اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 15-09-2008, 10:08 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: انا حر ما أنهان و الحر ما يرجع لشخص يهينه .. بقلم معاني كامله


الفصل التاسع عشـر ..

يلست ع الشبريه مستغربه شو سالفته و ليش محرج و اصلا ليش يطالعني بهاي النظرات ...انسدحت ع الشبريه يلست اطالع السقف و اتامل ..جفته وايد تأخر ..فكرت اطلع برع بس اكيد بحشرني .
.
بس وايد طول شو يسوي بعده زعلان مني هو قال ما نبى نضيع وقت و نعيش ع الاقل يومين حلوين و متفاهمين مع بعض بس الظاهر هو غير كلامه و اتفاقنا ..

خلااص انا بطلع له برع و اذكره بكلامه..لبست شيلتي و ظهرت من الحجره ..صعدت فوق ..

يلست ادوره حسيت راسي يدور بسبب البحر .يودت روحي ..لمحت الشمس تغرب لفتني غروبها .. روعه خبال .
.
تجدمت اكثر اتامل ها المنظر تمنيت اتكون عندي كاميرا اصور هالمنظر .. صديت ابسرعه الصوب الثاني يوم سمعت ضحكت مطر بصوت عالي ..

وقفت ابمكاني اطالعه و مستغربه بنفس اللحظه منو هاي الي معاه!!!!!!! معقوله وحده من اهله ..شكله يعرفها من زمان ولا كيف جي يضحك وياها ولاصق فيها ...حطيت ايدي ع خصري اراقبه هاي الظاهر ما عندها اهل ولا كيف هادينها جي ..

مدري شسوي لها مطر فدزته ع شكل غشمر فضحك مره ثانيه بصوت عالي عيل انا ما يضحك معاي جي ..حسيت قلبي يعورني ..كيف يسوي جي يهدني و يقعد مع غيري ...الله يسامحك ..

رحت الصوب الثاني اراقب الشمس يوم تغرب و تختفى اخر خيوطها ضحكات مطر ترن باذوني ..انا مدري ليش يعاملني جي

.. بس موقفه الحينه ذكرني يوم كان يتعرض علي قبل ما يخطبني شهقت لا يكون طبعه جي يغازل البنات .. يا حظي ..ويا قردي جان جي طبعه الله يعيني و يصبرني ..

سمعت صوت رجولي يقول : السلام عليكم

ما صديت صوب الصوت بس يوم تكرر مره ثانيه السلام حسيت انه يسلم علي فعدلت بوقفتي و طالعته ..بطلت اعيني متروعه يوم جفت نفس الشاب الي كان برمسني من ساعه ..التفت يمين و شمال عرفت انه يقصدني ..

ابتسم : شحالج اختيه ..
بلعت ريجي متروعه .. و ابتعدت عنه
بس قال : لحظه

طنشته و تفاجات بـ مطر واقف عند باب الحجره .. طالعني خطفته و دشيت ابا احسن بالامان ..لحقني و صكر الباب يلست ع الشبريه ابا احس بالامان ..

سالني بحده : وين كنتي ..

طالعته بغيض يرمسني بهاي النبره عيل يضحك مع هذيج البنيه ..تجرب مني و يلس جريب مني كرهت قربه مدري ليش حسيت بالشعو رالي نفسه كنت احس فيه يوم يتعرض علي قبل زواجي ..

وقفت ابا ابتعد عنه بس زخ ايدي و يلسني بدفاشه فطالعته بنظرات عتب و لوم
سالني : شو فيج ..وين طلعتي ؟؟
قلته : ما يخصك ..

مطر: شو وووووووووو

قلته انغزه : عيل اتعرف ترمس بهدوء و رزانه مع غيري و معاي ..ما اتعرف الا انك تجرحني و تعاملني بجفاف

تغيرت ملامح ويهه بس تم يطالعني ..عقب قال : شو قصدج
قلته : انا اروم ارمس أي حد يتعرض علي مثل ما كنت تتعرض علي قبل بس اخلااقي

شهقت يوم عفد علي و زخني من لحيتي : رمسته صح كنتي معاه من ساعه
طالعته بخوف تميت صاخه

هز ويهي : كنتي معاه صححححح قولي قولي
قلته بخوف: انته اتقول خلينا نستانس ها اليوم و رحت ادورك ابا اذكرك بها الكلاام ..

خفت لمساته و تم يطالعني توقعت انه يعتذر لي و انه غلط بحقي بس قال : زين شو تبين مني


طالعته مب فاهمه قصده فكمل : انتي ما تبين تعيش معاي مثل باجي الازواج .
قلته : مب قبل نعرف بعض زين ما زين

طالعني بنظرات و قال : شو تخافين تتوهقين و اتيبين عيال
صديت عني ما كان ها قصدي ... تجرب مني
و قال : زين انا موافق ..

تفاجات من ردت فعله السريعه و قلته : و ما بتخليينني ابروحي بحجره
هز راسه بمعنى لا
قلته : و ما بتجرحني و بتزاعج علي
هز راسه بمعنى لا


ابتسمت له راضيه بس هو طالعني بنظرات تهديد و قال : بس ياويلج ان طريتي لي مره ثانيه الرمسه الي قلتيها توج
طالعته و قلته : أي رمسه
قال بنفاذ صبر : يوم قلتتي اتروم ترمسين غيري
خفت من نظراته بس ابتسمت اطمنه و هزيت راسه بمعنى لا و قلته : وعد ..

تفاجات يوم تجدم مني قال و نظراته علي : لا تستفزيني بهاي الابتسامه
تميت واقفه اطالعه مب فاهمه قصده قال : ابتسامتج هاي تنرفزني وايد
بطلت حلجي ارد عليه فسبقني : انتي شو تتحرين عمرج يعني ؟؟ شو فاكره عمرج

قلته ابسرعه : ولا شي ؟؟

بس ولا جني تكلمت : حطي في بالج شي واحد ..

رفعت راسي و طالعته اتريا يكمل كلامه بس جنه غير رايه لانه قال : يلا تعالي نظهر نتعشى برع ..

تميت اطالعه مستغربه من هالانسان الي جدام اعيوني ..شو فيه منجلب علي ...مدري ليش التفت الصوب الثاني جنه ما يبى يطالعني ... سمعته يتنفس بصوت عالي ..

حبيت الطف الجو فقلته : مطر ..

طالعني بطرف اعيونه بلعت ريجي و قلته : ابا الطف الجو و ابتسم بس اخاف اتحرج علي ..
سالني بجديه: انتي هبله ؟؟

قلته بكل ابصراحه: انته تضايج يوم اتجوفني ابتسم ..
يبست ابمكاني يوم تجدم مني و قال : بديت اشك انج ياهل اتصدقين ..
ابتسمت و قلته : مشكور ..

دز يبهتي ع الخفيف و قالي من غير ما يبتسم : يلا بدلي بنطلع فوق نتعشى ..
غمضت اعيوني و ضحكت بصوت خفيف : ان شاء الله

وقف ابمكانه بس انا رحت صوب الكبت و قلته : زين بنروح نتعشى و نستانس .. "طالعته " اتصدق جفت عايله اماراتيه ..و عندهم بنت و توم و شكل الام بعد حامل ..ما شاء الله يخبلون

ظهرت لي بدله و كملت كلامي مستانسه : الام طفرانه من عيالها و الاب يخفف عنها " سرت صوب الحمام و قبل ما ادش قلته " امبين يحبون بعض و متفاهمين وايد ..

صكرت باب الحمام كان يطالعني و يسمع رمستي ما علق ع أي شي .. حسيت من نظراته مستغرب او ما اعرف شو كانت معنى نظراته بس بديت احس صار يقدرني ..اتمنى فهم قصدي و ان يمر علينا يوم انككون تفاهمنا و نكون اسره حلوه ..

ظهرت من الحمام جفته يطالع من الدريشه .. و كانه يدوخ .. رحت صوب التسريحه التفت لي جفته من المنظره و قلته : مب ناوي تودرها ..
كنت بصكر السحاب بس تفاجات يتجرب مني و يصككر عني حسيت ببروده بكل جسمي هالانسان يتحكم بمشاعري ..

و ها الي بديت استوعبه ..مشاعري تكون غريبه و جنها اطاوعه وتوقف بصوبه ..رفعت نظراتي اطالعه من المنظره جفته يطالعني حسيتت شكله صار رايق ..

الظاهر يوم يدوخ تتحسن نفسيه و تهدأ اعصابه هو اصلا يعصب ع أي شي حتتى لو اضحك يعصب عفانا الله ..
ساسرني باذوني : لا اتطالعيني بهاي النظرات ..اعيونج تعذبني يا ام اعيون ..

بلعت ريجي بصعوبه ..حسيت بقشعريره بغيت ابتعد عنه .. بس زخني
فهمس بارتباك: مطر انا ما ابا ..

كمل عني : اذا ما تبين لا اتطالعيني بهاي النظرات ...
غمضت اعيوني و انا كارهه مشاعري بغيته يتم بقربي بغيته و بغيته بس ابتعد عني بنفس اللحظه و قال : يلا لبسي شيلتج ..

رحت صوب شيلتي و عبايتي ..لفيت شعري و لبست شيلتي و عبايتي و ظهرنا من الحجره .. ضربني الهواء بويهي خذت نفس طويل .. عايبني الجو و ورعه المنظر ..

قلته : صار ظلام الدنيا ليل ..
طالعني و قال : حلاته ..
قلته : هي و الله روعه ..

وصلنا صوب المطاعم كنت بقعد بس زخني و قال : تعالي يلسي هالصوب ..

استغربت من طلبه صديت لورا جفت الشاب الي حاول يكلمني قاعد بالطاوله الي ورانا .. عرفت ليش ما بغاني اقعد بها المكان حتى ما اجابله زين بعد ما فيني يسوي لنا مشاكل ويا مطر ...انا ما صدقت يرمسني عدل ..
طلبنا اكلنا و قعدنا ناكل ما تكلمنا استغربت من هدوءه .. يلست اطالع الناس الموجودين

قالي: شو ادورين ؟؟
قلته : عايله التوم علشان تجوفهم كيف يخبلون
قال لي بحده : شو تبين فيهم خل الناس بحالهم ..

تجربت منه و قلته بصوت واطي: خلنا نتعرف عليهم ..مطر
طالعني بنظرات عرفت مب عايبنه فسكت عنه و كملت اكلي ..
سالني: شوتبين تشربين .

قلته : عصير اناناس ..
نش من مكانه و راح ايب لي عصير احس الجو حلو هادي ووسط البحر بس مطر ما يعرف شي اسمه رومانسيه عفاني الله ..

رفعت راسي يوم حسيت بواحد واقف عدالي : اختي لو سمحتي
شهقت يوم جفت نفس الشاب : قلته انته ما تستحي ع ويهك "وطالعت مكان مطر وين واقف و قلته " ريلي هناك ..كيف اترمسني

قال معتذر : اسف اسف ما كنت عارف انه ريلج ..اسف مره ثانيه
و رجع مكانه يالله ها ناوي يسوي لي مشاكل .. رفعت راسي يوم جفت العصير ينحط جدامي بقوه حتى انجب منه و خيس الطاوله جفت مطر ..
امرني: قومي يلاا ..

وقفت ابسرعه و قلته : يلا انروح انا تعبانه ..

زين حس فيني مطر زخني من ذراعي و قادني صوب حجرتنا .. ما كنت اعرف انه محرج اصلا .. ولالا كنت اعرف انه جاف ها الشاب الي وقف عدالي .. الا يوم دزني بدفاشه داخل الحجره ..

يلست ع الشبريه و طالعته قلته : شوه انا ما يخصني ..
جفت نظراته اتخوف الا تروع بلعت ريجي بخوف و قلته : انا ما اعرفه
قال بخشونه: اتعرفينه و يعرفج منوه ها ؟؟

قلته بخوف: شعرفني فيه انا ما اعرفه ..و انا اول مره

سكت و شهقت يوم تجرب مني .. دزني و انسدحت ع الشبريه عفد فوقي طالعته بخوف صرخ علي : لا اتطالعيني بها النظرات
قلته بصوت واطي: ما اعرفه ..

مطر بدفاشه: جذابه اتعرفينه .و الحينه بتقولين منو هاه ..
قلته : انت تعرف اني ما اعرفه و تاخذها حجه علشان تجرب مني

مطر يعلي صوته: نعم ؟؟؟؟؟.. حجه ..و ليش ادور حجج مب انتي حرمتي ؟؟
ذكرته: اتفجنا ....

غمضت اعيوني يوم زاعج علي : بلا اتفاق بلا خرابيط اخر عمري وحده زطيه شراتج اتقص علي و اتحط لي اتفاقاات

كرهته و كرهت اسلوبه الهمجي الي قاعد يرمسني فيه غمضت اعيوني ما بغيت اصيح جدامه يودت روحه بس ما استلمت حطيت ايدي ع صدره و حاولت ابعده عني دزيته

بس تم واقف شرات الصخر ترجيته: انا ما اباك .."صرخت و انا اصيح " ما باك افهمنـي .

دزيته فابتعد عني بس بعده كان جريب مني يلست و مسحت دموعي الي نزلت بعصبيه لانها خانتني و نزلت من دون اذني ..
قهرني يوم قال : عيل انتي يوم كنت اتعرضلج كنتي تصديني اشمعنى ها ترمسينه

طالعته بنظرات عتاب ما رديت عليه ادريبه لسانه طويل و ما بسكت صديت عنه بس هو ما يبى يسكت فقال : لانج تعرفينه صح

قلته بضعف من غير ما اطالعه : محد تعرضلي غيرك و غيره
التفت له و طالعته بعتب يوم قال بنبره تهديد : انتي جذابه بس يومين عشتهم وياج عرفت انج انسانه جذابه

قلته من كل قلبي : انا ما احبك ..ولا اظني بيوم بحبك ..
صديت يوم جرب ويه من ويهي وضحك : هههههههههههه

كرهته حسيت باشمئزاز صوبه بس ما قدرت اسوي شي لانه مب فاتح لي المجال لصقني فيه اكثر بس كنت صاده عنه كارهه قربه ..

اجبرني اطالعه و هو يقول لي كلامه : حتى انا ما احبج ..
قلته ابسرعه : عيل ليش تزوجتني

قال لي ابرود: علشان اوصل لحبيبتي ..
قلته بقهر : بس انا ما احبك
ضحك بصوت عالي : هههههههههههههههههههههههههههههههه
و تم يضحك ..و انا اطالعه مستغربه بس سكت و قال : من زمان ما ضحكت جي و الله انج تحفه
بلعت ريجي و حسيت بالاحراج يوم قال : من قال انتي حبيبتي .. ابا وحده غيرج و في بالي بتزوجها
شهقت مصدومه من كلامه بس كمل ولا هامتنه مشاعري : بتزوجها اتريا اليوم الي بتكون لي و باخذها غصبن عن الكل
حسيت دموعي تيمعت ابعيوني و قلته: عيل ليس تزوجتني ؟؟
رفع كتفه مب مهتم و ابتعد عني و قال : علشان اقنعهم اني ما احبها و خذتج و عقب باخخذها
قلته: انته اتقول جي علشان اتغايضني

ابتسم و ظهر زقاير بس ها الي فالح فيه يدوخ و طالعني و قال : و الله يا ميثه اني احبها و ما عشقت انسان كثرها و دوووم ارمسهاا باستمرار و احس اني جرحتها يوم تزوجتج و بعد ظلمتها ..

قلته : اسكت "وحطيت ايدي ع اذوني "

تجرب مني و شل ايديني يسمعني كلامه السم : و يوم بتزوجها اعتبري روحج انسانه مو مرتبطه
ضربته ع صدره : بس اسكت اسكت .
و يلست ع الشبريه متألمه من كلامه غطيت ويهي و يلست اصيح بصوت عالي بس هو طلع من الحجره و خلني باللالالاامي و احزاني ...

للحظه ظنيت اني كنت احلم ..و الكلام الي قاله لي بس يبا يستفزني و يجرحني مثل ما جرحته يوم قلتله اني ما احبه اكيد حس بالاهانه امبلى علشان جي قال لي هاي الرمسه يبا يغايضني ...

اصلا هو يحبني كان يلاحقني حتى انه خطبني و ما بغاني اعرف انه خاطبني لانه خاف اني ارفضه امبلى هذا الصح ....

نقزت من رقادي يوم سمعت صوت عالي بالحجره بالحجره ...نقزت من مكاني .. ابسرعه ادور الصوت شهقت يوم جفت مطر منسدح عالارض شكله كان راقد ع الكنبه ..

وقفت رحت صوبه جفته يالس يتحرطم مدري شو يقول و متضايج .. كتمت ضحكتي يوم جفته يتحرطم و يتحسس ع راسه مكان الطيحه ..
همست : مطر ؟؟

رفع راسه يطالعني وقف ورد انسدح ع الكنبه غمضني قلته : تعال ارقد ع الشبريه
قال بنبره جافه: وين ارقد حد يرقد جي ع الشبريه "اشر بيده بشكل منحني "

انحرجت و قلته : ما حسيت ابروحي .."وطيت صوتي" اسفه ..
قام من مكانه وراح صوب الشبريه و انسدح ..ابتسمت حسيته شرات اليهال بهاي الحركه ..

رحت و انسدحت ع الطرف الثاني ...ورقدت ...
فتحت اعيوني ..تجلبت ع الفراشي بكسل حسيت بانتعاش يوم شفت اشعه الشمس متسلله داخل حجرتي ..حجرتي !! انا وين ؟؟هي صح ..يلست ابمكاني ادور مطر جفته مو موجود عقدت حياتي ليش كم الساعه ..!!

وقفت و رحت الحمام اتغسل و ابدل ملابسي .. يوم ظهرت جفت مطر يالس ع الكنبه و جنه يترياني ..
ابتسمت له : صباح الخير..

رد من دون ابتسامه : زين قمتي ما بغيتي ..و اتقولين انا الي ارقد ..
رفعت حياتي :ليش كم الساعه ؟؟

نش من مكانه و قال : 11 و شي يلا تعالي ناكل لنا شي .
قلته : و الله اول مره اتاخر جي ..

طالعني بنظرات و جنه يتطنز لازم عروس مرتاحه نفسيا ..

رحت و مشطت شعري و قلته بصدق : الحمدلله و عسى دوم انكون مرتاحين ..
نقزت يوم شات الكنبه شهقت و التفت له جفته محرج و يخزني بنظرات ابصراحه روعتني الا بسالكم هو ليش عصب الحينه !!
قال بنبره جافه: اترياج برع خلصي ..

تميت اراقبه الين ما طلع وصكر الباب بقوه ..شو بلااه ليش عصب ؟؟ الحينه ؟؟
خلصت و لبست شيلتي و ظهرت ..وقفت ادوره ما جفته التفت ابسرعه لوار يوم سمعت صوته من وراي : يلا ما بغيتي اتخلصين ..

زخ ايدي بس حسيتت بلمسته دفاشه مب رقه ولا حنيه ..سكت و لحقته يلست تميت اطالع البحر ..روعه خبال
قلت : مطر ..
جفته مندمج ياكل و رد من غير ما يطالعني : هاه
ترجيته: متى بنرجع البيت ؟

قال : ليش هالسؤال
ترجيته: خلنا انكمل بعد يومين بليز روعه ابصراحه "وطالعت الناس الموجوده" جوف الكل مستانس

نبرته حسيت فيها تهديه : ميثه لا اتنكدين عليه و الله بفرج في البحر ..
بلعت ريجي بصعوبه طالعته و انا مب فاهمه ليش محرج قال : بذمتج انتي الحينه مستانسه ؟جي

خفت لا اقول هي و يفرني في البحر فهزيت راسي

فقال : انتي شو ما عندج دم ما اتحسين ..
طالعته مب فاهمه له بس هو كمل : يعني انا الحينه ميت قهر و غيض ع الي اتسوينه فيني و انتي حضرتج مستانسه ..
سالته : شو الي مغايضنك و مخلنك مقهور زين ؟!!
بطلت اعيوني يوم صرخ بصوت عالي: ميييييييييييييييييييييييييييييييييييييثه ..

تميت اطالعه و كل الي في الباخره يطالعونه في البدايه كان معصب مني و حسيته برتكب فيني جريمه و صج بفرني في البحر بس عقب يوم سمع صوت ياهل يصيح متروع من صوته

و حس ان العالم كله اتطالعه انحرج فنزل راسه متلوم اول مره اجوف ه جي ابصراحه انا انحرجت منهم ..
بس يوم جفت مطر جي متلوم و مب عارفه شو يسوي ابتسم و ضحكت بصوت خفيف ..رفع راسه يطالعني و الناس الجريبين مني يوم جافوني اضحك ضكوا بصوت عالي ..

حطيت ايدي ع حلجي ابا اكتم ضحكتي بس ما قدرت فابتسم بس امبين عليه بعده محرج مني ؟؟ بس زين انجلب و ابتسم ..

قال بصوت واطي : ما عليه بردها لج بتجوفين محد بأدبج غيري
ضحكت: هههههههههههه انت انسان روعه
رفع حياته مستغرب : لااااااااااااا عيل اتعرفين اتجاملين
قلته : انا ما اجامل ها واقع ..

خذ نفس و قال : قسم بالله ما عرفت لج انتي غير غير عن كل الي عرفتهم ..
استانست : شهاده اعتز فيها ..

حسيته مل من السالفه و قال : زين زين كملي اكلج ..انتي ما وراج الا الفضايح فضحتيني
كلت لقمه و قلته : زين ما بتم هني

قال بغيض: لو تميت زياده برتكب فيج جريمه خلني مشتاق لحبي ..
ضحكت: زين عندك يدتك و امك و اهلك تتوله عليهم"و حبست دمعتي" بس انا مالي حد
قال و كانه يتعمد يجرحني : اقصد بـ حبي حياتي الي احبها
طالعته مب فاهمه كلامه عقب قال : انسانه احبها و ما برتاح الا يوم برتبط فيها ..
حسيت قلبي تقطع و انا اسمع كلامه بس هو ما اهتم تم يكمل اكله .. بس انا ما قدرت ابلع ولا لقمه يعني هو من صجه عنده وحده يحبها
سالته بحزن: ليش تزوجتني عيل ؟؟

قال من غير ما يطالعني : انتي السلم الي بوصلني لها ..
ما تحملت كلامه كنت بوقف و بروح الحجره علشان اطلق العنان

لدموعي ...بس مب حلو احطه بموقف جدام الناس و اقوم عنه و هو ياكل ..شليت عصير و يلست اشربه و انا ميته بداخلي ...

حتى لو ما كانت من بينا علاقه حتى لو كانت تجمعنا ورقه بس شعور كريه انج تعرفين ها الانسان الي مرتبط فيج يحب وحده ثانيه ..
طالعته يوم قال : خلصتي ..
ما قدرت ارمسه فهزيت راسي بمعنى هي ابتسم و قال : شو بلاج
همست بضيج: ماشي

قال و جنه متعمد يضايجني : انا جي الحينه مستانس و مرتاح شراتج ..
ووقف وقفت معاها لحقته دشينا الحجره ..يلست ع الشبريه ..

و مب رايمه اتحمل الضيجه الي حست فيها ..مسانس لاني متضايجه
قال : يلا زهبي اغراضنا تقريبا ع العصر بنكون في رااك .

.بنمر الفندق انشيل اغراضنا بعد ..
قلته : انت ليش اتسوي فيني جي انا بشو ضريتك "و منعت روحي من الصياح"

جنه تفاجأ بكلامي سكت يطالعني عقب قال : ما سويت فيج شي ولا انتي ضريتيني بشي ..
قلته : عيل شو معناته كلامه الي قلته
ابتسم : هاي الصراحه انا احب وحده غيرج
قلته: عيل ليش تزوجتني ؟؟

تجدم مني و قال : ليش انتي حاسه انا نحن متزوجين ؟؟
صديت عنه لاني صدق ما عرفت شو ارد من حقه يقول هاي الرمسه ..حط ايده ع ويهي و خلني التفت له : جاوبي انتي ما تبين بينا شي

قلته: ابا نفهم بعض ..و نتقرب من بعض عقب ..."وسكت ما عرفت شو اقول "
قال : ميثه تبين الصراحه حتى لو كانت علاقتنا غير و حلوه بس بعد باخذ الي احبها ..احبها اتعرفين شو يعني احبها ..

وقفت ابسرعه و ابتعدت عنه كارهتنه و كارهه كلامه بس هو تجرب مني
همس في أذوني: انا ما خذتج الا لان ما عندج حد في ها النيا اهلي لزقوني فيج غصب ..و انا ما كنت ابا نتزوج ..

صحت بصمت و تميت امغمضه اعيوني متعذبه من كلامه و تجريحه و اهاناته لي ..الله يسامحك ..سمعت صوت الباب يتصكر ..يعني صدق البارحه كان يتكلم ..

هو انقهر ليش جافني مستانسه علشان جي بغى يقهرني و يوم قهرني استانس احسه يكرهني و ما يحبني حرام عليه و غطيت ويهي بيدي و يلست اصيح ..و انا وحيده في وسط البحر ..

سكت و ما هديت الا عقب ما اتخذت قرار اني اتصل بـ جمال اخوي اخليه يتصرف و اعيش معاه مجبور يستقبلني في بيته لاني اخته .. نار جمال وحرمته ولا نار مطر و كلامه الجارح و ما بتريا الين ما يتزوج علي ..
بس كيف اتصل بجمال انا حتى موبايل ما عندي ..رحت صوب شنطتي فتحتها يلست ادور ورقه صغيره اذكر هني حطيتها فيها رقم جمال اخوي ..ما لقيتهاا بس تذكرت اني اعرف رقم وليد ..
وصلنا السيف و نزلت من الباخره ما رمست مع مطر ولا هو اصلا كلمني كان باله مشغول في شي ثاني ..زخني من ايدي ورحنا صوب سيارته ركبتها ..حط اغراضنا في السياره
وقال : ثواني بجوف الاداره ..
راقبته الين ما اختفى .. شليت موبايله و اتصلت بـ وليد رد علي من اول رنه
وليد : مرحبا
قلته: هلا
وليد: هلا و الله بها الصوت هلا بالغاليه ..

قلته بجديه: وليد انا عمتك
وليد:قولي و الله ع بالي وحده تبا تتعرف من وين لج هالرقم الغاوي هاه
قلته بسرعه: وليد دخيلك قول جمال يتصل فيني ع هالرقم ضروري زين
وليد :شو السالفه لحقتي تشتكي من ريلج

كنت بصيح بس عضيت ع شفايفي: لا بس خله يتصل بي ضروري
و صكرت و حذفت الرقم قبل ما يرد مطر ..يلست اتامل البحر هل الي سويته صح او غلط ؟؟ بس انا مقتنعه بالي اسويه ..

شويه وركب مطر السياره ما شك اني تعبثت في موبايله .. كان هادي و موليه ما رمس .. مرينا الفندق شلينا باجي اغراضنا ...

الحينه بروح بيته بس انا ما ابا ادشه ولا ابا اعيش معاه خلااص .. يوم عنده انسانه ثانيه شو يبا فيني و احسن شي سويته يوم خليت بيني و بينه حدود ..

التفت له و دق قلبي بقوه يوم قال : - ها اخوج جمال يتصل ..؟؟ بجوفه شو يبا ؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 15-09-2008, 07:31 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: انا حر ما أنهان و الحر ما يرجع لشخص يهينه .. بقلم معاني كامله


الفصل العشرون ...

أحوال العاشقين أحوال..كل يوم لها حال..فيها الدموع فيها الفرح
فيها اللي ذاب واللي إنجرح..دنيا غريبة .. دنياي أنا ودنياك
دنيا عجيبة .. مكتوب علي فرقاك..دنيا غريبة .. دنيا عجيبة

راقبته يوم رد ع التلفون ..بلعت ريجي الحينه بعرف مطر اني اتعبثت في موبيله و كلمت وليد
سمعته يسلم عليه و يسال عن اخباره و شويه عطاني الموبايل ما عرفت كيف بقول جدام مطر و بصدمه يوم بخبر جمال ايي ياخذني عنده ...
جمال: مرحبا ميثه اشحالج؟؟
قلته : بخير شخبارك نته ؟؟ و اخبار اهللك
جمال: الحمدلله مرتاحيين ..بغيت اسالج
قلته: وليد كلمك ؟؟
جفت مطر يطالعني عقب رد يطالع الشارع بس سمعت جمال يقول: لا ليش خبرتيه يتصل فيني
قلته: هي ..
جمال: لا بعده اا متصل بالصدفه زين بعد اكيد تفكرين مثل ما انا افكر
كنت بقوله لا انا اباك تاخذني عندك.. بداخلي كنت عارفه انه برفض و ما بتحمل مسؤليتي
بس سبقني و قال : كنت ابا اسالج متى بنجسم الورث
بطلت اعيوني و قلت: شو ؟؟
جمال : شو شو ..يعني ما اتعرفين لازم بنجسم التركه
نزلت دموع من اعيوني متالمه ما توقعت جمال يتصل بي بـ ثالث يوم من زواجنا و يرمسني عن الورث عفانا الله عيل شو بسوي لو عرف اني ناويه اعيش وياه
همست: انته اتعرف ابوي ما عنده شي غير الشؤون و الحينه اكيد بقطعونها
التفت لي مطر بس جفته مركز ع الشارع بس مليون بالميه كان يسمع كلامي و فهم ليش جمال متصل
صدمني يوم قال: هي ادري بس لا تنسين البيت ..
عليت صوتي: بيت ابوي !
جمال شكله بدا يعصب: هي بنبيعه و كل واحد ياخذ نصيبه ..
قلته : حرام عليك ما بقى لي في الدنيا غير هالبيت في ريحت ابوي "عضيت ع شفايفي امنع دموعي تتحدر"
جمال: لا و الله عيل عطيني حصتي من البيت و انتي اشبعي فيه .."تميت ساكته و كمل كلامه" انا بمر عليج راس الخيممه و بنروح المحكمه بنجاسم حق البيت ..جان متعلقه فيه ببيعج حصتي من البيت
قلته بغيض : من وين لي ...
جمال : عيل بنبيعه "وصكر الخط بويهي "
حطيت الموبايل و اتساندت ع السيت متضايجه ..غمضت اعيوني ..جمال بحياته ما سال عن ابوي ولا جافه الا باخر ايامه و الحينه مشتط يبا يبيع البيت حرام عليه و اذا باعه انا وين بروح ؟؟ وين بعيش ..
غطيت ويهي بيدي وصحت مب متحمله مستحيل ما ادش بيت ابوي ما اقدر ..
مطر : شو فيج ميثه ليش اتصيحين ..
صحت اكثر يوم سمعت صوت مطر حتى ها انا ما ابا اعيش معاه ..قلبه متعلق بوحده غيري ..عيل وين اروح
حاول يشيل ايدي من اعيوني بس انا ما طعت سالني: شو قالج جمال ..؟؟ يبا يبيع البيت
هزيت راسي بمعنى هي
مطر: يبا حقه هاه ..
بعد هزيت راسي بمعنى هي
مطر بغيض: الحيننه يبا حقه و يوم ابوه عايش ما سال عنه
شلت ايدي عن ويهي و طالعت مطر و قلته: يباني اعطيه حقه من البيت و اخذ البيت لاني ما ابى ابيعه "صحت بعذاب" يعرف ان ما عندي شي بس يبا يجتلني ..و يحرمني من ريحه ابوي ..
مطر: بحياتي ما جفت زطي مثل هالانسان عنبوه ..يموت ع البيزات "فاجأني يوم مسح دموعي بطرف صبعه و قال " زين لا اتصيحين ..
قلته و انا ميته بداخلي: يبا ايي راس الخيمه بعد كم يوم و انروح المحكمه
مطر: مستعيل ..واايد .."ابتسم" انا ع بالي متصل بج علشان يبارك لج
زخيت ايد مطر الي كانت تلمس خدي و طالعته : اظن عقب ما يبيع البيت و ياخذ حقه ما بسال عني موليه بنساني
رص مطر ع ايدي و قال: شو تبينه انتي اصلا مب محتاجتنه ..
همست و انا متاثره بلمساته: حتى وليد بحرمني منه وليد غير عنه
استغربت يوم هز ايدي بقوه: باجر وليد بكـبر و بيكون مسؤل عن نفسه و اذا صج يعزج بسال عنج ..
خذت نفس مب عارفه شسوي ..رن موبايله فترك ايدي حسيت بشعور فضيع و جني خسرت شي بس ايده اتم في حضن ايدي علشان احس بالامان وياه ما بقى لي بالدنيا غيره و خاصه يوم قرر جمال يبيع بيت ابوي ..عندي بيت خالوه بس ما اقدر اعيش وياهم .. كيف ؟؟؟ ما باخذ راحتي ..
كانوا المتصلين اهله يسالون متى بنوصل البيت و قالهم ع وقت العشى ..كنت اطالع برع و بالي مشغول في كلام جمال ..خلص كلامه عقب ما زخ ايدي ...
التفت له قال :امايه و منور يسلمون عليج
قلته : الله يسلمهم ..
قل لي : .. لا تضايجين و تفكرين واايد ...ترا الحينه بجوفونج اهلي و طبعا مب حلو جي يكون شكلج بيردونها علي
قلته بصدق: غصبن عني ..
قال: بنزلج الصالون اتعدلي و يوم بتخلصين بمر عليج
قلته ابسرعه: ما يحتاي
طالعني بسرعه: لا و الله تبين اهلي جي يشوفونج ابرايج اذا انج مب حاسه عروس بس انا ابا احس و احسس اهلي اني معرس ..
صديت عنه ما عرفت شو ارد عليه التفت له يوم قال : فديت راس الخيمه و اهلها ..
طالعني بنظرات خبث و ابتسم صديت عنه ادري يقصد الي يحبها حبها و اشبع فيها ..
قلته من غير ما اطالعه : نزلني بالاول بيت خالوه ..
رد ابسرعه: لاحقه على بيت خالتج
طالعته: بسلم عليهم ..
سالني: منو بيت خالتج ..
ذكرته: قلتلك سلمى بنت..
قاطعني و قال بسرعه: لا لا لا لا
سالته: شو لالا
مطر: يعني ماشي سيره هم يبونج خلهم اييون و يسالون عنج ..
قلته: ما فيها شي لو سرت لهم .. بس بسأأأل عليهم
قال بـ عنااد : لا "وطالعني بنظرات جديه"
من نبره صوته و نظراته عرفت انه ما بغير رايه سالته مستغربه: ليش ؟؟
ما رد و تم يطالع الشارع .. اسلوبه موليه مب حلو بس انا بعد سكت عنه اصلا ما عنده رد مقنع علشان جي سكت ..
وقف عند صالون و قال لي: بمر عليج عقب ساعه
قلته :انته شدراك ها صالون اوكى ولا
مطر: دوم اييب عزوه و منوري
قلته: كيف اتصل فيك ..ما عندي موبايل ..
مطر: بقضى كم شغله و بيي اترياج يوم بتخلصين اطلعي لي
عقب ساعه و نص خلصت ما صدقت يوم جفت شكلي في المنظره حسيت احلى من اول يوم عرسي ..ابتسمت لنفسي مستانسه .. الحينه مطر بستانس ع شكلي ... تغشيت و ظهرت من الصالون ركبت سيارته كنت متغشيه .. جفت الدنيا ظلاام ... مسرع مر الوقت ..
تفاجأ يوم جفاني جنه اول مره يجوفني حتى نظراته كانت وايد غير خلتني اتلوم منه
زقرني : ميثه
التفت له و طالعته قال لي : هذي انتي ..
ابتسمت له : هي انا منو غيري ..
مطر: تغيرتي وايد انتي صج جميله اجمل ما رات عيني ..ما شاء الله
نزلت راسي منحرجه منه ... حتى ما سمعنى هاي الرمسه باول يوم لنا ..تذكرت اول ليله و هذي تتسمى ليله عرس..
سمعته يقول: اتخبيلن الحينه اهلي بتفاجأون فيج ..
قلته : زين مطر قبل ما انروح بيت اهلك بمر بيت ابوي
طالعني فقلته : بس بجوفه
سالني: عندج غرض هناك
هزيت راسي بمعنى لا : ما عندي شي بس بجوفه
ابتسم و قال يتمصخر: يمكن تدهور البيت خلااص خرابه
طنشته و قلته : من توفى ابوي ما دشيته
مطر: عيل بتروحين تصيحين هناك و تخربين مكياجج اسف ..
قلته : دخيلك لا تردني ..
سمعته يقول: زين بس اذا صحتي ياو يلج ويل
ضحكت ع اسلوبه مرينا صوب بيت ابوي .. طالعته اشتقت لها المكان
مطر : شو عايبنج بها المتحف ..
طنشته و نزلت من سيارته مطر موليه ما يراعي مشاعري ...فتحت البيت .. و دخلت .. طاحت اعيوني ع زاويه تذكرتها هني بها المكان هذاك اليوم عفد واحد في بيتنا حضني و جنه كان حلم تفاجات يوم جفت مطر وواقف وراي و يطالع نفس المكان الي كنت اطالعه ..طنشت و كملت طريجي ..فتحت باب الصاله ...
التتفت صوبي يوم قال : لا تتأخرين يتريونا ولا تقعدين اتصيحين
قلته : ما بدش؟؟
هز راسه بمعنى لا : اخاف يطيح فوقي السقف ..
تنهدت و قلت بخاطري الله يهديك ..دشيت داخل حسيت بنار تحرقني البيت مصكر عليه فتره .. حطيت ايدي ع صدري شغلت اللمبه .. طاحت اعيوني ع حجره ابوي ..كنت بدشها بس ما قدرت اتجدم خطوه ما هانت علي نفسي ..ها المشاعر نفسها صابتني يوم توفت امايه و الحينه ابوي ..صديت الصوب الثاني و طاحت اعيوني ع باب حجرتي .. خطيت صوبها فتحت الباب كانت حجره صغيره وايد و ع قدي ..بس كنت احبها وايد لانها حضنت دموعي و احزاني و افراحي .. عضيت ع شفايفي جمال يبا يحرمني من كل ذكرى فيها البيت عضيت ع شفايفي ..امنع عبراتي اتهل ..نقزت يوم سمعت حس مطر يزقرني : ميثه ؟؟
قلته : انا هني ..
وقفت عند باب حجرتي جفته واقف برع باب الصاله يوايق ..تم يطالع البيت من داخل ما عيبتني نظراته ..سكت اراقبه ..
سالني : شو اتصيحين
قلته : احاول امسك روحي بس نظراتك هاي بتخليني اصيح ..
وطي راسه و دش الصاله ابتسمت وايد طويل جافني ابتسم له فقال : سقف بيتكم واطي
ضحكت : ههه ههههه لا انت طويل حبتين ..
تجدم داخل و تم يطالع الين ما وصل صوبي سالني : ميثه
طالعته فكمل: كيف كنتوا عايشين هني ..
طنشته و قلته : هاي غرفه بابا و هاي حجرتي .."وايق ع حجرتي بس ما علق " و ها حمام
مطر : بس
رفعت جتوفي : بس
قال : جمال اخوج الحينه متصل طمعان بهاي الحجرتين و الحمام ..
خذت نفس و صديت عنه و قلته : يبا يحرمني من كل ذكرى حلوه لي في ها البيت ..
سالني : وين مطبخكم
التفت له : ما عندنا مطبخ بس برع مسوي شرات ال
كمل عني : هي لكراج الي هناك
قلته : انت دوم جي تتطنز ع الناس
ابتسم و تجدم مني تفاجات يوم حضن ويهي بيديه و قال : ما اتطنز بس صج بيتكم وايد جديم يباله صيانه من اول و تالي
قلته و انا احس بحراره ايده : جمال يبا يبيعه مطر ..
غصبن عني دمعت اعيوني
قال بنبره حلوه : لا اتصيحين دخيلج لا اتخربين زينتج ..
عضيت ع شفايفي لصق فيني اكثر يوم قلته :: ها البيت وايد غالي علي ..
فاجأني مطر: زين انا بشتري بيت ابوج
شهقت: لا
طالعني مستغرب و قال : شو يعني لا ؟؟
سكت ما عرفت شو اقوله يعني اقوله حتى انت ما منك أمان يمكن باجر تتطلقني و ما يكون بيني و بينك أي صله .. شو بستفيد انا تراني نفس الشي خسرت البيت
جنه فهم قصدي فقال : بسجله باسمج هديه مني لج ..
طالعته مب مصدقه كلامه ..قلته : صعب
مطر : ماشي حل غيره ..انا بعطي جمال حقه الي بيطلع له من البيت ..و بسجل البيت باسمج شو رايج ..
سكت ما علقت ابصراحه ما صدق..هالانسان ينخاف منه
همس: شو مب مصدقه
بطلت اعيوني ها كيف يقرا افكاري ؟؟
قلته: يصير خير لي ما ايي جمال
مطر : زين يلا انروح البيت ..
هزيت راسي بمعنى هي و طالعت كل زاويه بها البيت .. و ظهرنا .. ظهرت من بيت ابوي ابدا حياه يديده بين اهل مطر و مطر .. الله العالم شو يترياني هناك ...
وصلنا بيت مطر ... كان كبير ووسيع لازم مطر يتطز ع بيتنا دام ها بيته .. زخ ايدي طالعته كان مستانس : شو فيج

قلته : ماشي
قال لي : خايفه ؟؟
هزيت راسي بمعنى هي و قلته : ما اعرف شو حياتي بتكون هني
مطر: بتستانسين و بترتاحين ...عزه طيبه و سعود كافي شره و خيره ما يخصه بحد في البيت .."دز ويهي برقه و قال " بس عاد غيري هالملامح ..
ابتسمت له و قلته : يلا ننزل ..
نزلت من سياره مطر ... سبقني بس انا لحقته و زخيت ايده مدري ليش يمكن لاني مرتبكه شويه .. بس هو ما ردني وزخ ايدي و رص عليها بس من غير ما يطالعني زين بعد علشان ما ارتبك زياده ..
دشينا البيت .. شهقت يوم جفت بالونات و منورات صارت جدامي من الصدمه تروعت و لصقت بمطر ..بس عقب ..اداركت الموقف .. وضحكننا كلنا ..
كان ترحيب بسيط من اهله ..
مطر: هههههههههههه روعتوا عروسي .. شو ها انتوا
جفت امه تحضنه و تبارك له و منوري سلمت علي و عقب سلمت ع امه ..و عزووه .. حسيت بوناسه ...
مطر: وينها عيوزي ..
امايه : هذيج ها داخل الحينه بتتشره عليك ..
مطر : زين الله يعينا ..
دشينا الصاله ..كنت احس بداخلي فرحانه و مستانسه لان صار عندي اهل ..صج ما حسيت بالغربه جفتم كلهم يضحكون و مستانسين ..
جفنا يدووه واقفه و جنها كنت تبا تطلع .. حضنها مطر ..اول مره اجوف جي حنون ..
يدوه: يلي ما تسحي ..نزلي
ضحكنا عليها و ضحك مطر و هي تزاعج متروعه: نزلني بتطيحني ..لا بركه فيك ..
مطر: بتتشرهين عليه
يدوه:شوووو اباك نزلني ..
نزلها مطر و باسسسسسسها دزته تبعده عنها: خوز عني ..هاذي حركاتك مب علي ..لكن شو اقول مكر امك فيك
سمعت عموه اتقول: شو يخصها امه الحينه انتي موليه ما بتتغيرن
منيره: ميثه فديتج اول شي في بيتنا لازم تتقبلين حشره امايه و يدوه كل ضرابه ..بس هنتينتهن طيبات و الله ..
يرني مطر من ايدي و قال : يدوه هذي عروسي الغاويه
يدوه اتسلم علي: ما شاء الله ما شاء الله تبارك الله ...تف تف تف
مطر يلوي علي و انا كنت منحرجه من حركاته احسه يبالغ حبتين : شو رايج فيها قمر ..بسج خيستيينا ..
يدوه انهدت عليه : مب المهم حلوه و قمر المهم تحترمها هذي وحيده وولا اتخلي امك تضارب وياها شرات ما اتسوي حق حررمه اخوك ..
حسيت كلامها قوي بس ام مطر راحت و يلست امبين عليها مب عايبنها الكلام بس شكلها متعود
مطر : ان شاء الله بس هدي لا اتعصبين .
يدوه : الحينه لا تقعد تسهر طول الليل و تودرحرمتك ابروحها ... تأدب و غد ريال .
طالعت مطر جفته رفع حياته و قال : خيبه جنج ما صدقتي جفتيني
منيره: هههههههه دواك خلها تستلمك .. و تجلع اعيونك بعد ..

مطر: انطبي انتي وينه ولدج الدب ..
حسيت مطر مستانس و يسولف ويا اهله جنه انسان ثاني ...
منيره: حرام عليك صل ع النبي بتاكل ولدي ...

عزوه فاجأتني يوم زختني من ايدي : تعالي ميثه براويج حجرتي ..
رحت معاها التفت لمطر يوم قال : رديها ابسرعه ..

التفت لي مطر مبتسمه كشخه بعاملني غير ويا اهل عيل شو سالفه الي يحبها ما عرفت له يقص علي يبا يغايضني ..

لحقتنا منيره: لا و الله انا بروح وياكم
سمعت صوت ام مطر : ودروها عائشه الحينه تبعوا اليديده ..
ما سمعت الباجي بس اعتقد عائشه حرمة اخوهم طارق ... دشينا حجره عزه كانت روعه
عزه : شو رايج بحجرتي ..
يلست اطالع الوانها روعه ..حلو خبال ... فخمه وايد ..
منيره :ش و مب قادره اتعبرين عن رايج
ضحكنا : هههههههههه
قلتهن : لا و الله ورعه ..عيبني لونها ..كشخه احب الون الوردي ..
يلست عزه ع الشبريه تتنقز : ها مطر سواها لي و شرا لي الاثاث بس انا كنت اختار و هو يسوي ..
يلسنا انا و منيره ع الكنبه منيره : مطور مدلعنها و الله و يشتري لها كل شي ..
قلتها : حظي حلو في ريلي ..
منيره: هي هو صح عصبي و ما يرضى بالغلط بس بعد مدلعها هي و سعود ..
سالتهم: سعود اصغر واحد فيكم ؟؟
عزه: هي ..
منيره: يشبه مطر بكل شي .. شو رايج بريلج ما قلتلج طيوب و ينحب..
هزيت راسي و الله ما عرفت شو ارد عليها ..
قلتها: عزه بعد فيها شبه من مطر ..
عزه : ها كمبيوتر ي ..
قلتها: ما اعرف استخدمه ..
عزه : بعلمج.. عادي ..
منيره: عيل انا كل يوم بيي بيتنا شكلكم بتترابعون و بتخلوني بحالي ..
عزه: انتي عندج عائشه و انا ميثه ..
منيره: تبين ميثه علشان مطور ياخذج كل مكان ..ولا تنسين حبيبتي ميثه كانت جارتي و انا الي خطبتها حق مطر بعد ما سأل عنها "وغمزت لي "
عزه: خخخخخخخخخخخ
سالتهم: عائشه حرمه طارق
منيره : هي ..و هي حامل .الحينه ..
عزه: عقبالج يا حلوه
ابتسمت .. وايد يحرجوني ..و انا ما اعرف شو ارد عليهم ... صخينا يوم سمعنا صوت ياهل يصيح من برع .. شويه و انفتح باب حجره عزه جفت شاب شايل ياهل وشكله ويهه معتفس ..ابتسمت عرفت ان ها سعود ..
نشت منيره: فديته ولدي متى نش من الرقاد ..
سعود : تعالي يودي هالحشره ..
بس صخت يوم انتبه لي فسكت ..
عزه: تعال سلم ع حرمة مطر هذي ميثه ..
نظرات يوم طالع عزه شرات مطر مره .. قلته: شحالك سعود ؟؟
قال : بخير "وصكر الباب "
منيره: ول ..ميثه تعودي ع حركاته دفش تراه
ضحكت و قلت بخاطري منوه اخوه يا ناس ..طالع ع مطر ..
عزه: دفش ع مطور ..
منيره عاتبتها : عزوووووووووه .
ضحكنا انا و عزه: هههههههههه جنج تقرين افكاري ..

يلسنا انلاعب بدر ولد منيره حسيت ان نفسيتي بترتاح في ها البيت .. و حسيت ان الله عوضني باهل .. ينحطون ع الجرح و يبرى
يلست عزوه ع الكمبيوتر .. اما امنيره رقدت بدر ..

منيره: تعالي انروح حجرتج .. رتبي اغراضج ..
وقفنا قلتها : مطر داخل ..

منيره: ما ادري .." و قبل ما نطلع قالت حق عزوه" جوفي بدر..
وظهرنا من الحجره جفت مطر يالس ويا امه و يدوه ... طالعته جفته منمدج يسولف مع امه ..
طلعنا من الصاله و رحنا حجرتي .. دشينا ...

فتحنا الشنطه : قلتها هاي الثياب تحتاي غسيل ..
منيره: ما عليه بخبر الشغاله تعزلهم و تغسلهم ..

راويتها الاطقم الذهب الي شراها لي مطر .. كانت منيره مستانسه .. حسيت بالراحه ..
قلتها: منيره مشكوره احسج وايد مهتمه فيني
منيره: شو هاي الرمسه لازم اهتم ..و نحن الحينه اهلج و ناسج .. و ربي يسعدج ويا مطر ..
قلتها : حرممة طارق بعد ما عندها اهل صح ..
منيره: عندها خالتها باستمرار اتروح لهم .. و خالتي الا هي ام عبدالرحمن ربتها ..الين ما كبرت قطعتها و تمت اتروح عند خالتها ..
سالتها : ليش ؟؟ظ
منيره: مدري يمكن لان خالتها وحيده و ما عندها حد ...سبحان الله مثلج انتي بعد عندج خالتج
تذكرت مطر فقلت: ترا مطر مب مخلني اروح اسلم عليهم
استغربت منيره: ليش ؟؟
هزيت اجتوفي : ما اعرف و الله يوم قلت بمر عليهم قال لا .. مدري ليش ليش ؟؟
منيره: عيل تاخرتوا ع بالي مريتي بيت خالتج ..
قلتها باسف: رحت بيت ابوي ..جمال يبا يبيعه و نجاسم الورث ..
منيره: اهاا ..
سالتها : انتي خطبتيني حق مطر ولا هو سال عني
منيره: هو يباج يحبج ..
سالتها: متأكده؟
استغربت فزخت ايدي: شوو فييج مب مرتاحه وياه مطر مأذنج
هزيت راسي بمعنى لا و قلتها: مب جي بس اذا هو يباني يعني يعرفني زين
منيره: يشك فيج شو ؟؟
قلتها: لا بس دوم يحسسني شي فرق كبير بيني وو بينه
عقدت حياتها و قالت : ما فهمت "طالعت الاطقم " اجوفه مب مقصر معاج
قلتها: منيره انتي مو فاهمتني ... مطر دوم يعايرني اني فقيره "حبست دمعتي"و اني ما اعرف شي بها الدنياا
منيره جنها تعاطفت معاي: علشان جي خذج الصالون و مكشخنج صح ؟
هزيت راسي و قلتها بيأس : زين ما اااعرف اتعدل ..
منيره :حياتي ميثه ..باجر بتتعلمين كل شي .. و ها مطر ما عليج منه يسولف .. و صدقيني لو ما يحبج جان ما اصر يخطبج ..و خلني اسال عنج
استانست من كلامها بس قلتها ابصراحه : بس قال لي انه يحب غيري
انصدمت منيره و قالت: مطر تخبل شو يقولج هالرمسه باول ايام زواجكم
كنت بصيح بس قلتها : مرات احس يقص علي يبا يغايضني..
منيره: هي يقص عليج ميثه ما انكر مطر من النوع الي كان يغازل البنات بس صدقيني مستحيل يحب غيرج ..و لو يحب غيرج عيل ليش تزوجج و اصر انه يخطبج
تنهدت مب فاهمه شي عيل ليش مطر يقول انا السلم الي بيوصله لحبيبته شو السالفه \سمعنا عزوه اتزاعج بصوت عالي: منووووووووووووووووور
منيره وقفت : يمكن بدر نش يصيح افف وحى له يرقد ؟؟
ضحكت عليها : ههههههههههههه
بس سمعنا عزوه: تعالوا اتعشواا ..عزوه ميثووو ..
نشينا و منيره : يلا انروح نتعشى ..
طلعنا من الحجره و رحنا صوب الصاله ..دشيت تفاجأت ان مطر موجود .. و محد موجود الا ام مطر و يدوه و عزوه ..
ام مطر: تعال سعود تعال اتعشى ..
عزوه: يتلوم من ميثه
ام مطر جنها توها انتبهت لي : تعالي يمه تعالي يلسي جريب مني
منيره: يالله ما انروووم
يدوه: باجر بتغسل شراعها شرات حرمة طارق
يا وييلي شو قصدها لا يكون ام مطر شرات ولدها بعد اتحب اتنكد لا لا حرام اكيد يدوه اتبالغ
ام مطر: لا حول ولا قوة الا بالله ............سعوووووووووووووووود
سالتهم : وين مطر ؟؟
امايه: طلع اكيد راح عند ربعه يسلم عليهم تعالي تعشي ..

شويه و ظهر سعود و شكله متلوم ..
عزوه: هههه يستحي
سعود صاخ ..
منيره /: غريبه ما اترد ع عزوه مسوي روحك متلوم ..

ام مطر: بس خلوو اخوكم يتعشى ..
سالت: منو اكبر سعود ولا عزوه
عزه: طبعا انا اكبر عنه بسنه هو صف عاشر و انا احدي عشر ,,

يدوه: مستانسه حضرتج الاكبر ... لسانج و ايدج اطول عنج ..

طالعت يدوه مستغربه بس قلت حق عزه : زين بالتوفيج ...

تعشينا .. و عقب ما خلصنا منيره راحت بيتهم و يدوه جنها راحت ترقد اما انا سرت حجرتي صليت العشى ... من اولها ها مودرني و طلع يسرح و يمرح ويا ربعه ...بس هو ناش من وقت ما اظن يعني يسهر للفير .. حسيت بالملل حاولت اشغل التلفزيون ويا الرسيفر ما عرفت عابلت به بس ما استوى .. فكرت اروح عندهم في الصاله اتريا مطر هناك ...
رحت الصاله ..جفتها فاضيه و ما فيها الا اسعود و كان يلعب بلاي ستيشن ..نفس مال وليد ..
ارتبك يوم جافني ..الفرق بين سعود و مطر ان سعود يتلوم يستحي ولا لانه ما يعرفني من قبل يعني ؟؟؟
تعمدت اساله : وين عزه عيل ؟؟
قال من غير ما يطالعني : بحجرتها ..
ابتسمت ع طريقة اسلوبه و رحت صوب حجره عزه دقيت الباب شويه انفتح الباب تفاجات عزوه : ميثه !!
قلتها : مليت بروحي بالحجره
دخلنا الحجره سالتها :شتسوين ؟؟
هزت جتوفها : يالسه ع ها الكمبيوتر ..اتسلى
سالتها : شو اتسوين ؟؟
قالت لي: ماشي ادش مواقع ... دردشه جي يعني
عقدت حياتي: دردشه !!
عزوه طالعتني بسرعه: لا تخبرين حد بجتلوني لو عرفوا
ضحكت و قلتها: ههههههه اصلا انا اعرف شو قصدج
عزه: ههههههههههه احسن
سالتها : بيتكم هادي ..
كانت مندمجه بالكمبيوتر وقالت لي : يستوي حشره يوم يكون طارق هني و حرمته و سعودد يوم يتضارب مع عائشه ههههههه
قلتها مستغربه: سعود ها الي يستحي يتضارب
عزه: هي وايد يتقارضون و مره صارت مشكله عوده حرمة طارق ما تتحمل الرمسه تحملي تاخذين راحتج وياها
قلتها : لا انا عادي اسولف ما يخصني بحد
قلتها: انتي ما عليج مدرسه
اشرت بيدها مش مهتمه: عادي لااه .. ما احب الدراسه
قلتها: لازم اتذاكرين
قالت لي خلصت مذاكره ..
قلت : متى بيي مطر تعبت ؟؟"وقفت" بروح حجرتي انا
عزه: تمي لااه
قلتها: لا يمكن مطر ايي بسير اجوفه
عزه: زين جان تاخر دقي لي بيي ااقعد عندج عادي
قلتها: مشكوره ..
طلعت من الحجره جفت سعود مندمج قاعد يلعب بلاى يستشين ..فتحت باب الصاله جفت مطر بوييهي ابتسمت له ما توقعت اجوفه ياي
قلته: قلبي حاس انك ياي .. كنت يالسه عند عزه و قلتها بروح اترياك بالحجره
زخي ايدي و خذني صوب حجرتنا و قال: تعالي اباج ..
قلته : ع بالي بتم برع للفير ..بس زين ييت اتونسني ..
دشينا الحجره و قلته : مطر علمني كيف يشغلون هالتلفزيون ترا ما عرفت.."جفته يطالعني بنظرات غريبه فسكت "
تم يطالعني ما عرفت شو بلاه قلته : شو ..
سالني : كم صار لنا من وصلنا هني البيت
قلتها : ممدري
تجدم مني و قال : تقريبا ..
خذت نفس اسلوب المراوغه ماله ما يعيبني ..ابتعدت عنه و رحت يلست ع طرف الشبريه و قلته : شو مستوي
التفت صوبي و نظراته ما تغيرت و قال : شو قايله حق منيره
بلعت ريجي ما توقعت منور اتوصل له الرمسه ..سكت ما عرفت شو ارد عليه نقزت يوم علي صوته : شووو
استهبلت عليه: سالتها كم صار عمر ولدها بدر ؟؟
وقفت ابسرعه يوم جفته ياي صوبي محرج و شكله بجتلني ..ابتعدت بس زخني من ذراعي حسيت انه بنجلع من مكانه ..طالعته بخوف وما قدرت افتح حلجي بكلمه كنت متروعه منه اول مره جي يعصب علي ..
قال : كل يوم يمر عن يوم ما اتحملج ..ولا اتحمل حركاتج ..
ترجيته بنظراتي ما يجلع ذراعي ولا يسمعنى كلامه السم بس كمل: هذي اول مره واخر مره وحده اتيي اترمسني عن شي صار بيني و بينج و الله لاقص لسانج ...
وزخ لحيتي ورص عليها حسيت ان فكي بنكسر زخيت ايده ابعده عني بس ما قدرت موليه ..
تم يهز راسي بيده و هو يقول : انا ما احب حد يرمس عني ..موليه مفهوم ..
كنت اتصارع مع نفسي ان ما تنزل دموعي و قدرت اداريها بس ما قدرت اداري الالم الي بداخلي من تجريحه لي ....نظراته كانت علي ما قدرت ابطل حلجي بكلمه لاني كنت متروعه منه و خايفه اذا رمسة يعصب زياده فسكت ..فج ايده عني و ابتعد جنه مشمئز مني ..
و طلع برع الحجره ..ياي عللشان يضاربني .. يلست عالارض ارتجف ..احس الي صار لي كأنه حلـم ..حسيت انه ابتعد و طلع خلااص فربعت فوق شبريتي .. اصيح يحب يهيني و يذلني بس لو يموت ما براويه دموعي ...انا موليه بحياتي ما ضريت انسان و اذا رمست عنه ما كان قصدي اضره بشيء .. و اكيد منيره عاتبته ..و ياه يطلع حرته فيني ...

أشتكي لوسـادتي دنياي وأسمـعها تـنوح ..كنها بعضي وبعضي وين هو من هو معه ..مختلط في عبرتي حبر الشقى ودم الجروح

فتحت اعيوني متضايجه من الصوت الي سمعته بالحجره ..رفعت راسي جفت مطر ياي من برع .. دورت الساعه جفتها ع الفير ..انتبه لي رديت حطيت راسي و تغطيت عدل ... طنشني ولا جنه جافني دش الحمام عقبها ظهر .. حسيت به انسدح ع الشبريه جريب مني .. نشيت ابسرعه و راحت الحمام اتيدد .. و صليت .. ورديت مكاني تجلب ما عرفت ارقد و هو جريب مني .. بس حسيته راقد خلااص.. تجلبت واايد ..متضايجه بس نقزت يوم سمعت صوته طفران : بس انتي ارقدي خبلتي فيني ..
عضيت ع شفايفي ... تميت صاخه انجلب الصوب الثاني فنشيت اتسحب صوب الكنبه .. و انسدحت فوقها و ع طول ما دريت بالدنيا ...
فتحت اعيوني ع صوت سايير برع .. حشره انا مب متعوده ع ها الجو اففف ..حسيت جسمي متكسر ..و متعايزه لاني يمكن راقده فوق الكنبه ..
جفت الدنيا امنوره .. التفت صوب مطر جفته راقد .. قمت من مكاني ورحت الحمام تغسلت ..و طلعت برع ادور شي اكله يوعانه ..
رحت الصاله جفت عزوه يالسه تشرب حليب و ام مطر يالسه وياها ع الصينيه سلمت عليهم ..
ام مطر : تعالي تريقي
عزووه: انتي شو مقومنج من الصبح ؟؟
ابتسمت: متعوده ..انش من وقت
ام مطر : و الله احسن لج شرات هالبنات عيل اخ عليهن ...
عزوه: احمممممممم وحده تقصدني
ضحكت: هههههههههههه
ام مطر : متى ياه مطر عيل ..
بطلت حلجي اقولها الفير بس تذكرت شو سوا فيني البارحه فقلت : مدري رقدت و الله ..
حاست بوزها و ما عيبتني حركتها
نشت عزوه : يلا باي ..
ام مطر : هني الباب
عزوه : صبري ما سويت حركتي
راقبتها مستغربه أي حركه !! جفتها رايحه صوب غرفه ..فج الباب بدفاشه و صرخت بصوت عالي وااااااااااااااااااااااااااااااااااااااااااااااااا اااااااااااااااااااااء
و صكرت الباب تضحك بصوت عالي .. استغربت من حركتها التفت
لام مطر يوم قالت و هي تضحك : هههههههههههه زين اتسوين
ابتسمت ع حركتها بس ذبلت ابتسامتي يوم سمعت حس يدوه اتزاعج متضايجه : حسبي الله عليج من ابنيه ..
ليش اتسوي جي ؟؟ حرام عليهاا ؟؟
عزوه تطالعني : احب اخبل فيها ..
قلتها : بس مب جي حرام اكيد كانت راقده
اشرت عزوه مب مهتمه: اتولي
وطلعت برع الصاله .. تقطع قلبي يوم انفج باب يدوه و هي محتشره : لا بارك الله فيج من ابنيه ..
نشت ام مطر من مكانها و راحت صوب حجرتها : بقوم اكمل رقادي قبل لا اتحشرني هاي العيوز "طالعتني" يمه كلي ولا تستحين ترا البيت بيتج ..
ابتسمت لها بس كنت مصدومه : تسلمين عموه ..
نشيت ابسرعه و رحت صوب يدوه زخيت ايدها : تعالي امييه تعالي هني ..
يدوه: فديتج ..جفتي هاي الطفسه شو اسوي فيني جفتيها
قلتها : ما عليه عزوه صغيره
يدوه: لا صغيره ولاشي ... مب متربيه اتسوي فيني اكثر عني جي ..دوم اخبر لها مطر بس ما يصدقني موليه .
غمضتني حيييل يلستها و صبيت لها حليب .. تريقنا قعدت اتسولف وياي بمواضيع وايد و منها تعيدها نسينا الوقت ...خليتها و رديت حجرتي ... جفت مطر بعده راقد ..رحت يلست ع الكنبه ..حسيت بملل فضيع حاولت اشغل التلفزيون ما عرفت عصبت منه فضربته بيددي بقوه ..تحرك مطر من رقاده متضايج شهقت ..خفت لا يحتشر علي فقمت ورديت طلعت ...شميت ريحة طباخ الظاهر يسون الغداا ... دشيت الصاله جفت سعود يالس يلعب بلاستيشن ..
حسيت ارتبك يوم جافني ع طول صد وسوا روحه منمدج باللعب
يلست جريب منه و قلته : عندج شريط مصارعه
رد من غير ما يطالعني : هي ..
قلته: زين حطه تراني اعرف العب
طالعني مستغرب يوم انتبه لروحه رد و طالع صوب التلفزيون ابتسمت
و قلته : ترا ولد اخوي مرات ايي يقعد عندنا في البيت و دوم يلعب بلاستيشن و كنت العب معاه مرات اتسلى ..جفته ع طول يغير الشريط ..و حط شريط مصارعه .. كل واحد اختار مصارعه و يلست العب معاه في البدايه حسيته منحرج بس عقب اندمج وياي ..
سالته : انت دوم ترجع من المدرسه بها الوقت
هز راسه ..
قلته : زين عيل دوم بنلعب علشان اغلب ..
ما صدق اعيونه يوم غلبته ضحكت مستانسه ..
دش عزه : الله يغربل ها المدرسه ..

بطلت اعيونها مستغربه و حطت ايدها بحصرها : ويوم اقولك لاعبني اتقول بخرب لعبتك
سعود مطنشنها قلتها : اعرف العب انا بلعمج عقب

سعود طالعني بنظرات جديه ذكرني بـ مطر وقال : لا يا ويلها اذا زخت البلاستيشن بكسر راسها
صرخت عزوه: من زين لعبتك الحينه ..نشاده عنها عندي لابتوبي مكفني و سادني
وراحت صوب حجرتها ضحكت بصوت عالي طالعني سعود مستغرب فقلته : كشخه احس بوناسه احس ابعمري عايشه بجو عائلي ضرابه و سوالف
ما رد علي سعود
حطيت الجهاز من ايدي و قلت : بس خلااص ما بلعب عقب بنكمل زيين ..

سعود: اتخافين اغلبج لااه
ضحكت: كم مره غلبتك قول
سعود مبتسم و بعيونه تحدي: عطيتج الفوز ..تعالي و جوفي بغلبج هالمره
قلته: عقب ........الحينه بروح اجوف مطر حزة الغدا الحينه ..

ظهرت من الصاله تفاجأت يوم جفت شاب واقف عند باب الصاله و جنه كان بدش تلومت اظني ها طارق .. حسيته يشبه منيره ماخذ منها بياضها و كبر اعيونهها ..يشبهون عموه ..وايد ...

بلعت ريجي كنت اطالعه شرات الهبله بس هو ابتسم و قال : ميثه
ابتسمت و هزيت راسي قال : انا طارق اخو مطر .. ما التقينا البارحه كنا برع انا و المدام

ما عرفت شو ارد عليه سكت سالني : شحالج و اخبارج ..اتصدقين حتى مطر ما جفته ولا باركت له بزواجه ..

قلته : انا ابخير

و الله شكله حبوب و مسولفجي يعيبني الريال جي مب شرات مطر كله ساكت و عصبي ..

كملت : انت شخبارك
طارق: الحمدلله ابخير ...

نقزنا انا و طارق يوم سمعنا صوت مطر كان واقف عند باب حجرتنا : ميــــــــــــــــــثه !!
..
حبيبي كثر ما أحبك بربك تترك الغيره ..ما دام انك في قلبي غير فصبر لو على شاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 16-09-2008, 02:32 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: انا حر ما أنهان و الحر ما يرجع لشخص يهينه .. بقلم معاني كامله


لفصل واحد وعشرين..

سرت الخطا بليل الظَّلَـم..عرفت حالك سمع وشوف ...إن كان لـي حـقٍ أبيـه....وإن كان ما لي أنسحـب ...واللـي تبينـه اتبعـيـه...قلبك يبي منهـو يحـب


سبقني طارق وراح صوبه : هلا و الله بالمعرس .. هلا
سلم عليه و حضنه حسيت ان مطر يسلم عليه ابرود عكس طارق الي كان يسلم بحراره ليش جي مطر عفانا الله ..؟؟ا
طارق: شحالك وينك ..؟؟ يا رييال اتصل ما اترد مب زواج هاه
مطر مبتسم : شنسوي ما توقعت جي الزواج "وطالعني "
طارق: زين زين ما اخترت ما شاء الله ..ادب و أخلاق و نعم بحرمة اخوي
ضحكت ع تعليقه : ههههههههههه
سمعنا صوت عموه : طارق انت ييت

ربع صوب امه و باسها ع راسها ..ابصراحه اخلاق ها الانسان عجيبه مب شرات مطر فرق السماء و الارض ..تميت اطالع طارق يقول : شحالج الغاليه
امايه : وينك اليوم ما اتصلت ..
طارق : مشغولين في الدواام

صديت صوب مطر يوم قال : عيبج .؟
ما فهمت شو يقصد بس نظراته كانت وايد جاسيه .. دش الحجره و لحقته صكرت الباب .. وقف بوسط الحجره و حط ايده بوسط خصره وقفت ابمكاني قلته : شو ؟؟

سالني بنبره قاسيه : شو اتسوي واقفه برع مع طارق ؟؟

قلته : سلم علي اول مره نتجاوف ..

مطر يتمصخر : شو رايج فيج

ابتسمت : اخلاق و مسولفجي اتصدق مطر ..يعيبني الانسان يوم يكون جي.."وسكت يوم جفته يتجف و يطالعني بنظرات قاسيه"
قال ابرود : كملي ؟؟ ليش سكتي ..
رحت و يلست ع الكنبه و حاولت اغير الموضوع لاني حاسه ان مطر ناوي ع شيء
فقلته : شغل لي التلفزيون ...اقعد ملانه طول الصبح ..
طنشني ورااح الحمام ...خذت نفس شو هالادمي ما ينبلع مدري ليش جي يسوي فيني ...نشيت اعاابل بالتتلفزيون و الرسيفر .. بطلت الواير .. الي ورا .. نقزت يوم مطر كان واقف وراي : شتسوين ؟؟؟
هزيت جتوفي : احاول اشغل التلفزيون ...
تجدم صوبي شهق و بطل اعيوني : شو مسويه ..شو ها
ضحكت ع طريقه اسلوبه : ههههههههههه
دزني ع الخفيف و ابتعدت عنه و قام يعابل فيه بثوواني اشتغل التلفزيون
قلته: عيل انا احاول فيه من البارحه
قال من غير ما يطالعني : انتي عايشه بالعصر الحجري ما اتعرفين شي بالدنيا
تساندت ع الكنبه : بتعلم ..البارحه عزوه قالت بتعلمني ع الكمبيوتر
طالعني بسرعه و قال بتهديد : يا ويلج ؟؟
قلته: ليش شو فيها
رد ابسرعه : كيفي
قلته بقهر : شو انت من كل شي بتمنعني
رد و كأنه يقهرني : هي ..
رن موبايله كان جريب مني كنت بشيله و بعطيه بس سبقني .رد ع طول و جنه المتصل امه تبانا انروح نتغدى
حط الموبايل ع جنب و قال : يلا نروح نتغدى ..
رحنا الصاله ....توقعت ها المره بجوف حرمة طارق بس بعد كانت مب موجوده و الغريب ان طارق موجود ...حسيت بجو عائلي ...استانست كلهم متيمعين ...صوت سعود و عزه واصل لي برع بس يوم دشينا سعود صخ من جاف مطر ..بس عزه عادي ...راح يسللم ع يدته الي
قالت : وفديت ولدي
طارق : ميثه لازم تتعودين الحينه لا اتغارين ..ترا يدوه وايد اتحب مطر ...
يدوه : شو تتحراها حرمتك اتغار .."مدت ايدها صوبي " تعالي تعالي يمه قعدي صوبي ..الصبح ريقتني و صبت لي حليب ..
جفت مطر يطالعني بنظرات ما فهمتها
طارق : افا هالعيوز اتحب تحرق ويهي دوم
عزوه: ههههههههههههه امبونه محترق
ضحكنا عدا مطر : هههههههههههه
يدوه: من عينه محترق ماخذ بياض امه ولد امه
ضحكت يوم طارق قال : طاع طاع العيوز ..حتى انتي غيرانه مني
مطر سال عزه : وين امايه ..
تفاجأت يوم يدوه ضربته ع جتوفه : و الله ما تستحي ع ويهك ...الحينه انا متولهه علي اتروح تسال عن امك ..
مطر يبوس راسها و اول مره يبتسم من دشينا الصاله : فديتج اباها اتحط الغدا يوعانيييييييييين ..
نشت عزوه : بروح الحينه بجوفها ..
كنت بوقف اروح مع عزه بس زختني يدوه : يلسي انتي عروس عيب تشتغلين
مدري ليش طالعت مطر مبتسمه بس طبعا كالعاده ما يبتسم عفان الله ..مدري شو فيه ولا يمكن من النوع الي ينش من الرقاد و مزاجه زفت ... بس ما قد جفته جي الا اليوم ...
دشت ام مطر وراها عزوه و يلسنا نتغدا ... استغربت من شي واحد علاقه ام مطر بـ ارق صج وايد تميزه لدرجه انه تلقمه ... !! جنه ياهل .. وزوجته وينها عيل يقول حامل بس ما بينت ولا في بيت خالتها ؟؟
عقب ما خلصنا يلسنا نشرب شاي ..سعود راح اييب بلاستيشن . ..و كان بشغلها ..
مطر: شو اتسوي انته ؟؟

سعود طالعه منحرج فقالت عزوه : مطور دووم يلعب من الظهر الين ما يرقد
امايه : خله شو تباه ؟؟

مطر : شلها و روح جابل دروسك .."وطالع عزه " و انتي بسج من الكمبيوتر ..
طالعتني عزه بنظرات ..الحينه بتتحرا انا فتنت عليها ..

وقف طارق فقالت امه : وين ؟؟
طارق : بروح اييب عائششه ..
امايه : زين اسالها ارتاحت الحينه " وحاست بوزها "
جنه علاقتها بـ عايشه مب لهنااك .. طلع طارق و يدوه راحت ترقد . و سعود شل البلاستبشن ورااح حجرته .. و حتتى عزوه جنها تضايجت ...كلهم راحوا ... داخل غرفهم ...
نشيت من مكاني و لحقت مطر رايحن حجرتنا ...
رفعت راسي طالعت السما ..: حلو الجـو مطر ..
طنشني وراح داخل لحقته ..
قللته : انت وايد جاسي ع اخوانك حرام ..
انسدح ع الشبريه بكسل و طالعني : لا و الله
قلته : ليش قلت عزوه بسج من الكمبيوتر الحينه بتتحرا انا الي
قاطعني : انتي ما يخصج بشيء لا تدخلين بحياتي و حياه خواتي ..."يلس و قال بغيض" بس تم ضحكي يوم طارق بقعد ينكت لج
عقدت حياتي مب فاهمه شو قصده و كمل : ها بو الاخلاق و المسولفجي ..
ابتسم : انت اتغار من اخوك لانه امك تحبه وايد ترا لاحظت
بلعت ريجي يوم حسيت بجتلني وقف و تجرب مني تميت واقفه بمكاني خايفه منه
قال لي : اخوج اتصل فيني
شهقت : شو يبا ؟؟
فاجأني: باجر بياخذج المحكمه ..بتسوينن لي توكيل
سالته : ليش ؟
قال : ما تبين بيت ابوج
قلته: و شو يخصه التوكيل ؟؟
قال لي : علشان اخوج يوم بيي تجاسمون قيمة بيت الخرابه اكون انا بدلج
قلته بسرعه : ما ابى ...
حسيته ماسك اعصابه : انتي ما تفهمين اقولج انا باخذ البيت و بسجله باسمج ..ما تبين جي
ترددت عقب قلته : امبلى بس "سكت شويه و قلته " ما بسوي لك وكاله
عقدت حياته : ليش ؟
قلته و صديت عنه الصوب الثاني : ما اثق فيك ..
سكت تم يطالعني رفعت راسي اطالعه فقال لي بنبره جديه : مشكوره ..
و طلع من الحجره لحقته بس صكر الباب قلبي تقطع زعل مني بس انا صج ما اثق فيه وما اباه يتدخل بيني و بين جمال ...
حزة العصر .. طلعت من حجرتي كنت بروح الصاله .. بس جفت سعود يالس في الحوي صوب الزرع .. سرت له
قلته : الله حماااااااام
نقزت و جنه تروع مني طالعني فضحكت : ههههههه روعتك
صد عني و قال : شويه ..
يلست ع الطابوقه جريب منه .. و يلست اراقبه يوم ياكل الحمام ..و يعدل عشهم .. حطيت ايدي ع خدي مستانسه
سالته : هاي شو نوعها ؟؟
سعود مستانس : هاي شيرازيه ..عيبتج
هزيت راسي و قلت : هي احلى وحده
سعود : عيل بعطيها حقج
ابتسمت : مشكور بس تحمل فيها
سعود : ما يهمج "ووقف" بروح برع عند الشباب
وقفت معاه : زين لا اتاخر علشان مطر
قاطعني بنبره جافه : ما ادانييه
صخ حس انه غلط جدامي بس يوم جاف ملامح ويهي عاديه قال : مفتك منه من كم يوم .. خذيه بعد جم يوم برع
تفاجات ان سعود البارحه متلوم مني يرمس عن ريلي جي و جدامي ..
قلته : ترا يبا مصلحتك ..
سعود خطفي : ادري بتخبرينه ..اباه يعرف اني ما اداننييه
لحقته : لا ما بخبره لان هالكلام مب من قلبك .. اتصدق حتى وليد ولد اخوي جي مرات يقول لي ما يحبني لاني دوم انصحه و اباه يهتم بدروسه هو من عمرك تقريبا ..
التفت لي و سالني : لا انا صج ما ادانييييييييه ..
سكت غمضني سعود وايد يوم جافني صاخه قال : بتخبرينه
هزيت راسي بمعنى لا و ابتسمت له ابتسم بدوره و قال : انتي كيف متحملتنه
رفع حياتي : بس عاد سعود مصختها
ضحك و ربع برع : بلعب كره ويا ربعي ...

وصكر باب الحوي ..رحت صوب الصاله جفتها فاضيه بس نقزت يوم سمعت يدوه تزاعج ربعت صوب حجرتها فجيت الباب .. شهقت يوم جفت عزه عافده عليها اتروعها كانت لابسه قناع يروع

نقزت عزوه و فسخت القناع و ضحكت : هههههههههههههه احب اخبل بهاي العيوز

جفت يدوه تمسح دموعها : حسبي الله عليج من بنيه
رحت صوبها و لويت عليها غمضتني و طالعت عزوه بنظرات عتب بس عزه طنشت و طلعت من حجرتها ...
قلتها : هاي عزه لابسه قناع
يدوه : دوم اتروعني بها القناع انا الود ودي اطلع من ها البيت اليوم قبل باجر بس مطر ما يخليني ..
قلتها : ما عليه انا برمس عزه ..هي تضحك وياج
يدوه محرجه : عمى بعينها تضحك وياي ... هذاك اليوم ارتحت يوم يلست عند منيره ..بس مطر ما خلني اقعد هناك ..
دشت علينا منيره و معاها ولدها بدر ...سلمت عليها و شلت بدر
منيره : شبلاها يدوه محتشره ؟؟
يدوه : محد فيهم الا منيره فديتج
منيره باستها ع راسها : فديتج و الله ..عيل امايه محد
يدوه : جهنم تاكلها
طالعت منيره مستغربه ..منيره ترد علي يدتها : بسم الله عليها حرام عليج يدوه ..
طلعنا انا و منيره من عندها
منيره تعالي نيلس في الحوي الجو حـلو .. ظهرنا من الصاله قلتها : ليش جي عزه تعامل يدووه
منيره : تحب تغايض فيها بس يدوه ما تتحمل
قلتها و قلبي يتقطع : حرام مب جي عاد ..دشيت عليهم كانت اتصيح ..
منيره : شسوي مب ايدي شي مطر ما يخليني اخذها
قلتها : احس مب مرتاحه هني ..
هزت جتوفها ..وقالت : شو اليوم معاج زين
تذكرت الموقف الي صار البارحه فقلت : هي
منيره تطالع السما : الجو حـلو يمكن باجر انروح انا و عبدالرحمن صوب خور فكان .. "طالعتني " تعالوا ويانا
قلتها : خبري مطر .. "ابتسمت " و ناخذ يدوه ويانا
منيره : هي بنروح رباعه ... بخبره
شويه انفتح باب الحوي .. دش طارق ووراه حرمه ظنيت هي حرمته عايشه ..
منيره : طارق ويا حرمته
قلتها : جفت طارق حبوب ما شاء الله عليه يشبهج ترا
منير ه تضحك : ههههههه هي وايد قالولي ..هذي عايشه هاه ....

طارق: عواشي حياتي تعالي سلمي ع حرمة مطـر ...
مدري ليش ارتبكت يمكن لاني اول مره اجوفها ... وقفت وايد حلوه .بس ما لمحت منها أي ابتسامها
طارق : سلمي ع الحرمه لااه
مدت ايدها ..مديت ايدي و تجدمت علشان ابوسها بس هي ردت لورا .. احرجتني حركتها وايد .. هاي شكلها نفسها في خشمها .. طالعتني بنظرات ..ذكرتني بنظرات ممطر ..
منيره: شحالج عايشه و اخبار الحمل ..
عايشه : هلا منيره "عفدت تبوسها حسيت متعمده اتسوي هي الحركه يعني ؟؟ ليش شو بيتي و بينها علشان تغايضني ؟؟ حطيت ايدها ع بطنها " الحمدلله واي\ اوكى ..
تبون الصراحه موليه ما ارتحت لها ...كان طارق يلاعب بدر ..
عايشه : يلا بروح حجرتي ..
طارق: بتسلف ولدج "ولحق حرمته "
منيره: طارق وايد يحبها
قلتها بصراحه: ليش جي رحبت فيني
منيره : هي جي طبعها ما اتحب تندمج ويا حد بسرعه .
قلتها : بس عيب هاي الحركه ..
منيره : يلا باجر بتتعود عليج و بتتغير معاملتها صدقيني ..
قلتها : زين اتصلي شويه بـ مطر ..ابا ارمسه
منيره مستغربه : انتي ما عندج موبايل ؟؟
هزيت راسي بمعنى لا
منيره مستغربه : ليييييييش !!
قلتها : مدري ..مطر ما عطاني
منيره : شو ما عطاج من كل شي مانعنج ولا شو سالفته يعني ..
حطيت ايدي ع جتوفها خفت بعد لا تضاربه : : لا لا انا ما ابا موبايل ما احتاج له ..
منيره : اها
اتصلت به و جنه رد عليها ع طول قالت له : زعلان ؟؟
الظاهر زعلان منها البارحه يوم عاتبته علشاني ...
عقبت ضحكت: هههههههههههههه فديته مطور حبيبي .. "مدري شو علق وردت ضحكت هههههههه
قالت : لحظه ميثه تباك ..
خذت عنها الموبايل : الو مطر ..
مطر: شو قلتيها شو صار بعد اليوم
سكت منحرجه عقب قلت : لا .. بس انا
مطر قاطعني : شو تبين ؟؟
مب رايمه ارمس منيره كانت جريبه مني فقلت : اتطمن عليك ..
مطر : لا و الله... "سكت بس هو قال " عطيني منيره ..
مطر وايد جاسي معاي حتى كنت بصيح من اسلوبه معاي ... بس يودت روحي انا من النوع الي ما يحب يظهرر دموعه جدام حد و ها عيبي ...خذت نفس و عطيت الموبايل حق منيره رمسته شويه وصكرت ..
قلتها : ما خبرتيه اذا باجر بظهر ويانا
منيره: خبله انا اخبره ادري ما بيطيع بخلي عبدالرحمن يرمسه احس ..
قلتها : اخوج شخصيته صعبه
منيره و هي واقفه : وايد الله يعينج عليه .."تعالي اندش داخل "
رحنا صوب حجره عزه دشنا وقفت عزه ع طول : شو تبين اتجوفيني شو اسوي و عقب تخبرين علي مطور علشان يهزبني ..
منيره محتجه: عزوه شو هاي الرمسه

عزوه هاجمتني : و الله من دش علينا الظهر يهزب سعود و يهزبني هي مفتنه علينا
ذكرتها : انتي قلتي حق مطر ان سعود الي كااان دوم يلعب و ما يذاكر دروسه
عزه : لا و الله اتفتنين علي و ما تبيني افتن ع سعود ...

منيره: جب عزوه
سكت عنها خيبه عزه كيف انجلبت علي ..لغايه شرات اخوها .
عزه : و الله ..من اولها جي ..

زختني منيره من ايدي : تعالي انروح برع هاي محد يعطيها ويهه
قلتها : لحظه منيره .."طالعت عزه" عزه انا و الله ما فتنت عليج ...
منيره : شو تبينها هاي لسانها طويل ما عندج سالفه تاخذين ع كلامها

عزه : هي محد ياخذ ع كلامي يلا ظهروا من حجرتي ..
صدمتني عزه وايد ليش جي عاملتني .. عقب ما ظهرنا
منيره : لا تزعلين منها
قلتها : مب زعلانه بس مستغربه لي جي انجلبت علي

منيره : بعدج ما فهمتيها
هزيت راسي بمعنى لا قالت : لانج زخيتيها يوم اتلعوز بيدوه خافت انج تخبرين عليها مطر

سكت اصلا مب فاهمه كيف حياه و تفكير هذيلا الناس ..
عقب العشى .بعد ما صليت. كنت يالسه في حجرتي رحت صوب الرسيفير اغير القناه يلست اجلب من محطه لـ محطه
نقزت يوم سمعت حس مطر ووقفت : انتي شو اتسوين

قلته : ما سمعت صوب الباب ينفتح ..

راح صوب الرموت و قال : تعالي .. هني جلبي القنوات شو اتسوين رايحه هناك ..انتي لها الدرجه غبيه ؟؟
انحرجت فقلته : يختلف عن الرموت الي عندنا في البيت علشان جي..
قاطعني و رفع حياته يتمصخر : و الله عندكم رموت في البيت ..

صديت عنه و ابتعدت عنه بس زخني من ذراعي حاولت ابعد عنه بس ما رضى
طالعته و قلته : شو ..؟؟

يلسني ع الكنبه و يلس جريب مني ..اربكني قربه وايد حسيت صار له فتره مبتعد عني ..علشان جي صديت عنه ما طالعته بس قال : انا ما آآكل ..

بلعت ريجي كنت خايفه لا منيره قالت له شي و ياي يهزبني شرات البارحه فـ ليل ..بس تفاجأت يوم ظهر موبايله و اتصل عقب عطاني الموبايل طالعته مستغربه فقال : رمسني اخوج يباج ؟؟

خذت عنه لموبايل : هلا جمال ؟؟

جمال: شحالج اختيه
قلته : بخير و انته ؟؟

جمال : انا ابخير ..اتصلت بج وايد بس مطر كان برع
طالعت مطر ما تحرك من مكانه كان يراقبني بس يوم جافني اجوفه نش من مكانه و راح صوب التسريحه
سالته جمال : شو مستوي ؟

جمال : باجر بمر عليج بنروح المحكمه
دق قلبي : بس انا ما ابا
جمال : تبين ما تبين انا حقي اباه عندج تدفعين لي نصيبي
سكت
جمال : عندج
حسيت اني بصيح فقلت : لا
قال : عيل باجر من الصبح تزهبي بمر عليج نروح المحكمه ..
قلته : بس مطر

جمال : ريلج قال ما يبا يتدخل و هو موضوع خاص فينا و انا أأأيد كلامه ..المهم زهبي اوراقج .. مع السلامه ..

صكر بويهي حسيت افكاري تلخبطت شو جمال مصر يبيع بيت ابوي .. حرام عليه .. رحت صوب مطر و التفت لي
قلته : جمال باجر يبا ياخذني المحكمه
طالعني و قال : شو اسوي لج ؟؟

عرفت انه متضايج لاني قلتله اني ما اثق فييه .. عضيت ع شفايفي امنع دموعي تحدر ..
قلته بنبره اترجاه : شسوي ؟؟ اانا ما ابا ابيع البيت ..ها بيت ابوي ريحة الغالي ..

هز جتوفه و قال ابرود : اسـف ما اقدر اسوي لج شي ...
"ظهر من الحجره يلست ع الكنبه و دفنت ويههي بالوساده ويلست اصيح ...مابيدي شي ..ما اقدر اسوي شي .. مطر كان بساعدني بس انا خربت كل شي .
.بس صج انا ما اثق فيه ..مطر للحينه ما اعرفه زين .. و ما يعاملني زين و كم مره يقولي انه يحب غيري .. و انه .... و انه .......

مسحت دموعي و دشيت الحمام اتغسلت و سبحت بالمره .. تفاجات بمطر يالس ع الكنبه كان يرمس بالموبايل ... رحت صوب التسريحه نشفت شعري ..حسيت انه كان يراقبي ..بس جنه كان يرمس ريل منيره .. بس من كلامه الظاهر ما بنروح معاهم ... مدري ليش ما طااع ...
عقب رمس منيره .. مشطت شعري ..و رحت صوب الكبت ادور ع اوراقي علشان المحكمه ..لفتتني عبباره مطر " و هي شدراها انها مب مرتاحه "
طلعت اوراقي ..و انا قلبي يتقطع حق باجر ... شو بستوي .. حرام عليه جمال ..طول حياته ظالمني حتى بعد ما توفى ابوي ظالمني ...
حسيت بمطر واقف وراي مره التفت له ع طول : بسالج انتي كم صار لج يالسه في ها البيت ..
طالعته مب فاهمه قصده ..
سالني: تعرفين عزه زين ولا سعود ولا امايه ولا يدوه وحى لج تعرفين طبعهم
هزيت راسي بمعنى لا ..
نقزت و تروعت منه يوم زاعج علي : عيل حق شو اتقولين ان يدوه مب مرتاحه في بيتنا
بلعت ريجي صح انا قلت جي من الي جفته من عزه و الي اتسويهه فيها بس ما قدرت اعلق .. لاني بالي في باجر و في الي بيصير في بيت ابوي ..
همست : انا ..
بس شهقت يوم غطى وييه بيدي و ثاني مره يسوي لي ها الحركه حاولت ابعد ايده عن ويهي حسيت بخنقني بس لصقني في الكبت ويهز راسي بإيده الي كانت ع ويهي بقسوه
و قال : و الله يا ميثه لو يدوه قالت بروح بيت منوره بموتج .. سمعتي ..
شل ايده من ع ويهي و تنفست بصعوبه و طالعته بنظرات عتب و خوف و لوم ما كنت رايمه ارمس لاني لو رمست بصيح و انا ما ابا اصيح جدامه مووليه ..
صرخ علي بأذوني و الله حسيت الطبله تنطر : تسمعين ..الا اهلي ..
رفعت ايدي اغطي ويهي و احميه من وحشية مطر وقلته بصوت ضعيف : زين ..
ابتعد عني و نظراته علي فقلته : ما يخصني باهلك ..
قال بدفاشه : احسسسسسسسسسسن ..خلج بحالج ...
صديت عنه فريت الاوراق داخل الكبت وصكرته بعصبيه .. اما هو طلع برع الحجره ..ربعت صوب الباب و قفلت و رديت صوب شبريتي و صحت بمراره .. ما يصير جي .. ظلم .. اشم ريحة مشاكل بتصير وايد بيني وبين مطر بسبب افكاره الغبيه ... و جمال ببييع بيت ابوي و انا وين ارووووووووووح ؟؟؟ وين اسير .. اقعد عند منوه .. تذكرت سلمى ..فديتها اكيد تسال عني ... انا بقوله يظهر لي موبايل ..وغصبن عليه بخليه ياخذني بيت خالوه ..مب كيفه يحرمني منهم ...
فتحت اعيوني ع دقت باب الحجره بصوت عالي .. تروعت عقب تذكرت اني قافله علي الباب,,
نشيت من مكاني : زيـن ..
رحت و فتحت الباب دش مطر صكرت الباب رحت صوب الشبريه سمعته يقول : حق شو قافله الباب ؟
عدلت شعري و يلست ع طرف الشبريه و قلته و انا خانقتني ريحة الزقاير : رقدت من غير ما احس بعمري ..
طنشني راح الحمام .. لمحت الساعه كانت 3 فليل ... دق قلبي يوم تذكرت المحكمه ما بقى شي الصبح ..انسدحت ع الشبريه ..بتعب و غمضت اعيوني .. حسيت اني ما برقد ..
يلست اتجلب ع الشبريه فكرت اقوم و ايلس ع الكنبه اشغل روحي بشيء لاني حسيت بأأرق و تعب فضيع اتخيل المحكمه و مره جمال ومره بيت ابوي صورة ابوي ما فارجتني .. يلست بعصبيه انافخ من الضيجه ...
حطيت ايدي ع صدري متروعه يوم جفت مطر يفر اللحاف منه بعصبيه و قعد مجابلني ..
وقال: يعني كل يوم جي ع هالحاله ..كل يووووووووووووم
طالعته مب عارفه شو ارد عليه و غير اني متضايجه منه لانه رفض يساعدني ... صديت عنه كنت بقوم من مكاني بس زخني من ايدي بعصبيه و رد يلسني بدفاشه لدرجه اني تويعت بصوت عالي ..
مطر : ارمسج مسويه روحج كل شي اخلاق يعني و ما اتعرفين الادب ..
قلته و انا فيني غصه : شو تبى هدني ..
و حاولت ايير ايدي .. بس ما طاع يهدني .. قال ورص ع ايدي بزياده :شو فيج ؟؟
قلته : ماشي هدني ..
مطر : عيل ليش ما ترقدين ..شو فيج ؟؟
حسيت انه مسيطر ع الموقف و مب راضي يهد ايدي فانسدحت ع الشبريه ما همني قربه .. كانت الحجره ظلام و ها الشيء مريححني شويه ما كنت اجوف الا اعيونه .. حتى يوم تجرب مني ...وطي راسه جريب ويهي
سالني بأهتمام : شو فيج ..
غضيت ع ويهي بيدي بس ما ابا اصيح ..يودت روحي ما ابا يجوف دموعي خاصه هالانسان ..
قلته : باجر جمال يباني اروح المحكمه
مطر: وين المشكله ؟؟
رفعت ايدي ااطالعه و قلته بغيض: صورة ابوي ما اتفارج بالي ... جمال ما فيه قلب
فاجأني يوم قال : جمال عنده حق انتي جايفه بيتكم كيف حالته
قلت بهدوء: مب مهم شكل البيت المهم شو يعني لي .. شو بالنسبه لي "عضيت ع شفايفي و سككت علشان ما اصيح "
حسيت بأنفاسه جريبه مني فصديت
قال لي : زين قلتلج بساعدج بس انتي ماتبين
قلته باصرار : ما غيرت رايي..
مطر مقهور : عيل علج ما رقدتي صيحي و اتمنى اهالساعه ينباع البيت قبل باجر ..علشان قلبج يحترق شرات ما تحرقين قلبي ..
كلامه آآلمني حتى يوم ابتعد عني و صد الصوب الثاني و تغطى يبا يرقد صحت بصمت ..و عذااب ..معذبني هالمطر ...
صليت الفير .. و يلست ع الكنبه اجلب قنوات التلفززيون و مطر راقد .. .. اول ما جفت الشمس طلعت .. طلعت من الحجره ..جفت عزه طالعه رايحه برع... و الظاهر سعود رااح قبل ..عزه ..
دشيت الصاله اتريق .. جفت يدوه يالسه .. و معاها ام مطر محتشرات ..
سلمت عليهن و يلست .. صبيت لي حليب ..
ام مطر : منيره و حليلها تترجى مطر يودينا وياهم صوب خور فكان مب راضي ..مدري شو بلاها
يدوه: ما قالت لي منيره جان خليته ياخذنا غصبن عنه ما يرد لي طلب ..
ام مطر : ليش هو ما قالج ميثه
رفعت راسي و قلتها : لا ما طرا بس منيره قالت لي بظهرون "سالتهم " زين قوم طارق ؟؟ ما بروحون
ام مطر : ويه فديت طارق ما يرد لي طلب جان فاضي كنا سرنا و ما ترجينا مطور ..
يدوه :يمه ميثه ترا طارق ولد امه .. ما ينفع ..
صخينا يوم سمعنا صوت انثوي : صباح الخير
كانت عايشه يدوه: الناس اتسلم ..
شكلها بتظهر من الصبح ؟؟
ام مطر: انتي وين رايحه لابسه هالعبايه من صباح الله خير ..ريلج يدري
يدوه : ههههههههههههههههه و اتسمينه ريال ريلها
عقدت حياتي ليش جي يرمسون عن طارق و الله هالانسان خلووق ..و شكله حبوب
قلت : شحالج عائشه ..
طنشتني و قالت : انا اطلع ادش ع كيفي بيني و بين ريلي
بطلت اعيوني ..مب مصدقه .. كيف ترمس ويا ام مطر و يدوه جي عيب و الله ..
و ظهرت ..من الصاله
ام مطر شكلها حرجت و لحقتها عند باب الصاله : و الله لو مب شايله ولد ولدي جان رغتج من البيت من زمان ..
يدوه: هههههههههه محد جالع اعيونج غير عوشه ..
ا م مطر : و انتي ما عندج الا اتعلقين و تضحكين ..
فضلت اسكت و اخذ دور المتفرج بس من دون ما اعلق .. رن تلفون الصاله ..ردت ام مطر .. عقب صكرت و قالت لي : روحي مطر يباج ..
نشيت ابسرعه اكيد جمال اتصل به اكيد ..
يدوه: خبريه اني زعلانه منه ...
ابتسمت بس بداخلي ارتجف : ان شاء الله ..
ظهرت من الصاله ..ورحت حجرتي ..جفت يالس ع الكنبه بكسل ..
فتح اعيوني يوم سمعت صوت الباب و دشيت .. عاتبني : انتي ما اتعرفين تيلسين بمكانج
وقفت و قلت : شو مستوي ..
مطر متغصص : اخوج اتصل .يلا الحينه بمر عليج ..زهبي اوراقج
كان يرمس بغيض الظاهر انه خرب رقاده علشان جي متضايج ..
قلته: و انته
طالعني من غير ما يرد و ورااح صوب الشبريه ..يبا يرقد
قلته: ما بتيي معاي ..
وقف و التفت لي : ع أي اساس ؟؟ ايي معاج ..؟؟
بلعت ريجي ..يوم جفت اسلوبه معاي عرفت انه ما منه فايده رحت صوب الكبت و ظهرت اوراقي جفته رد ابمكانه يباي يرقد ..
بلعت ريجي ..بخوف اول مره اخاف من جمال .. رحت صوب مطر و يلست ع طرف الشبريه حطيت ايدي ع ظهره اهزه : مطر
ما رد عليه ..
هزيته مره ثانيه ترجيته : دخيلك تعال معاي ..ما ابا اروح ويا جمال ابروحي ..
مطر : ما يخصني بشيء
ما تحملت الموقف ..دفت ويهي بظهره و يلست اصيح بصوت عالي ما ابا ابيع بيت ابوي ما ابى جمال يبيعه ..
تفاجأ مطر من حركتي يوم رفعت راسي و قعد و طالعني مستغرب
عقد حياته و قال : اموت و اعرف ..انتي شو عايبنج بها المتحف ..
مشيت دموعي و قلته : زين اشتريه .. بس لا يبعيه جمال لحد غريب
مطر ناوي يذلني : الحينه اشتري مب جنج قلتي البارحه انج ما تثقين فيني ...
تجربت منه اكثر و لصقت فيه : اثق فيك "ورديت اصيح" بس لا اتخليني ابروحي دخيلك ... "وزخيت ايدي "
مطر امبطل اعيونه: ما اصدق كل ها علشان بيت ابوج ..من تزوجنا احاول اتجرب منج و انتي اتصديني و الحينه علشان بس هالخرابه .. مستعده لكل شي
قلته : لا اتذلني اكثر عن جي ..
حط ايده ع ويهي و خلني اجوفه و قال : انا ما اذلج بس انتي الي تبعدين عني ..
قلته : بترووح معاي ...
هز راسه موافق و قال : بتسوين لي توكيل علشان اتصرف انا
هزيت راسي موافقه و قلته : سوي أي شي بس بيت ابوي يتم و ما ينباع
فاجاني يوم قال : تر انا ما احب ارد حد ..علشان جي بروح معاج المحكمه و بسوي لج توكيل و باخذ البيت و بسجله باسمج زين جي ..
صرخت مستانسه و عفدت عليه ..و انا اضحك من الوناسه اول مره مطر يخدمني .. نسيت عمري و هو تم يضحك علي ..
طلعنا عقب ساعتين .. وصلنا المحكمه وصلني مطر صوب قسم الحريم .. سويت اوراقي ووقعت التوكيل حق مطر يتصرف باي شي له مطلق الحريه ...
كننت مستانسه و مرتاحه من الي سويته ..ركب مطر السياره و حركها :قلتته : جمال ما يااه
مطر : اتصلت به و اتفجنا يبيعني البيت قال بسوي اوراقه و بنفتك من حشرته
زخيت ايده و قلته : مشكور مطر ما اعرف انا مرتاحه ..
مطر : بس علشان اتعرفين ريلج طييب
ابتسمت له : زين خلني انمر شويه
قال بسرعه: وين ؟؟
قلته : بيت ابوي
مطر: لا لا لا لا بسج عاد ..
زخيته من ذرااعه : بس شويه شويه بس
مطر ابتسم: و ابوي انا ع الي يدلعون
نقزت مستانسه: بتاخذني ..
قال : للاسف لا .
مديت بوزي شبرين و دزيته براسه : انت ليش جي عنيد ..
سوا عمره يبا يعض اصابعي الي دزت راسي ضحكت عليه و قلته : وناسه
مطر : مب خرابه جي اتخبل فيج ..
قلته: خرابه خرابه ها اغلى ما بقى لي و فيه ذكرياتي حلوها ومرها
مطر : حتى انا لي فيه ذكرى حلوه ..
عقدت حياتي : وين ؟
مطر: في بيت ابوج
ضحكت: ههههههههههههههه اونك تطنز
قلته : اتصدق اليوم الصبح حرمة اخوك طولت لسانها حق امك ..ما فيها ادب
مطر"سكت شويه جنه يفكر عقب قال " عايشه ؟؟
قلته : هي ما فيها ادب اسلم عليها مما اترد علي .. حتى البارحه اول مره اتجوفني كنت ببوسها بس ردت لورا و جنها متجزز مني ..بس رحبت بمنيره عادي حسيت انها تغايضني ؟؟
مطر فاجأأأني : هههههههههه "وهز راسه بمعنى لا حول ولا قوة الا باللله حسيته استانس "
قلته: انت يعيبك كل شي يغايضني
هز راسه و قال :هي "وضحك" ههههههه
دزيته من ذراعه : بس مططر لا تقهرني انت زياده ..
مطر : ان شاء الله عموه ..
كملت له السالفه : ما شاء الله طارق عكسها ادب و اخلاق
رد علي بنبره عاديه بس حسيت فيها قسوة : حشرتني ترا ...
طالعته و قلته : صدق زين ..هي مدري ع شو شايفه روحها
مدري ليش انجلب: بس زين لا ترمسين عنها جي
سكت ..يمكن بالغت و اكيد ما بيرضى بحرمة اخوه سالته: وين رايحين نحن ..
مطر : براويج عزبتي
نقزت و صفقه بيدي مستانسه: الله بروح عزبه
رفع حياته: لا يكون بعد اول مره تدشين عزبه
هزيت راسي و انا مبتسه : هي و الله
صرخ مطر : واااااااااااااااااااااي ما اصدق انتي وين عايشه بسالج ..
ضحكت عليه : هههههههههههههه
مطر : انتي اليوم مب طبيعيه ..
قلته : يمكن علشان
كمل عني : بيت الخرابه بتم لج ..
ابتسمت له وقلته : نسيت اخبرك يدوه و امك محتشرات عليك لانك ما طعت اتوديهم ورا منيره ..و قالوا لو طارق مب عنده شغل جان ظهرهم
مطر يتذكر عايشه ما طاعت اتخليه يروح مع منيره لان طارق ما بيروح و بجذا ما تقدر اتروح هي ..
فقال : مره ثانيه بنروح الدنيا ما بتطيير ..
مدري كنت احس عمري طايرهه من الوناسه فبغيت اعبر عن وناسيتي عفدت عليه بشكل مفاجيء و حطيت راسي ع جتوفه و انا مرتاحه ..بس مطر تفاجأ بحركتي يوم عفدت عليه فما قدر يتحكم بالسياره و ضرب ابريك بقوه ..

ماتت الفرحة وأنا بعيني أشوف...حارت أقداري وقلبي في جلد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 17-09-2008, 12:32 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: انا حر ما أنهان و الحر ما يرجع لشخص يهينه .. بقلم معاني كامله


الفصل الثاني وعشرين..

ودي ابكــي لين ما يبقى دمــــوع..ودي اشكي لين ما يبقى كـــــــلام
من جروحٍ صارت بقلبي تنـــــوع...ومن همومٍ احرمت عيني المنـــام

وقف مطر السياره ع جنب الطريج .. لصقت فيه متروعه و صرخت يوم سمعت السياره اتظهر صوت عالي ..
رفعت راسي يوم جفت كل شي مر ع خير .. و الحمدلله ان الشارع فاضي ..

ابتعدت عن مطر اعتذر له بس سبقني : انت هبله ..
قلته و انا منحرجه: اسفه

صرخ علي : شو يفيدني اعتذراج يوم بتجتلينا ..متى بتكبرين انتي يا الياهل
حسيت باحراج دز راسي بقوه و قال : ودرني عنج هاي الحركات لا اتحرين ان عمرج ياهل
حسيت رقبتي نقعه يوم دز راسي بيديه سكت و نزلت راسي .. حرك مطر سيارته يوم سمع هرن سياره ورانا
شغلها و قال كلمته الي جرحتني وايد : الله بلاني بها الزوجه
ما تحملت فقلته : زين ما اقصد
رد علي ع طول: جب ولا كلمه عيل لو تقصدين شو بتسوين ..؟؟؟
و الله حسيت بصيح .. بس يودت روحي و يلست اطالع الدرب .. الظاهر بعده كان محرج لانه ما خذني العزبه ردني البيت ع طول ...و نحن نازلين جفنا طارق ياي من الدوام ...

دشينا البيت طارق : شحالك بو غيث ..
مطر ابرود: بخير

طارق : وشحالها حرمة اخوي
حسيت مطر بياكلني بنظراته طنشته و ابتسمت لطارق : الحمدلله بخير انته شحالك ؟؟

طارق: يسرج حالي يا حرمة اخوي .
..
لوى مطر علي ودزني صوب حجرتي : يلا روحي الحجره
قهرتني حركته حسيته يبا لهم انه يملكني ..

بس سمعت كلامه و رحت حجرتي اما مطر و طارق راحوا صوب الصاله ...بدلت ملابسي و ارتجفت يوم تذكرت مطر ضرب بريك حمدت ربي الف مره انه ما صار شي جايد ..بس للحينه مستغربه انا ليش جي تعلقت ابمطر .. معقوله كل ها علشان مستانسه .. يمكن !!
خلصت صلاة الظهر و كنت بطلع بروح الصاله علشان نتغدى بس سبقني مطر و فتح الباب ..
سالني : وين ؟
قلته: بنروح نتغدى "ابتسمت" بروح العب مع سعود بلاستيشن
مطر يدش الحجره : دشي دشي ..بنتغدا هني
سالته: ليش ؟؟
طالعني بنظرات حاده : كيفي .. ما ابا نتغدى هناك ..
طنشت نظراته و قلته بهدوء: وناسه يوم نتيمع كلنا مطر ..
طنشني راح يبدل ثيابه لحقته : خبرتهم شو صار لنا الحمدلله ما انجلبت فينا السياره
رد من غير ما يطالعني : تتحريني شراتج نشره اخبار كل شي اقوله لهم ..
عرفت انه يقصد البارحه يوم شكيت لمنيره بس انا ما كان قصدي افتن ولا شي ... خذت نفس طويل
وقلته : ما غيرت رايك
كان بسير الحمام و قبل لا يدش قال : في شو ؟؟
ابتسمت: نتغدا ..
قاطعني و نقزت يوم علا صوته : ما احب اعيد و ازيد في الرمسه أنــا ..
وددش الحمام وصكر الباب بويهي ..طلعت لساني مقهوره من حركاته ...اندق باب الحجره فتحته ..و كانت الشغاله يايبه لنا غدا اكيد سمعت صراخ مطر ..
ظهر مطر من الحمام وياه يلس يتغدا سالته : انا ولا مره جفتكك اتصلي ..
طنشني و قال : حطي لي صالونه
حطيت له و لي و رديت سالته : صليت الظهر
رفع راسه و قال بنبره تهديد : انتي ما اتعرفين تسكتين خمس دقايق بالعه راديو ؟؟
انحرججت من تعليقه فيلست اكل و هو ياكل .خلصنا ..
عقب ما خلصنا غدا .. نش مطر من مكانه و رقد ع طول اما انا يلست اجلب قنوات التلفزيون ما لقيت شي عيبني . فطلعت و رحت الصاله ..جفت سعود قاعد يلعب بلايستيشن و اول ما جافني داشه استانس علي
و قال : يلا تعالي اتحداج هالمره
ابتسمت و قلته: بالاول ذاكرت دروسك ؟؟
سعود مب مهتم و قاعد يدور شريط المصارعه: تعالي تعالي انتي ... عقب بذاكر ..انا محد غلبني الا انتي
قلته باصرار: لا ما بلعب بالاول تذاكر دروسك ..
طالعني بغيض: اففففففففففف زين توعديني ؟؟نلعب
ابتسمت: هي لين ما ااغلبك
جفته تحمس وقف : زين بنجوف منو بيغلب الثاني ..عطيتني خمس دقايق
قلته: شو خمس دقايق اونك بتذاكر خمس دقايق
ضحك: هههههههههه زين يوم بخلص بخبرج
قلته: انا بسير عند عزه ..
سعود : من زينها هاي ..
عقدت حياتي : انت كل الي في البيت ما تحبهم
هز راسه: بس امايه و يدوه
قلته : الله المستعان زين روح ذاكر يالله
راح حجرته وسرت انا حجرة عزه ..دقيت البا ب محد رد علي فتحت الباب جفتها راقده .. خليتها و طلعت عنها كنت برجع حجرتي و انا طالعه جفت عايشه بويهي كانت بدش الصاله ..استغربت هي ع كيفها تظهر و تدش و ريلها عادي عنده ؟؟
ابتسمت لها بس حاست بوزها و صدت عني .. كنت بسالها انتي شو مشكلتج بس ما عطتني فرصه حطت ايدها ع ذراعي و دزتني تبا تدش اونها مستعيله
قلتها : انتي اسلوبج جي ولا بس معاي ..
ردت علي بطرف خشمها: شورايج انتي "وطالعتني من فوق لـ تحت "
قلتها: ع شو ؟؟يعني جايفه نفسج بس عقب الي جفته الصبح امبين ان جي طبعج
حرجت علي: و انتي منو عطاج الحق اصلا تقيميني ..
استغربت من اسلوبها كنت بقولها فرق بينج وبين ريلج بس سكت عنها هاي ملسونه و انا ما فيني احط لساني بلسانها حشى ما قلتها شي ..
عطيتها ظهري و كنت بمشي بس وقفني كلامها يوم قالت : مدري مطر شو جاف فيج ..
حسيت نبره صوتها كانت اسى و الم او انه تهيأ لي ؟؟؟
طالعتها و ابتسمت : يحبني و احبه
ردت لي نفس الابتسامه بس باستهزاء : اشك .. و الله العظيم اشك ..
سمعت ضحكتها دشت داخل وصكرت باب الصاله بويهي شو قصدها يعني انها تشك ؟؟؟علامة استفهام كبيره كانت بويهي حركاتها و كلامها مش طبيعي ابد .. رديت حجرتي .. جفت مطر بعده راقد .. رحت و انسدحت ع الكنبه مستغربه ها البنيه شو بيني و بينها ولا يعني هي اتعرف مطر عدل علشان قالت تشك .. ما تحملت افكاري حتى رقدت ... من التعب نشيت و كان حزة العصر ... جفت مطر واقف ولابس شكله بيظهر ... و كان يرمس ع موبايل .. من كلامه فهمت انه يرمس امه بس كان يغزني بنظراته ما اعرف شو سويت بعد طنشته ورحت الحمام تغسلت و تيددت و ظهرت ..جفته عاد طالع صليت العصر .. عرفت ان مطر انسان مب محافظ ع صلاته من تزوجته ولا مره جفته يصلي ...بساله و بنصحه حرام هو مب ياهل ... ظهرت من حجرتي ... لمحت سعود صوب الزراعه عند حمامه .. رحت صوبه ..
قلته: شخبار حمامتي ..
لبسني ابتسمت لانه حركته ذكرتني بمطر بس قال : قصيتي علي ..
"تذكرت انه وعدته العب وياه " قلته : و الله رقدت ..
طالعني بنظرات عتب .. قلته : يا ربي وايد اتذكرني بمطر
قال بطرف خشمه : ايهبي انا اشبهه
بطلت اعيوني : سعود !!
صد عني و قفل باب القفص : ما احبه ..
قلته اذكره : اخوووووك ..
فاجاني يوم قال : شو يعني .اصلا في بيتنا محد يحب الثاني ..
مدري ليش قلته : عيل محد بحبني يحليلي
ابتسم: انتي غير انتي طيبه
غمزت له: علشان العب وياك هاه
ضحك : ههههههههه و اغلبج بعد ..
ضحكت عقب قلته : اتصدق حرمة اخوك طارق بعد احسها ما تحبني ..مدري ليش
طالعني بنظرات ما فهمتها و قال : اذا قالت لج شي خبرني بفقع اعيوها الي شرات البومه
ضحكت بصوت عالي : ههههههههههههههههههههههههههه
ابتسم سعود حسيته مستانس و ظهر من الزراعه لحقته و قلته: ما بتلعب ؟
قال : عقب بروح اللعب كوره يوم برجع
سالته: الا ذاكرت
سعود: هي بس قصيتي علي ..
ضحكت: هههههههههههه بس عاد ذليتني ..
سعود: حتى قلت امايه تتصل بـ مطر و اتخبره انه يزقرج علشان تلعبين وياي
قلته : هي جفت مطر يرمس بالموبايل بس ما قالي شي
سعود : خله يولي ..
تروعنا يوم ظهر مطر بويهنا : منو يولي
صخ سعود و تغيرت ملامح ويهه و مطر محطي أيده بوسط خصره وتم يطالع سعود : هاه
قلته : ما كان يرمس عنك ...
رفع حياته و طالعني جنه يحذرني اني اسكت و رد طالع سعود : روح جابل دروسك
قلته: مذاكر خله شويه ..
طالعني بنظرات فصخيت شرات سعود تروعت من نظراته ... جفت سعود متضايج و راح داخل ...
قلته : انته ليش تعامله جي هاه مب ياهل ..
شهقت يوم زخني من ذراعي وودني الحجره من دخلنا دزني بدفاشه فطحت عالشبريه .. التفت صوبه ابسرعه متروعه .. و مب فاهمه ليش مطر جي يسوي ...
عاتبته : انت وايد دفش
حرج علي : يوم ارمس اخواني انت تسكتين لا تتدخلين بشيء ما يخصج ..
قلته: بس سعود مذاكر
قاطعني: و انتي شدراج
قلته: هو قالي ..
مطر : يا سلاااااااااااام رابعتيييه لحقتي امسات داشه البيت ..
طنشته طنازته و قلته : سعود وايد متضايج منك حرام ع
شهقت يوم عفد علي وووقفني ولصقني باليدار و سالني و جنه تخبل: شو بينج وبينه
فججت اعيوني مب فاهمه قصده ...
مطر: شو سوااا لج ..
كنت بصيح بس يودت روحي وقلته : ما سوا شيء
حسيته قام يرتجف من الغيض و انا ارتجف من الخوف ترجيته : مطر شو فيك ..؟؟
حط ايده ع رقبتي و رص عليها طالعته بخوف بس هددني : بجتلج لو طلعتي من حجرتج ..ولا جفتج ترمسين سعود ولا طارق و الله اذبحج ..
حاولت ابعد ايده بس ما قدرت يلست اشاهق مب رايمه اتنفس كنت ابا اقوله : بمو بمو بمو ت ..
بس هو مطنش و تم يهز رقبتي بعصبيه : تسمعيني ..
قلته بخوف : سمعت سمعت ..سمعتك ..هدني ..
هدني و تم واقف جريب مني .. نزلت عالارض اكح ..حسيت ان روحي بتطلع .. طالعته بنظرات قهر و ضعف .. و اني ما اروم اسوي شي ...
قال بقهر : ضحكتج واصل داخل الفله شو كان يقولج ..
حاولت ابتعد بس رد وزخني و اصر الا يعرف : شووووووو
قلته و انا احس اني خلااص روحي بتطلع : ماذاكر
زخني من شعري فصرخت بألم و هالمره ما تحملت صحت و ترجيته: مطر هدني ..هدني ...
دزني كنت بضرب راسي باليدار بس حطيت ايدي و التفت صوبه بسرعه متروعه منه ... مسحت دموعي ع طول قال لي : الحينه بصخ عنج بس و الله لو جفتج ترمسين سعود ولا طارق يا ويلج ...
و عطني ظهره كان بيطلع بس قلته : بروح بيت خالوه .
التفت لي بسرعه و قال : نجوم السما اقرب لج ..
وصكر الباب بعصبيه .. دفنت راسي بيدي و يلست اصيح ..الحينه هو ليش ما يباني ارمس طارق و سعود لها الدرجه كارهني ؟؟ و حاقد علي ... يبا يسجني بالحجره ..حرام عليه الي يسويه فيني حسيت بروحي وحيده و ضايعه ... نشيت من مكاني و انسدحت ع الكنبه غمضت اعيوني مر علي الموقف حسيت اصابع مطر للحينه تخنقني .. حطيت ايدي ع ارقبتي .. ارتجفت ... ليش يسوي فيني جي .. انا شو سويت له ؟؟
تميت اسيره بحجرتي الين .. ما اندق الباب ... نشيت من مكاني ورحت فتحته كانت منيره ..دخلتها
منيره: شفيج ما ييتي الصاله
قلته بتعب: تعبانه شويه
طالعتني منيره: مزجمه
هزيت راسي بمععنى هي شو اقولج اخوج بغى يجتلني ..
منيره يلست : سرنا خورفكان تونا رادين شو يخبل المكان ..
قلتها : خساره مطر ما طاع يودينا
منيره: هي قهرني .. زين انا اقولج باجر انا و عبدالرحمن بنسوي عشى .. تعالي زين ..
قلتها :شو المناسبه ؟؟
قالت لي : لمه من زمان ما تيمعنا جي
قلتها : زين بس اخاف مطر ما يطيع
منيره : مب ع كيفه و الله اجتله صج هالمره ...
يلست وياي منيره و قعدنا انسولف وايد مواضيع .. عقب ما صلينا المغرب ..
منيره: ميثه تعالي بحط لج ميكاب ؟؟
قلتها : ما لي خاطر
منيره: تعالي لااه ..انتي عروس لازم تكشخين ..
قلتها : مب اليوم باجر
شهقت: باجر تعالي و تعدلي ترا بعزم خالوه بتجوفج ؟؟
زخيت ايدها و ترجيتها : اعزمي خالوه و سلمى ابا اجوفهم
منيره: ليش مطر ما خذج لهم
ارتبكت ما عرفت شو اقولها سكت
منيره: خلااص زين بعزمهم لج ما يهمج ..
ابتسمت : تسلمين ..
منيره: عيل خليني احط لج مكياج ..
قلتها بتعب : لازم
منيره : هي نتسلى ..
سوت لي ميكياج ..كان حلو و خفيف علمتني شويه بس يباله اتعود اني اسوي لي ...يلست منيره تراويني صورها هي و ولدها و ريلها يوم كانوافي الخور ..
تبطل الباب و كان مطر شايل معاه بدر ابصراحه انا وايد متضايجه مننه علشان جي ما حطيت عيني بعينه طنشته و ما طالعته ... حتى هو طنش لانه سلم ع منيره و قعد يسولف ومعاها و يلاعبون بدر ..
منيره : حرمتك مب طبيعيه اليوم ..
مطر : شو بلاها ؟؟
منيره: ما لاحظت عليها صاخه و ما ترمس
مطر وقف : مزاجيه ...
منيره: باجر ترا يا ويلك اذا ماييت بيتنا انت و ميثه
مطر: خبرتني امايه ..
دشت علينا عزه: روحوا تعشوا ؟؟ يدوه تنشد عن ميثه ..
شلت منيره ولدها : عيل انا بروح ..
ظهرت عزه و معاها منيره و مطر : يلا قومي
شليت المخده و حضنتها : ما ابى ..
سالني : ليش "حسيته يتجرب مني رفعت راسي اطالعه "
مطر يستهبل : اووه كاشخه اليوم ؟؟ لا لا عروس
صديت عنه يلس عدالي حاول يزخ ايدي بس انا يريتها و تميت حاضنه مخدتني سكت تم يطالعني فتره قهرتني حركته كنت بشل المخده و بصفعه فوق راسه بس اخيرا نطق : ع بالج بعتذرلج
تميت ساكته كمل : شكيتي حق منيره بعد
ما رديت عليه قال و جنه طفر : ما احب حد يطنشني ..ميثوه انطقي ترا و الله انجلب عليح
طالعته و قلته : شو بتسوي فيني اكثر من الي سويته ؟؟؟
جفته يطالعني غير صديت عنه بسرعه بس سبقني و زخني من لحيتني و خلني اطالعه حسيته يبا يستهبل علي
قال : اعيونج جميله .. خليها دوم جي متكحله
حاولت ابعد ايده عني بس ما رمت ترجيته : خلني بحالي
تجرب مني حط اعيونه ع خدي و قال : شو فيج
بلعت ريجي بصعوبه رفع راسه و طالعني و جنه حس فيني و قال : خيبه لها الدرجه انا أثر فيج
قلته بسرعه و قلبي يدق : انت ما اتهمني
قال بنبره و جنها تهديد : عيل منو يعيبج سعود ولا طارق
طالعته بسرعه وقلته : انت مينون اذا اتفكر ان بيني و بين سعود ولا طارق شي ؟؟
تم يطالعني : زين قولي طارق دومه اجتماعي و يحب يسولف مع الناس لكن اسعود الي موليه ما يندمج ويا حد بسرعه ..كيف قام يسولف ويااج و يضحك بعد
قلته : مطر ؟؟؟؟؟؟؟ سعود شرات وليد و بعدين اتعرف كم الفرق بيني و بينه علشان اتفكر ها التفكير عيب عليك و الله
وقف مطر و جنه تضايج من كلامي : يلا قومي نتعشى
قلته : انت اتقول ما اطلع من حجرتي
حرج عليه : لا اتطفرين فيني نشي يلااا
قمت و انا مقهوره من اسلوبه معاي يبط الجبد ..دشينا الصاله و كانوا يتعشون حسيت مطر تفاجأ يوم جاف طارق و حرمته موجودين
عزوه: ما شاء الله كلكم متيمعين
منيره: باجر بعد في بيتنا ان شاء الله ..
طارق: قربوا قربوا هلا بالمعاريس ..
يدوه : ميثه وينج اليوم ما بيني
رحت سلمت عليها ..و ابتسمت ل،ـ سعود لانه غمضني وايد ..رديت لورا تفأجات يوم جفت مطر وواقف وراي ..زخني من ايدي و رص علي و جنه خايف اني اضيع منه ..
ام مطر : يلسواا شو فيكم جنكم غرب ..بسم الله عليكم ..
مطر : لا بنظهر نتعشى برع ..
يدوه: صج ما تستحي ولا اتخيل ع ويهك ...العشى محطوط جدامك و اتقول بتعشى برع ..
تفاجات من قرار مطر و ليش غير رايه اصلا ؟؟ ما قال انه بنتعشى برع ....
يدوه: يلا اقعد يلااا لسواد اعيونك مسوين هالعشى
مطر : زين كلتوني
منيره: هاهاهاها محد يعرف دواك غير ها العيوز
يدوه: عيز حيلج انتي بعد ..
ضحكنا ..مدري ليش غريزتي خلتني اطالع .مطر و عقب عايشه يمكن لانهم هو الوحيدين الا ما ضحكوا ..جفتهم يطالعون بعض بنظرات ..مطر ككان شبه مبتسم بس عايشه نظراتها كانت جاسيه هي اصلا جي ..عفاني الله ..يلسنا انا و مطر و قعدنا نتعشى بس اول ما يلسنا فرت عايشه اللقمه الي كانت بيدها و نشت ع طول وقف طارق : وين عايشه ؟؟
ام مطر: طارق اقعد شو تبا فيها ..
عايشه تحيس بوزها : شبعت
يدوه : الناس اتقول الحمدلله .. فقدت التربيه ...
سمعنا صوت باب حجرتها يتصكر بقوه ... استغربت بغيت حد من اليالسين يقول لي جواب ع تصرفاات عايشه بس ..كانت تعليقات عابره و ما فهت شي
ام مطر : هذي حرمتك الي ميت عليهااا ...شو تبا فيها ؟؟
طارق : امايه الله يهداج عايشه حامل و انتوا تنكدون عليها ؟؟ وايد
يدوه: جي شو سوينا هي الي ماده بوزها شبرين ..
وقف طارق متضايج ام مطر : وين ..؟؟
طارق: بجوفها بس
ام مطر: قلتلك ايلس ابمكانك محد مدلعنها غيرك ..طلقها و ريح راسك شو تبا فيها ...
طارق : يمه
قاطعته : انت تبا تذبحني ..
منيره: شو السالفه الحينه وحده شبعت من الاكل حق شو كل ها ..
تفاجأت يوم طارق رد و قعد ابمكانه اكتشفت ان امه وايد مسيطره عليه غمضني وايد ...تعشينا حتى مطر ما علق ع شي ... عقب ما خلصت ..نشيت وطلعت برع اغسل ايدي ...تفاجات بسعود واقف وراي
و قال لي : ثاني مره اتقصين علي ؟؟ترييتج وايد
طالعته عقب طالعت باب الصاله خفت لا مطر يظهر و قلته : سعود ..مدري ليش مطر حرج عليه يوم جافني ارمسك
اتغايض سعود : شو ها يبا يحرمني من كل شي يونسني
ابتسمت له: لا اتعصب زين .. ولا تستهم ..بجوفه ليش ما يخليني ارمسك .. انته لا اتعصب
سعود: و الله بتكرهين العيشه في بيتنا .. جفتي كل مشاكل الود ودي اطلع اليوم قبل باجر ...
شهقت: لا اتفكر جي .. حرام فكر باهلك بامك ..

في الصاله ...منيره: انتوا ليش اتسون جي جدام ميثه هذي توها الا عايشه وياكم ..
ام مطر : شو انسوي بعد خلها تتعلم ولا تفكر اتسوي شرات عايشه ..
مطر: ميثه مستحيل اتسوي جي
طارق: ليش شو فيها عايشه شو سوت
ام مطر: بس بس ما سوت شي .. وااقهري محد بجتلني غيض غيرك
صخ طارق ..بعده يحبها ....بعده متعلق فيها ...شي يقهرني ما اروم اودر عايشه احبها ... التفت صوب منيره يوم قالت : باجر لا تجلبوا عزيمتي جي ضرابه .. يا ويلكم ..
يدوه: ههههههههههه هاه ويهي ..
منيره: لا و الله ..و كلكم تعالوا ...حتى سعود و عزه
سعود !! وينه ..وقفت ابسرعه اكيد رااح ورا ميثه ..حسيت بضيجه حق شو متعلق فيها ..شو جايف فيها هبلها ولا غباءها
امايه: وين مطر تعشى
طلعت من الصاله و قلتها : الحمدلله بسني ..
صكرت باب الصاله و اعيوني تدور على ميثه و سعود ..ما خاب ظني .. اكيد هي الي ترمسه ولا سعود مب من النوع الي يندمج بسرعه ويا حد ...تجربت منهم حسيت بنار تحرق يوفي يوم كانوا مندمجين بالسوالف حتى ما انتبهوا لي ..
سمعت ميثه اتقول : ما بتندم و بتقول ميثه قالت و بتشكرني بعد ..
ياني فضول اعرف عن شو يرمسون وقفت وراها و فاجأتهم : ع شو يشكرج ؟؟؟
التفت ابسرعه صوب مطر و دق قلبي بقوه ... طالعته و رديت اطالع سعود ..بلعت ريجي بصعوبه ..
سعود : تبانـ..
قاطعه مطر : محد سالك ..."وأشر صوب الصاله" روح جابل دروسك ولا انخمد باجر مدرسه
قهرني ليش يعامل سعود جنه ياهل من حقه سعود يكرهه العيشه في هالبيت ...حسيت سعود تضايج ..طالعني بنظرات و جنه يقولي انا مب غلطان يوم افكر اطلع من البيت ..
مطر: شو هاي النظرات انا الي ارمسك مب ميثه ..
تحرك سعود .و من اختفى التفت له وقلته بصراحه: انته ليش تعامله جي ..حـرا..
شهقت يوم زخني من ايدي وييرني صوب الطوفه قلته بخوف : مستحيل تمنعني من كل شي سعود صغير انا ما اعرف شو اتفكر
كان يرمس بصوت واطي بس نبرته كانت مليانه تهديد : انتي الي تلاحقينه و ترمسينه
بطلت اعيوني و قلته : سعود شرات اخوي و يغمضني وايد معاملتك جاسيه ..
حط ايده ع حلجي خفت وايد حسيت بعيد سالفته الي سواها اليوم يوم كان بذبحني حطيت ايدي ع ايديه ابا ابععدها عني ...بس مدري أي رحمه نزلت لي من السما يوم نقزنا انا هو بحس عايشه
عايشه : مطر ؟؟؟
طالعنها ووسكتنا استغربت شو تبا من مطر ليش وين ريلها ؟؟؟ اكيد تبا يساعدها
ابتعد عني مطر و طالعها : امري ..
طالعتني عايشه و ردت طالعته : ابا ارمسك ..
طالعني مطر ..شو تباني اروح عنهم ان شاء الله ... مدري ليش تجدمت و لصقت ابمطر مهما كانت علاقتي بمطر بس يبقى ريلي حتى لو كان بالاسم ..فاجأني مطر يوم يوم حط ايده و لوا علي و قال حق عايشه : امري ..ميثه حرمتي لا تستحين منها ..
جفت بنظرات عايشه نيران تشب منها اظني مطر احرجها غمضتني وايد يمكن تباه يرمس طارق حرام هي حامل و يمكن نفسيتها تعبانه بسبب الحمل ...
التفت لمطر : مطر ما عليه يمكن تبا ترمسك بشي يتعلق بطارق جوفها شو تبا ...
ابتعدت عن مطر و هو ما عارضني و كانت اعيونه ع عايشه ... خليتهم ابروحهم ورحت الصاله ...جفت عزه و منيره داخل ..بس طارق و ام مطر و يدوه محد ...
سالتهم : وين سعود
عزه: بحجرتهم شو تبين تلعبين معاه بلاستيشن
قلتها : لا بشوفه اظني زعلان لان مطر زاعج عليه
عزه بنظرات غريبه : ليش شو فتني عليه
منيره : جب عزه "طالعتني " روحي هذيج حجرته ..
رحت صوب حجره سعود دقيت الباب و فتحته جفت الارضيه مليانه سي دي ..
شهقت : شو هاا
نقز اسعود ما توقع اني اكون انا الي دقيت باب حجرته
ابتسم منحرج : الحينه بنظف الحجره "رفع حياته مستغرب " عيل ريلج وينه
دشيت و ابتسمت : خليته مع عايشه تباه بسالفه ..انت زعلت منه
تجرب مني سعود سالني باهتمام : مطر وينه الحينه ؟؟

في الحوي : مطر : انتي وايد تتمادين ؟؟؟
عايشه : غصبن عني ..
مطر: انتي ما تخافين ريلج يطب علينا
ابتسمت: الظاهر طارق شرات حرمتك غبيه ..و عبيطه ههههههههههههه
مدري ليش شي بداخلي خلني ادافع عنها : ما يخصج بـ ميثه خليها بحالها
عايشه : كنت ميته يوم تزوجت و اسودت الدنيا بعيوني يوم جفتها ما توقعتها جي جميله "طالعتني بنظرات شك" كنت تعرفها قبل صح
مليت من غيرة عايشه قلتها : حياتي مليون مره قلتلج منور هي الي خطبتها لي
عايشه و جنها مب مصدقه : زين ما علينا المهم ارتحت يوم حسيت انها ما تعرف شي بالدنيا ...
تجربت من عايشه و حضنت ويها : شو فيج عواشي
همست لي : تعبانه جفت اهلك كيف يعاملوني ..
رديت عليها بنفس النبره : زين تطلقي محد بياخذج غيري
سالتني : و ميثه ؟؟
مطر : انتي الي تهميني ..

في حجره سعود ..عفد سعود : انتي ليش اتخلليه ابروحه مع عايشه
استغربت من ردت فعله بس قلت : شو فيك اسعود لا اتخاف ما بيقولك شي انت شرات اخوي
ضرب سعود يبهته بعصبيه : شو انت شرات اخوي ؟؟؟ ميثه انتي ليش جي
سالته : شو السالفه ؟
زخني من ايدي : تعالي تعالي لا اتخلين ريلج عند أي وحده ابروحهم و خاصه عايشه
سالته : ليش؟؟
طالعني بنظرات جديه و قال : انت ما تحبين ريلج
ابصراحه ارتبكت و ما عرفت شو ارد عليه بس هو كمل كلامه : انا ما بسوي كل هاه علشان شيفة مطر ينجلع علشانج ما اباج تضايجين ..
قلته : بس انا مب مضايج ..عايشه محتاجه اترمس
قاطعني : عايشه مضايجه عندها ريل حق شو اترمس ريلج
ويرني معاه ظهرنا من حجرته طالعت منيره و عزه الي كانوا مستغربين من حركة سعود قاعد اييرني ظهرنا من الصاله ..
دزني سعود : روحي ازقري ريلج
همست : ليش انزين
سعود : افففففففففففففففففففففف ازقريه لا اتخلينه ابروحه مع عايشه انتي ما تفهمين ...
قلته : انا مب شراات مطر
سعود متضايج : وينهم اكيد مندسين مكان
استغربت من حركات سعود بس وطى صوته و قال بغيض : ازقرييييييييييييييييييييييييه
بلعت ريجي انا مب فاهمه شي و قلت بصوت عالي : مطــر ..
سعود يحرك بيده ويقول بصوت واطي : بعد بعد خليه اييج لا اتخليه مع هاي العقربه ؟
بطلت اعيوني : شو عقربه
سعود طفران : ازقريييييييييييييييه
قلت : مطر مطر وينك ..
ربع سعود داخل الصاله يوم ظهر مطر وراااه عايشه ..
قلته : ما خلصت ؟؟
تجدم مني مطر وزخي ايدي : امبلا يلا انروح الحجره
طالعت عايشه جفتها واقف ابمكانها ..حسيت ابروح بدوامه مب فاهمه شي ..دشينا الحجره
سالت : شو كانت تباك
مطر ينسدح ع الكنبه : عن ريلها
رحت ويلست جريبه منه : توقعت ..شو بتسوي الحينه
مدري ليش انجلب علي و عدل بيلسته و قال : ما يخصج لا تدخلين ...
طالعته مب فاهمه شو بلااه الحينه ؟؟و ليش انجلب .. قلته : زين بس لا اتعصب
و جنه تذكر : و اخر مره اجوفجج انتي و سعود بروحكم اتسولفون "حذرني " يا ويييلج ..
قلته بخوف : زين زين
وقف راح صوب الكبت ظهر منه لبس جنه لبس الدوام وقفت ورحت صوبه : كشخه لبسك ..
طنشني قلته : شو بتخلص اجازتك ؟؟؟
قال و جنه متضايج مني : هي ورا باجر ..
ابتعد عني وقفت ابمكاني و قلته : ليش متضايج مني
طالعني بنظرات ما فهمتها و طلع من الحجره ..و الله حسيت اني بصيح ..ليش جي يعاملني انا شو سويت ؟؟ علشان يعاملني جي ؟؟؟
ظهرت و رحت الصاله جفت منيره روحت .. و عزه يالسه ع اللابتوب و سعود يلعب بلاستيشن ...
من جافني سعود استانس ابتسمت له : يالله تعالي نلعب ..
قلته : مذاكر دروسك
سعود يحط شريط المصارعه : و الله ذاكرت ..
عزه : ما قام يظهر ويا ربعه ولا يضارب ويا محمد من عرفج
سعود: اسكتي انتي موليه ما ترمسين ..
قلت : منو محمد
سعود و جنه مشمئز : خليه يولي ...يلا تعالي نلعب ..
يلست العب مع سعود بلاستيشن . التفت له جفته مندمج ولا جنه الي من ساعه كان محتشر علي علشان مطر و عايشه شخصية هالانسان روعه بس الي يفهمه ...سمعنا يدوه تزقر عزه بس عزه كانت منطشه ..
حطيت الجهاز : بروح اجوفها يمكن تبا شي
سعود : يلسي كملي اللعبه "وزاعج ع عزه" روحي انتي ما ما تسمعينها تزقررج
نشت عزه متغصصه : افففففففففففففففففففففففف
سمعنا صوت عزه تزاعج : شو تبين حشرتينا متى تموتين و نفتك منج
شهقت و طالعت سعود فقال : هاي دومها جي زفته ..
غمضتني يدوه: حراام ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 17-09-2008, 12:33 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: انا حر ما أنهان و الحر ما يرجع لشخص يهينه .. بقلم معاني كامله


سمعنا يدووه تزاعج .كنت بقوم اجوف شو السالفه بس سعود سبقني و راح لعزه ...ربعت صوبهم يوم سمعت صراخهم ..كان سعود زااخ عزه من شعرها حاولت افجج من بينهم ..هدها سعود
عزه متضايجه : بخبر عليك مطووور ..
و ظهرت من الحجره عاتبت سعود: ليش اتسوي جي اتعايب ع مطر ما اتجوف روحك
سعود: عيل ليش تمد ايدها ع يدوه
يدوه اتصيح : كنت بس اباها اتصكر الباب ..كسرت ضلوعي ...
رقدتها و هديتها : خلااص خلااص ..تبين شي ازقرريني انا ولا سعود
يدوه: ربي ما يحرمنج منج ..ولا من مطر فديته
سعود جنه تضايج : جفتي ولا عبرتني
وظهر من الحجره شو هاي العايله ؟؟؟ يلس سعود محرج .
.قلته : اذا بتم جي محرج ما بلعب وياك
سعود : لا خلااص متعود
ابتسمت له وقلته : يلا نكمل ..
يلسنا نلعب حوالي ساعتين ..عقب قلته خلااص لازم اروح انام و انه لازم يروح يرقد علشان باجر مدرسه .. و بداخلي كنت خايفه مطر يدش و يجوفني انا و هو بروحنا حذرني من هالشيء ...مع ان الشخص الوحيد الي احس ارتحت له و ارتاح لي سعود
رحت حجرتي .. اتغسلت .. و انسدحت علشان ارقد ..مر علي موقف عايشه و مطر و سعود يوم يلح علي ما اخليهم ابروحهم ...موقف غريب ..حاولت ارقد بس سمعت صوت خفيف حسبت مطر ..بس محد داش و مر وقت سمعت مره ثانيه ضرب خفيف ع الدريشه يلست و حطيت ايدي ع صدري متروعه
و قلت : مطر ؟؟
فسكت الصوت كنت برجع ارقد مت من الخوف شو هلصوت و من وين ظاهر ..نقزت مره ثانيه يوم سمعت ضربه قويه ع الدريشه ..نشيت ابسرعه ووقفت ابوسط الحجره
و قلت : مطر ..؟؟؟

ماشي رد صرخت بصوت عالي يوم جفت ظل ايد ع دريشه حجرتي ..ربعت برع ابسرعه من غير شيله جني خبله و رحت الصاله ..صكرت باب الصاله و يلست انافخ من التعب ...حطيت ايدي ع راسي انتبهت اني مب لابسه شيله فرحت حجرة عزه ...دقيت الباب ..حمدت ربي لانها بعدها مب راقد استغربت يوم جافتني
قلتها : بتم وياج الين ما ايي مطر عادي ؟؟
ابتعدت عن الباب و دخلت سالتني : شو فيج ؟؟
يلست ع الشبريه و كنت بصيح : مدري اسمع اصوات برع حجرتي .. و شفت ظل اييد
عزه : يمه ..لا اتروعيني
قلتها بخوف : و الله
راحت صوب الكمبيوتر سالتها : سهرانه عليه
عزه : هي يالسه ارمس ويا رباعتي ع المسنجر ..
انسدحت ع الشبريه يلست اراقبها الين ما رقدت ..فتحت اعيوني يوم حسيت عزووه تهزني
عزه : نشي ميثه مطر يباج
فتحت اعيوني بكسل التفت صوب الباب من جفته يلست ابمكاني ..
مطر واقف عند الباب : شو اتسوين هني ..؟؟
بلعت ريجي ووقفت قلت عزه : عطيني شيلتج
مطر : تعالي محد بجوفج الناس رقود "و طالع عزه بنظرات " و روحي ارقدي انتي بعد
عزه اتطالعني بنظرات عتب : زين
طنشتها لاني كنت مصطله ابا ارقد مدري كيف وصلت حجرتي انسدحت ع الشبريه و غمضت اعيوني يوم مطر بند الليت
قلته بسرعه : لا تبنده انا خايفه
طالعني مستغرب و ياه انسدح ع الشبريه جدامي : شو فيج ..
قلته : تروعت من ساعه مدري منو يخوفني
طنش مطر: خبرتني عزه يتهيأ لج
قلته بعناد: لااااااااا انا متأكده ..انا خايفه
مطر : تعالي ارقدي جريب مني ..محد بخوفج
غصبن علي تجربت منه حسيت بالامان و رقدت ع طول بس بعدي خايفه من الحركه الي صار لي ...في اليوم الثاني كان هادي و مر ع طول ما صارت لي وايد مواقف مع مطر .. يمكن لانه كان راقد طول الوقت وقت ما نش طلع برع ما رد الا وقت العشى يوم ياي ياخذني بيت منيره انا و يدوه .. اما ام مطر و سعود و عزه راحوا مع طارق و حرمته ..
بيت عايشه كنت متعوده ادشه قبل ااياام ما كنت ازورها انا و سلمى .. الشيء الي اثر فيني يوم طاحت اعيوني ع سللمى ..و خالوه ..لاموني و عاتبوني بس ما قدرت اقولهم ان مطر كان حارمني منهم و لاسباب انا اجهلها بروحي ..كنا نحن الحريم يالسات في الصاله ...و الرياييل في الميلس .. صحيح كنت اسولف و اضحك معاهم عدا عايشه الي كانت ابروحها يالسه و معتزله ... بس حسيت اني افتقد مطر مدري لييش ؟؟
شكيت للحظه ان مطر كان يفكر مثلي و انه افتقدني ... لان دق قلبي يوم اندق باب الصاله ... و راحت عزه تفتحه ... عقب زقرتني : ميثه مطر يباج
حسيت قلبي بطلع من مكانه ...نقزت ع طول من مكاني ..
حتى علقت منيره : يالله من متى مب جايفتنه .
انحرجت يوم ضحكوا علي .. طلعت برع جفته يترياني ..
ابتسمت له من جفته : مطر ..
بس عرفت اني كنت اقص ع روحي يوم جفت نظراته وزخني من ذراعي بقوه ما كنت اعرف شو سالفته حتى سالته : شو ؟؟
نظراته كانت قويه روعتني سالني بخشونه : بنت خالتج داخل
هزيت راسي بمعنى هي رد لي بنفس النبره: كنتي تدرين من قبل و ما خبرتيني صح
بلعت ريجي و قلته : اصلا انا الي خبرت منيره تعزمهم علشان اجوفهم
شهقت يوم سحبني من ذراعي ..حسيت ابروحي غبيه اني خبرته بها الشيء .. طلعنا برع ما اعرف ليش جي سوا قلته اترجاه : مطـر ؟؟
ركبني سيارته وركب وشغل السياره و قبل لا يحرك زخيته من ذراعه : دخيلك دخيلك لا اتروح ..حرام عليك ..
طالعني بعصبيه : قلتلج ما اابااج اترمسينها
صحت : ما عندي بالدنيا غيرهم ليش تبا تحرمني منهم ..
عفد علي و حضن ويهي بشكل تملك : حطيني انا بس بدنيتج ما ابا حد غيري يكون موجود في حياتج
علامة تعجب و استفهام تترقص جدام عيوني ها مطر ؟؟ شو بلااه متخبل ؟؟ تميت اطالعه مستغربه ؟؟ غيره ولا انانييه ولا خايف من شي؟؟؟
حس مطر انه بالغ برده فعله و من تطلعين انتي علشان تحطيني انا بس بدنيييتج انا اصلا ما اباج ابا عايشه ..بس قلتها هاي الرمسه علشان سلمى ما تخربها اباها جي بريئه ما تعرف شي بالدنيا .. انا متاكد الحينه كل الي داخل الحريم محطين صبغ من المكياج الا ميثه و بعد بتكون احلاهم ...طردت هالافكار من بالي ابسرعه لاني حسيت ابروحي سخيف صديت اطالع برع ...
زخيت ذراع مطر قلته : عطني فرصه ..
طالعني بسرعه فنقزت لورا : اكثر عني جي شو تبين ؟؟
قلته بصراحه: معاملتك لي قاسيه . و فيها خشونه
هاجمني: لانج انتي غبيه و تستفزيني ..ميثه حطي في بالج شي واحد و هو الاكيد .. بتعيش معاي شرات باجي المعرسين مب اليوم باجر و فوق كل هاه بتزوج عليج و باخذ الي ابااهاا
ارتجفت من كلامه طالعته ما عرفت شو ارد عليه بللت شفايفي حسيت ريجي ناشف كلامه جارحه ..
امرني: نزلي روحي كملي وناستج عند بنت خالتج روحي "وصد عني "
نزلت من السياره ع طول و انا كارهه نفسي و كارهه مشاعري زين منو هاي الي متخبل عليها هالكثر .. و ليش ما تزوجها من اول ؟؟
دشيت الصاله ..كلهم كانوا يسولفون و مندمجين ..يلست ع طرف الكنبه ما انتبهت لـ سلمى يوم قعدت جريب مني زخت ايدي : ميثه
طالعتها عقدت حياتها : شفيج
همست : ماشي ..
سلمى مبتسمه: ما راويتني ريلج ابا اجوفه ..ما عندج صورته
هزيت راسي بمعنى لا ..
وقفت منيره : يالله تفضلوا العشى زاهب ..
منيره كانت مسويه بوفيه .. و محطيه طاوله و عليها العشى من كل نوع برع في الحوي ..ظهروا الحريم تميت ابمكاني يتني منيره: يلا ميثه شو تترين ؟؟
قلتها : بيي "بس ما كان لي خاطر بشي عقب الي قاله مطر "
منيره : لا تستحين كلهم اخوان عبدالرحمن و اخواني بس لا تستحين ..
قلتها : لا عادي الحينه بيي ..
منيره : اتريااج هاه "وظهرت "
تميت ابرحي بالصاله اطالع الفرااغ ..مدري ليش كرهت كل شي .. بغيت اتم ابروحي ..شويه اهدي من نفسي .. نقزت يوم تبطل باب الصاله ..خذت نفس يوم جفت سعود
سعود: وينج ادور عليج تعالي بخلصون عنج العشى
قلته: ما اشتهي ..
تجدم و قعد جدامي : شو فيج ؟؟؟؟؟
قلته : تعبانه شويه ؟؟
سعود : اكيد ها قالج شي
قلته بسرعه : لا
سعود : ميثه شو ها نتي
طالعته : شو ؟؟
سعود : الحينه انتي عروس و ياي عزيمه و كل الناس كاشخين الا انتي
انحرجت يوم قالي هاي الرمسه سكت عنه بس كمل : ليش ما تكشخين عيل ريلج كيف بحبج
حركت بيدي مب مهتمه : من قالك يحبني .. يحب غيري"ابتسمت بضعف" وعدني بياخذها
سعود متضايج: ما يقدر مستحيل ياخذها
التفت بسرعه : انت تعرفها ؟؟

ارتبك: لا شدراني فيه
طالعته : سعود انت تعرف شي
سعود : لا ميثه بس انا قصدي اذا اهتميتي فيه و كشختي و الله ما بجوف غيرج ..بس انتي موليه مب مهتمه بنفسج
يمكن يكون سعود ع حق ضربته براسه ع الخفيف : شدراك بهاي العلوم
سعود ضحك : ههههههههههههه ما تعرفيني بعدج
ابتسمت ووقفت : يلا زين نروح ناكل ..
سعود: اففففففففف شخص هناك يلوع بجبدي اذا جفته و انا ما ابا اجوفه اخاف اكل و ازوووع بويهه
تجززت من كلامه : سعود شو هاي الرمسه
سعود : هههههه و الله محمد ولد خالوه ما يموت و افتك منه
قلته : حرام لا اتقول جي ..
صخينا يوم سمعنا صوت مطر : ميثه ؟؟؟
التفتنا انا و سعود حسيت بنظراته نار ..بلعت ريجي و طالعت سعود ..ظهر اسعود من الصاله من غير ما يقول أي شي تجرب مني مطر : اموت و اعرف شو بينج و بينه
سكت عنه بعدني متضايجه منه خطفته كنت بظهر من الصاله بس زخني من جتوفي و فرني بدفاشه ع الكنبه حسيت جسمي بتكسر كنت بصيح بس عضيت ع شفايفي امنع عبراتي تنزل تجرب مني وزخني من لحيتني و خلني اجوفه و قال بنبره جديه: مب اناا الي اتطنش يوم ارمسج ولا ارمس غيرج
غمضت عيوني متألمه منه : شو تبا فيني خلني بحالي ..ما اتقول اتحب غيري
تجرب مني و قال : بس انتي زوجتي
طالعته بألم : مطر ارحمني ...دخيلك ..
حسيت هالكلمتين رققت قلبه علي لانه عدل بوقفته ووقفني معاه : تعالي نتعشى برع
كان جريب مني فصديت الصوب الثاني و همست : مالي نفس
مطر بعناد : بكون لج نفس
التفتنا صوب الباب الي انفتح كان شااب رد لورا ع طول و قال : اسف "وصكر الباب"
سمعت مطر يسب اول مره تطلع منه هاللالفاظ طالعته مستغربه وسالته : منو هاه
حرج علي : انتي تسالين عن كل شي
قلته : لا بس يشبهه ريل منيره ,,
تجرب مني مطرو قال : و الله و انتي من وين اتعرفين ريل منيره بعد ؟؟
مدري ليش ابتسمت يمكن لاني ابا اخفف الجو وقلت: انت نسيت كنت يارتها امممممممم عيل هاه فهد سمعت ان فهد ................ "شهقت يوم عفد علي حسيت بتطلع روحي "
انفتح باب الصاله صديت الصوب الثاني لاني كنت بصيح و مطر فج عني و ابتعد
بس سمعت منيره اتقول : ايه انتوا متفيجين يلا قموا ا تعشوا و عقب كملوا سوالفكم
مطر أمرها : زين صكري الباب
ما قدرت التفت لـ منيره كنت احس باحراج و حتىمطر حسيته مرتبك بس تم واقف بمكانه و اتريا منيره تظهر عقب قال : تعرفين فهد بعد
قلته و انا مقهوره : ما اعرفه ما اعرف حد بس ارحمني
مطر : عيل توج طريتي اسمه
قلته بعذاب: قلتلك سمعت انه يشببه ريل منيره بس ما قلتلك اعرفه و يعرفني ...انت شو فيك اليوم تحاسبني ع كل شي هذي مب حياه ..
سكت شويه كنت ابا اذبحها ياني شعور اخنقها بيدي يوم عرفت انها تعرف فهد بعد... طالعتها بنظرات عصبيه بس هي كنت اجوف بعيونها نظرات يأٍس و عذاب ... مديت ايدي لها
و قلتها : يلا تعالي انروح .. برع ..
وقفت وزخيت ايد مطر و انا بخاطري ارد البيت .. ظهرنا من الصاله .. زخيت ايد مطر .. جفت وايد اشخاص اتلومت ..لان شي رياييل اول مره اجوفهم .. ابتسمت لـ سعود يوم جفني ورد لي الابتسامه ..
تجدمت منا منيره : يلا تعالوا ..
وقفت حذال مطر كل واحد شل له صحن سالني : شو تبين تاكلين
طالعت الاكل جدامي كل شي لذيذ تجربت من اذونه و همست : كل شي خاطري فيه
طالعني من غير ما يبتسم و قال : احط لج ع ذوقي
هزيت راسي بمعنى هيه ...اول مره احس و نحن بوسط هالناس اني انا و مطر كنا بعالم روحنا .. يمكن مطر بدا يحس فيني ...
زخيت ايدها و كأني خايف لا تضيع مني .. مدري شو صار فيني .. .. قاعد اتلفت يمين و شمال اجوف منو يطالع ميثه بس كان الكل مندمج و يضحك ... طالعت طارق و سعود و فهد .. حسيت بروحي متخبل اليوم ...زخيتها من ذراعها وخذتها باخر طاوله ...اشفقت عليها يوم جفتها من ساعه متضايجه ... احس انا صرت مسؤل عنها و ما ابا ازعلها في شي ...خطفت بنظراتي صوب عايشه جفتها اتسولف و تضحك مع فهد و طارق مدري اذا كانت تتعمد تتجاهلني ...بس نسيتها يوم يلست ميثه بقربي ..
قلتها : يلا كلي
ابتسمت له : جنك حاس اني يوعانه
تجرب مني : انا بروحي ميت يووع
ضحكت : ههههههههه زين يالله بسم الله ...
نقزنا انا و مطر يوم سمعنا صوت يدوه من ورانا : يلي ما تستحي انا قلت بتعرس و بتنساني
وقف مطر بسرعه : و فديتها انا ..تعالي تعالي يللسي قربي
يدوه : تراني اراقبك جن حرمتك بتطير منك زاخنه و تحط لها العشى زين قول يدتي حرمه عوده و ما اتروم ..
ضحكنا انا و مطر ..عليها ههههههههههههه نش مطر من مكانه و راااح اييب لها عشى ... حطيت ايدي ع جتوفها دزتها : خوزي عني محد غيره علي غيرج
مدري ليش ضحكني كلامها تجربت منها و بستها ع راسها
..التفت لي : زين جني ظلمتج ..
قلتها : واااااااااااااايد ...
شويه و ياه مطر .. كل مجموعه يلسوا بـ طاوله و انا يدوه و مطر كنا بطاوله وحده ...اول مره نندمج انا و مطر و نضحك ويا بعض بس لان يدووه كانت تضحكننا بتعليقتها ... يعني صدق صدق مطر .. بها اللحظه انسان ثاني .. بس علشان يدته الي كانت مسويه لنا جو ...
كانت توصلنا تعليقات من الكل بس كانت يدوه ترد عليههم ... استانست و اتمنيت كل مره جي نتيمع علشان علاقتي بمطر تكون حلوه ..مثل هالليله ...عقب ما خلصنا .. وديت يدوه الحجره كانت تبا ترتاح و احشرت ويا مطر لانها بغت ترقد الليله عند منيره بس طبعا مطر ما قدر يرد طلبها .. وديتها حجرتها المخصصه لها في بيت منيره .. عقب ما رقدت ظهرت من الحجره ... جفت الحريم ردوا الصاله بس افتقدت سلمى ...
سالت عنها فقالت خالوه : جوفيها برع اظني ترمس بالموبايل ..
ظهرت من الصاله ..و نسيت تحذير مطر اني ما ارمسها بس هاي بنت خالتي و ماشي سبب مقنع يخليني ابتعد عنها ...
اتساندت باليدار يوم سمعت صوت سلمى اتقول حق مطر : ميثه ما اتعرف اني اعرفك ؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 18-09-2008, 08:44 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: انا حر ما أنهان و الحر ما يرجع لشخص يهينه .. بقلم معاني كامله


الفصــــــل الثالث والعشرون..

أعتذرلك..لأول مرة أعتذرلك...أنا غلطان..ومدري كيف أعبر لك...عن شعوري وانكساري..الخطا..ماهو اختياري..اعتذرلك..اعتذرلك


حطيت ايدي ع حلجي اكتم شهقتي الي كانت بتظهر من الصدمه ... الحينه عرفت شو السبب المقنع الي مخلي مطر يمنعني عن سلمى ...يعني سلمى الي يحبها مطر و متخبل عليها
مطر : انا ما يهمني كل الي اباه منج تظهرين من حياة ميثه ؟؟
سلمى : ليش خايف اتعرف
مطر و جنه طفر : خايف من شو ..انا ما في شي يخوفني بالدنيا ..
نقزت يوم حسيت بحركه من وراي التفت جفت اظني الي اسمه فهد يوم دش علينا الصاله حرج مطر منه امبلى هو ابتسم لي : شحالج حرمة اخوي ..
طالعته مستغربه انا حرمة اخوه ليش هو اخو مطر ..ما كنت متفيجه له كل الي في بالي اعرف شو سالفه سلمى و مطر شو من بينهم ...
فهد : اسفه اذا ضايجت بج بس كنت بدش الصاله و جفتج بدربي
رديت لورا لان نظراته زيغتني لصقت باليدار و قلت : لا عادي
التفت و طالع سلمى و مطر و رد طالعني : الله ييعينج
طنشته : ع شو ...؟؟
فهد : احسج متضايجه
رفعت جتوفي كنت بقوله عادي بس ما رمت انطق و اقص عليه لان بداخلي ابد مش عادي ..التفتنا انا و فهد لباب الصاله يوم انفج و ظهرت عايشه تفاجأت يوم جافتنا وقفت ابمكانها عقب
قالت : ما شاء الله مسرع ما تعرفتوا
كرهت نبره صوتها حسستني اني وحده مب متربيه ... كنت بدش داخل بس
فهد قال : جفتها بالصدفه ..و قلت اسلم عليها
عايشه : و باي حق اتسلم عليها اختك ؟؟ و امك ؟؟
ارتبكت و قلت : ما في داعي حق كل هاه ...
فهد رفع ايده : اوكى انا اسف اسف احس اني واقف وياكم بالغلط برد مكاني احسن مع السلامه ..
جفت فهد يروح الميلس عند الريايييييييل ... طالعت صوب مطر و سلمى كانوا مندمجين بالكلام حسيت قلبي يتقطع من داخلي عطيتهم ظهري كنت بدش الصاله بس جفت عايشه واقفه بويهي
قلتها : نعم ؟؟
عايشه بنبره غيض : انا وايد اكرهج ..؟؟
ارتجفت من الخوف و تفاجأت من كلامها قلتها : انا شو سويت لج ..
رفعت جتوفها : جي من الله ..
كنت بمشي داخل بس دزتني من جتوفي ووقفتني : انا ما خلصت كلامي ..
كنت اطالعها مستغربه من تصرفاتها . كملت : شو قالج فهد ؟؟
قلتها : ماشي سلم علي ..
عايشه تتطنز: هاه يعني مالحق يتعرف خربت عليكم ...
تجاهلت كلامها و التفت لـ سعود يوم قال : ميثه تعالي بخبرج شيء
عايشه : حتى سعود لاااااااااااااااااااااااااه انتي خطيره ...
طالعتها بنظرات عتب و لوم .. و صديت عنها بس جفت سعود متجرب منا و ع طول فاجأني يوم هاجم
عايشه و قالها : انت شو فيج ..؟؟
تجتف عايشه : شو بعد اليهال قاموا يرمسون ..
حرج سعود : محد غيرج يا الصايعه ..
شهقت وزخيت سعود من ذراعه ابعده : تعال تعال اسكت عنها ..
عايشه تضحك : ههههههههه ليش اهلك شو يطلعون جدامي فديتك ..
صدق ما توقعت هاي البنيه جي تصرفاتها تصرفات بنات شوارع ..
سعود : خليني ساتر عليج .. احسن
ما عيبني كلام سعود فحذرته : سعود بس خلااص ..
صخينا يوم سمعنا حس مطر واقف ورانا : شو مستوي هني ..
طالعته بنظرات و طالعت سلمى بنفس النظرات و كنت بروح داخل بس وقفنـي كلام
عايشه : ماشي نسولف جفت فهد يسولف ويا ميثه قلت اشاركهم بس ما لحقت .."و ابتسمت " خساره ..
ما قدرت اتحمل الموقف شليت ابعمري و دشيت داخل يمكن اهرب من مطر بس كل شي فضيع ... رحت سيده داخل الحجره عند يدوه ..كانت يدوه راقده .. يلست صوب التسريحه عالارض و صحت ...سمعت الباب ينفتح .. بس ما اعرف منو دش علي ..ما رفعت راسي اجوف منو لاني خفت لا يككون مطر بس ارتحت يوم سمعت صوت منيره : شفيج ميثه ؟
رفعت راسي و مسحت دموعي بسرعه انا ما احب حد يجوف دموعي ابد ...سكت ما كان لي نفس اسولف .. تميت ساكته ..
هزتني منيره : شو مستوي
قلتها : مضايجه شويه
منيره : من شو ؟؟ من مطر
قلتها ابسرعه : لا لا مطر ما يخصه
منيره : عايشه ولا سعود ولا عزه ..امممم "ابتسممت " طارق مستحيل لانه طيب و ما يزعل حد
قلتها : مقهوره من معامله عايشه لي انا ما سويت لها شي علشان تعاملني جي
منيره : قلتلج في البدايه تحمليها ..ولا طنشيها ها دواها ....هالبنيه كل مشاكل
قلته : ادري " و في بالي علاقه سلمى و مطر "
انفتح الباب و دشت سلمى صديت الصوب الثاني
سلمى : ميثه انتي فاهمه الموضوع غلط
منيره : شسالفه ؟؟ شو مستوي
سلمى : ما شي بس ميثه
طالعت سلمى بنظرات اباها تسكت لان منيره لو عرفت عادي تحتشر حق مطر عقب برد اللوم كله علي و بذبحني ..فهمتني سلمى و سكتت ..
منيره طالعتني و ردت طالعت سلمى: شو فيها ميثه
قلت ابسرعه : مثل ما قلتلج عايشه تضايجني شويه ..
سلمى : منور هذي من وين يايبينها عفاني الله نفسها خايسه ..
قلت بخاطري كلكم نفس الطينه ولا سلمى و عايشه شو فرق من بينهم ...دشت علينا عزه
علت صوتها : طححححححححت عليكم ..
منيره : اششششششششششش يدوه راقده ..
قلت بقلبي مب ابعيده اتكون متعمده
اونه عزه حطت ايدها ع حلجها : سوري بس ما ادري ..بس مطر يبا ميثه بتروحون
بلعت ريجي و دق قلبي بقوه .. طالعتهم حسيت اني تايههه بس جبرت نفسي ووقفت ...
منيره مستانسه : عيوززنا اليوم بترقد عندنا
طالعت عزه و قلت : بترتاح عيل اليوم
عزه طلعت لسانه و صكرت باب الحجره ... ضحكنا انا و منيره بس سلمى كانها في عالم ثاني ..
سلمى : ميثه بتوصليني انا و امايه ترا انا مب يايه بسيارتي
بعد تبا مطر يوصلها حسيت اني مطعونه بخنجر بوسط قلبي ..حسيت بعمري حزينه بس غصبن علي
قلت : خليني اجوف مطر
ما دريت سلمى جي قوية عين .. ظهرنا كلنا من حجره يدوه ...
ام مطر : شو عندكم مندسين داخل
عزه : يحشون فينا عندهم سالفه غيرنا
منيره : استغفر الله ...
عايشه : الله يستر عيل شو مخططين لنا ..
مدري حسيت كلامهم كله موجه لي..ظهرت من الصاله و كانت منيره لاحقتني ...مطر كان يترياني برع ..بالحوي .. ما قدرت احط اعيوني بعيونه ابصراحه كنت خايفه و بنفس الوقت مقهوره من حقارته و حقارة سلمى ...
منيره : هالله هالله فيها تراها متضايجه..
ما رد مطر ..قلته من غير ما اطالعه : سلمى و خالوه يبونك توصلهم البيت
مطر بكل وقاحه : مب فاضي يلا طوفي جدامي
انحرجت جدام منيره الي قالت : مطر شو هالاسلوب ..شو تتحرا روحك قاعد في الدوام ...
مطر : مشكوره ع العشى و ع اللمه الحلوه و ما بنساها لج ...
ابتسمت منيره : عبدالرحمن فديته كان يبا يراضيك ويا فهد ...
مطر زخني من ايدي و قال : يزاكم الله خير " مب جنه يتطنز و كمل" بس انا و فهد تراضينا من زمان ...
منيره : زين احسن و الله مب حاله كل واحد متضارب ويا الثاني ...
نقزنا يوم ظهر ريال شيبه من ميلس الريايييل محتشر : مطر مطر
مطر يتحرطم : سم يسمك يا الدرام
بطلت اعيوني و طالعت منيره الي قلت : عيب ها ريل خالتك
مطر : ما يموت بعد
رد يزقر مطر : مطر ..مطـــــــــــــــــــــــر
التفت له مطر من دون ما يرد عليه قال الشيبه : تعال جوف اخوك ..لا يحترم صغير ولا كبير ...
مطر و جنه ماسك اعصابه : شو سوا سعود ..
منيره : مطور دخيلك روح سكته ما نبا مشاكل ..
ظهر عبدالرحمن من الميلس ووراه فهد اذكر مره قالت لي منيره ان فهد طالع ابشقه ابروحه و متضارب معع اهله عيل كيف اليوم موجود بالعزومه ..؟؟
عبدالرحمن : تعال دش يبه حصل خير ..
مطر التفت صوبي و عطني مفتاح السياره : روحي السياره بجوف هذيلا شو سالفتهم ..
سلمت ع منيره و طلعت .. يلست اعاابل ما قدرت افتح باب السياره . اخيرا فتحت باب السياره .. اففف ما اعرف كيف يسوقون هذيلا ..يلست بالسياره ابصراحه كنت احاتي سعود اخاف مسوي شي .. و مطر يحرج عليه ..شويه انفتح باب بيت منيره و مطر زااخ سعود من رقبته و ركبه السياره بغيت احتج و امنعه بس ما قدرت لان مطر معصب و خفت لا يجتلني ورا سعود ..
صخيت يوم ركب مطر و حرك السياره ... و تم يضارب سعود الي موليه ما رد على مطر .. وصلنا البيت نزلنا و مطر رجع وزخ اسعود من رقبته ...و دخله البيت ابصراحه ما هان عليه سعود ..تدخلت غصبن علي ..
مطر : مليون مره قلتلك بسنا فضايح من صوبك ..
سعود و فيه غبنه : هو الي بدا
مطر يعلي صوته : بس ها الي فالح فيه هو الي بدا ؟؟؟
سعود : قولوا له لا يتحرش فيني ..
زخه مطر من رقبته شرات ما يستوي فيني و دزه صوب اليدار : ثاني مره اذا اشتكوا لي منك حتى لو مب كنت الغلطان بدفنك
عفدت صوب مطر اهديه : مطر خله بتذبحه
طنشني مطر : تسمعني
سعود تم ساكت صرخ عليه مطر حتى انا بروحي نقزت : تسمعني
سعود بصوت ضعيف : هيه
قلته : هده زين بتخنقه حرام عليك
جنه مطر توه انتبه لي فدزني بعيد طرت جني ريشه ..
فاجاني سعود يوم قال : لا اتمد ايدك عليها
مطر محرج : نعم شو خير شو قلت ؟؟
انفتح باب الحوي و دشت ع طول ام مطر و جنها اتعرف ان مطر بضارب سعود فدشت من بينهم و دزت مطر وقالت : خل اخوك بحاله اياني و ايك تضربه مره ثانيه ..
مسح مطر ع شفايفه بعصبيه حسيته شرات المجرمين جفت روحي اروح حجرتي ابعد نفسي عن المشكله و دام تطمنت ع سعود بالمره .. بس وقفت ابمكاني يوم جفت مطر يعفد ع سعود من رقبته و يدزه بقوه روح حجرتك .. ربع سعود داخل و جنه وايد كان متألم غمضني حيل حسيت بصيح علشانه مطر وايد جاسي ما يرحم لا صغير ولا ككبير

طارق: مطر الله يهداك يعني ما تعرف ان محمد دوم يتحرش بـ سعود
ام مطر : بس فالج اتمد ايدك ع اخوانك يا ليته ابوك حي يجوف سوالف مسود الويه ..
طالعني مطر بنظرات نقزت وررديت لورا ولا جنه طارق و امه يرمسونه .. جنه ياه دوري ربعت حجرتي ...مطنشه عايشه و عزه الي كانوا يراقبون الموقف ...
فريت عبايتي و شيلتي و ربعت الحمام .. اتغسلت و يلست فتره .. بس ما سمعت صوت جنه مطر ما ياه الحجره .. شو ها البيت كل مشاكل عفاني الله .. حلاته بيتنا بس انا و ابوي الله يرحمه و محد يدري فينا .. مب شرات هالعايله غمضني سعود ..وايد .. حسيت ان مطر خلااص جنه رجع و طلع ..ظهرت من الحمام .. بس تفاجات يوم جفته يالس ع الكنبه .. يطالع التلفزيون بس ما كان مغير ملابسه وقفت عند باب الحمام شويه كنت خايفه منه بس ..بس ما قال لي شي طنشني بعد يت منه ولا مني ...
كان في خاطري اواجهه بعلاقته بـ سلمى بس ما عاد يهمني اصلا ها الانسان مب له موقع في قلبي .. حتى لو كان ريلي الظاهر هاه طبعه و اسلوبه ..
طارت كل افكاري يوم سألني فجأه : فهد شو كان يباج ؟؟
استهبلت عليه : منو فهد
طالعني بنظرات طيحت قلبي من مكانه .. فقلت ابسرعه : ما جفته ما جفت حد ..
وقف و ياه صوبي عفدت فوق الشبريه .. وقف ابمكانه يوم جافني فوق الشبريه امرني : نزلي ..
بلعت ريجي بصعوبه و قلته بخوف : ما جفت حد ولا حد ...
صك ع اسنانه : جذابه و بعدين تعالي انت شو يخصج تدافعين عن سعود هاه ..
سكت وقلته : مب وقته تعاتبني انت وايد معصب و حتى انا ابا اعرف شو بينك و بين سلمى ..
صرخ علي : ما يخصج ..
قلته بعذاب: يعني سلمى الي تحبها الحينه هاي الي ميت عليها و تبا تاخذها علي ..
قال باصرار : هي ابا سلمى... علشان جي ابا اقطع علاقتج فيها
كنت بصيح بس مسكت روحي و قلت : يا الظالم ليش تزوجتني ..
هز جتوفه و ابتسم و جنه يبا يقهرني : عيبتيني ..
صدق عرف ينرفزني سكت عنه فقال : انزلي من فوق يا الياهل ...
قلته : شو تبا فيني . "كررت بغيض".عندك سلمى شو تبا فيني
صرخ علي جنه طفران : بس عاااد من حلاتها بنت خالتج
بطلت اعيوني : انت يعني اتقص عليها تلعب ع الحبلين
مدري ليش فجأه انجلب و تم يضحك : هههههههههههههههههههههههههههههههههه
كرهت حركته وايد... فشليت الوسايد و قمت افره بكل غيض ...بس هو كان يتحرك و يتفادها ..
قلته : انت اوصخ انسان جفته بحياتي ..
زخ الوساده و قال : بعد ..
قلته من كل قلبي : انا اصلا ما يشرفني اتكون انت زوجي و الحمدلله حطيت حد بيني و بينك
قال ابرود يستفزني : طلعي طلعي الي بخاطرج
قلته : ما لك علاقه ... "اتعمدت انرفزه فقلت له " هي رمسة فهد ابصراحه انسان راقي و انظف منك ..
شهقت يوم جفت يعفد صوبي نقز فوق الشبريه و اظني انكسرت بس انا نزلت من الصوب الثاني بس ما قدرت ابتعد اكثر لانه كان الاسرع .. زخني من شعري حاولت ابعد عنه بس قعد يهززني بكل غيض ندمت اني قارنته بـ فهد ما دريت انه جي بتخبل صحت متأسفه ع حالي ...
لصقني بالكبت و قال بغيض : منو انظف مني ..
طالعته و انا اصيح ما قدرت ارمس ولا انطق بحرف ..انا كنت عارفه ان اليوم ما بمر ع خير ...
رد سالني و عيونه تشب نار : منو انظف مني ..
قلته و انا اصيح : محد محد
صرخ : لا قولي منو ؟؟؟ سمعيني ..مره ثانيه ما سمعت ..
سكت و قلته : ما ابا اعيش معاك بروح بيت ابوي ..
ابتعد عني و جنه متجزز يوم طريت بيت ابوي فقال : ما عليه باجر بكون في المحكمه مع اخوج و انا بعد ما اباج و زولي بيت ابوج
وظهر يلست ع الارض اصيح بعذاااب .. حيوان **** ما تستحي ع ويهك تمد ايدك علي و انا توني بس متزوجتنك ...نشيت و انا احس بروحي متكسره ... رحت الحمام تغسلت و ظهرت اول ما طلعت سمعت صوت شي يتكسر ...تروعت .. خفت وايد ... تذكرت البارحه شو صار لي و اليوم نفس الشيء ..وقفت ابمكاني اطالع صوب الدريشه .. جفت ظل بس هالمره مب ايييد لا شي يروع ما عرفت ظل شي راس ولا شعر ولا شو ..صرخت بصوت عالي .. و انا توني متألمه من مطر زادت جراحي من الخوف ربعت برع ابسرعه من دون شيله رحت صوب حجره عزه دقيت الباب بس ما فتحت لي
قلت بصوت يرتجف: عزه انتي راقده
عزه : الحينه برقد ما ابى حد يزعجني ..
صحت و قلته بخوف : انا خايفه افتحي
عزه : بنااااااااااااااااااااااااااااام ما تسمعين ..
تلومت اروح حجره سعود اتذكرت حجرة يدووه فاضيه و انها بترقد في بيت منيره .. رحت حجرتها و تغطيت تحت اللحاف ..حسيت راسي يعورني مكان زخ شعري مطر ... لفيت شعري و حاولت ارقد بس ما قدرت .... ما اعرف كم الوقت حتى نمت .. نقزت من مكاني وصرخت يوم سمعت صوت ...ع بالي نفس الاصوات الي سمعتها في حجرتي برع ..بس مطر حط ايده ع حلجي علشان محد يسمع صراخي
همس: انا مطر شو فيج ؟؟
تنفست بصعوبه طالعت حولي انا وين تذكرت اني في حجرة يدوه ... خذت نفس طويل خذت نفس كنت ارتجف
مطر : شو فيج ؟؟ شو اتسوين هني ..قاعد ادور عليج شرات المينون
قلته : انت صج مينون
شفت ملامح ويه و جنه غلط يوم قالي هالعباره و انجلبت ملامح ويهه جد و رد
سألني : شو اتسوين هني ؟؟
قلته بعذاب: مدري منو يروعني بحجرتك اخاف اتم ابروحي هناك
مطر عقدت حياته : منو يعني
تذكرت الظل الي جفته فنقزت وزخيته من جتوفه : مطر شي يروع انا اخاف اخاف ..
رديت لورا يوم قال : زين دام جي كل يوم تروعي علشان تلصقين فيني جي ..
تذكرت الي سواه فيني .فقلت : روح حق سلمى ..
وقفت لصق فيني و قال : روحي انتي حق فهد "يتعمد يهزئني"
طالعته و قلته : انا مب شراتك انا وحده متربيه "سكت "............
مطر: زين كملي انا و احد مب متربي عادي قوليها .."زخني من ذراعي ورص عليها" منو علمج هالاسلوب ما كنتي جـي لحقتي تاخذين كورس من سلمى
غمضت اعيوني متالمه : بسك مطر
فج ذراعي و قال بنبره جافه : يلا طوفي الحجره
يلست ع الشبريه : انا بنام هني ..
مطر : انا وياج ما بتخافين
قلته من دون ما اطالعه : ما اباك ...انت ابروحك قلت بعد ما تباني ..و انت بعد اتخوفني
مطر معانند : طوفي جدامي ..
هزيت راسي بعناد : بتم هني روح ابروحك ..
((وقفت و ابتعد حسيت اني عطيتها ويهه وايد و مصختها اني قاعد اترجها قلتها : كيفج تمي هني ابروحج ..
عطيتها ظهري و قبل ما اظهر اتعمدت اطفي ليتات الحجره و صكرت الباب ..كتمت ضحكتي يوم سمعت صراخها و شويه انفتح باب حجره يدوه التفت صوبها
وقلتها : نعم
ارتبكت و قالت : انا بروحك معاك اخاف اتم ابروحي
تطنزت عليها : لا تمي ابروحج ما تبيني ترا ..
جفت بعيونها حيره نظراتهاا عيونها تخبل فيني حتى يوم تسكت و ما تبا اترد اتجنني ..خفت صجج لا اتغير رايها و اتم بحجره يدوه زخيتها من ذراعها و قلتها : يلا انروح ..))
سرت معاه حجرتنا سالني : وين تسمعين الصوت
تذكرت فلصقت فيه قلته : تتعمد تذكرني تبا تخوفني
ابتسم : لا صدق وين الصوت ابا اعرف انا بحياتي ما سمعت اصوات
ذكرته : اجوف ظل بعد "تذكرته وقلته " يروع مطر
ابتسمت بداخلي اتخبل بي يوم ترمس شرات اليهالوه : وين انزين
خذني ورا الحجره بس انا ما خليته يكمل : لا لا اخاف تعال نرجع انت مينون مطلعني بها الحزه
مطر : خوافه
دشينا الحجره ..وقفت اجوفه يبدل ملابسه و كان بدش الحمام لحقته وقف و طالعني : شو ؟؟
بلعت ريجي : بتخليني ابروحي هني ؟؟
مطر رفع حياته : تبين تدشين معاي الحمام
انحرجت منه بس هو مصخها و جنه ما صدق : تعالي انزين
ابتعدت عنه فضحك : ههههههههه
قلته : زين لا تقفل الباب خله مفتوح
مطر : لا و الله يمكن تدخلين علي و انا بوضع ............
قاطعته و انا متلومه منه : انته ما تستحي ...عييييييييييب
مطر استهبل عليها : صج بعد شو ..
قلته و رحت صوب الشبريه : المهم خل الباب مفتوح لا تقفله
صكر الباب مطنشني ...يضحك و يسولف ناسي شو مسوي فيني اليوم في بيت منيره ...احترت بامري اتطلق منه و اعيش في بيت ابوي ولا اعيش بيت سلمى مستحيل ..احس سلمى جرحتني جرح ما انساااه .. ما حسيت بمطر يوم ظهر من الحمام لان رقدت ... قمت الصبح اول مره اججوف مطر مو موجود ؟؟ مدري وين سار ... قمت تغسلت و رحت الصاله ..محد كان موجود صح يدوه راقده في بيت منيره و اممممممممممممم عزه و سعود اكيد في المدرسه و ام مطر يمكن راقده ..
كنت بطلع بس وقفت يوم سمعت عايشه ترمس ع الموبايل و ظاهره من حجرتها .. عطيتها ظهري اكمل طريجي ..كنت بروح المطبخ ادور شي اكله
سمعتها تمشي وراي و اتقول : شو ان شاء الله رقدتي زين الليله الي طافت
التفت اطالعها و قلتها : ترمسيني ؟؟
اتلفتت بشكل غبي اونها تدور وقالت : منو غيرنا هني؟؟
خذت نفس و قلت اروح اكمل طريجي بحال سبيلي احسن من سخافتها و الله ثجيله دم من صباح الله خير .. ييرتني من جتوفي و خلتني التفت لها : انا ارمسج جي تعطيني ظظهرج
قلتها : شو تبين فيني ..انا من دخلت البيت ما جفت خيرج ..
عايشه لوت بوزها : منو يحبني بها البيت غير واحد فديت قلبه و روحه
قلتها : الله يهينج وياه
حسيتها تضايجه : كيف و انتي ؟؟؟
بطلت اعيوني : شو فيني انا ؟؟
حاست بوزها مره ثانيه و قالت : انتي كنتي تعرفين مطر قبل ..
سالتها : كيف يعني قبل
عايشه : افففففففففف انتي ما تفهمين ابسرعه قبل يعني قبل ما يخطبج
قلتها الصدق: هي عيل كيف خطبني
استغربت يوم تغيرت ملامح ويها سكت اطالعها مدري ليش عصبت : كيف يعني تعرفين وين
سالتها : منو ريلي ولا ريلج
حسيتها بتتخبل بس صج بغيت اتاكد لا يكون تتحرا اقصد طارق عيل ليش تعصب جي ..
عايشه رفعت طرف شفايفها : تستخفين دمج انتي ؟؟
خذت نفس طويل قسم بالله مليت منها قلتها : يوعانه بروح ادور شي اكله وايد بطولين معاي
عايشه : انتي ع شو جايفه نفسج
حسيتها مقهوره مني بس مدري ليش قلتها : تعرفين فيفي عبده ؟؟
بطلت حلجهاا مستغربه ابتسمت و قلتها : تذكريني فيها يوم تحيسن بوزج جي "و قلدها و عطيتها ظهري "
كملت طريجي صوب المطبخ بس سمعتها اتقول : و الله انج ما بتعيشين ويا مطر فتره طويله و ها ويهي
دق قلبي بقوه و خوف ليش اتقول جي هي اصلا باي حق تحكم ع حياتي و حياة مطر ..صح مطر ما يباني بس هو شو يخصها الظاهر جي طبعها تدخل بكل شخص ...تريقت و خلصت و رحت حجرتي يلست اجلب قنوات التلفزيون احلى شي بالسالفه اني نسيت كلام عايشه الخبله ..ولا اثر فيني بس يبقى شي يشغل بالي ليش عايشه جي اتعاملني ...


يلست اجلب قنوات التلفزيون بملل فضيع .. لو كانت يدوه موجوده كنت رحت يلست اسولف معاها و اضحك وياها حتى عزوه و سعود في الممدرسه كنت سليت روحس معاهم عقدت حياتي و طالعت الشبريه مكان يرقد مطر وينه رايح من الصبح دوامه مب اليوم ...خذت نفس ..وظهرت من حجرتي هالحزه بييون من المدرسه .. شميت ريحة اكل خبال .. رحت صوب المطبخ .. دشيت جفت ام مطر مندمجه قاعده تطبخ
قلت : احم احم
التفت صوبي : صح النوم
عقدت حياتي .. شكلها محرجه مني بس ابتسمت و دشيت : و الله ناشه من الصبح ..و تريقت ما لقيت حد موجود ..
سكت و كملت طبخها حطيت ايدي ع خدي اراقبها و قلتها : ريحة طباخج بتخبل فيني ..
طالعتني وردت تعابل بطباخها قلتها : و الله عموه لو اطبخ سنه ما اروم اظهر ريحة طباخي جي عيل كيف طعمه
فاجأتني ابتسامتها و قالت : علمج مطر كيف اتسايريني هاه
ما فهمت شو قصدها بس قلتها بصدق: و الله طباخج يخبل ..
يلست جريبه مني و يلست تقطع الطمام: عيالي ما يطيعون ياكلون من طباخ الشغاله متعبييني
قلتها : ما ينلامون
ابتسمت : هي و الله بس تعب كل يوم متقيده عشى و غدا و ريوق .. فديت طارق ولدي ما يظهر من البيت الا بالاول اوكله بيدي
تذكرت فقلت : الصبح جفت حرمته هي تشتغل ؟؟
ام مطر اشرت بيدها مب مهتمه : اونه عليها مراجعه في العياده ترا هي حامل .. ولو مب حمالها كنت طلقتها من زمان من طارق
تروعت مب لها الدرجه متحكمه بقرارات عيالها يمه خاف اطلقني من مطر
ام مطر : بس لو علشان الي في بطنها ..
خذت نفس طويل..فاجأتني يوم قالت : البيت هدوء يوم العيوز محد ..
ابتسمت : هي و الله افتقدها
وقفت و جنه مب عايبنها كلامي : اتولي مدري متتى تموت
قلتها : حراام ..
طالعتني : انتي ما تعرفينها انا الي كنت من صغري من خذت ولدها عشت معاها راوتني الوان العذاب الحينه بس يوم كبرت خفت
ما اصدق يدووه جي بالعكس امبين عليها طيوبه ..
سالتني : مطر ما اتصل فيج عيل
قلتها : لا الظاهر عنده شغل طالع من الصبح ..
صخينا شويه نقزنا يوم سمعنا زعيج عززوه في الحوي .. ربعنا انا و ام مطر ..جفنا سعود قاعد يشوتها .. وقفت متروعه سعود كل يوم عن يوم اجوف فيه تصرفات تفاجأني ... حطيت ايدي ع حلجي .. بس ام مطر تصرفت دزت سعود ..وقفت عزوه بسرعه و اندست ورا امها تصيح
ام مطر: بس كل تضاربون خبلتوا فيني ..
سعود: هذي بنتج قليلة ادب .. مب متربيه
عزوه تمسح دموعها و تزاعج عليه: جوف حركاتك ما يخصك فيني ..
ام مطر ضربته ع جتوف: اص ولا كلمه لا ترمس عن اختك جي .
سعود: شو اتسوي واقفه برع "و كان برد يضربها بس امه دزته بعيد "
عزه: كنت بدش البيت شووووووووووووو واقفه برع ما يخصك فيني ..
طالعتني ام مطر : جفتي يوم اقولج العيال مب مريحيني .. "يلست تضرب براسها" كل يويم ضرابه كل يوم مشاكل حسبي الله عليكم ..
رديت لورا خطوه خايفه شو ها الجو شو ها العايله انا الله وين حطني ما احب هالمشاكل ..انا ..
سعود: طلعوها من المدرسه
ام مطر : خييييييييييير شو قلت
عزه: انت نسيت شو مشاكل بعدك امس ضاربنك مطر ..
.. انفج الباب و كان مطر .. بلعت ريجي و نددمت الف مره ليش ما رحت حجرتي .. وقف متفاجأ يوم جاف عزه تصيح و شعرها منكوش و واقفه ورا امها و سعود شكله محرج ..
مطر : شو السالفه صوتكم واصل برع ..
ام مطر : ماشي ماشي .."ودز عزه و سعود" يلا روحوا داخل
عزوه ردت اتصيح : ماشي ما بروح مطوووووووووووووووور و ردت اتصيح
بطلت اعيوني اطالعها ؟؟ جفت سعود مب جنه لي كان محرج من شويه ...
عزه تتشكى : قاعد يضربني .. جوف شو سوا بشعري ..
سعود : هي كانت ...................."صخ "
ع طول مطر طالع سعود بنظرات غيض .. احسه مرات يكرهه و الله ليش جي يعامله .. عيل عزه نست شو اتسوي بيدووه .. نقزت ام مطر وزخت سعود من جتوفه : رووح حجرتك رووووووووح
ربع سعود داخل حسيت براحه ان اسعود اختفى ..عادي يجتله مطر ..اعوذ بالله من شره يوم يحرج هالانسان ...
مطر: شو مسوي ..سعود؟؟
ام مطر : ماشي ..روح حجرتك ..الحينه بحط لكم الغداء ..روح
عزوه: ضربني .. اسال ميثه شو سوا فيني
طاح قلبي من مكانه يوم طرت اسمي و انا شو يخصني ...حسيت الدنيا تدور فيني يوم طاحت اعيون مطر علي .. "فديتها مدري ليش داش و انا مشتاق لها جني مب جايفنها زمان و متحسف اني ضربتها امس "
جفت نظرات مطر علي كانت عاديه مب محرج مني تطمنت و علشان جي قلت : انا ما يخصني ..
عزه: طبعا انتي سعود ما ترضين فيه ليل و نهار مجابلتنه تلعبين وياه بلاستيشن لكن لو انا عادي
مطر بنبرات تحذير: عزه
صخت عزه و طالعته عقب كملت: و الله ميثه ما ترضى فيه لازم بدافع عنه .
ام مطر : يمه "ويرتني من ذراعي" ريوح حجرتج .هذيلا دوم جي يتضاربون ..
انقذتني ام مطر يوم خلتني اروح .. عقب ما حسيت مطر حرج من كلام عزوه الله يخس ابليسج عيل ما تبين اخبره شو اتسوين حق يدوه .. دشيت حجرتي و قلبي ياكلني ع سعود .. اخاف مطر يضاربه حرام الا سعود و الله انه طيووب ..
تاخر مطر برع وايد مدري شو يصير ... تمنيت اعرف ... لبست شيلتي و كنت بظهر بس انفج باب الحجره و كان مطر وقفت ..ابمكاني تميت ااطالعه و يطالعني بنظرات غريبه .. فسخت شيلتي و رديت يلست ع الكنبه .. فر الاوراق ع الطاوله و قال بغيض : شو سالفتج انتي ويا سعود
انا ادري انه ما بطوف السالفه ع خير ..الله يخس ابليسج يا عزوه
قلته ببرود : ماشي سوالف ..
مطر محرج : لا تقعدين تستهبلين علي ..
سكت خفت اذا نطقت يصنطرني كف ع ويهي ..كمل كلامه : كلهم ملاحظين انج انتي و سعود علاقتكم غير ..
صديت عنه الصوب الثاني اول مره احس ان مطر صج ما يعرف يرمس ..
قال بغيض: البارحه ويا فهد و اليوم سعود .. شو سالفتج انتي
قلته بقهر: بعدني ما نسيت سالفتك مع سلمى ..
قال و جنه متجزز : سلمى !!!
وقفت كنت بروح برع لاني ما اطيقه يوم يحرج من اهله و يطلع حرتي فيني بس شهقت يوم دزني و ردني مكان ما يلست بلعت ريجي و طالعته بخوف : مب كل مره بتمد ايدك علي و بسكت عنك
رفع حياته : راويني شو بتسوين ؟؟
تجرب مني خفت منه و تنفست بصعوبه اجبرني اني اطالعه قلته بعذاب: لا ادخلني بمشاكلك ويا اهلك
قال ابرود: قصدج سعود
قلته: سعود ولا غيره ...
رص ع ذراعي بقوه تميت ساكته و متحمله الامه كان يتعمد يعذبني بس انا مو من طبعي اصيح جدام أي حد ما تحملت زخيت ايده احاول ابعده عني بس ما قدرت انجبرت اطالعه
قلته بعذاب: فج عني انا ما ابااك ..
حسيته كان يتلذذ بعذابي كرهته و كرهت نظراتنه الي كانت تحسسني بضعفي ...ما صدقت يوم بعد ايده عني مدري أي ردت فعل يتني من غير قصد او يمكن غيض رفعت ايدي و صفعته بكل قوتي ..حسيت ان النار الي فيني بردت ... ما سدني حسيت وحش صغير انولد بداخلي عفدت ع ايده الي زاختني و عضيته بكل غيض جني ابا اشلع لحمه ..ما هديته الا يوم حسيت يرني من شعري دزني بعيد عنه و يلس يهز ايده بقوه متألم ...حسيت بانتصار بس بعد
خفت من نظراته كنت بهرب منه لاني عرفت انه تألم بس ياليته يعرف شو يعني ألم .. فاجأتني صفعته الي انردت لي و كانت اقوى اقوى بوايد من صفعتي للدرجه ان الدنيا دارت فيني .. للحظه جفت كل شي سواد جدام اعيوني طحت ع الكنبه و صحت بصوت عالي متألمه من ضربته ...
فر علي الاوراق الي كان شايلنها و قال بعصبيه : خذي بيت الخرابه الي تبينه ..
يلست اصيح بصوت عالي يوم دش الحمام حسيت ان نار تشب بويهي اثار ضربته ... هاي ثاني مره يمد ايده علي .. و انا هالانسان خلااص ما اباه ... طاحت اعيوني ع اوراق الي كان شايلنها يعني كان طالع اليوم علشان شغل المحكمه مع جمال اخوي ...
ما قريت الاوراق بس شلتها بيدي و حطيتها ع الطاوله و رحت صوب الكبت اظهر ملابسي .. خلااص ها الي اباه بيت ابوي و صار عندي ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 18-09-2008, 09:14 AM
صورة الحزن الناعم الرمزية
الحزن الناعم الحزن الناعم غير متصل
©؛°¨غرامي مشارك¨°؛©
 
الافتراضي رد : انا حر ما أنهان و الحر ما يرجع لشخص يهينه .. بقلم معاني كامله


مشكورة خيتو على البارت الحلو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 18-09-2008, 07:36 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رد : انا حر ما أنهان و الحر ما يرجع لشخص يهينه .. بقلم معاني كامله


اقتباس:
المشاركة الأساسية كتبها الحزن الناعم مشاهدة المشاركة
مشكورة خيتو على البارت الحلو
منوره القصه حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 18-09-2008, 07:37 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: انا حر ما أنهان و الحر ما يرجع لشخص يهينه .. بقلم معاني كامله


الفصل الرابع وعشرين..

في هالزمان منهو اللي فينا مستريح ..ما من بشر ما هو بجريح ما من شجر ما هزه ريح

فجيت باب الكبتت بكل غيض جني اطلع حرتي فيه .. و ظهرت ملابسي و يلست احطها شرات المينونه في شنطتي ...رفعت ايدي اجربها من ويهي اطالعها زين ..ول عضة انس هاي ولا جلب عنبوه من اسنان عليها خذت نفس عميق صج كنت بزختها ... زين أني دشيت الحمام و ليوم ميثه بتندفن ...عضيت ع شفايفي متألم و انا اطهر ايدي مكان عضتها ...بتخبل فيني شو تبا فـ سعود و الله لادبج و اتزوج عواش عناد فيج ... طلعت من الحمام ... رفعت راسي طاحت اعيوني ع شنطتها .. الي كانت ممزوره ثياب .. جفتها معطتني ظهرها تلبس عبايتها ..هاي صدقت عمرها صار عندها بيت .. التفت لي اتجتف و يلست ع الكنبه ..
طالعتني سالتها : ع وين ؟؟؟
قالت بهدوء( برودها يجتلني) : بروح بيت اهلي انا اصلا اتريا ها اليوم علشان اروح بيت اهلي مالي مكان هني رفع حياته : وسعود
طالعته بنظرات عتب لان افكاره وصخه طنشته رد سالني : انتي جفتي الاوراق ..
صديت عنه : مب لازم اجوفها
حطيت ايدي ع الشنطه كنت بشلها بس زخ ايدي كانت دافييييييه وقفت و طالعته ييرني صوب الكنبه و يلسني قلته : لا اتحاول تقنعني
لمحت اثار اسناني ع ايده لاحظت اني كنت اطالع مكان عضيته فاجاني
يوم قال : اسنانج قويه
سكت كنت بقوله مب قوى عن مياديفك الي كسرتني ...جفته يشيل ورقه من مجموعة الاوراق وياه صوبي رديت خطوه ...جفت ملامح ويه كانت غامضه بس مدري ليش كرهتها ؟؟
سالني بهبل : انتي تعرفين تقرين ؟؟
بلعت ريجي و كان قلبي نغزني سكت تميت اطالعه
عقد حياته: عادي اشك انج ما تعرفين تقرين و تكتبين و ابتسمت
صديت عنه كارهتنه بس رفع الورقه بويهي و قال اقري طاحت اعيوني ع كلمة المالك واسم مطر ..بطلت اعيوني : شو يعني
تجرب مني و قال بغيض ينرفزني : يعني البيت صار بيتي يا حلوه ..
دارت لدنيا فيني همست بعذاب:: اتقص علي "و نزلت دموع حرقتني "
مسح دموعي بطرف صبعه حسيته بها الحركه قاعد يهيني بس ما قدرت اتحرك او ابعد ايده عني عضيت ع شفايفي
قال ابرود : لا لا اتصيحين .. انا و انتي واحد صح حبيبي
طالعته جفت الاستهزاء بعيونه فابتعدت عنه و رحت يلست ع الكنبه غطيت ويهي مب عارفه اتعامل مع هالانسان ها مب انسان ها صخر ما عنده قلب ولا رحمه عنبوه .. حسيت به يوم يلس جريب مني نقزت بس زخني من ايدي ورد يلسني غصبن عني
صرخت علي : طلقني ؟؟
حاول يزخ ايدي الي كانت تضرب جتوفه بكل قهر و غيض .. عفد عليه فكتمت انفاسي متروعه لاني حسيت به و جنه ياثوم ع صدري دمعت اعيوني حسره و الم
فاجأني يوم قال لي : صيحي .. صيحي
عضيت ع شفايفي و قلته بألم : طلقني انا اكرههك "طلعتها من كل قليي "
بس هو تم يردد: صيحي يلا صيحي ..
غمضت اعيوني و استسلمت لاستفزااازه و صحت بصوت عالي منهاره و مقهوره منه ...
حسيت براحه يوم اجوفها اتصيح كنت بعد اباها اتصيح حسيت كل ما اجوف دموعها و صوت صياحها احس النار الي في قلبي تنطفي .. الحينه خل ايي سعود يسكتج خليه ايي يدافع عنج مثل ما ادافعين عنه .. ع بالج بهدج بهاي السهوله عقب ما عايشه تاخذ مكانج هذيج الساعه بفرج ف بيت الخرابه ....
حسيت ابراحه يوم ابتعد عني و شل الاوراق عدلت بيلستي و يلست امسح دموعي ع ظهر ايدي
قلته بألم : انا ما اقدر اتحمل عذابك ..
كان مطنشني يحط الاوراق في الخزنه ..
مسحت ادموعي و قلته : ما اسمح لك تبيع بيت ابوي ..
التفت لي طالعني بنظرات حسسيتها كلها عطف ولا اشفاق او يتهيأ لي
قال : تطمني ما ببيعه
رغم الالم الي في قلبي الا اني ارتحت بداخلي بس فاجأني يوم قال : بعدله و بسوي له صيانه
تجرب مني : تعرفين ليش ؟؟
هزيت راسي بمعنى لا بس تم قلبي يرقع بصوت عالي و انا اجوف خطواته تجرب مني حبست انفاسي ..
زخني من ذراعي ووقفني و قال بهدوء و كأنه يبا ينرفزني : علشان يكون سكن لحبيبتي
بلعت ريجي غمضت اعيوني و حسيت قلبي بيطلع من مكانه ..يقصدني ... يبا يراضيني من اول ليش تعذبني مطر ..احبك يوم اتفرحني و اتونسني .. بس طارت كل افكاري و حسيت قلبي انكسر
يوم قال : الي اتريا اليوم و ارتبط فيها ..
رفعت راسي اطالعه بطلت اعيوني رفعت ايدي و كفخته مره ثانيه هالانسان صار بنظري شرات الحيوان بس دواه الضرب ..
حط ايده ع خده ابسرعه و كأنه متوقع صفعتي بس تم يطالعني بنظرات غيض و عطاني ظهره و شل وياه باكيت الزقاره كان بيظهر من الحجره بس
صرخت بصوت عالي :: طلقني طلقني
و يلست ع الكنبه اصيح مهمومه و مضايجه ... ظليت ها ليوم اسيره لغرفتي ..انسدت نفسي عن الاكل و عن أي شي ثاني فكرت اتصل بجمال اخوي بس اكيد ..جمال خلااص مسحني من حياتي عقب ما خذ ورث ابوي ..منوه عندي .. صحت بمراراه .. و طوال اليوم ما جفت مطر ولا فكر ايي البيت .. خذت نفس طويل مقهوره و متألمه خدعني و قص علي .. سرق بيت ابوي ...
نقزت ع دقت الدريشه .. تروعت ضميت اييدي بصدري بخوف .. اتذكرت الحركات الي اتصير لي اخر لليل .. بلعت ريجي ..دورت بنظراتي ع الساعه جفت حزه لمغرب و توه الدنيا بدت اتظلم .. حطيت ايدي ع حلجي و كتمة صرختي يوم اندقت الدريشه مره ثاانيه ..
دورت ع شيلتي علشان اربع برع .. بس طارت كل ذرة خوف يوم سمعت حس سعود ..من ورا الدريشه .. رحت صوب الدريشه و قلت : سعود ؟؟
سعود: شبلاج مندسه داخل الحجره ظهري ابا اسولف وياج
حطيت راسي ع الستاره احس براحه و تنفست بعمق
و قلت بعذاب : سعود
بس جنه ما سمعني لانه كمل كلامه : ميثه بترياج صوب بيت الحمام تعالي هناك زين ...
مسحت دموعي ما بغيت اكسر خاطره و غير ان محد يفهمني غير هالسعود .
.قلته : زين ...
رحت الحمام تغسلت و صليت .. عقب ظهرت لمحت جفته قاعد يأككل الحمام التفت لي ابتسم يوم جافني عقب اختفت ابتسمته
قال : شو فيج ..
يلست ع الطابوقه اراقب الحمام : ماشي ؟؟
رد يجابل حمامه يعطيهم شعير عقب قال : اكيد هالحيوان مزعلنج
سكت ما فكرت ادافع عنه ..
كمل سعود : حتى ما ييتي تتغدين
خذت نفس طويل و سالته : انت ليش تضاربت ويا عزوه ؟؟
قال بعصبيه : لانها ما تستحي على ويها "التفت لي فجاه" محد زين بها البيت .. حتى امايه
عصبت عليه : سعود عيب
عقدت حياته حركته ذكرتني بمطر و قال : شو بتعرفين امايه اكثر عني ..حتى يدوه جلبه
وقفت مب متحمله كلامه كنت بروح بس سعود تغيرت نبرته : وين بتروحين
طالعته و قلته : يوم بترمس بأدب و احترام عن اهلك
قال بنبره حسيت فيها الم : هذيلا اتسمينهم اهل
خذت نفس و قلته : حتى لو شو صار ... اتعرف اخوي جمال اخس و اخس بس بعد ما برضى عليه تدري ليش لانه الدم الي يجري بعروقي يجري بعروقه بعد ....مهما صار اخوي هاه
اشر بيده مب مهتم : انتي قلبج طيب
وقفت ابمكاني ساكته حط الماعون الي كان زاخنه بيده و عقب تجرب مني و قال جوفي ورفع ايده رواني شهقت يوم جفت علامه حرق بلعت ريجي بصعوبه
سعود: حرقني يوم عزوه تشكت له مني
زخيت ايده اطالعه قلت بألم : سعود هاي ..
كمل عني : حرقني بالزقاير .. عقب طارق دافع عني ..
غمضني سعود قطع قلبي ..هالانسان وايد متعذب احسه شراتي ...ما كان عندي رد كنت مصدومه من مطر وايد جاسي ..
قلت : ما اقساه اخوك ؟؟
سعود يبتعد عني : انا لو اقولج سوالفه بتكرهينه .. بس خليه يولي
بطلت اعيوني : اكثر عن جي ..سعود
ما رد علي فسألته : ليش تضاربت مع عزه
قال : ما بتخبرين حد
قلته: اوعدك
قال : جفتها واقفه عند باب الحوي من برع
رفعت حياتي : ما فيها شي
قال بعصبيه : كانت اتسولف ويا واحد بالاشارات و يوم جافتني ربعت داخل
انصدمت قلت ع طول : يمكن انت غلطان
سعود : انتي وايد طيبه ميثه .. علشان جي انا ارتاح لج ..
ابتسمت له وزخيته من ايده : تعال بحطلك كريم مال الحروق ..
يير ايده : لا افا عليج انا ريال هالاشياء ما تعور قلبي
قلته : خل عنك بعدين بتعلم ايدك
سعود : لا ما عليج ...
سمعنا صوت عموه تزقرنا : سعود يلا تعال تعشى
التفت صوب عموه فقالت : ميثه انتي هناك تعالي ...بعد ..
قلتها : ان شاء الله
غريبه مطر من ظهر ما رد للحينه !! دشينا الصاله حسيت ينقصها شي اخرتها تذكرت ان يدوه في بيت منيرة ..دشينا الصاله تفاجأت بـ طارق و عايشه و عزه يالسين في الصاله ..
عموه: تعالوا اتعشوا البيت راحه يوم العيوز محد ...
طارق : يحليلها هادي البيت من دونها .."سلم علي" اشحالج ميثه
قلته : ابخير ..
لمحت عايشه و عزه يالسات حذال بعض و عيونهم شويه بتاكلني فلبستهم و يلست ع الصفره ..
عزه: مرابعه سعود
سكت بس فاجني سعود : و الله اذا ما سكتوها بضرها شرات الظهر
طارق:: بس عاد ردينا
ااممايه : بس عزه
"طالعتها نظرات عتب "
عزه: جنك تبا تنحرق مره ثانيه
عفد سعود و يير عزوه من كشتها عفد طارق و عموه يزخون سعود اما انا و عايشه نقزنا و ابتعدنا
عزه اتصرخ عليه : حيوان و الله اخبر عليك مطر
عموه محرجه : بس انتي الا اتسوين مشاكل لنا ..
طارق يدز سعود بعصبيه : بس انته ما اتروم اتيود اعصابك ..
بلعت ريجي و قلت بهدوء : سعود خلااص ..
سعود مطنش الكل : تبيني اخبرهم و افضحج جدامهم كلهم ليش ضربتج الظهر
عزه بقوة عين و اتحط ايدها ع خصرها: قول يلا سمعنا ليش انا ما اعرف فضايحك
حسيت ان سعود جن جنونه و حتى انه تنفس بصعوبه يالله هالانسان بست كوبي من اخوه ...
ام مطر : بس صخي .. يا ام لسان طويل ..
عزه :ليش ما اتسكتينه ليش اتضاربيني انا بس
طارق ياه صوب عزه و لوى عليها : خلااص اسكتي عزه ..سعود يحبج
سعود : حبها عقرب
قلت : سعود خلااص اسكت علشاني
رفس سعود صينيه العشى بغيض و تناثرت الصحون علارض
ام مطر: و حسبي الله على ابليسك يا المتخبل ..
عزه : ترا ميثه دواه
شهقت يوم سعود رد فجاه و شل تلفون البيت و نقزت عزه تحتمي بعايشه فياها التلفون ع بطن عايشه ..شهقت من الزيغه و سعود يبس ابمكانه بس عايشه ع طول حطت ايدها ع بطنها و يلست اتصارخ بألم .. عفد صوبها طارق الي اصفر وييه من الروعه ..
ام مطر : ابسرعه طارق يلا ودها الطبيب خاف صار فيها شي
عايشه كانت تصارخ من الويع : ما ارررررررررروم اتحرك ما ارررررررررررررروم ...آآآآآآآآآآآآآآآآآآآآآآآآآآي بطني طارق بطني ..
ربع سعود حجرته و ربعت عزه حجرتها يوم جافوا عايشه طايحه تتألم .. كنت بروح حجرتي اييب عبايتي لان عايشه غمضتني ..واااااااايد ..
كنت محتار كيف اجابل ميثه عقب الي سويته فيها الظهر .. ما ادري كيف قلبي قسى عليها ..حطيت ايدي ع يبهتي يوم تذكرت كيف حرجت ع سعود و حرقته بالزقاير ما كان قصدي بس ما اادانييه يوم اجوفه ماخذ راحته ويا ميثه ..ابتسمت باحراج و انا اتذكر امايه يوم اتفاتن عليه صج انا بالغت .. بروح اراضيه مهما كان سعود اخوي الصغير و مراهق لازم اتحمل حركاته و ميثه بحاول اعاملها احسن علشان اكسب قلبها و ابعدها عن سعود و لا طارق ولا أي انسان بس بتكون لي .
.نزلت من السياره و دشيت البيت ..اتيبست ابمكاني يوم سعت صراخ عايشه .. حسيت ان روحي بتفارجني ... ربعت داخل الصاله .. وقفت مصدوم شو السالفه ؟؟
ا م مطر : طارق روح ييب عبايتها روح ابسرعه ..و انا بروح اييب عبايتي
ربع طارق صوب حجرته و ام طارق صوب حجرتها ... كنت بروح حجرتي بس ما قدرت اتحرك يوم جفت مطر واقف عند باب الصاله و مصدوم حطيت ايدي ع حلجي .. الحينه بموت سعود بس كل المصايب الي اتصير في البيت ابسبب عزه و الله حرام سعود دوم مظلوم ...
عايشه مستويعه : مطر الحقني بطني "بطلت اعيوني يوم جفتها اتمد ايدها صوبه "
تجربت منها ازخ ايدها اخفف عنها الامها بس دزت ايدي بكرهه
و قالت اترمس مطر بألم : ضربتني في بطني ضربتني آآآآآآآآآآآآآآآآآآي
طالعت مطر بس مطر ما تم واقف بمكانه ربع شل عايشه و طار فيها برع ..
وقفت شرات المشلوله ..؟؟ ليش لها الدرجه قلبه طيب و ما يتحمل ؟؟؟ عيل وين طبيه قلبه مع سعود ؟؟و معاي !!!
اختفى مطرمن جدامي.. يت ام مطر
وسبقها طارق "علامات الخوف بويهه " : وين عايشه
ام مطر مستغربه : وينها البنت توها بتموت
بلعت ريجي وقلت بأٍسف : مطر ودها المستشفى
نقزت يوم سمعت صرخت طارق محرج : خييييييير منو سمح له
ام مطر اتعاتبني: و انتي مخلتنه " و ترفع ايدها بويهي " مالت عليج ..
"وردت ضربت جتوف طارق " يلاا طوف نلحقهم
يلست ع الكنبه ودفنت ويهي بكف يدي وصحت بصوت عالي ... مدري ليش حسيت بألم بداخلي ...شو هاه عايشه اتقول انا الي ضربتها فـ بطنها .. ليش قالت مطرجي؟؟ شو تبا اتفرق من بينا ..ليش شو علاقتها بـ مطر ..عمري ما جفت ملامح ويه مطر جي خاايف اول مـره اجـوفه جي و الله ..
الي اجوفه واايد بها البيت .. من مطر واهله ليش ام مطر قالت مالت عليج انا شو سويت ؟؟؟ نقزت يوم حسيت بيد ع جتوفي ..رفعت راسي جفت سعود وقفت ابسرعه ابمكاني ..
كنت بروح حجرتي
سعود بندم : ما كان قصدي اسوي جي ؟
ابتعدت لاني صدق مب ناقصه مشاكله سعود يترجاني : انا اسف
التفت له و قلته بألم : تعتذر حق عايشه مش انا
سعود بقهر: خلها اتولي
طالعته و قلته : ما منك فايده
لحقني : ميثه ميثه
قلته : يوم بتودر حركات اليهال تضرب فلان و علان هذيج الساعه برمسك ...
سعود بصوت يقطع القلب : يعني انتي ما جفتيها كيف كانت تستفزني ...قهرتني ما كان قصدي اضرب عايشه
سالته : سعود شو بين مطر و عايشه ؟؟
تغيرت ملامح ويهه فتأكدت ان سعود يعرف شي بس تم ساكت
تجربت منه و قلته بعناد : شو من بينهم
سعود يهمس : ماشي
عزه واقف عند باب حجرتها : مطر كان يبا عايشه ...
"وقالت و جنه قلبها تارس حقد وكرهه" يحبون بعض الا يموتون فبعض
حسيت بروده بكل جسمي ... عيل سلمى وين موقعها ؟؟ شو السالفه ..ربعت عزه ودشت حجرتها يوم حاول سعود يعفد عليها علشان يسكتـها و قفلت باب حجرتها يلس يرافس عليها لباب بس انا خطيت صوب حجرتي و جني ميته ..مدري كيف وصلت حجرتي .. شليت تلفون الحجره و اتصلت بـ منيره ..
تم يرن محد رد علي اتصلت اكثر عن مره ماشي فايده .
.انسدحت الشبريه و انا احس بقهر و غيض أي نوع من البشر ها الي اسمه مطر... كيف يحب حرمة اخوه ..لالامستحيل هالكلام ما يدش العقل ..مستحيييييييييل
نقزت يوم رن تلفون الحجره ..
رديت ابسرعه : الوو
ياني صوت منيره : هلا ميثه اسمحيلي كنت برع ويا يدوه .. شو مستوي ؟؟
بلعت ريجي وقلتها :محتاجه اتكلم معاج .."و عضيت ع شفايفي امنع دموعي تحدر "
منيره : شو مستوي بسم الله ..شو بلاج
ما تحملت و صحت منهاره ...
منيره : ميثووووووووووووه شو فيج
قلتها و انا اصيح : تعالي محد لي بها الدنيا محد لي ...
وصكرت بويها حضنت المخده و رجعت اصيح .. حسيت بتعب فضيع ولا اعرف شو قاعد يصير برع .. و قلبي جنه يحذرني الي ياي بيكون اردى و اخس ...
وقفت يوم سمعت دقت باب حجرتي ..رحت صوب الباب و فتحته ..
جفت منيره بويهي حضنتها و يلست اصيح منهاره جفت ملامح الخوف بويهها بس انا ما قدرت ايود روحي... سحبتها من ايدها و يلستها ع الكنبه
همست بخوف: شو سوا بج مطر ..
عضيت ع شفايفي امنع نفسي اني اصيح مره ثانيه ..رفعت راسي اواجهها
و قلتها : محد بيقولي الصج غيرج ..
طالعتني مستغربه و قالت : اسأليني ..
خذت نفس و قلت : شو علاقة مطر بـ عايشه
منيره جنه حد صفعها ع ويهاا ..زخيت ايدها اترجاها : قولي الصج؟؟
منيره بهدوء : عايشه منوه
قلتها و انا امسك اعصابي : عايشه حرمة طارق من غيرها ...
منيره: حرمة طارق يعني شو علاقه مطر بلسالفه ..
خذت نفس و سندت راسي ع الكنبه يأسه : ماشي فايده انتي ما بترمسين
منيره تجرب مني : حبيبتي ميثه و الله ترا انتي تتوهين
غمضت اعيوني بعذاب و قلتها : انتي ما تعرفين شو الي صار
منيره : شو مستوي ارمسي زين ..
ما كان لي خاطر اكلمها بس قلتها : عزه قالت لي ان عايشه و مطر "و صخيت "
منيره : انتي شو تاخذين ع رمسة عزه محد يسوي مشاكل بها البيت غير عزه
عدلت بيلستي و قلتها : منيره ..مطر يوم جاف عايشه تتويع تخبل شلها ع طول ودها المستشفى ما سوا اعتبار لوجودي ... حتى طارق كان موجود
منيره : كل ها ما يعطيج الحق تحكمين ع مطر ..
قلتها بعصبيه : عيل ليش عايشه اتهمتني اني انا ضربتها انا اصلا مالي علاقه بلموضوع
منيره جنها مب فاهمه شي: شو السالفه عايشه شو فيها ليش بالمستشفى
قلتها ابرود: سعود كان بضرب عزه و يت الضربه حق عايشه في بطنها
شهقت منيره .. التفتنا صوب الباب يوم انفج و دش مطر ..تفاجأ يوم جاف منيره يالسه معاي ..
بس كانت ملامح ويهه جامده ... صديت عنه كرهت اجوفه و احط عيني بعيونه
مطر : السلام عليكم
منيره : عليكم السلام ..شخبارها عايشه ..؟؟
مطر يرمس بنبره هاديه : بالعمليات
التفت لمطر ابسرعه صدمني ..
وقفت منيره : ليش شو صار
مطر : طاح الحمل
منيره : يحليلها ... شو استوى اخبارها الحينه
مطر جنه ما يبا يرمس بالسالفه حتى انه ما طالعني نش من مكانه
و راح صوب الحمام : ما اعرف شي اسالي ريلها ..
وقفت منيره و لحقتها ظهرنا من الحجره قلتها : انا خايفه ع سعود ؟؟
منيره : محد مخبل فينا و مسوي مشاكل بها البيت غير عزه و سعود ..
عند باب الصاله قلت : منيره
طالعتني قلتها : انا ما ابى اعيش بها البيت
منيره : ميثه اهدي خلينا بعايشه "زختني من ايدي " ما بين عايشه و مطر شي انا اضمن لج ..مطر اشكثر كان يلح علي اخطبج علشان محد يتحسب انه بينه شي و بين عايشه ... "رصت ع ايدي" عايشه حرمة اخوه لا تنسين هالشيء
خذت نفسس قالت لي: دشي
هزيت راسي و قلتها : برجع حجرتي ..
ابتسمت : ما عليه ..
قلتها : طمنيني على عايشه ...
هزت راسها بمعنى اوكى و دشت الصاله و رديت حجرتي جفت مطر قاعد يلبس كندورته لبسته و يلست ع الكنبه اجلب قنوات التلفزيون كان قلبي يرتجف بين ضلوعي و الي يقهر انه يعاملني ولا كأني موجوده
انقهرت منه
فقلته قبل ما يظهر : طلقني
وقف بلعت ريجي بصعوبه التفت لي و طالعني بنظرات ما فهمتها و طلع ..رديت راسي ع الكنبه اريح نفسي غطيت اعيوني بيدي تعبانه ... و مهمومه ...
غفلت نشيت بفتره و انا احس اني ميته يوع ..لبست شيلتي و طلعت من الحجره .. رايحه صوب المطبخ كان جو البيت هادي ...رحت صوب المطبخ بس وقفت ابمكاني يوم جفت شاب واقف صوب باب الصاله التفت لي فجاه .. و جنه تفاجأ بوجودي
ارتبكت : هلا ..
فهد : السلام عليكم ..شحالج حرمة اخوي
بلعت ريجي : عليك السلام بخير ..
فهد تجدم صوبي : تميت ادق باب الصاله محد رد علي
قلته : خير ..
طالعني عقب قال : ماشي ادور ع طارق مب محصلنه ..
قلته : حرمته تعبانه شويه
فاجاني يوم قال بسرعه : ليش شو بلاها ..
قلته : تعبانه شويه و اظني طيحت ولدها
بطلت اعيونه : عائشه حامل !!
سكت ما بغيت ارد عليه شو اقوله اصلا ..
انفج باب الصاله اتيبست ابمكاني يوم جفت مطر طالع من لصاله ..
حسيته انصدم تم واقف يطالعني و يطالع فهد ..
قلت بارتباك : ها مطر
ع طول من خوفي افتريت و عطيتهم ظهري رايحه صوب المطبخ ..الحينه بسوي لي حفله ها حياته كله مشاكل ..بس بطنشه شرات ما يطنشني ..
دشيت المطبخ .. زقرت الشغاله ما ردت علي .. فتحت الثلاجه ادور شي اكله ..طلعت لي جبن و خضره اسوي لي سلطه ...سمعت باب المطبخ يتصكر التفت ع بالي الشغاله بس فريت كل شي من ايدي يوم جفت مطر و اعيونه ممحمره من الغيض .. لصقت بالكبت تجدم مني
فقلته بسرعه : مالك حق علي
سالني : انتي متفجه وياه تجاوفون هني ؟؟
قلته اتطنز : هي ترا عندي موبايل ادقدق للناس و اواعدهم ماشي شغله ..
شهقت يوم زخني من رقبتي زخيت ايده قال : لا تتمصخرين عليه ترا و الله اطلع روحج من اعيونج
صحت و قلته ع طول : شو تبا مني انته .
تجرب مني و قال بكل بساطه : اباج اتكونين لي انا بس
بطلت اعيوني خفت منه هالانسان مينون ..مره يطنشني و مره يباني و مره الله اعلم شو في باله استغليت ها الكلمه و لصقت فيه ما همتني ايده الي كانت ترص علي
و قلته بهدوء : زين انا ابا اعيش حياتي معاك
ما توقعت ايبطل اعيونه جي و كلامي بصدمه او بيأُثر فيه لانه ع طول بعد ايده عن رقبتي و تم يطالعني مستغرب
حضنت ويهه بيدي و انا احس اني مليانه عذاب قلته و دموعي اتهمل : مطر انا وايد متعذبه ..
تم ساكت يطاالعني تجربت منه
و همست بأذونه : تقدر اتحسسني اني انا و انته عايشين بها الكون الوسيع ابروحنا
فاجاني يوم هز راسه بمعنى هي حسيت اني اقدر اسيطر عليه ابتسمت رغم عذابي
صرت بحياتي الروح واللهفه والاشواق الصمت لك والبوح ولشوفتك اشتاق عمري فدا عيونك يا ساحر في لونك وياك مهما يصير من بين كل الناس
مدري كيف خلتني انسى عصبيتي كنت ياينها و انا ناوي امسح وجودها من الدنيا ..عيونها تسحرني كلامها ذوبني تميت اطالعها ميت بابتسامتها وبهمساتها .. حسيتها مليانه عذاب علشان جي من ساعه طنشتها يوم قالت طلقني ما بغيت ازيد عذابها ... بس الحينه اجوفها انسانه ثانيه تجربت منها اكثر و هي لصقت فيني ..مشاعر حلوه حسيت بطعمها ..ما قدرت اوصف شو هي بس كل الي في بالي اني اتم جريب منها و ما انحرم من مشاعري الحلوه لي قاعده احس فيها
فتحت اعيوني يوم سمعتها اتقول : خلنا نظهر افبيت ابروحنا
طالعتها و قلتها : ما اقدر ..كيف اخلي اهلي و ابوي موصيني عليهم
تعلقت فيني اكثر و قالت : مب مرتاحه هني ...
وعدتها : بريحج اوعدج بس انتي ..................."ما عرفت شو اقولها "
ترجتني : مطر ما اقدر
حضنت ويها بيدي و رصيت عليها بحنان و قلتها : اوعدج.... ما تثقين فيني ؟؟
قالت لي : امبلى ..
"سكتت شويه جنها اتفكر عقب
قالت " زين بعيش هني معاك بس خلي طارق و عايشه يعيشون بعيد
ابتعد عني فجاه و جنه جي كهربه فيني .. وقف ابعيد و عطاني ظهره ..حسيته ضايع ..لحقته لصقت فيه
همست : مطر
قول قول خل تطير الدنيا فيني ..قول قول خل ليالي الشوق تجيني
يالّلي كلمة واحدة منك ...ترسم الدنيا بعيوني
التفت لي ابسرعه و قال لي بجديه : ما اقدر اروغ طارق من بيت ابوي
قلته : عيل نظهر نحن
مدري ليش عصب علي و قال : ما بنظهر ..ما بتغير شي .. "ودزني بجتوفي " ثاني مره لا ترمسين فهد ترا بفقع اعيونج
عطني ظهره قهرني فقلته : انته اتحب عايشه ولا سلمى
التفت لي و قال : كل البنات
عفدت عليه و ضربته بجتوفه بغيض لمحته يبتسم كرهته زياده
صرخت عليه : انت ليش جي
تجرب مني تفاجات يوم تجرب مني و باسني ع يبهتي طالعني بنظرات ارتبكت و ابتعدت عنه
بس قال : باجر بنروح انزور عايشه في المستشفى
عطني ظهره و طلع تركني بالالامي و احزاني ..بس الظاهر منيره ما قالت له شي ...
رحت الصاله عقب ما كلت لي لقمه ..جفت منيره يالسه ترمس بالتلفون و من دشيت صككرت
يلست جريب منها سالتها : شخبار عايشه
بلعت ريجها : يحليلها طلعوها من غرفه العمليات الله يعينها و يعين طارق "سالتني " جفتي مطر
هزيت راسي بمعنى هي سالتني : شو قالج
قلتها بسرعه : قلتي له شي
هزت راسها و قالت : لا ما قلته شي ..بس ع بالي وضح موقفه لج ..
قلتها باسف : مطر اصلا ما يهتم فيني
ضربتني بجتوفي ع الخفيف : ودري عنج هاي الرمسه الماصخه
سالتها اغير السالفه لان منيره عمرها ما بتفهمني
قلتها : فهد كان موجود هني
منيره : يدور ع طارق جافه مطر ..تدرين كانوا متضاربين و شكلهم تراضوا "ابتسمت" فديت ريلي الي يصلح بين كل اثنين
قلتها : عبدالرحمن طيب
منيره: هي حاول يراضي بين سعود و محمد بس بعدهم من يتجاوفون جنهم عدايل
نقزت و تذكرت سعود : مطر جاف سعود ؟؟ شو سوا به ؟
منيره : دش له الحجره رمس بس ما اعرف شو قاله
قلتها : ضربه ؟
منيره: لا ما اعتقد لان مطر طالع و شكله عادي مب محرج
قلتها: الظهر ضاربنه ........وايد يضرب سعود غلط جي يعامله سعود مراهق
منيره: و الله ما اعرف الي يبالها ضرب عزه ..
سكت ما بغيت اقولها ارد عليها عن تسمعني
منيره : مطر احتشر علي يبا يدوه ترجع البيت
قلتها : و ليش ما يت ؟؟
منيره وقفت يوم سمعن صوت هرن: شسوي لها هي ما تبا بس باجر بيببها ...
علشان مطر
قلتها : بتروحين ؟؟
منيره: ولدي ابروحه .. "باستني و قالت " لا تضايجني من مطر تراه يحبج بس انتي حاولي تفهميه ..
قلتها بصوت هادي : ان شاء الله ..
وقفت علشان اظهر من الصاله ...بس انفتح باب الصاله ..ودش طارق وقفت حسيته زعلان و متضايج ..
طارق: السلام عليكم
قلته : عليكم السلام .. الله يعوضكم ان شاء الله
طارق تنهد : آآمين .
قلته: شخبارها عايشه الحينه
طارق: الحمدلله بخير امايه تمت معاها و باجر بتظهر ان شا الله
قلته : ان شاء الله "حسيت طارق متضايجج غمضني وايد "
كنت بروح بس قال : زين ان مطر شل عايشه وودها المستشفى ولا كانت بتموت
طالعته حاولت اقرا ملامح ويهه بس ما جفت أي شي عقب
قال : كانت تنزف
تنهدت : امك ليش عصبت عيل و انته بعد
طارق : كنت خايف عليها .. بس مطر بهاي السوالف اقوى عني بوايد ..انا مب وايد اسرع مثله ولا تنسين شغله متعود على هذي العلوم
سكت ما عرفت شو ارد ...ظهر سعود من حجرته من جاف طارق ربع صوبه و لوى عليه رديت لورا مصدومه يالله شو الفرق بين مطر و طارق
سعود : انا اسف ما كان قصدي سامحني .."حسيت من صوت سعود انه بيصيح"
ابتسم طارق بس كانت ملامح ويهه كلها ألم : لا تزعل ..ها قضاء و قدر ..
سعود : عزه وايد تستفزني
طارق يضربه ع جتوف ع الخفيف: لازم تتعلم كيف تمسك اعصابك ,
كنت بروح بس الموقف وايد أثر فيني سعود كبر بعيوني و طارق شخصيه وطيبه قلبه مخلتنه ملك بها هالبيت
طارق: تبا الصدق و علشان ترتاح عايشه من قبل تعبانه من بطنها و من اسابيع و كنت حاس انه ما بيتم ..
سعود"يمسح دموعه " تبا اتريحني بس
طارق بصوت هادي : و الله العظيم قالوا لها انه ما بتم في بطنها ...
سعود : انا اسف مره ثانيه
باسه طارق فوق راسه .. رحت حجرتي ما تحملت الموقف مسحت دموعي ... يوم زقرني طارق عند باب الصاله ..
التفت صوبه قال : السموحه حرمة اخوي بس بغيت اسالج سؤال
ابتسمت له : اسال
طارق : مطر ما ياه ؟؟ اتصل به ما يرد علي
قلته: امبلى كان موجود من شويه "تذكرت" ع فكره فهد ياه يسال عنك
طارق: و الله
قلته: مطر جافه ...
طارق : خلااص مشكوره
دشيت حجرتي موقف سعود و طارق وايد اثر فيني غمضني سعود وايد مسكين هالانسان .. و طارق ربي يعوضه خير... رقدت و هالمره مرتاحه و ما حسيت بخوف ولا سمعت اصوات اتخوفني او اجوف ظل او أي شي من هالنوع
بطلت اعيوني ع صوت يلست ابكسل جفت مطر قاعد يلبس لبس الدواام التفت لي طالعني و رد عطني ظهره
قلته : اليوم بتداااوم
مطر: بتفتكين مني ..
نشيت ورحت صوبه: اسوي لك ريوق
طالعني و قال : لا روحي كملي رقادج اكيد الشغاله مسويه
سالته: انت متى رديت فليل ؟؟ما حسيت فيك ؟؟؟
مطر: اممممممممم ما رقدت كنت سهران برع من شويه ياي من برع
شهقت ..بس هو طنشني ما بغيت اعاتبه ولا الومه لانه ما يفيد و غير كل هاه ما ابا انكد عليه باول يوم
قلته : سعود ااعتذر لـ طارق
مطر يعابل بلبسه وقال ابرود : شسوي ؟؟
عضيت ع شفايفي هالانسان ما عنده اسلوب ابد
قلته : طارق تم يحضنه و يطمنه انه ماله علاقه و ان اصلا ..............
قاطعني و قال بحده : ليش تخبريني يعني شو تبيني اسوي
قلته و انا مستغربه من ردت فعله : ماشي
تجدم خطوه و قال بحده : انتي شو اتسوين معاهم
بلعت ريجي و قلت بسرعه : كنت في الصاله وجفت الموقف
مطر يستهبل : لا و الله
قلته : و الله ما اقص عليك
نقزت يوم صرخ علي : ميييييييييييييييييييييييثه
بطلت اعيوني الحينه هو ليش محرج عنبوه اسميك دمك حار يا مطر ..سكت .. تم يخزني بنظررات خوفتني نزلت راسي اطالع الارض ..لو ادري بيعصب علي جان ما رمسته
سمعته يقول ويشيل علبه الزقاير و سويج السياره : شو ها البلوه الي انا ابتليت فيها ..
ما قلته شي علشان يعصب علي مدري من غيضي
قلته : ياليتك كنت شرات طارق بس لو شويه
شهقت يوم جفته تجرب مني بسرعه وقفت ادافع عن نفسي بس ما لحقت ما حسيت الا و انا طايحه في الارض و حاطه ايدي ع خدي متالمه من صفعته ..
حسيتي فكي تكسر غمضت اعيوني متألمه و صحت بصمت .. سمعت باب الحجره يتصكر بقوه فصحت بصوت عالي .. يلست اسحب روحي وصلت لشبريتي و حطيت راسي..
يالحيوان الله يكسر ايدك ان شاء الله ..وين اروح ؟؟ كيف اطلع من هالمكان وين اعيش ؟؟ صحت الين ما رجعت و رقدت ..

بدت غربتي خطوة مع الّلي إنقال ..مشت دنيتي طوّل طريقي وطال
قلت الليالي كلّمت حالي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 19-09-2008, 04:26 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: انا حر ما أنهان و الحر ما يرجع لشخص يهينه .. بقلم معاني كامله


(((الحلقــــــــــــــــة 25 الخامسـة و العشــــــــــــــــــرون ))

لا قلت بكره بتمطر شاحت امطـــارك...غيري سكن جنتك واسكنتني نــــارك

كنت احس بحزن و ضيجه .. حتى يوم حزة الغدا ..ما طعت اكل شي و مطر لا سال ولا نشد ولا اهتم كان في عالم ثاني ..كنت اتالم انه يعاملني بقسوه ..ما يراعي شعوري .. ولا عواطفي بس يحرج و يعصب يوم يجوفني ارمس سعود ولا طارق ...
كنت احس مرات بقهر و غيض يوم احس حركاته طفوليه ..و يعاملني جي بس شسوي مالي حد بها الدنيا ولا لي مكان غير هاي الحجره الي يصبح مطر فيها يضربني و يمسي فيها يجرحني بكلامه ..
يلست اجلب قنوات التلفزيون من قناه لقناه بس ما كنت منتبهه لاي شي حتى يوم دش علي مطر .. ما طلعته و هو بعد طنشني دش الحمام ... تميت ابمكاني ما تحركت يوم يطلع من الحمام ..
سالني : شو فيج ؟؟
طالعته بنظرات عتب و لوم و رديت اطالع التلفزيون اوني مركزه ع مسلسل و انا بداخلي ارتجف من الخوف صار يخوفني هالانسان ..
راقبته يوم عطاني ظهره و راح صوب التسريحه و شل علبه الزقاير بس هالي فالح فيه .. انا ابروحي مضايجه بعد اشم ريحة زقايره بختنق .. شليت شيلتي و كنت بطلع برع
سالني : وين راييحه ..؟؟
قلته و انا افتح الباب : بطلع ريحة الزقاير تخنقني
زخني من ذراعي و امرني : يلسي مكانج .."ويلس يدوخ جنه يغايضني "
كنت ببعد ايده عني لاني صج هالانسان ينرفزني قلته : ما ابى ..
شهقت يوم دزني وطرت ع طول فوق الكنبه بلعت ريجي كتمت ألامي و طالعته بخوف توقعت يتمادى اكثر علشان جي سكت عنه بس
قال : انا الي بطلع
وظهر من الحجره عدلت بيلستي ..سالت نفسي وايد متى بتغير علي .. ليش جي يعاملني ...فريت شيلتي بعيد عني و رحت ع الشبريه .. فكرت ارقد قبل لا يدش علي ..ما فيني اجابله ...بس كان مثل الساحر ع طول فج باب الحجره نقزت .. من ملامح ويهه و ابتسامته عرفت انه عارف اشكثر انا خايفه منه ..
دش الحجره يطالعني عقب
قال : العصر بوديج المستشفى
قلته بسرعه : ما بروح هي باجر بتطلع
يلست ع طرف الشبريه مجابلني
و قال بهدوء و جنه يحذرنني : بتروحين
قلته بغيض : انته شو تبا مني
طالعني ابرود و قال : ولا شي ...
دمعت اعيوني : عيل ليش اتعاملني جي
طالعني و قال : لا اتلوميني الحينه زين .. نسيتي انتي الي بدت و حطت حواجز ع علاقتنا رغم انج زوجتي
بلعت ريجي و قلته : لاني خفت منك ما ابا ............
قاطعني : ها مب عذر
قلته بسرعه : انته اتقول ما اتحبني كيف تباني اعيش وياك مثل باجي الازواج..
وقف محرج و ما ادري اصلا ليش عصب علي : هي احبها و بتزوجها و جريب وايد
صرخت بصوت عالي: انته ليش تزوجتني
رفع اجتوفه و قال ابرود : عيبتيني
صرخت من الغيض : انا اكرهك ما ادانييك طلقني
قال : العصر ازهبي بوديج المستشفى عقب بنمر بيت منيره بنييب يدوه
قلته بعصبيه : روح ابروحك انا ما بسير ويـ.........
صخيت يوم ياه صوبي رفعت ايدي احمي نفسي بس حسيت انه وقف بعيد عني بمسافه رفعتت ايدي و طالعته
فقال : لا تستفزيني اتعلميني امد ايدي عليج
سكت عنه بس هو تم يطالعني و عقب لبس ثيابه و ظهر من الحجره حضنت المخده و يلست ارتجف من الخوف و مصير حياتي مع مطر ...
فتحت اعيوني متروعه يوم حسيت بحركة جريبه مني بس ارتحت يوم جفت مطر يالس عدالي حاولت ابعد بس ما قدرت
فاجأني يوم سالني : شو ها بويهج
وحط أيده ع خدي صديت عنه تجرب مني و قال : جفتي كيف كل ما حاولت اتجرب منج صديتيني ..بعد تشكين من تصرفاتي
قلته بصوت واطي : انا ما اباك
تجرب مني اكثر و كانه يعاندني و قال : مب ع كيفج
طالعته جفت التسليه بويهه
قلته : انا ارمس جد
رد علي : جد ولا عم
صديت عنه يا ثجل دمك : مطر بس عاد
رد علي يستخف دمه : عاد ولا ثمود ..
نافخت مب متحمله سخافته فريت عني اللحاف بس صرخت يوم عفد علي و غطني مره ثاني حسيت انه يبا يجتلني يكتم انفاسي يلست ارافس من تحت اللحاف
و اصارخ : بمووت بمووت
فج عني و شل اللحاف يلست اتنفس بصوت عالي بس هو حضرته قعد يضحك علي بصوت عالي
قال : جايفه ويهج كيف صار
يلست ارتب شعري بعصبيه و قلته : ما اتضحك كنت بموت
مطر رفع حياته يستهبل : قولي و الله
طالعته بنظراته غضب بس فاجاني يوم ابتعد عني
و قال : يالله قومي ورانا ظهره "وقال بكسل " يالله مب راقد من البارحه بدوخ عليج الحينه
رديت انسدحت : من قال اني بروح معاك
طالعني و قال : من قالج اني باخذ رايج
مدري ليش تذكرت بيت ابوي يوم جفته رايق و يسولف
فقلته : شو بتسوي في بيت ابوي
رفع حياته مستغرب من سؤالي عقب قال : عقب بخبرج يالله قومي
رن موبايله فراح صوبه قعد يرمس و جنه حد من ربعه و يأشر لي بيده ويسوي لي حركات بويهه بمعناة قومي يالله بس مدري ليش الشيطان ركب دماغي و انسدحت مره ثانيه ع الشبريه و تلحفت تغيرت ملامح ويهه حسيته عصب بس انا صدق ما ابا اجابل عايشه ما فيني ع المشاكل و هو اصلا ليش مصر اروح لها ...
يلست ع طول وحضنت اللحاف و جني احمي نفسي منه يوم صكر الموبايل و ياه صوبي
قلته : لحظه
بس هو ما سمعني يير عني اللحاف .
.قلته مره ثانيه : لحظه ..
شهقت يوم شلني قلته : خلاص خلاص ببدل
بس هو ولا جنه حد يرمسه ... فج باب الحمام حسبت بنزلني بس صرخت يوم دش الحمام و هو شايلني
قلته : خلااص خلااص ...بروح
نزلني و قال : من قال ابا رايج ..
شهقت يوم قعد يغسلني كنت امنعه بس عقب حسيت ماشي فايده .. ظهرني من الحمام
قلته : بصلي زين
قال هو يفج باب لكبت : صليها مع المغرب
قلته و انا امبطله اعيوني : شو ع كيفك ..
طالعني رديت لورا بس هو رد و ظهر لي بدله و فرها ع الشبريه
قلته بعناد : ما ابا البس هاي البدله
مطر امرني: امبلى بتلبسينها
قلته: انت شو تتحرا روحك قاعد بالدوام يالس تتأمر علي ..انا صدق ما اباك لا ..
صخيت يوم تجرب مني رديت لورا و يلست ع لكنبه يوم جفته شل البدله
و قال : مب فايج لسخافتج
ترجيته : مطر لا اتسوي جي ..
حسيت ابروده في جسمي يوم حاول زخ فص جلابيتي صحت بصمت
و ترجيته مره ثانيه : خلااص بلبس ابروحي .."زخيت ايده بس بعد ايدي بقسوه "
رفع راسه يطالعني يوم طاحت دمعتى ع ظهر ايده و حس اني برجفتي حسيت انه متفاجـأ
عدل بوقفته
و قال و جنه مصدوم : لها الدرجه كارهتني و كاره قربي ..
ما قدرت اطالعه و احط اعيوني بعيونه فصديت لصوب الثاني
بس حط ايده ع صدره يذكرني : انا ريلج
همست : ما اباك
التفت له اجوف ردت فعله جفته يمسح دمعتي من ع ظهر ايده بشكل دائري استغربت من حركته حتى شكيت للحظه انه سمعني يوم قلته ما اباك
قال : انتي اول انسانه اتصدني "ورفع راسه و قال " اتصدني هالكثر مع انه انت الوحيده الي لج الحق بها الشيء
سكت ليش كم وحده بحياتك ... يالله يا مطر ..ما عرفت شي فيك زين ..من تزوجتك و انا اجوف سلبياتك زقاير سهر لا صلاه ولا رحمه ولاشي
قال بجديه : يالله لبسي ابسرعه خلنا انروح
راقبته الين ما صكر باب الحجره ..لبست ثيابي و انا مغصوبه طبعا عقب ما صليت العصر و دعيت ربي يهديه ..يلست امشط شعري تذكرت اني ما تغديت و اني يوعانه بس طارت افكاري يوم دش مطر بس هالمره طنشني قام يلبس ثيابه قلته : انته ليش ما اتصلي
قال : زاهبه
رحت البس عبايتي و اطالعه ابا رده ففهم نظراتي فقال : جمعيتها مع الظهر
شهقت: انته ع كيفك تبدع ؟؟
شل موبايله و سويج سيارته و قال : يلا طوفي لا تقعد تتفلسفين لي ..
حزنت بداخلي كيف مطر جي مستهتر قلته : الله يهديك
ظهرنا من الحجره .. التفت لا ارادي صوب حمام سعود جفته كالعاده قاعد يطعم حمامه .. حتى هو التفت لي ابتسمت له اليوم موليه ما جفته ..
التفت لمطر يوم قال : سعود لا تطلع من البيت ؟؟ "سكت وقال " سمعتني ؟
سعود : هي
سالني مطر : وايد عايبنج سعود
التفت له قلته : شوه
زخ ايدي و رص عليها بدفاشه حسيت انها تنخلع : لا تستعبطين عليه
مدري ليش قلته ابسرعه : هي يعيبني لانه دوم يذكرني فيك
اول مره اجوف ملامح ويه مطر جي تنجلب وجن حد صفعه ع ويهه ما توقع ردي
قلته : سعود ترا قاعد يطالعنا زين
فج عني و صخو سبقني للسياره حسيت بقلبي بوناسه و جني انتصرت عليه .. كنت بضحك ع ردت فعله بس انا بروحي مدري ليش قلت جي بس اهم شي رحمني منه ..
في السياره سالته : و عزه بتخليها في البيت ابروحها مع سعود
صخ ما رد علي .. كان يطالع الشارع و كانه في عالم ثاني .. سكت عنه فاجاني
يوم قال : يوعانه
طالعني فهزيت راسي بمعنى هيه
قال : بمر لمطعم بطلبلج شي تاكلينه عقب بنروح المستشفى
قلته : ع راحتك
طالعني و قال : علشان بسد يوعج قلتي ع راحتك و من شويه ما تسمعين الرمسه تعاندين بكل شي
بس اتصدقين
قلته : شوه "و انا مستغربه توه سرحان بعالم ثاني و الحينه رد لطبيعته "
كمل كلامه : كشخه يوم غسلت ويهج جنج ياهل ..كل مره جي بسوي فيج
صديت برع و قلته : لا مشكور ما يحتاي ..
قال : و انتي ع بالج قاعد اشاورج
سكت عنه و يلست اطالع برع ..مرينا المطعم و طلبت لي وجبه و عقب مرينا المستشفى ..مدري ليش يوم وصلنا جريب الحجره لصقت بمطر طالعني
و قال : بلااج
قلته بصوت واطي : انا ما با ازورها بس انته تجبرني
مطر : خل عنج "فج باب الحجره
كنت بزخ أيده بس هو بعد ايده عني مدري اذا كان متعمد او ما انتبه لي ... بلعت ريجي .. اتذكرت ابوي الله يرحمه و اشكثر عاني من مستشفى لمستشفى ..
مطر : السلام عليكم
عدلت عايشه يلستها استغربت الغرفه فاضيه وينها ام مطر
جفت مطر يطالعني فهمت انه يباني اسلم عليها .. لمحتها كان شكلها تعبان ..و مصفره .. غمضتني بيني و بينكم مهما كانت بعد مسكينه فقدت ظناها ..
تجدمت اسلم عليها مدت ايدها لي قلتها : الحمدلله ع السلامه
و تجربت علشان ابوسها بس بعدت ويها عني عدلت بوقفتي و طالعت مطر الي كان يراقب الموقف انحرجت بس ردت لورا ووقفت صوب مطر
سال مطر : وين امايه و طارق
بس هي ردت بعصبيه : انته ليش يايبنها هني
بطلت اعيوني شكلها تقصدني ..
مطر يهديها : يايه تطمن عليج
عايشه بنبرات حقد : تطمن علي ولا يايبنها تغايضني " شدت ع اللحاف بغيض " انت موليه ما بتتغير مطر
مطر بنبره هاديه : عواش شو فيج و الله بغت تطمن عليج
ما تحملت جي يرمسون شو يتحرون لعبه من بينهم فقلت بسسرعه ادافع عن نفسي كنت بقول هو اجبرني ايي هني ولا انا ما كنت ناويه ...بس انفتح باب الحجره و دش طارق و امه و عزوه ....
رحت سلمت ع ام مطر و عزه طبعا طنشت
طارق : هلا ميثه شخبارج ؟؟
قلته : ابخير الله يسلمك
طارق : مشكوره و الله ع الزياره ...
طالعت عاشه اباها تتعلم من ريلها كيف يحترمون الناس ...
مطر : وين كنتوا
ام مطر : سرنا تحت ناكل لنا شي ... ابشركم عاشه بتظهر اليوم المغرب
عزه : زين احسن بعد البيت من دونج ا امايه ظلمه
ام مطر : وينه سعود فديته
مطر : مجابل طيوره
ام مطر : تحملوا باخوكم ... فديتك مطر داومت اليووم
مطر و جنه متضايج : هي و مب راقد من امس ..
طارق: زين انته بداوم وانا بطلع اجازه ...بس عاشه اترد البيت و اسوي هذيج العزيمه
عاشه بنفس خايسه : انا ما برجع بيت اهلك دور لي بيت ابروحي ولا بروح بيت خالتي "وطالعت مطر جنه تغايضه"
نقزت طارق و يلس ع طرف الشبريه جريب منها و زخ ايدها طالعت مطر جفت ملامح ويهه تغيرت ..
ام مطر : شو ها الرمسه بعد مثل ما طلعتي من بيت ريلج تردين له
عايشه : لا و الله اليوم طيحتوا ولدي باجر شو بتسون فيني
عزه : كل من سعوود
ام مطر : جب انتي ... سعود تاج راسكم و الله
وقف مطر جنه مب عايبنه الجو : يلا ميثه انروح
ام مطر : وين ..؟
مطر : بروح ايييب يدوه
ام مطر : شو تبا فيها ..خلها يالسه عند اختك
مطر مطنش الكل مدري شو بلاه : يلا ميثه " و لوى علي "
قلتهم و انا متلومه من حركة مطر : مع السلامه
قبل ما نظهر سمعنا صوت عايشه اتصيح بصوت عالي كنت بلتفت لها اجوفها شو بلاها يمكن عورها شي بس مطر ييرني و ظهرني من الحجره ...
سالته : ليش اتصيح
قال بغيض : شدراني انا
اكيد معصب لان امه قالت لا اتيب يدتك طالعته كان سرحان بعالم ثاني ... فاجاني يوم رص ع ايدي
و قال بتملك : انتي بتمين لي
استغربت من كلالامه شو صابه ؟؟؟ ما رديت عليه لانه كان يقول كلامه و هو بعالم ثاني ..
ركبنا السياره فقلته : جفت كيف عاملتني قلتلك ما بروح لها لاني اعرف كيف بتستقبلني
مطر يحرك السياره و مب مهتم لكلامي و لاكانه يسمعني
دقيته بجتوفه : مطر
طالعني ابرود و قلته : انا ارمسك و انته سرحان بعالم ثاني
مطر يركز ع الشارع : شو تبين
قلته : كل هاه علشان امك قالتك خل يدتك عند اختك
مطر مب مهتم : لا
قلته : عيل
قال لي بغيض : صخي مالي بارض ارد عليج بشيء
رفعت حياتي : انت ليش معصب
مطر ينافخ بغيض فرديت لورا و صخيت اطالع الدرب برع شكله مب رايق هالانسان فيه حالات مدري شو صابه ..
قلته : مر صوب بيت ابوي ابا اجوفه لو من برع ..
ما سمعني دقيته بجتوفه مره ثانيه : مطر
انكمشت ابمكاني يوم صرخ علي بصوت علي : انت بس ذبحتيني شو تبين
طالعته بخوف .. و جفته وايد محرج ... شو السالفه شو مستو ي ..؟؟؟سكت عنه بس كان قلبي متعلق بجوفة بيت ابوي .. رن موبايل مطر ..يلست اطالع برع و انا اسمعه يوم يرد ع الموبايل حتى بدون نفس يرمس الناس ما يستحي
...التفت ابسرعه ويوم يقول : ولييييييد !!
طالعني مطر بنظرات و قال : لحظه
مد لي موبايله قلته : منوه
فر الموبايل فوقي و قال : ارمس ولد اخوج
شلبيت الموبايل ابسرعه فديت وليد توه بس تذكرني ..
قلته بشوق و لهفه : ولييييييييييييييييد
وليد : انتي وينج عرستي و نسيتيني
قلته : يا بعد قلبي و الله ما نسيتك بس انت ما اتعرف ظروفي فديتك
لمحت مطر يطالعني بس تجاهلت
و كملت : شخبارك شو كبر عقلك ولا بعدك معذب اخوي
وليد : عموه ..انا متبري من اخوج لانه حرمني منج
رصيت ع الموبايل : فديتك لا اتقول جي ترا ازعل
وليد: عيييييييييييل ليش حرمني منج و من راس الخيمه يقول ما عنده اخت ليش ليش لش
كنت بصيح بس يودت روحي و قلته : ابرايه المهم انا و انته ...
مطر جنه طفران : يلا وصلنا صكري
طالعت مطر بنظرات عتب و كملت : وليد لا اتعور براس ابوك باجر يوم بتكبر تعال زورني بيتي مفتوح لك
وليد : زين انتي ما عندج موبايل
قلته : ما عندي بس يوم بيصير بتصل بك ما نسيت رقمك
وقف مطر عدال باب بيت منيره و يلس يضرب هرن متعمد علشان ما اسمع وليد طالعته بنظرات لوم بس هو ابتسم و تم يضرب هرن
قلت : وليد بتصل بك مره ثانيه تحمل ع روحك
وليد : زين ما عليه مع السلامه
وصكر ع طول حطيت الموبايل جريب منه و قلت : انت ما عندك اسلوب
سالني ع طول بنبره جاده : كيف عرف رقمي ؟
تذكرت يوم اول ما ردينا من البحر و اتصلت لوليد علشان يخبر جمال يتصل فيني
تجرب مني مطر و قال : كيف عرف رقمي
رفعت اجتوفي وقلته : ما اعرف
طالعني بنظرات انه مب مصدقني
فقلته : اخوي يعرف
قاطعني بحده : اخوج يبا يفتك منج بروح يعطي رقمي حق ولده ؟؟؟
الامني كلامه نزلت راسسي مطر وايد جاسي ..بس هو طنش ولا اهتم بجرحه لي ..بند السياره و نزل .. نزلت وراه ..
دشينا بيت منيره كنا نسمع صياح ولدها بدر دق مطر باب الصاله سمعنا حس
منيره : الباب مفتووح ..
دشينا يدوه من جافت مطر تغشت ع طول بشيلتها و صدت الصوب الثاني .. يتنتي الضحكه من حركتها رغم جرحي ..
مطر رايح صوبها : ع بالج ما بجوفج تتغشين عني
منيره : ههههههههههههههه
يدوه تاشر بيدها : خوز عني ما بروح وياك
مطر يبوسها فوق راسها : افااااااااااااا
يدوه تعاند : هني انا مرتاحه
سلمت ع يدوه و منيره الي طالعتني مبتسمه و جنها تذكرني بحالتي البارحه رديت و ابتسمت
مطر: البيت من دونج ولاشي
يدوه : لا مييه انتوا بيتكم كله ضرابه هذيج حرمة اخوك البارحه ضاربينها و عاقين ولددها شو بتسون فيني و انا ريولي و القبر
منيره : خلها دام مرتاحه عندي
يدوه : و فديتج انتي ..و انتي ميثه ما حملتي
فجيت حلجي ما توقعت هالسؤال ع طول طالعت مطر الي ابتسم و جنه عيبه شكلي و انا منحرجه ..
يدوه : وصمخ ..
قلتها ابسرعه : لا بعددني
يدوه اتكلم مطر : عيل يمه حبيبي يوم بتحمل ودها بعيد عن بيت ابوك ..ترا بسون فيها شرات حرمة طارق هاي عزه شيطانه الله اكبر عليها ..
مطر يطالعني بنظرات احرجتني : ما يهمج بحطها في عيوني
ضربتني منيره و قالت : هاه صدقتي يوم اقولج يحبج و يباج
تغيرت ملامح مطر : شو السالفه ..
منيره : البارحه اتصلت فيني اتصيح
قاطعتها ترجيتها : منيره بس خلااص
منيره : لا علشان اتعرفين ان مطر يحبج و يباج
طالعت مطر بنظرات خوف و هو طالعني بنظرات حده ..
بس نقزنا يوم يدوه ضربت مطر بعصاتها : ايه انته
مطر و اعيونه علي : هاه فديتج ..امريني
التفت لمنيره اطالعها بنظرات رجاء انها اتصخ ...
يدوه : شو مسوي بحرمتك يتيمه هاي محد لها بالدنيا
مطر يبوس راس يدوته : ماشي فديتج ...
منيره واقفه: بروح احطلكم شي تاكلونه
مطر : لا لا مروحين نحن ....يلا يدوه
يدووه تتجتف جنها ياهل : قلتلك خوز عن ويهي تباني تعال زورني هني
تجرب منها و قال بنبره و جنها تهديد : ترا بشلج ..صدقيني اسالي ميثه شو سويت فيها اليوم
انحرجت منه تتعليقه
يدوه : زين باجر بيي يالله ..
مطر : وعد
يدوه : هي يالله طوووف
منيره : ما كلتوا شي
زخني مطر من ايدي : مره ثانيه .
ظهرنا و قبل ما نطلع من البيت لصقني باليدار ع طول قلت : شوه
سالني بعصبيه : شو قايله حق مينره

الرد باقتباس
إضافة رد
الإشارات المرجعية

أنا حر ما أنهان و الحر ما يرجع لشخص يهينه / بقلم : معاني ، كاملة

الوسوم
ميثه و مطر , انا حر ما أنهان و الحر ما يرجع لشخص يهينه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
خل العذول موطي الراس منكوس / للكاتبة : معاني ، كاملة دمعة أسى روايات كامله - يتم نقل الرواية هنا بعد اكتمالها 104 03-12-2017 11:16 PM
قلوب تنزف عشق / للكاتبة : أغاني الشتاء ، كاملة أســـ بحر الأماني ـــيرة روايات كامله - يتم نقل الرواية هنا بعد اكتمالها 373 14-11-2017 04:12 PM
ما تسوى حياتي دونج / للكاتبة : معاني ، كاملة حلوة منذ مبطي روايات كامله - يتم نقل الرواية هنا بعد اكتمالها 47 29-11-2016 06:51 AM
راحت روحي من محجر عيوني / للكاتبة : معاني ، كاملة كـــايـــد الـــريـــم روايات كامله - يتم نقل الرواية هنا بعد اكتمالها 72 22-09-2016 05:37 AM
ماضي أحزاني / كاملة روح زايــــد روايات كامله - يتم نقل الرواية هنا بعد اكتمالها 159 19-03-2015 06:09 PM

الساعة الآن +3: 04:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1