غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 19-03-2008, 03:07 AM
صورة مهره بلا خيال الرمزية
مهره بلا خيال مهره بلا خيال غير متصل
©؛°¨غرامي مجتهد¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا


سلااااام
مشكوررررررة ياقلبي على النقل المييز ...
الله يعطيك العاااافية ....
بصرااااحة القصة مررررة روووووعة ...
وسأعود بعد قراءة البارت الأخير ....

تحياااتي لكـ ...
أختكـ ...
مهرهـ بلا خياااال ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 19-03-2008, 04:23 AM
صورة مون فلور Q8 الرمزية
مون فلور Q8 مون فلور Q8 غير متصل
©؛°¨غرامي مشارك¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا


يسلموووووووووووووو حبيتي احداث حلوه وبارتين ولا اروع وفي انتظاارك لاتطولين

والله انا وحده متعقده من القصص النااااااااااااقصه

وانتي ماتقصرين والله كل تحطين بارتين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 19-03-2008, 06:54 AM
صورة مهره بلا خيال الرمزية
مهره بلا خيال مهره بلا خيال غير متصل
©؛°¨غرامي مجتهد¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا


عزيزتي ... توري
إنتِ رااااائعة جداااااا بنقلت لهذه القصة ...
تصدقين من شدة الحماااااااس
نفسي أقرأ القصة كاااملة الآن ...
ومشكوررررررة ياقلبي ...

تحياااتي لكـ
مهرهـ بلا خيااال ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 19-03-2008, 12:08 PM
صورة LeftOver Soul الرمزية
LeftOver Soul LeftOver Soul غير متصل
©؛°¨غرامي فعال ¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا


تـوري

تسلمي قلبو على البااارت

موضي_بدت ذاكرتها ترجع اليها وهذا شي منيح .. علاقتها بيزن بتحسن خخخخ خاصة كل مايقول لها اهبلتيني
تقوله "إنتِ الاهبل"خخخخ..

يزن_مع زامل موضي ماتقدمت ولا خطوة بس مع يزن ,, تحسنت كثير .. وأخيراً أعترف بحبه لها ^^

هديل_أتمنى تتطلق من سمير لانه سعادتها مب معه ,, وتعود تعيش مع أم يزن ..

جمانه & جوري_هالمخبل مسويات استشارياات هع ,,

زامل_ممم .. يمكن يصيبه شي ويطلع من القصه بس مااظن انه نسي موضي يمكن اخفى حبها
بقلبه ...

هذي توقعاااااتي وتوري بليز نزلي باااارتين^^

تحيات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 20-03-2008, 04:49 AM
صورة مون فلور Q8 الرمزية
مون فلور Q8 مون فلور Q8 غير متصل
©؛°¨غرامي مشارك¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا


وينج توري في انتظاااااااااارج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 20-03-2008, 08:47 AM
صورة LeftOver Soul الرمزية
LeftOver Soul LeftOver Soul غير متصل
©؛°¨غرامي فعال ¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا


توري متى الباارت ؟؟

أعطنا موعد محددّ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 20-03-2008, 05:30 PM
صورة توري الرمزية
توري توري غير متصل
©؛°¨غرامي متألق ¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا


مهرة بلا خيال &
مون فلور Q8 &
SoOo CuTe
مشكووووووووووورين عالتفاعل الحلو
و الللللللللللللللللللللله آآآآآآآآآآآآآآآآآآآآآآآآآآآآآآآسفة
امس كنت عند خوالي و مارجعت الاعالساعة 12
و انا ميته نوووووم
و هذا البارت جااااااااااااهز

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 20-03-2008, 05:33 PM
صورة توري الرمزية
توري توري غير متصل
©؛°¨غرامي متألق ¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا



الجــــــ السابع ــــــــزء 

....نزلت الطياره مطار جده...

... كانت خايفه.. الخوف والفرح هو الي كان مصيطر عليها... كانت تضغط على يد سمير بقوه..
سمير: عمري هدي عمرك مو هذه رغبتك
هديل: وينه ما اشوفه
... وعلى كلمتها هذه دق جوالها للمره الثانيه..
زامل: وينكم يبه كل هذا تفتيش
هديل: خلصنا وحنا عند الصاله الخاريجه
زامل: وينكم ما اشوفكم ..خلاص خلاص شفقتكم
... قفل عن هديل وراح لـ سمير الي كان لابس بنطلون ازرق وبدي ابيض...
سلم على سمير وعقب سلم على


جمانه: وينهم تاخروا والله متشوقه اشوفها
موضي: احسن على باله اختم مابقيلي شي
جوري: موضي يزن وينه ما شفته
موضي: ما اعرف من خرج لصلاة العصر مارد وبعدين انت شايفتني الداده حقته ولا الداده
فتحت جوري فمها: يحقله الرجال هج اذا هذا اسلوبك يمه هذه زوجك عطيه ريق حلو
جمانه الي كانت وقافه عند الشاشه شافت زامل ورجل ومره معطيته ظهرها لشاشه ومين عليها انها كاشفه وجهها
جمانه: بللل شنو هـ العبايه
جوري: سكتي دخلوا
ام يزن وهي خارجه من المطبخ: وصلوا
جمانه وهي تجري للباب: ايه يا ماما
جوري: انهبلت تقولون ما قد شافت اخت من ابو... وناظرت امها وموضي وحطت رجولها تلحق جمانه..
ام يزن: الله يهديهن..


وصلت جوري عند الباب: ها ما دخلت
جمانه وهي تناظر من الباب: باقي شكلها تكلم زامل
جوري: اففف بشوف شكلها ما شفتها علىالشاشه
جمانه وصلت لاتسوين نفسك مستعجله على شوفتها خلق ثقيله
جوري: اعرف خبري نفسك الي انطلقتي مثل الصاروخ
زامل وهو داخل وماسك بيده هديل: هل بالتوم وهذه اختكن هديل
جمانه وجري ابتسمن: هلا اختنا هديل
هديل: هلا
زامل وهو يرفع الحرج عن هديل وياشر على خواته: هذه اعتقد جمانه وهذه جوري
سلمن عليها البنات
جمانه: لا والله على العموم انا جمانه
جوري: وانا اخر العنقود جوري ما تشوفيني لابسه احمر وجمانه لابسه ابيض
زامل: شرايك هديل تعرفين تفرقين من بينهن
هديل: لا والله الشبه كبير ماشاءالله
جمانه: الف مبروك هديل ولو انها جات متاخره
هديل: الله يبارك فيك




كان ودي اروح مع البنات بس هن بيدخلن مع زامل المجلس وعقب ما يخرج زامل نروح انا وماما
ام يزن: موضي يمه وين يزن ما شفته ما ذاكرلك اليوم
موضي: لا جمانه وجوري هن الي ذاكرولي
ام يزن: وين يزن مو بالعاده
موضي: ما اعرف
ام يزن: يمه موضي كلميه على جواله شوفيه وين الرجال يحب زوجته تحاتيه
موضي: بس انا ما عندي رقم جواله
ام يزن: خلاص يوم بتكلميه خذي جوالي وكلميه وانا بكلم يزن يجيب لك جوال
جمانه وهي داخل للصاله: عجيب والله بدت الموامرات لحقي جوري
ام يزن وهي توقف وتروح لـ هديل: هلا يمه هلا في بيتك يمه
هديل وهي خجلانه: هلا خالتي
ام يزن هي تسلم عليها: شلونك يمه وشلون سمير رجلك ان شاءالله مرتاحين
هديل: بخير ربي يعافيك وانت شلونك خالتي
ام يزن: انا بخير دام عيالي بخير وانت من حسبت بناتي
هديل: الله يسلمك خالتي
ام يزن وهي تاشر علي وانا واقفه جمبها: هذه موضي زوجة ولدي
هديل: هلا موضي شلونك
موضي: الحمد لله بخير ربي يعافيك انت شلونك
هديل: الحمدلله
جمانه: هااا يمه شرايك في اختنا
ام يزن: الله يخليكم لبعض
....وجلسنا في الصاله نتقهوه.. وطبعا انا مكاني معروف من يكون حد غريب بيناتنا اجلس بين جوري وجمانه لاني اخاف ابعد عنهن وهن عارفات هـ الشي ومن غير ما اذكرهن نترتب على هـ الشكل..
جوري وهي تمد يدها على جمانه وبصوت منخفض: اقول جمانه الثقل زين
جمانه وهي ترد الضربه وبنفس الصوت: روحــــي زيــــــــــن
موضي: انزين انا شو ذنبي اتخبط
ام يزن: جمانه يمه شوفي اخوك محتاج شي
جمانه: ماما كل شي ارسلناه من بدري لاجل نجلس براحتنا
ام يزن: معليش يمه روحي تاكدي
وقفت جمانه ووقفت وياها
دلخنا المطبخ
جمانه: شرايك في هديل
موضي: ماتشبهكن
جمانه: ههههه ترى التوم هن الي يشبهن بعض
موضي: اعرف بس هي غير
جمانه وهي تكلم على الديوانيه: يزن ناقصكم شي
كنت ادق جمانه: انا اريد اكلمه
جمانه وهي تبعد السماعه: توك تذكرتيه
موضي: كيفي هاتيه زينه
..وسحبت السماعه عنها.. وهي تناظرني...
موضي: هلا يزن
يزن: هلا موضي
موضي: وينك ما رديت بعد الصلاه
يزن: اشتقتيلي
موضي: ماذاكرتلي
يزن وهو معصب: عساك ترسبين في كل المواد
موضي: انت ليش حسودي ليش تدعي علي
يزن: اعطيني اكلم جمانه
موضي: ليش تكلمها كلمني انا انا زوجتك وبعدين اريد جوال لاجل اكلمك منه
جمانه الي كانت مصدومه ويزن نفس الشي
موضي: يزن يزن يـــــــــــــــــزن
يزن: نعبوشكلك تعلمي الرومنسيه زين
موضي: اعرفها الرومنسيه
يزن: الله يخليك الرومنسيه حقت ما نبيها انا بعلمك الحين بروح اصلي المغرب وبروح امر المكتبه واشتريلك كتاب اسمه رومنسيات زوجيه
موضي: ما اريد اقراء كتب الحين ابا اخلص اختبارات وارتاح وانت تغثني بكتاب
يزن: اقول موضي سكري الخط قبل اكسر السماعه على راسك
... سييييده سكرت السماعه..
جمانه: اوبييييي شو هـ التطور من وراااناااا هااا.. قالتها وهي تدقني بمرفقها...
موضي: اشفيك... بس سكت يوم دق تلفون المطبخ..
جمانه وهي ترد: هلا
يزن وهو بيموووت من القهر: وين موضي
جمانه: خذي حبيب القلب
... استغربت من جمانه منو حبيب القلب.. خذيت السماعه لانه جمانه راحت تشرب ماي: هلا
يزن وشوي يطلع من السماعه: ليش تسكرين السماعه هااا
تكلمت وانا ياغلفين لكم الله: انت قلت سكري وانا سكرت
... وما سمعت غير طخ وبعده على طول جاني صوت طوط طوط... سكر الخط بوجهي...
موضي: جمانه كم رقم الديوانيه
جمانه: اضغط صفر
.. ضغط صفر وجاني صوت يزن: يزن اسمع
...وطخخخخ سكر الخط..


جمانه: موضي اشفيك
موضي: يستاهل هو الي بداء
جمانه: خذي اشربي من كاست اخااف ناظرتك بعين توك محلاك
موضي: بس انا مو عطشانه
جمانه: مو لازم تعطشي وبعدين اشربي ماي كثير لاجل تظلي شباب
... شرب ماي... وحنا خارجين سمعنا صوت التلفون..
جمانه: موضي روحي انت والحين انا الحقك بس ارد
قاطعتها: لا هذا يزن انا بروح اكلمه و
قاطعتني جمانه: لا انت روحي مانبي تزيذ المشكله
...دفتني وخرجت من المطبخ..

... بدن ينسحبن لصلاة العشاء..وهديل مثل ماهي جالسه كان ودها تقوم تصلي بس هي ماتعرف تصلي.. الكل صلى عدى هي...
جوري: هديل خساااااره كنت اظن انك حامل بس معليش الشهر الجاي ان شاءالله نبشر بحملك
ام يزن: جوري استحي اشفيك ضربت بالحياء عرض الحائط
جمانه: عااادي ماما تومي ماقالت شي غلط والله ودنا بـ نونو يهبل اخخخ يالله هديل شدي حيلك
...ابتسمت هديل بخجل... بس ماجاء في بالها ابد انه يكون عندها طفل حتى سمير عمرهم ماتكلموا عن اطفالهم...
****
...سمعت كلامهن واتفاجئت نونو.. شلون تجيبه..سالت جمانه بصوت منخفض: من وين تجيب النون
فتحت جمانه فمها على كبره... هالبشله شفيها هـ العائله بس تفتح فمها شكلها ماتستوعب الكلام بسرعه جيت اشرح لها بس قاطعتني
جمانه: موضي المتزوجات يحملن ويجيبن اطفال
رفعت جابي بتفكير.. انزين انا متزوجه ليش ما حملة... بس قبل لا اقول شي قاطعتني جمانه
جمانه: موضي اسالي يزن عنده الجواب الشافي
جوري: هههههههه

سمير: هااا ان شاءالله استانستي
هديل: والله صدق شعرت انه لي اسره بس تعال انت صليت المغرب والعشاء
فتح سمير فمه وسكرها: صليت بس العشاء في المسجد
هديل: اشلون صليت تعرف شو تقول
سمير: اااا بصراحه لا انت علمين
هديل: اشلون حتى انا ما اعرف اصلي
سمير: اجل شلون نتعلم
هديل: ما اعرف انت الرجال وانت الراعي وانت المسؤل عني امام الله علمني
سمير: لا والله وين ابوك ليش ما علمك
هديل: شنو حبيبي بديت تنسى واجباتك
سمير: ان شاء الله حياتي بروح المكتبه وادور على كيفية الصلاه
مسكة هديل يد سمير بحنان: شكرا حبيبي شكرا الله يخليك لي
... تفاجئ سمير منها اسلوب شكر هديل له كان اسلوب جدا رائع هو يوم كتب كل املاكه لها ما شكرته كذا... بس حط في راسه انه بينزلها ويروح المكتبه ومايرد الا والكتاب وياه..
وصلوا لبيت ام هديل
هديل: حبيبي ما بتنزل وياي
سمير: عندي مشوااار ضروري وما برد لين انتهي منه
هديل: انزين انزل سلم على ماما قبل
سمير: عقب حياتي والمشوار هذا ما ياجل وبعدين انت وصلي سلامي لها
هديل: يوصل حبيبي

زامل: شلون كانت هديل
جمانه: روعه صدق والله حبوبه خجوله
جوري: ايه والله حنا بس الي نسولف وهي بس تبتسم وترد علينا تقول نحقق وياها
ام يزن: ضروري هـ الشي البنيه اول مره تشوفكن وبعدين الخجل اذا وجد فهو يدل على خير
يزن: أي والله الخجل نعمه من الله
ام يزن: شلون شفتوه سمير ان شاءالله مريح بنتنا
يزن: انا من وجهت نظري هو بعد فيه خجل لانه اول مره يشوفني وبعدين اعتقد الاسلوب الي تزوج فيه هديل مخليه منسبب هـ الحرج
زامل: والله انا اشوف انه عظمه طري هو وهديل يبيلنا نستغل هـ النقطه
يزن: شلون
زامل: بصراحه انا مو عاجبني التحرر الي هم فيه يبيلنا نخفف التحرر بس شوي شوي لاجل ما يستثقلوا هـ الشي
جمانه: ايه والله ترى الدعوه مو بس انك تدعوا للخير وتقول اللهم اني بلغت اللهم فاشهد لا الغرض من الدعوه قبل هو انك تخلي الانسان الي قبالك يعرف انت شو تقول ويفهم ويقتنع وعقب اذا شفت منه التمرد والعصيان والاذيه قول اللهم اني بلغت اللهم فاشهد
جوري: ايه بس هذيل اهلنا ولازم نظل وياهم لين يلين حديدهم
زامل ويزن صفقوا للبنات
يزن: والله يااخي عندنا خوات حكيمات
زامل: ايه والله يوم استشاريات ويوم حكيمات ويوم علاقات اجتماعيه ويوم درويشات
جمانه وجوري: وااااثقااااات من اعمارنا
يزن: ابو الثقه بس تعرفن لكن هديه بمناسبة هـ الكلام الجميل الموأنتك
جمانه: سمعيني تومي حبيبي اذا الهديه ما عجبتك تكلمي لاتستحي لابد اننا نطالب بـ حقنا كعضو فعال في المجتمع
يزن وهو يوقف: خلن طلبكن يفيدكن
جوري وهي تعاتب جمانه: انت شنو خبله بالاول خلينا نمسك الهديه وعقب ماتوصل نطالب بـ حقنا
يزن وهو يبوس راس امه: اقول توم وجيري عطيناكن وجه ترى
ام يزن: على وين خلك جالس
يزن: المدام عندها اختبار وواقص يدي لو هي جالسه تذاكر
... ناظرت يزن الي تكلم.. ما اتكلمت لانه يزن مانعني اتكلم بوجود زامل.. كنت اجلس في جلسه ثانيه وعلى ركن مايلمحني فيها زامل ولا انا اشوفه..
وقف زامل وباس راس امه: بروح انام توصين بشي يمه
يزن: زامل ترى نومتك بالملحق مالها حاجه واذا اصريت تنام هناك انا باخذ اهلي واخذلي شقه
زامل: خلها شوي
يزن: كيفك بس اذا مانمت اليوم بكره وانا ماخذلي شقه
زامل: يزن الله يهديك اشفيك
يزن: كيفك انت سوي الي تبيه وانا اسوي الي ابيه
زامل وهو مو راضي: اوكي انا طالع انام تصبحون على خير
الكل: وانت من اهله
...طلع زامل وناداني يزن..
جلست على طول جمب جمانه
يزن: وين وين تعالي ارجعلك وبنام بكره عندي محاضره

... دخلنا جناحنا وسكر يزن الباب..
موضي: والله حافظه وفاهمه كل شي بنام تعباااانه من صحيت ما نمت
يزن: لا والله
ومسك اذني وسحبها وحطيتي يدي ع يده وانا اتالم: ههييي اشفيك انا سويت شي الحين
يزن: بالاول ما اريدك تسولفين بالممرات غير بالضروريات وثانيا لازم تظلي بحجابك زامل رد البيت ثالثا والاهم لو اشوفك تناظرين زامل بقص رقبتك رابعا ياويلك لو تسكرين الخط بوجهي
موضي: أي أي أي خلاص فهمت
يزن: والحين تعالي ننام ما ادري شالي ضربني على عقلي ونزلت مواد بالصيف
... تثاوبت وحطيت يدي على فمي: انت من الحين مزاجك متغير الله يصبرني عليك طول الليل
... دفني ع الكنبه ودخل حجرة النوم دخلت خلفه بسرعه اريد افهم انا شوقلت الحين .. بس ما شفته دخل الحمام:اوفف
..رحت للدولاب وخذيت ملابسي.. ورحت للتسريحه وخرجت الدواء من جيبي وحطيتها على التسريحه محل ما يزن امرني احطها لانه الكل يعرف انه هذا مكان الدواء..اانتظرت لين خرج يزن وهو لابس روبه ويمسح شعره..
وقفت وعند السيب الصغير تذكرت موضوع مهم:يزن لاتنام بقولك شي مهم
يزن: لاحول ولاقوة الابالله تعالي خبرين وروحي خذيلك شاور عقب
موضي: لا لاجل تنام وانا اظل بروحي انتظرني
ودخلت بسرعه يوم شفت يزن بيوقف
... دقايق وانا خارجه اخاف اطول ما ادري شلون جمانه وجوري يتاخرن..
...شفت يزن نام.. دخلت خلف الدارك ولبست ملابسي بسرعه..
..جلست على السرير وانا امسح شعري بس كانه النوم طار مني وتذكرت سالفة النونو... غمضت عيوني وحسيت بصداع صوت النون في اذن صياحه خرم اذني خرم.. وشفت هواشه بين رجل وامراءه وسحب في النون... صرخت باعلى صوتي وانا احط يدي على راسي اريد امنع هـ المنظر وهـ الصوت
يزن وهو خايف: موضي اشفيك ناظريني موضي
.. بس هو وقف وانا تمسكت فيه بكل قوتي..
يزن: موضي اتركيني بجيب الدواء
بس تعلقت فيه اكثر
يزن: موضي بسم الله عليك شوفيني شكلك تحلمين
.. اجبرني اناظره ومن شفته.. بكيت على طول.. كنت خايفه..
يزن: موضي اتركيني بجيب الدواء من التسريحه
تكلمت بخوف: لا لاتتركني
يزن: موضي انت بخير
حركة راسي بايه.. جلس وظل ضامني لصدره ويمسح على ظهري..
يزن: شنو الموضوع المهم الي بغيتني فيه
ناظرته وخفت بس هو شجعني
يزن: يالله حبيبي قولي لاجل يروح عنك الخوف ابعدي تفكيرك عن الي يخوفك وخبريني شو الموضوع
... بعد تردد يزن تكلمت: مو انا متزوجه
يزن: ايه حياتي عندك شك
موضي: انزين ليش ما قالت لي جوري تنتظر النونو تبعي
فتح يزن فمه بس تكلم: ليش هي قالت لمن
موضي: قالت لـ هديل حتى انا بعد اريد نونو
يزن: خليني بالاول حقي وعقب اطلبي بالنونو
موضي: شنو حقك انت بعد
يزن: اللهم طولك ياروح سمعني موضي انا اليوم جسمي مكسر وحاس بالتعب شوي بس بكره ان شاءالله لي جلسه معك وبعدين انت بكره عندك اختبار فلا تشغلي بالك
موضي: انزين انت بتنام
يزن: ايه
موضي: انزين انتظرني انام اخاف يرد مره ثاني
يزن: منو
... تكلمت بسرعه وانا خايفه: محد محد
يزن: انزين حبيبي هدي عمرك وانسدحي خليني انسدح تراني تعبان
..رفع اللحاف وانسدحت وهو انسدح.. تقربت منه وضميته..
يزن: شفيك موضي غريبه مو بالعاده
موضي: اخاف يرد
يزن: لاتخافي انا وياك
... مد يده يخفض ضوء الابجوره..
...ناظرته بس هو غمض عيونه.. وانا عيوني بتسكر من النوم..
موضي: يزن لاتنام انتظرني انام اخاف يرد
فتح عيونه: اشتغلك بومه اليوم
...حط يدينه على عيوني الثنتين وغمضه..
موضي: شو تسوي
يزن: لاجل تنامي
... ارخيت عضلاتي.. وتذكرت هـ الموقف زين ما زين انا سويته لـ زامل.. والحين يعاد لي.. بس ليش زامل ليش انا كنت انام عنده .. اوه تذكرت انا كنت متزوجه زامل.. وتذكرت ايامي مع زامل وشلون طلقتني.. عرفة معنا الطلاق الحين.. هو اني انسى زامل للابد.. وانه ماما بتزعل علي اذا طلقني يزن..بس عقلي تنح لاني خلاص نومانه..


هديل وهي تظم سمير: شكرا حبيبي انا ما اعرف شلون اشكرك
سمير: ههههه تعالي نتعلم شلون نصلي
هديل: ايه صدق ماما عتبانه عليك كان مداك تنزل تسلم عليها وترووح
سمير: كنت طمعان في هـ الابتسامه
هديل: شكرا شكرا سمير والله العظيم احبك
سمير: الا وينها امك
هديل: راحت تنام
سمير: انزين حنا شو مجلسنا هنا خلينا نروح حجرتنا
هديل وهي تتمسك بيد سمير: اوكي يا احلى واغلا زوج في الدنيا كلها

في حجرة التوم
...كلنا الثلاثه جالسات عند شاشه اللاب توب... نتفرج على فلم
NEW YORK MINUTE
ونفطس من الضحك.. وفي لقطات مو اوكي جمانه تسرعها.. محد يعرف اننا نتفرج افلام لانه ممنوع نتفرج لانه حرام وصديقات جمانه وجوري هن الي يمولونا بالافلام... انا خلصت اختبااارات ..
... في امور رسخت في راسي.. وتذكرت كل دروسي.. ذاكرتي صارت افضل ولله الحمد قبل تذكرت سالفتي بـ زامل والحين سالفت دروس الدوره... استرجعت كل الامور البعيده عن المشاكل....
جمانه: خساااره خلص الفلم
جوري: بكلم منى ترسلي افلام
جمانه: موضي خلص الفلم ياماما وللحين تناظرين الشاشه
حسيت بضربه قويه على كتفي
جوري: نحن هنا
تكلمت بعصبيه: اعرف انكن هنا يعني هناك
جمانه: بللل شقالت البنيه تاكلينها كذا
موضي: ماتشوفي شلون ضربتني
جوري: اسفين زوجت اخي الحبيب
جانه وهي تذكر: الا صدق موضي كلمي يزن يشتريلك الايميت بدل N73
جوري: لا موترول الجديد حلو
موضي: شنو الاحلى
.. جمانه وهي تخرج اللحق الخاص بالجوال..
جمانه: هذا الايميت وهذا N
موضي: الايميت احلى خلاص بكلمه ولا اقول اعطيني المجله لاجل اراويه يزن لانه اليوم بيروح يشتريه الاصدق اعطوني رقم جواله
جمانه وهي تكتبه: موضي تغزلي فيه مو ترقعين الخط بوجهه
موضي: مهوب بـ شغلك هذه امو خاصه
جمانه وهي فاتحه فمها: موضي شفيك صايره جفصه لا يكون انعديتي من يزن
جوري: الظاهر الله نفس اسلوبه
جمانه وهي تكلم جوري: يبيلها فرت راس ولا شلون
..عرفت انهن بدن يترقين علي تكلمت وانا اوقف: اصلا الغلط علي انا الي جالسه ما بزاريـــــن
جمانه وجوري: اوبييييييييي حنا البزارين
تكلمت وانا البس حجابي: لا خيالكن تعالن ننزل عند ماما
جمانه: انزين يا زوجة اخي الحبيبه
موضي: اعرف اني ان الحبيبه
جوري: موضي شفيك اليوم شكلك تبين تضاربين ولا لانه يزن للحين مارد
موضي: الا صدق هو ليش تاخر
جمانه: عنده محاضرتين وبعدين اصلا مابقي شي ويخلص الترم الصيفي
موضي: يعني يلحق يروح يشتريلي الجوال
جمانه ضربت على راسها: اخخخخ انا ع بالي مشتاقه له يا ماما هذه زوجك اول ما يرد خذيه بالاحضان وابتسميله
موضي: اعرف هـ الشي ع بالك ما اعرف
جوري: وين ما شفنا شي
موضي: اوكي بتشوفن اليوم
خرجت بدون أي نقاش... انا لما اكون بروحي.. اسرع في خطواتي.. لانني اخاف اظل بروحي.. بس ماما تصارخ علي اذا نزلت والبنات وياي.. بس دوم انا انزل قبلهن واعرف انهن وراي..

... جمانه تناظر جوري وجري تناظر جمانه... تخبلن البنات.. مو فاهمات شي....
جوري: اقول جمانه لحقي شكلها بتنفذ الدرس وماما اسفل واذا ماما سالتها بتعلم علينا قومي خلينا نلحقها قبل خراب مالطه
جمانه: شنو نفهمها
جوري وهي تقوم جمانه: نعلمها انه هـ الشي يكون بحجرتهم مو قدام العالم والله صدق تورطنا يافضيتك يا توم جمانه ويافضيت تومك
جمانه وهي توقف: هههههه اشفيك انهبلتي بنلحق عليها هي ما تروح غير لما تحس فينا...

نزلت بسرعه وما شفت احد.. غريبه ماما تكون هنا.. ناظرت للدرج ما شفت احد... سمعت باب الفله ينفتح وشفت ظل طويل..وطرف ثوب... خفت.. وركضت باتجاه المطبخ ركض.. وطحت بحضن احد.. ضميت هـ الشخص دون ما اشوفه..
بس حد سحبني
ام يزن: موضي ناظريني
..ناظرنها وانا ارتعش وناظرت الشخص كان زامل.. فقدت السيطره على فمي ..وماما بسرعه دخلت يدها بجيبي.. وعطتني الحبه..
.. خذيتها وجلست على الارض وانا ضامه ماما بقوه..
خرج زامل لمـ انتبه لـ يزن الواقف عند الباب
...تقرب يزن وشكله مو اوكي مشاعره مو قاادر يتحكم فيها وده لو يموت موضي ويرتاح منها...
يزن بصوت غاضب: شالي صار
ام يزن: بغت تجيها حالة الصرع
يزن: من هبلها ليش تركض
... بكيت يزن هو الوحيد الي يذكرني بمرضي.. وقفت على حيلي وانا معصبه: انت الاهبل مو انا اذا مني عاجبتك طلقني يااخي بس لاتقعد كل شوي تقول اني هبله.. تركته وانا اركض بخرج من هنا.. قابلة جمانه عند باب المطبخ.. وناظرتها وهي ضمتني لصدرها
جمانه وهي معصبه: انت شفيك يا اخي خف عليها شوي والله تعلمت منك القسوه انت شو صابك ليش هـ القسوه وياها
يزن وهو معصب: جمانه لا تدخلين فاهمه
ام يزن: بس انت وياها ناسين وجودي ولا مالي قيمه عندكم
... عمى الهدوء عدى صوت صياحي...

... انا ويزن ناكل وجباتنا بروحنا في جناحنا من رد زامل للبيت.. تغدينا بهدوء ومحد يكلم الثاني.. بس انا مو متعوده اظل ساكته او محد يهتم فيني.. ناظرت يزن الي ما صك الصحن ظل يناظر صحنه النظيف... وما عجبني حاله كان حط يده الثنتين على فكه شكله يالمه.. يزن عنده روماتيزم في فكه.. بسبب الجهاز الي كانوا يحطونه له في فمه في غوانتيناموا.. تقربت منه بهدوء وحطيت يدي على يده بلطف: يزن حبيبي سامحني والله انا خفت يوم كنت بالصاله بروحي وشفت ظل وثوب وركضت ووو حصل الي حصل
... طنشني وابعد يدي عنه ووقف ودخل حجرة النوم ودهن فكه بالفولترين وانسدح على السرير وتغطى بالكامل...
... دقيت على المطبخ وكلمة الشغاله تجي تاخذ الاكل.. حتى انا ما كملت اكلي احس بزعل لانه يزن زعلان علي بس هو موب راضي يسامحني وبعدين اخاف يطلقني مثل زامل.. انا طلبت الطلاق آآآآآه ليش انا خبله ليش انا مجنونه. جلست على السرير وانا ابكي بصمت .. ليش الخوف يتحكم على حياتي ليش ما اواجه الاشباح الي تطاردني مثل قالي يزن.. قررت اني اواجه الاشباح كلها خيالات من الماضي والماضي ما يمس جسمي يزن كذا قالي..


صحت من نومها لاجل تصلي التهجد فاتها من العمر ما فاته.. بس ما شافت سمير تفاجئة.. جلست ناظرت الساعه الحين الساعه اثنعش غريبه سمير وينه ..هي تصحى الساعه ثلاث وتوعي سمير قبل صلاه الفجر بنص ساعه يصلون الوتر مع بعض وعقب يستغفرون لين اذان الفجر وهو يروح المسجد وهي تصلي في جناحها حاولت تنصح امها بس امها تقول بدري اذا وصل عمرها الاربعين بتصلي لانها توها شباب..
...دورت عليه بالحمام ما لقته... لبست روبها وخرجت.. سمعت همس من حجرة امها تقربت بهدوء.. شافت سمير وامها عند الباب.. وامها ظاهر بروب النوم... حطت يدها على فمها تمنع شهقاتها.. ردت حجرتها ولبست عباتها بسرعه..وخرجت..
دقت على السواق من تلفون البيت وصحته
وظهرت من البيت بكبره


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 20-03-2008, 11:11 PM
صورة قيثارة المشاعر الرمزية
قيثارة المشاعر قيثارة المشاعر غير متصل
©؛°¨غرامي مشارك¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا


هاااي توري
بصراااااااااحه قصة بالمررررره
روووووووووعة
تسلمي على النقل

** قيثااارة المشاااعر **


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 21-03-2008, 01:49 AM
صورة توري الرمزية
توري توري غير متصل
©؛°¨غرامي متألق ¨°؛©
 
الافتراضي رد : أوراق الماضي للكاتبة إيمليا أمل روعة ادخلوا و شوفوا


اقتباس:
المشاركة الأساسية كتبها قيثارة المشاعر مشاهدة المشاركة
هاااي توري
بصراااااااااحه قصة بالمررررره
روووووووووعة
تسلمي على النقل

** قيثااارة المشاااعر **
مشكووووووووووووووورة يا عسل
على هالاطراء
انتظرك في الجزء القادم

الرد باقتباس
إضافة رد

أوراق الماضي / للكاتبة : إيمليا أمل

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ليه يا بعد هالدنيا للكاتبة / اسيرة الماضى عاصفة الجمر أرشيف الروايات المغلقة - لعدم إكتمالها 5 25-10-2009 11:54 PM
أوراق الماضي / للكاتبة المبدعه ايميليا أمل copy twins ارشيف غرام 5 05-09-2009 04:36 PM
كلمات من الماضي ولكن في الحاضر رحِيـــْل ارشيف غرام 2 27-09-2008 05:18 PM
اوراق الماضي للكاتبة اميليا امل روعه أضـــــــواء ارشيف غرام 10 13-08-2008 08:49 AM

الساعة الآن +3: 07:53 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1