منتديات غرام روايات غرام أرشيف الروايات المغلقة - لعدم إكتمالها رواية يا جعلني من بعد فرقاك للموت أقرب / بقلمي
راعية الددسن ©؛°¨غرامي جديد¨°؛©

ياجعلني من بعد فرقاك للموت آقرب
بسم الله الرحمن الرحيم
هاذي اول روايه اكتبهالكم
هذي روايتي كتبتها وانا عشت بعض احداثهاوالبعض الي حولي عاشوهاحبيت انقلها لكم لكن بصوره ثانيه اتمنى انها تعجبكم
اسمي هو النوري (راعيه الددسن)
اتركم مع الروايه



التعريف بالشخصيات
الجد عبدالرحمن له 4اولاد وبنت
..................................
العم سلطان
(ابوعبدالرحمن):اكبر عيال الجد عبدالرحمن
رجال متسلط قوي الشخصيه يعني كلمته ماتصير ثنتين
ام عبدالرحمن:مره طيبه وحنونه
عبدالرحمن:عمره32 سنه متزوج من شوق بنت عمه خالد يشتغل مع عمامه بالشركه
مقبل:28سنه يشتغل بالشركه
نايف: عمره 24سنه يدرس طب بكندا هو مع ولد عمه ثامر
اثير:عمرها18سنه وتدرس 3ثانوي ادبي (عيونها وااااااسعه لونها عسلي وملامحها ناعمه نحيفه مره وبشرتها بيضه وشعرها كيرلي جنان يعني البنت باختصار حلوووووووه)
..........................................
العم خالد
(ابوحمد):رجال عصبي ولكنه يحب عياله وهم عنده اهم شي بالدنيا وهوثاني عيال الجد عبدالرحمن
عايشه(ام حمد):طيبه وعلى نيتها تحب الخير للكل
حمد:28مفقود من عشرسنين من لما كان عمره 18 يوم كانوا في رحله في الثانوي وظلوا يدورن عليه لمن تعبوا والى الان ماحصلوا
طبعن امه مانسته الا الان تدعو ربها ان يرجعها لها اما اخونه والاهل كلهم فقدوا الامل
شوق: عمرها25سنه زوجة عبدالرحمن وعندها ولد وهي حامل الحين بالشهرالثامن(عيونها متوسطه وانفها طويل وشفايفها صغيره شعرها اسود ناعم الى كتفها طويله ونحيفه وبشرتها حنطاويه بشكل عام تهبـــــــــل)
فهد: عمره22سنه يدرس اخرسنه قسم انجلش ترجمه بالرياض
دلال:عمرها18 تدرس بأدبي ثالث ثانوي(وش اقول وش اخلي بهالبنت عيونهاواسعه لونها عسلي فاتح وكحيله انفها طويل وشفايفها مليانه شوي وملامحها حاده تميل الى السمورا وسمورتها تذبح شعرها الين كتفها تغريبا اسود طويله ونحيفه مشالله آيه في الجمال)
غلا:عمرها11 سنة ملقوفه مره وخرابه ابيوت والكل يسميهاام هلال لاتستغربون
..........................
العم متعب:
متحضر فاهم الحياه صح
ام عبد المحسن: مره حنونه وطيبه وهي اخت عايشه من الرضاعه
عبد المحسن:25يشتغل في الشركه
ساره:19 تدرس باول جامعه تخصص لغة عربيه (عيونها واسعه وانفها طويل وشفايفها مليانه بيضاء طويله ونحيفه شعرها اشقر طويل شوي جميييييله مشالله)
سمر:18 تدرس بأدبي ثالث ثانوي)سمر عيونها واسعه مره لونها بني وهذا الي يحليها ملامحها نااااعمه شعرها بني مموج الى نص ظهرها تغريبا طويله ومهيب بنحيفه ولا سمينه ابد جسمها مره جنان حنطاويه تغريبا بشكل عام مشالله جذاااابه)وعلى فكره هي صديقه دلال الروح بالروح وعلاقتهم مرررررره قويه
بسام:15ثالث متوسط اهبل هالولد
...............................................
العم سعود:
بدريه (ام ثامر):اخت عايشه لكنها تختلف عنها بكثير يعني بدريه عصبيه وفيها لقافه بس فيها طيبه وهي عقيم جابت ولدين بالانابيب
ثامر:24 يدرس طب في كندا مع نايف ولد عمه
نواف:23 يشتغل مهندس في شركة جده هالولد فله
.................................................. ............
العمه فهده:38 مطلقه من ولد عمها الي كان يموت فيها وهي تزوجته وهي مره صغيره زوجها طلقها لان هي الي تبي الطلاق لانه سافر بمصر وقصت عليه وحده مصريه وتزوجته ولمن جا السعوديه ودرت فهده استجنت وقومت الدنيا وقعدتها وطلقها بعد جهد جهيد طلقها لمن كانت حامل بطلال في الشهر الثالث
ندى:19 تدرس مع ساره في جامعه اول سنه تخصص لغة عربيه (عيونها صغيره وانفها صغير وشفايفها صغيره بشرتها صاااااافيه وبيضا شعرها اسود الى نهايه رقبتها مليانه مملوحه وحلوه)
نوره:17 ويلقبونها بالعصله عشانها ضعيفه تدرس ثاني ثانوي ادبي (عيونها واسعه شوي انفها طويل وشفايفها مليانه شوي حنطاويه شعرها بني كيرلي الى كتفها طويله ونحيــــفه تلبس نظاراه مو لضعف نظر بس هذا استايلها ومحليتها كثير مع التقويم الي مركبته ودوم تغير اطار النظاره مع لون البريسس هالبنت مررررررره كووووووول)
طلال:10يدرس برابع
.............................................
الخااااااااااااال مشعل
هذا اخو بدريه وعايشه
رباه عمه عبد الرحمن من توفى ابوه وهو توه عمره 7 يعني مشعل يقول لعمه ابوي
يشتغل بالشكره اهبل وفرفوش ويموتون الكل عليه عمره 27 سنه
واخت الجد عبدالرحمن
البندري كانت متزوجه من ولدخالتها الكويتي لكن صار عليه حادث ومات في طريقه من السعوديه الى الكويت
بعدين عاشت عند اخوها برضى اخوان زوجها
عندها
ناصر:24يشتغل مع خاله بالشركه بعد مادرس بجامعة االكويت
ريميه:18تدرس ادبي ثالث ثانوي( ريما ناااااعمه مرررره بعيونها الصغيره نوعا ما وانفها الدقيق وشفايفها الصغار الي يميزها شعرها لونه غجري يغطي ظهرها كله وناعم مره مشالله نحيفه وبيضا ومهيب طويله ولاقصيره مربوعه تجننننننن)
طبعن في بيت الجد عبدالرحمن
هوكبير مره البيت عايشين فيه مشعل والعمه فهده واخت الجد البندري
اكيد راح تستغربون ووتقولن ليه عيال العمه ماخذهم ابوهم هذا لان ابوهم الى الان يحب امهم ومايرد لها طلب عشان كذا خلاهم يعشون عندها
وهو طلق المصريه وتزوج

وبكذا عرفناكم على عوايل الجدعبدالرحمن
.......................
ياجعلني من بعد فرقــــــــــــــــــاك للموت اقرب
البارت الاول
دلال:الوسمر وجع ان شالله سنه على ماتردين ليكون اميره واحنا ماندري
سمر:أي اميره وجعه داقه علي في بيتي وتسبيني
دلال:اها بس تلايطي وجيبي وياك كل كتبك باشر في المزرعه تدرين احنا نسبه هالسنه الله يغربل العدو
سمر:احلا يالدفره ما اقدر
دلال وجع
سمر:انطمينا خلاص . الا ما قلتي جهزتي المؤونه للرحله>>>>>يعني شيبسات وهالعفسه
دلال:ياربييييييييييييي نسيت يالله سي يو
سمر:سي ييو
الادلال تنط:اقول وشووله عصله مشتطه تو داقه علي وتقول بتلبس ومدري ايش
سمر:ماتدرين اليوم نايف وثامر جايين من كندا عندهم اجازه
دلال:ايه اهم يعطلون واحنا ياحياتي نكرف بالدراسه
سمر:حرام عليك والله هم سنه كامله برا خليهم يجون يساتنسون حاسدين الفقير على موتة الجمعه
دلال:اها بس لايكثريالله بروح يدوب اقول لفهيد النذل يشتري لنايالله باي
سمر ودلال وهم يضحكون عليها :بااااااااي
الجزء الثاني
في المزرعه كانت مررره واسعه وجنااااان في اخر شي منها زي الزراعه وحديقه
البنات والعيال مجتمعين العيال كل واحد راكب خيله اما البنات كانو قاعدين على كراسي وصايرين كنهم طقاقات بيطقون في عرس يعني شكلهم من جد تحوفه ويضحك طبعن البنات لابسين جلالات ومتغطين عن عيال عمهم
دلال وسمر واثير وريميه حوسه ويأشرون
وساره وندوش يسولفون وعصله طايحه قز بنايف
فهد ونواف مترززين عند البنات
فهد لابس ثوب كويتي وشماغ وطالع كشخه ماكنه في مزرعه اما نواف لابس تيشرت كت اسود وبرمودا رمادي زايده حلا فوق حلاه
فهد قبل مايمر على البنات قال:السلام عليكم وهويهز السبحه في يده وقال تراني ابا امر والي ماتتغطى بشوفها هع هع هع
عصله :تعال ما غريب الا الشيطان الله يهداك بس>>>ماتتغطى من احد لانها عربجيه ومسويه تمون على الشباب وجدها راضي لها
الا تصفعها اثير:واحنا مو مالين عينك يعني وترفع صوتها ما بعد تغطينا صبر
الا يوم سمع فهد صوت اثير خق واشوي ويطيح وقال:يالبيييييييه
نواف يطالعه بنص عين صير ثقل الله يحوم كبدي يومني جيت عندكم هع هع
ومر عليهم وتهاوش مع عصله وتتطاق مع دلال
نواف:ياربيه كل هذولا معجبات اشوي اشوي علي لاغتر والله ادري اني مملوح ومزيون ويت بس اجيب القلم للتوقيع
ساره لندى بصوت واطي من زينه عاد
نواف باستهزاء:يالللللللللله اسمع صوت نشاز صوت فوق احبالي السمعيه هاذي اكيد سوير مغيرها
ساره وتصرخ:سوير في عينيك ندووش صديقتي الصدوقه دافعي عني
فهد: ندى عقلي ذي سوير تاخذ حقها وزياده
نواف بصرخه :خلاص وربي بديت اكره نفسي لاني مزيون ويسوي نفسه بيصيح اهئ اهئ اهئ
دلال:يعني شلون مناشر ها
سمر :أي والله وين مانروح لاحقينا ماتخلون الواحد يرتاح في رياض الله الواسعه
فهد:اقول انطمي انتي وياها دامكم ناوين على 100قوموا طسوا دخلوا
ساره :اصلن انا تشيمت وبقوم وادخل داخل
البنات:أي والله اخذينا وياك
نواف:اوووووووووووه فهيد الحق كنه ذا عبد المحسن والي معه حمود يتسابقون بالخيول البنات باصوات مختلفه أي والله ويقولونها بصراخ
فهدالتفت عليهم:سلامات انتي وياها وين حنا قاعدين فيه وعطاهم ذيك النظره وهو في داخله بيموت من الضحكه ويلتفت على نواف ويصرخ وجعوه انا ولد عمك الكبير احترمني مولد اكبر منك بشهرين
حمود ذا ولد خال عبد المحسن
عمره 26 يشتغل بالاتصالات
عند حمود اختين الريم والعنود توام 17يدرسون مع عصله في 2ثانوي بادبي ملقوفين شوي بس حبوبين
نرجع للقصه
كان حمود راكب خيل بني وكان لف الشماغ عليه بشكل رهيب يجنن ولابس نظارته الشمسيه وطالع من جد خطير وعبد المحسن كان متلثم وراكب خيل اسود
دلال بهمس: الله محسن طالع خوققاااااان اولله وشذا التحطيم يالدبه ما مره قلتيلي انا عندك ولد خال يجنن وعذاب وفيه كل هالزين اثار عيال خالي حلوين
سمر: خيييييير عيال خالك على كيفك هو
دلال الا اتوقع يصلح
سمر:انطقي لاتتغزلين فيه كثير اصلن انا من زمان ماشفته بعدين انتي خلاص اخذي محسن وانا اخذ حمودوفكينا
دلال تحطمت:انطقي الا اقول غريبه ماجت عصله تطير عشان تقول وش ملحه
الا عصله طيييييييييييران:ها شفتو الي انا شفته وشذا الصاروخ
ساره لندى:ياربيه مع هالمراهقات طايحين لنا تغزل بخلق الله
ندى: خليك منهم والتفت لعصله الا مو جايين العنود والريم
عصله وهي مفهيه:يوووووه نسيت الا بيجون
سمر: الا هم دقو علي اليوم وقالوا بيجون
ساره:هذاهم جاو
البنات :كلهم ارحبو والله
فهد لنواف:متاكدقاعدين مع بنات مو عرابجه
المهم مشينا على بالنا انكم بنات سنعات قلنا هالحين مضبطات دلة القهوه معها الحلا بس ما اقول الامالت ثم مالت
البنات:عليك
نواف:يالله ياعم سرينا لانموت هينا
عند العيال
مشعل وهو مقبل على عبدالمحسن وحمود:يافضخ قلبي فضخاه داخل لاسلم ولاكلام مدرعم على طول عند الخيول طيب سلم
حمودوهوينزل:ههههههههه مالي خلقك احسك مو ستايلي
محسن:ههههههههههههههههه
راح احمود لجهة الشياب السلام عليكم ياراس المال
الشياب وعليكم السلام
ابوعبدالرحمن هلاارحب وين ابوك يالاجودي
حمود:بيمرنا باليل عنده كمن شغيله مع مريته الثانيه
الجد:تقولها صادق
حمود:ههههههههه اشوف الجد استانس
الجد:هههههه الله يقطع شرك وراك مارحت مع العيال تراهم بالخيمه الثانيه
حمود:لاياجدي ودي بجلستكم تراها تنشرى
الكل :من طيب اصلك والله انك رجال
عند الحريم
.....: اقولك اتركيها والله باكلها باكلها
نواف:ياعمه خلاص عطيها اياه
فهده:والله ماياخذها انا تعبانتن طول النص ساعه وانا اسويها>>>>عمتهم داجه وفله
فهد:هذا وانا على اسمك وماتحبيني
فهده وتقط عليه صينيه الحلا:اخذها ياجعلها زقووووم
نواف:هههههههههههههههههه
فهدوهومبرطم :خلاص خوذيها مابيها
فهده: اخر حبه للي تحبه خلاص ياعم ازلطها ياجعلها تحدر
فهد:يطالع نواف يبي يقهره
نواف:عمه وانا ماتعطيني كل انتي ماتحبيني ويصرخ يمه شفتي عمه ماتعطيني من حلاها الي مسويته وصارلها تخيلي انتي نص ساعه
امه التفت تحسب عنده سالفه الاوتصفعه بصينيه كانت يمها
وتجيه على راسه ويقوم يفز من مكانه يقول عادي عادي مافيش اصااااااابات
الكل :هههههههههههه
فهد :وكككككككككككككككك وككككككككككك وككككككككككككك لقط فيس مال انت بسرعه وكككككككك
نواف :كل هوا زين وقام بيطلع
امه :على وين ان شالله
فهد من بعيد جالس درب السد مايرد
ام نواف اسم الله على ولدي
فهد:هاو خاله توك صافعته مايمدنا على تقلاباتك المزاجيه
نواف:بروح ازحر لي ماي من المبطخ
فهد:جيبلي واحد زقوم هااااا
نواف وهوماشي:افكر ويصير خير انشالله انت بس قدم طلب
فهده تاكد اذا مافي احد بالمطبخ
فهد لاتونا كنا بره كلهم هناك
نواف دخل المطبخ وهوساكت
الاشاف سمروهو عرفها كانت معطيته ظهرها
وتحوس بالثلاجه وتحلطم ياربي شذا الفقر مافيه ولاشي حشا افاااات هذا واحنا تونا العصر
.....:طيب شريلتي لك وانتي جايه
سمر:شريت بعدين انتبهت ان واحد يكلمها التفت عليه قالت هااااااااااااااااااااااااااااااااه
نواف:ياشرلها اهلين
سمر:هااااااااااه
نواف ويلف عنها:وجعاه ياالله تغطي بشرب لي ماي
سمر وجهها طاح بالارض وطلعت وهي تركض
وهو قام يضحك سبحان الله ماتغيرتي من يومك صغيره حلوه بس اشوي كبرتي هع هع هع
غلا: واقفه على الباب من هو هذي؟
نواف:هلاومسهلا ام هلال
غلاعصبت: بعدين وياك ايش هاذي ام هلال والله اعلم جدي
نواف :وهذا راسك يالغاليه حبيته تامريني بشي
غلاايه من هذي الي تكلم عنها
نواف بخاطره هذا وانتي صغيره شلون لاكبرتي:انتي ايه اقول مشالله عليك من يومك بالمهد ولاتغيرتي بس كبرتي
غلا :اها مشالله قلتلي
نواف :يالله طسي عاد عطيتك وجه بعدين وين كيسانكم
غلا: شفهم يمال العمي وتاشرله
نواف :الي يعميك ان شالله طسي طسك الله
سمر وهي تركض جهة البنات طايح وجهها
وتقول: والله انه مايستحي على وجهه مفروض هو الي يطلع موب انا الي اطلع ولايقول تغطي
جعلك استغفرالله ياربي وتجلس يم دلال
دلال: شفيك وجعاه
سمر: مافيني شي
دلال: وجع شذاالخطه لي سنه افك هالرموز عليك خط موب صاحي
سمر: لحووووووول يا عصر البعارين
ريميه: بنات تدرون الهنوف خلصت
كل البنات: قولي قسم
ريميه :وقسم القسمات
دلال: ياليتنا كويتيات هب عليهم خلصوا قبلنا وحنا مابدينا
ريميه :اوووف سكتي امس عندها انواع الفزعات كانت تبي تكلمكم بس انتوا مويمي وتراها تسلم عليكم
ساره: الحمدلله احنااسبوع ونخلص ههههااااااااي
ندى أي والله ههههههااااااااااااي
عصله: طيب المطلوب؟؟؟؟ الاتعالي ناصر متي بيجي
ريميه: مدري بس امس دق على امي وقالها انه بيجي هو مع عيال عمي
دلال :احلــــــــــــــــــــــــــــــــــــــــى وبيجي معهم حامد وتغمزلريميه
ريميه حمرت خدودها >>>هذاحامد ولدعمها محيره له من سنتين
والله ان جا حياه ربي
وسمر في داخلها تحلطم ومتفشله وتقول ياربي وش بيقول عني غير اني ماستحي على وجهي

في الليل حوالي الساعه9كانوا الامهات يحاولون في البنات يشووون واخيرا وافقوااما العيال عندهم انواع اللعب والحماس والتعليقات
والشياب كلهم مجتمعين ويتكلمون عن شركتهم وعن الاسهم
على الساعه 11تعشوا وخلصوا
البنات راحوا غرفة باخر المزرعه عشان بيسون حفلة استقبال الامتحانات>>>>تراهم داجين بس شطار>>>مدري شلون تجي
تطلبوني شي مني وش تبون بس انتم مالكم فيني شغل ايه احبه انا وحبي له جنون والي يمنعني ترى ماله امل
عصله وهي ترقص: كني زهقت من ذا الغنيه
ريميه: اقول بس ورا ورا
دلال :وتقوم تطفيه بس بنات ودي باغنيه هاديه
يالله طسوا اماكنكم بليز
اناصاحي لهم وعيني عنهم مش غافله دارس طبعهم وفاهم قصدهم وتجاهله واغض الطار عن العذال بالعالي ماقربتهم الاالهدف ثاني
وحققت بقربي منهم انا صاحي لهم
ساره :وجعوه حشا غلقتني
ندى وهي تدوربالاشرطه: ياحليل زفة شوق
اثير :تنصبييييين اشوفه أي والله
ريميه: ياحياتي والله شوق حسافه ماجات اليوم وقسم فقدناها
دلال:تقول تعبانه
الكل :الله يسهل عليها
اثير: وخري خليني اشغله
ساره:يالله شغلوه وانا بروح بجيب الاب تعالي معي ندى
وعصله والريم: وحنا بنجيب شي نزحره
ظلوا بالغرفه العنود وريميه واثير ودلال وسمر
سمر: بنات وين ثياب النشن خلوني نرقص خماري في خاطري ارقص
اثير: أي والله نبي نبي
دلال: مدري والله وينهم فيهم خلاص بالشيلات بلاتفلسلف رجاءن يعني سمر
العنود: أي والله بلاتفلسف بالشيلات ويخب
عند العيال
مشعل:ياعم وين بدري عليك
نايف :معليش بس دوبي واصل اليوم وبروح اريح
محسن:اجلس بس
مشعل:اقول اجلس يارجال
نايف:طيب على الاقل انا جيتكم احسن من ثامر سيدا على بيتهم
نواف:لا لا اخوي رجاءن لاتغلط على ماي برذر خله يروح يريح تعيبين
نايف وهوقايم :يالله سلموا على الشياب والعجيزات احتمال ماجي بكره
مقبل:يوصل انشالله يالله ورنا عرض اكتافك خلنا نلعب
نايف: العب وانا جالسن على قلبك
مشعل :مشالله صحيح اخوان متحابين ومتفاهمين
فهد: ايه والله هذولا اصلن مساخر
ويلتفت عليه مشعل: الافهيد خلصت اختباراتك انت وراك نازل
فهد: باقيلي ثلاث مواد بس نازل اشم الهواء هواء الرياض يخنق
مشعل: صادق ياوليد اخيتي مجرب العيشه هناك تضيق الخلق
نواف: صراحه يبليكم تصويرعلى المشهد الرائع والذكريات القديمه
حمود:طيب هنا حر والخيمه محتلينها الشياب وراقدين فيها والخيمه الثانيه محتلها بو الشباب طلال
والمجلس مخترب المكيف وين اروح فيه
محسن: اجلس هنا وانطم لمن نخلص وبعدين كلنا نقوم
حمود:لاياعم هنا حر
محسن: طيب ويقوم ياشرله شف هذايك الغرفه رح لها وانا شوي وبجيك بكسر راس الاخ
حمود: طيب لاتطول
ووصل حمود للغرفه الي فيها
العنود اخته وريميه ودلال وسمرواثير
.................................................. ...................

وش راح يصيرهل حمود بيفتح الغرفه عليهم وبيشوفهم؟؟
ومن راح يكونون ابطالنا
لاتحرموني ردودكم
ارق تحياتي
راعيه الددسن

VEN!CE يـآرب مآلـي ســـوآكـﮯ

؛/’


راعية الددسن
بدايه رائعه عزيزتي
موفقه ان شاء الله



؛’

ديمة25 ©؛°¨غرامي جديد¨°؛©

تكفين حاولي تكثرين الاجزاء اللي تحطينها

الله يوفقك قلبي

مجروحـة الخاطـر ©؛°¨غرامي جديد¨°؛©

راعية الددسن
بدايه حلوه
تسلمين على القصه
الرائعه
ربي يعطيج العافيه
وبانتظار التكمله

الزعيـ A.8K ـمه δЯέαмş
مستشــ¸.·* غرام *·.¸ـــاري

*

بسم الله

يعطيك العــافية
موفقــه إن شـــاء الله

،

للجميــع
http://forums.graaam.com/96290.html


*

تحياتى لهادم حياتى ©؛°¨غرامي مشارك¨°؛©

مشكوره اختى والله قصه حلووه يعطيك العافيه
والى الامام انشاءلله
تحياتي بنت شمال

راعية الددسن ©؛°¨غرامي جديد¨°؛©

صباح الورد والجوري والكادي والياسمين
مشكووورين على الردود الروعه وهذا الفصل الثاني بين يديكم


الفصل الثــــــــــــــــاني

دخل ولاحس على صوت الاستريو مع انه كان عالي بس توقع انه صوت تلفزيون
كانت وحده قباله مغمض عيونها والشيله على وجههاو وراها اربع بنات بنفس الحركه يرقصون وبنفس الدز
ووصل الشريط للجزء الي يقول
لا اله الا الله لا اله وكلووووووووويش
ويطامرون البنات ويناقزون
وتنقز دلال في وجه حمودوتفتح عيونها وتجلس تطالعه وصرخت
البنات التفتوا وقاموا يصرخون وانحاشوا حتى العنودالي اهي اخته
دلال تسمرت بمكانها موب قادره تمشي اول مره تتعرض لمثل هالموقف وهو الاخ الثاني مبلم ويطالع ولاهوب حاس على روحه كانت دلال اجمل ماشافته عيونه بعيونها الواسعه العسليه وشعرها الي كان مفتوح وخصلات منه مغطيه وجهها وتجي
ساره وماسكه الاب توب: يوووووووه ياحسره وتطلع من الغرفه
ندى في يدها شيبس في صحن طيحته
وصرخت :دلالوه وجعة خالي
دلال للحظه استبوعت مع صراخ البنات شالسالفه غمضت عيونهاوفتحتهاو اطلقت العنان لرجولها وركضت باقصى ماعندها
ظل حمود يطالع بالمكان الي تركوه البنات شيبس طايح ومخدات وبطانيات وجولات وشاحن لاب توب وكتب مفتوحه ومرميه بكل جهه
فجأه قام يضحك من قلب على هالبنت الي نقزت قدامه هذهي دلال اجل اخت فهدسرح للحظه وهو يتمتم سبحان من خلقك...تدارك الموضوع وطلع قبل لايجي محسن ويلسبه,وطلع ووقف يم الباب

عند دلال حاله من المناااااحه والبنات متجمعين معها
لااااااااااااااااع واااااااااااااااااااااااااااع واااااااااااع>تصيح يعني
العنود: خلااااااااص ماله داعي شافك وانتهينا
دلال :لاااااااااااااع واخوك ليه يوقف كذا هاااااااا
سمر: هههههههها اهم شي يوم التفت اشوفه يطالع وبتركيزيقززز شكله عجبتيه وبقوووه بعد ههههه
ريميه: ايييييييييه حسيتي
اثير :اشوف خلوني اتذكر كنه والله هههههههه ياحيليك يادليل الدور والباقي علينا
البنات: امين
دلال لااااااااااااااع مابي مابي.>>>>في خاطرها لومحسن شايفيها كان معليش لانها تموت فيه بس ذا ماتعرفه بس ماتنكر انه كان قمه في الوسامه طوله الفاارغ وعرض كتوفه عيونه الي كانت واسعه برموشها الكثيفه خشمه سليل وشفايفه تموت والله اني مااستحي على وجهي امداني فصلت الرجال تفصيل لو اقول للبنات الحين وش بيقولون عني اوووف
ساره: خلاص خلاص بروح اتاكد طلع ولابعد
العنود وهي متخصره: ياااااااسلام بنات العايله كلهم بيطلعون
ساره: انثبري بس
..................................
حمود وهواقف يم الباب
ومحسن مقبل عليه: خير وش فيك مادخلت
حمود:مدري بس اسمع صوت استريو الظاهر البنات موجودين
محسن: لااااادامهم موجودين احلم تدخل
حمود وهو سرحان
محسن وياشر قدام وجهه: هوووووووووه معي يابو الشباب اوووووه
حمود :معك معك فقعت اذاني جعلني اعرس
محسن: هههههه وش دخل العرس
حمود :فكنا مشينا للشله الفاسده الظاهر اني بنام متاخر
محسن:الا قول السهره صباحي دامك معهم
حمود:الله يصبرني يالله خلنا نروح
محسن:يالله
...........................................

مر اسبوعين على هالأحداث
وجات ايام الاختبارات
كان الكل شاد حيله وحريص انه يجيب معدل خصوصا بنات ثالث مرت الايام عليهم كئيبه وبطيئه يوم يطلعون فرحانين ويوم بصياحهم وعلى هالحال ولاتخلو من محاولا ت عصله في الغش وغيرحالات التدعي على الابلات في الاختبارات الصعبه,,,
في قاعات الاختبار الانجليزي الاسبوع الثاني يوم الاحد
نوره صديقه عصله جالسه قدام وعصله وراها
عصله: نوير يالتبن
نوره ترجع راسها لورى: خير شتبين
عصله :كتبي البرقراف بسرعه التعبير بسرعه على الطاوله
نوره: والله لوتموتين صاحيه انتي وش طوله وش اكتبه
عصله: كتبيه لا اصفقك ياتبن
نوره :طيب يابقره بكتبه سكتي
وجلست نوره تكتب كل جمله ولمن تنقلها عصله تمسحها وتكتب الي بعدها خخخخ والله انهم فله
...............
الثلاثاء خلصوا ثاني ثانوي نوره والعنود والريم
يوم الاربعاء الساعه 8:35صباحا
سمر:واااااااااااااااااااااااااااااااااااا واخيرا افتكينا
دلال وهي تضم سمر :ياربي ماطرى نخلص من هالهم شوي ولا مقبلين عليهم اثير وريميه بصراخهم
وااااااااااااااااااااااااااو
اثير :مااصدق خلصنا اخيرا خلصنا من هالهم
ريميه :طلعنا من الشر بنات
دلال وسمر واثير: الشر مايجينا
دلال: بنات يالله سرينا ودي اصيع اليوم
اثير: أي والله قوموا أي مكاان
ريميه: اخاف ناصريذبحني
سمر: اوووه مع ذا الناصربالعكس والله حليو احسه
ريميه: اهو حليو بس انه سالفه الطلعه والدخله يدقق فيها
دلال: معليش حنا سواقنا جديد امشي يعني موب مثل كوماروه التبن مراح يعلم
ريميه: طيب يالله قوموا
البنات طلعوا من المدرسه وركبوا السياره بعد ماودعوا صديقاتهم وسط الدموع والعناااق وكل وحده توعد الثانيه انها ماتقطعها وتظل على اتصال فيها
دلال: شاقيوه شوف هذا بحر سي كورنيش بيش
اثير :يرحم امك سكتي شوف روح سيدا سيدا واخذيمين
البنات" تالي يمين
شاقي: بس هذا يصقع مافي طريق
ريميه:ههههههههههه صدق
سمر:امش يابورمش
ريميه: فجأأأأأأأأأأأه
سمر :مشتهيه اقولها هع هع
دلال :لاتجلسين تععهعين يكفي فهيد ونوافوه
مشى شاقي في طريقه وكانت وراهم سيارة شباب يلحقونهم
دلال: سكتوا شبك الخط ياهلاوغلاومسهلاومرحبا بالي معطلين من سنة جدي

......:الووو
ريميه بعد ماحطته على السبيكر: هااااااي بنت عمو
البنات :هلااااا هنووووووووووووووف
الهنووووووف وتصرخ: علوووووووووو هلاااااااافيـــــــــــــــــــكم واااااااااااااااو اشلونكم شخباركم يالحمير مشتاقه لكم خيرات الله هاخلصتوا اختباراتكم طلعتوا من الشريالله يالله متى بتجونا
سمر:اعصابتك شذالصراخ وقسم بالله اني متشاقتلك يالخايسه
دلال:هنيفااااااا وقسم اني احبك
الهنوف:يابنات خلاص والله بصيح
ريميه:بنت عمواخبارك يالشينه
اثير:لالالالالاهنيفا انتي لازم تجين يالله عاد
الهنوف:والله مدري تعرفون امي تعبانه هالايام مرتفع ضغطها وخصوصا بعد مارسب فراسوه بس يالله عاد انتي تعالوا يالزفوت
دلال:ياربي والله ماندري بس شوفي جدي هوقال بعدماتخلصون الاختبارات نروح اسبوع الكويت
الهنوف:كلووووووووويش خلاص دام السالفه فيها عمي عبدالرحمن لابتجون اكيد انشالله
دلال:طيب الهنوف دحينا حنا وصلنا نكلمك بعدين
الهنوف:ورا ياحافظ قلبتي حجازي وين وصلتواالله ليتني معكم
اثير:هههههههههه ان شالله منتي مطوله عندنا نهاية الاجازه
الهنوف:اميييييييين>>>فهمت قصدها لان الهنوف محيره لناصرولدعمها
ريميه:مالت استحي حسسيني اني فخمه واني حماتك
الهنوف:والي يرحم امك عااااد هذااناحماتك حسسيني اني فخمه بعد
دلال وهي تصارخ: خلاص يالله نكلمك بعدين
الهنوف: طيب لاتنسون سلمواعلى عصله والتوينز
سمر:يوصل يوصل يالله في امان الله
وسكروا البنات منها وراحوا مجمع مارينا مول الي قبال الكورنيش شروا لهم من دنكن دونتز وشروا ايسكريم وطلعوا
وهم بالطريق طلت سمر من النافذه لقت نفس السياره تلحقهم وقفوا يم الاشاره
سمر:ذولامن طلعنا من المدرسه وهم ورانا
ريميه:ياويل حالي والله نويصربيذبحني لو درا
سمر:مالت هذا انتواالكويتين
اثير:ياربي معهم ويأشرون بعد
دلال:هع هع هع هع خطرت ببالي فكره تذكرون حلقة رقيه وسبيكه الحلقه الاولى
البنات :لامانذكرها
دلال:ياربي اجل شوفوني وسوامثلي وتقرب من النافذه وتدق حوله في عيونها موب صاحيه
الشباب :اول ماشوفها ماتوا ضحك وحركوا بالسياره
سمر:يااااااااخطيره هههههههههههه
وصلت دلال البنات في بيوتهم ورجعت بيتها

...................................
في بيت الجد
فهده:نويصر ياجعلك للضربه قم
ناصر وهونايم في الصاله:استغفرالله ياربي ياربي خييير وش فيك من مات من انتحر من ولع في نفسه بغاز
فهده:ايا التسلب وشذا الفال الشين قم رح معي السوق
ناصرويطالع في الساعه ويدق حوله:عشرعشر يامفتريه ياظالمه حد يروح سوق هالوقت ويلف عنها اقول بس خلي مشيعل يوديك
فهده:ايه قم عشان مافي زحمه يمال الضربه قم ومشعل في الشركه مهوب مثلك اكل وصنعه وقله مدري وشو
ناصروهوقايم يصرخ:يمه يمه يمه شوفي ذي بنت اخوك حومت كبدي تحسبني اشتغل عندها ولف عليها الاوين طلالوه خليه يوديك
فهده:ويه طلال خنت حيلي تعبان نايم امس سهران
ناصر:لالاحراام سهران على سوني مدري اروح اكسره
فهده:اخلص علي يالله ثواني واستناك ان ماخلصت بمشي
ناصر:والله فيني النوم ياعمه شوفي عيوني وهو يفتحهم بيدينه هاها شوفيهم والله امس سليطين ماخلاني انام
فهده: الاصدق ذكرتني وشفيك منت بنايم عنده في المجلس
ناصر: خبل انا انتي ماسمعتي شخيره والله ياعمه تقولين عنزبتولد
فهده:هههههههههههههههههه خلاص لاجايوم سجله لي بالجوال
ناصر ههههههههههههههههههههههههههه وقسم انك خطيره خلاص ابشري يالله بقوم عشردقايق بالكثير
ناصرقام بيروح غرفته يبدل توه بيرقى على الدرج الاريميه فاتحه باب المدخل توها تجي
ريميه:السلام عليكم
الكل :وعليكم السلام
فهده وهي تلم ريميه: طلعتي من الشر حبيبتي عقبال مانفرح بشهادتك
ريميه:الشرمايجيك ياعمه الله يسمع منك ومايضيع علي تعب يارب
ناصروهويطالع بالي شاريته:ياسلام هالحين اختباراكم الي اليوم اختبار حوسه في المطاعم
ريميه:ها وشدراك كنك معنا بالاختبارياشيخ
ناصر: تلايطي بس وكمل مشيته وماهوشها لان امه قايلتله ان ريميه بتتأخرلأنهااخر يوم وبتفرفش مع البنات ويمكن تفطر بره البيت
ناصر وهوراقي فوق فكر يتسبب مع حدمن البنات عصله وندى لانهم في حسبت خواته مايتغطون منه لانه رابي معهم وهم مايعاملونه الاكأخ لهم وعزوه..
دق الباب على عصله وسوا عرس على الباب بنغمات مختلفه
عصله:جعل كسرفي يدك يالكلب الحمار الي يدق الباب كسرن ماينتجبر وبعدها يروح للمستشفى وما..
ناصر فتح الباب:طيب خلاص انطمي يمكن امك داقه الباب وجعوه آسفين ماتم دعوه بالعالم مادعيتيها
عصله:عشان تتأدب وماتدق الباب خلاص خلني نايمه مانمت إلامتاخر وبعدين أمي ماتدق الباب كذا وبعدين انت شتبي مني
ناصر: ولاشي ويسكر الباب
طلع ناصرمع عمته فهده وظلت عصله تتقلب في الفراش طار النوم عنها وريميه اول ماجت نامت علطول وكل البيت نايم
عصله :الله ياخذالشيطان طيرت نومتي يالدب قامت وتروشت ولبست لها ترنك وردي عليه رسمه كبيره بالصدر صوره دب بالابيض خلت شعرها مبلول ولبست لها نظارتهاالورديه وطلعت الحديقه تكلم صديقتها بالجوال
من جهه ثانيه سلطان صحى من النوم غسل وجهه ونزل تحت شاف الكل نايم فكر يطلع بره يشم هوا طلع برى للحديقه شاف بنت تتمشى وتكلم جوال ارتاع ماتوقع انه بيكون حد بالحديقه من البنات توه بيدخل الاهي قامت تأشرله بيده بمعنى تعال
هو شافها تأشرله علطول راح لها بنت تأشرله ولايروح خبل هو
سلطان :اهلااهلا
عصله تطالعه من فوق لتحت:هلاانت سلطانوه انا عصله بنت عمة ناصر
سطان:بالله غريبه اجل حتى انا تقربيلي
عصله:لايابقره أنا بنت فهده
سلطان في خاطره بعذرالخبال والدجه:إيييييه بس عرفتك وشلونك وشلون فهده عساكم طيبين
عصله: زينين مانشكي باس الامتى ناوين الروحه للكويت
سلطان مستغرب وشلون ذي جالسه معي كذا بلاعبايه ولاشيله ولاشي وجالسه يطالعها وهورافع حاجبه
عصله وكنها حست بالي يفكر: تراي كذا مع كل العيال انا اختهم الصغيره وبماأنك احد افراد العيله بس كويتي فعادي ها؟؟
سلطان:ههههههههه ياسبحان الله كنك تدرين وش أفكر فيه مدري بس راجع معكم لأنكم بتروحون الكويت على الاسبوع الجاي
عصله: اهااااااااااا خيران شالله
سطان:يالله استاذن انا اجل
عصله:اذنك معاك
سلطان ويلمس اذانه:اكيد معي هههههههههاااااااااي
عصله:استغفرالله<<<ماعجبتها النكته
رجع سلطان لغرفته وانسدح على فراشه وهو يقول: والله حلوووووووه
.................................................. ...
في بيت العم ابوعبدالمحسن(متعب)
وقت المغرب
عندالمدخل ام عبدالمحسن توها جايه وعباتها على راسها فسخت العبايه العاديه جدا لانها ماتحب الزينه في العبايات وعلقتها وجلست بالصاله
وقمت تفرفر بالتلفزيون...شوي الاتسمع حس عبدالمحسن وهونازل بالدرج ويغني بتلوموني ليه تيلللن بتلوموني لييييييه تييلن
امه:محيسن تعال
عبدالمحسن وهومقبل على امه: بتلووووموني ليييييييييييييه ويصارخ
امه:من زين صوتك اها اجلس عندي لك سالفه
محسن يحب راسها:امريني يالغلاوش بغيتي
امه:اقولك توي كنت عند جيراننا الجديدين وعندهم بنت يالله من فضلك ادب وجمال وثقافه وتحضر ا الماجستيرالحين
محسن:طيب وشفيها؟
امه:ودي اخطبها لك ياوليدي شرايك؟؟
محسن:صدق يمه اخيرا بتزوج
امه والفرح واضح على وجهها: يعني اقول للأبوك
محسن: ايه قولي له ياميمتي مايبيلها كلام
امه:هذي الساعه المباركه ياولدي سوووووووويره وسمممممممييره
البنات وهم يركضون على الدرج: خير يمه وشفيك
امهم: تعالوا يمه تعالوا
محسن:تعالوا ياخواتي اخوكم بيعرس وبيلبس بشت
ساره بفرحه:والله منهي؟
سمر:ويا حسرة قلبي وتصفق على صدرها
ساره:شفيك خلينانفرح
سمر:ووتلفت عليها بسرعه وتكزهابيدها وبالموت فهمت
محسن لاحظ الامر بس سكت
ساره تداركت الوضع: واكيد من العيله طبعا
محسن: ومنهي الهبله الي منكم باخذها لاأمي بتخطب لي وحده جمال واخلاق وازيدك من الشعر بيت تحضر الماجستيربعد
سمر:لالالايمه تدرين جدي مهوب راضي انك تخطبين له بنت غير بنات العيله
الام:لاتخافين هم من نسايبنا يعني في صلة قرابا
ساره وتهمس لسمر:ياربي ودلال لادرت شبيصيرفيها
سمر:انتي انطمي ولاتقولين لأحد لامن شاف ولامن دري الله يستـــــــــــــــــــر
........................................
يوم الخميس في بيت الجد عبدالرحمن
متعب:هايابوي وش رايك
الجد:والله ونعم خلاص خلو االسالفه سكيتي لاتقول لاحد من اخوانك وهم متى قالوا بيردون لكم خبر
متعب:قالوا على السبت ان شالله
الجد:خيران شالله اجل السالفه تصير رسميه بعدالكويت
متعب:على بركة الله
................
في بيت الجد في نفس اليوم
ساره:ندى انتي صاحيه انتي العاقل تسوين كذاانتي الهاديه الي يكل يقتدي فيك يطلع منك كل هذا
ندى وهي تصيح:شدراني كنت غبيه
ساره: احنا نلعب نستهبل بس مستحيل توصل فينا الحقاره لكذا
ندى وهي تصيح وبقوه
ساره :طيب خلاص اسكتي وحاولت فيها وباليالله سكتت بعد ربع ساعه
راحت ساره وسكرت الباب وبعدها لفت عليهاو قالت: بالعقل يعني انتي راح تاخذين واحد من الشات ولامطلق وعنده ولد واكبر منك بعشرين سنه يعني بس تتزوجينه ويدخل الاربعين يعني عمري ماتوقعتك كذا وتكلمينه جوال خافي ربك وقسم بالله انا احس اني بنشل انا صديقة عمري يصيرفيها كذا ولاماتقولي طيب بالله عليك وشلون طاوعك قلبك تكلمينه ماتدرين انك خاينة ربك وخاينة ثقة امك وخاينة زوجك بالمستقبل
ندى ورجعت تصيح مره ثانيه وتشاهق وقفت وهي تمسح دموعها :هذا جزء من حياتي لي انا بروحي يعني تهئ تهئ انا الي اسوي الي ابيه وزوجي ماله داعي فيها
ساره:لاله داعي ماخفتي بعدين بناتك يسون لك كذا ياربي وتحط يدينها على راسها ياربي ضربتين على الراس توجع والله توجع
طيب قولي قطعتي علاقتك فيه ولالسى باقيه معه
ندى:هذاانا جيتك بقولك انا صارلي اسبوع ادق عليه ومايرد وادخل المسن ولا اشوفه احس جاتني حالة هستيريا ياساره تكفين شوفيلي حـــــــــل وترجع تصيح
ساره :ياربي سمعي خلاص من بكره تقيرين رقم جوالك
ندى: ماينفع انا قلتله اسمي كامل وهو بعد يعني احنا ماكذبنا على بعض
ساره:عسى الله ياخذك زين
.............................................
في الخيمه الي في بيت الجد
كانوا جالسين كل عيال العيله
مشعل ونايف ومقبل وعبدالرحمن وسطان وناصرو نواف وثامروفهد حتى طلال ولد فهده موجود وبعض من اصدقاءهم
الخيمه كانت برى في الحديقه كانت متكامله من كل شي فيه جميع انواع الوناسه الي يحتاجونا العيال
فهد:في خاطري ارقص
نواف :أي والله حتى انا ودي ارقص مشعل:استغفرالله ياربي ياربي ترقصون والعياذ بالله رقص رقص لالاماتوقعتها منكم لالاتصدموني اكثر لالا ويحط يدينه على وجهه
مقبل ونايف وسلطان وناصر وثامريلعبون ورق
وطلال وعبدالرحمن يلعبون سوني
وباقي الشباب يسولفون مع بعض
سطان وهو يلعب: مشيعل يرحم امك ياشلاخ ماكنك امس متمرقص قدام عيوني على سواها قلبي ياهو عليه زفن موب صاحي التسلب
مشعل ويقط علية المخده:انا افا انا ارقص لالا
عبدالرحمن وهو يصارخ:يالغشااااااااااااااااااش
طلال يضحك :هههااااي هههااااااي يالله يالله
زيد:شسالفه طلال وااااااااااال مصقعه 8 ويلتفت على عبدالرحمن8حرام عليك 8
نايف:الله يفشلك ياعبدالرحمن عمرك 32ويغلبك بوعشر سنين
عبدالرحمن: غشاااااااااااااااااااااااااش والله غشاااااااااش
الكل :هههههههههههههههه
.................................................. .......
يوم الجمعه في بيت العم سلطان
ترن ترن ترن
:الووو
مقبل:ياهلاومسهلا بيت سطان بن عبدالرحمن يرحب بكم
سمر وهي تبتسم:السلام عليكم
مقبل ويعدل جلسته:وعليكم السلام
سمر:ممكن اكلم اثير
مقبل:سمي
سمر:بغيت اثير
مقبل:اختي اثير
سمروهي طفشت:اتوقع اختك ايه شرايك يعني
مقبل:من انتي اول لانه تعرفين انا لازم اعرف من اختي تكلم ماخيلها تكلم أي حدحيالله
سمر:بنت عمك سمر
مقبل:اييييييه سمرشخبارك يابنت العم
سمر:زينه ممكن لو تكرمت تعطيني اثير
مقبل:طيب ثواني بالله اثيــــــــــــــــــــــــــــــــــــر ويصرخ بالسمااعه اثـيــــــــــــــــــــــــــــــــــــــــر
سمر:واااااااااااااااااااال شالصوت وتبعد السماعه
مقبل:اوووووووه اسف نسيت انك على السماعه
سمر:لاعادي بس انصمخت اذني
مقبل:كذابه
سمر:نعم؟
مقبل:هذاانتي تسمعيني شلون انصمختي طيب مسكي هذااثير
اثير:هاااااااااي
سمر:وجع اخوك شوي ويدقها سالفه معي
اثير:ههههههه ماعليك منه ها وش بغيتي
سمر:نسيت والله نساني اخوك ماعلينا اسولف وياك بعدين اتذكر
اثير:المهم قوليلي شخبارك مع العطله
سمر :تونا ماصارلنا يومين من عطلنا بس اهم شي افتكينا من هالهم المدرسه
اثير:وانتي صادقه والله
وجلست سمر تسولف مع اثير ثلث ساعه
وفجأه صرخت سمر
اثير:سمر وش فيك يالكلبه خرعتيني
سمر وعيونها مدمعه : امي يااثير
اثير:وش فيها خالتي ياسمر نطقي
سمر: خطبت لاخوي عبدالمحسن
اثير:وش هوووووووو؟؟؟؟؟
.................................................. .....
نهايــــــــــــه البارت الثاني
بانتظار ردودكم وتعليقاتكم
ارق تحياتي
راعيه الددسن

bilsan ©؛°¨غرامي ذهبي¨°؛©

يسلمو البارت روعه
بانتظار البارت الجديد

ديمة25 ©؛°¨غرامي جديد¨°؛©

حلوووووووووووووووووه صراحة
حددي اليوم اللى بتنزلين فيه الجزء اريحلك ولنا
مشكوووووووووووورة قلبي

راعية الددسن ©؛°¨غرامي جديد¨°؛©

يعطيكم الف عافيه
بحورالاسرار وديمه25
ان شالله ياقلبي راح انزل البارت الثالث يوم الاثنين
العفو ياقلبي واهم شي عجبتكم الروايه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1