غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-03-2008, 08:13 PM
قشوطه قشوطه غير متصل
©؛°¨غرامي جديد¨°؛©
 
الافتراضي تمنيت قلبك ..قصه من تأليفي قشوطه


السلام عليكم ورحمة الله وبركاته

راح انزل قصه من تأليفي قشوطه وابي رايكم بصراحه


القصه اسمها تمنيت قلبك اذا لقيت فيه تفاعل راح اكمل ماكو تفاعل اعذروني



((تمنيــــــــــــت قلبــــــــــك))








الجد عبدالله(ابو سلطان)
الجده نوره(ام سلطان)
.........................................
الابناء
سلطان:الابن الاكبر لعبدالله ويشتغل بشركة ابوه (شخصيه حلوه الضحك له حدود والمزح له حدود)
سلطان(ابو محمد)متزوج ثنتين
حصه(ام محمد)
محمد الابن الاكبر لسلطان ويشتغل مع ابوه عمره33 متزوج ريم وعنده ولدين فيصل عمره 10سنوات وفارس4سنوات وبنت ديما7سنوات
هنادي:عمرها28 متزوجه ياسروعايشه بقطر وعندها بنت عهدوعمرها7سنوات وولد عبد العزيز4سنوات
راكان:عمره25 متقلب رافض يشتغل مع وبوه وجده اشتغل في الجيش يحب يعتمد على نفسه في كل شي
ناصر:عمره20 سنه يدرس طب في بريطانيا
خلود:عمره 17سنه تدرس ثاني ثنوي
الزوجه الثانيه عبير متوفيه
طلال:عمره25 خلص دراسته في الهندسه وناوي يكمل دراسته في الخارج
.................................................. ....................
العم خالد ولد عبدالله(ابوفهد) متزوج ثنتين(غامض في تصرفاته وعصبي وطيب بنفس الوقت)
وحده لبنانيه اسمها داليدا وطلقها وعنده بنت اسمها ندى عمرها17سنه وتدرس مع خلود وصديقتها وعايشه في بيت الجد عبدالله
والزوجه الثانيه ام فهد
فهد:عمره 27سنه ويشتغل في شركة جده وخاطب بنت عمته نوف
تركي :عمره 24سنه وانطوائي وهادء وطيوووب يحب الدراسه واقرب شخص لندى(كان بيدرس في الخارج بس حبه لاهله وديرته وخوفه على ندى كمل دراسته في ديته
مرام:عمرها 22سنه وتحب راكان ولد عمها وطيوبه وتدرس بكليه الملك سعود
ريوف عمرها 16سنه تدرس اول ثانوي داجه بالدراسه ومرحه
ماجد:عمره13 سنه دلوع
.................................................. .....................................
العمه ابتسام (ام رائد)متزوجه
رائد:19سنه اخر سنه بالثانوي
روان:16 سنه وتدرس باول ثانوي
.................................................. .............................
العم فالح متزوج وعايش حياته بعيد عن ابوه له شركته الخاصه فيه ويحب النظام
متزوج ساره ام نايف
نايف عمره 22 سنه يدرس بجامعة الملك فيصل
نوف عمره20سنه وتدرس بثالث ثانوي
نواف عمره 15سنه ثالث متوسط دلوع
.................................................. .....
العمه مشاعل مخطوبه لسلطان واحد من جماعتهم عمرها 23
العم مشعل عمره 26سنه يشتغل في شركة ابوه رافض الزواج


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-03-2008, 08:15 PM
قشوطه قشوطه غير متصل
©؛°¨غرامي جديد¨°؛©
 
الافتراضي رد : ((تمنيـــــــت قلبك))قصه من تأليفي قشوطه


راح اوصف البيت بيت الجد عبدالله وحوالينه بيت عياله
فلة فالح يجي يسكن فيها بالاجازات والعزايم
.................................................. ......
بيت الجد عبدالله نزلت ندى مع عمتها مشاعل
ندى تسلم على جدتها:اخبار عجيزنا اليوم
الجده:عجيزكم بخير بس تعالوا افطرو
مشاعل:يمه اليوم المفروض تسوين احتفال علشاني اليوم قايمه بدري
الجده:قمتي ولا ماقمتي كلها واحد
ندى:ههههههههههه لقطي وجهك خخخخخ
مشاعل:يمه ليه تحطميني كم يوم وبعرس المفروض تدلعوني
دخل الجد ابوسلطان:اذا اعرستي دلعك رجلتس
مشاعل استحت وراحت تسلم على ابوها:اخبارك بيه
الجد :بخير دامني اشوف ذا المزاين كل صبح
ندى وهي تحب راس جدها:اقول جدي غريبه مارحت الشركه فيك شي
الجد:مافيني الا العافيه بس جيت اقعد معكم ولا ماتبوني
لجده:اقول خل عنك البنات وتعال تقهوى
جلس الجد
ندى تكلم جدها:اقول جدي يقولون ان حنا عطلنا
الجد:ههه وش تبين
مشاعل:تبي تروح للمزرعه
الجد:يوم الخميس انشالله بنروح كلنا وبنقعد اسبوع
ندى:تقوم تحب جدها فديتك انا محد يحس فيني في ذا البيت غيرك
...............................................
راحت ندى وتدق على خلود تعلمها
ندى:العفنه ذي ماترد اوريها والله لازعجها
خلود توها صاحيه تشوف الرقم وتعطيها مشغول
ندى العفنه تعطيني مشغول اوريها وتدق عليها مره ثانيه
ترد خلود وكلها نوم:الو تراتس ازعجتينا
ندى:الشرهه مو عليتس الشرهه على الي يدق عليتس اقلبي وجتس وماراح اعلمتس
خلود :وش عندتس؟
ندى :اقلبي وجهتس تبين تعرفين تعالي في بيت جدي
وتسكر في وجه خلود.
خلود عصبت اوريها تقومني وتسكر السماعه
وتتروش وتغير ملابسها وتنزل تحت
ام سلطان:وش الي مصحيتس بدري
خلود:دقت علي نديو وماجاني نوم
ام سلطان :وين بتروحين؟؟
خلود:بروح بيت جدي
ام سلطان:لاتزعجون جدتس بهواشكم اعقلي
خلود:انشالله تامرين امر ممكن اروح
نزل راكان ببدلة الجيش وشاف خلود
راكان:وين رايحه؟
خلود بروح بيت الكبير(بيت الجد)
راكان: سلمي لي على جدي وجدتي
خلود:راكان ترا جدتي شرهانه عليك انت وتركي ماتجون تسلمون عليها
راكان:حتى تركي خلاص اذا رجعت من الدوام رحت لها
دخل راكان وشاف امه وحب راسه
راكان:فديت الغاليه انا
ام سلطان:راكان تعال افطر
ركان :بفطر انا كم غاليه عندي
ام سلطان:جعلني اشوفك معرس وعيالك يلعبون حوالي
ابتسم راكان وكمل فطوره
دق التلفون راحت ام سلطان ترد
ام سلطان:هلا والله وشلونتس
الجده:انا بخير وينكم ماتجوني ولاتقعدون عندي
اام سلطان: سامحيني والله اني مقصره وانتي تعرفين العيال ودي اجيتس بس العيال
الجده:بكره بنروح للمزرعه وبنقعد اسبوع جهزوا اعماركم
ام سلطان:خير انشالله
الجده:مع السلامه
ام سلطان :مع السلامه وسكرت وتنادي ولدها راكان
ام سلطان:راكان راكان
راكان سرحان و توه ينتبه:هلا يمه
ام سلطان:وش سرحان فيه
قام راكان:ولا شي يمه يالله تامرين على شي
ام سلطان:سلامتك يمه ربي يوفقك
طلع راكان وهو طالع شاف ديما وفيصل سلم عليهم
فيصل:عمي راكان وش اخبارك
راكان:بخير ديمه وش فيتس من مزعلتس
ديمه:انت مزعلني
راكان افا انا ازعل القمر
ديمه:انا نجحت وماجبت لي هديه
راكان:هههه ولا يهمك احلى هديه بكره تجي ديوم حبيبتي
ديمه :طيب تجيبها بكره
راكان :بكره اجيبها يالله بروح لدوامي مابي اتاخر مع السلامه
فيصل وديمه :مع السلامه عمي
دخل فيصل وديمه عند جدته(ام سلطان)
.................................................. ......


البنات في البيت الكبير
خلود:من جدتس بنروح كلنا
ندى :لا نصنا
مشاعل:بتجي اختي ابتسام واخوي ابو نايف
ندى:بجد ونااااااااااااااسه
ندى تطلع برا
خلود:وين بتروحين؟
ندى:بروح اعلم تروك وريوف ومجود ومرام
خلود:وجع تناديني وتروحين
ندى:بروح اجيب البنات واجي وبقعد مع تروك شوي
خلود:روح لتروك بس لاتتاخرين
طلعت ندى وراحت بيت ابوها
دخلت وشافة ام فهدراحت تسلم عليها:شلوتس عمتي؟
ام فهد:بخير
ندى:وين فهد والبنات
ام فهد:فهد راح لشركه والبنات نايمين
ندى:وتروك
ام فهد:تركي طلع مع عمتس مشعل
ندى:وش عنده طالع مع مشعل خابرت مع ركون

ام فهد:والله علمي علمتس لاجا اسأليه
ندى قامت:يصير خير انا بروح اصحي البنات واذا جا فهد خليه يكلمني ضروري
ام فهد:وش بلاتس حولتي على فهد؟
ندى:هههه ماحولت للحين مع تركي بس ابي فهد بسالفه
ام فهد:روحي صحي البنات وانا بروح اجهز اغراضنا
راحت ندى غرفة مرام وماشافتها فيه طلعت وراحت غرفة ريوف
لقت مرام وريوف نايمات
ندى حاولت تصحيهم مافيه فايده اخذت الكلينكس وتحطه بأذانيهم ومافيه فايده اخذت تحك رجولهم مافيه فايده
ندى:هذي اخر محاوله وبعدها ببتدي بالهجوم
ندى:قووووووووووووووووومو عندي لكم خبر
لاحياة لمن تنادي
قعدت ندى فوق السرير:مرامي قومي
مرام:خير وش عندتس على ذا الصبح ابي انام
ندى:الحين الساعه 11ونص قوموا
مرام:فيني نوم
ندى ركبت فوق سرير وقعدت تغني باعلى صوتها:عززززززززه ياقلبي من الهم عزززاه ومن يواسي فرحتي قال خيره قلت قووووووومو وجع انتو ماتشبعون نوم
طفشت قالت مالي الا اني اجيب ماي واسبحهم وراحت تجيب ماي وكبته عليم
ريوف قامت:وش صار لا لا لا مسسستحيل
مرام:والله ماخليك نديو وراحت تلحقها تبي تضربها
ندى:تضحك:هههههههه وتنحاش وتلحقها مرام وهي طالعه تشوف تركي
ندى:تروك شوفهم يبون بضربوني
راكان:وش فيكم
ندى:شوفها انا خويتك
مرام:تروك وخر والله ماخليها
وتطلع ريوف للصاله ومو مستوعبه:وش صاير؟؟
ندى وتركي شافوها وماتوا ضحك :هههههههههههههههههههههه
التفت مرام:اول ماشافتها وتضحك:هههههههههههههههههههههههههه
ريوف بجامتها رجل مرتفعه فوق الركبه والرجل الثانيه طويله والبجامه وسيعه ومتغرقه وشوشتها منفوشه
تركي:منو بجامته ريوف الي لابستها
ريوف توها تستوعب هههههههههههههههه بجامة مرام
مرام:شكلك تحفه

تركي:منو مغركم؟؟
مرام كنها تذكر :والله ماخليك
ندى:انت ليش تذكرها....
ريوف:يالله صباح خير مقومتنا ومغرقتنا اوريتس
ندى:ريوف توك تصحين مالت عليكم هذا جزاني جايه اعلمكم بالي عندي
مرام:وش عندتس؟
ندى:ماراح اقول الا لما توعديني ماتطقيني انتي واختس
مرام :ماراح اسوي لتس شي بس قولي خلصيني
ندى:طيب بكره العصر بنروح للمزرعه
مرام :بجد بنروح
ريوف :ونااااااااااااااااااسه وجات تبوس اختها ندى
تركي:كل ذا علشان مزرعه
ندى:بنروح كلنا حنا وعمي فالح بيجي اليوم العائله كلها وبنقعد اسبوع
تركي:اهااا العيال كلهم بيروحون
ندى:اتوقع كلهم الا راكان
مرام ضاق صدرها اول مادرت انه ماراح يروح
تركي:ليه مو رايح؟؟
ندى:لان اليوم رايح الدوام واظن انه بيقعد اسبوع تعرف انت دوامه
تركي:اهااا بكلمه وبشوف
مرام قامت :انا بروح اجهز عمري
وريوف قامت :وانا بعد
ندى:لا روحو البيت الكبير خلود تنتظركم
ريوف ومرام :طيب بس بنبدل ملابسنا ونروح
قعدت ندى مع تركي وحست ان فيه شي
تدى:تروك حبيبي وش فيك؟
تركي:مافيني شي
ندى:علي انا..!!
تركي ناظرها وقام :بعدين اقول لك
ندى:على راحتك
دخل تركي وهو ماشي يفكر" اشوى اني قمت ولا كان قلت لها كل شي خلها مستاانسه الحين واذا رجعت من المزرعه فاتحها بالموضوع"














ندى راحت البيت الكبير(الي هو بيت جدها)
دخلت ولقت عمها مشعل قاعد بالصاله الكبيره
ندى:هلا والله بشعول حبيبي
مشعل:اصغر عيالك شعول
ندى طنشت كلامه:اخبارك شعول
مشعل:بخير وتمام وعال العال
ندى:عا ل العال هاه
مشعل رفع حاجبه:أي عال العال وش عندتس
ندى:سلامتك
مشعل قام لانه عارف انه بتتريق عليه:يالله بروح لغرفتي اذا اذن صحيني
ندىقامت معه:شعول
مشعل في خاطره يقول وش بيفكني منها:نعم
ندى:اممممممممممممممممم...
مشعل:وش عندتس؟
ندى:وين رحت انت وتركي اليوم
مشعل:رحنا لعمي..ليه تسالين
ندى:بس سؤال
مشعل وقف رفع حاجبه :وغيره
ندى:وش فيك وقفت
مشعل:خلصي وش عندتس
ندى :راحت منه :ههههههه ولا شي
مشعل وهو رايح غرفته:هذي البنت داهيه
دخلت ندى على خلود وعمتها مشاعل خلود مشاعل كانت منتدمجه مع الشات الي في نجوم وترسل وحالتها حاله
ندى تكلم خلودوهي تأشر على عمتها مشاعل:وذي الخبله متى بتخلص سوالف المراهقه حقتها
خلود:ههههههه اسكتي لاتسوي لنا سالفه
ندى:كلش خايفه منها
خلود:وانتي وياها كل يوم هواش
ندى:خلود قومي معي
خلود:وين بتروحين
ندى امشي معي وانتي ساكته طلعت ندى وخلود من الغرفه واخذتها فوق السطح
خلود:شنو تبين في السطح
ندى:انتي امشي ولا عليك من أحد شوفي شنو رآآآآآح أسوي فيها
خلود:آلله يعين
راحت ندى وشافت الدش وقامت تدور السلك الي يودي للصاله
خلود:ندوش وش تسوين ؟
ندى:ابقطع السلك
خلود:خبله انتي وبعدين بيلعن خيرنا جدي اذا عرف
ندى:هذا انتي قلتيها اذاعرف...وثانيا انا الي باكلها مو انتي واتوقع اعرف اركب السلك مثل ماقطعته مايبي لها شي
خلود:بكيفك
وراحت واقطعت السلك ونزلت هي وخلود وسكرت الباب الي يودي لسطح
خلود:خلينا نروح نشوف شكلها
دخلت ندى هي وخلود لصاله شافوها قاعده تعدل الآآآآآآآسلاك
ندى:مشاعل وش فيك؟؟
مشاعل:اخترب التلفزيون ولازم اشوف الرساله الي بتجي الحين
ندى:وش فيها الرساله الي بتجي الحين؟؟
مشاعل:انا متهاوشه مع وحده نكها الدلوعه وابي اشوف ردها
ندى:الحمد لله والشكر للحين مراهقه الاخت
مشاعل:اقول انكتمي
ندى:ههههههههههه تستاهلين
دخل مشعل عليهم وشاف ندى وخلود يضحون ومشاعل تعدل السلك
مشعل قعد جنب ندىويسأشر عن مشاعل:وش فيها؟؟
ندى:تعدل الاسلاك
خلود:ههههههه والله لو تعدلينها من اليوم لما بكره ماتعدلت
ندو:هههههه خليها تجرب
مشعل :وش فيكم
ندى:هههههههه تقول متهاوشه مع وحده نكها دلوعه في الشات
مشعل:هههههه وش متهاوشه ذا الخبل
ندى:ماتعرف اختك
مشعل:من هي الدلوعه لايكون مشاعل
خلود:لا الي متهاوشه معها
مشعل يكلم مشاعل:مشاعل
مشاعل:نعم خير وش تبي ماخلصت تريقه
مشعل:ول ول و كل هذا على شان دلوعه
مشاعل:خير وش تبي
مشعل وش نكك انتي؟؟
مشاعل :نكي مطفوقه
مشعل:هههههههه انا اشهد انك مطفوقه
ندى:هههههههه مو مطفوقه الا خبله وللحين مراهقه
مشاعل:انديو اسكتي لاطلع كل حرت الدلوعه فيك
مشعل وخلود:ههههههههههههههههههه للحين على الدلوعه
ندى:هههههه تكفين وريني وش لون بتطلعين حرة الدلوعه
مشعل:والله انكم خبلآآآآآآآن
مشاعل :أروح غرفي واشوف قصة الدلوعه ابرك لي
ندى:ههههههه ماتبين مساعده
مشاعل وهي طالعه:لا انطقي
راحت مشاعل غرفتها وشغلت التلفزيون
ندى تكلم خلود:خلود قومي معي
خلود:وين يتروحين بعد
ندى:نروح نعدل سلك الصاله ونقطع سلكها
مشعل:وش سلكه
ندى قالة له السالفه
مشعل:ههههههههه تسوين خير اذا بغيوتوا مساعده قولوا لي
راحت ندى وقطعت السلك
وهي نازله شافت عمتها طالعه من غرفتها معصبه
عمتها مشاعل نازله وهي معصبه:اخلص من الصاله خرب تلفزيون غرفتي وش ذا الحاله
ندى:هيه انتي يالخبله قاعده تسولفين بروحك
خلود:هههههههههه مأثره فيها الدلوعه
ندى:ههههههه الله يعينك يامشاعل
مشاهل:فارقوني للعن خيركم
نزلت مشاعل وراحت الصاله شافت اخوها مشعل يتابع التلفزيون ام بي سي
مشاعل: وين الريموت
مشعل:وش تبين فيه
دخلت ندى:تبي تتهاوش مع الدلوعه
مشعل:ههههههه وللحين ماخلصتي منها
خلود:وماراح تخلص
مشاعل:مشعل عطني الريموت
مشعل:اسف انا أتابع التلفزيون
مشاعل:قوم صل اذنوا
مشعل :اها اذنوا خلاص الدلوعه راحت تصلي
خلود:لا الدلوعه تنتظر المرجوجه لما تعدل تلفزيونها
ندى:ههههههه قصدك المقلوعه مو المرجوجه
مشعل:الا مشاعل منو رجك ههههههههه
ندى:ههههههههه اتوقع راجتها الدلوعه
خلود:وين ترجها وهي مرجوجه
مشاعل عصبت:مالت عليكم انت وياها
مشعل وندى وخلود:ههههههههههههههههههه
ندى:رهيبه اختك
مشعل:عمتك بتعرس وهي هبله هههههههههه
خلود:ههههههههه الله يعين سلطان
ندى:والله لهبلها لما تتوب
مشعل:الله يعينك عليها ويعينها عليك
ندى وكنها تذكرت:عمي وش فيك اليوم
مشعل يقول في باله الله يستر:مافيني شي
ندى:اشك ان وراك بلاوي
مشعل:اقول خليني اروح اصلي ابرك لي
ندى:صرفها بس وين بتروح من ندوش
مشعل طلع وراح للمسجد
خلود:ندوش وش فيك انتي وعمي
ندى:اذا عرفت قلت لك
خلود:اقول ترى فيني نوم وابرجع لبيتنا علشان انام وأرتب قشي
ندى: ريوف ومرام بيجون
خلود: والله بكيفهم من اليوم وانا قاعده وثانيا بقابلهم هناك
دخلت مرام:السلام عليكم
ندى وخلود:وعليكم السلام
مرام وهي تقعد:وين جدتي
ندى:مع حبيب قلبها بو سلطان
مرام:جدي موجود
ندى :أي اليوم جاي بدري من الشركه
خلود:الا ذا السنه ماراح نسافر
ندى: ذا السنه ودي بسفره شي
خلود :سمعت يقولون بنروح بريطانيا
ندى :وععععع كل سنه نسافر برا ودي بسفره نفر فيها المملكه كلها
خلود:فكره حلوه
مرام:بس منو راح يسمع
ندى : شوفو انا بكلم جدي وجدتي ان اول شي نروح مكه السنه الي طافت طفشونا العيال بنروح مع عمتي اسبوع ومعنا تركي وعمي ومعه واحد من العيال الاسبوع الثاني بتجي العائله كلها وتصير قعدنا حنا يالبنات اسبوعين وبعدها نروح المدينه وابها وحنا راجعين نروح لطايف اوكيه
مرام :رحله شي بس ودي بروحه لحايل والعقال مايل
ندى:اذا رجعنا نقدر نقنع جدي ان حنا نروح مع واحد من العيال
خلود:والله شي بس تتوقعين بيعجبهم ان حنا مانسافر برا
ندى :نغير جو ونتعرف على المملكه
مرام:الي يشوفها يقول ماتعرف شي ولا راحت لها
ندى:السفره بديرتنا احلى من برا
خلود:وهي صادقه ندوش
مرام:طيب انتو كلموا جدي وبعدها نخطط
ندى :طيب
مرام:الا وين عمتي
خلود وندى :ههههههههههههههههه ندى:تتهاوش مع الدلوعه
مرام:من الدلوعه؟
خلودوهي باقيه تضحك:ههههه هذي الي بالشات
مرام:ههههههه والله انها مهبوله
ندى:توك تدرين ماقول الا الله يعين سلطان عليها
مرام:اقول انا بروح اسلم على جدي وجدتي
ندى:جدتي بتلقينها في المطبخ وجدي رراح يصلي وراحت مرام للمطبخ علشان تسلم على جدتها
خلود:انا بروح بيتنا قبل لايجي عمي فالح وعمتي ابتسام
ندى :اقلبي خشتس
خلود:فارقي يالعفنه
راحت خلود
ندو راحت غرفتها تصلي دخلت غرفتها وصلت وراحت اخذت جوالها من الكمدينه وشافت فيه خمس مكالمات لم يرد عليها وشافت رقم فهد تذكرت انها تبيه بسالفه ودقت عليه




تتوقعون هل مشاعل بتعقل من حركات المراهقه؟

تتوقعون وش الي مخبينه تركي ومشعل ؟؟وخايفين من ردة ندى فيه؟؟

وش كانت تبي ندى في فهد ؟؟؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 14-03-2008, 02:46 AM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد : تمنيت قلبك ..قصه من تأليفي قشوطه


؛؛؛

موفقــه عزيزتي

https://forums.graaam.com/96290.html

لــروااد القصه الحلووين


؛؛؛

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 14-03-2008, 10:34 AM
قشوطه قشوطه غير متصل
©؛°¨غرامي جديد¨°؛©
 
الافتراضي رد : تمنيت قلبك ..قصه من تأليفي قشوطه


؛

؛





يسلمك ربي الشقرااااااااء

اسعدتيني بمرورك


؛


؛؛


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 14-03-2008, 03:15 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد : تمنيت قلبك ..قصه من تأليفي قشوطه


× * ×


و عليكـــم الســلام و رحمة الله و بركـاته


قشوطة .. يعطيك العـافية


؛؛


بالتوفيق



::


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-03-2008, 11:22 AM
قشوطه قشوطه غير متصل
©؛°¨غرامي جديد¨°؛©
 
الافتراضي رد : تمنيت قلبك ..قصه من تأليفي قشوطه


؛


؛


الله يعافيك ويبقيك يالغلا


ويوفق الجميع


تسلمين يالغلا على المرور



تحياتي


سي يو


؛


؛

؛


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-03-2008, 11:24 AM
قشوطه قشوطه غير متصل
©؛°¨غرامي جديد¨°؛©
 
الافتراضي رد : تمنيت قلبك ..قصه من تأليفي قشوطه


ندو راحت غرفتها تصلي دخلت غرفتها وصلت وراحت اخذت جوالها من الكمدينه وشافت فيه خمس مكالمات لم يرد عليها وشافت رقم فهد تذكرت انها تبيه بسالفه ودقت عليه

ندى:الو

فهد :الوووو هلا وغلا مرحبا مليوووووون وان زاااااااادن فلا يسدن
ندى :هيه انت انا ندى مو نوف هههههههه
فهد تذكر نوف وتضايق:ادري انك ندوش قولي وش عندك خلصيني
ندى:انت الي داق قول و عندك
فهد:مو انتي موصيه امي ادق عليتس ولا نسيتي
ندى:لا مانسيت بس انا ابيك انت تتكلم
فهد:ندوش ترى مو رايق لك تراني جأي تعبان من الدوام
ندى:طيب دريت ان حنا بنروح للمزرعه
فهد يضحك وماله نفس:هههههه قديمه بس هذا الي داقه علشانه
ندى:اليون نفسك خايسه ماتنعطى وجه
فهد:اقول انتي شكلك طفشانه وتبين تتونسين فيني
ندى:من زينك اسمع انت وينك فيه؟؟
فهد:يعني وين فيه بالبيت
ندى:اوكيك الين جايتك انتظرني مو ترقد
فهد:وش عندتس
ندى:بتعرف اذا جيت
فهد:طيب اذا تاخرتي ترى بنام
ندى:ياويلك ان نمت ماراح اتاخر مع السلامه
فهد مع السلامه
طلعت ندى من غرفتها بتروح بيتهم لان بيتهم ويبت جدهم وعمانهم محوطه بسور واحد نزلت تحت شافت تركي ومشعل جاتهم ندى
:انتو هنا وش
مشعل:أي هنا وش عندتس
ندى:ماعندس شي بس اسأل ولا السؤال حرام
تركي:ندو خلصي وش عندك
ندى:وش فيك مستعجل على رزقك
تركي:هههههههه وش الرزق الي بيجي من وراك
ندى:اقول بروح انا عند فهود وانت وياه شغلكم بعدين
مشعل:اقول فارقي عند فهود الله يعينه عليك
ندى:انت وياه جمعتكم وراها بلا بس بعدين اشوف شغلكم الحين مو فاضيه لكم خلوني بوناستي وبعدين اروق لكم يالمهبل تشاااااااو
مشعل وتركي يطالعون في بعض ويبتسمون
مشعل:ماراح تخلينا في حالنا الا لما تعرف
تركي:وهي لازم تعرف اليوم بكره بتعرف بتعرف
مشعل:الله يعينها
................................

راحت ندى لبيتهم وشافت مرام
ندى:انتي هنا متى جيتي
مرام:سلمت على جدي وجدتي ورجعت
ندى:طيب ترى بعد شوي بيجي عمي فالح روحي استقبليهم
مرام:طيب وانتي وش عندتس جايه
ندى:بروح عند فهود؟؟
مرام : فهد حاله مو عاجبني
ندى:انا بروح وبشوف وش قصته
يالله تشاو وراحت ندى غرفة فهد دخلت لقته قاعد على الكرسي ومغمض عيونه وباين عليه تعبان مره(ياعمري عليه مالحق يتهنى الله يعينك))
ندى:السلام عليكم نحن هنا من زمن جدي
فهد فتح عيونه وابتسم:وعليكم السلام متى وصلتي
ندى:من زمان
فهد:ادري من زمن جدك قولي وش عندك
ندى:وش فيك مستعجل على رزقك
فهد:ندوش خلصيني تعبان وابي ارتاح
ندى حست بفهد وخافت عليه:جعل التعب فيني ولا فيك
فهد:بسم الله عليكم
ندى:معليه اقعد
فهد:اقعدي حياك
جلست ندى وقعدت تطلع فيه وسكتت
فهد ينتظرها تتكلم

ندى:....................
فهد:..................
ندى تطالع في اخوها والتعب باين عليه والترهلات السودا تحت عيونه والحزن الي بوسط عويناته
فهد:ندو وين وصلتي
ندى:هاه لا ولا شي
فهد يضحك :هههههه وش فيك
ندى:مافيني شي
فهد وهو لازال مبتسم:طيب وش تبين جايه
ندى:جايه ابيك تتكلم
فهد بخاطره"اتكلم وش اقول اقول اني انتهيت ان وفاتي قربت غمض عيونه :ندى ماعندي شي اقوله
ندى ولازالت مصره:قول كل الي بخاطرك
فهد:خاطري مافيه شي
ندى:فهد انت فيك شي بس الى متى بتظل تخبيه
فهد:لما يجي وقته
ندى:يعني فيه شي
فهد يقول بخاطره (والحين وش يفكني من السانها)
ندى:قول لي يمكن اقد اساعدك
فهد بقل صبر:ندى اطلعي برا وخليني بروحي
ندى:ماراح اطلع فهد شوف نفسك تحسب الكل مايدري عنك
قهد:الكل وش درو عنه
ندى:امك وابوي ومرام وتركي كلهم يدرون لي متى بتظل كذا
فهد:وش لون درو
ندى:اسأل نفسك فهد والله حرام الى تسويه هم ماقالوا لك يبونك انت تتكلم بس شكلك ماتبي تتكلم
فهد:وش تبيني اقول ابوي تعبان ومابيه يتعب معي وامي ماراح تتحمل مابي احد يشغل باله فيني
ندى:وش ماتبينا نشغل بالنا فيك فهد انت اخونا وابوي بيتعب اكثر اذا شافك كذا وامك تتعذب اكثر وانت ساكت حرام عليك والله حرام انت تعذب نفسك وتعذبنا معاك
فهد:..................
ندى:فهد انا اختك قول لي واذا جاتك الشجاعه قول لهم
فهد:ندى والله تعبان خليني بروحي
ندى:كيفك بس اذا بغيت تتكلم تراني مو جوده
فهد:فديت احلى اخت بالدنيا
ندى:ماشوفك قمت وحبيت راسي
فهد:قومي انقلعي عطيتك وجه
ندى :بقلب وجهي بس الحاله الي انت فيها غيرها لاتخلي احد يحس بشي
فهد:طيب اوامر ثانيه
ندى:على فكره ترى عمي فالح بيجي اليوم
فهدبفرحه:من جدك.." ولما تذكر حزن على فرحته الي ماكتملت وسكت"
ندى:والله وتلقاهم الحين بالبيت
فهد:اهااا
ندى:فهد وش فيك
فهدتذكر نوف:تعبااااااااااان والله تعبان
ندى تترجاه:فهد قولي وش فيك لاتتعب نفسك
فهد تعب من كل شي حوله كل ماحاول يبتعد يقتربون منه اكثر تعب من الكتمان ال"الى متى بضل اكتم هالشي بيجي يوم ويعرفونه تعبت والله تعبت وغمض عينه بقوه "واقل لندى كل شي فيه
ندى:فهد تمزح صح
فهد بأبتسامه حزينه :لا مامزح هذا الصدق
ندى وتضم فهد وتبكي :فهد انا احبك
فهد:يمسح على راس اخته حتى انا احبك بس خلاص لاتبكين
ندى::ليش ماقلت لنا من زمان
فهد درى انها تكذب ومحد دري بسالفته:يالكذابه تقولين البيت كله يدري
ندىوهي بوسط دموعهاتضحك على كذبتها:ههههههه علشان تقول لي بس ماتوقعت ان هذا فيك كنت ابي اساعدك وتبكي
فهد:خلاص اسكتي ترى قلبي يتقطع اكثر منك
ندى:فهد انا احبك مرررررره
فهد:خلاص اسكتي حتى انا احبك مره
ندى:كذاب انت تحب نويف اكثر مني
فهد:تراك طماعه
ند تدلعى:مابي انت حبيبي كيفي ونويف اوريك فيها
فهد:هيه ترى هي مرتي الله الله فيها
ندى:وين يانويف تسمعين وش يقولون
فهديبي يضحكها:خليها تولي
ندى:ههههه وش فيك قلبت عليها
فهد:ادق عليها امس وماترد
ندى:تستاهل
فهد:اوريك يالعفنه
دق جوال ندى شافت الرقم وابتسمت : عند طاريها
فهد:ردي عليها شوفيها وش تبي
ندى حطته على سبيكر وردت:الووووووو هلا والله باهل الشرقيه
نوف:هلا فيك السلام عليكم
ندى:وعليكم السلام وينتس فيه يالعفنه
نوف:في بيت جدي
ندى:طيب انا جايتكم الحين جهزو اعماركم للطلعه
نوف:قالوا لي البنات
ندى:طيب الحين جايتكم لاتسلفون واجد بعدين تخلص سوالفكم
فهد:اجتمعوا البنات يبتدى الحش
نوف:حرام عليك فهد
فهد يقلدها :حرام عليك فهد
نوف:فهد للحين زعلان... والله انشغلت
فهد:لاتكلميني لما ترضيني
نوف:طيب وش لون ارضيك
فهد:تعالي عندي في بيتنا
نوف:طيب بجي
فهد:ترى انا وندى بغرفتي
نوف:طيب انزلوا الصاله الحين بجيكم
فهد:انا تعبان وماراح انزل الي يبي رضاي يجيني بغرفتي
نوف:فهد حرام عليك
فهد:اجل يالله مع السلامه ولا تجين
نوف شوي وتبكي:فهد خلاص
ندى:حرام عليك ذليت البنت
فهد:انا وزوجتي انتي وش دخلك
ندى:يالله اطلعي ندوش برا غرفتي مابي اقابل احد كان يقصد نوف
ندى:الشرهه مو عليك على الي جايك اقلب وجهك
ندى:نوف وش فيك ساكته
نوف:...........
ندى:نوف
نوف وهي تبكي:نــ نـ عم
فهد اخذ التلفون وسكر السبيكر :حبيبتي وش فيك
نوف وهي تبكي:......م م مافين ني ش شي
فهد:نوف حبيبتي
نوف:هلا
فهد:ياحبيبتي والله امزح
نوف:لا عادي
فهد:طيب تعالي مشتاق لك
نوف:طيب انا الين بدخل بيتكم
فهديطلع من الغرفه :فديت الي جايه علشاني
نوف:فهد انت وينك فيه
فهد:تعالي فوق
نوف:انشالله
فهد:حبي قولي احبك
نوف:فهد خلاص الحين بجيك
تشوف فهد واقف عند الدرج ابتسمت و سكرت السماعه
فهد:هلا وغلا تو مانور البيت
نوف مستحيه:منور باهله
فهد:ياناس فديت الي تستحي
ندى:خلاص عاد ترى عطيناكم وجه راعو مشعورنا
فهد:جات قطة الوجه
ندى ونوف يسلمون على بعض
ندى:الحمد لله على السلامه
نوف:الله يسلمك
فهد يطالعهم وانا سلمي علي
نوف استحت :فهد بتروح المزرعه معنا صح
فهد:تغيرين الموضوع طيب مو رايح
ندى:انت وياها انا بروح لبيت جدي اجهز اغراضي لاتقضون قعدتكم كلها غزل
نوف:بروح معك
فهديطالع نوف: انتي وين رايحه
نوف:بروح البنات مجتمعات هناك
فهد: وتخليني بروحي
ندى:يعني بياكلك الحرامي
فهد:انتي اقلبي وجهك محد خرب نوف غيرك
ندى:انا خربتها طيب طيب
نوف:فهد بروح اسلم على جدي ماشفته
فهد:خلاص روحي بس بالمزرعه بتقعدين معي بروحنا محد معنا
ندي تمسك يد نوف وتطلع:امشي بس ماعليك منه
فهوهو يضحكد:اطيب خلي زوجتي عندي وانتي روحي
ندى:مايصير اخليكم بروحكم
نوف ضحك عليهم
فهد:معليه الايام جايه
ندى:روح ارقد وريح ورانا مشوار
وصلت اخر درجه والتفتت على فهد:يالله تشاو
فهد وهو مبتسم:تشآآآآآآآآو
وراح فهد غرفته يريح وندى ونوف راحوا البيت الكبير الي هو بيت الجد
((اكيد تبون تعررفون السالفه الي قالها فهد لندى بس بعدين مو الحين ))
.........................................




.........................................


وفي بيت ثاني فيه شخص يفكر تركي قاعد بغرفته وخايف من الي راح يصير لو عرفت وش بتكون ردة فعلها ويقول بخاطره((يارب تساعدني واقول لها علشان تروح تشوف امها مايصير امها بالمستشفى وماتدريي عنها بس انا خايف عليها تجيها حالتها وتمرض حنا ماصدقنا انها نست وتشافت اروح اذكرها ....وهي نست علشان اذكرها ياعمري عليك ياندو متحمله كل هذا من صغر سنك وفي وسط افكاره دق جوال تركي شاف الرقم
تركي:هلا والله وينك انت وخشتك
راكان:انا راجع للبيت
تركي:ماهوب توك رايح لدوام اليوم
راكان :أي رحت وعودت
تركي:المهم وش تبي
راكان:افا تروك انا حبيبك وحياتك تكلمني كذا
تركي:راكان تراني ماني رايق لك خلصني وش تبي
راكان:لاشكل حالتك مستعصيه انا جايك الحين
تركي:اخلص من مشعل تجيني انت
راكان:وش فيه مشعل
تركي:توني جاي من عنده رفع ضغطي بسوالفه الماصخه
راكان:ههههههههههه الله يعنك انا جايك الحين
تركي:اقول روح بيتكم واذا جا العصر مرني نروح للمزرعه
راكان:يعني انت بتروح
تركي:بروح اغير ج.
راكان:على حسب علمي بكره بيروحون مو اليوم
تركي: ابي اروح قبلهم ابي اغير جو
راكان:خلاص قبل مانروح ابيك تروح معي مشوار
تركي :على وين
راكان:ابروح اشتري غريضات بسوي حفله لديما للمزرعه
تركي:انت وذا الديما
راكان:فديتها بمرك العصر ونروح
تركي :طيب يالله اقلب وجهك
ركان:يالله فارق فمان الله
.........................


وفي العصر راكان وهو توه راجع من الصلاه يدق على تركي

تركي:الو السلم عليكم
راكان: وعليكم السلام
تركي:وينك انت
راكان:توني راجع من الصلاه
تركي:طيب تعال علشان نشتري للحفله
راكان :طيب انا جايك
راح تركي وراكان يشترون لحفلة ديما
......................................
اليوم الثاني كلهم مجتميعن في بيت الكبير

وفي المجلس الجد ابو فهد وابو محمد وابو نايف وومشعل ونايف ومحمد ورائد
فهد دخل :السلام عليكم
الكل:وعليكم السلام
فهد راح سلم عليهم كلهم

دخل ماجد:جدي تقول جدتي متى بتمشون جهزو الاغراض وارسلوها مع الخدم ماباقي الا نحرك
الجد ابو سلطان:يالله الحين بنمشي
سلطان:يبه انا بروح مشوار وبعدها بلحقكم
الجد:لاتتأخر علينا
سلطان:انشالله
طلعوا كلهم كل واحد اخذ زوجته وراح الا العم ابو سلطان قال انه بيروح مشوار وبيرجع

نايف في سيارته:ماجد ونواف وفيصل
وسيارة محمد : ام محمد ام فيصل وديما وفارس
وسيارة مشعل:مرام وخلود
سيارة رائد:ام رائد وريوف وروان
سيارة فهد هذي شي:نوف ومشاعل وندى

فهد مشغل اغنية راشد الماجد رعبوب وقاعد يغني وهو مبتسم

لي صاحب خذني بزينه ... عن كل مزيون ورعبوب

روحي غدت لامره رهينه ... والقلب من نظراته يذوب

غضاً يعيش أول سنينه ... ومن الدلع له طبع واسلوب

خطراً علي إن شفت عينه ... من نور حسنه أمزع الثوب

الشمس في طلعة جبينه ... والليل وسط العين مسكوب

والخد ينفح ياسمينه ... مثل الشفق في حزة غروب

عوده شراة الموز لينه ... فارع ورويان ومسلوب

تكسيه الأوصاف الحسينه ... ومن المعاني لابس ثوب

قلبي معه ربي يعينه ... عليه صابر صبر أيوب

مجبور يتحمل ضنينه ... لو هو غدا بالحب مشغوب

فهديطالع نوف:هذي الغنيه اهداء خاص لك حبيبتي
نوف مستحيه:مشكور حبيبي
فهد:وش قلتي انا حبيبك
نوف نزلت راسها مستيه
فهد:عيديها تكفين
ندى:ياخي خف على البنت شوي
مشاعل:ياعيني على الحب
ندى:ارفقوا بحالنا
مشاعل:لاتخربونا
فهد:اسكتي لانزلك من السياره لاتخربين الجو علينا
ندى:مشاعل الاغنيه هذي اهداء خاص لك حبيبتي
مشعل:مشكور حبيبي هههههههههههه
نوف مستحيه وتمنت الارض تنشق وتبلعها
فهد:بتسكتون ولا نزلتكم
ندى:هههههههههه خلاص اخر مره بس ارفقوا بحالنا
مشاعل:لاتخربوني تراني صغيره
ندى:يالخبله تعلمي هذا درس نظري بكره تطبقي مع سلطان هههههههههه
مشاعل:فديت سلطان
ندى:اقول فهد تغزل في حرمتك لاتفتح الست مشاعل السيناريو حق سلطان
فهد:هههههههههههههههههههه الله يعين سلطان عليها
ندى:وانت الصادق البنت للحين مراهقه
مشاعل عصبت:البخوا لالعن خيركم
نوف:حرام عليكم
ندى:وانتي هذا الي قدرتس ربي عليه
فهد:هيه انتي لاتكلمين زوجتي فاهمه
مشاعل:ياهوه علينا
ندى بدت تستهبل:مشاعل ودي اهديك اغني خاصه
فهد:نديوا اسكتي لانزلك
ندى:هههههههههههه خلاص توبه
وقضو سوالفهم هبال وتريقه


وش الي مخبينه مشعل وتركي على ندى وخايفين عليها منه؟؟
وفهد وش قال لندى وخلاها تبكي؟؟؟

توقعاتكم وش راح يصير بالمزرعه؟؟






اتمنى انها تنال على اعجابكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-03-2008, 09:27 PM
قشوطه قشوطه غير متصل
©؛°¨غرامي جديد¨°؛©
 
الافتراضي رد : تمنيت قلبك ..قصه من تأليفي قشوطه


؛

؛

؛




الى هذا الدرجه مو عاجبتكم

ماكوووووووو احد رد على قصتي


ابي ردود

؛

؛

؛


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-03-2008, 10:01 PM
صورة بنت فلة على طول الرمزية
بنت فلة على طول بنت فلة على طول غير متصل
©؛°¨غرامي مشارك¨°؛©
 
الافتراضي رد : تمنيت قلبك ..قصه من تأليفي قشوطه


هلااااااااااااوغلااااااااااااااااااا
الرواية جونااااان
واكتر شخصية عجبتني ندوووي عسوووووله
ويالت ماتطولين علينا بليييييييييييييز حمااااااااااااااس
ونتظرك على احر من الجمر
ويعطكي الف عافيه عالرواية الي ولا احلى
وشكرررررررررررررررررا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-03-2008, 10:04 PM
صورة عايشه على وهم الرمزية
عايشه على وهم عايشه على وهم غير متصل
©؛°¨غرامي نشيط¨°؛©
 
الافتراضي رد : تمنيت قلبك ..قصه من تأليفي قشوطه


مشكورة قشوطة القصة ابداع تكفين على شاني كمليها

موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1