مغرم عيونك ©؛°¨غرامي مشارك¨°؛©




إخواني وأخواتي قراء هذا الموضوع
لقد خطر لي أحد المواضيع
وأردت أن أكتبه إليكم
وأتمنى أن يعجب الجميع
طبعا مثل ماأنتو شايفين عنوان الموضوع واضح
(( إشحن لي واعرض لك ))
وطبعا جميع من يدخلون شاتات راح يلاقون هالإسم
لأنه وللأسف منتشر
وبأشكال عده لكن جميعها تدل للمعنى نفسه
فمنها اشحن لي واعرض لك ومنها محتاجه شحن الى آخرها
أنا سمعت قصص خياليه من خلف هذه الأسماء
وجميعها قصص تنزف بالقلب دما
فقلت سوف أعمل بحوار مع إحدى الفتيات اللي يدخلون بهذه النكات
ولعلي أخرج بفائده والحمدلله خرجت بحوار حاز على غرور تطفلي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,
الحــــــــــــــــــــــــــوار
ولد ناس شامخ الإحساس
السلام عليكم ورحمة الله وبركاته
البنت((محتاجه شحن ضروري))
وعليكم السلام ورحمة الله وبركاته
ولد ناس شامخ الإحساس
مساء الخير والاحساس والطيبه
البنت
مساء النور والسرور
ولد ناس شامخ الإحساس
كيف الحال انشاءالله بخير
البنت
بخير جعل ربي يسلم قلبك
ولد ناس شامخ الإحساس

لاهنتي ممكن اخذ شوي من وقتك
البنت
تفضل خذ راحتك
ولد ناس شامخ الإحساس
تسلمين
ولد ناس شامخ الإحساس
بتدخل شوي بخصوصياتك اذا ماعندك مانع
البنت
خذ راحتك
ولد ناس شامخ الإحساس
يسلمووو
وسوف أسرد لكم الحوار بكل إختصار
ولد ناس شامخ الإحساس
الله وش هالنك مو كأنه قوووي شوي
البنت
عادي ماحد بيعرفني
ولد ناس شامخ الإحساس
بس مادري كيف ترضينه على نفسك
البنت
وش اسوي ضروف الزمن حدتني
ولد ناس شامخ الإحساس
يعني ترضين الزمن يخليكي رخيصه لهالدرجه ؟
البنت
لاااااااااا بس وربي مجبوووره
ولد ناس شامخ الإحساس
وش اللي يجبرك على انك تدخلي بمثل هالاسم
البنت
كثير
ولد ناس شامخ الإحساس
طيب بسالك بس تجاوبيني بكل صراحه
البنت
تفضل
ولد ناس شامخ الإحساس
اعتبريني بشحن لك وبلبي لك طلباااتك
وش راح يكون المقابل
البنت
اللي تبيه
ولد ناس شامخ الإحساس
طيب أنا بترك لك وش تعطيني
البنت
على حسب الشحن
ولد ناس شامخ الإحساس
طيب كيف على حسب يعني فيه فرق
البنت
ايه أكيد فيه فرق
ولد ناس شامخ الإحساس
طيب أبي أفهم
البنت
يعني شي أكلم وشي أعرض
ولد ناس شامخ الإحساس
اهاااا يعني بايعتها بقووووه
البنت
قلت لك ضروووف الزمن حدتني
ولد ناس شامخ الإحساس
طيب قد عرضتي لشباب ؟
البنت
يس كثير
ولد ناس شامخ الإحساس
يعني شغلك كله على الماده
البنت
يس
ولد ناس شامخ الإحساس
طيب كيف تعرضين لهم
البنت
عادي أسكر غرفتي واعرض لهم
ولد ناس شامخ الإحساس
ليه سكرتي باب الغرفه ؟
البنت
عشان مايدخلون علي أهلي
ولد ناس شامخ الإحساس
عااادي لاتخااافي منهم
البنت
والله يذبحوووني لو يشوفوني اسوي كذا
ولد ناس شامخ الإحساس
غريبه تخافي من اهلك هالقد وماتخافي من ربك

طبعا البنت هنا سكتت لأكثر من خمس دقايق
وبعدها ردت وقالت والله أكتب وأنا ابكي
وكملنا حديثنا
ولد ناس شامخ الإحساس
خلاص دام فيه دمووع يعني فيه قلب يحس بالغلط
البنت
والله اعرف اني غلطانه بس والله مظطره
ولد ناس شامخ الإحساس
مظطره تهزي شرفك ؟ صدقيني ماهو بعذر
البنت
طيب شوووف بقولك وانت احكم
ولد ناس شامخ الإحساس
تفضلي
البنت
تخيل أبوي مايعطيني بالشهر شحن بس عشر ريال
ولد ناس شامخ الإحساس
عشر ريال ؟ مو كانك تبالغين
البنت
والله العظيم اني صادقه ويسوي فينا اكثر من كذا
ولد ناس شامخ الإحساس
وش يسوي
البنت
الدراسه مايصرف علينا
خالي هو اللي يصرف علينا
ولد ناس شامخ الإحساس
غريبه انه يكون أب
البنت
ومايتعامل معانا الا بالضرب
ولد ناس شامخ الإحساس
يضربكم ؟
البنت
كل يوووم يتكرر مشهد الضرب بالبيت
ولد ناس شامخ الإحساس
وامك وينها عنكم
البنت
امي متوفيه من زمااااااااان
ولد ناس شامخ الإحساس
ماعرف أبوكي يربيكي صح
البنت
والله انه هو سبب هاللي أعمله
مافيييه حد يحسسني بالحنان لي بالبيت
ولد ناس شامخ الإحساس
بسألك
البنت
تفضل
ولد ناس شامخ الإحساس
ماتخافي تنقبض روحك وانتي مع شاب أو وانتي تعرضي ؟
البنت
كل ماأفكر بهالشي أبكي بس أرد وش اسوووي
ولد ناس شامخ الإحساس
طيب إسمعي كلامي ونصيحتي واتركي هالشي
لأنك بيوم من الأيام راح تعرض أعمالك على الله سبحانه
وراح تلاقين جزاء عملك
البنت
صدقني ودي بهالشي وان شالله بقدر
ولد ناس شامخ الإحساس
طيب الله يوفقك بحياتك ومشكوره على الحوار
.
.
.
إنتهى الحوار
بس بقت الأسئله وعلامات الإسفهام تدور
من المذنب بضياع البنت ؟
من يتحمل هالشي ؟
هل لنا الحق نعاتبها أو لا ؟
والكثير الكثير من الأسئله
أهلها أهملوها وجعلوها كما هي الغزال المأسوره أمام الصائد
أهذا هو حق أبنائنا علينا ؟
أهذه هي التربيه الإسلاميه ؟
الم يقل الرسول صلى الله عليه وسلم
كلكم راع وكلكم مسؤول عن رعيته ؟
عجبا لكم ايها البشر
تقتلون وتسألون من قتل ولماذا قتل
تجرحون وتسألون عن سبب ذرف الدموع
تجهلووون الواقع وتسألون ماذا حل بالبشر
أهذا حق إبنتك عليك أيها الرجل ؟
تجعلها كما الكوره تتنقل بين أرجل الشباب ؟
في هذا الموضوع وبعد ذلك الحوار
أنا ايقنت أن نصف سبب ضياع الفتاه هو من الأهل
فياإخواني وياأخواتي
أبنائكم وإخوانكم وجميع المقربووون إليكم
هم أمانه لديكم فاحذرو أن تعاقبو بسبب سلبكم لحق هذه الأمانه
راعو الله في أهلكم
وعاملوهم كما يعامل الرجل الصالح أهل بيته
لاتجعلوهم يبحثون عن غيركم
انشرو الحب والعطف والحنان في ساحل بيتكم
لاتجعلوهم يخرجون من البيت باحثين عن شيء يفقده هذا البيت
وكم يطيب لي أن أرى حال جميع الأسر متقاربه وتسكنها الرحمه


نسأل الله العافيه

ســيد الكلمات •~ عزيز فـ كل حالاتي ♥ • }

مهما كان دور الأسرة و قساوة قلب الأب
ليس مبرر لما فعلته ، ، ، قد يكون الزمن قسي عليها و قد تكون ضروفها صعبة
و لكن من الأحرى لمن كان قاسي الظروف أن يكون أقرب لله و ليس بعيداً عنه

ليس لدي الكثير أقوله
فالموضوع ليس غلطة الأب و أهماله فقط
و أنما البنت هي من يتحمل المسئولية كامله

حفظ الله أخواتنا و جميع بنات المسلمين

و لو كان لظروف القاسية علاقة بسلوكنا
لكان من الأحرى و الأجدر أن يكون الكثير منا بايعاً لشرفة و كرامته

شكراً على الموضوع ، ، ،

مرجانه ©؛°¨غرامي مبدع¨°؛©

السلام عليكم ورحمة الله وبركاته


معليه، يعني تبي تقنعنا انك تبي تكون فاعل خير وتصلح حال اللي يدخلون الشات بنكات واطيه

وان البنت كانت جد صادقه معك وما كذّبت خبر

طيب

وابوها يصرف عليها فلوس النت الشهري! واللا خالها!

وليش بدال ما تصرفه ف النت ، تصرفه على جوالها !!

السبب الاول والاخير

الوازع الديــــــــــني

لو هي كانت متربية على الدين وتعاليمه ما كانت حتى اتجرّات

بس الله الهــــادي

( والشات لعب صغار .... يعني كله كذب وغش وخداع ومع ناس واطيــن)

واللي عالي مستواه ما بينزل من مستواه ويدخله

وسرني جداً تواجدي هنا

ولكم جزيل الشكر على الطرح الطيب

ريمار ©؛°¨غرامي مشارك¨°؛©

.........تجوع الحره ولا تأكل بثدييها........



أخي العزيز أنا ما أشوف ان الضروف الصعبه مبرر لأفعال هالبنات وكل بيت ما يخلى من المشاكل ولو كل بنت واجهته ضروف صعبه سلكت هالطريق كان قلنا على الدنيا السلام


اذا بنلوم الأهل ....بنلومهم على على عدم غرس الدين في نفوس أولادهم بالشكل الصحيح لأن اللي في قلبها خوفها من ربها ما راح تسلك هالطريق


الله يهديهم ويهدي الجميع

تحياتي

˚عـsSsـgل˚ ©؛°¨غرامي جديد¨°؛©

^^^^^^^^^^^
افظل رد واحس انه هو لب الموضوع انااتفق مع ريمار ان الاهل ماقدر يغرزون الوازع الديني صح ولا قدر الاب يحبب البنت هذي بدين مو معقول تبيع شرفها على النت عشان بطاقه شحن !!!!

اميرة باخلاقها ©؛°¨غرامي متألق ¨°؛©

الم يقل الرسول صلى الله عليه وسلم
كلكم راع وكلكم مسؤول عن رعيته ؟

طبعا الكل مسؤل عن من يرعاة بس محد جبرها تبيع نفسها علشان بطاقة شحن


لاتجعلوهم يخرجون من البيت باحثين عن شيء يفقده هذا البيت

اكثر المشكل من فقدان الحنان والرعاية والاهتمام

شكرا على الطرح الرائع000

تحياتي لك

اميرة

منسدح بالصاله عضو موقوف من الإداره

أحد الإخوان أثار نقطه حلوه

اشتراك النت من اللي يدفع لها أو حتى رسوم التلفون

أصلا مثل هذي النكات أتوقع إنهم شباب

حتى المحاوره اللي صارت بينكم تراها مفهومه وكل الشباب والبنات يعرفونها

يعني من كثر القصص اللي بنفس هذي الطريقه

صار عند الشباب والبنات فكره في الموضوع والولد أو البنت اللي حاورك تراه

دارس هذي المحاوره وعارف إنك بتقول الكلام اللي قلته

لأن حتى في قسم النقاش طفشنا من ذا الكلام

بنت تغزل وتقول بأن مافيه حنان

والله صارت سامجه وممله مره

وزي ما ذكروا الإخوان الوازع الديني هو اللي ناقصها مو الحنان

يعني نجلس نبرر لأفعالنا إذا ما بنصلح أنفسنا

إذا أبوها فاسد ليه ما تروح لصحبه صالحه تعينها

أم كل من قالي ليش تسوين كذا

على طول الإجابه مكتوبه وأطلعها لهم ( أبوي أو أمي السبب )

ناس خرجت من أرحام ما تعرف الله لكن نصر الله بهم الدين

يعني عكرمه ابن أبو جهل

هل جلس مشرك وقال والله أبوي كان مشرك وهو السبب

وأبوه كان يسميه النبي صلى الله عليه وسلم ( فرعون هذي الأمه )

إلا بحث عن الحق وصار من كبار الصحابه واستشهد في معركة اليرموك

مع إني ما أصدق كل ما يكتب في الشات فضلا عن النت ككل من هذي القصص

وأعتب على أمثالك واللي نيتهم زينه ويحبون الخير يخشون مثل هذي الأماكن

اللي والله أعتبرها نقص في شخصيه مرتاديها



لا أحد يقول أبوي أمي أهلي

تراها نار وجنه

يا إما نار جهنم إلى الأبد

أو جنه عرضها السموات والأرض إلى الأبد

يعني دور على اللي يرضي ربك وبس

يعني أشوف الناس رايحين للنار وأقول ( مع الخيل يا شقرا )

أبدا

إلا أتركهم حتى لو كانوا كثير

مو عذر والله مو عذر فقدان الحنان

والله العظيم إني أعرف شباب وأعرف حالات بعض البنات وعايشتها لأنهم عندنا

والله العظيم رغم الضرب والإهانه إلا إنهم يقابلونها بالبر والصله وغفران الزلات

وإنهم ملتزمين وملتزمات ولا راحوا يدشرون عشان أبوهم يضربهم


كلام فاضي بس

امل العالم عضو موقوف من الإداره

ألم تقرؤن القرآن ؟؟؟ وهل مررم ع هذه الأيه؟؟
(( لنبلونهم ايهم أحسن عملا))
نعم الأب مذنب لكن البنت قابلت هذا الذنب بذنب أعظم فلوا كانت البنت عاقله لعرفت ان هذا ابتلاء من ربها وكانت قريبه منه وتجهت لباب الدعاء ((أدعوني أستجب لكم ...)) ولو كانت ع تقوى لفرج الله كروبها ((ومن يتق الله يجعل له مخرجا ويرزقه من حيث لايحتسب )) ألم تفكر هذه البنت في هذه الاه ان اذا اتقت الله سيخلصها مما هي فيه وليس ذلك فحسب بل سيرزقها من حيث لاتدري

سبحاان الله ان العبد مقدر له رزقه بالحلال فيسعجل ويأخذه بالحراام
دعوني أروي لكم هذه القصه التي دعت الإمام علي لقول العبااره السابقه
كان الإمام علي يريد الصلاه في المسجد فرأى رجل وطلب منه ان يمسك الجمل ويام طلع الأمام كان ينوي ان يعطيه 2 دولار اجره له إلا ان الرجل خذ الحزام وباعه وهرب وربح دولران بالحرام وكان سيأخذهم بلحلال

إن الله يمهل ولا يهمل )):
الأب حساابه سير والبنت كذالك

امواج الشوق ©؛°¨غرامي نشيط¨°؛©

استغفر الله ،، !!

مهما وصلت درجه عنااء البنت من اهلا او من ابوها ،،
ومهما كانوا قاسين عليها ،،
المفروض ما تسوي كذاا نهائيا ،، مهما صاار ،،

الي عفيف وطااهر ،، عمره ما يهزه شي مهما وصل به حد الوجع ،، !!
وكل شي عند الله قريب ،،
وربي متطلع على حال كل شخص ،،
والي مفلووت اكيد ريح تجيبه وريح توديه ،، !!

الله يهديهم ويصلح حالهم ،، !!


يعطيك العافية على الموضوع ،،
دمت بخير

منسدح بالصاله عضو موقوف من الإداره

يعطيه 2 دولار
ما شاء الله كان على وقتهم دولارات

ليه ما يتعامل باليورو عشان الدولار الحين أنخفض والبورصه طايحه مره

دولارات !!!!!

أستغربت هذي منك

هل أنتي تستهبلين ولا وشو

كيف تقولين دولارات !!!!!

ثانيا كلمة الإمام ما أحبها لأني أحس اللي أبتدعها من يدعون حب آل البيت

نقول أمير المؤمنين ( علي ابن أبي طالب )

حتى القصه نفسها أرجو التأكد من صحتها لأن من يدعون محبة أهل البيت

يكثرون من تأليف القصص الخياليه لأمير المؤمنين علي ابن أبي طالب

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1