غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-07-2008, 11:00 AM
مشاعر غلا .... مشاعر غلا .... غير متصل
©؛°¨غرامي مشارك¨°؛©
 
تدري وشلي ينهك القلب والروح انك تعيش لشي عدك ولاشي


جنون يدمرني.وحب يعصف بمشاعري.. لم يكن بيدي حبل نجاة..ولا وسيلة حمايه. حينهالم اجد نفسي الا وانا ابعثر مشاعري هنا..اكتب بدون تفكير او ترتيب..اخترعت الشخصيات ومنحتها هويه تعريف..وقفت امامها امنحها شي من الحياه..
من خلالها..اتحدث عن مشاعري..احساسي..تأملاتي..واخيرا تساؤلاتي التي لم اجد لها اجابه..
لم اكتب بدافع المحاكاه..او نتيجة تأثري باحداهن..
كتبت لان هذه عادتي من 7سنوات..اكتب ما احس واريد..اكتبها كخواطر محرم على احد قرائتها...
لكن بعد ان فاض بي الكيل اردت ان اكتب لي ولكم..
اكتب لكم عن حب لم يفهمني..وصديقة احتوت قلبي..احكي لكم قصه من كان يتسلى بقلبي..واخر حاول تضميد الجراح..
اكتب لكم عن واقع اعيشه..وعالم يجمعنا كلنا..قد تقرا احدكن الاسطر فتقول اعرفها..وقد تتعجب الاخرى من كون الشخصيه تجسد حياتها..
لن اقول لكم كل الاحداث من خيالي..لقد استعرت من حياتي و حياتكم بعض الذكريات..
الى كل من سيقرأ روايتي..لااقول لكم انها مميزه..لكن اتمنى ان يكون مكانها قلوبكم..
كل الحب..والخير ارجوه لكم..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-07-2008, 11:01 AM
مشاعر غلا .... مشاعر غلا .... غير متصل
©؛°¨غرامي مشارك¨°؛©
 
الافتراضي رد: +++ تدري وشلي ينهك القلب والروح انك تعيش لشي عدك ولاشي +++


الجزء الاول:
كنت اراقبه وهو يدخل..اتأمل ملامحه..طوله..شكله..ملابسه... حتى جزمته وانتوا بكرامته..
ياااااااي يجنن يجنن يجنن ..له هيبه مو طبيعيه..رغم ان عمره لسا 23 سنه..من داخلي انتفض مو خوف..ما ادري.. شي حلو ولذيذ يخليني ارتجف..وغصب عني اكتم ضحكه صغييييييره..
لحظات شوق..فرح..حب .سعاده.لحظات اختصرت فيها حب عمره سنين وسنين..
تدرون عاد..
دايم اذا فكرت فيه اسأل نفسي متى يابنت حبيتيه؟؟؟
اجهل حقيقه متى ابتداء هالشعور..اللي اعرفه اني احبه وبس..مو احبه الا حبي تعدى الوصف..
يمكن ظروفنا خلتني اتعلق فيه غصب..
.......................................
كان يوم مايشبه غيره من الايام..كان فيه ابتسامه مو طبيعيه..فيه راحه..وشعور يقولك..اليوم لازم تنبسط..
الدنيا كانت غيم..وفيه رشات خفيفه. ونفحات هوا بارده.ياحلوه هالاحساس..اموت في ايام الشتاء ...
رغم اني اكره القومه من النوم..بس بعدها يااااي تحس بنشوه..حلو لما المناخ يلعب في جغرافيه مشاعرك..وانا هاليوم كان مسوي اعصاااااااااااااار بمشاعري وقلبي الصغيرون..

سمعت دقت الساعه...اليوم خميس..اووووف باقي عالدراسه 3 اسابيع بس...الله يصبر قلبي..
رفعت اللحاف وطلعت عين وحده بس وكلي كسل ..ابي اتاكد يارب مو عشر ابي انااااااام..
نغزني قلبي ليش حطيت المنبه على عشر..فزيت بقوه وجلست .. قمت اتلفت حواليني الغرفه مو غرفتي انا وين...
لما نتبهت تنهدت بفرح..وغصب عني ابتسمت.طار النوم.. وهالابتسامه توسعت ابي اجمع فمي ماقدرت استسلمت لجنون مشاعري وضحكت صرت اضحك بخجل وبخوف وبأمل وبحب..كل شي احسه طلع مع هالضحكه. احاول اسكت لايجي احد ويقول وش عندها انهبلت ضربت راسي يالخلبه حبيب القلب راح يوصل اليوم..

اليوم..ولد خالتي راح يوصل..
حبيب قلبي راح يشرف بيت جدي..
واااااااااااااااو اخيرا..اخر مره شفته كانت مثل هالوقت قبل سنه..
مده طويله على قلب عااااشق مووووو؟؟
رحت غسلت وجهي..ونظفت اسناني. رتبت شعري وربطته بشريطه ستان ابيض...لبست بلوفر بينك..وحطيت بروش فيه فراشه بيضاء صغيره لبست تنوره جينز ستريت بنص الساق..واخترت بوت ابيض ..تاملت بلوفري..احبه واعزه تدرون ليه هالبلوفر قالي حلو لونه. ويجنن علي يشوفوني فيه قمة البرأه والطفوله.من يومها انا خلالالالالالاص..
صرت اذا اشتقت له البسه...ههههههههه وربي اني مجنونه..هالتصرفات الغبيه كانت مسكن لنار شوق تحترق داخلي.. رغم انه ماراح يشوف لبسي..بس كنت ابي اكون حلوه ومرتبه عشانه..
نزلت تحت..الفرح ماكان بس بعيوني..بعيون الكل..امي جدي..جدتي..خالاتي..
رحت لجدتي حبيت راسها..طليت بوجهها وقلت..مبسوطه يمه..
تبسمت وبعيونها دموع لو نزلت غرقت الدنيا بطوفانها: قالت ليش ما افرح يا لمى وخالد اليوم بيجي..
ريحة الغاليه..والباقي منها وتساليني مبسوطه..اليوم عيد يابنيتي عييييييد..
جلست اتاملها.بعيوني كلالالالام كثير.لو دققت في عيوني فضحت كل اللي بقلبي.كنت بداخلي ودي اضمها ودي اصرخ مو عيد لك بس يمه عيد لي..لقلبي..لحياتي..
عجزت اقاوم وخميتها ..حظنتها بقوووه..وابتسمت..هذي حيلتي..وماعندي غيرهالابتسامه اقدمها..
تلفت حولي..مالقيت احد.اااااااااااه . خليني اطلع فوق..
استقبلتني امي باحلى ابتسامه..هلا لمو خليتي جدتك لوحدها..
لمى: لا ماما بس شكلها غرقت بذكرياتها وماودي اخرب عليها..
ام مشاري:طيب تعالي ساعديني ارتب الغرفه..
سويت نفسي ماودي..تأففت وانا بداخلي اقول ماطلبتي يمه..
غيرنا المفرش..وبدلنا المخدات.. بخرناها ورتبناها عدل..بس حسيت شي ناقص..
كنت ابي اسوي حركات فيها..ومالقيت عذر قوي او حجه حتى اطلع السوق عشانها..
توكلت على الله..وقلت مالي غير جدي..فديته دوم فاهمني ومستحيل يقول لأ..والاهم..مايقوى امي غيره..هههههههه وانا عاد هنا ما اعرف استغل هالنقطه ابدا..

نزلت ادوره لقيته بالحديقه جالس ..سلمت عليه..وجلست جنبه..ناظرني..وضحك..
ماقدرت الا اضحك..حطيت يديني على وجهي..قلت يوووه وانت دوم كاشفني...
قالي يالله وش عندك..
كنت مازلت مغطيه وجهي..بعدت الاصبعين اللي على عيني.. وقلت ابي السوق...
طالع ساعته..وقال : هالوقت..
قمت وجلست قدامه.. قلت بصوت طفولي.. جدي يعني وش رايك بطلع كذا بس..والا عندي سبب قوي..
ركز نظرته على عيوني وقال: وش عندك طيب..
رديت بسرعه.. ابي محل ورد..
ضحك وقال: انتبهي لعمرك يالمى..الدنيا مو دايم بكيفنا..
انا هنا دوروني..ماراح تلقوني..وجهي لوحه تشكيليه من الالوان..وحسيت عيوني صارت كبر الكره الارضيه..ياربي عسى مو فاهمني بس..حاولت اشتت خوفي وخجلي وبسرعه قلت والمعني يبه..نروح والا لا..
رد علي بابتسامه : جيبي عبايتك..
ماصدقت وركضت للبيت ..ناديت عالخدامه تروح معاي.. وطلعنا..
ممكن تستغربون كيف انا مع جدي فري..معلومه بسيطه لعيونكم عن جدي..
جدي ياحبايبي جنتل عالاخر..مره متفهم وفري بحدود..يمكن وجوده برا المملكه اثر فيه..كان يشتغل بمصر..وبعد ماتزوج جدتي جلسوا بعد زواجه هناك 3سنوات ورجعوا..بعد ماقعد اكثر من 12 سنه.امممم جدي مو كبير مره لانه تزوج وهو صغير عمره كان 15.وجدتي 13ولما انولد خالي كان عمره 17.اكبر عياله خالي محمد وماعنده غير بنوته عسل هي ساره..وفارس ..وسارونه تدرس بكلية الطب بجامعة فيصل..اما فارس لسى ثالث متوسط

بعده امي اممممموااه فديتها..
وبعدها خالتي ساره الله يرحمها لوكانت عايشه عمرها تقريبا 40 سنه وهذي هي ام خالد..توفت وماعندها غيره..ياقلبي هو بس فديته.
وكانت تؤامها خالتي ام لوجين وهذي عندها لوجين 17وخزامى عمرها 15 ورغد5 سنوات..ومحمد13 سنه.وللمعلوميه خالتي متزوجه عمي(اخو ابوي من الاب بس) بس ساكنين هنا بالشرقيه .ولهم بيت بالرياض
امممم بعدهم خالي سلمان وهوعنده 3اولاد وبنوته كيوووت اللي هي مي ..وهذا شبه مستقر بكندا مانشوفه غير كل سنه مره ومرات لما نسافر كلنا مع بعض يجي للدوله اللي احنا فيها .. درس البكالوريوس بكندا وبعدها الماجستير والان يحظر الدكتواره هناك..شكل الحياه عاجبته عندهم.. حتى ولده الصغير فيصل مايتكلم عربي غير بسم الله..والسلام عليكم..والباقي انقلش..فديته هالولد مره اموت فيه ..
امممممممم و بعدهم خالتي نوف وعندها بنت اسمها سمر11سنه وولدين فهد عمره 8سنوات وسامر4سنوات.
واخر العنقود خالي بدر فديت قلبه وهالخطير عايش برومانسيه مالها حد..خاطب اخت صديقه دانه من سنتين..وزواجه هالصيف ان شاء الله..ياحبي لاهلي بس..الله يخليهم لي..^_^

اهل امي فيهم ميزه..يتزوجون البنات صغار..مررره يعني امي عمرها 14 سنه بس يوم تزوج..هي خالتي نوف بس اللي خلصت الثانوي وتزوجت..حتى خالي محمد تزوج وهو لسى بالسنه الاولى جامعه..عشان كذا الفرق بينا وبينهم بسيط..يعني امي بيني وبينها بس 15 سنه رغم اني اخر العنقود..

امممم وين شطحت انا خخخخ يبي لكم خريطه انساب عشان ماتتخربطون. من المتاهه اللي دخلتكم فيها يالله ماعليه مع الاحداث بتفهمون .
اي صح..انا مع جدي فديته طلعنا هوم سنتر ..شريت شموع وفواحه انا اموت بريحتها..بعدها رحت وشريت ورد
شريت له عطر وغلفته ..ورجعنا البيت عالظهر..كان جدي يعاتبني..اخبرها محل واحد اشوفك سحبتيني بالخبر كلها..
ابتسمت ومارديت عليه.رصيت على ايده بمعنى الله لايحرمني منك ..كنت مبسوطه وفرحاااانه عالاخر..كل شي يجبرني انبسط وافرح ..كل شي..

وصلنا بيت جدي العزيز..
دخلت الخدامه ومعاها الاغراض..وانا وراها لما دخلت كانت هناك المفاجأة تنتظرني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-07-2008, 11:03 AM
مشاعر غلا .... مشاعر غلا .... غير متصل
©؛°¨غرامي مشارك¨°؛©
 
الافتراضي رد: تدري وشلي ينهك القلب والروح انك تعيش لشي عدك ولاشي


الجزء الثاني:
وصلنا بيت جدي العزيز..
دخلت الخدامه ومعاها الاغراض..وانا وراها لما دخلت كانت هناك المفاجأة تنتظرني
حسيت بحراره..وريحه احتراق...ياربي هذا جسمي يحترق ليش..

اهااا من نظرات امي..
شلت برقعي..وانا ابتسم<<< الابتسامه لها سحر عجيب على امي..
قالت بعصبيه : غير هالا بتسامه..لا احم ولادستور وين ان شاء الله...
جلست اناظرها..شتت نظراتي على كل اثاث البيت..
صرخت علي: لمى انا اتكلم ليش طلعتي بدون اذني..
خفت..ياربي جدي متى يدخل وينقذني. علمتني حياتي امي معصبه انطم ولا ارد عليها اذا ردي مو بصالحي .تاخر جدي ماوصل اوووف نسيت انه مايمشي بسرعه دوومه هادي فديته ..ليتني صرت حنونه ومسكت يده..
وانا بغرقه افكاري قطع علي صوت جدي..فديته..
خير يام مشاري..صوتك واصلني وانا برا..
امي وهي منفعله ومتحمسه ومتوقعه جدي بيزفني لو عرف:هالبنت ما اخذت لي اي اعتبار وطالعه وانا ماعندي خبر ..لو متصل ابوها وش بيقول من تطلع من الرياض تهيت بنتها..

قاطعها جدي: مها..انتي مربيه بنتك بتتوقعين تطلع كذا..البنت راحت معاي..والا انا مو قد الثقه..

امي وجهها احمر..وحسيتها ارتاحت..كان ودي اضحك..بس سويت حالي البنت المظلومه حطت شعرها ورى اذنها من العصبيه وقالت بصوت مرتاح:هاااه ..ايه دام كذا مايخالف..ورجع لها الغضب مره ثانيه وكملت بس مايمنع تمرين وتقولين بروح مع جدي..اقلها اطمئن..
استغليت الفرصه وقلت بصوت باكي: لو معي موبايل ما استهميتي علي..
يالطيف ياليت ماقلتها.. امي مو عصبت ووووووولعت..
قربت مني وقالت.. جوال انسي.. احلمي يكون معك..
لما شفتها قالت كذا..قلت النحشه يابنت..مايبي لها كلام..خخخخخخخخ
اعرف امي..اذا اهتمت او انتظرت شي .. يسهل استفزازها..وردات فعلها تكون عصبيه حتى لو ماتستاهل..
واللي بيجي اليوم خالد فديته..وش اكثر من هذا مهم ..

طلعت غرفته.
حطيت الورد على السرير..والكتاب عالكمديون..هذا شريته له لما كنت بالاردن يستاهل وربي
خليت الشمع عالدريسنق..وحطيت جنبه صوره لنا..
صوره فيها انا وخالد..ومشاري ..ومحمد..وفهد..<<< اخواني
وفيها خزامى..ولوجين<<< بنات خالتي
وساره<< بنت خالي
كانت الصوره تجنن
خالد جالس وبحظنه ساره..وانا واقفه على يساره حاطه راسي على كتفه<< ياحبي لي انواع التلزق فيه..
كان مشاري واقف جنبه الايمن ولوجين ماسكه يده وهي تبتسم..
محمد عاقد حواجبه وفارد صدره وحاط يده على خصره ويطالع الكميره وملامحه جديه ولاهمه يقالك كبير..
اممم فهد كان بعالم ثاني..معه كوره ويطالعها
اما خزامى..ههههههههه هالبنت تجنن من وهي صغيره
كانت داخله عرض وتطل بوجه فهد..<<< انواع المناقر هي وفهد لما كبروا

فديتهم..وفديت ايامنا..كانت عسل وتجنن..كلها حب ووناسه واستهبال..كان اجتماع اهل امي دنيا ثانيه
ننتظر متى نروح الشرقيه بس عشان نستهبل ونفرح..كان بيت جدي كرنفال..صراخ لعب..فلللللللله
حتى انه بنى مسبح خصيصا علشاننا..ولما كبرنا وشاف شطانتنا سوى بالحديقه مكان للباربيكيو.وبنى للشباب ملعب كره طائره..يلوموني يوم احب اهل امي اكثر..
كانوا اهل امي عكس اهل ابوي..التضاد بكل شي
جدي ابو ابوي مايحب الازعاج..ومرتب.يمكن لانه عسكري اثر فيه.مايبي نخرب شي. حتى الاكل بنظام.
عندهم مزرعه..ودايم جدي يضربنا ليش نمشي وسط الزرع ونكسره..
والمصيبه انه يعرف اثار رجلينا..يعني تهرب تكذب مافيه...
اتذكر مره ضربني مشاري..رحت لبست جزمته ومشيت وسط حوض الجرجير..
لما رجعت البيت كنت اضحك..متأكده جدي يعطيه علقه محترمه..
كنت جالسه على نار متى يجي جدي يجلده..
بس للاسف ماكنت اعرف المثل اللي يقول: من حفر حفره لاخيه وقع فيها..
كنت منسدحه عند توم وجيري..مادريت الا انا موقفه على رجولي..اح شي يعورني..وانا وشلون قمت..
ااااااي ..لما التفت لقيت جدي..يممممممممممممممممممممممممممه
لاشعوريا بكيت..زاد مسكته لاذني..وانا انواع الصراخ..ضربني مع راسي ضربه حسيت عيوني تلعب كيرم بالجمجمه..صحت اقوى..
قال لي: هذا عشان ماتلعبين بالحوض وانا منبهكم مليون مره..تركني وراح انا بعدها ركض و
رحت لامي: قلت بنرجع الرياض..مابي القصيم..وابوي يجيبنا هنا عشان يعذبنا ابووه..
امي دوروها ماتلقونها: قالت ياقلبي بس اسكتي لايسمعك جدك وبعدين تستاهلين ماضربك الا مسويه شي غلط اعرفك تحرثين عن مذبحك..
انا هنا زدت الصياح ياربي من بيفهمني...
كنت منقهره وشلون عرف.. وانا لابسه شوز ميشو..
وقتها جاني اعتقاد ان جدي ساحر..لاتقولون وشلون ام 10 سنوات وش تتوقعون خيالها..
حتى بالرياض لابغيت اسوي شي..قلت اكيد جدي يشوفني..واتأدب..هههههههه كان مربيني الله يرحمه..بعدها عرفت ان العامل شايفني عاد هو وكاله اخبار. اما جدتي مره طيبه بس ما اتذكر عنها كثير توفت الله يرحمها وانا عمري اربع سنوات..
ااااه الله يرحمهم.راحت ايامهم وراحت معاها ذكريات بتظل محفوظه للابد..

رجعت للواقع ..حطيت الفريم..تنهدت بالم متى يحس فيني بس...
.................................................. .........................................
سكرت الباب واسمع اصوات الازعاج تحت طليت من الصاله اللي فوق..كانت مفتوحه عالصاله الرئيسيه تحت..
شفت حبايب قلبي وصلوا..بنات خالاتي...وخالي..

نزلت اسلم..عاد سلامنا انواع الرجه.. احظان وصراخ وضحك . كانوا دايم يسالون ليش تصارخون مدي يدك وبوسيها اخبارك طيبه وانتهينا حتى السلام بتخلووونه غير.. مانكلف اعمارنا بالرد ..انا ولوجين نبتسم وبس ..عمركم ماتحسون بطعم اللي نحسه بكره بنكبر ونعقل خلونا نحتفظ بذكريات للمستقبل.. وحدها خزامي اللي كنت تحمل رايه الدفاع وتبدى تخبص بالحكي وتقط كلام اكبر منها هي تشوفه منتهى خفة الدم واهلي يعتبرونه قله ادب وعدم احترام وماتحصل منهم الا محاظره عن طول اللسان والادب المنتظر منها..هههههههههه خبله دووووم تجني على نفسها .
كنا سوالف وضحك..بس انا كنت احس الجو غير التوتر زاد..والخوف بدى يلعب فيني..ياربي احس قلبي الكل يسمع دقاااااته.. حاولت اصرف خوفي واحارب ساعة الانتظار باي شي..
البنات مو لمي ابداااا..لوجين وخزامي يسولفون عن المدرسه وش بيسوون..وساره مشاركتهم..امي وخالاتي وزوجه خالي لاهين بالرسبشن اللي بيسونه بعد ملكه خالي بدر وجدتي تعترض وهم يحاولون يقنعونها .وانا بينهم اللي على نار..انتظر طلته..انتظر اسمه ينادي ويصوووت..مليت دقيت على مشاري وبعد كم دقه جاااني صوته
مشااري:..قايل مافيه مزعج غيرك..نعم
لمى..افاااا انا مزعجه..طيب اكبر مني ومجبوره اتحمل اهاناتك
مشاري : ههههههههه من متى الادب..اللي اعرفه دمعتين وموال يخليني اكرهه نفسي.
لمى: مشاري بليز مو هذا وقته تنكد علي..خلاص عاد..
مشاري: طيب يام النكد انتي وش تبين متصله..
لمى: هاااه اي جدتي تقول وينكم تاخرتوا..
مشاري: بيب بيب<< صوت سيارته..تسمعين هذا انا داخل مع الباب ..عدي للعشره تلقينا قدامك..بااااي
وقفل بوجهي وانا مازلت ماسكه السمااااعه..وجهي احسه احمر..اسود..بني..الاكيد اني شوي بصيح..

هالحين كل هالتهزيء قدااامه..اخخخخخ يالقهر..بدل مايحسسه اني مهمه عندهم واختهم الوحيده المدلعه يفشلني كذا...طيب ياميشووو دواك عندي..
انتبهت على اصواتهم بالممر..والضحكه اللي بوجيه الكل اكدت لي ان خالد هو اللي جااااي...اختصرت طلعتي فوق عشان البس عبايتي واخذت لي جلال من صندوق السجاد وجلست اراقبه..
هو نفسه ماتغير..نفس النظره..نفس الشموخ..نفس الرزه..ههههههههه ياكثر ماتهاوشت انا والبنات على رزته دايم يقولون ماشفنا اللي تشوفينه..وع الا غرور ودلع وشوفه نفس..بس انا ماكنت اشوفه الا جنتل..وكووول وماهمني كلامهم..اااااااخ ياليت كنت اسمع كلامهم..بعقل..ولاعظيت هالحين اصابعي ندم..
كان يسلم بحب وشوق..واضح جدااا انه مشتاق..حظن جدتي وقعد يبوس فيها. بعدها سلم على خالاتي والبنات طبعا قبل نتغطى عنه كنا بس نصافحه ...كان يضحك..وهو يسلم..يمسك يد هذي وياشر على الثانيه بيده..يرفع حواجبه للي هناك واحلى ابتسامه على وجهه وكل شوي يقول اخباركم وربي مشتاق.وانا بس اراقبه واردد مو لوحدك مشتاااااق والعبرات تصعد وتنزل..
ياربي يتيم وش تبون اسوي..احس كل مايشوف جدتي وخالاتي احساسه باليتم يزيد. وشوقه لامه يحرقه .وانا معاها ازيد احساس فيه وحبي يتضاعف واشواقي تحرقني وما اقدر اسيطر عليها..جلس الشيخ بعد ماسلم عالكل لاحظوا قلت الكل..وانا ولاكاني موجوده..
بغيت اموت لهدرجه مو شايفني..مستحييييييييييييييييييل..اطول البنات وزياده لابسه كعب..وشلون ما انتبه لي..
انكتمت وحسيت بالاهانه..لهدرجه نساني..ودي اقوم اروح الغرفه واصيح بكيفي بس مو حلوه اقوم من عندهم ..
ثانيا لازم امر من قدامه..وانا مجرد وجوده يلخبطني..كيف امشي عاااد..تخيلوا عاد من الربكه طحت بحجره وش بيقول ترى انا هنا لو ماشفتني... كنت ساهيه بخيالاتي البايخه..ماحسيت الا فيه وهو يقول الا لمى وينها..
تكهربت..قال لمى صدق!!!..والا من قهري صرت اتخيل تدرون تجي علي.... رفعت راسي بشوف وجيهم هو فعلا سال عني والا انا اتخيل..؟
رفعت راسي اطالعه اتاكد..فيه بقايا سؤال على شفايفه والا لا مادريت الا وهو يكرر: جد لمى وينها لايكون سوت حركه خيانه وراحت القصيم؟
دوروني ماتلقوني من الفرحه طبعا.. غريب الحب كيف يدمر مشاعرنا تجاهل بسيط منه خلق بداخلي الف انفعال وانفعال..ومجرد ماسال عني حسيت اني ملكت الكون.ولااااا يعتبر روحتي خيااانه,,, ااااه ياقلبي بس من قدك..
من فرحتي ما قدرت ارد.. حسيت اني ما املك لغه..حتى هلا..عجزت انطقها حسيتها ثقيله..
ردت امي وانقذتني: هههههههه هذا هي هناك خلاص مابعد الجامعه الا الغطى..
كنت اراقب وجهه..حسيت النور اللي بعيونه طفا..ولمعتهم بهتت: هههه ما انتبهت فكرتها وحده من الجيران والا من خوات ام سلطان (زوجه خالي) طيب انا اخوها ليش الغطى..طالعي هالوردات وش حليلهم..اكشفي بس ماعليك منهم..
خالتي نوره..ام لوجين: هالوردات من يدخلون الجامعه بيتغطون عنك..وانتي يالمى تمسكي بجلالك لاياخذونك بناتنا قدوه..
انا سااااااكته..مافيه اي رده فعل.. ولاحتى علقت..حتى لما علقت خالتي كلهم ضحكوا وانا ماقدرت..مدري وش جاني..ركزت بعيونه حسيت فيها شي..فيها صدمه..فيه ضيااااع..متاكده من اللي شفته ساعتها و ما كنت اتخيل..كنت ساعتها مفكره انه من الحب من الشوق ..لكن للاسف معناها كان ثاااني وانا كنت تايهه عنه..
بعد كلام خالتي هز اكتافه بلا مبالاه..قال وهو يقوم.. : الله يستر عليهم يااارب.كلهم خوات وغاليات كان يقول غاليات باصرار وعيونه علي..
كمل كلامه وهو يناظرني مبتسم: دام تغطيتي عني اجل معناه شلتي يدك بالمره عن غرفتي واغراضي يعني مااسهر الليله ادور مفاجأه..
كنت مستحييييييه خدودي حمر. وماعطاني مجال ارد التفت لجدتي وهو يمشي بيطلع وقال: يمه ولا عليك امر خلي الشغاله تطلع اغراضي بس لاتفتح شي انا اذا جيت انام ارتب اغراضي..وطلع
صدق ان الحجاب ماشرع الا للخير لنا,,طول عمري معاه واول ماتغطيت عنه خلاص حسيت بالحيا والخجل منه.واحساسي انه غريب وما اقدر اخذ راحتي معاه..هالشي الوحيد اللي للاسف وصلته له..
لماطلع رجع الوضع زي ماكان..التفت لوجين وقالت وهي تضحك.. اجل مايسهر الليله؟؟ههههههههه للحين على خرابيطك يابنت.. الجامعه والغطى ماعقلوك..
ناظرتها بنص عين وقلت: جناني راضيه فيه مالك شغل انقلعي بس..
قامت وهي تضحك..التفت علي وهي تدندن..باغنيه والله وتحقق منايا..ماقدرت الا اضحك ركضت وراها وانا اضحك بس شافتني حطت رجلها..كانها تقول فيك خير طلعيه..
لوجين كانت الوحيده اللي تعرف خالد ايش بالنسبه لي..وحتى ماعرفت الا من سنتين كان لموقف صار قدامها صعب علي اني اعترف لاي احد خالد وشو بالنسبه لي.. يمكن لو كان يهتم لي كان تجرات بس المشكله انه يعاملنا كلنا نفس بعض بس لاني كنت الاكبر كانت حركاته واهتمامه ماثر فيني اكثر شي..وساره تحب ولد خالها والكل عارف فخالد بالنسبه لهاولد عمه وبس..
لوجين اقرب وحده لي تجنن هالبنت . عمرها17 سنه اصغر عني بسنتين تدرس سنه ثاني ثانوي علمي وطموحها تدخل طب واهلها مشجعينها.حركاتها تخليني غصب اتقبل منها اي شي معها انسى اني وحيده.. واحساس الحاجه للاخت وجودها ملاء فراغه عندي..لوجين سمرا بس سمارها يجنن وجسمها حلوو..عيونها واسعه وعسليه..وشعرها نااااااااااااااااااعم واشقر وطووووويل.. كانت دوم تقول نموي بشعري بقصه يمكن اطول هههههههههه..
البنت كتوووومه مره سرك او سر غيرك مستحيل تقوله لاحد..عكس اختها خزامى خخخخ ذيك انواااع الرجه دمها عسل بس فيها طفاقه ودك تذبحها احيانا..
.................................................. ...........................................
بعد الغداء طلعت فوق تعرفون صاحيه بدري وقلت انام شوي قبل العصر..
مريت غرفه خالد.شفت اغراضه بالارض..احترمت رغبته.. فتحت شنطه الملابس ورتبتها بالدولاب.. وطلعت الثياب للشغاله حتى تكويهم.. خليت شنطه الاغراض الشخصيه والشنطه الثانيه له يرتبهم براحته,,
تاملت الغرفه بسعاده وحب..رجعت لشمعه الفواحه اولعها متاكده انه شوي ويطلع..هذي عادته لازم بعد الغداء ينام شوي لو ربع ساااعه..وحتى لو مانام يكفي انه يتسطح على سريره..
اتذكر كنا دايم نستغل هالفتره حتى نطفر فيه. طبعا انا من يومي ما اعرف اسوي شي بس خزامى وساره انواااع المقالب ساره بنت خالي بعمري لكن خزامي اصغر منا باربع سنوات وهي البوووس بشغلات المقالب.ولاني لماكنت صغيره دبدوبه كنت دايم انحشر تحت السرير..وانواع الضرب كنت اخذها منه.. وهم يطلعون منها بدون لمسه..

طلعت من غرفته بعد ماولعت التكيف وتاكدت ان كل شي اوكي..ورحت غرفتي..بدلت ملابسي.. لبست ترنق اورنج....تمددت عالسرير وتلحفت ونمت..نومه مافيه احلى منها..ملاكي ومايفصله عني الا صاله وشلون ما انبسط.

انتظر ردودكم مبدئيا عالاسلوب. وطريقه الكتابه.لاتحرموني تواصلكم اتقبل ردودكم وارائكم بصدر رحب..^_^.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-07-2008, 06:55 PM
صورة { ترآإآنيم آلشوق ..~ الرمزية
{ ترآإآنيم آلشوق ..~ { ترآإآنيم آلشوق ..~ غير متصل
©؛°¨غرامي فضي¨°؛©
 
الافتراضي رد: تدري وشلي ينهك القلب والروح انك تعيش لشي عدك ولاشي


الرواية وايييييييييد حلة ويارت تكملين الرواية

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-07-2008, 11:56 PM
مشاعر غلا .... مشاعر غلا .... غير متصل
©؛°¨غرامي مشارك¨°؛©
 
الافتراضي رد: تدري وشلي ينهك القلب والروح انك تعيش لشي عدك ولاشي


تسلمين ياااقلبي الرواااية مره حلوه وانا نقلتها لكم لانها تستاهل وان شاء الله تلاقي نجاح
ط

تحياتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-07-2008, 03:09 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: تدري وشلي ينهك القلب والروح انك تعيش لشي عدك ولاشي


؛/’


وآآآو روعه
نقل موفق عزيزتي

الله يعطيك العافيه


؛’

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-07-2008, 03:36 AM
صورة صدى شمر الرمزية
صدى شمر صدى شمر غير متصل
©؛°¨غرامي مشارك¨°؛©
 
الافتراضي رد: تدري وشلي ينهك القلب والروح انك تعيش لشي عدك ولاشي


كملي وحنا معك

الف شكر على النقل


ننتظرك


اختك صدى شمر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-07-2008, 07:01 AM
صورة oblivion الرمزية
oblivion oblivion غير متصل
©؛°¨غرامي نشيط¨°؛©
 
الافتراضي رد: تدري وشلي ينهك القلب والروح انك تعيش لشي عدك ولاشي


الروايه مره روووووووووووووووووووووعه
ننتظر التكمله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-07-2008, 09:18 PM
مشاعر غلا .... مشاعر غلا .... غير متصل
©؛°¨غرامي مشارك¨°؛©
 
الافتراضي رد: تدري وشلي ينهك القلب والروح انك تعيش لشي عدك ولاشي


لما صحيت تفجأت كانت الساعه 6المغرب. كنت مرهقه مصدعه.ولعت نور الابجوره اللي جنبي لقيت ورقه من امي.
(( لموو طلعت اصحيك لقيت حرارتك مرتفعه عطيتك الحبوب وشكلك مره تعبانه ماحسيتي فيني..تلقين جوالي عالتسريحه بس تصحين دقي على جوال خالتك نوف تعالي بيت خالك احنا كلنا هناك عنده عشاء البسي اهل زوجته موجودين ..عموما انا نبهت جوي تتفقدك.. نومه العافيه قلبي))
رميت الورقه..اوووف هذا وقته..مالي خلق اطلع..رحت اصلي العصر والمغرب.,ودقيت على امي..
ام مشاري: هلا حياتي صح النوم.
لمى: هلا ماما..ليش رحتي خليتني..كان صحيتني طيب..
ام مشاري: صحيتك مارديتي علي حتى اكلتي الدواء وانتي مو حاسه,,
لمى: طيب من فيه..
ام مشاري: خواتها وحريم اخوانها كلهم..البسي وتكشخي زين..
لمى: اعتمدي..بس وينهم بنات خالتي..
ام مشاري: رحوا بيت عمتهم.. وبيجون يسهرون معانا..
لمى: خلاص اذا خلصت دقيت ارسلي لي السواق وعيال خالي طيب.
ام مشاري: اوكي ياقلبي.بس لاتاخرين..
سكرت من امي وانا مررره مكسله..و اكلت بندول لماحسيت باعراض الانفلونزا..ياربي مو ناقصتها بعد..
نزلت اعدل مزاجي بموكا..هالعاده ادمنتها من خالد اول مايصحى من النوم لازم يشرب هالموكا..كنت اسوي لي معاه..ومن يومها وهي عاده ازليه..ماتفارقني..

سويت لي موكا وقلبي يقول خالد يبي بعد..ما ادري اذا هو مو جود او لا..استخرت وقلت يالله اخليه بالمق الحراري واخذه اشربه بالسياره..
طلعت فوق وافكاري تلعب فيني مره يمين ومرررررره شمال كنت مو حاسه بالدنيا.. وبنص الدرج حسيت بحراره..وشي ينفضني ريحة عطر ادمنتها..وياما من ليله غرقت فراشي فيها .. بس لحظه كل سنه يجي كان معه عطر مختلف وانا ركضه اشتري مثله..وطول فتره غيابه اعطر مفرشي..والشنطه اللي بخذها معي..بس هالعطر مميز..اهااا تذكرت هالعطر انا اهديته اياه اخر مره جاء معقوله للان يستخدمه..كل هالحكي كان يدور بعقلي وكانه شريط يتحرك بسرعه لما انتبهت رفعت راسي بسرعه واذا هو قدامي..حسيت بالاحراج منه..نزلت عيوني وجيت بركض اطلع فوق..
اعترض الدرج وفق قدامي..
حسيت شكلي غلط..ابي اروح بتكلم ماقدرت..
حطم هالصمت والخوف اللي انا فيه لما مد يده وقال: ماخبرتك ام بطنين يكفيك مق واحد عطيني الثاني..
اخذه بدون ما ارد..وبسرعه طلعت الدرج وانا انط الدرجتين والثلاث..
جاني صوووته وهو يقول: مشكوره يالغاليه غرفتي من اروع مايكون والعطر ولا احلى....
ااااااااااااااااااااااااه وصلت غرفتي وسكرت الباب وانا انتفس بسررررعه وقلبي يضرب بجنون..
بتقولون استانستي لالالالالالالا
تسندت عالباب ومت صيااااااااااح..مقهوره منه.. من حركته..ومن اسلوبه..
ماكلف خاطره يقول اخبارك.. ما اهتم لمساله غطاي عنه..وماحشمني..من يظن انا طفله والا ايش..حقدت على نفسي..وكرهت حالي..بس ماقدرت اكرهه او الومه..
اخذت الجوال بتصل بامي..
طلعت رقم خالتي نوف ..
لما سمعت الو انفجرت اتكلم وانا اصيح واشااهق
لمى: ماما ليش ماقلتي خالد نايم هنا وماطلع معاكم..كذا تحرجيني يعني..مو جايه للعشاء طيب...خلي البنات يجون هنا انا... انا... انا ..مو ط...ماقدرت اكمل وقفلت الخط..والموبايل بعد..مو ناقصه تحليلات امي واعذارها..
رغم ان هالموقف كثير يصير لي مع خالد اول بس ما ادري ليش هالمره وجودي معاه في بيت كبير لوحدنا حسسني بالاهانه..يمكن شي بداخلي يقول تراهم معتبرينه اخوك وانا برده فعلي كأني ارفض هالشي..تعبت من كثر مابكيت ونفس الوقت مصدومه من حالي ليش كذا سويت..

شالني من هالدوامه..صوت دق على باب غرفتي نقزت من مكاني وقلت بخوووف :مين
جاني صوته كله حب وحناااان..وفيه ضحكه: الذيب ..عوووووو
غصب عني ضحكت بداخلي وقلت: هلا خالد تبي شي..
رد بسرعه: اي ابي..وبعد لحظه صمت ..لمى يالسخيفه بطول عند الباب..صايره كريهه ترى..
قلت: دقايق بس..
لبست جلال الصلاة وفتحت له وخليت الباب مفتوح..
دخل وهو مبتسم حاول يسحب الجلال ..وانا خفت..بسرعه ابتعدت وقلت بصوت واضح الخوف فيه: خاااااالد وش بتسوي..
ابتسم على جنب وقااال: ههههههه ليكون مصدقه سالفه الغطى يالله عاد ترى كلها 10 شهور اللي غبت ..ليش تغطين..
قلت بصوت فيه ثبات اكثر: كبرنا ياخالد..
تكتف ورفع حاجب وابتسم على جنب ..رد علي: من ناحيه كبرتي اي وربي كبرتي وحلويتي بعد..
تصنمت من كلامه..خالد دوم يعلق اني حلوه بس اليوم لالالالالا مره خفت وارتعبت بعد..
لاحظ خوفي وارتباكي..تبون الصدق شكله مررررره تضايق..
كان طالع وقالي: انصدمت لما شفتك متغطيه وماسلمت عليك اليوم..كنت بسلم بس شكل هالغطى معناه خليك مكانك خالد ولا تقرب..
كنت بتكلم بقول شي بس قاطعني..وقال: انا بروح بيت خالي تروحين معي والا السواق اكثر امان مني..
تفجأت من كلامه تجمعت دموعي وخلالالالالاص ماقدرت اتكلم ابي افهمه.. ابي اشرح..كل اللي طلع مني اني قلت بنبرة استنكار: خاااالد.
قاطعني بسرعه وقال: اوكي الله يحفظك بااااااااااااااااي..
طلع وتركني..وكانت هذي اخر مره اتكلم فيها مع خالد طول الاسبوعين اللي جلستهم بالشرقيه وهو موجود..
كنت ادخل يجلس دقايق وفجاه يتصل باحد او احد يتصل عليه ويقول عن اذنكم.. طول ما انا موجوده هو برا..ومن ادخل غرفتي الاقيه تحت معهم..وانا انحرج صعبه علي انزل وانا متاكده انه بيطلع لو دخلت..وبالاخير انشغلت بالطلعات مع البنات والسهر بين بيت خالي وخالتي..
.................................................. .............................
طوال ذيك الفتره شي بداخلي منعني اني اتكلم معه..او احاول اشرح له انه غطاي عنه امر حتمي وعاادي مو معناه انه صار مثل غيره..
كنت ودي اقوله انت غالي وتاج راسي..واهتمامي مستحيل ينقص..
بس ماقدرت اكلمه فيس تو فيس..وكلمته محلوه ترن براسي.والصدود اللي احصله منه ماساعدني ابدااا...لذلك حاولت ابين اهتمامي فيه من ناحيه اغراضه,,اكله,,نومته..بس للاسف طلعني من دائره حياااته واعتبرني شي عااااادي وقد مايقدر حاول يتجاهله..واللي لاحظته ان اسلوبه ماتغير علي بس لا عالبنات كلهم..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-07-2008, 09:21 PM
مشاعر غلا .... مشاعر غلا .... غير متصل
©؛°¨غرامي مشارك¨°؛©
 
الافتراضي رد: تدري وشلي ينهك القلب والروح انك تعيش لشي عدك ولاشي


الجزء الرابع:
كنت لابسه عبايتي وجالسه بالسياره وفاتحه الباب انتظر امي تطلع..اليوم بنرجع الرياض..باقي عالدراسه ثلاث ايام ويالله نترتب على كلام امي..
كنت اراقبه طالع من الملحق..كان لابس بنطلون اسود..وقميص بيج كله كتابه سوداء ولابس نظارات شمسيه..
لما شافني وقف..حسيته متردد..بس شوي وشفته جاااي لجهتي..
دخلت رجلي وتعدلت بجلستي... وانا مبسووووووطه من الخاطر ..اكيد بيسلم علي..
جلست اقوي قلبي واني بسلم عليه وبضحك معاه شوي..
كل ماقرب جهتي زادت نبضات قلبي..ولما شفت اطراف بنطلونه غمضت عيوني..بقوه عديت للعشره وفتحت عيوني
بس مالقيته..
ضاق صدري والتفت بسرعه..جت عيني بعينه واكتشفت انه رايح لجدي ياخذ منه الكيس اللي معه.. وانا اللي مفكره انه بيسلم علي ..خيبه..
نزلت وسلمت على جدي..
لمى: هلا جدي..
جدي: هلا بنيتي..خلاص مشيتوا..
لمى: هههههههه اي خلاص بنريحك..مافي ازعاج..
جدي: والله ازعاجك عسل على قلبي..وش احنا بلاكم يبه..
اثر فيني كلامه..وحسيت بالدموع تتجمع بعيني..استغربت من حالي ليش تاثرت..تاكدت ان السبب خالد وقربه..
حسيته قريب وبعيد..حبيب وغريب..قررت اتحدى نفسي وانفعالاتي وكلمته
رفعت راسي وحطيت عيني بعينه..
لمى: وانت ياخالد بتاخذ راحتك..مافيه ياولد ع الطالعه والنازله..
رفع راسه وناظرني بنص عين وسكت..حسيت انه يبي يضربني..رجعت اتحدى حالي وقلت باصرار اكبر
اشتقنا لوجودك..هالمره انت معانا ومو معانا..
خالد: والله يابنت الخاله انا هنا..الا اذا انتي ماتشوفيني فهذا شي راجع لك..
حسيت بكلامه طعنه لي..اهانه..وجرح عمري ما انساه..يعني كل هالاهتمام وهالحب الواضح اشارات انت مافهمتها
كنت بتكلم..بقول شي بس دق جواله ابتسم من شاف الرقم..
رفع عيونه يناظرني ..اشر بيده بمعنى سلام..ابتعد وهويرد سمعته يقول: هلاقلبي..
وانا بعدها قلبي طاح..بدوامه واغمى عليه..ماحسيت باي شي..الا شي واحد
مالك مكان يالمى..وخالد يحبك كا خت وزعله على غطاك لانه خسر اخت وبس..
.................................................. .........................................

طول ما احنا راجعين..كنت معاهم ومو معاهم..ودي اصرخ ودي اقول مستحيل اكون اخته..مستحيل يروح كذا من يدي..احلامي اللي ياما تخيلتها معاه تصير احلام من وهم..مشاعري اللي تعذبت فيها من بعده..وجنوني فيه اللي يخليني اسوي المستحيل عشان اكون جنبه..
رجعت بذاكرتي ورى..لما كان عنده امتحان فيزياء كان بسنه ثالث ثانوي..كلم امي وهو متضايق وطفشان
قال انه ضايق صدره والماده صعبه..وماله خلق يذاكر..سمعت امي تطمنه بكم كلمه..وتوصيه يقرا قران ويصلي ركعتين وينام..ولايشيل هم..
اعرف خالد..بيظل شايل هم..بيظل يحاتي ..قررت اتهور واتصل فيه..واطنش امتحاني..مو مهم هو تخرج ونسبه
وانا مهما نقصت من درجه مو مهم..مدرسه اهليه الدرجه اللي انقصها المبلغ المحترم اللي ادفعه كرسوم يتكفل بالباقي..
طلعت مكتب الوالد..كان التلفون فيه صفر دولي دقيت رقم بيتهم اللي احفظه بقلبي وادقه بدون شعور..
انتظرت لحظات وجاني صوت انثوي..
الووو
لمى: hi how ru
الهاوس كيبر: imfine hanks
لمى: can i speak with mrs khaled please
الهاوس كيبر: ooooh,,i am sorry he is studying
now
لمى: it is very important
الهاوس كبير: please hold on a minute
اقهرتني هالهاوس كيبر شايفه نفسها وعله عالاخر ..لحظات مرت وكأنها دهر..حسيت قلبي يدق بقووووه..اول مره بحياتي اتجرأ واتصل بخالد في بيتهم بالمانيا..
كان فيه اسباب كثيره تمنعني..اولا خالد يرفض اتصالنا ومانعرف السبب..كنا ننتظر هو اللي يتصل..حتى بعد ماصار معاه موبايل ماعطانا رقمه..شي غامض وماعرفت افسره..ولان خالد مايحب كثرة الاسئله كنت ما اسأله ولا حتى خطر في بالي..
حتى ابوه ماكان يعرف العلاقه بينا فعيب اني كبنت خاله بنظره اتصل فيه..رغم استقرارهم النهائي بالمانيا الا انك تتعامل مع شخص نجدي..له مبادئ ماطالتها حضاره الغرب الزائفه..ولا دنستها شعارات الانفتاح المتخلفه...
لكن..
هالمره اللي يحكمني جنون الحب..ومشاعر الخوف والقلق على حبيب قلبي..
احيانا تكون افعالنا كلها خطأ لو فكرنا لجزء من الثانيه بعقل راح نتراجع ونعرف تهور افعالنا الى اي مدى يوصلنا..
بس انا مع خالد..انثى تفكر بقلبها..اما عقلي فلا اعرف اين يهرب حينها..

جاني صوته احسه كله حب..ثقه..وتساؤل وصلتني الووو كانه يقول انتي مين؟؟
رديت على الوو: سبراااااااااااايز
حسيته بلم وكانه تفجأ: هوووو...
ضحكت بنشوه واحساس المغامره يسيطر علي: عرفنا انك تحكي انقلش..اخبار المذاكره..
وصلتني ضحكته..تبرد قلبي وتخليني اذوب بمشاعري وتصرخ بداخلي بقووووه احبه ياناس سمعته يقول:ههههههههههههههه..مين المجنونه لمى ..هههههههه كيف العسل..
عسل؟؟؟ انا عسل..حسيت كلمته تحرقني واثار هالنار تنعكس على خدودي حمدت ربي انه مايشوفني: تمام وبخير
اممممم ماتوقعت بتكلمني بهالاسلوب
حسيته متفاجأ: ليش
جاوبت بتردد: خفت يضايقك اتصالي..
جاني رده بسرعه: هههههههههه وش دعوه دامها اول مره بمشيها تكررينها اكسر راسك هههههههههههههه
شاركته الضحكه وقلت: طيب ياعنتر اخبار المذاكره للان متضايق مو عارف تذاكر..
جاني صوته وكله الم: والله طفشت مالي خلق احفظ حتى لو حاولت موقادر هالمخ قفل..
ضحكت واحساسي اني ممكن اساعده يسيطر علي: وهالمخ مفتاحه بيدي..
حسيت باستغراب برده: وشلووون يام العريف.
جاوبته : بذاكر معاك..
جاوبتني ضحكته وقال: ملاحظه انك تنكتين وانا عندي امتحان وزاره..لمو مع فائق احترامي اقلبي وجهك..وش عليك اهليه النسبه مضمونه..
رديت بعصبيه: الحين بتصل فيك استهبل..اتكلم جد نذاكر مع بعض..اعتبرني غبيه واشرح لي لاتجبر نفسك على الحفظ مو تقول انك مو قادر تحفظ..خلاص اشرح لي وانت تحفظ تلقائي..
لحظه صمت.. وجاني صوته: لمى ماعمري قلت لك ياحبي لك بعض الاحيان ..وضحك
قلت بسرعه وانا ميته خجل..ومتاكده انه قالها بدون قصد: كويس اني انحب بعض الاحيان..
قال بسرعه: خليك عالخط برفع سماعه غرفتي..
استمرت مكالمتنا 4ساعات..وكانها 4دقايق كان يشرح من قلب وانا اندمجت واقوله هنا مافهمت كانت التعاريف نصورها على شخصيه اقاربنا سمينا بعض القوانين على شي حلو يذكرنا..وانقلبت الفيزياء من ماده دسمه تعور القلب لماده كلها حياه وضحك وتعليقات..
كانت مكالمه من احلى المكالمات والاحلى لما كلمني خالد من بكره قالي انه حل كويس وضحك كثير وهو يقول
لمى صرت شبهه بس اضحك..اذا مر سؤال وذكرت تعليق او تشبيه ضحكت..واللي موتني ضحك قانون جارنا ابو سامي تذكرت تشبيهك لكرشه بصيغه القانون اقسم بربي انك عسل..
شاركته الضحك وانا مبسوووووووطه الا طايره.خالد وعدى امتحانه وش غيره يسعدني..رغم انه ماسألني عن امتحاني بس مايهم ..
في ذيك المكالمه درسنا..سولفنا..علقنا على بعض..كان خالد يكرر والله انك درج..كنت اضحك واقوله اش هالتصوير..دور لي مسبه حلوووه..كان يقول خلاص اسمك مستر هوكي. كنت اقول من هذا بعد ..جاوبني وهو يضحك. هديتك لما اعدي الامتحان ..وبعدين عرفت انه عجوز مخرف ساكن جنبهم مستحيل يفهم ويستوعب اي شي ..وضحكت اكثر لما شفت صورته مع خالد لما زارنا بعدها وكاتب على الصوره من ورى..الى مستر هوكي السعوديه يخليك لي ربي..

لاح شبح ابتسامه على فمي شتتها صوت امي: مطوله بالسياره يالله وصلنا..
بكل خيبات الدنيا..واحساس الفشل والخساره نزلت من السياره..دخلت البيت..تذكرت مشاعر ي وانا في البيت استعد للسفر..زادت كأبتي حسيت بدموعي تجتمع حطيت يدي على قلبي كاني احميه همست لنفسي
مستحيل اخسرك ياخالد مستحيييييييييييييييييييييييييييييييييل..
.................................................. ...............................

انتظر ردودكم..وماتحرموني توقعاتكم..وياليت رايكم بصراحه..لانها اول روايه اكتبها

تدري وشلي ينهك القلب والروح انك تعيش لشي عدك ولاشي

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
امراض الاطفال المواليد اسباب وعلاج عيووون الغزااال الطفل - الرضاعة - التربية 6 27-04-2012 02:02 PM
نصائح ثمينة للمحافظة على صحة القلب عيووون الغزااال صحة - طب بديل - تغذية - أعشاب - ريجيم 9 19-04-2009 06:20 AM
الخفقان السريع نصائح لتهدئة ضربات القلب المتسارعة nourelhaq ارشيف غرام 2 13-01-2009 11:13 PM
تصلب الشرايين دكتور حورس صحة - طب بديل - تغذية - أعشاب - ريجيم 4 27-08-2005 11:49 PM
ماذا تعلم عن هبوط القلب.. تفضل هناا ســ الأحزان ــر صحة - طب بديل - تغذية - أعشاب - ريجيم 6 27-11-2004 09:46 PM

الساعة الآن +3: 11:22 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1