غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-04-2008, 09:22 PM
صورة @ من قدها الكل حبها @ الرمزية
@ من قدها الكل حبها @ @ من قدها الكل حبها @ غير متصل
©؛°¨غرامي مشارك¨°؛©
 
B9 آه حبيبي لوتدري كيف أيامي بدونك تسرق العمر وتفوت


وهذي القصه وللامانة مقولة

ابو سعد :مبارك
سعد (ابو فهد )
حمد (ابو طلال )
احمد (ابو بدر )توام سالم
سالم (ابو جاسم )توام احمد
سلطان وريكان =توام 27 سنه (سلطان طبيب امراض العقم توليد وريكان جراحه قلب )
دلال 23 سنه (تدرس دكتوارة في الجيلوجيا <علم الصخور>)
ندى 22سنه (تدرس علم نفس )
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
سعد ابو فهد :
فهد 29 سنه (متزوج دانه وعندا بنت هذلا وعمرها سنه ماسك شركه ابوه اللى بدبي )
سعود 28 سنه (ماسك الاستشارات الماليه بالشركه)
يوسف 26 سنه (ملازم اول )
مى 23 (تشتغل مدرسه تربيه فنيه متزوجه جاسم بن سالم )
نورة 22سنه (تدرس علم نفس )
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
حمد (ابو طلال ):
طلال 26 سنه (ملازم اول )
مبارك 25 سنه (يدرس في بيروت علوم سياسيه )
دانه 23 سنه (ما تشتغل )
عبير 21 سنه (تدرس قانون )
عبدالرحمن 19 سنه (يدرس في معهد تكنلوجيا )
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
احمد (ابو بدر ):
بدر 25 سنه (مهندس مدني )
راشد ونواف =توام 24 سنه (يدرسون مهندسين ديكور بلندن )
عيسى 22 سنه (يدرس في كليه سعد العبدالله للعلوم الامنيه )
شيخه 21 سنه (تدرس قانون مملكه على محمد بن سالم )
روى 20 سنه (تدرس معهد فنون تشكيليا )
عبدالعزيز 19 سنه (يدرس معهد تكنلوجيا )
منال 18 سنه (اول سنه لها بطب الاسنان )

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
سالم (ابو جاسم ):
جاسم 26 سنه (ملازم اول )
محمد 25 سنه ((يدرس في بيروت علوم سياسيه)
خالد 24 سنه (يدرس مهندس معمارى بلندن)
الريم والمها =توام (يدرسون تصميم ازياء في فرنسا )
وعلى فكرة الريم والمها امهم اول ماولدتهم ماتت وهم عمرهم ساعات يعنى اللى ارضعتهم ام طلال
وصاروا عيالها .........وام جاسم فرنسيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
الحين طبعا بدت عطله الصيف واللى مسافر رجع من سفرة الا الريم والمها كانوا اليوم يرجعون
مع ان المسافرين رجعوا من اسبوعين تقريبا ......
الساعه 8 ونص الصبح بتوقيت دوله الكويت ويوم الخميس
التوأم :السلام عليكم
البيت كله :وعليكم السلام الحمدالله على السلامه
البنوتين :الله يسلمكم
جاسم :حيا الله خواتى الشقر (لا الريم والمهاطالعين على امهم شعرها اشقر روعااااا)
خالد :والسمر
الريم (تكره احد يقولا يا الشقرا والسمرا ) : على فكرة ترى عندى اسم تدرون ولا لا
المها :حتى انا بعد
ام طلال :يالله صباح خير وانتوا تتهاوشون
المها (بنظرة بريئه ):عمتى احنا ماسوينا شئ هم اللى بدو
ام طلال :لانهم مايستحون على وجيهم
جاسم :ما عليش زود يا عمه
ام طلال :يمه روحوا ارتاحوا والساعه 11 ونص نبي نروح بيت عمامكم
الريم :انا لا تقعدونى انا ابي انام
خالد :لا بتروحون بعدين يزعل ابوي مبارك
الريم بعناد :انا مانى رايحه يعنى مانى رايحه
المها :me too iwoun sleep
ام طلال :يعنى شنو
جاسم :يعنى تبي تنام
خالد :روحوا مراح امى اللى راجت ولا ردت
الريم :ومن قال
(وركضت على شان مايجيها شئ )
ولا يدخل البيت ابو جاسم وابو طلال :السلام عليكم
الكل :وعليكم السلام
عبير :السلام عليكم
الكل :وعليكم
جاسم :عبورة
عبير :سم
جاسم :سم الله عدوينش قولى للخدمات يصعدون جناط المهبل
عبير قمزت :وصلوا
ابو طلال :منو
عبير "الريم والمها
ابو جاسم :صج عاد
جاسم :وش اللى يحدنى اكذب عليكم
ام طلال :بس انهم ناموا
ابو جاسم :يعنى مايبون يروحون معانا بيت ابوى
ام طلال :بناتك توهم واصلين ومهدودا حيلهم خلهم يرتاحون وبعدين يحلها ربك
ابو جاسم :اي والله انش صادقا
عبير توها واصلا لانها قالت للخدمات يودون الجناط
محمد ومبارك توهم نازلين يبن يرحون بيت عمامهم اللى بالجهراء وهم بيتهم مع بيت عمهم احمد
بينهم شارع باضاحيه عبدالله السالم
محمد ومبارك: هاى
ام طلال :استح علي عقلك بعد كم اسبع عرسك وللحينك تقول هاي
محمد :ما عليش زود
مبارك :الا اشوف غرفه الريم والمها مفتوح بابها منو داخلها
عبير :ليه ماتدري انهم وصلوا
مبارك :امانه
عبير :اى والله
محمد :يلا امش
عبير :وين رايحين
محمد :وانتى شكو
عبير :انت متأكد (على شان عبير دايمن تمهد لا الطريق مع شيخه )
محمد :اتغشمر معاش
عبير :على بالى بعد
مبارك :يلا امش
(وطلعوا )
الساعه 11 وربع
ام طلال :روحى قعدى خواتش
عبير :حرام خليهم نايمين ماصارلهم 3 ساعات من ناموا
ام طلال :اخاف يجي عمش مايلقاهم نايمين يعفسنا
عبير :اي الله
(وراحت تقعدهم )
دخلت الغرفه الغرفه ظلمه وباردا وكانت خايفه تزعجهم تهم واصلين بعد رحله تقريبا 11 ساعه
عبير :ريومه ريومه قومى ريم رييييييم
الريم :امانه مهاوى ابي انا تعبانه بوكرة نروح الجامعه
عبير :انا مو مهاوى انا عبير قومى
الريم :انقلعى عن وجهى لا اقوم اكفر فيج
عبير راحت حق المها :مهاوى مهاوى قومى بلييييييز والله يجى ابوش يذبحنا اذا ماقعدتوه
المها قامت وراحت بدلت لانهم قبل ماينامون تسبحوا
عبير ردت لالريم :ريم قومى ابوش جا
فزت تخربطت :ابو انا رايحه ابدل
عبير :هههههههههههههههههههه
(وعلى فكرة بس اللى متحجبين بالعايله بنات العم سعد ابو فهد لان مطوع صج انهم بدو بس البنات
مايبون ومايقدرون يغصبونهم على شئ )
الريم والمها لبسوا بنطلون رمادى مايل على الزيتي وبلوزة مشمشي مرسوم عليهافراشه وصندل
فلات فضي (وانتوا بكرامه)وكانوا مسوين شعرهم اللى يوص لين نص ظهرهم بف ولامينا
عبير لبست بنطلون جينز كحلى وبلوزه زيتيه ساده بس من تحت فيها توقيع بالنجليزي وذهبي
عبير وحزام ابيض وبنص فيه فراشه ذهبيه صندل فلات ابيض سادة ومسوى شعره اللى نفس
قصت شيرين (بفيديو كليب مابتفرحش بس دايما تسوى لما كانت لابسه بلوزة ميكي )
ام طلال :يمه سويت لكم شئ تاكلونا
المها :كانش داريه بطنى يصفر
الريم :بلييييييييييييز بسرعا ميته من الجوع
خالد :السلام (التفت )الشقر (لموا اخهم حيييييييييييييييل )
الريم :اشلونك شخبارك
خالد :الحمدالله وانتم شخباركم وشخباركم فرنسا
المها :خلود صاير حلو
عبير :الا صاير بطاااا
خالد :حرام عليش بس خمسه كيلو
الريم :كم ؟؟؟
خالد :صاير 65 كيلو
الريم :اكثر مننا ب22 كيلو يالبطه
خالد :انا بطه يا الشقرا (يعرف ان الريم تكره هالاسم )
عبير :اسكتى لا اخلى اللى طقش يطقش ثانى مرة على خدش الثانى يكملها
(وعلى فكرة الريم والمها محد يفرق بينهم الا الطقه اللى على خد الريم الايمن والمتشابهين بس
هذا اللى يفرق بينهم والصفات )
الريم :فيش خير تسوينها
المها :الحين اعرفي منهو بعدين سوى اللى تبينا
الريم :الا صحيح منو اللى طقنى
الكل :والله ما اذكر .....
خالد :اتوقع واحد من عيال عمى احمد
الريم :مادام واحد من عيال عمى احمد ما راح اسوي له شئ
المها :غصبن عليش
ام طلال :يمه خالد تبي تاكل شئ
خالد :اي والله يا عمتى
الريم :احنا ماراح ناكلا كله معانا
خالد :ولا انا يلا معاهم (وكلوا وخلصوا )
ابو جاسم :تو مانور البيت
الريم والمها بخوف :منور بوجودك (هم يخافون من ابوهم حيييييييييييييييييييييييييييل )
ابو جاسم :تعالوا سلموا ترى ماراح آكلم (مع ان يحبهم ما ادرى ليش يخافون منا )
كمل :جاهزين نبي نروح
الريم بخوف :يــ يبه انـ انا ابي اروح بسيارتى
ابوجاسم :شفيش خايفه (مسك ايديه )تعالى اقعدى جبي مشتاقلش
الريم بخوف :وانا اكثر يبه
المها اول مرة تكون حريئه مع ابوه :وانا يبه
ابو جاسم لاحظ جئة بنته اول مرة :انتى الخير والبركه
الريم :وانا شنو
ابو جاسم :كل وحده لها معزة بقلبي
الريم :طبعا انا اكثر
المها :تخسين انا اكثر
الريم :اقلبي وجهش لا بالنعال
المها :هى ترى انا اكبر منش
الريم :ليت امى جابتني قبل ماتجيبش
ابوجاسم سرح بحب حياته وانتوا طبعا تسألون هو كويتي وهى فرنسيه انا اقولكم القصه :
ابوجاسم كان يدرس بلندن استشارة الماليه بلندن على شان يكون دقيق بشركات ابو اللى بالوطن
العربي وكانت ام جاسم (اليسار )تدرس نفس التخصص وحبها وتزوجها عقب ماجابا جاسم واليسار
كانت حامل بمحمد رجع الكويت على شان يحط اهلا امام الامر الواقع وفعلا هاذا اللى صار ...
الريم :اسفه يبه ماكان قصدي
ابوجاسم يدارى الدمعه :ليش انتى شنو سويتى على شان تتاسفين
الريم تبي تغير الجو يبه انت اليوم تركب السيارة ما اشتقت لسواقتي
ابو جاسم :والله استقت لها خلاص انتى تسوقين اليوم (وطلع )
المها :ماتلاحظين اليوم احنا جرئين زياده عن اللزوم
الريم :هههههههه اى والله امشى خلنا نقول انى انا (بغرور )انا اللى بوصلهم
المها :امشى يالمغرورة
في الامارات وبالتحديد بدبي
دانه :بس كفايه كفايه كذب حراام عليك
فهد:والله مو قاعد اكذب عليش
دانه :اقول كم عرفت وحده علي كم وحدة نمت معاها غيري
فهد انصدم اشلون تعرف :ها انتى شنو قاعده تقولين
دانه :خلاص مليت كل يوم تجينى تلفونا من حريم واصبر نفسي واقول انا اللى في القلب بس حرام
عليك
فهد يبكي :خلاص والله اتوب بس دانه انتى ماتعرفين انتى شنو بالنسبه لى
دانه :ما ابي اعرف
فهد :اطلبي اى شئ وانا انفذ لش
دانه :الطلاق
فهد :شنو لا الطلاق لا مستحيل اتخيل نفسي بدونش
دانه :ههههه والضحكتني ترى صدقت والله لك مهلا اسبوع اذا ما كلقت وربي لافضحك عند اهلى
عاد انت تعرف طلا جاسم يكرهونك كره العمى
فهد عصب :شنو طلاق ماراح اطلق (وطلع )
دانه :انت اللى حديتني يافهد (ولحسن حظ دانه ان فهد عند اجتماع الساعه 7 الصبح بكروة )
في الكويت
ابوجاسم :سوقي شوي شوي
الريم :يبه اشفيك ترى اعرف اسوق
ابوجاسم :حطى شئ نسمعا (فتحت الراديو والا لقت اغنيه محمد عبده على البال )
ابوجاسم :خليها خليها (وعلى فكرة صوت الريم خيالي )
الريم غنت معا الكل كان مندمج مع الاغنيه


وابغى ردود عشان أكمل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-04-2008, 09:38 PM
صورة @ من قدها الكل حبها @ الرمزية
@ من قدها الكل حبها @ @ من قدها الكل حبها @ غير متصل
©؛°¨غرامي مشارك¨°؛©
 
الافتراضي رد : آه حبيبي لوتدري كيف أيامي بدونك تسرق العمر وتفوت


شكلها ماعجبتكم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-05-2008, 09:54 AM
صورة @ من قدها الكل حبها @ الرمزية
@ من قدها الكل حبها @ @ من قدها الكل حبها @ غير متصل
©؛°¨غرامي مشارك¨°؛©
 
رد : آه حبيبي لوتدري كيف أيامي بدونك تسرق العمر وتفوت قصة رومنسية روعة اكشن عناد


الريم :يبه اشفيك
ابوجاسم :ها ولا شئ
عبير :عمي اشفيك
ابوجاسم :لا بس احس بدوخه
عبير :الريم بسرعا الله يخليش (الريم داست 180 )(ووصلا بسرعا )
المها :اسندى ابوى منى منى (راشد ونواف كانوا توهم واصليين )
نواف :هاذا مو عمى سالم
راشد :اي والله هو امش امش بسرعا خلنا نشوف شنو صاير (ركضوا )
نواف :عمى اشفيه
المها بعصبيه :مافيه شئ
راشد :امسكا امسكا لا يطيح
الريم :عبير جهزى الابرة (كانوا البنات لا بسين نظارة شمسيه ماتبين ملاحهم )
عبير :اوكى ...هاش هاش
الريم عطتا ابرة السكرى
المها :ها يبه ان شاء الله احسن
ابوجاسم :الحمدالله احسن ...(التفت ) يا حيا الله عيال اخوى
راشد :يحيك ويبقيك عمى اشلونك شخبارك
ابوجاسم :بخير بشوفتكم
نواف :تسلم عمى
الريم :يبه تبي تدخل ولا تبي تروح الديوانيه
ابوجاسم :لا انتوا ادخلوا وانا ابي اروح مع راشد ونواف
البنات :عن اذنك
(ووصلوا البنات البيت )
البنات :السلام
الكل :وعليكم السلام
ام سعد :يا مرحبا ومسهلا ببناتى
البنات :الله يخليش يمه (وسلموا عليها )
نورة :يعنى انا من اليوم قدامش ماسويتي لي كذا اشمعنا هم
ام سعد :والله انى احبكم كلكم
الريم تبي تقهر نورة :يمه ليش مستحيه انش تقولين ان انا والمها وعبير تحبينا اكثر منها
ام بدر وبناتها :السلام عليكم
الكل :وعليكم السلام
شيخه :ريومه ومهاوى (ولموا بعض )
منال :مالنا نصيب
المها :لا والله انتى الخير وبركه (وسلمو على منال و ورى )
ام بدر تموت على الريم المها تحبهم موت موت موت
ام بدر :يا مرحبا ومهلا ببناتى
الريم والمها :تسلمين يا عمتى انتى اشلونش شخبارش
ام بدر :دام شفتكم اكيد بخير
روى :على فكرة انا جايه على لحم بطنى
ام طلال :الغدا سمك
البنات :هيا (البنات ماعادا نورة بحرين على نباتى على شان كذا اجسامهم روعااااا ماعادا نورة)
نورة :ويييع
روى :محد اجبرش تاكلينا
منال :اي والله
نورة :انتوا منو اللى دخلكم
منال :دخلنا الباب مثل مادخلش
الريم :انتوا اشفيكم (وطالع نورة )ماتعرفون اذا خاطبكم الجاهلون
نورة :انا جاهل
عبير :انتى قلتيها رحم الله امرؤ عرف قدر نفسه
نورة :هى انتوا انا اكبر منكم احترمونى
شيخه :اقول انتى احترمى نفسش على شان الناس يحترموش
نورة :انزين انزين انا اعلمكم شغل الله
منال :لا تتعبون انفسكم مع وحدة سخيفه
نورة طقت منال وشيخه وروى طقت نورة وصارت هوشه (وخلصت )
ام بدر :انتى ليش تمدين ايدش عليها
شيخه :يمه طقت منول تطق اختى واسكتلها والله مانى ساكته لها
ام بدر: بس مو من الادب انش تطقين وحده اكبر منش
شيخه :اقول يمه حدش مسكينه هاذى حيه رقطه
الريم كانت تحط (بلاستر )على جروح رى على رقبتها ودق تلفونها نغمه طبعاَغير
روى :هلا رشود
راشد :العب معاش بالشارع
روى :تذكر اللى طقيت وحده بالحديده (كانت تطالع الريم :هو )
راشد :ههههههههههه تذكرين عاد هى منو ؟
روى :الريم بنت عمي سالم
راشد انصدم اللى ابي اتزوجها هى اللى انا كنت اطقهايكرها كرها لابليس لانها مغرورة
روى :راشد
راشد :ها معاش الا صحيح انتى والبنات روحوا حق ابوى مبارك يبيكم
روى :اوكى تامر على شئ
راشد : لا باى (وسكر )
روى :الريم انتى والبنات ابوى مبارك يبي يشوفنا
الريم :اى والله ابي اشوفا
روى :روحى نادى البنات
الريم :غلطانه اختى انتى قومى ناديهم
روى :يا قثش قثاه (وقامت )
الريم :ههههههههه احسن تستاهلين
روى راحت تنادى البنات والريم كانت ساكته كان ناغزها قلبها ماتدرى ليش
المها :ريوما ريوما ريم الريم رييييييييييييييييييييييييييييييييم
الريم :بطيتى اذنى الله ياخذش
المها :شفيش سرحانه اللى ماخذ عقلش يتهنا به
الريم بخوف :والله ماادرى يا مها احساس غريب فيني
المها :سلامتش يا بعد عمرى فيش شئ تروحين المستشفى
الريم :اشدعوا بس حاسه في شئ اليوم راح يصير وخايفه منا


شنو تووقعن راح يصير بين البنات وابوهم ؟..........
بين دانه و فهد؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-05-2008, 11:18 AM
صورة @ من قدها الكل حبها @ الرمزية
@ من قدها الكل حبها @ @ من قدها الكل حبها @ غير متصل
©؛°¨غرامي مشارك¨°؛©
 
الافتراضي رد : آه حبيبي لوتدري كيف أيامي بدونك تسرق العمر وتفوت


انتهت السهرا على خير
بيت ابو جاسم الكل كان سهران ماعادا ام طلال وابو طلال
ابو جاسم :الريم المها اليوم جايينكم ناس خاطبينكم وانا وافقت
الريم :انا عن نفسي مو موافقه
المها :ولا انا
ابوجاسم عصب :ليش ان شاء الله
الريم :انا ابي اكمل دراستي المها :صح كلامش
ابو جاسم :انا وافقت والبنت مالهاشور بعد شور ابوها
الريم :يبه هاذا مستقبلي وما ابي احد يتدخل فيه
جاسم :انزين انتى وياها اسكتوا خنعرف منو الى خاطبينكم
ابوجاسم :راشد خاطب الريم ونواف خاطب المها
الريم :لا انا وحده ما ابي اخذ من عيال عمى
ابوجاسم :ولد عمش احسن لش من الغريب
الريم باستهزاء :واكبر دليل فهد
ابوجاسم :راشد ونواف انا مربيهم
الريم :سورى يبه انا مو موافقه
ابوجاسم سحب الريم والمها من شعرهم
جاسم :يبه اذكر الله وهدهم
ابوجاسم :شوفي انتى وياها بتاخذونهم
المها :يبه هى مسأله عناد
ابوجاسم :انتوا اللى حديتونى
الريم :والله اذا زوجتونى اياه لارجعلكم مطلقه
ابوجاسم طقها طق حمر جلدها
المها :يبه خلاص حرام عليك حمر جلدها
الريم :لا خليه بعد شكلا منغث مننا غثه
ام طلال و ابو طلال قعدوا على صراخ الريم والمها
ابو طلال :شفيكم شصاير
ام طلال :يمه بنتى اسم الله عليش
ابو طلال :استهد بالله يا ابو جاسم
ابوجاسم :الله ياخذ شكلش قولى امين
الريم :امين وافتك منكم كلكم (ومشت عند الدرج وكل الاوجاع تحس فيها الا وجع ان يملكها رجل هاذا الوجع ماكانت تبيه عندها الموت ولا هالشئ )
المها :اذكرى ربش
الريم صعدت غرفتها وام طلال حطت لها مره ودهنتها فيها ونامت 4 من الوجع
عند الرياجيل
خالد :يبه خلهم على هواهم مايبون يتزوجون كيفهم
ابو جاسم بعصبيه :مو على كيفهم يتزوجون يعنى يتزوجون
محمد :يبه انت غابت عن عينك شغله يمكن تخليهم مايتزوجون وانت راضي
ابو جاسم :شنو
محمد :الريم وعنادها اللى مايقدر احد يقفا عند حدا
خالد :اي والله صج هاذى ما استبعد منها شئ
ابوجاسم :يعنى شنو
خالد :يعنى تكلم عمى احمد او تكلم ابوى مبارك وابوى شنو الريم والمها بالنسبه له وامى هذلا
ابوجاسم :اى والله راح عن بالى هالشئ
خالد :يبه الله يخليك لا تغصبهم على شئ هم مايبونا كفيا اللى جاهــ......................(سكت )
ابو جاسم : كمل شنو اللى جاهم
محمد :يبه نقول الصراحه وما تزعل
ابو جاسم :جاهل قدامكم على شان ازعل قولوا
خالد بشجاعه :يبه انت غصبت الريم على اشياء واجد
ابوجاسم :مثل
محمد :دراستها برة وانت تدرى والكل يدرى الريم مجموعها يدخلا الطب وهاذا اللى كانت تبيه
خالد :يبه انت مشيتها على اللى تبيه انت ...وانت تدرى ان المها هى كانت موافقه
ابوجاسم بانكسار :ليش ماقالت
محمد : تدرى ليش كانت تسكت
ابوجاسم :شنو
محمد :تقول انا حرمتا من حب حياتا و اي شئ منا انا موافقه
ابوجاسم وقف يبي يصعد حق الريم وطق الباب
المها :منو
ابوجاسم :انا
المها فتحت :تفضل يبه حياك
ابوجاسم :وين الريم
المها :يبه الله يخليك توها نايمه وتون
ابوجاسم :خلاص اذا قامت خلها تجين
المها :ان شاء
(وسكرت باب الغرفه ونامت وقعدت مالقت الريم وخافت )
المها :الريم ريييييييييييييييييييييييييييييييييييم (وطلعت من الغرفه وشافت عبير )
المها :وين الريم ماشفتيها
عبير :اظن عند امى بالغرفه لانى شفتها صعدت فوق
المها راحت على طووول فوق وتسمع عند باب غرفة عمها حمد صوت
الريم :ها خالتى شنو قالت
ام طلال : تقول راح يجيها واحد ويخطبها وهاذا خير من الله هالرجال والكل يمدحا بالحلم
الريم كانت تصييييييييييييييييييييييييييييح
ام طلال :ليش تبكين
ارتمت بحظنها وتصييييييييييييح
المها كانت تسمع وقلبها يتقطع وراحت صلت صلاة الاستخارة وارتاحت حيييييييييل
الريم دخلت الغرفه
المها :ريوم اشفيش يا الرقله
الريم باستظراف :لا مطبه
المها :قومى اطلعى بره
وضحكوا البنات والريم راحت تصلي هى والمها وانطق بابا الغرفه اللى
المها :منو
الخادمه : ماما مها يلا غدا
المها :انزين يلا
الريم :اشفيش
المها :يلا غدا
الريم :انا ما ابي
المها : يلا عاد انزلي
الريم بعناد :مابي يعنى ما ابي
المها :حتى انا
الريم :احسن بعد
المها :بس انا جوعانه
الريم :هههه والله هاذى غير سالفه انزلي تغدى
المها :ابي معاش
الريم :انقلعى عن وجهى
المها :يوووووووو
الريم :انا اغديش غدا محترم
الفصل الثالث :
في بيت ابو بدر :

ابو بدر :ترى يوم الاثنين احنا راح نخطب
روى :حق منو ؟منو اللى راح تخطبونها
ابوبدر :راح نخطب الريم لراشد والمها لنواف
البنات :هيااااااااااااااااااااااااااااااااا
منال :على بالي راح تقول نزوج راشد لنورة قلت والله ما اتكلم معااااا طول عمرى
راشد :وليه
شيخه :الله يخليك منو اللى يحبها بالعايله غير ابوها وامها وفهد ويوسف النذاله
رن تلفون روى
روى :يا مرحبا ومسهلا يا مرة اخوى
الريم : هههههههههه مسرع ترى بس خطبه
روى :ما اقول الا مالت عليش وعلى شكلش
الريم :الشراها مو عليش الشرهه علي انا اللى ابي انقذش من اللحم
روى :والله يا قلبي يا عمرى اموووت فيش
الريم :بنات ما يجون الا بالعين الحمرا
روى :اكلى خرا
الريم :اقول عطيني عمى على شان اقنعا
روى :يا لبا والله عروق قلبش ...يبه بنتك تبيك
ابو بدر :يا مرحبا ومسهلا والكاذب يعطى
الريم :العمى ...عمى طلبتك
ابوبدر :تم
الريم :ابي اعزم البنات على الغدا
ابو بدر يكلم بناتا :روحوا بدلوا
البنات :هيااااااااااااااااااااااااااااااااااااااااااااااا ا
ابوبدر رجع يكلم الريم :تامرين بشي
الريم :سامتك يا البي يا البي .... جاوا
(وسكروا )
راشد :ليش قلت للبنات يروحون يبدلون
ابوبدر :الريم عازمتهم على الغدا
نواف :يبه ممكن اسئلك سؤال في بالي من زمان
ابو بدر :اسئل
نواف :شنو السر اللى تحب فيه الريم بالذات
ابوبدر :تذكر يوم كنا بسوريا قبل خمس سنين
راشد :ايه
ابوبدر :انا مرة كليت حبه والله ما اذكرها شنو على طول كليتها ونمت والريم كانت توها طالعه من الحمام (وانتوا بكرامه )متسبحه وتسمع امك تصارخ وخافت قالت شنو اشفيكم
وقالتها امك وركضت ركض وكان الجو حااااار وحافيه راحت جابت الدكتور وجت
راشد :قصه يبه هاذى صارت بس على شا كذا حبيتها
ابو بدر :لا والريم من بد اخوانها انا اللى مربيها
نواف :ههههههههه ليكن الريم البنت اللى طقها راشد
ابو بدر :ايه
راشد :ويييييع يبه انا ابي مها ما ابيها ويييييييييييييييييع انا اخذ وحده مغروره ويييييييييييييع
نواف :لا انا رسيت على المها
راشد :يبه مايصير نبدل
ام بدر :اشفيها الريم اخاف مو عاجبتك
راشد :لا من يقول انا بس ما ابيها
ام بدر :احمد ربك اذا وافقت عليك
راشد :والله هاذى شئ الريم هى اللى خلتحمد ربها انى رضيت اتزوجها
ابو بدر :بلا كام فاضي (ورن تلفون روى اللى كان عند ابوها )هاذى الريم .....الو
الريم :يا حمارة انا برا
ابو بدر :هى انا عمش
الريم :عمى (احذفت التلفون على المها اللى ورا )
المها :اشفيش
الريم :عمى
المها :هلا عمو
ابو بدر :اقول انزلوا ابيها اليوم
المها :راسها عمى ها
ابو بدر :ههههههههههههه انزلوا
المها :انت اطلع برا يمكن عيالك موجودين
ابو بدر :خلاص انا طالع
روى نزلت هى والبنات روى وعلى فكرة الريم وروى عربجيات حيييييييييييييييل كانوا دايما ملابسهم ملابس صبيان واما البنات الثانين ذربات حييييل حتى الريم وروى اذرب العايله بس شنو نقول
روى والريم لابسين تيشيرت زيتي عليه صورة قرصان بالذهبي وبنطلون جينز لويست وحزام ابيض
المهاوعبير لابسين بلوزة طويله خضرا سادة وحزام اصفر على الخصر
شيخه لابسه فستان اصفر لين اركبه ومنال بلوزة بيضا مكتوب عليها بالانجليزى ?? ???++ JuSt foR My L?vE ++?????
راشد :اخص اخص ترا بس غدا
ام بدر :رةى شنو هالبس
روى :يماا شنو يعنى انا والريم لابسين نفس الشئ
ام بدر :ما ادرى متى تكبرون
روى :يمه :ترى عمرنا 21 سنه يعنى كبرنا
ام بدر :الكبر مو بالعمر يالرقله
روى :لا مطبه
راشد :ههههههههه والله تعرفين تحطين
روى :اي على الطاوله
راشد :اطلعى بره ابرك لنا ولش
البنات :مع السلامه
عند ابو بدر والريم والمها
ابوبدر :انا حمارة يا ريم
الريم :حشاك عمى على بالى روى
ابوبدر :وانتى كذا مع روى
المها :اذا ما وصلت للطق
روى :لا يبااا كذابه
ابوبدر :تبون العشا براااا
الريم :عشا ماشر
ابوبدر ماتتتتتتتتتت من الضحك
روى :خرة بشكلش
ابوبدر :يلا غدا هانئنا
البنات :تسلم
(وطلعوا تغدوا وتمشوا ورجعوا )
في بيت ابوجاسم
ابوجاسم :الريم المها تعالوااااااااااااااااااااااااا
البنات :ان شاء الله
الريم بدون نفس :نعم يبه
ابوجاسم :ترى يوم الخميس الجاى ملكتكم
الريم :ههههههه حلوة هاذى منو اللى راح يتزوج (طبعا كل هالكلام باسلوب استفزازاى )
ابوجاسم :اقول انتى ماكفاش الطق اللى خذيتيه
الريم :يبه اخذها كلمه منى انا تعديت السن القانونى والملاك مايوج اللى بموافقتى
ابوجاسم انصدم من كلام الريم
الريم :ها اشرايك يعني ماكو شئ بالغصب
ابوجاسم سحب بناتا وخذا منهم مفاتيح سياراتهم وتلفوناتهم النقاله وكم طراق
الريم :مهما تسوي ما راح اتزوجا لو تنطبق السما على الارض
ابوجاسم طلع والريم انقهرت عند الريم تنطق ولا تحتر
المها :الريم ابوى من صجا يبي يزوجنا
الريم بنظرة تحدى وعناد :ماراح نتزوج
المها :اشلون
الريم :بتشوفين اشلون ........................................

شنو تتوقعون يصير ؟؟؟؟
وشنو تبي تسوى الريم ؟؟؟
وهل راح تتم الزواجه على خير ولا لا ؟؟؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-05-2008, 11:21 AM
صورة @ من قدها الكل حبها @ الرمزية
@ من قدها الكل حبها @ @ من قدها الكل حبها @ غير متصل
©؛°¨غرامي مشارك¨°؛©
 
الافتراضي رد : آه حبيبي لوتدري كيف أيامي بدونك تسرق العمر وتفوت


ماراح أكملها إلا إذا رديتوا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-05-2008, 12:38 PM
صورة @ من قدها الكل حبها @ الرمزية
@ من قدها الكل حبها @ @ من قدها الكل حبها @ غير متصل
©؛°¨غرامي مشارك¨°؛©
 
الافتراضي رد : آه حبيبي لوتدري كيف أيامي بدونك تسرق العمر وتفوت


بليييييييييييييييييييييييييييييييييييييييييييز ردو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-05-2008, 06:14 PM
صورة @ من قدها الكل حبها @ الرمزية
@ من قدها الكل حبها @ @ من قدها الكل حبها @ غير متصل
©؛°¨غرامي مشارك¨°؛©
 
الافتراضي رد: آه حبيبي لوتدري كيف أيامي بدونك تسرق العمر وتفوت


بليييييييييييييييييييييييييييييييييييييز إذا محد رد على القصة خلال أسبوع قفلوها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 28-07-2010, 07:12 PM
كدش فسفوري كدش فسفوري غير متصل
©؛°¨غرامي جديد¨°؛©
 
الافتراضي رد: آه حبيبي لوتدري كيف أيامي بدونك تسرق العمر وتفوت


هااااااااااااااااي

ثــــــــــــــــــــ قلبي على الرواية ــــــــــــــــــانس

بس كمليييييها اهم شي اني انا ارد عليكي

موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1