غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 17-04-2008, 06:54 AM
صورة الحب love الرمزية
الحب love الحب love غير متصل
©؛°¨غرامي مشارك¨°؛©
 
أحتضنى حتى الموت


هاي القصه نوعا ما من تاليفي انا بنت خالتي

اهي عليها الكتابه في الورق
وانا التنسيق والاشتراك بها بالنت باسمها
القصه للكاتبه الصغيره :دلوعه مجبوره تضحي


وهي هذي لها اول مره تكتب فيه
بس انا لي كثير انقل
اتمنى منكم التشجيع

كل وحده في هالعالم تتمنى تعيش قصة حب ونهايتها سعيدة وماتبي تعيشها للنهايه وتكتشف أن اللي تحبه مايبادلها الشعور نفسه أو بالأحرى يحب غيرها بتكون صدمه كبيره بالنسبه لها وبتكره الانسانه اللي يحبها حتى لو كانت أقرب الناس لها ليش احنا نتكلم بس عن البنت حتى الولد له دور لحب انسانها و أكتشف في النهايه أنه موله لأنسان ثاني يحبها بس ويضمها بين ضلوعه أنسان ثاني يحبها ويكلمها أنسان غيره رح يكره العالم كله مو بس كذا يتمنى الموت ولا يشوف حلمه ضايع بين ضلوع أنسان ثاني .


قصتي تتكلم عن ناس عاشوا الحب لكن ماعاشوا لنهايته وناس عاشوا الحب لكن على ضلال أنسان ثاني وناس عاشوا الحب لنهايته .
كتبت قصتي وعشت معاهم وحسيت فيهم وتأثرت معاهم وياريت كل من يقرا قصتي يعيش احداثها وماأطول عليكم .



يالله
بسم الله
نبدأ

الجزء الأول

في ليله من ليالي 14او15جلست أشجان تناظر القمر
نتكلم عن أشجان :هي بنت رقيقه_ شفافه _بسرعه تزعل
عمرها 18سنه حبوبه والكل يحبها وأكثر شئ ولد عمها بنتعرف عليه في الأحداث الجايه

أشجان كانت لابسه بلوزه جينز على جهة كتفها وردات صغار لون البلوزه ورديه والورود بيضه ولابسه برموده جينز كحلي في نهاية البنطلون وردات صغار بيضه وكانت فاله شعرها البني الناعم طوله لين كتفها قصة شعرها فرواله طالعه روعه ,وهي جالسه تناظر القمر دقت عليها بنت عمها آمال
نتكلم عن آمال بنت دلوعه تحب السوق وأنها تتسوق عمرها 19أكبر من أشجان بسنه علاقتها بأشجان قويه لدرجة أنهم أكثر من الخوات آمال بنت حلوه عيونها كبار وبحلاوة عيونها لنرسموا بالكحل شعرها طويل
أسود وهي بيضه وجسمها حلو بس أشجان جسمها أحلى

وأشجان كل شئ فيها ناعم آمال كانت لابسه بلوزه حمره وتنوره سوداء قماشها حرير وشعرها لافته ومنزله خصل من قذلتها طالعه جنان ونعومه للأخر : كانت
أمال جالسه على الكنبه اللي بالصاله وكان جالس جنبها فارس أخوها الكبيرعمره23سنه يحب الرياضه جسمه رياضي وهو رومنسي يحب الكشخه والرزه شعره ناعم وأسود وهو حنطاوي مخفف شنبه ما يتحمل المزح الثقيل لدرجة يصفع اللي قدامه من غير شعور وهو يدرس في جامعة لندن تخصص دكتوراه ,كانت جالسه جنبهم أمهم وهي أم فارس طيبه ماتاخذ الشئ بالعصبيه تاخذه بالسياسه أنسانه قلبها طيب لدرجة الكل يرتاح لها .

آمال دقت على أشجان بس أشجان كانت في عالم ثاني عالم الخيال بعد مده أشجان انتبهت للجوال يرن وردت عليه.
أشجان: ألو؟
آمال :أخيرا رديتي كيفك؟
أشجان: تمام
آمال : شنو فيه صوتك متغير؟

التفت فارس على آمال وجلس يطالعها بأستغراب
أشجان: متملله
آمال: كلنا متمللمين موبس انتي
أشجان: نفسي أصيح.
آمال : تصيحين؟ليش تصيحين؟
فارس زاد فضوله يبي يعرف منو اللي تبي تصيح
فارس: منوا اللي تبي تصيح؟
آمال: تقول لفارس

آمال:لحظه

أشجان: شفيك؟
آمال: أكلم فارس .
أشجان: فارس جنبك؟
آمال: اي هني جالس جنبي ,شوفي أقري قرآن يمكن ترتاحين
أشجان: طيب اللحين أخليك
آمال: طيب يالله باي
أشجان: باي

آمال تلفت على فارس
آمال: هذي أشجان
فارس: ليش؟ شنو فيها؟
آمال: مافيها شئ بس يمكن نفسيتها تعبانه
فارس: كان خليتيها تروح معك السوق
آمال: ماراح ترضى
فارس: ليش؟
آمال : مادري بس أعتقد ماراح ترضى
فارس:تعتقدين يعني ماسألتيها ؟
آمال: الحين انت فاتح لي محضر ليش؟
فارس: مو فاتح محضر ولاشي بس انتي بتروحين تستانسين ليش ماتأخذينها معاك؟

رن جوال فارس وكان اللي داق عليه نواف

نواف أخو أشجان عمره22سنه نكوتي وسوالفه ماتنمل حبوب وهو في ثالث سنه جامعه تخصص هندسه

فارس: هلاوالله هلا بهالصوت
نواف: هلا فيك أكثر
فارس: (ها) بنروح عند الربع ؟
نواف: في غيرهم نستانس عندهم

آمال تأشر بصبعها أنها يوديها السوق
فارس شافها .


فارس: أوووووه نسيت
نواف: شنو اللي نسيته ؟
فارس: هذي تبي اوديها السوق
نواف: منو؟
فارس: آمالو

آمال عصبت على أخوها

آمال: الحين صرت آمالو
وسكتت علشان مايهون أخوها عن روحة السوق.

نواف: (ضحك)
فارس: أنا مو غلطان عدل؟
نواف: حرام عليك الحين أكيد شابه نار
فارس: تصدق شابه نار للأخر
نواف: غريبه ماردت عليك؟
فارس: لان من مصلحتها ماتردعلي
نواف: صراحه كسرت خاطري
فارس: خلها تولي

آمال في هاللحظه ودها تصفع أخوها كف بس تحاول تتمالك أعصابها وتلهي نفسها بأي شئ علشان ماتعطي فارس وجه

فارس: (ضحك)
نواف: شفيك؟
فارس: آمالوا
نواف: شفيها بعد؟
فارس: جالسه تلهي نفسها بأي شئ عشان مايحترق قلبها زيادة
نواف: ماتنلام
فارس: يالله كم الساعه بتروح للربع؟
نواف: تقريبا على الساعه 9هناك
فارس: o.k أجل أشوفك هناك
نواف : وأترك أختك في حالها
فارس : تدري ودي أطول المكالمه معاك علشان ابط كبدها
نواف : مسكينه شسوت فيك؟
فارس: ماسوت شئ بس مشتهي أتخانق معها
نواف : حرام عليك......أخليك الحين فامأن لله
فارس : فأمان كريم

آمال شابه نار وبعصبيه والنار طالعه من عيونها .

آمال : حضرتك بتوديني ولا لا؟
فارس: ممممممممم أفكر.
آمال: شنو تفكر ؟أنا ماتحملتك طول هالمده علشان تقول لي أنك تفكر .
فارس: شفيك؟
أمال خلاص دمعة عينها بتنزل من الاسلوب اللى فارس جالس يتكلم معها فيه.
آمال : بتودني ولا لا ؟
فارس: لا أنا تأخرت على الربع باااااااااي.

وطلع وترك آمال شابه نار أكثر وأكثر وراحت غرفتها وهي تصيح.

س1:أشجان بتطلع من اللي هي فيه ولا لا؟
س2:شنو اللي بيصيرلآمال بعد اللي سوى فيها أخوها؟
س3:نواف شنو موقفه من اللي سواه فارس لآمال ؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-04-2008, 01:34 PM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد : أحتضنى حتى الموت


.

.

الله يعطيكم العافيه
موفقات ان شاء الله



**

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 17-04-2008, 03:59 PM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد : أحتضنى حتى الموت


:


الله يعطيكم العافيه ويعينكمـ

واتمنى لكـم قراء حلووويـن



//

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 18-04-2008, 08:50 PM
صورة الحب love الرمزية
الحب love الحب love غير متصل
©؛°¨غرامي مشارك¨°؛©
 
الافتراضي رد : أحتضنى حتى الموت


الجزء الثاني
في بيت أشجان ,أشجان جالسه في غرفتها .
قرت قرآن وأستغفرت ربها وجلست على مكتبها خذت
دفتر مذكراتها وقلمها عشان تكتب فيه .
أشجان : دائما يحس الواحد أنه غريب
وده يكون جنبه حـــبـيـــب
يفهمه ويقوله مـنى صير قريب
لا تبتعد لويصير اللي يصير

ويقطع تفكيرها طرق الباب .

أشجان : منو؟
أمها : أنا يا بنتي .
أشجان : تفضلي يمه .
أمها : أشجان يمه ماتبين تنزلين تحت العشاء جاهز؟
أشجان : لا يمه مب مشتهيه
أمها : ليه يمه ؟ سويت الآكله اللي أنتى تحبينها .
أشجان : يمه مالى نفس أكل .
أمها : أشجان شنو اللي مضايقك؟
أشجان : ولا شي يمه.

أمها : علي ما فيك شي ؟ أشجان أنتي بنتي وأنا فاهمتك.
أشجان : لايمه بس حسيت أني شوي تعبانه .
أمها : شفيك يمه ؟ شفيك تعبانه
أشجان: ولاشي يمه بس حسيت أن جسمي يألمنى هذي كل السالفه لا تحاتين يمه .
أمها : يعني ماتبين تنزلين تأكلين لك لقمه ؟
أشجان : لا يمه مب مشتهيه؟
أمها : كيفك يمه بس إذا حسيتي بجوع نزلي يابنتي أكلي زين ؟
أشجان : أنشاء الله يمه.
وطلعت أمها من عندها
أشجان : ياترى شفيها آمال مادقت علي اليوم كلش؟
خل أدق عليها أحسن لي.
خذت الجوال ودقت عليها ,أمال ردت بصوت حزين
آمال :الو
أشجان :آمال حبيبتي شفيه صوتك كذا متغير ؟
آمال :مافيني شي.
أشجان: معقوله مافيك شي؟أنتي منو تكلمين؟
تكلمين وحده أمس ولا أول أمس متعرفه عليها آمال مابينا آسرار شفيك؟
آمال وهي تصيح .

آمال:فارس ياأشجان فارس.
أشجان: فارس؟ شفيه فارس؟
آمال: موأنا كنت متواعده معاه أنه يوديني السوق بعدين دق عليه نواف ....
أشجان: أخوي نواف دق عليه ؟
آمال : أي خلاني فارس بيزه ماأسوى عند أخوك
أشجان: شنو سوى؟
آمال : أهاني عند أخوك قاله أمالووقاله خلها تولي وقاله أبي ابط كبدها مع أني ماسويت له شي .
أشجان: معقوله كل هذا من فارس ؟
آمال: حرق قلبي وأنا حابسه نفسي في الغرفه من زمان وماطلعت منها كرامتي أن مسحت في الأرض ياأشجان .
أشجان: برد لك كرامتك ياآمال .
آمال : شنو بتسوين؟
أشجان: بعدين تعرفين أخليك الحين باي وأهتمي في نفسك
آمال:أنشاء الله باي
أشجان طلعت من غرفتها معصبه ونزلت .
أشجان:يمه.
أمها جالسه على الكنب تشرب شاى.
أمها : هايمه تبين أحط لك العشاء؟
أشجان: لا يمه بس نواف وينه ؟
أمها: مابعد يرد من عند ربعه.
أشجان: إذا رجع خليه يجيني .o.k؟
أمها: أن شاء الله يمه شتبين فيه ؟
أشجان: بصراحه يمه؟ كسرت خاطري آمال.
أمها: آمال بنت عمك ؟
أشجان: أي يمه آمال بنت عمي .
أمها: خير يمه آمال شفيها ؟
أشجان: فارس أخوها .
أمها: فارس أخوها ؟ ليه شنو فيه أخوها .

أشجان :خلاها ماتسوى عند نواف.
أمها:ليه شنو سوى
أشجان قالت لأمها كل شي
أمها:معقوله فارس يسوي في أخته كذا؟
أشجان :وأنا أبي أكلم نواف في هذا الموضوع.
أمها :شنو تبين تقولين له؟
أشجان : أبي أقول له كيف سمح لنفسه أن بنت عمه تنهان ؟حتى لو كان أخوها اللي هانها.
كان كل هالمده نواف واقف على الباب وسمع كل شئ
نواف: أنا مالي ذنب ياأشجان في اللي سواه فارس في أخته
شتبيني أقوله ؟حاولت أني أقوله لا يسوي في أخته كذا بس ماسمعني .وفي النهايه تقولين أني كيف سمحت لنفسي أن بنت عمي تنهان؟
أشجان :ماتدري يانواف كيف كسرت خاطري وهي تصيح .
نواف :كسرت خاطري قبل لاتكسر خاطرك عن أذنك.
صعد نواف غرفته وأشجان بعد صعدت غرفتها وجلست على مكتبها وخذت دفتر مذكراتها وكتبت:
كيف الناس تسمح لأهلها أن كرامتها تنهان
مو معقوله أن فارس الحبوب يسوي كل هذا في آمال
مومعقوله أوووووه متململه(زهق) كثير ياربي شسوى ؟كثير متململه
تذكرت انه عندهم شاليه وكبير مره.
صج ليش مانروح الشاليه ؟خل اروح أقول لأبوي.

ونزلت الصاله شافت أمها جالسه لجالها تتكلم في التلفون
وجلست جنبها وكانت امها تكلم أختها .
أم أشجان :أي والله ياوخيتي الناس كله كذا يا يغتابون يا يشمتون أنا مادري شنو يستفيدون غيرأنهم ياخذون أعمالهم .
أم الياس : ( أم الياس خالة أشجان أكبر من أم أشجان حبوبه والكل يحترمها):أي مثل ماقلتي مايسستفدون غير أنهم ياخذون أعمالهم وبس . أخليك الحين أبو الياس رجع ولازم أروح له يالله مع السلامه بس لاتنسيبن العزيمه يوم الاربعاء؟
أم أشجان :أن شاء الله مع السلامه.

أشجان :يمه .
أمها : هلا يمه

أشجان : وين أبوي؟
أمها: في الغرفه
أشجان :غريبه موجالسه جنبه
أمها :كنت نازله أجيب له عصير الادق التلفون ,انتي شنو تبين منه؟
أشجان : ابي يودينا يوم الآربعاء الشاليه , ملانه كثير
أمها: لا الاربعاء عزيمة خالتك مايصير
أشجان:عزيمة؟ ليش شنو عندها؟
أمها: عندها جمعه أهلك
أشجان .k الخميس نروح
أمها :كيفك روحي قولي له والله من زمان مارحنا له وحشه المكان هناك.

أشجان: o,k
راحت أشجان لغرفة ابوها وطقت الباب ودخلت كان أبوها مريح على الفراش يوم شافها قعد
أشجان:هلا يبه شلونك؟
أبوها :هلا ببنتى الحمدلله انتى يبه شونك؟ وليش مانزلتي تعشيتي معنا ؟
أشجان: ماكان لي نفس يبه ,بابا ممكن طلب؟

أبوها : أمري ياعيون أبوها
أشجان :تسلم لي عيونك يبه ,يبه ياليت تودينا هالاسبوع الشاليه من زمان عنه .
أبوها :أنشالله يبه أحاول افضي نفسي علشان عيونك يالغلا
أشجان: يسلموا بابا يس لاتكون يوم الاربعاء خالتى أم ألياس عازمتنا عندها .
أبوها : من عيوني بس أمك وينها تاخرت على
أشجان :شنو يبه أشتقت لها
أبوها :منو لي بهالدنيا غيرها من بعد الله .


ودخلت أمها في هذي اللحظه عليهم .
أشجان :وهذا حبيبة القلب جات.
أمها :شصاير.

أشجان: ولاشئ بس الغالي (وهي تأشرعلى أبوها) ماقدر يتحمل فراقك ثواني الله يخليكم لبعض ولايحرمكم من بعض.


أمها استحت .

أمها : الله يغربل بليسك.
قامت أشجان بتطلع من الغرفه .

أبوها : ها وين يبه وين طالعه؟
أشجان : الغاليه وجات ليش اصير متطفله عليكم واضايقكم لا لا لازم أطلع واخليكم تقعدون بدون تطفل يالله أشوفكم على خير (فتحت الباب بتطلع )بس لاتنسون تتذكرون أيام أول وأيام الخطوبه وقبل لاتجيبونا باي طلعت وخلتهم .

أبوها وأمها ضحكوا ,وقالت الام قبل لا أنسى عيد ميلاد أشجان الخميس .
ألابو : من جد ؟
أمها: ايوه وترى لازم نسوي لها مفاجاء بعيد ميلادها وحفله كبيره ونعزم الكل .
أبوها : ايوه بس اهي تدري ان عيد ميلادها الخميس؟
أمها: مااعتقد.
أبوها: شرايك نسوي الحفله في الشاليه ؟
أمها :خوش أكبر واحسن ابي اسوي حفله لها لا صارت
ولا استوت بنتى وحيدتي.
أبوها : لا تنسين نواف وامجد تراهم بيغارون .
أمها : شلون انسى عيوني , منو لي غيرهم في هالدنيا من بعدالله ثم انت هذولا ثروتنا يالغالي .

أبوها : أجل الحين أبي أدق على أخواني وخواتي وأبلغهم بالعزيمه وانتى روحي ودقي على خواتك واخوانك وبلغيهم .
أمها : ان شاءالله
طلعت من الغرفه وهي نازله شافت نواف طالع من غرفته .
أمه: وين رايح حبيبي ؟
نواف:مليت من الغرفه قلت أنزل تحت أشوف التلفزيون.
وهم ينزلون قالت الام: حبيبي بقولك شى.
نواف: خير الغاليه ؟

امه : (بصوت واطي ) عيد ميلاد أشجان الخميس.
نواف: جد يمه طيب بتسوون لها حفله؟
أمه: ان شالله.
نواف: في البيت؟
امه: لا في الشاليه
نواف : في الشاليه شنو اللي طرا على بالكم الشاليه الحين؟
أمه: أشجان ودها تروح هناك من زهق تبي تغير الجو.
نواف : يعني تدري ان عيد ميلادها الخميس .
أمه :لا ماتدري بس ودها تروح الشاليه تغير جوا مثل ماقلت لك وماتدري ان عيد ميلادها الخميس .
نواف : بتعزمين خالاتي والاهل كلهم ؟
أمه : ان شالله يالله بروح ادق عليهم .
نواف : الحين ؟
أمه :شفيها تو الناس ماصارت 11.
نواف : مواحراج؟
أمه : لا عادي الحين اجازه والكل يسهر.
نواف: كيفك الغلا الا وين امجد ؟ اليوم ماشفته .
أمه : تلقاه عند واحد من ربعه .

الا على دخلت امجد البيت(أمجد ولد ذكي في أولى ثانوي وسيم عمره 16سنه حبوب)
أمجد: مساء الخير
أمه ونواف : مساء النور .
نواف: وين كنت أمجد؟
أمجد: أول مره تسالني هالسؤال عمر امي وابوي ماسالوني وين كنت اومن وين جيت.
نواف: أمجد ؟ كيف تكلمنى بهالطريقه ؟
أمجد:أسف أخوي الكبير بس أول مره أحد يسالنى وين كنت .
نواف : ليش ماترد على قد السؤال؟

أمجد: أسف مره ثانيه كنت عند يوسف .
نواف: منو يوسف هذا؟
أمجد:يوسف ولد خالتى أم ألياس.
نواف : مره ثانيه لا تتاخر عن البيت.
أمجد: ليش أحنا بإجازه أجلس في البيت شسوي؟
نواف : أنا ماقلت تجلس في البيت بس تعال بدري على الاقل الساعه 10 تكون موجود في البيت.
أمجد: ان شالله .
نواف : تدري ان عيد ميلاد أشجان الخميس ؟
أمجد: والله ؟ توني ادري .
أم نواف: خلاص دقيت علا خالاتكم وخوالكم .
أمجد : متى ؟ ماشفناك.
أم نواف: وانتوا تتكلمون .
نواف:طيب وعماتي وعمامي ماراح تعزمونهم ؟

أمه : أهم تاج المكان كيف مانعزمهم؟
نواف : دقتي عليهم يعني؟
أمه :لا أبوك قال بيدق عليهم .
نواف: واحنا الشباب ماراح تخلونا نحضر الحفله ؟
أمه:والله على حسب إذا كنت أنت وأخوك فهذا عادي
أم عيال خالاتك وعماتك وخوالك وعمامك فهذا لا .
نواف: ليش يمه مو احنا اللي بنزين المكان ولا المكان ماراح يطلع حلو.

أمجد: عدل كلام أخوي الكبير شنو نسوي نجلس عند الرجال
سوالفهم مو خوش أم البنات بنت كشخه جايه وبنت قمر رايحه يالله تخيل نواف مولو أحنا بنات كان جلسنا معاهم تخيل معاي (أمهم تشوف عيالها شنو يسون)بنت من البنات شعرها ليما فخذها أسود ناعم وحاطه مكياج ناعم ياحلاتها
من بنت عدل أخوي؟
نواف : عدل كلامك عدل .
امهم: أستحوا على وجهكم ما كأن أحد جالس بينكم .
أمجد: يمه خلينا نتخيل .
أمه: تتخيلون شنو ؟ عن قلة الادب .(قامت بتروح لابوهم)
أمجد : نواف شرايك نسوي خوش حفله ؟
نواف : شقصدك ؟
أمجد: بعدين رح تعرف.
س: ياترى الحفله بتصير حلوه ولا لا؟
س: وشنو يفكر أمجد يسوي للحفله؟
س: هل ممكن أشجان تكتشف أن أهلها راح يسون لها مفاجائه؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 18-04-2008, 09:14 PM
صورة إشراقة المستقبل الرمزية
إشراقة المستقبل إشراقة المستقبل غير متصل
©؛°¨غرامي مشارك¨°؛©
 
الافتراضي رد : أحتضنى حتى الموت


كملي القصة حححححححححلوة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-04-2008, 12:04 AM
صورة مناف الجشعمي الرمزية
مناف الجشعمي مناف الجشعمي غير متصل
©؛°¨غرامي فعال ¨°؛©
 
الافتراضي رد : أحتضنى حتى الموت


السلام عليكم
يسلمووووووووووووووو الانامل الي كتبت هذه القصه
ويارب يخليك رائعه بكتاباتك وتعطري مسامعنا باجمل القصص


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-04-2008, 01:07 AM
صورة .. دانـه.. الرمزية
.. دانـه.. .. دانـه.. غير متصل
©؛°¨غرامي مشارك¨°؛©
 
الافتراضي رد : أحتضنى حتى الموت


الله يعطيك العافيه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-04-2008, 01:31 AM
صورة ! عاشق بلا حب ! الرمزية
! عاشق بلا حب ! ! عاشق بلا حب ! غير متصل
©؛°¨غرامي متألق ¨°؛©
 
الافتراضي رد : أحتضنى حتى الموت


يعطيك العافيه


بس نحتراي اكملة القصه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 19-04-2008, 04:33 PM
صورة الحب love الرمزية
الحب love الحب love غير متصل
©؛°¨غرامي مشارك¨°؛©
 
الافتراضي رد : أحتضنى حتى الموت


يسلموا الغلا على حضوركم الرائع

نورتم قصتي

تحياتي


بنوته

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-04-2008, 04:36 PM
صورة الحب love الرمزية
الحب love الحب love غير متصل
©؛°¨غرامي مشارك¨°؛©
 
الافتراضي رد : أحتضنى حتى الموت


الجزء الثالث


يوم الاربعاء العصر دخلت أشجان الحمام (والقارئ وانتوا بكرامه) تاخذ لها شاور وبعد الشاور راحت تلبس لها ملابس
تصلح لهاي الطلعه لبست بلوزه حمره حرير كوكتيل لاصقه على الجسم مع تنوره جنز قصيره تحت الركبه وحزام على الخصر احمر واكسسوارات ناعمه تصلح مع لبسها ولبست (انتوا بكرامه)صندل أحمر كعب طويل وضعيف وشعرها خلته مفتوح وحطت له ورده حمراء وراء اذنها وكانت حاطه ميك آب ناعم راحت تشوف روحه في المرايا طالعه خيال وحطت لها رشة عطرها اللي تحبه ديور شانيل ولبست عباتها على كتفها ونزلت تحت في الصاله تستنه امها تخلص وكان موجود في الصاله ابوها واخوانها نواف وامجد
أبوها يوم دخلت عليهم قال :
أبوها : الله الله شالزين شالحلاه هذي ؟
أشجان استحت ونزلت راسها وخدودها وردي من الحيا
قال نواف:خلينا نشوف القمر .
ونزلت عباتها عشان يشفون شنو لابسه
ابوها واخوانها انعجبوا في لبسها الحلو اهي كله لبسها حلو بس اليوم صايره غير .
أمجد قام يصفر من شافها ونواف يضحك.
أبوهم : عن قلة الأدب شفيك تضحك؟
نواف: ولا شئ يبه .
أبونواف: كل هذا الضحك الحين وتقول ولا شي ؟
أشجان زعلت من نواف ليش يضحك عليها أكيد شاف شي يضحك فيها.
أشجان : عن أذنكم . وراحت بتصعد غرفتها
أبونواف: وين يالغلا رايحه ؟
أشجان : خلاص يبه ماني رايحه قول لامي.
أبو نواف: ليش؟ كل هذي الحلاوه الزين ومورايحه ؟
أشجان: شوف يبه نواف وأمجد كيف يضحكون على أكيد فيني شي مو حلو.
أبو نواف: وهذا الي مزعلك؟
أشجان : أيه يبه
أبونواف : نواف
نواف : هلا يبه.
أبونواف:أمجد
أمجد: سم يبه
أبوهم : قوموا اتسامحوا من اختكم
نواف: بس يبه انا ماغلطت عليها
ابوهم: والضحك اللي قبل شوي عليها وتقول ماغلطت؟
نواف: بس انا ماكنت اضحك عليها.
أبوه: اجل حق شنو الضحك ؟
نواف: انا يبه كنت اضحك على امجد وهو يصفر لها بس .
ابوهم: أمجد يالله انت اللي استسمح منها
أمجد: ليش يبه انا شنو سويت في حياتي (بصوت حزين ويضحك في نفس الوقت وحاط ايده على صدره)
أشجان :ههههههههههههههههههههههه
أبونواف:ههههههههههههههههههههههه
نواف:ههههههههههههههههههههههههههه
أمجد : خلاص الحين ضحكتوا يعني ماله داعي استسمح منها.
أبو نواف : على اشجان اذا رضت هاشجون راضيه؟
أشجان: لانه ضحكني خلاص.
أمجد: مشكوره .
أبونواف : وين أمكم ؟
أشجان : شكلها لسه ماخلصت.
أبوها:روحي ناديها يبه.
أشجان : أن شالله يبه.
تو أشجان بتروح تنادي امها الا تشوفها نازله لهم
أشجان : يمه ليه تاخرتي؟
أم نواف: تدرين يمه لازم نتاخر عشان حركات الحريم .

وكانت لابسه فستان شوي قصير يوصل الى تحت الركبه بشوي حفر ناعم وعلى الخصر حزام كرستال من الورد الناعم وفاله شعرها اللي يوصل الى اخر ظهرها وحاطه عليه شريطه تناسب الثوب والميك أب تقيل يناسب عمرها
واكسسوارات فخمه والصندل لونه بصلي ناعم مره وكعبه طويل وضعيف وطالعه روعه,لما شافوها عيالها وقفوا لان دخلتها عليهم مثل الملكه.
أمجد : شالجمال يمه شالرقه شالحلاه؟
نواف : صدقت والله طالعه قمر
أبو نواف: يالله أم نواف تاخرنا .
أشجان : يبه ماعجبتك الوالده ؟
أبونواف: مولازم اقول اهى تعرف شكثر هي حلو وطول عمرها كامله والكامل وجه الله.
امهم استحت
نواف : يبه.
أبو نواف : هلا
نواف: ماقلت كلمه حلوه للوالده؟.
أبو نواف:شالكلام ؟
نواف : بصراحه يبه لو امي زوجتى ماتركتها من الكلام الحلو كل هالقمر وما اقول ولا يطلع الكلام الحلو مااقدر .
أم نواف: الله يغربل شرك من ولد شنو هالكلام اللي تقوله؟
نواف: يـــــــمه خـــل اطلع اللي بداخلى من أشعار وغزل
أبو نواف: يا أم نواف تأخرنا على الجماعه .
نواف:يبه
ابونواف: هلا
نواف: أشوفك تضيع الموضوع ليش ما تقول كلام غزل للقمر اللي يمك؟
أبونواف:وبعدين معك لو بغيت اعبرواقول كلام ما بقول يمكم خلونا نطلع أحسن.
وبعد ما قال كذا طلعوا كل من أشجان واهلهم وبقى أمجد ونواف
أمجد: نوا ف شكلك احرجت الوالد
نواف: قول الوالده شفتها لمن قلت للوالد ليش ماتقول كلام حلو للوالده كيف صار وجهها أحمر وأصفر وأخضر كانه اشارة مرور .
أمجد: يحليلها الوالده ماودك الحين تروح معاهم وتشوف البنات؟
نواف: ودي بس الهوى ضدي .تعال الحين انت تقول بتسوي خوش حفله شقصدك؟
أمجد : بعدين أقولك .
نواف :أمجدو ماني واحد من ربعك قولي شنو بتسوي؟
أمجد : مافيك صبر؟ ياخوي أصبر على شوي.
نواف : أمجد إذا ماعلمتني شنو راح تسوي بعلم عليك الوالد على خرابيطك ؟
أمجد : نواف انا اخوك الصغير ترضى على اخوك الصغير ياخذ محاضره كبيره عريضه.
نواف:طيب علمني شنو بتسوي؟
أمجد: o.k اسمع .
وصلوا ام نواف واشجان لبيت الخاله .
بونواف : اذا خلصتوا وبغيتوا ترجعون دقوا .
ام نواف :انشالله ما يصير خاطرك الا طيب.
دخلوا حديقه البيت وكان الياس موجود بالحديقة(الياس شاب ذكي محترم عمره 25 سنه يشتغل مع ابوه في المقاولات وسيم لابس ثوب وشماغ احمر شكله رهيب ورزه ) جالس على كرسي موجود بالحديقه اشجان لما دخلت مانتبهت ان في احد موجود فيها وفتحت عباتها وامها معها نزلت عباتها علشان تدخل وانتبهت ان الياس موجود
ام نواف : الياس
اشجان انتبهت انه في احد ورجعت حطت الشيله على راسها ودخلت بسرعه البيت .
الياس :هلا خالتي شخبارك؟
ام نواف : بخير الحمدلله شدعوه مانشوفك ماتمر علينا وتقول عندي خاله اسلم عليها ولاتنسى ترى انا امك الثانيه ولانسيت انت؟
الياس :لا والله مانسيت ياخالتي قصدي امي
ام نواف : حبيبي ليش واقف بره تنتظر احد ؟
الياس: ايوه يمه , العيال بيجون ليش نواف ماجا؟
ام نواف : مادري عنه في البيت مع اخوه جالسين .
الياس : o.kانا بدق اشوفه اذا بيجي.
ام نواف: كيفك يا ولدي يالله انااخليك بدخل البيت تاخرت عليهم يالله فمان الله.
الياس: فمان كريم

داخل البيت عند الحريم
ام الياس: أشجان حبيبتي وين أمك؟ تأخرت .
أشجان:مادري خالتي كانت مع الياس بره قبل شوي
الا بدخلت ام نواف
أشجان : وهذي امي جاءت
أم الياس : وينك ام نواف ؟
أم نواف : كنت مع الياس من زمان عنه كبر ماشاءالله عليه
الا شخبارك ام الياس ماخليتين أسلم عليك.
أم الياس: واصل سلامك الله يسلمك يا أم نواف انتى شخبارج؟
أم نواف : بخير الحمدلله.
ودخلت ام نواف تسلم على الجماعه وبعدين وزعوا القرآن على الحاضرات وبدوا يقرؤن الختمه صار لهم ساعه من بدآو.
أم الياس : يالله يا بنات اللى تخلص من الجزء اللي عندها تجي تساعدني في المطبخ .
أم علي: وحده من الحريم ,ما عندج خدامات؟
أم الياس: عندي بس صف البنات غير.
أم على: كلامك عدل البنات احسن.
والبنات يتسابقون علشان يخلصون ويرحون يساعدون خالتهم
(ريان بنت ام الياس واخت الياس عمرها 20سنه حبوبه والكل يحبها في ثاني كليه مخطوبه لولد عمها علاقتها مع أشجان عاديه اهى قويه بس مو مثل آمال بنت عم أشجان)
ريان: ها أشجان خلصتي؟
أشجان: لا باقي لي نص الجزء وأنتي خلصتي؟
ريان: ايوه خلصت .
(جوري بنت خالتهم ام عباس ذكيه وفاهمه وتعرف اذا احد يتكلم عنها ولا لا بس تشوف اللي يتكلمون هي موساحره بس عندها حاسه سادسه عمرها 21سنه في كلية التربيه تخصصها E تحب هالماده وتفهمها )
جوري: وانا خلصت .
أشجان : يوه يعني بس انا لسه ما خلصت؟
ريحانه : (اخت جوري حبوبه وذكيه عمرها 17سنه في ثاني ثانوي علمي ) واحنا ما نكفيك؟ ولا ماتبين تجلسين معنا؟
أشجان : مو قصدي حبيبتي بس قصدي اللي اكبر مني زعلتي حبيبتي؟
ريحانه : لا ,انا موزعوله .
حست أشجان أنها تقصدها بس ما بينت شئ .
في المظبخ صاير المكان عقسه صحون جايه وصحزن تنغسل وصحن ينكسر وناس جايه وناس رايحه والياس طالع من المطبخ وداخل لان ربعه موجودين جالس يضيفهم ,
أشجان خلصت من القرآن وأول ماقامت بتروح المطبخ تساعد البنات أمسكتها وحدة .
أم على : وحده من الحريم ,أنتى منو بنته؟
أشجان : بنت أم نواف .
أم على : وينها أمك؟
أشجان وهي تأشر على أمها : اللي لابسه ثوب بصلي .
أم علي : أيوه خلاص بنتى أسفه وقفتك؟
أشجان : عادي خالتي ما صار شئ
ومشت أشجان عنها
أم على : والله حلوه هالبنت .
أم محمد: وحده من الحريم ,كلامك عدل لوعندي ولد مب متزوج زوجتها حقه.
أم علي : لو على يبي يتزوج خطبتها له بس مايبي يتحمل مسؤوليه .
أم محمد: كم عمره ولدج؟
أم علي : كبير هالولد عمره 27سنه بس مايبي يتحمل مسؤوليه ,أخوانه الصغار تزوجوا وعندهم عيال الي عنده بنت واللي عنده ولد وهو موراضي يفتح بيت ويتزوج.
أم محمد :كم أعمار عيالك اللي عندهم عيال؟
أم على : عمار عمره 24سنه وحسن عمره25سنه .
أم محمد: تحت بعض جبتيهم ما شالله عليك؟
أم على : ايه والله بس شنو نسوي كتبت ربك؟
أم محمد: طيب اذا البنت دخلت مزاجك وودك تصير مرت ولدك قولي له عنها يمكن تدخل مزاجه .
أم علي : ياما كلمته وقلت له عن بنات عمه وعماته وخالاته وكل وحده أحلى من الثانيه لكن ماكو فايده مايطيع ولا بيبي يتزوج.
أشجان راحت المطبخ تساعد البنات اللي خلصوا قبلها .
أشجان : (بصوت شوي عالى) بنات تبون مساعده ؟
جوري: قبل روحي نزلي عباتك وحطيها في مكان عشان لاتصير وصخه وتصبغ ريحتها أكل.
أشجان توها بتطلع الا والياس في وجهها وهي ما عليها جلال ولا عبايه ولا شئ
(لاتقولون شمعنى جوري ؛ جوري كانت بنهاية المطبخ ولا تبين والياس ياخذ الاغراض من اخته جنب الباب )
شافها الياس وهي ما عليها شئ تفجاء فيها ولا عرف يتحرك من مكانه تجمد أشجان توهقت ماعرفت شنو تسوي وكانت أشجان طالعه روعه وتبي تروح بس مو عارفه لانه واقف في نص الباب ولا عارفه تمر وبعد شوي حست أخته ريان:.

ريان : ألياس شفيك واقف؟ وخر شوي عن البنت خلها تروح.
الياس حس من صدمته بعدين وخر شوي وراحت أشجان.
الياس: منو هذي؟
ريان : بنت خالتك
الياس : شنو أسمها؟
ريان : أشجان ؛ ليش عجبتك؟
الياس: خياااااااااااااال وروووعه هالبنت .
ريان : تبي تخطبها؟
الياس:لا ؛صبري علي شوي.
ريان :البنت حلوه ما تنتفوت لو مافكرت تأخذها في غيرك يفكر لان العيون عليها كثير.
فكر بسرعه يالله خذ ؛ عطته صحن كيك لضيوفه .
أما أشجان راحت الصاله وقلبها يدق بسرعه موعارفه شنو تسوي لان أهي البنت الوحيده اللي بالصاله وأمها شافتها واستغربت تواجدها بالصاله ولا معها أحد وراحت لها :.
أم نواف: أشجان يمه شفيك لحالك؟
أشجان : يمه مافيني شئ.
أم نواف ؛ طيب ليش انتي هنا ما رحتي تساعدين بنات خالتك؟
أشجان : يمه البنات كثير في المطبخ ما يحتاجوني .
أم نواف: يعنى أنتي الي بتكثرينهم الحين؟
الا بجيت ريان لأشجان :
ريان : أشجان ؟ موناويه تجين تساعدينا في المطبخ؟
أم نواف : توني أكلمها تقول ماتحتاجونها في المطبخ.
ريان :كيف مانحتاجها وهي شمعة المكان؟
أشجان : تسلمين ياقلبي.
ريان : بلا دلع ومسكتها يالله قومي .
وهم رايحين المطبخ (يصوت واطي)
ريان: الياس ماكان قصده كان جاي يأخذ الأكل لضيوف لان ربعه موجودين في مجلس الرجال علشان كذا جاء ياخذ الاكل
وماكان يدري ان احد من البنات بيطلع من المطبخ
أشجان : ما صار شئ بس روعني شوي هذي كل السالفه .
ريان: طيب تعالي معاي المطبخ تساعدينا .
في مجلس الرجال كان الياس سرحان في أشجان وربعه كانوا يكلمونه لكن وين اهو عنهم ؟ في عالم ثاني في عالم أشجان .
حيدر: (واحد من ربعه) وينك يابوا الشباب؟
الياس: معاكم
حيدر: وين معانا من أول ماجيت من عند أهلك وأنت متغير شنو السالفه؟
على: (واحد من ربعه ولد أم على اللي تكلمنه عنها قبل) يمكن شاف أميره بره وأحنا ماندري صح كلامي يابو الشباب ؟
نواف: (أخوأشجان) ياليت العزيمه عندنا في البيت.
الا ورن جوال نواف كانت على نغمة لاتلموني المتصل فارس:
نواف: هلا والله
فارس:هلا بيك أكثر ,وينك؟
نواف: عند الياس ولد الخاله
فارس: يعني مب شايفينك الليله ؟
نواف : أنشالله بكره في الشاليه.
فارس: ايوه سمعت الوالده تتكلم بس شنو المناسبه؟
نواف:عيدميلاد أشجان.
الياس من سمع أسم أشجان فز قلبه
وفارس نفس الشئ فز قلبه أكثر :جد؟ يعني بتسووون لها حفله؟
نواف: أيوه أمي تبي تسوي لها حفله كبيره ماحد سوى مثلها .
الياس يأشر حق نواف انه يبي يكلمه.
نواف: فارس لحظه شوي.
الياس: هذا فارس ؟
نواف:ايوه
الياس: خله يجي يسير علينا
نواف: الو فارس
فارس: هلا
نواف: الياس يقول لك سير علينا
فارس: لا فشله .
نواف: يقول فشله
الياس خذ جوال نواف
الياس: هلا فارس
فارس : هلا والله شخبارك ؟
الياس :مب زين اذاما سيرت علينا
فارس: خلها مره ثانيه
الياس: انا ملزم انك تجي الحين ترى لسه ماتعشينه بننتظرك
فارس: خلها مره ثانيه.
الياس: لاثانيه ولا ثالثه شكلك تبي تزعلني
فارس: لا حبيبي مانقدر على زعلك
الياس: أجل نستناك؟
فارس: ملزم؟
الياس: ملزم وحيل بعد؟
س: يا ترى أشجان شنوبيصير لها بعد ماتصادمت مع الياس؟
س:الياس هل بيخطب أشجان ولا لا ؟
س: وفارس شنو بتكون نهاية حبه لأشجان؟


موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1