غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 31-07-2008, 01:31 PM
صورة hano7 الرمزية
hano7 hano7 غير متصل
©؛°¨غرامي فعال ¨°؛©
 
الافتراضي ثلاث سنين شقى عمري / كاملة


ثــــ 3 ــــلاث سنين شقى عمري ...
مساائكم عسل يااااحلوين
كيفكم؟؟
هذي روايهـ جنننننننن لي الكاتبهـ **ورد مجروح**

واتمنى تعجبكم ياااااااااااااارب.....







قــــصـــة.(ثلاث سنين شقى عمري)قصه سعوديه رووووعه...........

بداية بعطيكم فكره مبسطه عن القصه...........

ابوسعود متزوج وساكن هو وزوجته وعياله وولده سعد وزوجته

هيا بس الله ماكتب لسعد عمر طويل وتوفى بعز شبابه في حادث

سياره يوم كان عمر ولده خالد 9 سنين طبعا هيا تزوجت من

عقب زوجها وتخلت عن ولدها الوحيد بأمر من زوجها الجديد

فصار خالد يسكن عن جده عبدالعزيز....................


تعريف بالعوائلـــ....................
ابوسعود(عبدالعزيز)الجد
ام سعود(نوره)الجده
سعود الولد الكبير: ماجد19سنه ــ غيداء 18سنه ــ غاده 15سنه

حصه: نواف21سنه ــ محمد19سنه ــ الهنوف ومشعل توأم (18 سنه)

لطيفه: عبدالعزيز22سنه ــ فارس 18 سنه

فهد: مها19سنه ــ رنا 18سنه ــ ريم16 ــ نوره 15سنه
سعد: خالد20سنه

الوليد: 20سنه
ساره: 18 سنه


**************************



.... بــــــــــــــــــــداية القصــــــــــــــــــــــــه....

البــــــــــــارت الاول

في بيت ابوسعود(الجد)..
دخل ابو سعود الصاله...

ابوسعـود:السلام عليكم
ام سعـود+ خالد: وعليكم السلام
ابوسعـود:وش اخبارك ياخالد اليوم انشالله احسن
خالد:والله بخير ياجدي مانشكي باس
ابوسعـود:الحمدلله......اجل الوليد وساره وينهم
ام سعـود:ساره فوق تذاكر فدييييتها بكره عندها اختبار
والولـيد الله يصلحه عند ربعه معد نشوفه ابد
وقتها دخل الوليد............
الوليـد:في احد جاب طاري الوليد؟؟؟
ام سعـود:بسم الله علي ياوليدي طيحت قلبي
الوليـد:ههههههههه وش دعوه يمه وش شايفه قدامك؟؟
ابو سعـود:ولو ياولدي من الادب انك قبل ماتدخل تسلم
الوليـد:ااااسفين ولا يهمك يالغالي..... السلاااااام عليكم
الكـــل:وعليكم السلام
ابوسعود:ايه بعدي والله ولدي الحين صرت رجال
الوليـد:ايه يبه انا الوليد مو حيا الله
ابوسعـود:ايه عاد لا يكبر راسك علينا
ام سعـود تقاطعهم :بس عاد خلوني اتكلم
ابوسعود بابتسامه حلوه: الغاليه بتحكي يالله خلاص نسكت
ام سعود استحت:.........
خالد: ا موووووووووت على اللي يستحون
ام سعود: يوه انتو ماينقعد معكم انا بقول اللي ابيه وامشي
ابو سعود: طيب يالله قولي............
ام سعود: ايه من شوي دقت علي بنتي حصه تقول ان نواف
يبي يروح مزرعة صديقه وعاد حصه تسألني كان ودنا نروح والا لا............وش رايك يابوسعود
ابوسعود: والله الراي رايكم وانا ودي بالجمعه(ابوسعود قمة سعادته لما يشوف عياله واحفاده مجتمعين حوله)
الوليد: أي والله اخواني من زمان ماشفتهم
ام سعود: خلاص اجل دق على لطيفه يابوسعود خبرها عشان تجهز نفسها
ابو سعود: ابشري يالغاليه( وهو يأشر على خشمه) على هالخشم
الوليد: خلاااااااااااااص ياابوي كافي غزل اليوم
ابوسعود: وانت شعليك حرمتي واتغزل فيها متى مابغيت
خالد: بس جدتي حرام خدودها حمرت
ام سعود وهي تقوم: يوووه ياشين خرابيطكم يالشباب
الكــــــــــــــــل: هههههههههههههههههه

************************


يوم الاربعاء في استراحة ربع الوليد..........

الوليد وهو يصرخ: اقول شبااااااااااااااب
بندر: وصمخ انشالله فقعت اذني...وش عندك تصارخ
الوليد: عمر وينه ماشفته
سيف: صباح الخير يابابا توك تفقده
الوليد: أي والله توني افقده
بندر: ياحياتي عمر من صار يكلم بنات وحالته حاله
سيف: هههههههه عاشق ومفلس وانا ماادري
الوليد: طيب يكلم مو يصير كذا سفهه معد نشووفه
بندر: لانه يطلع معـ...
الوليد قاطعه وهو فاتح عيونه عالاخر: بذمتك عمر يطلع مع خويته
بندر: بسم الله علي لاتاكلني........ايه يطلع
الوليد: لا لا مومصدق عمر النتفه يطلع مع بنات
سيف: وازيدك من الشعر بيت متعلق فيها بقووووووووه
الوليد: والله وكبرنا ياعمر صرت تحب
سيف+ بندر: ههههههههههههههه

*********************

في الخبر (بيت لطيفه).......

لطيفه: اقول عيالي جهزوا انفسكم ترى بكره بنروح للمزرعه مع خوالكم وبننام فيها..
فارس: ياسلااااااااام والله مشتاق لجدووو
عبدالعزيز: يمه طيب كل خوالي بيجون
لطيفه: اكيد ياوليدي
عبدالعزيز: وخالتي حصه
لطيفه: هو ياوليدي اقولك كل خوالك تقول وخالتي حصه يعني خالتك مو من خوالك
عبدالعزيز: لا بس حبيت اتأكد لاني مشتاق لها
فارس وهو يغمز لاخوه: بس مشتاق لخالتي والا...........
عبدالعزيز وهو يرمي عليه المخده : اقول ورا ماتنطم لاكفخك انت وخشتك
لطيفه: وش فيكم انقلبتو تو وش حليلكم
عبدالعزيز: لا بس ماشالله ذا الولد عندك تقولين وكالة cnn ما يفوت شئ
لطيفه: أعوذ بالله منك قل ما شاء الله لا يصير لاخوك شي منك
عبد العزيز: وانتم مشاء الله عليكم ماعندكم الا العين
فارس بغرور: صادقه امي ولدها كامل والكامل وجهه سبحانه
ومن حقها تخاف عليه
عبدالعزيز وهو يقوم: اقوم احسن لا اتناشب انا وياك
لطيفه :الله يصلحكم ياعيالي ويخليكم لي
فارس راح لامه وحبها على راسها: ويخليك لنا يالغاليه
لطيفه: ااااااامين

*******************

في بيت حصه الساعه 6الصبح يوم الخميس

محمد يصارخ: يمااااااااااه......مامايااااااااااه......امااااااا ااهوووو
مشعل: لا اختر الاجابه الصحيحه احسن
محمد: لا مافي اتصال بصديق ههههههههههه
مشغل وهو يدفه: ياسخفك

ام نواف: خير ياوليدي وش عندك تصارخ تقول شابه حريقه في بيتنا
مشعل قام يغني ................
شبت حريقه........في بيت حصيصه
جت المطافي.......قالت ياكافي

محمد وهو ماسك بطنه من الضحك: هههههههههههههههههاي
ام نواف تضرب مشعل على راسه: صدق عيال مايستحون اجل انا حصيصه..
مشعل: لا عاد كلش ولا حصوصتي بس امزح معك
ام نواف: انا لو قعدت معكم ماراح اخلص اشغالي

رن جوال محمد.......المتصل مجود
محمد: هلا والله وغلا ومرحبا و مسهلا....و..كافي والا اكمل
ماجد: محمد مو فاضيلك واستهبالك الحين
محمد: افاااااااااااااااا
ماجد: ياشيخ ليه ساعه في ذا البرد وينكم
محمد: انت وين
ماجد: احنا عند باب المزرعه
محمد: طيب ادخلو
ماجد: كيف ادخل يافهيم والمفتاح معكم
محمد: اها صح خلاص كلها مسافة طريق ونكون عندكم
ماجد: اوكي لاتتاخرون
محمد: قلنالك مسافة طريق
ماجد: اوكي بااي
محمد: باي
.......................................
محمد: يمه هذا مجود معصب يقول وينكم
ام نواف: يالله انا بروح اقوم اخوك
مشعل: ذا البرميل لين الحين ماقام
محمد رافع حواجبه: مين البرميل؟؟
مشعل : من غيره نواف ابو النوووم
محمد: والله حلوه البرميل بس لا تعيدها لو تسمعك امي( ويحط محمد ايده على رقبة مشعل) تذبحك..............
مشعل: يوه مره وحده ذبح اجل خلاص( وحط ايده على فمه) ماعاد اقولها عقب اليوم
محمد: هههههه... انا بروح انادي الهنوف
محمد وهو يرقى الدرج وباعلى صوته: الهنووووووووووووووووووووووف
الهنوف وهي نازله: يالله يالله اعصابك هذا انا جايه
مشعل: اقول عاد الا توأم روحي
محمد وهو طالع برا: ازعجتنا انت وتوأم روحك.......انا احتريكم برا...................

*************************
يوم الخميس الكل مجتمع في المزرعه
(عند الشباب في الخيمه)
دخلوا فارس وعبدالعزيز
السلااااااااام عليكم
الكل: وعليكم السلام
ابو سعود: هلا والله بعيالي
سلمو عبدالعزيز وفارس وحبو راسه
وراحو عند العيال
عبدالعزيز: هلا والله بولد الخاله
نواف: هلا فيك
ماجد: واحنا مالنا رب تسلم علينا
عبدالعزيز: لا وش دعوه كلكم حبايب
فارس في نفسه(والله مو لله عشان اخو الغاليه)

المهم جلسوا يسولفون مع بعض ويضحكون


*****************************

عند البناااااااااات
رنا: يوووووووه بنات والله ملل قوموا نسوي شي
غيداء: انا عندي لكم فكره جنااااااان
ساره: قولي ياام الافكار
غيداء: وش رايكم نطلع برا وناخذ العود حق مجود
غاده وهي منسدحه عالكنب وتلعب بالجوال: ومن صدقك اخوك بيوافق
غيداء: بدق واجرب

رن جوال ماجد.......
ماجد: اهلين
غيداء: هلا والله مجووود
ماجد: هلا وغلا
غيداء: اخبار الحلو
ماجد: الدعوه فيها حلو اكيد داقه لمصلحه
غيداء: لا وش دعوه حرام عليك
ماجد: طيب يالله اخلصي علي وش تبين
غيداء: طلبتك قل تم
ماجد: تــم
غيداء: نبي العود حقك الله يوفقك
ماجد: اممممم اوكي خوووذيه تلقينه في سيارة نواف
غيداء: يابعد عمري والله يلووووموني في مجود
ماجد: تسلمين
غيداء: باي
ماجد: بايات



المهم راحت غيداء داااايركت لسيارة نواف تدور العود بس مالقته
قلبت السياره فوق تحت وهي متحمسه تدور العود وشكلها حووسه
ماحست الا بيد على كتفها
.............: هنوووووفه وش تسوين في سيارتي
غيداء يوم سمعت الصوت تجمدت في مكانها

بعد نواف ايده.........
غيداء التفتت عليه ويوم شافته انحاشت ودخلت جوا

نواف ماعرفها واستغرب ايش تبي في سيارته هو كان متوقع تكون الهنوف
(طبعا غيداء كانت لابسه بنطلون برمود جينز وتيشيرت احمر
وكانت هي والهنوف لابسين نفس الشي لأنهم كانو مثل الاخوات وأكثر)
نواف: إذا كانت هذي مو الهنوف مين تكون اجل
سبحان اللي خلقهم نفس الجسم ونفس الشكل مين تكون ياترى
جلس نواف يحك راسه ويفكر يمكن تكون غاده لالا بس لو غاده كان كلتني بلسانها...........
حرك نواف راسه عشان يطرد هالافكار السخيفه ودخل عند الشباب

من جهه ثانيه... غيداء دخلت وهي تركض
مها: خير احد لاحقك؟؟؟؟
غيداء وهي تلهث: هـ..هاه لالا مافي شي
ساره: ويــــــــــــــــــــــــــــــن العوووووووووووود
غيداء: هـ ...هـ..هاه هاه مدري وينه
ريم وهي تضحك: وش عندك انتي وذا الاهات
الهنوف :طيب الحين وين العود
غيداء: لقيت السياره مقفوله
ساره بعصبيه: الهنوف دقي على اخوك يفتح سيارته من زينها يقفلها
الهنوف: يالله اعصابك لاتموتين علينا

دقت الهنوف على نواف
نواف: هلا هنوفه
الهنوف: هلا نواف
نواف: اهلين
الهنوف: نواف ليش مقفل سيارتك
نواف: ليه بغيتي شي
الهنوف: لا....بس غيداء من شوي جت تاخذ العود لقت السياره مقفوله

نواف : غيداء.!!!!!!!!!!! واخيرا عرفتها
الهنوف ماسمعته: وش تقول
نواف انتبه لنفسه: هاه لا ولا شي
الهنوف: المهم افتح السياره
نواف استغرب كيف افتحها وهي مفتوحه .........
بس هو قال اكيد غيداء ماعلمتهم باللي صار وصرفت الموضوع
الهنوف: هييييييي يابو الشباب وين رحت
نواف: معاك....اوكي الحين بفتح السياره باي
الهنوف: باي

******************

المهم خذوا البنات العود وطلعو يغنون ويرقصون طبعا ساره كان صوتها جنان وتغني اغنيه مثل العسل لخالد عبدالرحمن



.............................................



والبنات فالينها رقص وهباااااااال

.....................................




عبدالعزيز: اقول شباب ماتسمعون صوت
مشعل: اللاااااااه هذا صوت طق
ماجد: ايه هذولا البنات ماخذين العود
عبدالعزيز: الله يقطع بليسك جايب عود ومعطيه البنات وحنا مالين ما عندنا شغل
ماجد: أنا وش دراني عنكم ماطلبتوا منّي
محمد: طيب يالله وش تحترون ؟
الوليد: وين تروح إن شاء الله
محمد: نروح البنات
نواف: يالله يالله نشوف أشكالهم وهم يرقصون
الكل: يالله مشينا
المهم تتبعوا الشباب الصوت وراحوا لقوا البنات جالسين في الهايلكس حق جدهم ويرقصون
العيال ماتوا ضحك على أشكالهم
فارس: والله توني أدري أن خالتي سارونه صوتها حلو
الوليد: أفا عليك من أخوها ؟
عبدالعزيز: خلاص أنت ويّاه أصواتكم عاليه
نواف: شف ذا المهبوله بترقى فوق ( التنده ) >>>> أعلى السياره
محمد: يا شيخ أنا ما أتحمل شكلي بروح معهم
ماجد: وأنا معك
فجأه مادروا ألا اللي وراهم ..................

.........:عياااااااااااااال وش تسوون

انتــــــــــــــــــــــــــــــــهى البـــــــــارت


مين تتوقعون اللي شاف العيال؟؟؟
وايش ردة فعل العيال؟؟



انتظركم ياحلوووين وابي حماس ترا اذا ماشفت حماسكم خلاص ماراح اكمل

وترا لقبي ياحلووووين

(سلطانة الغيـــــــــــــــد)

تحياااااااااتيـ....

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 31-07-2008, 01:39 PM
صورة hano7 الرمزية
hano7 hano7 غير متصل
©؛°¨غرامي فعال ¨°؛©
 
الافتراضي رد: ثــــ 3 ــــلاث سنين شقى عمري... (قصه سعوديه روووعه)


البـــــــــــــــــارت الثاني. . .

العيـــــــــــــــــال بصوت واحد...جـــــــــــــــدوووو

ابو سعود: ماشاءالله وانا اقول وين العيال مختفين صرتوا تناظرون البنات صدق ماتستحون.......

نواف يبي يصرف الموضوع: لاياجدي الله يهديك لاتفهم غلط بس احنا سمعنا الصوت وقلنا يمكن يكونون اهل الارض بسم الله علينا وجينا نشوف

العيال ميتين ضحك على تصريفة نواف اللي مالها داعي

ابو سعود: لاااا !!! ونواف معهم وعزوز صدق اكبرهم واهبلهم
خذ الجد العصا وضربهم بها ودخلهم داخل.......


******************


من جهه ثانيه كانوا البنات يسمعون الهواش اللي صار مع جدهم والعيال.....
ساره: ياحيـــاتي ضربهم ابوي

غيداء: يستاهلون محد قالهم يناظرون

ريم: ههههههه ياحليله جدي يعجبني

مها: لا ياعمري مالقى يضرب الا عزوز ونواف
غيداء: احسن هذا حقهم

مها بدلع: لاوالله عزوز مايستاهل فديييته

البنات تبادلو النظرات استغربو من جرائة مها

رنا حست بالفشيله من اختها وقالت لازم الطف الجو..
رنا: يالله بنات ندخل والله الجو بارد


*************************


(عند الحريم)

دخل ابوسعود: السلام عليكم
الكل: وعليكم السلام

ابوسعود: ايه مالقاها الا انتو يالحريم حب(فصفص) وشاهي وسوااااااااالف..........وتاركين عيالكم
حصه: وش دعوه يبه كل واحد اكبر من الثاني وش فيها اذا خليناهم لحالهم..........

ابوسعود: ايه عشانكم ماتدرون وش مسويين مسودين الوجيه؟
ام سعود: مسودين الوجه وش مسويين؟؟؟

ابو سعود: جالسين كل واحد فوق الثاني تقولين خرفان محشورين
ام ماجد(زوجة سعود): هههههههههههه ياحليلك ياعمي .....تشبيهك بليغ...
حصه: هههههههه باين عليك ياام ماجد انك مدرسة عربي

ابوسعود: لا ويناظرون البنااات

حصه: الله يهديك يبه مكبر السالفه
ام سعود: خلهم يوسعون صدورهم
ام سعود: والله مااهبل من العيال الا اهلهم .........يالله فمان الله

الكــــــــــــل: هههههههههههه

***********************






(عند الشباب) في الخيمه.............

عبدالعزيز: ااااه ياظهري الله يهديك ياجدي كسرت عظامي
محمد وهو نايم على رجل مجود: هذا واحنا بس جالسين نطالع
كيف لو سوينا شي ثاني

فارس: لااااااااعاد كلش الا جدوو حبيبي
عبدالعزيز: عشان ماجاك الضرب اللي جانا......

نواف: انا راسي راح فيها احس الدنيا تدور

الوليد: هههههههههاي ياحبك للمبالغه يانواف

الكل: هههههههههههههههه
دخل الجد فرحان...


ابو سعود:يا حياالله عيالي............
خالد: بسم الله عليك جدو وش اللي غيرك

مشعل: يمكن جدتي توها مسمعته كلام حلو
فارس ميت ضحك

فارس: لايمكن قالتله ياابوعيالي وتشقق من الفرحه

((طبعا مشعل وفارس كانو يحلون الجلسه بهبالهم وصرقعتهم والعيال الكبار مايقدرون يستغنون عنهم مع انهم اصغر منهم بس هم حلاة الشي))
ابوسعود: وجع انشاالله تحشون فيني وانا قدامكم عيني عينك

مشعل: لا ياجد محشوم بس استغربت انقلبت 180درجه

ماجد: سبحان مغير الاحوال

ابوسعود: ماعليكم بس انا عندي لكم سالفه مره حلوه
العيال: اللي هــــــــــــــــي؟

ابوسعود: كل واحد منكم يختار

محمد عدل جلسته: وش يختار
ابوسعود: بنوته حلوه

ماجد: الدعوه فيها بنات يالله انا مستعد

محمد وهو ينغز ماجد : قصر صوتك لايسمعك جدي يذبحك
ابوسعود: وش تقول ياوليدي

ماجد: لا سلامة البك جدو

نواف: يالله عاد خلو جدي يكمل

ابوسعود: ايه تختارون لكم البنت اللي تبونها ونزوجكم في ليله وحده... شراااااااااااااااااايكم؟؟

( طبعا الجد تجيييييه حالات يخرف ويقول كلام مدري من وين يجيبه تعرفون الكبر ومايسوي)


الوليد قام وحط ايده على جبهة ابوه .....يبه شكلك تعبان

ابوسعود: لا ماني تعبان ولاشي

فارس: الاجدو شكلك تعبان وحرارتك اربعين
الحين من شوي تهاوشنا يوم نشوف البنات بعدين تجي تقول ازوجكم

مشعل وهو رافع ايده: انا رافع ايدي من الحين مابي اتزوج
فارس: حتى انا معاك خيووو احنا لسا صبايا

وقتها رن جوال خالد..........
مشعل : يتوقف البرنامج لمدة بسيطه حتى ينتهي اخينا خالد من المكالمه.........

خــــــــالد يوم شاف المتــــــصل تغيرت مــلامح وجهه.... شعووووور منــدمج بالفــرح والحـــزن.بنفس الوقت....مايدري خالد ليه حس بارتعاش .....وارتباك.....تجــاه هالـــرقم.....مع انه يحتــري هالشــخص يدق عليه بفاااارغ الصبر.....وكان يشتاق يسمع هالصووووووووووووت....



ابوسعود: خالد ابوي من اللي داق عليك

خالد انتبه لجده ورفع راسه وشاف العيال يناظرونه بحيره
خالد: عن اذنكم...........وطلع

ابو سعود من طلع خالد طلع وراه حس انه في الامر شي ارتباك خالد وفرحته في نفس الوقت مو طبيعيين.....

بعد ماطلع خالد بوقت دخل سعود........

سعود: وش السالفه الهدوء عام المكان

الوليد: نستناك تتكلم يااخوي

سعود: حلووو....اجل دام ماعندكم شغل ورونا شهامتكم وهمتكم
وسوو لنا العشاء اليوم مشوي

نواف: الدعوه كذا اجل والله انا تعبان
عبدالعزيز: ماشاالله هالتعب توه يجي

سعود: يالله بس عن سوالفكم اللي ماتخلص

قوموا معي اشوف لا شغل ولا مشغله

قاموا العيال مع عمهم يسوون العشاء...........




**************************




خـــالد يوم طلع رد على جواله...

خاله بلهفه وشووق: هلا والله وغــــــــــلا
........: السلام عليكم

خالد: وعليكم السلام عاش من سمع هالصوت

........:كلامك هذا مو وقته الحين

خــالد حــز في نفسه......ليــــه ؟؟ تعاملني كذا انا شسويت وش ذنبي
تعاملني بهالقساوه.....ليه ياربي ......ليييييييييه؟؟؟

.........: الووووووو

خالد: هاه معااك

.........:انت وين الحين

خالد: انا مع جدي في المزرعه
.
........بعصبيه:وليه ماعطيتني خبر

خالد بصوت يقطع القلب: وانتــي من متى وانتي تعبريني اوتحسسيني.....في شـــي ....طول عمـــرك مطنشتني.... ولا كنك تعرفين واحد اسمه خـــالد......بعدين تجين تقولين...... ليـــه ماعطيتني خبـــر.....كيف تجي هــــذي....قولي لــــي كيييييييييييف؟؟

.......:بس ولا كلمه خلاص عاد كافي انا مو ناقصتك الحين
يالله تعال ابيك تجيبني من الزواج

خالد: بس انا في المزرعه مااقدر ا جي

.......:تجي غصب عنك
خالد: بس.....

.......:انا احتريك وقفلت الخط



خــالد رمــى الجواااال وحط راسه بين رجـــوله ودخـــل في نوابــــة بكاء بيــنه وبين نفـــسه.....ااااااه ليـــه الدنيا غداره كــذا.....ليه خذت ابــــــــوي مني ليه...؟؟!!

ليه امــــي تخلت عني بهالســـهوله وتعاملـــني بقسووووه....ماكنـــي ضناها
بس هي اكيد ماسوت كذا الا انها ماتحــــــبني ......ايه امــــي ماتحبني...

لوانها تحبني........ ماتحملت ضناها........ يغيــــب عنها ماتشوفه الا في الاعياد..........وينك يابووووووي........ صح اني ماحــسيت فيك...... ولا عمــــري شفتك ......الا في صور.......وينك تشوف...... ولدك متلهف لشوفتك....ومشتاااااااق لحنانك وعطفك.....وينك تشــــوف امي كيف رمـــــتني وتخلت عني ..........ااااااااه وينك يايبه تشوف وينك.....


بس... انا احبــــــها والله العظيم احبهــا ...... مع كــل اللــي تســويه لــي احبهــــا.................
فــي هالوقت تذكر خالد شي

دخــل ايـــده في جيبـــه وطلـــع بوكــه وشـــاف صــــورة ابـــوه اللي كــان محتفــظ فيها.........

وضمها لصــدره.......الله يرحمــك يابو خـــــالد.....

قــام خالد يــــروح ينفــــذ الطلـــب اللــي قالــته له امــــــــــــه...........




دخــل خـالد عالعيـال في الخيمه بس مافيها احــــد

خالد: غريبه وين راحو

الوليد يصارخ: خلووووووووود احنا هنا تعال

راح خالد للعيال ..........

مشعل: ماصـــارت ياخالد كل هذي مكالمه

فارس: ايه تعــــال من اللي داق عليك تــو

عبدالعزيز: ياشينكم بعض الاحيان ترفعـــــون الضغط
وانتم شعليكم يكلم مين؟؟.........

خالد ابتسم من غير نفس: خلهــم عـزوز لاتكـبر السالفـه وهـي صغيـره.....اجل جدي وينه؟؟؟

عبدالعزيز: روح عنده هناك عند البركه

خالد: اوكي عن اذنكم...........


ويوم حس نواف ان خالد خلاص ابتعد عنهم.........

نواف:اقول شبااااااب

محمد: قوول

نواف: شكل خالد ابد مو عاجبني

عبدالعزيز: ايه والله صادق انا اشوفه تو وجهه مرره مخطوف

ماجد: واكبر دليل انه ماجلس معنى راح لجدي

الوليد: الا بتخلون الولد فيه شي انشالله مافيه الا العافيه

*********************



خالد: جدي


ابوسعود: بسم الله......... خلود انت هنا

خالد بحزن:ايه

التفت ابوسعود على خالد ويوم شاف شكله الحزين

ابوسعود:شفيك حبيبي عسى ماشر

خالد: الشر مايجيك جدي بس ودي ارجع

ابوسعود بقلق: وين ترجع

خالد: للبيت

ابوسعود:ليه المزرعه موعاجبتك

خالد: لاياجدي بسـ......

ابوسعود: بس ايش ياخالد تكلم

خالد بتردد: بجيب امي

ابوسعود فتح عيونه عالاخر: امك!!!

خالد بعفويه: ايه امي اللي ماتحبني

ابوسعود: وش اللي ماتحبك ياخالد.....بعدين من وين طلعت

خالد: هههههه حلوه ياجدي من وين طلعت

ابوسعود:بس اخبرك ياوليدي ماتشوفها الا في الاعياد

خالد: ايه بس هي دقت علي من شوي وقالت تعال

ابوسعود: وزوجها وينه

خالد: ماادري تقول مشغول

ابوسعود:وين تبيك توديها

خالد:تقول تعال خذني من الزواج

ابوسعود:لاياخالد مستحيل..... تطلع في هالوقت المتأخر عشان تجيبها مو على كيفها توها تحس فيك يوم احتاجتك........

خالد:بس بتعصب اذا مارحت

ابوسعود وهو يطلع جواله: انا اكلمها واتفاهم انا وياها....كم رقمها


خالد: لالا جدي تكفى ودي اروح

ابوسعود: مو تو تقول ماتحبني شلون تروحلها

خالد: مهما كان هذي امي.....والله اني اشتقت لها ولخواتي

ابوسعود جلس يتأمل في ياخالد.... ياحليلك ياخالد مع كل اللي تسويه امك تقول اشتقتلها.....والله هيا واشكالها مايستاهلون واحد مثل خلوود

ابوسعود: اجل خذ احد معك

خالد: لامايحتاج جدي


ابوسعود: خلاص براحتك انتبه لنفسك

خالد: من عيوني

ابوسعود:ولا اوصيك لحد يدري انك طلعت

خالد: انشاالله جدي فمان الله

ابوسعود:فمان الكريم

*********************


ومن جهه ثانيه كانو ماجد ومحمد جالسين لحالهم..............

محمد:ماجد تحبني وتعزني ماترد عليها

ماجد: لا حمود الا هذي مااقدر اسمحلي

محمد: انت ماتمل كثر ماتلعب على بنات الناس

ماجد: محمد تكفى طلبتك هالمره بس برد وبعدين اوعدك اني اقطع علاقتي.........

محمد بضيق:اوكي رد

ماجد:هلا والله بعمري...... وحياتي....... ودنيتي كلها

هيفاء: هههههههه ترا استحي مجود

ماجد:فدييييييييييييت انا اللي يستحون

هيفاء: تسلم لي والله حبيبي احرجتني

ماجد: اخبار الحلو ياحلو............

هيفاء:والله تماااااااام.....انت اخبارك

ماجد: اخباري حلوه مادام سمعت هالصوت



محمد دف ماجد وناظره نظرات يعني خلاص تراك مصختها...........

*******************

(عند البناات).........كانو يشوفون التلفزيون(مسلسل)...........


نوره: بنات لا تتعبون اعماركم وتتحمسون انا شايفه المسلسل كله وفيصل بيموت

غيداء معصبه: لااااااااااااا يالسخيفه انتي في احد قال علمينا

ساره: سبحان الله البزران عمرهم مايتغيرون

مها: خلاص نوره شايفه المسلسل اطلعي برا ماله داعي جلوسك هنا

نوره: لاخلاص ماراح اقول شي

ساره: انا اموت واعرف ليش تقعدين معنا

نوره وهي تحط ايدها على خصرها: لا حبيبتي وين تبيني اروح

غيداء: روحي مع البزران

نوره: انتو ليه تقولون انا بزر

مها: لانك تخربين على الواحد زي البزران

نوره: خلاص والله مااتكلم



***************************




ماكان مركز في السواقه ابد.......الافكار ماخلته.......يفكر كيف انا الحين بقابلها عقب اللي صار........خصوصا ان هالسنه مارحت احظر العيد عندهم........يعني ماشفتها من 9شهور.......كيف بقابلها كيف؟؟؟

طول الطريق وهو يفكر.....باللي راح يصير

وصل للمكان اللي وصته امه انه يجيها فيه ..........ووقف سيارته على جنب يحتري امه واخواته...........


**********************



هيا (ام خالد): اقول العنود قومي دقي على خالد مره تأخر

العنود: يمه هو متى قالك بيجي

هيا : وانا شدراني قلتله تعال وبس

رهف: طيب انا بطلع برا اشوف جا ولا لا

طلعت رهف تدور سيارة خالد.........وهي تدور بين السيارات شافت سيارة لكزز سودا موقفه بعيد شوي وعرفت انها سيارة خالد ودخلت تنادي امها واختها.............

خالد كان نازل وواقف عند السياره.......جت رهف ووراها منيره والعنود

رهف ركضت لخالد وضمته: خااااااااااالد والله اشتقنالك

خالد: والله انا اكثر يارهف((خالد كانت علاقته باخواته مرره حلوه غير امه اللي مو معتبرته انه ولدها))
وجت العنود وسلمت على اخوها..........

وهيا واقفه تناظر موقف بناتها ........خالد يناظر في امه اللي كانت بس مسمى انها امه.......لاعطف لاحناااااان ولاحتى رحمه.......

هيا جت ومدة ايدها لخالد وسألته عن اخباره وركبت.........

خالد جلس فتره يستوعب اللي يصير.......الحين ........اخواتي من امي يسلمون علي بشووق......وامي اللي هي امي وانا ولدها......ايه انا ولدها ....تسلم عليه بكل هالبرووود......(طبعا ماننكر ان هيا تحب ولدها.......يعني مهما كان هذا ولدها......بس بعد خالد عنها....نساها خالد وحبها له)

خالد في هاللحظات بتنزل منه دمعه بس حاول يتماسك وركب السياره.........

طول الطريق والسكون ملازم سيارة خالد.........

خالد: يالله يمه حنا وصلنا........
نزلت هيا وبناتها...

هيا : مشكور ياخالد

خالد بابتسامه: ماسوينا الا الواجب


*********************



عدت ايام المزرعه على خير وكل واحد رجع لبيته..........

في طريق الدمام(في سيارة عبدالعزيز)

(طبعا لطيفه وعيالها كانوا ساكنين في الشرقيه لان عبدالعزيز كان يشتغل هناك)

لطيفه:هاه ياعيالي انشالله استانستوا

فارس: بصراحه فللللللله

عبدالعزيز: بس الله يهدي جدي ضربنا بالعصا......والله ظهري من الضرب صار احمر.......

لطيفه: وليش ضربكم اكيد مسوين شي

عبدالعزيز: ماادري والله ماسوينا شي

فارس وهو يتطنز: اجل مدري واللي جالس يطالع في البنات ميــــــن

عبدالعزيزالتفت على فارس يبي يسكته وانحرفت السياره عن الطريق وكان عبدالعزيز يسرع فما قدر يتمالك نفسه...........

طراااااااااااااااااااااااااااااااااااخ

انتهـــــــــــــى البارت..........


ايش راح يصير بعد كذا...................؟؟؟
وخالد وامه هل بتتغير علاقتهم والا بتكون نفس اول؟؟؟


سلطااااانة الغيــــــــــد

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 31-07-2008, 01:40 PM
صورة حلا% الرمزية
حلا% حلا% غير متصل
©؛°¨غرامي مشارك¨°؛©
 
الافتراضي رد: ثــــ 3 ــــلاث سنين شقى عمري... (قصه سعوديه روووعه)


باين عليها حلوة كثييييييييييييير


ننتظرك على احر من الجمر

تقبلي مروري

تحياتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 31-07-2008, 01:48 PM
صورة hano7 الرمزية
hano7 hano7 غير متصل
©؛°¨غرامي فعال ¨°؛©
 
الافتراضي رد: ثــــ 3 ــــلاث سنين شقى عمري... (قصه سعوديه روووعه)


اقتباس:
المشاركة الأساسية كتبها حلا% مشاهدة المشاركة
باين عليها حلوة كثييييييييييييير


ننتظرك على احر من الجمر

تقبلي مروري

تحياتي
يسلمو على المرور ...

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 31-07-2008, 02:12 PM
صورة hano7 الرمزية
hano7 hano7 غير متصل
©؛°¨غرامي فعال ¨°؛©
 
الافتراضي رد: ثلاث سنين شقى عمري .. قصه سعوديه روعه


البــــــــــــــــــــارت الثالث..............



ام سعود:الوليد يالله قوم تأخرت على الكليه

الوليد: يوووووه والله تعبان عقب امس ماراح اروح اليوم

ام سعود: قوم بس عن الدلع

الوليد: يمه تكفين والله مالي خلق

ام سعود: خلاص انشالله هانت كلها اسبوع والاختبارات جايه وبتجي الاجازه ونم لين ماتشبع.....

الوليد: طيب انشالله بقوم الحين

ام سعود سمعت التليفون يرن وراحت ترد عليه لقت ابو سعود
رفع السماعه

ابوسعود: ألوو

.....:السلام عليكم

ابوسعود:وعليكم السلام

.....:الاخ عبدالعزيز(ابوسعود)

ابوسعود:ايه نعم

.....:ممكن تجي اخوي لمستشفى المانع العام في الخير

ابو سعود بخوف: مستشفى!! خير يااخوي فيه شي

.....:انت تعال وانشالله يصير خير

ابوسعود: انشالله انا جاي الحين فمان الله

ام سعود: خير انشالله ياعبدالعزيز فيه شي

ابو سعود: والله ماادري يانوره يقول تعال للمستشفى اللي في الخبر

ام سعود حطت ايدها على صدرها : ياويلي لايكون لطيفه صار لها شي

ابو سعود: فال الله ولا فالك....استغفري ربك....انشالله مايكون الا الخير.......انا بروح وخالد للمستشفى

ام سعود: بروح معك

ابو سعود: لا انتي اجلسي عند العيال

ام سعود: انشالله .......بس طمني اذا وصلتو..

ابوسعود: انشالله .......مع السلامه

ام سعود: في حفظ الرحمن

*******************



في بيت سعود,,,,,,,,,

غيداء كانت نايمه ورن الجوال وغاده كانت قايمه عشان تروح للمدرسه

غاده: غيدا قومي جوالك يرن
الهنوف متصله

غيداء قامت مفزوعه: شتبي في هالصبح

غيداء وعينها نصها نوم: الو...

الهنوف: وش في صوتك شكلك من شوي قايمه

غيداء: حرام عليك خربتي علي نومتي

الهنوف: يوه ماشبعتي نوم

غيداء: وماراح اشبع......وش عندك داقه هالوقت

الهنوف: تصدقين مانمت من امس الليل

غيداء: ليه

الهنوف: ضايق صدري

غيداء: ماعاش من يضيق صدرك

الهنوف: تسلمين

غيداء: يالله عاد قولي شفيك خوفتيني

الهنوف: اخاف اقول وتعصبين

غيداء: لا قولي عادي

الهنوف: تذكرين يوم جدي يضرب العيال في المزرعه

غيداء : ايوه

الهنوف: يوم مها تقول عزوز مايستاهل الضرب

غيداء: طيب اخلصي علي قولي الزبده

الهنوف: ايه يعني مها تحب عبدالعزيز

غيداء عصبت: سخيييييييييييفه الحين مقومتني من نومي عشان مها
وش فيها اذا حبته........
وبعدين من يوم احنا صغار وانا اعرف ان مها تموت في عبدالعزيز

الهنوف: وليه ماقلتيلي

غيداء: هههههههههه وليه انتي وش يهمك

الهنوف:..............

غيداء: اقول لايكون تحبينه

الهنوف: ..........

غيداء: ههههههههههههههه

الهنوف: وش فيك

غيداء: الهنوف تحب؟؟

الهنوف: ليه انا جماد ماعندي مشاعر

غيداء: لا ياقلبي بس مالقيتي تحبين الا واحد مها تحبه

الهنوف: وهو بكيفي اختار قلبي اللي يختار

غيداء: هههههههههههههههههه

الهنوف عصبت: انتي وش فيك كل ماقلت شي ضحكتي

غيداء: لابس اشوفك مره متحمسه

الهنوف: والله سخيفه احر ماعندي ابرد ماعندك

غيداء: والله انتي مضيعه للوقت ترا ورانامدرسه الحين

الهنوف: ايه والله تأخرت على اخواني يالله باي

غيداء :باي



دخلت غاده الغرفه وهي تصيح: غيداء الحقي علي امي تصيح

غيداء: وش فيها تصيح

غاده: ماادري روحي شوفيها تكفين

راحت غيداء لامها

غيداء: يمه حبيبتي شفيييييييك؟؟

ام ماجد: يابنتي الله يعافيك قومي اخوك بسرعه

غيداء : ليه يمه وش صاير

ام ماجد: انتي قومي الحين ويكون خير


غيداء خضعت لاوامر امها وراحت تقوم اخوها

غيداء: ماجد....ماجد..... يله قووم

ماجد: يوووووه انتي وش تبين الحين

غيداء: ماجد الله يعافيك قوم امي تصيح

ماجد قام مختبص : امي وش فيها

غيداء: ماادري انت قوم الحين

ماجد بسرعه قام وغسل وجهه ولبس وراح لامه

ام ماجد: يله ياماجد قوم روح مع ابوك

ماجد: وين اروح في ذا الصبح محاضرتي مو الحين

ام ماجد وهي تصيح: وش محاضرته روح لابوك في السياره يحتريك

ماجد: انشالله

*************




في مستشفى المانع(الخبر)

دخل ابوسعود وخالد المستشفى.........

وراحو للرسبشن......

ابوسعود: خير ياخوي انا ابو سعود

الدكتور: مافيه الاالخير يابوسعود بس الاخ عبدالعزيزبن ناصر
صارله حادث بسيط هو وعائلته........

ابوسعود ساكت مع الصدمه....

الدكتور: الولد كسور بسيطه واما عبدالعزيز حالته شوي صعبه لان الضربه جت في صدره وعشان نصيطر على حالته راح نسوي له عمليه مستعجله.................

خالد قاطع الدكتور: وعمتي لطيفه

الدكتور: امهم دخلت في غيبوبه

وقتها دخل سعود وماجد

سعود: خير يابوي وش صار

ابو سعود:الحقني ياوليدي اختك صار لهم حادث ودخلت في غيبوبه.......

سعود: انالله وانا اليه راجعون........هم وينهم الحين

الدكتور : تعالو معي عشان تشوفونهم

دخل ابو سعود وولده عند لطيفه وخالد وماجد راحو لعبدالعزيز وفارس..........

ابوسعود يوم دخل على بنته وشافها تحت الاجهزه ماتقدر تتحرك
رجوله ماصارت تشيله وطاح على الارض من اللي شافه

سعود جلس يهدي في ابوه

سعود: يابوي تعوذ من ابليس مايصير كذا مالنا الا الدعاء لها بالشفاء

ابوسعود: حرام اختك ماتتحمل هالاجهزه والله شكلها قطع قلبي

سعود: يبه لطيفه محتاجه دعواتنا ادعلها يبه بالشفاء العاجل

ابوسعود: يالله لايحرمني منها ... ياعلني ماابكيها ان شاءالله

سعود ماتحمل يشوف ابوه كذا.......اول مره يشوف ابوه ضعيف
قدامه......مايقدر يسوي شي...........

نزلت منه دمعه غصب عنه: ابوي دخيلك كافي خلنا نطلع نشوف العيال...... والله ماقدر اتحمل

ابوسعود:يله ياوليدي

ساعد سعود ابوه في القومه وراح وياه ............

طبعا الدكتور مانع الزياره لعبدالعزيز لان حالته ماتسمح لاحد يزوره.........

عند فارس.........

خالد وماجد جالسين يناظرون فارس اللي مو راضي يرد عليهم بكلمه.......بس يناظرهم بعيون حيرانه.........

واخيرا نطق فارس بصوت تعبان ومتقطع: امـ..ــي

قرب خالد من عند فارس: فارس

فارس: خالد وين امي واخوي

خالد: حبيبي انت ريح الحين وبيجون بعد شوي

فارس: طيب فيهم شي؟؟

ماجد: تطمن يافارس كلهم بخير

فارس يوم تطمن على امه واخوه رجع لصمته وسكوته من
جديد.......................

في هالوقت رن جوال ماجد........

ماجد: يوه هذي امي وش اقولها

خالد: لاتخوفها قول لها كلهم بخير

ماجد: تكفى خالد رد عليها انا مو عارف ا حط كلمه على الثانيه

رد خالد...................

خالد:الو

ام ماجد: هلا ماجد وينك ماترد خوفتني عليك

خالد: انا خالد ياخالتي

ام ماجد:هلا خالد هاه بشر وش صار

خالد: الحمدلله كلهم بخير وعافيه

ام ماجد: الحمدلله طمنتني.......طيب عمك سعود وينه مايرد علي

خالد: والله ماادري انا وماجد عند فارس
وجدي وعمي عند عمتي..............

ام ماجد: اجل بروح اخبر جدتك انهم بخير المسكينه خايفه

خالد:مع السلامه

ام ماجد: مع السلامه

******************



الكـــــــــــــــــل درا بالحادث اللي صار وحزنوا على لطيفه وعيالها.............

لطيفه منومه في المستشفى ماصحت من غيبوبتها
وفارس طلع من المستشفى وعبدالعزيز بيسوون عمليته بعد اسبوع..............

في بيت لطيفه بالخبر كان ابو سعود وام سعود وسعود جالسين عند فارس............

والباقين تطمنوا على لطيفه وعبدالعزيز ورجعوا للرياض عشان المدارس.................


******************



في بيت فهد....يوم الثلاثاء


مها: ياحياتي عزوز مايستاهل اللي يجيه

رنا: اقول متى بيسوون عملية عبدالعزيز

مها: بعد اسبوع تقريبا

رنا: تصدقين يامها والله اني ارحمك

مها: ليه

رنا: من يقول ان عبدالعزيز يحبك

مها بغرور: في احد يشوف هالغزال ويعافه

رنا: تدرين مها عندي لك شي ودي اقوله بخصوص عبدالعزيز

مها نطت من مكانها: عبدالعزيز

رنا: ايه

دخلت ام مها: انتو مانمتو الا الحين

مها: لا يمه شبعانين نوم

ام مها: بكره وراكم مدارس روحو نوموا

رنا: طيب يمه دقيقه

ام مها : لادقيقه ولا ثانيه (ومدت ايدها لرنا وقومتها) انتي بكره وراك نسبه


طلعت ام مها ورنا وسكرت الباب

مها:يووه يمه هذا وقته الله يهديك...................


**************************



صحت لطيفه من غيبوبتها وطلعت من المستشفى.......

في المستشفى........

نواف جالس يسولف مع عبدالعزيز.....

عبدالعزيز: والله خايف من ذاالعمليه

نواف: لاتخاف خل ايمانك بالله قوي

عبدالعزيز: ونعم بالله....بس نسبة نجاحها 80% يعني اكيد ماراح تنجح........

نواف: استغفر ربك ياشيخ وانشالله خير

عبدالعزيز تنهد: الله يعين

فهد: السلام عليكم

عبدالعزيز+نواف: وعليكم السلام

فهد: اخبار الغالي اليوم

عبدالعزيز: والله تمام

فهد: يالله عاد نبيك تقوم زي الحصان عشان نزوجك ونفرح فيك

عبدالعزيز: انشاءالله......بس لاحقين عالزواج

فهد:ماشاءالله عليك انت مو ناقصك شي كل شي متوفر حتى العروس موجوده.........لوتبيها الحين

عبدالعزيز ضحك: وش دعوه مره وحده الحين

فهد: ولو... كم عندنا من عبدالعزيز

عبدالعزيز: ماتقصر ياخالي فيك الخير

فهد: ماسألتنا من العروس

عبدالعزيز: ميـــن؟؟

فهد: بنتي مها

عبدالعزيز تقلب وجهه واكتفى بابتسامه

فهد فسر ابتسامة عبدالعزيز بالرضا

فهد: يالله اجل انا بطلع تامر على شي

عبدالعزيز:لاسلامتك

طلع فهد............


عبدالعزيز: يووووه شفيهم مركزين علي ازعجوني بالزواج

نواف: هههههههه ايه شايفينك كبرت والشيب طلع في راسك قالو نزوجه ونفتك........

عبدالعزيز: ايه ا ضحك انت ووجهك.....بس اطلع من المستشفى واتفاهم انا وياك..........

نواف: مايمديك اول ماتطلع بتتزوج مها....هههههههههههه

عبدالعزيز: ترا حامت كبدي من مها.......انا بعرف ليش ماقالوا
نواف يتزوج مها ليه انا بالذااااااااااات

نواف: اجل بطلع الحين لايجي جدي ويقول تزوج ...

عبدالعزيز:هههههههههه

******************



اليوم الكل مجتمع في بيت لطيفه.......
ابو سعود: اقول سعود اليوم بيسون العمليه والا لا

سعود: والله ماادري بس الدكتور يقول كل مااستعجلنا يكون احسن

فهد: والله لومانستعجل يكون افضل لان نسبتها ضعيفه

ابوسعود: هذا راي الدكتور والدكتور ادرى مننا

فهد: اجل نتوكل ويسوونها اليوم

سعود: الله يقومه بالسلامه

الكل: اامين


راحوا الرجال للمستشفى ............

والحريم جلسوا في بيت لطيفه............

الهنوف كانت تصيح وجالسه عند التليفون تحتري الخبر........

في المستشفى.......

مشعل: فارس خلاص ارحم نفسك من الصياح والله قطعت قلبي

فارس: انت ماتشوف الاطباء مختبصين شكل العمليه مانجحت

مشعل: تفاءل بالخير وبعدين كل شي مكتوب عند رب العالمين

فارس: هذا اخوي واخاف يضيع من ايديني ومالي غيره في هالدنيا
لوصار لعبدالعزيز شي ماراح اسامح نفسي انا السبب في اللي صار انا السبب يامشعل





طلع الدكتور من غرفة العمليات:

قامو العيال..
ابوسعود: بشر دكتور
الدكتور :................................


انتهـــــــــــى البااارت

هل تتوقعوووون عملية عبدالعزيز بتنجح والا لا؟؟

انتظروووني بالبارت الرااابع



تحياااتي... الغـــــــــــيد

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 31-07-2008, 02:38 PM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: ثلاث سنين شقى عمري .. قصه سعوديه روعه


~


الله يعطيك العافيه
نقل موفق عزيزتي
وآتمني تكون كامله


~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 31-07-2008, 06:24 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: ثلاث سنين شقى عمري .. قصه سعوديه روعه


*


بسم الله

يعطيك العــافيه
موفقــه إن شـاء الله



https://forums.graaam.com/96290.html

..؛


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 31-07-2008, 08:37 PM
صورة hano7 الرمزية
hano7 hano7 غير متصل
©؛°¨غرامي فعال ¨°؛©
 
الافتراضي رد: ثلاث سنين شقى عمري .. قصه سعوديه روعه


اقتباس:
المشاركة الأساسية كتبها VEN!CE مشاهدة المشاركة
~


الله يعطيك العافيه
نقل موفق عزيزتي
وآتمني تكون كامله


~
اللهـ يعفكـ

بس باقي البارت الاخير,,

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 31-07-2008, 08:39 PM
صورة hano7 الرمزية
hano7 hano7 غير متصل
©؛°¨غرامي فعال ¨°؛©
 
الافتراضي رد: ثلاث سنين شقى عمري .. قصه سعوديه روعه


اقتباس:
المشاركة الأساسية كتبها الزعيمـــه8 مشاهدة المشاركة
*


بسم الله

يعطيك العــافيه
موفقــه إن شـاء الله



https://forums.graaam.com/96290.html

..؛
الله يعافيكـ

انشاء اللهـ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-08-2008, 02:19 PM
صورة hano7 الرمزية
hano7 hano7 غير متصل
©؛°¨غرامي فعال ¨°؛©
 
الافتراضي رد: ثلاث سنين شقى عمري .. قصه سعوديه روعه


الدكتور: الـــف الــــف مبروك

ابوسعود: العمليه نجحت؟؟

الدكتور: الحمــــدلله العمليه كانت مرره صعبه ونسبة نجاحها ضعيفه بس الحمدلله كل شي تمااااام ..

ابوسعود:الله يبـــشرك بالخـــــير

الدكتور: لازم ياخــــوي تخلونه يرتاح محتاج رااااحه

ابوسعود: ان شــــاءالله

فارس وهو فرحان: والله مو مصدق عبدالعزيز بيعيش

مشعل: شفت يافارس ان ربك مايضيع احد

فارس قام وضم مشعل : ونعـــم بالله


العيال راحو للبيت وابوسعود وولده جلسوا يكملون الاجراءات
ويطلعون مع عبدالعزيز...........





في بيت لطـــــــــيفه,,,
فارس: تصدقون احس بطير من الفرحه

لطيفه: بسم الله عليك ياولدي لاتطير نبيك عندنا

الكل: ههههههههههههههههههه


ابوسعود: افتحوا افتحوا الطريق الغالي وصل
تغــطوا يابنـــــات.............
دخل عبدالعزيز: السلام عليكم

الكل: وعليكم السلام

لطيفه ماصدقت تشوف ولدها قدامها.....ركضت وضمت عبدالعزيز
وتصيح مع الفرحه.......

عبدالعزيز وهو يمسح دموع امه باصبعه : يــــمه ترا دموعك غاليه علي مابي اشوفها على خدك

لطيفه: والله دموعي فرح فيك

فارس ماتحمل يشوف هالموقف راح لاخوه وضــــمه وكمل مع امه الصياح

لطيفه وهي ضامه عيالها:الله يخليــــكم لـــــي انشـــالله

مشعل: بصراحه فلم هندي نااااااجح

الكل: ههههههههههههههه





الكل تحمد لعبدالعزيز بالسلامه و طلعوا البنات في الصاله........

غيداء: نوره روحي نادي سوير
يعني ماتتغطا وسفهتنا

نوره: طيب

مها: غريبه اختي اليوم صايره مطيعه

غيداء: تكفين لاتقولين شي الحين تغير رايها وترجع

غاده:لا هي مو من عادتها انها تسمع الكلام بس متأثره بالفلم الهندي زي مايقول مشعل

الكل: ههههههههههه

رن جوال غيداء وكانت صديقتها طلعت تكلمها برا

غيداء: ووووينك يالقاطعه

امل: انا الحين صرت قااااطعه ياويلك من ربك ياغدوو

غيداء: كل هالايام ادق عليك مقفله جووالك يالدوبا
في هاللحظه صرخت غيداء بقووووووووه

امل: بسم الله عليك شفييييييك

غيداء وهي تكلم امل طلعت عليها قطوه(بسّه)
وصارخت وراحت بتدخل داخل البيت وتوها بتدخل الباب

صقعت في جسم طويل وعريض......رفعت راسها......
غيداء شهقت: نواااااااف
نواف: بسم الله عليك لايطق فيك عرق
غيداء تأسفت ودخلت........
نواف: ههههههههه ياحليلها خااافت


امل: الوو

امل :الوووووو يابنت وينك

غيداء: هــ ــلا هلا معاك

امل: ههههههههههههههههه شفيك تصارخين

غيداء: الله ياخذها هالعبده خوفتني

امل: مين العبده ؟؟

غيداء: القطوه الحماره

امل: هههههههههههههههههههههههههههههههه

غيداء: خير ليه تضحكين

امل: عليك يالحلوه

غيداء: لابعد يجي هالثاني يكمل عليها
وقالت غيداااااء امل للي صار لها مع نواف

امل: ههههههههههههههه


******************************


الكل رجع للرياض ورجعت المياه الى مجاريها..............

وعبدالعزيز تحسنت حالته............

رنا: مهااااااااااااااااوي


مها: نعم تراني جمبك لاتصارخين

رنا: تذكرين اللي قلتلك عنه

مها: وشو

رنا: يوم تدخل علينا امي ولا كملنا

مها: ايه ذكرت ايوه كملي

رنا قربت من مها وبهمس: الهنوف تحب عبدالعزيز

مها: اقوووووووول هالكلام قوليه لغيري

رنا: يعني مو مصدقتني

مها لفت راسها بغرور من الجهه الثانيه: لااااا

رنا: بكيفك عمرك ماصدقتي بس انا حبيت اخبرك
وطلعت رنا من الغرفه.........

مها في نفسها معقوله الهنوف تحب عزوز لا لا مستحيل
وبعدين اذا حبته عزوز مستحيل يحبها.وقامت مها وطلعت من غرفتهااااا.............

والله لاوريك يالهنوف................




************************************


ماجد نازل من الدرج يركض.......

سعود:مجووود

ماجد: سم يبه

سعود: على وين؟

ماجد: بروح لخــويي ((صديقي))

سعود: ومتى ناوي تذاكر

ماجد: المذاكره لاحقين عليها

سعود: وصديقك بيطير

ماجد: لايبه بس نغير جو قبل الامتحانات

سعود: اجل لاتتأخر

ماجد: انشالله




*******************************



في الخبر.............

لطيفه كانت تكلم اختها حصه........

حصه: يااختي طفشت كل دقيقه والثانيه طاقه علي الباب

لطيفه: وعيالها وينهم

حصه: كلهم متزوجين وتاركينها لحالها

لطيفه: تحمليها مسكينه تاخذين اجرها

حصه: والله انا ماهمني بالعكس توسع صدري بس عيالي
متضايقين مره

لطيفه: طيب دقي عليها وقولي لها

حصه: ادق عليها اقول عيالي مايبونك والله صعبه شوي

لطيفه: لا بس حاولي تحسسينها ان العيال يتضايقون

عبدالعزيز: بس بس كافي حش كلتوا الحرمه بعضامها

لطيفه: بسم الله انت من وين طلعت

عبدالعزيز: من تحت الارض....هههههههههه يعني من وين طالع توني جاي من ربعي

لطيفه: وبعدين تعال تقول كافي حش وانا وش قايله

عبدالعزيز بمزح: ماشالله كل هذا ولا حشيتوا اجل الحش عندكم بمفهوم ثاني وانا ماادري

لطيفه: اقول اعقل وخل عنك سوالف الحريم وارقى عند اخوك

عبدالعزيز: ايه اكيد برقى والله موناقصني ذنوووووب

لطيفه: صدق عيال مايستحون

عبدالعزيز وهو يرقى الدرج: ههههههههههههه



رقى عبدالعزيز عند فارس...........
طق طق طق......
فارس: ميـــــــــــــــن

عبدالعزيز : افتح الباب

فارس فتح الباب : وش بغيت يااخ عبدالعزيز

عبدالعزيز: بتخليني واقف عند الباب

فارس: لا وش دعوه ادخل

عبدالعزيز وهو يدخل: غصب عنك ههههههههههههه



دخل عبدالعزيز وشاف سرير فارس مليان كتب واوراق وحوووووووسه

عبدالعزيز حط ايده على راسه: يؤ يؤ يؤ فاتحلك مكتبه هنا

فارس: هههههه أي مكتبه ياشيخ

عبدالعزيز: وش هالحوسه ابفهم كيف تقدر تذاكر

فارس: خلها على ربك بس


عبدالعزيز جلس على السرير ويقلب في الكتب............

عبدالعزيز: اقول فروس ماتبي اشرحلك

فارس: والله تعرف تشرح

عبدالعزيز: افاااااااعليك اشرحلك ازين من شرح استاذك

فارس: ههههههه عاش واثق

عبدالعزيز: ايه حبيبي وتجيب نسبه100%

فارس: لا تكفى لاتجيب طاري الميه هذي

عبدالعزيز: ليه

فارس: انا اتمنى اجيب نسبتي100 %بس احس مافي امل

عبدالعزيز وهو فاتح عيونه عالاخر: الحين جالس تذاكر قبل اسبوعين
وجاد حيلك ومقطع نفسك من المذاكره وتقول مافي امل اجيب ميه
فارس: قووووووول ماشالله

عبدالعزيز: ماشالله الله لا يضرك

فارس: عزوز انت كم نسبتك يوم كنت في ثالث

عبدالعزيز: انا نسبتي 94

فارس: عزوز ادعلي اجيب نسبه حلوه عشان تتحقق امنيتي
واصير الدكتور فارس اللااااااااااه متى يجي هاليوم

عبدالعزيز وهو حاط ايده على كتف فارس: لا انشالله بتجيب نسبه وبتصير احلى دكتور
بس انت اجتهد وبيتحقق كل شي

فارس: انشالله

عبدالعزيز: يالله انا بروح انام
سي يو


******************************


فهد ينادي: رنا ........رنا

رناوهي فوق: نعم يبه

فهد: تعالي ابيك

رنا:ااامر يبه

فهد: ابغاك تضبطين لي الشيشه وتحطينها في المجلس بيجون ربعي الحين(( فهد كان يشرب شيشه عند بناته وزوجته وكان هالشي عنده عادي وبناته تعودوا على هالشي واخوانه كانو دايم يقنعونه انه يتركها بس مافاد معه))

رنا: انشالله

فهد: بسرعه لاتتأخرين



***************************************

ساره جالسه تذاكر في غرفتها............

ساره: يوووووووووه عجزت افهم هالمسأله
ادق على الدافوره فطوم احسن
خذت جوالها ودقت على صديقتها فاطمه

فاطمه: اهليـــــــــــن

ساره: هلا فطوم اخبارك

فاطمه: والله تماااااام انتي اخبارك مع المذاكره

ساره: يوه يافاطمه طلع في راسي الشيب

فاطمه: ليه

ساره: احاول افهم ماقدرت

فاطمه: وش اللي مافهمتيه

ساره: ماادري جالسه اذاكر ومتعبه حالي وفي الاخير ماكأني
مذاكره

فاطمه: ههههههه حالنا من حالك

ساره: وانا اقول فطوم الدافوره بتحل مشكلتي صرتي نفس الحاله

فاطمه: أي دفاره الدفاره في جهه واحنا في جهه

ساره:ههههههه اوكي حبيبتي بروح اسأل خلّود يمكن يعرف

فاطمه: اذا عرفتي خبريني

ساره: اوكي باي

فاطمه: باي



طلعت ساره وراحت لغرفة خالد وتطق الباب بقووووووه

خالد:طيب طيب شوي عالباب لاينكسر

ساره: افتح قبل مااكسره

خالد فتح الباب: هلا والله وش فيك الفيوزات ضاربه عندك

ساره: اقول خلود مو وقته تنكت

خالد: خير وش بغيتي

ساره: اول شي عندك شغل الحين

خالد: ليه

ساره: جاوبني اول

خالد: بصراحه لاااا فاضي ماعندي شغل جالس على النت

ساره: ذا النت ذابحك صبح ليل صيف شتاء خريف

قاطعها خالد (وحط ايده على فمها): بس بس ماقلنا عدي فصول السنه

ساره: هههههههه طيب عندي لك طلب

خالد: اااااامري

ساره: مايامر عليك عدو.......بس بغيتك تشرحلي مسأله

خالد: الدعوه فيها شرح طيب وراك واقفه برا ادخلي


دخلت ساره وجلست على السرير جلس خالد جنبها..........

خالد: يالله وين المسأله

ساره: اخاف ماتعرف تحلها

خالد جلس يناظر ساره بنظراته المعرووفه(خالد عنده نظرات تاكل الواحد اكل اذا مااعجبه شي)

ساره: لا واللي يرحم والديك الا نظراتك هذي ماادانيها

خالد: عشان تعرفين مين اللي مايعرف يحل

ساره:لا والله محشوم بس انا اقول يمكن

خالد: طيب عطينا المسأله

المهم شرح خالد لساره المسأله ...................


***********************************



في بيت حصه نواف ومحمد جالسين في الصاله........


نواف: اقول حمود ليش ماتذاكر الحين

محمد: خلصت من مذاكرتي.........


في هالوقت رن جرس الباب ............
نواف: محمد قوم شوف مين عند الباب......

محمد وعينه على التلفزيون: والله منب فاضي قول لميري

نواف: وانت ليش ماتقوم

محمد: لاني عارف اذا قمت بتكون جارتنا المصون عند الباب وانا ماني رايق لها

نواف: وانت كل من طق الباب قلت جارتنا

محمد: مافي احد يجي هالوقت الاهي

نواف: طيب عشان خاطري افتح وشوف

محمد: اوكي بس اذا كانت هي ابنحاش واخليها تدخل عليك

نواف: اوكي افتح وشوف

راح محمد يفتح الباب

محمد: ميييييييين

.......: انا ام منصور

محمد: ياربيه وانتي يام منصور مالك غير بيتنا
ا
م منصور: نعم

محمد: لا ولا شي

فتح محمد الباب وانحاش ودخل جوا


نواف: مين صار

محمد وهو يركض في الدرج: نواف تعال تراها دخلت

قام نواف: لحظه لحظه بجي معك لاتدخل علي

دخلت ام منصور داخل البيت..........
ام منصور: بسم الله وين راحو اهل البيت.......

محمد ونواف رقوا فوق عند اختهم وطقوا عليها الباب

الهنوف: طيب طيب جايه

فتحت الهنوف الباب: خير

نواف: الهنوف الحقي اخوك المهبول فتح الباب لام منصور وانحاش

الهنوف بصوت عالي: ام منصور

محمد (حط ايده على فمها):اووووش لاتسمعك تراها تحت

الهنوف: وليش دخلتها

محمد: ماادري هي دخلت

الهنوف: والله انا موفاضيه لك انت واخوك عندي اختبار انزلوا تحت واقعدوا معها

نواف: خيييير رجال طويل عريض تبيني اقعد معها

الهنوف: طيب ليش تفتحون من اساس

محمد: خلاص هو تحقيق .... انزليلها الحين تنادي

الهنوف: حسبي الله على بليسكم

ونزلت الهنوف عند ام منصور..........

ام منصور: وينكم انحشتو عني

الهنوف:ههههه وش دعوه ياخالتي ننحاش.....تفضلي

ام منصور وهي تجلس على الكنب اللي في الصاله:
اجل امك وينها

الهنوف: والله ماادري يمكن راحت عند جدتي


في هالوقت دخل مشعل وهو يغني في عالم ثاني......
ويوم وصل نص الصاله انتبه لام منصور وتوه يبي يطلع......

ام منصور: تعال يامشعل مافي احد انا ام منصور

مشعل تورط: هلا وغلا ام منصور عندنا وانا اقول البيت منور

ام منصور: البيت منور باهله

مشعل: تسلمين....يالله اجل عن اذنكم

ام منصور: وين بتروح ياولدي والا ناوي تنحاش

مشعل: لا والله بس مشغول

ام منصور: عاد اجلس معنا شوي

مشعل وهو يتأفف: انشالله

ام منصور: اقول الهنوف شللون جدك

مشعل: لونه ازرق وش رايك؟؟؟ اكيد لونه ترابي ههههههههههه

الهنوف: مشعلووووووووه اعقل

ام منصور : ماشاءالله مشعل عاقل بس طلعت منه بالغلط..... والا يامشعل

مشعل: ايه كلامك صح

ام علي: والله البيت مايسوى من دون حصه

مشعل يناظر هنوف وبصوت واطي: صدق قليلة ادب وانا مامليت عينها مضيع وقتي عشان اجلس معها وتقول كذا

ام منصور: يالله اجل عن اذنكم

مشعل: لا مانبي اذنك نبيك تفارقينا بس

ام منصورماسمعت الا نبيك واستانست: وش حليلك يامشعل والله اني احبك من بد اخوانك

مشعل طير عيونه: هذا اللي ناقص بعد

ام منصور: وش تقول

الهنوف: سلامتك ياخالتي مايقول شي

ام منصور: مع السلامه........سلميني على امك

الهنوف: انشالله...مع السلامه

الهنوف اول ماطلعت ام منصور رقت عند اخوانها...........

الهنوف: شبااااااااااااااب دريتوا اخر خبر

محمد: وشووووووو

الهنوف وهي تضحك: ام منصور تحب مشعل

مشعل: وجع مالقت الاانا

نواف: هههههههههه والله وصار لك معجبين

مشعل: وعاد أي معجبين

محمد: هههههههه معجبينك عجايز

الهنوف: بس عاد كافي حش في الحرمه

مشعل: لا اسمعوا وش قالت بعد

محمد: وشو خطبتني

مشعل: لا خطبت بس التوائم

نواف: هههههههههههههه احلف لا مااصدق

محمد: ومن عريس الغفله

مشعل: منصور ولدها

الهنوف: خيييييييير هذاك كبر ابوي

محمد: ههههه واكبر بعد

نواف: مبرووووووك منك المال ومنه العيال

محمد: لااا ياذكي

منه المال ومنها العيال..........

نواف: المهم اللي يجي

الهنوف عصبت: يوووه عاد تراها سالفه وعدت

مشعل: هنوفه تراهم غايرين عشانهم عوااانس

الهنوف: ههههههه ياحلوووو العانس ماتنقال الا للبنت

نواف: هئ هئ ابي اتزوج

ابونواف توه داااخل: هذي الساعه المباركه

نواف التفت على ابوه: يوووه انا ليش تكلمت

مشعل:كلللوووووووووش وحده من العوانس بتروح

الكل: هههههههههههههههههههههههه



*************************

انتهى الباااااااااااااااارت

ايش اللي تفكر فيه مها من عقب مادرت عن الهنوووف ؟؟؟
وهل مها راح تكون من نصيب عبدالعزيز؟؟؟


انتظرووووني بالبارت الخامس


تحياتي... سلطانة الغيــــــــــــــــــــــــــــــــد

موضوع مغلق

ثلاث سنين شقى عمري / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لعبة النمر الوردى .. كاملة و حصريا mrtawfik العاب - مسابقات 6 04-02-2011 10:46 AM
طفل عمره سنة يرعب عائلة كاملة sad girl قصص - قصيرة 9 19-02-2007 12:14 PM

الساعة الآن +3: 09:32 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1