غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 27-07-2008, 02:33 PM
دلع نونا دلع نونا غير متصل
©؛°¨غرامي جديد¨°؛©
 
الافتراضي كويتيات كشفوا الخفايا / بقلمي ، كاملة


سيداتى سداتى آنساتى وايضا عانيساتى

معكم اليوم د لع نونا الى راح تكتب لكم قصه واقعيه


واتمنى ان شاءلله يكون لهالقصه متابعه لانه فعلا فعلا تستحق المتابعه







تاريخ 4_10_1998




ردت اسيل من المدرسه لبيتهم كالعاده بالباص الخاص بالمدرسه

لكن هالمره كان الوضع عند بيتهم غريب شوي

كان الشارع كله سيارات وكان فيه شباب وايد عند بيتهم

استغربت وقالت يمكن بابا طلع من المستشفى ومسوين غدا له او يمكن اخوي مسوي عزيمه حق اصحابه

كان تفكيرها واااايد بسيط وبرئ لانها كانت بنوته صغيره توها فى لابتدائى



دشت البيت وحاسه بخوف كبير وكل الحوش كان شباب وصبيان و رجال كبار بسن


ونظرات والعيون كانت كلها موجه لى هالطفله البريئه الى كانت داشه البيت

كانت تمشى اول مره بحياتها تحس انها مضيعه طريق بيتهم وحست انه هالبيت موالبيت الى تربيت فيه


وبعد ما دخلت داخل شافت كثييييير من الحريم وبنات عمها الى اكبر منها بالسن موجودين وكل شى كان موجود بالبيت اسود بأسود


كانت تشوف بعيون كل الموجودات حزن دموع نظرات شفقه عليها التفت بعيونها على الكل ادور امها

وتقول بقلبها وين ماما موموجوده ليش الكل جذى يطالعنى



ولما وصلت لصاله الكبيره شافت امها قاعده وعيونها حمرا والدموع ماليه عيونها

ماعرفت سبب هالدموع ولا ليش ماماجذى حالتها وماراحت لها ولاقربت منها


وقفت خمس دقايق بس موجه نظرها حق امها ناطره منها أي اشاره او أي حركه تفسر لها كل لاستفهامات الى بعقلها وبقلبها


وظلت اطالع امها لما عرفت انها ماراح تاخذ لاحق ولاباطل صعدت فوق عشان تشوف خواتها



كان لها اختين وكلهم اكبر منها لميس اكبر وحده وبعدها سديم اخوها اكبر واحد فيهم محمد


ولما شافت اختها سديم سألتها شنو فيه برا ليش الكل عندنا اليوم

قالت لها سديم الى كان عمرها بذاك الوقت 14 قالت لها بابا مات



ماقدرت اسيل تمسك نفسها ماصرخت ما تكلمت مانطقت بأي حرف

واكتفت بأنها اقعدت وظلت تبكى وتنزل دموعها من دون توقف

ماكانت تعرف معنى الموت ولاكانت تعرف انه الموت ياخذ اغلى الناس على قلوبنا فجأه




مرت ايام العزا الثلاث وكانت اسيل شوي تبكى لما كانت تشوف امها تبكى او أي احد من خواتها

وكانت تلعب مع الصغار الى كانو يجوون مع اهاليهم العزا




خلص العزا ودشت امها بفتره الحداد


















مرت السنين بسرعه وكبرت اسيل ومع كل يوم تكبر وكل سنه يزيد فيها عمرها فهمت معنى الموت وعرفت انها فقدت سندها فى الدنيا وفقدت العمود الى يسندها لاطاحت







وداعا أبي لا لقاء إلى الحـــــشر
وإن كان في قلبي عليك لظى الجمر(1)
صبرت لأني لم أجد لي مخلصــــــــــــا
وما من حيلة لي سوى الصبر
تراءاك عيني في الفراش موشحـــــــا
على وجهك المحزون أوسمة الطهر
براءة عينيك استثارت مشاعــــــــري
وفاضت بأنهار من الدمع في شعري

تعاصرني ذكراك ياساكن القـــــــــبر
وتجتاح أعماقي وإن كنت في الأسر(2)


تمنيت حتى وقفة عند نعشــــــــــــــه
ترد إلى نفسي الذي ضاع من صبري
تمنيت ما نالت ألوف توجهـــــــــــــت
إلى ربها صلت عليك مع الظهر(3)
تمنيت كفا من تراب أحثـــــــــــــــــه
على قبرك الميمون طيب من قبر

كأنكم اخترتم زمان رحـــــــــــــيلكم
بعيد صلاة الليل والخير والصبر

غسلتم بصافي الدمع صافي قلوبكم
فشعشع فيها النور كالكوكب الدري

لقد انتهيت ياأبي من كدر هذه الدنيا ومن فتنها ،
وتركتني البس الحزن
البستك كفن القبر بديلا عن ثوب العيد
فاهنا اناديك تعالى الي حتى و لو بأحلامي
حفظ الله آباء العالم ففقد الأب الم ينزف الى الأبد
رحمك الله ياأبي وجعلى مثواك الجنه




















مرت اسيل بظروووووف كثيييير خلال الاشهر لاولى من وفاه ابوها

وكل هالظروف خلتها بنت قويه
صابره واثقه من نفسها
\

وتعلمت اشياء كثيره قبل ماتوصل لسن المناسب عشان تتعلمها






كبرت اسيل وصار عمرها 18 كانت بنهايه مرحله المراهقه المرحله الى اعتبرتها اسيل مرحله المغامرات الكبيره





من خلال صديقتها وخصوصن من صديقتها بشاير تعرفت اسيل على عالم النت


وشوي شوي تعلقت فيه وصار المكان الوحيد الى تعتبره الجنه بالنسبه لها بهذاك الوقت


كانت تعبر عن كل افكارها وعن احاسيسها الى كانت تستحى تقولها حق أي احد من خواتها او اهلها اوحتى صديقتها



كان الشات اول مكان بدأت تتكلم فيه مع الشباب وتتعرف على اصدقاء وايد من النت
اسيل عرفت انه النت سلاح ذو حدين ممكن يغلبها لو تساهلت مع الى فيه ممكن تغلبه لو صدتهم


كانت اسيل تشووف شباب الشات انهم اكبر ممثلين فى العالم ويستاهلون جوائز اوسكار


وكانت تقول دايما انا مايصير اكون لعبه فى يد احد

وبيوم من لايام كانت شابكه على النت

وكانت تحسس بملل كبيييييييييييييييييييييييييير



اتصلت على بشاير


بشاير 18 بسن اسيل واهى اقرب صديقه لها فى المدرسه


كانت بشاير محتاسه وتطلع ملابس وادخل ملابس

كانت ادور لها على لبس لانه كان عندها حلفه اليوم

واهى منشغله ومندعسه داخل الملابس سمعت



رن موبايلها

((((هلى وان جارت الدنيا عليا بوصيكم على روحى وصيه...)))



اهووووووووو مووقته


شافت اسم اسيل ردت بسرعه


بشاير: هلاااااااااااااا وغلاااااااااااا بالزين كله

اسيل: هلوووووووووووووووو بشوره

كيفك شو اخبارك ان شاءلله سافا

بشاير:ولله لحد الحين انا مو تمام


اسيل:افا افا لييييييش؟؟؟؟

بشاير:عندى حفله اليوم ومالقيت لى بدله سنعه

اسيل: هههههههههههههههههههههههههههههه يا خبله هذا يخليج تعصبين جذى
شتقولين عنى انا الى لاعندى لاروحه ولاجيه وشابكه بهالنت وضايق خلقى ماكو شى

بشاير:انتى شابكه؟؟؟؟

اسيل:ايه شابكه ومع وجهى عبالى فاضيه قلت ادق عليج عشان نستعبط على الشباب الى بالشات ونجننهم

بشاير:يوووووووه ولله مانى فاضيه لهم حدهم تافهين وماعندهم الا انا حبيتك من اول حرف واحس انى اعرفك من زمان


اسيل:هههههههههههههههههههههههه لا ياهبله الحين فيه اسطوانه جديده انا داش ادور لى بنت الحلال الى اعرفها وتعرفنى عشاان اتزوجها

بشاير:هههههههههههههههههههههه لاهاذى جديده مامرت على


اسيل:خلاص انا اخليج بهالحوسه الى عندج يلا سى يو

بشاير:بيباي






كانت بشاير واسيل علاقاتهم بشباب ماتتعدى النت ولاتفكرون انهم بنات رايحين فيها
لابالعكس كان الشات بالنسبه لهم مكان يتسلون فيه ويضحكون وبس


استمرت اسيل على هالحال اشهر واهى يانايمه ياطلعه يانت



ملت اسلوب حياتها هذا


وحتى طلعاتها كانت عاديه تطلع مع خواتها تتمشى تتعشى برا وترد البيت وماكان فيه أي جد





من بعد ماصكرت اسيل من بشاير ظلت شابكه على النت وتفر بين هالمواقع وتسولف بالشات والمسنجر

لما نعست ونامت






باليوم الثانى قعدت الصبح وغسلت وبدلت ملابسها ونزلت تحت



لقت امها قاعده بالصاله وتتكلم بتلفون


ام اسيل او ام محمد (جميله) 42 سنه حرمه من بعد مامات زوجها خلت حياتها كلها حق بناتها الثلاث وولدها محمد الى كان متزوج وعايش مع زوجته فى منطقه غير المنطقه بيت اهله



ام محمد:خلاص يا ام احمد بجى معاكم اليوم ولا يهمج
ام احمد:وجيبى معاج البنات

ام محمد :انتى تعرفين ماحد يطلع من بناتى ويحب الطلعات غير اسوله وبشوف الباقى لو يطلعون بجيبهم

ام احمد:خلاص نشوفج اليوم

ام محمد:ان شاءلله يلا مع سلامه





اول ماصكرت ام محمدالتلفون نطت عليها اسيل

وبصوت عالى هاااااااااااااااا ماماتى حياتى على وين الطلعه اليوم



خذت امها الكلينكس الى جنبها وضربت اسيل فيه واهى تقول لها: وجع عورتينى ياالخبله



اسيل بدلع: سورى ماماتى بس من الفرحه مااقدرت امسك نفسى

يلا ماماتى قولى لى وين بنروح اليوم


ام محمد:انا لاسبوع الى طاف يوم كنت عند الحريم تعرفت على حرمه طيبه ومحترمه اسمها ام احمد عاد عازمتنى نطلع اليوم برا وجايين معانا حريم اعرفهم وتقول لى جيبى البنات


نطت اسيل وقالت:لله وناااااااااااسه يعنى فيه طلعه اليوم


وفجأه وقفت وقالت : يمه الطلعه بس فيها عجايز ولافيه بنات كبرى


وتقوم امها وتمسكها من اذونها وتقولها: عجايز بعينج ياالخبله
على هالكلمه مانى راده على سؤالج
وراحت


وتركض اسيل وراها: ماماتى انا اسفه موقصدى انتى قمر وعسل وتوج بعز شبابج

تكفيييييين يمه قولى لى اذا فيه بنات ولا بس بروح انا كذا رازه وجهى معاكم



ردت عليها امها واهى تضحك:لا ابشرج فيه ام احمد عندها بنت كبرج اسمها ريم ان شاءلله تتعرفين عليها وتستانسين


باست اسيل امها وقالت لها:لله ونااااااسه بروح ادور لى لبس البسه




ركضت على الدرج بسرعه ووصلت لغرفتها وفتحت الكبت وقعدت تفكر شنو تلبس
وبعد حوسه وعناء طويل

قالت بما انه الطلعه طلعه عاديه وبروح مجمع بلبس سبورت


طلعت لها جينز سكنى اسود عليه عليه نفنون قصير لونه بنفسجى عليه رسمه ناعمه

ولبست شيلتها على طرفها رسمه بشوارفيسكى

وحطت ميك آب خفيف

لانه اهى ماتحب ميك آب ثقيل لانه موحلو عليها





ولما لبست وخلصت راحت حق اختها سديم غرفتها وفتحت الباب بقوه



وقالت


سدوووووووووووووووووووووووم بتطلعين معانا


لفت عليها سديم وعطتها نظره نقدت اسيل على نفسها وقالت لها: انتى ماتعرفين ادقين الباب بأدب


ردت عليها اسيل وقالت لها :ليش داشه مكتب المدير العام عشان ادق الباب بأدب
داشه انا غرفته اختى الهبله والى امون عليها وتمون على ليش ادق الباب بأدب


سديم:خلصينى شتبين (((كانت سديم بهالوقت تسوي تقرير التخرج مالها لانها كانت آخر سنه لها فى كليه التمريض)))


اسيل :بنطلع تروحين ولا لاء

سديم وبزعل:ووووودى بس هالتقرير موراضى يخلص ماقدر اروح

قالت لها اسيل:ياحرااااااااام مسكينه انا بطلع وبتمشى وبضحك آكل واسولف وانتى اندعسى بتقريرج

انقهرت سديم من كلامها وقامت تبى اطقها


لكن اسيل بسررررررعه البرق نحاشت















بالمول






كانت تشمى اسيل وتطالع المحلات والفترينات وامها كانت تتكلم بتلفون وتسأل ام احمد وين مكانها

وبالوقت الى كانت اسيل تمشى وسرحانه كانت تفقر بالبنت الى بتتعرف عليها لى اول مره


وكانت تقول ياترا بتكون طيبه وحبوبه ولا مغروره وشايفه نفسها

ياترى كبرى ولا اكبر ولااصغر


ودى يكون لى صديقه حيل قريبه منى اطلع وادخل معاها على طول(( صديقه اسيل بشاير كانت اقرب وحده لها داخل المدرسه لكن ماكان فيه شى بينهم برا المدرسه غير تليفونات ماكنت لاتطلع ولاتروح ماعاها يعنى بختصار صديقه الدراسه)))


صحت اسيل من افكارها على صوت امها واهى تقول كاهم اسيل بالكافيه الى قدامنا




طلعت اسيل مرايا صغيره من جنطتها وشافت شكلها اذا اوكى اولا


وصلو عندهم كانت ام احمد مبتسبه وتهلى وترحب فيهم

ام احمد: يا هلا ومرحبا بأم محمد هاذى بنتك الى معاك

ام محمد: ايه هاذى آخر العنقود اسيل


قربت اسيل وسلمت على ام احمد

هلا خالتى شلونج شخبارج


ام احمد: هلا فيج حبيبتى انا تمام الحمدلله

لفت اسيل على البنت الى كانت واقفه جنب ام احمد




ريم 17 سنه اصغر من اسيل بسنه واهى بثالثه ثانوي وكان ستايل البنت باللبس حيييييييييل

قريب من ستايل اسيل


بعد ماسلمت عليها وقعدوا كلهم قالت ام احمد حق بنتها ريم: روحى انتى واسيل تمشوا شوي بس لاطولون علينا

وردوا على موبايلاتكم اذا دقينا


ريم : ان شاءلله يمه



قامت اسيل وريم يتمشون ويسولفون ويضحكون

وبسرعه تألقلموا على بعض


وبعد ماتمشوا وتعبوا قالت اسيل حق ريم : امشى نقعد صوب البحر



((جنب المول كان فيه بحر))



كان الهوا بارد بس مو حيل وكان البحر فيه موج ولامواج كانت تصدم الصخر وترجع تروح عنه

وترجع مره ثانيه تحضنه

وجابو لهم اكل وكلوا على البحر



وبعد هاليوم الى تعرفت فيه اسيل على بنت جديده راحت كل وحده فيهم مع امها للبيت






























مع لايام زادت علاقه ريم بأسيل وصاروا صديقات وخوات واكثر


ومع لايام كانو يكتشفون شغلات متشابهه بينهم بشخصياتهم وظروف حياتهم بعد


كانو حيييييييل متشابهات وحيل شخصياتهم لايقه على بعض ومتأقلمين حيل ويا بعض
















ساعه 10 بليل كانت اسيل قاعده اطالع برنامجها المفضل سيره الحب لدكتوره فوزيه الدريع

كانت اطالع هالبرنامج مع انها كانت تحس انه معظم القصص الى يقولونها المتصلين مو صحيحه
بس كانت تقول حتى لو كانت مو صحيحه ممكن استفيد من شى بتقوله الدكتوره

مع انه معظم افكار الدكتوره كانت تعتبر بالنسبه لى اسيل مو مقنعه

واهى مندمجه رن تلفونها


(((((على بالى ولا انتا دارى بلى جرالى......)))

شالت التلفون

اسيل: الوووووووووووووووووووز

ريم: الوزيييييييييييين

شلونج شخبارج

اسيل: تمام الحمدلله شتبين داقه مو قبل شوي مسكره منج

ريم: صج موكفو احد يدق عليج

اسيل:ههههههههههههههههههههههه لا لالا حبيبتى انتى دقى بأي وقت تبين بالخدمه انا


ريم : ايه خلييج جذى وعدلى لسانج شوي

اسيل: هههههههههههه من عنونى(عيونى)

ريم_ اسوله تكفين باجر خواتى بيطلعون بروحون عرس وانتى تدرين انا مو ماله هالسوالف ماحب شرايج تجين عندى



اسيل: ياذكيه على هالحال ماراح تتزوجين اذا مارحتى عروس لازم تروحين عشان الناس يشوفونج


ريم: لالالالالالالا انا اتزوج واخلى خالد مستحييييييييييييييييل

(( بأجزاء الجايه بقول لكم قصه خالد)))


اسيل: مادرى بشنو انفعج هالخالد

ريم: ولله انا مادرى ليش ماتحبينه بس كيفج المهم بتجين ولا لاء


اسيل: اشوف ماماتى وارد لج خبر





















ظلت اتابع البرنامج لما انتهى وبعد ماانتهى صعدت حق اختها لميس فوق


لما دشت غرفه اختها شافتها تبجى



بسرعه دشت وسكرت الباب وقعدت جنب اختها على السرير وسألتها: لموسه ليش تبجين


لميس: يااسيل انا مابى اتزوج فهد وانتى تدرين انى ماحبه وانتى عارفه شنو سوا لنا ابوه

خذا حلالنا ولا قلنا له شى وكاهو الحين ياكل من حلالنا واحنا ساكتين


انا ماابيه ولله ماابيه ماحبه افهمونى


اسيل : دام ماتبينه ليش وافقتى بالبدايه لما جا اول مره ولما رد يخطبج رسمى الحين قلتى لا


لميس : انا وافقت اول مره عشان ماافشل اخوى قدام الرجاجيل الى عنده انتى شفتى حركتهم الوسخه جابوا حق عمامنا واهلنا عشان يفشلون اخوي وخلونى اوافق بالغصب


اسيل: كلمى اخوى محمد قولى له


لميس : قلت له قالى انا عطيت كلمه وانتى وافقتى باول


اسيل: وليش ماتبين تتزوجين يمكن بزواجج هذا تنحل المشاكل الى بينا وبين عمى بدر ويمكن نرجع مثل قبل وبعدين انتى تدرين انه من ايام ابوي يرحمه واهو يحبج ويبيج وانتى كنتى تحبينه شنو الى تغير الحين وانتى بعد تدرين انه ابوي كان موافق عليه من زمان


لميس: انا حبيته يوم كنت جاهل لما ماكنت رجال غيره وابوي لو يدرى انهم باقونا من بعد وفاته ماكان وافق
وانتى عارفه انه امى مالها شغل بمشاكلنا مع عمى لانه كافى الى جاها من سبتهم وانا مابى ادخلها بمشاكل واهى مرا ماتتحمل

اسيل:انا اقولج فكرى وصلى وادعى ربج واستخيرى ومافيه الى الخير


انا بطلع الحين بخليج ترتاحين



طلعت اسيل من الغرفه وسكرت الباب وراها
وقفت عند الباب ودمعت عيونها وقالت
كل يوم اكتشف يايبه انى بحاجه لك اكثر واكثر ودشت غرفتها وقعدت تفكر بكل شى صار لها من بعد وفاه ابوها

















اخو سديم محمد كان يشوف من ورا هالزواج مصلحه لى اخته وخصوصن انه عمرها بيوصل 30 واهى للحين ماتزوج

اما امها كانت تبى الستر لبنتها وكانت تحس انه من ورا هالزواج بتنحل مشكله عيالها مع عمهم الى ظلمهم بعد وفاه ابوهم لانها تدرى من بعدها ماراح ينفع بناتها الثلاث احد






من ورا هالزواج صارت مشاكل واجد بين ام محمد وولدها محمد


وبما انه محمد كان حيل متأثر بعمامه فكانت شخصيته

مثلهم تقريبا

كان عصبى متحجر مايحترم لاخواته ولا امه وكان كل شى عنده يمشى بصراخ وهواش


















باليوم الثانى كانت اسيل قاعده بغرفتها وماتبى تطلع منها لانها تدرى لو بتطلع بتسمع مشكله وقصه جديده من مشاكل بيتهم


وفى الوقت الى كانت تفكر فيه رن تلفونها




طالعت التلفون شافت اسم ريم مسحت دموعها وحاولت انها تكون طبيعه


ردت بصوت واطى: هلا ريمى

ريم : هلا بشيخه البنات كلهم شلونج

اسيل: تمام الحمدلله شخبارج انتى


حست ريم انه صديقتها وحبيبتها فيها شى


ريم: اسيل فيج شى

اسيل: ضحكت ودموع ماله عيونها لالا مافينى شى ياخبله تونى قاعده من النوم


ريم: اشوه عبالى فيج شى ها بتجين اليوم

اسيل: يووووووووه نسيت اقول حق امى اكلمها الحين وارد لج خبر




سكرت التلفون منها ونزلت ادور امها لقت امها تسوي الغدا باستها

وقالت لها: يمه انا تعبانه وضايق خلقى وحدى متضايقه وودى اروح لريم اليوم

ام محمد: وكانت حيل متضايقه من المشاكل الى صارت قالت : روحى حبيبتى بس لاتتأخرين


استانست اسيل مع انه بقلبها حرقه وجرح كبير على امها وخواتها باست امها وراحت غرفتها




ولى اول مره ماتقعد اسيل وتعفس غرفتها وادور لها لبس تلبسه اليوم

اكتفت بلس عادى وبدون مكياج بس مسكرا خفيفه وقلوس

وراحت نادت السايق وطلعت



اول ماوصلت بيت ريم الى ماكان فيه احد غير ريم وخدامات

لانه اهلها راحوا عرس


فتحت الباب ريم وظمت رفيجتها وباستها

وقعدت تهلى وترحب فيها


واكتفت اسيل بأبتسامه صغيره

استغربت ريم هالحركه وقعدت تقول بقلبى : وين خبالها عبطها ضحكتها ودلعها وخفت دمها


ماحبت تسألها عند الباب


دشوا داخل


وكانت ريم مجهزه كيك كاكاو وآيس كريم اوريو الى تحبه اسيل
وعصير الكوكتيل

ومرتبه غرفتها ومشغله اغانى شرين الى كانت تمووووت فيها اسيل



ظلت اسيل طول الوقت ساكته وماكان لريم أي خيار الا انها تستألها


ريم: اسوله شفيج اليوم؟


حطت اسيل عينها بعين ريم


وحست انه هالسؤال فتح لها مليون جرح وجرح وفتح لها الم وحزن وخوف من باجر


دمعت عيونها وطلعت كل شى بقلبها وماتركت لريم أي مجال انها تتكلم او حتى تخفف عنها



اسيل بهالوقت كانت بحاجه انها اطلع كل شى بقلبها من غير مايقاطعها احد


وبعد ماخلصت

ماحبت ريم تناقشها بأي شى لانها تدرى انه رفيجتها ماتحب تتكلم بشى يزعلها ويحزنها


عشان تغير الموضوع الى صار قالت ريم حق اسيل



ريم : اسووووووول ترا خلود بعد شوي بيجى


اسيل: شهقت وقالت هااااااا وين وين بجى

ريم: هههههههههههه شفيج بسم لله عليج بجى البيت شفيج اخترعتى يعنى اول مره ولانسيتى


اسيل: لالا مانسيت لما ناديته اول مره فى بيتكم ودخلتيه السرداب وكل اهلج موجودين فوق


ريم: ايه واليوم بس المره الى طافت بس فيه فرق بسيط واهو انه ماكو احد بالبيت


اسيل : مالى شغل فيج لاتقولين لى ساعدينى شلون ادخله ومادرى شنو

ريم : مانى قايله لج هههههههههه

وقامت ريم تتجهز عشان ماباقى شى ويوصل


حطت كحل خفيف ومسكارا وقلوس وردى ومشطت شعرها الى كان مبلول ماي

وبهالوقت اسيل كانت اطالعها وتقول لها: ياربى حدج حدج بايعتها

ترا البيت له حرمته شلون ادخلين شخص غريب عليه

ريم: سووها قبل خواتى مو شى جديد



رن موبايل ريم

وراحت ركضت عليه



ريم: الوووووو

خالد: انا وصلت

ريم : اوكيك الحين بجى

نزلت ريم ودخلته البيت ونزلته السرداب





وبهالوقت كانت اسيل على اعصابها كانت خايفه أي احد يشوف رفيجتها ماكانت تبى يصير لها مشاكل

وكانت خايفه انه احد يقول انه اسيل اهى الى خربت ريم مع انه اسيل ماكان لها أي دخل بتصرفات ريم

بالعكس كانت تنصحها وتزفها اذا سوت شى غلط لكن بنهايه شافت انها قاعده تنفخ فى بلون مشقوق





طولت ريم تحت وبعد تقريبا نص ساعه دشت ريم الغرفه واهى تضحك وقفلت الباب وراها



اسيل اول ماشافتها شقت شهقه مو طبيعيه


وانصدمت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 27-07-2008, 04:33 PM
صورة سحابه حلم الرمزية
سحابه حلم سحابه حلم غير متصل
©؛°¨غرامي مشارك¨°؛©
 
الافتراضي رد: كويتيات كشفوا الخفايا قصه واقعيه من حياه كويتيات


شكلة قصة حلوووهـ نبغ البارت غلاااااااااااااااااتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 27-07-2008, 09:41 PM
صورة oblivion الرمزية
oblivion oblivion غير متصل
©؛°¨غرامي نشيط¨°؛©
 
الافتراضي رد: كويتيات كشفوا الخفايا قصه واقعيه من حياه كويتيات


السلام عليكم .......

القصه مره حلوه وتحمس

احس ان اسيل بتتهاوش مع ريم
ريم بتخسر صداقه اسيل

عالعموم ننتظر البارت الثاني ...............

دلع وسلوبي ولع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 27-07-2008, 11:26 PM
صورة دلوعة بمزاجي الرمزية
دلوعة بمزاجي دلوعة بمزاجي غير متصل
©؛°¨غرامي مشارك¨°؛©
 
الافتراضي رد: كويتيات كشفوا الخفايا قصه واقعيه من حياه كويتيات


تسلمين عالبااااااااااااارت
شكلهااااا القصة مـررررره حلووة

يااريت تكملينهاااا

تحياااااااااتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 28-07-2008, 02:46 AM
:) يمقن انآ يمقن لآ !! :) يمقن انآ يمقن لآ !! غير متصل
عضو موقوف من الإداره
 
الافتراضي رد : كويتيات كشفوا الخفايا قصه واقعيه من حياه كويتيات


دلع نونا
قصتك حلوه مره
كملي احنا معاك للاخر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 28-07-2008, 01:37 PM
دلع نونا دلع نونا غير متصل
©؛°¨غرامي جديد¨°؛©
 
الافتراضي رد: كويتيات كشفوا الخفايا قصه واقعيه من حياه كويتيات


ريم: بسم لله عليج شفيج مصدومه


اسيل: بلوزتج ليش مقلوبه


ريم ارتبكت: ايه انا لابسه تحتها بدى ولبست فوق البدى بلوزه بجامتى عشان لما انزل ماحد يشك


اسيل: بس ماكو احد تحت عشان يشوفونج


ريم: اووووه اسيل يعنى شنو بكون مسويه اوووف



وراحت ريم قعدت


اسيل: بعدها مصدومه واطالعها


ريم : اسيل لاتخافين ولله ماصار شى (( بلأجزاء الجايه راح تعرفون لو صار شى او لا)))



وبعد ماتعشوا وخلصوا راحت اسيل بيتهم لكن للحين كان فى بالها بلوزه ريم الى كانت لابستها بالمقلوب لما ردت من خالد


















لما وصلت اسيل البيت ماحبت تسأل أي احد عن آخر تطورات مشكله اختها



اسيل واهى تفسخ شيلتها: سلام عليكم


ام محمد سديم: وعليكم السلام



ام محمد : اسيل تعشيتى


اسيل: ايه يمه الحمدلله يلا عن اذنكم بروح انام





راحت اسيل غرفتها اول ماحطت راسها على المخده حست بخنقه كبيره تخنقه وموقادره اطلعها


عضت مخدتها وقعدت تبجى




كانت تعبانه منهاره حاسه انها اضعف بنت فى دنيا حست انه مغلوب على امرها وموقادره ادافع عن نفسها




قامت اسيل وفتحت دفترها الوردى الى كانت تكتب فيه كل شى تحس فيه وكتبت هالكلمات







كم اشعر انى ضعيفه لااملك قوه ولااقوى ان احمى نفسى وحقوقى وحقوق اخوتى


كم احتاج لك ياابى لقد فقدناك فى وقت نحن فى امس الحاجه لك فيه


ابى انا اعرف انك تعرف بكل شى يحدث لنا


ولكن اريد ان افتح قلبى لك واخرج كل مافى قلبى مو اوجاع وجروح لك لانى لم اجد فى هذه الدنيا وبين لاحياء من يسمعى شكوتى بحث كثيرا ولكن لم استطع ان افتح قلبى لهم حتى اقرب صديقاتى ريم لا استطيع ان اخبرها عن كل مافى قلبى ولااعرف لماذا


ابى من بعدك وفاتك جنوا على مسقبلنا اخوتك لاتحزن ولاتستغرب لما لم اقل اعمامى ابى انا آسفه لكنى انا لا استطيع ان اعتبرهم اعمام لى


لانه لايوجد بهم أي صفه من صفات لاعمام بل فيهم


جشع
طمع
وظلم


ابى اخذوا منا ابسط الذكريات التى كانت تذكرنا بك اخذوا كل ماتملك انت


وكل مايأتى فى بالك اخذوه




اخذو سياراتك جميعها وباعوها وتقاسموها بينهم ونحن اطفال ننظر لهم ولا نعرف لماذا اخذوها


وامى لاحول ولاقوه لها



حتى خصوصياتك اخذهواملابسك العسكريه والأوسمه والشهادات التى حصلت عليها ايها البطل اخذوها منا



وعمتى التى لم ترحم طفولتنا وبرئتنا كم احببتها ياابى ولكن لم تنفعنا محبتك لها ولم تبدلنا نفس المحبه التى احببتها ايها



اخذت منى ابسط شى فى الوجود تمنيت ان يبقى معى وهو المذياع الذى كان رفيقك وصديقك فى المرض والذى كان ينسيك المرض الخبيث اللئيم الذى فتك بك وطعن الا ان ااخذك منا


ولم استطع احتفظ الا بساعه يدك ونظارتك الشمسيه التى كنت تحبها جدا



ابى انا اسفه ياابى لم استطع ان ادافع عن نفسى وعن ممتلكاتك سامحنى ياابى فقد كنت طفله صغيره لاتفهم مايدور حولها ولكن هالطفله كبرت وفهمت كل ماكان يحدث فى الماضى و عهد على ياابى ان انتقم منهم جميعهم كبيرهم وصغيرهم



ابى اتهمونا بتهم جعلتنا فى اعين الجميع فتيات ساقطات


جعلونا نشعر اننا اشخاص هاربين من العداله كانو فى كل يوم وكل ليله يراقبون منزلنا وينتظرون ان يظهر من هذا البيت ذنب او خطأ حتى يقلب هذا البيت علينا


وبعد ان طال انتظارهم دون جدوى ارسلوا لنا ابن العم او ابن الكل....... وهو فى حاله يرثى لها فقد اعمى الخمر عقله وقلبه وتفكيره
ودخل المنزل واخذ يضرب ويكسر ويتوعد ويهدد


ويسب ويشتم ونحن لم نستطيع ان نفعل شى غير ان نطلب المساعده من الشرطه بعد ان وقفوا الجيران يتفرجون على هذه المسرحيه الحزينه المؤلمه او المضحكه بالنسبه للبعض




وبعد وصول الشرطه لم يكن ابن عم موجود فقد ذهب



ولم تستطع امى تفعل شى سوا ان تكتب تعهد على اعمامى بأن لايدخلوا منزلنا ابدا وان يبتعدوا عن طريقنا


نعم هى فضيحه ومصيبه ولكن هم ارادوها هكذا



واتوا وهم مكسورين الرأس ويخبؤون انفسهم بين الناس كى لايراهم احد فى مخفر الشرطه


ولايعرف احد السبب المخزى الذى جعلهم يأتون هنا



ابى انت تسأل واين محمد من هذا كله



محمد انشغل فى نفسه وحياته وكان ضعيف لايستطيع ان يفعل شى سوا ان ينظر من بعيد


انا نفسى ياابى لااتذكر اين كان من هذا كله


فقد اذكر ان امى هى التى كانت ام واب واخت وعون ومعين لنا نحن الثلاث لميس وسديم وانا




وها هم ياابى اتوا اليوم كى يأخذوا لميس بينهم وفى وسطهم لكن انا لا اعرف لو كان حن قلب عمى ابو فهد علينا او انه اخذ لميس كى ينتقم من ناس لم يفعلوا له شى




او انه تعاون مع ابن عمى ناصر ضدنا كى ينتقموا من التعهد الذى وقعوا عليه


حقا ياابى انا لاعرف




ولكن اخى وافق على فهد زوج للميس على رغم من كل المضار التى اتت من وراء هؤلاء لاعمام المشرفين









ارتاحت اسيل وايد بعد ماكتبت هالكلام كله وحست براحه كبييييييييره بداخلها وغفت على المخده الى ملتها الدموع




آه ياجود الحزن وياي وبفرح شحوح اشتكى لوسادتى دنياي واسمعها تنوح










مع ايام انتهت مشكله لميس واقتنعت بفكره الزواج من ولد العم فهد لانه التقاليد تقول بنت العم لولد العم


آآآآآآآآآآآآآآآآآآآآآآه من هالتقاليد الى خلت وايد من البنات يتزوجون عيال عمهم واهم مايبونهم









ارتاحت اسيل وايد مع نهايه مسلسل المشكلات وصارت اهى امها وخواتها يفكرون شنو الملابس الى راح يلبسونها بعرس لميس


او شنو ممكن يسوون شى مميز





كانت هالفتره مشغوووووله اسييييييل حيييييييييل بتجهيزات لعرس اختها المنتظر والى كان مقرر انه يكون بشهر 10 يعنى يفصل بينهم وبين موعد العرس اربع اشهر






وكان وقتها كله بالسوق وعند المصممين




وكان بيتهم عباره عن ورشه عمل كبيره لتجهيز للعرس




سديم حجزت حق اختها لميس بأحد اكبر الصالونات برنامج العروس عشان تطلع اختها بأحلى لوك وستايل




اما اسيل كانت تشبك على النت وطلع خلطات لشعر والبشره وتحطها على شعرها وبشرتها



يعنى بختصار صارت (((( فار تجارب )))






مرت لاربع اشهر بسرعه بدون مايحسون فيها صح انهم اتعبوا فيها وايد لكن كانت حلو واااااايد







25_10




اليوووم المنتظر يوم العرس




لميس




كانت بالصالون من الساعه وحده الظهر كانت حاجزه لها امها غرفه بالفندق الى فيه الصالون عشان تاخذ راحتها اكثر وكانت بحاله لاتحسد عليها


انحط على شعر كيلو غرامات من السبريه


وانحط على جسمها كيلو غرامات من الكريمات


وعلى وجها انحط ملايين الكريمات قبل المكياج عشان مايأثر عليها
حست نفسها اميره من اميرات العصور الوسطى الى تكون قاعده على كرسى وكل شى يجيها حسب طلبها





سديم



كانت مع اختها لميس وكانت بعد تتعدل وتتكشخ مثلها






اما اسيل المسكينه




راحت للمصمم عشان تاخذ منه لبسها لانه تأخر شوي بسبب التعديلات الى صارت عليه من البعد البروفه




وبالوقت الى كانت طالعه اسيل من المصمم وماسكه جنطها برادا المفضله عندها رن تلفونها



وبوحسه نفنوفها الى محطوط داخل كيس بلاستيكى ماقدرت ادور التليفون داخل جنطتها






سديم: اسسسسسسسسسسيلوووووووووو انت وين ليش ماتردين بسرعه



اسيل بعصبيه: شسوي هذا طول على مايعطينى نفنوفى وساعه ادور التليفون



سديم : وينج يلا مايمدى



اسيل: يلا مسافه الطريق واكون عندكم





خلصت لميس من تجهيز نفسها


وكانت عروووس ولاكل العرايس


وكان شكلها وايد حلو




كانت نفنوفها اوف وايد وعليه شوار فسكى وردى فاااااااااااااااتح


وكانت مسكتها سلاسل كرستال ناعمه ملفوفه على ايدينها وكان عليها ورد وردى مع بيج فاتح


وكانت حاطه مكياج مو وايد ثقيل كان حلو وناعم ومبين ملامحها



اما شعرها فرفعت نصه وحطت فيه كريستال كبير
وطيحت خصلات خفيفه من شعرها ولفتها وحطتها على جنب واحد







سديم



كانت لابسه نفنوف


احمر وفيه ورده على جنبه وكان كله شوارفسكى وضيق من فوق ويجى تحت منفوش


وشعرها كان لونه بنى كانت مسويته تسريحه الرومانيه وحاطه شرايط صغار حمرا






اما اسيل


فكان شكلها وااااايد ناعم


كانت لابس نفنوف وردى فااااااتح ومن فوق النفنوف فيه دانتيل اسود وفيه شريطه من تحت الصدر على ورده


وكان شعرها مخصل هاي لايت وكانت لافته ورافعه نصه وحاطه كريستاله على الجنب وباقى شعرها كانت فالته


وكانت شعرها طويل يغطى كل خصرها









اسيل راحت لصاله العرس اما سديم ظلت مع اختها عشان تدخل معها بزفه العروس








وبما انه المعرس كان ولد عمهم فكان الشغل بالصاله وترحيب بالضيوف متوزع عليهم كلهم وكانت اسيل معاهم






وفجأه وقفت لاغانى وقالت الطقاقه




العروس بدش ومعاها اخوها



فاكل البنات تغطوا وقعدوا مكانهم
وراحت اسيل تتأكد من اغنيه دخله اختها



وتأكدت من انه كل شى اوكى فدقت على اخوها الى كان فى الغرفه الثانيه من الصاله وقالت له دشوا



وقفت امها عند الكوشه تنطر بنتها الكبيره وحبيبتها تدخل عليها وكانت عيونها ملاينه دموع لانه بتودع بنت من بناتها


وكانت خايفه على بنتها من هالزواج لكن ماكانت تدرى شنو السبب







وبعد ثوانى اشتغلت الموسيقى








ودشت لميس وخوف الخجل مبين عليها كانت ترجف لانه كل العيون عليها














حد منكم شاف في الدنيا بدر
مقبلٍ يمشي و من حوله بشر


من حلاه يزف للناظر ضياه
ان ظهر للناس و لا ما ظهر


هذا ما هو بدر ليل يختفي
مع طلوع الصبح و بزوغ الفجر


او بدر يصبح بعد مده هلال
هذا بدر مكتمل طول الشهر



هي عروس النور في هذا الزمان
هي ملاكٍ بس في صورة بشر


من غلاها انقول صلوا على الرسول
يا اللي شفتوها بقلبٍ او نظر



الله يا نور في ها الدنيا نراه
مستحيل ان نشوفه في بشر


و التقت شمس الظهيره بالقمر



و في محياها بدى الصبح بضياه
مشرقً و خدودها واحة زهر


و العيون الي كما عين المهاه
تمتزج فيها البراءة بالسحر



الليله .. الليله محلاها الليله
الليله .. الليله حلوة و جميلة



شعرها ليل كسا الدنيا دجاه
حالك متحدر كانه نهر


يحسبه قطعة حرير من رآه
و الحقيقة هو حريرٍ من شعر


و الحسام الي صفا الوجنه كساه
يبعث اشواق الحواجب للثغر


و الثنايا كالبرد بين الشفاه
او كحبات الندى و لا المطر



عذبةٍ لو تلمس اطراف الحياه
كل غصن فتح بوردٍ حمر


و العفاف بروحها يسقي بوفاه
و الوفا في عينها النجلاء سهر



شاعر الوجدان واحلامه سماه
مبدع و احساسه المرهف شعر


ماخذ من وصفه مبتغاه
يا عسى الله يوهبه طولة عمر


الله يحفظها و يسعدها معاه
شيخ بطيبة فواده يشتهر


والله يجعل كل دنياهم هناه
يكتسي بالسعد كله و البشر










ودش معاها اخوها الى كان منزل راسه شوي وشوي يطالع امه قدام




دشت سديم ورا اختها وتعدل لها نفنوفها من جدام عشان مااطيح منه




كل خطوه كانت تمشى فيها سديم كانت تقول بقلبها وفقنى يارب


وفقنى يارب





اسيل ظلت واقفه شوي بعيد من اختها وتراقبها وتتذكر كلام اختها لها


لما قالت انا مااحبه مابيه







قعدت لميس على الكوشه وصوروا خواتها وامها معاها




وبعدها دش المعرس ومر الوقت بالنسبه لى اسيل وسديم وامهم وكأنه ثوانى




ووقف المعرس والعروس عشان الزفه




واشتغلت اغنيه الزفه الى كان ايقاعها سريع بالنسبه لكل الموجودين لكن بالنسبه لى ام محمد وبناتها كانت اغنيه حزينه







(((( عليك بالعافيه يلى خذاها عليك بالعافيه يلى خذاها)))
(((عليك بالعافيه تمشى وياااها))



وبعد ماتم كل شى على مايرام قعدت اسيل على اقرب كرسى وجت لها ريم وقالت



ياهبله لاتزعلين وين بتروح اختج الصين بتروح بيت زوجها وكلها جم يوم وكل يوم بتشوفينها بوجهج





ضحكت اسيل



وجت فجأه بشاير وسحبت اسيل وقالت يلا نرقص





عزاه ياقلبى من الهم عزاه من يواسى دمعتى قال خيره



وشلون خيره بعد فرقاه











بعد مرور شهر على العرس







سديم واسيل قاعدين يطالعون التلفزيون




سديم: اوووووووف ياربى اشتقت حق لميس وايد


اسيل : حتى انا تلاقينها الحين مستانسه بأيطاليا



سديم : ياحليلها كانت ماليه على البيت


اسيل تاخذ المخده الى جنبها وتحذفها على سديم: يعنى انا موعاجبتج يعنى احمدى ربج انى تنازلت وقعدت معاج


سديم : تكفين ياصاحبه الجلاله مشكوره على هالتنازل الكبير الى سويتيه



تقوم اسيل وتحط ايدينها على خصرها وتقول: صج مو كفو انى اقعد معاج مالت



وراحت غرفتها



سديم: روحه بلا رده الحين اقدر اطالع الى ابيه على راحتى ههههههههههههه









ركضت اسيل ونطت على سريرها وخذت موبايلها واتصلت على ريم تشوف شنو اخبارها لانه صار لها فتره مو شايفتها






اسيل: الوووووووووووووز


ريم بصوت واطى: هلا اسيل



اسيل: شفيج ريم؟؟؟؟؟



ريم : مافينى شى


اسيل : افا تخشين على وانا صديقتج الصدقوه



ريم :خالد.......
ماكملت كلامها وقالت بس خالد
اسيل بعصبيه: اشفييييييييييه




ريم : ماقدر اكلمه على طول وقعدت تبجى



اسيل: ليش؟؟؟




ريم : هيا اختى ذابحتنى خذت منى تلفونى لانها شافتنى اتكلم امس بوقت متأخر وكل ماجيت اتكلم بتلفون البيت ماتخلينى







هيا اخت ريم الكبيره وعمرها 27 واهى بنت حييييييل جديه وصارمه وتبى تتحكم بحياه ريم بأي طريقه


وتتدخل بكل صغيره وكبيره بالبيت لانها البنت الكبيره فى بيت ريم وام ريم تسمع لها بكل شى وتاخذ رايها بكل شى




اسيل: يعنى شنو الجديد بالموضوع كذا مره تنصادين وتنجكين ودايما اختج هاذى حالتها معاج




ريم: انا خايفه ماتعطينى تلفونى مره ثانيه



اسيل: ولله هذا من غبائج دايما تتكلمين بصوت عالى ولاتفكرين ولاتحسبين حساب شى
وبعدين تكفين شنو لاقيه بهالخالد



ريم: احبه ولله احبه وانتى تدرين انه من اول مره شفته فيها بالحديقه وانا اعجبت فيه واستانست لما عطانى رقمه


وانتى كنتى عندى لما انا اتصلت عليه بعد فتره وتدرين انى احبه موووووووووت



اسيل: ولله انا عبالى انج بتتصلين تستعبطين موتقولين له انا الى شفتها بالحديقه وكنت لابسه ابيض وتوصفين شكلج له



ريم: اسيييييييييل لاتفتحين مواضيع قديمه قولى لى شسوي؟؟؟



اسيل: بعد جم يوم بترده لج انا متأكده



ريم: وخالد شلون اكلمه



اسيل: ماتقدرين تصبرين يعنى جم يوم خلاص


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 28-07-2008, 01:38 PM
دلع نونا دلع نونا غير متصل
©؛°¨غرامي جديد¨°؛©
 
الافتراضي رد: كويتيات كشفوا الخفايا قصه واقعيه من حياه كويتيات


وكالعاده طبعا كانت ريم تروح عند امها وتقول لها هيا خذت تلفونى منى لانى كنت اكلم وحده من رفيقاتى امس بليل
كانت عندها مشكله وانا كنت ابى اساعدها ولانه ام احمد تثق فى بنتها كلمت هيا وطلبت منها انه ترجع الموبايل حق ريم











اول ماحصلت ريم على الموبايل طارت من الفرحه واتصلت على حبيب القلب







خالد 18 سنه يدرس فى ثانويه العامه لكنه طالب فاشل طلع من المدرسه وقام يشتغل بالبيع وشرا
وراح تعرفون شخصيته اكثر من خلال لاحداث







جاسم: خلوووود تعالى تلفونك يرن


خالد ترك لعبه البلياردو من ايدينه وراح يرد على الموبايل



ريم: حبييييييييييييييييييبى
خالد: هلا هلا بهالصوت هلا بالقاطعه
ريم: حرام عليك انت ماتدرى شنو صار فينى


وقالت له الموضوع كله


خالد: خلاص ولايهمج بعد عمرى حصل خير
المهم مااشتقتيلى


ريم: انا مااشتقت لك الا اشتقت واشتقت



ليـه تــخـفي شـوقـــك
وأخفي أنا شوقي..

تدري فــيقـــلـــبــي
وأدري أنا بقلبك..


من كلامك ومن كلامي
نحس بأشواقومعاني

ولو تباعدنا حبيبي
تزعل قلوب وتعاني..!!
أدري هالدنيا مامنها أمان ..
بس أناوياك نتحدى الزمان..
لوتدور الدنيا عمري ما نسيتك..
لوتبيع أيامي يالغالي شريتك..
لو تزيد أحزاني من فرح قلبي عطيتك..
انت أقربالناس
وانت محبوبي
وانت القريب البعيد
ومني وفيني
انت الأمل
انتعمري
انت مطلوبي
وانت القصايد وشعري وفرحة سنيني
وش فيه لا صرت احبكوانت محبوبي
في ذمتك بعد هذا وش تسميني ؟
أنا السعاده في حياتك‏ والاالجراح.؟!
أنا حبيب ودايم وفي ..؟
والاغريب ودايم يخون..؟

أنا العقلبدنيتك ..؟
والا الجنون ؟؟
أبسألك رد علي
في دنيتك من أكون ؟؟؟



خالد: اووووه اوووه صايره شاعره بعد


ريم: شسوي حبك بهذل لى حالى
خالد: يابعد هالدنيا كلها
خلاص على هالشوق كله لازم اشوفج


ريم: ماقدر اطلع اليوم امى معزومه وتبينى اروح معاهم لانه كلهم بروحون وماعندى احد بالبيت







كان لريم خمس خوات واخو واحد ثلاث متزوجات وثنتين معاها بالبيت

الى اهم هيا والى اهى اكبر وحده فيهم

وبعدها تجى معالى الى اكبر من ريم
وعمرها 19
وعندها اخ واحد احمد عمره 22 واهو شاب حلو ومزيون وطيب ورجال بمعنى الكلمه
تحمل مسؤوليه البيت من بعد وفاه ابوه وصار اهو رجال البيت الوحيد
واغلب وقته يكون برا البيت لكن مخصص وقت اكيد حق خواته وامه





خالد: خلاص اجى بيتكم؟؟


ريم: لالالالا اخاف احد يشوفك


خالد: لا ياحبيبتى ان شاءلله ماحد يشوفنى يعنى حرام عليج تبين تحرمينى شوفتج من بعد هالفتره

وانا من زمان ماكحلت عيونى بعيونج ولاكلمتج


ريم بسرعه حن قلبها لانها كنت بنت ادور للحب وادور لشخص الى يحبها حب طاهر وشريف مثل أي مراهقه بسنها
وكانت بنت رومنسيه وحساسه لى ابعد الحدود ومستعده تسوي أي شى يبيه خالد


وافقت انه يجى البيت واتفقوا على الموعد






راحت ريم لغرفتها عشان تشوف شنو ممكن تلبس اذا جا لها خالد



وبالوقت الى اهى ادور فيه لبس

طق الباب

ريم: تفضل

هلا يمه

ام احمد: ها ريم ليش مالبستى

ريم : يمه ولله تعبانه بطنى يعورنى ماقدر وانا الحين ببدل ملابسى وانام تعبانه حدى


ام احمد: اسم لله عليج شفيج

ريم: تعبانه يمه مادرى شفينى تعبت فجأه ولله ودى اروح معاكم بس اخاف اتعب اكثر هناك

امسكت ام احمد بنتها وحطت ايدنيها على راسها: ريم تبينى اقعد معاج

ريم : لالالالالالالالالا يمه روحى استانسى لاتخافين على انا باخذ بندول وانام

ام احمد:خلاص انا بدق عليج كل شوي

ريم: اوكيك



راحت ام احمدعلى اساس انه بنتها تعبانه وماتقدر تروح

وياما فى امهات يطلعون من بيوتهم ويخلون بناتهم وراهم وهم مطمنين عليهم ولايدرون الشيطان شنو ممكن يخلى البنت تسوي اذا كانت بهالوحده بروحها ولفتره طويله


اكيد ام احمد عرفت تربى بنتها احسن تربيه لكن بهالزمن تربيه البيت ماعادت تنفع صار بزمن انتشر فيه كل المغريات الى تغرى البنت وتخليها تغلط

ممكن السبب الى خلا ريم تكون بنت جذى وهذا مايعنى انها بنت رايحه فيها طبعا لا ريم ماتتمنى بيوم من اليوم يطلق عليها لقب ((.....))) لانها طبعا موجذى لكن الحب اعمى قلبها وعيونها وعقلها وتفكيرها

لكن السبب الى خلاها جذى اهو مجتمعها فى المدرسه اغلب صديقتها بالمدرسه كانو بنات فعلا فعلا رايحين فيها
كانو صغار مايفكرون ابدا وماخذين كل شى لعب بس ياريتهم كانو يستمرون بهالعب لكن اللعب كان يقلب مصيبه عليهم لانه اللعب بدون تفكير اكييد بينقلب ضدنا



راحت ام احمد وسكرت الباب وراها



وكملت ريم تجهيز نفسها

واختارت جينز عادى على بدى ابيض عليه فراوله ومشطت شعرها ورفعته فوق

وماحطت مكياج بس كحل شوي وقلوس شفاف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 28-07-2008, 01:40 PM
دلع نونا دلع نونا غير متصل
©؛°¨غرامي جديد¨°؛©
 
الافتراضي رد: كويتيات كشفوا الخفايا قصه واقعيه من حياه كويتيات


اسيل كانت عكس ريم بالعلاقات مع شباب كانت بنت موسهله ماتعطى قلبها لى أي احد

وكانت دايما تقول

مافى حب ولو كان فيه حب بكون قليل

يعنى بين عشر شباب بس واحد يطلع يحب


صح انها كانت ودها تحب وتنحب

لكن ماكانت تلاقى شخص مناسب



اكثر علاقه دامت لها مع شاب ثلاث اشهر


وكانت تقطع العلاقه بسرعه لو لقت أي عيب بهذا الشخص او أي شى موزين





ومن ابرز علاقاتها كانت مع
عمر 22 سنه مايدرس يشتغل فى شركه ابوه

كان عمر معجب حيل بجمال ونعومه ورقه ودلع اسيل


استمرت العلاقه بينهم 3 اشهر


كانت تشوف بعمر انه شخص طيب وحبوب وكان يقول انه يحبها لكن اهى ماكانت تحبه حاولت انها تقنع نفسها انها تحبه لكن فى شغلات كان يسويها خلت اسيل تنفر منه








بمره من المرات كانت اسيل سهرانه لانه كان عندها امتحان اليوم الثانى

وطول اليوم هذا ماكان عمر متصل عليها ولما اتصلت عليه مارد استغربت لكنها ماحاولت تتصل مره ثانيه اكتفت بتصال واحد




وبالوقت الى كانت قاعده تدرس رن موبايلها



((((( انا عايشه مره وحده زي أي وحده .......)))


شافت رقم عمر ردت


اسيل: الووو

عمر: هلا حياتى شلونج

اسيل ببرود: تمام الحمدلله شخبارك انت

عمر: انا زين الحمدلله


كان صوت عمر غريب شوي وفيه شى


بس ماحبت تسأله لانها كانت معصبه ليش مارد عليها لما اتصلت


عمر: انا آسفه انى مارديت اليوم بس صارت لى شغله


اسيل: لاعادى مومشكله اصلن مانطرتك تتصل عادى


عمر: اسيل انا بقولج شى وبقولج ليش انا مارديت عليج ولاكلمتج



اسيل: تفضل قول

عمر: بس اتمنى يااسيل لاتنصدمين ولاتسكرين الخط بويهى

اسيل حست انه الى بقوله شى مهم: قول تفضل
عمر: اسيل انا مدمن!!!!!!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 28-07-2008, 09:04 PM
دلع نونا دلع نونا غير متصل
©؛°¨غرامي جديد¨°؛©
 
الافتراضي رد: كويتيات كشفوا الخفايا قصه واقعيه من حياه كويتيات


اسيل بستغراب: مدمن شنوو

عمر: انا ادرى انج بتنصدمين بس انا بقولج الصج انا كنت قبل مدمن وتعالجت واخوى يبى يودينى المصحه مره ثانيه عشان شاك انى اتعاطى مره ثانيه وانا ولله بطلت هالسوالف

قعد يبجى ويتكلم كلام مافهمته اسيل ويقولها انا احبج ومابيج تتركينى

واذا بتنطرينى قولى لى واذا ماتبين تنطرينى على مااطلع من المصحه هم قولى لى


اول مره اسيل تحس نفسها انها عاجزه عن الكلام

مومن صدمه انه مدمن لا


اهى مانصدمت ابدا لانها كانت بالبدايه تحس انه يشرب لانه فى مرات يتصل عليها ويتكلم بالهجه غريبه لكنها ماكنت متأكده



عمر: اسيل انتى انصدمتى


اسيل: لا عادى لا شوي مادرى مادرى

شلون اخوك بوديك وانت ماتتعطى

عمر: واصل له كلام من ناس واهو مايبى يصدقنى ولله يااسيل احبج وبشتاق لج ابيج كل يوم اطرشين مسجات على تلفونى وتقولين لى وين رايحه ومن وين جايه وابى اول مااطلع وارجع آخذ تلفونى ابى اشوف منج مسجات وايد


سكتت اسيل ولاردت عليه

وبوسط دموعه طلب عمر من اسيل انها اطرش له صورتها


وطبعا هالشى اسيل رافضته ولما طلب منها هالطلب حست انه فيه مؤامره بتصير ضدها
ورفضت وسكرت تلفون






راحت اسيل لغرفتها وقعدت تقول لنفسها


ياربى كلامه جد ولا يكذب انزين لو يكذب ليش يبجى لهدرجه اهو ممثل بارع


وشنو مصلحته من انه يتهم نفسه هالاتهام ماخاف انى اقطع علاقتى فيه


السالفه مومقنعه ابدا



ومع كل هالتسؤلات نامت اسيل






ساعه 6 الصبح




قعدت اسيل كالعاده مبكر من النوم عشان تتجهز للمدرسه

وكانت طول الوقت تفكر بكلام عمر لها




بالمدرسه





اسيل: صباح الخير بنات


اسرار: هلا اسول صباح النور ونوير



اسرار 18 سنه بنت تعرفت عليها اسيل فى المرحله الثانويه عكس بشاير الى كانت تعرفها من المتوسط



زادت علاقه اسيل باسرار فى
الصف الثالث ورابع ثانوى وصارت اسرار صديقه اسيل ومنبع اسرار اسيل كلها



وما اجذب عليكم لو قلت انها صارت اقرب من بشاير لى اسيل


(((علاقه اسيل وبشاير ضعفت بعد ما عرفت اسيل سر من اسرار بشاير خلها تنفر منها راح تعرفونه بلأجزاء الجايه))))


حست اسرار انه اسيل فيها شى وماصار لها وقت تكلمها الصبح فى طابور





اول مابلشت الحصه الاولى كتبت اسرار لى اسيل ورقه





اسوله شفيج مو على بعضج اليوم




اول ماوصلت الورقه حق اسيل


بسرررررررررعه جاوبت على هالورقه وقالت لها الموضوع كله لانها كانت بحاجه لى أي احد تقوله الصدمه الى تلقتها\






وصلت الورقه حق اسرار


واسرار بنت عفويه لى ابعد الحدود


اول ماقرت الكلام شهقت شقه مو طبيعيه




هههههههههههههههههههههههههههههئ

خلت كل الطالبات ومدرسه تنتبه لها









لفت عليها ابله ام كحله مثل مايسمونها البنات

او ابله هاله واهى مدرسه العربى


هاله: اسرار ئومى وئفى


اسرار: ليش ابله ماسويت شى؟ هاذى اسيل قرصتنى


لفت اسيل على اسرار بعصبيه وقالت: انا شكووووو


اسرار:اسيل عيب الكذب بعدين لله يحذفك فى النار


اسيل: ابتسمت ابتسامه شريره لى فطوم ومدت ايدينها على طاولتها من داخل وقالت: ابله انا مالى شغل اسرار ترسل لى اوراق من اليوم تبينى اسولف معاها وانا ابى انتبه معاج بالحصه



اسرار: انا ياااااااااااااااظالمه


اسيل : انا ماكذب ولانى ظالمه وعطت لاوراق الابله



طبعا اسيل كانت جذابه ولاوراق الى عطتها لابله اوراق قديمه كانت تكتبها اسرار حق اسيل وترسلها لها


هاله: طيب حتشوفوا ولله ماليكم عندى درقات(درجات) حتشوفى يلا روحى انتى وياها على الحيط


اسرار واسيل: لاااااااابله تكفيييييين مانبى نوقف


هاله: ولله لا انده ابله من برا توديكم على لاداره>>>>طبعا هالحركات ماتمشى على اسرار واسيل لانه هالكلمه عادتها لابله عليهم مليون الفه اميه مره من السنه الى طافت لانها كانت بعد ادرسهم




المهم اسرار واسيل استسلموا للأمر الواقع وراحو وقفوا على الطوفه







ترررررررررررررررررررررررررررررن<<<<<خووووووش صوت جرس




طلعت اسيل واسرار بسرعه من الصف وقاموا يتمشون بالمدرسه على ماتوصل ابله الحصه الثانيه




وقعدوا يتكلمون فى الموضوع


اسرار: ياخبله وخرى عنه هذا يخرع بعدين يبلشج معاه بمصيبه


اسيل: انا احس انه طلع هالفلم عشان اطرش له صورتى

اسرار : بس ليش بكى ويقول انه بقعد ثلاث اشهر بالمصحه

اسيل: مادرى مادرى لاتسألينى انا موفاهمه شى لازم نفكر بطرييقه عشان نصيده لو كان يكذب



اسرار: طنشيه مو انتى تقولين انج ماتحبينه بس تقزرينها(تتسلين)


اسيل: صح كلامج بس انا ابى اطلع كذبته


اسرار : انا عندى فكره مو بشاير عندها خطين نخليها تتصل من خطها الثانى وتشوف لى يرد او لا

اسيل: بس اهى ماتعرف صوته

اسرار: تشبكج معاهم


اسيل: اوكيك



اسرار: اسسسسسسسسسسسسسسسسسسسسيل تأخرنا على الحصه والحين علينا فلسفه

انسى ادخلنا الحصه



اسيل: يلاااااااااااااااااااااا نركض



قعدواااااااا يركضووووووون اسرع من البرق


ولما وصلوا الصف قصورا صوتهم


اسرار: شنو نقول شنو نسوي



اسيل: انا عندى فكره نقول لها انج انتى تعبانه وانا وديتج الاداره


اسرار: بتقول جيبوا ورقه


اسيل : نقول مالقينا احد اجتماع عندهم


اسرار: لله يستر يلا خلينى البس قناع المرض


مسكت اسيل اسرار من ظهرها واسرار سوت نفسها مريضه


وبكل براءه دشوا الصف


ابله منار: توو الناس وين كنتوا


اسيل: اسرار كانت تعبانه ووديتها الاداره


لابله: روحى جيبى ورقه


اسيل: ماكو احد اجتماع

لابله: ياحياتى قدييمه روحى وقفى انتى وياها ورا


اسيل : ابله حرام مريضه ماتقدر توقف


لابله: ياتردون المكان الى كنتوا فيه او تقفون

اسيل: نوقف امرنا لله وذنبنا برقبتج


وراحو يقفون ورا


اسرار قرصت اسيل وقالت: كله من سالفه هالعمر


اسيل: آآآآآآآآآآآآآآآآآآآآآآآآآآآآآآآآآي ياغبيه عورتينى


لابله بعصبيه: اسرار اسيل بس




وهذا كانت بدايه اليوم لهم وقفوا حصيتين كاملين ورا بعض



وبالفرصه اتفقت اسيل واسرار وبشاير على الخطه


صح اسيل كانت تتجنب بشاير وايد لكن هالمره داست على نفسها شوي





انتهى الدوام المدرسى وراحت كل وحده فيهم لبيتهم وتواعدوا على ساعه 4 العصر عشان ينفذون الخطه الى خططوها










ردت اسيل للبيت واهى ميته تعب


دشت البيت ولقت امها قاعده بصاله



اسيل: قوه يمه

ام محمد: هلا اسوله يلا بدلى وتعالى للغدا

اسيل : يمه انتى تدرين انى مااتغدى وماحب اتغدى الا ساعات انا بروح انا وقعدينى على الصلاه




راحت غرفتها واكيد مانامت لانها تدرى لو نامت راح تروح عليها نومه وتخترب الخطه



فقعدت تسمع اغانى




الا ياوقت وين الى على بالى يجى ويروح هذاك الى ملك قلبى وتفكيرى ووجدانى


امووت بطيفه الى لا لمحته تنتشى بى روح واحس انى اذا شفته كأنى بعالم ثانى


((( لاتستنتجون من هلأغنيه انه اسيل انها حبت عمر طبعا لا اسيل قلبها صعب ينعطى او يحب احد بس اهى تحب تسمع هالنوع من لاغانى)))



وبالوقت الى اسيل مندمجه بلأغنيه وتغنى بصوت عالى رن موبايلها




((طول البعاد لوعنى وانا عارفه انو خدعنى......)))



اسيل: هلااااااا بشور وينج طولتى

بشاير: شسوي نطرت امى تطلع من البيت لانه تدرين صادتنى اكلم واحد وخذت تلفونى
وتلفون الى عندى ماتدرى عنه


اسيل: اها اوكيك يلا نبدا

بشاير: اوكيك انا بدق وبسأل عنه واذا رد على أي احد بقوله وين عمر واذا قالى مواهنى بطلب رقم رفيجه احمد

اسيل: اوكيك ناطرتج




اتصلت بشاير ورد عليها شخص

بشاير: الوو سلام

؟؟؟: هلا وعليكم السلام

بشاير: عمر؟

؟؟؟: لاانا مو عمر

بشاير: وين عمر ابيه بشغله ضروريه

؟؟؟: عمر مواهنى

بشاير: انزين ممكن تعطينى رقم احمد

؟؟؟: منو احمد

بشاير: رفيجه
؟؟؟: ماعرفه

بشاير :دور بلأرقام الى بتلفون عمر وشوف

؟؟؟: خلاص انا اخلى عمر يدق عليج اوكيك



سكرت بشاير التلفون ونطرته يدق

وبعد 10 دقايق رن تلفونها وردت

ولا يطلع لها واحد


بشاير: منو انت

؟؟؟: انا عمر انتى منو

بشاير: هلا عمر

عمر: شنو بغيتى

بشاير: انا بس حبيت اقولك عيب تجذب وتقص على البنات لانه حرام تجذب على وحده تحبك وكانت طول اليوم زعلانه بسبتك

عمر: نعم ؟؟؟ انا على منو جذبت ؟؟؟ وانتى منو ؟؟؟

بشاير: تبى تعرف على منو جذبت


عمر : لامابى اعرف ويلا مع سلامه


وسكر التلفون


اتصلت بشاير على اسيل وقالت لها الى صار


اسيل لاتخافين ثوانى ويتصل عليج اعرفه خرووووووووووف بنات


يلا انتى سكرى الحين ونطريه لما يتصل




وكان كلام اسيل صح مامر نص ساعه الا واهو متصل عمر وقال لها ابى اعرف منو الى جذبت عليها


بشاير: اوكيك بدق عليها الحين وبشبكك معاها



اتصلت على اسيل وشبكتها مع عمر


بشاير: هااااااااااي اسول

اسول : هلا ولله

بشاير: اسوله شفيج زعلانه اليوم بالمدرسه ومتضايقه حيل>>>جذاااابه وين زعلانه واهى طول اليوم معاقبينها

اسول : لاولله ماكنت زعلانه بالعكس عادى



بهالوقت كان عمر ساكت ويسمع


وبعد ثوانى سكر تلفون



اسيل وبشاير: هههههههههههههههههههههههههههههههههههههههههههههههههه هههههههههههههههههه


اسيل: الحين هذا يجذب على انا

ولافوق هذا كله يبجى ومتأثر امبيييييييه صج عيال الكويت ممثلين من الدرجه لاولى توم كروز وبراد بيت ولاشى عندهم


بشاير: وييييييييع توم وبراد وينهم ووين شباب الكويت


اسيل: بشاير بشاير وصلنى مسج يلا بسكر




كان المسج من عمر
وكاتب فيه


لااطرشين على بنات انا ماجذبت عليج ولاتروحين تشكين الحال لبنات



اسيل عيشت نفسها بواقع الصدمه عشان تتقمص الدور الى الحين بتعيشه واهو دور المخدوعه الحزينه المنصدمه



اتصلت اسيل عليه


عمر: هلا

اسيل: انت مورحت المصحه ليش تجذب على وبعدين أي بنات انا طرشت واي حال شكيته


عمر: موانتى الى طرشتى لى بنت تقول عنى جذاب ومادرى شنو


اسيل: انااااااااااااااااااا؟ وكانت بنفس الوقت تضحك بصوت واطى

أي بنت انا ماطرشت احد عطنى رقمها


عمر: هذا رقمها...........


اسيل: هاذى رفيجتى بشاير شنو قالت لك هالحقيره


عمر: قالت انى انا جذبت عليج وانج اليوم زعلانه وشبكتى معاج


اسيل : امبيييييييييه يعنى انت الى كانت شابكتنى معاك


عمر: ايه

اسيل: انا ماطرشتها الظاهر ماخذه رقمك من موبايلى اوشى انا متأكده انى ماطرشتها

وعشان تضيع الموضوع قالت



انت شلون تجذب على وين الدموع والحسره ولالم الى امس


عمر: انا ماجذبت عليج انا اصلن رايح الحين

اسيل: ياسلام اقنعنى المهم جذبت ولاماجذبت بطقاق جهنم وانت بكبرك ماهميتنى

وسكرت بويه



وصارت مشاااكل وايد وكان عمر يبى ينشر صورتها ويوزع رقمها



لكن ما اجذب عليكم لو ان اسيل خافت او نزلت دمعه من ورا تهديده هذا

لانها كانت بنت قويه مايهزها شى ابدا

وكانت تدرى انه كل كلامه بس كلام ولاراح يسوي شى وفعلا ماقدر يتجرأ ويسوي لها شى

لانه قوه اسيل كانت تمنع أي احد يضرها








اسرار

كانت قاعده تنطر أي وحده من بشاير واسيل يتصل عليها ويقول لها شنو صار




اووووف منهم كل هذا تنفيذ خطه ولله لو كانت خطه عسكريه كان من زمان خلصت


لايكووون يبوون يقهرونى ومايبون يقولون لى شى


امبيييييه اخاف سوا لهم هالتحفه شى



اتصل ولا انطر ياربى شسوي


ولانها كانت ملقوفه من الدرجه لاولى ماتحملت واتصلت



اسيل كانت قاعده تاكل وطالع التلفون




رن موبايلها


(((طووول البعاد لوعنى وانا فاكره انو خدعنى.....)))



اسيل: اووووه ماتقدر تصبر هالملقوفه


اسيل: هلااااااااااااااا سروره


اسرار: اسيلووووه وينج انتى وثانيه ولاوحده فيكم قالت لى شصار


اسيل: الى صار انه جذاب وتفاصيل باجر اقولج بالمدرسه


اسرار: لاالحين انا من اليوم انطر


اسيل: مابى باجر ابى اشوف تعابير ويهج


اسرار: يااااااااااربى باجر باجر خلاص ها شرايج ببشوره تنفع لكشف الحقائق صح


اسيل: عادى اصلن حتى انا اقدر اطلعها بأي طريقه من دونها


اسرار: اوووف اووف امووووووووت واعرف شفيج على هالبنت وهذا واهى رفيجتج من قبل لاتعرفينى


اسيل: حتى انا مادرى ولله من بعد ماقالت لى سالفتها لما تزوجت عرفى من الى كانت تكلمه وانا نافره منها


اسرار: ياخبله عرفى لعب

اسيل: ويييين لعب مو اهى قالت انه كتب بالورقه اسمها واسمه وجاب شهود اثنين ووقعوا على الورقه

شنو تسمينه هذا مو زواج عرفى


اسرار: موحللوا الزواج العرفى


اسيل: انا مالى شغل بشيوخ هالايام انا اتكلم عن كلام لله وبعدين لو كان فيه اشهار كان صار حلال بس هذا عرفى

اسرار: امبلا فيه اشهار احنا نعرف


اسيل: وامها وابوها واهلها واخوانها وعمامها وخوالها وين راحو

اسرار: ياماما البنت تلعب وانتى تعرفينها

اسيل: كلام لله مافيه لعب وبعدين اهى ماتحبه ليش تسوي كل هذا

ليش ماتعترف وتقول انا احبه مافيها شى بدال ماتسوي هذا كله


اسرار: خلاص هدى هدى ليش انفعلتى

اسيل: مانفعلت عادى خلاص انا بروح انام اشوفج باجر تصبحين على خير

اسرار : وانتى من اهله باي






راحت اسيل غرفتها ونسدحت على سريرها وقعدت تفكر
وتسأل نفسها


ليش ماكو حب ؟ معقوله مافى حب بهالدنيا
ليش لما يلعبون الشبااب وبنات يلعبون بأحلى احساس بدنيا واهو الحب؟؟

انا مستحيل اعطى قلبى احد الا لما اتأكد انه يحبنى ويحترمنى

وحتى لو حبيته ماراح اغلط معاه بأسم الحب مثل ماتسوي ريم

احبه اموت فيه على عينى وراسى لكن اغلط واغضب ربى مستحيل


ومع الكلام هذا كله نامت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 28-07-2008, 11:17 PM
صورة دلوعة بمزاجي الرمزية
دلوعة بمزاجي دلوعة بمزاجي غير متصل
©؛°¨غرامي مشارك¨°؛©
 
الافتراضي رد: كويتيات كشفوا الخفايا قصه واقعيه من حياه كويتيات


يعطيك العااااااااااااااااافية على البااااااااااااااااارت
روووعة طوويل مااقصرتي

تحيااااااااااااااتي


الرد باقتباس
إضافة رد

كويتيات كشفوا الخفايا / بقلمي ، كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية محمد و مريم / بقلمي ، كاملة بلا حدود روايات كامله - يتم نقل الرواية هنا بعد اكتمالها 31 26-07-2017 01:35 PM
غيروني غصب عني .. و غصب عنهم بغيرهم / بقلمي ، كاملة Bed روايات كامله - يتم نقل الرواية هنا بعد اكتمالها 75 15-07-2017 03:08 PM
رواية يا رب تخليه و تبقيه لعنين ترجيه / بقلمي ، كاملة فاقدة غالي روايات كامله - يتم نقل الرواية هنا بعد اكتمالها 2041 18-02-2017 02:26 AM
هبالي عالم من إختياري / بقلمي ، كاملة تــايــد روايات كامله - يتم نقل الرواية هنا بعد اكتمالها 489 29-10-2012 05:12 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 06:38 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1