منتديات غرام منتديات إدارية - يُمنع طرح اقتراحات ارشيف غرام رقصات على اوتار الحب ( روايه سعوديه رومنسيه روعه لاتفوتكم )
زيـزفـونـ ©؛°¨غرامي جديد¨°؛©


السلام عليكم ..


هذي اول مشاركه لي بهالمنتدى ..

انا قريت هالروايه للكاتبه المبدعه أرجوان

واتابعها الحين بمنتدى ثاني ..

وعجبتني حيييييييييييييل ..

رومنسيه واكشنات فيها كثيره ..

مررره تجنن

فقلت لازم انقلها لكم حتى تشاركوني روعتها ..


لاتحكمون عليها من البدايه ..

وانا راح انزل لكم كل يوم فصلين او 4 فصول ان شفت حماسكم ..

اتمنى انها تعجبكم مثل ماهي عجبتني وصرت متعلقه فيها وبشخصياتها ..

وادعموني بردودكم وحمسوني حتى انقلها لآخر شي ..

هذي هي الروايه ..



][ رقصـــــات ][ على اوتـــــار الحب



[..بسم الله الرحمن الرحيم ..]


.. على بركة الله ..

.. اتوجها اليوم للمره الاولى ..

بعد ان قطفتُ بسمتي عن شفاهي..

محاولة أن أزرعها في مكانٍ يليق بكم..

فهلا زرعتم بسماتكم معي في ليلةٍ قمرية تعجُّ بصفوكم..

فبكم تكتمل أفراحي

بكم ترتسم البسمات على الملامح المتشعبة نبضاً..

بكم تكون الأيام أجمل.. اللحظات أطول.. السعادة مســـ تحقة


[..رقصات على اوتار الحب..]

.. قد حآن وقت اللقاء ,..

.. هي علم بارز في " قلبي " ,..

.. أبيت الا الشرب في كفها ,..

ولكم..الجلوس على ضفة المشاهدة ,..

.. لمراقبة خطواتها على أرض القمر ,..


زيـزفـونـ ©؛°¨غرامي جديد¨°؛©


منذ زمن لم نلتقي ..
قررت اليوم .. وأنا بكامل جنوني .. وعبثي الطفولي معك ..
أن أدعوك للرقص ..
في حفلةٍ ساخرة ..
الوجوه فيها مقنعة ..
والشموع فيها ... مغروسةٌ في قلوبٍ نضرة ..
تحتضر أشتعالاً ..وتنزف قربً..

منذ زمن ..
لم تحط يداك خصري ..
ولم تتزين السماء .. بفراشات حبي ..
لكني .. بعدُ قررت ..
أن احتفل بغيابك معك ..
وأن أشعل موسيقي .. قلبي ..
سأضع رأسي على صدرك ..
وأسمع نبضات قلبك ..
وأغمض عيناي .. فأنا أعلم أني أراقص سرابك ..
وأنك هناك في البعيد ..
تحتفل مع أخرى ..

منذ زمن ..
لم تتشابك الأيادي ..
ولم نعرف طعم الدفء ..
ولم نعرف كيف يتبلور الحب سطور .. من بعد ..
لكني ..
سأمسك عناقيد الأمل ..
وأنثر على أرضي .. كرات العنب ..
لتتدحرج .. ويتتدحرجُ معها شوقي إليك ..

ها أنا .. أدعوك ...
من بين سطور غامضه .. وحروفٍ خائفة ..
أن تضيئ من بعيد ..
وأن لاتقترب ..
فقربك كالبحر مخيف ..
وأنا قد تعبت من الغرق ..

راقصني هناك ..
على صوت سيمفونية محمومه ..
فوق أرض ثامنة ..
روحك .. و روحي ..
و النجوم شهود ..
هي دعوة ..
لرقصةٍ مجنونه ...
تتناثر فيها حباتِ اللؤلؤ ...
ليعلن القمر حينها ..
موعداُ للإنشقاق !!




سُكرٌ و سكر ..
ذاك الذي يتساقط من شفاه الغياب ..
السنة محمومة .. تطلق آهات .. وآهات ..
تغيب في المدى ..
تخترق حاجز الضوء ..
ترتعش المسامات .. ويبكي الزهر ..
ويتساقط الشوق حمماً من بركان .. تشعله أنت !

في حفلي الراقص معك ..
سأغزل في عين قمري ضفيرتين ..
وأسوق غمامةً ... بيضاء ...
هي قلبي ..
أجلس .. فأنت المختار المنتظر ...

سأحمل إليك كأساُ من من عاج قلبي ...
وعطراً ... من ثكنات روحي ...
وشرباً ... تلوت فيه ندائاتي إليك ...

هاهنا ... ستتطاير أنغام الموسيقي ...
وسيحفر البلور ..
اخر مشهدٍ لقبلة ٍ ... لم يشهدها الغياب !


وسأرقص .. بك .. بعيداً .. بعيداً !
على عرش جنونٍ تخيرته لك !


زيـزفـونـ ©؛°¨غرامي جديد¨°؛©




الفصل الاول



المنبه دق على الساعه 5 الفجر في احدى القصور الفخمه بالخبر


دينا صحت قبل المنبه من كثر الحماس

اليوم أول أيام الدراسه بمرحله جديده عليهم وهي الثانويه


دينا دخلت غرفة جنان وصرخت بأعلى صوتها :جنااااااااااااااان قووووووووومي اجهزي

( دينا شخصيه رقيقه .. حالمه .. رومنسيه .. شفافه .. وهااااااااااديه لأبعد حد)

نقزت فوق السرير :جنووووو اليوم أول يوووووم

جنان : هممممم

( جنان اسم على مسمى شخصيه متمرده مزاجيه تحب كل شي على كيفها دلوعة ابوها ومحد يرفض لها طلب تحب تغامر وطبعا دينا دايم معاها مع الخير والشر )

دينا وهي تفتح الستاير واللمبات ( لزوم الازعاج) : قوووووومي ووجع خلنا نتجهز

جنان وهي تغطي نفسها بالغطى وبصوت ممبحوح : وجع خليني اناااااام

دينا : قوووووميييي مافي وقت

جنان : دينووووووه ابي انااااااااااام مانمت الا متأخر حرام عليك

دينا رجعت لجنان على السرير وهي تشيل الغطى: قووومي جنوووو يلا تكفييين متحمسه أشوف البنات
يختي كبرنااا وصرناااا ثاااانوي ههههه

جنان وهي متأففه : انا مادري على شنو هالحماس ترا كلها مدرسه وقرف على شنو متحمسه مادري لاحقه عليها يالغبيه

دينا بحماس : جنو بعد عمري يالله حبيبتي قووووووومي تكفيييين خلنا نغث ماهر عالصباح وأحمدووه يالله قومي

جنان قامت بالشورت الوردي والبدي الابيض مرسوم عليه بنت وشعرها مبهدل لبست الشبشب وتمشي للحمام وهي مالها خلق تسحب رجولها تسحب: أنا نفسي اعرف على ايش هالحماس من فجر الله حتى نومه زي الناس الواحد مو قادر ينام افففففف منك ابتلشت فيك انا

دينا نطت وضمت جنان وباستها بخدها بقوه : اموووووووااااااااااااه بعد جبدي ادري ماتزعليني

جنان وهي تبعد دينا عنها : طييييييييب وخري عني خنقتيني شكلك قلبتي شاذه وانا مدري
دينا بغرور : هههههههه عسل على قلبك

دينا تجهزت هي وجنان وبدا الازعاج بالبيت ..



************



جنان ودينا بدوا بخططهم للأزعاج وتصحية الكل من الفجر

جنان استلمت أحمد أخوها الصغير آخر العنقود

وبينهم عداوه لانه فوق راسها وهي المدلعه وأحمد يكرها لان ابوها يعزها عنهم كلهم
جنان ودينا وهم يطقون باب جناحه وكأنهم بيكسرونه : حموووووووووووووود قووووووووووووووووم اليوم اول يوووووووم مدااااااااااارس

أحمد بينجن من صراخ اخته وهو مسكين بالابتدائي لسه

دخلت الغرفه وماخلت أزعاج الا سوته وطبعا دينا هي اليد المعاونه لها
أحمد قام وهو وده يبكي : جنييييييييييه انتي خليييييييييني انام ( جنيه لقب جنان اذا سوت شي يضايق أحمد )

جنان وهي بأنتصار : هههههههههه عشتو يالله قوم اليوم اول يوم دراسه ياحبيب امك قوم بس قوم ولاتسوي فيها رجال علي

دينا كسر خاطرها أحمد : جنو خلاص حرام عليك خليه مودي بحاله خلاص هو الحين بيقوم

جنان طلعت وهي تضحك ضحكه شيطانيه على انتصارها : ههههههههه ماكون جنو إذا ماقلبت البيت اليوم فوق تحت عليهم وأزعجتهم

دينا وهي تضحك على هبال خويتها : هههههههه ما كأنك قبل شوي كنتي بتذبحيني لما صحيتك يالكسول

جنان وهي تمشي لجناح أختها ليان

( ليان أكبر من جنان بثلاث سنين بسنه ثانيه جامعه لانهم دخلوها المدرسه بكير هاديه بشكل نسبي بس تختلف عن اختها شخصياتهم غير )

جنان : ههههههههههه حبيبتي أنا جنو لازم اتدلع شوي

دينا وهي تمشي معاها : ههههههه ماقدر يالواثقه

جنان : يالله امشي خليينا نزهق ليانوه الحين شايفه نفسها علينا بالجامعه الهبله

دينا تضحك على هبالها : ههههههه مجنونه انتي ليه حاقده حتى احنا دخلنا الثانوي الحين


جنان ودينا استلمو ليان : ليااااااااانوووووووووووه قوووووووووووومي اليووووووم اول يوووووووم دراااااااااااسه يابنت الجامعه قوووووومي

ليان طلعت معصبه من أزعاج اختها وفتحت الباب : وجع جنانوه مافيه نعومه ابد شهالازعاج

دينا وجنان ميتييييين ضحك على شكل ليان المبهدل وهي معصبه وعيونها حمر : ههههههههههههههههه

ليان جت بترد عليهم قاطعها ماهر وهو طالع من جناحه لابس شورت وشعره مبهدل
( ماهر أخو جنان الكبير أكبر منها بخمس سنين هااااااااادي وغااااااااامض وماله بأحد أبد ) :
خير خير شهالازعاج من صباح الله خير

ليان وهي معصبه : والله من اختك اللي يشوفها يقول مررررره ميته عالدراسه
انا اموت واعرف هذي كيف صحت وهي نايمه معاي مدري بعدي واحنا نشاهد الفلم
ماهر وهو يضحك على هبال اخته اللي البيت من دونها مايسوا : ههههههههه وانتي ماتبطلين شطانتك كبرتي وصرتي بالثانوي

جنان مدت بوزها وتخصرت : لاااااا بعد قول بزر لا لا قوووووووووووووول

ماهر قرب منها وقرص خدها وباسها : وهو نقدر على زعل دلوعة البابا ههههههههههه

ليان وهي متنرفزه : انا ابي افهم شهالرواق اللي انتو فيه كلكم

ماهر لف عليها :وانتي ليه معصبه الحين ههههههههه

ليان : لاني قايله مابروح الدوام اليوم أول يوم وزحمه وقلق وكله عشان ناخذ الجداول فبروح بعد كم يوم

ماهر وهو يضحك عليهم : ههههههههههه عادي خذي لك من صراخ المجانين اللي عندك

دينا وجنان مع بعض عصبوا: لااااااااااا من المجانيييين

ماهر رفع ايده وتراجع على ورا : لا لا انا مااااااقلت شي هههههه انتو شزينكم

الا اقول ياام عيون زرق متى اقامتك تخلص عندنا أشوفك لازقه من اجازة الصيف وشكلك بتكمليها

( دينا عيونها زرق لان امها فرنسيه ودايم يسميها ام عيون)

دينا مدت بوزها وقالت بدلع : قاعده على قلبك هنا


ماهر ضحك عليهم ورجع غرفته يكمل نومه الا بوجهه ابوه


ماهر باس راس ابوه : هلا يبه صباح الخير والنور والسرور

ابو ماهر : هههههه لا شهالروقاااان بس يالله صباح النور

ماهر وهو يضحك: ههههههههه اللي يشوف هبال دلوعتك وتوأمها مايضحك
قايمه من صباح الله خير ومو مخليه أحد بحاله الا تصحينا مع ان ماعندنا دوامات

أبو ماهر : وايش لكم فيها دلوعتي خلوها على كيفها ، بس قول لي ليه ماعندك دوام

ماهر : والله يابو ماهر خبرك اليوم اول يوم والحين الطلاب الجدد ممليين الجامعه ومالي خلق الزحمه
أروح بكرا ولا اللي بعده ماراح أخسر شي

ابو ماهر : اهاا الله يوفقك

ماهر : يالله يبه تامر على شي بروح اناااااااام نعساااااااااان وازعاج جنان صحاني

أبو ماهر : ههههههه لا سلامتك روح نام


نزل ابو ماهر للفطور وماهر دخل غرفته يكمل نومه


وجنان ودينا بعدهم يغثو ليان وأحمد

جنان وهي جالسه على سرير ليان وتلعب بشعرها : وليه حظرتك مو مداومه

ليان وهي واقفه عند الباب تنتظرهم يطلعون : والله مالك دخل واطلعي وفكيني خليني انااااااااااام

جنان تستهبل وتناقز عالسرير : ههههههههه مابي عاجبني سريرك ، أقول دنو شرايك اليوم ننام على هالسرير والله خطير

دينا : هههههه ايه والله فكره


ليان هنا خلااااااص قفلت عندها : هييييييييييييييييييه انتوووو خلااااااااص غثيتووووووووووني
وانتي دينوووه روحي بيتكم خلاص زهقتينا لازقه هنا


دينا تضحك تعرفهم كذا بس يقولون لها عشان يطفروها : هههههههههه ماني برايحه الا اذا بابا طردنيي من بيته


ام ماهر هنا دخلت : شعندكم هواش من صباح الله خير


ليان : ماما شوفيهم ابي انام والخوات مو مخليني

ام ماهر بروقان : ههههههههه عشان كذا بس ، وانتو يالله قدامي تفطرون وتروحون على مدرستكم

دينا وجنان طلعو وهم يضحكون : ههههههههههه بااااااااااااي يا مس ليان



*********



الكل نزل تحت للفطور

كان ابو ماهر جالس على الطاوله

نزلوا دينا وجنان وراحوا لابوهم باسوا راسه وجلسوا

جنان جلست جمبه

أبو ماهر قرص خد جنان بحنيه : وانتي يالدلوعه ليش كل هالازعاج هاه هههههه

جنان حمرت خدودها وضحكت بدلع : هههههه بابا نسوي أكشن صح دنو

دينا : ههههههههه بابا هذي مجنونه اذا ماسوت ازعاج

أبو ماهر : ههههههههههههه


وبعدها عم السكوت شوي يفطروا


أم ماهر : هاه بنات ماخلصتو فطور ترا السواق ينتظركم

البنات : ايه خلصنا

جنان : ماما يمكن اروح اتغدا مع دنو اليوم ومارجع البيت وجايز انام عندهم


أبو ماهر : ليه اقامة دينا خلصت عندنا واتجهت لك تقيمين عندهم

جنان بدلع : ههههههههه لا بابا بس تغيير جو وعشان بكرا دور نغث تركي

أبو ماهر : ههههههههه قولي عشان كذا


خلصوا فطور وقاموا سلموا على ابوهم وامهم وطلعوا



************



وهم بالطريق بالسياره ..


دينا : يووووه متحمسه اشوف البنااااااااات

جنان بملل : مادري ليه متحمسه احس اليوم ملل وكل شي ممل ولا وبيشوفونا بزران معروفين بنات الثانويه

دينا : يووووه لاتخوفيني منهم

جنان : يالله وصلنا وخليك واثقه من نفسه وماعليك من أحد


دخلو المدرسه وطبعا معروفه المدارس الثانويه اللي بثاني وثالث يشوفون الطالبات الجدد اللي بأول مرحله صغار وتافهات


دينا كانت جمييييييييله بالمره بعيونها الزرقا وببياضها المتورد ونحفها وبطولها اللي مناسب

جسمها وكأنها عارضة ازياء اوروبيه

كانت رافعه جزء من شعرها بمشبك مجمل شعرها الذهبي الاشقر

ملامحها ناعمه وبريئه بعيونها الزرقا وشفايفها اللي مثل التوت

خدودها مشربه بحمره


جنان كانت هم بنت جميله بس أقل من دينا كانت دينا تفوق عليها بالجمال

جنان مو بيضا مره بشرته تميل عالقمحي او البرونز الفاتح المايل عالبياض لونها مره رايق

مع شعرها البني الغامق المايل على السواد الناعم

ملامحها دقيقه عيونها بنيه غامقه ورموشها كثيفه وانفها مثل السيف

وشفايفها مليانه وصغيره

ملامحها متناسقها ... وجسمها رشيق وطويله

كانت رافعه شعرها بطريقه مو منتظمه ومعفس يعكس على شخصيتها المتمرده


كانوا يتمشون والعيون على دينا ام العيون الزرق

كان جمالها بارز و يبان كأنها بنت مو سعوديه

بنت اوروبيه لانها تاخذ اكثر شي على الاوروبيات


وهذا اللي كانوا يفكرون فيه البنات اللي بنفس المدرسه

دخلوا فصلهم واختاروا لهم مكان تقريبا ورا عشان جنان تاخذ حريتها بالحش


ماتكون جنان اذا ماعلقت بوسط الحصص

جلسوا شوي

جنان : اففففففففف طفش مافي شي يفتح النفس شوفيهم شلون البنات

دينا وهي تطالع البنات اللي حولها : انتظري اشوي الحين الشله تتجمع

جنان : اقول قومي برا يمكن نشوفهم

دينا : يلا


طلعو الساحه واول ماطلعوا شافوا خويتهم مرام وهذي عربجيه شوي

واول ماشافوا بعض بدا الصراخ وسوالف البنات لما يشوفون بعض

سوو صجه بالساحه

جنان وهي تشهق وكأنها شافت عجب : مراااااااااااااااااام

دينا بهدؤ : هههههههه ايه والله مرام الهبله

مرام وهي تضحك بصوت عالي : ههههههههههههههه هلا بالربع هلا والله هلا و غلا

دينا : هههههههه وانتي مابطلتي حركاتك

مرام : ههههههههههه ايش عندك يالمايعه يختي خلك كذا احلى

دينا بهدؤ : هههههههههه لا خليت العربجه لك بس

جنان : ههههههههههه وينك يالزفته ادق عليك مقفل موبايلك

مرام بغرور مصطنع : ههههههههههه شتبين ناقصه الازعاجات انا ، يختي انا بزي

جنان : ههههههههههه ماقدر عالبزي

مرام وهي تخز دينا من فوق لتحت : يابنت مو كأنك احلويتي

دينا حمرت خدودها وضحكت بخجل : ههههههههههههه

جنان وهي تلف حول نفسها : تعالي يام الشباب وانا ماتغيرت

مرام وهي تصفر ومبعده شوي عشان تخزها مثل الشباب يعني: واوووووووو ايش هذا ولا عارضة ازياء


وبعد فتره بسيطه كملت شلتهم وصارت انوااااع الازعاج كالعاده جنان ماتخلي حد بحاله


البنات بالمدرسه البعض احتقرهم على حركاتهم وصجتهم والبعض عجبتهم هالشله

جنان طبعا بدت حش وماتخلي حد الا وتعلق عليه : وع بنات شوفوا هذي شمسويه بعمرها ينقال لها دفره ههههههه

مرام : هههههههههههه لا وانتي الصادقه ينقال لها دكتووووووووره

وحده من البنات : لا دختووووووووره

البنات : ههههههههههههههههه

وعلى هالحال البنات من وحده لوحده بس شغلتهم تعليق




************



جنان على آخر الدوام حاطه راسها على كتف دينا : يووووووه دنوووو ابي اناااااااااام متى نطلع بس ونخلص دوااااااااام

دينا : هااااااانت شوي ونطلع ونروح نخممممممد رحمت ليان اليوم يوم جنناها

جنان : ههههههههه الا قولي طيرنا عقلها

دينا : ههههههه حرام والله كسرت خاطري


خلص الدوام وطلعوا من المدرسه وراحوا لبيت دينا بأحد الأحياء الراقيه بالخبر

( عائلة دينا وجنان من العوائل الغنيه بالشرقيه )

دخلت جنان متأففه وفيها النووووم ومالها خلق تشوف أحد وبالذات تركي

( تركي أخو دينا واكبر منهم بسنتين وشخصيته متمرده مثل جنان يعني اذا اجتمعوا قولوا على الدنيا السلام )
: ماقلنا بنوصل

دينا ونفس حال جنان تبي تنام : ايه والله يالله خلينا نروح ننام

جنان وهمها بطنها : لااااااااا أول أتغدى جوعااااااااااااااااااااااااانه

دينا : ههههههههههه خلاص درينا فضحتينا

جنان وهي ماسكه بطنها وهو يطلع اصوات : والله جوعانه قولي لهم يحطون الغداااا

ام دينا طلعت ( مو امها هي مرت ابوها بس دينا تعتبرها مثل امها بالضبط ومرت ابوها تعتبرها بنتها لانها هي اللي ربتها من صغرها وبالمره حبوبه معاها): هههههه شفيهم الحلوات جوعانين

دينا : هلا ماما هههههههه هذي بنتك جنان فضحتنا جوعانه وجوعانه ام بطن

جنان : ايه والله جوعانه حرام ابي آكل

أم دينا : ههههههههه خلاص ولا يهمك الحين أقول لهم يحطون الاكل كم جنان عندنا

جنان بدلع : هههههههههه وحده بس

دينا وتسوي نفسها غيرانه مدت بوزها : لاااااااا ماما واناااااا ويييييين رحت

ام دينا وهي تضمها : ههههههههه انتي بعدهم كلهم واحلى بنت بهالدنيا كلها .. يالله ياحلوات روحوا بدلوا نزلوا عشان تتغدوا


حطوا الخدم الغدا وتغدوا .. راحوا الغرفه عشان ينامون

جنان رمت نفسها على السرير ونامت من غير ماتحس

والحال نفسه مع دينا

نامو لحد المغرب لين مابدا ازعاج تركي بالدي جي حقه اللي يسمعه كل البيت

جنان وهي تحط المخده على راسها : افففففففففف

دينا وهي تتأفف : هذا ايش عنده المزعج

جنان بحقد : والله اذا ماطفاه انا له

دينا : ههههههههه لا اجل نقول على اخوي السلام دامك بتستلميه

جنان شالت من على راسها المخده وقامت وهي عليها بجامه بنطلون مخربط ابيض واحمر

وفوشي والوان كثيره خصر واطي وفيه خيط فوشي ينربط

وبدي فوشي

طلعت وهي طفرانه


راحت لجناح تركي وطقت الباب بقوه عشان يسمع وتصرخ : تركيوووووووووووووه يالزفت افتح الباب ابي انااااااااااااام

تركي لاحياة لمن تنادي مايسمع شي وسط ازعاجه

وجنان مصررررررررره انه يفتح الباب

بالموووووت تركي حس وكأن احد يطق الباب قام يفتحه

الا لقا جنان وبشعرها المبهدل

تركي فجرها ضحك : ههههههههههههههههههههههههههههههههههههههههههههه

جنان عصبت : وجع ليه تضحك

تركي مكمل الضحك : هههههههههههههههههههههههههههههههه

جنان تنرفزت : تركيووووووووووه ليييييييه تضحك

تركي مكمل ضحك بس مسك ايدها ودخلها الغرفه وهي مستغربه ووقفها قدام المرايه : ههههههههههههههههه شوفي شكلك وانتي تعرفين

جنان معصبه بس شافت شكلها ضحكت وقالت بدلع وهي تعدل شكلها وتتميع بثقه: هههههههههههههه وهذا اللي مضحكك شحلوي شزيني شوفني ( وهي ترمش له بعينها )

تركي : ههههههههههههههه مااااقدر عالثقه انااااا

جنان بثقه : اكيد وااااااثقه عندك اي اعترااااااااض

تركي : ههههههههه لا ماعندي

جنان : الزبده شهالازعاج ابي اناااااااااااااام

تركي : مو مكفيك النوووووم اللي نمتييييييييه

جنان : لااااااا امس سهرانين ومانمنا واختك من فجر الله مصحيتني متحمسه مره ينقال لها دفره

تركي : ههههههههه هذي صاحيه شهالحماس

جنان : مدري عن اختك أسألها

تركي : هههههههههه الظاهر مو مصدقه انها بالثانوي وخلصت متوسط

جنان : هههههههه مطفوقه بعد شسوي بأختك

تركي : هههههههههه ماكأنها أختك انتي بعد

جنان وهي تتنهد : ااااه الله مابلاني الا باخت الله بالخير

تركي وهو يستملغ : لا عبد الله بالخير خخخخخخخ

جنان : خخخخخخ بايخه انا مدري شهالاخوان اللي الله بلاني فيهم .. يعني امي مالقت ترضع الا دينوووه عشان تصير اختي وانتو تصيرون اخواني ماقول الا الله يعيني عليكم

تركي بثقه وغرور : ههههههه الا محظوظه حصلتي لك اخوان مثلنا هي ام عيون زرق وانا اوسم شب بالدنيا

جنان : اقول انا بطلع من عندك قبل لايجيني شي من جنونك مالي خلقك

تركي : ههههههههههههههههههههههههههه


طلعت جنان وراحت لدينا خلاص صحصحت من بعد سوالف تركي : دنووو يالله قومي خلينا نلعب شي

دينا وهي متكيسله بالمره : انا ابي افهم من وين انتي تجيبين هالطاقه كلها

جنان : هههههههههه ليه مقهوره

دينا: مدري عنك عندك طاقه تدمر بلد

جنان : هههههههه يالله بس قومي وبلا دلع خلينا نغث تركي

دينا تتأفف: ياانتي وياهالتركي

جنان : هههههههههه فديته يهبل مثلي

دينا : هيه تراه أخوك

جنان تتنهد : آآآآآآه لو ماامي رضعتك كان تزوجته بس مالت عليك خربتي علي ههههههه

دينا : هههههههههه انتي مجنونه خلقه احمدي ربك رضعت معاك عشان اصير اختك ( ترمش بعيونها ) اصلا كنتي تحلمين تحصلين لك اخت بجمالي وبهالعيون الزرق

جنان وهي تحذفها بالمخده : هههههههه أقول قومي قبل لاارتكب فيك جريمه


طلعوا واستهبلوا ولعبوا مع تركي واخوانهم

لحد مااجا الليل وناموا كلهم



*********


وباليوم الثاني الكل داوم وراحوا مدارسهم

رجعو للبيت البنات وبنفس الوقت كان راجع تركي


تركي وهو يتأفف ويتحلطم: افففف شهالحر متى نخلص من هالمدارس ونفتك

جنان : أحمد ربك انت بآخر سنه مو أحنا تونا بسنه اولى

تركي نقز: بسم الله انتي من وين طلعتي وشهالاذن اللي عليك وسمعتيني

جنان : ههههههههه مالت عليك انت تتكلم بصوت عالي

دينا داخله واهي دااايخه ومعصبه : هاه شفيكم على ايش تضحكون

تركي : مدري عنها ام اذاين الفار

جنان : ماللي اذاينه فار غيرك انت

تركي : اقول انقلعو يابنات اول يالبزران ناقصكم اناااا

جنان عصبت : أقول مالبزر غيرك شايف نفسك علينا على شنو مادري تراك ثالث ثانوي يعني نفس المرحله

دينا تتحمد ربها : أحمدك يارب على هالمتخلفين اللي عندي ، أنتو مدري كيف تفكرون

تركي : اففف بنخلص بنخلص هذي آخر سنه وبندخل طب وحدك بعدين تكلميني وانتي خيسي بالثانويه حقتك

جنان : لاتخاف بلحقك حتى بالطب لاني بدرس مثلك طب وبتخصص نفس تخصصك

تركي وهو رافع يده يدعي ربه : يااااااااااااااااارب متى أفتك من هاللزقه اللي لازقه نفسها بكل شي وتبي مثلي

جنان : أقول لاتصدق نفسك من زينك

دينا تتحمد ربها على هالاخوان : رحمتك يارب الحمد لله والشكر عليكم كأنكم بزارين – صرخت عليهم لانهم صدعو راسها – خلاااااااااااااااااااص اسكتو صجيييييتوووووووووووناااااااا انا اروح غرفتي ارحم لي من مقابل وجيهكم يالبزارين

تركي : ههههههههههههه عداااااااال يااولى مدري من البزر الحين

جنان : هههههههههههههههههههههه مسكينه استخفت



*************



دينا وهي راكبه وتتحرطم وشوي وتبكي : اف منهم انا ناقصتهم ابي اشوف ماما ومحد عاطيني وجه

شوي الا بوجها اخوها الكبير كانت بتصدم فيه لانها تمشي وماتشوف قدامها من العصبيه
عمار معصب: وجع انتي ماتشوفين قدامك ولا اييييييييش

دينا لفت عنه بتكمل طريقها : كملت جا الثاني

عمار مسك يدها ولفها عنده بقوه : شوفي اذا محد رباك يابنت امك انا اللي بربيك وتحترميني غصبا عنك

دينا : ممكن تترك ايدي ترا مالي خلقك انا اللي فيني مكفيني

عمار ترك ايدها بقوه : ولا انا فاضي لك مشغول وتفاهمي معاك بعدين فاهمه

دينا تتأفف وهي تمشي عنه: افففففف ناقصتك انا

عمار : لو ماني مشغول كان ربيتك الحين على هالتأفف


دينا دخلت غرفتها وهي عيونها مغرقه بتبكي : انا نقصه هالغبي بعد مدري ليه يكرهني ايش سويت له بحياته انا مدري ماكأني اخته


بهالوقت دخلت جنان : دنو شفيك تتحلطمين

دينا وهي تبكي : هالغبي المتخلف عماروه ابي افهم على ايش يكرهني وشوي يذبحني انا شسويت له

جنان : شعليك منه خليه ينقلع مدري كيف يفكر

دينا : انا ناقصته كافي اني ابي اشوف الماما والحمار مو مخلي لي فرصه ابي اروح اعيش معاها بس لاعب بعقل الكل الغبي

جنان وهي تهديها : خلاص ماعليك منه انتي نامي وماعليك من احد

دينا : بس قاهرني عالطالعه والنازله يهزأني من غير ماسوي له شي وكاني ذابحه له حد

توها بتتكلم جنان الا قاطعها صوت جوالها : دنو حبيبتي شوي بس بندوره داق

دينا نست شوي اخوها من سمعت طاري بندر اللي يموت فيها : هههههه والله انتو اثنينكم حفال – وهي تقلد طريقة جنان - انتي وهالبندوره

جنان : اص خلاص برد

دينا : ابي اسمع

جنان : انقلعي بعدين خليني اشوف شيبي

دينا وهي تكش بوجه جنان : مالت عليك وعلى بندورتك اجل اروح انام ارحم لي منكم

جنان ردت على بندر بدلع : هلا والله

بندر : هلا بهالصووووت كله

جنان بخجل : هههههههه

بندر : تسلم لي هالضحكه انا

جنان : والله انك بياع حكي .. هههههه يالله قول شعندك داق

بندر : أسأل عنك شسويتي بأول ايام الدراسه

جنان : اففففف اسكت قلق

بندر: افا شفيك مو عاجبك الجو

جنان : لا بس ملل اول الايام

بندر : استحملي عشان تتخرجين وترتاحين

جنان : متى بس ...

قاطعتها دينا

دينا : يوووووووه منكم ماتخلون احد يرتاح

بندر : ههههههههه شعندها دنو معصبه

جنان : كالعاده متهاوشه مع عمار

بندر : ياذا العمار اللي مومخليها بحالها

جنان : ايه والله ودي اذبحه الحمار

بندر : اهم شي مايسوي شي لك

جنان : لا يخسي يسوي لي شي مع وجهه الغبي

بندر : هههههههه

جنان : اسمع قول للعيال والبنات نبي حفله هالويك اند سنعه

بندر يستهبل ويسوي نفسه غيران : اي بنات وعيال

جنان : لحووول يعني اي بنات وعيال.. انا شصير لك

بندر يكمل استهباله يبي يرفع ضغطها : ليه ماتعرفين انتي شنو بالنسبه لي ..

جنان : بندر لاتستهبل علي

بندر : ههههههه لا خلاص

جنان : يالله شنو نصير حق بعض

بندر : انتي بنت خالتي وانا ولد خالتك

جنان : طيب لاتستهبل مع وجهك مره ثانيه

بندر : ههههههه مافي اخلاق ابد

جنان : الزبده قول للعيال والبنات اللي هم عيال خوالنا كلهم عشان ماتستهبل علي وتسالني منهم نبي حفله

بندر : ههههههههه يصير خير

جنان : والله نبي شاليه وننبسط

دينا : جنااانووووه ابي انام اطلعي برااااا

بندر : هههههههه نونا عطيني اياها شوي

جنان : خذها غثتني

دينا : الو

بندر : هلا والله شعندك معصبه

دينا : ابي انام وانتو ماتخلون احد بحاله

بندر : هههههههههه طيب روقي يابنت وترا بنسوي حفله ونبيك موجوده تعزفين جيتار

( دينا تعزف جيتار واورج والكل يحب عزفها )

دينا : هههههههه طيب بس أهم شي طلال يكون موجود عشان يغني

بندر : أكيد هذا اول واحد ههههههه

جنان : هيه انتو خلاص سكروا خلونا ننام

بندر : ههههههه هذي اختك ماعندها اخلاق ابد

دينا : هههههههه الله يعينك عليها

بندر : اوكي اجل يالله انا بقفل الحين

دينا : اوكي يالله باي

بندر : باي



ناموا جنان ودينا بعد يوم كان متعب عليهم




**********


زيـزفـونـ ©؛°¨غرامي جديد¨°؛©


الفصل الثاني



دينا صحت العصر وجات بتطلع

كانت دينا لابسه شورت قصير مره وبدي بطنها شوي طالع

كانت طالعه بتروح لتركي يعطيها حبوب بندول راسها مصدع

كان عمار جالس بالصاله اللي فوق يشاهد تلفزيون



عمار وهو يطالع دينا من فوق لتحت : هيه انتي وين طالعه بهاللبس

دينا وهي تأشر على نفسها : تكلمني انا

عمار : لا أكلم الجدار .. ايه انتي فيه حد غيرك

دينا تتأفف : اففف الحين ايش تبي مني .. تبي شي

عمار : يابنت امك روحي دخلي وغيري ملابسك شايفه هاللبس عدل وانتي طالعه فيه ولا عشان امك فرنسيه كل شي حلال


( دينا هي الوحيده من امها الفرنسيه .. واخوانها الباقيين من ابوها )


دينا : انت مالك اي سلطه علي ان كان حد بيتحكم فيني فهو البابا انت مالك شغل فيني البس اللي البسه مايخصك

عمار عصب : شوفي اذا ماخليتك تتربين ماكون انا عمار

دينا : يامامي خوفتني .. ايش بتسوي يعني بتكفخني .. يالله انتظرك

عمار استفزته وقام يبي يطقها الا امه طلعت

ام عمار : عمار وبعدين معاك ماتخليها بحالها

عمار : يمه انتي اطلعي منها وهي عامره محد مخربها ومخلينها على كيفها وبحريتها غيركم

(عمار عقله مقفل لو تكون هذي اخته من امه وابوه بتلبس هاللبس عادي بس هذي من ابوه وامها فرنسيه يعني كل شي تسوي وتلبسه يعتبره صياعه وعلى قولته العرق دساس)

دينا وهي عيونها مغرقه راحت لغرفتها : الموت بهالبيت ارحم منك

ام عمار بعصبيه : انت محد مكبر راسك غير جدك الي شاد فيه الظهر

عمار : جدي ماله دخل بس هذي اذا بتخلونها تروح لامها كل مره والثانيه بتخترب .. فااااهمييييييين بتخترب ماتشوفون لبسها
ترا العرق دساس مو بعيده تصاحب لها واحد وتقول عادي امي فرنسيه وانا عندي الجنسيه الفرنسيه ومحد له دخل


قاطعه كف قوي

ناظر عمار وهو مصدوم

ابو عمار سمع كلام عمار وتنرفز

عمار حاط ايده على خده مكان الكف : يبه تضربني عشان بنتك هذي هالصايعه

ابو عمار بعصبيه : واكسر راسك بعد .. انت مالك دخل فيها فاهم انا ابوها ولا انت انا سكت لك كثير ومحد كبر راس ابوي غيرك

هذي بنت ياعمار .. اذا بتضيع محد بيضيعها غيرك .. مو كافي محرومه تعيش مع امها مثل اي بنت

عمار : وتبونها تعيش مع امها بعد عشان تصيع لنا عدل مو اكيد امها صايعه بعد

أبو عمار عطاه كف ثاني : انا صحيح ماعرفت اربيك اطلع من البيت مابي اشوفك قدامي

عمار : انا لها بنتك هذي تطردني عشانها انا اوريكم شسوي

ام عمار واخيرا نطقت : خسارة تربيتي فيك ياعمار .. هذي البنت اللي انا ماجبتها تحترمني وتطيعني احسن منك وكأنها بنتي وانت ماعندك احترام لاحد لالي ولا لابوك

ابو عمار بين اسنانه : اطلع من بيتي قبل مااذبحك الحين

عمار : طيب انا طالع .. بس والله ثم والله راح تشوفون انا ايش راح اسوي ببنتكم هذي اللي رافعين راسكم فيها

ابو عمار بعصبيه : روح اطلع قبل مااتبرا منك واذا كنت مفكر تهددني بجدك انت تحلم .. انا ابوك ياعمار مو عدوك

عمار ناظرهم بحقد وطلع من البيت وراح لبيت جده هو عارف تأثيره على جده

جد عمار يحبه غير عن باقي احفاده لانه اول حفيد له وهو اللي مربيه فتأثيره واضح عليه

وجدهم ابو مالك متحكم بعياله وكلمته لازم هي اللي تمشي





*************





ام عمار : مالك لاتضايق نفسك عشانه مصيره بيندم ويعقل

ابو عمار جلس وهموم الدنيا على راسه : انا ماعرفت اربيه تركته لابوي وهو اللي رباه فماصارت لي كلمه عليه

ام عمار مو عارفه ايش تقول وبقلة حيله : اهم شي صحتك انت اذا صابك شي من لي غيرك

ابو عمار بضيقه : انا مو خايف الا على هالبنت ابوي مايطيقها وعمار نفس الشي واي تأثير يقدر

يسوي اي شي مو كافي حرموها من امها والسبب انها اجنبيه ومابتقدر تربيها

ام عمار غرقة عيونها : بس حتى ولو هذي بنتي صحيح انا ماجبتها .. بس هي بنتي انا ، انا اللي ربيتها من وهي صغيره كيف تبونها تعيش بعيد عني

ابو عمار : عارف انها بنتك وماراح تروح بعيد عنك بس دينا الحين تبي تسوي اي شي بس عشان تروح عند امها انا ماابي اخسر بنتي عشان احرمها من حقها كأي بنت

ام عمار : بس هي تروح تشوفها بين فتره والثانيه

ابو عمار : تشوفها ايه بس هي تبي تعيش معاها هذا حقها انحرمت منها من وهي صغيره وماكانت تفهم الحين كبرت وتدري ان عندها ام ثانيه هي اللي جابتها تبي تجرب تعيش معاها وانا بشوف صرفه مع ابوي

ام عمار قامت قبل لاتستخف من يجيبوا سيرة ان دينا ممكن تعيش مع امها وبعيد عنها تتنرفز وتتضايق

ام عمار سكرت على نفسها الباب : مو كافي يعني اخذها علي وجابها هنا ينقال له حطنا امام الامر

الواقع وسكت يوم شفت بنته وان انا اللي بربيها لاني اتمنى بنت وماجبت هالحين يبون ياخذونها مني ..

لو ايش محد ياخذ دينا انا اللي ربيتها لحد ماكبرت هذيك ماتعبت فيها انا اللي تعبت وربيت وسهرت ..

هالحين تبي تاخذها عالجاهز تحلم


راحت ذاكرتها لبعيد .. لقبل اكثر من 20 سنه


(( مالك : حبيبتي هنو انا لازم اساافر فرنسا وبجلس فتره عشان البزنس وبعدها بروح لندن عشان اكمل دراسه

هناء بين دموعها : وبتتركني هنا بروحي وانا بأول حمل .. بأول بيبي وبعد معاناة حملت

مالك : والله مو بأيدي وودي تكونين معاي بس انتي عارفه الدكتوره ايش قالت فيه خطوره عليك الحركه شلون بعد السفر

هناء : طيب اجلس لين مااولد

مالك : انتي اذا ولدتي تجين عندي

هناء : انت ليه مصر تروح عني وتخليني

مالك وهو ضامها : حبيبتي كل هذا لمستقبلنا ومستقبل عيالنا .. ولاتخافي اهلنا كلهم حولك .. وابوي موجود .. وبس تولدي انا راح اجي اخذك انتي والبيبي اللي ببطنك

هناء تبعد نفسها عنه : اصلا لو انك خايف علي او على البيبي كان جلست معاي وانت عارف قد ايش عانينا عشان حملت ويتثبت الجنين

مالك : والله مو بأيدي اعذريني هنو قلبي .. يالله عمري انا تأخرت على الطياره وباقي اسلم على ابوي

هناء دموعها تعاندها وتنزل : يعني لازم هالسفره

مالك : ايه لازم - وهو يمسك بطنها - عشان عيالنا ومستقبلهم

هناء : بس انا مو مرتاحه لسفرتك

مالك : يوووووه هنوووو خلاص صار لك شهر وانتي مسويه هالعزا .. خليني اسافر وانا مرتاح ومتطمن عليك وعلى ولدي اللي ببطنك

هناء : يعني مافي امل

مالك باسها بخدها وضمها : يالله حبيبتي ودعتك الله انتبهي على نفسك وعلى البيبي هذا امانه
هناء ماترد عليه اللي ترد دموعها

ضمها مالك بقوه للمره الاخيره : بتوحشيني حبيبتي

تركها وطلع وخلاها بين دموعها ))



قاطع تفكيرها طقة الباب


دخل ابو عمار وجلس جنبها


ام عمار زعلانه لفت عنه

ابو عمار : الحين ليه الزعل

ام عمار : ........

ابو عمار : ليه كل هالضيقه

ام عمار : تبي تبعد بنتي عني اللي ربيتها وحضنتها من صغرها وماتبيني اتضايق

ابو عمار : لاتخافين ماراح ابعدها عنك بتكون هنا عندك وجنبك

ام عمار : أيه قص علي بكم كلمه

ابو عمار : والله ماقص عليك بس خليني ارتب الوضع وبعدين بتفهمين






***************





دينا بالغرفه جالسه وضايق خلقها

دينا : افففففف

جنان وهي تبرد اظافرها : شفيك تتأففين

دينا : ابي اشوف الماما وهذا عمار واقف ببلعومي

جنان ببرود : طيب روحي لها ايش دراهم عنك

دينا : صاحيه انتي ولا نسيتي جدو

جنان : انا هذا جدك ماطيقه على ايش شايف نفسه ومتحكم بالكل مدري

دينا : اسكتي لاتضيقين خلقي بسيرته محد حرمني من حضن ماما غيره ينقال له بيحميني

جنان نقزت : طيب عندي فكره

دينا : وشنو هالفكره يالفالحه

جنان : تشردين وتروحين لها من ورا اهلك

دينا : مالت عليك مره مسويه لي شغل عصابات .. وين جالسين احنا ترا احنا بالسعوديه ياماما لاتجلسين تتخيلين

جنان وبدا مخها يشتغل متأثره من الافلام : لا لا جد جد .. نسوي خطه وتشردين فيها لامك .. مو انتي
عندك الجنسيه الفرنسيه انتهزيها يالغبيه وبعدين امك فرنسيه يعني لو صرتي عندها ولجأت للسفاره حقتكم محد يقدر يمس شعره منك

دينا : ايه وناويه علي جدي يذبحني

جنان رمت على دينا المخده : ياحماره فكري عدل وانتهزي الجنسيه اللي عندك وعند امك .. انا لو منك سويت شغل هالعصابات وعشت جو منها اسوي اكشن ومنها ارجع لحضن الماما


دينا سكتت شوي تفكر بكلام جنان


جنان نقزت وجلست قبال دينا : جد جد دندون خلينا نفكر بخطه تروحين فيها لامك وتكسرين راس الكل وراس عماروه الغبي

دينا : بس اخاف

جنان : لاتخافين انا معاك عن عشرين رجال هههههههههه

دينا : ههههههههههه

جنان : هاه شقلتي نفكر بخطه

دينا وهي تفكر بعمق : طيب بس كيييف

جنان وهي تأشر على راسها : وانتي نسيتي عن المخ اللي هنا عندي ههههههههه

دينا : بس على مسؤليتك

جنان : هههههههه افا عليك بس اعطيني كم يوم افكر بخطه عدله

دينا وهي تضم جنان : ههههههه والله انك مجنونه – وهي تبوسها بخدها – والله الدنيا بدونك ماتسوى شي وبدون هالعقل وهالتفكير مادري شنو كان سويت

جنان بثقه : ههههههه ادري ماتقدرين تخيطين خيط بأبره بدوني

دينا : هههههه اموت بالثقه انا وبهالعقل





*********




عمار دخل بيت جده معصب

عمار داخل وهو يتحلطم : انا اوريك يابنت امك بسببك ابوي يطردني من البيت اذا مادفعتك الثمن غالي ماكون انا عمار

جده ابو مالك حس فيه وهو جالس يقرا الجريده : عمار انت هنا

عمار وهو يبوس راس جده : اييه يبه انا جاي اجلس عندكم

ابو مالك : حياك الله هذا بيتك


عمار جلس وهو ضايق خلقه


ابو مالك حس فيه : شفيك عمار ناقصك شي ناقصك فلوس .. تبي تغير سيارتك

عمار : لا يبه مافي شي

( عمار يعرف يأثر على جده بأسلوبه )

أبو مالك : انا اعرفك اكثر من نفسك ياعمار انت فيك شي

عمار تنهد وسند ظهره بالكنبه : اااه يايبه ابوي طردني من البيت

ابو مالك : هذا بيتك ياعمار وانت عارف هالشي ... من زمان وانا اقول لك تعال عندي وانت اللي مو راضي .. بس هو ليه طردك ؟

عمار: تخيل يايبه عطاني كف وكل هذا عشان بنته الصايعه

ابو مالك عصب وطلعت عيونه : ايييييييش يعطيك كف هذا صاحي ولا انجن انت ولده ويعطيك كف وعشان مين عشان بنت لا راحت ولا جت

عمار : وعشان ايش بس عشان رحت اقول لها تغير لبسها ومارضى عليها

ابو مالك : عمار انت روح ارتاح وانا لي تصرف ثاني مع ابوك

عمار : لا يبه انت ماعليك انا اعرف شلون ارد كرامتي .. انا رجال يبه لاتخاف علي

ابو مالك : عمار قلت لك ماعليك انا بتصرف معاه واخليك ترجع البيت

عمار : ومن قال لك ابي ارجع هناك الا اذا كنت انت ماتبيني بعد

ابو مالك : لا ياولدي شدعوه بس ماحب اشوفك متضايق

عمار : ماعليك يبه انا هذي دينوه بأدبها وفيه كم شي ببالي لازم اسويه

ابو مالك : ايش بتسوي

عمار : ماعليك يبه كل شي بوقته حلو .. ولا مو واثق فيني ومن تربيتك فيني

ابو مالك مبتسم : والله انك رجال وعرفت اربيك

عمار : تسلم يبه يالله بالاذن بروح ارتاح شوي

ابو مالك : اذنك معك





********




باليوم الثاني ..


بنت دخلت المدرسه متأخره وماحضرت كم يوم


البنت بداخلها : انا لو صافطه كم يوم بعد ارحم لي

راحت للاداره عشان تعرف هي بأي شعبه


المديره : هلا حبيبتي تعالي معاي اوديك فصلك



جنان ودينا بوسط حصة الرياضيات


جنان بملل : اففف ياكرهي لهالمدرسه غثه

دينا بصوط واطي : اسكتي لاتسمعك


مدرسة الرياضيات : بنات ممكن هدؤ


جنان : بدينا .. انا لها

دينا كاتمه ضحكتها : جنو تكفي سكتي لاتضحكيني

جنان : عادي اضحكي شورانا


قاطعهم صوت الباب دق


مدرسة الرياضيات : ايوه


انفتح الباب وبنت كانت واقفه ومعاها اغراضها

نحيفه وشعرها اسود لتحت كتفها بشوي مفتوح وحاطه طوق يبعد الخصل القصيره عن عيونها
عيونها وساع وبنيه

ملامحها ناعمه وبنوته


البنت بهدؤ وارتباك : السلام عليكم

مدرسة الرياضيات تناظرها بأستغراب : وعليكم السلام


كل البنات عيونهم على البنت شسالفتها


البنت : انا طالبه جديده ممكن ادخل

جنان بصوت واطي : هه كملت بنت جديده وهو احنا ناقصين وبثقه جايه


مدرسة الرياضيات بأبتسامه : اكيد تفضلي

دخلت البنت ولقت لها مكان بالاخير وعيون البنات لسه عليها ودهم يعرفون مين هالبنت

بعد ماجلست

مدرسة الرياضيات : ممكن نعرف اسمك

البنت وهي تحط اغراضها : اسمي سديم

جنان بلقافه والابتسامه شاقه الوجه : عاشت الاسامي

دينا كاتمه ضحكتها بالموت ووجها صار احمر

سديم ابتسمت : تعيش ايامك

جنان : استاذه لو سمحتي

المدرسه : ايوه جنان شعندك

جنان : استاذه المفروض ماناخذ حصص اليوم

المدرسه : وليه ماناخذ حصص

جنان : ايوه من الذوق وحسن الضيافه لان سديم اول يوم ولازم نعرفها بالمدرسه والطالبات ههههه

سديم بداخلها ( لا شكلها جنان هذي مابتخلص راعية طويله وملقوفه الله يعيني عليها )

المدرسه بحلم : جنان احنا جايين ندرس ولا نلعب عشان نضيف الطالبات

جنان : لا بس حرام من اول يوم مسكينه تنصدم بالدروس صح بنات

دينا هنا فجرت ضحكتها : هههههههههههه

البنات بعدها ضحكوا : هههههههههه

وحده من البنات : ههههههههه اي والله استاذه لاتعطينا درس

المدرسه : جنان ممكن بلا كلام زايد وخلينا نكمل الدرس

جنان : لحظه استاذه المفروض ناخذ براي الاغلبيه احنا ديموقراطيين

المدرسه عصبت : جنان وبعدين خلينا نكمل الدرس

جنان : طيب استاذه ناخذ براي سديم ... سديم شرايك ماتبين انتي درس صح

سديم كانت سرحانه ونقزت : هلا ايش قلتي

جنان : لا ولا شي سلامتك .. خلاص استاذه كملي الدرس هذي كذا ولا كذا مو معانا اصلا

البنات : ههههههههههه

المدرسه : اصلا بكمله انا مدرستكم ولا انتوا عشان تقولون لي ايش اسوي

سديم بداخلها احتقرت جنان : انا ناقصتك اللي فيني مكفيني وهذي تستهبل علي


بعد فتره الجرس دق


جنان : واخيييييراااااا انتهت الحصه

دينا : هههههه لاتنبسطين كثير

جنان : لا بس اهم شي افتكينا من هالمدرسه الغثه


سديم كانت جالسه بحالها وسرحانه مالها خلق احد من البنات


جنان : اقول دنو شرايك نروح نستهبل على هالبنت الجديده

دينا : ههههههه جنو بلا هبال خلي البنت بحالها شكلها انطوائيه شوفيها سرحانه

جنان وهي تقوم من كرسيها وتتوجه لسديم : اقول قومي بس وبلا دلع


قامت جنان ودينا وراحوا لسديم

جنان وهي تجلس على الطاوله : هاااي

سديم انتبهت : هم هلا

جنان وهي تغمز لها : شكلك سرحانه بالمره

سديم ابتسمت : لا ولا شي

دينا مبتسمه : طبعا عرفتي جنان من لقافتها بس انا ماعرفتي اسمي

سديم بداخلها ( ايه والله صدقتي شكلها ملقوفه وغثه ) : ههههههه

دينا : انا اسمي دينا

سديم بابتسامه مجامله : تشرفنا

وتوها بتتكلم جنان الا مدرسة الاحياء داخله

جنان : افففففف لاحول مايصدقون على الله هالمدرسات يدق الجرس وينقزون

دينا تدزها : هههههههه اسكتي لاتفضحينا


كل وحده من البنات رجعت مكانها وكملت الحصه وطبعا لازم جنان ياتحش ياتعلق اذا مو عاجبتها الحصه


خلص الدوام وكل وحده من الطالبات طلعت بتروح لبيتها


سديم طلعت من المدرسه وركبت السياره الفخمه وهي تتأفف سكرت الباب بعصبيه : انا من قال لي ادخل مدرسه اهليه لو انا ضاله على الحكوميه وربي ارحم لي كل وحده شايفه نفسها وتقول الزود عندي



من جهه ثانيه جنان واقفه تناظر السياره اللي ركبتها سديم : والله البنت باين عليها مو سهله

دينا مفهيه : مين .. اي بنت ؟

جنان : يالمفهيه اقصد سديم

دينا وهي تناظر مكان ماتناظر جنان : ليه يعني

جنان : ماتشوفين سيارتها

دينا : طيب عادي

جنان : يالغبيه انا اقصد ان البنت مو باين عليها بنت بطرا بس شوفي سيارتها

دينا : عادي يمكن متواضعه البنت شفيها يعني

جنان وهي تمشي بتروح لسيارتهم : اقول تعالي اركبي بس نروح البيت انتي مامنك فايده



ركبوا جنان ودينا بالسياره



وهم بالطريق ..


جنان : دنو بروح ترا البيت تروحين معاي

دينا : وليه حظرتك رايحه بيتكم مو جايه معاي

جنان : بس بتجين ولا لا

دينا : اممممم لا مو جايه بس بالعصر ياانا اجيك او انتي تجيني

جنان : اوكي


كل وحده من البنات رجعت بيتهم وهم دايخين


دينا دخلت البيت وبسرعه تبي تروح غرفتها عشان ماتتقابل مع عمار بعد اللي صار بينهم البارح

ام عمار كانت جالسه وبأيدها مجله تقراها

ام عمار : هلا دنو حبيبتي انتي جيتي

دينا : ايوه ماما

ام عمار : وكيف حبيبتي اليوم الدوام بالمدرسه

دينا : يووه ماما تعب

ام عمار : طيب حبيبتي روحي بدلي وانزلي عشان تتغدين

دينا خافت تتقابل مع عمار قالت بسرعه : لا ماما انا تعبانه خليهم يودون لي الغدا فوق

ام عمار : طيب حبيبتي على راحتك روحي ارتاحي


دينا راحت بسرعه فوق لغرفتها عشان ماتتقابل مع حد




********




جنان رجعت لبيتهم

وكانت امها جالسه بالصاله



جنان : هالووووووووو مامي

ام ماهر : هالووو بيوتي هههههه

جنان وهي تضم امها وتبوسها : هههههههه فديتهم انا ياناس وحشتينيييييييييييييييي


ام ماهر : ههههههههه غريبه جايه ماجلستي هناك

جنان : ايه وحشتوني وقلت ارجع لكم

ام ماهر : ايه بدينا ببيع الكلام مادري مين معلمك

جنان : والله ولد اختك علمني بيع الكلام .. طيب ماما جوعانه بروح ابدل وبنزل .. مييييييييته جووووووووووووع

ام ماهر : ههههههههه طيب طيب لاتاكلينا روحي وتعالي وبيكون كل شي جاهز

جنان : اوكي

وراحت بسرعه عشان تخلص وتنزل





*****************





سديم بالسياره بعد ماطلعت من المدرسه وهي قريب توصل لبيتها بالخبر

سديم (انا ايش يوديني للبيت بروحي اروح لبيت اهلي احسن لي ): خلاص شمس روح لبيت بابا ظهران

شمس السواق : اوكي مدام


وصلت سديم البيت نزلت من السياره

سديم وهي تناظر بيت جيرانهم وعيونها مغرقه ( آآآه بعدونـ ...


زيـزفـونـ ©؛°¨غرامي جديد¨°؛©

الفصل الثالث



سديم بالسياره بعد ماطلعت من المدرسه وهي قريب توصل لبيتها بالخبر

سديم (انا ايش يوديني للبيت بروحي اروح لبيت اهلي احسن لي ): خلاص شمس روح لبيت بابا ظهران

شمس السواق : اوكي مدام


وصلت سديم البيت نزلت من السياره

سديم وهي تناظر بيت جيرانهم وعيونها مغرقه ( آآآه بعدونا عن بعض ومادروا عنا ان احنا روح وحده )


دخلت بيت اهلها بسرعه وعيونها مغرقه كارهه حياتها الجديده

سديم : السلام عليكم

ام سديم متفاجأه : وعليكم السلام غريبه جايه بهالوقت

سديم وهي تجلس : ليه غريبه .. بعد ماتبوني اجي

ام سديم : لا مو قصدي .. بس انتي ماقلتي لي انك بتجين

سديم : اليوم داومت بالمدرسه وشفت مالي خلق اروح للبيت بروحي قلت اجي اجلس عندكم
ويمكن انام هنا

ام سديم توها بتتكلم الا قاطعها صوت ثامر

( ثامر اخو سديم واصغر منها بسنه .. علاقتهم قويه بالمره )

ثامر : سدوووووووووم انتي هنا وينك يالدوبه وحشتييييناااااااا

سديم : ههههههه

ثامر : اسمعي ياويلك ان تركتينا كذا مره ثانيه

سديم : لاتخاف اليوم بنام عندكم

ثامر مبسوط : ههههههه زين اجل دام بتنامين مافي نوم ابد

ام سديم : شنو مافي نوم ومدارسكم

ثامر : ايه صح تعالي داومتي

سديم بملل : ايه


ام سديم : طيب تبون احط لكم غدا

سديم : ايه ماما جوعااااااااانه

ام سديم راحت المطبخ


ثامر لف على سديم : شكله الوضع مو اوكي

سديم : اسكت كل وحده نافخه ريشها وتقول الزود عندي

ثامر : ههههههه انفخي ريشك انتي بعد وقولي الزود عندي وانا بو هندي

سديم : تنكت انت مع وجهك .. ماحب هالحركات

ثامر : هههههههههههههه

سديم : ولا فيه وحده معاي بنفس الفصل الله لايوريك ملقوووووووووووفه

ثامر : ليه شسوت

سديم : من اول مادخلت الفصل وبدت لقافه ماعرفتها الا هي وخويتها

ثامر : ليه ماتكلمتي مع حد

سديم : وين اتكلم معاهم وكل وحده شايفه نفسها .. واساسا ماكان لي خلقهم بس هذي من كثر

ماتتليقف والمدرسه تسكتها

ثامر : من قدك بمدرسه اهليه هههههههههه

سديم : الله والمدرسه .. ليتني بحكوميه ارحم .. هم صحيح المدرسات شكلهم عسل بس البنات يقهرون

ثامر : بتتعودين فتره وتعدي لان الوضع لسه جديد عليك

سديم : والله شكلي ما بتعود اذا جنان هذي معاي ملقوفه وشايفه نفسها

ثامر : هههههه هي اسمها جنان ههههه والله من اسمها شكلها مجنونه

سديم : ايه جريئه ولقافة الدنيا كلها فيها

ثامر : خليها عنك وصدقيني بتتعودين .. انتي تعودتي على مستوى معين والحين رحتي لمستوى اعلى

منك بكثير عشان كذا مو قادره تتأقلمين بسهوله بس صدقيني مع الوقت بتتاقلمين بس يبي لك وقت


( ثامر تفكيره اكبر من عمره وعاقل وسديم عمرها ماحسته انه اصغر منها )


سديم تتنهد : الله يعين بس .. انت قول لي كيف اول ايام الدراسه

ثامر : ههههههه الله لايوريك المبزره اللي جايينا

سديم : هههههههههه ليه شفيهم

ثامر : اقزااااااااااام .. اتخيل انهم غلطانين وجايبينهم من اول ابتدائي

سديم : ههههههههه لاتتريق مع وجهك وتسوي نفسك كبير تراك توك ثالث متوسط

ثامر : هههههه لحوووول يااحنا وياهالمتوسط


ام سديم : يالله الغدا جهز تعالي سديم تغدي حبيبتي

ثامر سوى نفسه زعلان : الله لنا لناس وناس تنادينهم وانا وين رحت

ام سديم : هههههههه انت على عيني وعلى راسي بس اختك جوعانه

ثامر : ههههههه ترا حتى احنا جوعانين

سديم وهي تطقه على راسه : ههههه وانت ليه غيران مع وجهك

ثامر : ههههههه مو غيران بس امشي امشي تغدي

سديم : الا وين رغد ماشفتها

ام سديم : مع اخوانك تلعب

( رغد اخت سديم وعمرها سنه وشوي )

شوي سديم تذكرت شي وشهقت : يووووووه شهالنسيه

ام سديم :بسم الله عليك شفيك

ثامر : شنو نسيتي

سديم : ولا شي ماما بس نسيت جوالي مااخذته من البيت

ام سديم على نياتها : طيب عادي مومهم لهالدرجه واذا على راشد ادق على ابوك وهو يكلمه ويقول له

انك عندنا عشان اذا دق عليك ماينشغل باله

سديم بداخلها وهي تلعب بالاكل ومعصبه من نسيانها للجوال ( مالت عليه هين اصلا لو فكرت فيه)

ثامر بصوت واطي وفيه الضحكه : مسكينه امك على بالها انك خايفه على عريس الغفله ههههههه

سديم تقرصه وبين اسنانها : اسكت بس لاتفضحنا

ام سديم : هذاني بدق على ابوك

سديم : لا ماما مايحتاج انا بدق على السواق يجيبه لي

ام سديم : اوكي حبيبتي على راحتك

سديم بالها مو بالاكل بالها مع الجوال وانها نسته لو فارس دق الحين وهو أكيد بيدق يتطمن : والله اني غبيه

ام سديم : قلتي شي

سديم : لا ماما ماقلت شي الحمد لله انا شبعت

ام سديم وهي تطالع اكل بنتها ماتغير منه شي : وين مااكلتي شي ابد

ثامر بصوت واطي : جلسي لاتفضحين عمرك كل هذا عشان فارس

سديم : لا ماما خلاص شبعت الحمد لله


قامت سديم وقام وراها ثامر


ام سديم تضايقت على بنتها : والله انتي من تزوجتي وانتي حالك معتفس .. ماقول الا حسبي الله على من كان السبب



سديم راحت غرفتها بدلت وجلست بغرفتها اللي اشتاقت لها

شوي اندق الباب


سديم : مين

: انا ثامر

سديم فتحت الباب لثامر

ثامر دخل وسكر الباب وراه


ثامر : دومه شفيك متضايقه

سديم : مافيني شي

ثامر : علي انا اعرفك زين

سديم بضيقه : زهقانه من هالحياة القرف .. حاسه اني بغربه

ثامر : صاير شي .. راشد سوا لك شي

سديم : لا يخسي الا هو يسوي لي شي

ثامر بضيقه : ليتني اكبر من كذا كان قدرت اساعدك

سديم : لاتخاف علي .. انا بحل هالوضع وهالمهزله

ثامر : طيب اطلبي الطلاق

سديم : وهذا اللي بسويه

ثامر : طيب فارس ايش يقول

سديم تتنهد : فارس بيستخف ياثامر .. شوي وبيذبح ابوي من قهره .. انا لازم اجيب الجوال لانه اكيد يدق الحين

ثامر بخبث : وليه الجوال دريشته قدامك هذي هي ارمي حجر وهو فاتح لك الدريشه مثل اول ههههههههه

سديم : ههههههههههه والله ايااام ... من جد كانت ونااااسه

ثامر : بس ديمو انتبهي عدل من راشد والله باين عليه مو سهل

سديم : داريه انه مو سهل عشان كذا جالسه اطفره من البيت

ثامر : هههههههههه والله انك مو سهله

سديم : افا عليك اعجبك بكرهه باليوم اللي فكر ياخذني فيه

ثامر : هههههههه طيب تبيني انا اروح واجيب لك الجوال

سديم : لا مايحتاج قلت للخدامه تحط كم شغله لي ولاب توبي والجوال مره وحده وترسلهم مع السواق

ثامر : اوكي اجل انا بروح انام

سديم تتثاوب : وانا بعد نعسانه

ثامر : اوكي اجل اخليك

سديم وهي تتمدد على السرير وتتغطى : بس قول لهم اذا جا السواق وجاب الاغراض يصعدونهم لي على طول

ثامر بخبث وهو يطلع : واهمهم الجوال هههههههه

سديم : ههههههه اقول انقلع بس


ثامر طلع من الغرفه

سديم حطت راسها ونامت ماحست بأحد اشتاقت تنام بغرفتها وعلى سريرها بامان وراحه




**********



بداخل القصر جنان مندمجه مع البلايستيشن

جنان : ايوه .. لا لا لا ... هههههههههه

ماهر دخل : بسم الله عليك شفيك

جنان وهي متحمسه تقوم وتجلس : لحظه ايه بفوز بفوز

ماهر : ههههههههه الحمد لله والشكر استخفيتي

جنان : لاااااااا كله منك وجه نحس خسرت شسوي فيك اذبحك اناااااا

ماهر : هههههههههههه اقول امشي خليني العب معاك اكسر راسك باللعب

جنان : يالله تعال اشوف منو يفوز فينا

ماهر : يالله شنو تبين تلعبين

جنان وهي ترفع السيديات : اختار ياسباق سيارات ياكوره

ماهر : ولد مو بنت .. هههههههه انتي مدري مين مأثر عليك ومخليك تحبين العاب الاولاد

جنان : بلا كثرة حكي وتعال العب بس


ماهر وجنان جلسو يلعبون كوره ومتحمسين كل واحد يصرخ من جهه

بهالوقت دخلت عليهم ليان


ليان ببرود : شعندكم تصارخون

ماهر وجنان مايردون عليها مندمجين

ليان : ههههههههه والله انكم مخفه اشكالكم

جنان : اقول تعالي بس شجعيني هههههههه بكسر راس اخوك

ليان : هههههههه هين هذا وجهي

جنان : مالت عليك

ماهر : قوووووووووووووووووول .. هدف هدف هههههههههه

جنان تناظر ليان بحقد : كله منك ياوجه النحس اشغلتيني وماقدرت اركز

ليان : هههههههههههه احسن تستاهلين

جنان وهي مكمله لعب : شوفي يااما تشجعيني ولا اطلعي برا

ليان : ههههههههههههههههه

ماهر : لا اذا فيه احد بيشجعني تجلس اما اذا مافيه لا تطلع احسن

شوي الا ابوهم دخل عليهم

جنان : بابا تعال شجعني هههههههه

ابو ماهر : ههههههه اوه فيه مباريات هنا

جنان : ايوه بابا تعال اعجبك

ماهر : هههههه اجل ليان تعالي شجعيني دام ابو ماهر استلم جنو الله يستر علينا

رجعوا اندمجوا باللعب وبعد دقايق..


جنان وهي تناقز : قوووووووووووووووووووووووووول هدف والله هدف

ماهر : ههههههه شفتي لينو .. قايل لك

جنان وهي تبوس ابوها : فدييييييييتك وجهك خير انت دايم

ليان : هههههههههه ايه دام ابوك هنا لازم تفوز

ابو ماهر : ههههههه اخليكم اجل تكملون لعب

ابو ماهر طلع

و جنان رجعت تكمل لعب مع ماهر

شوي جوالها دق بس ولا كأنها تسمعه

ليان : جنو جوالك يدق ردي

جنان : شوفي منو يدق

ليان بخبث : بندر

جنان : خليه ينقلع انا جالسه العب

ماهر : هههههه مافي اسلوب ابد .. ينقلع على طول اذا من الحين كذا بكرا اذا تزوجتوا شنو بتسوين

جنان : هههههههههه اذا صار زوجي يصير خير

ليان : هههههههه بتشوته براااااا هذي ماعندها رومنسيه

جنان بلا مبالاه : تكفين خليت لك الرومنسيه مع محمد حقك

ليان : هههههههههههههه عالاقل وناسه الرومنسيه مو مثلك ابد ماعندك وقت


شوي رجع دق الجوال


جنان : شوفي اذا بندر ردي عليه وقولي له مو فاضيه لوجهك الحين جالسه تلعب

ماهر مات ضحك : ههههههههههههههههههه اخلاق يابنت .. ههههههه الله لايبلاني بوحده مثلك تجحدني كذا

ليان : هههههههههه انا مادري على شنو يموت فيها وهي مشوتته دايم

جنان : هههههههه والله هو اللي يبيني يتحمل كل اللي يجيه واذا مو عاجبه يدور غيري

ماهر : ماهو متحمل وخالص .. جنو ارحميه ترا يموت فيك

جنان تكمل لعب ولا كأنها تسمع

ليان : ههههههههه ولا بتسمع لك انا تعبت معاها وانا افهمها

ماهر : ههههههههه ماقول الا الله يعينه عليها


دق الجوال مره ثالثه


جنان : اوهووووووو قولوا له ماتت انتحرت اي شي بس فكوني منه

ليان : هههههههههههههه اعصابك هذي دندون

جنان سمعت دندون وقفت اللعبه وقامت

ماهر يطالعها مصدوم : شوف بنت اللذين .. يوم عرفت انها خويتها قامت ومن شوي له ساعه بندر يبي يكلمها ومافي امل تقوم

جنان وهي بترد : ههههههه خليته لكم انتوا كلموه وتغزلوا فيه بعد

ليان : ههههههههههههه شنبي فيه عندي من مكفيني ولله الحمد


جنان طلعت عشان ترد على دينا عن ازعاج اخوانها


ماهر : اقول ليان عقلي اختك .. ولا بندر بينجن او بيشوت فيها مثل ماهي تشوت فيه

ليان : تعبت انا معاها .. وبعدين تراها توها بزر يعني عادي خليه يتحمل

ماهر : بس عاد مو بهالطريقه

ليان : انا تكلمت معاها كثير واختك كذا شخصيتها مرجوجه .. انت عاد فهم بندر وبعدين هم ماتكلموا بموضوع زواج ولا قالت هي تبيه ولا لا

ماهر : بس معروفه النهايه هو يبيها .. وشوفي لو ايش ماتسوي فيه راضي ان شاء الله تحرقه عادي عنده .. ترا يحبها حب مو طبيعي بس هي مومقدره ابد

ليان : انت تتكلم وكأنها وحده وصلت فوق العشرين .. ترا اختك توها صغيره يعني عادي تسوي هالحركات ولا تهتم له .. وبعدين محد قال له يحب له وحده مثل جنو تجنن اللي مايتجنن .. هذي تجنن بلد ههههههههههه

ماهر : ههههههههه والله شيسوي بقلبه بعد ... الحب اعمااا

ليان : ههههههههه ايه هنا من جد اثبت انه اعما يوم حب جنان

ماهر :ههههه بس جنان يبي لي اتكلم معاها

ليان : وراح تعجز معاها




************



جنان : اقول مالت عليك ليه ماجيتي

دينا : متكيسله مالي خلق

جنان : ايش عندك متكيسله

دينا : مالي خلق وبس

جنان : طيب طيب اخلاق

دينا تتكلم وهي مخنوقه : جنو تكفين فكري لي بطريقه اروح فيها للماما

جنان : وبس هذا اللي مضايقك .. افا عليك وانا بنت ابوي اجيب لك طريقه هههههههه

دينا : ههههههههه

جنان : ايوه يابنت اضحكي شنو ماخذه من هالدنيا

دينا : ههههه مالت عليك يالهبله

جنان : ههههههه اسمعي انا بقفل الحين .. هذا بندروه جنني كل شوي وداق خليني اشوف سالفته

دينا : هههههههه مالت عليك والله يموت فيك .. عطيه وجه بس او خفي عليه شوي

جنان : جتني الثانيه ماخلصت من ليان وماهر جيتي لي انتي

دينا : هههههه ليه شفيهم

جنان : توهم قبل شوي فاتحين لي محاظره بالاخلاق

دينا : ههههههههه احسن تستاهلين

جنان: اقول انا اقفل ارحم لي .. يالله انقلعي باي

دينا : باي




***********




تركي طلع من غرفته وهو يدندن

شاف امه جالسه تتابع تلفزيون


تركي حب يستهبل عليها

دخل وكأنه يكلم جوال وانه مايدري بأمه موجوده

تركي : هلا حبيبتي اسمعي حياتي لاتضايقين نفسك

: ......

ام عمار جلست تناظر تركي شسالفته

تركي وهو يمشي وعاطي ظهره لامه على انه مايدري بحد هنا

تركي : قلت لك حياتي لاتزعلين

ام عمار ( هذا من يكلم وتوه ماطلع من البيضه )

تركي مكمل النصب : حياتي اخوك هذا حسابه معاي

: .....

تركي : قلت لك لاتخافين بنتزوج وانا بكلم اهلي

ام عمار مصدومه : زواج !

تركي ومسوي نفسه معصب : لا قلت لك خلاص وهذا اطردوه وياويلك ان سمعت هالسيره مره ثانيه واللي خاطبك هذا شوتوه وانا قلت لك بتزوجك يعني بكذب مثلا

ام عمار بعصبيه : تركييي

تركي سوا نفسه متفاجئ : اقول احمد اكلمك بعدين باي

تركي وبتمثيل انه مرتبك : هلا يمه من متى وانتي هنا

ام عمار بحزم : من اول المكالمه حقتك .. مين هذي .. انت لاعب على بنت ولا شسالفه

تركي(حلو شكل اللعبه مشت عليها ) : لا شنو انا العب على بنت .. لا حشى والله

ام عمار بجديه : تركي انا اكلمك بجد لاتجلس تلف وتدور وتستهبل

تركي ومكمل استهبال : اي بنت يمه انتي صاحيه انا العب على بنت

ام عمار : انا سامعه مكالمتك كلها .. ولا وواعدها بزواج لايكون لاعب على البنت

تركي : يووووه خلاص انكشفنا .. ايه يمه احب بنت واموت فيها وابي اتزوجها

ام عمار : منهي هذي ومن بنته ولايكون لاعب عليها بس

تركي : هههههههه وانتي هذا اللي هامك لاعب عليها

ام عمار : تركي احر ماعندي ابرد ماعندك .. اجل ليه عصبت لما حنت على الزواج

تركي انبسط كذبته مشت على امه : ههههههههههههههه

ام عمار بعصبيه : ليه الضحك الحين

تركي : ههههههههههههه

ام عمار : تركي انت عندك اخت خاف على بنات الناس مثل ماتخاف على اختك

تركي : ههههههههههههههههههههههههه خلاص مو قادر اتحمل

ام عمار عصبت من جد : تركي شوف اذا ماتتسنع وتسكت ترا والله لي كلام ثاني معاك وهالسالفه توصل لجدك

تركي : ههههههه خلاص خلاص بتأدب وبسكت دام السالفه فيها جدي

ام عمار : شوف اترك هالبنت وخلها بحالها والله يستر عليها

تركي ( خليني اكمل العب عليها ) : بس يمه ماقدر اتركها

ام عمار : وليه ماتقدر تتركها

تركي : امممممممم يمه اخاف البنت تنفضح وخلاص لازم انا اتزوجها

ام عمار طلعت عيونها : يعني لاعب عالبنت ياتركي ... ماهقيتها منك ياربي شهالمصيبه

تركي : ههههههههههههههههههههههههههههههه

ام عمار : انا ابي افهم ايش اللي يضحك هذي مصيبه .. وجدك مايرضى يزوجكم اي احد

تركي : ههههههههههههههههههههههه وهذا اللي هامك جدي وبس

ام عمار : انا احر ماعندي ابرد ماعندك هذي مصيبه

تركي : هههههههههههههههه والله ان قلبك ابيض ياام عمار وينقص عليك بسهوله

ام عمار : ايش ؟

تركي وهو يجلس جنبها : هههههههه يالغاليه بس قصيت عليك وهو لافي بنت ولا شي

ام عمار : وهالمكالمه اللي صارت قدام عيني .. تركي ماني بزر تلعب علي

تركي : هههههههههههههه والله لافي بنت ولا شي كل مافي السالفه شفتك بروحك قلت استهبل عليك .. وهذا الجوال شيكي عليه وشوفي آخر مكالمه من مين ومتى كانت بعد

ام عمار ماهي عارفه تضحك ولا تعصب طقته على راسه : ههههههههه انا لي حساب ثاني معاك اجل تلعب علي

تركي : ههههههههههههه نسوي اكشن مثل جنان

ام عمار : هههههههه

تركي : الا يمه وين دندون ماشوفها من زمان عنها

ام عمار : بالغرفه جات من المدرسه دايخه وراحت تنام .. يمكن للحين نايمه

تركي : طيب و مروان وينه

ام عمار: مروان يذاكر

( مروان اخو دينا الصغير )

تركي : اها .. انا بروح لدنو اشوفها وحشتني .. الا جنان موجوده ؟

ام عمار : لا راحت بيتهم

تركي : خساره كنت ابي اجننها

ام عمار : هههههههه ماتجوز انت من سوالفك


تركي راح لغرفة اخته


كانت دينا منسدحه على بطنها على السرير ومشغله الاغاني على مغنيتها المفضله سيلين ديون

وجالسه تتفرج على المجله



تركي دق الباب الباب

دينا : ادخل

تركي : هاي دندون انتي صاحيه

دينا وهي مبتسمه : ايه صاحيه

تركي وهو يجلس على السرير مقابل دينا وتربع بجلسته : طيب وينك يالدوبه مابينتي من امس ماشفتك

دينا وهي تعدل جلستها : والله عشان ماتقابل مع رامبو

تركي : هههههههههههه حلوه ذي رامبو .. شكلك ماتدرين عن شي

دينا : ليه ايش اللي مادري عنه

تركي : رامبو على قولتك طرده ابوي من البيت

دينا انصدمت : ايش بابا طرده

تركي : ايوه

دينا : وليه انطرد

تركي وهو يغمز لها : عشانك يادلوعة البابا ... انبسطي الحين ارتحتي منه هههههههه

دينا لسه مصدومه : عشاني انا !

تركي : ايه ليه مو مبسوطه على الاقل ارتحتي من الهواش

دينا : وهو وين راح

تركي : يعني وين راح اكيد لبيت جدك .. رامبو الاكبر

دينا وغرقة عيونها : الحين زاد الطين بله هو جدو خلقه يبي شي علي والحين راح له هذا مطرود بسببي الله يستر بس

تركي : هههههههه انتي مو معروف لك .. عالاقل ارتحتي من الهواش اللي 24 ساعه

دينا : الحين جدو بيصر ماروح لماما هذا يأثر عليه بطريقه مو طبيعيه

تركي : هذا زين اذا مو كاتب الثروه كلها بأسمه .. تقولين ولده مو حفيده .. اموت واعرف شالسر بينهم

دينا : وانت هذا اللي هامك الثروه بس !

تركي : ههههههه اجل شنو اهم يعني

دينا وهي منزله راسه وبتبكي : الاهم اني ابي اروح لماما

تركي وهو يطالع اخته بضيق : اوه نسيت الكره اللي بعمار عشان امك .. لاتخافين بتروحين لها

دينا وهي تناظره بضعف وانكسار : اكيد تركي .. ابيك تساعدني

تركي وهو يلعب بشعرها ويعفسه : اذا ماساعدت دندونتي اساعد مين اجل

دينا وهي تمسح دموعها : ههههههه فيديتك

تركي : هههههههه ايه اضحكي .. الا قولي لي وين المجنونه عنك اليوم

دينا : اي مجنونه .؟

تركي : هههههه ماغيرها جنان

دينا : هههههههه الله يرجك عاد مو مجنونه

تركي : ههههههه هالبنت مرجوجه بقوه

دينا : ههههههههههه

تركي : غريبه ماجات لك اليوم او انتي رحتي لها

دينا : كان المفروض انا اروح بس مالي خلق

تركي : اهاااا .. روحي وسعي صدرك عندها او اطلعي من الغرفه على الاقل

دينا : مالي خلق بذاكر

تركي وهي يضربها على فخذها : اوكي ياام الشباب دام فيها مذاكره انا بطلع

دينا : وين على الله

تركي وهو يقوم من السرير : والله بروح امر على الشباب ونروح نلعب بلياردو

دينا : ياحمار ثالث شد حيلك

تركي : ههههههه لاتخافين النسبه مضمونه بجيبي

دينا : انا نفسي اعرف انت وجنانوه تدورون وتلفون وتلعبون وبالنهايه درجاتكم عاليه من غير مذاكره شلون مادري

تركي وهو بيطلع : خمسه وخميسه بعين العدو .. تشاااااااااو

دينا : تشااااااو





*********



بندر : ايش فيك ماكنتي تردي على اتصالي

جنان ( بدينا تحقيق ) : ابد كنت العب مع ماهر وماسمعته

بندر : اهاا

جنان : انت ماقلت لي ايش كنت تبي داق

بندر : كنت بس ابي اخبرك اني اتفقت معاهم على الشاليه

جنان : مع مين ؟

بندر : جنو شفيك مفهيه مو انتي تبين حفله ؟

جنان : ايييييييييييييييييه صح – بحماس – بس متى ؟

بندر : يوم الخميس

جنان متحمسه : ونااااااااااااااااااسه ياهوووووووووووه .. اهم شي طلول موجود

بندر : ههههههههه ايه موجود

جنان : ههههههههههههه متى بجي الويك اند بس

بندر : بيجي بس اهم شي تنبسطي

جنان : ههههههههههههههه

بندر ( لو ادري كان قلت لها من زمان عشان تنبسط وتكلمني برواقه )

جنان : بندر

بندر : هلا

جنان : شفيك ساكت ؟

بندر : ههههههههههه مافيني شي بس كنت مبسوط اسمع ضحكك

جنان : ههههههههههه بلا نصب

بندر : هههههههههه والله ماانصب

جنان : ايه زين احسب بعد





***********




عند المغرب الجوال دق

سديم نقزت وصحت من نومها على طول

سديم : يوه جابواالجوال هذا اكيد فارس

سديم وهي ترد : سوووووري

فارس بعصبيه : وينك ادق عليك من الظهر وماتردين

سديم : والله آسفه مو بأيدي بطلعتي من المدرسه رحت بيت اهلي ونسيت امر آخذ جوالي

فارس : خوفتيني عليك .. خفت ان صابك شي

سديم : لا ماصابني شي هذاني بغرفتي افتح دريشتك وتشوفني هههههه

فارس : هههههه اشوا حبيبتي سوري عصبت عليك بس خوفتيني

سديم : لا عادي

فارس : طيب ليه ماقلتي لي انك جايه بيت اهلك

سديم : اصلا ماطرا على بالي الا لما طلعت من المدرسه قلت اجي هنا احسن لي بدل مااجلس بروحي

فارس : ايه احسن لك .. اصلا المفروض تنامين هنا دام بدت الدراسه ماامن عليك انا هناك

سديم : هههههههه بشوف

فارس : شنو تشوفين .. لا نامي هنا هناك انتي بروحك دايم وانا اخاف عليك

سديم : طيب بس اخاف بابا مايرضى

فارس : انا هذا ابوك ودي اذبحه .. مو كافي انه عارف اني ابيك وداخل طب عشانك راح وزوجك غصب غيري

سديم : فارس تكفى قفل هالسيره ولاتضيق خلقي فيها

فارس : طيب .. خبريني شسويتي بالمدرسه اليوم

سديم : افففف الله لايوريك بناتهم شايفين نفسهم

فارس : ههههههههه كل هذا حقد

سديم : والله يقهرون يافارس .. تخيل فيه وحده معانا ملقووووفه قهرتني


سديم قالت له كل اللي صار بالمدرسه


بعد ماقفلت من فارس نزلت تحت عشان تجلس مع اخوانها شافت ابوها انقبض قلبها ماتحب تقابل ابوها


سديم بدون نفس : هلا بابا كيفك

ابو سديم : هلا .. انا الحمد لله بخير .. انتي كيفك وكيف راشد

سديم : بخير

ابو سديم : غريبه عندنا اليوم

سديم : ايوه انا قايله لماما بنام هنا

ابو سديم بأستهزاء : وانتي بعدك على ماما وبابا تراك كبرتي وتزوجتي

سديم انقهرت وتمنت الارض تنشق وتبلعها : .....

ابو سديم : خلاص الحين تغيرت حياتك مو مثل قبل انتي زوجة رجل اعمال كبير بالشرقيه انسي ماما وبابا وتعودي على حياتك الجديده ولاتجلسين تسوي فيها صغيره وماعرف ايش .. اعقلي واتركي حركات المبزره

سديم حست بضيق شوي وبتبكي : طيب بابا .. اقصد – بثقل قالتها – يبه انا بروح اذاكر

سديم راحت لغرفتها والعبره خانقتها : انا مو عارفه ليه يعاملني كذا حتى حياتي كأي بنت مايبيني اعيشها .. مايبيني اعيش عمري .. يبي يعيشني اكبر من عمري ..

راحت على سريرها تبكي

سديم وهي تبكي اكثر : اكرهك وربي اكرهك ليه يعاملني بهالطريقه ليه يكرهني

اكرهه واكره اي شي يخصه او من طرفه


بكت سديم لحد مانامت




**********




ثامر دخل الصاله اللي فيها ابوه : هلا يبه

ابو ثامر : هلا ثامر

ثامر : غريبه كأني سمعت صوت سديم هنا وينها راحت

ابو ثامر : ايه كانت هنا وراحت فوق توها من شوي

ثامر بداخله : والله شكلك سميت بدنها بكم كلمه

ثامر : طيب يبه انا بروح فوق تامرني على شي

ابو ثامر : لا سلامتك


ثامر راح لغرفة سديم لانه حس انه فيها شي

دق باب الغرفه ماردت عليه تأكد ان ابوه ضايقها

دخل الغرفه شافها نايمه على السرير بالعرض وضامه المخده

جلس على السرير وحاول يصحيها

ثامر : سديم

سديم : ......

ثامر : سديم قومي

سديم وهي تنكمش على نفسها اكثر : هممم ..

ثامر : ممكن تقومي نسولف شوي

سديم قامت وسندت ظهرها بواجهة السرير وهي ثانيه رجلها : ايش صاير

ثامر : انتي اللي ايش صاير معاك قبل شوي سامع صوتك تحت والحين نايمه وعيونك حمرا بعد صايره

سديم بكت : يعني فيه احد غير ابوك

ثامر : كنت داري .. ايش قال لك؟؟

سديم وهي تبكي : تخيل حتى بابا مايبيني اقولها له مو عارفه ليه يكرهني

ثامر : ماعليك منه لاتدققي بكلامه

سديم : مايبيني حتى اعيش سني .. يقول لي انتي زوجة رجل اعمال يعني لازم اثقل

ثامر : وانتي شدخلك بكلامه اسمعي من هنا وطلعي من هنا ماعليك منه

سديم بكت اكثر ودفنت راسها بين رجلها : اكرهه ياثامر اكرهه مثل مايكرهني .. زوجني على كيفه وقتل حياتي وهو عارف انا ايش ابي .. – رفعت راسها - انا ماخنتهم ولا شي هم عارفين ان انا وفارس نحب بعض من واحنا صغار ونبي بعض .. ليه يعاقبني بهالطريقه ..

ثامر ضاق صدره على حال اخته : سديم انتي هدي الحين واذا هديتي يصير خير

سديم وهي تناظر ثامر بأنكسار : بس انا ماابي راشد انا ابي فارس .. فارس جلس يسوي المستحيل عشان يوافق عليه ابوي ودخل طب بس عشان يقبل فيه .. بالنهايه يكافئنا بهالطريقه !

ثامر : انتي عارفه بعد المشكله اللي صارت بين ابوي وابوه

سديم بين شهقاتها : واحنا شدخلنا بهالمشاكل .. يعني لازم احنا نكون الضحيه

ثامر وهو يمسك راس سديم ويمسح دموعها: سديم ماحب اشوفك منكسره انتي اقوا من كذا .. اذا تبي فارس لازم تصيري قويه ولاتضعفين بكلام ابوي ..

سديم هزت راسها بالايجاب ودموعها تعاندها وتنزل

ثامر : لاتخلين كلام ابوي الدايم يأثر عليك خليك قويه .. ماعليك منه واذا قال شي ابتسمي ولاكأنك تسمعين شي .. وراشد زهقيه بحياته لحد مايزهق ويطلقك

سديم : وهذا اللي افكر فيه اصلا

ثامر وهو يقوم : يالله اخليك الحين وقومي انتي غسلي وجهك وصلي

سديم : طيب

ثامر طلع عن سديم عشان تاخذ راحتها وترتاح شوي


بعد ماطلع ثامر قامت سديم غسلت وجها وتوضت وصلت وجلست بروحها تفكر بطريقه تتخلص فيها من راشد !





*********


زيـزفـونـ ©؛°¨غرامي جديد¨°؛©

الفصل الرابع



اليوم الثاني بالصباح الكل صحى من نومه للدوامات


سديم صحت من نومها وجات بتنزل عشان تروح المدرسه

الا كان اخوها الصغير عبدالله يبكي


سديم : ايش فيه الحلو يبكي

عبد الله وهو يبكي : مابي اروح المدرسه وماما تقول لازم اروح

( عبد الله اخو سديم بثاني ابتدائي )

سديم : هههههه وليه ماتبي تروح

ام سديم : هههه يتعير علينا يقول تعبان مادري ايش

عبدالله وهو يمثل ويسوي نفسه يكح : كح كح كح هاه دومي شوفيني اكح

سديم : هههههههه اقول روح وبلا عياره علينا ماعندنا رجال يغيبون عن المدراس

عبدالله : بس انا نعسان ابي انام

ام سديم : ههههه قول نعسان من البدايه .. شوف اذا جيت من المدرسه نام على كيفك زي ماتبي

سديم نزلت لمستواه : لا عبودي شاطر يروح المدرسه وبجيب لك هديه

عبد الله وهو يهز راسه : طيب

سديم : يالله ماما انا بنزل بروح المدرسه السواق تحت ينتظرني

ام سديم : بس مافطرتي

سديم : مالي نفس

الا جا اخوها الثاني ايمن ( ايمن بخامس ابتدائي)

ايمن يستهبل : دومي وصليني بطريقك المدرسه

سديم : هههههه فاضيه لك مدرستي بالخبر وانت هنا بالظهران وما عندي وقت .. يالله بااااي


طلعت سديم وهي بالطريق

سديم : افففف الطريق زحمه .. شمس ماعندي وقت بسرعه

شمس السواق : الطريق زحمه

سديم : اففففف


دخلت سديم المدرسه ومثل ماتوقعت الجرس كان داق من فتره

راحت بسرعه فصلها دقت الباب ودخلت وكانت الحصه باديه لها 10 دقايق

سديم : آسفه على التأخير

المدرسه : تفضلي

جنان : وهذي شكلها كل يوم بتتاخر

دينا : وانتي شدخلك

جنان : لا مالي دخل بس انا اقول يعني حظرتها كل يوم الست الهانم بتجي متأخره


المدرسه : جنان لو سمحتي ممكن تلتزمين بالهدؤ لين مانخلص الدرس

( طبعا بالمدارس الاهليه المدرسه ماتقدر تسوي شي او تكون لها السلطه على البنات لانهم بكل بساطه جايين بفلوسهم )

جنان كان مالها خلق تزيد كلام مع المدرسه او تتحرش وتنرفزها فسكتت لان فيها النوم

دينا استغربت من جنان انها سكتت بسرعه بالعاده لازم ترد


انتهت الحصه بسلام

دينا لفت بسرعه على جنان : غريبه جنو سكتي بسرعه بالعاده تردين

جنان وهي تتثاوب : مالي خلقها عشان ارد عليها لان فيني النوم

دينا : هههههه قولي كذا


جنان وهي تناظر سديم اللي سرحانه : قولتك ليه بروحها دايم تجلس

دينا : وانتي شدخلك بالبنت .. يمكن ماتحب تندمج مع حد او مغروره

جنان : اصلا من زينها شكلها غثه ونكديه بس كذا احب استهبل عليها

دينا وهي تناظر جنان : جنو شنو ببالك .. اذا ببالك تجنني البنت خليها بحالها

جنان : لا مو اجننها بس انا عارفه فيه وراها سالفه

دينا : لحووووول بدا عرق اللقافه ينط عند جنو الحين البنت مابتسلم الا لما تعرفين كل شي

جنان وهي تأشر على عرق اللي بأيدها : ههههههه اللقافه ياماما تمشي بعروقي


سديم كانت مو ببال احد ولا تبي تحتك بأحد لان اكيد بيسألونها هي بنت مين وابوها ايش يشتغل وهي

اساسا من عائله متوسطه او اعلى من المتوسطه بشوي وابوها يشتغل بأرامكو .. وكل اللي بالمدرسه

من بنات الكباريه او التجار .. هذا اللي كانت تفكر فيه سديم


بالفسحه..

البنات طلعوا يتفسحون


جنان : مرمر زماني تعالي بس عندي لك سالفه

مرام : هاه شنو هالسالفه

جنان وهي تغمز لها : سالفه خاصه تعجبك

دينا : لاااا لا تتغامزون اذا عندكم سالفه قولوها هنا اخلصوا

جنان : ههههههههه شتبين انتي ماتفهمين هالسوالف

دينا وهي تطق جنان : وجع مالت عليك

مرام :ههههههه وين بتقومين اجلسي بس اجلسي

دينا : مالت عليكم كلكم انقلعوا عني انا قايمه عنكم وانتوا كملوا حشكم بكيفكم

مرام وجنان : هههههههههههه

دينا قامت تمشي بروحها

كانت شلة بنات جالسين لما مرت من عندهم دينا قاموا يناظروها نظرات ماتبشر بالخير

دينا ( ياويلي هذول ليه يناظروني كذا كأنهم اولاد )


وحده من البنات اللي بالشله : البنت كيكه


سمعتهم دينا وقلبها قام يدق بسرعه ( ارجع لهبالة وثقالة دم جنان ومرام وباقي الشله ارحم لي )


رجعت للشله وهي وجها مخطوف وخايفه

مرام : جنو شوفي دنو رجعت بسرعه ماتستغني عنا

جنان استغربت من وجه دينا متغير : شفيه وجها مخطوف

مرام : لا اكيد مافيها شي بس تمثل

دينا جلست عندهم وهي خايفه

جنان بسرعه : دنو شفيك وجهك كذا

دينا ببلاهه : هاه

مرام : لا البنت جد فيها شي

جنان : تكلمي شفيك ؟

دينا : الله لايوريكم بنات قاموا يناظروني بنظرات تخوف كأنهم اولاد

مرام : هههههههههه يحليلك بس عشان كذا خايفه .. عادي اكيد هذول شاذات

دينا : ماتوقع اشكالهم عاديه

جنان : كيف يعني اشكالهم عاديه .. اهم شي تكلموا معاك بشي

دينا : انا ماخفت الا لما سمعتهم يقولون البنت كيكه .. بس قالوا هالكلمه انا طاح قلبي

مرام : ههههههه لا البنت هذي ماتتخلى بروحها بعدين تنخطف

جنان : ههههه مرمر مو قتك ترا .. بس احسن عشان تتأدبين وماتقومين عنا مره ثانيه

دينا : مالت عليكم


خلصت الفسحه وكل وحده رجعت لفصلها

سديم مثل ماهي عليه مالها خلق احد وحتى لو تكلمت مع وحده تتكلم بحدود

جنان : اقول دنو خلينا نروح نجلس مع سديم شوي

دينا ماردت بس مشت معاها

جنان جلست جنب سديم

سديم ( اففففف هذي هالملقوفه بدت تتلزق الله يصبرني عليها )


جنان : هالووو .. شو اخبارك ؟

سديم : انا بخير .. انتي كيفك ؟

جنان : نحمدووو

سديم اكتفت بابتسامه وسكتت

جنان تدور لها اي سالفه ( انا اللي بزهقك ) : اليوم جايه متأخر بعد هههههه

سديم ( يليل لقافتك ) : ههههههه ايه تعرفين الطريق زحمه وانا جايه من الظهران لهنا


جنان : يعني انتي ساكنه بالظهران ؟

سديم توهقت ماتبي حد يعرف انها متزوجه ( هذي شلون اصرفها الحين ) : هاه لا انا ساكنه بالخبر .. بس كنت ببيت جدي

جنان : اهاا

وطول هالوقت ديناا ساكته خايفه من نظرات هذيك الشله

شوي دخلت مدرسه

ورجعوا لروتين الحصص الممل

بنهاية الدوام كل وحده رجعت بيتها



********


بالويك اند جنان مع دينا

دينا تكشخ وتتجهز لزوم الحفله اللي بالشاليه .. حفله شبابيه على قولتهم

همه متعودين على مثل هالجمعات والرحلات شباب وبنات وبس من غير اهاليهم


جنان لابسه برمودا ابيض وبدي فوشي حرير ملفوف على جسمها بطريقه غريبه

اما دينا لابسه فستان قصير لركبتها لونها احمر

جنان جالسه عالكنبه تتفرج عالمجله : وجع ماخلصتي يالله بنتأخر

دينا وهي تحط الجلوس : خلاص بخلص آخر شي


دينا خلصت و طلعت مع جنان


دينا وهي بتسكر الباب شهقت : يوه تذكرت الجيتار

جنان : ايه زين تذكرتيه وانتي هنا ولا والله طلول والشباب طردوك من الجلسه ههههههههه

دينا اخذت الجيتار وطلعت : هههههه طيب يالله امشي


وصلوا دينا وجنان للشاليه

كان الكل متجمع وضحك ووناسه الجو


جنان : هالووووووه شباب

الكل : هلاااااا والله

جنان شافت اختها ليان موجوده : وجع انتي جايه قبلي هنا من متى

ليان : هههههههههه وانتي ليش ملزقه نفسك كل واحد متى ماحب يجي يجي

جنان : ايه اصلا انا مابي اجي معاك

الكل : ههههههههههههه

ميس : جنو اعصاب

طلال : الا وين دندون يقول بندر بتجي

جنان وهي تسلم عليهم : وانت هذا اللي هامك مع وجهك دينا وبس


الا شوي دخلت وراها دينا

دينا بنعومه : هاي

طلال : هلااااااا والله تو مااحلوت السهره

فواز : هههههههه ياشيخ بلا تلزق

ساره وهي تغمز لفواز : ههههههه ياعمي خليه يعيش حياته

دينا : ههههههه اقول بلا تغمز

جنان : الا كأن فيه ناس ناقصين

لمياء : ايه يقولون مشغولين

جنان : اهااا


ليان بخبث وبصوت واطي : سوير نادي اخوك بندر شكله مايدري ان جنو وصلت

ساره : ههههههههه ماطلبتي شي انا اوريك الحين

ليان : ههههههههههه خلنا نشوف من يجنن الثاني الحين


ساره بصوت عالي : بنننندر .. تعااااااااااااااال

كان بندر بداخل غرفه طلع

بندر مانتبه بجنان : خير شعندكم تصارخون

ليان وهي تغمز له : بس كنا يعني

بندر فهم عليها : هههههههههه طيب طيب


جنان بصوت واطي وهي تلف عنه ولا كأنها شايفته : كملت جا روميو

دينا وهي تدزها : ههههههه وجع سكتي لايسمعك وصيري ذربه


ليان : هالله هالله بندر طفرها اليوم

ساره : ههههههه عاد جنان واحد يتكلم معاها برومنسيه تستخف

بندر : ههههههه شوفوا بطفرها بحدود عاد مارضى عليها

ليان : ههههه اجل من الحين ياسوير هي اللي بتطفره مو هو اللي بيطفرها

ساره : ههههههه شكله كذا


بندر ترك ليان وساره وراح لجنان

جنان كانت مندمجه بالسوالف مع دينا وطلال والباقيين

بندر جاها من ورا ظهرها وهي ماتدري

مسكها من كتفها وقرب من اذنها وهمس : كيفه حبيبي اليوم

جنان اقشعر جسمها من حركته ونقزت : بسم الله علي جني انت من وين طالع

بندر : ههههههه بسم الله عليك

جنان وهي تلف عنه : طيب خلاص سلمت يالله روح

بندر وهو يسحبها من ايدها : طيب تعالي شوي ابيك

جنان : ليه شتبي فيني .. ووين نروح

بندر : بس نتمشى على البحر شوي

جنان : لا انا ابي اجلس هنا الحين بيبتدون يعزفون ويغنون

بندر : نونا حبيبي ابيك شوي


قاطعهم عدنان


عدنان وهو يغمز لبندر وبصوت عالي لانه كان جالس شوي بعيد عنهم وشافه يتكلم مع جنان : ايوه ياعم خذ لك رومنسياااااااات من قدك

الباقي : ههههههههههههههههههههه

جنان حمرت خدودها وانحرجت : اقول عدنانوه خلك بروحك احسن لك ومن قال لك رومنسيات

قاطعها بندر : ويعني لو رومنسيات انتوا شدخلكم

جنان عصبت

ليان : ههههههههه جنو شوي شوي ليه عصبتي

عمر : اقول دينا اعزفي عالجيتار يمكن محتاجين جو رومنسي

الباقي : هههههههههههههههههه

دينا : يالله عاد حدكم عليها

طلال بدا يغني اغنيه عارف انها مناسبه لبندر لانه قريب من بندركثير ويعرف مشاعره واحاسيسه وهو دايم يشتكي له من جنان

:



لسماع الاغنيه

ايه أحبك هذا حظي اللي انكتب .. ودربي اللي امشي وادري به تعب

اشر طلال لفوازعشان يبدا يعزف عود

فواز فهم عليه ومسك العود وبدا يعزف عليه

طلال مكمل :

ايه أحبك وانت في عيوني سهر .. وانت وسط القلب حرات وقهر

بس أحبك هذا حظي اللي انكتب .. ودربي اللي امشي وادري به تعب


أشوف الناس في عيوني .. ومن بدهم اشوفك غير

واحس مثلك في هالدنيا ابد مايصير


في عينك سحر ياخذني .. ويخليني معك اسير

واحس عمري وقف عندك وايامي وراك تسير


ايه أحبك .. هذا حظي اللي انكتب

ودربي اللي امشي وادري به تعب


الجو صار هدوووووء مع صوت طلال ومره يجنن

صوت طلال بالمره يجنن والكل كان يقول له انت لو تشترك باي برنامج تفوز .. بس هو كان يحب يخلي هالموهبه بينه وبين احبابه وبس


بندر كان مندمج مع الاغنيه وعيونه على جنان اللي من جد دايم متعبته

اما جنان بحال ثاني كانت درجة حرارتها مرتفعه ودقات قلبها صارت طبول من الاحراجات

الكل كان متفق عليها وانهم يحرجوها

بندر وهو جالس جنب جنان وماسك ايدها حط عينه بعينها : اموت فيك نونتي

جنان كان ودها الارض تنشق وتبلعها او تشرد من المكان اللي هو فيه

الشباب والبنات بعد ماخلصت الاغنيه بدوا يشجعون ويصفرون : اوووووووووووووووو ..

عدنان : هههههههه ايش هذا ياطلول خليت بندر يذوب علينا الحين

طلال وهو يغمز لبندر : ههههههههه هذا بس للحبايب مو لكم

ليان : ههههههههههههه اجل المره الجايه اجيب محمد تغني لنا انا معاه

عدنان : وانتي شتبين تلزقين خطيبك فينا هههههههههههه

ليان : انت مالك دخل كيفي انا

طلال : هههههههه هيه انتوا تبون تنهتزوني للحظاتكم الرومنسيه وانا اجلس احتر لاعندي لا حبيبه ولا شي

عبد الرحمن وهو يغمز له : هههههههه شوف عندك دنو غني لها وهي تعزف لك

ميس : ايه والله ههههههههههههههه انتوا لايقين لبعض

دينا انحرجت من هالكلام : لاااااااا ايش قالوا لكم


طلال غمز لها انهم يمثلون عليهم

دينا فهمت عليه على طول


طلال راح لدينا وقبل مايتكلم بصوت عالي همس لها بطريقه انه يوهمهم انه مغرم فيها : اقول دنو
تكفين مثلي عليهم وجاريني بالكلام اوكي

دينا ضحكت بدلع : ههههههه اوكي

الشباب والبنات يصارخون : اووووووووووووو هههههههههه

لمياء : ههههههههه هيه قلنا رومنسيه بس عاد مو قدامنا

جنان : يالخونه .. وانتي مشبكه مع طلال وماتقولين لي .. اشوفك ياطلال ماصدقت على الله لقيت فرصه

دينا : ههههههههه مالكم دخل مو تقولون احنا لابقين لبعض شتبون

طلال : اقول دندون يالله قومي نطلع عالبحر ومعاك الجيتار وخلينا منهم

دينا جات بتقوم

الشباب : لاااااااااا تكفون جلسووووو بعدنا ماغنينا زي الناس

طلال : هههههههه اذا تسنعتوا بنجلس

جنان : اذا بتطلعون انا بلزق فيكم

طلال يغمز لها : وليه تلزقين فينا عندك بندر

جنان ناظرته بحقد

طلال : هههههههههه خلاص خلاص لاتذبحيني

دينا : هههههههههههه

بندر : هههههههههه طلول الوعد بعدين

طلال : ههههههههه خلاص ولا يهمك يابعدي

جنان : اي وعد

طلال بخبث : شي بيني وبين بندر انتي شدخلك

جنان بلا مبالاه : ايه بكيفكم انا شدخلني


جنان راحت وجلست عند البنات

بندر طلع عند البحر

طلال راح وجلس جنب بندر: هاه فيه نتايج

بندر : هي مشكلتها ماتحب تتكلم عن مشاعر او هالاشياء .. ماخذه كل شي لعب

طلال : ههههههههه بس ارتبكت من الاغنيه

بندر : ههههههه لان العيون كلها عليها

طلال : شوف جاريها تراها بعدها صغيره .. يمكن ماتحب تتكلم عن مشاعرها انتظر عليها بس تكبر شوي وتحمل عاد اللي تسويه من جنون فيك

بندر : هههههه داري ومتحمل بس ودي انها تحس شوي

طلال : هي حاسه بس تكابر .. خليها على كيفها .. وبعدين كم سنه انتو بينكم

بندر : امممم حول كذا خمس سنين

طلال : شفت كيف عشان كذا هي بعدها .. عاد انت تحمل

قاطعتهم جنان وهي جايتهم من داخل

جنان : هيه انتو اثنينكم شنو تحشون فيه

طلال بخبث : نحش باللي نحش فيه انتي شتبين

جنان : ههههههههههه لا بس ابي اعرف

ساره وهي تمشي ورا جنان : عاد جنان بدون ماينط عندها عرق اللقافه تموت

جنان : اقول طلول تعال خلنا نغني ابي اغني معاك

طلال : هههههههه ولا يهمك كم جنو عندنا

جنان : وحده بس هههههه

راحت جنان وجلست جنب طلال : يالله خلينا نغني دويتو

طلال : ههههههههه اموت انا على الدويتو .. طيب اي اغنيه

جنان : اغنيه احاول نوال وفضل شاكر

طلال : اييه عرفتها

ساره : شبااااااااااااب وبنااااااااات فيه دويتووووووو تعالوووووا عند البحرر


الشباب والبنات تجمعوا عند البحر


جنان : فواااااااز اعزف عوووود

فواز : ابشري ماطلبتي شي .. بس شنو بتغنين

طلال : لااااا ماينفع عود .. هذي يبي لها جيتار

دينا : ههههههههههه راحت عليك يافوزي

فواز : هههههههههه انا اوريكم


جنان : احم احم

عدنان : اقول اخلصي علينا نبي نعرف شنو بتغنين عاد من زين الصوت

جنان : اقول انقلع بس .. صوتي احسن منك

بندر : هيه حدك عليها عاد

عدنان : اوه فيه روميو هنا نسينا هههههههههه

جنان : انا لك لازم ازوجك وحده اسمها لينا ههههههههه عشان تصيروا فلم كرتون – وهي تغني – عدنااااااااااااان ولييييييييييينااااااااا

الشباب والبنات : هههههههههههههه

دينا : هههههههههه جنو يالله عاد ابدي وفكينا

طلال : هههههههههه خلوها تحمي صوتها

جنان : ههههههههههه لا خلاص خلاص

دينا : يالله 1 2 3 ابدي

وبدت دينا

وبدت جنان تغني

جنان :


لسماع الاغنيه


أحااااول اخفي احساسي .. ولكن بالعشق مفضووح

تشوف الفرحه في عيني .. وحبك بالعقل والروح


طلال وهو ماسك ايد جنان وعيونه بعيونها :


أحااااول اخفي احساسي .. ولكن بالعشق مفضووح

تشوف الفرحه في عيني .. وحبك بالعقل والروح


أحبك حب ماقدر.. أعاند فيه احساسي

لقيت الحب شي اكبر ..في من آخذ انفاسي


جنان وطلال وقفوا وهم يغنون يستهبلون قدام البحر مسويين مثل الفيديو كليب لين ماخلصت الاغنيه


الشباب والبنات يصفقون ويصفرون : واااااااااااااااااااااو

عبد الرحمن : ههههههههه لابديت انا اشك فيكم بصراحه

الشباب والبنات : ههههههههههههههه

جنان وهي تتلصق بطلال : شدخلكم فينا كيفناااا

طلال بعفويه يقلد جنان : ايه كيييييفناااااا

جنان قرصته بخده وباسته بخده بعفويه هي كذا حركاتها دايم : وااااااااي فدييييييييتك


طلال ارتبك حس بغيرة بندر وماكان يبي ينحط بمثل هالموقف وقدام اعز انسان بالنسبه له


اما بندر كان بحال ثاني ارتفعت حرارته ووده يذبحهم ثنينهم

قام ودخل داخل قبل لايرتكب جريمه بجنان اللي مو حاسه فيه


ساره بصوت واطي تتكلم مع ليان : اما اختك قويه بصراحه .. كل هذا عشان ترد له اللي سواه بالبدايه

ليان : ههه انا ماتوقعت بتسوي كذا وتقهره .. صدق احمد يوم سماها جنيه

ساره وعيونها على اخوها : يابعد عمري يابندر .. وربي يموت فيها

ليان : قومي لاخوك شوفيه شكله تضايق من حركة جنان بقوه

ساره وهي تقوم توقف : ايه شرايك يعني اكيد الحين صاكه فيه الدنيا


ساره قامت وراحت دخلت داخل تشوف اخوها

مالقته موجود دقت عليه مارد خافت عليه


برا كان طلال جالس جنب عدنان

عدنان : اما حركتها قويه بصراحه جننت بندر

طلال ساكت : ....

عدنان : شفيك ساكت

طلال : بندر انقهر مني هي سوتها بعفويه دايم هي كذا بس ردة فعله هو قويه

عدنان : طيب قوم شوفه

طلال : لا لا الحين لحد يكلمه خلوه ليمن يهدى الحين هو معصب


سارا رجعت لهم لبرا

ليان : هاه بشري

سارا وهي ترفع كتوفها : مادري مو موجود ولا يرد على جواله


طلال : مين اللي مايرد على جواله ؟

سارا : بندر ادق عليه مايرد

ليان راحت عيونها على طول على جنان

جنان قامت : خييير شفيك تناظريني كذا

ليان : .......

جنان راحت دخلت داخل

عمر : لحووووول كنا بواحد وصرنا بأثنين.. اقول دنو قومي لحقيها

دينا قامت ولحقت جنان


الجو توتر


عبد الرحمن : انا مستغرب منهم ثنينهم يموتون من الضحك

طلال : البنت صغيره وعادي عندها الوضع

ليان : جنان كذا طبيعتها ..

ميس : ايه بس عاد مو بهالطريقه مشوتته دايم

ليان : والله هو يحبها يستحمل عاد




********


زيـزفـونـ ©؛°¨غرامي جديد¨°؛©


دينا : جنو

جنان وهي جالسه وتتأفف : خير

دينا : عاد كان مابستيه قدام بندر

جنان : ليه هو بيتحكم فيني من الحين .. احنا ترا بعدنا لانخطبنا ولا ملكنا ولاتزوجنا عشان يتحكم .. انا حره بتصرفاتي

دينا : جنو بس هو يحبك

جنان : لحووووول درينا انه يحبني بس عاد مايسوي هالحركات قدام الكل ويبين فيها هو المخلص وانا الخاينه

دينا عصبت : انتي كيف تفهمين واحد يحبك ويموت فيك وبالتراب اللي تمشي عليه .. انتي غبيه ولا ايش عالاقل راعي مشاعره حتى لو ماكنتي تحبيه ومع ان هذا مستبعد بس راعيه وراعي انه موجود

جنان : اوهوووووو علينا

دينا قامت : انا اقوم عنك احسن لي .. والله انك غبيه وعمرك ماراح تلاقين واحد يحبك ويموت فيك كثره وبعدين بتندمين وتذكري عاد كلامي

دينا طلعت برا معصبه

شافها طلال تتحلطم

طلال : دينا تعالي ليه معصبه

دينا وهي تجلس : الغبيه جنانوه هبله وعمرها ماتفهم

عدنان : اوه بس تهاوشوا

ليان : شصار بينكم

دينا : ماصار شي ماعليكم


جنان داخل انبها ضميرها خافت انه صابه شي خصوصا انه مايرد على احد ترددت قبل تدق ولا لا
توها بتدق الا بندر دخل

طالعته بسرعه

بندر كان شوي معصب بس طاحت عينه بعينها راحت كل العصبيه

مايقاوم جنان مشاعره دايم تخونه

بس شافها ابتسم


جنان : هذا انت هنا والعالم مفكرين صابك شي وقالبين الدنيا علي

بندر كان بيسوي نفسه زعلان بس ماقدر : هههههه ليه شسوو

جنان بعصبيه : مدري عنك مسوي فيها زعلان ومعصب وطالع وماترد على احد

بندر جلس جنب جنان : ايه داري ان الكل بيخاف الا انتي

جنان سكتت : .....

بندر تضايق من سكوتها حب يخربها شوي

بندر وهو يلف وجهها له : جنان انا احبك انتي ليه ماتقدرين

جنان : .....

بندر : وربي اموت فيك ياجنان .. تفهمين شلون اموت فيك !

جنان غرقت عيونها دموع حست انها غبيه بتعاملها له

بندر وهو يمسح دموعها : مابي اشوف هالدموع منك ابد .. انتي نونتي ومحد بياخذك ويتزوجك غيري

جنان : انا آسفه


عدنان : هالله هالله .. انتوا جالسين هنا ومسويين فيها رومنسيات واحنا نظرب اسداس بأخماس

جنان وبندر تفاجؤا ولفوا سوا

كانوا الشباب والبنات كلهم واقفين

الكل : هههههههههههههههههههههه

طلال : وجع خرعتني عليك ياحمار وحملت نفسي الذنب وبالنهايه جالس هنا معاها

بندر : وانتو من متى هنا ؟!

ميس وهي تغمز له : من اول ماقلت – وهي تقلده – انا احبك ياجنان

الكل : ههههههههههههههههه

" كانت ميس تبي تروح تشوف جنان الا شافت بندر ونادت الكل يجون يشوفونهم "

جنان : وجع مالت عليكم

ليان : ههههههههههه عادت ديما لعادتها القديمه

دينا : هههههههههه ماكأنها الرومنسيه اللي قبل شوي

جنان عارفه الحين بياكلونها بالكلام فكرت بخبث تاخذ الجو كله لها

جنان بخبث : وانتو شدخلكم – وهي تقرب من بندر – انا وبندورتي نصطفل .. صح بندر ؟!

بندر وهو عيونه بعيون جنان اللي استغرب من تغييرها المفاجئ : هههههه صح ياعيون بندر

عمر وهو يصفر : ايووووواااااااا ياعم ايوااااااااا من قدك

الكل : هههههههههههه

جلسوا يكملون سهرتهم ..


جنان جلست جنب بندر

الكل استغرب من جنان شسالفتها فجأه قلبت

دينا تهمس لجنان : جنو غريبه تسنعتي

جنان بنفس الهمس : مالك شغل

فواز : هيه انتو ثنتينكم شعندكم تتساسرون

جنان : ههههههههه والله انا معاها ننجاز شتبي قاط وجهك

الكل : هههههههههههههه

جنان : أقول ابي اغني

طلال : ايوا ياعم شنو تبين تغنين

جنان : ابي فواز يعزف لي عالعود وانا اغني

دينا : الله استغنت عن خدماتي

جنان : ههههههه انا ابي عود انتي شتبين

فواز : وانا لك يالله اختاري اغنيه

جنان : امممممم ابي اغني – وعيونها على بندر - مو بس أحبك انا مجنون فييييك الأمر أمرك وانا مابين اديك

الكل يصفرون ويصفقون : ايوااااااااااااااااا ايواااااااااا من البدايه كذا

بندر انصدم وماقدر يقول شي غير انه يضحك : ههههههههههههه

جنان وهي تلف بغرور : بس لاتصدق

دينا : هههههههههههه عمرك مابتتغيرين

جنان : ههههههههه لا خلاص ابي اغني اخاصمك آه وانتي دنو اعزفي لي

دينا : اووووكي

عدنان : لا هذي يبي لها طبله

جنان : يالله اجل وريني شطارتك يابو طبله

بدت دينا عزف عالاورج

وبدت جنان تغني وهي ماسكه مثل المايك وواقفه بالوسط وتتمايل وترقص وعيونها على بندر :



لسماع الاغنيه


اخاصمك آه .. اسيبك لا

وجوا الروح حتفضل حبيبي اللي انا بهواااااااااااااااااك



بحبك آه .. وافارقك لا

ملكني هواك ولااقدر حبيبي في يوم انساااااااااااااااك


رجعت تناظره وهي تغمض عيونها وتهز راسها


دنتا حبيبي ومنايا اللي دوبني

وانت اللي بعدو عن منايا بيتعبنييييي



يمكن عليك باسوق دلالي ويخطر ببالي

اعاند هوااااااااااك


لكن اوام بحن تاني وبصالحك ياغالي

وبطلب رضاااااااااااااك


دنتا حبيبي حبيبي ومنايا اللي دوبني

وانت اللي بعدو عن هوايا بيتعبني


لفت عن بندر بغرور


اخاصمك آه .. اسيبك لا

وجوا الروح حتفضل حبيبي اللي انا بهواااااااااك


بحبك آه .. وافارقك لا

ملكني هواك ولااقدر حبيبي في يوم انساااااااااااااااك


في حبك انت مالي حيله وعمري في ليله ماحبعد بعيد

والدنيا بعدك مستحيله وليله بليله حنيني يزيييييييييييد


دنتا حبيبي حبيبي ومنايا اللي دوبني

وانت اللي بعدو عن هوايا بيتعبني



خلصت من الاغنيه

الكل صفق لها وصفر وهي تحييهم كأنها نجمه

جنان : شكرا شكرا هههههههههه


الكل : ههههههههههه

عدنان : اقول لاتصدقين نفسك وهالاغنيه المفروض – وهو عيونه على بندر- يغنيها بندر مو انتي

جنان : ههههههههه اقول لايكثر

لمياء : ابو طبيع مايجوز عن طبعه ههههههههه

الكل : ههههههههههه


رجعوا يغنون ويعزفون

وكملت السهره وكل واحد رجع لبيته بنص الليل على الفجر




*********





اليوم الثاني ..

جنان كانت نايمه مع دينا

جا تركي ودق الباب على غرفة دينا ومحد رد

ماكان يدري عن جنان نايمه عندهم

دخل وشاف جنان نايمه مع اخته .. فكر بخبث يزعجهم

راح وشغل الاستيريو بأعلى صوووت


جنان حطت المخده على طول على راسها : وجعععع ميييييييييين مشغل الاستيريو

تركي انبسط جاب نتيجه : هههههههههههههههه

دينا مالها خلق لاتقوم ولا تسوي شي

جنان قامت معصبه والشر بعيونها اكره شي عندها حد يصحيها من النوم " وهي واقفه على السرير" : تركيووووووووووووه سككككككر الاستريو

تركي ببرود وهو يجلس على الكنبه : ههههههه لا

جنان نطت من على السرير وفصلت الاستريو وراحت لتركي تطقه : وجعه توجعك قول امين الناس نايمه وانت بهالازعاااااج

تركي وهو مستمتع بالطق وكأنها تدغدغه : ههههههههههههههههههه

جنان معصبه ومكمله طق : انا اوريك والله لاردها لك وبتشوووووووف

دينا وهي تحط مخدتين فوق راسها : وجع اطلعوا وكملوا هواشكم برااااااااااا

جنان : جاتنا الثانيه بعد .. اسكتي لااجي واذبحك

تركي : هههههههههه جنو بلا عصبيه واذا تبينها تقوم انا عندي الطريقه

جنان : مابيها تقوم وانت اطلع برااااا نبي ننااااااااام

تركي بعناد : دندووووووووون بودييييييك لامك

دينا نقزت : جد بتوديني للماما

تركي : ههههههههههههههههه شفتي كيف تقوم بسرعه

دينا : غبي ومتخلف وماتفهم .. اطلع برااااااااااااااااااااا


تركي طلع وهو ميت ضحك انتصر وازعجهم هذا اللي بيه


جنان وهي ترجع للسرير : غبي مايخلي احد ينام متخلف بس انا اوريه


شوي دق جوال جنان

جنان : افففففف منو دااااااق بعد ( عطته بزي من غير ماتشوف مين اللي داق )

الجوال رجع دق مره ثانيه

جنان حطت المخده على راسها وعطته بزي

رجع دق مره ثالثه

ردت من غير ماتشوف الرقم : الو خييير

بندر بصوت هادي : مساء الخير .. شفيك معصبه

جنان وهي تتافف : نايمه ومافي حد يخلينا ننام على راحتنا

بندر بخيبة امل : بس الحين العصر وانتي بعدك نايمه

جنان : واحنا متى رجعنا امس من الشاليه .. مارجعنا الا بنص الليل مدري الفجر

بندر ( عمرك مابتحسي ياجنان او تتغيري ) : طيب اخليك تكملين نومك


جنان توها بترد الا قاطعتها دينا


دينا : اخذي جوالك واطلعي براااااا ترا مو ناقصه ابي انااااااام

جنان وهي تقوم : طيييييب درينا


دينا رجعت تنام و جنان طلعت برا


جنان : لا خلاص قمت

بندر : طيب نونا ليه معصبه الحين

جنان : ماني معصبه

بندر : ازعجك يعني اتصالي

جنان حست انها زودتها معاه لازم تلين شوي : لا ماازعجتني بس لان تركي هو اللي قومنا بطريقه متخلفه عشان كذا عصبت عليك وتنرفزت

بندر : ليه ايش سوا لك

جنان : ماعليك منه ..- سكتت شوي وبهدؤ تكلمت وصوت واطي - انا آسفه بندر

بندر دق قلبه بس سمع اسمه على لسانها رد عليها بصوت هادي : نونتي ماتتأسف


جنان دق قلبها من طريقة كلامه : .....

بندر بنفس هدوئه : وين رحتي

جنان : معاك

بندر حس انه مو وقته ابد يكلمها : طيب جنو اخليك الحين

جنان : بس توك داق وقومتني والحين بتسكر

بندر : لا بس شكلك مو مروقه ابد

جنان حست انه متضايق من طريقة كلامها : لا مروقه عادي

بندر : طيب حبيبتي انا بخليك الحين وبعدين انا بدق عليك .. او انتي اذا فضيتي دقي علي

جنان : طيب

بندر : انتظرك

جنان : اوكي

بندر : باي

جنان : باي


جنان بعد ماقفلت الجوال جلست تفكر بينها وبين نفسها وتفكر بكلام الكل لها

( صحيح انا غبيه .. الوحده تتمنى انها تلاقي لها واحد مثل بندر يموت فيها ويتمنى رضاها )

( بس انا مادري اذا احبه ولا لا )

( يمكن مع الايام راح احبه .. بس لازم اعدل تصرفاتي .. ولا راح يطفش مني )


هذي الافكار اللي كانت تروح وتجي بتفكير جنان وطول هالوقت وهي على نفس وضعيتها سرحانه
كان قدامها تركي بس ماحست فيه ..

تركي وهو يأشر قدام عينها عشان تنتبه : ياهوووووه اللي ماخذ عقلك يتهناااا بوووووووه

جنان انتبهت ونقزت : وجع انت من متى هنا

تركي : هههههههه من عام الفيل .. وانتي سرحانه – بنظرة خبث – بأيييش سرحااانه جنووو

جنان بلعت ريقها واستحت : بولا شي

تركي بنفس النظره : علي اناااااا

جنان وهي تغير الموضوع : اقول توته وريني الاغاني الجديده اللي منزلها بجهازك والدي جي

تركي : هههههههههه طيب بمشيها لك هالمره

جنان وهي تسحبه : ههههههه مالت عليك يالله امشي بس


تركي راح مع جنان غرفته عشان يسمعها الاغاني




********




بندر بعد ماسكر من جنان تنهد وتمدد على السرير: هذي ولا بتحس .. متى بس متى ياجنان تحسين وتبادليني نفس الشعور تعبت معاك


بهالوقت دخلت اخته ساره

ساره : هالووووووووووو

بندر بدون نفس وهو حاط ايده ورا راسه : هلا

ساره : افاااااا شفيك ضايق خلقك

بندر بنفس وضعيته : مافيني شي

ساره : كأني عرفت

بندر : وايش عرفتي ياعبقرية زمانك

ساره وهي تغمز له : جنو .. يعني فيه حد متعب – وهي تأشر على مكان القلب – هذا غيرها

بندر تنهد : اااااه ياسوير متى بتحس هالبنت

ساره وهي تجلس على السرير وتتربع بجلستها : بتحس صدقني بتحس هذا اذا ماهي حاسه الحين وخالصه بس جالسه تكابر

بندر وهو يعدل جلسته : هههههه انا لها مابتروح لغيري هيه لي اناااا وبس

ساره وهي تغمز له : هههههههههه ماقدر عالاصرار

بندر يأشر على قلبه : انتي ماتدرين ايش فيه هذا .. فيه حب ماينوصف اموت فيها .. مو بس احبها الا اعشقها .. تفهمين شلون اعشقها .. جنان غيييير غيييير عن كل البنات مو من النوع الخفيف لا ثقيله وهذا اللي محليها ومعلقني فيها .. احب غرورها وثقتها بنفسها احبها لما تكابر .. احيانا احس بأرتباكها لما تكلمني بس تكاااابر .. جنان غير وربي غير

ساره : اوووووعدنااااااا يارب بعشاق مثلك

بندر وهو يرمي عليها المخده : هههههههههه اقول استحي على وجهك بس

ساره : ههههههههه يعني حلال عليك وعلى جنو تحبون والكل يدري عنكم وانا لااااا

بندر : هههههههه ياهبله هذي بنت خالتي وكنا دايم سوا عشان كذا

ساره وهي تقوم تشرد : ههههههههه مالي دخل فيك بدور لي عشيق غرت منك

بندر : ههههههههههه وجع ماتستحين

ساره طلعت من الغرفه بسرعه وهي تضحك


بندر راح بخياله لبعيييد : متى بس ياجنو تكبرين وتخلصين دراسه وانا اخلص واشتغل ونتزوج وتصيرين لي ملكي انا بروحي




***********


سديم ببيتها : افففف ملل


جلست تغير القنوات من قناة لقناة

شوي انفتح الباب الخارجي

نقزت سديم عارفه هذا مين يكون .. هذا راشد


راشد : السلام عليكم

سديم من دون نفس وخوف بنفس الوقت : وعليكم السلام

راشد وهو يجلس جنبها : كيفك؟

سديم قامت وجلست بجهه ثانيه و قلبها يدق من الخوف خصوصا لما جلس جنبها : كويسه –بخاطرها – ( كويسه وانا بعيده عنك )


راشد تضايق لما قامت من جنبه للآن مو متقبلته للحين : وكيف المدرسه

سديم : كويسه

راشد : كل شي كويس شي زين

سديم : .....

راشد : طيب مو محتاجه شي اجيبه لك

سديم بسرعه : لا

راشد وهو يقرب منها : سديم انا داري انك انجبرتي علي بس لـ .....

سديم قاطعته وهي تقوم بتروح الغرفه بسرعه : لاتقرب مني ولاتفكر حتى تلمسني وخر عني


راحت الغرفه وقفلت عليها الباب قفلين

راشد وقف عند الباب كان بيطقه بس تراجع

( لا ياراشد تحمل البنت لساتها صغيره لازم اتحملها .. كافي انها انجبرت .. مع الايام بتتعودين عالوضع الجديد ياسديم )


سديم كانت سانده ظهرها على الباب وكأنها خايفه انه يفتحه رغم انه مقفل

بس سمعت صوت الباب الخارجي تسكر حست براحه انه طلع ونزلت على الارض تبكي

: مابيك اكرهك والله اكرهك .. ليتك بداله يافارس

مسحت دموعها وقامت بتطلع

جلست بالصاله على الكنبه وماسكه جوالها متردده تدق على فارس ولا لا

الا الباب انفتح مره ثانيه !


.
/
.
/
.
/
.
/
.


يالله وروني ردودكم وحماسكم ..

حتى تحمسوني وانقل لكم بقية فصول الروايه ..

وان شاء الله تعجبكم مثل ماهي عجبتني ..



تحياتي


الزعيـ A.8K ـمه δЯέαмş
مستشــ¸.·* غرام *·.¸ـــاري

*

بسم الله

يعطيك العــافيه عزيــزتي
مُكــررهـ

https://forums.graaam.com/108423.html...C7%E6%CA%C7%D1



ننتظــر جديدك


..؛


أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1