعو للمزرعه والكل حس يتغير حال حمد صاير عصبي ونفسه ضايقه وحاولو يعرفون شنو اللي حصل بينه وبين أسيل في اللقاء الثاني رفض وماأستحمل الجلسه بالمزرعه طلع والكل حب يخليه على راحته لين يهدا
أسيل وعائلتها رجعو للبيت لأن أسيل وترفه عندهم دوامات العصر دخلو وأهم يضحكون بس أختفت من شافو الخال
الخال(بأستهزاء) تو الناس كان نمتو بعد
البنات(بهمس) أعوذ بالله من الشيطان الرجيم
الأم: خير ياخوي فيك شئ
الخال: أبدا سلامتك بس حبيت أبلغكم أن أخوي متعب عرف عن موعد العرس بعد شهر وراضي
عايشه(بعصبيه) شنووووووو وليه تتفقون وأنا صاحبت القرار مع هذا(تأشر على عابد) ماتفقنااااااااا
عابد: أنا ماعندي قول بعد قول ابوي
عايشه: طيب طلقني دامك ماتعرف تاخذ قرارات لوحدك أنا مابيك مااااااااااااابيك
الخال(بعصبيه) طلاق ياويلك إذا كررتي هذه الكلمه أنتي لعابد وعابد لك
عايشه:منت أبوي عشان تتحكم فيني
الخال(رفع إيده وعطى عايشه كف)طراااااااااااااااااااااااااخ
أسيل(بعصبيه) ليييه خالي وربي هذا الطراق لتدفع ثمنه غالي
الخال(بعصبيه مسك شعرها) تهدديني ياحيوانه يعني أيش راح تسوين يعني
عبدالله(يحاول يفك أسيل) هدها يبه هدها
أسيل( تخبت ورا عبدالله) أقسم بالله لتنقطع الفلوس اللي يدزها أبوي لك أقسسسسسسسسسسسسم
الخال(بعصبيه زايده) وأنا أقسسسسسسم أن أنقطعت الفلوس لأندمك لا تحطين راسك براسي يابنت عبدالوهاب
الأم: يله يمه خلينا نصعد يله
أسيل: يمه أستني لازم يفهم أن خلاص أبوي عرف كل شئ عن خوالي وجاء الوقت اللي توقفون عند حدكم أنا تعبت أعطيك عشان تسكت عنا أنت جباااااااااااااااااااااااااااااااار
الخال( عصب رفع يده) يابنت الكـ
أسيل(مسكت يده بقوتها) لا ماكل طير يتاكل لحمه نزل يدك
الأم (مسكت يد أسيل) أمشي أسيل خلاص
عايشه: يله أسيل سمعي كلام أمي خلينا نطلع فوق كفايه اللي حصل يله
طلعت زهره وبناتها لغرفتهن الوحيده اللي جمعتهن مع أمهم طول 18 سنه
والخال اللي نار تشتعل داخله نار الغضب على أسيل اللي ممكن تجي على الأخضر واليابس
وسميه( بهمس من الخوف من عصبية الزوج) خلف
خلف(لف بعصبيه) ذلفي عن وجهي ذللللللللللللفي
وسميه(بخوف) زيييييين هذا جزاي بقولك شلون تكسر خشمها
خلف: هذي قويه محد يقدر عليها تربية أبوي
وسميه(تتلفت وبهمس)الوضحه
خلف(عقد حواجبه) الوضحه أيش تقصدين
وسميه: بيعها وتجيب لك مبلغ كبير مررررررررره يعوضك عن خسارة فلوس أبوها
خلف: والله فكره بس كيف وأبوي دوم بالمزرعه ما يطلع
أمل( اللي أنتبهت لهم وأهي نازله) أناأقول لك يبه
خلف: قولي ياعيون ابوك
أمل : بس كم لي من العمليه إذا تمت
خلف: أفاااااااا تبين تاخذين من أبوك فلوس
أمل: ياوالدي العزيز مافي شئ بالمجان هااااه كم
وسميه( تبتسم) عفيه طالعه على امها
خلف: فرحانه طيب أعطيك 500 ريال
أمل: لاء ألفين
وسميه وخلف: شنوووووو ألفيييييين
أمل: اللي يطلع لك من بيع الوضحه مو أقل من ربع مليون هذا أذ مو أكثر هذي الوضحه أصيله
خلف: وموافق
أمل: حط أعلان حول المزارع وإذا جاك واحد يبي يدفع المبلغ اللي طالبه تواعده ثاني يوم الصبح وترسل عابد ياخذ جدي بحجت أن لازم يسوي تحاليل وفحوصات وتبيعها ومحد يدري
وسميه: خطيره داهيه ياأمل
خلف: أن صار هذا كله لك 5آلاف ريال
أمل(بفرح) صااااااااار
نجود(تدخل عليهن) شفت خالي ووسميه وأمل مجتمعين بالصاله ويتساسرون كأن السالفه مهمه يخوفون
عايشه(تلف لأسيل) ليه قلتي له
أسيل(وإهي تطلع لها ملابس بتاخذ دش) خلاص قلت وأنتهى بعني شنو بيصير أكثر من اللي صار
الأم: والله قلب ناقزني منهم
نجد: مدري أنا مثل أمي
أسيل: ياخي يعني بيزوجني غصب عني ما يجوز عبدالله اخوي بالرضاعه بعدين مازن قريب بيرجع بس أتزوج بطلعكن من هالقرف
الأم: أنا مدري شلون رضيت بالمازن
أسيل(تلف لأمها) هذا وأهو خاطبني تقولين كذا أجل لو نتزوج شلون راح تستقبلينه
الأم: لايمه مو قصدي
أسيل(تبتسم وتضم أمها)أعرفي يالغاليه لوأنت مو راضيه والله والله ماأتزوجه همي أنتي ورضاك عني
الأم ( تبوسها وتبتسم) الله يهنيك يله روحي خذي دش وأنا بنام
أسيل: حاضر تصبحين على خير
الأم وأنتي من أهله
*****************
في نفس الوقت في مكان آخر.....
حمد في شقته مع زوجته غاده زوجته مسيار وبالسر
غاده(تجلس جنبه وتمد له العصير وبدلع) حمودي موعادتك تمر على الخميس
حمد(بدون نفس) ليه في فرق بين الأيام أنا لما أتصل عليك تجهزين وتجين كيفي فاهمه
غاده(تبلع ريقها وبخوف) وأنا ماقلت شئ على راحتك
حمد: قومي جهزي العشا
غادهك ليه حبيبي ما نتعشى برى
حمد(يخزها ) انا شنو قلت
غاده(توقف) خلاص أللحين أجهز عشى كم حمد عندي
حمد(ياخذ جواله اللي يدق ) ألو...
فراس : ألو هلا حمد
حمد: خير فراس فيه شئ
فراس: أبدا بس طلعت فجأه وبديت أحاتيك
حمد: بزر تحاتيني
فراس: علامك ياخوي شاب ضوء كبريت كل هذا بسبب وحده
حمد(بعصبيه ) لا وحده ولا ثنتين أنت تبي شئ أللحين
فراس: وينك فيه
حمد(بدون نفس) عند الجماعه
فراس: هههههههههههههههه خلاص باي
حمد: باي
غاده(شايله صينية العشا) من تكلم
حمد(بعصبيه) ليه ملقوفه اليوم
غاده( خافت من عصبيته) آسفه ماأقصد آسفه
حمد: سدي فمك وكلي وأنت ساكته
غاده هزت راسها بنعم
نعود للمزرعه...........
أبو فهد: فراس كلمت حمد وينه تأخر
فراس: أيه يبه بالرياض عنده شغل بيرجع بكره الصبح
فهد: ما ينتظر الشغل هذا للسبت
فراس: لاء
أبو أحمد: يا شباب روحو شوفو لنا العشا تأخر كبس علي النوم
جراح وزياد: تبشر
زياد( وأهو يتمشى مع جراح رايحين للمطبخ) بكره عندك دوام
جراح: لا ماخذ يومين أوف
زياد: ليه فيك شئ
جراح: لا والله حاب أسافر لجده بشوف جدتي وخالتي العنود
زياد(يعلي صوته) أحم أحم ياولد
العمه سعاد: حياك أدخل
زيادوجراح: السلام عليكم
العمه وروابي: وعليكم السلام
العمه: حيالله الشباب
زياد: الله يحييك ها ياعمه خلص العشى خالي محسن نعسان
العمه: ههههههههه وأيش ذا الدكتور وأذا بالمستشفى يصحى وإذا طلع نعسان
روابي: يووووووه ياخاله تعالي شوفيه أنا بنت أخته ما يرحمني
زياد(يرفع الصينيه) صادقه مايرحم جراح أنا سابقك ألحقني
جراح: أوكيه
مناير(تدخل وماأنتبهت لجراح بالمره) درررررنننن أأأأأنننننننن أوووووووووه(بريك ^_^) بببببييييييييييب أأأأأأأأأأأأأأأنننننننننننننننننن بعدوووووووو جتكم بنت الفهد ببببيييييب على الجيتي واااااااااااااااو
(وقفت قدام عمتها) عموووووووووه يقولن العجز خلص العشى أااننننننن
العمه وروابي:ههههههههههههههههههههههههههههههههههههههههههه هههههههههه هههههههههههههههههههههههههههههههههههههههههههههههههه ههههههههههههههههههههههه
مناير(عصبت) هيييييييييييه علامكن ترى أننن أننننننن السياره مافيها بانزين
العمه(تمسح دموعها من الضحك) ههههههههه مناير أيش تسوين
مناير( عاقده حواجبها وحاطه ايديها كأنها ماسكه مقود سياره) أفحححححححط أأأننننننننننننننننن عموه أخلصي وراي روحه للبناااااااااات درررن درررررررررررين
العمه: خذيها للعجز
مناير(ترفه الصينيه من الطاوله) أوكيه أننننننن أوصلكن بطريقي
روابي والعمه(يهزن روسهن بلا مو قادرات يتكلمن من الضحك) ههههههههههههههههههههههه ههههههههههههههههههههههههههههه
مناير لفت وتوها تبي تفحط وطاحت عينها بعين اللي يبتسم بال شعور هدت الصينيه وحطت يديها على وجها وطلعت ركض من المطبخ وجراح اللي لحق ومسك الصينيه قبل ينكت الأكل
العمه : هههههههههه مناااااااير تعالي
جراح(اللي جلس على الكرسي مو قادر يوقف من الضحك) ههههههههههههههههههههههههههههه هههههههههههههههههههههههههههههههههههههه هذي مناير بنت عمي فهد صح
روابي: ههههههههههه صح ليتنا قلنا لها انك هنا أو اشرنا خلاااااص ماتت البنت من الأحراج
العمه: وأهي تركت مجال أحد يتكلم بس تفحط وأنننننن و دررررررن هههههههههههههههه
جراح(يمد الصينيه لعمته) زين ما أنكت الأكل خذي عشاكم
العمه: مشكور يابطل أنقذتنا من حرب كانت ستقوم بسبب العشا أذا لم يوجد
جراح(ياخذ الصينيه الثانيه) يله باي
شهد(شافت جراح طلع دخلت) السلام عليكم
العمه وروابي: وعليكم السلام
شهد: عمه علامها مناير جايتنا تبكي
العمه وروابي(طالعن بعض )ههههههههههههههههههههههههههه
شهد: أيش حصل قلتن لها شئ
العمه: ولا شئ اللي حصل............................( وحكت كل شئ)
شهد: ههههههههههههههههههههه مجنونه
روابي: أهي تصيح
شهد: مميته نفسها من الصياح ههههههههه
روابي: أنا رايحه لها بطيب بخاطرها
*****************
الـــيــــوم الـــثــانـــي.........

غاده(تفتح عيونها اللي كلها نوم) حمد بتروح
حمد(يسكر أزرار قميصه) أيه رايح للمزرعه
غاده: طيب بقوم أزهب لك فطور
حمد: على ماتقومين وتغسلين تصير الساعه 10 لا بآخذ لي قهوه من أي كوفي وأطلع
غاده(ترجع تتغطى) على راحتك
حمد(بعد ماطلع واخذ له قهوه شغل المسجل وعلى انغام الأغنيه ورائحة القهوه اللي انتشرت بالسياره وهدوء أعصابه وصفاء الجو لفت نظره على الطريق لوحده لم تكن بالأمس موجوده هدى السرعه وبدى يقرأ الأعلان
[للبيع فرس أصيله 100% للجادين والراغبين الأتصال على ............... ملاحظه الأتصال فقط صباحا من8إلى 11ظهرا]
وقف حمد على جانب الطريق يكلم
حمد(يستند على باب سيارته) ألوو من معي
خلف: معك خلف عناد... خير
حمد: والنعم أخوي أنا داق عشان الأعلان لبيع الفرس
خلف: أيه بس من معي
حمد: معاك حمد بن فهد الـ,....
خلف: لوسمحت أذ ماني غلطان أنت صاحب شركات........ للعقارات صح
حمد: أيه أنا أذا ممكن أشوف الفرس ألحين
خلف: طيب ممكن نأجلها لبكره
حمد: لا أسف أذا ممكن اليوم لأني بالمزارع
خلف : طيب مهي مشكله خذ عنوان المزرعه........... أنا موجود فيها ألحين
حمد: أوكيه 5دقايق وأنا عندك مع السلامه
خلف(يسكر ويلف لولده) هذا اللي ماحسبت حسابه عابد عابد
عابد: هلا يبه
خلف : هذا واحد جاي يشوف الفرس جدك شلون نطلعه
عابد : يبه ليه ما قلت له تأجلها لبكره اليوم مافيه تحاليل الجمعه نسيت
خلف: أهو رفض وبصراحه شراي ما يتعوض( قعد يفكر) أيه عابد الجمعه يعني صلاة الجمعه
عابد: خير يبه
خلف:راح أوريه الفرس وإذا أتفقنا بشرط ياخذها بعد الصاه لما يكون جدك بالمسجد
عابد: ماراح يفقد وجودها
خلف: لا هم يجون الأسبوع الجاي تكون السالفه أنتهت والفلوس بجيبي وراجو هذا أعطيه 200 ريال ويسد فمه
خلف(يسمع صوت هرن ويوقف) هذا أهو جاء أنا رايح له خلك عند جدك ولا يجي للحظيره وأن سألك قله بياع التبن
عابد: يبه بياع تبن وراكب همر قويه
خلف(بعصبيه) جب تصرف زين
حمد(نزل من سيارته وتعجب المكان مزرعة الجد شاف خلف جاء)السلام عليك
خلف: وعليكم السلام حيالله السيد حمد
حمد: مشكور ممكن أشوف الفرس
خلف: أيه تفضل
حمد(يتلفت حوله) لوسمحت هذي مو مزرعة الجد عناد
خلف( أرتبك يعرف أبوي) هاااه أيه ليه تعرفه
حمد: لا جيت مرتين وشفت عبدالله يعني مو معرفه قويه
خلف(زاد أرتباكه) عبدالله
حمد(لاحظ أرتباك خلف) أيه أهو موجود
خلف(بسرعه) مـــن
حمد: الجد حاب أسلم عليه
خلف(بخوف ينفضح أن شاف الجد) نايم هذي عاداته نايم
حمد(ماأرتاح للموضوع) طيب ممكن أشوف الفرس
خلف : تفضل للحظيره حياك
حمد(يدخل ورفع نظارته) أمممممم أي فرس
خلف(يأشر) هذي العسليه وأسمها الوضحه
حمد(وقف مصدوم ).....................
خلف: خير فيك شئ
حمد(يأشر ولاكأنه مصدق) هذي معروضه للبيع
خلف: أيه أيش رايك تراها أصيله
حمد(ياسبحان الله أدور على شئ يكسر خشمها وجتني الفرصه لحد عندي) هههههههههههههههههههه ههههههههههههههههههههههههههههه
خلف( أستغرب) خير فيه شئ
حمد: ههه لا أبدا
خلف: أذا حاب تفحصها عند بيطري وتتأكد من أصالتها على راحتك
حمد: لا مو لازم كم تبي
خلف مدري مااعرف ثمن أنت <<<< فضح عمره
حمد:200000ألف زين
خلف(فرح وفي نفسه) 200000ألف أول مره أسمع بهذا الرقم
حمد(في نفسه) والله أنك غشيم ياخلف بالخيل وهذي فرصتي أرد لك الصاع ياأسيل وأنا حمد بن فهد تطرديني والله لو يطلب مليون مليونين أن شاء الله 5 ملايين لآخذها
خلف(قطع تفكير حمد) موافق متى تسلم الفلوس
حمد: بس آخذ الفرس تستلم المبلغ
:لااااااااااااااااااااااااااااااااا
خلف وحمد ألتفتو لمصدر الصوت خلف أنصدم وحمد رفع حاجبه متعجب



* الوضحه تنباع أم لا ؟؟؟؟ ومن اللي قطع أتفاق حمد وخلف ؟؟!!!!!!!!
* شنو بتكون ردت فعل أسيل لو لو لو لو الوضحه أنباعت لحمد؟؟؟؟؟؟؟
* أذا حمد تمم البيعه كيف راح يستغل الوضحه ضد أسيل(( ويرد لها الصاع صاعين ^_^))
* اللقاء بين مناير وجراح بداية لقصة حب بين أبطالنا الجدد


حبايبي لا تحرموني من توقعاتكم وردودكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 16-03-2008, 10:18 PM
صورة غ ــرٍـأم الرمزية
غ ــرٍـأم غ ــرٍـأم غير متصل
©؛°¨غرامي فعال ¨°؛©
 
الافتراضي رد : والله أحبك..يشهد الله علي..قصه بقلمي روعه


السلام عليكم

أهلين أختي ساكبت العووود

أولا مشكوووووووووووووووووووووووووووره على القصه صراحة روعه وشويه عليها,,,,,,,عاد مهب يكبر راسك ولا تكملينها


ثانيا لو تكرمت نزلي أكثر من بارت ,,,,,,,,,وحده تمون بزياده

صراحه انا لم أتحمس معاد أعرف ارقد .....ماودك ترحميني

أتمنى تعجلين علي انت عارفه المدارس وتنحيستها فلو سمحتـــــــــــــــــــــــــــــــــــي

افتح القصه يوم الاربعاء ولقى القصه كله نازله ........عاد سمجتها صح طرار ويتشرط تقولينها في نفسك الحين صح علي


المهم لا تطـــــــــووووووووووووولين علي عفبه على الشاطره


وثالثا سلمت يمناك .........هذي عاد مشروووووطه ان لقيتك نفذتي طلبي معني مارح أتحمل بس نصبر


من اجل عين تكرم مدينه ..........معليش طولت عليك اندمجت أحزب نفسي أكتب تعبــــير



دمتي بـ وـ د ,,,,,,,,ترى ذي عاد ملطوشـــــــــــــــــــــــــه (مسروقه)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 16-03-2008, 11:06 PM
صورة لولا الغلا يا صاحبي كان . الرمزية
لولا الغلا يا صاحبي كان . لولا الغلا يا صاحبي كان . غير متصل
©؛°¨غرامي جديد¨°؛©
 
الافتراضي رد : والله أحبك..يشهد الله علي..قصه بقلمي روعه


تسلميييييييييييييييييين يالغلا القصة روووووعة
وحني علينا وكمليها بسرررررررررررعة

ننتظرك ونبي نشوف التكملة قريب





جااااااااااااااااااااااااااري الانتـــــــــــــــــــــــــــــــــــــــــــــ ـــــــــــظار







ودمتم بــــــــــــــــ،ــــــــــــــــوـــــــــــــــ ـــ،ــــــــــــد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 16-03-2008, 11:25 PM
صورة سكر ومن شافها يسكر الرمزية
سكر ومن شافها يسكر سكر ومن شافها يسكر غير متصل
©؛°¨غرامي ذهبي¨°؛©
 
الافتراضي رد : والله أحبك..يشهد الله علي..قصه بقلمي روعه


القصة مرررررررررررررة روعه يعطيكي العافية يا عسل وتسلم يدينيك
وننتظر التكملة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 17-03-2008, 08:35 AM
كوع نمله كوع نمله غير متصل
عضو موقوف من الإداره
 
الافتراضي رد : والله أحبك..يشهد الله علي..قصه بقلمي روعه


كملي القصه بليييييييييييييييز
القصه مرررره رررروعهه الله يعطيك الف عافيه

الرد باقتباس
إضافة رد

رواية و الله أحبك يشهد الله علي / بقلمي ، كاملة

الوسوم
والله احبك يشهد علي الله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية يا رب تخليه و تبقيه لعنين ترجيه / بقلمي ، كاملة فاقدة غالي روايات كامله - يتم نقل الرواية هنا بعد اكتمالها 2042 29-05-2019 01:41 PM
رواية تراب الندم / بقلمي ، كاملة جروح غامضه روايات كامله - يتم نقل الرواية هنا بعد اكتمالها 711 11-01-2015 12:31 PM
رواية قالت أنا كني غريب ضيع دروب المدينة / بقلمي ، كاملة آهتمآم ورده روايات كامله - يتم نقل الرواية هنا بعد اكتمالها 690 05-07-2011 11:13 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
رواية مها و سلطان / بقلمي ، كاملة عذبـة روايات كامله - يتم نقل الرواية هنا بعد اكتمالها 625 18-09-2010 06:54 AM

الساعة الآن +3: 10:03 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1