غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات إدارية - يُمنع طرح اقتراحات > ارشيف غرام
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 05-08-2008, 07:53 PM
اشبال السنة !! اشبال السنة !! غير متصل
عضو موقوف من الإداره
 
الافتراضي ياما حاولت / للكاتبة فراوله وردية خيالية رومنسية جريئة


هااااي اعضاء منتدى غرااام اليوم جبت لكم الروايه الثانية للكاتبة فراولة وردية ياما حاولت من بعد روايتها الاولى بنات افكااااري وانشاء الله تعجبكم

مقدمة بسيطة من الكااااااااااتبة

بعد روايتي الاولى*بنات افكاري*..والتي وبحمد الله نالت اعجابكم..اتيت لكم بروايتي الثانية..والتي اتمنى ان تعجبكم وتحبونها..

روايتي الثانية..((يامــاحــاولت ))..خيالية..رومنسية..جريئة


[بسم من علمني الحب]
[واذا كان الحب صفة مغروزة بالانسان]
[فبسم هاذا الانسان]

[وبما ان هاذا الانسان مخلوق من الله]


[فبسم الله الرحمن الرحيم]

بدأت روايتي الثانية باسم الرحمن خالق كل شي...اما بعد...

{سأكتب وسأقرأ**


سأكتب لك كل يوم عن قصة الحب الغامض..


وسأقرأ لك كل جديد ورائع...


وسأكلمك كلمات خرجت من ينبوع قلب صادق...


وسأذكرك بشي صاطع لامع...
وسأرويك من حنان فائض...
وسأريك من القلب النابض...
وسآخذ منك كل شي يجعلك حيران بائس...
وسأعطيك من فمي...
همسة تجعلك انسان بارع...
&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&


>>>الجزء الاول<<<

...البــــدايــــة...

شغلت المسجل على اغنية (no promises)..عشان تروق على الصباح...

رفعت السماعة الي جمبها وضغت رقم 3...طلع لها صوت الشغالة...

((الكلام راح يكون بالانجليزي بس انا راح اكتبه بالعربي))...

نوريا(الشغالة))صباح الخير مس لبنى))

لبنى)):صباح النور نوريا...جهزي الفطور))

الشغالة(اوكي))

سكرت السماعة وراحت تاخذ(شاور)سريع قبل لا تطلع...
خلصت من الشاور ولقت الاكل جاهز...لبست لبس(الجم)..واكلت ع السريع وطلعت...

كالعادة لازم تتاخر...اكيد الحين بتاخذ تهزيئة من المدرب...
وصلت لمكان الجم وفتحت الباب بسرعة...

لبنى وهي تتنفس بصعوبة من كثر الركض...

لبنى)سوري ع التاخير بس....))

المدرب قاطعها((تفضلي وهاذي اخر مرة...مع اني ما اتوقع))

تاففت وحطت شنطتها جمبها...

ستيف((شفيك؟؟))

لبنى((هاذا المدرب يا بيذبحني يابذبحه))

ستيف((ههههههه انتي الي دايم تتاخرين))

لبنى((طيب ايش اسوي اذا قمت متاخر))

ستيف((كل يوم عاد))

لبنى((ستيف بليز اسكت ترى مالي خلق))

ستيف((طيب بس لا تنسين اليوم الغدا عليك انتي وعدتيني))

لبنى((هاذا انت همك على بطنك...طيب خلاص..اختار المكان الي تبيه والحساب علي))

هاذي ببساطة حياة لبنى...سهر طول اليل..وبالنهار نوم...تقوم بس تروح الجم تلعب رياضة وبعدين تتغدى مع ستيف وبعدها ترجع البيت تكمل نوم وتقوم الساعة 8 ويبدى يومها جد...طبعا مستغربين كيف يدربها واحد وكيف صديقها ستيف وتطلع معاه عادي وهي سعودية...ببساطة لانها عايشة بنيويورك من يوم كان عمرها16 سنة....

&&&&&&&&&&&&&&&&&&&&&&
^%[ يامــا حــاولت]%^
&&&&&&&&&&&&&&&&&&&&&&

بالشرقية...

جالسة بالمحاضرة وطفشانة...التفتت على صديقتها ولقتها نايمة...

رزان(طبعا بتنامين...مين قدك على الاقل تضيعين وقتك مو انا متطرة اسمع هالعلة هاذي...بس وربي ما اخليك تتهنين بالنوم)

فتحت شنطتها وطلعت منديل...لفته وخلته طويل...بدت تدخله باذن بشاير عشان تزعجها...

بشاير وهي مغمضة عيونها وتحرك يدها تحاول تبعدها:اووف..وخري عني

رزان:والله ماتنامين...مايصير كذا انتي تنامين وانا اسمع هاذي

بشاير فتحت عيونها:طيب شسوي لك يعني...نامي

رزان:مااقدر انام بهاذا الازعاج

بشاير:هاذاني انا نمت...عادي

رزان:انتي حتى لو في زلزال بتنامين

بشاير رمت القلم الي بيدها بعصبية وقالت بصراخ:وبعدين يعني...ماراح انام

سمعتها المس وهي تصارخ وعصبت...

المس:بشاير..في حاجة؟؟

بشاير ابتسمت:لا مس سلامتك مافي شي..[قالت وهي تناظر برزان]...بس كان في ذبانة مزعجتني...اقول مس ليه ماتفتحين الدرايش والله حر

المس:طيب انا اعمل ايه ازا التكيف عطلان

بشاير:انا عندي لك حل

المس:ايه هو اتحفينا

بشاير:طلعينا برة واذا مرت المديرة ندخل

رزان:ايه والله هاذا احسن حل

المس:انا عندي حل احسن

بشاير باستهبال:هو ايه؟؟

المس:اخرسي انتي وهي وخلوني اكمل المحضرة

بشاير بهمس:كانها هزأتنا

رزان بنفس النبرة:ايه

المس:بتقولو ايه؟؟

بشاير:لا ابد...كملي مس كملي

بدت المس تكمل المحاضرة وبشاير ورزان طول المحاضرة مقضينها سوالف...

&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&
بعد ما خلصت المحاضرة...

مشاعل:ووين بتسوين البارتي؟؟

شوق:والله ما ادري..انتي وش رايك؟؟

مشاعل:هاذي البارتي حقتك وانتي الي لازم تختارين

شوق ابتسمت:لا انا هالسنة بسوي شي غير

مشاعل:شنو؟؟

شوق:يعني انا ورزان فكرنا اننا نسوي حفلة مشتركة...يعني كلنا مع بعض

مشاعل:والله مدري

شوق:شنو ماتدري...غصبن عنك بتسوين معانا

مشاعل:لا والله

شوق:ايه لان بابا معاقبني على درجاتي الحلوة وعشان كذا قالي مافي حفلة وبعد ماحنيت عليه اعطاني ثلاثة الاف بس...ورزان نفس الحالة

مشاعل:وتبيني ادفع ثلاث الاف؟؟

شوق:لا..انا ورزان دبرنا الدي جي ومكان الحفلة وانتي اختاري تبين البوفيه ولا اختاري شي ثاني

مشاعل:خلاص اوكيه بقول لبشاير واثير ونشوف

شوق:تكفين اقنعيهم ابي حفلتي تصير احلى من حفلة ندى الي سوتها العام...وربي للحين مو قادرة انساها

مشاعل:معاك حق تذكرين لما سوت البوفيه كل قسم ببلد

شوق:والا فستانها السماوي كان روعة

اثير:هههههه انتو للحين تتكلمون عن حفلة ندى

شوق رفعت حاجبها:شرفتي

اثير:خلصت المحاضرة؟؟

مشاعل:من ساعة

اثير:اوف..طيب شسوي..ديما طفشتني

شوق بخبث:ديما ولا ابو ديما

اثير حمرت خدودها:اقول اسكتي بس

مشاعل وهي تسحب اثير:ههههههه اجلسي بس..الاجد شخباره؟؟

اثير:مين؟؟

مشاعل:مين غيره زوجك العزيز منصور

اثير:وانتي شدخلك

مشاعل:الشره علي اسال عنه...عموما الحمد الله على سلامته

اثير:الله يسلمك

شوق:الاجد وش جاب لك من مصر؟؟

ظلو يسولفون وفجاءة جتهم بشاير تركض...

بشاير:بنات بنات

البنات:بسم الله

اثير:شفيك انتي؟؟

بشاير وهي تاخذ نفس من التعب:فاتكم وش سوت رزان بالمس

شوق:وش سوت؟؟

بشاير وهي تاخذ الببسي من يد مشاعل:لحظة شوي خلوني اشرب شي

مشاعل:هي هاذا حقي

بشاير شربته وحطته على الطاولة:خذيه

مشاعل وهي تناظر بالببسي:بس انا ماشربت شي لسى..خلصتيه يالدبة

بشاير كبته على الارض...

مشاعل بصراخ:هيي

بشاير:شفتي لسى فيه

مشاعل طالعتها بحقد:انا اوريك يالتبن

شوق:يوه بشاير خلاص...قولي لنا وش صار؟؟

بشاير:ايه صح ذكرتيني...واحنا طالعين من المحاضرة.كالعادة مسكتنا المس وهات ياتهزيئ فيني وفيها...عاد رزان كانت معصبة منها من زمان وكاتمة..واليوم انفجرت وقالت لها...

البنات:ايه

بشاير:وقالت لها

البنات:كملي

بشاير:اول جيبولي كرسي ابي اجلس

شوق:اوف..ميشو حياتو جيبي لها كرسي

مشاعل:لا والله

بشاير:يا الكرسي ولا ماراح اقول

مشاعل وهي تقوم:بجيبه وامري لله

جابت الكرسي واجلست...

شوق:هاذاك جلستي يلا عاد قولي

بشاير:زين بس اول ابي اشرب

مشاعل:اقول بشيّر تراك مصختيها يلا انطقي

بشاير:ههههه طيب اعصابك يلا بقول

مشاعل:اخلصي

بشاير:عدلي اسلوبك معي

اثير:يوه بشاير يتقولين ولا شلون

بشاير:خلاص بقول...المهم..وبعدين عاد رزان قالت لها...هي انتي ترانا مو اصغر عيالك عشان تهزئينا كذا...اذا كنت معصبة من احد لا تطلعين حرتك فينا ولا شفتينا ساكتين ومعطينك وجه قمتي تهزئينا...وبعدن المس فتحت عيونها بقوة وقالت لها...انتي بتقولي ايه...انتي ازاي تتكلمي معايا بالطريقة دي؟؟....قالت رزان انا بكيفيلااتكلم بالطريقة الي تعجبني...قالت المس..قدامي على مكتب المديرة

اثير:وبعدين رزان وش سوت؟؟

بشاير:قالت لها والله ما اروح

شوق:كفو والله بنت عمي

بشاير:عاد انا فزعت لها وقلت يا مس استهدي بالله وهاذي بزر وماينشره عليها...قال لأه...راسها والف سيف توديها بس رزان ماراحت..طنشتها وطلعت..وبعدين انا هديت المس وجيت هنا

شوق:والحين وين رزان؟؟

بشاير تاففت:يعني وين العلة تغريد نادتها

شوق:اوف هالبنت ماتفهم كم مرة قلت لها لاتروحين معاها بس هي غبية

اثير:هاذاهي جت

رزان:هاي صبايا

شوق:رزان وين كنتي؟؟

رزان وهي تناظر بشاير:يعني هاذي ماقالت لكم

شوق:الا قالت...واذكر اننا قلنا لك بعد لا تمشين مع تغريد...هاذي سمعتها مو زينة

رزان:والله عاد انا ماشفت شي شين منها...انا مدري ليه تقولون عنها كذا

شوق وقفت:انتي ماتفهمين؟؟

اثير:خلاص خلاص اهدي انتي وياها...ترا الموضوع مايستاهل

رزان طالعت شوق بنرفزة وشوق بادلتها بنفس النظرات وجلسو ثنتينهم....


&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&

بنيويورك...

جالسين بالكوي الي كل يوم يروحون له...صارو معروفين هنا من كثر مايروحون...

ستيف((لولو وش فيك؟؟))

لبنى تنهدت((ولاشي))

ستيف((يعني انا ما اعرفك...شكلك متضايقة اليوم..وش صار؟؟))

لبنى((صديقاتي وحشوني..من زمان ماشفتهم))

ستيف وقف وحضنها((وانا وين رحت))

لبنى ابتسمت وحطت راسها عليه((انت موجود بس هم غير))

سيف بعد عنها شوي((كيف غير..يعني بايش غير عني عشانهم بنات يعني))

لبنى((عشانهم بنات وعشان في اشياء مااقدر اقولها الا بس لهم))

ستيف((اشياء مثل ايش؟؟))

لبنى((انت ولد وعمرك ماراح تفهمني))

ستيف وهو يكلم نفسه((انتي الي عمرك ماراح تفهميني))

لبنى((هي ستيف...شفيك؟؟..الحين مين الي فيه شي انا ولا انت))

ستيف((هاا...لا بس كنت افكر بكلامك))

لبنى((لاتشغل بالك...يلا روح اطلب لنا ابي اكل وارجع انام))

ستيف(وانتي من عرفتك وبس تنامين))

لبنى(يوه ستيف ترى راسي يوجعني))

ستيف((طيب بس انتي بتدفعين))

لبنى((ياالله عليك خلاص انا الي بدفع يالبخيل))

ستيف:ههههههههههه

&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&

رجعت البيت وهي تحس نفسها هلكانة ومالها خلق شي...

سمعت صوت وراها..صوت تكرهه وماتطيق تسمعه ابد...

بشاير التفتت عليه وارفعت اصبعها بتهديد:سعد قبل لا تفتح فمك بأي كلمة..هاذاني اقول لك تراني تعبانة ومالي خلقك ولاخلق ملاغتك زين

سعد:افا وش فيك علي

بشاير:اقلب وجهك سعد

سعد:فديتك

بشاير تاففت وصارت تقلب بعيونها...

سعد:فديت هالعيون الخضر

بشاير تاففت بنرفزة وطلعت الدرج...

سعد مسك يدها قبل لا تطلع:فديت هالمشية وهالطلة..فديت الشعر البني وهالجسم الغزال

بشاير سحبت يدها بقوة:سعد خلاص

سعد:وش فيك علي انتي..انا احبك

بشاير:وانا ما اداني اشوف وجهك..انقلع عني..فك ياخي انت شنو ماعندك احساس..تتهزء وعادي

سعد:مقبولة منك ياقلبي

دخلت ام بشايروهي مستغربة الصراخ الي تسمعه..

ام بشاير:شسالفة؟؟..شفيكم

بشاير ناظرت سعد:تكلم...قول لها وش صار

سعد ابتسم بارتباك:لا ولاشي يامرت ابوي بس يعني كنت اسال بشاير عن الجامعه وشنو مسوية وهي الله يهداها عصبت

ام بشاير:وانتي شفيك عليه بس تهاوشينه

نزلت دانة من الدرج بمشيتها الي كلها غرور كالعادة وهي شايله عبايتها...

ام بشاير:على وين؟؟

دانة ابتسمت وهي مالها خلق مرت ابوها:ابد..بروح عند صديقتي

ام بشاير:قلتي لابوك؟؟

دانة:ايه واذا مو مصدقتني روحي اساليه

بشاير اخذت شنطتها وركبت لفوق...وقفت بنص الدرج وبدت تطالع دانة من فوق لين تحت وكانها مو عاجبتها...

دانه:خير انتي بعد تناظريني كذا

بشاير:والله عاد انا اناظر بمزاجي

داني:لا ياعيون امك مو بكيفك

بشاير رمت اغراضها على الدرج حالفة لا تطلع حرة سعد باخته:وش بتسويلي يعني

ام بشاير:خلاص انتي وياها...دانة روحي لعند صديقتك وانتي روحي لغرفتك وذاكري الامتحانات مابقى لها الاشوي

تنهدت دانة بقهر ونزلت..

قبل لا تطلع حطت يدها على كتف اخوها وهمست باذنه:مدري وش عاجبك فيها

سعد ابتسم:بالله مو قمر

دانة التفتت على بشاير:قال قمر قال

طلعت بعد مالبست عبايتها...

شالت عبايتها وشنطتها من الدرج وبدت تصعد بس صوت امها وقفها...

ام بشاير:بشاير

بشاير التفتت:نعم

ام بشاير:انا كم مرة قلت لك لا تتهاوشين مع دانة هاذا اختك الكبيرة

بشاير:تخسى تصير اختي انا ماعندي غير اخت وحدة واسمها فاطمة

ام بشاير تنهدت:الكلام معك ضايع

تركتها ورجعت للمطبخ...

من القهر دورت أي شي ترميه او تكسره بس مالقت...ماشافت غير سعد الي واقف ويناظر فيها من فوق لتحت...

بشاير:خير انت بعد وش تناظر؟؟

سعد ابتسم واعطاها بوسة..

بشاير تافف وهي تصعد الدرج:ويقولون بعد ليه كل اطلع

&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

اول مافتحت الباب ركضت لها بنتها...

ديما وهي تركض:ماما

اثير ابتسمت وهي ترفعها من الارض:ياروح ماما

منصور:جيتي حبيبتي

اثير حطت شنطتها على الارض...قالت وهي تتوجه للمطبخ وين مامنصور واقف...

اثير:وش قاعد تسوي؟؟

منصور:ابد بس ديما كانت جوعانة وقعدنا نحوس شوي

اثير حطت ديما على كرسيها:وشنو حستو ان شاء الله

منصور رفع لها الصحن:سوينا كيكة..تبين تذوقين؟؟

اثير عقدت حواجبها:مع ان شكلها مايطمن..بس مو مشكلة مايضر

اخذت قطعه منها واكلت شوي منها...

منصور:كلي اكثر كذا مايبين طعمها

اثير هزت راسها واكلت اكثر...حطت الكيكة على الصحن واكلت وهي عاقدة حواجبها...

ديما لما شافت امها تاكل صارت تبي تقلدها:ماما ابي اكل

اثير وهي تشرب الماي:ما انصحك حبيبتي لان بصراحة طعمها يقرف...استغفر الله

منصور:طيب جاملي على الاقل مو تقولينها بالوجه

اثير:تبيني اكذب يعني..(شالت قطعه ثانية ومداتها له)...جرب واحكم

منصور اخذها منها وحطها على الصحن:لا شكرا خلاص مصدقك

اثير:لاذوق الي انا ذقته

منصور:عقاب يعني؟؟

اثير:بالضبط..يلا اكلها

ظلت تحاول فيه لحد ما اكلها وندم على اليوم الي فكر فيه يسوي أي شي ينوكل...

اوصف لكم اثير...طويلة ونحيفة...حنطاوية..شعرها اسود طويل وكثيف يوصل لين نص ظهرها...عيونها سودة وواسعة ورموشها كثيفة وطويلة..احلى مافيها عيونها وصديقاتها يسمونها ام عيون..


&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

بالقصر...

اول ماوصلو رمو الشناط على الارض..

رزان بصراخ:ميري...ميري وعلة

ميري(الشغاله):نعم مدام

رزان:شنو نعم...يعني ماتشوفين الشناط..شيليهم

شوق:ايه وقولي لسوزن تجي وتودي شنطتي للبيت..(سوزن شغالة شوق)

ميري:اوكي مدام

اخذت الشناط وراحت...

رزان:يلا على الغرفة بوريك شي

شوق:يلا

وهم رايحين جهة الاصنصير سمعو صوت صراخ...

شوق:شسالفة؟؟

رزان رفعت كتوفها:مدري..بروح اشوف

توجهت لمصدر الصوت وكان من مكتب ابوها...لقت اخوانها الصغار سيف ونور واقفين عند الباب ويناظرون...

رزان:وش قاعدين تسون هنا

اول ماسمعو صوتها ركضو لها ودفنو روسم بمريولها...

رزان:شسالفة؟؟

سيف رفع راسه:ماما وبابا يتهاوشون

نور ببراءة اطفال:رزان...ليه ماما وبابا كل يتهاوشون؟؟

رزان طالعتهم بحنية...يكسرون خاطرها اخوانها...كل يصير فيهم كذا لما يشوفون امهم وابوهم يتهاوشون...هي تعودت على هالوضع خلاص وطفشت منه...

رزان:لا حبيبتي هم مايتهاوشون هم ينتاقشون بس النقاش احتد شوي

سيف ونور:يعني شنو؟؟

رزان ضحكت على اشكالهم:يعني يتكلمون بس بصوت عالي وبعدين هم دايم كذا يعني عادي

نور:رزان ليه ماما وبابا مايحبون بعض

رزان:لامين قال كذا؟؟

سيف:الا صديقي مروان يقول ان امه وابوه يحبون بعض عشان هم مايتهاوشون

نور:ايه وحتى صديقتي سارة

رزان:لا حبايبي ماما وبابا يحبون بعض بس هم يتهاوشون شوي وبعدين يتصالحون مثلك انت ونور صح

سيف هز راسه وكانه اقتنع:ايوه صح

رزان:طيب يلا الحين روحو العبو مع شوق هي بالصالة

نور وسيف:لا وع احنا مانحب شوق هي كل تهاوشنا

رزان:هههههههه لا هي تلعب معاكم الحين جابت لكم حلويات

سيف:كذابة

نور:هي ماتحبنا شلون تجيب لنا حلويات

رزان تاففت من كلام خوانها الكثير والي اكبر منهم:بتروحون ولا شلون

سيف ونور:خلاص بنروح

ركضو للاصنصير وصعدو فوق...

رزان تنهدت وفتحت باب المكتب بقوة..

رزان بعصبية:وبعدين معاكم انتو الاثنين...كل يوم تتهاوشون وربي طفشت..يعني لازم تفشلوني كل ماجا احد لهنا..عقدتوا عيالكم..عاجبكم كذا عيالكم الي ماكملو السبع سنين يقولون انكم ماتحبون بعض...انتو ماتستحون...اوف منكم اوف

قالت الي عندها وبردت خاطرها وطلعت...وخلتهم مصدومين من كلامها...بس مع كذا مافي فايدة ورجعو يتهاوشون...

ابورزان:شفتي كل منك ومن اسلوبك الهمجي

ام رزان:انا ولا انت يالمراهق

ابورزان:انتي بس لو تفكيني من شكك وغيرتك البايخة

ام رزان رفعت حابجها:انا اغار عليك هاذا الي ناقص انا بس احاول اوقفك عند حدك قبل لا تضيعنا بتصرفاتك المتصابية

قالت كلامها وطلعت وخلته معصب...

ابو رزان بصراخ:انتي وحدة مجنونة

طنشته وراحت للاصنصير...

&&&&&&&&&&&&&&&&&&&&&&&&
^%[يمــا حــاولت]%^
&&&&&&&&&&&&&&&&&&&&&&&&

مشاعل جالسة عالمسن ومندمجة بالسوالف...فجأءة سمعت صوت الباب يفتح بقوة وبعدها صوت صراخ....

حطت السماعة على الطاولة والتفتت للباب...متعودة كل يوم على هالحال...

بشاير بعصبية:انا خلاص لازم انتحر

مشاعل وهي تسكر الباب:هههههههه..كل يوم تقولين كذا وللحين عايشة

بشاير:وجع ان شاء الله تبيني اموت

مشاعل فتحت الثلاجة الي عندها وطلعت(ام اند امز)...مدت الكيس لعند بشاير:خذي بس

بشاير فتحت الكيس وبدت تاكل:والله محد يعرفني غيرك

مشاعل:اعرفك اذا عصبتي لازم تاكلين كيس ام اند امز...على فكرة هاذا ادمان

بشاير:اقول لا يكثر واجلسي خليني اشكي لك

مشاعل:لحظة خليني استنتج سبب زعلك..ممم...سعد؟

بشاير:ودانة بعد...الله ياخذه هو واخته

مشاعل:طيب انتي ليه ماتعطينه فرصه يمكن هو يحبك من جد

بشاير بدت تاكل اكثر:حبه برص..وبعدين هو شاف وجهه قبل لايجي يقولي احبك...شاف اخلاقه...ياشيخه خليني ساكته

مشاعل:ههههههههههههههه

بشاير:ليه تضحكين؟؟

مشاعل:احسك قرفانة منه من جد

بشاير:اوف خليها على الله

فجاءة انفتح باب الغرفة...بشاير من الغرعة طيحت ال ام اند امز على الارض...

مشاعل التفتت وهي مستغربة...مين غير بشاير يسوي كذا...

بدر وقف وهو عاقد حواجبه:اسف ماكنت اعرف ان عندك ضيوف

بشاير من التوتر والخوف مو عارفة ايش تسوي...التفتت يمين يسار تدور عبايتها بس لقتها بعيدة عنها...التفتت على بدر الي للحين واقف ويعتذر...مالقت غير الستارة تتخبى وراها...

مشاعل وقفت بعصبية وسحبت اخوها لبرة....

مشاعل بعصبية:انت شفيك؟؟

بدر:وشو ماكنت اعرف ان عندك احد

مشاعل:لا والله...شوف هالكلام مايمشي علي كل مرة بتقول كذا

بدر:لا هالمرة جد...حتى كنت ابي اسالك عن شي

مشاعل:وشنو هالشي؟؟

بدر:ها..لا نسيت خلاص

مشاعل:بدر...وربي لو ما اختفيت من قدامي الحين بيصير شي مايسرك

بدر:زين بختفي بس قولي لي...مين هاذي؟؟

مشاعل:يعني اول مرة تشوفها

بدر:لا بس اول مرة اشوفها كذا...بصراحة توني ادري انها قمر كل ما اشوفها القاها لابسة العباية

مشاعل:وش رايك يعني تبيها بدون عباية

بدر:خلصينا عاد مين هاذي؟؟

مشاعل:صديقتي

بدر وهو يطالع مشاعل من فوق لتحت وكانها مو عاجبته:انتي تصادقين هالقمر ذي

مشاعل:ليه وش فيني اصلا انا احلى منها

مشاعل كانت طويلة وحنطية يعني سمارها زي سمار الهنود..عيونها وساع نوعا ما ولونها اسود رموشها طويلة وخفيفة...نحيفة وشعرها اسود لين نص ظهرها....

بشاير كانت بيضا وعيونها صغار لونها اخضر...شعرها بني قصير لين كتفها وناعم...كانت مليانة شوي لاهي سمينه ولا نحيفه...ومو طويلة مرة بس نقدر نقول عنها انها مملوحة بشكل عام...


بدر:أي صح

مشاعل:اقول عطيتك وجه بزيادة اذلف يلا

بدر:عليك اسلوب اعوذ بالله

مشاعل بحده:بدر

بدر وهو يبعد:طيب طيب خلاص رحت

مشاعل تاففت ودخلت للغرفة....

&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

بنيويورك الجو غير تماما...

جالسة ع الكنب وتناظر بالناس...تحس انها اليوم تعبانة ومالها خلق شي...

ستيف بصراخ لان صوت الاغاني عالي((شفيك؟؟))

لبنى((احس راسي يوجعني))

ستيف((تبين نطلع برة؟؟))

لبنى((لا ماله داعي...عطني زقارة وانا بروق بعدين))

ستيفk

طلع لها من جيبه زقارة ومدها لها...(طبعا هاذي مو زقارة عادية...هاذي حشيش)...

اخذتها منه وحتطها بفمها....كانت تدور بجيبها على ولاعة..انتبهت بيد قدامها ومادة لها ولاعة...

لبنى رفعت راسها تشوف مين...تنحت للحظة وهي تناظر فيه...كان نسخة من ديفد بيكهام...

لبنى حست على نفسها..رفعت حاجبها((خير؟؟))

الولد مد لها الولاعة((ممكن))

لبنى طلعت ولاعة من جيبها وولعت لنفسها:no thinks

الولد طالع فيها وبعدين ناظر بستيف....سيتف اول ما شافه رفع كتوفه وكانه يقول له مالي دخل...

لبنى((في شي؟؟))

الولد مد لها يده((ممكن ترقصين معي))

لبنى مسكت يد ستيف((اسفة بس انا وعدته ارقص معه))

سحبت ستيف بسرعة وراحت لعند مكان الرقص...

اول مابعد عنه التفتت على ستيف((ستيف شفته شلون...يهبل))

ستيف((على فكرة انا عدت افهمك))

لبنى((وش قصدك؟؟))

ستيف((يعني هو عاجبك ليه صديتيه كذا))

لبنى((ستيف ستيف ستيف....انت ماتعرف لهاذي الحركات...هاذي حركات بنات انت خلك بس كذا اركض ورا ميشيل))

ستيف((وش تبيني اسوي يعني))

لبنى((قلت لك طنشها وبتشوفها هي الي بتركض وراك))

انتبهت بالولد نفسه واقف يطالعها..قالت بهمس...

لبنى((ستيف قاعد يطالعني))

ستيف((تحبين ترقصين معه))

لبنى((لا يالغبي..امش نطلع))

ستيف((نطلع وين؟؟))

لبنى((نطلع برة انت روح لبيتك وانا بنتظر برة))

ستيف((ليه؟؟))

لبنى((يالله ستيف شغل مخك...سو الي قلتلك عليه))

ستيف((اوكي))

طلعو اثنينهم مثل ما اتفقو...ركب ستيف سيارته وبقت لبنى واقفة برة...

التفتت يمينها ويسارها تشوف لو في احد واقف...لما ما لقت احد شالت جزمتها وبدت تصقعها بالرصيف....لحد ماانكسر الكعب...

انتبهت باحد طالع من البار الي كانو فيه...لبست جزمتها بسرعة ...

لبنى بتصنع((اوف))

سمعت صوت وراها...التفتت ولقته نفس هاذاك الولد...

الولد((ايش فيه))

لبنى لفت وجهها وهي تخفي ابتسامتها((ولاشي))

الولد((اقدر اساعدك))

لبنى((الكعب حقي انكسر...ما اعرف ايش اسوي))

الولد((ممكن اساعدك))

لبنى وهي ترمش بعيونها الرمادية((كيف بتساعدني؟؟))

الولد((ممكن اوصلك للمكان الي تبينه))

لبنى وهي تحاول تخفي ابتسامتها((ممم...ما ادري))

الولدlies

لبنى رفعت كتوفهاk

الولد((تفضلي))

لبنى((وين سيارتك؟؟))

الولد((هناك بالشارع الثاني))

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 05-08-2008, 07:54 PM
اشبال السنة !! اشبال السنة !! غير متصل
عضو موقوف من الإداره
 
الافتراضي رد: روايتي الثانية((يامــا حــاولت))..خيالية..رومنسية..جريئة


لبنى ناظرته وبعدين ناظر كعبها المكسور...وكانها تقول له ما اقدر امشي كذا...

الولد فهم((ممكن ارفعك))

لبنى ابتسمت:thinks

رفعها ووداها لحد السيارة..فتح لها الباب وركبها وهو ركب من الجهة الثانية...

لبنى:والله انكم ياالاولاد اغبياء

الولد((ايش قلتي؟؟))

لبنى ابتسمت((ولا شي...شكرا مرة ثانية))

الولد ابتسم((وين تسكنين؟؟))

لبنى دلته على المكان..

بالطريق...

الولد((ممكن اعرف اسمك))

لبنى((اسمي ريتشل))

الولد((وانا دانيل...ريتشال ممكن اطلب منك طلب))

لبنى((اكيد))

الولد((ممكن اعزمك على العشا))

لبنى((وين؟))

الولد((أي مكان تحبينه))

لبنى ببتسامة((اوكي))

خلونا نوصف لبنى شوي...هي نحيفة وشعرها اسود لين كتفها بس هي صابغته بني زي الشكولاته...ناعم عيونها رمادية بس مو وسيعه مرة عادية...بيضا وفيه نمش خفيف على وجهها من جهة وجنتها...يعني ببساطة نقدر نقول عنها كيوت...بس الي مخرب عليها انها قصيرة شوي...عشان كذا دايم تلبس كعب...

&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&

رزان جالسة على الكرسي الهزاز الي بغرفتها ومقهورة من تصرفات امها وابوها...


شوق:يوه عاد لا تقعدين تهزين كذا وترتيني

رزان:يعني عاجبك الي يسويه عمك وزوجته

شوق:هاذولا امك وابوك

رزان:تكفين عاد امي وابوي...لاتخليني اصدق

شوق تاففت من كلام رزان الي تعيده كل ثانية....فتحت شنطتها وطلعت علبة زقاير...

شوق مدت وحدة لرزان:خذي هدي اعصابك

رزان اخذت وحدة وهي تهز من العصبية:وانا عاد فيني اعصاب

شوق ولعت لها وولعت لرزان....

شوق وهي تجلس عند البلاكونه:اهدي ترا مافي شي يسوى...وامك وابوك كذا من يوم ماانخلقتي ويمكن قبل بعد

رزان:بس انا تعبت خلاص ماعدت استحمل

شوق:طيب وش بتسوين؟؟

رزان قربت من شو وجلست قدامها:انا عندي فكرة بس ابيك تساعديني فيها

شوق تحمست:ايش؟؟

توها رزان بتتكلم الايرن جوال شوق...

رزان:اوف هاذا وقته

شوق راحت لشنطتها:دقيقة

رفعت الجوال تشوف مين الي دق...عقدت حواجبها وهي تشوف رقم غريب...

رزان:مين؟؟

شوق:رقم غريب

رزان:اكيد واحد يستهبل لاتردين

شوق رفعت حاجبها وابتسمت:وانا احب الاستهبال

رزان:اوف منك

ردت شوق بكل دلع:الو

........:هلا والله

شوق:اهلين مين معاي؟؟

.......:انا واحد

شوق:واحد ولا اثنين

......:هههههه حلوة

شوق:ادري من يومي حلوة

......:ودمك خفيف

شوق:وانت بايخ وماتنبلع...وش تبي؟؟

........:ممكن نتعرف

شوق:قل قا

......:يلا عاد انا اتكلم من جد

شوق:اقلب وجهك بس

........:افا لحظة شوي وش فيك علي

شوق:داق علي تقول تبي تتعرف وتبيني اكلمك بعد انت شنو ماتستحي

........:انا برضو الي ما استحي

شوق عصبت:لا ولله اشوفها طالت وتشمخت يلا بس انقلع ولا عاد ابي اشوف رقمك على جهازي فاهم

سكرت الخط بوجهه والتفتت على رزان..

شوق:وش فيك تناظريني كذا...تبينه خوذيه استهبلي عليه بدال النكد الي انتي فيه...

رزان:شوق انتي تعرفيني ما احب هالحركات

شوق:شف بس مين يتكلم

رزان:ايه زين ما احب هالحركات...وانتي تعرفين اني اسوي أي شي وكل شي بس عند ال boys sorry stop

شوق:طيب خلاص اعصابك...وشو كنتي تبين تقولين

رزان:ايه صح ذكرتيني...اسمعي

نوصف شوق شوي...شوق بيضا طويلة ونحيفة يعني الي يشوفها يقول هاذي عارضة ازياء...شعرها كيرلي قصير لحد كتفها بس كثيف لونه بني غامق مايل للسواد...عيونها عسلية...

&&&&&&&&&&&&&&&&&&&&&&&&
^%[ يامــا حــاولت]%^
&&&&&&&&&&&&&&&&&&&&&&&

اليوم الثاني كان يوم الخميس يعني اجازة..الكل متجمع في قصر شوق على اساس يذاكرون مع بعض الان الاختبارات قربت...

بس طبعا لما تجمعو اخذتهم السوالف ونسو المذاكرة...

شوق:اقول اثير

اثير:هلا

شوق:ليه ماجبتي ديما معاك

اثير:تبي تروح الملاهي وابوها وداها...وبعدين انا جاية على اساس اذاكر مادريت انها بتنقلب سوالف عشان كذا ماجبتها

مشاعل شالت المايك والتفتت على اثير:والله وحشتني هالدبة

رزان:بنات عندي لكم شي ابي اقوله لكم

شوق:رزان مو وقته

رزان:اجل متى؟؟

بشاير:شسالفة؟؟

شوق:لا ولاشي...(وقفت)...رزان تعالي ابغاك شوي

رزان وقفت:اوكي

طلعو برة الغرفة وراحو لجناح ثاني...

مشاعل:شسالفة؟؟

اثير رفعت كتوفها:مدري

عند شوق ورزان...

شوق:رزان شفيك انتي انا موقلت لك بعدين

رزان:وش بيضر يعني اخر شي راح يعرفون

شوق:اذا قلنا لهم الحين بيقعدون يطلعون مليون عذر...بس لما نحطهم قدام الامر الواقع كل شي بيتغير

رزان:يعني انتي تتوقعين انهم يرفضون؟؟

شوق:يمكن يرفضون لو قلنا لهم الحين بس لو قلنا لهم بالبارتي ما يقدرون يقولون شي

رزان:خلاص الي تشوفينه

سمعو صوت جاي لجهتمهم...

عبد العزيز:اهلين ياصبايا

شوق ورزان:هلا والله

عبد العزيز:شلونك رزان؟؟

رزان:تمام وانت؟؟

عبد العزيز:تمام

شوق:وانا اختك ماتسالني عن اخباري

عبد العزيز:شبي فيك قدامي 24 ساعة

شوق:ماعلينا...وين بتروح؟؟

عبد العزيز:بطلع مع اخوياي

رزان:اخوياك؟؟

عبد العزيز رفع حاجبه:اقول رزان ترا ما احب هالنغزات

رزان:طيب اعصابك ماقلنا شي

عبد العزيز لبس نظارته:على بالي بعد

نزل وتركهم واقفين...

شوق:ياملغه

رزان:حرام عليك والله انه حبوب

شوق:لانك مو عايشة معه بالبيت تقولين كذا

رزان:ليه انتي واخوك تلتقون اصلا ياهو طالع يا انتي طالعه

شوق:وش قصدك يعني احنا هايتين

رزان:والله انا ماقلت شي بس الي على راسه بطحى

شوق:اقول انطمي

رن جوال رزان....طلعته من جيبها وناظرت بالرقم..(تغريد تتصل)....

رفعت راسها وناظرت بشوق...عطت تغريد مشغول ورجعته لجيبها...

شوق رفعت حاجبها:مين؟؟

رزان ابتسمت بارتباك لانها تعرف ان شوق تكره تغريد:لا محد مهم يلا تعالي

سحبتها ورجعو لعند البنات...

الحين نجي عند وصف رزان...نحيفة وطويلة...وجهها دائري نوعا ما مليان شوي...خدودها دايم حمره طبيعي...شعرها بني فاتح وفيه خصل عسلية...عيونها بني فاتح...

&&&&&&&&&&&&&&&&&&&&&&&&&
^%[ يامــا حــاولت]%^
&&&&&&&&&&&&&&&&&&&&&&&&&

باليل...

عبد العزيز جالس بالكوفي مع صديقه سلطان...

سلطان:الحين ممكن اعرف ليه مكشر؟؟

عبد العزيز حط الزيقارة بالطفاية:مافيني شي

سلطان:لا والله

عبد العزيز تنهد وقال بدون ما يناظر بسلطان:والله مدري شقول لك يا سلطان..بس احس اني متضايق شوي

سلطان:من شنو؟؟

عبد العزيز التفت له:شفتها

سلطان:مين؟؟

عبد العزيز:مين يعني

سلطان:فاطمة؟؟

عبد العزيز هز راسه وقال بهدوء:ايه

سلطان:شلون ومتى؟؟..طيب شنو قلت لها؟؟

عبد العزيز:شلون شفتها كانت صدفة..ومتى امس..وشنو قلت لها..ولاشي

سلطان وقف:ولاشي؟؟...الحين انت كنت مقطع عمرك عشان تشوفها ولما شفتها ماقلت لها شي

عبد العزيز:اول شي اجلس ولاتتحمس وبعدين وش تبيني اقول لها يعني...وحدة احبها وقالت لي ما ابيك وش تبيني اقول لها...يعني امسك فيها غصب

سلطان جلس:بس عزوز انت تحبها من جد

عبد العزيز:شوف سلطان ان تكلمت بهالموضوع مرة ثانية بقوم واخليك

سلطان:طيب خلاص سكر ع الموضوع بدر جا

عبد العزيز:مين هاذا الي معاه؟؟

سلطان:هاذا فهد ولد عمه

بدر:هلا شباب

عبد العزيز وسلطان:اهلين

بدر:عرفكم هاذا فهد ولد عمي...طبعا انت تعرفه سلطان

سلطان:هلا والله تفضل

عبد العزيز وهو يطالع فهد من فوق لتحت وقال بدون نفس:هلا

فهد رد له النظرات:اهلين

عبد العزيز وقف:طيب عن اذنكم

بدر:على وين يا ابو الشباب؟؟

عبد العزيز:عندي مشوار

طلع وبعد عنهم...

فهد جلس:ليكون ضايقناه بس

سلطان ابتسم:لا شدعوة...بس هو اصلا كان بيطلع قبل لا تجون

فهد رفع حاجبه:اهاا قلتلي

&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&

رجعت البيت وهي تحس نفسها هلكانة...

اخذت دش سريع وطلعت عشان تنام..بعد الرياضة الي سوتها اليوم لازم تنام وماتقوم الابكرة الصبح...

حطت راسها على المخدة وغمضت عيونها...اخذت نفس عشان تسترخي وتنام براحة....

بس صوت التلفون ازعجها...تاففت وغطت وجهها ونامت...

سمعت صوت احد يطق الباب...

لبنى((مين؟؟))

نوريا((انسة لبنى ابوك على التلفون))

اول ماسمعت طاري ابوها..فزت من نومها وركضت للسماعة...

رفعتها بشق ولهفة...من زمان ماسمعت صوته....

لبنى:هاي dad

ابو لبنى:هلا والله بحياتي

لبنى:رجعت من السفر؟؟

ابو لبنى:توني داخل البيت

لبنى:الحمد الله على السلامة

ابو لبنى:الله يسلمك حبيبتي

لبنى:اشتقت لك dad

ابو لبنى:وانا بعد اشتقت لك...طيب تعالي للسعودية دامك اشتقتي لي

لبنى:dad بليز كم مرة نتطلم بهاذا الموضوع...طيب انت ليه ماتجي لهنا

ابو لبنى:والله مشغول بس ان شاء الله قريب بجي

لبنى:اخبارك؟؟

ابو لبنى:انا بخير اهم شي انتي شلونك وشلون عايشة..عسى بس بعدتي عن الخرابيط هاذيك

لبنى:افا عليك يبا انا وعدتك

ابو لبنى كان يقصد المخدرات لان لبنى من اول سنتين جت فيهم لامريكا...تعرفت على ناس موكويسين وخلوها تدمن على المخدرات بس ابوها اول ما عرف نقلها لولاية ثانية ووداها لمصحة علاج...وظل معاها لحد ماتعالجت وبعدين جاب لها نوريا تهتم فيها...

ابو لبنى:نوريا قالت لي انك كنتي نايمة ليكون ازعجتك

لبنى:انت تزعجني..مستحيل

ابو لبنى ابتسم:توصين على شي يابنتي...محتاجة لشي؟؟

لبنى:لا بابا سلامتك بس لا تقطعني

ابو لبنى:اكيد ياقلبي بدق عليك كل يوم

لبنى:يعني ماراح تسافر؟؟

ابو لبنى:الا بروح للامارات بس بجلس هناك اسبوعين وبرجع بس هاذا مو معناته اني ماراح اكلمك كل يوم

لبنى ابتسمت:اوكي

&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

جالسة بغرفتها وتتذكر كيف كان شكله...من يوم ماشافته وهي مو قادرة تشيله من بالها...

اشتاقت له كثير..بس هي وعدت ابوها قبل مايموت انها ماتكلمه مرة ثانية...وماراح تكلمه...

انتبهت لصوت الباب ينطق...

فاطمة:مين؟؟

بشاير من ورا الباب:ممكن ادخل؟؟

فاطمة ابتسمت:تعالي

دخلت بشاير وسكرت الباب وراها....جلست على سرير فاطمة وهي تتنهد...

فاطمة:في شي؟؟

بشاير:لا...بس انا حاسة انو انتي فيك شي

فاطمة وهي تحاول ان عيونها ماتلتقي بعيون بشاير:لا مافي شي

بشاير:طيب حطي عينك بعيني

فاطمة رفعت راسها وبعدين نزلت راسها:بشاير خلاص مافي شي...ابي انام

غطت وجهها بالبطانية وقالت من تحتها:سكري النور وانتي طالعة

بشاير تنهدت وطلعت بعد ماسكرت النور...

بشاير:لا انا ابصم بالعشرة ان هالبنت فيها شي...موطبيعية صار لها يومين على هالحال

سعد:ياقلبي شفيك تكلمين نفسك

بشاير فزت من الخوف:بسم الله الرحمن الرحيم...انت من وين طلعت؟؟

سعد:من قلبك بس برجع ان شاء الله

بشاير:هاهاها...بايخ

طنشته وتوجهت لغرفتها...سكرت الباب قبل لا تسمع منه كلمة وحدة مالها خلقه..

&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

جالسة ع المسن كالعادة وتكلم واحد توها متعرفه عليه...

ليت الوداع يوموت لاجيت اودعك..ولانموت اثنينا بوقت واحد:

هااي

#ان جبتها بالعباطة!..اطلع لك عبيطة#(هاذي ميشو):

هايات

ليت الوداع يوموت لاجيت اودعك..ولانموت اثنينا بوقت واحد:

اخبارك ياقمر

#ان جبتها بالعباطة!..اطلع لك عبيطة#:

تمام وانت؟

ليت الوداع يوموت لاجيت اودعك..ولانموت اثنينا بوقت واحد:

بخير دامني تطمنت عليك

مشاعل ابتسمت وهي تشوف رده:والله انك نصاب

#ان جبتها بالعباطة!..اطلع لك عبيطة#:

دوم ان شاء الله

ليت الوداع يوموت لاجيت اودعك..ولانموت اثنينا بوقت واحد:

وياك ياقلبي

#ان جبتها بالعباطة!..اطلع لك عبيطة#:

وينك امس مختفي لاحس ولاخبر؟

ليت الوداع يوموت لاجيت اودعك..ولانموت اثنينا بوقت واحد:

والله مدري شقول لك

#ان جبتها بالعباطة!..اطلع لك عبيطة#:

لا خذ راحتك قول الي بقلبك

ليت الوداع يوموت لاجيت اودعك..ولانموت اثنينا بوقت واحد:

خويي امس كان بالمستشفى ورحت اتطمن عليه

#ان جبتها بالعباطة!..اطلع لك عبيطة#:

لااا زعلتني عليه بصراحة سلملي عليه عساه بخير بس

ليت الوداع يوموت لاجيت اودعك..ولانموت اثنينا بوقت واحد:

ايه الحمد الله امس رجع بيتهم

#ان جبتها بالعباطة!..اطلع لك عبيطة#:

ما شاء الله على صديقك امس تعبان وبعد امس رجع لبيته عيني عليه باردة

ليت الوداع يوموت لاجيت اودعك..ولانموت اثنينا بوقت واحدقال يضيع السالفة):

الا ماقلتي لي شنو اسمك؟؟

#ان جبتها بالعباطة!..اطلع لك عبيطة#:

اسمي ندى وانت؟

ليت الوداع يوموت لاجيت اودعك..ولانموت اثنينا بوقت واحد:

انا اسمي فهد

مشاعل عقدت حواجبها وهي تشوف اسمه:ناقصني فهد ثاني بعد...ماكفاني ولد عمي

(هاذا فهد ولد عم مشاعل وهي محيرة له من زمان واول ما تخلص دراسة بيتزوجون)...

#ان جبتها بالعباطة!..اطلع لك عبيطة#:

عاشت الاسامي يافهد

ليت الوداع يوموت لاجيت اودعك..ولانموت اثنينا بوقت واحد:

عاشت ايامك

&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&

جالسة بالسيارة وتناظر بالسيارة الي بجمبها...

كان فيها واحد مملوح بس المشكلة انه ما التفت لها حتى...شكله مو منتبه ان في سيارة جمبه...

ظلت تفكر شلون بتلفت انتباهه قبل لا تفتح الاشارة...

شوق:كومار شغل الراديو

كومار:اوكي مدام

شغل الراديو وكانت اغنية...تامر حسني يابنت الايه..

شوق ابتسمت:عز الطلب....كومار علي على الصوت

على الصوت على اخر شي...عارف حركات شوق وحافظها...

شوق فتحت النافذة وشالت الحجاب وفتحت شعرها...طلعت المراية من الشنطة وسوت نفسها مشغولة بالقلوس الي تحطه...

اخيرا انتبه لها والتفت لمصدر الصوت..شاف شوق وهي تحد القلوس بكل دلع وترتبه وتمسح الزايد على شفايفها...

فتحت الاشارة...ابتسم ولحقهم بالسيارة...

شوق طالعت المراية حقت السواق وشافت السيارة وراهم...
ابتسمت بخبث...

شافت الاشارة قدامهم...قالت للسواق يبطي عشان بوقف عند الاشارة...

وقف عن الاشارة ووقفت سيارته جمبهم...

رجعت شعرها لورى وسوت نفسها توها تنتبه له...

رفعت حاجبها بغرور وهي تناظر فيه...اشر لها تفتح البلوتوث...

توها كانت بتفتحه بس صار الي مو على بالها...انتبهت بسيارة(كادليك)مو غريبة عليها...

شوق بخوف:كومار طفي الراديو

كومار سكره بسرعة

شوق سكرت النافذة بسرعة..والتفتت على السيارة مرة ثانية...كانت سيارة اخوها..

شوق:يالذا النشبة الحين وش بسوي...وكيف بفتك من هاذا الي جمبي

ومن حظها الحلو ان اخوها وقف جمب سيارتهم..

&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

...نهاية البارت...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-08-2008, 08:56 PM
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: ياما حاولت / للكاتبة فراوله وردية خيالية رومنسية جريئة


*


بسم الله

يعطيك العــافيه وعُــذراً
مُكــــررهـ

https://forums.graaam.com/129308.html





ننتظــــر جديدك


..؛


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1