غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-08-2008, 10:30 PM
:) يمقن انآ يمقن لآ !! :) يمقن انآ يمقن لآ !! غير متصل
عضو موقوف من الإداره
 
ما على الدنيا عتب كل ما فيها أماني / الكاتبة : جوهرة قطر ، كاملة


الـسلام عـــليكم ورحمه الله بركـــــاته

كيفكم

انا اليوم جبت لكم روااعه طبعا منقوله للكاتبه ((جوهره قطر))

انا قريتها وعجبتني أتمنى تعجبكم


مسيتــمـ خيـراً \ اصبحتمـ خيـراً


فآصل مع [ نزآر قبآني ......




✿¦|[ تلومني الـ دنيآ |~


تلومني الدنيا إذا أحببتهُ

كأنني.. أنا خلقتُ الحبَّ واخترعتُهُ

كأنني أنا على خدودِ الوردِ قد رسمتهُ

كأنني أنا التي..

للطيرِ في السماءِ قد علّمتهُ

وفي حقولِ القمحِ قد زرعتهُ

وفي مياهِ البحرِ قد ذوّبتهُ..

كأنني.. أنا التي

كالقمرِ الجميلِ في السماءِ..

قد علّقتُه..

تلومُني الدنيا إذا..

سمّيتُ منْ أحبُّ.. أو ذكرتُهُ..

كأنني أنا الهوى..

وأمُّهُ.. وأختُهُ..



هذا الهوى الذي أتى..

من حيثُ ما انتظرتهُ

مختلفٌ عن كلِّ ما عرفتهُ

مختلفٌ عن كلِّ ما قرأتهُ

وكلِّ ما سمعتهُ

لو كنتُ أدري أنهُ..

نوعٌ منَ الإدمانِ.. ما أدمنتهُ

لو كنتُ أدري أنهُ..

بابٌ كثيرُ الريحِ.. ما فتحتهُ

لو كنتُ أدري أنهُ..

عودٌ من الكبريتِ.. ما أشعلتهُ

هذا الهوى.. أعنفُ حبٍّ عشتهُ

فليتني حينَ أتاني فاتحاً

يديهِ لي.. رددْتُهُ

وليتني من قبلِ أن يقتلَني.. قتلتُهُ..



هذا الهوى الذي أراهُ في الليلِ..

على ستائري..

أراهُ.. في ثوبي..

وفي عطري.. وفي أساوري

أراهُ.. مرسوماً على وجهِ يدي..

أراهُ منقوشاً على مشاعري

لو أخبروني أنهُ

طفلٌ كثيرُ اللهوِ والضوضاءِ ما أدخلتهُ

وأنهُ سيكسرُ الزجاجَ في قلبي لما تركتهُ

لو أخبروني أنهُ..

سيضرمُ النيرانَ في دقائقٍ

ويقلبُ الأشياءَ في دقائقٍ

ويصبغُ الجدرانَ بالأحمرِ والأزرقِ في دقائقٍ

لكنتُ قد طردتهُ..



يا أيّها الغالي الذي..

أرضيتُ عني الله.. إذْ أحببتهُ

هذا الهوى أجملُ حبٍّ عشتُهُ

أروعُ حبٍّ عشتهُ

فليتني حينَ أتاني زائراً

بالوردِ قد طوّقتهُ..

وليتني حينَ أتاني باكياً

فتحتُ أبوابي لهُ.. وبستهُ







[ روآيتــي ] ✿¦|[مآ على الـ دنيآ عتب كل مآفيهآ أمآني |~



الأولـى نـشراَ .. الأولى كتآبـةً ..


ربمآ الاخيـرهـ . . فـ أنا بـ حآجهـ إلى تشجيع لـ كتآبة أخرى ولـ تكملت هذهـ



كآتبة الـ روآيهـ [ .. جوهرة قطـر .. بين الـ 15 و الـ 18 سنهـ .. ]

.. , تمنيآتي أن تحوز الـ قصهـ على رضآكـمـ , ..

ربمآ تلآحظون بعض الأخطآء . . \ فأنا بـ حآجهـ ان توضحوهآ لي ..

انتقآدآتكمـ \ آمل أن أرآها بعد الـ فصل الـ ثآلث ..




لـكـــ [ حبـي .. تقديري .. احترآمي ] ـــمـ

الجزء الأول \ 10:20م .. 15 \ 12 \ 007


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-08-2008, 10:33 PM
:) يمقن انآ يمقن لآ !! :) يمقن انآ يمقن لآ !! غير متصل
عضو موقوف من الإداره
 
الافتراضي رد : ✿¦|[مآ على الـ دنيآ عتب كل مآفيهآ أمآني |~ << رووعـه للكاتبه جوهره قطر


~ [ الـ جزء الأول . . الـ فصل الأول ] ~

:





" يلا ياعيال ماخلصتـوا..؟

" يلا يلا خالصين احنا.. بس لاتنسى تقول حق مبارك لايتأخر ع البيت.. قبل العشر يكون في البيت

اتصلت حق ولدي مبارك وقلت له كـ عادتي يومياَ || لاتتأخر ع البيت يبا .. قبل العشر ابيك فـ البيت

طلعت انا ومرتي مريم وبناتي نوف والجازي ورحنا نتمشى بما انه اليوم الخميس وبكرهـ إجازه عندنا

...

الجازي || امممم ها يبا شرايك.؟

أنا || كيفكم اللي تبوونهـ

وصلنا المطعم اللي نبيه .. بس لحظه جني نسيت شي .. اممم ايه البووك مالي نسيته شكلي بس اشوى بطاقتي مالت البنك موجوده فـ السيآرهـ
قلت حق مريم || انتوا نزلوا وانا باروح البنك باسحب وباييكم

مريم || صل ع النبي يا بومبارك انا عندي مافي فرق

أنا || لالا والله انا عازمكم انا اللي ادفع يعني

مريم|| وييي مافي فرق الجيب وااحد


بعد ماحلفت اني انا ادفع .. نزلتهم المطعم وانا رحت البنك اسحب
تميت أدور فـ أدراج السياره وورى وجدام وفي السيتات
رفعت رااسي


آآآآآآآآآآآآآآآآآآآآآآآآآآهـ
وصوت الهراانه


دخل بو مبارك تحت شاااااحنه كبييييييييييييرة


تجمعوا كل الناس حولييه واللي يتصل بالشرطة والاسعااااف

تجمعوووا وصااار زحمه ع الحادث

..



مريم || تأخر ابوووكم قال بيروح البنك وبييي

الجازي || اي والله يما تاخر

قطع كلامنا صوت جوالي اللي يرن

.. || السلام عليكم

مريم || عليكم السلام والرحمه .. من ؟

.. || مستشفى حمد .. < وقال لنا ع الحادث <

مريم || شنوووو... شلوووون..!؟ وطاحت السمااعه من يدها وهي تصيييح وتركض بهسترية ماتدري وين ترووح


قلت وانا متخرعه على امي|| يمااااا شفيييج يمااااا وخذت السماعه وقال لهم ورااحوا بسرررعه ع المستشفى بـ taxi


..في المستشفى..

كنت أصيح بداخلي أحاول أقنع نفسي انه أبوي مافيه شي وأنا أهدي أمي || يماا خلااص الله يهديييج ابوي مافيه الا الخير ان شالله وبيقووم لنا بالسلامهـ


الجازي || يماا خلاص الله يخليج قطعتي قلبي

طلع الدكتووور وعلى ويهـا علاماات الحزن

قمنـــاا بسرررعه واحنا ندعي بقلبنـاا ان شالله خير



امي وهي تصيح|| ها دكتوور شفيه نايف..؟
الجازي || دكتووور الله يخليك شفيييهـ أبوي ؟؟
وأنا ماتكلمت ولا كلمهـ انتظر الدكتور يجآوب على تساؤلاتنـا

الدكتور || .. البأيه فـ حياتكوو


كان الخبر قوووي بالحيييل علييينااا .. شلون نتخيل حياتنا من غير أبوي ؟؟ من يودينا المستشفى غير أبوي ؟ من يقول لي قومي حبي راس أمج اذا زعلتها فـ شي ؟؟؟ من اللي يطلعنا ؟؟ من يودينا المدرسه ؟؟


كنت انا الوحيده اللي أصيح بـ هدوء عكس الجازي وأمي ..


وصل الخبر حق كل الأهل والمعآرف

حسآفه .. بيتنا اللي الكل يحسدهـ على الفرح اللي يعمه
واليوم الحزن كلهـ فـ بيتنا
استغفر الله العظيم انا شـ قاعددهـ أقول .. الأعمآر بـ يد الله .. وكل نفس ذآئقة الموت

..
فـ الميلس .. كان مليان من الرجال مختلف الأعمآر والجنسيآت

..

بوناصر .. أعرفكم عليه .. هو يصير عمي .. معروف انه شرري وقشر ونفسه فـ خشمه ( السموحه يمكن الكلمات شوي قويه عليكم لوولز ) المهم .. عمي الله يسلمكم أصغر من أبوي الله يرحمه بـ 3 سنين .. عنده بنت وو3صبيان عمرنا ماشفناهم الا وأحنا صغار جدي الله يرحمه كان مسوي عزيمه وعازمنا كلنااا .. ومن بعد ماتوفى ماشفنا حد منهم .. المهم هذي سالفه طويله بتعرفونها بعدين .. وهو اليوم ياي عزى أبوي الله يرحمه ويسكنه الجنه ان شالله .. مااكذب عليكم ماعرفته أول شي الا لين هو ماعرفني بـ نفسه .. المهم يلا نكمل

عمي || يدنا انكسرت من كثر السلامات والله

طالعت عمي بـ نظرهـ حتى أنا ماعرفت معناها


..


مرت سنه وشهور على فقدان الغآلي .. كانت أيام صعبه علينـاا .. كنا عايشين حزن × حزن .. أبونا كان بـ النسبه لنا كل شي


أمي || الجازي .. يماا اتصلي حق أخوج أكيد حطوا أسآمي اللي بيطرشونهم حق البعثآت الخارجيهـ

ردت الجازي بـ فرح || ايييييييه يماااا ذكرتييييييني والله مادري شلون راح عن بالي هـ الشي

اتصلت حق مبارك أخوي وأنا متشققه حدي وأدعي فـ قلبي .. يآآآرب أسمي معآآهم ..


رد علي مبارك وهو شكله عايف الدنيا || هلاا الجازي

أنا || أهلييييين بو صبآح .. مبارك بو صبآح صح .؟

مبارك بـ ضحكهـ صغيره || هههههه ايييه .. ها زين شتبين ؟
أنا || ههههههه .. ماعليك أمر ييب لي الجريدهـ ويآآك
مبآرك || أي جريدهـ ؟
أنا || امممم عشان تسهل المهمه .. ييبهم كلهمـ ..
مبآرك || أيييييه اليوم بيحطون أسامي اللـ ..
ماكملت كلآمي الا الجازي تكمل || اييه اييه مال البعثااات وااااو مستاااانسه بروووك
مبآرك || ههههههه مالت عليج انزين يلا يلا بااي

أنا || باااي ياقلبوووو لا تنسى الجراايد

ماسمعت رده لأنه أصلاَ سد التلفون فـ ويهي كيكيكيكي
..

[.. فـ بيت بو نآصر ..]


قطيت الجريدهـ من يدي بـ عصبيهـ || الجاااازي نآآيف ؟؟؟ أنااا أراااوييكم يا عيآآل مريم .. على بالكم بتآخذون رآحتكم من بعد مامات أبووكمـ

أم نآصـر || خيير خيير شـ صآير ؟؟
بوناصر || قووولي شمااصااار.. بنت مريم الشيخه الجازي اسمها مع البعثاات الخارجيه

أم نآصر || انزيين وإذا يعني ؟


طلعت من البيت وأنا أزفر من العصبيهـ متجهـ لـ بيت أخوي المرحومـ وأنا حآط فـ بآلي مليون فكرهـ شينهـ أسويها لهمـ

..

خالد || برووكـ أقعد ياخي ملل .. بعد شوي بنروح الستي

قلت وأنا نعساان || لا واللهـ تعبآن أي ستي أي خرآبيط خلها بكرهـ

خالد || أفف منك ديآآيه ترقد من السآعه 8

أشرت بحركة ( كيفي ) وأنا أطلع له لسآني بعبط .. وأنا دآخل البيت سمعت حد ينآديني .. مب صوت خالد رفيجي .. لا صوت شخص غير .. ايييه طلع عمي .. اعوذ بالله .. الله يستر

عمي || لا تطآلعني جذيه .. أفتح البااب بـ سرعه
فتحت له الباب وسألته شـ تشرب .. رد وقال لي مب ياي أشرب .. قلت فـ قلبي أحسن توفر .. رحت ناديت الوالده لأنه طلبها وأنا رحت غرفتي ورقدت .. مالي نفس أقعد وأسمع هرج عمي ..

أمي || ياهلا بو نآصر .. حياللهـ من زآرنا

عمي || سمعييني يامريم .. لاتفكرون من بعد وفآة نآيف بتأخذون راحتكم .. الجازي بتيي تقعد عندي من اليووووم فاهمييين ؟؟

أمي || شنووو ؟؟؟ وبيت أبووهاا شفييه ؟؟ مكفيهاا ويكفي غيييرها .. ماكله وشآربه وعآيشه أحسن عيشه الحمدللهـ .. الجازي بتم عندي وأنا اللي باربيها وو ..
قاطعها عمي وقآل : أنتي لو تعرفين تربينهاا جآآن ماحطيتوا أسمها مع البعثآآت الخآآرجيه ؟؟؟ شنو ماوراها واالي البنت ؟؟
تمت تتكلم أمي وتقنع فيه .. لكن بدون فايدهـ رآآح فووق وتم ينآآدي على الجاازي ..
عمي || الجااااااااااااااازي

نزلنا من ع الدري أنا ونوف وأحنا نركض ومتخرعيين

نوف || عـ عمي

الجآزي || هـ هللاا هـ لا عمي .. خير شـ صآير ؟


:


.. نهآية الـ فصل الأول ..


فـ انتضآر آرآئكـمـ فـ البدآيهـ



أبي توقعاتكم عشان اكملها ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-08-2008, 09:04 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: مآ على الدنيآ عتب كل مآفيهآ أمآني روعه / روايه للكاتبه جوهره قطر


~

الله يعطيك العافيه
روايه رائعه
موفقه ان شاء الله

~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-11-2010, 11:13 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ما على الدنيا عتب كل مافيها أماني / للكاتبة : جوهره قطر


الـ جزء الأول . . الـ فصل الثآني ] ~
:


نزلنا من ع الدري أنا ونوف وأحنا نركض ومتخرعيين
نوف || عـ عمي
الجآزي || هـ هللاا هـ لا عمي .. خير شـ صآير ؟
عمي || أي خير من ورا ويهج ؟
بصرااحه ماقدرت أستحمل هـ الكلمه اللي قالها عمي .. لأنه عمي بـ النسبه لنا غريب .. مانشوووفه الا وقت المصايب الله يكافينا الشـر
دزني من كتفي وقال || ذلفــــــــي فووووووق بسررررعه وييبي أغرآآآظج .. من يوم ورآآيح أنتي بتميين عندي فـ البيت

تميت أصييح من قلبي يمكن دمووعي تسآآعدني .. || لاااااااااااا يمااااا قووووولي له .. لاا يماااا مااابي أعييييش عنده .. أنا شسوييييت يماااا .. ؟؟؟ ماااااااااابي مااابي قوووولي له أبي أقعد عندكم
أمي وهي تصيح وحاضنتني بحضنها || حراااام عليييك يابوونااااصر .. واللي يخلييلك عيااالك .. خل لي بنتــــي .. مب كفآآيه اللي صاار لنا مب كفااايه؟؟

سحبني من شعري بكل قوته حسيت وقتها أنه كل شعري صار بكف يدهـ وركبني السيآآره ... عمري ماشفت انسان بـ هالقسآآوه .. معقووله في نآآس جذيه ؟؟
حسيت أنه وصلنا بيت عمي العزيز أقصد الشري بسرعه لأنه كاان يسرع من قلب .. وأنا مازلت أمسح دمووعي
عمي || دخلــــي بسررررعه

دخلت البيت وأنا أشهق من الصيآآح .. وتميت واقفهـ عـند باب الصآلهـ
عمي وهو يدزني || دخلي دااااخل ماتفهمييييين .؟؟
وقفوا كلهم مصدومين من وقفتي وصيآآحي وأنا أترجى عمي
سيف || ليش تصيح يباا ؟؟
مارد عليه عمي بس أكتفى وهو يطالع مرته ويقول لها || ساااره .. من اليوم ورآآآيح .. الجازي بتعييش عندناا .. مافي طلعه وتاخذ راحتها نفس ماكانت عند الشيخه أمهااا .. فاااهمه ؟
وألتفت على بنته غرور || قوولي حق الخدم يجهزوون لهـاا غرفة فوووق .. وأنتي ( التفت لي هـ المره ) رووحي وراا غرور خلهاا تدلييج غرفتج اللي بتقعدين فيهاا

قلت له وأنا ميته من الصيآآح وأترجااه || تكفـــــــى عمــي ودني عند أمي .. مااااابي أقعد عندكم ( وزادت شهقاتي ) ماااابي ودووني عند أمي ودووووووني
عمي || تبيني أوديج عند أمج وتآخذين راااحتج .. لا يااحبيبتي .. أنا اللي باربيج عدل .. الظاهر أخوي ومرته ماعرفوا يربونج عدل
أنا || أبووووي وأمي ربوووووني أحسسسن تربيـــــهـ مب انـ ..
ماكملت كلآآمي الا حسييت بحراااره على خدي اليمين .. عمري ماتوقعت حد يمد يده علي ..

عمي بصوت مرتفع || جـــــــــــــــــــــب ... قووووومي عن ويييييهي لا يكون يووووومج اليوم على يدي .. قووووومي ولا عااد أشوفج نازله من غرفتج
رحت الغرفه اللي بقعد فيها للأسف .. وحسيت انه الدمووع جفـــت من عيني .. أو تخبي للأيآآم البآقيـهـ

..

.. فـ الليل الكل كان ناايم ألاا أناا .. ماياني نووم كلــش .. لأن المكآن متغير علي ..

سمعت صوت الباب يطق قلت || نعم مب الباااب مفتووووح تقدرون تدخلون بـ أي وقت
علي || ممكن ادخل
لبست شيلتي وعدلت قعدتي .. اففف من يكون هذاا بعد .. ليكون نفس عمي شريير ويضربني
أنا || نعــم بغيت شي ؟
رد علي علي وهو يضحك || بل شووي شووي لاتاكلييني
تفشلت وبنفس الوقت عصبت شفيه هذا على طوول قط الميانه وقعد يضحك || لا مب قصدي
علي || انزين ممكن اتيين الصاله شوي ..
أنا || شتبووون تسووون بعد ..! ضررب وضربتوووني .. قلبي وقطعتوووه وبعدتوني عن امي .. ( تميت اصيح من قلب وانا اتذكر الموقف ) شتبوون تسوون بعد شتبوون ؟
علي || الجازي أنا دريت بكل شي صاار وأنتي لازم تستسلمين للأمر الوااقع .. أبوي دووم طبعه جذييه .. مايهمه الا انهـ يمشي كلمتهـ ع الجميع
تميت سآآكته وأنا أحاول أهدي نفسي .. افف يـ الأحرااج أول مرهـ أصيح جدام حد ..

علي || زيين مسحي دمووعج .. اممم الخداامه قالت لي انج ماتعشيتي صح ؟
قلت له بـ ملل || ماأشتهي ماأشتهي

علي || انزيين عشاان خاطر ولد عمج الصغير هههههـ
أنا || خلاااص علي قلت لك ماأشتهي

علي بضحكة فشيلهـ || هههههـ اوكي اوكي .. بـس همم.. خلااص أخلييج على راااحتج
أنا || هههه مب قصدي والله .. اممم شكنت بتقول توك
علي || ولا شي .. بس كنت أبي أكلمج عن نفسي .. أعرفج على ولد عمج يعني ( وهو يطالع فوق ) أحمـ أحم .. زيين تعااالي الصاله انطرج ..
لبست شيلتي وطلعت الصاله .. كان البيت هاادي الكل ناايم .. أدري قعدتي مع علي بروحنا غلط .. بس شاسوي والله متضاايقه حدي ..
..
تمينا نسولف عن أمور متفرقهـ وسوالف مع سوالف
حبيت ألطف الجو شوي وأحط فيه شوية فرفشهـ دامها متضآيقهـ || احم احم يلا باقول لج .. أنا علي ووو .. عااد قولي عاشت الأسامي ؟
الجآزي || ههههههه زين عااشت الأساامي ..
أنا || اممم عاشت أيامج .. عمري 25 سنهـ أشتغل فـ الشرطهـ و امممم وبــــس

الجآزي || اهــاا العمر كله ان شاللهـ
أنا بـ ابتسآمه || انزين أنتي ماكلمتيني عن نفسج ..
الجآزي || أنا وأعوذ بـ الله من كلمة أنا .. الجازي بنت أمي وأبوي
ههههه بصرآآحهـ ضحكت على أسلوبهاا .. كنت متوقع أنها ثقيلة دم خخخ
أنا || اممم زيين وبعد ..
الجآزي || عمري 19 سنهـ .. كانوا مطرشيني بعثهـ خارجيه .. بس للأسف .. مب كل شي يتمناه الأنسآن يصير .. ( رفعت كتفي بـ تفكير ) وبــس
أنا || هااا كم قلتي عمــرج ؟ 19 ؟ صج والله .. ؟ هههههههههههههههههههاااااااااي

أستغربت منهـ .. بسرعه قط الميآنه ويآآي .. لا وقعد يتطنز علي بعد || أنزين ليش تضحك ؟
خخخ ماتتصورون أنواع الأحرااج والألوآآن اللي بانت على ويهه وقال بـ ترقيعه || ها .. لا بس يحليلج صغيرهـ .. كنت حاط فـ بالي أنج امممـ ( بصراحه كنت أدور لي على جذبه وقلت لها ) كنت مفكر انج فـ العشريناات ..

كانت فيني الضحكه بس مسكتها وقلت له || ليش يبين أني كبيره ؟
علي || لاا بـ العكس .. عمرج مناسب على شكلج
هزيت رآسي أوني متفهمهـ كلآمه || اممم .. زين ماعندكم جهاز كمبيوتر ؟
علي || أمبلهـ .. تبيني أييب لج أيااهـ ؟
قلت له بـ جواب سرييع || لا لا لا مشكووور .. ( بيني وبينكم ماكنت أبي الجهاز .. بس كنت أبي أغير الموضوع ) ..
علي || اووكي كيفــج .. أنا طالع الحين .. تبين شي ؟
أنا || لا مشكور
علي || قوولي لا تستحين أنا مثل أخوج الصغير
أنا || هههههههههههه لا والله ؟ .. مشكور ماتقصر
علي || ولوو خيتووو .. اللي بدك أيااه رااح جيبوو لك ( وغير من اللبناني للهجته ) ايه على فكره .. مبارك بييج بكره الصبح

واااااو حسيت اني متشققه .. فديتك برووك والله وحشتني صج انه ماكملت يومين من يوم مافارقتكم بس وحشتوني والله اهئ .. قلت له برد سريع || جذااااااب ؟؟
علي وهو رافع حاجبه|| نعم ؟؟ ليكون صدقتي أني أخوج الصغير ؟؟

أنا || هههههههههههههههه سوووري
علي || هييههي جب يلاا .. صج يهال ماينعطون ويه .. يلا سي يو
طلع ولد عمي من البيت وأنا رحت غرفتي ورقدت على طوول .. الظاهر هذرت علي خدرتني خخخ مسكين بس سوالفه ماتنمل والله .. فهمتووني غلط صح ؟؟ هع هع أعرف شـ تفكيركم .. هيع هيع هيع بس لاتخافون مب اللي فـ بالكم

..
في بيت بومبآرك اللهـ يرحمهـ
أنا || يماا فديتج خلاااص لين متى بتمين تصيحين .. ماراح تقعد عند حد غريب هي ..

أمي || مااقدر مااقدر ياانووف .. هذي الجازي شلون تهنالي نومه ولا أقدر أرتااح من غير ماأشوفها احذاي ؟
سويت نفسي زعلانهـ || اهئ اهئ .. شدعوهـ ماماتي وأنا وين رحت ( وتميت أنادي مبارك ) تعاال تعاال شووف أمي شـ تقول عن الجازي .. وأحنا ( عويت بوزي نفس المصريين ههه ) وأحنا ولااا شي ..
مبارك || أفـــااا صج يمــــــاا ؟؟
أمي وهي مبتسمه وتمسح بقايا دموعها || بس عااد نوويف عن هـ الكلآم المااصخ

مبارك || ماصخ ؟ حطو عليه ملح هههههاااي
طالعتهـ بنص عين || ياشين الملااغه عااد
..
طلعت الصبح متجهـ لأحدى شركات قطر اللي أشتغل فيهـاا وأستئذنت من الشغل .. عشان أمر بيت عمي ووأودي الأغراض اللي أمي موصيتني أعطيهم الجازي
وصلت بيتهم وتميت وااقف عند الباب أنطر حد يفتح لي الباب ..
دقايق الا علي فاتح لي الباب وهو بـ لبس الشرطه اللي عليه .. شكله رايح الدواام ..
سلمت عليه وطلبت منه أني أشوف الجازي .. قال حق الخدامه انهـا تنادي الجازي من غرفتها فوق .. وهو أستأذن لأنه راايح الدواام ..
الجآزي بفرح || بروووووك .. وييينكم أنتوواا ؟؟ شخبآرك وشخبآر أمي ؟؟ نوفووه فديتهاا شخبآآآآرهــــاا ؟؟

أنا وأنا أحاول أرتب الأجوبه على أسألتها || لحظه لحظه .. أمي بخير .. أنا بخير .. نوفوه العله بخير ..
ظربته على كتفه بـ الخفيف || يـ العلهـ لاتقول عنها عله ماارضى عليهااا ..
أنا || هههه انزين ماأوصيج ديري بالج على عمرج .. وحاولي ماتحتكيين بعمي واايد زين ؟
الجآزي بـ ابتسآمهـ || ان شاللهـ .. امحق عــــم بس
أنا || هههههه عييب يـ العلهـ .. ( وأنا أطالع الأغراض اللي فـ يدي ) زيين هااج هـ الأغرااض .. فيها كل شي تحتاجينهـ .. أمي خذت كل شي فـ غرفتج شكلها وحطته فـ هـ الأكياس خخخخ
الجازي || هههههـ فديتهــاا .. ثآآآآآآآآآنكس ( وعطتني بوسه على خدي .. أسمي هـ البوسه بوسة مصلحه ههههه )

أنا || اوكي أخليج أنا قبل لا يجي عمي ومرتهـ النسرهـ .. تركب هـ الألقاب عليهم صح ؟
الجآزي || ههههههههـ رااكبه من قلب بعد

أبتسمت لهـا وأنا طالع من البيت || باااي ديري بالج على عمرج
ورد لي جنه تذكر شي || اي نسيت أقول لج .. جوالج ولابتوبج خشيهم فـ غرفتج .. لاتخلين حد يشوفهم اوكي ؟
الجآزي || ان شاللهـ .. سلم على أمي ( شكله ماسمعني لأنه كان طالع .. يلا مره ثانيه ان شاللهـ )


مروا تقريباَ شهرين ونص وأنا فـ بيت عمي ومابين فترهـ وفترهـ كان مبارك ونوف يزوروني وأنا أحياناَ أروح لهمـ طبعاَ قبل ماآخذ أذن عمي وعمي ياخذ أذن من مرته لووولز
كنت أحاول أني ماأحتك فيهم واايد ..

.. فـ الصالهـ .. كنا قاعدين أنا وغرور الملغهـ اففف كانت تقهرني بـ صرااحه بـ أسلوبهاا الجااف والسووقي بـ معنى أوضح ..
غرور || أنتي بسج من هـ المجلات والكتب .. مسويهـ فيها مثقفه يعني ؟

بصرآحهـ ماكنت أسمعها شـ كانت تقول لأني كنت مندمجهـ حيل بـ المجلهـ اللي أقراهـا
غرور بصوت عالي شوي || هــــــي أكلمج أنــــااا شنو صمخهـ ؟؟
نقزت من مكآني من صرختهـا || هااا .. يمااا خرعتيييني .. لا مب صمخه أسمعــج زييين ؟؟؟

غرور من غير نفس || نزلي تحت حطوا الغداا .. وإذا ماتبين توفرين ..
أنـا || لاا ماابي .. شبعاانه توني متريقه تغدوا أنتوا

طلعت غرور وهي تتكلم بـ صوت واطي .. || سهر بـ الليل وتقوم الظهـر .. وكله زحير فـ الأكل .. اكيد بتشبعين .. ( بس أنا معروف عني .. انه حاسة السمع عندي قووويـــهـ ههه يعني ياويله اللي بيحش فيني )
سمعتهـا وسفهت لهـاا .. لأني تعودت على أسلوبهـا
..


الـ جزء الثآني . . الـ فصل الأول ] ~
:


الجازي } ..
من الملل اللي فيني كنت كلهـ أشبك ع النت .. وأدخل الشاات وأستعبط عليهمـ وأطلع .. وهذي حالتي كل يوم ..
كنت دوم أدخل بـ نك عبطـ .. اللي هو ( نمله مبرقعه ) هههههـ حلو النك صح ؟
كان في واحد نكهـ ( فهوودي ).. يايني ع الخاص .. قلت يلاا نقط عليه كم صااروخ ونستعبط ونطلع ..


[ فهودي ]
السلآم عليكمـ
[ نملهـ مبرقعهـ ]
عليكم السلآم

[ فهودي ]
شخبآرج ؟
[ نملهـ مبرقعهـ ]
الحمدلله..وانت..؟
[ فهودي ]
دووم .. أنا الحمدللهـ بخيـر

( كنت يومياَ أدخل الشات وألقاهـ موجود بس مايسالف مع حد .. وأول ماأدخل يسلم علي ويقول لي شخبارج ويسكت .. وبعدها يستأذن أنهـ بيطلع .. خخ تصدقوون أول مرهـ أشوف شاب بـ هالنوع فـ الشات .. أغلبيتهم أول ماأكلمهم يقولون لي عطيني أيميلج .. هع هع بس أفاا عليكم ولا حد أعطيهـ ايميلي .. ان كان
بنت ولا ولد .. أصلاَ الشات عندي مجرد تسليه .. ماأوثق فـ ولا حد .. ماكنت مكونه لي صداقات فـ الشات .. كنت عبط × عبط )


بعد أسبوع وأحنا بس هاي حالتنـاا .. يدخل كل يوم يسلم ويقول لي شخبارج ويطلع ..
[ فهودي ]
السلآم عليكم
[ نملهـ مبرقعهـ ]
عليكم السلآم
[ فهودي ]
شخبآرج ؟
[ نملهـ مبرقعهـ ]
تمآم
[ فهودي ]
كم عمرج أنتي ؟

( على فكرهـ هذا ثاني سؤال يسألني أياه من بعد شخبارج )
[ نملهـ مبرقعهـ ]
شـ يهمك فـ عمري ؟
[ فهودي ]
مجرد سؤال
[ نملهـ مبرقعهـ ]

( قلت له عمر غير عن عمري بواايد خخخ )
عمري 23 سنهـ
[ فهودي ]
صج والله ؟ توقعتج أصغــــر
[ نملهـ مبرقعهـ ]
ليش ان شالله شااايفني ؟؟
[ فهودي ]

( بصراحهـ انحرجت لأنه تجاهل سؤالي وقال )
تشتغلين ولا فـ الجامعهـ ؟
[ نملهـ مبرقعهـ ]
أظن انهـ شي مايخصك صح ولا لا ؟
[ فهودي ]
^_^ صح

( خخخخ أحسن يستاهل فشلتهـ .. تم ساكت بعدهــاا عقب تكلم )
[ فهودي ]
اوكي ممكن أيميلج
[ نملهـ مبرقعهـ ]

هههههه كنت حاطهـ فـ بالي أنك غير شباب الشات لأنك ماطلبت أيميلي من أول مرهـ
[ فهودي ]
زين شـ الفرق يعني ماسنجر ولا شات ؟ اذا تمللتي مني وماودج تكلميني صكيني بلوك ودليت .. اوكي ؟
اتفقت معاهـ اني أضيفهـ .. ويتجاوز حدودهـ معاي .. نفس ماكان يكلمني فـ الشات يعني ..

[ فهودي ]
اوكي مشكورهـ ع الأضافهـ .. أنا طالع الحين بادخل فليل .. سي يو
مارديت عليهـ لأنه طلع ..

صكرت الماسنجر والجهاز بكبرهـ ونزلت تحت لأني مستأذنه من عمي أني اطلع اليوم مع مبارك ونوف
..

مبآرك || وين الجازي تأخرت ؟
نوف || باروح أناديهـا .. كاهي كاهي نزلت .. ( سلمت عليهـا وطلعنا كلنا متجهين للبحـر .. انا والجازي ومبارك وعلي اللي يوم شافنا طالعين مبارك اسحبه ويانا )


فـ السيارهـ كانوا مبارك وعلي مقومين العبط ومسوين تحدي من احلى صوت وهو يغني خخخ
مبارك || يارجااال أسكــــــت صووتك نشـــاااز
علي || عداااال يافيروووز ..

الجازي || لحظه لحظه وين مودينـاا أنتوا ؟؟
مبارك || الرومنســـي يبي يروح البحـر
نوف || واااو البحـــر وناااسه أبي أروح اتسبح فـ البحر
طالعني مبارك من المنظرهـ اللي جدام : خير ؟
..


اليوم الثاني فـ بيت بو ناصر

كنا كلنـا قاعدين حتى انا وياهمـ .. تمللت من قعدة الغرفهـ بروحي كل يوم ..
أم نآصر || قولي حق الخدامهـ تسوي شاي وقهَوهـ بيووني حريمـ اليوم .. مابيج تنزلين من غرفتج اذا يوني فاهمهـ ؟

قلت وأنا قايمهـ || ان شاللهـ
..
راحت الجازي المطبخ وأنا قعدت احذا أمي وأنا أكلمهـا بـ صوت واطي || يمـا حرآم عليج .. خفي عليهـا شوي .. معاملتج للخدم أهون ..

أمي || حرمة عليهـــاا عيشتهـــاا .. وبعدين مالك شغــل أنت فـ هالسوالف فاهم ؟ ..
قلت وأنا طالع || لا حول ولا قوة الا باللهـ .. يلا أنا طالع باي ..
..
رحت غرفتي وفتحت الابتوب وتميت أحوس وأحوس .. وييي نسيييت أقفل الباااب لحد يدخل علي ويشوف الابتوب .. قمت بسرعهـ وقفلت البآآب وفتحت المآسن يمكن الاقي حد أسولف ويآآهـ .. متمللهـ حدي
مافي حد اونلآين الا هذا اللي نكهـ فهودي .. كنت صآكتهـ بلوكـ بس اليوم فتحت البلوك لأن مالقيت حد من ربعي أسولف ويآهـ لووول


[ فهودي ]
السلام عليكم
[ نملهـ مبرقعهـ ]
عليك السلآم
[ فهودي ]
شخبآرج ؟ كنت حآط فـ بآلي انج صكيتيني بلوكـ .!

( هع هع مايدري مسكين اني توني شآيلهـ البلوك عنهـ ههههه )
[ نملهـ مبرقعهـ ]
الحمدلله بخير .. انت شخبآرك ؟ لاماصكيتك بلوك


[ فهودي ]
بخير بـ شوفتج
[ نملهـ مبرقعهـ ]
@@ متى شفتني ؟

( لآحظت أنهـ دومـ يتجآهل كلآمي إذا أستعبط.. هذي مب أول مرهـ يسويها فيني .. بس هيييين أنا أرآآويكـ .. )
[ نملهـ مبرقعهـ ]
كم عمرك أنت ؟


[ فهودي ]
أكبر منج بـ سنه

[ نملهـ مبرقعهـ ]
يعني عمرك 20 ؟

( أبييييييه .. نسيييت اني قآيلهـ له من قبل انهـ عمري 24 خخخ افف يـ الأحرااج خلني أرقع )
[ فهودي ]
ليش عمرج 19 أنتي ؟
[ نملهـ مبرقعهـ ]
ايه :$
[ فهودي ]
انا عمري 24 سنهـ .. مب 20 ..!
( حسيت انهـ قالها بـ أستخفآف لأنهـ درى أني أقص عليه لووول )

..
فـ الصآلهـ كنا أنا وأبوي قآعدين وأنا أحآول أقنع فيهـ

غرور || ها بابا شـ قلت ؟
أبوي || على شرط بس ؟
غرور || عنوووووني لك .. بس خلني أرووووح
أبوي || أخذي معآج الجآزي ولا مآفي روحهـ

..

.. { فهد

في الستي كنا انا وربعي حمد وخالد قاعدين فـ ستآربكس

حمد || اوووووب خلوود قمنــاا قمنــــااا شوف شوف هـ الغزالات اللي هناك
قاموا همـ بس انا ماقمت .. تموا يحنوون على رااسي لين ماقوموني معاهم
..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-11-2010, 11:16 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ما على الدنيا عتب كل مافيها أماني / للكاتبة : جوهره قطر


..{ الجازي


أنا || غرور أنا تعبت خلنا نقعد شوي عاد تعبنا من الدوارهـ بدون هدف .!
تجاهلت سؤالي وتمت تتكلمـ فـ التلفون بـ ميآعهـ || الوو .. هلآ متى بتيون تأخرتوا ؟
.. || أنا عند السينمـاا .. اي اي هاي أنتي .. انزين من هذي اللي معآج ؟

ألتفت على الجآزي وقلت || بنت عمي باعرفكم عليها بعدين يلا تعالي قبل لا يبدأ الفلم
وصلوا البنآت كلهمـ ووقفوا عند السينما يقطعون لهم تذآكر

غرور || بنآآت يـ العلهـ شوفوا شكثر شبآب ورآكم شمسوين لهم أنتوا ؟
منى .. هذي رفيجتنـاا وجات عشان خاطرنا ولا هي ماتحب طلعاتنا وسوالفنا وفرفشتنا || واللهـ مايستحون على ويههم وماتربوا
..
يوم دخلنآ السينما تمينا انا ومنى رفيجة غرور نسالف بصوت واطي لأنه الفلم اصلاَ بايخ مادري شحقه داخلينهـ
منى || أقول هذآ شفيه يطآآلع من مسآآع ,!


سويت نفسي اني ماكنت منتبهه عليه وقلت || من ؟
منى || هاي اللي إحذااج

أنا || يمكن معجب .! خخخخخ خله يولي بس
منى || ههههههههه
حصه || اففف سكتوا خلوناا نطآآلع الفلم عدل


بعد ماخلص الفلم طلعنا من السينماا وانا طبعاّ امشي شوي شوي مب متعوده ع الكعب ههههـ جان تعلق عبااتي في الكعب من وراا وانا احااول اسحب فيها لين ماطلعت .. اففف ماتتصورون الاحرااج شلون كااان وعقب كملت طريقي ولا جنه شي صار لواازم الفشيله
يوم شافتني غرور حبت تستخف دمها جدام الشباب اللي عند السينما || يزوووووووي حبيبتي يلاااا
قلت في قلبي والله مب لله تدلعيني .. الا يوم شفتي الشباب يامسودة الويه قمتي تتميعيين
غرور || بناات ماودكم نقعد في الكوفي احس تعبت من المشي
قلت عشان اكشف حركتهاا || الكوفي مليااان شبااااب عاادي عندج تقعدين فيه ؟
حسيت انها تفشلت وقالت || واحنا شعلينا من الشباااب ؟؟ كل مكان فيه شباب وين نقعد يعني .!

مريووم || يلاا يلاا امشواا ماعليناا منهم ..
كلهم تعمدوا انهم يقعدون على طاوله مقابل الشباب الا انا ومنى فهمنا شقصدهم من هالحركه ورحنا وقعدنا في طاولة بروحناا قريبه منهم وبعيده شوي عن الشباب

..
حمد || افففف عذبتني هذي شوفها شوفهاا ( ويأشر على مريووم )
خالد || لاا ويين شوف شوف هذي احلى .. بس صج اسم على مسمى
حمد وهو يرفع حاجبه || شعرفك بأسمهاا ليكون مضبط من ورانا .؟؟
خالد || توني اسمع هذي ( يقصد الجازي ) تقول لها غرور ..

فهد || شباااب يلاا مشييينـــــاا
خالد || لا والله مامشي الا لين ماأرقمهــم عدل
تمللنا من حنة فهوود يلا نطلع ويلا نطلع .. بس ماخلينه شي في خاطرنا اول ماقاموا البنات قمت انا وحمد وراهم على طول عشان نرقمهم .. وفهد قام عشان يروح الحمام ( اكرمكم الله )
..
منى || يلاا قوومي خلنا نقعد معاهم خلاص راحوا الشباب
الجازي || يلاا ..
اول ماقمت من الكرسي جان تعلق العبايه مره ثاانيه وطاااااااااااخ حسييت اني دعمت شي ابييييه لااا فشيله رفعت راااسي وانا اتحلف في منى ( توها تقول لي الشباب راحوا .. عيل هذاا من وين طلع ) بعدت شوي عنه وانا اعدل شيلتي وقلت || شنووو ماتشوووف أنت ؟؟!!


فهد وهو فااتح عينه ع الآخر .. الحين هذي اللي أقول عنها هاديه واحسن منهم من مساع || هاااا :| .. آسف أختي واللللهـ ماكاان قصدي ..!!!!
وعطيته زفه محترمه جداام ربعه .. يبي يستعبط علي .!! انا اعلمك شلون تستعبط مره ثانيه .. بس تصدقون كسر خااطري هااوشته هوااش هههه ادري انه ماكان قصده بس احسن يستاهل من مساع وهو يطالع فيني .. خله يتحمل
..

فهد ..}

حسييت اني بااااامووووت من هالموقف .. وانبطت جبدي مليوون مره اني قعدت اطالعها بس والله مب بيدي هي تجذب الواحد وتخليه غصب يطالعها .. بس والله ماااااكنت اقصد اني ادعمهاا ..

قلت لهم وانا ريلاكس ومسوي فيها تيك ات ايزي عشان ماابين لهم اني منحرج || يلااا يلاا تعباان وراي دوام بكره خلنا نمشي
خالد وهو ناقع ضحك علي وعلى شكلي .. بصراحه ماالومه والله شرشحتني وخلتني مااسوى بس يااخي افهمووني والله مب قصدي
..

بعد أيآآم ..

.. في بيت بوناصر .... ..
ام ناصر || متى
بو ناصر || مادري كيفكم .. متى تبون انتوا ؟

ناصر || انا مب جاي معاكم
بوناصر || يباا عندي أشغاال هـ الوقت
ام ناصر || خلاص على راحتك
بو ناصر || انزين وين تبوون تروحون عاد ؟
ام ناصر || والله باريس حلوه بس شرايكم نغير هالسنه من اوروبا .! ونروح ماليزيا

غرور || لا يماا خلنا نروح لندن احبهااااا
سيف || ايي ايي يباا لندن نبي ..
ام ناصر || خلاص اللي تبونهـ .. احجز لنا عيل ع الأسبوع الياي

..
نزلت الصاله واستغربت انهم كلهم متيمعين وهاي شي غريب طبعاَ


بوناصر || الجازي جهزي نفسج ع الاسبوووع اليااي بنسااافر
أنا || عـــ ع عمي انا مب يايه وياكم
وقف عمي وهو معصب .. اصلا متى ماكن مب معصب .! شااطر يطلع عضلاته علي انا بس خاطري اشوفه بس شلون يعصب على مرته || ليش ان شالله ؟؟ ناويه تقعدين بروحج في البيت .؟؟ ولا على بالج باوديج عند امج .. كلمه وحده هي .. بتروحين وغصب عنج

قلت وانا احترق في داخلي || انزيييييين
بصراحه تحسفت اني نزلت تحت اففف خلني ارد مكان ماييت ..


..
.. .... .. .. .. في بيت بو مبارك ..



..{ نوف


قلت وانا مستانسه || وااااو متى بنسااااافر ؟؟
رد علي مبارك || الحمدلله والشكر من وين طالعه انتي .!
انا || حكوا المصباح السحري وطلعت منه هههههااااي
مبارك|| حلفي عاد..؟ تدرين انج بايخه؟
انا || هههههههههـ ادري ادري والله اهئ اهئ>>تسوي نفسها زعلانه....انزين ماقلتوا لي من اللي بيسافر؟
امي || اختج الجازي بتروح مع بيت عمج لندن..
انا || اللللللللللله يااااحظهاا يماااا ...يمااا يمااا تكفييين خلنااا نرووح احنا بعد تكفيين يمااا
امي || وييي شيوديناا هناااك عند بلاد الكفاار ؟؟
انا || اهــــئ اهـــئ .. احنا شذنبنااا ابوناا يتزوج وحده بدوويه ؟؟
امي وهي معصبه || نوفووووه ووجع يوجع عدوينتس ان شالله الحين اصل امتس مب عاجبتس ؟!
مبارك || هههههههههههههههههههههه يمااا خاطري اعرف ليش اذا تعصبين تتكلمين بالاتس ..!!!
امي || مالت عليكم الحين مب عاجبكم ليش اني بدويه .! تلاايطواا يلاا عن وجهي يا عيال حليب النيدو
رحنا غرفتنا انا ومبارك واحنا ميتين من الضحك على امي ..
وكلمت الجازي اللي ماتبين عليها الوناسه كلش وانا اللي مب رايحه متشققه خخخ

...
.. .. اليوم الثاني .. ..

..{ الجازي


اففف طلعت غرور هالمليغه || باباتي يقول لج جهزتي ااغراضج ولا لا ؟
قلت وانا احاول اقلدها مع انه مايليق علي خخخ بس ابي اقهرها || لا والله ليحين ماجهزتهاا مب فاضيه كلش هالسفره احس مب يايه في وقتها

غرور || والله حمدي ربج بس .. انتي في بيت ابوج ولا عمرج حلمتي حتى حلم انج تسافرين لندن
رديت عليها وانا مقهوره منهاا || غرووور احترمي نفسج عااد ماله داعي هالكلاااام .

غرور || والله انا محترمه نفسي من قبل لااشووفج ...المهم ماابي اطووولها معااج وهي قصيرة .. جهزي ثياابج خلصينااا لان السفره بعد بااجر
.. سفهت لهاا ولا حتى طالعتهـاا مالت عليها مادري على شنو مغروره ... قطييييييعه

اففف يااربي شهالملل اللي عندهم والله في بيتنا احسن ع الاقل كله هواش مع نوفوه وبرووك ,, خلني اشبك النت احسن
.. دخلت اتصفح المنتديات اللي مشاركه فيهم .. وبعدها فتحت الماسن .. تميت اسالف مع ربعي عقب اكتشفت انه اللي نكه
اونلاين وماكلمني غررييبه دايماً اهو اللي يبدأ بالسلام .. خلني اكلمه اشووف ,, [ فهودي ]


{ ●بسآفر وأبتسمـ وأنسى همومي والحزن● }
السلام عليكم


{ ●بسآفر وأبتسمـ وأنسى همومي والحزن● }
قلنا السلام عليكم

{ ●بسآفر وأبتسمـ وأنسى همومي والحزن● }
انت هييي ليكوون مصدق نفسك وماترد بعد؟؟

[ فهودي ] سفهت لهـ ولا عطيته اي اهميه وتميت اسالف مع ربعي لين ماتمللت وقلت لهم اني باطلع من الماسن شوي الا رد


يما من رحلتي مابقى في قلبي نبض ـــــــــــــ || ~ ]
هلاا هلاا
يما من رحلتي مابقى في قلبي نبض ـــــــــــــ || ~ ]
سوووري كنت محد اسمحيييييييلي والله

{ ●بسآفر وأبتسمـ وأنسى همومي والحزن● }
انزين شتبيني اسوي يعني؟؟
[ تجاهل كلامي كالعاده وكمل ]
يما من رحلتي مابقى في قلبي نبض ـــــــــــــ || ~ ]
زين شخبارج ؟

{ ●بسآفر وأبتسمـ وأنسى همومي والحزن● }
الحمدلله بخير الحمدلله

يما من رحلتي مابقى في قلبي نبض ـــــــــــــ || ~ ]
تمااام الحمدللهـ
[ ههههه شفيه هاي يستخف دمه من سألك الحين .. خلني اسفه له نفس مايسوي لي ]


يما من رحلتي مابقى في قلبي نبض ـــــــــــــ || ~ ]
اذا ابي اناديج .. اناديج باي اسم ؟
{ ●بسآفر وأبتسمـ وأنسى همومي والحزن● }
اسمي مريم

يما من رحلتي مابقى في قلبي نبض ـــــــــــــ || ~ ]
اهاا ادري انه مب اسمج الحقيقي .. بس حلو انه الوحده ماتقول اسمها حق كل احد
{ ●بسآفر وأبتسمـ وأنسى همومي والحزن● }
زين انك تدري انه مب اسمي الحقيقي

يما من رحلتي مابقى في قلبي نبض ـــــــــــــ || ~ ]
حبيت اسلم عليج لاني مسافر بكره
[ آآآآآآآآه يالقهر .. شفتوا شلون دايماَ يسفه لي جنه الا انا ياهل عنده والله يبط الجبد كريييه >> اعصاابج يزوي ]


{ ●بسآفر وأبتسمـ وأنسى همومي والحزن● }
تروح وترد بالسلامه

يما من رحلتي مابقى في قلبي نبض ـــــــــــــ || ~ ]
مب فاقدتني؟
{ ●بسآفر وأبتسمـ وأنسى همومي والحزن● }
ومن متى العشرة عشان افقدك يعني؟
يما من رحلتي مابقى في قلبي نبض ـــــــــــــ || ~ ]
لااقصد مب فااقده الهوااش اللي كل يوم؟

{ ●بسآفر وأبتسمـ وأنسى همومي والحزن● }
ههههههههههههههههه الهواش يمكن

يما من رحلتي مابقى في قلبي نبض ـــــــــــــ || ~ ]
بس انا بافقدج..
{ ●بسآفر وأبتسمـ وأنسى همومي والحزن● }
ليش كم سنة بتقعد>>>تتطنز
يما من رحلتي مابقى في قلبي نبض ـــــــــــــ || ~ ]
بل تبين الفكه يمكن شهرين او 3شهووور اوو يمكن اقل من شهرين
{ ●بسآفر وأبتسمـ وأنسى همومي والحزن● }
اهااا..انا بعد بااجر مسااافره
يما من رحلتي مابقى في قلبي نبض ـــــــــــــ || ~ ]
تروحين وتردين بالسلامة .. بس ماقلتي لي وين بتروحين وكم يوم؟

{ ●بسآفر وأبتسمـ وأنسى همومي والحزن● }
باروووح لندن ويمكن اقعد شهر او اقل


يما من رحلتي مابقى في قلبي نبض ـــــــــــــ || ~ ]
واااو .. حتى انا باروح لندن معااي يعني ..!
{ ●بسآفر وأبتسمـ وأنسى همومي والحزن● }
اهاا اووكي.. يلا انا طالعه باروح ابرز ملابسي

..
اليوم الثاني ..
عمي || يلاااا خلصييينــــاا

قلت له وانا اركض ع الدري || ان شااالله عمـــي
واحنا في السياره تميت ادعي دعاء السفر من الحين لوول التفت عمي على مرته || مانسيتوا شي ؟؟
ام ناصر || لا لا مانسينا شي..

اول ماوصلناا المطاار نطت غرور من السياره تقولون جنه نيزك نازل من السماا || وااااااو وصلنااا ونااسه
علي || هييييي انتي فظحتينا استوي مرة عااد
غرور وهي مفتشلة || اففف انزييين
خخخخ احسن تستااهل تميت اضحك عليها في خاطري ..


ركبنا الطياره ولسوء الحظ كنت انا وغرور احذا بعص انا عند الدريشه وهي الصوب الثاني .. وورااناا وااحد مادري ليش حست انه يبط الجبد .. من اول ماركبناا وهو يطالع في غرور .. قطــــــع
مرت 3 ساعات واحنا في الطياره اففف تعبت .. اول مره اركب طيااره مااعرف شلون الاجواء فيهاا .. حسيت انه جاني نووم تغشيت وغمضت عيني ..
..
بدلت مع غرور الاماكن على قولتها ماتستحمل تقعد احذاها
اول مافتحت عينهاا تخرعت || انت متى ييت ؟؟؟؟؟؟؟


..
الـ جزء الثآني . . الـ فصل الثآني ] ~

:

..{ علي

انا || شدعوه ماشفتيني وأنا اطيير ؟ ههههههههه توني ياي وانتي في سابع نومهـ

الجازي || هههههه اقول علي كم باقي الحين ؟
قلت وانا اطالع ساعتي || اممم مابقى شي ربع ساعه بالكثير ان شالله

مرت ربع ساعه سريعه ووصلنا مطار بريطانيا ..
قلت وانا منبهره || واااااو مطاارهم روووووعه
علي || اييي فنااان .. نطري ماشفتي اللي هناك بعد ..


..

الجازي ... }

راح عمي وعلي عشان يخلصون كل شي .. ولقينا التاكسي اللي متفقين معاه وودانا الفندق .. كان صج صج فخــــم
كانوا عمي ومرته وانا وغرور ساكنين في شقه وحده عمي ومرته في غرفه .. وانا وغرور كل وحده لها غرفه .. احسن فكه .. والشقه الثانيه علي وسيف

رتبت اغرااضي وحطيت ثيابي في الكبت .. وخشيت الابتوب في الكبت تحت الثياب .. لبست بجامة بيت وحطيت تلفوني تحت المخده ونمت ..
اول ماقمت الصبح مالقيت حد قااعد .. سويت لي كوب حليب مع توست .. وكلته عقب رحت اشبك ع النت .. كان الواير لس سريييع واااو استانست عليه .. عقب صكرت الجهاز وتميت اطل من الدريشه .. تصدقون مب مصدقه اني في لندن .. كان حلمي اني اروح لندن .. اسمع كل الناس يتكلمون عنهاا .. صج روووعه .. بس برررررد موووووت مب قادره اتحمل ,, بس تصدقون احس اني ماراح استانس لاني مب مع امي ولا اخواني =( اهئ وحشووني واللهـ ..

قعدت اطالع الرايح والرااد .. احس حياتهم حلوووه واايد بسيطيين .. بس كنت دايما اسمع من رفيجتي انه لندن غاليه المعيشه عندهم .. ومره سألتهاا عيل شلون يلبسون ويكشخون >> هاي همناا ههه .. قالت لي انه الوحده عندهم .. البدله تتم عندها سنه ماتغيرها .. والسنه اليايه تشتري لها بدله الثانيه من كثر ماكل شي غالي عندهم.. تستغلهــــــااا عدل لين ماتنتهي صلاحيتهاا .. هههههـ ..
شوي الا سمعت صوتهم برع .. اكيد قاموا .. طلعت قعدت معاهم شوي .. الا قالوا انهم بيطلعون الحين .. بيروحون لندن آيز ماعرفت شنو هاي بس قلت يلاا ماردج بتعرفيين ..
رحت غرفتي ولبست لي شي شتووي لانه لاحظت انه برع برررد . . وصقيع بالنسبه لي .. ولفيت سكارب على راسي .. وخذت تلفوني وخشيته بالشنطه


وصلنا عند هذا اللي شيسموونه اممممم اييه لندن آيز .. واااو بصراااحه عجبني المنظر صج صج فلـــــــــه
راحت مرت عمي مع عمي يتمشون بروحهم .. وشفت غرور تناقز ومادري شتسوي قلت شفيها هذي استخفت .. عقب لاحظت انها شافت شلة بنات .. شكلهم كووول واايد .. .. مادري متى تعر فت عليه .!! الظااهر كانوا يجون لندن واايد ..
المهم لا تخاافون بتقولون وانتي وين قعدتي ؟؟ تميت قاعده على كرسي من الكراسي واشوف النااس .. احب جذيه ^_^

.. .. .. ..


سيف || خذني معااااك
علي || لا لا وين بتيي معاااي..؟
سيف || يلا عااد علي ابي اروح وياك ..انت وين بترووح اول؟
علي || بااروح اسلم على ربعي اتفقت معاهم يجون هنيه
سيف || اففففففففف
علي || انزين ليش ماترووح تقعد مع الجاازي ..مسكينة قاعده برووحهاا هنااك...

سيف بملل || مااحبهاا
علي || حراام عليك والله ..هي اكييد تحبك .. واايد طيبه هي..
حس انه مافي فايده انه يجي معااي .. واستسلم ورااح عند الجاازي ..
سيف || بووووووووو

أنا || يمـــــــــــــاااا .. خرعتني سيفووووووه ..
سيف || نييييييااااهاااهاهاااااااااااي
هههههه ظحكتني ضحكته ..

سيف || سووووري ماي بيبي
الجازي || لا وقمنا نتكلم انجليزي بعد
سيف وهو نافخ نفسه || اعجبج ^_^ ... انزين انزين شراايج نرووح نتمشى.. ليش قاعده؟ بصرااحه هالمكاان الوااحد المفروض مايقعد فيه بس يقعد يطاالع هالمنااضر الحلوووة

قمت معاااه || اوووكيك ياكيك يالله نمشي

تمينا نتمشى وسوالف وضحك .. بصراحه انصحكم تحجزون تذكره وتقعدون مع سيف هع هع .. والله يفطس من الضحك ..
سيف || تصدقين قبل انا كنت ماادانيج بس الحين حسيت انج غير
تميت اضحك في داخلي على دفااشته في الكلام .. بس مااشره عليه لانه ياهل ومايعرف يصف الحجي || هههههههههههههـ جده غير يعني .!
سيف || مليييييييغه هههههههه
قلت له واانا اضحك || انت كم عمرك الحين ؟

قال لي وهو يخشن في صوته || 14 سنه
تمينا نتمشى ونسولف..
سيف وهو يأشر || يزووي يزووي .. شوفي هذيل ماجنهم قطريين ؟؟

التفتووا كلهم يوم اسمعوا سيف خخخخ فضحنااا

لفيت اناا الااا .............................................












o p s


صآآر ويهــــــــي جذيـــــــــــهـ













تذكرون اللي دعمني في السينمااا ؟؟؟ هذااا هووووو .. شمييبه هنيـــــــــــــــــــــــه .!!!!


.. .. .. ..


فهــد .. }

تميت اطالع هالبنيه .. انا متأكد اني شايفهاا من قبل بس وييين وييين .. ايييي هذي اللي ههههههههههه ماابي اذكر نفسي بالموقف ..


.. ... ....


الجآزي || اففف سيفووهـ تعبت من المشي انا . . خلنا نقعد
سيف || هههههههههههههههههههههههه طااع ذي بس .. تبين تقعدينا هنيه ع الارض .!!

أنا || هاا .. لا على هالكرسي اقصد اناا

سيف || انزييين .. شوي وبس وبنمشي اوكي
انا || اوكي


سيف || يوعااااااااان حدي
انا || اففف وانت كله يوعاااانه .!! تصدق حتى انا عاد هههه

سيف || انزين قعدي هنيه باروح اشوف هناك شيبيعوون وباييج ..
انا || اوكي لاتتأخر اخاف بروحي هيهيهيهي..
سيف || ملييييغه .. اييب لج نفسي ؟
اناا || اييي اوووكـي

تميت اغني مادري شفيني مستطربه اليوم ماحسيت الا بحد يغطي عيني من ورى || يماااا بسم اللله ممممن ؟؟
..|| هههههههههههههههههههههههههههههـ اناا الوحــــــــــــــــش

انا || حسبي الله على ابليسك خرعتنـــي والله
علي || ههههههههههههـ طلعتي خواافه عيل .. شعندج قاعده بروحج ها ؟
انا || ههههه انطر سيفووه رااح يشوف شيبيعون هنااك

... ..... .....



حمد || يوعاان حدي امشوا خلنا نروح نشوف هناك شيبيعون اكل
فهد || يلاا ..
...


علي || مبين انهم خليجين صح ؟
سويت نفسي مادري عن من يتكلم وقلت || من ؟

علي || هذيل اللي قعدوا ورانـــا
لفيت وراا .. عقب انصدمت من اللي شفتـــــــــــه :| || علي علي
لف على المكان اللي أشرت عليه وشفته قاايم بسرعهـ متجهـ لهم























..

علي .. }

اناا || عسى ماااشر شباااب شصاااير ؟
خالد || مادري شصاار فيه طاااح مره وحدهـ
تكلم فهد وهو مبين عليه التعب || مافيني شي شبااب شفييييكم .. بس ارهاق بسيط
حمد || اي ماافيك شي ياااخووك شووف ويهك شلون متغير .. قوم قوم خلنا نوديك المستشفى
فهد || لاا مب راايح مافييني شي .. بس خلنا نرد الفندق ..
وصلناا الفندق اللي ساكنين فيه فهد وربعه كان تقريباً قريب من فندقنــاا .. دخلناه الغرفه وشفته ياخذ بخاخ .. الظاهر فيه الـ ربو
قال لي وهو ينسدح ع السرير || اسمحلي يارياال والله تعبتك معاي .. ماكان له داعي والله مافيني شي
قلت له || ابد والله تعبك رااحهـ .. خلاص اول ماتقوم بالسلامه ان شالله عامك على فندقنا

فهد || لاشدعوه مابي اضيق ع الاهل ..
انا || لا شدعوهـ تضيق علينا .. بعدين انا ساكن بروحي مع اخوي ..
فهد || خلااص صار ان شاللهـ
قلت وانا طالع || لا تنسوون شباب .. يلا مع السلامه ..

طلعت من فندقهم ورحت اخذ لي عشاا ورديت الشقه .. ..


.. ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-11-2010, 11:19 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ما على الدنيا عتب كل مافيها أماني / للكاتبة : جوهره قطر


فـ الليل .. كنا قاعدين انا وغرور وسيف في الصاله نطالع التلفزيون ..

غرور || يلا تصبحون على خير
الجازي || وييين غرور بدرري.
غرور || بدري عندج..اما اناا فيني نوووم..

.. ..

الجازي... }

قمت الصبح بدري كالعاده .. رتبت نفسي ورحت اقعد في الصاله .. سمعت صوت الباب ينفتح
سيف وهو يتثاوب || آآآآآآآهـ

انا || بسم الله .. شعندك راقد هنيه اليوم ؟
سيف || كيفــــي
قلت له وانا منقرفه من شكله || زييين لوعت جبدي روح غسل ويهك ..

راح غسل ويهه .. ولبس له تي شيرت وبنطلون ..
انا || يه يه شعنده الكاشخ ..
سيف || بانزل تحت باروح اتريق ..
انا || اهـــااا
سيف || بتيين ويااي ؟
الجازي || لاا مافيني شده عمي يعصب علي
بعد ماحاول معااي .. قلت يلاا خلني ارووح .. عادي متعوده عمي يهاوشني كل يوم ..
واحنا في اللفت تم يصااااارخ سيفوووه ويستعبط
قلت له || هيييييي سيفوووووه اسكت تخيل فتح اللفت وشافوك وانت تصاارخ لاتفشلنااا هييي
وتم يصارخ ويستعبط .. احسن خله يتفشل ان شالله يشوفووونوه

فتح اللفت بس سيفوه شكله ماحس مشيت عنه الا توه منتبه انه في حد عند اللفت خخخخ انحرج من قلب هههههه لو تشوفون شكله بس ..
وصلناا عند المطعم وانا ليحين ميته من الضحك على شكل سيف || ههههههههههههههههههههههههههههههه تستااااهل عشان مره ثانيه تسمع كلامي

سيف || جب جب ماايضحك .. يلاا خلصي شتطلبين؟
طلبت لي كرواسون مع عصير .. وسيف طلب له همبرجر
انا || حشى مب بطن عليك من الصبح همبرجر؟

خلصناا اكل عقب قعدنا نلعب هههـ
انا || هههههههههههههههههههههههه بس عاااااد لاتدز

سيف || شيلي ريلج اول شي عقب انا باشيل ريلي
قلت له وانا اعانده || هـهه حااااامض على بوووزك اشيلها..انت اووول عقب اناا..
سيف || مااااااابي
اناا || ابيـــــه قوم قوووم خلنا نرد الشقه اخاف عمي يقووم ومايلقانه بيسوي لي سالفه

دخلنا الشقه الا لقيت عمي ومرته في ويهي .. الله يستر
عمي || هلاا والله .. جاان ماييتوا بعد ؟؟
سيف || كناا تحت نتريق
مرت عمي || وهذي شموديها معاااك ؟؟
ابيه تفشلت من كلمتهاا لي وقلت || خـ خااالتي انـ ...
مرت عمي || تخلخلت عظااامج .. مابيج تطلعين مره ثانيه من غير ماتستأذنيين فاهمه ؟؟؟
قلت وانا رايحه حجرتي اخااف دمووعي تنزل || ان شالله

..


علي || يباا شوي شوي عليهاا عااد .. جنها الا عاشيه في سجن انت المفروض تكـ
قاطعني ابوي وهو معصب || لاا والله ..؟؟ الحين انت جااي تعلمني شلون اعااملهـــاا ؟؟
قلت || يباا مب قصدي بس خفوا عليها شوي يعني
امي || هدوا هدواا.تعصبوون بسبة هذي..!؟ احنا ياايين نستانس هنيه مب يايين نتكدر..
.... || شـهالصرااخ الواحد مايقدر يرقد ولا يرتااح..
سيف || روحي رووحي بس كملي نوومج..ولا اقول روحي عدلي كشتج اول ههههههههه
غرور || هيـ هيـ هيـ .. تصدق وايد تظحك.. ماما وين بنروح اليوم.؟
امي || مادري حبيبتي..شرايكم نروح الـ هايد بارك اليوم..؟
غرور || يس اتـس اووكي..
امي || بس ياابوناصر اناا ابي اطلع بروووحي اليوم
غرور || لااا ماماا انا ابي اروووح بعد معااااكم
امي || وانا اقدر استغني عنكم..انا قصدي عن هذي ..الجازي..
ابوي || ونخليهاا في البيت برووحهاا..احنا في لندن مب في الدوحه..؟
امي || يعني خايف عليها الحين..البيباان والدرايش كلهم مقفليين..لأاتخااف محد بيطب عليهاا..
ابوي || وليش ماتي معااناا..
امي || بوووناااااااصر..انا شقلت لك احنا يايين نرتااح ونغير جوو.مب نتنكد..
ابوي || خلاااص اللي تشووفينه..
..


.. في بيت بو مبارك ..
نوف || وااااو يعني بتروح عند الجازي..؟..تكفى برووووك تكفى..تراها تهز الرجااجييل.. وغلاة بداوة امك خخخ
انا || لعنـبوو يماا يااايبه صبي غيري وانا مادري .. استعدلي يامره لااهفج الحين..
امي || هاا يماا جهزت اغراااضك؟ ولااجهزهم لك..؟
رحت وقعدت عند ريل امي || لاا حبــيبتي انتي... ماجهزتهم..هاا يالحلووة بتجهزينهم ولا اجهزهم اناا..؟
امي || حبيبي انت والله..اكيييد..ليش انا لي غيرك..؟
خخخخخ اشتغلت غيرة نوفووه .. دزتني من مكاني وقعدت هي وهي معصبه || قوووووم انت ..صج ماتستحي على ويهك وقليل ادب بعد..تغاازل امي ..لاا وجداااامي بعد..والله ماااتستحي..صج لي قااالوووا ان لم تستحي فـافعل ماشئت..
مسكتهاا من شعرها ودزيتها مكانها || ريل احوول ان شالله يااخذج ويفكنا منج..قولي آميييين..؟
راحت غرفتها وهي تركض وتقول || يعلك بمره حووله قول آمييين ههههههههههه
انا || ولكِ مثله .. هههاااي تعااالي تعاالي التلفون يرن ..
رديت ع التلفون من غير نفس || الووو
... || احلى الوو بهالدنــيااا كلهااا
نوف || خيــــر؟؟
... || دبووووه انا الجاااازي وحشتيييني مع الويييييه
توني منتبهه انه الجازي || يزوووووي الدبـــــــــــــه وحشتيني والله وحشتيني

تميناا نسولف شوي عقب طلبت انها تكلم امي .. || هااج يماا السماعه ..
امي || هلااا والله بشيخة المزاايين
الجازي || هلاا فيج يالغلا كله .. شخبارج ان شالله بخير ؟
امي || بخير فديتج يعلج بخير وصحه .. شمسويه ان شالله مرتاااحه .. يماا برد هناك خذتي لج شي شتوي ؟
الجازي || ايي يماا لا تحاتييين ..
وتمينا نسولف شوي .. ومبارك كلمني
مبارك || الووووو هلااااا والله .. تسمعييييني ؟؟ انا مبارك عرفتييييني ؟ مبارك مبارك اخووج
الجازي || هههههههههههههههـ حشى اكلمك من الهند اناا .. اخبارك مع الويه ؟؟ هاا بعدك ملييغ ولا تغيرت ؟
مبارك || هههههههههه والله محد ملييغ غيرررج .. اقووول مادريتي ؟
الجازي || لا والله مادريت هيع هيع
مبارك || انا بكره عندج تدرين ..
الجازي || هااا ...... ( وتوني انتبهت على كلامه ) قوووووول واالللللله ؟؟
مبارك || ايييهـ .. عندي دورهـ اسبوعيين وراااد ان شاللهـ
الجازي || واااااااو وناااسه وناااااســهـ متى ؟؟ واي وقت ؟؟
قال لي متى بيي وصكرت من عندهـ وانا مستانسه حدي ..

.. ..

حمد || فهد .. فهــد
فهد || هااا
خالد || شنوو هاا .. انت مب معانا كلش اليوم
حمد || اللي وااخد عئلوه يتهنابوه
التفت لهم وقلت || اي عقل اي خرابيط خلت فيني عقل هي
حمد || اوووهـ بو الشباب راايح فيها شكلهـ
خالد || هاا فهوود من ورااانــــــــــاا
انا || وشــوو فهوود بعد ؟ اصغر عياالك .. احترمووني ( وهو ينفخ نفسه ) اكبر منكم انا
خالد || لا لا لا مااصدق انت فهد ؟
انا || لا تصدق أســد هيهيهيهي
حمد || ها ها ها للأسف بتم طول عمرك بايخ
فهد || آآآآهـ بس ..
خالد || انزين من هذي ؟؟ مااخبر عندك هالسواالف .. اوووهـ حمدووه ليكون اخترب فهوود ههههههـ انزين شتقول لك ؟؟
حمد || انا اقوول لك شتقول ترااني خبييير في هالسواالف ((ويغير صوته لـ صوت حريم)) حبيبي فهوووودي اسمحلي انا باسكر الحين لان رصيدي بيخلص((ويرجع لصوته )) تبي كرت يعني.. هههههههههههههههااااااي
خالد || ههههههههههههههههههههههاااااااااااااااااااي الله يغربلك حمدوووه ههههههههههههه..
حمد || حيااتي انا باسكر الحين لانه اسمع امي تناديني باااي ((يرجع لصوته)) هذي عاااد افهمها على طوووول عندهاا وااحد ينطرها ع الخط الثاني

فهد وخالد || هههههههههههههههههههههـ
فهد || اقوول انت بس لو تفكنا من سوالفك هذي .. مادري متى بتعقل ..
...


الجازي .. }

بست وتكشختـ .. سمعت انهم بيطلعوون .. وطلعت وقعدت في الصاله معاهم
مرت عمي || على وين ان شالله؟
انا || مادري..سمعتكم مساع تقولون انكم بتطلعون..
مرت عمي || اي قلتيهاا.. ((وتعيد كلمة الجازي )) انكم بتطلعون.. مب انج بتطلعين..
مرت عمي || اناا وعياالي وريلي اللي هوو عمج بنطلع..وانتي بتمين هنيه
توني باتكلم الا دخل علي || السلام عليكم
مرت عمي وانا || عليكم السلام
علي || ها يما خلصتوا ( والتفت لي ) خلصتي ؟
مرت عمي || لا الجازي مسكييينه تعبااانه تقوول..خلها حبيبي في الفندق ترتااح
علي || لاا يمااا شلون نخليها برووحهاا.. انـا الــ ...
قاطعته وقلت || لاا عاادي علي انا تعباانه اصلا ومااقدر ايي وياااكم..انتواا روحووا..
علي || وشلون نخليج بروحج ؟
مرت عمي || ويييييي علي ..الجازي مب يااهل وماينخاف عليهاا..وبعدين انا باقفل البااب وباسكر الدرايش..شتبووون بعد..؟ يلا يلا امش ابوووك ينطرناا في اللوبي..

علي || ديري بالج على نفسج اوكي..
انا بابتسامهـ || لاتوصـي

علي || تبين اييب لج شي واحنا راديين ؟
انا || لا سلامتكـ ..

غمز لي وقال || صج ؟

انا || لا مب صج..ههههه جيب لي ايس كريم وياك..
رفع حاجبه وقال || مب توج تقولين مريضه؟ الايس كريم مب زين لج.. يلا بااي باييب لج شي مايخطر على بالج لووووول..

.. .. ..


فهد || شباب انا بانزل تحت باشبك ع النت بتيون ويااي ؟
خالد || هياا بنــــاا

شبكت ع النت واول شي سويتهـ فتحت الماسنجر ابي اشوفها دخلت ولا لا .. تصدقون مااعرف شاسمهــاا !!! .. ..

نطرت ربع ساعه تقريبا الا شفتها توها داخلهـ وعلى طول كلمتهـاا

..

[ من رحلتي يايما مابقى في قلبي نبض ]
السلام عليكم
{ ودك تشوف .. الحب .. طالعني }

عليكم السلام

[ من رحلتي يايما مابقى في قلبي نبض ]
شحالج..؟
{ ودك تشوف .. الحب .. طالعني }
يسرك حالي..انت شخبارك..؟
[ من رحلتي يايما مابقى في قلبي نبض ]
تهمج اخباري؟
{ ودك تشوف .. الحب .. طالعني }
لاماتهمني بس اعتبره فضوول..
[ من رحلتي يايما مابقى في قلبي نبض ]
اهاا..اووكي.. شخبار لندن..ان شالله اعجبتج..؟
{ ودك تشوف .. الحب .. طالعني }
ايي وااايد اعجبتني .. بس لو كانت مع امي واخواني اكيد احلى
[ من رحلتي يايما مابقى في قلبي نبض ]
ليش انتي يايه بروحج ؟؟

{ ودك تشوف .. الحب .. طالعني }
لا مع عمي وعياله
[ من رحلتي يايما مابقى في قلبي نبض ]
اهـاا .. وين رحتي في لندن بعد ؟
{ ودك تشوف .. الحب .. طالعني }
اممممم تونا ماصار لنا 3 ايام هنيه ..فما رحت الا london eays واليوم عمي وعياله راحوا الهايد بارك بس انا مارحت..
[ من رحلتي يايما مابقى في قلبي نبض ]
ليش مارحتيهاا..؟ تعرفين هالمكان شيسمونه
{ ودك تشوف .. الحب .. طالعني }
اففف بيتفلسف علينا الحين

شيسمونه ؟

[ من رحلتي يايما مابقى في قلبي نبض ]
ملتقى العشاااق..
{ ودك تشوف .. الحب .. طالعني }
{ حطيت سمايل رافع حاجبهـ وقلت

انت مألف هالاسم..؟
[ من رحلتي يايما مابقى في قلبي نبض ]
اغلب اللي اعرفهم .. انا قبل كنت ادرس هنيه..وربعي كلهم عاشقيين ويتواعدون هنيه هههههههه
{ ودك تشوف .. الحب .. طالعني }
ههههـ اهــاا

[ من رحلتي يايما مابقى في قلبي نبض ]
حلوو الاسم صح..؟
{ ودك تشوف .. الحب .. طالعني }
امممـ عاادي .. ^_

[ من رحلتي يايما مابقى في قلبي نبض ]
مب خاطرج تروحين لهـآ ؟
{ ودك تشوف .. الحب .. طالعني }
ويــن ؟
[ من رحلتي يايما مابقى في قلبي نبض ]
بل .. شكلهآ مب معاااي كلـش

الهايد بارك ؟
{ ودك تشوف .. الحب .. طالعني }
امبلهـ .. حسيت من كلامك انهـاا حلوهـ

[ من رحلتي يايما مابقى في قلبي نبض ]
انا بكرهـ ان شالله رايح لهـاا .. المهم انا الحين طالع .. مع السلامهـ
{ ودك تشوف .. الحب .. طالعني }
باي

..

طلعت من النت وصكرت الابتوب وانا مستانس .. اول مره اكلمها من غير ماتزفني .. الله يعيني عليهـاا

طلعنـاا من المكان اللي احنا فيهـ ورحناا عند الفندق اللي ساكن فيه علي .. وبالمرهـ يمكن اشوف البنت اللي شفتها معاه .. .. شقاعد اقول اناا .. افكر في اخت رفيجي ؟؟ استغفر الله .. ..

||| ***** ] طبعاً فهد مايدري انه اللي تكلمه ع الماسن هي نفسها البنت اللي يتكلم عنها [ ***** |||

فهد || اقول شباب خلنا نروح نقعد ع البحر اللي جدام الفندق .. الظاهر علي محد ..

قعدنا عند البحر وتمينا نسولف مع بعض ..
حمد || فهد خذت حبوبك اليوم ؟
قلت || لا ماخذته..مافيني شي الحمدلله
خالد || ليش ماخذته.. ؟ فهد انت تعبااان ومب زين اللي تسويه في نفسك وفي صحتك.. لازم تدااوم ع العلااج..

..



ابتسمت ابتسآمهـ قدرت اني أوصفهآ بطريقهـ أعبر عنهآ لهآ لكن مادريتـ انهـ هـ الابتسآمهـ بتحرق قلبهآ
رحت لهآ صوب النافورهـ اللي كانت قاعدهـ عندهـاا وقلت وانا مشتاااق لهـــاا ولـ صوتهــآ || مانسيتيني ؟

^
^
^
^


من تتوقعوووونـ المتحدث ....!!!!!!



الـ جزء الثآلث. . الـ فصل الأول ] ~


:

ابتسمت ابتسآمهـ قدرت اني أوصفهآ بطريقهـ أعبر عنهآ لهآ لكن مادريتـ انهـ هـ الابتسآمهـ بتحرق قلبهآ
رحت لهآ صوب النافورهـ اللي كانت قاعدهـ عندهـاا وقلت وانا مشتاااق لهـــاا ولـ صوتهــآ || مانسيتيني ؟
حسيت انها انصدمت وماتوقعت انها تشوفني بعد آخر مرهـ شافتني فيها وقالت || عـ علي

عبرت لهآ عن مشآعري من خلآل نظرآتي وقلت || وحشتينـي..ماتوقعت اني اشوفج مرة ثانيه..!

سهى || هلأ تزكرتني ؟؟ هلأ وحشتك ؟ وينك كل هالسنين ؟ وينك علي يوم إمي وأبي تركووني ؟؟
قلت وأنا أقاطعهـآ || شوي شوي علي يا سهى .. احنا الحين مانبي نتعاتب على شي قديم .. احنا عيال اليوم وانسي الي صار ..

تمت ساكته شوي وقالت وهي تبتسم || اللي صار صار .. وعلى أولتك احنا عيال اليوم .. وكل شي هالوئت انتهى
مسكت يدهـاا وقلت || لآ ماأنتهى .. بيدنا البدايه .. نقدر نفتح صفحه جديده
سحبت يدها وا رفعتها عند قلبهاا || شفت هوون ؟ كانت كل دأه بألبي تنبض بحبك ..
قاطعتهـاا || وأنا بعد .. بس في شي غير انتي كنتي .. لكن انا مازلت ..
سهى || مازلت شو ؟ لا تكزب ع حالك .. اللي بيحب ياعلي مابيعمل هيك .. اللي يحب مابيعمل هيك ياعلي .. بس خلاص كفايه

علي || كفايهـ شنو ؟
سهى || خلاص علي دخييلك .. مابدي اعاتبك على اشياء راحت خلاص ..

..

الجآزي .. }


لميت كل شعري بسكارب وطلعت ع البلكونه .. واااو ياحلااة الجوو .. تميت اطالع الرايح والراد .. الناس في كل مكان تتمشى .. مب نفسنا في الدوحه .. كل وااحد مصكر على روحه في البيت هههههـ بس ماالومهم بصراحه عندهم جو روعه .. اما احنا نطلع الصبح والظهر الشمس تخرق راسنا .. نطلع في الليل الرطووبهـ تصير امطاار علينـاا .. بس في فرق بينا وبينهم .. احنا عندا امان .. هم الامان مايعرفونهـ .. تميت أتأملهم فترهـ


......


علي || شرايج نروح كوفي نشرب لنا شي يدفينا ؟

سهى || لا مابدي ..
علي || عشان خاطري ؟
سهى || ازا عشان خاطرك .. اي ليش لأ ..


رحنا كوفي وشربنا لنا شي دافي .. وبعدهـاا طلبت سهى انهـا ترد السكن ..
علي || وين بدري ؟
سهى || من عمرك بس بتعرف خلص التايم تبعنا
علي || اقدر اشوفج مره ثانيه ..؟
سهى || ازا الله بيريد .. هايدا رأمي .. ( رقمي )
علي || اوكيك ..
سهى || سي يو ماي فريند ..
علي .. ماي فريند عااد .!.!!!! || سي يو ..


..


الجآزي .. }

ضميت ريلي عشان اخفف البرد اللي فيني .. وتميت اطالع البحر اللي جدامي .. ماتلاحضون انهـ هذا يطلع لي في كل مكان ؟؟
شفييكم نسيتووووه ؟؟ اللي دعمني يوم كنا عند السينمـاا .. اللي عطيته زفه محترمه ؟ هههههـ اي الحين اكيد تذكرتوه عدل .. كااهوو هو نفسه قاعد ع البحر مع ربعه الظاهر .. مادري ليش دايماً اتصادف معاه في كل مكان .. مايسوى علي زفيته

.. .. ..

رن موبايل خالد ورد وهو يقول || فديت هـ الضحكهـ واللهـ
حمد وهو يكلم فهد || رفيجك ذيهـ حآلتهـ حالهـ ..

فهد || هههههههههههـ فاتك امس مادري كان يكلم من .. ويقول لهاا انا يااي لندن درااسه..
حمد يوم سمع هالكلام .. قال بصوت عالي || خلـوووود يالجذاااااااب درااااسه هاا دراسه ( وتمينا نضحك انا وفهد ) صاادوووه..قال دراسه قاال

خالد تفشل وسد السماعهـ عشان ماتسمعهـ غرور || حمـدوووه يالدب . . تكفى تكفى مب الحيـن .. خلني اصكر اووول..
حمد || ههههههههههااااي خاايف هاا .؟ داامك مب قد الجذب شحقه تجذب

خـالد || حبيبتـي..المحااضره بدت اكلمج بعدين..
وصكر التلفون من عندهـاا .. وتموا يضحكون على خالد ..

.. .. ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-11-2010, 11:20 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ما على الدنيا عتب كل مافيها أماني / للكاتبة : جوهره قطر


علي .. }


وانا رااد الشقهـ تذكرت انهـ الجازي تبي آيس كريم .. لا لا هي مريضهـ خلني ادخل هالمحل اشوف شيبيعون وباجييب لهـاا ..
واااو .. بصراحهـ المحل عجيب عجيب .. كان كلهـ هدايـاا .. ودباديب وورد .. قررت اني آخذ لهـا دبدوبـ كان مكتوب عليهـ mad about you

قلت حق البايع يحطهـ لي فـ كيس .. وعطاني أيآهـ وهو يبتسم || happy valentine day
استغربتـ اليوم valentine day ؟؟ قلت لهـ بالانجليزي طبعاً .. احنا ماعندنا الا عيدين .. شافني بنظرهـ وسفه لي ههههـ احسن فشلتهـ .. عطيته الحساب وطلعت ..

..
وصلتـ الفندق وطقيت الباب على غرفة الجازي || تعالي الصاله شوي ..

لبست شيلتي وطلعت .. وشفته معطيني كيس رووعهـ شكلهـ || تفضلي

أنا || شنو هاي ؟

فتحها وقآل || شرااايج في ذوق اخوج الصغير ؟ نياهااهااي
قلت وأنا متفشله منهـ || روووووعه واللهـ .. بس شحقهـ مكلف على عمرك ..
علي || لا كلافه ولا شي بس شفقهـ
أنا || ههههههههههـ بااااااايخ ..
علي || ههههههههـ يلا تصبحين على خير .. باااي ..
طلع من الشقهـ وانا وديت الدبدوب الغرفهـ ورديت الصالهـ .. شوي الا غرور طالعهـ من الغرفهـ وهي تتكلم بالجوال ..

غرور || ههههههه
خالد || ..شخباارج حبيبتي؟
غرور || تمااام..انتـ.. انتـي شخبارج؟
خالد || آآآآه الحيـن صرت احسن يوم سمعت صووتج
غرور ذاابت من كلام خالـد المعسـول وعـاشت معاه في دقيقـه في عالـمهاا الوردي ونســت وجـوود الجاازي اللي كاانت تسمع كل كلمه وهي منصدمـه ومب عارفه شتقـول لكن قررت بعد ماتنهي غرور مكالمتهاا انهاا تكلمـهاا ويمكن تسمعهاا مب تطنشها نفس كل مره

غـرور || ههههههههههههه بس عـاااد بطني يعورني من كثر الظحك
خـالد || بسم الله عليـج ليتـه فينـي ولا فيج.
غرور || لا ان شالله


دخل علي الشقه شكلهـ نسى شي وشآف غرور تتكلم في التلفون وقال بـ عصبيهـ || من تكلمين هالحزهـ ؟
ارتبكت وقالت لهـ || هـ .. اي هاي رفيجتي توها متصلهـ ..
علي || زين خلاص .. صكري منها وقفلي جوالج مرهـ وحدهـ .. وطلع

..

خـالد || من هـااي؟؟
غرور || هـ .. هااي اخـوي
خالد || اووكي حبيبتي صكري صكري لانهـ تدرين انا اخااف عليج واخاف اخوج يسمعج تكلميني..
غرور || تخآف علي ؟
خـالد || اكيــد اذا مااخاف عليج اخاف على من..يلا حبيبتي باااي
غرور || باااي..تصبح على خيــر


..

فهد || اليـوم الجذبه على من ؟
رد خالد وهو يضحك || ههههههههههه والله البناات ينقص عليهم بسرعه
فهد || ترضى هـ الشي على خواتك ؟
خالد || اولاً انا ماعندي خوات .. ثانياَ تراك لعوزتنا ياخوك .. كل الشباب يسوون جذيهـ .!!

..

في بيت ام مبارك ــــ . . .

نوف .. }

أنا || يمآ اليوم بيسآفر مبارك ؟
امي || اي يمـاا ذكرتيني خلني اروح أقوم أخوج من النوم .. وانتي خلج عند التلفون الحين بيتصل ناصر ولد عمج ..
أنا || وشدخل ناصر ؟
أمي || الله يخلي الوااسطـــــهـ
أنا || وهالناصر بيسافر بعد ؟؟
أمي || لااء .. بعدين انتي شعليج ؟
أنا || تقدرين تقولين لقافهـ ..
راحت امي تقوم مبارك من النوم .. وشوي الا رن التلفونـ .. رديت من غير نفس || الــووو
ناصر || وين بابا مبارك ؟
نوف فتحت عينهـاا || خييير ؟
ناصر .. || بابا مبارك ويين ؟ روحي نادي بسرعه
رصيت ع الكلام وأنا أقول لهـ || مبااارك راااقد من اقووول له ؟؟؟

ناصر || أ ا أنـاا ناااصر ممكن تقعديــنه لاني بامر له البيت الحيــن وباخذه المطار..
نوف || ان شالله تبي شي بعـد؟
ناصر .. || لامشـكوره .. مع السلاامــه..

..

ناصر ..}


كنت لابس بدلهـ سبورت وكااب .. ورحت بيت عمي عشان آخذ مبارك المطار وأخلص إجرائاتهـ ..

ام مبآرك || حيااك حيااك ياوليدي .. زآرتنا البركهـ
أنا || يحييج يالغاليهـ .. وين مبارك ماخلص ؟
ام مبارك || واللهـ هذا هو .. ليحين مب راضي يقوم من النوم ..
أنا || ع العموم تو الناس بس انا قلت اجي بدري احسن ..

طلعت ام مبارك من الميلس ..

نوف || يماا من ياينــاا في الميلس ؟
امي || بس بس قصري حســج .. ولد عمج ( ناصر ) .. روحي المطبخ سوي دلة جاي وقهوه على مايقعد اخوج
نوف || يماا خلي الخدامه تسوووي..
امي || الخدامه يديده وماتعرف شـي

رحت المطبخ وسويت القهوهـ والجاي .. وجهزتهم وخليتهم ع الطاولهـ

امي || يلا يماا وين الجاي والقهوه ماصارت
طلعت من المطبخ وانا شآيلهـ الجاي والقهوهـ ومديتها حق امي || هااج يمــه
مشت امي ولا جني قاعده اكلمها خخخخـ ..
انا || يمـاا هااج الدلال ..
التفتت علي امي وقالت || انزين ماادري انهم دلال .. لبسي شيلتج وييبيهم ..
انا || اووهـ ماشاللهـ تيك ات ايزي عندج يماا .. اخبرج بدويه بحت .. لا لا فشيلهـ مااقدر ..
امي || ليش فشيلــه بعد ؟ ياي يخطبج هووو ؟؟ حطي شيلتج على راسج ويلااا ييبيهم .. عشان تسلمين على اخوج مره وحده قبل لايسافر

لبست شيلتي وزين اني لابسه جلابيه يدها طويله .. لاني بصراحه عيزانه اروح ابدل ثيابي ..

دخلت ورا امي وانا شايله الدلال || السلامـ عليكمـ
ناصر || عليكم السلام والرحمهـ
نوف || شلونك ناصِر ؟
ناصر || بخير اللهـ يسلمج .. انتي شخبارج ؟
نوف || الحمدللهـ ..
ورحت قعدت بعيد عنهم شوي ..

ناصـر وهو يغمز حق مبارك || هاا مبارك مااوصيـك فـ الشقر هنااك .. ييب لنـاا وحده ويااك
مبارك || افاا عليــك .. حااااظرييـــن
ام مبارك || ويييييييي ياااحظــي ماادري شتحبون في الشقر .. حلاااة البنـــت بشعرهــاا الكحييل .. اللي يوصل لين ظهرهاا
مبارك وناصر || ههههههههههههههههـ
قام ناصر وهو يقول || يلا مباارك اغرااضك جااهزه؟
مبارك || ايه خلاص.حطتهم الخداامه في السيااره
ناصـر || يلاا عيــل .. تامرين بشي مرت عمي؟
امي || اي ياوليــدي لاتقــطع..ترى غداااك بكره عندنــااا
نوف ( اففففـ يماا شحقه تعزمينه بعد .. محد بيتعب غيري انا )
ناصر || لا خااالتي مابي اكلف عليكم ..
امي || لاكلاافــه ولا شـــي .. خلاااص بكره عندنـاا
مبـارك || حسـاااافه بتطوووفنـاا القعـده

امي || ان شالله بترد لنا وبتقعد معااناا لين مانمل منك
مبارك || افااااا ههههههههه
امي || يلا يالغالي .. الرب لك حاااافظ ان شالله .. دير بالك على نفسك ..
حبيت امي على راسها وانا اقول || والله بتوحشيني يالعيووز
امي || ههههـ عيز حيل العدو ان شاللهـ
واحنا طالعين قلت حق نوف || نوفووه بيوحشنـــي لســـاااانج الطويــــل هههههههههههههههه
ناصر ( ههههـ اكيد هذي هي اللي ردت علي .. طلعت صج ملسونه وام لسان طويل )
نوف || حتى انت يالدبـ بتوحشنــــــــــــــــــــــي واللهـ


..

في لندن

الجازي ..}

طلعوا من الشقهـ .. .. طلعت عشان اشوف وين بيروحون اليوم .. بس حسيت انه الشقه هاديه .. اففف ليكون راحوا ترى تمللت من القعده بروحي ..
لقيت بس علي قاعد ويطالع التلفزيون || صباح الخير
علي || اي صبااح..قولي عصر الخيــر
انا || ههههه وينهم عيل؟؟
علي: || محد طلعــووا
قلت بـ ملل || وين راحواا؟
علي || راحوا يتمشوون
هزيت راسي وانا رايحه غرفتي بملل ..
علي || الجازي
انا || هلاا ..
علي || روحي لبســي بنطلع ماتبين تشوفين الهايد بارك اللي قلت لج عنهااا؟؟
قلت وانا مستانسهـ || اي اي
علي || بل ماصدقت هههههههههه يلا رووحي لبســي عندج 10 دقايق
انا || افا عليك خلهم 5 دقايق وانا قبلك

..

في بيت ام مبارك .. ــــــــــــ

امي || فاطمهـ .. فاطمهـ
فاطمهـ || نعم مدام ..
امي || قطعي السلطهـ بسرعه ..
فاطمهـ || مدام مافي تمات ( طماط )
امي || اوووه وقتــه .. نوف اتصلي الخظار بسرعهـ
انا || ان شالله يمـاا
اتصلت ع الخظار .. وخمس دقايق الا هو عند بيتنا .. لبست شيلتي وطلعت عشان آخذ الطماط من ورى الباب .. لو يدري مبارك جان قصبني ..
أنا || ها محيي الدين بكم الطماااط ؟؟
ناصــر وهو منحرج || ام مباارك موجـووده ؟
انا هههههههههههـ بصراحه مت من الضحك على نفسي .. || تفضل ناصر حيااك ..

دخل الميلس وانا مشيت ورااه .. حذف الزقاره من يدهـ جدامي .. مالت عليهـ وعلى ويهه مادري على شنو شايف نفسه .. عشتوووو .. قطيعه تقطعك يالمغرور .. دست الزقاره بقوهـ ومشيت عنهـ المطبخ .. وراحت لهـ امي

بعد ماتغدينـــاا .. تمت امي تسولف معاه شوي .. وبعدها أستأذنت عشان تييب الشاي والقهوهـ .. الله يعييني باقعد معاه الحين .. افف ..
ناصر || ماأتصل فيكم مبارك أمس ؟
انا من غير نفس || لا ماأتصل ..
تمينا ساكتين شوي .. عقب تكلم .. || ممكن سؤال ؟
انا || خيـر؟
ناصر || ..انتي على شنو شايفهـ نفسج ؟
سويت نفسي مستغربهـ وقلت || انـاا ؟! لا بالعكـس .. انت اللي يبين عليك مغرور..
ناصر || ايـه من حقــي .. وسيـم ماشالله علـي
طالعتهـ بنظرهـ من فوق لين تحت وقلت || ..اللهم لاحسـد
قال وهو يضحك || ههههههههههههه شفيج محتـره اني وسيم يعني؟؟
انا || وليـش احتر ان شالله؟؟ انا اقول حق القمـر يقوم وانا اقعد مكاانه..
ناصـر || هههههههههه والله حااالـــه ..
ماعطيتهـ اي كومينت .. عقب تكلم ..
ناصر || انتي اي صف؟
نوف || آخـر سنه لي ثانويه..
حسيت انهـ قال جيهـ عشان يقهرني || امممم اهاا .. يبين عليج اكبر تصدقين؟
انا || لا مايبين من قال؟
ناصر || انا اقول
أنا || وانا مايهمنــي راايك فيني

ابتسم وسكت .. وقلت انا
أنا || شكان تخصصك بالجامعه ؟
ناصـر || هاا..ماسمعج
قلت || لاا ولاا شـــي ..
ناصـر || امم كيفـج
شوي الا امي داخلهـ وبيدهـا القهوهـ والجاي .. || نوف يماا قلطي ولد عمج ..


ناصر ..} حسيت انهـاا قامت وهي معصبه هههههـ احسن تستاهل .. شوي الا شي طاح منهاا .. طلع خاتمهاا .!! نزلت اوني ابي اعدل ثوبي من تحت وخذت الخاتم من غير محد يحس فيني وحطيته في مخباي ..
تميت اسولف مع مرت عمي عقب قلت وانا قايم || يلا عيل أنا اترخص ..

امي || ويـن ويـن توك ماقعــدت ..
نــااصر || من الغداا خالتي وانا عندكم..ايي ذكرتيني .. في ماي زمزم في السياااره توه رفيجي راد من العمـره
امي || لاتكلف على روحك ياناصر..بتحتااجه خله عنـدك
نـااصر || لا كلافه ولا شي.. عنــدي بعـد في البيــت .. انا بادخله الحوش ونوف تعاالي اخذيـه
لبست شيلتي ونعالتي اكرمكم اللهـ ورحت ورااهـ هالعلهـ عشان آخذ الماي ..
كان فاتح دبة السياره عشامن يطلع الماي .. وانا متسندهـ وحاطهـ طرف صبعي شوي الا حسيت صادني تشنج في صبعي صرخت باعلى صوتي || آآآآآآآآآآآآآآآآي
فتحت الدبه بسرعه لاني حسيت انه صكر على صبعهاا .. اففف لاحول اللهـ شـ هالوهقهـ مسكت صبعها عشان اشوف شصار || اووووووهـ سوووري سوووري والله .. تعورتي ؟؟؟ اسمحيييلي والله ماكااان قصدي
قلت له 100000 مرهـ مافيني شي بس اصر انهـ يوديني المستشفى .. تبون الصج كاان يعوور .. شوي وباموت من الالم بس مابينت لهـ .. دخلنا المستشفى وامي كانت معاناا ..
تمت تنطر في الانتضار .. وانا وهالعله دخلنا عند الدكتور .. لفوا صبعي وحطوا لي مطهر حرقنــي من قلب .. جان زين مادخل معاي ناصر عشان اصرخ ..
طلعنا وقال لي الدكتور انهـ بكره اجي عشان يبدلون لي اللف ..

في السيارهـ ..

ناصر || خالتي تعالي جدام .. جذيه تحسسيني اني دريول ههههههه
ركبت امي احذاهـ .. وقالت || ماقصرت واللهـ تعبناااك معااانهـ ..
وصلنا البيتـ وكان الوقت متأخر فليل .. وطبعاً امي ماتخلي حركااتهــاا .. حلفت على ناصر انه يرقد عندنه .. هع هع بس مب في بيتناا .. عندنا ملحق برع .. ورقد فيه ناصر بعد اصرار امي ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 09-11-2010, 11:22 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ما على الدنيا عتب كل مافيها أماني / للكاتبة : جوهره قطر


..
في لندن ... ــــــــــــــــــــــ

غرور || شخبارك حبيبي ؟
خالــد || الحمدلله يوم سمعــت صوووتج
غرور || وحشتنــــــي
خالــد || آآخ فديتــج حتى انتي وحشتينــي
غرور || صـج؟
خالـد || صجييــن..اقول حبيبتي
غرور || قـووول قلبــي
خالد || اممم انتـي توثقيين فينــي صح؟
غرور || اكيييد اكثـر من نفســي
خالـد || اوكي انا ابي اشوووفج
غـرور || لاا مااقدر صعـب وااايد ..
قال وهو يتصنع الزعل || يعني امووت وماشووفج؟؟
غرور || لاا لاتقول جذيـــه .. بس انت شفتني قبل
خالـد || اي معليـه عطينـي اي صـوره من صــوورج عشان تكونين في كل وقت وياااي..
قالت وهي تفكـر || امم اووكي بس شلون باعطيك ايااهاا؟
خالــد || حطيها في اي محل قريب وانا اروح اخذهاا
اتفقـت انهاا تحط صورتهاا في ظرف..وتحطهاا في احد المحلاات..وعقب يجي خالد وياخذهاا

..

في بيت ام مبارك ... ــــــــــــــــ

كنت توني قايم من النوم ومستحي ادخل .. بس في الاخير قررت اني ادخل عشان آخذ نوف واوديها الموعد .. طقيت الباب وتحمحمت ودخلت ..

ام مبارك || حيــاااك نااصــر
انا || شلونج خالتي؟
ام مبارك || بخير الله يسلمك..ها ان شالله ارتحت في النـوم.؟
انا || اي الحمدلله((التفت لنوف)) نوف عندج غيـاار حق اللف اليوم..
نوف || ويي ذكرتنــي..خلااص خلاص مب رايـحـ..
قاطعني وقال || لا لا بتــروحين مب زي جذيه..بيتلوووث الجرح اللي في صبعج
طلعنا من البيت متجهين للمستشفى ..


ام مبارك || يماا ماعليك كلاافه نزلني الجمعيـه وانتـوا روحي المستشفـى اذا خلصتوا ردوا لي
ناصر || تامرين خالتي ..
نوف ( افففف يماا شحقهـ نزلتي .. )
قال لي بعد مانزلت امي || مابتيين جدام ؟
نوف .. ويي الحمدلله والشكر .. ياخي مغرور مادري على شنو .. || لاء مب يايهـ
والله هذا حالهـ امس خايف علي .. واليوم يتكلم من غير نفس .. اول مرهـ اشوف واحد انقلابي هـ الكثر ..
قال وهو يولع الزقارهـ || كيفج ..
قلت له وانا متنرفزهـ || ممكـن توقف السياره شوي؟
وقف السيارهـ على جنب وقال || خير
قلت له بغرور || دخن برع .. مااحب ريحة الزقاير ..
ناصـر || لا انا احب ريحتهـاا
نزلت من السيارهـ وهو بعد نزل وقال || ها ها وين رايحهـ ؟

قلت من غير ماالتفت لهـ || بس بانطرك لين ماتخلص من الزقااره عقب بادخل
ناصر || اووكي نطــري اذا خلصت ركبي اووكي
قلت بقهر || اوووكــ ي ..
شوي الا نزل الدريشهـ وقال || تبين تدخلين دخلي .. خلصت ترى ..
ركبت السيارهـ وتعمدت اصكر الباب بقوهـ .... احسن ان شالله ينكســر ..
ناصر || اقول نوف
انا || قوول حد ماسكك
ناصر || ترى وصلنا المستشفى اذا ماتشوفين يعني .!
نزلت من السياره وتميت امشي بسرعه تعدمت عشان هو يمشي ورااي .. ههاهاااي شرايكم في هالحركه ؟
مادري شلون وصل عندي بسرعه وقال وهو رافع حاجب || حد يركض وراج ؟؟ بعدين الغرفه هنيه وين راايحه انتي ؟؟؟
مالت على ويهه فشلني بس مردوده ان شالله الايام بيننا .. كانت الممرضهـ تبدل لي الغيار وحطت لي مطهر .. حرقنـــــي بس كنت كاتمه الألم عشان مايتشمت فييني ..

شافني وابتسم وقال || مايعور صح ؟؟
قلت بتحدي || ايي ماايعـــووور كلــــش
ناصر || انا باروح شوي .. اذا خلصتي انطريني هنيهـ ( وهو يأشر ع الانتضار )

بعد ماخلصت .. رحت صوب الانتضار ومالقيتهـ تميت امشي بقهر وبسرعهـ يمكن اشوفه الصوب الثاني .. ماوعيت الا هو طالع بويهي .. اعووذ باللهـ بغيت ادعمه بس الله ستـر
ناصر وهو يهز راسهـ || توء توء توء .. شنو ماتشوفين انتي ؟؟؟ بغيتي تدعميني ؟
مشيت جدامهـ بس ماخلااني .. قام يمشي اسرع مني ورااح صوب السياره .. ركبت وراا ومشى .. حسيت انه متعمد يمشي شوي شوي .. عشان يقهرني بعد

..

مروا شهرييـــن على كل هالاحدااث اللي صاارتـ ..
الساعهـ 6 الصبح .. كان الكل يتجهز .. كان اول يوم دراسي ..

في بيت بو ناصر .. ــــــــــــــــــــــــ
عمي || هاا سيفووه الا ثانويه .. شد حيلك يبـااا
سيف || افاااا عليك قدهـــــاااا
مرت عمي || ايي يمـاا شد حيلك نبيك ترفع راسنـاا .. الله يوفقك ان شالله
علي || واناا يمـااا مالي من هالدعاوي ؟
ام ناصر || وانته بعـد
ناصـر كان توه نازل من فوق وقال || واناا بعد وياااهم
غرور كان اول يوم لها في الجامعهـ .. ووصلها ناصر لانهـ على دربهـ
.
.

نوف ..}

انا بعد كان اول يوم لي في الجامعه تريقت وطلعت من البيت مع مبارك اخوي ..
او ماوصلناا شفت غرور وناصر توهم واصليين بعد .. لا حول الله الله يعييني على ملااغة غرور طلعت معاي في نفس الجامعهـ ..

..

في المحاضرهـ الاولى كنت كلش مب معاهم .. مب متعودهـ ع الوضع كلش .. شوي الا سمعت وحده احذاي تقول لي وهي تبتسم || انتبهـــــــي
اول ماخلصت المحاضرهـ .. كلهم طلعوا من الكلاس الا انا واللي احذاي تمينا قاعديين وقلت لها || ليش ماتطلعين ؟
.. || ماعندي حد اعرفه الحين
انا || اهـاا ولا انـاا .. شرايج نروح الكافتيريا لاني يوعانهـ حدي
.. ابتسمت وقالت || يالله انا بعد
شرينا من الكافيتيريا وقعدنا وقلت || تراني من مساع اسولف ويااج وماعرفت اسمج ؟
.. : ههههههههههه من صجج ؟ اسمــي ريم
انا || عاشت الاسااامي والله
ريم || عاشت ايامج حبيبتي
انا || يالله عااد بلا هالرسميـه .. الحين انتي صرتي رفيجتي .. مابيننا رسمياات يعني
ريم || هههههههه ان شاااالله

..
مر شهـــر واحنـآآ فـ هالجامعه .. تعب × تعب

..

ريم || انزين يالله امشـي خلناا نطلع.. خلص الدوام
أنا || يالله ..
شوي الا وصل مبارك اخوي .. وقلت حق ريم || تعالي باوصلج معانا
ريم || لااا شدعوووه الحين بيووون لي بيتنااا بعيد لانه
أنا || يالله عاااد بلاا دلــع امشـي امشـي
ريم || لاا ريموووه فشلــــــه والله مع اخووج .. وبيتناا مب قرييييـــب بعـد
أنا || ياااااااااااااالللللللله
ريم : بــــس وصمخ
اركبـت ريم مع نوف ومبارك في السياره
أنا و ريم || السلام عليكم
مبارك || عليكم السلامـ
أنا || جاان مااييت بعد
التفت علي وقال ||لايكوون دريولج اليـديد وانا مادري
انا || بس بس لاتفضحنـاا جدام البنتـ
مبارك || عدال اللي يقول تستحين .!
أنا || برووك ودناا (مندرين) خاطري اشرب عصيـر
مبارك || من عيوووووني يااعيوووني
أنا || هـااا .!.!!
مبارك || هواا ان شالله
قلت وأنا أضحك || ايي الحين صدقت انك برووك

أنا || : اناا ابي عصيــر (...) .. ريمووه شتبين انتي؟
ريمـ بصوت واطي || لا فديتج مابي شي
مبارك .. .. || لا شدعــوووه تركبين سيارتي وماتشربين عصيـــر ؟
انا || عشتــــــــوووواااا
مبارك || وانتي شحقه محتــره ؟؟ الحمدلله والشكــر
ريم || ههه لا والله مابي شــي
مبارك || لا مب على كيفج باطلب لج على ذوقي
أنا || وانا شحقه ماتسوي لي جيه؟
مبارك || لانج ملسووووووونه
طلب لهمـ العصيــر .. وريم ماشربت العصيــر لين ماوصلت البيت
وصلوهـاا بيتهمـ وانزلت
ريم || مشكووريين تعبتكم ويااي
توها بتتكلم نوف الا يتكلم مبارك || لاا افاا عليج .. حااااضريييين
.

.



في الليل في بيت بو ناصر ..

غرور || يماا شوفيه
ام ناصر || اوو بس بس .. يالله سيف وغرور بتييون معاي بيت خالتكم ؟
غرور || وااااو .. اوووكي يمااا


..

الجازي ..}

فتحت الماسنجر ولقيت فهد موجود ..

( فهـــد ) بكت عيني على فرقاك لكن من يواسيها

السلام عليكم

( الجآآزي) مهما تغيب .. بس فقلبي عمرك ما تغيب

عليكم السلام

بكت عيني على فرقاك لكن من يواسيها
شحاااالك اربك بخير ؟

مهما تغيب .. بس فقلبي عمرك ما تغيب
تمام .. انت شخبارك ؟
بكت عيني على فرقاك لكن من يواسيها
انتي بنت ؟
مهما تغيب .. بس فقلبي عمرك ما تغيب >ويي شفيه هاي اليوم<

ايي بنت شفييييك فهد ؟؟

بكت عيني على فرقاك لكن من يواسيها
انا مب فهد .!
مهما تغيب .. بس فقلبي عمرك ما تغيب
عيل من ؟
بكت عيني على فرقاك لكن من يواسيها
انا رفيجهـ
مهما تغيب .. بس فقلبي عمرك ما تغيب
انزين خير تبي شي ؟
بكت عيني على فرقاك لكن من يواسيها
لا بس قولي لي شاللي بينج وبين فهد ؟
مهما تغيب .. بس فقلبي عمرك ما تغيب
هييي انت شتخربط ؟؟ روح أسأله شاللي بيني وبينه ؟ يلااا باااي

بكت عيني على فرقاك لكن من يواسيها
لحضهـ لحضهـ باقول لج خبر قبل لا تطلعيين
مهما تغيب .. بس فقلبي عمرك ما تغيب
نعم
بكت عيني على فرقاك لكن من يواسيها

فهد عطااج عمرهـ

( لا لا لا اكييييد يتغشمـــــر .. لا والله بااصيييح ترى .. احس انه يتغشمر .. صج انهـ كان يبط جبدي .!! بس .. مااااادري مااادري مب قااادرهـ افكر قلت له ويدي ترتجف وانا اكتب )

مهما تغيب .. بس فـ قلبي عمرك ما تغيب

جذاااااااااب ؟؟ شلوووون ماااااااات ؟ لا؟؟ شلووون ماااات قووووول شلوون ؟
( تميت اكتب كلام حتى انا مافهمتهـ .. وانطرهـ يرد بس مارد )

بكت عيني على فرقاك لكن من يواسيها
اول شي شاللي بينج وبينه ؟؟ لانهـ هو قبل مايموت كان يقول احبهـــــــــاا احبهـــاا

مهما تغيب .. بس فقلبي عمرك ما تغيب

( تميت اكتب ويدي ترتجف ودموعي على خدي ) حتى اناا احبـــــه .. والله احبـــــــــــه .. تكفى قوول لي صج ماااات ولا لا ؟؟ تكفى قووول لاااا

بكت عيني على فرقاك لكن من يواسيها

يلاا مع السلامهـ .. ( وقام من الجهاز )


..
الجازي ..}

لااا مستحيييل والله احس اني بامووت من كثر الصياااح .. هذا وانا ماعرفته عدل وقعدت اصيح جذيه ..!! رحت خذت لي حبتين بندوول لانهـ راسي صَدَعْ من كثر الصيااح وانسدحت ع السرير وانا ليحين اصييح ..
..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 09-12-2010, 05:40 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ما على الدنيا عتب كل مافيها أماني / الكاتبة : جوهرة قطر


~ [ الـ جزء الثآلث. . الـ فصل الثآني ] ~

:

فهد .. }

دخلت غرفتي وأنسدحت عقب تذكرت اني مامسحت محادثتي مع الجازي لأني مآأحب حد يشوفهآ ( ابشركم ترى قالت لي اسمهاا .. بس مادري اذا صج ولا لا ) .. دخلت سجل المحادثات وشفت محادثهـ تاريخهـا اليوم .. متى كلمتها انا اليوم ؟؟؟ .. ..
تميت اقرا واقرى وانــاا ويهي صاير جيه >> .. حلجي شوي وبيطيح من كثر ماهو مفتووح .. وعيني شوي وبتنبط من كثر ماهي مفتوحه ع الآخر .. هااي متى ؟؟؟ ومن مسوووويه ؟؟؟؟

[ بكت عيني على فرقاك لكن من يوآسيهآ ]

الجازي ..

[ بكت عيني على فرقاك لكن من يوآسيهآ ]

الجاازي تكفين ردي .. اناا حي والله حي >>

[ بكت عيني على فرقاك لكن من يوآسيهآ ]

الجااازي وييينج ؟؟

[ بكت عيني على فرقاك لكن من يوآسيهآ ]

والله ماادري من مسوي هالمقلب والله مب اناا صدقيني مب انااا

[ بكت عيني على فرقاك لكن من يوآسيهآ ]

وييينج ؟؟ اوكي هذا رقمي ******* لا تتصلين بس طرشي مسج انا طول الليل قاعد ( وطلعت من الماسنجر )

..
الجآزي .. }

رحت اشوف الماسنجر .. كنت اسمع الصوت بس مالي خلق شي ..
وتميت اقرى وانا منصدمه .. وفي نفس الوقت مستانسه .. ان شالله حي ان شاااالله

تميت مترددهـ مليون مرهـ عقب دزيت مسج
[ أنت حي ؟ مآمت ؟ ]

[ اي حي .. صدقيني والله ليحين مب عارف من اللي مسوي هالمقلب .. ]

:
تميت افكر من الي مسوي هالمقلب .. عقب تذكرررررررت .!!!! مافي غيره حمدوووهـ امبله حمدوووه هو اللي قعد على جهااازي
:

طرشت لها بسرعهـ
[ عرفت من .... مافي غييييييرهـ رفيجـــــــــي والله شاااك فيهـ الا اكييد بعد .. محد قعد على جهازي غيرهـ ]

[ وطرشت لها مسج ثاني .. بس تصدقين سوا فيني خير حمد من هالمقلب .. اخيراً عرفت غلااتي عندج ]

مآرديت عليهـ .. قفلت جوآآلي ورقدت وأنا مرتآحهـ

..

علاقتنــاا ماتطورت .. بس ماسنجر ومسجاات .. ولا مرهـ في حياتي كلمته ع التلفون .. ولا حتى هو طلب مني هالشي ..

..
نوف .. }

فـ الجامعـهـ .. كنا انا وغرور وريم قاعدين مع بعض .. هههههـ ادري مستغربين من غرور انها معاناا ؟؟ لاتستغربون .. ترى غرور تغيرت وعرفت انهـ البنت مالها الا سمعتهاا وشرفهـاا ..
ريمـ || يلا بااي بنآآت سيارتنـاا ياات

انا وغرور || بااي
غرور || يلا نوفوهـ كاهي سيارتنا تبيني أوصلج معااي ؟
نوف || لا لا شدعوهـ الحيين بييني مباركـ ..
سحبتني من يدي وماعطتني فرصهـ أتكلم ..

نوف || السلام عليكمـ
ناصر || عليكم السلام .. شلونج بنت العم ؟
قلت بحيا احم احم || الحمدلله .. انت شلونك ؟
ناصر || الحمدلله بخيــر .. شخبار الجامعه ؟
نوف || والله الحمدلله .. مرتاحييـن
غرور || وين مرتااحيين ؟؟ كرااف والله

ناصر || صيري نفس بنت عمج شطوووره .. مب انتي .. ترى شووي وبيطردونج من الجامعه

عطيتهـ نو كومينت وتميت اطالع من الدريشهـ لين ماوصلنا البيت وشفت مبارك توهـ طالع ..

مبارك || بسم الله مع من يايهـ
نوف || زين جذيه فشلتني ؟؟ بيت عمي هم اللي وصلووني ..
مبارك || كنت ابييج تتنقعين في الشمس شوي ههههههـ

..

في بيت بو ناصر ... ــــــــــــ

ناصر .. }

غرور || شراايك زيين ؟
قلت وانا أقرى الجريدهـ || راايي في شنوو ؟
غرور || في بنت عمـي نووف ؟
هديت الجريدهـ وقلت بسرعهـ || اييييييه هااي الموضوع اللي ابي اكلمج فيـه
غرور || اي موضوع ؟ انزيين انزيين شراايك اكلم امي تخطبها حق علي ؟
قمت من الكرسي وأنا أتحلف فيهـا || شنوووو علي ؟؟ نوف محد بياااااخذهااا غيري .. والله ان فتحتي هالموضوع جداام امي مب احسن لج
غرور || ههههههههههههههههههههههااااي كل هذاا حب .. يالدب كنت ابي انرفزك بس
تنهدت وقلت || ايه عبالي بعد .. انزين صج صج كلمي امي خل تخطبهاا لـي

غرور || كم تدفع ؟
ناصر || اللي تبيـن
غرور || امممممم
قمت من مكااني وبستهاا على خدهــاا || بوســـهـ واايد عليج ..
وطلعت من البيت وانا اضحك عليهـاا
..

في الجامعهـ ... ـــــــــــــــ

غرور || عنــــــــــدي لج خبريــــــــه .. بس اول شــي كم تدفعييـن ؟
ريم || يمـاااااا منج .. قوولي قووولي ..
غرور || مب قاايلــه ... عطيني هالحلاااوه اول
عطيتها الحلآوهـ وقالت || اليوم بنيي بيتكــــــم انا وأمي ..
ريم || والله .. حياااااااج الله
غرور || الله يحييج .. تدرين ليش عاد بنيي ؟؟
ريم قالت بعبط || عشاان تخطبوني هاهاهاهاااي
غرور || هاهاهاااي .. اي صج ..
ريمـ || خخخ سكتي بس سكتي
غرور || ايييـه صج شفيج .. امس اقترحت علي علووي اخووي .. وقلت له ريمـ رفيجتي مزيوونـه .. واخللااق وادب .. بس مسكين اخوي بينصدم بعدين .. لا اخلاق ولا مزيونه ولا شي هههههههههههههههههه
ريم || جب عااااااد
غرور || هههههههه لا اقص عليييج والله .. بس هو قال دوري لي على وحده .. وانا على طول اخترتج ^_^
..

فليل .. في بيت .. ريم ..

ام ناصر || والله ياام مشعل .. احناا يايين اليوم نخطب بنتكم ريم حق ولدي علي
ام مشعل || هـذي الساعه المباركـه والله ودامه ولدكم مايحتاي نسأل عنهـ .. بس تدرين .. الرااي راايهـاا ورااي ابوهـااا
ام ناصر || اخذوواا رااحتكمـ .. وخلهاا تستخير .. ومتى ماحست نفسها مرتااحه .. ردوا لناا خبـر ..

.. بعد اسبوع .. ردوا عليهمـ انهـ ريم موافقهـ .. وحددوا الملجهـ والخطوبهـ في نفس اليوم ..

..

الجآزي .. }

كنا لابسيين عباياتنــاا يوم دخل علي .. وكلنا رحنا نسلم عليهـ .. وقلت لهـ || والله وصرت معرس ياعليييوي ..

علي وهو مستحي || هيي انتي شنو عليييوي .. انا متزوج الحيـن ..

تمينا نضحك عليهـ .. وسلمنا على ريم ..
سمعت صوتـ جوالي .. وطلع مسج فتحتهـ ولقيتهـ من فهد

[ شلابسهـ اليوم في العرس .. اوصفي لي وصف كامل ]

قلت له عن الفستان اللي لابستهـ وعلى طول طرش لي ..
[ اوووكي خلااص .. اختي موجودهـ في نفس الخطوبهـ باقول لهـا تشوفج وتكلم أمي عشان تخطبج لي .. بااي خطيبتي ]

ههههههـ واااي استحي .. من صجه هذا بيخطبني ابييه هههههـ استحي والله خخخـ

..

في الجااامعـهـ ... ـــــــــــــ

نوف ..}

كنا انا وريمـ قاعدين فـ الكلآآآٍس . . ونسولف
انا || اخبآر علي معااج ؟
ريم وهي تبتسم || اشطــــــهـ
انا || ههههههـ الله يوفقكم ان شالله .. ها متى حددتوا العرس ؟
ريم || امممم اول مايخلص هالكورسـ بعـد 4 شهـور يعني
نوف || اهـاا ..
شوي الا ياات غرور تسولف معانــاا ..
الا جآيهـ بنت صوبنآآ ..

البنت || غرور لو سمحتي تعاالي شوي
غرور || خيــر ؟
البنتـ || تعاالي شوي ابي اسألج عن شـي
قمت معاها ابي اشوف شتبي مني ..
البنتـ || انتي تعرفين خالد ؟
انصدمت من سؤالها وقلت وانا مرتبكه حدي || اأ ايي ليش ؟ قبل كنت اعرفـه اماا الحين لاا في شي ؟
شفتها مادهـ يدها ومعطتني ظرف || انا اخت خالد .. وهـ الصور شفتهاا في غرفـة خاالد .. ديري بالج على نفسج .. ومب اي واحد تعطينه صورتج .. ورااحت عني ..

تميت قاعدهـ في مكاني .. مادري اصيح ولا شاسوي ..؟ ؟ استغفر الله انا ليش سويت جذيه ؟؟ وين كان عقلي يوم كلمته ؟؟ وين كان عقلي يوم عطيته صوري ؟؟ لااا احس باامووت من كثر التفكييييير ..

شوي الا ريم ونوف شافووني وأسألووني || ويينج انتي ؟؟ شكانت تبي منج ؟؟ تعرفينها ؟ تعرفج ؟ أسرآآآر هآآ ؟!!
صرخت عليهم مرهـ وحدهـ || ماااااااعرفها خلااااص فكوووووني
ريم || لاامب مخلينج برووحج .. شفيج تصيحين ؟؟
قلت لهم || قلت لكم مافيني شـي .. خلااص تكفوون خلووني ..
اول ماوصلت البيت تميت حابسهـ نفسي في الغرفهـ .. مااشتهي اي شي .. بس الحمدلله انهـ الله دز لي هالبنت .. الحمدلله الحمدللهـ ..

شوي الا سمعت حد يطق الباب .. || هلا يما دخلي ..
امي || يما شفيج اليوم ولا كلتي شي وحابسه نفسج في الغرفهـ ؟
أنا || لا بس تعب الجامعه يماا
امي || اييي .. اوكي بتجين معاي بيت خالتج لانهاا مريضــه شوي ..
أنا || اووكي يما دقايق بس البس

وصلنا بيت خالتي ام سعود .. اعرفكم عليهم اول ..
ولدهاا سعود .. 25 سنــة يشتغل
عبدالله .. 22 سنــة

فطاامي .. اسم الدلع ..كبر غرور .. حبووبـة وفرفوووشـــه
العنود 15 سنـة .. اصغر من سيف بـ شهر .. بس بينهم عدااوااتـ .. لكنهم اكثـر من اخواان

..

خالتي || والله وحلوويتي ياغرور وغديتي مــره
انا || تسلمين خاالتي .. عيونج الحلوه
قالت لي فطامي بصوت واطي || غرور شفيج اليوم مب على بعضج ؟
ابتسمت وقلت || يتهيأ لج
فطامي || .. صاير شي ؟
انا || قوومي فووق .. باقول لج ..
قلت لهآآ عن اللي صآر لي اليوم فـ الجآمعهـ ..
ابتسمت لهاا وانا مرتااحهـ اني فضفضت حق حد ..

فطامي || شراايج ترقدين عندنا اليوم ؟
انا || والجامعه ؟
فطامي || عطي نفسج اجازه يوم وااحد
غرور || باكلم امي ..
نزلنا تحت .. وشفت سعود ولد خالتي .. شكله توه راد من السفر ..

غرور || السلام عليكمـ
الكل || عليكم السلامـ
ر احت فطامي وتبوس اخوها || هلا والله هلاا وغلاا .. هلا بنظر عيني .. الحمدللهـ ع السلااامهـ
خالتي || بس بس خلي اخوج توه راد من سفر وتعبان
راحت فطامي وقعدت عند ريل اخوها تهمزه || هاا شجبت لي
سحب ريلهـ وقال || وانـااا اقووول شهالترااحيب كلهاا وتهمز ريلي .. ماايبت شي انزين
فطاامي || يمااا شوووووفي . اناا قاايله له يجيبـ لي كاااااافي فرنسااا
سعود || كااني جبت لج عن الحنـه بس
فطامي || يمـي يمي فديت اخوي والله
فطاامي || غرغر تبين ؟
غرور || لا مشكوووره
سعود || شنو تبين بعد .. قومي عطيهاا(( وهو يقلد صوتهاا )) غرغر تبين ؟
الكل || هههههههه
شوي الا نسمع صوت صرااخ وهواااش .. قمنا بسرعهـ من مكانــاا الا نشوف سيفوووهـ

ام ناصر || سيفوه انت شياايبك ومتى ييت ؟؟؟
سيف وثوبه معفوس وشعره طاايـر (( كانوا هو والعنود يلعبون بلاي ستيشن ويوم العنود فاازت على سيف قعد يضربهاا وجر شعرهـااا ))
امي بعصبيهـ || شمسوووي في البنـــــــــت...؟؟؟
كلهم رااحوا مكان ماهم قاعديين لانهم يدرون بسوالف سيف والعنود لازم هواااااش وصيحــه
ام ناصر || امشووا يالله الصاااله بســرعه

..
سعود || انتوا الاثنين متى بتعقلون ؟
سيف و العنود || هاي هو \ هاي هي
سعود || بــس بــس ..
تعشووا مع بعــض .. وغرور قالت حق امها انها بتم في بيت خالتهاا وسيف بعد رغم انه كان متضارب مع العنود لكنهمـ رجعوا نفس قبل وتم في بيت خالته

..

الساعهـ 1 فليل .. في غرفة فطامي ..
كنا قاعدين ونقرا في هالمجلات
نادتني فطاامي || غر غر
رديت عليها بملل || همممـ كم مره قايله لج لاتقولين لي غرغر ..
فطاآمي || الشيخه غرور
أنا || كح كح .. نعمـ
حذفت علي المخده على راسي بدفاشهـ وقالت || نعااااآمه ترفسج قولي آمييــــن .. قومي خلناا نطالع التلفزيون تحت
رديت عليها المخده ورحت اركض ولبست شيلتي || يـلاا
نزلنا تحت ولقينا الصاله مقلووووبه من العفيسهـ .. اكييد عرفتوا من اللي عفسهاا ... معقووله ماعرفتووا ؟؟؟ ليش في حد غيرهم يسوي كل هالبلاوي .. سيف والعنود

غرور || وانتوووا يالشيوخ ليش ان شالله مب مداومين بكره ؟
سيف || ماافي درااسه
العنود || ايه خلصناا كل الكتبـ
فطااآمي || ومتى بتداومون انزين ..؟
سيف || الاسبوع الياي مع الامتحانات

..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 09-12-2010, 05:41 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: ما على الدنيا عتب كل مافيها أماني / الكاتبة : جوهرة قطر


الجازي .. }

سمعت حد يطق باب غرفتي .. لبست شيلتي وقلت || تفضل ..
علي || سلااااامـ
قلت له بـ ابتسامهـ وانا اهللي فييهـ || هلاا هلاا بمعرسنااا شدعوهـ .. من اول ماخطبت واحنا مانشوفك في البيت ؟
علي || احم احم .. شنسوي بعد .. الا بغيت اسألج ..
قلت || هلا ؟
قال لي وهو يمثل انهـ زعلان || يااخوووج ابي اودي شي حق ريم .. اليوم آخر زياره لي لهاا .. الله يصبرني اهئ اهئ ..
أنا || ايي خلااص اثقــل .. مابقى الا اسبوع ع العرس .. اممم شتبي تودي لهاا .؟
علي || مادري .. شااخذ ؟ ولا اقوول شرايج اتيين انتي وغرور معاآي الستي ونختار لها على ذووقكم ؟
أنا || اممـ اووكي .. ( وتذكرت ) ايي بس تعاال .. غرور في بيت خالتهاا نسييت .!
علي || امممـ .. اوكي بنمر عليها وبناخذها اكيد بتيي ماتفوت طلعـه .. وكلمي اختج نوف بعد قولي لها اذا بتيي وياناا

بعد ماأستأذنت من عمي .. اتصلت حق غرور ونوفوهـ اختي وقلت لهم يتبرزوون ..
.. فـ السيارهـ ..

علي || شلونج نوف ؟
نوف || الحمدلله شخبارك انت ؟
علي || الحمدلله .. ها بناات من وين آخذ ؟
غرور || انت شتبي تااخذ ؟
نوف || امممم اذا تبي عطورات .. روح الصالون الازرق
الجازي || لا لا خلنا نروح فيلاجيوو
غرور || لااا خلنا نرووح فيســـز
علي || لا والله .. الحين وين اروح ؟
اول ماوصلنـاا تميناا نختاار لهاا وعلي مايقصر ودهـ ياخذ المحل بكبرهـ ههههـ

نوف || علي علي .. نوفووه تحب هالعطـــر ترى .. تموووووت فيه
شميت العطر وصج طلعت ريحته رووعه || واااااااااو الحلوو مايحب الا الحلووووو ..
غرور || نحن هنااااا
الجازي || احم احم
علي || بس بس كليتووني ههههههههه
نوف || افففففف ريلي تكسرت .. يالله بس كل هاي حق ريموووه .. واحناا مالناا شي.!
غرور || اي والله هاي وانا اختك ماشريت لي هالكثـــر ..
علي || يمااا منكــــــم .. ها من الحين بتغاروون .!!!
ضحكناا كلنـــاا .. ورااح علي يدفع الحسااب وغلف العطوراات والاكسسوارات والميك اب اللي شرينااهـ وحطهـ في كيس كبير يكفيهمـ ..

..... يتبع ......
~ [ الـ جزء الرآبع. . الـ فصل الأول ] ~

فـ الجآمعهـ

:

غرور .. }

شوي الا نوف يايتناا وهي مفووورهـ ع الآخر ..
انا || بيـه بيـه عسى ماشر شفيهاا الحبيبه مفوووورهـ ؟؟
نوف || هالدكتــووور الزفـــــــــــت .. اففففففف شهاليد اللي بتكتب جذيه ..
ريم وهي تضحك || ايييييييه هههههههه والله يحــر عنبوو حد يركض ورااااك ؟؟
قالت نوف وهي تقلدهـ || لاازيم يااووستاازه على شاان نلحق ع الدروس الباغيه .. مالت عليه الزووووول
ريم || هدي هدي .. اخذي بقية المحاضرة من عند اي حمصه او فوله خخخ

..

العصر في بيت ام فهد ..
ام فهد || فهد حبيبـــي اقلط اقلط
فهد وهو يبوس يد امه وللـ توضيح ( مرت أبوهـ بس يعتبرها امهـ لانهـا ربتهـ بعد ماتوفوا امهـ وأبوهـ في حادث ) || تسلمين يالغاليه

شوي الا دخلت بدريهـ اختي .. اعرفكم عليها .. اختي من أمي وأبوي .. عمرها 30 سنهـ عندها ولد وبنت توأمـ .. 10 سنين .. فيصل وجواهر

قلت في قلبي ( ييتي فـ الوقت المناسب يا ام فيصل )
بعد ماتقهوت وتمت تسالف مع امي .. قلت لهـاا بصوت واطي || كلمي امي عن ذيكي البنت ..
بدريهـ || يمــاا
امي || هاا يمــااا
بدريـه || تذكرييــن البنت اللي في خطوبـة علي ولد ناصر ؟
قالت وهي تتذكر || اممم اي وحده .. واايد بنااات ..
بدريه || اللي كانت لابــسه تايجر
امي || تااير ؟
بدريه || ههههههههه تايجر يما تايجر .. اللي رويتج اياااهاا قلت لج شرايج نخطبهاا حق فهـد
امي || اييييي اييي بنت ناايف الله يرحمه ريل مريم؟
بدريه || عليـــــج نوووور .. شرايج نخطبها حق فهد ؟
قلت وانا استعبط جني مادري بالسالفهـ || اوووهـ بتخطبوون لي وانا ماادري .. !
امي || واللهـ هذي الساعهـ المباركهـ اللي باشوف ولدي فهد معرس .. وييي يعلني اشوف عيالك وعيال عيالك قول آمين
رحت بست راسها وقلت || آآآآآمييييييين يعل عمرج طوووووووويل
دزيت مسج حق الجازي بسررررررعهـ
[ بسج بسج نوووم .. قووووومي قووومي عندي لج خبر ]

[ هلاا .. شبغيت ]

[ امي واختي ياايين بيتكم الحين عشااان ..... ]

[ حيآآهم اللهـ .. بس خييير شصاااير ؟ ]

هههههـ مارديت عليهااا بالعمااله وقفلت جوواالـي ..

..
فـ بيت ام نآصر

ام ناصر || واللهـ هذي السآعهـ المبآركهـ ويحصل انا الشرف ..
بعد ماطلعوا من بيت بو ناصر .. مسكهم فهد بـ الأسئلهـ
فهد || ها يمـاا شفتوهـا ؟
ام فهد || اي
فهد || وافقت ؟
ام فهد || عنبووو .. يوافقون بـ هالسرعهـ .. اثقــــــــل بعد اسبوع اسبوعين بـ الكثيير بيردوون


..
.. بعد أسبوعييين ..

غرور .. }

اتصلت ع الجازي اشوف شآخر طلباتها || يالله خلصييينـــي انا توني طالعه من الجامعه شتبين ؟
الجازي || امممـ نطري نطري ..
قلت لها وانا معصبهـ على برودها || يزوووووووووي ان ماخلصتي علي والله باصك في ويهج
قالت وهي تتأفف || اففف افف منج .. انا عرووس الحين من حقي اتدلع
غرور || ماااالتـ بس .. ليحين ماعرستي يعل يعرسوون عليج 3 قولي آمييييــــــن
الجازي || وييييي ياااااااعلج ان شالله ياااعلج ريــــــل احوووول اعوووور ابلم اصمخ اطرم اقرع قولي آآمييـن
قلت لها وانا ميته من الضحك || بعد اقرع شدخل ؟ هههههههههههههههههههه

الجازي || زييين سمعيني بس .. ابــي امم تعرفين نيتروجينااا ؟ ايه جيبي لي منه واااحد .. وو ووو وو اممـ شنو بعد ياااربي ايه ايـه تعرفيـن خان الصابون اللي في الاند جيبــ ....
قالت بصوت عالي حتى حسيت انهـا بتطلع من السماعه || لااا يااماااماا لاا ياابعد ششششششششبدي انا الاند مب راايحتهـ
الجازي || خلاص خلاص بلاش من اللي مايتسمااش دهـ .. اذا تذكرت بعد باارد اتصل لج .. باااااااااي

..

الجآزي ..}

اليوم الخميس .. وكان يوم الـ شوووفهـ ..

شوي الا دخل عمي وقال لي عشان اوقع على عقد الزوااج .. قبل ماادخل تميت اقرى قرآآن .. واقول في قلبي ( ياارب يكون حلووو .. ياارب يشبه توم كروز .. عقب تميت اضحك اخفف من التوتر شوي .. هع هع سمعتكم من قال عني مب صاحيه ؟؟ احم خلاص خلاص خلني ادخل ) || بسم اللهـ
دخلت المجلس وانا منزلهـ راسي .. مادري شفيه ماينرفع .. احاول ارفعهـ الظاهر صادني تشنج هههـ وقلت بصوت وااطي اوني استحي || السلام عليكمـ
الكل || عليكم السلام

..

فهد ..}


رفعت راااسي الا انصدمممممممممممت .. لاا معقوووله .. لاا لا لا اكيييد انا احلم فيها نفس كل مرهـ .. شدعوهـ في كل مكااان اشوفهـا ا .. في حلمي اشوفها .. في لندن اشوفها في كل مكان اروحه اشوفهـاا .. بس في ملجتـــــي بعد ؟؟؟؟؟؟؟؟؟؟؟؟؟؟؟؟؟ تكفون قولوا لي شاسوي الحين اقعد اصاارخ ولا اضحك عااالي .. والله مب مصدق ..
!!!!!!!!!!!!!!!!

..

الجازي ..}

بو ناصر || يالله عيـل.. طلع عمي .. وخلونا بروحناا ؟؟؟!! تعرفون شنوو بروحناا .. يعني انا وهذاا ؟؟ تصدقون مااعرف شسمه حتى ؟؟؟؟ بس اللي اعرفهـ انهـ هذا اللي في كل مكان اشووفهـ ....

..
الجآزي ..}

قلت لهاا وانا ليحين منصدم || مبرووكـ
الجازي || ا االلـ هـ يباارك فيـ يـك ..
فهد || شخبارج ؟
الجازي || الحمد لله هـ ..
فهد || انا اسمي فهد .. وانتي ؟
قلت في قلبي .. شدعوهـ قاعدين في مدرسهـ خخخ || انا الجازي ..
ابتسمت لهـ لا شعورياً.. ورد لي الابتسامهـ .. واااااي تفشلت من قلب ..
تمينا ساكتيين شوي عقب قال || بصراحهـ انصدمتـ انـ ....
قاطعتهـ وانا معصبهـ حدي || لاا والللهــ ؟؟؟ ترى ليحين احناا ع البر .. لو مب عاجبتك قـ ...
قاطعني بسرعهـ وقال || لحضهـ لحضهـ خلني اكمـــل .. انصدمت انهـ انتي هي نفسهـاا اللي اشوفها في كل مكان .. في حلمي .. في لندن .. في كل مكان اروووحهـ .. ( وابتسم وقال ) وحتى في ملجتي شفتج ..
احم احم .. لاا ماااقدر .. اليوم حسيت انه انا صج استحــــــي من قلب .. حتى ماقدرت ابتسم ع الاقل اعلق على كلامهـ ..


..



الرد باقتباس
إضافة رد

ما على الدنيا عتب كل ما فيها أماني / الكاتبة : جوهرة قطر ، كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية يا حظ عينك / بقلمي ، كاملة •●!✿حنين الورود✿!●• روايات كامله - يتم نقل الرواية هنا بعد اكتمالها 503 01-10-2018 05:31 AM
روايتي الأولى : محكمة الحب / كاملة LiloO روايات كامله - يتم نقل الرواية هنا بعد اكتمالها 746 28-09-2018 06:32 AM
حبيب الحب : خالد و نوره / كاملة كل الحلا والزين روايات كامله - يتم نقل الرواية هنا بعد اكتمالها 37 19-05-2015 10:17 PM
قصة تدمع العين غيمة حب قصص - قصيرة 6 09-02-2006 09:59 AM
الدنيا مزرعة الآخرة عـبـود مواضيع إسلامية - فقه - عقيدة 7 05-08-2005 02:14 PM

الساعة الآن +3: 06:56 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1