غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 19-09-2008, 12:28 AM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة




*****

بس هم بنزل الاجزاء رغم عدم مشاركتكم معاي

*****

العـــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 19-09-2008, 12:57 AM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة




( الجزء الخامس)


بوعبدالله:- مبروك يا اخوي
بوفيصل:- مبروك علينا كلنا
منصور:- ماني مصدق أنها رست علينا خاصة ان الموضوع فيه بو ناصر ماكنت ارتاح له
بوفيصل:- هذا هو اللي خفت منه, يا اخوي لاتحكم على الواحد من شكله, ثانيا وش منفعته يخسرنا , حنا قدمنا اقل سعر وهو الأنسب
فهد وهو داخل عليهم:- ماشالله مبسوطين , وش فيكم؟
بوعبدالله:- المناقصة رست علينا
فهد بتعجب:- ماشالله أي مناقصه؟
منصور:- أقول أنت داوم أول بعدين اسأل
بوفيصل:- لازم أشوف لك حد يافهيدان
فهد ويبوس راس ابوه :- وش عليه الحد يبه , أنا ولدك فهد تسمع كلام العذال
بوعبدالله:- لا تغيرون علينا الموضوع , خلونا نرتب للشغل من الآن , ترى المناقصة اللي رست علينا مو سهله

****

ساره+مشاعل:- السلام عليكم
ويبوسون راس جدتهم
الجده:- وعليكم السلام , ياهلا والله باللي جانا تو مانور البيت
مشاعل:- منور بوجودك يايمه
الجده:- ومن جابكم؟
ساره:- اخوي نايف
الجده:- وليه مانزل من زمان ماشفته
ساره:- والله مشغول ياامي ساره بالسفريات اللي ماتخلص, وثانيا انا اللي ماخليته ينزل , بيضايقنا وهو قايل راح يجيك اليوم العصر بيسلم عليك لان بكره عنده رحله
الجده:- الله يحييه , بروح ازهب لكم الغدا
مشاعل:- امي ساره لاتجهزين شي جبنا غدانا معنا وحسبناكم معنا
الجده:- وغدانا
ساره:- خليه عشا لك الليله
الجده:- وش جبتوا عسى مهوب خرابيط؟
مشاعل:- لاموخرابيط, بطاطس مهروسه وفاهيتا...0
الجده تقاطعها:- بس بس, خلوا اكلكم لكم , اروح اشرب لي مرقتي ازين لي من اكلكم اللي ماله لون ولا طعم
مشاعل+ساره:- ههههههههههه
ساره:- ياحليلك والله ياامي ساره
مشاعل:- ماعليك من امي ساره , ليه ماقلتي لي ان نايف اللي راح يمرنا من الجامعه؟!
ساره:- والله ماكنت ادري مثلك فجاه و دق علي نايف وقالي اطلعي لي لان السواق مسوي حادث وموقوف عند الشرطه وهو اللي راح يجينا , بس انا مستغربه منه جالس يخربط ويهلوس ويقول الغاز مافهمتها في السياره, انتي فهمتيها؟!
مشاعل بابتسامه خوف:- لا حتى انا مافهمتها

*****

يرن جوال متعب
متعب:- الو
تركي:- السلام عليكم
متعب:- وعليكم السلام ورحمة الله وبركاته , هلا والله كيف حالك؟
تركي:- بخير , الحمد لله, انت وين؟
متعب:- في السياره بالطريق بمر الاهل من المدرسه
تركي:- والله بقولك موضوع ومتردد
متعب بخوف:- سم خير انشالله؟ عسى ماشر؟
تركي:-من اسبوع تقريبا دقت علي ريم
متعب وقف السياره:- ريم ؟ وش تبي؟
تركي:- طلبت مني رقمك وانا ماعطيتها
متعب بعصبيه:- وليه ماعطيتها؟
تركي بتعجب وعصبيه:- وش تقول ؟ وش اعطيها؟ انت مراهق؟خلاص يامتعب اصحى انت متزوج ولاتنسى هي اللي باعتك
متعب:- انت ماتدري , يمكن محتاجه شي, ثانيا لاتظلمها طيب هي كم رقمها
تركي:- ماراح اعطيك اياه لاني مسحته لكن شكلها تسعى تدور على رقمك , لكن يامتعب يااخوي لاتغرك وتترك ام رند علشانها , ترى اللي يبيعك مره يبيعك الف مره
متعب يصرفه ويتجاهل نصايحه:- طيب, طيب, بس اذا دقت عليك مره ثانيه عطها الرقم

****

يرن الجرس
مشاعل:- من اللي جاي هذا الوقت؟
دخلت الخدامه مارييت
مارييت:- بابا نايف برى تبين يدخل
ساره:- مسرع!
مشاعل:- انا طالعه فوق
الجده:- اجلسي , وين رايحه , ولد خالتك مهو غريب! اجلسي معنا
مشاعل:- رايحه البس عبايتي وانزل
الجده:- مارييت خلي بابا نايف يدخل
نايف:- السلام عليكم ويبوس راس جدته وعيون يمين ويسار يدور مشاعل
الجده:- وعليكم السلام , وينك يالقاطع؟ ماتسال وين امي حيه ولا ميته؟
نايف:- والله يايمه انك على بالي كل ماابغى ازورك تطلع لي الف شغله وهالسفريات اللي ماتخلص
نايف يلف وجهه جهة ساره ويبغى يسال عن مشاعل بطريق غير مباشره:- وانت ماتستحين بنت خالتك راحت بيتهم وانت مازلتي جالسه؟
ساره:- من قالك ان مشاعل راحت! اصلا فوق
تدخل مشاعل :- السلام عليكم
الجده+ساره+نايف:- وعليكم السلام
نايف وهو يراقبها بعيونه الين ماجلست بمكان بعيد عنه
ساره:- الا انت الظاهر انك تنتظر اذان العصر , واقف على الباب , مسرع مااذن مسرع مادخلت , كان نزلت معنا وتغديت وريحت نفسك مره وحده
نايف وهو يناظر مشاعل بطرف عينه:- مشتاق لامي جيت من اول مااذن
مشاعل حست ان الكلام موجه لهاومن الاحراج جلست تلعب باصابعها
ساره:- ودي اصدق يانايف ! ( وبصوت منخفض) اجل تعالي يامشاعل كل يوم
الجده:- ورى ماتطلع من هالشغله وتصير دكتور , على الاقل نشوفك ونستفيد منك كل يوم تجيني البيت تعالجني بدال هالمستشفيات اللي اروح لها كل يوم
ساره:- ياامي ساره والله انك على نياتك , خذ شهادة الطيران وش يخليه دكتور
الجده:- ماعليه يشوف يجرب
نايف:-ههههههههههه امي ساره وش فيه الطيران ليه مو عاجبك؟ انشالله اوديك مكه وتاخذين عمره
الجده:- بتروح مكه؟
نايف:- لا , بكره بروح لبنان , بس اقرب رحله لجده اوديك معي وانزلك مكه, واوعدك اوديك واطوفك واسعي بك , وش بغيتي اكثر؟ كم عندنا من امي ساره!
الجده:- المساله فيها مكه , خلاص ماعليه اجلس فيها
مشاعل في نفسها:- لا ويقول لبنان بعد , المره الاولى نقول يمكن مصادفه , لكن المره ثانيه شكل الوضع عاجبه! شكله يبدل رحلاته مع اللي يروحون لبنان علشان البنات
مشاعل وهي معصبه:- يالله ياامي ساره , انا استاذن بروح البيت
الجده:- تو الناس يابنتي
نايف وهو يناظر مشاعل بنظرات توسل:- اذا انا اللي مضايقك اطلع؟
مشاعل وهي متجاهله نايف:- لاياامي ساره , جود بتجي خويتها ولازم اكون معها
نايف:- اوصلك؟
مشاعل:- لا مشكور
نايف:- انا طالع طالع
مشاعل:- ماعليه هذا السواق جاي
طلعت برى الغرفه تكلم السواق
ساره:- اجل حتى انا بروح ,نايف لحظه بجي معك
نايف:- يالله مع السلامه امي ساره
الجده:- مع السلامه , ولاتقاطعونا وسلموا على امكم
نايف+ساره:- الله يسلمك , مع السلامه

*****

ام فيصل :- نوره يالله دقي على اخوك فيصل خليه ينزل هو ومها بروح احط الغدا
نوره:- انشالله
منصور:- اقول يمه انا بروح غرفة طعام الرجال , تبين اودي شي معي
ام فيصل:- لا مشكور وليدي هذا الخدامه بتجيب الغدا
منصورداخل غرفه الطعام :- ماشالله جالس على السفره اول واحد شكلك جوعان
فهد:-تعرف ياخوك انت اليوم بتتغدى عندنا واذا انت موجود ياتلحق ياماتلحق على الاكل
فيصل :-السلام عليكم
منصور+فهد وبنظرات خبث:-وعليكم السلام
منصور:-عسى تروشت اليوم الصبح اول ماجلست من النوم
فيصل بتعجب ويشم ملابسه:- ليه فيني ريحه
منصور وفهد:-هههههههههه
فهد:-لا والله يا طويل العمر كادي فضحتك ،
منصور:-ليه مافتحت لها الباب صحيح انها خربت عليك بس ماعليه تحملها اختك الصغيره
فهد:-بس احلى السوالف ناخذها من الصغار
فيصل بعصبيه:-هيه هيه التزموا حدكم وكلوا وانتم ساكتين

******

العنود ومتعب جالسبن على الاكل
العنود:-وش رايك بالمطعم اللي رحناه امس اعجبك
متعب بعصبيه:-ليه هذا سؤال ينسال ؟!
العنود بعد مافقدت اعصابها:-متعب انا اللي من حقي ازعل مو انت يامخذت على نفسي كثير وكل اللي اسمعه من الناس اوهام ولكن ماتوصل لدرجة تناديني باسمها حتى الحشيمه ماحشمتني من هي ريم اللي ماخذه عقلك(وبتدت الدموع تنزل من عيونها)
متعب بعصبيه:-من ريم هذه
العنود ودموعها على خدها اسال نفسك يامتعب(وقامت وعيونها نهر يجري من كثر البكاء)
متعب:-(بصوت خافت) وجعلك ماترضين

***************************

نايف:-ساره وش فيها مشاعل اليوم زعلانه
ساره:- لازعلانه ولا شي
نايف:-بس انا من دخلت عليكم وهي ساكته ماتكلمت ولا كلمه
انت مزعلتها في شي
ساره:-شكلك تتوهم الا قبل ماتدخل علينا وحنا سوالف وضحك
نايف وباين على شكله مهموم :-ليكون زعلانه مني اجل
ساره:-حمدلله والشكر وليه تزعل منك انت مسوي شي يزعل
نايف بينه وبين حاله:-اكيد زعلت من سالفه المرايه وربي ماكنت اقصد اني اضايقك
نايف:-ساره تكفين كلميها تاكدي
ساره:-هههههههه يضرب الحب شوبيذل
نايف:-خليه يضرب اللي يضربه المهم كلميها
ساره :-انت مهبول يعني وش اقولها اخوي يقولك اسف ومايدري وش عليه
نايف:-لا انت اول شي شوفي وش عليه الزعل بعدين اعتذريلي منها
ساره:-طيب
نايف :-طيب يالله قومي
ساره:-يعني اللحين
نايف:-لاالسنه الجايه اكيد اللحين
ساره :- خلاص بكره اروح الجامعه واقول لها
نايف:-بكره انا في لبنان
ساره:-مو مشكله اذاعرفت السبب بقولك اول ماتجي
نايف:-لا والله وش يصبرني، بكره الليل بدق عليك وعلميني السبب
ساره:-هههههههه اوكي

**************************

بوسلمان:-هاه ياخوي وش سويت بالموضوع
بوعبد الله:-وش موضوعه
بوسلمان:-موضوع العرس
بوعبالله:-لا ياخوك أي عرس
بوسلمان:-شكلك المره الاخيره مقتنع وش اللي غير رايك
بوعبدالله:-الزواج الثاني مشاكله ماتخلص
بوسلمان:-أي مشاكل ياخوي هذا بو فوازخوينا عنده ثلاث حريم وماشالله ماكنهم الاخوات
بو عبدالله:-يصير خير انشالله
بوسلمان:-ترى ياخوي انا اعين واعاون
بوعبدالله:-ماتقصر والله ياخوي عزيز وغالي ومانستغني عن مشورتك
بوسلمان:-والله ياخوي لوعندي بنت في سن زواج والله ماغلت عليك
بوعبدالله:-هههه الله يسعد بناتك ويرزقني ابنت الحلال اللي تجيب الولد اللي تقر به عيني
بوسلمان :-امين والله انك تستاهل

*******************************************

في المملكه في جلسات المطاعم


ماجد:-والله فاتك ياعبدالعزيز نص عمرك في روحه البحرين
عبدالعزيز:-اجل انبسطتوا
احمد:-ايه والله بس اللي عكر علينافهيدان جاته حالة التزام فجاه
فهد:-لاوالله لالتزام ولاشي بس كنت متضايق شوي
عبدالعزيز:-أي فيلم حضرتوه بالسنما
عبدالله:-ههههههه لاوالله وانت الصادق حضرنا فيلمين فيلم مباشر وفيلم على الشاشه
عبدالعزيز بتعجب:-كيف على الطبيعه
فهد:-جمبنا واحد مع خويته مسوين فيلم على الطبيعه من اللي عينك تتمنى تشوفه
عبدالعزيزوهومتفاعل مع الكلام قام سحب الكرسي ولزق بفهد:-كمل كمل
ماجد:-قلنا لكم الولد منتهي
عبدالعزيز:-انثبر، كمل يافهيدان
فهد:-من الى
عبدالعزيزبلهفه:-من ايش الى ايش
فهد:-من البوس الى.......
عبدالعزيزوفتح عيونه على الاخر:-الى ايش؟!
احمد:-لالالايروح بالك بعيد
يمرون مجموعة بنات قريب من طاولتهم وتاشر وحده من البنات على شعر فهد
البنت بصوت عالي شوي:-ههههههههه بنات , بنات , ناظروا هذا مسوي حفله بشعره ههههههههههههههههه
فهد يناظرها بنظرات غضب والشرر يتطاير من عيونه وعبدالعزيز يمسك يد فهد
عبدالعزيز:- اتركها ماعليك منها وربي الهيئه ماترحمك
فهد بغضب:- نشوف من يضحك على الثاني ياحيوانه
احمد:- قم قم يااخوي واتركها ماتدري هي بنت مين
فهد:- وهي ماعرفت انا ولد مين
وقام فهد يتسوق مع اخوياه وعينه على البنت يراقبها الين ماطلعت واول ماطلعت راح مسرع جهتها والشرار يتطاير من عيونه وصدى كلامها يتردد في اذنه ومد يده لرقبتها من ورى وضغط عليها بقوه ورفعها ونزل وجهها للارض ومسح فيه الارض وهي مصدومه من الموقف وابتدت تصرخ وتنادي خوياتها
فهد بعصبيه:- مو فهد اللي ينتتريق عليه وينقال له حفله , ومثل ماضحكتي علي الناس وربي لاضحك عليك خوياتك وهالحركات لعبيها على واحد غير فهد

******************************

نوف:- اووف ياثقل دمها زميلتك ماهضمتها
جود:- مااخذت رايك
ام عبدالله:- لاماشالله عليها طيبه
جود:- وانت يامشاعل شكلها غيرت رايها فيك من دخلتي وانت بوزك شبرين
ام عبدالله:- ماظنيت من دخلت امها انهبلت على مشاعل لدرجه انها باستها
نوف:- والله ماعندها ذوق , في وجهها انا كل الزين فيني وتبوس غيري
مشاعل:- اقول بس سكروا موضوع طيف وخلونا نشوف فيلم جبته من نوره
ام عبدالله :- مدام المساله فيها فيلم اجل انا بطلع وبنام
مشاعل:- جود قومي جيبي بوشار وبيبسي ونوف قومي شبكي الاسلاك وسكري الانوار وجيبي معك ليمونه
جود:- ياحظي بوشار وبيبسي وليمون مايصلح
نوف:- لا والله وانتي يالاميره وش بتسوين
مشاعل:- حمدو ربكم جبت لكم الفيلم
بوعبدالله:- السلام عليكم
الكل:- وعليكم السلام
بوعبدالله:- وش تسوون
مشاعل :- بنشوف فيلم مرعب
بوعبدالله:- اجل انا بطلع انام
بوعبدالله يطلع من غرفة التلفزيون ويسمع جرس الباب ويفتح ويلقاه منصور
بوعبدالله:- حياك الله عسا ماشر , احد فيه شي
منصور بابتسامه:- يعني وجهي نحس مااجيكم الا ببشارات الشر
بوعبدالله:- لا محشوم بس هذا وقت نوم
منصور:- احد ينام الساعه 11 يوم الاربعاء
بوعبدالله:- ههه انا عارف انك مو جاي علشاني نمت ولا صحيت مايهمك , ادخل للبنات داخل يتابعون فيلم مرعب
منصور :- لا اطلع بكرامتي ازين لي
بوعبدالله:- لا ادخل امزح معك
منصور:- ادري بدخل ههههه بس انت رح نم الله يهداك
ويدخل منصور ويلاحظ ان غرفة التلفزيون ظلام فحب انه يستغل الموقف
منصور:- ليندا ليندا
ليندا:- نعم بابا
منصور:- مافيه نوم, ليه
ليندا:- ههه لا بابا مافيه نوم
منصور:- اقول روحي جيبي لي عبايه من فوق
ليندا وفاتحه عيونها :- ايس بابا
منصور:- يالدبشه عبايه مشاعل بسرعه
ليندا:- تيب بابا والله انت في سوي مشكل
واخذ منصور من ليندا العبايه ولبسها وقالها روحي ضفي وجهك ونامي ودخل بهدوء للغرفه وهم مندمجين بالفيلم فماحسوا والخوف خلاهم يتجاهلون دخوله وراح جلس باخر الغرفه
(لما دخلوا البطله وحبيبها بيت الشمع حست البطله بحركه بالشباك وراح حبيبها يطالع فيه احد برى او لا) استغل منصور الموقف وقام يصدر اصوات
وزاد دقات قلبهم من الخوف وحسوا باصوات من داخل الغرفه
جود:-احس انه في صوت داخل الغرفه
مشاعل وهي الخوف مقطع قلبها:-اقول بلا اوهام شوفي الفيلم وانت ساكته
نوف:- احس ان رجولي موقادره تتحرك من الخوف
مشاعل وهي اكثر وحده خايفه:-طالعوا الفيلم وانتم ساكتين ازين لكم
والاصوات تزيد
مشاعل:-نوووووف افتحي اللمبات
نوف:-سكتي رجولي ماني قادره احركها
مشاعل:-قومي انت ياجود
جود:-قومي معي انا خايفه
مشاعل وهي مبينه انها مو خايفه:-يعني فيه احد بياكلك
مشاعل:-خلاص كلنا نقوم مع بعض ونفتح اللمبات
قاموا كلهم بيفتحون اللمبات
الاتنفتح اللمبات لوحدها ويشوفون في وجهم واحد واقف جمب مفتاح اللمبات
مغطي كل جسمه بعبايه سوداء
ويصرخون صرخه ويفرون من الباب وهم يبكون ماعدامشاعل من الخوف طاحت في الارض وتجمدت في مكانها
وفتح منصور العبايه :-يالمهابيل انا عمكم
نوف ادخلت الغرفه وهي تهلوس :-حسبي الله على شيطانك كنت بصير من خوات كان
منصور:-يعني اللحين صرت من مازال
مشاعل بعدما ستوعبت الموقف:-عمي والله ان قلبي طاح في بطني
منصور:-امانه مو دمي خفيف
جود بعصبيه:-هههه الااثقل من الطينه
منصور:-ياحبايبي منتوا قد الافلام المرعبه لاتشوفونها واصلا انا حبيت اكمل لكم الجو
ويناظرالمكان :-ماشالله اجل جالسين بسينما بوشار وبيبسي وانوار مطفيه بس الليمونه داخله عرض ليه
مشاعل:-وبكل برود يتريق بعد
الكل:-ههههههه
منصور:-اقول بس عيدوا الفيلم بتابعه معكم شكله حلو
جود:-لاحرام عليك راح اكثر من نص الفيلم ابغى اذاكر
منصور:-حرام عليك يالظالمه احد يذاكر يوم الاربعاء انا اذكر اني مااذاكر الا يوم الجمعه بالليل واذا صار عندي اختبار بعد
نوف:-اقول بس حطو الفيلم
ويناظرها منصور:-اقول ياحظي انت اللي قومي ذاكري ثالث ثانوي
نوف:-اقول شف الفيلم وانت ساكت
منصور:-ان شاءلله عمتي نوف

********************************

يدق جوال متعب برقم غريب
متعب:-الوه
.....صوت ناعم مررره:-هلا والله متعب كيف الحال
وحس متعب بفرحه كبيره بقلبه وتمنى انه يرجع مراهق والجوال يوصله خلال ثواني لها مثل مايوصل الصوت ويعبر عن شوقه لها بالفعل والكلام
متعب:- هلا والله بكل الغلا , هلا والله بهالصوت, هلا بريم
وفي هالحظه انزلت هالكلمه مثل الخنجر اللي طعن في قلب العنود اللي سمعت هالكلام وهي داخله للغرفه


###############################



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 19-09-2008, 12:59 AM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة


( الجزء السادس)


يدق جوال متعب برقم غريب
متعب:-الوه
.....صوت ناعم مررره:-هلا والله متعب كيف الحال
وحس متعب بفرحه كبيره بقلبه وتمنى انه يرجع مراهق والجوال يوصله خلال ثواني لها مثل مايوصل الصوت ويعبر عن شوقه لها بالفعل والكلام
متعب:- هلا والله بكل الغلا , هلا والله بهالصوت, هلا بريم
وفي هالحظه انزلت هالكلمه مثل الخنجر اللي طعن في قلب العنود اللي سمعت هالكلام وهي داخله للغرفه

العنود ماقدرت تتمالك نفسها من شدة الصدمه وحست ان الدنيا تلف في وجهها وانها فقدت توازنها وجلست على الارض جلست الذليل المسكين , جلسة اليتيم, جلسة المقهور ,وحالها يقول تكفى اسكت لاتكمل, اما على الجانب الثاني ومن خلف الباب تحديدا
ريم:- ظنيتك نسيت صوتي
متعب:- انت تعرفين من انت في قلبي ياريم انت حبي الاول , انت عمري , انت حياتي , انسى اسامي الكون واغلط وانادي باسمك
ريم ببكاء:- واللي يحب يتخلى بهالسهوله ويبيع حبيبته ويتزوج بنت عمه
متعب:- بس لاتبكين, تراك قطعتي قلبي , زواجي من بنت عمي امر مفروض علي , وانت عارفه من اول ان مصيري آخذ بنت عمي , ولاتنسين ياريم انت اللي بعتيني برخيص اول , اخذت اعز اصدقائي وتركتيني مجروح , وكلمتيني وانت مبسوطه تبشريني مادريتي انك بشرتيني بموتي يوم زفوك عليه تمنيت يزفوني للقبر ولااشوفك تنزفين لغيري
ريم:- وانا اليوم ندمت وعرفت ان حبك بس هو الحب المخلص , انت اللي حبيتيني من قلب وجايه اليوم اطلب نرجع اللي مضى
في هالاثناء العنود حست دموعها خنقت وزادت قساوت الكلمات عليها , ونجحت في انها تتمسك بالجدار وتدخل غرفتها اللي كانت بنتها رند موجوده فيها ونايمه عشان ماتسمع اكثر من الكلام اللي سمعته
العنود وهي تبكي وتبوس بنتها بكل حنان وعطف ( آه يمه...آه محتاجه لك... يمه وينك ... تيتمت صغيره ...فقدت الاب الحنون ...فقدت دلاله وحنانه...بس كنت لي الخيمه اللي حضنتني ...كنت لي النور اللي ينور دربي... يمه عمرك ماحسستيني باليتم ...وبيوم فرحتي وتخرجي من الابتدائي جيت بيتنا فرحانه وقلت اكيد امي بتفرح لي ...وابوي بعد بيفرح لي في قبره...جيت اركض...اطير...لكن انصدمت...ايه يمه صدمتيني يوم بعتيني برخيص...يوم دخلت وشفته وقلتي لي هذا مثل ابوك...بهالسهوله يمه ارخصتيني وارخصتي ابوي...وفي ليله قمت مفزوعه خايفه ابي حنانك ...ابي حبك...بكل غرور قالها...عندها عمامها ياخذونها...يمه سكتي ومارديتي عليه...يمه بعتيني وقلتي لي عمك مثل ابوك...ومرته مثلي...روحي لهم...وكل ماسمحت لي ظروفي بجي لك... يمه بعتيني ...ورحت بيت عمي...وكبرت...وعرسوني ولده...وجت اقوى طعنات قلبي منه...يمه كلكم بعتوني...آه...آه...آه يايمه...تعبت الاقيها منك ولا من الزمن...وينك يبه...محتاجه لك...محتاجه لحنانك...انا دلوعتك يبه...تكفى يبه ابـــــــــيــــــــــــــــــــــــــــــك...يارب انك تاخذ روحي وارتاح من هالدنيا...)
انتبهت العنود على صوت رند تبكي.
العنود باست بنتها ومسحت دموعها :- استغفر الله , استغفر الله ,استغفر الله

*************************

ساره:- الوه, هلا والله
مشاعل:- هلا فيك حبيبتي
ساره:- كيف الحال؟
مشاعل:- تمام
ساره:- اكيد؟
مشاعل:- ليه شاكه؟
ساره:- لا , بس شكلك امس متضايقه بيت امي ساره
مشاعل:- لا, ولاشي بس خويت جود بتجي وقلت اروح لها
ساره:- مشاعل!مو علي هالكلام , انا عارفتك اكيد فيك شي اللي خلاك تطلعين فجاه , حتى نايف حس!
مشاعل:- لا ماشالله على اخوك يعرف يحس بشي غير بنات لبنان
ساره:- اوف, شكلك شايله بقلبك على نايف , لايكون بس على اساس سفرته للبنان, اذا كان جد والله انك سخيفه
مشاعل:- مشكوره
ساره:- العفو حبيبتي , بس قولي وش القصه
مشاعل:- لاقصه ولاشي, المره الاولى قلنا صدفه, بس الثانيه شكله يبدل عشان بنات لبنان
ساره:-هههههههههههههههههه الانايف
مشاعل:- تذكرين لما كانوا البنات ببيتكم ونسيت جوالي عندكم ورجعن آخذه
ساره:- ايه
مشاعل:- طلع اخوك عشان يعطي عمي الجوال وانا كنت بالسياره , المهم من ضمن الكلام ان نايف قال لعمي ان عنده بكره رحله للبنان , فرد عليه عمي يابختك بتروح للخضره والماء والوجه الحسن ,فرد اخوك أي وجه حسن وحنا هناك مايمدينا نتنفس
ساره:- ايه
مشاعل:- بما انه ماتنفس المره الاولى فراح هالمره يتنفس ويناظر البنات, جعلهم كفوه
ساره:- هههههههه والله انك هبله, ليه هي الرحلات بمزاجه؟
مشاعل:- لابس يبدل ياعيوني مع اهل لبنان,
ساره:-ههههههههه صدقيني مايحب ولا راح يحب غيرك
مشاعل:- واضح
ساره:- الا انتي وش اخبارك؟
مشاعل:- ههه تمام , الا بقولك تعالي اليوم بيتنا
ساره:- ليه وش المناسبه؟
مشاعل:- لا ابوي شاري لنا انا وخواتي كل وحده على ساعة كارتير الجديده وامي كارتير الماس
ساره:- ماشالله, بس غريبه عمي من عادته مايهديكم هدايا غاليه الا بالمناسبات
مشاعل:- مدري كلنا استغربنا , بس فشله نساله , تدرين هاليومين كثرت طلعاته مع امي يروحون يتعشون برى لوحدهم وقايم جالس يقولها انت الغاليه انت الاصل
ساره:- الله يدوم المحبه مابينكم , اوكي اجل اليوم السهره بيتكم , المهم عندي خط ثاني انتظار
مشاعل:- حياك الله
مشاعل:- باي
ساره:- باي
وترد ساره على الانتظار اللي بالجوال
ساره:- الوه
نايف:- هلا مشاعل, آسف ساره شخبارك وش اخبار امي
ساره:- مشاعل, آسف ساره ههههههههه , كلنا الحمد لله , بس امي نايمه داخل تبي اناديها لك
نايف:- لا لا , بس كلمتي اليوم مشاعل بالجامعه؟
ساره:- لا
نايف بعصبيه:- ليه هذا وانا محرصك
ساره:- ههههههه أي جامعه واليوم الخميس , بس كلمتها تلفون ولسى مقفله منها الخط
نايف:- طيب , ليه زعلانه؟
ساره:-مو زعلانه معصبه
نايف:- اوكي , ليه معصبه
ساره:- تذكر يوم يجي عمها ياخذ جوالها وقالك يابختك بتروح لبنان للخضره والماء والوجه الحسن , انت وش رديت عليه
نايف بابتسامه:- ايه اذكر قلت أي وجه حسن وحنا مايمدينا نتنفس هناك , كان قصدي اغايضها
ساره:- بس , هي مسكت عليك هذي الكلمه, وتقول ان بنات لبنان عجبوك وانت تبدل رحلاتك للبنان عشانهم
نايف:- ههه ياحليلها
ساره:- ايه من قدك انت بلبنان وانا بيت خالتي وكثير علي
نايف:- انت الحين بيت خالتي؟
ساره:- لا بروح لهم الليله, تبيني اوصل سلام
نايف بعد ماحط كلمت اخته في باله:- ههه ياليت , , المهم بلغي اهلي اني كلمت اول مايصحون , باي
ساره:- انشالله , باي

***************************

منصور جالس بالغرفه لحاله فقرر انه يلعب على امه وزجة اخوه ( ام فيصل) وبحكم انها ماتقرا ارقام الكاشف استغل هذي النقطه ودق على تلفون بيت اخوه بو فيصل
منصور بصوت عذب:- الو, هلا
ام فيصل:-هلا فيك اخوي , نعم
منصور:- يابختي لوكنت اخو هالقمر , ممكن نتعرف ياحلوه
ام فيصل بعصبيه:- عيب ياوليدي , وش هالكلام , انا كبر امك وانت عندك خوات خاف الله فيهم
منصور:- لاتلوميني , من سنعت صوتك وانا حالي متغير , ودي اتعرف عليك, ممكن نتعرف على القمر
ام فيصل بعصبيه:- الله يهديك بس
وتقفل الخط في وجهه
منصور بضحك عالي ومبسوط انه نجح مقلبه فقرر انه ينزل تحت لام فيصل
منصور:- السلام
ام فيصل:- وعليكم السلام
منصور:- وش فيك يالغاليه معصبه
ام فيصل:- اولاد ابليس مايتركون احد في حاله
منصور:- ليه وش سوو لك
ام فيصل:- كلم واحد قليل الادب يقول ياقمر نبي نتعرف
منصور:- ههههههه احلى امي تغازل
ام فيصل :- استح على وجهك
منصور:- اثاريك منتي معذبه بس قلب بو فيصل معذبه قلوب كل الرجال
ام فيصل:- اقول استح وشكلك انت اللي مسوي المقلب
منصور ماقدر يتحكم في ضحكته:- هههههههههههههه ويبوس راس امه ويقول لها تعيشين وتاكلين غيرها
ام فيصل:- الله يقطع شرك من ولد مااسمعك بو فيصل كان طحت انا من عينه وطلعت من ذمته
منصور:- ههه كل هذا عشاني غازلت امي

**********************************

بو نايف:- الا نايف ماكلم اليوم؟
ساره:- الا كلم وقال اسلم عليكم , كنتم نايمين
ام نايف:- الله يسلمه
بو نايف:- الا بسالك ياام نايف , فيه مشاكل بيت اختك ام عبدالله وزوجها
ام نايف بخوف:- لا , ليه؟ وش هالسؤال الغريب!
بو نايف:- لا , بس انا سمعت من الرجال في الديوانيه ان بوعبدالله يخطّب
ام نايف مصدومه من الموقف :- وش يخطّب , وش هالكلام يابو نايف, ماسواها وعياله صغار , يسويها بعد ماكبروا بناته, لا هذي اشاعات مااصدقها
ساره:- ايه وانا اليوم مكلمه مشاعل ماقلت شي عن كذا بالعكس تقول ان عمي شاري لهم هدايا ساعات
بونايف:- والله مدري, هذي سالفة الرجال في كل الديوانيات.
ام نايف بخوف على اختها:- لا انشالله اشاعه
ساره:- ياعمري خالتي وبناتها لو اسمعوا هالاشاعه كان ماتوا , اوف من هالناس مايتركون احد في حاله , الا بيزوجون الرجال غصب.
ام نايف:- والله انكم خوفتوني على اختي بروح اكلمها واتطمن عليها
ام نايف:- السلام, هلا والله بوخيتي
ام عبدالله:- وعليكم السلام, هلا والله فيك , وش اخبارك واخبار العيال وبونايف
ام نايف:- كلنا الحمد لله بخير ونايف مثل ماانتي عارفه مسافر, الا وش اخبارك واخبار بوعبدالله والبنات؟
ام عبدالله:- انشالله يرجع لكم نايف بالسلامه, الحمد لله كلنا بخير
ام نايف:- وش اخبار بو عبدالله مع الشغل والشركه؟
ام عبدالله:- الحمد لله, الظاهر يااختي ان الشغل الكثير زاد من غلاتنا عنده
ام نايف :- كيف؟
ام عبدالله:- طالع داخل يقول لي انت الغاليه, انت ام الغاليات, وبناته مايسميهم الا نور عينه
ام نايف بعد ماحست ان الكلام اللي سمعته اشاعه وارتاح بالها على اختها:- الله يدوم المحبه مابينكم يالله تامرين على شي.
ام عبدالله:- سلامتك , بس خلينا نشوفك والعيال
ام نايف :- انشالله مع السلامه
ام عبدالله:- مع السلامه

*********************************

بعد صلاة العشاء

ساره:- السلام عليكم
ام عبدالله+البنات:- وعليكم السلام
تبوس ساره راس ام عبدالله:- وش اخبارك خالتي
ام عبدالله :- تمام , وش اخبارك انتي وليه ماجت امك معك
ساره:-انا الحمد لله , وامي بيت جدتي ليه مانتي رايحه لها
ام عبدالله:- الا هذا انا بطلع الحين
نوف:- هلا والله ساره وش اخبارك؟
ساره :- تمام وش اخبارك انت مع ثالث ثانوي الله يعينك ياعمري
نوف:- انا الحمد لله اما ثالث ثانوي يجنن مدري من اللي طلع عليه اشاعه انه صعب
جود:- اللي يذاكرون ياحظي هم اللي يقولون صعب مو مثلك مذاكرة نص ساعه تكفيك
نوف:- هذا ياحبيبتي يسمونه قدرات
ساره:- هههههههه الله يوفقكم ويوفقني
الكل:- آآآآآآآآآمين
مشاعل :- قومي ياساره نطلع فوق غرفتي
ساره:- يالله
نوف :- وانا ؟
مشاعل:- انت ياحظي ذاكري مع جود ولما تخلصون تعالوا لنا
نوف:- انا طول عمري ماكول حقي معكم بس انشالله لي الجنه
مشاعل اعطت نوف نظره وصعدت هي وساره غرفتها
مشاعل:- تاكدي ياساره ان باب الغرفه مقفل
ساره:- مقفل
مشاعل:- شوفي هذي الساعه اللي جابه ابوي لنا انا وخواتي نفس الشكل وامي السير فضي والماس
ساره:- الله تجنن , عمي من عمره ذوقه بالساعات يجنن
في هالاثناء يدق جوال ساره
ساره:- هلا والله
نايف:- هلا فيك , شكلك طالعه مو في البيت
ساره:- ههه ايه في بيت خالتي
نايف:- ومشاعل قريبه منك
ساره:- ايه
نايف :- سلمي عليها
ساره:- انشالله
نايف مرتبك وابتدى يشبك اصابعه ويتلعثم في كلامه:- تعرفين ياساره الواحد في هالدنيا ماله الا اخوه ان ضاقت به الوسيعه , وخاصه اذا كان قريب من سنه , يرتاح له, مثلي انا وانتِ
ساره:- مشكور
نايف:- ساره ممكن اطلب منك طلب ولاترديني
ساره:- آمر , سم
نايف:- سم الله عدوك , بس بغيت يعني
ساره:- ايه
نايف بحيا وخجل :- اكلم مشاعل
ساره:- نعم؟ منت بصاحي ؟
نايف:- ليه! تكفين ساره ثواني بس ثواني
ساره:- لا انت انهبلت
نايف بخجل:- تكفين ساره ابي تبينين غلاي عندك
ساره:- بس انت تتحمل نتايج اللي بيصير
نايف :- انشالله
ساره:- مشاعل خذي كلمي
مشاعل بتعجب:- مين
ساره:- كلمي وبتعرفين تراها مساله ضروريه
مشاعل بخوف:- نايف؟
ساره:- كلمي وانت تعرفين
مشاعل بتردد وخوف وايدينها ترتجف :- الو
نايف:- هلا مشاعل
مشاعل:- نعم
نايف بعد ماجمع كل قوته على الكلام ولاول مره يكلم مشاعل مباشره بالجوال:- اسمعي مشاعل صحيح ان بنات لبنان جميلات, وحلوات , وانيقات , واجسامهم حلوه, وكل واحد يتمناهم
مشاعل قفلت الخط في وجه نايف بسرعه وعيونه يتطاير منها شرار:- سخيف
ساره بخوف:- ليه وش قال
مشاعل:- قلت لك اخوك سخيف
وصل مسج على جوال ساره وبعد مافتحته ساره وقرته
ساره:- مشاعل هذا المسج لك
مشاعل:- اخذت الجوال وهي في قمة عصبيتها وابتدت تقرى الرساله
اسمعي مشاعل صحيح ان بنات لبنان جميلات
وحلوات
وانيقات
واجسامهم حلوه
وكل واحد يتمناهم
بس انتي في عيني [قمرهم كلهم]
مشاعل بباتسامه:- ماتجوز من حركاتك يانيف
ساره:- يعني رضيتي
مشاعل:- مشكلتي ان قلبيؤ مايطاوعني ازعل عليه
ساره:- يضرب الحب شو بيذل
مشاعل :- هههه سخيفه
ساره:- طيب
بعد هذا المسج قرر نايف انه يروح يشتري هديه لمشاعل فطلع مع خويه بندر بعد ماشرح له القصه وشرى لها عطر وغلفه وقرر انه يعطيها اول مايرجع من السفر

*****************************

متعب حاسس بفرحه كبيره في قلبه واخيرا حبيبة قلبة, حلم عمره , جاته تبي ترجع اللي بينهم, فرح فرحه نسى معها انه متزوج من انسانه حبته انسانه جرحها من دون مايدري نسى بنته , نسى انه متزوج والمفروض انه يحكم عقله, من قده رجعت له ريم قلبه , معناها انها رجعته الامل بالحياه مع حبها , مستعد انه يسامحها على كل غلطاته واستمرت مكالمة متعب وريم يتبادلون كلمات الحب والغرام وتارك بالغرفه قلب ينزف من الجرح عيون فاضت دموعها حسره على حالها
دخل متعب غرفته والفرحه متغلغله في كل خلايا جسمه , من الفرحه مو عارف يثبت بمكان , دخل الغرفه وناظر العنود بنظرات بارده , اما العنود حاولت انها ماتبين انها عارفه وسمعت المكالمه ماتبي تبين ضعفها له لفت وجهها الجهه الثانيه , اما هو بكل انانيه سحب شماغه وطلع وبطلعته حطم قلب العنود اللي استسلمت للبكاء الى ان نامت

******************************

في صاله بيت بو ناف بعد مارجع نايف من السفر
ام نايف:- هلا والله بنايف وش اخبارك
نايف:- الحمد لله الا وش اخبارك انت
ام نايف:- الحمد لله
نايف:- وش اخبارك انت يبه؟
بونايف:- الحمد لله تسال عنك العافيه انشالله
نايف:- ساره , تعالي لي غرفتي ابيك
ساره باستغراب:- انشالله
وطلعوا ساره ونايف غرفة نايف
نايف بدى عليه الارتباك وصار يمرر يده بين شعره ويحرك رجوله:- بقولك شي ياساره بس لك ولا للذيب
ساره بابتسامه:- للذيب , بس قل وش عندك
نايف:- افا , هذي من اولها
ساره:- لاني بعرفه اليوم ولا بكره بس قلي ولاتخلي بقلبك شي
نايف:- انا عارف انك جالسه هنا بالبيت طفشانه , وش رايك اطلع معك وامشيك نروح نتعشى بمطعم مثلا
ساره وارتسمت على وجهها علامات تعجب:- غريبه
نايف:- مالغريب الا الشيطان بس تعرفين انتي اختي ومالنا الا بعض
ساره :-...........
نايف بتردد وخوف وهو مشبك اصابع يدينه ورجوله ترتجف وعيونه تتحرك في كل الاتجاهات وقام يقطع ورقه كانت بيده:- عندي امانه
ساره:- من له
نايف:- ممممممم , لمشاعل تقدرين توصلينها لها
ساره:-ههه جالس تلف وتدور اثاريك تبيني اعطي مشاعل هديه منك
نايف:- ايه تكفين
ساره:- مدري احس انها صعبه
نايف:- طلبتك لاترديني عطيها اياه اليوم
ساره:- انشالله بس وش هي الهديه
نايف:- عطر
ساره:- ياعيني على الحب , اوكي بس وصلني اليوم بيت خالتي
نايف:- انشالله , بس انت كلميها اول تاكدي انها موجوده
ساره:- انشالله
وبعد ماتاكدت ساره ان مشاعل موجوده بالبيت وصلها نايف بيت خالتها
مشاعل:- هلا والله ببنت الخاله وش اخبارك
ساره:- تمام وش اخبارك انتي
مشاعل:- الحمد لله
ساره:- مشاعل تعالي نطلع غرفتك فوق
مشاعل:- يالله
في غرفة مشاعل وبعد ماتاكدت ساره ان الباب مقفول
مشاعل:- وش هالكيس اللي بيدك
ساره:- هذي هديه مني لك
مشاعل:- وش المناسبه
ساره:- احبك من زمان ومالقيت فرصه اعبر فيها عن اعجابي فيك الا اليوم
مشاعل:- مشكوره حبيبتي ماقلتي جديد, بس جد وش هاللي بالكيس ترى الفضول ذابحني
ساره:- ممممممم مشاعل اللي بالكيس امانه من شخص لك
مشاعل:- من وين
ساره:- من واحد ينقال له نايف
مشاعل:- اخوك
مشاعل :- وش امانته؟
ساره عطت مشاعل الكيس:- تفضلي هذي هديه لك من نايف من لبنان
مشاعل:- انتي مهبوله اقبل هديه منه وش يقول عني , اسفه ساره مااقدر
ساره:- وش بيقول عنك الله يهديك لو انه بيتكلم ماكان جاب الهديه لك انتي لوحدك ونسانا انا وامي وابوي واخواني
مشاعل:- مقدر
ساره:- بس هذا من حبيب القلب يالله خذيها عشاني
مشاعل بخجل :- بقبلها لان فيها من ريحة الحبايب
ساره:- هههه وتقولين مايحبك يالله باي نايف ينتظرني تحت
اكتفت مشاعل بابتسامه:- مع السلامه

*****

هذي اجزئين علشانكم

*****

العـــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 20-09-2008, 09:17 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة



(الجزء السابع)


العنود افتحت عيونها بتثاقل وبكسل, حاسه انه فيه شي ثقيل عليهم, بس تغلبت على التعب وفتحتهم وهي تتسائل بينها وبين نفسها اذا كان اللي صار امس لها كابوس مزعج او خيال, ولكنها اصطدمت بالواقع لما شافت بنتها نايمه بحضنها وهي نايمه بثياب البيت من غير ماتلبس ملابس النوم, واللي اكد عليها الامر عدم وجود متعب معها بالغرفه, ناظرت الساعه وكانت الساعه ثلاث بعد نصف الليل, في هاالاثناء قررت العنود انها تحمل بنتها, وتحمل معها آلامها واحزانها وجروحها, وتروح لغرفة بنتها رند وتكمل نومها هناك وتحتفظ بما تبقى لها من كرامه, وفي غرفة رند كانت العنود تتقلب في السرير وكلام متعب يتردد في اذنها
العنود:- ياترى كيف راح تكون حياتي معك يامتعب , وبعد ماغلب عليها النعاس ومتعب ماجاء قررت انها تاجل مواجهته الى ان يجي تكون ارتاحت قليل واستسلمت لنوم عميق بجوار بنتها

*******

ام عبدالله:- يابو عبدالله ودي اليوم اروح بيت اختي ام نايف
بوعبدالله:- ليه خير؟
ام عبدالله:- لا بس ماشفتها لي اسبوع وودي اروح لها
بوعبدالله:- براحتك متى مابغيتي تروحين قولي لي وانا اوديك
ام عبدالله:- لا مشكور السواق موجود بس حبيت اعطيك خبر
بوعبدالله:- لاوش دعوى وانا بروح الشركه اوصلك والسايق يرجعك
مشاعل:- يمه ودي اروح السوق اول
ام عبدالله:- روحي مع خواتك
مشاعل:- لابروح مع نوره بنت عمي بس هم ودي اروح بيت خالتي
ام عبدالله:- خلاص نروح الحين بيت خالتك وبعدين السوق , كلمي نوره قولي لها
مشاعل:- انشالله بروح البس
نوف:- وانا
بوعبدالله بتعجب:- وانت ايش؟
نوف ببرود:- بروح بيت خالتي
بوعبدالله:- يابنتي الله يهديك انت الان بثالث ثانوي جدي بالمذاكره ولاحقه على الطلعه
نوف:- اولا انا انتهيت من المذاكره , وثانيا انا مااعرف اذاكر وفي ناس طالعين برى , والاهم اني احتاج ارتاح شوي وهالوقت بروح بيت خالتي ولما ارجع اكمل مذاكره , تكفى يبه
بوعبدالله بابتسامه:- براحتك , وانت ياجود بتروحين
جود:- اذا انتهيت من الواجب بروح
ام عبدالله:- يالله بسرعه قوموا البسوا مانبي نتاخر
الكل:- انشالله
بوعبدالله بعد ماتاكد ان كل البنات راحوا يلبسون:- الا اقول ام عبدالله وش رايك بما ان مشاعل بتروح السوق والبنات بيرجعون يذاكرون نروح انا وانت بعد صلاة العشا مطعم
ام عبدالله باستغراب بس ماحبيت تبينه:- نروح مع البنات كلنا مره وحده
بوعبدالله بارتباك:- مم لا ودي نرجع ايامنا القديمه مع بعض وهم فيه موضوع بكلمك فيه( في هالاثناء زاد ارتباكه)
ام عبدالله بخجل وخدودها محمره:- انشالله بعد صلاة العشا بتجهز

********

في بيت ام نايف

ام نايف:- هلا والله باختي وش اخبارك
ام عبدالله:- الحمد لله وش اخبارك انت والعيال
ام نايف :- الحمد لله
مشاعل +جود +نوف:- وش اخبارك خالتي
ام نايف:- بخير جعلكم الخير
ساره:- حيالله خالتي تو مانور البيت
ام عبدالله:- بوجودك ياعمري
ساره:- وش اخباركم بنات
مشاعل +جود:- الحمد لله
نوف:- شفناك ماسالتي عنا قلنا نمر ونسال لولا غلاك ماجيت وانا وراي هم ثالث ثانوي
الكل:- ههههههه
ساره:- ههه الله يوفقك القلوب عند بعضها
جود:- الا قولي قلبك ياكلك لو احد طلع وانت بالبيت
نوف:- ياشين اللقافه
جوري تركض لمشاعل وتضمها:- احبك مرره ليه ماتجين عندنا
نوف:- وانا وهالمقروده ( تاشر على جود ) نطلع ياجوري
جوري:- احبكم كلكم
صعدت جوري فوق تاخذ اللعبه اللي شرتها توريها بنات خالتها وصادفها نايف
نايف بعد ماسمع اصوات تحت
نايف:- مين تحت عندنا؟
جوري:- خالتي وبناتها
نايف:- ومشاعل موجوده
جوري ببراءه:- ايه تبي اناديها لك
نايف وحس بفرحه كبيره بقلبه مشاعل معه بنفس البيت
نايف:- انت كبيره ياجوري صح
جوري:- ايه حتى شوف ( وتاشر بيدها على طول جسمها)
نايف:- ماشاالله , اسمعي ابيك حبيبتي تروحين لمشاعل وتهمسين لها باذنها من غير مااحد يسمع اوكي
جوري:- طيب وش اقول لها
نايف:- يسلم عليك نايف بس من غير مااحد يحس
جوري:- انا كبيره حتى اسالها اذا انا قلت لها احد سمع او لا
نايف:- طيب بس بسرعه
نزلت جوري تحت ومن حسن حظها ان مشاعل كانت بزاويه فهذا الشي ساعد جوري
جوري جلست بطرف الزاويه قريبه من مشاعل وابتسمت لها وبعدين نزلت راس مشاعل وقالت لها
جوري بهمس :- يسلم عليك نايف
مشاعل حست بالاحراج ووجها صار احمر وخدودها توردت وتنقلت عيونها في الغرفه تتاكد ان مااحد سمع جوري
مشاعل استغلت الوضع وقررت انها تشكره على الهديه اللي جابها بطريقتها الخاصه
مشاعل بصوت واطي:- وينه هو
جوري:- فوق
مشاعل عطرت جوري بالعطر اللي جابه لها نايف وقالت لها
مشاعل:- قولي له من غير مااحد يسمعك
جوري:- وش اقول
مشاعل:- الله يسلمك
صعدت جوري فوق وقالت لنايف وطار قلبه من الفرحه وقرر انه ينزل يسلم على خالته ويكحل عيونه بشوفة مشاعل ولفة نظره ريحة العطر اللي تعطرت فيه اخته وخاصه انه العطر هو مسوي الخلطه من لبنان بذوقه وعرفه انه شكر من مشاعل له وباس جوري وهو يبتسم
نايف:- انزلي تحت قولي لبنات خالتي يتغطون بنزل اسلم على خالتي
جوري:- انشالله
نزلت جوري تحت وبلغتهم
مشاعل:- ساره خلينا نطلع غرفة ثانيه
ام نايف:- ليه تستحين منه , تراه انشالله زوجك في المستقبل
ام عبدالله :- اجلسوا , تغطوا وروحي ياجوري قولي له حياك الله تعال
نايف:- السلام عليكم
نايف يبوس راس خالته:- كيف الحال باحلى خاله في الدنيا
ام مشاعل:- الحمد لله وش اخبارك انت؟
نايف:- بخير , وش اخبار عمي بوعبدالله
ام عبدالله:- الحمد لله مايسال الا عنك
نايف يلتفت جهة البنات وعيونه تدور على حبيبة قلبه والتقت عينه بعيون مشاعل وظلوا العيون ملتقين وكانهم يعلنون عن شوقهم لبعض وعن حبهم لبعض لقاء لم يتوقف الا لما نزلت مشاعل عيونها
نايف:- وش اخباركم بنات
الكل:- الحمد لله
ساره:- نايف عندك رسايل بلوتوث جديده
نايف:- ايه , ليه
ساره:- لا مشاعل تبي رسايل وماحصلت عندنا جديد , انا قلت يمكن عندك
نايف يناظر مشاعل بنص عين:- افتحي بلوتوثك مشاعل
مشاعل حست باحراج كبير وتمنت انها تكون مع ساره لوحدها بالغرفه وتطلع حرتها فيها
مشاعل:- لا,.... , انشالله
نايف غير اسمه في البلوتوث من (سفير الرومانسيه) الى ( محبوبتي مشاعل) وكان قصده يحرجها من جهه ويعبر لها عن مشاعره و عمل بحث للاسماء الموجوده وماحصل الا اسم واحد بس شك انها كاتبه الاسم غلط
نايف:- وش اسمك , دلولة اهلها او دلوعة اهلها
ساره:- هه لا دلولة اهلها لانها دايم تقول انا مدلـله مو مدلعه
نايف:- اوكي , استقبلي
مشاعل باحراج وبصوت واطي :- انشاالله
وقرت مشاعل اسمه
مشاعل بينها وبين حالها باحراج واحمر وجها:- والله انه جريء , عسا مو جد يشوفونه كل الناس , بس عمر ساره ماقالت لي
التقت نظرات مشاعل ونايف ومشاعل قمه في الاحراج وجهها احمر ومو قادره تحط عينها بعيونه اما هو عطا مشاعل ابتسامه تدل على النصر
نوف:- ولا عليك امر نايف اذا عندك صور ومقاطع مضحكه ارسلها لمشاعل وانا باخذها منها وبالمره بعد مقاطع ناس تحب تذاكر لجود
الكل:- ههههههههههههه
جود:- ياسخفك
نايف ياشر على عيونه:- من عيوني
نوف:- تسلم عيونك
جوري:- نايف اسالها اسالها اذا حد سمعني وانا اقول لها
نايف حس بالاحراج واخذ اخته وقام يشغلها باللعب
مشاعل احمر وجهه وحست ان الكل عرف وتمنت ان الارض تنشق وتبلعها من الاحراج
ساره +نوف+جود:- تنقلت عيونهم بين نايف ومشاعل واكتفوا بابتسامه للكل وغمزه لمشاعل
اما ام نايف وام عبدالله ماانتبهوا للكلام
ام عبدالله:- والله قلبي مو مطمن على امي وهي بهالحاله , انشالله اليوم يجينا خبر لندن ننقلها هناك اولا
ام نايف:- ايه انشالله اليوم بيوصل الرد,مسكينه فجاه حست بالوجع اول مااطلعوا منها العيال يوم الاربعاء كانت ورده مفتحه والان منظرها لايسر عدو ولا حبيب
ام عبدالله والدموع نزلت منها فجاه:- الله يشافيها, اذا جا الرد انا بروح معها لندن
ام نايف:- وانا بعد تعرفين مالها الا حنا اذا ماوقفنا معها هذا الوقت من يوقف معها
ام عبدالله:- أي صح يااوخيتي , انا قلت لبوعبدالله يوديني اسبوع وهو يرجع بالسلامه بس هو رفض قال انا ولدها اليلي ماجابته
ام نايف:- وانا بو نايف قالي مو هذي هذي امي بروح معكم من البدايه
وطوال فترة الجلسه كانت دايم تلتقي عيون نايف ومشاعل وتعبر العيون عن شوقهم وولهم لبعض

************

متعب صحى من النوم على غير عادته نشيط ويبتسم صحى على نغمة الجوال
متعب:- صباح الخير على ريم قلبي
ريم:- صباح النور والجوري والياسمين وصباح كل شي جميل بحياتي
متعب:- انشالله نمتي زين بعد امس
ريم بفرخ:- جلست ساعه اتقلب على السرير مو مصدقه واخيرا يامتعب ايديني مسكت ايدينك
متعب:- لاصدقي ياعيون متعب , من اليوم ورايح متعب ملك لك وحدك
ريم :- تامرني على شي حبيبي ’ صوت امي تناديني
متعب:- ابي سلامتك , وحرصي على صحتك تراك غاليه علي
ريم بدلع:- ههههه اوكي حياتي باي
متعب:- باي
حس متعب ان السرير فاضي وان العنود مو معه بالغرفه
متعب:- يمكن انها راحت تنوم بنتها امس ونامت معها
متعب اتجه لغرفة رند
متعب بلامبالاه :- العنود ,العنود
العنود اللي كانت صاحيه ولكنها قررت تعمل نفسها نايمه خوفا من مواجهته
العنود:- نعم
متعب:- قومي سوي لي عشا
العنود بضيق بال:- انشالله
واتجة العنود للمطبخ واعدت عشا سريع مع انها ماكانت ناويه تسوي له ولكن قالت مهما كان هذا زوجي واثناء العشا
العنود :- متعب من هذي ريم
متعب ترك الاكل من يدينه وناظر ريم بنظرا جاده:- أي ريم
العنود والدموع تسبح داخل عيونها:- يامتعب انا سمعت مكالمتك معها امس لاتكذب علي , حرام عليك
متعب بلهجة حزم:- الحمد لله انك سمعتيها ووفرتي علي مشوار كبير , أيه ريم هذي حبيبتي وبتزوجها قريب
العنود بعصبيه:- متى تعرفت عليها وهي كيف تسمح لحالها تكلم واحد متزوج ’ والله من قل تربية اهلها لها
في هالاثناء امتدت يد متعب على العنود وضربها بقوه
متعب:- الزمي حدك يالعنود ’ كل شي الا ريم
متعب وهو بيطلع برى:- على فكره ماابي احد من اخواني او بنتي يعرف بالسالفه ’ فاهمه
ريم بقلة حيله والبكاء كان سيد الموقف :- انشالله

********

بعد ماراحت مشاعل بيت عمها لان عمها منصور بيوصلها هي ونوره السوق والبنات رجعوا البيت يذاكرون راحوا بوعبدالله وام عبدالله مطعم

بوعبدالله:- تعرفين كم لنا ماجلسنا لوحدنا كذا مع بعض بدون دوشة البنات الله يحفظهم
ام عبدالله بحياء:- هذا حال الدنيا , بس هذا انا وانت مع بعض وكل مابغيت قلي ونطلع
بوعبدالله:- انشالله , تفضلي يامنيره هذا هديه مني لك اول اشفت هالعقد الالماس قلت مايليق الا بحبيتي منيره
وهذا وصل بنك اودعت في حسابك مبلغ مالي
ام عبدالله:- مشكور وماقصرت شوفتك عندي اغلى من هدايا الكون كلها
بوعبدالله بارتباك:- ياام عبدالله ودي اقولك شي ومو عارف من وين ابتدي
ام عبدالله بخوف :- تفضل
بوعبدالله بارتباك:- تعرفين يامنيره انت وش غلاتك بقلبي , انت حبي الاول , انت ام بناتي , وبناتي هم نور عيني هم شمعة البيت ومستحيل ارخصكم او ابيعكم برخيص , وتعرفين ان ربي معطيني خير والحمد لله وانا عمري كله مابخلت عليكم بشي
ام عبدالله:- أي والله ماقصرت وربي شاهد
بوعبدالله :- مشكوره , بس انا مممممممم ودي بولد يشيل اسمي ويورثني من بعد عيني مو معناة هذا اني اكره اخواني لا بالعكس هم الحمد لله ربي منعم عليهم بس ودي بالولد سندي في الحياه
ام عبدالله:- بسم الله عليك ياسلطان انشالله يومي قبل يومك , بس انت اعرف بالحال تعالجت كثير بس ربي ماكتب ولا والله ودي افرح قلبك , واذا ودك اني ارجع اتعالج ماعندي مانع لجل خاطر عين تكرم مدينه
بوعبدالله شبك ايدينه مع بعض ونزل عيونه تحت:- لا يالغاليه ’ بس كان ودي , ... , اقول ك يعني ,....., اني قررت اتزوج
ويقوم بوعبدالله ويبوس جبين زوجته:- اعذريني يالغاليه ماودي اجرحك بس غصب عني وعنك
ام عبدالله:-..................
طلبت ام عبدالله من زوجها انه يرجعها البيت من غير مايفهم اثر كلامه عليها لانها ساكته

**********

في بيت بو فيصل

منصور:- السلام عليكم
الكل :- وعليكم السلام
منصور:- يالله نوره ومشاعل جاهزين
نوره:- ايه يالله بتنزل معنا انت
منصور:- لا , الا وينه فهد كان وصكلكم ونزل هو احب مالى قلبه الاسواق
نوره:- هو طلع من اول المغرب الى الان مارجع
مشاعل:- ههه وش بلاك ياعمي انت جاي تودينا بعدين تحسفت
منصور:- لا بس مااقدر انزل معكم , اوكي مو مشكله خذوا معكم جوري واول ماتنتهون من السوق دقوا علي
مشاعل+نوره:- انشالله
في المجمع نوره ومشاعل لفوا تقريبا كل محلاته
في الجانب الثاني من المجمع وتقريبا في وسط جلسات المطاعم كان فهد وخويه تركي جالسين يتعشون
تركي رفع عيونه على وناظر بنتين يمشون ومعهم طفله وكانوا ماشالله طول وجسم مع انهم كانوا متسترين الا ان الذئاب البشريه مااترك احد في حاله
تركي:- ناظر ناظر وش حلاة هالبنات يجننون والله انهم ماينتفوتون
فهد مندمج مع الاكل ومارفع راسه:- انا ايدي وسخه وريحتي اكل قم انت عطهم رقمي ورقمك
تركي شد الكرسي وقام من مكانه في هالاثناء رفع فهد عيونه على البنات حرام مايشوفهم يتعبه قلبه يلاحظ البنتين معهم اخته الصغيره جوري فعرف انها نوره مع احد من خوياتها اوبنات عمه
فهد يده بسرعه وسحب تركي
فهد:- يالغبي هذول اهلي
تركي بحيا:- اسف ماكنت اعرف
فهد:- يالله يالله نرجع
واختفوا نوره ومشاعل عن عيونه فرسل لنوره رساله طلب منها انهم يرجعون للبيت

*********

ام عبدالله جات من المطعم واتجهة لغرفتها ودخلت في نوبة بكاء قويه تبكي حبها لبوعبدالله تبكي حظها ان ماعندها ولد تبكي جرحها اللي استقبلته وتبكي مرض امها اللي هي محتاجه لها اليوم اكثر من أي وقت ثاني
قدرت ام عبدالله تستجمع قوتها بعد ماسكتت من البكاء ونزلت تحت للصاله وطلبت من بناتها ينزلون تحت
ام عبدالله بهدوء:- بنات ودي اكلمكم في سالفه ودي تعفون بها مني قبل لاتعرفون بها من الناس وابيكم مثل ماخبرتك دايم اقوياء
مشاعل بخوف:- تكلمي يمه والله انك خوفتينا ليه جدتي فيها شي
ام عبدالله:- امي الله يلطف بحالها بس تقاريرها الا الان ماوصلت
نوف بخوف :- اجل يمه تكلمي
ام عبدالله تضم بناتها وتمسح على راسهم وتبوسهم
ام عبدالله:- انت تعرفون ان ربي ماقدري اجيب ولد وياما تعالجت وسافرت بس ربي ماكتب لي ورضينا انا وابوكم باللي بيكتبه لنا بس ابوكم بعد ماكبر والشركه ماشالله في توسع صارت حاجته للولد اكثر من اول
نوف+جود+مشاعل:-.......................................
ام عبدالله:- عشان كذا ابوكم حب يسوي الحلال وانه
نوف:- انه ايش تكلمي يمه
ام عبدالله وسبحت دمعه داخل عينها:- انه مممممممممممم , يتزوج ويجيب الولد
مشاعل مصدومه من الخبر:- لااااااااااااااااااااااااااااااااا مستحيل ليه يمه ليه واافقتي
نوف:- لااااااااااااااااااااااااااااااااااااااااااااااااا مااصدق ابوي مايسويها
جود:- يمه تكفين قولي انك تمزحين
ام عبدالله:- لا هذي الحقيقه
مشاعل:-اجل وين كلامه عنا ان حنا نور عينه وان اولاد عمي هم اولاده وين اللي يقولك انت الغاليه كان كلام يعني لااااااااااااااا مستحيل
ودخلوا البنات في نوبة بكاء
مشاعل حست ان الدنيا ضاقت فيها تبي أي احد تفضفض له واتصلت على ساره بنت خالتها
مشاعل:- الوه
ساره:- هلا مشاعل وش فيه صوتك ليه تبكين
مشاعل بصوت باكي:- ابوي تزوج ياساره ابوي جاب لامي مره ثانيه
ساره مصدومه من الخبر:- لا مستحيل كيف عرفتوا يمكنها اشاعات
مشاعل :- لا هو بلغ امي وهي قالت لنا
ساره:- حنا نسمع من اول بس نقول اشاعات عمي لايمكن يسويها
مشاعل ببكاء شديد:- تسمعون ولا تقولون كان قدرن نمنعه
ساره:- اهدي يامشاعل وانا بكلم امي ونايف وبنجيكم , باي
مشاعل :- باي
نوف كلمت نوره وبلغتها انها تبلغ عمها بوفيصل ومتعب ومنصور يمكن يقدرون يسوون شي ومر اليوم على البنات مابين بكاء ودموع وآلام وكل واحديتصور حالهم ومعاملة ابوهم لهم بعد الزواج في هاليوم فضل بوعبدالله انه مايجي الا بوقت متاخر عشان يتجنب مواجهة بناته اللي يعتبرها نص همه بعد ماارتاح من نص همه الثاني لما بلغ زوجته


*****************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 20-09-2008, 09:29 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة




الجزء الثامن

في غرفه رند المظلمه والهدوء يعم المكان الا من انين وبكاء العنود تفكر في حالها... ( ياترى جاد في كلامه وبيطلقني ... واذا طلقني وين اروح... لامي اللي باعتني من سنين... ولو تقبلتني هل بتتقبل بنتي معي...آه يارند حاولت اكون لك حياه مثاليه بس الظروف كانت ضدي...يمكنه كان يمزح وماراح يطلقني... انا مالي احد في الدنيا غيره عشت بيت عمي الله يرحمه وتزوجت ولده وانا صغيره...ليه يامتعب وش قصرت معك فيه ...لا لا انشالله مايطلقني حتى لو يعرس عليها ... المهم اني انا وبنتي نلقى لنا مكان ياوينا
واخذت الافكار تروح وتجي بعقل العنود وتفكر بحالها بعد الطلاق وصار الطلاق شبح يهدد حياتها ويحرمها من النوم وعلى هالحال كل يوم تفكر وتفكر ولما تتعب تنام وتحاول دائما تتجنب مواجهة متعب

********

ريحة السجاره ماليه الغرفه اللي ادمن عليها متعب بعد مارجع علاقته مع ريم ويفكر كيف بيفاتح اهله بالموضوع وهو عارف ردة فعلهم انهم بيعارضون وخاصه لوحده مثل ظروف العنود كان زواجهم تقليدي مثل كثير من العوايل اللي تسمي ولد العم لبنت العم ولكن متعب كان قلبه مشغول بحبيبه ثانيه كان متيم في هواها بس هي باعته بالاول واخذت اعز اصدقائه ومع هذا كان يلتمس لها الاعذار الواهيه اللي قالتها له ومنها ان اهلها جبروها على الزواج من صديقه وماكان قدامه الا انه يلبي لرغبة ابوه في تزويجه من العنود بنت عمه اليتيمه وداس على قلبه وقال يمكن مع الوقت انساها بس ريم رجعت ورجعت الامل له بعلاقه جديده ولكن مواجهة اهله صعبه وقرر انه ياجل مواجهتهم واخبارهم برغبته من الزواج بحبيبته ريم وفضل انه يستمر في لقاءاتهم مع بعض في المطاعم الى ان تتسهل الظروف وكل يوم يمر يزيد حب ريم بقلبه ويزيد معه كرهه للعنود اللي يعتبرها اهم عائق في زواجه من حبيبته ريم

***************

دخل البيت وهو الشرار تتطاير من عيونه وده يتهاوش مع أي احد
فهد:- هلا يمه وين نوره
ام فيصل:- فوق ليه وش فيك
فهد:- متى رجعت
ام فيصل:- من ساعتين ليه
فهد بعد ماتطمن انها رجعت اول ماكلمها:- ومن اللي كان معها بالسوق
ام فيصل:- مشاعل بنت عمك
فهد حس بالارتياح قليل وماحب انه يقول لامه القصه ويتهاوش مع اخته وينسى الموضوع اللي جاي عشانه وتعصب امه عليه:- الا يمه ودي بكره اعزم خويي تركي الكويتي جا من الكويت وبيسافر بريطانيا بعد يومين
ام فيصل :- حياه الله هذا اللي كان معك ايام دراستك
فهد:- ايه , هو, وانا ودي اسافر معه
ام فيصل:- وش تسافر , لا حرام عليك انت كل فتره مسافر اثبت وانا امك ’ ثانيا مالك غرض هناك
فهد:- الا اخوياي هناك اخر سنه لهم هناك هذي السنه وكلمونا نجتمع بلندن ونستانس لان بعدين الكل بينشغل عن الثاني
ام فيصل:- والله الكلام لابوك هو صاحب الشان
فهد:- ماعليك يمه ابوي انا اقدر عليه, بس الله الله بالاكل الزين
ام فيصل:- ابشر , انت تامر امر
فهد يبوس راس امه:- تسلمين يالغاليه

***************

فيصل ينزل تحت مع مها
فيصل+مها:- السلام عليكم
الكل :- وعليكم السلام
فيصل:- الا وش سويت يبه مع عمي
بو فيصل:- ماهو صغير نمنعه واللي براسه بينفذه
ام فيصل:- والله شكلها مسكينه يكسر الخاطر من العز والدلال اللي هم فيه بتجيها حرمه ثانيه تاخذها منها
نوره:- والله اكثر وحده متاثره مشاعل شكلها يكسر الخاطر
فهد:- طيب يبه انت كلمت عمي؟
بوفيصل:- كلمته وقال ابي الولد , مانقدر نمنعه والله قلوبنا مع منيره وبناتها بس ماباليد حيله
ام فيصل:- الله يساعدها ويصبرها
مها :- آمين
فهد:- يبه عارف ان الوقت مو مناسب بس ودي افاتحك بموضوع
بو فيصل:- آمر
فهد:- مايامر عليك عدو , بس تعرف ان خويي تركي الكويتي جا من الكويت وده اني اخاويه لبريطانيا
فيصل بتعجب:- وبريطانيا هي ثمامه خطفت رجل الا جاي
بوفيصل:- وانت صادق وراك شغل , اترك عنك حياة اللعب
فهد:- لا يبه كل اخوياي اللي كانوا يدرسون معي ببريطانيا هذي اخر سنه لهم عاد قلنا نروح لهم ونسلم عليهم ونرجع ايامنا القديمه لان بعدين كل واحد بيروح بلده
بوفيصل :- والله ماادري شقولك بس مو ضروري تروح لهم كلمهم وانتهينا
فهد:- يبه تكفى اسبوعين ماحنا مطولين
بوفيصل :- ومتى ناوي تروح
فهد:- بعد بكره الفجر
فيصل:- يمكن ماتحصل حجز
فهد:- لاحصلنا
بوفيصل:- وحجزت بعد!
فهد:- لا بس سالنا وقالوا فيه
بوفيصل:- براحتك بس اسبوعين مو اكثر
فهد يبوس راس ابوه:- انشالله

********************

اول ماسمعت ام نايف خبر زواج زوج اختها من ثانيه حست الدنيا تلف فيها وصارت الدنيا سوداء بعيونها معقوله اللي يحب يبيع بسهوله معقوله هانوا عليه بناته وكلمت نايف يوديها هي وساره لبيت اختها تتطمن عليها وتحاول تهديها وبعد مادخلوا بيت ام عبدالله كانت اختها ام عبدالله جالسه على الارض وعيونها مطر من الدمع ومشاعل ونوف وجود حاطين راسهم على امهم ويبكون بقوه
ام نايف:- تعوذي من ابليس يااختي هذا بدل ماتهدين بناتك تزيدينهم , صدقيني تراها نزوه ويعرف غلاك ويرجع
ام عبدالله:- مااقدر يااختي لاتلوميني النار اللي في قلبي مو سهله
نوف:- حسبي الله على الناس حسدونا على دلال ابوي لنا
جود:- وين اللي يقول نظر عينه واغلى شي بحياته ارخصنا بسهوله
ام نايف:- تعوذوا من ابليس يابنات
ساره:-من حق ابوكم يجي له ولد
مشاعل:- يعالج امي ويجيب منها الولد مو يتزوج , عذر اقبح من ذنب
ام نايف:- استغفر الله يابنتي هذا مهما كان ابوك
مشاعل :- وليه ماعالج امي
ساره:- عالجها يامشاعل وكلنا نعرف بس ربي ماكتب لها تحمل
مشاعل:- الطب تطور لو عارضها الان على اطباء كان يمكن تجيب ولد بس هو ميت على العرس
نوف:- جعلها مااتتوفق اللي خذته
كانت مشاعل واقفه ومنفعله مع الكلام:- النار ماتحرق الا رجل واطيها النار حرقتنا حنا حراااااااام عليه حرااااام عليه
وسقطت مشاعل على الارض مغمى عليها
ساره :- مشااااااااااااااااعل
الكل منصدم وحاول يحرك مشاعل اللي ماتحرك منها أي شي لا يد ولا رجل
على صرخة ساره دخل نايف اللي كان بالمجلس ينتظر امه :- وش صااار وش فيها مشاعل( وهذي المره الثانيه اللي يشوف فيها مشاعل بدون غطا واتمنى انه يشوفها بوضع احسن من كذا
نايف:- بسرررعه ساره جيبي مويه
وابتدوا يرشون مشاعل بالمويه وابتدت تحس شوي شوي وطلع نايف من الغرفه وحضنت ام عبدالله بنتها وهي تسمي عليها وتقرى عليها ايات من القرآن
ام نايف:- يالله يابنات قوموا معي البيت لين تهدون
جود+نوف:- لا مانقدر نترك امي لوحدها
ام نايف:- انت قومي يامشاعل قلبي مو مطاوعني اروح وانتي بهالحاله
مشاعل بتعب وتحاول انهاماتواجه ابوها في هالاثناء:- انشالله
وراحت ساره تجيب عباية مشاعل وركبت مع نايف لبيت خالتها , وبالجهه الثانيه كان نايف متالم لحالة مشاعل وعيونها ماطاحت منها وهي في السياره وتمنى انه يملك الجراه انه يكلمها ويهون عليها ويكون اول واحد يساعدها بس مايقدر واكتفى بكلمه قالها لها
نايف:- تحملي يامشاعل وانشالله ازمه وتعدي وانت اكبر من انك تضعفين بمثل هذي المواقف وحنا اهلك وسندك
مشاعل:- جزاك الله خير
وصلوا الكل للبيت ونزلوا ونزلت مشاعل وعيون نايف ترقبها تمنى انه يكون خطيبها رسمي ويكلمها ويهون عليها تمنى انه يكون اول من تلجا له وقرر نايف انه يفاتح امه في موضوع خطبته من مشاعل ويعلنونها رسمي اول ماتهدء الامور ويسافر معها أي بلد تختاره ويعيشون فوق السحاب والطياره مافيها الا هو وهي ويضمها ويخفف الامها عنها
نايف انتبه من احلامه على اخته جوري وهي تناديه تبيه يدخل يتعشى وقرر انه بعد العشى يكلم خويه الكابتن بندر ويخبره باللي صار له مع مشاعل لانه يعتبر بندر هو الشاهد على قصة حبه فما يخبي عليه شي

*********************

في الشركه


منصور:- والله ماادري يابو فيصل وش اسوي مع بوعبدالله مااقدر امنعه وبناته شادين الظهر فيني هذي مشاعل من امس بيت خالتها مو راضيه تواجهه
متعب وحس انه طريق سهل للتمهيد من زواجه:- والله انا اشوف مافي عيب ان الواحد يعرس على مرته ومثل حالة بوعبدالله الشرع حلل له اربع مو وحده
بوفيصل:- والله مدري شقول كلكم صح من حقه يتزوج بس هم انا راحم بنات اخوي وامهم وخاصه ان ام امهم تعبانه وبتسافر تتعالج برى
منصور:- الله يكون في العون , مانقدر نسوي شي . بحاول اليوم امر مشاعل وافهمها يمكن اذا هدت تهدى امها وخواتها
بوفيصل:- ايه والله زين تسوي جزاك الله خير يااخوي
متعب:- الا وين فهد ماشفته
بوفيصل:- رحلته الفجر بيسافر وجالس يجهز اغراضه
منصور:- خير وين بيسافر
بوفيصل:- بريطانيا
متعب:- ليه؟!
بوفيصل :- يقول انه ربعه من ايام الدراسه هذي اخر سنه لهم وده يروح يسلم عليهم ويستانس معهم اسبوعين ويجي
منصور بضيق:- والله انك مدلل هالولد اكثر من اللازم
بوفيصل بقلة حيله:- الله يهديه
نايف :- امي ودي اكلمك بموضوع
ام نايف :- آمر ياوليدي
نايف:- مايامر عليك عدو , بس انت عارفه اني الحمد لله موظف وماينقصني شي ومشاعل بالجامعه ودي تكلمين خالتي وتكون خطبتنا رسمي قدام الكل
ام نايف والدموع الفرح في عيونها:- والله هذا اسعد يوم في حياتي ياوليدي يوم اللي اشوفك معرس ومشاعل بنتي انشالله ان جا ابوك رحنا وخطبناها رسمي

**************

في بيت بوعبدالله

بوعبدالله:- حيا الله من جانا
بونايف:- الله يحييك يابوعبدالله , الا وش اخبارك وش اخبار الاخوان
بوعبدالله:- كلنا بخير الحمد لله , وانت يانايف وش اخبارك مع الطيران
نايف:- الحمد لله عمي , وش اخبار خالتي والبنات
بونايف:- انا جايلك يابو نايف في موضوع واتمنى انك ماتردني فيه
بوعبدالله:- ماعاش من يردك يابونايف , اذا الموضوع اقدر عليه ابشر بسعدك
بونايف:- انا اليوم جاي اطلب يد بنتك مشاعل لولدي نايف , هاه وش قلت
بوعبدالله:- نايف ولدك ومشاعل بنتك ولو هي ذبيحه ماعشتكم يابو نايف
بو نايف:- يعني نقول مبروك
بوعبدالله:- انا من جهتي موافق بس بسال الاهل ويردون لك خبر
وتكلموا عن كثير من الامور وفي نهاية الكلاك كان السلام مودعين بعض
نايف كان ينتظر الرد على احر من الجمر نبضات قلبه تتزايد وحاس انه مو قادر يثبت على بعضه من الفرحه حاس انه يطير فوق السحاب ومشاعل هي القمر والنجوم هم عيالهم واخيرا طلب يد محبوبته مشاعل وبتكون حبيبته رسمي قدام الكل
اما في الجهه الثانيه من بيت بو عبدالله كانوا الحريم مجتمعين
ام نايف:- حيالله مشاعل حيالله زوجة ولدي وش اخبارك
مشاعل بحياء:- الحمد لله وش اخبارك انت خالتي
ام نايف:- بخير دامك بخير وش اخباركم جود ونوف
جود+نوف:- الحمد لله
حست ام عبدالله من جية اختها وسلامها ان فيه شي بيصير بس قررت تسكت الين تفاتحها اختها في الموضوع
ام نايف:- انت تعرفين يااختي من مشاعل صغيره وهي مسماه لنايف ولدي
ام عبدالله:- ايه وانت الصادقه
ام نايف:- وانا جايه اليوم اخطبها رسمي لولدي هاه وش قلتي يااختي
ام عبدالله:- والله مدري وش اقول نايف ولدك ومشاعل بنتك بس الراي الاول والاخير لمشاعل لو علي انا موافقه ( وهي تناظر مشاعل)
مشاعل حست بحياء شديد من الكلام كانه ماتوقعت انه يكون في مثل هالوقت وبنفس الوقت فرحااانه لان حلم عمرها تحقق وبتصير خطيبة نايف رسمي بتقول للكل نايف حبيبي وماتستحي من احد بتتزوج نايف وبتعيش معه تحت سقف واحد وبتجيب منه عيال فرحه كبيره في داخلها مو عارفه تعبر عنها خايفه لتفضحها فرحتها وتصرخ بعالي صوتها احبببببببببببك ياانايف احبك
انتبهت مشاعل على خالتها وهي تسالها عن نايف
مشاعل احمر وجهها من الحيا وصعدت بسررعه فوق وهي تقول بصوت اقرب للهمس ايه موافقه مع تحريك راسه باشارة الموافقه
ام عبدالله:- ياحليلها مشاعل مستحيه, مبروك ياام نايف
ام نايف :- الله يبارك فيك عقبال مانفرح بنوف وجود وساره
نوف:- آآآآآآآآآآآآآآآآمين
الكل:- هههههههههههههههههههههههه
ام نايف:- خليني اكلم نايف وابشر اكيدياعمري جالس ينتظر جواب العروس
ام عبدالله- الله يوفقهم ويسعدهم
وبلغت ام نايف نايف بالوافقه وقام يرقص من الفرحه ويبوس الجهاز وامه من الفرحه وهو يغني والله وتحقق منايا مشاعل حبيبتي وياي .........
قرر انه يكلم زميله بندر ويخبره باللي صار عن اعلانه لخطوبته بندر فرح كثير لصديقه وتمنا له حياه سعيده مع مشاعل
والكل عرف بالخطبه وجاوا العمام وزوجاتهم ونوره يباركون لمشاعل وماعملوا حفله كبيره عشان مرض الجده

*************

مر يومين ثقيلين على عايلة بوعبدالله بس الحمد لله اقدروا يتجاوزون الوضع بعد خطبة مشاعل ولما عرفوا ان زواجه امر منتهي قررو يكسبون ابوهم لصفهم بدل مايخسرونه وتظفر فيه بنت الناس
مشاعل:- يبه ودي اروح السوق مع جود وساره بنت خالتي
بوعبدالله بحنان:- انشالله حبيبتي بس لاتتاخرين وخلي السايق ينتظركم
مشاعل :- انشالله
مشاعل:- جود , جود يالله
وطلعوا مشاعل وجود ومروا بنت خالتهم ساره
ساره:- السلام عليكم
مشاعل+جود:- وعليكم السلام
ساره:- وين بنروح أي مجمع
مشاعل:- مدري بس ودي بصحارى اكبر واحلى
ساره:- ياويلي نايف مع خويه هناك اخاف يهاوشني لاني جيت بدون لايعرف
مشاعل:- حست بفرحه كبيره من وجود نايف معها بنفس المجمع وتمنت انها تقابله مشتاقه له من زمان ماشافته
جود :- لا اساسا ماراح يعرفنا وحنا مانسوي غلط عشان يعصب عليك
ساره:- يالله الله يستر
ووصلوا ساره وجود ومشاعل المجمع ونزلوا وطلبوا من السواق انه مايمشي وينتظر في المواقف الخارجيه
ساره:- ناظروا ياحلاته هالتيشيرت يجنن
مشاعل:- ايه ولو تركبين عليه بنطلون جيشي يكون روووعه
جود:- وانت مشاعل وش اخذتي
مشاعل:- 3جزم وشنطتين و5 بلايز وبنطلون برمودا
جود:- ماشالله احسن مني اللي ماشريت لي ولا شي
مشاعل:- ليه؟
جود:- بذمتكم عرفتوا تشترون وهذا ورانا ازعجنا وهو يرقم ماعرفت اشتري شي
مشاعل:- ماعليك منه اشتري اللي تبين
ساره:- اعتبريه مو موجود
وطلعوا جود وساره ومشاعل من المحل بيروحون المحل اللي مقابله وهذا الشخص يلحق فيهم يبيهم ياخذون رقمه
في هالاثناء نايف مر من البنات وماعرفهم بس شاف ان في شابيعاكسهم وكانت المصيبه اكبر لما سمع اخته تنطق اسمه وهي تخبر مشاعل
ساره:- مشاعل ناظري نايف ياويلي منه
نايف :- استاذن من زميله وسحب اخته وبنات خالته على جنب
نايف بعصبيه :- اطلعوا برى بسرررررررررعه ياقليلات الحيا
طلعت مشاعل من المجمع معصبه على كلمة نايف وتبعتها جود وساره
في السياره
مشاعل بعصبيه والدمع في عينها:- ماله حق يطردنا ويهزئنا حنا ماغلطنا
جود:- ايه وربي امي وابوي مافشلونا بسوق يجي هو يهزئنا ليه مسوين كبيره
ساره حاسه بالاحراج من اللي سواه اخوه وتبي تبرر موقفه مع ان اللي سواه مايتبرر:-هو اكيد عصب لما شاف هالغبي يلاحق فينا
مشاعل:- يعصب لما يشوفنا نكلمه مو مااهتمينا منه
وصلوا الكل بيت بو عبدالله مشاعل وساره دخلوا على طول غرفت مشاعل فوق وجود جلست مع امها بس مابينت لها شي
بعد ربع ساعه دخل نايف بيت خالته ام عبدالله وهو يقول في باله اكيد الان مشاعل بتنزل بتعتذر على الموقف اللي صار وتقول ان مالها ذنب
ومن جهه ثانيه مشاعل اللي كانت جالسه فوق مع بنت خالتها بجسمها فقط اما عقلها يفكر ويقول اكيد ان نايف جاي يعتذر عن الموقف اللي سواه لي اعرفه حنون وطيب مع انه يعصب بسرعه بس يحبني وبيعتذر مني اكيد اكيد الان بيناديني ويعتذر مني

******************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 20-09-2008, 09:40 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة


(الجزء التاسع)


في السياره

مشاعل بعصبيه والدمع في عينها:- ماله حق يطردنا ويهزئنا حنا ماغلطنا
جود:- ايه وربي امي وابوي مافشلونا بسوق يجي هو يهزئنا ليه مسوين كبيره
ساره حاسه بالاحراج من اللي سواه اخوها وتبي تبرر موقفه مع ان اللي سواه مايتبرر:-هو اكيد عصب لما شاف هالغبي يلاحق فينا
مشاعل:- يعصب لما يشوفنا نكلمه مو مااهتمينا منه
وصلوا الكل بيت بو عبدالله مشاعل وساره دخلوا على طول غرفت مشاعل فوق وجود جلست مع امها بس مابينت لها شي
بعد ربع ساعه دخل نايف بيت خالته ام عبدالله وهو يقول في باله اكيد الان مشاعل بتنزل بتعتذر على الموقف اللي صار وتقول ان مالها ذنب
ومن جهه ثانيه مشاعل اللي كانت جالسه فوق مع بنت خالتها بجسمها فقط اما عقلها يفكر ويقول اكيد ان نايف جاي يعتذر عن الموقف اللي سواه لي اعرفه حنون وطيب مع انه يعصب بسرعه بس يحبني وبيعتذر مني اكيد اكيد الان بيناديني ويعتذر مني

**********

نايف وفي جبينه جرح ينزف وازاريره مفتوحه وشكله مبهدل على الاخر:-هلا خالتي كيف الحال
ام عبدالله وهي واقفه ومفزوعه من المنظر اللي شافته:-عسى ماشر وشفيك ؟!
نايف:-ابد سلامتك ياخالتي طيحه بسيطه
ام عبدالله:-بسم الله عليك ياولدي اجيب لك مويه
نايف:-ماودي اكلف عليك يالغاليه قولي للخدامه
ام عبدالله وهي فازه من مكانها:-لاوش دعوى لاكلافه ولاشي
نايف:-اذا انت اللي بتقومين والله ماني شارب اذا المطبخ فاضي انا اللي بروح
ام عبدالله:-ليندا ليندا, شكلها نامت
نايف:-لاانا بروح بس عسى المطبخ فاضي
ام عبدالله:-البيت بيتك مافيه احد ,البنات فوق
مشاعل نازله تحت بتروح المطبخ تاخذ لها ليمونه لانها من عادتها اذا توترت تاكل ليمون
اتجهت للمطبخ وفتحت باب الثلاجه في هالاثناء حست بصوت داخل معها شافته نايف
مشاعل خبت حالها ورى باب الثلاجه ورجعت لها صوره الهوشه من جديد ورحمت حاله يوم شافت الجرح يندي من جبينه وخفت من حده غضبها:- نايف لاتدخل انا موجوده
نايف اول ماسمع صوتها زاد الغضب فيه ورجع عن مكانه بحيث انهم مايشوفون بعض :-انا جاي آخذ كاس
مشاعل:-................................
نايف قرب من باب المطبخ وهو معطي مشاعل ظهره:- ساره موجوده فوق قولي لها تنزل بسرعه انا طالع لها برى
مشاعل وحست ان نايف معصب وفي بالها من اللي له الحق يعصب انا ولاهو
مشاعل بصرخه:- فوق دق عليها تنزل لك
نايف مستغرب من لهجة مشاعل له في الكلام:- الان من الغلطان انا ولا انتي؟
مشاعل بعصبيهوتبي تجرح نايف في الكلام داخليا :- مايبي لها تفكير اكيد انت وحنا ماغلطنا جايين سوق قريب منا في الحي وجينا مع السواق ورجعنا , واذا تبي تثبت رجولتك مو علينا حنا يالبنات الضعاف اللي ماسوينا شي , اثبتها على الرجال اذا كنت تعتبر نفسك رجال
نايف فقد اعصابه من كلامها:- رجال غصب عنك ومن قبل لااعرفك ,بس انا الغلطان , انت وش تبين في حياتي, حياتي من دونك اريح
على طول طلع نايف بدون مايشرب مويه ولايمر على خالته ركب السياره ودق على ساره وهو معصب:- اطلعي بسرعه انا في السياره
ساره حست بخوف من لهجة اخوها ونزلت بسرعه وخبرت جود
مشاعل ابتدت تبكي بعد الكلام اللي قاله لها نايف وش يقصد حياته بدوني اريح ,لايكون يفكر اني انا بموت عليه ودخلت في نوبة بكاء قويه وهي صاعده الدرج
ام عبدالله:- مشاعل وش فيك ووين نايف وشفي ساره طالعه مسرعه
مشاعل بدون اهتمام ولافه وجها عن امها:- ماادري ماادري وطلعت فوق حتى لاتحس امها بدموعها

****************

في بيت متعب

جالسين متعب والعنود ورند على طاولة الطعام كانت المشاعر بارده بينهم والسكون يعم المكان الا من صوت رند وهي تكلم امها او ابوها وكانت العنود تشغل حالها باعطاء رند الاكل حتى تتجنب مواجهة متعب ومتعب مشبك اصابعه وباين عليه القلق كانه ينتظر موعد مهم يقطع عليهم صوت جوال متعب يدق العنود حاولت انها ماتناظر متعب وتبين انها مو منتبه له بس الغيره ذابحه قلبها فناظرته من جنب بدون لايحس وكانت الطامه الكبرى لما شافته يبتسم والفرحه ماليه وجهه ويقول للطرف الثاني بالخط
متعب:- دقايق وانا عندك حياتي
العنود ماقدرت تتحمل اكثر وحملت بنتها متجه لغرفة رند يقاطعها متعب
متعب:- انا بتاخر الليله
العنود تجاهلت كلام متعب ودخلت غرفة بنتها وقررت انها تبني لها وبنتها مملكه خاصه فيهم في هذي الغرفه تعيش فيها هي وبنتها وتترك متعب يعيش حياته مثل مايبيها

**********************

فهد مابقى على رجعته للرياض الااسبوع و يومين مجتمع مع اخوياه بالهايد بارك
زايد( من الامارات):- شوفوا هالرعبوبه شكلها خليجيه
تركي(من الكويت) :- والله انك فاضي تطالع هالخليجيات, لاحق عليهم في بلدك , طالع هالبيض والشقر
خالد( من قطر) :- لا انا بطالع الكل الشقرا والخليجيه , اذا رجعت قطر بترك حياة العزوبيه
فهد:- والله كل البنات حلوين , اهم شي انهم بنات
الكل:- هههههههههههههههههههههههههههه
خالد:- تعرف فهد ودي اشوفك معرس
فهد بغرور:- من يقول اني ماافكر في الزواج بالعكس فكرت بس الى الان ماحصلت وحده بمستوى فهد
تركي:- ياعيني على الغرور
فهد:- يحق لي مو فهد
زايد:- انا مني واحد اللي بتخطبها لي امي بعرس عليها لاني طفشت من حياة العزوبيه
فهد:- ايه انت أي وحده عندك ايزي حتى لو خدامتكم اتوقع بتعرس عليها, بس انا فهد غير
فهد بكل غرور:- انا ماادور البنت انا البنات هم اللي يدوروني
تركي:- شكلك بتطيح على راسك يافهد
فهد بغرور:- انا , لا ( باستهزاء)
خالد:- نشوف يافهد

**********************

في بيت بوفيصل

منصور دخل بيت بوفيصل وشاف بوفيصل وام فيصل جالسين يتقهوون وحب انه يطبق وحده من مقالبه عليهم
منصور باس راس اخوه وامه :- السلام عليكم
الكل:- وعليكم السلام
منصوروهو يبتسم ويغمز لام فيصل بعينه:- تو واصلني لك سلام من الحبايب
ام فيصل:- وش حبابيه من وين؟
منصور:- من صاحب البقاله بو عليان
بوفيصل:- وش دخله في ام فيصل
منصور باستغراب:- يووه ماقلتي له , آآآآآآآسف
ام فيصل:-وش اقوله بعد, عويذ الله من شرك يامنصور
منصور:- عن الحب القديم اقصد ماقبل الزواج
بوفيصل بعصبيه:- وش حبه ياولد
منصور:- هذا ياطويل العمر والسلامه بوعليان توه جاي من القصيم وفاتح بقاله جمب بيتكم جاي من القصيم عشان يشم ريحة الحبايب اللي فارقهم في الروحه والرجعه
ام فيصل بتعجب:- يكذب عليك , اول مره اسمع عنه
منصور بخبث:- انننننننن اول مره متاكده , ايام النخل والتمر السكري ترى قالي كل القصه لاتخبين عن اخوي شي
ام فيصل بخوف وعصبيه:- يكذب والله كذااب قسم بالله كذاااب
منصور:- هههههههههههههههه
منصور:- ياحليلك يمه والله انك سريعة الخديعه, مااحد يحبك الا بوفيصل اللي سهرت عيونه ايام وليالي الين خذك
ام فيصل انحرجت من كلام ولدها منصور:- اقول تبي اصب لك شاهي ولا قهوه
منصور:- الا اقول وين نوره
بوفيصل:- توها حاطه راسه ونايمه

***************

مشاعل في غرفتها تفكر في الكلام اللي دار بينها وبين نايف وتقول في بالها انا الغلطانه كيف اقول لرجال انت مو رجال , انا اللي جرحته , حتى ماسالته وش فيه مبهدل, والله انانيه , بدق على ساره بشوف وش السالفه
مشاعل:- الو هلا ساره
ساره:- هلا مشاعل وش اخبارك
مشاعل :- الحمد لله , الا بسالك وش فيه نايف كان ينزف جبينه ,وليه طلعتي بسرعه؟ ليه هو قالك شي؟.
ساره:- ايه تهاوش مع الولد اللي كان يلحقنا بالمجمع مافكهم الا امن المجمع
مشاعل حست بالندم اكثر من الكلام اللي قالته لنايف
ساره:- الا انا بسالك ليه نايف معصب؟ صار بينك وبينه شي دخل غرفته من جينا من بيتكم الى الان ماطلع
مشاعل خبرت ساره عن اللي دار بينها وبين نايف
مشاعل وهي حاسه انها ندمانه:- ساره روحي سالي عنه شوفي وش اخباره
ساره:- انشالله
مشاعل:- دقي علي طمنيني
ساره:- انشالله , مع السلامه
ساره طلعت لنايف في غرفته تضرب عليه الباب
ساره:- نايف ,نايف افتح الباب
نايف بعصبيه:- خير وش تبين؟
ساره:- مشاعل تسال عنك
نايف بعصبيه:- لاماشالله تعرف تسال
ساره:- طيب افتح
نايف فتح لها الباب:- نعم خير
ساره:- نايف ياليت تسمعني بدون عصبيه
نايف:- نعم خير تكلمي فيه بعد مبررات ثانيه
ساره:-نايف مشاعل ماكانت عارفه انك تضاربت مع الولد وعصبت من الكلمه اللي قلتها لنا وتوقعت انك بتجي تعتذر لها بس لما عرفت الموقف مني تندمت
نايف :- خلاص ,خلصتي, يالله اطلعي برى
طلعت ساره من غرفة نايف واتصلت على مشاعل وقالت لها السالفه
مشاعل بعصبيه:- ليه قلتي له , انا ماقلت لك برري لي موقفي قدامه, انا قلت اسالي عن حاله بس
ساره:- انا حاولت اصلح بينكم بس
مشاعل:- اوكي اوكي باي

***************

طلع نايف من غرفته وشكله تعبان بعد ماكلم خويه بندر يقابله في مقهى متعودين دايم يجتمعون فيه شافته ساره بس ماقدرت تساله لان شكله معصب مره اتجه نايف للمقى وهو يسوق السياره بسرعه جنونيه وكانه يفجر بركان الغضب اللي داخله بسواقته للسياره ومتجاهل كل تعليمات القياده والسلامه وصل على المقهى وطلب له موكا بارده يمكن تقدر تطفي النار اللي بداخله واثناء ماكان يرتشف الموكا دخل عليه زميله واخوه في الدنيا صديق عمره بندر
بندر:- السلام وش فيك روعتني عليك
نايف:- وعليكم السلام, اجلس وبقولك كل شي وابتدا نايف يقوله الهوشه اللي بينه وبين مشاعل
بندر:- تبي الصراحه يااخوي وبدون زعل, تراك انت الغلطان
نايف:- انا الغلطان ,؟
بندر:- ايه, هي مادرت عنك انك دافعت عنهم بالنهايه هي كل اللي تعرفه انك جرحتهم وطلعتهم من المجمع
نايف:- ولو, هي شافت حالتي اول مادخلت عليها , المفروض ماقالت هالكلمه
بندر:- هي كلمتها قالتها من ورى قلبها تبي تطفي النار اللي بداخلها عليك , موسهله الكلمه اللي قلتها لها
نايف في داخله رحم مشاعل وبدا يميل لها
نايف :- الا ماعليك مني يااخوي اتركها , بس قلي بكره رحلتك لتونس
بندر:- لا والله بعد يومين
نايف:- الله يوفقك وماقصرت يااخوي ريحتني كثير
بندر:- شدعوى يانايف حنا اخوان ومالنا الا بعض
نايف:- تامر على شي انا بطلع
بندر :- مايامر عليك ظالم مع السلامه
طلع نايف وركب سيارته بيتجه لبيتهم وكان يفكر في مشاعل وكل ماحاول يغفر لها تتردد كلمت انت مو رجال في اذنها فيزيد غضبها عليها ويصب غضبه كله على البانزين ويسرع سرعه جنونيه وقد يلف بالسياره الا الفجر والكلمه تتردد في اذنه
دخل نايف البيت وشاف الكمبيوتر مفتوح حب يرد اعتباره من مشاعل ويطفى جزء من غضبه عليها دخل على موقع بطاقات واختار بطاقه للفنان الكبير خالد عبدالرحمن (لك عين تسال) وارسلها على ايميل مشاعل
مشاعل من جهه ثانيه النوم حارب جفونها وصار السهر رفيق دربها بهذي الليله وهي متعوده انها تترك الكمبيوتر مفتوح من اول ماتصحى من النوم ولاتسكره الا عند النوم
مشاعل شافت نور جاي من الجهاز عرفت انه رساله وقامت بكسل وغمامه بيضاء على عيونها من كثر البكا فتحت الرساله ولفت نظرها انها من ايميل نايف فتحتها بعد تردد كبير وطلع لها صوت الفنان خالد عبدالرحمن

******************

لك عين تسال بعد ماجرحت فيني بالكلام
لك عين تسال بعد مابيبني وبينك من خصام
تنتظر مني الرضا وتتجاهل مامــــضى
ماكان في قلبي ولا استوى جمر الغضا
آآســـف لاتحاول مــني اني انتظــــــــر
آسف وكلمه آسف ماتكفي لك عذر
تنتظر مني ارد بعدماصار اللي صـــار
وانا مالي الا ارد كلمة لك باختصار
لك عين تسال بعد ماجرحت فيني بالكلام
لك عين تسال بعد مابيبني وبينك من خصام
كنت احبك في غرورك في عنـــــــــادك
كنت احبك مابغيت الا ودادك
فجأه ترخص بتقديري وحبي
تغرق في حالة غضب مااعرف ذنبي
آآسف لاتحاول مني اني انتظر
آسف وكلمه آسف ماتكفي لك عذر
تنتظر مني ارد بعدماصار اللي صار
وانا مالي الا ارد كلمة لك باختصار
لك عين تسال بعد ماجرحت فيني بالكلام
لك عين تسال بعد مابيبني وبينك من خصام

واول مانتهت من سماع الاغنيه وصلتها رساله ثانيه من نايف فتحتها وجاها صوت الفنان خالد عبدالرحمن باغنيه(توني دريت)

توني دريت ان حبك غلطتي توني دريت
توني دريت بالصمت حارة كلمتي وماحكيت
ماقويت انطق حروف صابني عجز الكلام ولاحكيت
ماقويت انطق حروف صابني عجز الكلام ولاشكيت
توني دريت ان حبك غلطتي
يطيب لك تجريح قلبي الوافي
لاتحمليني هم منك كذا كافي
ظميتك وانت الماطر
بكيتك ماضي وحاضر
لقيتك في حياتي خوف
سطى قلبي وعل الروح
وبان طرفي الساهر
وخدعني فيك قصر الشوف
يطيب لك تجريح قلبي الوافي
لاتحمليني هم منك ذا كافي
لك بجوفي المحبه من سنين
ومنك خوفي خوفي انك تجرحين
هذا النهايه بعد جرحي وشتبين
توني دريت ان حبك غلطتي توني دريت
يطيب لك تجريح قلبي الوافي
لاتحمليني هم منك ذا كافي
اببتعد واتعبتني خطوتي ترتعد من شعوري بغلطتي
الالم والاسى من خفايا رحلتي
توني دريت ان حبك غلطتي


مشاعل:- دخلت في نوبه بكاء شديده وغضب عليه
مشاعل:- هو من يظن نفسه لايكون يحسب اني اموت عليه كله من ساره راحت تبرر موقفي له كاني ميته عليه
وقفلت الكمبيوتر ورمت نفسها على السرير ومن كثر البكاء والتعب نامت ولا راحت الجامعه وطنشت كل مكالمات ساره لها

*************

في بيت بوفيصل

ام فيصل:- حيالله من جانا وينكم عنا من زمان ماشفناكم
بوفيصل:- أي والله حتى بالشغل مااشوفك يامتعب
متعب:- والله تعرف يااخوي الدنيا ومشاغلها مااقدر حتى احك شعر راسي اما العنود هي جد غلطانه
العنود حابسه العبره:- أي صدق والله انا الغلطانه هو مشغول بالشركه والله يعينه وقلبه عندكم بس انا كسوله مااجي الا بعد الحاح ولا متعب لو الشور له كان اربع وعشرين ساعه موجود عندكم
متعب انبهر من كلام العنود ودفاعها عنه ويقول في باله:- والله انك اصيله يالعنود على كل اللي اسويه فيك مازلتي تدافعين عني
ام فيصل:- الله يوفقكم ويسعدكم هذا اهم شي
دخل منصور عليهم
منصور:- السلام عليكم
الكل:- وعليكم السلام
منصور:- ماشالله غريبه متعب عندنا اكيد هالاسبوع مافيه جمعه
متعب:- هههه وشدعوى وش اخبارك
منصور:- تمام الا وينها رنودي
متعب:- نايمه وماحبينا نصحيها
منصور:- ماشالله عليها هالبنت مزيونه على عمها
بوفيصل:- اعرس وتجيب كل عيالك يشبهونك مو بنات اخوك
منصور يبي ينرفز متعب ويناظر بطرف عينه ويبتسم ويكلم متعب بصوت خافت:- انا قليلك جيبوا لي وحده مثل العنود وانا راضي
متعب في باله:- اجل لو انك تشوف ريم وش تقول
متعب:- انثبر ازين لك
العنود انتبهت لكلمة منصور وتقول في بالها :- ليتك تحس يامتعب

**************

في بيت بو نايف

ام نايف:- يابونايف طلعت تقارير امي اليوم وبتروح لندن بطياره طبيه ونبي نلحقها انا واختي ام عبدالله قبل وماعندنا الا انت تعرف بوعبدالله مشغول مع العرس
بونايف:- انا قايلك من قبل انها امي مثل ماهي امك وابشري بكلم نايف يحجز لنا على اقرب طياره للندن
بونايف كلم نايف وحصل لهم نايف حجز في اليوم اللي بعده من الرياض الى لندن
بونايف:- ام نايف تجهزي انت واختك بكره العصر بنروح للمطار
سافروا الاهل وقبل لايسافرون وصوا العيال على بعض ونايف وصوه على خواته وبنات خالته
ام نايف:- يانايف انت رجال بيتنا وبيت خالتك
نايف:- بشري يمه اهم شي سلامت جدتي وانسي الباقي

*********************

نايف جالس في غرفته ويفكر في كلام امه
ويفكر في مشاعل ويفكر في اهانته لها :- هي جد ماغلطت مو الرجوله اني اثبتها على بنت خالتي وخاصه مثل ماقال بندر انها ماتعرف باللي سويته بس انا اناني كنت افكر في نفسي ياليت يامشاعل تسامحيني وترضين علي بس صعب اني اراضيج لاني جرحت غرورج واللي سويته شي مايغتفر . الله يعيني
قرر نايف انه يراضي مشاعل الله يعينه
فكر نايف انه ياخذ ساره يزورون بانت خالتهم خاصه لهم امهم وخالته يومين من سافروا وهم ماسالوا عنهم ويترك زيد وجوري مع الخدامه
نايف اتجه لغرفة ساره:- ساره وش رايك نروح بيت خالتي نتطمن على البنات
ساره:- استحي عمهم هناك وثانيا مشاعل بالموت رضت علي بعد اللي سويته فيها
نايف تاثر كثير من كلام اخته:- تكفين قومي منصور بالشركه الان وماراح نطول نص ساعه وبجي اخذك
راحت ساره بيت خالتها وجلست مع بنات خالتها وبحكم انها ايام اختبارات جلست هي مع مشاعل اما جود ونوف يذاكرون ومنصور طالع
يدق جوال ساره
ساره:- الو هلا نايف
نايف:- يالله اطلعي برى ابيك
ساره:- طيب يالله بجيك
مشاعل:- وين بدري
ساره:- والله مدري عنه قالي بجيك بعد نص ساعه
طلعت ساره لنايف اللي كان واقف عند الباب ومجرد مافتحت الباب دخل
نايف:- ساره وين مشاعل
ساره بتعجب :- داخل ليه؟!
نايف:- ناديها ابيها
ساره:- لانايف تكفى مااقدر على زعلها وهي ماراح ترضى
نايف بحزم:- تكفين انتي روحي ناديها
دخلت ساره للمجلس اللي كانت جالسه مشاعل فيه وقالت لها
مشاعل بصوت عالي:- انت واخوك انهبلتوا الظاهر
عرف نايف من مصدر الصوت مكان مشاعل دخل الغرفه ووقف عند الباب وهو معطيهم ظهره
نايف بحزم:- ساره عطي بنت خالتك غطى واطلعي برى
مشاعل:- انت اللي اطلع برى
نايف بصوت عالي وحزم:- ساره اعملي اللي قلت لك
ساره فصخت شيلتها وعطتها مشاعل وطلعت
نايف:- مشاعل اسمعيني تكفين وبعدين قولي اللي تبين تقولينه
مشاعل بلا مبالاه:- اطلع برى
نايف:- اسمعي بس مانتبي بخسرانه شي
مشاعل بحزم وعصبيه:- نعم
نايف:- انا آسف يامشاعل على كل الكلام اللي قلته لك مشاعل ماكان قصدي اجرحك او اهينك بس انا لما حصل الموقف قدامي ماكنت عارف وش اقول واحد يحاول يعاكسهم وانا شفته تبيني اوقف اتفرج انا طلعتكم برى حتى ماتتبهدلون اثر ورجعت له انتقم منه معقوله يامشاعل تصدقين اني اكرهك معقوله حب من حنا صغار انساه واكرهك بسهوله , انا كانت الغيره ماكله قلبي , مشاعل انتي ماتعرفين انت وش بالنسبه لي مشاعل اللي يحب مستحيل يكره تذكرين يامشاعل ايام الروضه كنت اعصب على فارس لما يلعب معك يامشاعل حطي في بالك اللي يحب صعب يكره وانا احبك ومستحيل اكرهك يامشاعل انتي خطيبتي وانشالله في المستقبل زوجتي يعني تصرفي كان عادي وانا جاي اعتذر وارجع كل شي مثل الاول واحسن هاه وش قلتي يامشاعل؟
مشاعل حست من كلام نايف انه طفى النار اللي بقلبها عليه وزاد من حدة حبها وشوقه له ذكرها بايام الروضه لما تلعب مع فارس ويجي هو يعصب ويضربه لما يضربني ويقول اللي يضرب مشاعل اذبحه وذكرت انه كل ماشرى شي ضروري تقاسمه وياه
مشاعل صعدت فوق بعد ماطفت نارها وعرف نايف انها رضت عليه مبدئيا نادى على اخته ساره ورجعوا البيت اتجه بسرعه لغرفته وقال مثل ماارسلت لها اغنية غضب براضيها باغيه ومالقى انسب من اغنيه فنان العرب بو نوره(مجنونها ) يرسلها لها بايميلها ويهديها اياه وخاصه ان مشاعل تحب اغاني محمد عبده
نص الليل ماقدرت مشاعل تنام من كلام نايف لها وفرحتها برجوع العلاقه بينهم وفتحت الايميل وحصلت بطاقه عرفت انها من نايف وفتحتها وجاها صوت محمد عبده

**********

لعيونها بس لعيونها قلبي سراب بدونها
قلبي سراب وعيني سراب مااقول اعشقها بغقل
مجنونها مجنونها مجنونها مجنونها
البارحه مريت في احلى الفصول صيف وشتاء
وناظرتها وقلبي يقول هذي العيون الى متى
حبيبتي ياكثرها عيونك على هالليل وين مالتفت اشوفها
حبيبتي يازينها عيونك ورى هالليل
سحرني برق عيونها مااقول اعشقها بعقل
مجنونها آه مجنونها مجنونها
قمري ياقمري وياشمسي الذهب
سفري ورى عيونك تعب
قلبي تعب وصبري تعب
ومن الهدب لين الهدب
بحر ومراكب من لهب
امواج تبحر برضاها
وامواج تلعب بغضب
لعيونها بس لعيونها قلبي سراب بدونها
قلبي سراب وعيني سراب مااقول اعشقها بغقل
مجنونها مجنونها مجنونها مجنونها

*****************

من جهه ثانيه نايف اللي ماقدر ينام من فرحته برجوع علاقته مع بنت خالته وقرر انه يرسل لها رساله بالجوال وتردد كثير لان الوقت متاخر ولكن اخيرا قرر انه يرسل ورسل لها
(ان قلت لك مرتاح والله انا كذاب,وان كان روحي سرها البعد كذابه)
سمعت مشاعل صوت رساله في جوالها فتحتها وقرتها
مشاعل بفرح:- يابعد حيي يانايف
وفكرت مشاعل انها ترد له برساله لكن قالت الثقل زين وماارسلت

**************

فهد:- السلام عليكم
الكل :- وعليكم السلام
ام فيصل:- متى جيت ياوليدي
فهد:- توني الان واصل
فيصل:- وليه ماقلت لنا نستقبلك في المطار
فهد:- ماحبيت اتعبكم
بوفيصل:- لاتعب ولاشي على الاقل السواق يطلع لك
فهد:- مره ثانيه انشالله
ام فيصل:- عسا انبسطتوا هناك
فيصل:- اكيد يمه بينبسط رايح لندن مو السودان
فهد:- ههه أي الحمد لله انبسطنا
فيصل:- الا بسالك يبه مو حفلة خطوبة مشاعل هذا الاسبوع
بوفيصل:- لا اجلوها للاجازه الين يرجعون مع امهم من لندن تعرف هي تعبانه ومايقدرون يسوون حفله الى الين تتشافى
ام فيصل:- ايه في الاجازه انشالله
فهد باستغراب وتعجب:- مشاعل ! انخطبت؟ لمين؟ ومتى؟

*************************

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 20-09-2008, 09:50 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة


( الجزء العاشر)

فهد :- السلام عليكم
الكل :- وعليكم السلام
ام فيصل بفرحه كبيره:- متى جيت ياوليدي
فهد:- توني الان واصل
فيصل:- وليه ماقلت لنا نستقبلك في المطار
فهد:- ماحبيت اتعبكم
بوفيصل:- لاتعب ولاشي على الاقل السواق يطلع لك
فهد:- مره ثانيه انشالله
ام فيصل:- عسا انبسطتوا هناك
فيصل:- اكيد يمه بينبسط رايح لندن مو السودان
فهد:- ههه أي الحمد لله انبسطنا
فيصل:- الا بسالك يبه مو حفلة خطوبة مشاعل هذا الاسبوع
بوفيصل:- لا اجلوها للاجازه الين يرجعون مع امهم من لندن تعرف هي تعبانه ومايقدرون يسوون حفله الى ان تتشافى
ام فيصل:- ايه في الاجازه انشالله
فهد باستغراب وتعجب:- مشاعل ! انخطبت؟ لمين؟ ومتى؟
ام فيصل:- اعلنوا خطوبتها من ولد خالتها نايف
فهد بعصبيه وصار وجهه احمر لما سمع الخبر وكان احد كب عليه مويه حاره :- وليه ماقلتوا لي؟!
بوفيصل:- وش نقولك الله يهديك حنا عارفين من زمان انهم لبعض بس اعلنوا خطبتهم رسمي
فهد بعصبيه وقايم من مكانه:- بس مشاعل بنت عمي ومحد ياخذها غيري
فيصل:- حنا عايشين باي عصر بنت عمك مااحد ياخذها غيرك الان كل شي براي البنت
فهد بعصبيه وعابس جبينه والشرار يتطاير من عيونه ويضرب بيده على الكنبه:- بس انا ماابي الا مشاعل
بوفيصل:- وش هالكلام ياولدي هي مخطوبه وانتهى الامر
فهد في داخله يتخيل شكل مشاعل وجمالها ويقول من وين احصل جمال ومال ودلال ويكون دهنا في مكبتنا
فهد اخذ نفس عميق وماسك اعصابه بالقوه:- طيب فاتحوا عمي بالموضوع وشوفوا وش جوابه اكيد انه بيقول ولد اخوي اولى من الغريب
ام فيصل:- ماهو بغريب ولد خالتها , وش هالكلام اللي انت تقوله
فيصل:- والخطبه على الخطبه ماتجوز
فهد بحزم وعصبيه ويناظر ابوه:- اذا ماكلمت عمي انا بكلمه وثانيا ماصار شي هم توهم على البر
ام فيصل:- الله يهديك انشالله
فهد:- ويهدي الجميع بس مشاعل لي
بوفيصل:- يعني خلت الدنيا من البنات مافيه الا مشاعل
ام فيصل بفرح:- انشالله بخطب لك وحده ماتتخير عن مشاعل بالزين
فهد بحزم:- بس انا ماابي الا مشاعل وعيال الشيخ فهد بن ناصر ماياخذون الابعض
فهد بنبرة تهديد:- ان مااخذت مشاعل ماراح اعرس طول عمري
بوفيصل يحاول يهدي ولده:- وش هالكلام ياولدي , ولا يهمك انشالله بحاول اكلم اخوي والله فيه خير يقدمه رب العالمين
فهد:- الخير في زواجي منها واذا انت ماكلمت عمي انا بكلمه
وطلع فهد غرفته وهو مصدوم من خبر خطبة مشاعل لغيره مايعرف هل هو حب لمشاعل او حب تملك او خوف من ان الثروه تروح لناس اغراب بالنسبه له من بعد عين عمه او رغبه في كسر غرور مشاعل
ام فيصل بقلة حيله:- الله يهديك انشالله
فيصل:- ماهو بصاحي يوم هو يبيها لي ماتكلم من اول انتظر الين ولد الناس خطبها
بوفيصل:- والله اخاف ينفذ تهديده ويقول لعمه
ام فيصل:- ليه انت مانت بقايله
بوفيصل بعصبيه:- وش اقوله انهبلتي انت بيقول ليه مابغاها من زمان ولا يوم انخطبت حلت بعيونكم
ام فيصل:- والله ماكنت اتمنى لفهد مره غير مشاعل بس هي وولد خالتها مسميين لبعض من زمان
بوفيصل وهو قيم وبقلة حيله:- يالله انا استاذن , والله هالولد بيجنني
فيصل:- وانا بعد استاذن
ام فيصل:- مع السلامه وجلست تفكر في فهد وكلامه

*******************

دخلت متعب والعنود بيتهم والعلاقه بينهم من سيئ الى اسوء زاد بعده عن العنود وبنته وصار يسهر مع ريم الى الفجر ويرجع مهدود حيله ويجلس يتراسل معها ويتكلمون الى ان ينام والجيران حسوا بالموضوع وصار حديث المجالس والحريم عنهم ( تعرفون الحريم يموتون في ترويج الاخبار وتناقلها) وفي المقابل العنود بنت اصيله مابينت للناس هذا الشي ودائما تحاول تخطيهم بس ماينفع تغطي عليه لان كل شي مكشوف بالنسبه لهم
دخلت العنود واتجهت لغرفة رند
متعب بعصبيه واستهزاء :- حتى اليوم بتنامين هناك , تبين تبينين لي انك زعلانه ومو راضيه بس لاتخافين ماراح احاول اراضيك وتعبك بيروح خساره لاني مستحيل اخسر حبيبت قلبي ريم بعد ماارجعت لي
العنود ودموعها على خدها من كلام زوجها بصوت مبحوح :- لا مازعلت
متعب:- طيب انا لي حق عليك ولا نسيتيه يابنت الاصول انت الى الان على ذمتي ومن حقي اخذ كل حقوقي بس اطمنك متى ماعرست على ريم بااخذ اللي ابيه منها وراح انام عندها بس الى هذاك الوقت المفروض انك تعطيني حقوقي كامله بعدين بتنازل عنها
العنود وبصوت مبحوح والدموع نهر على خدودها:- حرام عليك يامتعب كل يوم تطعني وانا اتحمل بس ماتوصل لحد الاهانه تكفى يامتعب اعرس عليها بس خلني انا وبنتي هنا وانت ربي منعم عليك اخذ لها بيت ثاني
يقاطعها متعب بعصبيه ولامبالاه:- انا اساسا راح اسكن برى واتركك تعيشين مع بنتي هنا مو حب فيك بس لاني ماابي بنتي تعيش في مستوى اقل من المستوى اللي هي عايشه فيه وانا عارف ان عند امك ماراح تعيش بنفس المستوى والان يالله قدامي ادخلي غرفتنا وتنامين معي
اتجهت العنود مع متعب لغرفتهم وبقلبها جرح يدمي من كلام زوجها وحبيبها ,سكرت العنود الباب وقفلته وكانها تتمنى انها تقفل الباب على حياتها هي ومتعب حياه بس لها هي وتعب وتمنع أي شخص ثاني من الدخول له واستسلمت لاوامر متعب ونامت

**********************

مشاعل:- هلا عمي تبيني احط العشا الان
منصور:- ايه ياليت ميت جوع , ونادي خواتك خليهم ينزلون يتعشون
مشاعل :-انشالله
واتجهت مشاعل للمطبخ وجهزت العشا وجلسوا الكل على طاولة الطعام
منصور:- الا ماكلموا اهلك يامشاعل
مشاعل:- الا كلم ابوي ويقول يمكن يطولون بس جدتي الحمد لله تحسنت
منصور:- الحمد لله و الا وش اخباركم انتوا يابنات مع الاختبارات
نوف:- الحمد لله بس تعرف جل من لا يسهو
جود:- الحمد لله , بس ياعمي اسالة الرياضيات صعبه اما الباقي سهله
منصور:- وانشالله حليتيها
جود:- الحمد لله
نوف :- مايحتاج تسألها يا عمي هذي لو تنسى نقطه جلست تبكي وانا اشوفها من ابتدت الاختبارات مابكت ولا مره هذا دليل على انها ماغلطت ولاغلطه
منصور:- قولي لا اله الا الله
جود:- قل اعوذ برب الفلق
منصور:- وانت يامشاعل متى نتايجكم
مشاعل:- تونا منتهين من الاختبارات ياعمي يعني يبي لها اسبوعين بالكثير
منصور:- الله يوفقكم
مشاعل:- تعرف عمي ودنا نروح بالاجازه لندن لاهلي حنا وعيال خالتي
نوف:- ياليت من زمان عن لندن
جود:- أي وربي من زمان عنها الله على لندن وايامها
منصور:- الله عليكم يالظالمين من زمان عنها مو كانكم السنه الماضيه كنتوا هناك
مشاعل:- ان جيت للحق عمي لندن ماينمل منها
منصور :- بس انا مقدر اروح معكم روحوا مع ولد خالتك
مشاعل:- اليوم كانوا عندنا بس نسيت ماقلت لهم
منصور:- طيب ليه ماكلمتيني اجي
مشاعل بتعجب:؟! وليه اكلمك
منصور:- اجلس مع نايف
منصور يغمز لمشاعل:- ولا استغليتي غيابي وخذتي راحتك معه
مشاعل بخجل:- لا ماجا هو بس ساره وجوري وزيد
منصور:- ساره بنت خالتك مازالت بكشتها
مشاعل :- ههه لاماشالله عليها مزيونه تبيني اخطبها لك
منصور:- هه لا وش خطبته انا مالي نيه اعرس
وتوصل رساله على جوال مشاعل
مشاعل تقوم من على طاولة الطعام:- الحمد لله
منصور:- وين ماكلتي
مشاعل :- شبعت
وطلعت مشاعل برى غرفة الطعام تقرى الرساله ولقتها من جوال نايف
( التفت بالهون واسمع ياملاك
ودي اسولف على كيفي واقول
ايه احبك موت واتنفس هواك
والعمر وياك ياليته يطول
مادخل قلبي من العالم سواك
وحدك الغالي في قلبي تجول
اطلب عيوني وانا كلي فداك
واعتبر ماتطلبه عندك وصول)
مشاعل ببابتسامه وفرحه:- ياحبني لك يانايف
واحتارت ترد عليه بمسج او لا بس بالاخير قررت ماترد لانها تستحي وش تقوله من اولها حب فشله
وثانيا ودها تحسسه بان اللي سواه صعب انها تسامحه بالسهوله عليه كلامه كان قوي ماتنكر انها بقلبها تموت عليه بس تحب تتدلل او تشوف غلاها بقلبه ,دخلت مشاعل غرفة الطعام
منصور:- من وين المسج
مشاعل بفرحه بعيونها كبيره :- هاه , ايه من ساره بنت خالتي
منصور يغمز لها بعينه:- كل هذي فرحه لما وصلتك رساله من ساره , اخاف انها من اخو ساره
نوف بنظرة خبث لمشاعل:- وانا بعد اشك ياعمي
مشاعل عطتهم نظره وطلعت فوق غرفتها

*************************

ومر الاسبوع ثقيل على الطالبات مابين امتحانات ومذاكره وجا آخر يوم لنوف في الاختبارات واليوم اللي بتنزل فيه اسماء الناجحات بالكليه في الانترنت ( مشاعل+ساره+نوره)
نوف بفرحه وتدخل البيت وهي ترقص:- السلااااااااااام عليكم
مشاعل +منصور+جود:- وعليكم السلام
منصور:- هاه بشري عسا ختامه مسك
نوف:- والله انكم فاضيين انا اخر يوم لي بالاختبارات وانتوا تسالوني عن الحل ابي انبسط وانسى الدراسه
مشاعل:- ياحظي لو ماقدمتي زين ماراح تنبسيط بالاجازه وراح تذاكرين
جود:- وهذا شكله اللي بيصير لانها امس مذاكرتها مو ذاك الزود
نوف بعين غضب:- والله ياحبيبتي بالنسبه لك مو ذاك الزود بس بالنسبه لي شاده حيلي
منصور:- الله يصبرنا الى يوم النتايج ويطمنا اليوم على نتيجة مشاعل
مشاعل:- يووه كل زميلاتي يدقون علي يقولون طلعوا نتايجهم الا انا والله بديت اخاف
منصور:- لا انشالله خير هانت مابقى الا كم ساعه وتطلع في الانترنت , طيب نوره وساره بنت خالتك طلعوا نتايجهم
مشاعل:- لا
جود:- عمي شكلك تعبان من الفجر مانمت رح نام لك قليل واذا طلعت النتيجه نطمنك
منصور:- لا مايطاوعني قلبي انام وانا مو عارف النتيجه وابوكم كل شوي دق علي يبي يتطمن على نتيجة مشاعل واختبار نوف
نوف:- انا بطلع فوق بشوف الانترنت يمكن نزلت بدري هالمره
جود:- بجي معك
مشاعل بتردد وخوف:- الا عمي ودي اقولك شي بس....
منصور يناظر مشاعل وعلامات حيره على وجهه:- سمي آمري
مشاعل :- مايامر عليك ظالم , بس منت ملاحظ ان ابوي انشغل مع جدتي ونسى موضوع العرس , تعتقد انه هون عن الفكره
منصور بقلة حيلة ويمسح على راس مشاعل:- مااعتقد بس اتمنى
مشاعل بحيره :- كيف مافهمت؟
منصور:- يعني هو خطب بس ماعرس وتعرفين بنت الناس تبي تاخذ فتره تتجهز فيها بس بعدين يمكن يتم الزواج
مشاعل بخوف :- لا عمي انشالله تراجع عن الفكره , وثانيا اذا انتوا اخوانه ماوقفتوا بوجهه اكيد ماراح يتراجع لانكم راضين
منصور بنظرة عطف يقرب من مشاعل ويمسح على راسها:- يعلم الله ان انا وعمانك ماودنا بهالشي بس هم ابوك مو طفل نمنعه او نضربه بس صدقيني يالغاليه انا كلنا معاكم بس ماباليد حيله
مشاعل تبوس راس عمها:- عارفه والله يالغالي
يدق جوال مشاعل
مشاعل:- هلا نوره طلعت النتايج
نوره :- لا بس انا خايفه ماتعرفين موقع يطلع اسرع من موقع الجامعه يقولون فيه مواقع تسرب النتايج قبل
مشاعل:- لا والله مااعرف بس نوره اكلمك بعدين معي خط ثاني
مشاعل:- الو
ساره:- هلا مشاعل , والله خايفه ماطلعتي نتيجتك
مشاعل:- وانا اكثر خايفه لا ماطلعت النتيجه نوف فوق تنتظر النتايج
ساره:- وانا نايف مداوم على الموقع ينتظر النتيجه
مشاعل:- المهم حبيبتي اذا طلعت النتايج كل وحده تبلغ الثانيه وحنا ارقام جلوسنا عند بعض
ساره:- ايه , يالله مع السلامه
مشاعل:- مع السلامه
منصور :- يالله نطلع فوق نشوف النتيجه مابقى شي وتطلع
وصعدوا منصور ومشاعل فوق لنوف وجود
مشاعل:- بشروا طلعت النتايج
جود:- مكتوب قريبا بتطلع النتايج
يدق جوال مشاعل
مشاعل:- هلا ساره
ساره:- هلا مشاعل بشري طلعت النتايج
مشاعل :- لا والله يقولون قريبا
ساره:- نايف جالس على اللاب توب بروح معه مو داعيني قلبي انتظر بدون مااشوف النتيجه واذا طلعت بشرونا
مشاعل:- انشالله
جود بفرحه يخالطها خوف:- طلعت الاسماااء
منصور :-بسرعه دوري اسم اختك دخلي رقمها
مشاعل:- انا مو قادره اجلس معكم بروح غرفتي بعدين بلغوني حاسه اني بيغمى علي
نوف:- روحي ارتاحي
يدق جوال مشاعل قبل لاتطلع من غرفة الكمبيوتر:- هلا سااره توها طالعه مابعد نحصل اسمائنا وانا مو قادره اشوفها
يطلع لها صوت نايف:- مبرووووووووووووك ياعمر وياقلب ناايف ,
شاعل انصدمت من الصوت اللي سمعته كانت تظنه ساره :- 000000
قفلت مشاعل الجوال
منصور:-- من هذا ابوك
مشاعل وهي سرحانه:- لاااا ساره وفصل الخط قالت لي مبروك بس مادري ماتاكدت اذا تقصد اني نجحت او لا
جود:- ايه هذا اسم مشاعل
منصور بصووت عالي:- مبرووووووووووووووووووووووووووووك مشااااااااااااااااااعل
نوف:- طلعت النتايج
مشاعل:- ايه
نوف :- مبرووووووووووووووووووووووووووووووووووووك
مشاعل تبوس راس عمها وتضمه :- الله يبارك فيك عمي
وقاموا جود ونوف ومشاعل يضمون بعض ويباركون لمشاعل
بعد مافرحة مشاعل بالنجاح وباركوا لها كل الاهل بنت عمها وعمانها وزوجاتهم وساره ونجحت مشاعل بمعدل 4.5 وساره بمعدل 4.3 ونوره بمعدل 4 اتجهوا الكل لغرفه ينامون
مشاعل دخلت غرفتها وهي فرحانه وترقص بعدين بعد كل هالتعب والتفكير وانتظار النتيجه تمددت على السرير والنعاس تسلل لعيونها سمعت صوت مسج طنشت الصوت ونامت لما صحت الصبح صلت وفتحت مشاعل الجوال ولقتها رساله من نايف
(مساء الخير مشاعل
أنا آسف اذا انت زعلانه لاني ارسلك رسايل او من مكالمتي لك اتمنى تردين علي لو برساله وانا بعدها وعد مااضايقك برسايلي)
طبعا مشاعل ماكانت متضايقه من رسايله لها بالعكس تحس بحبه وشوقه لها بس ماعرفت وش ترد عليه بعد تفكير طويل قررت انها ماترد علشان يعرف ان كلامه لها قوي حبت تتغلى عليه شوي
مشاعل راحت لجود ونوف بغرفهم :- يالله قوموا ننزل تحت نفطر مع عمي
نوف :- انزلوا وانا بلحقكم

*********************

بعد مرور اربعة ايام


مشاعل+جود:- السلام عليكم
منصور:- وعليكم السلام , صباح الخير
مشاعل:- صباح النور
جود:- صباح الورد والجوري
منصور :- وين نوف مانزلت
مشاعل:- بتغسل وجها وتنزل
جود:- الا كلمتي امي يامشاعل وقلتي لها على نتيجتك
مشاعل:- ايه وباركت لي هي وابوي وخالتي وكلمت امي ساره بعد
نوف:- السلام عليكم
الكل :- وعليكم السلام
منصور:- صباح الخير على الشطاار
نوف تلف وجها على خواتها :- يكلمكم عمي
منصورك- هههه لا اكلمك انتي , عندي لك بشاره
نوف قامت من على الكرسي:- وش بشارته عسا طلعت نتيجتي
منصور عابس وجهه وبدا عليه ملامح الغضب:- ايه
نوف حطت اصابعها على اذانها والخوف مالي قلبها:- تكفى عمي لاتتكلم وبتدت دموعها تنزل
مشاعل بقلق وخوف:- طمن
جود بخووف :- ما....
منصور وعابس جبينه ومنزل عيونه للارض :- نجحتي بس ماطلعت النسبه
نوف مصدوومه:- قل والله احلف
مشاعل بخوف:- تكفى عمي مو وقت مزح
منصور بابتسامه:- وربي ماامزح كلمت اليوم واحد اعرفه وطلع لي النتيجه
نوف:- واااااااااااااااااااااااااااااااااو
مشاعل:- طيب كيف اطلعت بالسرعه هذي
منصور:-انا اتابع نتايجها من اول يوم في الاختبارات
مشاعل:-ومن هو اللي يتابع النتيجه
منصور:-واحد من معارفي موصيه عليها
وقامت نوف تضم خواتها وترقص فرحانه وتغني كل الاغاني
اخذت نوف جوالها ودقت على امها في لندن
نوف:- هلااااا وغلاا باحلى واغلى واجمل ام في الكره الارضيه
ام عبدالله:- هلا فيك حبيبتي يالقاطعه كل خواتك يكلمون ويسالون الا انتي
نوف:- يمه يابعد قلبي اللحين مو وقت عتاااااااااااااااب , يمه بااااااااااااااركي لي نجحححححححت
ام عبدالله بفرحه وبصوت عالي:- قولي والله و مبروووووووووووووووووووووك والنسبه؟!
نوف :- الله يبارك فيك والنسبه مابعد تطلع اول مايسربها عمي راح يعطيني خبر
ام عبدالله:- عمك منصور
نوف:- ايه يمه نسيت لاقولك ترى بنجيكم لندن مع عيال خالتي
ام عبدالله:- ماله داعي ابوك بعداسبوع بيرجع وحنا انشالله بعد اسبوعين راجعين
نوف:- لا بنجي طفشانه وبنجيكم ونطمن على امي ساره
ام عبدالله:- تعالو اهم شي اطلعت نتيجتك ونجحتي ماراح ارفض طلبك وانت مستانسه, وجود متى نتيجتها؟!
نوف:- كلمتها الفجر معلمتها ام زميلتها وقالت لها انها الاولى على الدفعه
ام عبدالله دمعت عينها من الفرحه :- الله يوفقكم بس متى بتجون
نوف :- مدري بنكلم ساره ونعطيكم خبر
ام عبدالله:- توصلون بالسلامه سلمي على خواتك وباركي لهم وسلمي على عمك
نوف:- انشالله , مع السلامه
ام عبدالله:- مع السلامه
نوف:-تسلم عليكم كلكم امي
الكل:- الله يسلمها
منصور:-يالله انا استاذن بروح الشركه
مشاعل :-- انا بكلم ساره واقول لها
مشاعل:- هلا ساره
ساره:- هلا والله مشاعل
مشاعل:- كيف الحال
ساره:- تمام وانتو وش اخباركم
مشاعل:- ابشرك نوف نجحت
ساره:-مبرووك باركي لها
مشاعل:- الله يبارك فيك
مشاعل:- الا بقولك ساره وش رايك بما ان اهلنا بيجلسون في لندن نروح لهم
ساره:- والله انا ماعندي مانع بقول لنايف هذا هو جمبي قبل لايطلع
ساره:- نايف
نايف:- هلا
ساره:- اقول نايف وش رايك بما ان اهلي وخالتي بلندن نروح لهم هناك ونصيف هناك لي 3 سنوات مارحت لندن
نايف كان يناظر التلفزيون وياكل توست:- لا هم مو مطولين ماله داعي روحتنا
ساره:- الا نايف تكفى حتى مشاعل هي اللي مقترحه علي
نايف اول ماسمع اسم مشاعل كان وجهه امتلى فرحه وحط التوست
نايف:- قولي لها تم بشوف اقرب فرصه واحجز بس خليها تجهز جوازاتهم عشان احجز
ساره:- مشكور
نايف :-العفو , يالله انا بطلع
ساره:- مع السلامه
ساره:- هلا مشاعل يوم قلت اسمك وافق على طول
مشاعل صار وجها احمر من الحيا:- المهم نروح
ساره:- ايه يقول جهزو الجوازات بيمر ياخذهم وهو الان طلع مدري بيمرهم الان ولا لما يحجز
مشاعل حست بحيا وخوف من نايف يجي وعمها مو في البيت:- لا انا بخلي عمي يجيبهم
ساره:- اوكي انا بكلمه واقوله
مشاعل:- يالله مع السلامه
ساره:- مع السلامه

*************

نايف:- السلام عليكم
بندر:- وعليكم السلام
نايف :- كيف الحال
بندر:- دامك بخير انا بخير
نايف :- مدري بندر احصل حجز على لندن في اقرب وقت
تغيرت ملامح بندر:- ليه عسا ماشر يانايف , عسا اهلك اللي بلندن مافيهم شي
نايف:- لا الحمد لله بس خواتي وبنات خالتي يبون يروح لندن لهم وانا قلت لهم بحجز
بندر وابتسامه على وجهه:- اها المساله فيها بنات خالتك , الله يوفقكم
نايف :- آمين
بندر:- ابشرك رحلة لندن انا الكابتن فيها وبنروح بعد 3 ايام تجهزو
نايف:- مشكوور يابندر
بندر:- العفو ماسوينا شي , بس عساها رضت عليك بعد هذيك المره
نايف بقلة حيله:- والله ماادري ياخوك هي رضت او لا ارسل لها مسجات وماترد
بندر:- عاد الحين فرصتك يابطل بتروح بلد الضباب ابي تعيشها هناك احلى ايام حياتها بعد ماتراضيها
نايف:- الله يقدرني , والله انك اخو دنيا
بندر:- انشالله اوقف معك في عرسك
نايف :- تسلم يالله استاذن
بندر:- مع السلامه
وكلم نايف ساره وقال لها عن موعد الرحله هي كلمت بنات خالتها وكلهم انشغلوا بالتجهيز للسفر مع ان مشاعل وخواتها عندهم ملابس هناك بحكم انهم يروحون كل سنه بيتهم اللي في لندن بس ولو ضروري يجهزون نفسهم
مر يومين بسرعه وكانت الفجر رحلتهم

***************

بعد صلاة الفجر
منصور:- مشاعل يالله بدون كسل قومي صلي وجلسي خواتك يادوب نروح المطار
مشاعل تقوم بتكاسل لانها مانامت من الفرحه الا ربع ساعه:- انشالله عمي هذا انا بصحي خواتي وبننزل لك تحت
منصور:- يالله لاتتاخرون
مشاعل:- انشالله
وصحت مشاعل وراحت صحت خواتها وكلهم قاموا صلوا واخذوا لهم شور سريع ونزلوا يفطرون تحت مع عمهم
جود+مشاعل+نوف:- السلام عليك عمي
منصور:- وعليكم السلام ,عساكم مجهزين كل حاجه
مشاعل:- ايه , والله ماينقصنا ياعمي الا انك تروح معنا
نوف:- أي والله ياعمي ليتك تجي معنا
منصور بابتسامه:- والله ياعمري مااقدر بس انشالله اذا قدرت جيتكم
جود:- انشالله تقدر
منصور:- يالله افطروا عشان نلحق نروح المطار
جود:- من الفرحه امس مانمت مبسوطه اني بروح مع بيت خالتي من7سنوات مااجتمعنافي لندن اذا راحوا لندن حنا نروح دوله ثانيه
مشاعل:- انا مانمت تقريبا الا اخر ربع ساعه
نوف:- اما انا نعست ونمت اول ماحطيت راسي على السرير من غير مااحس بالدنيا
منصور:- خلال هالثمان ساعات اقروا مجلات بنص الوقت والنص الثاني ناموا بالطياره على الاقل تضيعون عليكم الوقت
جود:- أي والله وانت الصادق
نوف:- لا ياشيخه؟!! ,, انتي عارفتني ,, ما احب القرايه ,, الحين يالله اطيق المقررات!!,, خلينا القرايه لك يا أم العرّيف!!
منصور:- ( بابتسامه صفراء ) : الشرهه علي اللي يقترح عليك ,, يا الملسونه!
انتهوا مشاعل ونوف وجود من الفطور وغسلوا ايدينهم ولبسوا عباياتهم كانوا لابسين عباية كتف (الفراشه) وكانت عباية جود رسمت الفراشه من ورى كبيره بالازرق اما نوف ومشاعل كانت فراشه صغيره من ورى بالازرق وتلمع وكانت شيلة مشاعل مزينه في نهايتها بطاووس وفراشه صغيره بنفس الوان الفراشه اللي بعبايتها ولبسوا نقاباتهم وركبوا سيارة عمهم
منصور يدق على نايف
منصور:- هلا والله نايف وش اخبارك
نايف :- الحمد لله
منصور:- وينك الان بالمطار
نايف:- ايه انا مع الاهل بالمطار عسا جاوا بنات خالتي لنا
منصور:- ايه هذا انا هنا معهم بالسياره بنجي المطار يعني خمس دقايق بالكثير وحنا عندكم
نايف بابتسامه:- اقول منصور واللي يعافيك شوي شوي لاتسرع ترى السرعه مو زينه
منصور يناظر مشاعل:- ههههههه والله انا عارف انك مو عشاني بس عشان مشاعل
نايف بابتسامه:- لا شدعوى كلكم غالين
نايف في باله:- اذا ماخفت على روحي وعمري وحبيبتي من اخاف عليه
نايف:- يالله مع السلامه ماودي اشغلك وانت تسوق
منصور:- مع السلامه
نايف:- ساره اجلسي وانتبهي على وجوري لا تطلع برى انا بطلع احتري بنات خالتي عشان اخلص اوراقهم وانت يازيد اجلس معهم هنا
ساره:- انشالله
زيد:- انشالله
بعد عشر دقايق دخلوا منصور ومشاعل ونوف وجود مطار الملك خالد
نايف:- السلام عليكم
منصور:- وعليكم السلام
مشاعل+جود+نوف:- وعليكم السلام
ناظر نايف جهة البنات واشر لهم على جهة اخته ساره وحاول يميز مشاعل بينهم بس ماقدر:- روحوا هناك تلقون اختي
اتجهوا البنات لساره
نايف:- يامنصور عطني الاوراق اجهزها
منصور:- تفضل
نايف راح مع منصور وخلصوا الاوراق وبعدين اتجهوا العائلتين لصالة الانتظار
منصور:- ماشالله عليك يانايف كل اللي هنا عرفوك وخلصت الاوراق بسرعه بدون العطلعه اللي يمر غيرك فيها
نايف :- تعرف يااخوي شغلتي هنا
منصور:- يالله مع السلامه بنات
مشاعل+نوف+جود:- مع السلامه عمي
منصور يسلم على نايف ويودعه
منصور حب انه يغيض مشاعل شوي
منصور:- اقول يانايف مااوصيك على البنات مو تنشغل بمشاعل وتنسى الباقي
نوف بصوت واطي:- أي والله وصه ياعمي
مشاعل صار وجهها احمر من الاحراج وضغطت على يد عمها بقوه وهي تقول بصوت خافت:- عمي حرام عليك
منصور وحب يغيض مشاعل شوي:-آآآآآآآآآآه شوي شوي على يدي كل هذا على شانك منحرجه ماقلنا شي
نايف حب يستغل الوضع ويكمل:- كلهم بعيوني بس مشاعل غير
مشاعل حست بالاحراج من كلامهم وراحت بسرعه ورى البنات وهذا الشي خلا نايف يميزها ويعرفها وعطوها عمها ونايف ابتسامه تدل على النصر
دخلوا الكل صالة الانتظار بعد مانادوا على رقم الرحله ومنصور راح البيت بعد ماتطمن عليهم
نايف :- بنات تبون شي من الكافتيريا
الكل:- 000000
ساره:- مشاعل وش تبون من الكافتيريا
مشاعل:- لا احنا لسا فاطرين مشكوره
نايف :- لاتستحون اطلبوا
الكل:- لا مشكور ماقصرت
ساره:- نايف اشتر لجوري حاجه تاكلها حرام مافطرت
نايف:- انشالله
راح نايف للكافتيريا وشرى لجوري ساندويش وهو اخذ له كاس شاهي وجلس جمب زيد بحيث يكونون بنات خالته باول الصف وهو باخره واخذ يرتشف الشاهي ومشاعل تسترق النظر له واحيانا تلتقي عيونهم مع بعض وهذا دليل انه حتى هو يسترق النظر لها وصاروا يطالعون بعض من جنب
اعلنوا عن وصول الطياره وقام الكل واخذوا شنطهم اليدويه معهم اما الباقي طبعا في الشحن وركبوا مع نايف الطياره بحيث كان في الكرسي اللي جنب النافذه نايف وجنبه زيد
وراه اللي جنب النافذه مشاعل وجنبها ساره اما الكراسي اللي بالنص بصف مشاعل و ساره كانوا جالسين جود ونوف وجوري وكان نايف احيانا يسمع سوالف مشاعل وساره وهالشي مجرد سماع صوتها خلاه يعيش في سعاده كبيره
عرف الكابتن بندر بنفسه وعطاهم معلومات عن الرحله ومدتها وتركهم مع دعاء السفر وبدت جوري تصرخ اعرفها اعرفها
نايف ويحط يده على فم اخته:-اسكتي بدون صوت
وهربت جوري من يد نايف وكملت الدعاء بصوت عالي وتسابق الدعاء وجاتها مضيفه اردنيه وحملت جوري
المضيفه:-اموره وينو مكانك
جوري اتاشر على مكانها اللي جمب جود:-هنا
حطتها المضيفه في مكانها وربطت لها حزام الامان وطلبت من الكل يربط حزام الامان وشرحت لهم طرق الوقايه والسلامه في حاله حدوث شي لاسمح الله
ولفت نظر المضيفه وجود نايف في الرحله واتجهت له ومدت يدها :-مرحبا كابتن نايف نورت الطياره بوجودك كابتن
مشاعل شد نظرها الموقف
نايف حس ان مشاعل انتبهت له
نايف بابتسامه تسحر:-بس انا اليوم مو كابتن الطياره انا من الركاب
المضيفه:-ولو كابتن انت كابتن سواء قدت الطياره ولالا
نايف:-مشكوره
المضيفه:-تامرني على شي كابتن
نايف:-سلامتك
المضيفه:-مع السلامه

********************************

بعدماستقرت الطياره في الجو قامو جود ونوف وساره شالوا النقاب ووتحجبوا حجاب اسلامي
ساره:-وانت يامشاعل ماراح تكشفين
مشاعل:-لاشكلي ماراح اكشف
ساره بتعجب :-ليه بتروحين لندن بنقابك
مشاعل:-ايه شكلي
ساره:- بس كشف الوجه مو حرام انت محتشمه بالحجاب الاسلامي ,ليه انت السنوات الماضيه ماكنت تكشفين
مشاعل:-الا بس هالمره غير نايف اخوك معنا واحس اني منحرجه منه مره
ساره:-اقول اكشفي بلا دلع شوفي خواتك كاشفين قبلي وقبلك
مشاعل تناظر خواتها بتعجب
مشاعل:-طيب قومي معي دوره المياه اضبط الطرحه
ساره:-اوكي يالله قومي

*****************

نايف سمع بعض كلمات من حوار مشاعل وساره وفهم الموضوع وانتبه لهم وهم قايمين بس مايدري لوين رايحين
زيد وهو يضحك:-ناظر العجوز اللي جمبنا احسها جايه بالغلط شكلبها بدال ماتروح المنفوحه اركبت الطياره بالغلط
نايف:-زيد اعقل
زيد:-يوه بروح لنوف احسن منك
فتح زيد الحزام واتجه جهه نوف وبدل مع جوري بالكراسي
(وكان بالنص بنفس صف نايف حرمه عجوز يوحي عمرها للستينات والكرسي اللي جمبها رجل سبعيني غزا الشيب شعره وظاهره فيه ملامح الزمن)
زيد:-ناظري البنت اللي على يسارك مابقى نوع من انواع المكياج ماحطته ابوجها احسها حاطه قناع فوق وجها
نوف:-هههههههه والله يازيد ودي اكمل معك التريقه على الركاب بس النوم سلطان الا بسال هالاجانب وش لون ينامون على طول يحطون راسهم وينامون
زيد:-هههههههههه شكلهم يخافون من الطياره ياخذون حبوب اتنومهم احسن لهم على العموم مااعطلك نامي واذا صحيتي ناديني اكمل معك
نوف:-ان شالله
زيد يرجع مكانه ويبدل مع اخته
نايف :-اشوفك رجعت ليه مطرود
زيد يغمز بعينه ويبتسم:-تقدر تقول كذا
نايف:-الا وين راحو مشاعل وساره
يلف وجهه زيد ورى ويشوف مشاعل وساره جايين:-هذا هم جاو شكلهم راحو الحمام اكشفوا وجهم وجاو
التفت نايف لاشعوري وراه وشاف مشاعل متحجبه حجاب اسلامي ووجها مثل البدر على الرغم من ان وجها مافيه ولا نوع من انواع المكياج وهذا الشي زايد جمالها ومبينها ناعمه مررررررررره
والتقت عيون مشاعل بعيون نايف ومشاعل صار وجها احمر من الحيا ونزلت راسها وجلست بسرعه على كرسيها
مشاعل:- والله احراج لما شافني نايف
ساره:- تعودي هو معنا طوال الرحله

**********************





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 20-09-2008, 09:52 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة


جت المضيفه لنايف
المضيفه:- مرحبا كابتن اليوم انت منورنا هون على فكره بيسلم عليك الكابتن بندر ويقولك طلباتك انت والاهل خاصه غير الركاب وش بدك نجيب الك
نايف :- مشكورين, بالنسبه لي ابي فطور بارد واشر على جهات البنات وقال شوفي هذول وش يبون
مشاعل حست بالمضيفه وحست بمكانة نايف واهميتها لدرجه كل المضيفات يعرفونها ويسلمون عليه
اتجهة المضيفه جهة البنات وشافت طلبات نوف وجوري وجود ومشاعل وساره وكلهم طلبوا عصير

******************

بعد فتره جت المضيفه ومعها الطلب ولكن حطت مع طلب نايف باقة ورد صغيره عليها كارت صغير مكتوب فيه
(الكلام الي انا قلته
وهالورد اللي ارسلته
ولاحسيت ابد انت
تشطر عاد وافهمها)
المضفه:- هاذا الورد من الكابتن بندر
نايف فهم قصد بندر :- مشكوووره
نايف يف باله مشكووور يابندر
نايف:- لو سمحت اختي الكرسي اللي وراي جنب الشباك عطيها مع طلبها هذا الورد وقولي لها من الكابتن نايف
المضيفه :- من عيوني , بس حابه اسالك هاذي المدام
نايف:- لا خطيبتي
المضيفه:- الله يخليكم لبعض
واتجهت المضيفه وعطت مشاعل وساره عصيرهم وعطت مشاعل الورد
المضيفه:- هذا الورد من الكابنت نايف
مشاعل بخجل ووجها صار احمر:- مشكوره
فتحت مشاعل الكارت وقرت الكلام
مشاعل في بالها ياحبني لك يانايف
ساره:- ماشالله اخوي رومانسي , انا اخته من عمر عمره مافكر يجيب لي ورده هديه
مشاعل بنظره غرور وخجل :- بس انا غير
ساره:- ههه الله يوفقكم ويرزقني باللي يدللني ويحبني
مشاعل:- آآآآآآآآآآمين

********************

الكابتن بندر يتجهة جهة نايف
بندر :- السلام عليكم
نايف يفز من مكانه :- وعليكم السلام ورحمة الله وبركاته اجل تركت قيادة الطياره وش عندك انا كنت ناوي اجيك
المراه العجوز اللي بصفها سمعت كلام نايف
قامت من مكانها مفزوعه وتمسك ببندر :- هو انت اللي تسوق الطياره
بندر:- ايه
العجوز بخوف وفزح وتوسل :- تكفى ياوليدي انا ماودي امووت تكفى نزلني بعدين انتحر والله
بندر ونايف يحاولون يهدون العجوز:- لاي اخاله
العجوز:- تكفوون نزلوووني انا رايحه اتعالج ماابي اموت هنااك
وابتدت ترفع صوتها وتبكي
بندر ونايف حاولوا يهدونها وفهموها ان فيه كابتن ثاني مساعد بس هي رافضه الفكره
العجوز تمسك بندر من قميصه:- تكفىى انك توصلنا وبعدين اذا نزلنا سو اللي تبي
وحاولوا بندر ونايف يهدونها بس هي صوتها اعلى ومفزوعه وتشد قميص بندر تبي تدخله
زيد يبتسم :- واااااااااو ونااسه عرفت نقطة ضعفها تسلى فيها بدل ماني طفشاان
استسلوا نايف وبندر لطلب العجوز ودخلوا خوفا من انها تثير باقي الركاب اما العجوز جلست تبكي وتنوح طوال الرحله

************************

حس زيد بيد نوف وهي تاشر لها راح لها
زيد:- هلا والله اخيرا صحيتي
نوف:- ماعرفت انام من صوت هالحرمه الا وش بلاها
زيد :- ههههههههههه وقال لنوف كل القصه
نوف:- ههههههههههههه وناسه ليتني صاحيه كان جننتها عدل
نوف قربت راسها من جهة الحرمه العجوز
نوف:- الا بسالك خالتي صحيح اللي يقولونه ان الكابتن قام من مكانه وترك الطياره بدون طيار
العجوز وهي تبكي:- ايه
نوف بمكر:- هذا انهبل رسمي , طيب وش يضمن لنا انه رجع يسوق الطياره مو راح مكان ثاني
ابتدت العجوز ترفع صوتها وتبكي حالها
نوف وزيد كاتمين الضحك ويعملون بيدهم علامة النصر على العجوز
نوف :- ههههه وش رايك في بنت خالتك
زيد :- ههه هبلتي فيها
زيد :- ناظريني الان بهبل فيها
قام زيد من مكانها وقام يتمشى بين الكراسي رايح راجع تقريبا ثلاث مرات بالاخير وقف جنب كرسي العجوزه
زيد بنظرات جد وخوف :- لوسمحتي ماشفتي مر من هنا الرجال اللي يقولون عنه انه جايب معه قنبله يبي يفجرها
ارتفع صوت العجوز بالبكا والمضيفات يحاولون يهدونها
نوف+زيد:-ههههههههههههههههههههههههه
نوف :- هبلنا فيها حرام

****************************

طلبت المضيفه من الركاب انهم يربطون احزمة الامان لان الطياره بتهبط الان بمطار هيثروا , هبطت الطائره ونزلوا الركاب وكان في استقبالهم السايق بسيارته الكادلاك
ركبوا كلهم السياره
نايف:- السلام عليكم
مصطفى المصري:- وعليكم السلام , ازيك ياكابتن
نايف :- بخير
مصطفى :- ايه اخباركم بنات؟
مشاعل:- الحمد لله عم مصطفى وش اخبارك انت
مصطفى :- تماام
جود:- عم مصطفى وين اهلي بالبيت
مصطفى :- لا ياتي هما كلهم بالمستشفى بس العم بوعبدالله طلب مني اوصلكم كلكم البيت
نوف:- وش اخبار لندن ياعم مصطفى؟
مصطفى :- كويسه
نزلوا للبيت وهو كان بيت مزيج من الشرقي والغربي كان البيت صاله بالنص مفتوحه من زجاج نظام اوروبي وغرفة الطعام والمطبخ مفتوحين على بعض يفصل بينهم طاولة استديو وفوق فيه غرفه لبوعبدالله وام عبدالله وغرفه لمشاعل وغرفه لنوف وغرفه لجود اما في الطابق السفلي فيه غرفه لام عبدالله وبوعبدالله ( هذي جلس فيها بونايف وام نايف ) وغرفه ثانيه للضيوف وكان الاثاث كله مزيج بين الشرقي والغربي
صعدوا البنات كلهم فوق للغرف ماعدا مشاعل
مشاعل :- نانسي , نانسي
نانسي اللبنانيه:- اهلين مدمزيل مشاعل كيفك؟
مشاعل :- الحمد لله عسا جهزتي الغرف
نانسي:- ايه
مشاعل:-يب وغرفة نايف ولد خالتي
نانسي:- هلاّ انا بجهزها
مشاعل :- اوكي انا بجي اساعدك بس قولي لنايف ينتظر بالصاله اللين نجهز له الغرفه
نانسي:- حاضر
واتجهت مشاعل مع نانسي يجهزون غرفة الضيوف لنايف وبعد مانتهوا من تجهيزها
مشاعل:- نانسي الله يعافيك روحي لنايف جيبي شنطته دخليها وخليه يجي انا بفتح الشباك وبطلع فوق
نانسي:- حاضر آنسه مشاعل
راحت نانسي وقالت لنايف اتجه نايف للغرفه وصادف مشاعل طالعه منها
نايف وقف مقابل مشاعل وجلس يتامل وجها الملائكي وهي متحجبه حجاب اسلامي ويقول في باله اول مره اشوف ملاك بهيئة انسان والله انها احلى من القمر
نايف:- مشكوره مشاعل , الا بسالك مازلتي زعلانه
مشاعل انحرجت من حركة نايف وكلامه وصار وجها احمر وهالشي زاد جماهل وخلا نايف يتاملها اكثر
مشاعل نزلت راسها بحيا وبصوت بالكاد ينسمع:- الله لايجيب الزعل
وراحت مشاعل بسرعه فوق
الكل دخل غرفته وساره مع مشاعل الكل اخذ شاور سريع ونام

********************

بالليل لما رجعوا الاهل من عند الجده بالمستشفى الكل متجمع تحت بالصاله
بونايف:- والله انك ماقصرت يابوعبدالله وانشالله بكره بروح انا وعيالي الفندق
بوعبدالله :- ليه؟ عسا ماشر
بونايف:- لا بس تعرف الان جاو العيال وكثرنا
بوعبدالله :- انا بكره بروح السعوديه ومافي احد لاهلي هنا
بونايف :- حجزت
بوعبدالله :- ايه
جود:- ليه بترجع يبه
بوعبدالله:- ماله داعي وجودي بروح للشركه
اتفق الكل ان الصباح يروحون للجده بالمستشفى وبوعبدالله يرجع السعوديه
دخلوا ام عبدالله وبوعبدالله وبونايف وام نايف والبنات غرفهم اما نايف فكان مع بندر طالع برى

********************

الصباح الكل صحى ونزل يفطر
مشاعل :- صباح الخير
الكل:- صباح النور
نوف:- وين ساره؟
مشاعل:- هذه الان بتنزل
ام عبدالله :- يالله افطروا بسرعه عشان مانتاخر على امي
ام نايف :- مدري متى جا امس نايف انتظرته وماجا ونمت
مشاعل بسرعه:- جا الساعه 2 تقريبا
نوف تناظر مشاعل وبصوت واطي :- يضرب الحب شو بيذل
مشاعل بحيا :- اسكتي
ساره:- السلام
الكل :- وعليكم السلام
ام نايفك- يالله حبيبتي افطري بنروح الان لامي
ساره:- انا فطرت مع ابوي ونايف داخل يالله انا جاهزه
الكل ركب مع سيارة السايق واتجهوا للمستشفى البنات لبسوا بالطوا طويل مع بلوزه مشاعل لبست بنطلون كحلي طويل مع بالطو زيتي وحجاب كحلي اما جود لبست بنطلون بيج مع بالطو موف وحجاب بيج ونوف بنطلون جينز وبالطواورانج وحجاب سماوي اما ساره لبست بنطلون فيرورزي وبالطو بني وحجاب فيروزي ونايف كان لابس بنطلون بيج وبلوزه رصاصيه

******************

مشاعل:- هلا والله بامي ساره وش اخبارك الان
الجده:- الحمد لله
نايف :- ماشالله عليك ياجدتي رجعتي شباب
الجده:- هههه وين شباب ياوليدي وانا يادوب اتحرك
نوف :- لايايمه شكلي بلعب معك كوره
جود:- وانا الحكم
الجده:- وانا بسجل الهدف مثل ماجد عبدالله
الكل :- ههههههههههههه
نايف :- ياحليلك ياامي ساره اثاريك منتي بسهله
الجده:- الا وش اخباركم انتو
مشاعل :- بخير
ساره:- بخير دامك انت بخير
الجده:- والله اني فرحة والمرض راح مني يوم شفتكم حولي تعرفون الغربه شينه
نايف:- وحنا نقدر مانجيك
الجده:- جعلك سالم ياوليدي
ام نايف:- يالله بنات ونايف روحوا انتوا البيت لاتطولون زياره على امي كثر الكلام والضحك مو زين لها
الجده:- خليهم موسعين صدري
ام عبدالله:- بيجونك كل يوم الين تملين منهم
الجده:- محد يمل من روحه
ام نايف:- الله يسلمك
البنات :- بس حنا نبي نروح هارودز نتسوق هناك
نايف:- روحوا انتوا مع السواق
نوف :- ليه وانت
نايف :- انا بيمرني بندر بطلع معه
مشاعل في بالها شكل بندر خويه الروح بالروح واضح من لما جاه بالطياره سلامهم كان يوضح فيه هالشي
مشاعل:- يالله بنات السواق تحت , يالله مع السلامه
الكل :- مع السلامه

******************

بندر:- هلا والله وش اخبار جدتك الان
نايف :- الحمد لله تحسنت كثير
بندر:- الحمد لله
نايف :- وين بنروح
بندر :- مدري براحتك اختر أي كافي نروحه
نايف وفي باله مايبي يضيع دقيقه بدون مايشوف فيها مشاعل :- وش رايك نروح الهرودز
بندر :- اوكي منها نتسوق ونجلس نتقهوى هناك بعدين
وصلوا بندر ونايف لل هارودز وتسوقوا بعد ساعه من التسوق
ساره:- مشاعل ناظري هناك بالمطعم هذا نايف مع خويه
مشاعل بحيا :- لاتناظرينهم
بالجهه الثانيه بندر لفت نظره بنات اشكالهم سعوديه واكثر وحده شدت نظره ساره
نايف في باله :- فيه شبه بينها وبين نايف شكلها اخته ماشالله عليها مزيونه
نايف:- هذول اهلي هناك بروح لهم شوي
بندر :-اوكي انا استاذن بروح عندي موعدالان ترجع معهم ولا معي
نايف واستغل الموقف:- لا مشكور برجع معهم
اتجه نايف للبنات اللي كانوا جالسين بطاوله باخر المطعم
نايف:- مرحبا بنات انتوا هنا؟
ساره:- ماشالله تسوي نفسك بريء ماكانك تدري ان حنا هنا
نايف جلس معهم:- لا مدري , الا على فكره ساره روحي هناك فيه محل يبيع تعليقات للسياره اختاري لي وحده وجيبيها وخذي معك نوف وجود
ساره:- بس انا ماشفت تعليقات حلوه هنا
نايف:- بس انا اقول فيه افهمي عاد وروحي
ساره:- آآها فهمت
قاموا ساره ونوف وجود وقامت معهم مشاعل
نايف مسك يد مشاعل وبصوت خافت:- انت اجلسي هنا ابيك
راحوا ساره وجود ونوف ةجلست مشاعل مع نايف
اول مامسك نايف يد مشاعل حست بشعور غريب اول مره تحسه ماتدري هو فرحه او خوف
نايف حط ايدينه على الطاوله وحط راه بين كفوفه ويناظر مشاعل ويبتسم:-
نايف:- تعرفين يامشاعل انا محظوظ فيك ,كانوا يقولون عنك قمر بس انا اقول غير كذا والله انك احلى من القمر
مشاعل حست بالاحراج وصار وجها احمر ونزلت راسها
نايف يكمل كلامه:- يوم كنا بالطياره لما قالي زيد انك كاشفه لاشعوريا التفت عليك وشفت قدامي قمر بدر كامل وصوفه وخاصه مع حجاب اسلامي وبدون مكياج معطيك حلاوه اكثر عن المكياج
مشاعل بحيا منزله راسها وتفكر:- متى شافني بالمكياج
مشاعل في بالها:- ايه ايه ذكرت لما كنت بيتهم وناظرني من المرايه العاكسه
زاد الخجل عند مشاعل وتمنت ان احد معها بالطاوله او ان ساره وخواتها يرجعون وصارت تلعب باصابعها لاشعوريا
نايف:- الا بسالك يامشاعل انت كل سنه لما تجين لندن مع عيال عمك تكشفين لهم
مشاعل ياحليلك يانايف تغار من عيال عمي ماتدري بغلاك عندي:- شوف فيصل انا من عمري اعتبره مثل اخويبحكم انه اكبر مني بكثير وعنده عيال فما كنت اتغطى منه بلندن اما فهد من زمان ماتقبلت معه بلندن على الرغم من انه يدرس بلندن الا انه الفتره الي حنا نكون بلندن يكون هو نازل السعوديه يمكن لي خمس سنوات ماتصادفت معه بلندن
يقطعهم صوت نوف:- احم احم حنا ندور وانتو هنا تغازلون بعض هذا وعمي موصيك علينا من اولها بس شكل حاميها حراميها
شدت مشاعل على يد نوف بقوه :- اسكتي
نايف بابتسامه:- ناعليه يانوف اجل حراميها , خطيبيتي وكيفي
ساره جايه تعبانه ورمت نفسها على الكري:- لفيت كل المحلات ماحصلت اللي تبي
نايف يبتسم :- ههه المهم تبون نجلس هنا نتغدى او نرجع البيت
مشاعل بخجل من الكلام اللي قاله حاسه مو قادره تحط عينها بعينه :- نرجع البيت
جود+نوف+ساره- نجلس ونتغدى
نايف بابتسامه:- اجل نروح البيت
جود:- بس الاكثريه يبون يجلسون
نايف:- بما ان مشاعل تبي تروح فاكيد راح نرح لانها بالنسبه لي كل الاصوات
مشاعل انحرجت وطلعت بسرعه ولحقوها الباقي


في منطقه بعيده عن لندن وضبابها وسحبها في الرياض بوعبدالله في الشركه
بوفيصل:- هلا والله ببوعبدالله الحمد لله على السلامه
فيصل:- الحمد لله على السلامه عمي
فهد:- الحمد لله على السلامه عمي
بوعبدالله :- الله يسلمكم
فهد:- عمي ودي اقولك شي
بوعبدالله:- سم آمر
بو فيصل:- مو وقته يافهد
فيصل طلع مايبي يحرج عمه
فهد:- الا هذا وقته
بوعبدالله:- وشو اللي موقته قولوا تكلموا خوفتوني
فهد:- تعرف ياعمي حنا عيال فهد بن ناصر مانطلع عن بعض
بوعبدالله:- طيب
فهد:- وانا اليوم جايك ابي مشاعل لي ابيها تكون خطيبتي

*************

العـــــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 20-09-2008, 09:54 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة



ابي رايكم

***

العـــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 21-09-2008, 04:24 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
رد: قراره الموجه / روايه كامله للكاتبة انثى مغرورة


وين الردود والا ما اعجبتكم القصه

*****

العـــزوف


الرد باقتباس
إضافة رد

قراره الموجه / الكاتبة : انثى مغرورة ، كاملة

الوسوم
جرأه،ورمنسيه،واحاسيس
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6851 17-06-2020 11:50 PM
صرخات الحب / الكاتبة : فراشة الوطن ، كاملة nandetto روايات كامله - يتم نقل الرواية هنا بعد اكتمالها 133 29-05-2019 01:28 PM
روحي لك وحدك / الكاتبة : ريم الحجر ، كاملة روح زايــــد روايات كامله - يتم نقل الرواية هنا بعد اكتمالها 161 15-11-2018 05:47 AM
و اني أحبك / الكاتبة : امازيغية الهوى ، كاملة النجمة القطبية روايات كامله - يتم نقل الرواية هنا بعد اكتمالها 76 28-07-2013 11:12 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 02:56 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1