منتديات غرام روايات غرام أرشيف الروايات المغلقة - لعدم إكتمالها رواية فراشات عذبتها أشواك الدنيا للكاتبة منور22
’؛’ سًٍجًـىآ آللًٍيلْ ’؛’ ©؛°¨غرامي مجتهد¨°؛©

(اسم الرواية فراشات عذبتها أشواك الدنيا )

للكاتبة : منور 22
السلام عليكم 00 حبيت اكتب رواية اصيغ فيها حالات من المجتمع وخصوصا الشريحة الأخيرة من هذا المجتمع تعرضت للألام والجروح والنقيض الأخر 00 الحب والأشواق 00 الأحلام الوردية التي تتمنى التحقق من قبل اصحابها 00 سترون في هذه الرواية الإثارة والتشويق 00عناد وتهور 00الم وجرح 00حب عذري 00 جمييع تلك الأشياء صغتها بقالب روايتي الأولى
(فراشات عذبتها اشواك الدنيا )

اتمنى ان تنال ولو قطرة من بحر اعجابكم

[المقدمة بالفصحى اما الرواية ككل فهي بالعامية يعنني لاتخافون ههه وبليز لاتبخلون علي بردودكم وارائكم ونقدكم البناء واي سؤال أنا حاضرة )
بسم الله ابدا [[ الفصل الأول ]]

تذهب الى حديقة خضراء عينك لم تقع ولم تنظر إلا على
فراشات زاهيات باللون والمنظر تشد الناظر إليها من الوهلة الأولى احيانا تشفق بهن وينتابك شعور الرحمة تجاههن لأنهم وبأي عارض سيحدث ستجدهم لاقوة لهم على الدفاع
وإن كان ... فدفاع بسيط ثم بعدها يحدث الإستسلام فلا حول لهم ولاقوة ، إلا مأامدها الله لهن ، وكل بحسب استطاعته ...

سأبدأ بذكر مواصفات أولى الفراشات ( جمال لم تره عين ، عيون تسترق النظر إليها ، نظرات الشموخ والطيبة والبراءة ممتزجة بنظرة واحدة في عيون تتأرجح بين اللون البني إلى العسلي
،طموح كبير يصل إلى أعالي السماء ، بسمة جميلة تندمج احيانا كثيرة بخبث بريء لايعرف نفاق ولاحسد ،ولكن ،، لابد من خيانةٍ تحدث )


سنذهب الأن للفراشة التي نجدها تحاول التخلص من هذه الأشواك المتداخلة بجسمها لم تيأس وتحاول أن تستنجد بصديقاتها اللاتي لم يقعن في هذا الفخ ولكن لامجيب إلا صدى صوتها ، ولاتدري أهي ستخرج أم تبقى مستمرة
هكذا ؟ ،، دخل الإندهاش والتعجب نفسها فكانت تقول لقريناتها سأدخل بين هذه الأشواك وسأخرج منها كما دخلت أي (صاغ سليم)
، تمنت أنها لم تقلها بتلك الثقة الزائفة ، تمنت أنها لم تلعب بنارٍ لا تضمنها !ولكن لن يفيدها التمني إلا زيادةً في الحسرة ، وزيادة دموع لم تجف .


فراشة ثالثة ايضاً ،، ( لم تمل هذه الدنيا ولن تكل حتى تأخذ مرادها ) طابع المرح يظهر عليها وعلى محياها بصورة تلقائية ، تقفز من زهرة لزهرة محبوبة لدى جميع قريناتها الفراشات ، ولكن ،، يأتي العيب !ليس هناك
بالطبع فراشة كاملة أو مخلوق كامل إلا الواحد الأحد ، إنها مزاجية!( فراشة مزاجية!كيف يحدث هذا ) أي أنها تتأرجح بين النقيضين فساعة لينة وساعة قاسية ولا ينافسها في قسوتها ايًّ من الصلب كحديد وغيره ، وساعة تكون سلسة في الحوار وساعة يكون التعامل صعب معها
فهي الصواب وأنت الخطأ دائما ً


، فراشة رابعة ، كآبة تغشاها ، هم يكتسي وجهها ، الحزن صديقها الصدوق في حلِّها وترحالها ، يائسة من حياتها كل يوم هي في امر، يئست ، سئمت ، اغتمت ، ولكن لا مجيب ؟


!نأتي للتعرف إلى آخر فراشة وبعدها نخرج من هذه الحديقة لعالم آخر عالم مثير !

متقلب لم ولن يتوقف على حدوث فاجعة ،أو موت قريب ، صديق ، خليل ولكنه مستمر لايهمه أحد ، نأتي لهذه الفراشة المتقبلة لهذه الحديقة بقناعة تامة بعكس قريناتها فهي هادئة ومسالمة بطبعها ، رضيت بقليل يريحها ولا كثير يشقيها ،

ولكن الأمل حتى الأن بقلبها ساكن فيه ولا يستطيع تغيير سكنه .


كل حديثي عن هؤلاء الفراشات لن يتغير ، ولكن أطلب من قارىء روايتي طلباً بسيطاً ألا وهو ؟ ان يقلب تلك الفراشات إلى مخلوق حي أمدَّه الله العقل أي أطلب التحويل إلى إنسان له همومه ،فرحه ، وأحزانه ،

ولكن سيحتار القارىء !إنسان نعم ؟ ولكن أي جنس ؟!

[الجنس الأنثوي ]
سأتحدث ( باللهجة العامية ) خمس خوات من الجنس الأنثوي وثنين من الجنس الذكوري ، عاشوا مع ابو بس أما الأم فمتطلقة من الأب من بعد 10 سنوات زواج ماكان فيها إلا الهم والغثا بالنسبة للأب طبعاً أما الأم ولاهيب مفكرة أصلا طول العقد الزمني اللي عاشته مع زوجها يوسف كانت بالنسبة لها سرور ورفاهية تااامة

لأنه باختصار كان واثق فيها وللأسف عطى الثقة لوحدة ماتستحق واللي قاهره لحد هالوقت بعد مرور 15 سنة على طلاقه من سارة أنها رمت عياله بوجهه وقالت: خذهم أنا مالي لزمة في هالعيال تعرف توني بعز الشباب وأخاف هالعيال يمنعوني بأني آ خذ من أتمنى !


ناظرها يوسف باحتقار الدنيا كلها: انا شفت أمهات متجردة الإنسانية منهم بس وربي ،وربي اللي خلقني أم ، أم مثلك ماشفت في احد يتبرأ من عياله بهالطريقة استحي على وجهك !


سارة تتأفف:يوووووه ياخي انت لازم تعطيني محاضرات عن فن التعامل والأمومة كيف تصير (وعلّت صوتها بضحكة استهتار) الأمومة شي ممسوح من قاموسي مشطوب يا يوسف فلا تكلمني عنها أرجوك ! المهم شف واسمعني زين ورقة طلاقي توصلني TOMORRW قالتها بدلع ماصخ وهي تقرب منه وهو مشمئز منها وقالت : TOMORRW هاه ؟ ياا... يا زوج الغفلة

لهنا وبس
يوسف ما استحمل جرها من شعرها بكل انفعال وعصبية وكأنه قنبلة وانفجرت بتوقيت محدد :برا ..برا يالخ....
يا بنت الكل. ياللي ماتربيتي

وسيل من الشتائم والسب اللي ما ينتهي وما همه دموعها اللي تسيل زي الشلال على وجه خبيث ، مخادع وماكر ينسج زي خيوط العنكبوت على الضحية وبعدها ينسفها من الوجود وكأنها شيء لم يذكر هذي با ختصار شخصية سارة اللي بنظر يوسف انها ماتربت !
صحاه من ذكرياته المؤلمة أصوات عياله اللي توهم راجعين من المدرسة هلكانين ميار في أولى ثانوي وفواز ثالث متوسط هم قراب من بعض مرة قالت ميارلأبوها :هاه كيف الدادي في عز الظهرية


فواز بمزح:تسألينه عن الأخلاق أكيد بتكون قافلة


يوسف بحنان :أخلاقي تكون قافلة مع كل الناس عداكم


صفرت جنى بنته اللي سمعت آخر الكلام : اوب ..اوب كل هالكلام لهم وانا مالي حظ خلاص خلاص
حصل خير هذا وانا دلوعتك تسوي فيني كذا


وسوت نفسها تصيح عشان تلعب الدور صح ( مزح )
قالت ميار المفروض انا اللي اصير دلوعته انا اصغر منك واحلى


فواز باستهتار : وش جاب الثرا للثريا


جنى ابتسمت بخبث :خخخ راحت عليك لقطي وجهك


ميار معصبة من فواز :انا ثرى يازفت ؟


فواز : سبحان الخالق الناطق قيمتي نفسك بنفسك صدق من تواضع لله رفعه خخخ ههههه


وكل هذا ويوسف ميت من الضحك على عياله اللي يفتحون النفس

في مكان بعيد كل البعد عن السعودية وأهلها في ((((( بريطانيا )))))

في شقة متواضعة تحتوي على شخصين طلال & حمدان

في يوم الأثنين في الصباح الشمس أزعجت طلال وحمدان وهم نايمين بنورها الساطع

حمدان قام من السرير وغسل وجهه وراح لجهة طلال :طلال طلول نش نش
الحين الساعة 9

طلال تحرك بكسل :همممم حمدان الله يخليك 5 دقايق بس

حمدان : شو تتحراني امك تقولي 5 دقايق عقب قومني

طلال : اوففففف ياخي خلاص خلاص قمت الواحد حتى وهو بعيد عن اهله ماياخذ راحته في نومه

حمدان :ههههههه هيه أباك جذي تصطلب وتغدي ريال

طلال وهو يتوجه ناحية الحمام (اللله يكرمكم ) وهو كأنه روّق شوي (لأنه اول مايقوم تكون أخلاقه تجارية هههه ) وقال :ياخي فديتك وفديت لهجتك هههههه

حمدان : انا اشك في عقلك هاللحظة يالله بس غسل بسرعة والبس عسب نلحق عالمحاضرة

طلال وهو ينشف وجهه بالفوطة : من عيوني هذي قبل هذي كم حمداني عندي

حمدان بصوت بناتي : واحد وياليتك عارف قيمته

طلال : آفاا يعني انا ماعرف قيمتك يكفي انك تقومني كل صبحية وترج راسي رج ههههه

حمدان : ههههه طلال لاتضيع السالفة وروح البس وتعدل عسب نسير وطلع من الغرفة

وبعد ربع ساعة طلعوا جاهزين طلال كان لابس بنطلون جينز بجيوب عالجنبين وقميص اسود عليه كتابات بالأنجليش جهة الظهرونظارة سوداء باختصار شكله (( يخقق ))

أما حمدان فهو حكاية ثانية ( اماراتي طبعا كيف مايطلع حلو فديت الأمارات واهلها )
كان لابس بنطلون زيتي واسع وبلوزة بنية كت وشعره طولان لحد كتوفه وعيونه ماقول واسعة مرة ولاصغيرة مرة والرموش الكثيفة


طلال : يلله خلصت ؟

حمدان : يلله سرينا .


السعودية----- الرياض



0000في غرفة من ألف من الغرف اللي مالية قصر يوسف العاجي
يغلب على الغرفة طابع الرجولة والغموض والأنغلاق نوعاً ما، لا دخلتها تحلف مليون يمين ان
صاحب هالغرفة رجال 00 بس للأسف هي بنت يعني تقدرون تقولون جنس ثالث !!!
اللي منتشر في المجتمع وبالذات في الآونة الأخيير ة (الله يعيذنا منه ) ، صاحب هالغرفة موجود في نفس الغرفة اللي قاعدة اتكلم عنها خلونا نشوف ايش قاعد يسوي ؟؟!


00000: بدر ليه ماتفهم انا كم مرة اقولك واعيدها عليك انا أحبك ( قالتها بصوت مكسر ومتقطع من البكي ) إذا جيت عالجامعة ماتعطيني وجه إلا بس سلام وعسى بعد ومع الشلة ماتكلمني و كأني تحفة مبروزة ليه ياشجون ليه ؟ اوه آسفة أقصد بدر 00


شجون ( بدر ) وهي تدور بالغرفة معصبة ودها تسكر بوجه اللي تكلمها واللي لازقة فيها من كم شهر وتتكلم وهي معصبة :انا كم مرة اقولك شجون هذي ماعاد ابي اسمعها جدار انتي ولا ايش
يلعن هالوجه 00 انا بدر اذا ماعندك خبر ( قالتها بكبرياء وغرور ) واللحين اخلصي علي ماني رايقة لك وش تبين ؟

ليان انحرجت ماكانت تبغى هالمعاملة من شجون (بدر) كانت تحسبها زي باقي الينات ينهبلون اذا دروا ان فيه بنت تحبهم بس لا هذي بدر تحب الواحد يبوس رجولها ساعتها تتكرم وتقبل فيه وهي حتى اللحين ماوصلت لهالشي مع ليان لأن ليان صح فيها قلة اخلاق بس ماتذل نفسها بشكل مبالغ فيه

ليان : خلاص خلاص بدر اذا فضيت دق علي اوكيه

شجون علّت صوتها بضحكة استهتار :انا ؟ انا ادق عليك وش هالثقة اقول روقينا واذا كنتي تبغيني بشي ضروري اهالدرجة دقي علي لما اخلص

ليان على بالها بتحجر على شجون :وانا وش دراني انك خلصتي

شجون : مشكلتك عاد مو انتي تبيني واللي يبيني يجيني
وسكرت في وجه ليان وهي تمشي ورمت نفسها بقوة عالسرير وناظرت الجوال وكأنها تكلم ليان
وقالت بصوت رجولي : غبية 00 وضحكت ضحكة خبث


راجعة من البنك اللي هو شغلها ميتة وهلكانة من التعب بس تعب من نوع ثاني تعب لاشافه الواحد يحمد ربه عالنعمة اللي هو فيها واللي كثير مو مقدرينها000 إرهاق من نوع ثاني ليه ؟
انا اقولكم لأنها (( مقعدة )) مقعدة ياقساوة هالكلمة عالقلب بس في ناس تعجبك قوتهم وثقتهم ورضاهم بالقضاء والقدر ومعرفتهم بأن هذا ابتلاء من رب العباد ،،، ويجبرون الناس بأخلاقهم الحلوة انهم ينظرون لهم على انهم انسان عادي وزيادة على كذا معافى بعد وهذا الحال مع بطلة من ابطال قصتنا اللي هي (( مدى ))
راجعة وهي بس تدور الراحة من التعب وهي تجر كرسيها معها بوهن طلعت أختها الهنوف من المطبخ وماسكة ولدها يوسف الصغير بيدها ومن شافت مدى تعبانة ركضت لها : مدى وشفيك حبيبتي تعبانة

مدى بابتسامة : لا يالهنوف بس احس ظهري بيتكسر محتاج للسرير ههههه

الهنوف وهي تدف كرسي مدى من وراى وتقول وهي تمشيها : ها ياقلبي كيف كان يومك ؟

مدى : والله تمام بس اليوم عشان فيه شغل كثير احس اني تعبت يمكن عشاني من زمان ماشتغلت هالشغل الكثير

الهنوف : بعد هم ياختي غلطانين المفروض مايحملونك هالحمل والشغل اللي فوق طاقتك ما يشوفون انك مريضة ؟

الهنوف انتبهت وش الخطأ اللي سوته وش زلة اللسان اللي قوي على مدى بس مدى ردت معصبة : ليه وشفيني مريضة ؟ طريحة الفراش مثلاً ولاكيف ؟

الهنوف بأسف : والله ماكان قصدي يامدى بس أنا قصدي انك ماتقدرين على هالشغل بس

مدى : لااقدر الحمد لله نحمد ونشكره مشيني لغرفتي ولا اقولك خلاص ابعدي أعرف اخدم نفسي بنفسي

الهنوف : طيب أناديلك مايا عشان تساعدك

مدى : وش احكي انا مابي احد يساعدني وخلاص مشكورة
ومشت بسرعة بالكرسي وراحت عنها

الهنوف تناظرها بألم : يالله بس بكلمة مريضة انقلبت نفسيتها 180 درجة اااااه بس الله بعافيك ويشفيك ياختي 00 ياليت امي معك تشد من ازرك وتقوي عزيمتك بس وش نقول بأم خاينة لزوجها استغفر الله بس الله يهدي المسلمين أجمعين

وقامت وهي تنادي ولدها الصغير يوسف 0000 اكيد انتم مستغربين ليش الهنوف وهي عندها ولد عايشة ببيت ابوها يوسف
الهنوف هذي قصتها قصة بدايتها تزوجت وهي عمرها 16 سنة يعني في سن المراهقة الحرج
ما نضجت افكارها لذاك الوقت 00 تزوجت من فهد اللي عيشها بأول 6 شهور من زواجهم بالعسل 00 وخلاها تامر وتنهي وصار فارس أحلامها اللي ماحلمت فيه بيوم 0000
هي فكرت في بداية زواجهم إذا كان يعاملني بهالإحترام والتقدير والحب والرومانسية
شكلي بعيش بسعادة ابدية 00 لاتلومونها سنها الصغير ما خلاها تربط بالأحداث وتعرف بس أن الحياة الزوجية قفص يملاه الحب والرومانسية بس 000 لا هي شي أكبر من كذا 00 تفاهم واحترام ، أخذ وعطا ، مقابلة الإساءة من الزوج بالحلم والصبر ، والحاجة الأهم [ المواقف ! اللي تبان فيها شخصية كل واحد ] حتى تصير سفينة هالزواج ماشية على مسار واحد لايعكر صفوها لارياح ولا امواج ،، نرجع لبعد الست شهور هذي رجع فهد وكأنه عزوبي يعني ما قبل الزواج
يرجع للبيت آخر الليل والأدهى والأمر انه أحيانا يرجع سكران وهذا الشي اللي انصدمت فيه الهنوف كانت تتوقعها بس واقفة على رجعات نصايف الليل بس لاصار سكر وخمر
و كل ماجت تكلمه وهو صاحي طبعا مايعطيها وجه وإذا حشرته في زاوية [ يعني حجرت له بالكلام ] عطاها كف حامي يخليها تروح غرفتها تبكي ومخدتها تمتلي دموع هذا الوتين القاسي والمؤلم والممل في نفس الووقت استمر سنتين فترة منها يرجع فهد الطيب الحبوب والرومانسي فجأة يرجع فهد القاسي 00 فهد السكران اللي مايتعامل إلا بالضرب 000 بعدها الهنوف صار عمرها 18 سنة يعني تفهم الصح من الغلط طلبت الطلاق منه واللي كان اصعب قرار مرت فيه بحياتها ماتتخيل انه اول حب غزى قلبها بالسهولة هذي تطلعه من قلبها حب المراهقة 00 حب الشباب بس للأسف انتهى بالطلاق ومعاها حق 000 نرجع بالسنين ورى ونشهد الموقف اللي حصل بين فهد& الهنوف
[ الهنوف كانت في غرفتها ، وفهد جالس في الصالة يتفرج على التلفزيون
الهنوف كانت تدور بغرفتها الكبيرة وكأنها بمجلس وتسند راسها على اعمدة السرير الملكية اللي مابين الألوان البحري والذهبي والأزرق وصارت تفرك يدينها بتوتر لدرجة يدينها عرقت وتركب الكلام وش بتقوله وصارت تقول بنفسها ( ادخل عليه في الصالة واجلس جنبه وبعد 5 دقايق الف عليه بابتسامة باردة وأقول فهد طلقني ! لالالالالا وش هالأسلوب البايخ السامج
المفروض اشرح اسبابي ايوه اشرح له اسبابي اللي خلتني اطلب الطلاق منه 000 ياويلي طيب لو عطاني كف اكيد سيدة بتنزل دموعي 00 لايالهنوف المفروض تصيري قوية وماتبكي وفري دموعك حتى يوم الطلاق عندك العمر كله حتى تبكي بس الحين المفروض اركز على المهم )

كان هذا صراع داخلي بين الهنوف ونفسها الباطنية ، مترددة تردد كبير وكأنها إذا طلعت وقالت لفهد بيذبحها 00توكلت الهنوف على الله وطلعت برا غرفتها وشافته !000
دقات قلبها زادت عن المألوف خافت ووجهها صار الوان جتها رجفة وهي تشوف
فهد
زوجها
حبيبها
روحها
وكل حياتها

معطيها ظهره ويكلم واحد من اخوياه عشان يجهز حق طلعة بر ، ماتتخيل ابدا انها راح تطلب
منه الطلاق بتشتاق له ،، بتشتاق لحسه ،، لصوت ضحكته العالية ،، لمزحه احيانا معها ،،
ماتكذب في نفسها انها راح تشتاق لكفوفه اللي يصبح ويمسي عليها بكف ، لأن كل كف
منه تعلمها اشياء كثيرة ، تقدمت بشجاعة وجلست جنبه وابتسمت له ابتسامة خايفة
هو اشر لها انتظري بيده لأنه يكلم 00 كانت نفسيته رايقة والهنوف ( الحمدلله انه متقبل مبدئياً اني اكلمه باين عليه انه رايق 00 عساه دوم ان شاءلله ياقلبي )

سكر فهد من الجوال وقال بابتسامة ذبحت الهنوف بمكانها :ها يالهنوف بغيتي شي لأني رايح طلعة بر

الهنوف ترددت وندمت أنها فكرت تقوله حرام تصعقه بالخبر وخايفة انه يثور عليها وهو رايق
يالله عاد ايش بيخلصها منه وهي في هالبيت الواسع اللي مافيه احد من اهلها إلا الخدم

فهد يلوح لها بيده في وجهها :الهنوف الهنوف وين رحتي 0000 الو

الهنوف ناظرته بعيون ضايعة ترجي الحب والحنان منه: انا 00 انا وسكتت

فهد قرب منها لحد ما صارت رجله تلامس رجلها وبرقة : انتي ايش

الهنوف غرقت عيونها بس غمضت عيونها وحاولت انها مماتبكي :فهد انت تحبني صح ؟؟؟

فهد استغرب السؤال بس رد : وهذي يبيلها حكي !!

الهنوف : طيب اللي يحب مو صح يدور مصلحة حبيبه ؟؟؟

فهد عقد حواجبه وين تبي توصله هذي وخاف من اللي راح تقوله بس قرر يجاريها : صح

الهنوفاستجمعت ما بقى لها من قوة : طيب مصلحتي معك في انك ت00تطلقني

هي بس قالت الكلمة من هنا إلا وفهد ثور هايج من هنا

وعصب ووقف وقال بكل صوته : كيف ؟ لاماسمعت عيدي ؟

ولما شاف الهنوف ساكتة وتناظره بثقة تحس انها بتنهدم في اي لحظة وبتنزل دموعها 00 قال :لا يا ست الكل طلاق ما أطلق حلوة هذي طلقني ووش الأسباب ياحلوة ( قالها باستهتار )

الهنوف وقفت وتحاول ماتحط عينها في عينه بسسبب خوووفها :الأسباب كثيرة يا فهد أولها أنك لامسؤول

وجتها الشجاعة وناظرت فيه بنظرة حادة ومن قالت كلمة (لامسؤول ) عصصصب بقووة
وعينه تطلع شرار من النار


بسس الهنوف ماهتمت وطالعته ورفعت اصبعها السبابة : ثانيها انك ترجع نصايف الليول لا وياليته كذا وبس وسكران بعد

فهد كلش ولا حالة السكارة تقدم بسرعة وصفقها كف يده عورته منه وناظر في خدها اللي في ثانية ولّع وصار أغلبه أحمر

والهنوف عيونها لمعت بالدموع بس كتمتها وهي تهدي نفسها :ايوه اضربني لا عطني الكف الثاني احسن وعطته خدها الثاني (السليم ) وضحكت ضحكة الم وقهر تهز كل من في قلبه ذرة شعور او احساس :خلاص يافهد انا ماعدت استحملك صبرت وصبرت لما الصبر مل مني حرام عليك انا انسانة عندي احساس مو تحفة ديكور بالبيت ليش ماتحس فيني 00 شفتك ماتصرف على ولدنا يوسف قلت ماعليه من راتبي اصرف عليه مو مشكلة بس انك ترجع سكران (صرخت ) وتضربني قدام يوسف لا يافهد لا انا امه وما عدت استحمل اهانات وتجريح منك يكفي يكفي 00
حتى اني صرت اتمنى اني اقول ليوسف ابوك مات ... بابا بح... خلاص ماعاد في الدنيا شي اسمه بابا



بكت ماستحمللت الضغط النفسي اللي عايشته 00 ماستحملت نظرات فهد المصدومة من انهيارها بوجهه

الهنوف!!


الهنوف اللي اذا امرها بشي تهز راسها بطاعة وانصياع وإذا ضربها تبكي قدامه وتترجاه يوقف ضرب بس اللحين اللي شافه وجه ثاني للهنوف













’؛’ سًٍجًـىآ آللًٍيلْ ’؛’ ©؛°¨غرامي مجتهد¨°؛©

بنات وينكم معقولة مافيه ولا رد ؟؟؟؟؟؟؟؟؟؟؟؟؟؟؟؟؟

اللي ماعجبته الرواية يقول بليز بنات ابغى تفاعل شوي ok ?

انا راح انزل لكم بارت عالساعة 9 الليل

وإذا شفت ردود منكم ( لكم مني انزل لكم بارت طوووووويل ) ok?


M!sS 3so0olh عضو موقوف من الإداره

باااارت مرررره روووعـه

تسلم يمنااااك ياغلاااي

اعجبتني المقدمـه كثيــر وعجبني اسلووبكـ الرااائع

يعطيك العافييه

وننتظر البااارت الجااي على احر من الجمرر


’؛’ سًٍجًـىآ آللًٍيلْ ’؛’ ©؛°¨غرامي مجتهد¨°؛©

[COLOR="DarkSlateGray"][CENTER]
المشاركة الأساسية كتبها M!sS 3so0olh اقتباس :
باااارت مرررره روووعـه


انتي الأروع حبيبتي تسلم يمنااااك ياغلاااي

الله يسلمكاعجبتني المقدمـه كثيــر وعجبني اسلووبكـ الرااائع

من ذوقك *** والله عطيتيني حافز اني اكمل البارت يعطيك العافييه

الله يعافيكوننتظر البااارت الجااي على احر من الجمرر

البارت الجاي ماأقدر اكتبه الساعة تسعة صحيح انا وعدتكم اني انزل بس والله حصلتلي ظروف ماقدرت اكمل بس انا كاتبة تكملة الجزء الأول للفصل الأول والجزء الثاني في الدفتر فعشان كذا اذا شفت على الأقل 3 ردود غير ردك حبيبتي انزل بارت
_ رضيتي ؟

OK ??[/CENTER]


M!sS 3so0olh عضو موقوف من الإداره

طيب ماعليــه بصبــر

وانا اشووف ان الردوود لازم تكوون هنـا

لانهابصراحه رووايه خطيررررررررره

’؛’ سًٍجًـىآ آللًٍيلْ ’؛’ ©؛°¨غرامي مجتهد¨°؛©

اهلين M!sS 3so0olh

اسعدني مرورك يالغلا

الحمدلله انك قررتي تصبرين والا ازعل منك ( هه أمزح يا قلبي )

مشكووورة ياقلبي والله احس اني خجلانة منك انتي متحمسة وانا لي 3 ايام مانزلت بارت ودي اشوف ردود تبرد قلبي ( ههه لأنه حار)

تسلمين يالغلا وهدية مني لك وعلى ردك اللي حمسني

7
7
7
7
7
بااااااارت لعيونك الحلوة وان شاء الله يعجبك

لأني بصراحة فكرت وقلت اني ماكتبت إلا بارت قصير مرة فعشان كذا ما لحقوا بنات المنتدى انهم يتحمسون
بس انتي شكلك متحمسة حماس سابق لأوانه ههههه


اشوفك بعد البارت حبيبتي واتمنى انه يحوز على شي بسيط من اعجابك غلاي



دقايق والبارت نازل

ok ?

’؛’ سًٍجًـىآ آللًٍيلْ ’؛’ ©؛°¨غرامي مجتهد¨°؛©

الهنوف اللي اذا امرها بشي تهز راسها بطاعة وانصياع وإذا ضربها تبكي قدامه وتترجاه يوقف ضرب بس اللحين اللي شافه وجه ثاني للهنوف

وبلا شعور منه قرب منها وضمها : خلاص الهنوف خلاص ياحبيبتي يكفي دموع


الهنوف أبعدته عنها باشمئزاز وقرف :ابعد عني لاتلمسني ،، وقت الرواقة والنفسية الحلوة تجيني ركض واذا كانت اخلاقك قافلة اعوذ بالله منك ومن أشكالك

فهد بانكسار ومنزل راسه للأرض : طيب انا آسف واوعدك ما اكرر غلطاتي اللي ذكرتيها ،، بس طلاق يرحم لي والديك لا تفكرين فيه

الهنوف : ههههه وليه يا عيوني ما افكر في الطلاق حاسبني أيام أول ازعل كم يوم وبعدها اطلب رضاك وكأني انا الغلطانة لا ياعيوني الأيام ذيك ولللت


فهد يناظرها مستحيل
هذي
الهنوف
هذي شكلها طيف الهنوف
: ليه يالهنوف القساوة انا اعرف انك تموتين فيني وتحبيني وكل كلامك اللي قلتيه كان نتيجة قهرك مني وانا وعدتك اني راح اتغير

الهنوف : احبك وأعشقك ؟! ياخي انت احسك واثق من نفسك بزيادة ماله داعي تكذب علي وتكذب على نفسك ونرجع لموضوعنا الأساسي

طلقني !

فهد : الهنوف متأكدة من هالقرار

الهنوف وعيونها تلمع لمعة الإنتصار : متأكدة من قراري زي ماني متأكدة انك قدامي هاللحين

فهد تألم بداخله
هو
يحبها بس على
طريقته
يموت فيها بس على
طريقته
: الهنوف ترى قرارك هذا فيه أثر على ولدنا يوسف

فهد كان يحاول يستميلها ناحيته وعذره يوسف ولدهم

الهنوف : لاتخاف يوسف بكون له الأم والأبو اللي مالقاها عندك

فهد باستسلام : خلاص ماعندي شي اقول لك بس .. ( وضح عليه انه متردد ) بس ودي اسمع كلمة كنتي تقولينها لي بأول ايام زواجنا تذكرينها ؟؟؟؟

الهنوف عقلها ماستوعب لثواني .. طرار ويتشرط .. بس لثواني ثانية وعرفت انها ( احبك ) وصرخت في وجهه : نعم ؟؟ .. لا مأذكرها

فهد باصرار : تتذكرينها يالهنوف تتذكرينها

الهنوف خافت انها تتأثر منه لأن نبرة صوته فيها الألم : يكفي يافهد ييكفي خلاص انا بضف أغراضي من هالبيت وبوديها مع جوهر السواق واروح لبيت ابوي يوسف .. بيت ابوي اللي شالني 16 سنة يشيلني هاللحين يالله يافهد روح لأخوياك لاتتأخر عليهم .. مايصير بيبي .. ( قلتها باستهزاء)

فهد :اللي تشوفينه
وخذ مفتاح السيارة وطلع من البيت وهو مايشوف قدامه من الضيقة

اما الهنوف من طلع بكت . وبكت وكل شهقة وراها شهقة وكل دمعة وراها دمعة بكت لحد ماغلبها النوم ونامت على الكنبة اللي كانوا جالسين فيها وباين نومتها مو مريحة
بعدها بيوم حصل الطلاق
ما أقساها من كلمة تعرضت لها الهنوف
بتصير تحمل لقب مطلقة
مطلقة معناها رفض المجتمع لها رفض تام
معناها انها ماحافظت على زوجها
كذا النظرة اللي بتصير لها ببيت يوسف
اللي هو ابوها
ومن بعد ماتطلقت الهنوف وهي ماعاد هي الهنوف المعروفة
وجهها عليه الضيقة
والهم
والكدر وكآبة مابعدها كآبة من بعد نور حياتها في بداية حياتها
فهد


بريطانيا
طلال يستنى احد يرد عليه بعد ماطلع شاف جواله 5 مكالمات لم يرد عليها وشافها كلها من أخته جنى
ووحدة من صديقه نايف
ودق على جنى وردت بعد الرنة الثالثة وبمرح : هلا والله بطلول

طلال : بدري كان ما رديتي

جنى وهي تضحك ببراءة وكأنها طفلة : ههههههههه والله والله كنت بعيدة عن الجوال .. قولي انت كيفك ؟

طلال : والله تمام بخير انتي كيفك وكيف باقي اخواني وفواز

جنى بدلع : ياربي لهالدرجة مشتاق لنا بس طبعا انا اكثر صح ؟ المهم
عالعموم كلنا بخير وصحة إلا بسألك طلول

(بمزح واستهبال كملت ) شو اخبار خوك حمدان ( قالتها بلهجة اماراتية ساخرة )
هههه

طلال : اقول تعدلي بس لو يسمعك حمدان قال شو هالمنكر ههههه

جنى تسدحت من الضحك على اخوها اللي يحاول يصير إماراتي بأي طريقة

طلال بجد : إلا جنى بسألك ؟

جنى بشوية ضحك على جد : إسأل إسأل ياقلب جنى

طلال : الله يسلمك والله محد يجبر بخاطري غيرك

جنى : ههههههه ها ماسألت وشهو سؤالك ؟

طلال بانحراج شوي : جنى ماتعرفين اخبار سحر

جنى بخبث بريء :وشفيك تتكلم كذا وصوتك رايح من الحياء .. والله وصرنا نستحي ياطلول هههههه

طلال عصب : الشرهة على اللي يسألك

جنى : خلاص خلاص بس انت قصدك سحر بنت عمي يعقوب

طلال : جنى بلا غباء وهو فيه غير سحر اللي معذبتني

جنى باستغراب : طيب موانت متملك عليها خلاص يعني يحق لك تكلمها ماراح يذبحك عمي يعقوب لا تخاف

طلال باستهزاء : لا والله جد احلفي انه ماراح يذبحني ... بعدين تصدقين توني ادري اني متملك عليها

جنى بضحكة مكتومة تخاف تضحك ويسكر بوجهها : طيب مادامك عارف كل هذا ليه تسأل ؟


طلال : اقول ثور تقول لي احلبوه .. ياختي انا متهاوش معها هوشة بسيطة خلتنا ننقطع عن بعض 3 ايام !

جنى : 3 ايام بس وانا على بالي بتقول 3 شهور


طلال : ايه اللي يده في النار مومثل اللي يده في الماء 3 ايام ماتدرين وش صار بحالي

جنى باستهبال : اكيد نحفت وطلعت لك الهالات السوداء خخخ

طلال يجاريها يبغى يطلع منها بفايدة : طيب ما جاوبتيني وش اخبارها

جنى: انا لي تقريبا اسبوع ماشفتها بس المكالمات بينا شغالة بس هي احيان تشتكي لي منك

طلال بشك : ليه وش تقول يعني

جنى خافت لأن لسانها زل ...وسكتت

طلال بترجي : جنى .. جوجو .. حبيبتي الله يوفقك تكفين قوليلي وش تقول وثقي اني ماراح أقولها انه انتي اللي قلتيلي وبتعامل معها نفس معاملتي يعني ماكأنك حكيتي

جنى وكأنها اقتنعت بكلامه بس بعد مو سهلة تنقل شكوى بنت عمها لسبب الشكوى اللي هو طلال

طلال انقهر فوق كل الحكي اللي قاله مانفع : يعني ماراح تقولين اوكيه يالله باي وسلميلي عالأهل

جنى حست من نبرته انه زعل وهي ماتقوى زعل اخوانها وخصوصا طلال

لأنه الكبير .. وقبل لا يسكر بسرعة قالت : لحظة لحظة طلال


طلال ابتسم بخبث [ الحمد لله نفع معها الزعل ] وبجفاء عكس اللي بقلبه من الحماس : همم نعم ؟

جنى بنبرة أسف : طلال لاتزعل مني


طلال : الزبدة


جنى شوي وتبكي : طلال لاتحاكيني كذا ماحب هالأسلوب


طلال رحمها باين خلاص دموعها بتنزل .. ( هي دلوعة البيت مع انها مو اصغر وحدة بس الدلع والبراءة لايقين عليها لا تحسبونها بيبي .. هي عمرها 17 سنة )



نرجع لطلال : طيب ياجنى ياحبيبتي انا فهمتك موقفي وأنتي ماقتنعتي خلاص بس حصل خير


جنى قررت تقوله : خلاص بقولك بس حلفتك باللي رفع سبع وخفض سبع ماتقول لسحر اني انا جوا الموضوع (بدلع) ok ?


طلال كتم صرخة فرح كانت بتطلع منه بس .. الثقل صنعة .. : ok


جنى : شوف ياطلول سحر تشتكي لي منك اتذكر آخر مكالمة .. ايوا ايوا آآخر مكالمة


( طلال شوي ويتقطع من الحماس هذي سحر حياته )


جنى : المهم هي قالتلي هذاك اليوم : جنى يوم كلمت طلال قبل 3 ايام مدري كيف كانت نفسيته
وكان معصب علي أول مرة ياجنى أحس معاملته تغيرت معي ومن هالحكي ياطلال


طلال : كيف يعني ومن هالحكي قولي وش قالت


جنى : طلال بليز مأقدر


طلال بسلطة : جنى


جنى : طيب طيب شوف وقالت لي وهي تبكي تخيل ياطلال تبكي عشانك انت ووجهك


طلال فاتح عيونه من الصدمة وشوي يصفق نفسه لدرجة ان حمدان دخل عليه في الغرفة وشافه

يكلم قال اكيد واحد من أهله وطبعا جا بيطلع من الغرفة بس وقفه طلا ل بإشارة من يده يعني


تعال حمدان جاء وجلس جنبه وهو يكلم وشاف طلال مصدوم وطلال في نفسه [ انا الحمار اللي صارخت عليها وهي مالها ذنب خلني بس اسمع باقي السالفة ]


وقال لجنى بس بدون مايذكر اسمها عشان حمدان هه : ايوه كمليي


جنى : قالت لي والله احبه ياجنى بس احس انه بدا يوريني وجهه الثاني العصبي وآسفة ياجنى اذا كنت اتكلم عن طلال كذا بس والله من قهري بس بليز لاتزعلي


طلال تندم الفين مليون مرة انه حكى مع سحر كذا


طلال : يابعد عمري يا سحر والله ياجنى ماكان قصدي ازعلها بس المشكلة اني ادق عليها وماترد ارسل مسجات وبعد ماترد وش اسوي ياختي


جنى جت فكرة ببالها وبرجة ردت : شوف انا عندي فكرة صح انها متهورة شوي بس ياللله الحلاوة ماتجي من غير نار ؟


طلال جاء بيرد بس شاف اخوياه دخلوا الشقة وناظر في حمدان اللي هز كتوفه يعني انه مايدري
ورد لجنى : شوفي جنى اخوياي دخلوا الشقة آخر الليل كذا أو بكرة يعني أدق عليك وتعلميني وسلميلي على كل من في البيت حتى مايا وكاتي


جنى : ههههههه يوصل يالله مع السلامة

وسكرت منه وهي مبسوطة




طلال بس سكر من جنى إلا أخوياه ساعة يقولون خلنا نطلع نستهبل ونستانس برى وهو معارض
وده يختلي بنفسه شوي وحمدان مستغرب [ شو اللي قلب نفسيته عسب يصير بهالشكل بس ودي أسأله لكن أخاف يتحراني اتدخل في شؤونه الخاصة اويمكنه موضوع خاص بين الأهل ]


اصدقاء طلال وحمدان بعضهم اجانب وهم القليييل
من اخوياهم
لأن اكثرهم عرب ومعاهم في نفس الكلاس

قعدوا في شقة طلال وحمدان ساعتين تقريبا

شد وجذب اطلع ياطلال
لكن هو ماله خلق ورافض لمااا طفشوا واستئذنوا

وحمدان مو عارف وش فيه ضايق صدره وفي الأخير سأله : شو فيك طلال
شو اللي صابك من بعد رمسة هلك وانت متضيج

طلال : آآآآآآآآه ياحمدان وش أقولك ياحمدان بس


حمدان بخوف : شو مستوي يا طلال هلك بهم ضر ؟

طلال يريحه : لالا سلامتك ما فيهم إلا الخير بس انا اللي فيني

حمدان : طلال لا تنغز لي قلبي وارمس


طلال : حمدان تعرف بنت عمي يعقوب اللي متملك عليها


حمدان عارف قد ايش مكانة سحر في قلب بس مانطق يبغى طلال هو اللي يتكلم ويطلع اللي في قلبه بس رد : هيه صابها حايه ؟


طلال بسرعة : لالا بسم الله عليها من الشر بس قبل كم يوم تهاوشنا أنا وياها وهي زعلانة مني وكلما ادق عليها أو ارسل مسجات ماترد

وتصور ياحمدان رايحة تشتكي لأختي وتقولها عن اللي بيننا


حمدان : من حقها ياطلال اجل شو تبغاها تسوي ماعندها احد على خبري جريب منها قد اختك والباقي زمالة بس صح ؟ ولالا ؟


طلال عصب : بس بعد ما يعطيها الحق انها تروح وتقول لجنى صح اني ياحمدان متندم اني صرخت وعصبت عليها لكني منقهر انها مطنشتني حتى ماعرفت الأسباب اللي خلتني اسوي معها كذا


((( طلال مانتبه انه قال اسم اخته جنى في كلامه مع حمدان لكن حمدان انتبه وابتسم وماعلق )))


بعدين رد على طلال : ياطلال ياحبيبي روق وما يصير خاطرك إلا طيب

وإن شاء الله يلين راس بنت عمك اليابس اللي مثل الشيرة ( الشجرة )


طلال ضحك ومرتاح انه عنده صديق يخفف عنه همومه وأحزانه في غربته : عاد ما اسمحلك تحكي عن زوجتي جذي [ يقلد حمدان]
ههههه


حمدان عض لسانه وكأنه غلط : اوه آسف خوي تجاوزنا الخط الأحمر ههههههه


طلال يستهبل : اذبحك اذا تجاوزته مرة ثانية هههههههه




السعودية -- الرياض

بيت يعقوب – ابو سعود العاجي


يمكن لاحظتوا اني ماتطرقت وجبت طاري لبيت يعقوب ابدا بس طبعا اكيد عرفتوا ان يعقوب يكون اخو يوسف الأكبر منه وعياله (3)

سالي المربية اللبنانية تقوم سجى لأن الساعة 5 الفجر على ماتتجهز وتقعد ساعة في الحمام جت 6 الصباح عشان كذا نظام انهم يقومون 5 الفجر للصلاة بيت يعقوب وبيت يوسف بعدين يتجهزون للمدرسة واحيانا سجى تمر ميار ويروحون مع بعض للمدرسة والعكس صحيح



سالي : سجى بدك تئومي والا ببعتلك البيك يعقوب تيصحيك ؟


سجى :همممم سالي احتمال اغيب اليوم


سالي : ييه ولا شو بدك تغيبي


طبعا سالي مربية لبيت يعقوب من 20 سنة وكأنها امهم صحيح امهم عايشة بس سالي تقدرون تقولون امهم الثانية وهي تكون اخت مايا وكاتي اللي ببيت يوسف (ذكرتوهم )


سجى متأففة وقامت واشرت لسالي : خلاص قمت


سالي : آي لا حبيبتي بدي شوفيك جوا التواليت حتى ألبي يتطمن
انك صحيتي

سجى :





بنات كل الأحداث اللي كتبتها بسيطة وتعتبر بالنسبة لي تعريف فقط
اما الأحداث الجامدة فتبدأ من الجزء الثاني للفصل الثاني



أتمنى حاز هالبارت على جزء ولو بسيط من اعجابكم


صدى شمر ©؛°¨غرامي مشارك¨°؛©

منوووووووووووور 22 لاتحرمينا تكفين اسلوبك رووووووووووووعه واسترسالك بالاحدااااااااااث قمه لاتوقفين منور انا اشوف كاتبه جديده وانشالله فالك التكمله وتكتبين يالله علشااااااااااااااااااننا تكفين منووووووووووور كملي كملللللللللللللللللللللللللللي

الــــراقي ©؛°¨غرامي فعال ¨°؛©

مرحبا ..

منوور 22 ..


عندي احساس ان الروايه . روووعه ..

بقراها وارجع لكـ ..


دمتي بسعادهـ ..

النـــــــــــــــور ©؛°¨غرامي جديد¨°؛©

تسلمين منور22 على هل رواية جنااااااااااااااااااااااان يلا نستنى البارت الجاي على احر من الجمر

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1