منتديات غرام روايات غرام أرشيف الروايات المغلقة - لعدم إكتمالها علمتني قسوته ان اكون رواية تجمع بين الخيال والحقيقة رومانسية احداث مشوقة
دانة الحمادي ©؛°¨غرامي نشيط¨°؛©

أعودوا والعود احمد

قرائي الغالين على قلبي كثيييييييييييييييييييير

اعذروا انقطاعي عن الكل

وذلك بسبب القصة الجديدة

التي أتمنى أن تنال على اهتمامكم وإعجابكم

بعد النجاح الذي حققته في روايتي الاولى "نبض قلبي"

الذي لولاكم ما لقيت الرواية هذا الانتشار وهذا الزخم من الرسائل المشجعة لي على منتداي المميز "غرام" و على ايميلي الخاص وعلى صفحات المنتديات الاخرى.. شاكره للجميع تشجيعهم وكلامهم العذب النابع من القلب

بعد انقطاعي عنكم الذي لم اطقه فقد تعودت على وجودكم في حياتي.. اعودو اليكم اليوم بقصه جديده ومضمون جديد.. اتمنى ان تنال على رضاكم واعجابكم.. واتمنى ان يكون الاسلوب راقي يصل الى مفهوم الجميع.. وان يكون التفاعل مرضي من غير تجريح

اترككم مع الجزء الاول "علمتني قسوته ان اكون"


اختكم.. دانة الحمادي

دانة الحمادي ©؛°¨غرامي نشيط¨°؛©

علمتني قسوته ان اكون


الجزء الاول


حاولت استجمع قوتي.. عقلي ماهو معي .. التعب هد حيلي .. هذا الي كنت اركض وراه.. هذا الي كنت ابيه.. هذا الي كان ودي اذبحه بيدي .. مات
كيف يموت.. كيف يموت.. وانا لسا ما انتقمت منه.. لسا قلبي محروق من الي سواه فيني .. الكلب .. جعل الرحمه ماتنزل عليه .. جعله من اهل اليسار .. جعل النار الي احرقت قلبي تتضاعف عليك اضعاف مضاعفه.. الكلب الحقير كيف يموت
ما كان ودي اروح للجنازه حتى اشمت .. كان ودي اروح واسأل انا ايش سويت فيه حتى يعمل فيا كذا .. سنين فاتت .. وانا مثل ما انا ماتغير فيني شي .. والنار الي بقلبي ما انطفت .. تعرفت على كثير وعشت مع كثير .. والي ماتو من حولي اكثر والي ذبحهم قدام عيني لسا مانسيتهم مانسيت ضحكي وسعادتي معاهم.. انت سبب بكل اوجاعي ومصايبي .. الله ياخذك .. الله ياخذك؟ سنين وانا ادعي عليك انه الله ياخذك وهذا هو خذك .. بس لسا النار بقلبي مثل ماهي ما انطفت.. كنت ابيك تعيش واعذبك اكثر .. اذوقك من كاس المر الي شربته .. وينك ليتك جنبي واذبحك.. يوم كنت عايش كنت ادعي عليك بالموت .. والان وانت ميت ولسا ما اندفنت ادعي ياليتك حي.
لبنى: ليال انتي بخير
صبا: ماما انتي بخير
ماكان ودي ارد كنت اشوف عيونهم والقلق ذابحهم علي كنت ابي اصرخ .. كنت ابي اذبحه بيدي.. ياليتني ذبحته بيدي..ياليتني ذبحته بيدي.. يمكن النار الي داخلي تبرد شوي
الحلا: ماما ردي علي .. ماما
صبا: انا بدق على خالتي لينا
الحلا: دقي على تلفون عمي احمد هي اكيد معاه
لبنى: يا ليال ردي البنات ميتين خوف عليكي .. ليه عيونك زايغه كذا .. ليال ردي
الحلا: خالتي خلينا ندق على الاسعاف احسن
لبنى بقلق: صبا كلمتي عمك؟
صبا: ايوا خالتي هم جنب الباب لسا واصلين
لبنى: قومي ياخالتي افتحي الباب بسرعه
صبا: حاضر
الحلا: ماما .. ماما .. خالتي الله يخليكي خلينا ندق على الاسعاف
لينا بخوف: خير اش صار لها .. ليال ياعمري .. بسم الله عليكي
احمد: خير.. خير اش فيها
لما شفت احمد كان ودي اني اركض عليه واصرخ فيه .. الكلب مات من غير ما انتقم منه .. الكلب فلت من يدي
احمد: ليال ردي علي .. اش فيك
ليال وعيونها زايغه: مات يا احمد مات
احمد: جهنم انشا الله .. ومات المفروض تفرحين .. ليش مسويه بروحك جذي
لينا: صبا .. حلا روحو غرفكم الان خلونا مع امكم شوي
الحلا بخوف: بس يا خالتي.........
احمد بحنيه: امكم بخير يابنات روحو انتو اذا فيها شي انا بنادي عليكم
لبنى: ليال حبيبتي ومات انتي ليش مضايقه روحك .. خوفتينا عليكي
احمد: من قالك عن خبره
ليال: زوجته الزفت داقه
احمد: وليش متصله .. هذي ماتستحي
ليال: هههههههههههههههههههههه تصورو ايش تقول
لبنى بخوف: لا تضحكين زين .. خليني اجيب لك ماي تشربينه
احمد: اش قالت ياليال
ليال: تقول الرجال مات وماخليته يشوف عياله ويتمتع بحياته معاهم قبل لا يموت
احمد: وانشا الله انتي قاعده هالقعده عشان هالجمله
ليال: احمد
احمد: خير يبا اش فيك خوفتينا عليكي
ليال: منين دريت
احمد: دق علي خالد وقال لي
ليال: مات .. الكلب مات .. قبل لا اوصل له
لينا: قومي اوديكي غرفتك
ليال: لا .. ايش اعمل بغرفتي.. احمد
احمد: قولي يايبا.. لا تخوفيني عليكي عاد
لبنى: خذ يا احمد عطها المويه
احمد: لبنى انتي هنا من متى
لبنى: البنات دقو علي من ساعتين خايفين على امهم .. وجيت اطير وهذي حالتها
احمد: شويه يايبا
ليال: مابي يا احمد .. مابي
احمد بحده: لياااااال اشربي شويه .. ماهو وقت دلع الان
ليال: احمد
احمد بخوف: قولي يبا امريني
ليال: ابي اطلع من البيت
احمد: نطلع يايبا .. قومي
ليال: بناتي وين البنات
لينا: بناديهم .. تبين تغيري ملابسك
ليال: ها .. ما ادري
لبنى: قومي معاي نغير ملابسك ونطلع
احمد: لاحول ولا قوة الا بالله
لينا: حالها ماينسكت عليه.. اتصل على فيصل يا احمد نمر عليه
احمد: ها.. أي اكيد
لينا: احمد اش فيك انت بعد
احمد يتصل: ها..لا ولاشي ..الو ايوا فيصل
فيصل: هلا احمد
احمد: انت بالعياده
فيصل: اي خير؟ صوتك ماهو بخير
احمد: ليال تعبانه شوي
فيصل بخوف: انتظركم ياخوي .. ماعليها شر

***************************

11:30 الظهر
في السياره مع احمد
البحرين
ماني عارفه ايش جرا لي المفروض اني افرح ليه الضيق مالي روحي.. ماهو ذا الي كنت ابيه؟ موته كانت امنيه عندي وهذا هو مات .. ايش ابي اكثر .. اكبر همومي انزاح من طريقي.. اااااااااااااااااه ياوجع قلبي .. احس اني في قوقعه ابي اطلع نفسي منها ماني عارفه.. ابي اضحك ابي افرح .. ماني عارفه ايش جرا لي.. وحنا نمشي بالسياره لفت نظري منظر البحر.. رحت اتأمله مسكت الشباك بايدي لقيته بارد غصب علي سندت راسي على الشباك.. غمضت عيوني ورحت اتذكره اتذكر ذاك الزمان الي مر علي معاه هناك بديرتي بالسعوديه.. بدايتي معاه كان حلوه مريحه.. وبعدين ماني عارفه ايش الي صار.. ليه صرت بالهم هذا ليه صار معاي كل ذا.. كنت اتذكر اول ايامي معاه
ليال: ناصر انت ايش قاعد تقول
ناصر: تبين اعيد عليكي الي اقوله يعني
ليال: لا طبعا ما ابيك تعيده علي.. انا عارفته كويس بس
ناصر: بس ايش.. ليال انتي حياتي.. روحي الي ما استغنى عنها.. ليال انا مقدر اعيش بدونك
ليال: وانت تتوقع اني اعيش بدونك؟
ناصر: اجل ليه انتي رافضه
ليال: المنطق يقول انه زواجنا مستحيل
ناصر: وليه المستحيل
ليال: ابوك ماراح يوافق انه يناسب عيله فقيره
ناصر: انا لسا ما فاتحته.. ليه انتي متشائمه كذا.. وبعدين انتو نسبكم يشرف.. ايش فقاره واغنيه.. ايش جالسه تقولي انتي
ليال: ناصر انا لما عرفتك انت ما قلت لي انت ولد من.. الان غير.. المسأله محتاجه تفكير ومنطق.. القرار ماهو لك بالنهايه انا عارفه ايش اخرتنا
ناصر: اخرتنا بيت صغير حلو.. وعيال الله يحفظهم انتي امهم وانا ابوهم
ليال تضحك: الله يحفضهم؟ ليه هم جاو
ناصر بخبث: بيجون.. انتي مستعجله كثير عليهم؟
ليال: والله انك رايق
ناصر: تذكري يوم شفتك اول مره
ليال: لا
ناصر بدلع: يوووه ليالي حبيتي.. عشاني عاد
ليال: اسمي ليال
ناصر: انتي ليالي حبيتي وروحي.. انتي ليال للناس كلها.. بس ليالي لحالي
ليال: ههههههههههههههههه
ناصر: يازين ضحكك.. تذكري البحر
ليال: اكيد اذكر
ناصر: امانه عليكي كل ماشفتي البحر تذكري حبنا.. هو الي جمعنا
ليال: وبعدين معاك طيب اسمع قفل انت الان خلني اذاكر لي كلمتين.. بكره عندي امتحان وانا لسا ماكملت شي
ناصر: ماينخاف عليكي.. مشا الله تبارك الله .. انا عارف انك الاولي زي كل سنه
ليال: اذا ظليت ماسك التلفون بكون الاخيره هالسنه
ناصر: ههههههههههههههههه لا مايهون علي.. خلاص ياروحي بقفل وبدق عليكي حتى تتعشي عارف بتنسي حالك وبتنامي وانتي ماتعشيتي
ليال: ناصر
ناصر: ياروح ناصر
ليال: الله يخليك لي
ناصر: ويخليكي لي
قفلت منه هذاك اليوم وانا في قمة السعاده.. حبيبي يفاتحني بالزواج.. كنت خايفه من موافقة ابوه.. كنت خايفه موت اني اخسره.. فعلا ما اعيش بلاه.. ناصر روحي وعشقي.. انا شفته جنب البحر.. هذاك اليوم ماكنت منتبهه له ابد.. كنت اتمشى مع اختى منال والسوالف ماخذه تركيزي.. والرجال ظل رايح جاي.. ولا حد منتبه له حتى منال.. قالت لي ايش رايك نشرب عصير.. وافقت على طول.. راحت تجيبه وانا استنيت.. منظر البحر كان روعه الموج كان هايج والريح تدغدغ الوجه.. كنت مع كل موجه تجيني اضحك.. ما كنت منتبهه لحالي انه صوتي عالي.. كان هو متابع كل تحركاتي.. في لحظه جات موجه كبيره علي.. صرخت من خوفي لا تبلل ملابسي.. ببتعد ولقيتني بحضنه مسكني بقوته وقالي حاسبي لا تقعي.. وقتها كنت ابتعدت عنه من فشلتي.. بس رجلي ما ساعدتني.. كنت شوي واقع.. همس لي عيونك خياااااااااااااااااااااال.. لما ابتعدت عنه طحت على الارض ورجلي تحت مني .. لقيت سلطان جاي بيهجم عليه كان يناديني بكل غضب
سلطان بحده: لياااااااااااااااااااااااااااااااال
ليال تتوجع: نعم ياخوي اااااااااه
سلطان بحده: ايش ذا
ناصر: اعذرني ياخوي كنت خايف لا تقع بالبحر بس الظاهر رجلها تأذت.. انا اسف ماكنت اقصد شي
سلطان بخوف: ليال صارلك شي؟
ليال بوجع كبير: رجلي ياخوي تألمني كثير
ناصر بخوف: خلنا ننقلها المستشفى
سلطان: تقدري تقومي
ليال تبكي: ااااااااااه لا .. تألمني كثير
ناصر: تبي ندق على الاسعاف؟
سلطان: لا ماله داعي بشيلها.. امسكي رقبتي
ليال تبكي: اااااااه رجلي ياخوي
سلطان بحنيه: خلاص شلتك خلاص.. متألمه كذا
ليال بوجع: ايوا
سلطان: شوي ونوصل السياره
ليال تبكي: ياخوي الحقني ماني قادره الالم بيذبحني
ناصر: سيارتك وين ياخوي
سطان: بعيده شوي
ناصر: انا سيارتي هنا.. بركض اجيبها.. خلك انت هنا لا تتأذي البنت اكثر
وصلنا المستشفى الحكومي..وكان زحمه مره.. وانا من كثر الالم ماعدت اشوف الي قدامي احس الالم شل احساسي.. كنت ابي اصرخ كنت ابي اقول لهم الحقوني ماني قادره استحمل.. سلطان كان ماسكني وانا اون من الوجع ولسا دوري ما جا.. فجأه لقيت ناصر جاي هو واثنين من الدكاتره.. دخلوني غرفة الفحص وهناك بديت اصرخ من قلبي كانو يحاولون يلمسو رجلي وانا ماني قادره.. حولوني لقسم الاشعه.. لما خلصت.. قال الدكتور لناصر انه شرخ في العظم بيحتاج لتجبيس.. وقتها صرت اصرخ من خوفي ايش التجبس ذا ما ابيه.. ابي أي ادويه تريح وجعي.. كنت ابكي مثل الاطفال.. كان ناصر يناظرني وهو ميت رعب علي.. قال للدكتور طيب على الاقل عطها مسكن للالم.. لما جات الممرضه دلتهم على قسم التجبيس.. بس بعد ما اعطوني مهدىء للحفله الي اناعاملتها.. سلطان وقتها ماهو عارف ايش يعمل او كيف يتصرف اعتمد على ناصر في كل شي..
لحد ما ركبو الجبس ولحد ما دخلت على الدكتور ولحد ماقال لي انه الجبس راح يكون علي لمده ما تقل عن الثلاث اسابيع..كان سلطان مايعرف هو مع مين يتعامل كان ينادي ناصر ياخوي.. بس لما ركبنا السياره.. ناصر من نفسه قاله
ناصر: ياخوي اعذرني تراني.............
سلطان يقاطعه: لا تكمل ياخوي انت ماقصرت جزاك الله خير
ناصر: انا ناصر لافي
سلطان: وانا سلطان النشمي
وقتها كنت دايخه ماحسيت بنفسي الا وانا صاحيه على سريري ومنال جنبي.. كنت دايخه مره.. منال راحت تنادي سلطان..لما جا سلطان كان خايف علي مره كان يسألني عن حالي والقلق باين عليه.. قلت له اني بخير ولا يخاف.. منال اضحكت وقتها قالت لي
منال: بلاكي ماتدري ايش صار
ليال بتعب: ايش؟
منال: ابوي بهدل سلطان من البارح وهو كل ماشافه نزل فيه تهزيء
ليال: ليه عاد.. جزاه الله خير الي شالني عالمستشفى.. وصار مثل المجنون من خوفه علي
منال: ههههههههههههههه يفوتك امس سلطان من خوفه عليكي.. تصوري بكا
ليال بفرح: والله من صدقك انتي !!.. سلطان من صدق؟
سلطان: اكيد من صدق انا كم ليال عندي.. والله حسيت روحي بتطلع لو كان جرا عليكي شي
ليال: بعيد الشر ياخوي.. الله يخليك لي.. سامحني اذا صارت مشكله بينك وبين ابوي من تحت راسي
سلطان: لا تقلقي اعرف كيف اراضي بوسلطان.. المهم انتي
كان حنون معاي.. سلطان بطبعه عصبي ومايتفاهم ما يحب أي احد يغلط.. وهو الاغلاط ماليته عادي عنده.. لو غلط هو رجال بس انه خواته يغلطو هذي نهاية العالم عنده.. سوسن اختي الصغيره ياما ضربها وبهدلها على اشيا كثيره واغلبها تافهه.. بس هذيك بعد ما كانت ما تسكت عنه.. على طول كانت تقوله همجي.. وهالشي كان يضايقه كثير.. انا ما ادري منين تعلم هالاسلوب ابوي الله يحفظه متفاهم مره.. مايرضا بالغلط.. حنون على الكل الا على سلطان هو غير عننا كلنا حتى صلاح ماهو زيه.. صلاح انسان متفاهم عاقل ياخذ الامور بتروي ويسأل قبل لا يحكم.. بس سلطان الله يهديه غير.. بعد الحادث صار سلطان صاحب ناصر وهذاك بعد استغلها فرصه حتى يقرب من سلطان وصارو اصحاب.. بعد شهر ونص بعد العذاب الي شفته من الجبس اخيرا فكوه.. كنت سعيده وانا ادوس على رجلي كنت لحالي مع الدكتور والممرضه وسلطان برا ينتظرني.. صار الدكتور يضحك على ويقول لي عن بكاي وصراخي يوم الي جيتهم..كنت محرجه منه وخصوصا انه يضحك بصوت عالي وكان يمثل حراكتي.. الاخ مصدق روحه محسبني اخته او وحده من اهله.. ماخذ راحته على الاخر وهو يتكلم معاي وانا اسمعه وساكته.. لما مليت وقفت وقلت له ممكن امشي.. انتبه لحاله واعتذر مني طلب مني اني ما استعجل بطلعتي بيتركني مع الممرضه وبيرجع بعد شوي.. استنيت واستنيت .. شوي ودخل علي ناصر وبسرعة البرق وقف قدامي وقالي
ناصر: انا ناصر فاكرتني..
ليال بخوف: لا..
ناصر: ليال انا معجب بك كثير عطيني فرصه ابين لك حسن نواياي..
وقفت وكنت بمشي وبنظره غضب مني بعد عن طريقي.. وصلت للباب وقال لي
ناصر: الدكتور ولد عمتي بس لا تجيبي هالشي على لسانك قدام سلطان.. انا اسف مره ثانيه على الي صار لك بسببي انا موقادر اسامح حالي..
طلعت من الغرفه ورحت لسطان الي كان فرحان وهو يشوفني امشي.. رجعنا البيت لقيت باقه ورد كبيره تستناني.. سلطان فرح بالباقه وسأل
سلطان: مين جاب هذي
ام سلطان: هذي للاميره ليال
سلطان: مين جابها؟
امم سلطان: اقرا البطاقه وانت تعرف
اخذ البطاقه وقرا الي فيها " الحمدلله على السلامه واعذروني مره ثانيه.. ناصر لافي"
سلطان: والله ما قصر هالرجال مسكين محمل نفسه ذنب الي صار لك ياليال
ليال بحده: انت ماتشوف انه زودها
سلطان: لا زودها ولا شي.. كثر الله خيره الي مهتم
ليال: ومنين يعرف اني بشيل الجبس اليوم
سلطان: انا قلت له
ليال بحده: وتشوف هالتصرف صح.. كيف تنقل للرجال اخباري
سلطان: مافيها شي.. سألني عن رجلك وقلت له.. عادي
ليال بحده: عادي ها.. الي على مزاجك تقول عليه عادي.. ولو هالشي جا على مزاجي كانت ذبحتي عندك اسهل منها ما في.. هذي اخر مره تقول للرجال عن اخباري انت سامع
كنت متضايقه منه مره.. تصرفاته تزعجني.. كان ودي اقول لابوي على سواته بس خفت على ابوي من الانفعال ماهو ناقص.. سلطان يشل الصاحي..دخل علي صلاح يومها وكنت متضايقه جلست اقوله على سوات سلطان معاي.. وصار يضحك علي قال لي اكيد الرجال عاجب اخوكي.. وسلطان شكله يبيه لك.. كنت منصدمه من هدوء صلاح تمنيت انه يكون هو الكبير ماهو سلطان.
جرت الاحداث بعديها بسرعه صرت اكلم ناصر حبيته وتعلقت فيه صرت ما اعرف اعيش بدونه.. ملك حياتي وعقلي.. رجولته كانت حلوه مره رجال بكل شي..
تخرجت من الثانويه كنت لحد هذاك الوقت ماقررت ايش ادرس.. صحيح معدلي كان عالي يدخلني الجامعه الي ابيها بس ماكنت ابي اصير دكتوره ولا مهندسه ولا مدرسه ولا... ولا ... ولا ... ولا... خيارات كثيره كانت مطروحه قدامي.. كنت كلما اقرر وخلاص بتوكل على الله وبقدم.. شي يمنعني واتراجع.. حتى ناصر وقتها كان حاير معاي كيف يرضيني وكيف يخليني اختار الشي الي يريحني.. في يوم جا صلاح البيت ومعاه فايل احمر.. رماه على الكنب وراح يتعشى.. كنت نازله من غرفتي ورايحه لهم اتعشى معاهم.. لفت انظري الفايل الاحمر المرمي على الكنب مسكته ورحت اقراه.. كنت اقرا.. واقرا.. واقرا انتبهت على صلاح طلع من غرفة الطعام وجاي لفايله ياخذه معاه.. وقف قدامي وقالي
صلاح: من متى وانتي تمسكي شي ماهو لك
ليال: صلاح هذا ايش؟
صلاح: وانتي مالك
ليال: من جد والله.. قولي عليه
صلاح: هذا مشروع عطاني ياه صاحبي سعود وقال لي فكر فيه
ليال: مافهمت.. انت بتدخل بالتجاره؟
صلاح: والله يا اختي ودي.. بس خايف.. ما ابي ارمي بالفلوس الي عندي في مشروع وانا ما ادري عنه فاشل ولا ناجح
ليال: والمشروع ذا انت فاهم منه شي
صلاح: تبين الصراحه.. لا
ليال: تعالي بقولك
صلاح: وين رايحه
ليال: غرفتك.. يلا تعال
ورحت معاه غرفته.. وصرت اشرح له عن الارقام.. اساسا الارقام هي لعبتي هوايتي الي احبها احب شي اسمه الارقام واللعب بالارقام كنت اتكلم معاه بصوره جديه اعجبته كثير.. اقتنع من كلامي وقام على طول يبي يتصل على سعود.. وقفته
ليال: صلاح.. هذا سوق.. قبل لاتخطي أي خطوه لازم يكون فيه محامي معاك.. بينك وبين صاحبك
صلاح: بس هذا صاحبي بخونه يعني
ليال: حتى لو كان اخوك.. هذا سوق.. سوي الي قلت لك عليه.. انا متأكده انه سعود لعب بالارقام الي قدامي حتى يستغلك.. انا متأكده.. اللعب بالارقام واضح قدامي.. تشاور مع محامي متخصص في الشؤون التجاريه وانت تقول اختي قالت
صلاح: بس هذول يطلبون مبالغ خياليه ياليال
ليال: وانت بتروح لاكبر محامي بالديره؟ لا طبعا شوف محامي لسا يبتدي حياته اقنعه انه يكبرك ويكبر معاك والمنفعه متبادله
صلاح: خلاص بتوكل على الله
ليال: وانا بعد بتوكل على الله
رحت اركض ادق على ناصر.. قلت له خلاص انا ابي اسجل في كليه ادارة الاعمال.. ضحك علي لحد ما قال بس.. كان فاكرني اضحك معاه..بس انا لا.. حددت مصيري خلاص هذا الي ابيه .. ادارة الاعمال.. المسكين راح ثاني يوم وسأل لي عن الاجراءات والمطلوب من الاوراق.. خلص اموري بسرعه ماكنت حاسه بهالشي.. كنت في البيت ومرتاحه وهو الي داير يخلص اموري..


بنت فلة على طول ©؛°¨غرامي مشارك¨°؛©

هلااااااااااااومليوووووووووون غلاااااااا
الرواااية لسة ماقريتها بس اكيييييد جونااااااااااااااااان مدامك انتي الي كتبتيها
ويشرفني اكون اول وحده ترد عليكي >>كاعادتي هع
ويعطكي مليووووون عافية
وبرب بقرا وبرجع بي توقعاتي
وشوووكرااان


زينة بنات الدنيا ©؛°¨غرامي مشارك¨°؛©

مبرووووووووووووووووووووووووووووك
مليون مبروووك حبيبتي والله فرحت بجد
عساك مبدعة ومتفوقة دوووووووووووووووووووووووووووووووووووووووووووووم
اختك زينة البنات*أمنة*

دانة الحمادي ©؛°¨غرامي نشيط¨°؛©

تابع

بصراحه طول ما بديت اكلمه بحياتي ماسألته انت ولد من.. الي اعرفه عنه انه ناصر لافي وبس.. اما هو عرف عني كل شي.. كل شي.. وباول يوم جامعه دق علي وقالي
ناصر: حبيبتي انا برا انتظرك
ليال بخوف: برا وين
ناصر: انا في الطريق العام لا تخافي ما حد بيشوفني.. ابي اشوفك.. لا تنسين هذا اول يوم لك بالجامعه لازم اخليه مميز
ليال: وتخليه مميز بانك واقف تنتظرني بالطريق العام؟ .. ناصر انت تشوف انه تصرف صح
ناصر: الشوق ذبحني ليال.. وانتي ماترضي اشوفك باي مكان
ليال: احلم
ناصر: ماني متضايق.. احبك وانتي كذا.. عارف انك وحده عدله.. انا نفسي مابرضى عليكي.. بس وغلاتي خليني اشوفك اليوم
ليال: واذا سلطان شافك
ناصر: سلطان بجيبي لا تخافي
كنت سعيده اني بشوفه اخر مره شفته فيها كانت بالمستشفى يوم تركته ومشيت.. واليوم بشوفه.. من جد وحشني.. ما قدرت امنعه لاني ابي اشوفه.. طلعت لسلطان.. كنت ادور سيارته ومالقيته كنت برجع البيت بشوفه يمكن لسا ماطلع.. لقيته نازل من سياره كشخه مره ناداني تعالي.. كنت مشتغربه من تصرفه.. سيارة مين هذي.. اول شي كنت برجع البيت.. بس لما لمحت ناصر وقفت مستغربه المجرم عملها فيني.. جاني سلطان وقالي
سلطان: مالك واقفه كذا
ليال: وين سيارتك؟
سلطان: انا بطلع مشوار مع ناصر اليوم.. قال لي بمرك الصبح قلت له بودي اختي الجامعه اليوم قال نوديها ونروح مشوارنا
ليال: انت تنتظر اني اذبحك صح
سلطان: ههههههههههههه تعالي طيب
ركبت السياره وانا مرتبكه مره.. ودي اذبح سلطان على تصرفه الي يجلط وكان وي اذبح المجرم الثاني الي لعب علي.. بس بيني وبين نفسي كنت مبسوطه مره وانا معاه.. السعاده كانت ماليتني.. قال لي بيكون يوم مميز وفعلا وفا بقوله.. هاليوم فعلا مميز.. وصلت الجامعه والتفت عليه.. آآآآآآآآآه عليه ابتسم لي ابتسامه زلزلت كياني.. الان يبتدي يوم مميز من جد
لفت انتباهي نوع السياره الي راكبها.. كانت غاليه على واحد حالته الماديه بسيطه.. طنشت الموضوع قلت اذا رجعت البيت اسأله.. رحت امشي بالجامعه اتعرف على الاماكن.. او بالاصح اكتشفها.. ماكنت ناويه اني اتعرف على البنات.. كنت ابي اظل لحالي.. كنت مقرره اني اكون متفوقه بالدراسه ومابغيت أي شي يشغلني عنها.. انا عارفه قعدة البنات بتشغلني كثير سوالف وعقره وتريقه على خلق الله.. كنت راسمه لنفسي خط سير ومابغيت اي شي يعطلني عنه.. بعد المحاضره الاولى والثانيه .. دخلت المكتبه.. كانت كبيره مره وقديمه مره.. رحت اتمشى بين اقسامها.. وقفت في قسم المال والاعمال واخذت كتاب رحت اتصفحه عجبني كثير اخذت اسمه واسم المؤلف.. كنت ناويه اشتري هالكتاب كنت ابي املكه.. رجعت الكتاب لمكانه ورحت اكمل مشي.. استوقفتني كتب كثيره وتصفحت كتب كثيره والي حسيت انه بينفعني رحت اكتب اسمه واسم مؤلفه.. بعديها وقفت عند كتاب.. وقفت عنده مده.. جات على بالي فكره حلوه مره سحبت الكتاب ورحت اتصفحه.. الكتاب كان عن كيفية تعلم المحادثه للصم والبكم.. وهي طبعا عن طريق الاشارات.. فرحت كثير بهالكتاب ورحت اقراه.. ماكانت مجرد قرايه انا كنت ادرسه.. قضيت اغلب وقتي مع الكتاب.. لحد ما جا موعد المحاضره التاليه.. رجعت البيت وانا ميته من التعب رميت نفسي على الفراش ونمت.. حسيت بيد تصحيني كنت متضايقه وما ابي اصحى ابي اكمل نوم.. لما فتحت عيني لقيت ابوي قدامي يصحيني
ليال: ياحبيب قلبي متعب نفسك وجاي تصحيني
بوسلطان: اتعب نفسي واتعبها عشان ليال حبيبتي اتعبها
ليال: يابعد قلبي انت والله ماله داعي تتعب نفسك انا بخير ابي انااااااااااااااااااااااااااااااااااااااااااام
بوسلطان: كلي الاول وبعدين نامي
ليال: يبا والله النوم ذابحني اذا جعت اقوم لحالي
بوسلطان: الان ابوكي يجي يصحيكي وتقولي لا.. هذا قدري يعني
ليال: لا والله قدرك عندي عالي هذا انا قمت
بوسلطان: امك مجهزه الاكل لك تحت انا بسبقك غسلي والحقيني
احبه.. ابوي هذا احبه.. مافي منه والله.. حنان العالم متجمع فيه.. فنى حياته وعمره علينا عشان يربينا احسن تربيه.. ومايتركنا محتاجين لاحد من قوته تعلمت الصبر من ضحكته تعلمت الحنان من قوة شخصيته تعلمت اني اكون قويه.. بحياتي ماكنت سهله طول عمري قويه بفضل من الله ومنه.. هو الغالي روحي دايما تتبعه كنت اتمنى اني افتح له قلبي واقوله على كل الي ابيه.. بس يظل هو ابوي وعيب علي اعمل كذا.. صحيح هو عطاني الحريه اني اختار الي ابيه واعمل الي ابيه لانه واثق بي وباخلاقي بس ماهو لدرجة اني اقوله على الي بخاطري.. نزلت لتحت رحت ادور على اخواني مالقيت احد ما لقيت غيره هو الوحيد الي جالس يستناني.. جلست جنبه ورحت اكل تذكرت اني ما اكلت من الصبح صرت انا معاه نحكي بكل شي.. صار يقولي على سوالفه مع ربعه والمواقف القديمه الي تفطس من الضحك.. كانت كل قعداتي معاه كذا ضحك وصراخ ووناسه.. دخلت سوسن وهي غيرانه
سوسن: بقولك تراني انا الصغيره ماهي العانس هذي
بوسلطان: عانس بعينك هذي نور حياتي
ليال: تسلم لي حياتك ياعمري
سوسن: وانتي مصدقه نفسك يعني.. تراه يدلعك حتى يقولك على الخبر الي عنده
ليال تبتسم: عادي يقول الي يبي يقوله لو على قص رقبتي بنفذ الي يبيه
بوسطان: والله اني ربيت.. شفتي الكلام العدل كيف يكون
سوسن بحده: والله لو انا مكانك ماوافقت الا هذي.. مابقا الا هي
ليال: خير يبا.. ايش صاير
بوسلطان: ليال يبا ما بلف وادور عليكي ولد عمك متقدم لك
ليال: ههههههههههههههه وعشان ولد عمي متقدم لي جالس هالجلسه ذي ومتردد تفاتحني
بوسلطان: والله يايبا انا اول مره احد يجي ويخطب بناتي.. ماعرفت كيف اتصرف وهذا الي طلع معاي
ليال تحضنه: احببببببببببببببببببببك وروحي فيك يبا الله لا يحرمني منك
بوسلطان: ولا منكم
ليال: يبا قبل لا تكمل.. انا لسا ماعرفت من من عيال اعمامي متقدم لي.. بس انا طالبتك.. ابي اكمل دراستي ما ابي استعجل بالزواج انا لسا 19 سنه.. بس وغلاتك عندي لو هالموضوع يبي يضايقك والله اني موافقه وما ارد بكلمتي لجل عيونك
سوسن بحده: ايش الي تقوليه انتي اعرفي مين متقدم لك بالاول وبعدين وافقي او ارفضي
ليال: لا.. عشان ابوي برضى.. بس غير كذا.. انا ودي اكمل دراستي.. يبا
بوسلطان: قولي يبا
ليال: طلبتك لا تردني
بوسلطان: ماراح اردك.. انسي الموضوع بقولهم انك استخرتي وما حصل نصيب
سوسن: وما بتقول لها من الي خطبها
بوسلطان: قولي لها انتي
سوسن: طيب بقول لها.. بس عارف يبا.. توقعت انك ترد عمي اول مايقولك نبي ليال لجاسم
ليال بصدمه: ميييييييييييييييين؟
بوسلطان: هذا ولد عمك.. عيب عليكي
سوسن: هذا الدمار والخراب.. يبا من جد انت بترضى فيه
بوسلطان: اذا اختك تبيه ماراح اوقف في طريق سعادتها.. واذا ماتبيه خلاص الموضوع منتهي.. ليه ارفض الرجال ويمكن هي توافق عليه.. وممكن تصلح من حاله
ما اقدر اكذب على نفسي.. اخذت موقف من ابوي هذيك الليله.. كلامه هز ثقتي فيه.. جاسم السكير يقبل فيه وياخذ رايي بعد.. خفت كثير على نفسي.. حمدت الله انه ما اجبرني عليه.. طلعت لغرفتي وانا مصدومه من ابوي ماتوقعت منه هالشي.. انا نور حياته يرخص بي لجاسم.. صحيح هو ماغصبني عليه.. بس ولو.. حسيت بالاهانه ليلتها.. وصلت لغرفتي ورميت نفسي على فراشي.. تذكرت ناصر.. لو ابوي اجبرني على جاسم ايش راح يصير ساعتها.. دق تلفوني وانا مستسلمه لافكاري.. جاوبت
ليال: نعم
ناصر: صح النوم
ليال: اهلا
ناصر: ومالك تقوليها من غير نفس
ليال: لا عادي بس ما اخذت كفايتي من النوم
ناصر: تعبانه ياروحي
ليال: اخاف اقول ايوا وتنزعج
ناصر: تبيني اقفل
ليال: اعذرني ياناصر.. محتاجه ارتاح
ناصر: لا حبيبتي عادي.. اتركك الان
ليال: ناصر
ناصر: نعم ياروحي
ليال: ناصر انت ولد مين
تردد في البدايه انه يقول لي بس لما اصريت قالي انه ولد لافي بن فهد التاجر المعروف.. عرفته على طول ماكنت محتاجه انه يكمل.. لافي معروف على مستوى المملكه.. معروف بعيلته وغناه الفاحش وبعقله الذكي وبتجارته وتجارة اخوانه وسمعته الي واصله للعالم.. خفت من قلبي على حالي.. اعتذرت من ناصر وسكرت وانا محدده ايش مصيري معاه.. خلاص لحد هنا ولازم ننتهي لازم ابتعد عنه.. انا وين وهو وين.. لافي مستحيل يناسب ابوي.. هذا المستحيل.. كنت متضايقه كثير الاول من سالفة جاسم والان ناصر.. بس انا قررت وخلاص
كان روتيني اليومي المحاضرات والمكتبه.. لحد ما خلصت الكورس الاول وطبعا كنت الاولى.. كنت المميزه.. ابوي كان فرحان بي مره.. صحيح انه سلطان وصلاح ومنال درسو بالجامعه بس ولا واحد منهم جاب المعدل الي جبته.. ابوي كان طاير فيني لدرجة انه عزم اهلنا على الغدا احتفالا بنجاحي .. وطبعا ناصر كان موجود.. في هذي الفتره انا كنت قاصده اني ابتعد عنه كنت اتحجج بأي عذر تافه.. وهو كان مخليني على كيفي.. يمكن حس اني خايفه من اني ارتبط فيه وخصوصا لما عرفت انه ولد لافي
عشت الثلاث سنوات وانا على هالروتين مايوم مليت ولا يوم قررت اني ابدل خطة سيري.. تعلمت الكثير في الثلاث سنوات هذي.. تعلمت كيف اكلم الصم والبكم حفظت اشاراتهم ورحت ادور على بنات يعانو من هالشي.. ورحت اتكلم معاهم بالاشاره .. تعلمت منهم الكثير.. درست اللغه الانجليزيه وصرت اتكلمها باتقان.. درست اللغه الفرنسيه هذي الي كانت امنيتي من كنت صغيره اني ادرسها.. صحيح اني ما كملت بس الي عرفته من اللغه كافي يخليني اواجه أي حوار بيني وبين أي جنسيه فرنسيه
تفاجأت في يوم سلطان جاني وقالي انه ناصر خطبني.. كنت مستغربه كثير انا تقريبا قطعت علاقتي فيه.. ماكنت اكلمه زي الاول.. المفروض يفهم انه خلاص..قلت له
ليال: ناصر مين؟
سلطان: ناصر بن لافي
ليال: وناصر بن لافي ايش دخله فينا يناسبنا
سلطان: يقول انه حبنا وحب ابوي.. يقول بعد انه معجب بك كثير ووده يناسبنا
ليال: هو كلم ابوي؟
سلطان: لا لسا.. بيجي هو وابوه الخميس الجاي يخطبوكي رسمي
ليال باستغراب: لافي بيجي هنا؟
سلطان: وليه مايجي هنا.. مالنا حنا؟
ليال: الي اسمعه عن لافي انه ناصر ولده الوحيد.. يعني اكيد مابيناسب عيله اقل منه بالمستوى ياخوي
سلطان: ابعدي بليس عنك.. هذا هو جاي يخطبك.. هو انتي قليله يكفيكي سمعة ابوك وسمعة اخوانك زي الفل
ليال بثقه: غصب عليهم زي الفل
سلطان: تعجبني ثقتك بنفسك.. ابيكي كذا على طول.. مالهم ومستواهم مابيخليهم احسن الخلق.. بس انا ماني حاب انه هالفكره تكون براسك ابيكي تغيريها.. دام لافي جاي بيخطبك بنفسه فهذا يدل على انه رجال
ياليت كنت اقدر اوصل لك احساسي ياخوي ساعتها.. كان الاحساس داخلي متناقض.. يمكن لاني كنت اسمع البنات وهم يتكلمو عن لافي وقت الي كنت بالثانويه.. كانت الحكايا عنه وعن قوته وجبروته كثيره..وعن سفراته واعماله وعيشته الي على طول برا كنت اتذكر كل ذا.. بس بعد فكرة سلطان كانت صح.. لو ما هو زين مارضى يجي لحد بيتنا يخطبني
بيوم الخطبه تعمدت اني ابرز جمالي الطبيعي.. تعمدت يكون كل شي ناعم.. منال ساعدت بافكارها بكل شي المقبلات والحلويات والاكل الفاخر والعصاير.. كان جو الخطبه بذاك اليوم ناعم مره.. كنت احاول ارفع عيني بام ناصر اشوفها ايش لابسه بس كل ما رفعت عيني كنت اشوفها تناظرني.. عيونها كانت مركزه بعيني طول الوقت.. نوف اخت ناصر كانت الملاك فيهم كانت طبيعيه مره تسولف معاي وتضحك كأننا نعرف بعض من زمان.. اما عبير والعنود كانو كأنهم مغصوبين على الجيه.. ام ناصر كانت تحاول تكون طبيعيه اكيد عشان ولدها ولا لو غير كذا ماكنت شفتها جايه.. كان احساسي بمحله.. شوي وجاو خالات ناصر وجدته.. الي احسهم نزلو علي من السما.. كانو بسطا وعاديين.. ماهم متكلفين بقعدتهم زي ام ناصر.. اخذو الجو من ام ناصر.. وقربو من امي .. وامي فرحت بهم كثير.. صار الضحك والوناسه مع جيت خالات ناصر..جدته خلتني بقلبها.. كانت حنونه مره.. طيبة العالم فيها.. انسانه راقيه من جد.. على غناها الا انها كانت بسيطه في قعدتها وكلامها تحسس الانسان انها قريبه منه.. حبيتها من قلبي.. يمكن نفسي ارتاحت بوجودها.. وبعدين صار التعارف على بعض.. انتو منين وين كنتو ساكنين تعرفو عيلة فلانه.. وتعرفو فلانه.. امي طلعت تعرف معظم صديقاتهم.. كان الجو مره حلو.. جات سوسن واقطعت الضحك تقول
سوسن: ليال ابوي يقول تعالي ناصر يبي يلبسك الشبكه
رفعت عيني بعين ام ناصر كانت تغصب روحها على الابتسامه.. اما عبير والعنود تفاجأت فيهم كانت عبير تقول لعنود
عبير: اكرهها اكرهها ماني طايقه اشوفها زوجه لناصر
العنود: بس ياغبيه اذا احد سمعنا بنفتضح
ام ناصر: وبعدين انتي وياها.. قصرو حسكم اذا نوف اسمعتكم بتقول لناصر
عبير: تقوله مايهمني البنت هذي اكرهها
العنود: وبعدين معاكي انتي اسكتي قلت لك
عبير بحده: انتو جالسين تسكتوني انا اتكلم معاكم فرنسي.. تتوقعو فيه احد يفهم انا ايش اقول.. هذول البيئه ايش عرفهم بهاللغه.. هذي اللغه العربيه وواجد عليهم
ام ناصر: والله اذا ماسكتي لاضربك قدام الكل.. اخرسي واكتمي حسك
انتهت فرحتي وقتها.. الي خايفه منه هذا هو قدامي.. حنا بيئه!!.. حاولت اني ما ابين لهم اني اتابعهم.. بعدت عيوني عنهم بس اذني متابعه لكلامهم اساسا كلامهم كان واضح بس للي يعرف اللغه.. سحبتني جدة ناصر من ايدي بعد ماقالت لسوسن
الجده: سوسن يما قولي للوالد انا وخالات المعرس بنحضر.. وابيه يكون موجود تراه مثل ولدي
سوسن: حاضر يا ام فهد
الجده بحده: ايش ام فهد هذي انا امك ناديني يما
سوسن بتوتر: سامحيني والله ماقصدت اضايقك
الجده بحنيه: ماني متضايقه اشوف سمعيني ياها وانتي رايحه للوالد
سوسن تبتسم: تامريني يما
الجده: الله يبارك فيكي.. اقول ليال يما.. سوسن متزوجه
ليال: لا يما هي بآخر مرحله بالثانوي
الجده: الله يقويها ويعينها.. ومنال يما
ليال: منال متزوجه.. صارلها سنتين تقريبا
الجده: مشا الله وعندها عيال
ليال: عندها سلمان
الجده: الله يبارك لها فيه ويبلغني فيكي انتي وناصر واشوف ذريتكم واربيها
ليال: اذا عيالي بيطلعو بهالطيبه يما اجل بخليهم عندك
الجده: عرف يختار ناصر .. يلا يابزران عبير والعنود تغطو
حسيت باحراج وقتها كيف نطقت بهالجمله.. والله جريئه..كيف اكلمها عن عيالي وانا لسا ماشفت زوجي.. ظليت ساكته لحد ماوصلت لباب المجلس اول من استقبلني هو صلاح مسكني ومشى معاي لحد ما وصلت بقرب ناصر..كانت امنيتي انه هو الي يمشي معاي يوصلني لزوجي هو عارف بهالشي عشان كذا سبق سلطان.. كان يبتسم لي كل شوي.. حياتي انت ياصلاح كان مبسوط لي مره.. لما قربت من ناصر راح صلاح يهمس له
صلاح: هذي الغلا ياناصر ان زعلتها بيوم تراني باخذ حقها منك
ناصر صار يضحك من قلبه.. والموجودين كانو يسألونه ايش قال له صلاح.. طبعا عبير والعنود ما وقفو حش والظاهر انه صلاح عجب عبير كثير صارت تتغزل فيه بوضوح بس للي يفهم اللغه.. قرب مني ناصر وباسني على جبيني.. وانا عيني بالارض بس لما تجرأت ورفعتها جات عيني بعيون ابوي.. ما صدقت الي اشوفه.. دموع بعيونه.. ابوي حبيبي يذرف دموع ياروحي يا يبا.. اعذرني ياروحي ماكنت حابه اني اخذ هالموقف معاك بس انت اجبرتني عليه.. انا اهم من اعمامي وعيالهم بحياتك.. انت عودتني كذا.. صحيت على صوت الجده وهي تبارك لناصر.. هي بعد تبكي ضمته لحضنها وصارت تبكي فرح على زواجه وماتوقعت والله انها توصيه علي المفروض انها توصيني عليه بس هالحرمه كبيره بكل شي.. صارت خالاته يتغامزو علي عشان جا دور الشبكه يلبسني ياها.. صرت ارفع عيني فيهم اترجاهم يسكتو وهم ابد يعاندوني ويزيدو من تغامزهم ويصير الضحك.. كل ما حسيت انه ابي اضحك منهم ارجع خطوه لورا.. وهو يضحك معاي.. انعادة هالحركه كثير.. وانا ماني قادر امسك نفسي.. كان ودي اترك الموجودين واطلع لغرفتي.. بس في كل خطوه اخطيها لورا يمسك ايدي ويرجعني لمكاني كان حاس اني بسويها واطلع.. شوي ولقيته يصرخ بنوف
ناصر بحده: نوف وبعدين
نوف: هااا !! وانا ايش دخلني
ناصر بحده: خلاص اسكتي
نوف: انا ساكته ياخوي.. ولا ما قدرت على خالاتك قلت بتقدر علي
صارو خالاته يضحكو من قلب.. صرت واقفه ومن جد منحرجه منهم.. شويه وسكتو وبدا يلبسني الشبكه.. لحد اخر قطعه حسيت روحي بتطلع معاه.. كان متعمد انه يلبسني بالراحه حتى يشوف ردة فعلي.. كان ودي اذبحه.. لما خلص تنهدت تنهيده سمعها الكل الجده خافت علي وقالت
الجده: سوسن يما الحقيني بكاسة مويه البنت ماهي قادره تتنفس
ناصر: هههههههههههههههه
الجده: وخر انت بعد.. زين ماذبحتها عارفتك انا
ناصر: وين اوخر يما.. خلاص ماحد يقدر يخليني اوخر
الجده تهمس لناصر: ههههههههههههه بالراحه عليها يما ماهو كذا لا تخليها تخاف منك من اولها بعدين تكرهك
ناصر: هههههههههه من عيوني يما
سحبني وجلسني وجلس جنبي.. بعد ماجابت منال العصير.. وكان يبي يشربني.. بس انا اخذت الكاسه من ايده كنت فعلا ابي اشرب.. شربت شويه بس كان ودي اشربها كلها حسيت بريقي ناشف.. نشف ريقي المجرم.. جاتني المنقذ منال وقالت
منال: تفضلو البوفيه مفتوح
طلعو كل الموجودين بس طبعا الثلاثي المرح خالات ناصر ظلو واقفين.. صلاح بعد اخذ الرجال على البوفيه..واخيرا صرنا لوحدنا انا وهو والثلاثي المرح.. جلس ناصر يناظرهم وهو مبتسم.. اقتربت مني خالته الكبيره ام عبدالله

يتبع


زينة بنات الدنيا ©؛°¨غرامي مشارك¨°؛©

بداية رائعة وفعلا ابداعك واضح من اول سطر
عساك مبدعة دووووووووووووووووووووووووووووم
مابقدر اعلق من اول بااااارت بس البارت الجاي اعطيك رايي في كل شخصية
حددي وقت البارت الجاي بلييييييييييييييييييييييييييييز
في امان الله

دانة الحمادي ©؛°¨غرامي نشيط¨°؛©

ام عبدالله: اقول شوي شوي على الولد لا تاكليه
ناصر: ههههههههههههه خالتي
ام عبدالله: اقول خلني معاكم اضمن لك ياغبي
ياغبي !!! ياكبرها وهو جالس يضحك لها.. هذي طلعت بايعتها انا ماكان عندي غير اني ابتسم بس جات خالته الوسطى ام نور
ام نور: اقول ام عبدالله روحي انتي وسعي الصدر مع الجماعه وانا بظل هنا بناظر
ناصر: اقول نور تراها تبكي قومي لحقي عليها
ام نور: معاها سوسن الله يحفظها ماني راميتها
ام عبدالله: اقول ليال
ليال: سمي
ام عبدالله: سوسن متزوجه؟
ليال: لا خالتي
ام عبدالله: كم عمرها
ليال: 18 سنه
ام عبدالله: الله يبارك فيها
ناصر يضحك: تشوفي وقته تسأليها عن اختها
قربت خالته الصغيره فتحيه.. هذي عاد تحفه.. تدخل قلب الواحد تأسر النفس بعفويتها وضحكها الي مايوقف.. قربت مني وقالت
فتحيه: وانتي مالك قاعده.. زواج وتزوجتي شبكه وطلعتي عين هالمسكين لحد مالبستي.. وعصير وشربتي.. ايش تبين بعد
ناصر: هههههههههههههههههه توحه اتركي البنت
فتحيه: توحه بعينك.. قول خالتي لاتصغرني بعين البنت
ليال: مقامك عالي ياروحي
ام نور: اقول فتحيه اذا ودك فيه تراه عادي ممكن تاخذيه ليال ماتمانع
ناصر: ههههههههههههههه ليال ترضي بهالشي؟
ليال تبتسم: ....................
ام عبدالله: ياربي على الاحراج اقول قومو خلوهم مع بعض.. شكلنا صار مو حلو مره
ام نور: والله ابدا يا ينفذ حلفه وقدامي او انفذ حلفي وقدام حرمته
ام عبدالله: ياختي بلا هالموضوع خليهم مع بعض والله فشله اهلها ايش بيقولو عننا
فتحيه: ابدا انا بعد مابتحرك
ناصر: طيب اجلوها
ام نور: مافي تأجيل عشان تعرف تحلف وانت منت قد الحلف.. يلا اشوف ياحلفي ياحلفك
ناصر: طيب نفذي حلفك وخلصيني
ام عبدالله: يا اختي والله عيب ماهو قدام البنت
ام نور: ابدا هذا حلف يايبوسها الان او اني اضربه على وجهه .. ها ايش قلت
ناصر: قلت لك نفذي حلفك وخلصيني
فتحيه: وانتي ماتبين تنقذي زوجك يعني.. ساكته وتوزعي ابتسامات.. ممتنعه عن التصويت يعني
ليال: ماني عارفه ايش الموضوع
فتحيه: الموضوع انه متراهن هو وخالته انه بليلة ملكته يبوس زوجته قدام خالته وماراح يستحي منها.. وهي ردت عليه انه مايقدر واذا ماقدر تصفعه على خده وقدام زوجته
ناصر بخبث: ها ايش قلتي.. بتنقذيني منها؟
ليال: لا طبعا
ناصر: خلاص يا خالتي خذي حقك وخليني اقعد مع زوجتي شوي
ام نور: منت قدها ياولد اختي منت قدها.. اقول مره ثانيه اذا بغيت تراهني خل................
انا كنت منتبهه لام نور وهي تتكلم.. انتبهت انها ماكلمت جملتها حسيته يشدني حوله ويضمني بقوته ويبوسني.. انتفضت من مكاني ووقفت ببتعد او بهرب.. مسكني وجذبني له من جديد.. وقتها خالاته مشو وسكرو الباب وراهم.. كنت متفاجأه بحركته وجرأته كيف يعمل كذا.. كيف يخليني بهالموقف.. صرت محشوره بحضنه .. وهو ماسكني بقوته .. صرت اصرخ فيه فكني.. سيبني ابي امشي ابي اروح.. قال
ناصر: اشششششششششش اهدي.. اهدي خلاص
ليال تضرب فيه: اكرهك يامتوحش
ناصر: ههههههه متوحش مره وحده.. اهدي طيب
ليال: لا فكني ابي امشي
ناصر بحده: قصري صوتك.. ما ابي صوتك يعلا مفهوم
ليال بخوف: ناصر الله يخليك فكني
ناصر: اهدي الاول.. شوفيني
ليال تناظره: ....................
ناصر: بفكك بس اياكي تتحركي خطوه لبرا انتي فاهمه
ليال: .....................
ناصر بحنيه: ايوه كذا.. اجلسي.. اشربي العصير
ليال: ما ابي
ناصر: اشربي شويه
ليال تبكي: ما ابي
ناصر: ليه تبكين.. انا زوجك ليه خايفه كذا
ليال: ابي امشي
ناصر: وتتركيني
ليال: .......................
ناصر: انا اسف.. انا لو ماعملت كذا ما كانو مشو.. وانا ابي اقعد معاكي لحالنا
ليال: بس انا قلت لك لا
ناصر: انا اسف.. صدقيني ما اعيدها مره ثانيه
ليال: الان بيقولو للكل عن الي سويته كيف اداري وجهي عن امي وخواتي
ناصر: ههههههههههه لاتخافي خالاتي طول عمرهم ستر وغطا علي.. من جد مايسوها
ليال: .....................
ناصر: هديتي الان؟ .. اشربي من العصير طيب
ليال: ابي مويه
ناصر: حاضر ياروحي
ليال: ايش بتعمل؟
ناصر: بدق على نوف تجيب
ليال: لا خلاص بشرب العصير
ناصر: ليال انا عطشان ابي مويه بعد.. عشاني خليني ادق
ليال: انا بدق لسوسن
ناصر: براحتك
دقيت على سوسن وجابت المويه.. وهي تحط الكاسات.. همست لي اذا بغيتي تطلعي دقي علي الاول شكلك ماهو مرتب مره.. كانت جديه معاي حركتها هذي ماحسستني باحراج منها.. عارفه اختي زين هي كمان ستر وغطا علي.. بعديها طلعنا نتعشى برا كانت السهره حلوه من جد.. كنت فرحانه به كثير.. كان يدللني وماخلى بخاطري شي كل الي ابيه يعمله لي.. حضني بعديها بس كان حضنه مختلف هالمره نسيت نفسي وانا فيه ماكان ودي ارجع البيت كان ودي اكمل السهره معاه.. ماكنت ابي ابتعد عنه.. احبه.. لا لا لا كنت احبه.. هو ولاشي بحياتي هو عذابي بدنيتي.. ياليتني ماعرفته ولا رضيت فيه
بعديها باسبوع.. عزمونا بيت لافي على الغدا.. كنت بداخلي متوتره من هالزياره ايش بيصير فيها.. حاولت اني اتهرب من ناصر بهالعزومه بس ما قدرت.. من الطبيعي انه يعزمونا ونعزمهم.. بس انا كنت متضايقه او بالاصح قلبي مقبوض
وصلنا البيت عفوا اقصد القصر.. كنت راكبه مع ناصر عشان يدلي اخواني البيت اقصد القصر.. قعدتي معاه بالسياره ريحتني انا ماخبيت عليه اني خايفه ومتوتره.. كان يطمني لحد ماوصلنا وشفت القصر زاد توتري سألته
ليال: جدتي هنا؟
ناصر: ايوا ياروحي هنا وتستناكي
ليال: الحمدلله
ناصر: والثلاثي المرح احبابك كمان موجودات
ليال: الحمدلله
ناصر: ليال انتي ما حبيتي امي وخواتي
ليال: بالعكس بس عارف لسا ماجلست احكي معاهم يوم الخطوبه كنت متوتره.. وخالاتك اجبروني على الدخول بالجو معاهم صدقني لو ماكانو موجودات كنت ظليت ساكته طول اليوم
ناصر: عادي ياروحي.. طبيعي هالشي.. بكره تتعودي عليهم وتعرفي كيف تتعاملي معاهم&&&&
دخلنا القصر.. كان قصر بكل ماتعنيه الكلمه.. فخامته كانت لاتوصف.. جدرانه كانت تتكلم من حلاوة الرسوم عليها الرخام المميز كنت اشوف نفسي فيه وانا امشي.. التحف الموزعه بكل مكان بطريقه حلوه ومرتبه.. الصور المعلقه على الحيط.. كل شي كان حلو.. استقبلتنا الخادمه الي اخذت العبايات وبعديها جات نوف.. فرحت لما شفتها سلمت علي واحضنتني بقوتها قالت
نوف: وينك يالقاطعه.. اشوف لا اتصال ولا سلام من بعيد
سوسن: اذا حنا درينا عنها انتو لكم الحق
نوف: هلا والله هلا باغلا كله اخبارك
سوسن: تمام الحمدلله
نوف: خالتي حيا الله من جا.. نور المكان والله
ام سلطان: نورك ياعمري.. كيف حالك
نوف: والله انه اليوم سعادتي ماهي قليله والله
منال: كل هذا عشان منال جايه
نوف: ههههههههههههه احرجتيني عاد.. ما اقدر احدد.. كيفك حياتي
منال: الله يسلمك ياعمري
هذي نوف.. عسل من جد بسيطه بكل شي.. تحبني من قلبها.. عمري ماحسيت بتوتر بوجودها.. حبيتها من اول ماعرفتها.. ياليت خواتها زيها كانت المسأله تهون.. وبعدين خذتنا نوف لصاله كبيره كانو الحريم كلهم مجتمعين فيها كانت اهم وحده عندي فيهم هي الجده رحت ورميت نفسي بحضنها وهي ظلت تسأل عني وتقولي قد ايش انا واحشتها.. يا حبيبة قلبي والله.. كانت واحشتني كثير.. سلمت على الثلاثي المرح والي بدورهم رحبو فيني ترحيب حار.. وبعدين رحت جلست بوحده من الكراسي..
الجده: تعالي جنبي يانور حياتي
ليال: هههههههههه تعرفي انه لقب ابوي لي.. دايم يناديني نور حياتي
الجده: نور حياته وحياتي بعد
ليال: تسلم لي روحك.. لو تعرفي حبي لك
الجده: ماهو قد حبي لك انت زوجة الغالي.. الحمدلله الي الله وفقه بوحده مثلك يما
ليال: الله يخليكي لي
فتحيه: بس انتو روميو وجوليت ارحمو نفسكم شوي.. من تقابلتو وانتي تتغزلو ببعض
الجده: وانتي ايش حارق رزك
فتحيه: والله الي حارقه هالزعبوطه الي جات واخذت الغلا كله
ام عبدالله: ههههههههههه الله يقطع بليسك يعني ايش زعبوطه !!!!
فتحيه: وانا ايش عرفني اسمعهم يقولو قلت زيهم
ام نور: وانتي كذا معاهم معاهم.. عليهم عليهم
ام سطان: ههههههههه طيب ماقلتي من هذول الي يقولو
فتحيه: هالتلفزيون يا اختي
الجده: وانتي مقضيه حياتك كلها جنبه
فتحيه: اجل اقضيها جنبك
ليال: الا هذي.. امي لا تكلميها كذا
فتحيه: حلوه هذي يالزعبوطه تراها امي
ليال: وصارت امي انا بعد
فتحيه: هو بكيفك.. لا تحشري نفسك.. تراني اقول.. وافضح بعد
ليال: عيني بعينك اشوف
فتحيه تفتح عيونها: هاه
ليال: هههههههههههه ياحبي لك والله
الجده: عن ايش تتكلمو انتو
فتحيه: ولا شي يما
الجده: طيب .. نوف
نوف: سمي يما
الجده: نادي البزران يسلمو على زوجة اخوهم.. وانتي يافتحيه نادي اختك من المطبخ قولي لها الضيوف وصلو
ليه بس ياجدتي كنت قاعده مبسوطه ليه تناديهم.. والله القعده حلوه بلاهم.. وام ناصر يعني مادرت اننا جينا.. كنت اكذب نفسي على طول واقول عادي اكيد صدفه بس لا كان كل شي واضح قدامي.. انا الي اكذب على نفسي.. استاهل.. وصلو البزران على قولة جدتي.. يمشون بثقل انا كنت جالسه بقرب جدتي تعمدت اني اعدل من قعدتي قدامهم انا زوجة ناصر وبعدين انا الكبيره هم يجون ويسلمو وانا اضل قاعده.. المفروض انهم يستنوني جنب الباب ويستقبلوني مثل السنعه نوف بس هذول غير
عبير وهي تجلس: هاي
العنود واقفه: هاي
الجده بحده: ووجع ببطونكم قومو سملو على الناس عدل قليلات الحيا يبغالكم تربيه من جديد
عبير: طيب جدتي طيب.. هاي ليال
ليال: هاي
العنود: هاي ليال
ليال: هاي
عبير: منال وسوسن كيفكم
منال من غير نفس: بخير
العنود: خالتي كيف حالك
ام سلطان: اهلا يما وينكم ماشفناكم
عبير: اعذريني خالتي كنت شابكه عالمسنجر مع صحباتي.. خلصت منهم وجيت
العنود تتريق: خالتي تعرفي ايش هو المسنجر
ام سلطان: اكيد يما.. هذا هو برنامج المحادثه عن طريق النت
حسيتهم وقتها بلمو لما اسمعو امي ترد عليهم.. عجبتيني يما الله يخليكي لي.. ودي اذبحهم جايين يتمسخرو على امي كانت واضحه.. قاطعت الجده كلامهم الماسخ وصارت تتكلم معاي عن الزواج
عن الزواج؟!! تفاجأت بهالشي وليه السرعه لسا مخطوبين.. كانت تتكلم وانا ماني معاها محروق دمي عشان ام ناصر ماجات سلمت نوف كمان اختفت ايش الي صار وينهم.. ليه ام ناصر ما جات تسلم.. انتبهت على جدتي تقول نهاية الشهر نخلص ويسافرو
ام سلطان: الي تشوفوه انا موافقه على الي يريح بنتي
الجده: ايش قلتي ياليال
ليال: ...........................
ام عبدالله: وين رحتي يما.. امي تكلمك
ليال تنتبه: ها.. اعذروني ماكنت معاكم
الجده: اقول ايش رايك
ليال: بايش
الجده: ماسمعتي الي قلناه
ليال: سامحيني يما ماكنت منتبهه معاكم
الجده: اقول انه عمك بوناصر قررو ينقلونه لندن.. تعرفي شغله عاد .. عاد انا اقول نعجل بالزواج حتى تروحو معاهم مره وحده
ليال: نروح وين؟
ام ناصر تدخل: تروحو لندن معانا يما.. تظني بترك ولدي هنا وبروح.. السلام عليكم
ام سلطان: هلا والله خويتي كيف حالك
ام ناصر: الحمدلله وانتي كيف حالك وحال العيال
ام سلطان: الحمدلله كلهم طيبين
ام ناصر: كيف الحلوين
منال: الله يسلمك خالتي
سوسن: الحلا منك ياخالتي انتي كيفك
ام ناصر: كويسه ياروح خالتك
كويسه ياروح خالتك؟ من هذي الي تقول كذا ام ناصر؟.. لا هذي اكيد وحده ثانيه.. ايش صار بالدنيا.. انقلبت بهالسرعه؟ سبحان مغير الاحوال هذي ام ناصر تهلي وترحب.. نسيت نفسي انتبهت لها تقول
ام ناصر: كيف عروستنا.. كيف وردتنا انشا الله بخير
ليال تبتسم غصب: بخير خالتي.. انتي كيف حالك
ام ناصر: استنى جيتك من الصبح وهذا انا بالمطبخ انفذ اوامر الامير ناصر
ليال: الله لا يحرمني منك
ام ناصر: عاد انا كم ليال عندي
ليال: الله يسلمك .. سامحوني هذا ناصر يدق ارد عليه بس
فتحيه: ههههههههههههه ماهو قادر حبيب القلب.. قولي له تراني هنا جنبك يمكن نسى انه جايبك
ام نور: هههههههههههههه اسكتي عاد احرجتي البنت
ليال ابتعدت عنهم: هلا حبيبي
ناصر: روحي انتي

يتبع


دانة الحمادي ©؛°¨غرامي نشيط¨°؛©

ليال: لا تعملهم علي.. ايش الي سمعته
ناصر: لا تزعلي ابي اتكلم معاكي الاول.. والي بنتفق عليه بيصير خلاص ياروحي
ليال: بس انت ماقلت لي.. احرجتني قدامهم
ناصر: حياتي اسمعي لا تعطيهم كلمه.. اذا احرجوكي قولي لهم الشور بيد ناصر هو الي يقرر.. خلاص ياروحي
ليال: خلاص
ناصر: مابيكي تزعلي مني
ليال: ناصر كان المفروض تقولي
ناصر: معلش ياروحي انا مكلم امي ماتفتحك بهالشي .. بس هي الله يهديها محسبه انها بتمشيني بكيفها
ليال: نتفاهم على هالشي بعدين
ناصر: خلاص ياروحي.. انتي مبسوطه ياعمري
ليال: دامي مع جدتي مبسوطه لا تقلق
ناصر: طيب وهالمسكين الي يكلمك
ليال: ماهو مسكين.. ياخوفي منه بس
ناصر: ههههههههههههههههه تخافي وانتي معه
ليال: الله يستر منه بس
ناصر يضحك: ليالي ابوي يبي يشوفك.. نص ساعه وبجي اخذك تقعدي معاه شوي
ليال بتوتر: وانت بتكون معاي
ناصر: اكيد ياروحي معاكي اجل وين بكون
قفلت منه ورجعت للحريم.. طبعا فتحيه كانت اميرة القعده بسوالفها وتريقتها على الكل حتى الجده ما سلمت من لسانها.. الكل كان يضحك وانا بعالم ثاني.. كنت افكر بمستقبلي.. وبحياتي مع ناصر.. انا لسا ماسألته وين بنعيش.. انا ما ابي اعيش مع امه.. انا صحيح مانسيت انه وحيدها.. بس هي بعد ما حسبت هالحساب.. اذا كانت تبي ولدها يعيش حولها كان المفروض انها تهتم بي.. المفروض تعرف انه ولدها يحبني واكيد مابيرد لي طلب.. انا ماراح اقل من راحتي واعيش بتوتر معاها ومع هالبزران.. بس اذا قدرت تمشي كلامها هذا يعني انه عرسي بعد عشر ايام.. انتبهت على نوف تكلمني
نوف: ليال
ليال: نعم
نوف: ناصر يبيكي.. تعالي اوديكي له
ليال: يلا حبيبتي
الجده: نوف وين يما
نوف: عادي يما ابوي يبي يشوفها.. لسا ما شافها
الجده: طيب يما
مشيت مع نوف انا بعالم ثاني.. افكر في حياتي.. ايش بيصير.. اقطعت افكاري وهي تقول لي
نوف: ابي اقولك على شي
ليال: خير
نوف بتردد: اناااا .. انا
ليال: اقلقتيني.. ايش في
نوف باحراج: انا شفت صلاح اخوكي برا
ليال: ههههههههه وايش المحرج في الموضوع
نوف بحيا: صار موقف بيني وبينه
ليال بخبث: مافهمت يعني ايش..شافك وانتي بهالجمال
نوف بتوتر: انا خايفه يتكلم
ليال: يتكلم يقول ايش؟
نوف: عن الي صار
ليال: هههههههههههههه لا تخافي صلاح ماهو من هالنوع
نوف: انا قلت اقولك.. ما ابيكي تفهيني غلط.. صدقيني تراه غصب علي
ليال: وانتي ليه خايفه كذا
نوف: ليال.. انا ما ابي يصير أي سوء تفاهم بيني وبينك صدقيني انتي غاليه علي كثير
ليال: ياروحي يانوف.. الله يعلم بغلاتك عندي.. والله انه معزتك من معزة خواتي
ناصر: انتو واقفين هنا تتكلمو.. وابوي يستنى.. نوف ناويه على نفسك انتي
نوف بخوف: لا كله الا ابوي.. خذها خلاص
خوف نوف من ابوها خوفني انا بعد.. المشكله انا عارفه مع مين اتعامل بس ما كنت عارفه اختار الاسلوب المناسب عشان اتعامل معاه فيه.. وصلت الصاله.. مالقيت احد فيها غير لافي.. جالس ومعصب.. استغربت انه اهلي ماهم هنا..
ليال: السلام عليكم
لافي: وعليكم السلام.. كل هذا تأخير ياليال
ليال تبتسم: اعذرني ياعمي.. الجده امسكتني بسالفه.. والله خجلت اتركها وامشي من غير ماتكملها.. هذي الجده ياعمي
لافي: اذا الجده ماسكتك.. انا اسكت
ليال: ماعاش الي يسكتك.. تقول الي تبيه انت تاج راسي
كنت واثقه من نفسي كثيروانا اتكلم معاه.. حسيت بنظرته اني اعجبته.. رحت اتباها بثقافتي قدامه.. واني ماني اقل من أي وحده ممكن تاخذ مكاني وتكون زوجه لناصر.. انا ليال النشمي.. قلتها بنفسي بكل غرور.. دخلت معاه في نقاشات طويله وكثيره.. ناصر طول القعده كان ساكت.. تفاجأت بلافي يكلم ناصر
لافي: بنت الكلب سكتتني
ناصر: ماهو كذا يبا.. البنت موجوده
لافي: ياليت البقر الي عندي بربع الثقافه الي عندها.. بربع قوتها وجرائتها.. واناقتها وثقتها بنفسها.. تصدق عاد
ناصر: خير
لافي: حتى انت طحت من عيني
ناصر: يعني اختياري موفق
لافي: انا عملت لك الي تبيه.. جا دوري اعمل الي ابيه.. بس ماقلت لي
ناصر: خير
لافي: تظن بتوافق على الي ابيه.. ولا بتمشي رايها علي وعليك
ناصر: انا قلت لك انها قويه.. بس في هالشي ما ادري..
لافي: بنت الكلب.. انا حاس انها بتمشي كلمتها عليك ياثور
ناصر: عسل على قلبي يابو ناصر
لافي: انا عارف اني خلفت ثور وثلاث بقرات.. بس هذي بتنفعني كثير بشغلي.. عقلها اكبر منكم بكثير
ناصر: يبا انا ما ابيها تشتغل.. هذي حرمتي.. احنا متفقين يبا.. الله يخليك.. لاتكسر فرحتي.. ابي اعيش معاها بهدوء من غير مشاكل
لافي بحده: انا المشاكل ياثور
ناصر: لا يبا.. اذا اقنعتها بالشغل.. هنا يتكون المشاكل
اول مره احس انه زوجي سلبي.. بس هو قدام ابوه طبيعي يكسب رضاه.. وبعدين ابوه ما اجبره على شي.. صحيح وقح معاي وقال عني بنت كلب وابوي مكرم عن هالشي بس انا له.. فاكر نفسه الذكي.. جالس يتكلم مع ولده فرنسي محسبني ما افهم.. حسيت بذكائي وقتها.. عرفت انه طريقي صح.. انا لازم اكمل دراستي.. دراستي هي قوتي.. قدام الكلب الي اسمه لافي.. رحت بعالم ثاني.. كيف بعيش بينهم.. كيف بتكون حياتي مع زوجي وابوه وامه مسيطرين عليه.. ما همني كلام الكلب لافي عن اني بنفعه بشغله.. انا عارفه انه راسي ما حد يكسره.. كان خوفي على حياتي.. كيف راح تكون مع ناصر واهله.. انتبهت لناصر يكلمني
ناصر: ليال وين رحتي
ليال تنتبه: لا ابد.. ابوي واخواني وين
ناصر: مع بوعبدالله وبونور في الصاله الثانيه ابوي اصر انه يقعد معاكي لحاله.. يبي يتعرف عليكي اكثر.. عاد تصدقي يقول عنك ذكيه كثير.. وهو معجب بقوتك وثقافتك
ليال: لي الشرف انه لافي بن فهد يقول عني كذا
لافي بخبث متعمد: انتي تعزي لافي كثير
ليال: انا كنت اسمع عنك وعن ذكائك ورجاحة عقلك الكثير.. ما انكر اني في يوم من الايام تمنيت اني اشتغل معاك.. ومانكر انك المثل الاعلى لي من كنت بالثانويه.. ولو ماهو انت مادرست الي درسته
لافي يستغرب: مافهمت
ليال: انا احب الاذكيه ياعمي.. احب اتعامل مع الانسان الذكي.. تحسه راقي بكل شي.. باسلوبه بمستواه.. بتفكيره بتعامله مع الناس.. اعشق اني اتعامل مع الناس الي كذا.. صحيح انهم نادرين.. بس موجودين
لافي: وانا واحد منهم؟
ليال: انت اولهم
ناصر: بس انتي عاد.. جالسه تتغزلي بابوي وانا جالس
ليال: تعرف ايش الحلو بالموضوع
ناصر: ايش
ليال: انه هو حلالي بعد
بهالوقت حسيت اني كسبت لافي لصفي.. صار يتكلم معاي وهو مرتاح.. بعكس اول مادخلت وتعرفت عليه.. الغبي فيه اشيا كثيره قالها عن شغله.. الي مثلي ومثله بس يفهموها.. انا التزمت بالصمت اكثر من اني اتكلم.. كنت ما خذتها قاعده ..من كثر لغطه زاد غلطه.. وهو فاكرني غبيه.. ماعرف هو مع مين يتعامل.. كنت منتبهه لكلامه.. حتى اني نسيت انه ناصر موجود.. لما انتبهت له.. كان يناظرني بعتب.. انا اعترف اهملته بوجود ابوه.. دخلت علينا نوف وقالت
نوف: بابا الغدا جاهز
لافي: راح للرجال؟
نوف: ايوا بابا
لافي: خساره سرقني الوقت.. اجل اخذي زوجة اخوكي.. وخلينا نروح حنا للرجال
نوف: يلا ياليال.. ابوي شكله اعجبته القعده معاكي.. صح بابا
لافي: صح ياروحي.. ياليتك تقعدي انتي وخواتك معاها وتتعلمو منها
نوف: اجل ابشر ترانا معاها بنفس البيت.. صباحها ومساها بتقضيه معانا
ناصر بحده: نوف ايش اخبارك.. قال صباحها ومساها.. روحو تغدو يلا
لافي: ههههههههههه لاتعصب عليها كذا بتلاقي الوقت الكافي الي تقعده مع ليال لحد ماتشبع.. ليال
ليال: سم عمي
لافي: لي قعده معاكي بعد الغدا انتي بتجلسي عندي لحد العشا انا بستأذن من ابوكي
ليال تبتسم: الي تشوفه
رحت للحريم.. كان اهتمام ام ناصر بي مبالغ كنت اتبادل النظرات انا ومنال هي كانت عارفه وشايفه بالي صار يوم الخطوبه.. سوسن بعد كانت معانا على نفس الخط.. اما البزران نسيت وجودهم بهذاك اليوم كانو يحاولو يدخلو بالحوارات الي نقولها بس مايلقو احد منتبه لهم لانهم يتكلمو بتفاهه.. ما امدح نفسي وخواتي.. بس من جد انا وخواتي ثقافتنا عاليه وتفكيرنا راقي بعكس البزران كانو تافهين نوف الوحيده الي كانت محط اهتمام من الخالات والجده.. يحبونها من قلب.. كانت من جد مميزه بكل شي.. برقتها وحنانها وطيبتها.. صحيح ماكانت جميله للحد الي اقدر اقول عليه جميله.. يمكن لانها تشبه لافي.. بس طيبتها واخلاقها غطو على كل شي..
خلصنا الغدا وجلسنا نشرب الشاهي والقعده طولت لبعد صلاة العصر.. ظليت انا مع نوف قالت
نوف: ايش رايك اوريك البيت
الجده: ايوا يما روحي معاها
ليال: لا حبيبتي مره ثانيه
ام ناصر: ليه يما قومي معها
ليال: معلش خالتي.. خليها مره ثانيه
نوف: احراج يعني!!
فتحيه: لا شكلها خايفه من ولدكم لاياكلها.. يعملها ولد اختي وانا عارفته
ام عبدالله: ههههههههههههه الله يقطع شرك.. ذا كلام ينقال ذا
فتحيه: عادي يعني انتي اول ما بوعبدالله اخذك ماكان نفسك يعمل معاكي كذا
ام عبدالله بحده: فتحيه ماهو كذا قدام العيال
ام نور: هههههههههههههه خليها خليها والله سالفه تونس.. واذا خايفه على البزران الي حولك تراهم يعلمونك الاساليب الحديثه ياروحي.. ماهو زينا.. امك كانت تخرسنا من نظره
الجده بحده: بخرسك انتي وياها بنظره الان بعد.. يلا اسكتو
فتحيه: الاقولي لي يا ام فهد.. ايش كان النظام على ايامكم
الجده وهي تضرب فتحيه بالعصى: نظام بعينك قليلة الحيا.. اخرسي
ام سلطان: ههههههههههههههه بس ياختي حرام عليكي عصبتي الحرمه ماهو زين على صحتها
فتحيه: أي صحتها صدقيني من جواها تذكر ابوي الله يرحمه وقلبها يرقص
الجده: فتوح ووجع يوجع بطنك
منال: هههههههههههههه حرام عليكي ياخالتي بس عاد
فتحيه: ايش تقول اختي ام نور بهالموضوع تأيدني ولا تعارضني
ام نور: والله دام امي عصبت انا امتنع عن التصويت
ام ناصر: ههههههههههههههههه الله يقطع شركم بس انتي وياها.. شوفي بناتي كيف استحو
فتحيه: ماشا الله تبارك الله على الحيا.. لا واضح حياهم الله يخليهم.. بناتك ياحبيبتي عايشين برا على طول.. حياتهم حياة الاجانب.. اصلا لو الود ودهم مارجعو السعوديه.. خليني ساكته بس
عبير بحده: ايش تقصدي ياخالتي
فتحيه: لا ياروح خالتك انا اقول انكم متربين احسن تربيه.. الي هي تربية الاجانب
ام ناصر: هههههههههههههههه يما خالتك تمزح معاكي
عبير: لايما هي تلمح على شي ابي اعرفه
نوف تمسك عبير: مالك انتي انتبهي لكلامك
فتحيه: ياحبيبة قلبي.. ياعمري انتي ليه ماخذه الموضوع بحساسيه.. انا قلت تربيتكم تربية اجانب ينعاب عليها يعني
عبير: لا طبعا ماينعاب.. لو ينعاب ماوصلو للي هم فيه
فتحيه: تعرفي ياعبير.. انا من جد احبكم انتي واختك بس انجرافكم ورا التقدم الاجنبي.. والحياة الصاخبه الي هم عايشينها.. والعقول والافكار المتخلفه الي هم يحاولون ينشرونها حول المرأه وتحريرها.. ماهو عاجبني فيكم.. يايما انتو مسلمات تعرفو الصح من الغلط.. ماهو باسم التقدم بنترك عاداتنا وتقاليدنا.. ونحلل الاشيا الي حرمها ديننا.. يايما لو كانت حياتهم مبنيه على صح ماكانت نسبة الخيانه والتفكك الاسري منتشر بينهم
عبير: يا خالتي الاشيا هذي الي ماهي عاجبتك تراها موجوده هنا بالسعوديه
ام عبدالله: اعوذو بالله ايش تقولي انتي
عبير: وليه مستغربه ناخذ مثال.. انتو عندكم عيب البنت تكلم الرجال قبل الخطوبه صح
فتحيه: اكيد صح
عبير: بس انا اعرف وحده قريبه مني كانت على علاقه مع زوجها اكثر من ثلاث سنوات قبل لاتتزوج
الجده بحده: عنود خذي اختك واطلعي فوق
ام سلطان: اعوذو بالله.. ماعندنا هالكلام يما.. ايش تقولي
عبير: انا ماراح اقول.. خلي ليال تقول
وقتها كان الكل مصدوم من وقاحتها.. انا نفسي ما استوعبت الي قالته.. حسيت بنوف تطير من جنبي راحت لها عطتها ذاك الكف الي رن صوته بالصاله.. امي ونظراتها لي حسيتها بتذبحني.. فزعت منال لي وهي ماهي حاسه بنفسها قامت معاها سوسن وماقصرو في عبير.. الخالات بعد والجده والام معاهم كلهم قامو من مكانهم الا انا وامي نناظر بعض.. نظراتها اذبحتني زلزلت كياني.. الكلبه عرفت كيف تقلب امي علي.. امي تضايقت كثير من تصرف عبير.. وام ناصر جلست تهدي فيها وتقول لها انه هالشي ما صار وانه ناصر من يوم الحادث وهو ماله سيره غيري.. وبعدين النسب ما جا الا عن طريق سلطان لانه صاحبه واعرفه زين.. صارت تقول اشيا كثيره وامي ماهي مصدقتها.. كلام عبير قلبها علي.. الجده وقتها اصرت انه امي تظل ماتمشي.. طبعا بعد ما امي اطلبت من سوسن تدق على ابوي عشان يمشون.. بس امي اصرت تمشي.. دخل ناصر وهو ماهو عارف بالي صار.. جلس يتحايل على امي انها تقعد وهي ماكانت راضيه بعدين قال لها اني بظل لحد العشا وبعدين هو بيوصلني.. ماعطته وجه ولا ردت عليه.. لبست عبايتها وطلعت.. لما مشو ظل الجو هادي كنت ساكته ومصدومه وخايفه من امي بنفس الوقت.. عارفه انه الي بيجيني منها ماهو قليل.. كنت ساكته والكل كان يحاول يكسب رضاي.. الجده ياعمري عليها.. كانت تقولي انها بتاخذ حقي منها.. كنت اقول في خاطري ماهو ذا المهم يما .. المهم اذا رجعت البيت ايش بلاقي.. هنا كان خوفي.. الكلبه الحقيره ايش اعمل فيها ايش؟ .. حسيت انه ناصر دخل الصاله وقال لخالته ام عبدالله وخالته ام نور انه رجالهم بيمشون.. البسو عبيهم واطلعو وظل هو قاعد معانا.. دخل لافي وقتها.. جا على طول وجلس جنبي.. كان يبتسم لي وانا في حاله ثانيه.. ناصر شك بالهدوء الي كنا فيه.. في الوقت الي نزلت نوف من عند عبير وهي معصبه حيل.. جات على ابوها ركض.. تكلمه فرنسي طبعا .. وتقوله على الي صار.. كانت تشتكي لابوها وناصر كان موجود لما سمع كلامها.. طلع مثل الوحش لعبير.. كنت قاعده بالصاله وانا اسمع صراخها ما كنت عارفه ايش الي يعمل فيها.. بس كانت الاه توصلني منها.. كنت افكر بخوف ياترا سلطان ايش بيعمل معي.. نزل ناصر وهو يجر اخته وراه مثل الخاروف.. كان الدم مالي وجهها وثيابها مقطعه والكل كان ساكت حتى لافي.. الجده كانت تبتسم لناصر وكأنها كانت تشجعه.. لما وصل ناصر حدي رمى عبير قدام رجولي.. حسيت بلافي قام من مكانه.. ومسكها.. لافي كان طويل عريض مره.. قوي على كبر سنه.. رفع عبير عن الارض بيده .. ورجع رماها مره ثانيه.. عقبها نزل فيها ضرب لما حسيت روحها اطلعت.. صرخ على العنود
لافي: عنود.. عنووووووووووود
العنود بخوف من ابوها: خير بابا انا هنا
لافي: خذي الكلبه من قدامي
ناصر بحده: استنى ياعنود.. اعتذري الاول من ليال
عبير: ....................
ناصر بهدوء: اعتذري من ليال.. تراني مستعد اعيد الضرب من جديد ماهو مهم عندي ايش يجرا عليكي
عبير بوجع: انا اسفه
ناصر: عنود خذيها الان
الدنيا كان تلف فيني.. والخوف شل كل حركتي.. كنت ابي اتكلم ماقدرت .. ابي اتحرك ماقدرت.. الغريب انه لافي حس علي هو بنفسه اخذ كاسة مويه من على الطاوله وشربني المويه بنفسه..كنت مثل الغرقان الي انقذه لافي.. لافي سحب تلفونه وكان يبي يدق على الدكتور يجي يشوفني.. بس انا رديت عليه
ليال: انا بخير ياعمي.. ماله داعي وجود الدكتور
لافي: لا خليه يجي احسن
ليال: صدقني انا بخير

يتبع


دانة الحمادي ©؛°¨غرامي نشيط¨°؛©

الجده: يما خلينا نطلع من هنا الصاله كتمه برا اشرح لك
لافي: شيل زوجتك يا ناصر.. خلونا نروح الحديقه
ليال: ماله داعي انا بخير
لافي: تقدري تمشي يعني
ليال: ايوا اكيد
بعد فتره طويله.. يمكن لبعد صلاة العشا.. حسيت انه روحي ردت لي شوي.. وفتها لافي اجبر زوجته والعنود وفتحيه يتركو عبير ويجو عندنا.. واجلسو.. الغريب انهم يضحكون ولا كأنه شي صار.. وقتها حللت انه الخوف من لافي يجبرهم انهم يعملو كذا.. لفتره حسيت بالامان وانا جنب لافي.. بس ما انكر اني كنت خايفه من الي في البيت.. صحيح انه الجلسه كانت ضحك.. بس انا في عالم ثاني.. همس لي ناصر
ناصر: تبين نتعشى برا
ليال: ماله داعي.. انا بخير
ناصر: كيف بخير انت منتي معانا.. جدتي كذا مره تكلمك وماتردي عليها
ليال: انا اسفه منتبهت لها
ناصر: قولي الي بخاطرك
ليال: ولا شي
ناصر: تبيني اذبحها حتى ترتاحي
ليال: اعوذو بالله هذي اختك.. لا تقول كذا
ناصر: طيب قولي لي.. مالك
ماقدرت امنع نفسي اكثر من كذا.. كنت ابي اتكلم.. قلت له عن خوفي.. قلت له عن سلطان ايش ممكن يعمل.. ابوي ايش ممكن تكون ردة فعله.. امي الي ممكن تعمل فيني اكثر من ماهو عمل بعبير.. الخوف ماليني كنت ابي أي شي يحصل وارتاح من الموقف الي انا فيه.. كنت بعيده عن لافي بعيده بحيث انه مستحيل يسمع ايش اقول لناصر.. لقيته جاي حولنا سحب جوال ناصر وراح يدور فيه.. دق على رقم وقال
لافي: سلطان
سلطان: نعم من معاي
لافي: لافي بن فهد معاك
سلطان من غير نفس: اهلا
لافي: اقول دامه هذا ردك علي.. اهلا ومن غير نفس.. اكيد انك دريت.. اسمع.. ابيك تجيني الان
سلطان: ماعاش الي يرد عليك من غير نفسي ياعمي انت على الراس
لافي: سلطان ابي اشوفك الان
سلطان: حاضر عمي جايك الان.. مع السلامه
لافي يناظرها: مره ثانيه.. اذا كنتي خايفه من شي قوليه لا تخبيه.. انا بعرف كيف اخلي اخوكي مايمد يده عليكي.. انتي في حما لافي بن فهد
ليال مستغربه: الله يديمك ياعمي اناااا
لافي: انتي زعلتيني منك.. ياليال.. هذا وانا اقول اننا صرنا قراب.. المفروض انك تقولي لزوجك من بدري على الي بخاطرك او تجيني انا ابوك بعد
ليال: والله انك غالي علي ياعمي وماني حابه ازعلك.. بس انشل تفكيري.. اعذرني اذا ضايقتك
لافي: لاتعيدينها مره ثاينه مفهوم
ليال: حاضر
لافي: وانت قوم اخذ زوجتك وخليها ترتاح بغرفتها شوي.. اذا جا وقت العشا اناديك
ليال: عمي انا مرتاحه .. والله ماله.............
لافي بحده: تبين تزعليني منك مره ثانيه ايش قلنا
ليال: لا بس................
ناصر: يلا ياروحي قومي
رحت معاه.. وصلنا غرفته.. شفت الفراش قدامي.. رميت نفسي عليه.. وجا جنبي.. نسيت حالي من جد.. فزيت من مكاني كنت ببتعد.. لقيته يجرني حوله.. كنت ابي اصرخ .. كنت ابي اترجاه انه يتركني.. بس في داخلي كنت محتاجه لحضنه.. ظليت بحضنه فتره طويله.. كنت مرتاحه وانا ابكي بحضنه.. كنت قويه قدامهم بس معاه لا .. معاه حسيت بضعفي.. حسيت بحاجتي.. كان في منتهى الذوق معاي.. حسيت بعيوني تتقفل وانا بحضنه.. هو حس علي وهمس بأذني
ناصر: نامي حبيبتي شوي وبعدين اصحيكي
نسيت روحي معاه.. غمضت عيوني وانا بحضنه.. حسيت اني حرمه من جد وانا جنبه على فراشه.. حسيت برغبتي.. حسيت بحاجتي.. بعديها غفت عيني.. وصحاني.. حتى وهو يصحيني كان حنون.. كانت نظراته كلها حب كلها امان همس لي
ناصر: العشا جاهز ننزل ولاتكملي نوم بحضني
ليال بحيا: ههههههه ننزل
ناصر: انا عن نفسي ماني جوعان.. ودي تكملي نوم وانتي بحضني
استحيت من كلامه فزيت من مكاني.. رحت جنب المرايا اعدل من نفسي.. كنت جميله بعيون حالي.. رجعت لي ثقتي بنفسي.. كيف ماكنت عارفه.. جهزت ونزلت معاه.. الابتسامه على شفتي.. من اول مانزلت.. استقبلوني بترحيب حار.. رحت جلست عند جدتي.. كنت مبسوطه مره.. ماكنت عارفه ايش الي باسطني.. بس كان مجرد احساس همست جدتي بأذني
الجده: ارتحتي حبيبتي
ليال: ماتتخيلي كيف مرتاحه
الجده: انشا الله دوم.. اقول حبيبتي
ليال: سمي يما
الجده: يمكن اضايقك بالي بقوله بس لازم اقوله
ليال: قولي يما
الجده: ماحصل شي بينكم
ليال بحيا كبير: لايما ايش تقولي.. والله اني نمت بحضنه بس
الجده: ههههههههههه طيب يما مصدقتك
ناصر: ايش تقولو لبعض
الجده: وانت ايش دخلك
ناصر: اقول تراني حافظ حراكتك
الجده: انكتم
كان لافي قاعد ويتابع حركاتي.. من جد وقتها كنت مستحيه.. وهو نظراته اذبحتني.. وناصر مابطل يمزح مع جدته.. لما جات ام ناصر وقالت العشا جاهز.. وقفنا حتى نروح غرفة الطعام.. انا كنت ماسكه الجده وهي تمشي بعكازها.. قال لافي
لافي: نوف.. امسكي جدتك
نوف: حاضر بابا
لافي: تعالي انتي هنا
ناصر: وانا تبيني معاها؟
لافي بحده: اكيد انت معاها.. ليال
ليال: نعم عمي
لافي بحده: مره ثانيه اذا احد سألك ايش صار بينك وبين زوجك اياكي تجاوبي على هالسؤال فاهمه
ليال تناظره مصدومه: ...........................
لافي بحده اكثر: انا قلت لك تروحي مع زوجك حتى ترتاحي معاه وتنبسطي بحضنه.. ماهو عشان تقولي للجده ايش عملتو.
ناصر: حاضر يبا.. معلش هذي جدتي عاد.. عديها المره هذي.. عشان الجده بس
لافي: لازم تعرفي كيف توقفي الخلق عند حدهم وتعلميهم كيف مايتدخلو بحياتك.. اذا تركتي لهم مجال من الان.. مابتقدري تسكتيهم بعدين
ليال مصدومه: حاضر
كيف عرف بالي قالته الجده.. كيف عرف يالي قلته لناصر عن سلطان.. هذا ساحر ولا ايش.. والله انه لف راسي.. كيف يسمح لنفسه يقولي "قلت لك تروحي مع زوجك حتى ترتاحي معاه وتنبسطي بحضنه" ياربي.. ايش هالرجال.. كيف عرف بحاجتي لحضن زوجي.. رجع لي الخوف مره ثانيه.. بس لازم اتصرف وبسرعه مع لافي مافي وقت للتفكير.. لازم اعرف كيف عرف بكلام الجده لي وكيف عرف بكلامي لناصر.. قعدنا على الطاوله وراح ناصر يدلع فيني لحد الاحراج ماوصل حدي.. انقذتني فتحيه منه
فتحيه: اقول تراك زودتها.. تعال اقعد جنبي قوم
الجده: وليه انشا الله تبينه يدلعك؟
فتحيه: وليه لا انا خالته اقرب له من زوجته
لافي وهو يناظر ليال: عاد في هذي اختلف معاكي.. الزوجه اقرب من الخاله ولا ايش رايك يا ام ناصر
ام ناصر: هذا عاد يعتمد عليك.. انت تقول وترفع معنوياتي.. انا اقرب ولا خالتك الله يرحمها
لافي: والله يا ام الغالي.. انتي الغاليه وبتظلي الغاليه لحد ما اموت
ليال: لك طولت العمر ياعمي لاتجيب سيرة الموت
لافي: وهو انا بعمر يعني اكيد بيجي يوم وبموت فيه
ليال: بعيد الشر عنك عساه بعدوك ولابك
هنا لافي كانت نظراته لي مثل الرصاص.. نظراته كانت حاده.. ماكنت اقدر احدد ايش تعني نظراته.. هو اعجاب هي خبث.. والله ما ادري.. دنيت لناصر وهمست له
ليال بهمس: ناصر
ناصر بهمس: ياروحه
ليال بهمس: تعرف لو ماهو ابوك.. صدقني كنت عشقته
ناصر وهو رافع حاجب: خير
ليال: والله من صدقي ابوك ذا.. مافي منه.. عاجبني حييييييييييييييل
ناصر: اقول انكتمي قبل لا كاسة المويه تجيك بوجهك
ليال: ههههههههههههههههه ليه تغير
ناصر: جالسه تتغزلي بابوي.. وتبيني افرح
ليال: يحق لي.. قول لي عيب واحد فيه.. حلو وسيم جذاب.. طويل عريض.. عيونه نظراته وشخصيته.. كل شي فيه
ناصر: بتسكتي ولا اقوله
ليال: ههههههههههه لا لا خلاص بسكت تحب الفضايح انت
ناصر: يكون احسن
ليال: ناصر
ناصر: ياروح ناصر
ليال: تراني احب ابوك
ناصر: هههههههههههههه حلال عليكي
كنت قاصده كل الي قلته.. صحيح انه كان تمثيل.. بس لازم اتاكد.. انا شاكه واكيد الي قلته له تاثير عند لافي وبيتكلم عنه انا واثقه.. بعد العشا جلسنا برا عند حمام السباحه.. قطعت الهدوء ام ناصر تكلم لافي
ام ناصر: انت ما كلمتها لسا
لافي: بكلمها الان لا تستعجلي.. تراها بجيبي
ام ناصر: تظن تقدر عليها.. بتخليها توافق على الزواج والسفر معانا
لافي: ليه انا ماقلت لك
ام ناصر: لا عن ايش
لافي: البنت تعشقني.. تحبني.. تقول اني جذاب
ام ناصر: ههههههههههههههههه يعني افرح
لافي: افرحي.. دقايق واكلمها وماراح ترفض طلبي
سمعتها باذني.. البنت تعشقني.. تحبني.. تقول اني جذاب.. ظني بمحله لافي يقرا حركة الشفايف.. الله اكبر.. ايش هالرجال ذا.. عشان كذا الرجال ناجح .. يعرف خصمه ايش يقول عنه.. ويحسسه انه يعمل الي في صالحه وهو في الحقيقه يعمل على صالحه هو بس.. ايوا كذا ايوا.. اذا انت غلبتني بقرايتك للشفايف.. فانا غلبتك بلغتي الفرنسيه.. وماخذ راحته ومحسبني غبيه.. بس لو ايش تعمل ماراح اوافق على طلبك.. هالمره انا قطعت الهدوء قبل لاهو يسبقني
ليال: عمي
لافي: نعم يبا
ليال: كنت بسألك عن سلطان
لافي: هههههههههههههههه نامي وارتاحي اقنعته انه الكلام الي انقال ماهو صحيح
ليال: وهو اقتنع!!
لافي: اكيد يبا.. قلت لك انتي بحما لافي
ليال: ياحبي لك والله.. لسا اقول لناصر ابوك مافي منه
لافي: صدقيني.. لو ماعجبتيني.. ماكنت اعمل كذا
ليال: ايش الي عجبك فيني بالضبط
لافي: ذكائك يا ليال.. انتي فاكره اني ماني فاهمك تراني فاهمك زين
ليال بفرح مصطنع: تحلف بالله
لافي: احلف بالله
ليال: يعني اذا طلبتك ماتردني
لافي: انتي طلباتك اوامر.. قولي يبا.. وبقولك تم قبل لا تطلبي بعد
ليال: ياربي يخليك ياعمي.. والنعم فيك والله انا سعادتي فيك اليوم ماتنوصف
لافي: سيبك من المجاملات وادخلي بالموضوع
ليال: لو كنت فاهمني صح مثل ماتقول كنت تعرف انها ماهي مجاملات
لافي: اجل ايش
ليال وهي تناظر ناصر وتقهره: تقدر تسميها عشق
نوف: ههههههههههههههههه الولد وابوه اعتقينا اتركي لنا شويه
ليال: هههههههههههههههههه لا طبعا اتركوهم لي يوم واحد بس هم معاكم العمر كله.. والان جا دوري
لافي: ههههههههههههههه قولي يا عاشقه ايش طلبك
ليال: انا ابي اكمل دراستي وبعدين اتزوج.. انا بقى لي تسع شهور واخذ شهادتي حرام اهدم الي بنيته طول هالسنين واتزوج الان.. انت قلت لي انه طلبي تم.. هذا كل الي ابيه
ام ناصر وهي معصبه على لافي وبالفرنسي طبعا: رد يلا رد قولها لا.. مالك ساكت.. اياك تقول اني بروح من غير ولدي تراني قايله لك ماني رايحه بلاه.. انت تسمع
لافي بالعربي: خلاص ياليال.. الي تبينه.. مابردك
ليال: بس خالتي شكلها زعلت
لافي: ماعليكي يبا.. ماتزعل منك.. انا بحلها لاتقلقي
تجرأت ودنيت منه وبسته على راسه وانا اناظره جلست جنبه وقلت
ليال: ما ابي تصير مشكله من تحت راسي منغير لاتقولي
لافي وهو متفاجا من جرائتها: مافي مشاكل يبا
ليال: انا وعدتك اني اقولك على الي بخاطري.. بس تقولي انت بعد.. اتفقنا
لافي يبتسم: اتفقنا
ليال: اسمح لي الان لازم امشي الساعه صارت 10 وانا تأخرت
لافي وهو يمسكها من ايدها ويهمس لها: اتمنى تكوني ارتحتي مع زوجك تراني كنت قاصد انك ترتاحي معاه
ليال بخبث وهي تهمس بأذنه: ماهو شغلك
لافي: هههههههههههههههههه ايوا كذا ابيكي كذا على طول.. تتعلمي بسرعه ياليال
ليال: لي الشرف اني بحماك ياعمي
مشيت وانا احس اني منتصره عليه.. احس اني ملكته تحت امري.. لافي بن فهد تعلمت منه اشيا كثيره بهذاك اليوم.. تعلمت كيف اتعلم الاشيا وما افاخر قدام الناس اني اعرفها.. تعلمت كيف اكون خبيثه مثل ماهو خبيث معاي.. محسب انه لو فكني من سلطان مابرده بطلبه وبوافق على تعجيل الزواج.. تعلمت انه كل ضيق ممكن يصادفني.. احتمي بحضن زوجي لانه بيريحني.. اليوم تعلمت كيف تكون الحاجه والرغبه.. قبل لا نوصل البيت قلت لناصر
ليال: ناصر
ناصر: ياروحي
ليال: ابي اقول لك على شي بخاطري
ناصر: امريني
ليال: محتاجه اني اكون معاك
ناصر: انتي معاي ياروحي.. لسا خايفه من اهلك
ليال: ماهو ذا قصدي
ناصر: تبين نعجل بالزواج؟
ليال بعد صمت طويل: ايوا
ناصر: انتي تعبانه الان
ليال بتردد: ها.. لا خلاص.. انسى
ناصر يحضنها: ليال.. تستحي من زوجك.. قولي لي.. انا زوجك مافيها شي
ليال: ناصر انا.........
ناصر: حبيبتي.. ليه تتهربي مني.. ابي جواب ويصير الي تبينه
ليال: انا ابي اعجل بالزواج بس ما ابي اسافر ابي اكمل دراستي
ناصر يبتسم: انتي تامرين.. بعد ايش تبين
ليال: انا لسا قايله لعمي اني ما ابي اعجل بالزواج.. الان بعجل
ناصر: بقول اني انا المستعجل.. وانتي ماتبين تسافري هذي هي المشكله صح؟
ليال: صح
ناصر بفرح: خلاص اجل نعجل بالزواج
دخلت البيت ليلتها.. وانا كنت متوقعه شي.. صحيح ما اعرف ايش هو بس متوقعه.. لقيت ابوي وصلاح بالصاله امي وسوسن بالمطبخ.. دخل سلمت.. جلست جنب صلاح



يتبع


دانة الحمادي ©؛°¨غرامي نشيط¨°؛©

صلاح: انبسطتي حبيبتي
ليال: الحمدلله
صلاح: ودي اقولك على خبر حلو
بوسلطان: انا الي بسألها قبل لاتقول لها
ليال: خير يبا
بوسلطان: اختك تكلم احد
ليال: مافهمت
بوسلطان: اختك على علاقه بأحد مثلك
ليال: انا لي علاقه بزوجي يبا
بوسلطان بحده: تحلفي انك ماكنتي تعرفيه قبل الزواج
صلاح: يبا الله يهديك حنا منتهين من هالموضوع
بوسلطان: انتظر حلفك
ليال: ....................
بوسلطان: خلي هالجمله براسك.. انتي وطيتي راسي قدامهم.. لاتنسي هالشي.. عمك قال لي انه يبي يعجل بالزواج.. وانا وافقت.. قلت في نفسي.. استر عليكي ابرك من الفضيحه
ليال: ماهو انا الي اعمل لك فضيحه يبا.. انا تربيتك
بوسلطان: اجل ليه ماحلفتي
ليال: ما اقدر احلف كاذبه.. بس من يوم حادث البحر انا ما كلمته.. وهذا هو جا لحد عندي.. ماهو انا الي تغلط.. اسمك مستحيل اخلي احد يدوس عليه.. انا ليال بنتك ابيك تكون واثق من هالشي
بوسلطان: صدمتي فيكي تمنعني من الثقه فيكي من جديد
ليال: اسمحولي.. انا بغرفتي
سوسن: ليال حبيبتي.. انتي هنا
ليال: هنا ياعمري
سوسن: شكلك مرتاحه.. انبسطتي
ليال: تعالي معاي احكيلك ايش صار معاي
صلاح: وانا ماتبين تحكين لي
ليال: اذا ودك تعال ماعندي شي اخبيه.. انا بحياتي ما خبيت شي
قلتها وانا عارفه اني كاذبه كنت ابي اشتري خاطري ابوي.. كان ودي اقوله عن جاسم كان ودي ابين له قد ايش انا شلت بخاطري عليه.. كان ودي يعرف ناصر قد ايش ساعدني وحافظ علي.. رجعت وقعدت جنب صلاح رحت اقول لهم عن كل شي.. كل شي.. انا عارفه انه اهلي ستر وغطا علي.. امي كمان جات واخذت مكان لها تسمع مني ايش صار.. صارت تتفاعل كل ما قلت لها ناصر عمل بعبير كذا.. وهي تقول جعلها بزياده .. واقول لافي عمل فيها كذا.. وهي تقول تستاهل الي عمله فيها هذي مثل خالتها ماقالت تربية اجانب.. رحت اقول لهم عن لافي وكيف تعاملت معاه وكيف لعبت عليه وكيف انهم يتكلمو بلغه انا عارفتها وهم مايعرفو عني.. ابوي كان مجرد مستمع بس كنت اشوف نظرة الفخربعيونه.. بس الاهم عرف اني ماني هينه ماينلعب علي.. انا ليال النشمي
بعدها باسبوع.. كان زواجي.. انتهى كل شي على خير.. كل الي ابيه كان يصير ويتحقق صحيح التفاصيل ماكانت مهمه انها تنذكر بس المهم اني حفظت الدرس اول شي طلبته من ناصر نسكن بشقه لحالنا.. وهو يروح لامه وابوه وقت مايحب.. صرت ارتاح وقت الي ابي.. صرت العب الوقت الي ابي عشت احلى سنه بحياتي معاه.. الدلع كان من نصيبي لحالي.. ناصر ماكان يرضى اني ادلعه.. كان يحب انه يدلعني.. لافي اجل سفرته سنه كامله.. حتى نسافر انا وناصر معاهم ماكنت الومهم ناصر وحيدهم وهم متعلقين فيه.. بس انا كان ودي اننا نكون مستقلين بحياتنا.. كنت ابي ابتعد عن المشاكل او الاحتكاك بعبير.. صرت اتجاهل وجودها حتى لوكانت قريبه مني.. كانت عارفه اني ما اطيقها ما احبها.. فكانت تحاول تتقرب مني يمكن خوف من ناصر او من لافي الي توعدها قدامي وهي تعتذرلي مره ثانيه بعد زواجي.. الجده ياروحي عليها كانت هي البلسم كانت هي عشقي من جد ماحبيت احد بحياتي زي ما حبيت هالحرمه.. وصرت اتغزل فيها قدام فتحيه الي صارت من اغلى صحباتي.. صحيح هي اكبر مني بس هذا مايمنع اننا نكون اصحاب.. سوسن ياحياتي تعيش احلى قصة حب مع زوجها.. عبدالله ولد خالة ناصر.. ام عبدالله من شافتها وهي عاجبتها.. يوم الي قالي صلاح انه عنده خبر حلو.. كان يبي يقول انه بوعبدالله لمح لهم انه وده يجي بيتنا عنده طلب.. لما تمت الخطوبه كنت بطير من الفرح.. سوسن حبيبة قلبي جنبي بكل شي..
تخرجت.. وبمجموع عالي.. الي ابيه حصلت عليه.. كان ودي اكمل كان ودي اوصل لحد الدكتوراه بادارة الاعمال.. بس سفر لافي الغى مشاريعي الدراسيه بهالوقت.. وماكنت اقدر اني اتدلع اكثر من كذا كفايه انه اجل سفره سنه كامله عشاني
بعد زواج سوسن.. سافرنا على لندن.. طلعنا من مطار هيثرو.. وركبنا ليموزين فاخره.. كنت تعبانه من السفر وكان ودي انام.. رميت براسي على كتف ناصر ونمت.. انتبهت انه يصحيني
ناصر: حبيبتي وصلنا
ليال: اه ..ناصر
ناصر: روحي انتي
ليال: انا دايخه..راسي تلف بقوه
ناصر: اكيد من الطياره.. خليني اشيلك
فتحت عيني وانا لسا بفراشي.. احس بألم براسي.. احس بألام بجسمي.. كنت ابي اقوم ماقدرت.. كنت ابي اطرد النوم من عيني ماقدرت.. قلت اصبر شوي يمكن فعلا من تأثير الطياره على وخصوصا هذي اول مره اركب طياره.. اخذت نص ساعه لحد ماقدرت اجمع قوتي وقمت.. طليت من الشباك حسيت الدنيا تلف فيني.. مسكت الكرسي القريب مني وجلست عليه.. اخذت كم دقيقه وحسيت ناصر دخل
ناصر بخوف: حبيبتي مالك
ليال: انا بخير ياروحي بس لسا احس الدنيا تلف فيني
ناصر: خليني اجيب لك مويه
ليال: ياريت.. ريقي ناشف
دق على المطبخ وقال للخادمه تجيب المويه وانا جالسه ماني بحاسه بجسمي.. صدق كنت متملله من هالشعور.. كنت مخططه اني اروح والف الليله بلندن.. كنت مبسوطه وانا بالسعوديه اني راح اجي.. بس الان التعب قتل فرحتي وصلت الخادمه ودقت الباب.. راح ناصر يفتح واخذ منها كاسة المويه وشربت منها.. ارتحت شويه بعد المويه الي شربتها.. بعديها قدرت احرك جسمي وانزل مع ناصر للطابق الارضي.. لقيت الكل مجتمعين
نوف بتريقه: اقول كأنه جو لندن ماجا على هوا ناس
العنود: تقولي فيها.. شوفي شكلهم كيف دايخ
نوف: اقول العنود ايش رايك نرجع السعوديه ونرحم ناس
العنود: هههههههههههههه عني انا مستعده بس خلينا ناخذ راي ناس
ليال بتعب: صدقوني انا قلت اني بلف الليله لندن بكبرها.. بس من صدق تجري الرياح
ناصر: معلش ياروحي.. ترتاحي ونلف لندن بعدين
نوف: وليه العذاب هي ترتاح وانا الف معاك ياحلو
ليال: وانتي حاشره نفسك يعني
نوف: لا بس انا قلت الف بدالك وانتي انبسطي
ليال: حلوه هذي انتي تلفي وانا انبسط
لافي: هههههههههههههههه ارتاحي يبا وبعدين اعملي الي تبينه
ام ناصر: حبيبتي جوعانه
ليال: لا خالتي.. ماني حابه اكل
لافي: ليه يبا
ليال: شبعت من اكل الطياره
العنود: أي اكل الطياره الي شبعك ذا.. هذا مايشبع العصفور
ناصر: يعني انتي جعانه يعني!!
العنود: ومحسب اني بنتظر زوجتك لحد ماتصحى واكل معاها.. انا اكلت من اول ما وصلت.
ليال: عليكي بالعافيه يا عمري
العنود: يعافيكي ياروحي.. اقول امي طلبت من الطباخ يعمل كم اكله كذا على مزاجك.. وحنا جالسين نستنا الاميره النائمه لحد ماتصحى
ليال: نستنى؟ مين يستنى
العنود باستغراب: كلنا
ليال: هم اكلو شي يعني ولا بس انتي
العنود: لا بس انا
ليال: ودامك اكلتي ليه حاشره نفسك بين الجياع
العنود: هههههههههههههههههههه عشان انا لسا جعانه
نوف: اعوذو بالله.. هذي اذا ما لقت شي تاكله.. بيجي يوم بتاكلنا كلنا
لافي: قومو شوفو الخدم جهزو السفره بلا كثر حكي
العنود: حاضر
لافي: نوف
نوف: سم بابا
لافي: نادي عبير.. وقولي لها بابا يقول بتقعدي مع الكل دام الكل مجتمع
نوف: حاضر بابا
العنود: السفره جاهزه ياحلوين
قمت مع ناصر وهو ساندني.. جلست على الكرسي وانا لسا دايخه.. كنت اشوف انواع الاكل الانجليزي قدامي.. احس اني قارفه منه.. كان ودي اقوم.. خفت انه احد يجبرني اقعد.. بس كان ودي اقوم.. لما ابتدو يغرفو وياكلو كنت حاسه غصب علي اني ابي افرغ الي ببطني منظرهم كان مقرف.. ناصر غرف لي من الاكل وخلى الصحن قدامي.. فزيت من مكاني ورحت لحد المغسله وفرغت الي ببطني.. حسيت بالام تقطع بطني.. كنت اصرخ من المي.. وقتها حسيت روحي بتطلع.. شفت الدنيا سوده قدامي غمضت عيني وارتحت.

&&&&&&&&&&&&&&&&&&&&

- معقوله لافي سمم ليال
- ليه يكرهها كل هالكره.. بس هو يكرهها ولا هي واهمه
- ايش بيحصل لابطال القصه اذا ماتت ليال
- ليال ماتت صدق؟!!

احداث جديده ومثيره
تابعوني


انتظر ردودكم ياعسل


مع تحياتي اختكم .. دانة الحمادي



أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1