غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 04-08-2008, 11:10 PM
خفوق زايد خفوق زايد غير متصل
غُضۈآ آلبَصرْ عنّي ٺرآنې حلآله
 
الافتراضي لول معي زايد غلاكم


لول معي زايد غلاكم

السلام عليكم و رحمة الله و بركاته
[ 1 ]



طالعت عمري ف المنظرة .. خيبه شكلي تغير وايد .. افف انا ليش قرعت ؟ و الله لو تميت بشعري احلى .. المشكله ما قرعت بس .. شليت اللحيه و الشنب .. هههه ابويه بيعصب يوم بيشوفني .. احب اخليه يعصب .. بس اموت فيه ..
الله يسـلمكم انا قرعت لان شعري اخترب .. من الجل و السبري و هالخربطان .. و الحينه تبت ما عيدها ..
غسـلت ويهي .. لبست كابي .. استوى وسيع .. ضيجته و حطيته ع راسي ..

انا : كم حسابك ؟
راعي الحلاق : 20 ..

عـطيته 20 و ظهرت من الحلاق .. رديت البيت مشي .. بيتنا كان قريب وايد من الحلاق ..
تميت اطالع البيوت و الشارع .. نص البيوت هلها مب موجودين فيها .. الحينه صيف و حررر منو بيتم ف البلاد ؟.. وصلت البيت .. دخلت حجرتي سيدا .. رحت تسبحت .. اففف شو هالحاله .. ضربت بايدي ع قروعتي .. هههه كشخه والله .. عقب ما سبحت شفت ابويه ..

ابويه : هاا مس احسلك جي .. بدل الكشه و الحرر ..
انا : زين زين والله ..

ابويه يطالعـني بتـفحص ..

ابويه : و اشعنه شال الشنب و اللحيه بعد ..
انا : احس بيستوي شكلي غبي .. قلت اشل راسي كله بالمره ..
ابويه : لو خليت اللحيه ..
انا : خلاص المره اليايه ..

اقول ف خاطري " لو كانت في مره يايه " ..

ابويه : زين زين ..
انا : ابويه انا بدش ارقد .. تامرني بحايه ..
ابويه : تصبـح ع خير ..
انا : و انت من هله ..

اونـي برقد .. او بالاحرى بنسدح باخذ قيلوله المسا و عقب بسهر عالنت لين ويه الفير ..
دخلت حجرتي المصبوغة باللون البنفسجي الفاتح .. الاثاث كان بني .. و الكفر بدرجات البنفسجي و البني .. شغلت الاباجورة .. سرت صوب ثلاجتي .. ماكان فيها الا العطور .. اخييج ع شووه بسهر فليل .. زخيت موبايلي و ضربت رقم الدكان ..

الو خالد .. ييب 4 بطاقه مال 25 .. 4 بيبسي .. 4 اورنامين سي .. 2 تايم اوت و 2 كت كات و 3 لايون .. في ليز ورق عنب ؟ ييب 2 .. كم حسابك ؟ .. اوكي جلدي ..

رديت اكمل جولتي ف حجرتي .. بطلت الكبت .. الثياب مازرة الكبت و طافحه منه .. البشكارة تصيح مني .. والله مرات تييني حالات نذاله .. اظهر كل الثياب و اعقها ف الغسيل .. هههههه .. كييفي ..
طالعت الثريات .. ما حبيتهن هالثريات ابدا .. ذوق ابويه ..
سرت صوب الشماعه .. شوي و بتطيح .. الثياب فوق بعض .. ! يبالي اسوي ميك اوفر لحجرتي

صدق اني غبي .. من قبل شال المايك و يالس اسولف و ما عرفتـكم بـنفسي .. اسمـحولي !

انا رشووود .. عمري 17 سنه و 3 شهور .. ساكن ويا ابويه ف بيتنا ف ضاحيه من ضواحي بوظبي .. انا و هو عايشين بروحنا .. امايه الله يرحمـها متوفيه .. و هل امايه ماحبهم .. وايد خقاقين .. هل ابويه فنانين و ماشي اطيب عنهم .. انا خلصت 2 ثانوي هالسنه .. و رايح 3 ثاني ثانوي ان شاء الله .. انا شطور ترا نسبتي 89 % ..
سمعت راعي الدكان يضرب هرنات .. بطلت الكوميدينو و شليت بوكي و ظهرت ..

بطلت الجامه ازاعج : يعلني بلااا شكلك تعال داااخل ..

سمـع زعيجي و دخل ..

سرت عنده .. ظهرت له بيزات من البوك ..
شفته يطالعني باستغراب ..

: وين شعر مال انته !

قهرني الصراحه ..

انا : شو يخصك ؟!

حاسبـته و شليت حلاوتي فديتها و دخلت داخل .. حطيت البارد ف الثلاجه اما الكافي و الجبس حطيته ف سده المستواليت .. يلست ع الكرسي اللي ف حجرتي و شغلت التلفزيون ..
حطيت نجوم كانو مظهرين اغنيه احساس غالي .. احبها هالاغنيه ..
تميـت اغني ويا عيضه .. قلت ف خاطري .. اخيج شو هالالوان اللي يلبسـها !!

من شهر تسعه ما خطف طرفي انعاس
وان نمت شفتك ساكن(ن) في خيالي
شربتك من الحب كاس(ن) ورا كاس
و اشغلت فكري فيك واشغلت بالي

يا حيك يا عيضه .. فنااان و اغانيك حلوه ..
حطيت الريموت .. استغفر الله تذكرت اني ما صليت العشا .. دخلت الحمام و انتو بكرامة و تيددت و عقب صليت .. رديت اطالع الـتلفزيون .. والله الصيف ملل .. والله احيد ايام الدراسه تلفوني ماكان يصخ .. الحينه يوم اشوف مسد كول يعني شي عجيب ..

تذكرت اني يوعان .. مابا اكل شي من الحلاوه .. ابا اكل صدقي .. البشكارة قدها رقدت الحينه .. شفت الساعه كانت 11 و نص .. برايه بطني .. باكل حلاوه ..

تـعشيت كلت جبس ورق عنب و بيبسي ..

سرت الحمام كرمتم و غسلت ايدي .. طالعت ويهي . افف انخسفت والله من يا الصيف .. حب الشباب لاعب لعبته .. و الحينه اتعالج من شهرين ماشي فايده .. شكلي بسير باجر عند الدكـتور .. بطب عليه ..

رن تلفوني .. فديته صديقي .. المتصل كان [ NaWaF ]

نواف : مرحب ..
انا : مرحبن لا هان ..
نواف : علومـك ؟
انا : طيبه من صوبك ..
نواف : والله تمام .. وين ؟
انا : والله ف البيت يالس اطالع قروعتي ..
نواف : فـ ذممممتك ؟
انا : والله ف ذمتي يا ولد ناعمه ..
نواف : يا الهرم مالك خص بامايه .. بس ليش ؟
انا : بس جي .. تعال انت قلت بتقرع ويايه .. وينك يلا ..
نواف : لا ما يستوي .. باجي عالدراسه شهر .. انا قلت اول ما خلصنا دراسه ..
انا : As you like
نواف : فكنا بس يابويه ..
انا : ياحيك والله ..
نواف : بك حي .. الا تعال بغيت اسألك بتخاوينا ؟
انا : ع وين ؟
نواف : بنسير ماليزيا و سنغافورة ..
انا : متى انزين ؟
نواف : الاسبوع الياي بيكون تاريخ 26 يوم السبت .. و بنرد 14 شهر ثمانيه ..
انا : حلو حلو .. بس توك مخبرني .. ما يمداها تزهب الفيزا ..
نواف : بلا حركااات انت ابوك اكبر واسطه ..
انا : خـخـخـخ قول ماشاء الله ..
نواف : ماشاء الله .. ها شو قلت ؟
انا : والله انا موافق .. بس بشاور الوالد .. تعرف انه ماله غيري و انا اول و اخر العنقود ..
نواف : لا تقولي قصه حياتك ..
انا : انزين لا تسويلي حشره .. منو من الشباب بيسير ؟
نواف : انا و بطي و انته و خالد ..
انا : كشخه يعني كلهم شباب نعرفهم .. بنستانس عيل ..
نواف : افا عليك .. طلعه انا مرتبنها اكيد بتستانس ..
انا : تحيد يوم سرنا العمره السنه اللي طافت ..
نواف : هي والله .. ههههههههه
انا : يلا برايك عيل .. بسير افكر و نتلاقى ف الجات ..
نواف : يلا ع خير ..
انا : فداعه الله ..

احس ابويه بيوافق .. لانه يحب نواف و يأتمنه عليه وايد .. السنه اللي طافت رحنا نفس القروب العمره ..

سرت فجيت لابي .. و دخلت الجات بـنك " ملانه ابا اتعرف " والله ماقص عليكم .. الويندوز مال البرايف يتمن يتبطلن اكره عمري .. بس صيف ملل ..

مزيون معضل : افا ملانه و انا موجود ..
انا : هي والله ..
مزيون معضل : الحينه بمر عليج بنتحاوط شو رايج ..
انا : ياريت ..
مزيون معضل : شو اسمج ..
انا : ما بقولك اسمي .. بس النك .. غايه ..
مزيون معضل : عاشت الاسامي ..
انا : عاشت الاسامي ..

اففف ملل .. بندت الجات بدون ماقولهم اني بظهر .. جلـعه ابليس .. استغفر الله ..

شغلت الديفيدي و حطيت فلم نارنيا الجزء الاول .. تميت اطالعه ..
حلو الصراحه .. بس حبيت الجزء الثاني اكثر .. انا طالعت الثاني قبل الاول .. ماشي مخ ..
بعده مافيه رقااد .. الساعه كانت 2 و نص .. افف فاتني نور .. اقص عليكم ما اتابعه لانه ممل لدرجه فظيعه .. تابعت جمن حلقه و حسيت انه بدون طعم .. قررت اظهر اتحوط ف الفريح ..
اتذكرت اني قرعه ..
سرت صوب كبت الملابس .. ظهرت جيس بني .. بطلت الجيس و ظهرت باروكه سودا .. لبستها .. الحينه ولا جني قصيت شعري .. ظهرت خاري .. و تميت اتـحوط ف الفريج .. افف فريجنا ميت محد يظهر من البيت .. يتـني فكره خبال نياهاهاها .. سرت شليت سويج الـمرسيدس .. ابويه لو عرف بيذبحني مايحب يخليني اسوق .. يخاف يستويبي شي ..

شغلت الموتر و تميت احاوط بالموتر .. شفت الشباب يبون يرايسون .. انا اعرف اسوق بس مب لدرجه اني ارايس و جي ..

ملـيت و رديت البيت .. بركنت الموتر مكانه و محيت اثار الجريمه .. نيااهااااهاا ..
رديت السويج مكانه .. و دخلت حجرتي .. فديتها حجرتي بااارده الا مثلـجه بعد ..

دخلت ألم الامارات .. اوب اوب بن علي منزل بارت ..
تميت اقرا البارت الاخير .. انقهرت الصراحه بس استانست .. الله يرحمك يا ناصر .. و الحمدلله سيف غدا ريال يعتمد عليه .. حمدايه باطه جبدي تتحرا عمرها Funny ..

رديت انسدحت ع شبريتي .. تميت انود .. سرت تغسلت و حطيت الدوا ع ويهي و طحت في سبات عميق ..
-
نشيت و كلي كسل و ربااده .. شفت الساعه كانت 4 و نصر .. ابويه بهالوقت يكون يتقهوى ..
سرت سبـحت و قضيت الفير + الظهر + العصر ..

لبـست كندورة عربيه خامتها خفيفه و يمكن شفافه بعد .. شو اسوي الدنيا حرر ..
سرت صوب ابويه .. سلمت عليه و يلست اتقهوى وياه .. تميت ساكن ..

ابويه : راشد ابويه قاصرنك شي ؟ شي ف خاطرك ؟
انا : هي ..
ابويه : شو ف خاطرك ارمس ,..
انا : امس نواف اتصل بي و قال انهم بيسافرون ماليزيا ..
ابويه : انزين ..
انا : عادي اسير وياهم ..
ابويه : لا ..

اتـحطمت امالي كلـها .. ! شو اسوي يعني .. افف والله ابا اروح ..

ابويه : برايك لو بتسير .. كنت امزح وياك ..

هههههه ظهرت ع راسي قلوب .. نشيت و حبيت ابويه ع راسه ..

انا : ابويه شو عن الفيزا ؟
ابويه : فيزا ماليزيا تظهرها ف المطار .. ما يبالها عباله شرات اوروبا ..
انا : اها .. انزين ابويه فديتك انا بسير العياده الحينه .. حب الشباب لعوزني ..

ظهر ابويه بيزات من بوكه ..

انا : ابويه انت كل يوم تعطيني بيزات .. ما يحتاي تعطيني .. عندي طولي بعمرك ..

حط ابويه البيزات ف ايدي و ماقال شي ..
اتصلت انا بالدريول عسب يحر الموتر ..

ابويه : هاي 5000 .. سير اتزهب للسفر بعد خذ لك بدلات و جواتي و هالخربطان ..
انا : فديت روحك يابويه .. ترانا بنسافر تاريخ و بنرد 14 ..
ابويه : ربي يحفظكم ..
انا : تامرني بحايه من بوظبي ..
ابويه : هالله هالله فعمرك ..
انا : ان شاء الله ..

حبيتـه ع راسه و ظهـرت ..

رديت ماي روم .. سبحت مره ثانيه .. امم مافيه البس كندورة .. بلبس كاجوال ويا قرعتي ..
لبست برمودا جينز بما انه حرر .. و لبست " قميص " جي كشخه على اوراق شير صغاار كوول .. و لبست باروكتي .. خـخـخـخ ابويه لو شافني بيعصب .. و تعطرت و ظهرت .. لحظه جني نسيت شي .. رديت شليت بوكي و موبايلي و رديت ركبت السياره ..

انا : مرحبا بـ أنور .. هلا والله ..
أنور : ويلكم ..
انا : ويا راسك ..
أنور : راسك ..
انا : لا تسويلي حشره .. سير بوظبي ..
أنور : ان شاء الله ..
انا : اتحرى بعد ..

ظهرنا من فريجنا و قبضنا الخط .. افف يبالنا 40 دقيقه لين ما نوصل بوظبي ..
تميت اسمع اغاني .. و اطالع المسجـات ..

صح تـذكرت خل اتصل بـنواف ..

انا : مرحبا مليوون حيه ولد نعوم ..
نواف : مرحبا بك زود .. احم رشود كم مره قلت لك .. ماماتي فديتها خلك بعيد عنها ..
انا : فكنا بس .. انزين اقولك .. ابويه وافق اني اسافر وياكم ..
نواف : ف ذممممتك ؟.
انا : فـ ذمتي والله ..
نواف : يا حيك ..
انا : بك حي .. رمسته عن الفيزا قال انه نظهرها من مطارهم ..
نواف : هي ادري كنت بخبرك .. امس تخبرت ابويه و قالي نفس الرمسه ..
انا : اها ..
نواف : وين دارك ؟
انا : والله ساير جدا بوظبي .. بسير العياده و عقب بسير اتشرى للسفر ..
نواف : اللي يسمعك يقول ما عندك ثياب ويا راسك ..
انا : احب اليديد ..
نواف : وين واصلين الحينه .. ؟
انا : شاطي الراحه ..
نواف : انزين يوم بتوصل العياده .. خل دريولكم ينقلع .. بمر عليك انا ..
انا : خلاص ترتيب .. بس مب تسوي فيه الخايسه .. حركاتك بايخه ..
نواف : تحيد يوم نزلتك عالخط .
انا : كرييه انته ..
نواف : يلا برايك .. بسير اسبح .. باي
انا : فداعه الله ..

بندت عنه .. و اتذكر المواقف اللي استوت لي وياه .. هههه
نواف جريب بيدش الـ 18 .. بس ماخذ الليسن بالواسطه ..

وصلـت العياده .. عقب 20 دقيقه

انا : أنور انت روح البيت الحينه .. اذا بابا نشدك عني قوله انا ويا نواف ..
أنور : ان شاء الله ..

دشيت العياده .. دخلوني على طول لانه ماشي زحمه ..


انا : السلام عليكم ..
الدكتور : و عليكم السلام ..
انا : شحالك دكتور هشام ؟
الدكتور : بخير و انت شو عامل يا بني ؟
انا : بخير ربي يسلـمك ..
الدكتور : شو حالتك ؟ بشر ..
انا : والله يا دكتور ويهي شـااب من كمن يوم .. و متـعبني ..
الدكتور : لازم ترا نحن ف الصيف .. باقي على علاجك شهر و ان شاء الله تتحسن ..
انا : ان شاء الله ..

وصف لي دوا يديد .. و قلت له ابا فيتامينات تطول الشـعر .. هـع .. ظهرت من عنده .. حاسبت و عقب رحت الصيدليه .. خذت الدوا و رديت دخلت البنايه ..

انا : ويين ؟
نواف : عند باب العماره ..

بنـدت ف ويهه .. هههه

سرت صوب الموتر .. فجيت الباب و ركبت ..
توايهت وياه و خذنا علوم بعض ..

نواف : ها من وين تبا تاخذ ثياب ؟
انا : ماعرف .. امم شو رايك المارينا ولا المول ؟
نواف : اقول المارينا احسن .. لانه اللي فيه موجود ف المول و اكثر بعد ..
انا : خلاص عيل ترتيب ..

وصلنا المارينا .. بركـن نواف الموتر و اكيد البوايه الغربيه ..
نزلنا انا و هو ..

نواف : شو رايك نسير السينما ؟
انا : امم لو شي افلام حلوه .. ليش لاء ..

سرنا جدا السينما .. بنشوف باتمان .. حجزنا تذاكر .. و عقب ردينا نحاوط ..
كل المحلات تقريبا مسوين تنزيلات .. اقل شي 50 % .. انا ما عيبني شي ..

نواف : انت خراط بعد ..
انا : والله ما عيبني شي ..
نواف : تعال بنسير التوسعه ..
انا : اوكي ..

رحنا التوسعه .. و هناك المحلات كوول .. خاصه مال الماركات ..
دخلت ارماني .. خذلت لي 4 جينزات .. 4 تيشيرتات .. عقب سرت ديزل .. احس خذت تيشيرتات و جوتي .. و دخلت بوس و عيبتني اشياء هناك .. خذت حزام و تيشيرت .. عقب سرت فندي خذت كاب و بوك ..

نواف : حشا يابوك .. تعبتني
انا : تريا بنسير باريس غاليري ..
نواف : شو تبا من هناك ؟
انا : باخذ نظاره شمسيه ..

سرت باريس غاليري .. خذت نظارة كارتيير طررر .. عيبتني الصراحه .. و خذت عطر ارماني حق نواف .. اونه هديه بس ما خبرته .. سرت صوب الميداليات .. يع يع .. ما عندهم الا مونت بلانك و دانهيل .. اتذكرت الشواب .. خذت ميداليه حق ابويه فديته ..

نواف : يلا جلدي .. بنتأخر عالفلم .. و اتعرف انته نظام المارينا الارف ..
انا : صدقك والله ..

سرنا صوب السينما و دخلنا الفلم .. الفلم كان حلو و ممتع ..

انا : نواف تستهبل تفر عليه فراخ ؟
نواف : لا ما فريت .. شو غبي انا ..

سمعت ضحك من ورا .. صديت شفت شله بنات ..
شويه الا احس بمطر من الفراخ عليه و على نواف ..

شليت البيبسي و رشيته عليهن .. نياهاهاها ..
و نواف شل الفراخ مالنا و و صباه ع روسهن .. ما تتخيلون الموقف هههههه ..
هن اللي تحرشن ف البدايه .. محد قالـهن .. انا مسالم بس يوم حد يتحرش فيه استوي انسان ثاني .. بس مرات اطـنش ..

خلص الفلم و ظهرنا .. ههه

انا : نواف تريا شوي بنشوف اشكالهن ..

ظهرن البنات و كانن 5 بنات .. كل وحده جنها تقول شوفوني .. فاصخات فاضحات ..
يسـتاهلن الصراحه .. كل وحده شوي و بتصيح ..

نواف : يلا ظهرنا .. ورايه درب بعد بردك بيتكم ..
انا : محد قالك ..
نواف : يا السخيف .. يلا سرنا .. بنتعشى ف زهره لبنان ..
انا : تعال انت ليش ما تشريت ..
نواف : الله يسلـمك انا ما باخذ شي من هني .. باخذ شنطه خاليه و بتشرا من خاري ..
انا : شو هالتفكير الغبي ..
نواف : مفنود انا و طبعي ذبح غيري ..
انا : فكنا بس فكنا ..

ظهرنا من المارينا .. و سرنا زهره لبنان .. خذنا شاورما و عصير فريش

انا : انا بعدني ما خلصت ..
نواف : لا تاخذ انصحك .. خذ من خاري ..
انا : تدري احسن .. و انا عندي اشياء يديده ف البيت بشلها بعد ..
نواف : ادري .. لا ترمس ولا بنزلك ترا ..
انا : نذل تراك تسويها ..
نواف : هههه افا انا صديقك الصدوووق .
انا : فديتك يا نواف .. انـت هب بس ربيعي .. انت اخويه ..
نواف : ادري انزين .. اسكت خلني اسوق ..
انا : ويا راسك ..
نواف : و عقب ؟
انا : ههههههههههه .. خلاص بصخ ..

وصلني نواف بيتـنا .. نزلت اغراضي و سرت صوب حجرتي .. الساعه كانت 12 .. سرت اوايج على ابويه شفته راقد .. سبحت و حطيت الدوا و رقـدت ..



[ نـهاية البـارت ]

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 05-08-2008, 03:37 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: لول معي زايد غلاكم


~

وعليكم السلام والرحمه

الله يعطيك العافيه عزيزتي
حابه اسالك القصه منقوله ولاانتي كاتبته ؟


~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-08-2008, 04:14 AM
:) يمقن انآ يمقن لآ !! :) يمقن انآ يمقن لآ !! غير متصل
عضو موقوف من الإداره
 
الافتراضي رد : لول معي زايد غلاكم


خفوق زايد
قصتك اعجبتني
اتمنى تكملينها باقرب وقت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 05-08-2008, 06:44 AM
خفوق زايد خفوق زايد غير متصل
غُضۈآ آلبَصرْ عنّي ٺرآنې حلآله
 
الافتراضي رد: لول معي زايد غلاكم


القصه منقوله بس هي للحين مب مكتمله
و السموحه منكم ما بحط بارت إلا إذا اكثر من عضوين رادين


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 05-08-2008, 11:24 AM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: لول معي زايد غلاكم


..

بالتـوفيق أن شـاء الله

بس ياليتـكـ نقلتي القصـه وهي مكتمله

يعطيك الف عافيـه


..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 05-08-2008, 11:25 AM
صورة oblivion الرمزية
oblivion oblivion غير متصل
©؛°¨غرامي نشيط¨°؛©
 
الافتراضي رد: لول معي زايد غلاكم


مشكوره
قصتك روووووووووووووعه

ننتظر البقيه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 05-08-2008, 07:29 PM
خفوق زايد خفوق زايد غير متصل
غُضۈآ آلبَصرْ عنّي ٺرآنې حلآله
 
الافتراضي رد: لول معي زايد غلاكم


لول معي زايد غلاكم


[ 2 ]


اليوم اليمـعه .. ابويه موعني الساعه 11 .. دخلت الحمام كرمتم و تسبحت .. لبست جلابيه لين ما اسير المسيد .. شفت ابويه رايح المسيد بالموتر .. الصراحه كان حرر صدق .. انا بسير مشي عادي .. المسيد جريب .. و باخذ حسنات اكثر ..

الساعه 12 و نص .. لبست كندورة كويتيه .. و تسفرت بـ سفره حمرا و لبست نظارة شمسيه و اكيد تدخنت بالعود و تعطرت و ظهرت جدا المسيد .. دخلت المسيد و سمعت الخطبه كانت عن الاسراف .. ماحب اسمع هالموضوع .. صليت الحمدلله و رديت المشي ..

الساعه 2 الا ربع ف البيت .. ابويه كان يالس يترياني ع السفره ف غرفه الطعام .. يلست مجابلنه ع الطاوله .. تغدينا بهدوء .. نتبادل النقاض فـ مواضيع بسيطه .. كانو مسوين برياني لحم .. و هريس .. سلطه .. و روب و خيار ..

ابويه : هاا تزهبت للسفر ؟
انا : هي الحمدلله ..
ابويه : انا رمست بو نواف و رتبت وياه كل الامور .. طيارتكم يوم السبت الساعه 2 فليل .. حجزت لكم ع طيران الاتحاد ..
انا : تسلم بويه تعبتك .. ربي يخليك لي ..
ابويه انا ما عندي غيرك ..

خلـصنا غدا .. راح ابويه حجرته و سرت انا غسلت .. و عقب دخلت حجرتي ظهرت جيس باريس جاليري و سرت صوب حجره ابويه ..

دقيت الباب ..

ابويه : تفـضل ..

دخلت غرفته اللي اقل ما يقال عنها فـخمه .. كان اثاثها فخم وايد و ابويه طالبنه من لندن ..

انا : اتفضل ابويه .. يبت لك هالهديه .. مب قدرك يا بو راشد ..

شـل ابويه الجيس .. وبطل الهديه ..

ابويه : ليش متعب عمرك يا بوسنيده .. ما تقصر .. ربي يخليك لي ..

حبيت ابويه ع راسه .. والله اني اموت فيه هالانسان .. الله يخليه لي ..

انا : تامرني بحايه ابويه ..
ابويه : سلامه راسك ..

ظهرت من حجرته و سرت جدا حجرتي .. فجيت اللاب و شغلت المسن ..

شفت الشله الفاسدة اونلاين ..

بطي و خالد و نواف .. و ناس صاكنهم بلوك .. اول ما شافوني اونلاين ضافوني ف المحادثه الجماعيه ..

بطي : ويــلكم الساع ..
خالد : مــنور ..
نواف : حيـه بو سنيده ..
انا : مولكمن لا هان .. النور نورك .. الله يحييك .. راااااسي عووورني .. ههه ارد ع كل واحد ..
نواف : ههه امبونك خديه ما تعرف تتصرف ..
بطي : ههههههه
خالك : ههههههه
نواف : ماشاء الله يا التوم .. حتى طول الضحكه نفس الشي ..
انا : ويا روووسكم ..
نواف : اقولكم ترا السفره يوم السبت الساعه هنتين فليل ..
انا : انزين ادري ..
بطي : والله .. باجي وايد
خالد : انا بعدني ما خذت شي ..
انا : لا تاخذون سوو بنصيحه نواف " فيس يتجلب من الضحك "
نواف : يا الهرم جب .. تعال شو مدخلنكم .. اليوم اليمعه يعني لازم تيلسون ويا هلكم ..
انا : لاا انا مليت من مجابل هي .. قلت بيلس عالمسن ..
بطي : خخخخخ ..
خالك : " فيس يطالع بنظره غبيه " ..
نواف : ويا راسك ..
انا : انزين ما قلتكم مفاجأه الموسم ..
خالد : شووه ؟
بطي : خبرنا ..
نواف : انا اعرف ..
انا : انا قرووووعه ..
بطي : اتخيل شكلك ..
خالد : ههههههههههه .. والله طر شكلك بيكون ..
نواف : ما عليكم عيار هذا .. حتى و هو قرعه احلى عنا ..
انا : اخجلتم تواضعي ويا روسكم ..
بطي : ههههه من زين راسك ..
خالد : صدقك والله يا تومي من زين راسه ..
نواف : انتو اييه كله ولا رشوووود .. راسه احلى عن روسكم ..
انا : احم احم ..
خالد : شعننننده ..
بطي : هههههههههه ..
نواف : شباب الا ما قلت لكم شفت منو ف المسيد اليوم ..
انا : منوه ؟
خالد : منو ؟
بطي : خبرنا منو ؟
نواف : تحيدون عمار كوكو .. شفته اليوم ف المسيد .. اقولكم غادي درام .. تحيدونه انتو في عصقول .. والله انصدمت ..
انا : الحينه عمار اللي ينضربه الوصف ف الضعف يغدي درام ..
خالد : ههههههه .. يا حيه عمار
بطي : صدق والله كان ريال طيب .. بس لو ماكان يسوي كوكو احسن ..
نواف : اقولكم يا التوم الفاسد صليتو جماعه اليوم ؟
خالد : هي والله ابويه لعن بو خامس يدنا عسب انش ..
بطي : صدقك والله .. هههههه .. ياب جيك ماي بارد و تسبحنا عاد انا و خلود ..
انا : ههههههه .. تستاهلون .
نواف : " فيس يطلع لسانه "

اشوف المسن بند بروحه .. تميت احاول اشبك النت ماطاع .. ثره الوير ليس مشفر ..
طرشت لهم مسجات .. " الويرليس مشفر .. سووري "
ظهرت شنطتي مال السفر .. و حطيت فيها الثياب اليديده و رتبتها ..
مب جنا بنسافر عقب الاسبوع .. انا امبوني اخر واحد .. بس هالمره بكون مرتب من قبل ..
ظهرت شنطه ثانيه عسب اشلها ع جتفي .. حطيت موبايل احتياط .. اوراق عن الاماكن ف ماليزيا و سنغافورة .. و حطيت الكيمره .. اهم شي .. عقب برتب تعـبت ..

..

الله كشخه اليوم بنـسافر .. تأكدت ان كل شي زاهب .. طالعت شنطتي .. جيكت ع الشنطه اللي ع جتفي .. و اكيد شنطه الاب توب ..

ابويه كان بيوصلني المطار .. الساعه الحينه 12 فليل .. قلت له نواف بيخطف عليه .. بس ابويه فديته هب راضي ..

وصلنا المطار و شفتهم متيمعين .. التوم ويا ابوهم .. و نواف ويا ابوه .. و انا و ابويه ..
طبعا " اولياء الامور " عيبتني هالكلمه .. وايهوو بعض و ياخذون علوم بعض ..
و نحن نطالع بعض .. ههههه

ابويه : هالله هالله فـ عمركم .. لا تخلون حد يقص عليكم ..
بونواف : لا تنسون ربكم .. الصلاه الصلاه .. نواف انا عطيتك 4 مصاحف حقك و حق ربعك ..
بو التوم : لا تتحرشون بحد ولا تتدخلون ف حد .. لا تتفارقون .. خلكم ويا بعض ..

حسـيت اني رايح رحله ويا المدرسه .. هاااع ..
الساعه الحينه 1 .. يعني وقت الوداع .. بنسير السوق الحره نتريا ..

سرت صوب ابويه .. حبيته ع راسه و حضـنته حييل .. فديت روحه ..
و بالمثل هو حضـني لين ما حسيت ان ضلوعي انـكسرن .. ادري ابويه يموت فيني ..

ابويه : تروح و ترد بالسلامه ..
انا : ربي يسـلمك .. ابويه شي ف خاطرك من هناك .. ؟
ابويه : ردتك سالم غانم .. انا طرشت لك رصيد .. اول ما توصل سو لي صاحب الرقم انا بتصل بك
انا : ان شاء الله ..

رحنا السوق الحره نحن الاربع ..

تعالو ما قلت لكم .. ظهر لي شعر بس قصير .. بس شكلي طرر .. هاندسم ..
يعني ما احتاي الباروكه .. خـخخخخخ ..

انا كنت لابس بنطلوني الارماني .. و تيشيرت اصفر و جوتي ..
نواف كان لابس تيشيرت ارماني رمادي .. و بنطلون كلافن كلاين ابيض ..
اما التوم مطقمين .. يضحكووني كيووت .. كانو لابسين برمودا جينز و قميص بولو احمر ..

يلـسنا ف الكوفي اللي ف السوق الحره ..

طلبنا شي نشربه .. و كنا متحمسين كلنا .. اول مره نسافر لدوله مب عربيه ويا بعض ..
شربنا اللي طلبناه و تمينا نحاوط ف السوق .. فديت بوظبي و فديت سوقها .. غراام ..

النداء الاخير كان لطيارتنا .. ركبنا الطياره .. انا و نواف عدال بعض .. و التوم ورانا ..
انا كنت عدال الجامه ..

والله حسيت بالدموع تغرغر ف عيوني .. كيف بفارق ابويه و بخليه بروحه .. ابويه ماله غيري .. انا اناني .. !

انا : نواف كيف جي انا اناني .. خليت ابويه بروحه
نواف : فديتك ابوك ماعليه خوف ..
انا : والله خايف عليه ..
نواف : لا تخاف .. ربك حافظنه ..

ربطنا الاحزمه و الحينه بنغادر دار بو خليفه ..

استأذنك بسافر ايام واجيك ..
وان طالت ايام السفر لاتحاتي

حتى ولو طولت ماني مخليك ..
ياللي بدونك ويش تسوا حياتي


اقلـعت الطياره .. و غادرت دارن تربيت فيها .. دارن اعشقها حتى الثماله ..
تميت اجلب ف التلفزيون .. كل الافلام شايفنها تقريبا .. ظهرت روايه ماخذنها من زمان بس ما قريتها .. بديت اقراها .. كانت مشوقه و حلوه .. و اسلوبها يجذب الواحد .. اسم الروايه عيناك يا حمدة .. ابدعت فيها الكاتبه ..
فديت ع يميني اشوف نواف .. شفته خبر خير .. صديت ورا التوم نفس الحاله .. هههه .. و حليلهم رقوود .. مر ع ركوبنا ف الطياره 3 ساعات .. باجي 4 او اكثر .. الله يصبرني ..

الحينه الساعه 5 و ربع .. بنوصل الساعه 9 و نص .. يعني عندهم بتكون الساعه 2 الظهر .. جيد جيد ..
كنت ملان بالقو .. ظهرت الجيم بوي .. و تميت العب ماريو .. و كل اشوي العوز نواف .. هههه يغمض والله ..

الساعه 7 نشو التوم و نواف ..

انا : صباح الخير ما بغيتو تنشون ..
نواف : و انت ما خليتني ارقد يالنذل ..
انا : والله طفرااان كنت ..

التوم مسوين طاف .. متنحين كانو ..
يابولنا الريووق .. استغفر الله ماحب اكل الطيارات .. زين اني كنت ماخذ كافي من السوق الحره وزعته عالشله و كلنا .. و شربت الجاهي مالهم ..

خالد : باجي ساعتين .. واايد
بطي : صدقك والله ..
انا : انتو ما حسيتو .. رقدتو .. انا ما رقدت
نواف : محد قالك ..
انا : اكرهكم .. انزين نحن اول شي بنسير بيننج هي يزيرة ف ماليزيا صح ..
نواف : هي صح ..
خالد : ولد عمي يقول بحرهم طررر ..
بطي : يبالنا نحدق هناك ..
انا : طع ويهك بطووي ..
بطي : بلاه ويهي حلو يجنن ..
خالد : صدق والله ويه اخويه حلو شرات ويهي ..
نواف : صـخو ..

صخينا كلـنا .. و كل واحد انشغل بشي انا رديت اقرا كتابي ,, و نواف يطالع موفي و اللي ورا يتساسرون .. خـخـخ ..
الصراحه الرحله كانت متـعبه وايد .. والله حسيت بتعل غيب طبيعي .. يعني انا ارقد بس مب قاادر .. و ابا اتم يالس بس مب قادر ...

الساعه 9 و 42 دقيقه .. اعلـن الكابـتن ان الطياره بتـهبط .. و انه لازم نربط الاحزمه .. ربطـنا الاحزمه و هبـطت الطياره .. المناظر كانت روعه كنت يالس اطالعها قبل لا نهـبط ..

نزلنا من الطياره و انا كنت شال شنطه ع جتفي و شنطه اللاب .. صح تذكرت ابويه .. خلصنا الاجراءات .. و حصلنا السايق يتريانا .. ركبنا السياره .. او بالاحرى الباص .. ههه كشخه باص الخبز .. بيييب بييب ..

زخيت تلفوني و طرشت مسج حق ابويه .. نسيت اخبركم .. ترا كله ظهرنا بطايق ماليزيا اول ما وصلنا من المطار ..

عقب 40 دقيقه وصلنا الفندق .. جو المنطقه كان حلو .. يعني شي شمس .. بس مب حاره و المهب .. يعني ناايس .. كانت الساعه 3 الا ربع .. سوينا Chek in
و كان ترتيبنا انا و نواف ف غرفه .. و التوم ف غرفه .. و الغرف كانن منفصلات بس مجابلات بعض الباب بالباب ..

دخـلت حجرتي .. عقيت الشـنط .. ماكان لي خاطر اسبح .. توضيت و صليت الصلوات اللي فاتتنا .. و عقب انسدحت و رقدت من الـتعب ..

نشيت و انا اشوف عمري ف مكان غريب .. تذكرت اني مسافر .. ياي وناسه .. كنت برمس ابويه بس شفت الساعه كانت 6 الفير يعني 2 فليل ف البلاد .. تراجعت عن هالفكره السخيفه .. برمسه الصبح ..

المهم انا يوعان .. شو اسوي ؟! لبست ثيابي .. و شفت نواف بعده راقد .. اتصلت ع غرفه التوم محد يرد يعني بعدهم رقود ..
شليت بطاقه الغرفه و نزلت .. ظهرت من الفندق .. و تميت احاوط شفت دكان فاتح .. شكله يفتح 24 ساعه .. اسمه سيفن اليفن .. سرت خذت بيبسي و جيبس و توست و جبن .. والله كنت يوعان .. ذكرني هالمكان بـ شيشه ادنوك .. بس شيشه ادنوك احلى بوايد ..

ريت الفندق مشي .. الدكان كان وايد قريب .. تميت اطالع المناظر الطبيعيه .. الشير و اللون الاخضر .. انا اكره هاللون .. بس صدق مناظر ترد الروح ..

دخلت الحجره و حطيت البيبسي ف الثلاجه .. كنت ماخذ حقي و حق نواف و حق التوم ..
سويت لي توست فيه جبن و برينجلز .. هااع اليوعان يخترع ترا .. و شربت بيبسي .. حسيت بالرقاد .. انسدحت ع الشبريه ..

..

الساعه 9 شفتهم كلهم متيمعين ف الحجره ..

نواف : رشود يلا نش بننزل نتريق ..
انا : انزلوو ..
نواف : يلا بننزل رباعه ..

سرت الحمام كرمتم سبحت عالسريع .. سشورت شعري " هع هع اتمصخر ع عمري " .. هههه
و لبست برمودا جينز و تيشيرت ازرق و تعطرت و نزلنا رباعه ..

سرنا مطعم الفندق .. البوفيه كان وايد حلو .. و فيه وايد اشياء .. يعني اصناف متعدده .. حجزنا طاوله .. و خذنا ريوق و يـلسنا ناكل ..

اجواء الفندق كانت ساحره .. الشير ف كل صوب .. الطبيــعه تناديك ..
بديـت اعبر وايد .. فديتني انا رشوود ..

عـصير البرتقال مالهم كشـخه .. احب عصير البرتقال الفريش .. ظهرنا من المطعم و يلسنا ف اللوبي .. الساعه كانت 10 ..

انا : شو بنسوي و وين بنسير ؟
نواف : الحينه الدريول بيي ..
خالد : اها ..
انا : الفير انا ظهرت سرت الدكان ..
نواف : انت غبي تظهر بروحك ؟
انا : عاد بلاد مسلمه ما عليه خوف ..
نواف : انزين حتى لو .. لا تظهر مره ثانيه بروحك ..
انا : ان شاء الله عمي نواف ..

بطي كان ينود يبا برقد ههههه ..

انا : بسير ارمس ابويه ..
نواف : اوكي ..

تميت اتمشى ف اللوبي .. اتصلت بابويه .. اوويه الساعه 6 الفير .. سويت كاف و خليته يرن و يرن .. ابويه ما يرد .. مع اني طرشت له مسج و قلت له هذا رقمي ..

رديت صوبهم و عقب 5 دقايق يا الدريول اللي كنا متفقين وياه ..
ركبنا الباص .. اغلب السياح يتمشون بباصات الخبز اذا كانت اعدادهم اكثر عن 3 ..

اسم الدريول " ماكس " كان شكله ماليزي و شكله كوول و شبابي .. هـاع ..

ماكس : السلام أليكم ..
نحن : و عليكم السلام و الرحمه ..
ماكس : كيف الهال ..
انا : بخيير و سهاله .. انت شحالك ..
ماكس : الهمدلله ..

كان مسلم ..احسن .. ^^ .. المهم ركبنا الباص ..
تمينا نتشاور وين ننسير .. قلنا بسير حديقة الفراشات .. و عقب بنسير الشلالات ..
شغلت الام بي 3 .. شغلت فيروز نسم علينا الهوا .. فديتها فيروز .. ههههه ..
ظهر نواف سيدي و حطاه ف الباص ..
شغلنا اغنيه ميحد .. باريس ولا لندن ..

يا مــــالك"ن" عقلي و قلبي و فكري .. يالغالي يلي في وسط روحي تسكن ..
حيرتني مابين مدري و مدري .. كلما سألتك قلت لي مدري يمكن ..
أسالك بالله وبغلاتي وقدري .. مدام حبك في حشايه تمكن ..
جاوب سؤالي و لاتحير لي امري .. بتصيف في باريس ولا في لندن ؟

خالد : لااا قصدك بتصيف في ماليزيا ولا سنغافورة ..
نواف : خخخخخخ ..
شليت الام بي 3 .. و سمعت وياهم ميحد ..

وصلـنا حديقة الفراشات .. نزلنا و نزل ويانا ماكس .. ما رضى يدخل قال بيتريانا ..
دخلنا نحن .. شفنا الفراشات اشكال و انواع كشـخه الصراحه .. و شي يراد و حشرات .. هههه
كان المكات شرات البستان او الحديقه .. ما اعرف اوصف .. يعني جي فيه شرات الحصى و الشير .. ناايس ..
ظهرت كيمرتي زين اني يبت عدسة الماكرو .. تميت اصور الفراشات وحده وحده ..
صورت نواف و خالد و بطي .. و شي فراشات ع روسهم ..
ظهرنا عقب من الحديقه و يوم تظهر شي دكان يبيع اشياء تذكاريه .. شفت التيشيرتات و الميداليات .. مش حلوات .. هااع
ظهرنا من الحديقه .. و ركبنا الباص .. الحينه بنسير الشلالات ..

وصلـنا الشلالات .. كان ع يمينا دكاكين يبيعون اشياء تذكاريه و فواكه .. راوانا ماكس ثمره الكاكاو .. ما توقعت ان جي شكله الكاكاو .. فديت الباتشي ..

كان شي شرات الدري ف الشلالات .. رقينا الدري و تمينا نناقز عالحصى .. و انا اصورهم .. كشخه .. كان شي خليجيين وايد .. اغلبهم معاريس يدد .. هع هع
حسيت بحد يرشني ماي ..

انا : الله يخسك .. بتخترب كيمرتي ..
بطي : عادي ماعليه ..
انا : عقب انت بتاخذ لي كانون اليديده .. كشخه ..
بطي : افا عليك .. بنمر اليابات باخذ لك وحده ..
انا : ويا راسك ..

تمينا نلعب بالماي ..

و عقب ركبنا الباص .. قلنا له نبا ماكدونالز .. سرنا ماك .. طلبت انا ماك جيكن .. ! مالهم رخيص وايد .. رخص التراب .. كلنا و خذنا حق ماكس و عقب ركبنا الباص .. و ردينا الفندق . الساعه كانت 2 الظهر .. حاسبنا الريال و و سرنا غرفنا ..

تيددت و صليت الظهر .. عقب انسدحت .. انسدح نواف عالشبريه اللي عدالي ..

نواف : والله وناااسه ..
انا : صدقك والله ..
نواف : والله تعباان برقد شكلي ..
انا : انا بعد .. اشوفك المغرب ..

انسـدحت .. و طحت ف رقاد عميق ..

نشيت المغرب .. قضيت العصر و المغرب .. عقب سبحت و لبست شورت و تيشيرت .. و شبشب .. هـع وايد ماخذ راحتي .. شفت نواف محد اكيد ف غرفه التوم .. سرت غرفه التوم و سمعت الحشره .. دخلت حجرتهم ..

انا : مساكم خير ..
خالد : مساا الانوار ..
نواف : صح النوم ..
انا : والله حلو الرقاااد ..
بطي : الحينه وين بنسير .. ؟
نواف : ماعرف .. تعالو بننزل تحت بنستكشف المنطقه ..

نزلنا تحت و تمينا نحاوط عدال الفندق .. كان شي سوق ليلي .. كشخه .. بس كله يبيع ماركات تقليد و اشياء تذكاريه .. خذت اناناس و يلست .. احب الاناناس ..
خذنا تيشيرتات مكتوب عليها Malaysia
يعني تذكار حقنا ^^ .. شفت محل يبيع تحف .. شفت جي شرات البوكس خشبي وايد حلو .. خذته حقي .. تمينا نحاوط ف السوق .. والله حلوه الاجواااء ..

و الخليجيين ف كل مكان .. اكثر شي تحصلهم صوب الماركات تقليد ..
تحصل وحده تاخذ تقليد و تسير البلاد تقول لـ ربيعاتها اصليه ..خخخخخخخ

حسينا باليوع يقرصـنا .. سرنا ندور مطعم نتـعشى فيه ...


[ نـهاية البـارت ]


موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1