غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 21-09-2008, 09:12 PM
tamsha2000 tamsha2000 غير متصل
©؛°¨غرامي جديد¨°؛©
 
الافتراضي رد: قراره الموجه / روايه كامله للكاتبة انثى مغرورة


القصة حلوة كثير
لو سمحتي كمليها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 21-09-2008, 11:37 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة



هلا والله بـ tamsha2000
نورت يا قلبووو
ومشكوره لتواصل

****
العـــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 21-09-2008, 11:46 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة



(الجزء الحادي عشر)


في منطقه بعيده عن لندن وضبابها وسحبها في الرياض بوعبدالله في الشركه
بوفيصل:- هلا والله ببوعبدالله الحمد لله على السلامه
فيصل:- الحمد لله على السلامه عمي
فهد:- الحمد لله على السلامه عمي
بوعبدالله :- الله يسلمكم
فهد:- عمي ودي اقولك شي
بوعبدالله:- سم آمر
بو فيصل:- مو وقته يافهد
فيصل طلع مايبي يحرج عمه
فهد:- الا هذا وقته
بوعبدالله:- وشو اللي موقته قولوا تكلموا خوفتوني
فهد:- تعرف ياعمي حنا عيال فهد بن ناصر مانطلع عن بعض
بوعبدالله:- طيب
فهد:- وانا اليوم جايك ابي مشاعل لي
بوعبدالله باستغراب:- مشاعل !! مافهمت كيف؟!!
فهد:- انا جاي اخطب مشاعل بنتك لي
بوعبدالله بابتسامه:-بس مشاعل مخطوبه لولد خالتها لما كنت بلندن
فهد بنبرة جد:- ايه عارف بس انا اولى منه هي بنت عمي وعيال الشيخ فهد بن ناصر مايطلعون عن بعض
بوعبدالله:- وش هالكلام الله يهديك البنت مخطوبه و0000
بوفيصل:- ماعليك منه يااخوي شكل لندن هبلت بالولد
فهد يحط يده على الطاوله بقوه :- بس انا قلت اذا مااخذت مشاعل فمشاعل عمرها ماراح تاخذ نايف
بوعبدالله:- استغفر الله و وش هالكلام ياوليدي والله لو ان مشاعل مو مخطوبه كان ماالاقي احسن منك لبنتي بس الان مااقدر اقولها اتركي ولد خالتك لان فهد يبيك وانشالله ربي بيوفقك مع اللي احسن من مشاعل
فهد بنبرة تهديد وهو طالع من باب غرفة عمه:- هذا انتوا سمعتوا مشاعل لي وطلع من الغرفه
بوفيصل بقلة حيله استسلم وجلس على اقرب كرسي:- والله مدري شسوي مع هالولد
بوعبدالله:- الكلام اللي قاله مو سهل وطلبه تعجيزي
بوفيصل:- ماعليك منه اتركه كم يوم وينسى
بوعبدالله:- لا شكله قاصد تهديده والله اني مااغليت نايف عليه بس هو ماتكلم من اول
بوفيصل:- والله مدري يااخوي وش اقولك
بوعبدالله:- ولاتزعل يااخوي ولايضيق صدرك انا بحاول اكلم البنت وامها وشوف وش رايها وارد عليكم
بوفيصل:- ماتقصر يااخوي ومهما صار انت عزيز وغالي ومشاعل بنتي وماراح احصل افضل منها لفهد
بوعبدالله سرح كيف يفاتح مشاعل في الموضوع ومتى وقرر انه ياجل الموضوع الا ان يرجعون من لندن

*****

في بلد الضباب حيث الجو يميل للبروده ونسمات هواء تنتشر لتزيد من جمال الطقس وفي الريجنت بارك (حديقة الزهور) تحديدا كانت موجوده عائلة بوعبدالله و عائلة بو نايف بعد ماتطمنوا على جدتهم كانت مشاعل لابسه بنطلون بيج وبالطو بني وحجاب بيج مطرز بالبني اما نوف لابسه بنطلون اسود وبالطو اصفر وحجاب اصفر وجود وساره بنطلون رصاصي وبالطو احمر وحجاب رصاصي وفيه ورده حمرا اما نايف لابس بنطلون اسود وبلوزه سودا
ساره:- والله حرام ابوي ماجا معنا المنظر هنا يجنن والجو روعه
ام نايف:- يقول هو يعرفها من قبل وشكله بعد ماطمنا الدكتور على حالة امي يبي يرجع للسعوديه
ام عبدالله:- طيب خليه يرجع بسلامته وحنا معنا نايف ولا انت يانايف مو مطول هنا
نايف:- الا انا اخذت اجازتي السنويه وماوراي شي
ام نايف:- انا بقوله وبشوف
ام نايف:- انا تعبت بجلس جمب النافوره منظرها يرد الروح
ام عبدالله:- وانا بجلس معك
واتجهوا البقيه عبر ممرات الحديقه المزينه باكاليل الورد ومنسقه بطريقه جميله يتمشون بالحديقه اتجهوا البنات باتجاه ونايف وزيد بطريق اخر
كان اليوم هو يوم الأحد ( الاجازه ) ,, و بطبيعة الحال فقد كانت الحديقة ملئه بالزوار
كانوا يمشون ساره ومشاعل ونوف وجود وقاطعهم بالطريق نايف وزيد
نايف:- بنات بنات ناظروا هالورد تعرفون انه حزين
ناظرت مشاعل الورد وتقول في بالها وش فيه انهبل ولد خالتي اليوم لاكشخه في لبسه وهم يتفلسف شكله طفشان يبي يقول أي كلام والسلام ولا هذا الورد وش غيره عن غيره وش حزنه
ساره باستغراب:- وش فيه مافيه شي يميزه عن غيره عشان تعرف ياابو العريف انها حزينه
نوف:- يمكن ان حجمها اكبر من اللي عندنا بالسعوديه
زيد:- الا الورد اللي عندنا هو اللي مريض الشمس عليه عاموديه
جود:- ايه شفيه هالورد
نايف:- طيب تعرفون ليه هي حزينه
ساره:- لا قل
نايف بابتسامه ويناظر مشاعل:- لانهم اليوم جاهم اللي اجمل منهم ولفت انظار الناس له بدالهم
نوف فاتحه عيونها وتناظر نايف ومو مستوعبه الموقف:- ومن هو هذا لايكون انت
نايف يناظر مشاعل وبابتسامه تجنن:- لا مشاعل
مشاعل انحرجت من كلام نايف وانصبغ وجها بالوان الطيف ومشت على طول وهي عيونها في الارض من الاحراج

*****

في السياره:-
نايف يدق جواله
نايف:- هلا والله
بندر :- هلا فيك وينك
نايف:- في الطريق بروح البيت
بندر:- يالظالم لي يومين ماشفتك ولا سمعت صوتك ولا من شاف احبابه نسى اصحابه
نايف:- لا شدعوى انت عزيز وغالي يابندر
بندر:- ههه امزح بس بمرك نطلع مع بعض
نايف:- انشالله الان بتجيني
بندر:- يعني ربع ساعه وانا عندك
نايف:- احتريك
بندر :- في امان الله
نايف:- في امان الله
ام نايف:- بيجي خويك بندر البيت
نايف:- لا بيمرني وبطلع معه
ام نايف:- الله يحفظكم انشالله

****

نايف يركب السياره مع بندر
نايف:- السلام
بندر:- وعليكم السلام ,هلا باللي ماينشاف
نايف:- من وين جاي؟
بندر يستهبل:- من الملكه اليزا بيث طالبتني تبي سلف ريال
نايف :- ههههههههه عسا عطيتها؟
بندر:- ههههههه لا كسرت جوالي تبي الريال وانا اعطيها بزي
نايف:-ههه هاه يالمثقف قريت جريدة اليوم؟
بندر:- لا قريت الجزيره هههههههههه
نايف:- انت شفيك اليوم فيك شي؟
بندر:- وش اسوي ضايق خلقي واستهبل عليك
بندر:- عرفت من فاز في مباراة الهلال والشباب؟
نايف:- لا من فاز؟وكم النتيجه
بندر:- فاز الهلال 1/0 بس الشباب كان لعبه مرتب
نايف:- وش صار ترتيب الدوري
بندر:- الاول الهلال وبعدين الشباب والثالث الاتحاد والرابع النصر
نايف:- ماشالله , الله يالنصر وينك وين ايامك صرت تاخذ الرابع
بندر:- على سالفة الكوره الدوري الانجليزي عرفت وش صار فيه
نايف:- لا لا اسكت لاتفتح لي هالمواضيع اكيد آرسنال مهزوم
بندر:- هه جبتها
نايف:- الا وين مودينا انت الان؟ شكلك مضيعنا
بندر:- لا بوديك شارع ( الادجوردرود ) عندي لك مفاجاه هناك
نايف:- وش المفاجاه
بندر :- ماتصير مفاجاه اذا قلت لك
نايف:- نصبر ونشوف انشالله تسوى
ودخلوا الكافيه اللي متعودين دائما يجتمعون فيه وكانت اجواء الدخان ورائحة الشواء معطيه طابع العربي للشارع
نايف:- هالشارع يرد فيني الروح يسوى لندن كلها
بندر:- صدقوا يوم سموه شارع العرب
اول مادخل نايف فتح عيونه على الاخر من اللي شافه قدامه
بندر يضرب كتف نايف :- هاه تسوى ولا لا
ياسر:- من اللي مايسوى
نايف ياخذ ياسر بالاحضان :- هلا وغلا باهل الشرقيه وريحتها وهلا بالغالي
ياسر:- هلا فيك حبيبي
نايف:- من متى انت هنا
ياسر:- توني واصل لي اسبوع تقريبا مع اهلي والتقيت مع بندر هنا وقالي انك موجود
نايف:- هلاا فيك والله لك وحشه
ياسر:- وانت ليه جاي؟
نايف:- جدتي تعبانه وجينا مع الاهل
ياسر:- كيفها الان؟
نايف:- الحمد لله
بندر:- وش رايكم بكره نروح ساعة بيج بن
ياسر:- اعذروني بروح مع اهلي البلاك بول( الحديقه المائيه)
نايف:- والله فكره حتى انا اخذ اهلي ونروح يِزِنّون كل يوم فوق راسي مارحنا ولاجينا , الا وش رايك يابندر تخاوينا
بندر:- لا مشكور حبيبي عندي اشغال
نايف:- توك بتروح معنا بيج بن وش اشغاله هذي
بندر منحرج:- ههههههه ذكرت كم شغله وقلت اخلصها

*****

جود:- الايمه وش اخبارها جدتي اليوم
ام عبدالله:- ليه مازرتوها اليوم تسال عنكم
ساره تغمز لمشاعل:- نايف مارضى نروح
ام نايف بعصبيه:- وليه مارضى لكم؟
ساره:- وش نسوي قال لنا لاتروحون واخوي الكبير مقدر اقول له لا
ام نايف:- حسبي الله عليه من ولد حنا جايين عشان امي وهو يظن حاله جاي سياحه
مشاعل تقرب من ساره وتقرصها وبصوت واطي:- ياكذابه
يدخل نايف عليهم البيت
نايف:- احم احم
ام نايف بعد ماتاكدت ان الكل تحجب:-ادخل
نايف:- السلام عليكم
الكل :- وعليكم السلام
ام نايف بعصبيه:- ورى ماتخليهم يروحون لجدتك
نايف مستغرب:- انا؟
ام نايف:- ايه تو ساره تقول انك ماترضى لهم
ساره بثقه :- لاتجلس تناظرني مشاعل اللي قالت نحطها بنايف
مشاعل باستغراب ومصدومه من الكلام وبصوت عالي:- انا قلت؟
ساره:- ايه ايه قلتي تكذبين
نايف:- ناظر مشاعل وابتسم لها ومشى غرفته وقالهم تجهزوا بكره بنطلع مع بعض للحديقه المائيه(بلاك بول)
ام عبدالله:- انا مااقدر اروح معكم بروح لامي مااقدر اتركها يوم كامل
ام نايف:- لا انت روحي معهم وانا بروح لامي
ام عبدالله:- لا لا روحي انا بروح لامي
ام نايف :- براحتك
مشاعل:- يالله عن اذنكم بروح انام ونوف لاتنسين شحني جوالي
نوف:- انشالله
ام عبدالله:- يالله بنات قوموا ناموا وراكم صحوة صبح
نوف اتجهت لزيد اللي كان يلعب بلاي ستيشن وصارت تلعب معه
مشاعل:- يالله قوموا ناموا وراكم صحوه بدري ولاتنسين تشحنين جوالي
زيد:- يالله انا نعست بخلص القيم اللي معي وبروح انام
نوف:- انشالله مالكم الا اللي تصحي بدري

*****

في الصباح
ام نايف:- يالله جهزتوا كلكم
ساره:- يمه جوري مو راضيه تلبس الجاكيت اخاف هناك برد عليها
مشاعل:- ماعليك من جوري تحبني وتسمع كلامي انا بلبسها
جود:- انت صحي اختك اول
مشاعل باستغراب:- نوف الى الان ماصحت
جود:- لا
مشاعل انا بطلع لها اصحيها
اتجهت مشاعل لغرفة نوف
مشاعل:- نوف نوف نوف يالله اصحي تاخرتي
نوف:- اوووف صاحيه بس موقادره افتح عيوني
مشاعل:- اقول قومي بلا كسل وين اللي تقول مالكم الا اللي تقوم بدري
قامت نوف بتثاقل واتجهت للحمام
مشاعل :- لاتتاخرين انا بسبقك تحت

*****

في الصباح كان نايف وزيد على طاولة الطعام يفطرون اومليت وشوكولاته ساخنه
نايف:- امي خالتي تعالوا افطروا
ام نايف:- سبقناك وافطرنا
نايف:- وين البنات جهزوا
ام عبدالله:- جود وساره بالغرفه الداخليه يفطرون
نايف:- والباقي
مشاعل تنزل من الدرج وكانت لابسه بنطلون جينز وبلوزه صفراء وحجاب وبالطوا جينز وماسكه بيدها شنطه صغيره سماوي واصفر وكانت قمه في الاناقه
مشاعل:- يالله دقيقتين وتنزل نوف
نايف:- اكتفى بما سمعه من مشاعل وقام هو وزيد يتجهزون
نايف:- اوصلك خالتي
ام عبدالله:- لا مشكور حبيبي هذا السايق جايني
واتجه الكل للسياره معه اغراض الرحله ونوف نازله مسرعه من الدرج
نوف:- جيت جيت
مشاعل:- يالله
واتجهوا الى الحديقه المائيه اللي كان مشوارها طويل وكان الجو في السياره يغلب عليه طابع الهدوء ماعدا مقالب زيد ونوف

*****

وصلوا على الحديقه المائيه ونزلوا واتجهوا الكل الى احد المقاعد مستمتعين بجمال الطبيعه اللي هناك
مشاعل:- نوف عطيني جوالي
نوف:- يوووه نسيت اشحنه
مشاعل :- كيف انا قايله لك اشحنيه مافيه الا حبه وحده شحن
نوف:- مدري نسيت , خذي جوالك
زيد:- مايحتاج امشوا كلكم مع بعض والكل هنا عنده جوال يعني مو ضروري بالنسبه لك
مشاعل بقلة حيله:- صح
نايف وجاي من بعيد
نايف:- يمه اهل خويي ياسر اللي من الشرقيه جايين هنا معه بدق عليهم بعد شوي يجون معكم
ام نايف :- ايه حياهم الله ياوليدي احس بفرحه بقلبي لما اناظر سعوديين
نايف:- انشالله بس مو الان لما ترتبون اغراضكم ادق عليه
ام نايف:- انشالله ياوليدي
نايف:- يالله زيد قم معي

*****

مشاعل يدق جوالها
مشاعل:- هلا وغلا باحلى عم بالدنيا
منصور:- هلا فيك شعوله كيفك
مشاعل:- بخير وانت وابوي ونوره وكل اهل السعوديه كيفكم
منصور:- تمام يسلمون عليك , الا يالقاطعه ماترفعين التلفون وتقولين عندي عم اسال عنه اشوف وش علومه
مشاعل:- لا شدعوى انت الغالي الا كيفها نوره
منصور:- بخير تسلم عليك
مشاعل :- الله يسلمها
منصور:- كيفها الان جدتك
مشاعل:- لا الحمد لله تمام
منصور:- وينكم فيه بالبيت
مشاعل :- لا بالحديقه المائيه والله لك وحشه ياعمي
منصور :- ومن جنبك؟
مشاعل:- مافي احد كنت جمبهم ولما دقيت علي بعدت عنهم ازعاج عندهم
منصور:- الا على فكره دقيت على نوف ماردت بس بشريها ان نسبتها طلعت 90,07%
مشاعل:- الحمد لله الله يبشرك بالخير عمي اكيد هي الان بتفرح
منصور:- عساكم مبسوطين
مشاعل:- والله ماينقصنا الا وجودك عمي معنا
منصور:- خيرها في غيرها يالله سلمي على الاهل وعلى وجود ونايف وزيد وباركي لنوف وخذي نوره تكلمك
مشاعل:- هلا والله بنور السعوديه كلها
نوره:- هلا فيك وش اخبارك وش اخبار لندن السنه
مشاعل:- تجنن يالله نوره اقنعوا عمي وتعالوا عندنا والله وحشتوني
نوره:- ياليت بس شكلنا هالسنه سويسرا , يالله تامرين على شي حبيبتي
مشاعل:- سلامتك وسلمي على 00000
مشاعل:- يوووووووووه انطفى الجوال
مشاعل اثناء ماكانت تكلم عمها ونوره من الفرحه كانت تمشي وماتحس بالطريق
مشاعل:- والله مو وقته يقفل الجوال شكلي ضيعتهم يااربي وش اسوي
وابتدت مشاعل تدور عليهم وتلتفت يمين وشمال ولكن دون جدوى فاخذت تنتقل من مكان للاخر تبحث عنهم الان بينت اهمية الجوال عندها
اثناء ماكانت مشاعل تدور على اهلها وعلامات الخوف والحيره على وجهها مو عارفه وينهم او وين هي بالضبط هي مازارت هالمكان الا مرتين وماتعرف كل شي عنه
كان فيه شاب سعودي وسيم انيق ملامحه بدويه عيونه مدوره وخشمه سلة سيف ولونه برونزي لفت نظره شكل مشاعل واحساسه بانها محتاجه للمساعده او انها ضايعه
الشاب:- اختي تبين مساعده
مشاعل خافت اول مره يكلمها شخص كذا وخاصه ان ملامحه سعوديه فحست بالخوف شويه منه :- لا مشكور
واتجهت مشاعل تكمل طريقها ولكنها بخوف وبتردد وهي تفكر في داخلها هذا الشكل مو غريب علي شايفته بس مدري وين
مشاعل:- اخوي اخوي
الشاب:- هلا
مشاعل:- ممكن تلفونك لو سمحت
الشاب:- تفضلي
فكرت مشاعل انها تدق على خواتها يجونها ولكنها قالت صعبه ادق على بنت من جوال ولد وخاصه ان بعض الاولاد ماينأمنون في هذا الموضوع لذا قررت تدق على زيد
ابتدت مشاعل تدق جوال زيد وباصابع مرتجفه وخايفه
زيد:- الو
زيد:- هلا
زيد بحيره في عيونه:- ايه ايه عرفته انتظريني لاتتحركين انا جايك
مشاعل:- تفضل مشكور اخوي
الشاب :- ولو اختي كلنا اهل هنا
واتجه الشاب بعيد عن مشاعل حتى اختفى عن عيونها
نايف:- وش فيك
زيد:- مشاعل تقول انها مو عارفه طريق اهلي ضاعت عنهم وجوالها قفل وكلمتني من جوال غريب
نايف:- طيب عرفت وين مكانها
زيد:- ايه
نايف:- يالله يالله بجي معك
وصلوا زيد ونايف لمشاعل اللي كانت جالسه لوحدها واتجهت معهم الى مكان اهلها
ساره:- ياحليلك يامشاعل كيف ضعتي
نوف:- عسا ماحصلوتها تبكي مثل الاطفال
مشاعل:- اقول والله انكم رايقين لو انكم مكاني كان متوا خوف
ام نايف بحنيتها المعهوده:- بسم الله عليك يابنيتي عسا ماخفتي بس خذي المويه اشربي
مشاعل:- مشكوره خالتي
جود:- طيب ليه مادقيتي علينا انا او نوف
مشاعل :- فكرت بعدين قلت صعبه يصير رقمكم عند ولد
نوف:- كلمتي من جوال ولد اشهد انك جريئه
مشاعل:- وش اسوي حسيته جايني من السما
نوف بهمس لمشاعل:- عساه حلو بس
مشاعل:- مدري عنه كل اللي اعرفه من لهجته انه سعودي
وفي هالاثناء نايف يدق بالجوال على ياسر
نايف:- هلا والله
ياسر :- هلا فيك
نايف:- وصلتوا الحديقه المائيه
ياسر:- ايه
نايف:- اجل خل الاهل يجون يجلسون مع اهلي
ياسر:- لا الاهل مااقدروا يجون فكلمت بندر وخاواني لها
نايف:- يووه انتوا هنا وانا اخر من يعلم وينكم
ياسر حدد لنايف المكان
نايف:- يعني قريبين جمبي انا قدامكم
نايف ياشر من بعيد للشابين ويروح لهم
مشاعل مصدومه:- هذا اللي يسلم عليه نايف هو اللي كلمت من جواله
زيد:- هذا خويه بندر
حست مشاعل بالاحراج من الموقف اللي انحطت فيه
نوف وساره:- ماشالله مزيون
مشاعل:- عيب استحوا لايحس فيكم نايف
زيد:- انا بروح معهم
ام نايف:- في امان الله
مشاعل:-الا على فكره نوف عمي يقولك كلمك وماتردين طلعت نسبتك واخذتي 90.07%
نوف بفرح:- جد
مشاعل:- ايه مبروك وعمي بعد يبارك لك
واتصلت نوف على امها وبشرتها
مشاعل وساره يتمشون بالحديقه لفت نظر مشاعل من بعد ان بنت ملامحها خليجيه واقفه مع نايف فماحبت تلفت نظر ساره للموضوع ولكن هدت من المشي شوي يمكن تقدر تفهم لغه الشفايف مابينهم
في الجانب الثاني
.....:- مرحبا كابتن نايف,كيف الحال
نايف باستغراب:-الحمد لله
......:-انا ملاك اخت هشام صديقك
نايف بحرج واستغراب من جرائه المراه:-ايه ياهلا كيفه الان
ملاك:-الحمدلله مشتاق لك ودايم مايذكرك الابالخير
نايف:-والله على البال دايم
ملاك:-ياحليلك يانايف اذكرك وانتوا بايام الجامعه يوم كان هشام عندكم بالسعوديه وكانت هذيك السنه سنه زواجي ولاتغيرت ملامحك
نايف حس ان جرئه المراه زادت وحب يقفل الموضوع:-ياليت والله نشوفه او نسمع صوته
ملاك:-عطني رقمك وان شالله اخليه يدق عليك
نايف باحراج وباستغراب من طلبها:-اوكي اختي سجلي
حس نايف بوجود مشاعل وانها كانت تناظره
مشاعل بعد ماشافت المراه طلعت الجوال وتسجل الرقم وهي مبسوطه
مشاعل عصبت من التصرف ولفت بترجع بعد مابتعدت عنها ساره
نايف متجه جهة مشاعل :-مشاعل مشاعل
مشاعل طنشت نايف واتجهت جهة خالتها
نايف:-يوووووووووه شكلها زعلت وفهمت الموضوع غلط الله يعيني على مراضاتها
نايف قرب كثير من مشاعل قبل لاتوصل لامه ويمسك كتفها:-انا اكلمك ردي علي
مشاعل وبغضب :-وش تبي تقولي بعد ليكون هذي من مضيفاتك في الطياره(باستهزاء)
نايف:-لا مو مضيفه
مشاعل :-لااجل من تكون ضريبه شهره ولا كل بنت تصادفها تعطيها رقمك
واتجهة من غير ماتسمع رده وجلست عند خالتها
واخذت جوال ساره وحاولت تشغل نفسها فيه من غير مااحد يحس انها زعلانه
نايف استغل الموقف وجلس يدق على جوال ساره
مشاعل:-ساره عندك مكالمه
ساره:-الوه هلا ,ايه دقيقه
ساره بصوت خافت:-مشاعل نايف يبيك
مشاعل اخذت الجوال وقفلت بوجهه
وصارت تعيد الحركه كلما دق نايف
نايف عصب من حركة مشاعل وقرب من امه منغير مايستشيرهم وبكل عصبيه:-يمه يالله مشينا
والكل مستغرب من عصبيه نايف واتجهوا للسياره من غير مجادله
وطول فترة السياره نايف ومشاعل اعصابهم نار ولا يستحملون كلمه من احد

*****

دخل الكل البيت وهم تعبانين من الطريق كانوا جود ونوف وزيد من التعب مو قادرين يناظرون اللي قدامهم فاتجهوا مباشره لغرفهم اما ساره فحملت جوري اللي كانت نايمه واتجهت للغرفه ونايف يدخل الاغراض المهمه اما الباقي فالصباح تدخلهم الخدامه وخالتها توجهة للمطبخ تشرب مويه ومشاعل اتجهة لغرفتها والدموع محبوسه بعينها
نايف:-مشاعل تكفين اسمعي
مشاعل ماردت عليه واتجهة غرفتها وانهمرت الدموع من عيونها
نايف زادت عصبيته من موقف مشاعل وطلع برى البيت وركب السياره ومو عارف وين يروح بس المهم انه يطلع مع انه كان تعبان من مشوار الطريق وكان نايف في قمه عصبيته على مشاعل وزاد من سرعته ولا حس الا بسياره تصدمه على الجنب الايمن
ساره تحس بوت الجوال وتجاوب بتكاسل :-الوه
وبدت على ساره ملامح الخوف :-اوكي اوكي
اتجهة ساره مسرعه لغرفه امها:-يمه ترى دقوا علي المستشفى يقولون ان نايف مسوي حادث وهو حاليا عندهم بمستشفى ويل بيك
ام نايف بصرخه :-يمه وليدي وش فيه
طلعوا:-مشاعل وام عبد الله على صوت صرخه ام نايف
ام عبدالله بخوف:-وش فيكم
ساره:-كلمونا المستشفى وقالوا ان نايف مسوي حادث
مشاعل دخلت في نوبة بكاء :- انا السبب
ام عبدالله كلمت السواق واتجهوا كلهم لنايف في المستشفى
دخلوا المستشفى وسالوا عن نايف وقالوا لهم ان عنده الطبيب وعطوا امه جواله
بعد فتره يدق جوال نايف
ام نايف بصوت باكي:- الو
بندر:- آسف اختي مو هذا جوال نايف
ام نايف:- الا بس هو بالمستشفى الان
بندر بخوف ومفزوع :- ليه وش فيه عسا ماشر
ام نايف:- مسوي حادث وجابوه على المستشفى
بندر:- طيب ولا عليك امر يمه انتوا باي مستشفى الان
ام نايف :- بمستشفى ويل بيك
بندر:- اوكي انا جاي
ام نايف كانت تبكي على ولدها ( قلب الام) ومشاعل دموعها ماوقفت من اول مااخذوه للمستشفى مهما كان هذا الغالي اما ساره وام عبدالله فكانوايهدونهم
مشاعل مشبكه اصابعها ودموعها على خدها نهر
ساره:- تعوذوا من ابليس الحمد لله مافيه شي تو الدكتور مطمنا يقول بسيطه
ام نايف:- تمنيت ابوك مارجع السعوديه ويكون معنا هذا وقت الرجال
ساره شدعوى يمه انشالله طيب
مشاعل بدون شعور وطلعت الكلمه من قلبها تلقائيه :- آآآآآآآآآآآآمييين
بعد حوالي النصف ساعه دخل عليهم رجال ملامحه سعوديه عرفته مشاعل على طول انه خوي نايف
بندر:- مرحبا يمه كيف نايف الان انا خويه بندر
(طبعا بندر عرفهم من ساره اللي شافها مره بالمجمع)
ام نايف:- والله مدري ياوليدي من دخلوه الغرفه الى الان ماطلع والله اني خايفه
بندر:- لاتحاتين بدخل لهم وانشالله اطمنك
اتجه بندر للغرفه اللي اشرة عليها بدون ماينتظر جوابها
بعد تقريبا ربع ساعه طلع بندر:- تطمني يمه وبينام الان عندهم وبكره باذن الله نتطمن عليه اهم شي مافيه كسور ولا كدمات
ام نايف:- يابعد عمري ياوليدي ابي اشوفه واللي يعافيك
بندر من قال الكلام لام نايف لفت نظره بنت كانت تبكي بشده وخوف احتار ياترى من تكون له وعرف انها اللي كانت ضايعه بالحديقه المائيه وقدر يخمن انها مشاعل
بندر في باله :- والله ماالوم نايف يوم انه يتعلق فيها مزيونه الله يوفقهم ويبعد الحساد عنهم
بندر:- انشالله اذا اخذوه للغرفه راح تدخلون تتطمنون عليه
طلع الطبيب واتجه له بندر وتكلموا مع بعض بعدين اتجه بندر جهة ام نايف
بندر:- يقول الدكتور انهم بيصعدونه غرفة رقم(000) تقدرون تطلعون له الان
اتجهت ام نايف بكل مشاعر الامومه والحنان على ولدها مسرعه للغرفه اللي قالهم عنها ومعها ساره ودخلوا الغرفه اللي كان فيها نايف شكله يتالم مره
مشاعل احتارت تدخل او لا مااحبت تناظره وهو بهالحاله وهو اكيد انه مايتمنى اني اناظره وانا اللي متسببه فيه فجلست برى عند الباب بعد مااخذت لمحه خاطفه عليه وطمنت قلبها عليه
بندر راح يكمل بعض الاجراءات
ام نايف:- مشاعل تعالي ادخلي
نايف فز قلبه من سمع مشاعل تمنى هي اللي تكون جنبه تمنى تكون زوجته وهي اللي تداويه تمنى بس يسمع منها كلمه وحده تشفي جروحه
مشاعل بخوف وتردد كبير دخله عند بداية الباب وعيونها في الارض:- الحمد لله على سلامتك
نايف وهو يناظر مشاعل وكان كلامه رد فيه الروح وزال عنه الالم مره وحده ولكنه رد بلا مبالاه:- الله يسلمك
مشاعل طلعت برى الغرفه
ام نايف :- وين مشاعل
مشاعل:- بحتريكم برى
نايف يقول بداخله تكفين اجلسي انت بس اللي شوفتها تشفي جروحي تكفين يالغلا لاتروحين
ام عبدالله:- ماتشوف شر يالغالي
ساره:- الحمد لله على سلامتك
نايف بتعب:- الله يسلمكم

بندر لما حس ان مشاعل طلعت هو كان برى الغرفه بعد عنها وقامت مشاعل تقرى المعوذات واية الكرسي وبعض الادعيه لنايف
ام نايف بعد ماطلعت من غرفة نايف:- مشاعل وساره وام عبدالله انتوا ارجعوا البيت وانا بجلس معه هنا
بندر يتجه جهة غرفة نايف:- الحمد لله على سلامته يمه
ام نايف :- الله يسلمك مشكور ياوليدي ماقصرت جعله يخدمك بالافراح رح ياوليدي بيتكم ارتاح اشهد انك ماقصرت
بندر:- لا شدعوى نايف اخوي اللي ماجابته امي انتوا روحوا وانا اللي بجلس معه
ام نايف:- لا انت روح الله يعافيك وانا بظل معه
بندر:- لا يمه انت روحي وبعدين تعالوا زوروه تعرفين يايمه هو يحتاج الان من يساعده
ام نايف و ماحبت تجادله اكثر:- براحتك مشكور ماقصرت
بندر لفة نظره لهفة مشاعل على نايف وخوفها عليه باين عليها انها تحبه كثير واضح من لهفتها عليه وبكاها وكانت طول الوقت واقفه تدعي له
دخلت ملاك مع ولد للمستشفى عمره 6 سنوات تقريبا واتجهة جهة غرفة نايف
مشاعل:- لا بكل قواة عين جايه
ملاك:- مرحبا اختي انت من اهل نايف
مشاعل بعصبيه:- ايه
ملاك: اناملاك اخت صديقه هشام وسمعت بالحادث من بندر وجيت مع ولدي اتطمن عليه , وش لونه الان
مشاعل:- الحمد لله
ملاك:- انت اخته
مشاعل:- لا خطيبته
ملاك:- ماشالله الله يوفقكم
مشاعل بتردد:- انت وش علاقتك بنايف
ملاك:- مابيني وبينه علاقه الا اللهم انه صديق اخوي
مشاعل:- بس كانه معطيك الرقم
ملاك:- هههه احليلك تغيرين , بجيبها لك على بلاطه نايف مافي مثله ولاتشكين يوم من الايام انه راعي هالسوالف بس اخوي مضيع رقمه وانا طلبته عشان يكلمه ولا ولا شي من هالافكار اللي تدور في بالك صحيحه
مشاعل:- مشكوره اختي طمنتيني
ملاك:- العفو مايشوف شر يالله مع السلامه وسلمي عليه وقولي اني سالت عنه
مشاعل :- يوصل انشالله مع السلامه

*****

اتجهوا ام عبدالله و ام نايف ومشاعل وساره للسياره وراحوا البيت وبعد ماطمنوا الكل على نايف كل واحد راح غرفته
مشاعل حاربت عينها النوم كيف تنام ونايف يتالم ولكنها حست بقوي علاقة نايف وبندر وكيف لهفة بندر عليه وسؤاله للاطباء عنه واصراره انه ينام معه وقبل لاتروح حاولت تسرق نظره لنايف وشافت بندر يحاول يسند نايف واضح ان علاقتهم اقوى من أي علاقة خوي بخويه وهذا واضح على ملامح بندر خوفه وقلقه على نايف الكبير وحست انها ندمانه على تصرفها مع نايف وحست انها هي السبب في اللي صار له
مشاعل:- الله يشافيك يانايف
وابتدت تدعي لنايف وتقرى ايات من القران وادعيه واثناء ذلك تسلل النوم لعيونها ونامت مثل باقي اهلها

****

صحوا من النوم بتكاسل من تعب اليوم اللي بعده الكل كان على طاولة الطعام يتغدى
ام عبدالله:- وش اخبار نايف كلمتوه
ام نايف:- ايه يقول الحمد لله احسن من امس وانشالله اليوم بيطلعونه
مشاعل ماكانت تاكل شي ولكن تلعب بالملعقه وتستمع بانصات لكلام خالتها وحمدت ربها انها تطمنت عليه ولا كانت ميته تبي تسال عنه بس مو قادره خافت يفسرون سؤالها عنه تفسير ثاني ولكن سؤال امها عنه طمنها
ام عبدالله:- الحمد لله , الا على فكره اليوم امي بتطلع وانشالله اسبوعين ونرجع السعوديه
ام نايف:- الحمد لله بس هي ماتحتاج اكثر من اسبوعين هنا للمراجعات
ام عبدالله:- قالي الدكتور ان مراجعتها بعد ستة شهور بس بنجلس اللين نتطمن على نايف ونرجع
ام نايف:- ايه انشالله والله وحشونا اهل السعوديه
ساره بابتسامة خبث:- من اللي وحشك يمه بالسعوديه
ام نايف :- كلهم يالملقوفه
الكل:- هههههههه
الكل تغدى وقرروا انهم يروحون المستشفى ويطلعون امهم اما نايف بيطلعه بندر وقرروا يجلسون اليوم في البيت عشان خاطر الجده ونايف ومشاعل اساسا ماكان لها نفس للطلعه ونايف تعبان

*****

ام نايف وام عبدالله راحوا مع زيد للجده عشان يطلعونها من المستشفى
ساره ومشاعل ونوف وجود وجوري في غرفة التلفزيون
مشاعل بتردد واحراج:- ساره كلمتي نايف تطمنتي عليه
جود:- ههه كل هذا حيا من اسمه اجل لو هو جنبك, الله يطمن قليبك عليه
ساره:- ههه لا والله امي كلمته واكتفيت ماحبيت اكثر عليه كلام
مشاعل بحيره:- اها
نوف:- يعني يالذكيه ياساره افهميها تبي تكلمه عن طريقك
مشاعل بخوف:- لا لا مااقصد كذا بس كنت اسالها عادي
ساره:- ههههه وش بلاك تغير لون وجهك تطمني كلها نص ساعه وهو عندنا
مشاعل:- خويه اللي امس شكله علاقته مع نايف كثير قويه
ساره:- تقصدين بندر ايه اعز اخوياه هو
مشاعل كانت تفكر تاخذ هديه لنايف وقررت تقول لنوف تروح معها بكره
بعد كذا اتجهوا البنات يجهزون غرفة نايف عشان اول مايوصل تكون جاهزه ومشاعل قالت للخدامه تسوي شاهي وقهوه وتعمل فطاير حبت تغير القهوه الامريكيه وقالت اسوي اليوم قهوه عربيه لجدتي اما مشاعل فاخذت لها ليمونه وقامت تاكلها وهذي عادة مشاعل لما تندمج مع شي او يكون بالها مشغول بشي
ومضى اليوم عادي في البيت الجده جات وراحت غرفتها اكلت فطيره وشربت كاس لبن ونامت اما نايف جا على غرفته ويادوب اكل فطيرتين وكوب شاهي ونام والبنات في غرفة التلفزيون يشوفون فيلم اجنبي وزيد طالع مع اخوياه وام عبدالله وام نايف راحوا ينامون 0


*****


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 21-09-2008, 11:48 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة





مشاعل:- نووف نووف
نوف بتكاسل:- نعم نعم وش تبين
مشاعل:- يالله اصحي
نوف:- انت احد مسلطك علي من تشوفين بعز النوم تجين تصحيني اعتقيني لوجه الله ارجوك ابي مره اصحى انا من نفسي من غير ماتصحيني انت
مشاعل:- يالله نوف والله انا مانمت
نوف:- ليه وش اللي حادك
مشاعل اسرحت قليل وبعدين:- افكر وش اجيب هديه لنايف
نوف :- ههههه ضحكتيني وانا فيني النوم انا وش دخلني فيك انت تحبين وانا ينقطع نومي
مشاعل:- يالله نوف تكفين اصحي
نوف:- يالله باخذ لي شور وانزل
مشاعل نزلت تحت واتجهت لغرفة التلفزيون ولكن لفة نظرها وجود صوت طلعت واتجهت للمطبخ
مشاعل:- صباح الخير
نانسي:- صباح النور على السنيوره
مشاعل:- كيفك نانسي
نانسي:- نحمد الله منيحه
مشاعل:- من في غرفة التلفزيون
نانسي:- هون السيد نايف وهيدا انا راح اوديلوا الفطور
مشاعل القت نظره على الصينيه:- ووديله كاس حليب
نانسي:- لك تسلمي انشالله مااذوقك , بدك احط لك اكل
مشاعل:- لامشكوره انا بس باخذ لي كاس عصير
نانسي:- براحتك
اتجهوا مشاعل ونوف مع السواق اللي طلبوا منه ينزلهم عند شارع اكسفورد وقاموا يتمشون فيه شوي ومروا محل واخذوا هديه لنايف عباره عن ساعه ماركة كونكورد ورجعوا البيت لانهم ماحبوا يتاخرون برى
مشاعل+نوف:- السلام عليكم
الكل :- وعليكم السلام
مشاعل :- كيفك يمه ساره اليوم
الجده:- الحمد لله احسن
ام عبدالله:- من اللي جاب نايف من المستشفى
ام نايف:- والله ماقصر بندر جلس معه المفروض رحلته اليوم اجلها عشان نايف وصار مرافق له والله احسه اخوه اللي ماجبته من جينا له ثلاث ايام وهو دايم معه
مشاعل تاشر لساره وتطلع معها فوق غرفتها
ساره:- هلا اولا من وين جايين خالتي تقول عندكم مشوار ضروري حتى هي ماتعرفه
مشاعل:-ايه على شان كذه انا طلعتك معي فوق
ساره:-خير
مشاعل بتردد واحراج:-رحت اشتري لنايف هديه وابغاك تعطينها اياه
ساره:-هههههههههه وكل هالارتباك وهالبكه على شان تقولين لي جبت لنايف هديه وابغاك تعطينها اياه
اولا يابعدعمري مايحتاج هديه تراكم امكبرين الموضوع على الفاضي تراالسياره اللي انضرت ولا هو سليم انا يوم انكسرت امي ولا سوت لي شي حتى ماكسرت خاطرها ولاحتى احد درى عني ونايف مسوين له مناحه وجايبين له هدايا يالله انبسط ياعم من قدك
مشاعل:-عاد هذا نايف
ساره:-احلفي واللي يوديها لك
مشاعل:-والله امزح
مشاعل وبرجاء:-يالله ساره تكفين
ساره:-يالله امري لله
اتجهت ساره لغرفة نايف ومعها الهديه بالشنطه بعد ماطلبنت منها مشاعل انها تعطيه اياها
ساره:- السلام على احلى اخ بالدنيا
نايف:- وعليكم السلام والرحمه
ساره:- كيفك الان
نايف:- الحمد لله , وين كانت مشاعل اسمع صوتها شكلها جايه من برى
ساره:- ايه طلعت مع نوف مشوار بسط وجات
جلست ساره على كرسي قريب من نايف:- نايف لك ولا للذيب
نايف بخوف:- شفيك ساره تكلمي
ساره:- تعرف حنا اخوان مالنا الا بعض
نايف بحيره:- ايه كملي
ساره:- تذكر متى قلت لي هالكلام
نايف ارتسمت ابتسامه على وجهه وذكر الموقف
ساره:- عندي لك امانه من وحده
نايف بلهفه :- مين ؟؟؟
ساره:- من مشاعل
نايف باستغراب:- مشاعل؟؟!!
ساره:- ايه ياروميوا تسلم عليك جولييت وتقولك الحمد لله على السلامه وهذا الهديه منها
نايف بسرعه فتح الهديه وشاف الساعه:- الله ذوقها يجنن
ساره:- اكيد تجنن لانها من حبيبة القلب, يالله انا بطلع تامرني على شي بخليك ترتاح
نايف بفرحه :- ايه سلمي عليها وقولي لها مشكوره ولا كان كلفت على نفسها
ساره:- ههه انشالله مع السلامه
طلعت ساره وتركت نايف يعيش فرحه كبيره من قده مشاعل حبيبته رضت عنه و عطته هديه مجرد سلامها له يكفيه واخذ يقلب في الهديه ويفكر في مشاعل
نايف:- الله يقدرني واسعدك ياحياتي

*****

اتجهوا البنات فوق غرفة مشاعل اول ماطلعت ساره من غرفة نايف
نوف:- هاه عسى عطيتيه
ساره تناظر مشاعل:- الفرحه مو واسعته يوم ارسلت له سلامك لاواعطيه هديه منك ايه ويسلم عليك ويقولك مشكوره ولا كان كلفت على عمرك
مشاعل حست بالاحراج من كلام ساره مع انها فرحة من كلامه بس انحرجت من خواتها
نوف:- يالله قوموا ننزل تحت لايحسون فينا
مشاعل:- انزلوا انا احس مالي وجه اطلع
نوف:- الحمد لله والشكر ليه انت بتجلسين معه هو غرفه وانت بغرفه
مشاعل:- احس عيوني بتفضحني وبتعرف امي
جود:- اقول والله انكم فاضين انا بنزل
نوف :- وانا بعد
ساره:- انا بجلس مع مشاعل شوي وبننزل كلنا

*****

بالليل بعد مالكل نام كانت مشاعل تتقلب بالسرير وتفكر فيالموقف اللي حصل لها في الحديقه المائيه
مشاعل:-والله لو اعرف انه خوي نايف ماطلبت منه الجوال يوووووووووه احس باحرااااااااااج
شكله طيب بس انا اللي اسات النيه فيه بلس مااتوقع انه يعرف اني خطيبه نايف
بدت مشاعل ادور بين اغراضها على جوالها
مشاعل:-يوووه شكلي نسيت جوالي على طاوله الطعام
نزلت مشاعل تحت
اول ماحطت يدها على الجوال حست بحركه غريبه في المطبخ
مشاعل حست ان الصوت قريب منها وبالذات وراها
......:-وش عند القمر مانام
حست مشاعل برعشه كبيره في جسمها لماعرفت انه نايف وخاصه انها كانت مو متحجبه
نايف:-ليه جبت الهديه ماله داعي انت وجودك في حياتي اجمل واغلى هديه
مشاعل طلعت فوق وا خذت الجوال وركضت
مشاعل طلعت فوق تفكر في الموقف اللي مو مستوعبته
مشاعل وصلها مسج على جوالها فتحتها ولقتها من نايف
(احبك ضاعت من شفاهي قبل مالقاك
يوم اني لقيتك صار مابشفاهي الا هي
واذا ماقلت لك في يوم احبك واعشقك واهواك
احس اني جحود لخالقي في نعمة شفاهي)
مشاعل فرحه بالرساله
وارسلت له(نايف عندي لك سلام من وحده اسمها ملاك جات وسالت عنك )
نايف في باله توني ماصدقت خبر رضت وش جيب هالملاك اللحين
على طول وصله مسج من مشاعل (تمدحك وتقول انك مافيه مثلك ويابختك فينيوترى انا عرفت كل القصه وانا آسفه اني شكيت فيك)
ومشاعل قفلت الجوال من غير ماتسمع رده على شان مايتمادى في السوالف معها وستسلمت للنوم
وفي الطرف الثاني كان نايف طاير عنه النوم من الفرحه ويفكر في مشاعل

*****

جلسوا بلندن اسبوعين ركبوا دولاب ساعة بيج بن وراحوا على الهايد بارك والمطاعم العراقيه والعربيه و madme tussaud's متحف الشمع وراحوا هارودز مول واشتروا فساتين لحفلة تخرج نوف وركبوا سفينه بنهر التايمز وكان الجو في ذاك اليوم رائع مع نسمات برد خفيفه ومنظر النهر الرائع وفي كل هالطلعات كانت مشاعل تجنب تقابل نايف كانها تهرب من سحر عيونه او خايفه ان عيونهم اذا التقوا مع بعض تفضح اللي في القلوب0

*****

بعد ان قضوا قرابة ثلاثة اسابيع في بلد الضباب وعاشوا اجمل ايام حياتهم على الاقل بالنسبه لمشاعل ونايف كان لابد لهالرحله من نهايه وبكره هو يوم العوده لارض الوطن والكل كان مشتاق للوطن واهله هناك وراح يتركون في لندن اجمل الذكريات كانوا الكل يستعد للعوده ويتجهز ويرتب اغراضه من غير مايعرفون وش تنتظرهم من مفاجات في ارض الوطن

*****


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 21-09-2008, 11:51 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة



( الجزء الثاني عشر)

بعد ان قضوا قرابة ثلاثة اسابيع في بلد الضباب وعاشوا اجمل ايام حياتهم على الاقل بالنسبه لمشاعل ونايف كان لابد لهالرحله من نهايه وبكره هو يوم العوده لارض الوطن والكل كان مشتاق للوطن واهله هناك وراح يتركون في لندن اجمل الذكريات كانوا الكل يستعد للعوده ويتجهز ويرتب اغراضه من غير مايعرفون وش تنتظرهم من مفاجات في ارض الوطن

*****

وصلوا الكل لارض الوطن وكانت رحلتهم بالطائره يغلب عليها طابع الهدوء عنها في الذهاب
اتجه الكل لمنزله
بوعبدالله:- الحمد لله على السلامه تو مانور البيت
ام عبدالله تسلم على زوجها:- منور باهله
نوف+جود+مشاعل يسلمون على ابوهم:- النور نورك يبه
ام عبدالله بحنيه:- الا وش كنت مسوي لوحدك هنا يابوعبدالله عساك تاكل عدل
بوعبدالله:- ايه شدعوى المهم انت طمنيني علىالعمه
ام عبدالله:- الحمد لله
بوعبدالله وهو يحاول يسرق النظر لمشاعل بدون لاتحس فيه:- ونايف انشالله احسن الان
ام عبدالله :- الحمد لله
بوعبدالله:- وش اخباركم يابنات وش اخبار لندن السنه
مشاعل:- تجنن يبه ماينقصنا الا وجودك معنا
جود:- أي والله يبه اشتقنالك اول مره نسافر بدونك
بوعبدالله:- تشتاق لكم العافيه انشالله اعوضكم بسفره احلى
نوف:- صدق من قال السفر علاج الروح
بوعبدالله:- الا نسيت ابارك لك على النسبه يالغاليه والله كنت احاتيك بس الحمد لله بيضتي الوجه
نوف:- الله يبارك فيك بس تمنيتك تبارك لي يوم كلمتنا بلندن مو الان
بوعبدالله:- والله راح عن بالي
نوف:- يبه لاتنسى انت واعدني بحفله وابيها احلى من حفلة مشاعل
بوعبدالله بفرحه :- واحلى حفله بعد كم نوف عندنا
جود:- وانا انشالله حفلتي التخرج احلى من حفلة مشاعل ونوف لاني اخر العنقود بعد
بوعبدالله :- الله يعلم ان كلكم غلاكم واحد بقلبي وانشالله يا جود ما انتي باخر العنقود
الكل انجرح من كلمة بوعبدالله الاخيره بس ماحبوا يبينون له
نوف:-بس ابيها بفندق الحفله
ام عبدالله:- انتي وخواتك اختاروا المكان وحنا انشالله مو مقصرين عليكم
الكل:- مشكووريين
بوعبدالله:- يالله يابنات اطلعوا فوق غيروا ملابسكم وانزلوا نطلع برى نتغدى
الكل:- انشالله
بو عبدالله:- ام عبدالله تعالي الغرفه ابيك شوي
ام عبدالله بخوف:- انشالله

*****

في مطعم البيت الايطالي
متعب:- واخيرا ياقلبي قرب اليوم اللي اكون فيه انا وانت تحت سقف واحد من سنين احلم بهالشي واخيرا تحقق
ريم:- حتى انا كنت احلم يمكن اكثر منك بهاليوم , لكن كان حلمي انك تكون لي وحدي محد يشاركني معك
متعب :- بس انت الغاليه غير
ريم وتلعب بخصل شعرها وبنعومه ودلال:- هذا الكلام قبل الزواج لكن بعد الزواج راح تحن لبنت عمك وبنتك صح وانا ولا شي
متعب بتعجب:- وش هالكلام اللي تقولينه , انا اكرهك مستحيل
ريم :- طيب وليه ماتطلقها
متعب حس ان الدم فار في جسمه من كلمة ريم له وكانها رمته بخنجر قوي:- وش هالكلام وش اطلق لاتنسين تراها بنت عمي وام بنتي
ريم بعصبيه:- هذا من الحين وهذا كلامك
متعب بحزم:- الكلام هذا انسيه
ريم:- لا ماراح انساه يامتعب
متعب:- افهمي بنت عمي مالها حد في الدنيا غيري وماابي بنتي تعيش حياة يتم وابوها عايش والعنود ماتستاهل من ياذيها
ريم:- ولو, انت تحبني انا, المفروض تضحي بكل شي عشاني
متعب بخبث:- تربين بنتي
ريم محاوله تغير الموضوع:- صحنك مليان مااكلت
متعب بدون نفس:- هذا انا آآكل


بوعبدالله:- مدري وش اقول لك
ام عبدالله:- خير وش فيك خوفتني
بوعبدالله:- فهد خطب مشاعل مني
ام عبدالله باستغراب:- وش خطب تقصد نوف , مشاعل مخطوبه لولد خالتها
بوعبدالله:- لااقصد مشاعل لانه يوم خطبها نايف ماكان موجود وهو حاطها في باله
ام عبدالله:- وش حاطها في باله وش هالخرابيط
بوعبدالله:- الولد مصر عليها ويهدد انه مايبي غيرها واخوي ترجاني اشوف الموضوع وتعرفين فهد مدلل عنده
ام عبدالله:- بس البنت مو لعبه نقولها اتركي ولد خالتك عشان ولد عمك
بوعبدالله:- عارف وربي بس معنى كذا انه اذا ماخذت فهد بتتزعزع علاقتي مع اخوي وربي اني من سافرتوا وانا عايش بحيره
ام عبدالله:- والله مشاعل بتروح فيها لو اقولها , بس شوف يابو عبدالله اذا قالت ماابيه ماتجبرها
بوعبدالله:- لاتفتحين الموضوع الان افتحيه بعد حفلة نوف لا تضايقينها خليها تنبسط بالحفله
ام عبدالله بضيق:- انشالله , الله يصبر قلبك يابنيتي

****

متعب يدخل البيت متضايق وكانت العنود موجوده على الكنبه
رند تركض على ابوها:- بابا بابا وترفع ايدينها له
متعب بضيق يحمل بنته ويبوسها:- حبيبتي روحي لماما
العنود:- احط لك العشا
متعب تجاهل العنودواتجه للغرفه
اتجهت العنود للغرفه ودخلت
العنود:- وش فيك متضايق عسا ماشر
متعب :- ولا شي بس اطلعي تعبان وبرتاح
العنود:- متعب انا زوجتك صارحني وش فيك لاتحمل الهم لوحدك
متعب بصوت عالي وعصبيه:- قلت لك اطلعي برى مافيني شي
العنود طلعت على طول من الغرفه
العنود بداخلها:- وش بقى ماسويته لك يامتعب كل شي سويته لك بس مو راضي تحس فيني وسكرت الباب
متعب يتقلب على السرير :- اطلق العنود مستحيل, مستحيل احصل وحده باخلاق العنود حتى لو كنت احب ريم , ماراح اتخلى عنك يالعنود

*****

مشاعل تدخل غرفة نوف:- نوف ترى ابوي يقول الحفله بعد بكره والبوفيه رتبه مع الفندق مره وحده وراح تبدا الساعه سبع
جود:- اجل دقي على خوياتك كلهم يانوف ويالله نلحق نحجز الدي جي والكوفير
نوف:- أي والله بس الحمد لله الملابس شريناها من لندن
مشاعل:- بس تنقصنا بعض الاغراض لازم اليوم نروح السوق
نوف:- اوكي ساعه اكلم كل خوياتي وانزل لكم
جود:- ننتظرك
بعد مرور يومين والكل كان مشغول بتجهيزات الحفله
نوره:- عمي منصور تكفى ودني الكوفير في بيت عمي كلهم هناك والسواق مع امي يشترون الهديه
منصور:- وليه الكوفير وين بتروحون تراها حفلة تخرج مو عرس
نوره:- انت وش يعرفك بسوالف البنات
منصور:- امري لله انتظرك بسرعه لاتتاخرين ياسوالف البنات ههه

*****

في بيت بو عبدالله

مشاعل :- نوف وين فستانك ماحصلته مع فساتينا
نوف:- الا مع فستان جود
ساره تناظر مشاعل باعجاب كانت مشاعل لابسه فستان كحلي قصير وشرايط على الجنبين بيج ومخصله شعرها بلون باذنجاني ومتداخل مع سواد الشعر معطيها مع الفستان جمال اكثر وشعرها مفتوح مع رفعه بسيطه من ورى والباقي مطيحته على ظهرها وكتفها ولا بسه بوت بيج ومكياجها بيج فبراز جمالها وبياضها
ساره:- وش هالزين اليوم طالعه قمر , وينك يانايف تشوف هالزين
نوف:- ساره ترى الحفله حقتي يعني المدح لي بس, لاخرب وجيهكم كلكم
جود:- تاخرت نوره
نوره:- السلام عليكم
الكل :- وعليكم السلام
نوره:- وش هالزين وش هالحلاه مشاعل , جد مالوم فهد فيك
الكل استغرب من كلمة نوره ولكنهم تجاهلوها
جود:- نوره بسرعه خلصنا وانت توك جايه ادخل للكوفير
نوره:- يالله
ساره تناظر مشاعل باستغراب وتهمس لها:- وش قصة فهد
مشاعل بتعجب:- مدري والله علمي علمك
نوف:- الان من بيودينا الفندق
جود:- السواق مشغول مع امي بالفندق
ساره:- اكلم نايف يجينا
مشاعل :- لا لالا
نوره تصرخ من داخل:- لاتخافون اليوم عمي منصور ماعنده شغل كلموه خلوه يمرنا
مشاعل:- خلاص اجل بدق عليه واقوله , الا نوره متى تخلصين
نوره:- يعني من الثلث الى النص ساعه
مشاعل:- اوكي
بعد ثلث ساعه دخل منصور بيت بوعبدالله
منصوريدق على مشاعل جوال:- يالله انا على الباب
مشاعل :- ادخل الصاله مابعد نخلص وهذا انا نازله لك
مشاعل تنزل لعمها:- هلا وغلا عمي دقيقتين ونجهز
منصور يناظر مشاعل من فوق لتحت:- ياارض احفظي ماعليكي وش هالزين , مشاعل ولا سندريلا
مشاعل بغرور:- مشاعل
منصور وحب يكسر غرورها:- اصلا اول مره تصيرين حلوه , وعسا شعرك بيظل طول عمره ازرق
مشاعل بثقه:- اولا وااثقه ماتهزني ثانيا اسمه باذنجاني والصبغه مؤقته
نوف دخلت الصاله على عمها وكانت لابسه فستان نيلي طويل وتحت كله طبع وكله الوان بحريه متداخله مع بعض وشعرها رافعته ومكياجها ناعم:- هلا وغلا باحلى عم وش رايك فيني من يجي احد يمدح بمشاعل حتى الكوفير تمدحها
منصور:- غلطانين ولا اللي يشوف القمر يسال عن النجوم
مشاعل بنظرة غرور ومتجاهله كلام عمها:- يالله كلهم جهزو
منصور:-اوكي انتظركم في السياره

*****

والبنات بيركبون السياره طاحت عينه على وحده عيونها حلوه حتى من ورى الغطا وشكل العين مو مالوف له يعني مايعرفها بحركه سريعه نزل راسه وعرف انها مو من اهله
نوف ركبت قدام والبقيه ورى
منصور:- الا وش رايكم نتمشى بلا حفل وبلا هم
نوف:- لا عمي تكفى ودني الفندق ومشهم
منصور:- لا كلكم بمشيكم بدور فيكم بشوارع الرياض كلها والفجر برجعكم البيت اجل انتم تنبسطون وانا اجلس
مشاعل:- عمي فشلتنا معنا ناس اغراب عنك وش بيقولون
منصور حب يعرف من هي:- وين الغريب نوره وانتوا وش غربكم
مشاعل:- لا معنا بنت خالتي
منصور:- يعني حماة المستقبل
مشاعل:- ايه حماة المستقبل
ساره في بالها ماشالله عليهم كانهم اخوان مو عمهم مثل ماكانت مشاعل تقول عنه شخصيه ومرح
وصلوا الفندق واتجهوا للقاعه
دخلوا البنات وسلموا على ام عبدالله وام نايف والعنود وام فيصل ومها
ام عبدالله:- ماشالله عليكم وش هالزين وش هالحلاه فيكم
مها:- عرايس ماشالله
نوف:- بذمتكم مو انا احلى وحده فيهم
العنود:- لا ماشالله كل وحده تقول الزين عندي
مشاعل:- خلي عندك ثقه بحالك من تشوفين احد تقولين له مو انا احلى وحده
جود:- هههههه
نوف:- اسكتي
ام فيصل:- جعلي اشوفكم كلكم تدخلون علي وانتوا عرايس
نوره بصوت واطي :- آآآآآمين
ام نايف:- ماشالله عليك وش هالزين اليوم في مرت ولدي
مشاعل بخجل وحمرت خدودها:- مشكوره خالتي
ام عبدالله سمعت كلامهم وحز بخاطرها كلمة اختها وفرحة مشاعل بالكلمه معقوله مشاعل ماراح تاخذ نايف وحبت تغير الموضوع:- تعالوا شوفوا كان الطاولات ناقصها شي
خلال ربع ساعه امتلت القاعه بالضيوف والكل جلس يرقص على الدي جي ويتكلم عن جمال الحفله بعد مااتجهوا المعازيم للبوفيه دق نايف على امه
نايف:- هلا يمه اجي الان امركم
ام نايف:- لاياولدي تو المعازيم داخلين يتعشون
نايف:- يعني مطولين
ام نايف :- ايه
نايف:- انبسطتوا بالحفله عساها زينه
ام نايف :- كل شي والله يجنن
حس نايف انه مو قادر ياخذ من امه معلومات فدق على ساره
نايف:- هلا ساره تتعشين
ساره :- ايه
نايف:- من جنبك
ساره:- قل من اول من جنبك ولا هالتلميحات
نايف:- كيف مشاعل اليوم طالعه حلوه
ساره:- الا قل قمر تصدق جاتها كم خطبه بس اليوم محد عارف انها مخطوبه
نايف بعصبيه:- وش قالت هي
ساره:- ههه قلنا حظا اوفر هي مخطوبه , بس تبي الصدق يانايف يابختك جد اليوم طالعه مشاعل فاتنه
نايف:- سلمي عليها باي
ساره:- مشاعل يسلم عليك نايف
مشاعل بحياء:- الله يسلمك ويسلمه
ويكلم امه
نايف:- هلا يمه بطلب منك طلب
ام نايف:- سم
نايف:- قولي لمشاعل لاتطلع اذا طلعوا المعازيم بجي اشوفها
ام نايف:- شكلك انهبلت
نايف :- قولي لخالتي بجي اشوفه مشاعل
ام نايف:- لاانت مجنون
نايف:- بشووفها اليوم
ام نايف تصرف نايف:- دق بعدنص ساعه بكلم خالتك
نايف:- انشالله
بعد نص ساعه دق نايف على امه
نايف:- هلا يمه كلمتي خالتي
ام نايف:- لا طبعا
نايف :- اوكي مع السلامه
ويدق على ساره
نايف:- هلا ساره
ساره :- هلا
نايف:- بقى احد من المعازيم
ساره:- باقي خفيف ليه؟
نايف:- قولي لمشاعل لاتطلع انا جاي اشوفها الان
ساره باستغراب:- وشو؟
نايف:- بلا وشو بلاهم قولي لها هذا ني جاي
ساره:- دقيقه
ساره:- مشاعل يقول نايف لاتطلعين بيجي يشوفك
مشاعل باستغراب:- كيف يعني يشوفني
ساره:- يعني جاي يشوفك
مشاعل وبعصبيه:- لا لا مستحيل وش يشوفني يكفي بلندن حفظ شكلي , ماراح يشوفني الا بعد الملكه
ساره:- نايف تراها مو راضيه وشكلها معصبه وش تشوفها تقول مافيه الا بعد الملكه
نايف:- لو املك عليها اليوم بس اشوفها اشوفها
ام نايف متجهه لساره
ساره:- يمه نايف يقول يبي يشوف مشاعل ومشاعل رافضه
ام نايف:- ايه قالي بس ماعطيته وجه
ام نايف تاخذ الجوال:- هلا نايف وش رايك اجيب لك صوره لمشاعل
نايف:- قلت لك اشوفها يعني اشوفها لو املك اليوم
راحت ساره قالت لمشاعل
مشاعل دقت على ابوها يجيها لان نايف مستحيل يطلب هالطلب بوجود ابوها
مشاعل:- هلا يبه اذا ماعليك امر ابيك تمرني
بوعبدالله:- خلصتوا
مشاعل:- لاخواتي وامي بيجون مع السواق بس انا تعبانه وابي ارجع بدري
بوعبدالله:- اوكي انا قريب من الفندق خمس دقايق وادق عليك
وانتهت الحفله والكل رجع للبيت
نايف دخل البيت معصب لانه ماقدر يشوف مشاعل

*****


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 21-09-2008, 11:57 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة




(بعد مرور اسبوع)

الصباح بو نايف ونايف وام نايف وساره وجوري وزيد على طاولة الفطور
بو نايف:- الا نايف متى يبتدي دوامك
نايف:- الخميس الجاي انشالله
بونايف:- يالله استاذن بروح الدوام
الكل:- الله معك
الساعه تسع يدق التلفون
ام نايف:- الو
بونايف وبنبرة حزن:- هلا ام نايف افتحوا التلفزيون الملك فهد توفي
ام نايف جلست على الكنبه من الصدمه و بحزن:- الله يرحمه متى
بو نايف:- الان
ام نايف:- انشالله
ام نايف نادت على العيال وفتحوا التلفزيون واستمعوا للخبر ودخلت ام نايف وساره بنوبة بكاء
نايف:- الله يرحمه
ام نايف تكلم اختها ام عبدالله:- هلا ام عبدالله عظم الله اجركم
ام عبدالله:- اجرنا واجرك الله يرحمه ويغفر له
ام نايف :- أي والله يستاهل من يدعي له هذا ابو الجميع
ام عبدالله:- صحيح وعلى فكره ترى ام محمد جارتي اجلت عزيمتها بسبب الوفاه
ام نايف:- ايه حق علينا
ام عبدالله:- الله يرحمه
ام نايف:- تامرين على شي اختي
ام عبدالله:- سلامتك مع السلامه
ام نايف :- مع السلامه
وخيم على المملكه العربيه السعوديه الحزن بعد تلقي خبر الوفاه على الجميع من مواطنين او مقيمين واتجه الرجال لتقديم واجب العزاء والمسافرين عادوا من سفرهم بعد علمهم بالخبر ومن لم يستطع العوده ذهب للسفارات لتقديم العزاء وارتفعت الايدي السعوديه خاصه والعالم عامه للدعاء لهذا الرجل العظيم ان يتغمده الله بواسع رحمته ويجعل الجنه مثوى له

******

بالليل الكل مجتمع على العشا
جود:- يبه كلمك من شوي عمي عبدالرحمن يقول انك ماتجاوب على الجوال
بوعبدالله:- متى كلم
جود:- من ساعه تقريبا
بوعبدالله يناظر ام عبدالله وبنبرة حزن انشالله
ام عبدالله:- الحمد لله , مشاعل اذا انتهيتي من الاكل تعالي لي غرفتي ابيك
مشاعل باستغراب:- انشالله
بوعبدالله:- يالله انا استاذن بروح عندي شغل برى
ام عبدالله:- فمان الله
واتجهت ام عبدالله لغرفتها ودخلت عليها مشاعل
مشاعل:- خير يمه فيه شي صوتك ماكان عاجبني
ام عبدالله:- لا خير انشالله , بس تعالي اجلسي جنبي على السرير
مشاعل:- خير يمه خوفتيني
ام عبدالله تحط يدها على كتف بنتها بحنيه:- مشاعل انت كبيره وتعرفين مصلحتك وين , فهد ولد عمك اول ماجا من السفر طلب يدك من ابوك
مشاعل وبعيونها علامات استغراب وتعجب من كلام امها:- يمه بس انا مخطوبه لنايف
ام عبدالله:- ايه انخطبتي وهو ماكان بالسعوديه ولما رجع طلب يدك من ابوك وعمك طلب من ابوك انه يشاورك ويخيرك بين نايف وفهد
مشاعل بخوف وحيره :- لا يمه مستحيل اخذ فهد انا ابي نايف
ام عبدالله:- ابيك تفكرين بعقل يابنتي وخاصه ان بين عمك وابوك شراكه
حطت مشاعل راسها على حضن امها:- يمه حرام عليكم بعد ماانخطبت تجون تقولون لي ولد عمك يبيك , يمه حنا باي عصر
ام عبدالله خافت على بنتها وقامت تحضنها وتقرى عليها ادعيه وقران عشان تهديها
ام عبدالله:- لا يابنتي مااحد يقدر يجبرك على شي ماتبينه انا قلت لابوك اذا ماتبينه مو لازم بس حنا قلنا لك عشان عمك مايزعل
مشاعل عصبت وسالت الدموع من عيونها وطلعت تركض لغرفتها:- مابي فهد مابيه
قفلت مشاعل على نفسها الغرفه وصعدوا وراها جود ونوف بعد ماشافوها تبكي
نوف:- خير شفيك وش قالت لك امي
مشاعل قالت لهم السالفه
جود:- لا شكله انهبل ولد عمك
نوف:- هالمغرور ماحليتي بعينه الا لما انخطبتي
مشاعل:- يقول انه ماعرف لانه مسافر
جود:- وش دعوى الجوال يقرب البعيد
نوف:- مااحد يامشاعل بيجبرك على شي وثانيا عمي طيب كلميه وهو ماراح يجبرك
مشاعل:- بس امي تقول رفضي لفهد احتمال ياثر على علاقة عمي بابوي
جود:- لا عمي عبدالرحمن طيب وماراح يخسر اخوه عشان خطبه
مشاعل :- بس فهد مغرور ومدلل عند عمي
نوف:- المهم لاتهتمين ولاتفكرين انسي الموضوع واذا جا عمي بذاك الوقت لكل حادث حديث
مشاعل:- المهم مابي احد يعرف خاصه نوره وساره تكفون
جود:- انشالله
وطلعوا جود ونوف من غرفة مشاعل وتركوها ترتاح

*****

تركي:- الو, السلام عليكم
منصور:- وعليكم السلام
تركي:- مرحبا اخوي كيف الحال
منصور:- بخير وش اخبارك انت
تركي:- اكيد انك ماعرفتني
منصور:- لا والله من معي
تركي:- انا تركي خوي اخوك متعب
منصور:- ايه ياهلا والله بتركي وش اخبارك
تركي:- الحمد لله , الا بسالك انت الان فاضي
منصور:- عندي شغل يسيط بس امرفي شي
تركي:- اتمنى مااضايقك بس حبيت اكلمك بموضوع اخوك متعب مع ريم
منصور:- من ريم؟
تركي :- هذا اللي كلمتك عشانها ’ يااخ متعب انا حسيت انه من واجبي اني اقولكم عن اخوكم بحكم الصداقه بيني وبينه اني مااسمح له يطيح بالغلط مره ثانيه
منصور:- مافهمت
تركي:- اخوك متعب على علاقه مع وحده اسمها ريم بنت لعابه ومابقى واحد ماعرفته وكلمته وهو ناوي يترك ام رند عشانها وانا والله لولا غلاته ماكلمتك يمكن انت تقدر تسوي اللي ماقدرت اسويه انا
منصور:- مشكور اخوي وماقصرت وانا انشالله اشوفه واتفاهم معه
تركي:- مشكور اخوي واسف على ازعاجك مع السلامه
منصور:- العفو اخوي انت عزيز وغالي وسلم على الاهل مع السلامه
منصور يدق على متعب
منصور:- هلا متعب وينك
متعب:- في الاستراحه
منصور:- ابغى اقابلك عندي بالبيت او أي مكان لوحدنا
متعب:- خير وش فيه
منصور:- الخير بوجهك ابد كلام خاص وماودي احد يسمعه
متعب:- انشالله نص ساعه وانا عندك
منصور:- انتظرك, مع السلامه
متعب:- مع السلامه
بعد ساعه تقريبا يدخل متعب بيت منصور
متعب :- هلا منصور
منصور:- هلا متعب وش اخبارك وش اخبار رنوده
متعب:- بخير انت وش اخبارك عساك بس نويت تتزوج عشان كذا كلمتني
منصور بخبث:- الا على طاري الزواج وش رايك بالزواج تنصحني فيه
متعب:- الزواج احلى شي بالكون مع العيال جرب بس انت وماراح تخسر
منصور:- واللي يعيش السعاده يخون زوجته
متعب بحيره:- كيف مافهمت
منصور وقف:- يامتعب كثر الكلام عنك وعن هذي اللي تطلع معها ريم
متعب:-...........
منصور:- يااخوي فاحت ريحتك عند الكل من هذي البنت اللي خلتك تترك ام رند عشانها حرام عليك منت مراهق انت رجال اتق الله , ثانيا وش قصتها معك
متعب حس انه فرصه عشان يعرفون اخوانه:- ايه صح الكلام اللي قلته ريم هي حياتي اللي تخليت عنها عشان العنود
منصور:- وضح مافهمت
متعب:- لما كنت ادرس بامريكا تعرفت على ريم هناك وحبيتها لدرجة الجنون وهي بعد ولما رجعنا السعوديه قررت اخطبها بس خفت ان ابوي يرفض لانه يبيني اتزوج بنت عمي تزوجت هي خويي حامد وبعد فتره تطلقت منه ومالي نيه اتخلى عنها مره ثانيه
منصور:- وليه تزوجت اعز اخوياك وليه تطلقت منه
متعب:- تزوجته لاني تخليت عنها
منصور:- لا لانها لها علاقه معه من قبلك
متعب:- ايه بس هي كرهته وحبتني
منصور:- طيب وليه طلقها
متعب:- لانها تحبني
منصور:- اظن انك رجال عاقل وتفهم وهالاكاذيب اللي قالتهم لك مااظنها تدخل العقل بنت ماتركت ولد الا خاوته تبي تخلص لحبك اصحى يااخي وثانيا العنود ماتستاهل منك كل هذا
متعب بعصبيه:- انا بتزوجها يعني بتزوجها ولااحد يقدر يمنعني
منصور بعصبيه وصراخ:- فكر ببنتك وفكر بسمعتك والله يامتعب انك ان مارجعت عن اللي في بالك لاكلم اخواني ولنا تصرف ثاني معك
متعب:- مااحد له سلطه علي
طلع منصور وهو معصب من كلام متعب

*****

بعد مرور ثلاث ايام
جود:- هلا عمي عبدالرحمن , حياك الله سم ادخل المجلس بنادي لك ابوي
بوفيصل:- سم الله عدوك وش اخبارك يالغاليه
جود:- بخير انت وش اخبارك عمي
بوفيصل :- الحمد لله , المجلس مفتوح
جود:- ايه عمي تفضل
بو فيصل:- ادخلي انت بنادي فهد وبدخل معه بس انت نادي ابوك
جود :- انشالله
راحت جود خبرت ابوها بوصول عمها وولده ودخل بو فيصل وفهد المجلس
بوعبدالله:- حيا الله من جانا حيا الله اخوي حيا الله فهد
فهد:- الله يحييك ياعمي
بوعبدالله:- وش اخبارك ياولدي
فهد:- الحمد لله
بو فيصل:- والله مدري وش اقولك يابو عبدالله ماقدرت اكلمك بالشركه لاني اليوم مشغول فاصر فهد ان حنا نجيكم
بوعبدالله:- حياكم الله , بيتكم ومكانكم , آمر يالغالي بغيت شي
فهد:- مايامر عليك عدو عمي بس وش سويت بخصوص خطبتي لمشاعل
بوعبدالله طلع زفره قويه من قلبه:- والله مدري شقول لكم بس انا بناديها واسمعوا رايها بنفسكم
فهد:- يعني انت ماكلمتها
بوعبدالله:- الا طلبنا منها تفكر
بوعبدالله اتصل على مشاعل بغرفتها وطلب منها انها تنزل المجلس وتلبس عبايتها وشيلتها
مشاعل نازله من الدرج:- امي من داخل بالمجلس
ام عبدالله بخوف:- ابوك وعمك
مشاعل:- بس , ابوي طلب مني اتغطى
ام عبدالله:- لان فهد ولد عمك معهم
مشاعل بخوف:- لايمه مستحيل ادخل حرام عليكم
ام عبدالله:- ادخلي وانا بدخل معك لاتهتمين وقولي رايك بصراحه
ام عبدالله + مشاعل:- السلام عليكم
الكل :- وعليكم السلام
فهد مانزل عينه من مشاعل وهذا الشي اربكها
بو عبدالله:- هاه يابنتي عمك جا ويبي يسمع رايك في خطبتك لفهد
مشاعل حاولت تجمع قوتها :- لا اسفه يبه مابيه انا ابي نايف
فهد وقف وبعصبيه ونرفزه وموجه كلامه لمشاعل:- ترفضيني عشان ولد خالتك , بس اسمعي يامشاعل اذا انت مو لي فماراح تكونين لولد خالتك
طلع فهد من الغرفه وهو معصب ومن غير مايجاوب احد وطلع وراه بوفيصل
بوفيصل بنبرة حزن وزعل:- الله يهديك بس يابنتي
بوعبدالله:- وش سويتي الله يهديك زعلتي اخوي علي كان المفروض تقولين باسلوب افضل من كذا
دخلت مشاعل في نوبة بكاء وصعدت غرفتها وقفلتها عليها وماسمحت لاحد يدخل عليها واكتفت بالبكاء وقلب اهلها وخواتا يتقطع عليها

******

ام عبدالله:- افتحي يابنتي الباب الله يهديك
صوت مشاعل وهي تبكي يقطع قلب امها
ام عبدالله:- افتحي الباب ريحيني الله يريحك
قامت مشاعل بخطوات متكاسله وفتحت الباب لامها وكانت عيونها منتفخه من البكاء ولونها شاحب يميل للصفره
ام عبدالله حضنت بنتها بقوه وصارت تبكي:- يمه طمنيني خلاص مالك الا اللي تبينه ماراح تاخذين فهد لو على جنازتي
مشاعل:- بسم الله عليك يمه وتبوس امها
مشاعل بصوت باكي:- يمه انا ماابي اتزوج يمه مابي لافهد ولا نايف يمه تكفين كلمي خالتي وفكيني من الموضوع
ام عبدالله:- يمه بس نايف ماله ذنب
مشاعل ببكاء:- يمه تكفين ماابي اخذ واحد من الاهل يمه تكفين كلمي خالتي
ام عبدالله:- خلاص ولايهمك انت اهم شي انزلي تحت ورجعي مشاعل الاوليه
مشاعل:- يمه اوعديني انك اليوم تكلمين خالتي
ام عبدالله بقلة حيله :- انشالله

*****

بوفيصل:- اهدي ياولدي واللي فيه الخير بيقدمه رب العالمين وش فيك معصب الزواج مو بالغصب
فهد بعصبيه وصراخ:- يبه مرت عمي فضلت ولد اختها علي يبه عميفضل الغريب علي لانه مايقدر يرد لزوجته كلمه لا هو ولا بناته
بوفيصل:-لا عمك مستحيل يسوي كذا وانت لاتهتم مشاعل لك انشالله
فهد:- غصبا عنها مو بكيفها

*****

نوف:- يمه كلمي خالتي وريحي مشاعل حرام شكلها يقطع القلب
ام عبدالله:- وش بيدي اسوي اخاف نستعجل وتكون هي خاطرها في نايف بس من العصبيه تقول ماابيه
جود:- لا يمه هي فكرت بالعقل
نوف:- يمه ماورى خطوبتها من الاهل الا المشاكل ابعد عن الشر يمه
مشاعل تدخل الصاله ولونها شاحب يميل للصفره وعيونها منتفخه وتحتها سواد والدموع مغرقه عيونها:- يمه كلمتي خالتي
ام عبدالله فزت من مكانها وحضنت بنتها:- لايمه
مشاعل:- يمه تكفين كلميها الان
ام عبدالله :- انشالله المهم انت اهتمي بصحتك
مشاعل:- يمه كلميها
ام عبدالله مسكت التلفون ودقت على اختها ام نايف
ام عبدالله:- السلام عليكم
ام نايف:- وعليكم السلام ,كيف الحال
ام عبدالله :- بخير بس ودي اكلمك بموضوع واتمنى هالشي مااياثر على علاقتنا مع بعض مهما كان حنا خوات ومالنا الا بعض
ام نايف بخوف:- خير يااختي خوفتيني تكلمي
ام عبدالله :- والله مدري وش اقولك يااختي بس الظاهر ان ربي مو كاتب ان تكون مشاعل مره لنايف
ام نايف بخوف ومتفاجاه:- ليه عسا ماشر زعلها هو في شي حد منا زعلها في شي
ام عبدالله:- لا والله رايتكم بيضاء ( وقالت لاختها القصه من اول الى الاخر)
ام نايف بحزن:- خير انشالله انا ببلغ نايف وهي بنتي مثل مانايف ولدي واذا ربي مو كاتبهم لبعض مانقدر نعترض على كتبت ربنا الله يوفقهم مع السلامه
ام عبدالله:- هذا العشم فيك يااختي , مع السلامه
دخلت مشاعل في نوبة بكاء وصعدت غرفتها
ام عبدالله بحزن:- والله اني تعبت معها مو قادره افهمها
جود+نوف:- الله يجازي اللي كان السبب

*****

احتارت ام نايف كيف تفتح الموضوع مع نايف اتجهت هي وساره لغرفة نايف
ام نايف+ساره:- السلام عليكم
نايف :- وعليكم السلام
ام نايف :- مشغول ولا نجلس نسولف معك شوي
نايف:- لو مشغول افضي نفسي لكم كم ام نايف عندنا
ام نايف :- تسلم يالغالي
ام نايف:- تعرف ياوليدي الانسان من وهو في بطن امه ربي يكتبه اجله ورزقه وعمره وكل شي عنه
نايف باستغراب :ايه
ام نايف:- والواحد منا مايقدر يعترض على مشيئة ربه
نايف بخوف:- يمه خوفتيني وش فيكم تكلموا
ام نايف بتردد:- مشاعل
نايف:- وشفيها مشاعل
ام نايف:- الظاهر ان ربي مو كاتبها مره لك
نايف بخوف وصرخه:- ليه
ام نايف قالت له القصه كامله
نايف بعصبيه:- ليه مستحيل مستحيل, مشاعل تتركني, انتوا اكيد فهمتوها غلط ,يمه تكفين ابي اشوف مشاعل ساره تكفين ابي اكلمها انتوا ماتعرفون مشاعل انتوا فهمتوها غلط مشاعل لي
ام نايف وساره حاولوا يهدون نايف عن عصبيته
ساره:- عسا ان تكرهوا شيئا وهو خيرا لكم
نايف :- ابي اشوفها تكفون
ام نايف وساره قدروا يهدون نايف شوي بعد مافهموه انها تعبانه وماراح يشوفها الا لما توافق هي

*****

نوف:- يمه كلمني عمي منصور ويقول انه بيجي الان لمشاعل
ام عبدالله:- أيه ياليت يجي ويحاول يفهم منها ليه هي زعلانه اللي تبيه سويناه لها
نوف:- يقول يمكن يقدر يهديها
ام عبدالله بحسره:- المهم تغير نفسيتها ويهديها
بعد مرور ساعه
جود:- يمه عمي منصور هنا يبي مشاعل
ام عبدالله:- خليه يطلع لها غرفتها
طلع منصور غرفة مشاعل ويدق الباب:- مشاعل افتحي انا عمك
مشاعل:- تكفون اتركوني لوحدي
منصور:- افا مشاعل انا جاي عشانك وانت ماتبيني
مشاعل قامت بتكاسل ماودها تكسر بخاطر عمها اللي جا عشانها وفتحت له الباب
منصور:- هلا وغلا باحلى مشاعل
مشاعل بتعب:- هلا عمي تفضل
منصور:- مشاعل وش فيك تكلمي وش متضايقه منه
مشاعل :- مو متضايقه من شي
منصور:- مشاعل حرام عليك اللي تسوينه بحالك قولي وش تبين , قولي ماابي فهد وماجاك بوجهي انا عارف انك تبين هالشي بس قوليه بلسانك قولي ولاي همك شي قولي ابي نايف قوليها بس وشوفي وش بسوي لك
مشاعل بصرخه وببكاء وتحط راسها على يديها:- مابي احد مابي احد
منصور حب انه يلطف الجو شوي على مشاعل ويثير عندها غرورها شوي: وش هالشكل عليك يامشاعل اللي شافك يوم الحفله مايقول انك نفسها اللي الان قدامي صحيح المكياج يغير الوحده واثارينا منخدعين فيك طول هالفتره وانت هذي حقيقتك
مشاعل:-0000
منصور:- على فكره انا ودي اروح اليوم للشرقيه نروح لشاليهاتنا هناك من زمان مارحت لهم وش رايك تروحين معي
مشاعل:- لا مشكور
منصور:- وانا اقول مالي الا بنت اخوي هي اللي بتشجعني وتروح معي وخاصه انه فيه هناك احتفالات بالسانسيت وقلت ماادخله الا معك
مشاعل:- والله مالي نفس
منصور:- وين اللي كانت تقول عمي تكفى ابي اروح معك الشاليهات ونتفرج على الحفلات اللي هناك بس شكلك ماودك تروحين معي
حست مشاعل ان عمها متضايقه:- شوف اهلي اذا موافقين بروح معك
منصور بابتسامه تجنن:- ايه كذا انت مشاعل اللي اعرفها ولا يهمك اقنع اهلك انا , وش ودك نروح بالطائره او السياره
مشاعل بخوف :- مطار لا لا, مطار لا , مابي
منصور انشالله بس خليكي جاهزه بعد ساعه بمرك
مشاعل :- انشالله
منصور:- يالله مع السلامه
مشاعل:- مع السلامه

*****

متعب يلتوي على جنبه:- آآآآآآآآآآه
العنود:- بسم الله عليك وش فيك تبي اتصل على واحد من اخوانك يوديك المستشفى
متعب:- آآآه, لا لا بس سوي لي زهورات وانشالله يخف
العنود بخوف:- انشالله
بعد ربع ساعه
العنود:- سم
متعب:- مشكوره
العنود:- شكل الكلى زايده عندك انت اهملتها من زمان تبي اتصل على واحد من اخوانك
متعب:- لا مدامي اقدر اسوق بروح لوحدي بس عطيني شماغي
العنود:- سم

*****

بوعبدالله:- اتصل علي من شوي اخوي منصور وطلب مني ان مشاعل تروح معه لشاليهات الشرقيه وانا وافقت
ام عبدالله: - جزاه الله خير المهم تغير نفسيتها
نوف:- وحنا انا وجود ماقال لنا
بوعبدالله:- هو طلب مشاعل
نوف :- طيب متى بيروحون
بوعبدالله :- هو كلمني قبل نص ساعه وقال بعد ساعه يعني يمكن بعد نص ساعه يمشون
نوف:- جود يالله قومي جهزي اغراضك اول مايجي نركب ولانسال فيه
ام عبدالله:- عيب استاذنوا اول
جود:- لا عمي منصور عادي
بعد نص ساعه
مشاعل:- يالله مع السلامه عمي ينتظرني برى
نوف+جود اتجهوا مسرعين للسياره
منصور:- هلا وش جابكم ماطلبتكم
نوف:- ندري انك ناسينا وقلنا مابينا كلافه نجي ونركب
منصور:- هه حياكم الله
مشاعل تركب السياره:- السلام عليكم
منصور:- وعليكم السلام
بعد ماقطعوا نص الطريق في سوالف وضحك بين منصور ونوف وجود
نوف:- الا عمي ليه مامريت على ساااره
منصور:- اووووووووووووووه والله ناسيها كنت ناوي امرها
جود:- حرام
منصور:- اكلمها الان تجينا وبالمره نجننها شوي يمكن اللي جنبي( يقصد مشاعل) تضحك
منصور يدق على نوره:- هلا نوره
نوره:- هلا عمي
منصور :- وينك نايمه
نوره :- يعني ليه
منصور:- لا بس مشاعل ونوف وجود عندي بالبيت تعالي لنا وبالطريق الله يعافيك مري جيبي لنا فطاير
نوره:- انشالله دقايق
نوره:- يمه بروح بيت عمي منصور عنده بنات عمي
ام فيصل:- تحت الله
راحت نوره مع السواق وشرت الفطاير واتجهت لبيت عمها تدق الباب ولكن مااحد يرد فكررت محاولتها ثلاث مرات
نوره:- الو هلا عمي انا برى مااحد منكم رد علي افتحوا لي الباب
منصور وهو كاتم الضحكه:- لا دقي الباب اكثر ونفتح لك
بعد ربع ساعه:- عمي تكسرت يدي محد فتح لي
منصور بضحك وصوت ضحكات حوله:- هههههههههههه تعيشين وتاكلين غيرها حنا بطريقنا للشرقيه
نوره بضيق :- وليه مامريتني
منصور:- والله يالغاليه نسيت بس ولا يهمك خلي ابوك يحجز لك من المطار وانا استقبلك وخصوصا المطار قريب منكم
نوره:- انشالله

*****

نوره:- السلام عليكم
الكل :- وعليكم السلام
نوره:- يبه الله يعافيك ابيك تحجز لي على الشرقيه وعمي بيستقبلني من هناك
بوفيصل:- ليه
نوره:- هو وبنات عمي راحوا الان الشرقيه ونسوا يمروني وقالي اقولك تحجز لي وهو بيستقبلني
فهد:- هو من راح معه
نوره:- مشاعل ونوف وجود
فهد سرح بخياله وبخبث :- انا بحجز لك معي للشرقيه بروح معك
نوره:- مشكور

******


مع حبي
.
.
العــــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 22-09-2008, 08:30 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة




( الجزء الثالث عشر)



نوره:- السلام عليكم
الكل :- وعليكم السلام
نوره:- يبه الله يعافيك ابيك تحجز لي على الشرقيه وعمي بيستقبلني من هناك
بوفيصل:- ليه
نوره:- هو وبنات عمي راحوا الان الشرقيه ونسوا يمروني وقالي اقولك تحجز لي وهو بيستقبلني
فهد:- هو من راح معه
نوره:- مشاعل ونوف وجود
فهد سرح بخياله وبخبث :- انا بحجز لك معي للشرقيه بروح معك
نوره:- مشكور

*****

في السياره

منصور:- تابعتي امس ياجود الفيلم الهندي اللي في الامارات
جود:- ايه قديم شايفته من قبل
منصور:- اول فيلم هندي يعجبني واندمج معه , انا ماطيق الافلام الهنديه بس هذا فيلم عجيب
جود:- لاحرام عليك لو تشوف افلام ارجون تغير نظرتك
منصور:- الله, طلع واحد غير عيال خان انا من اول مااسمع عن فيلم هندي الا قالوا بطولة خان
نوف:- الا في وقتك عندكم افلام هنديه
منصور بسخريه:- وقتكم, لايكون شايفتني بو ثمانين سنه ترى مابيني وبينك الا حول خمس سنوات
نوف:- ايه يعتبر زمن
لحظة صمت
منصور يبتسم
نوف:- وش مناسبة هالابتسامه , ضحكنا معك
منصور:- ذكرت وحنا صغار عمكم متعب
جود:- وش فيه
منصور:- رايح ياخذ النتيجه ومارضى حد يروح معه واصر يروح بالسيكل وكنا انا وربع الحاره جالسين ننتظر نتيجته ونطمن امي اكثر واحد عال قلبها هو, شفناه جاي من بعيد ويسوي لنا علامة النصر بيده ( اثنين) وانا اول ماشفته رحت اركض لامي واخبرها بنجاح متعب وجلست امي تزغرط ومبسوطه الا دخل علينا متعب ويقول وش فيكم قلنا له مبروك النجاح قال لا انا مانجحت
منصور:- الا انت سوي لنا علامة النصر
متعب:- لا اقول لكم بس في مادتين
ويجيه ضرب من ابوي محترم عادي كالعاده متعود
الكل في السياره :- هههههههههههههههههههههه
ماعدا مشاعل اللي كانت في وسط هالزحمه من الاحداث في عالم بعيد بفكرها
منصور يلتفت على مشاعل:- شكل القصه ماعجبتك حتى ابتسامه ماابتسمتي
مشاعل وهي مو عارفه وش هالقصه :- الا تضحك بس انت ماشفتني وانا من ورى الغطى
منصور:- تحبين تسمعين شي
مشاعل:- الا بذكر الله تطمن القلوب
منصور:- أي والله وانت الصادقه
وشغل قران بصوت الشيخ سعد الغامدي
وعم السكون والخشوع في اجواء السياره

*****

في المقهى

نايف وهو شكله بقايا انسان:- بندر وش الحل , اللي يصير لي عدل
بندر:- طيب ليه ماحاولت تدق عليها وتفهم السالفه
نايف:- جوالها مقفول من اول مااهلي قالوا لي حاولت وجوالها مقفول الى الان
بندر:- طيب واختك ليه ماخليتها تكلمها
نايف:- تقول انها كل مادقت عليها في البيت خالتي تصرفها , تصدق ان حتى خالتي ضدي
بندر:- لاتلوم خالتك ماتبي ضغط على بنتها اكيد شايفه حالت بنتها وماتبي ضغط اكثر عليها ترى بنتها في موقف صعب , الا على فكره ليه ماتدق على منصور
نايف وهو معصب :- وش اقوله , عطني بنت اخوك, عقليا بيرضاها مهما كان خوينا
بندر:- بس بيني وبينك موقف بنت خالتك تضحيه وضاعت مابين قلبها وعقلها
نايف:- ولو المفروض تقولي وش سبب رفضها لي , انا متاكد انها تحبني , مو كيفهم خلونا نحب بعض من صغرنا وكبرنا وقالوا خلاص انتهى دوركم انفصلوا عن بعض, حنا لعبه في ايدينهم
بندر :- الله يصبركم واذا لك رزق فيها انشالله بتاخذها
نايف:- 00000
بندر:- يالله يانايف رح بيتكم لان الوقت تاخر قم اوصلك
نايف:- رح انا بروح لحالي
بندر:- ماراح اتركك لحالك وانت بهالحاله , قم بس معي
نايف:- بندر تكفى اتركني لحالي , ماابي اكون داخل البيت ابي ابتعد عن اجواء البيت , اتركني كذا اريح لي
بندر بقلة حيله:- براحتك

بندر في السياره يفكر في حال نايف كيف اول ماتعرف عليه في كلية الطيران وكيف كان مايحب الطيران وان بنت خالته اللي يحبها كيف بكلمه منها دخل كلية الطيران وتذكر سوالف نايف له عن بنت خالته وعن حبه لها وكنت في بالي اشوفهم مضرب مثل للحب اللي مستحيل راح ينتهي وشعورها ولهفتها عليه في لندن لما طاح وكيف شكل دموعها من حبها له , حب مثل هذا مستحيل ينهيه الواحد بكلمه من ولد عمها
وفي عمق تفكيره بخويه
يدق جوال بندر:- الو هلا يمه
ام بندر:- وينك فيه ياوليدي تاخرت الساعه 2
بندر:- يمه هذاني جاي في الطريق كنت مع نايف كان محتاجني في شي والان جاي
ام بندر:- يالله مع السلامه

*****

في شاليه بو عبدالله

منصور:- خلاص الان غرفه لي وغرفه لكم يالبنات
نوف:- لا انا متعوده انام في غرفه لحالي ,جود بكيفك تبين تنامين مع مشاعل
منصور:- لاياحلوه لايكون انام انا في لصاله
جود:- الين يجي وقت النوم يحلها الف حلال , خلونا الليله نوسع صدورنا لايضيع علينا اليوم
منصور:- اووه الا نوره وش صار عليها اشوف استقبلها في المطار ولا لا
منصور:- هلا نوره متى موعد طيارتك عشان اجي استقبلك من المطار
نوره وهي في بالها تسوي لهم مفاجاه:- لا خلاص كنسلت الفكره ماراح اجيكم
منصور:- نوره زعلتي والله ناسيك
نوره:- لا مازعلت بس مابي اجي مشغوله في الرياض
منصور:- براحتك مو تقولين ماقلت
جود:- هاه بتجي
منصور:- لا
منصور:- يالله البسوا وقوموا نتعشى
نوف:- وين نتعشى
منصور وهو يناظر مشاعل:- براحتك تبون نتعشى بالسانسيت ولا برى
مشاعل ماتبي تضيق صدر عمها :- براحتك شوف أي مطعم يعجبك ونروح له

واتفقوا انهم يروحون مطعم السنبوك يتعشون فيه

يدق جوال مشاعل

مشاعل:- هلا يمه ايه الحمد لله وصلنا لنا ساعه ونص, الله يسلمك انشالله , مع السلامه
مشاعل:- تسلم عليكم امي
الكل :- الله يسلمها

وراحوا المطعم وتعشوا وهم راجعين استغربوا من وجود نور يطلع من شاليه بو فيصل

طلع فهد من باب الشاليه

منصور باستغراب:- فهد , وش عندك جاي
مشاعل:- انصدمت لما شافت فهد واتجهت لشاليهم
فهد:- بس حبيت اغير جو واجي انا ونوره , بذمتك مو مفاجاه
منصور مهو رغبان فيه عشان مشاعل:- اقول الحمد لله انك جيت ريحتني من مسالة النوم
فهد:- ههههه ليه طاردينك
منصور:- اقول انثبر مو انا اللي انطرد بس قل لنوره تروح لهم الشاليه, وانت وين طالع
فهد:- بروح اتمشى
دخل منصور شاليه بوفيصل
منصور:- حيالله المشغوله
نوره:- ههههه حبيت افاجاكم , الا وين البنات
منصور:- روحيلهم الشاليه

*****

في شاليه بو عبدالله

نوف:- وش جيبه هذا؛ عمي جايبنا الشرقيه يريح اعصابنا من وجهه
جود:-لا وحاسبه عمرها اعصابنا, انت وش خصك اخطبك ولا فكر فيك ولا اذاك بشي ولا اصلا عمي ناداك تروحين الشرقيه
نوف:-انت مالك دخل انا من اول مااشوفه اعصابي تتوتر مولازم يخطبني وشوفته لوحدها اتاذيني ولاحرام بعد

تدخل نوره عليهم وابتدوا سوالف مع بعض ماعدا مشاعل اللي اتجهت للغرفه وحبت تنفرد بنفسها وخايفه من النار اللي فيها بالحكي تغلط على فهد جمب نوره

وادخلت غرفتها وسمعت صوت جوالها يدق وشافت المتصل نايف واحتارت ترد وتسمع صوته وتضعف او انها تخليه يعيش ويتعذب في حلم مستحيل يتحقق وبعد تفكير ونايف في محاولات اتصال مستمره

مشاعل بصوت مسموع تكلم نفسها :- لازم تنسى مشاعل يانايف

وردت على الجوال بحزم وقوه

مشاعل:- نعم
نايف:- واخيرا يامشاعل رديتي
مشاعل:- خير وش تبي
نايف:- وش هالاسلوب
مشاعل:- وش تبيني اقولك , لايكون مفكر اقولك خير حبيبي وش تبي, اقول اصحى انا مااحبك
نايف:- وش هالكلام اللي تقولينه , انا عارف ان فهد بسببه اللي صار فينا كله
مشاعل:- لاتدخل فهد في الموضوع , انا كنت احاول احبك بس ماقدرت , انت بالنسبه لي كذبه في حياتي وزالت , انت من مفكر نفسك , انت ولا شي
نايف:- هذا الكلام من قلبك
مشاعل:- ايه
نايف بحزم:- اجل بسمعك الكلام الاحلى, و عمري مافكرت فيك كزوجه , كنت باخذك شفقه على خالتي , وقلت حرام من وانت صغيره مقيولك انك لنايف وماحبيت اكسر بخاطرك
مشاعل:- الاوراق انكشفت يانايف , وانا مااحبك يانايف , انا اكرهك على قد ماكنت تتخيل اني احبك و والرقم هذا انساه مثل ماابيك تنسى مشاعل من تاريخ حياتك
وقفلوا الجوال ودخلت مشاعل في نوبة بكاء شديده وهي تقول:- احبك يانايف والله احبك

واستمرت مشاعل في البكاء الين نامت

*****

نوف:- يالله قوموا نروح المسبح
جود:- يالله ياليت
منصور:- خلاص انتوا روحوا المسبح ولما تملون كلموني نطلع برى نتمشى انا بروح الان البولينج
نوره:- يالله مشاعل انت جاهزه
مشاعل ومو حابه تعكر مزاج اللي معها بسببها حرام عمها جاي عشانها :- يالله دقايق واجهز, الا على فكره ماراح نحظر الليله الحفله
منصور:- الا بحجز لنا
وطلعوا منصور والبنات وصلهم للمسبح وهو اتجه لصالة الكمبيوتر ولفت نظره وجود ياسر خويه
منصور:- السلام عليكم
ياسر:- وعليكم السلام
منصور:- هلا والله كيف الحال وش اخبار ك
ياسر:- الحمد لله الا انت وش اخبارك وش اخبار اهل الرياض ونايف والشله
منصور:-الحمد لله كلنا بخير
ياسر:- توي جاي من لندن وشفت هناك بندر ونايف ورجعنا ذكرى ايام الدراسه ماكان ناقصنا الا وجودك معنا
منصور:- اهم شي انكم انبسطتوا
ياسر:- لك فتره هنا
منصور:- لا امس انا جاي
ياسر :- بتطول
منصور:- والله الى الان ماحددت متى ارجع
ياسر:- على العموم ترى الليله العشا عندي
منصور:- لا والله مااقدر انا جاي مع بنات اخوي اسمح لي
ياسر:- حياك الله انت وياهم في بيتنا
منصور:-لا اسمح لي انا مرتبط , والجايات اكثر من الرايحات وهذا انا عندكم بالسانسيت حياك في شاليهاتنا نتقهوى
ياسر:- انشالله وقت ثاني , بس الان قم نروح لصالة البولينج ونفطر هناك
منصور:- يالله

*****

مشاعل:- جود لاتقفززين عاليه مره
نوف:- لابالعكس حلوه تجربه حلوه
نوره:- تعالي مشاعل قفزي معنا
مشاعل:- لا حدي سباحه بس اما القفز اخااف
نوف:- براحتك
مشاعل:- بنات كلمني عمي منصور ويقول انه ترك التذاكر لنا بالشاليه ويقول لنا اذا تاخر نروح وهو بيلحقنا
جود:- ليه وهو وينه
مشاعل:- شكله مشغول , بس يقول بيحاول يجي بدري
نوف:- بنات ماجعتوا تراكم من صبح انتوا بالمسبح
نوره:- تراني ميته جوع خلونا نروح نتغدى في البيكري ونروح الشاليه نريح شوي
وطلعوا الكل متجهين للشاليه بعد ماتغدوا في المطعم
نوره:- بنات تعالوا علىشاليهنا باخذ لي غرض ونروح شاليهكم
جود:- لا اخوك موجود انت خذيه وتعالي
نوره:- لافهد طالع
نوف:- انا بروح معك

واتجهوا مشاعل وجود لشاليهم

دخلوا نوف ونوره الشاليه وكانت نوف كاشفه وجها وشعرها مبلل لانها واثقه ان فهد موموجودونوره مازالت مغطيه وجها

لفت نظر نوف وجود شاب وسيم حنطاوي معضل جالس

رجعوا نوره ونوف بعد ماحطت الشيله عليها وراحوا شاليه بوعبدالله

نوف:- متاكده ان هذا شاليهكم
نوره:- اكيد احد يغلط في شاليهه
جود:- شصاير
نوره:- شفنا واحد
يدخل عليهم منصور
نوره:- عمي ترى في احد في شاليهنا
منصور:- ليه انتوا اللي داخلين
نوره:- ايه دخلنا وحنا متغطين وعلى طول طلعنا
نوف:- ايه كلنا متغطين دخلنا وحصلنا رجال وعلى طول طلعنا
منصور:- ايه هذا خويي لااحد يجي الشاليه
في الجهه الثانيه ياسر:- ماشالله وش هالعيله شكلهم كلهم مزايين لا من بنات ولا من اولاد
منصور:- بنات هذي التذاكر انتوا روحوا وانا ماراح اتاخر طالع مشوار صغير مع خويي وجايكم
في الليل بعد مالبسوا واستعدوا راحوا لشاليه بو فيصل يمرون نوره وتوهم بيطلعون
فهد بعصبيه:- وين رايحين
نوره:- بنروح نحظر الحفله عمي منصور حجز لنا
فهد:- من معه
نوف:- عمي منصور بيجينا
فهد بعصبيه وصراخ:- ادخلوا داخل ولااحد بيطلع

مشاعل انفجرت من الغضب تذكرت كرهها وحقدها عليه وتذكرت جبروته :- مالك دعوى فينا مانت بولي امرنا اذا عمي راضي انت مالك سلطه علينا
فهد وهو في قمة عصبيته يتجه لمشاعل ويشدها من شعرها وصار يضرب براسها على الجدار :- انت اخر وحده تتكلم , سامعه انت ماابي اسمع لك ولا صوت , اجل تفضلين ولد خالتك علي مو انا فهد اللي ينرد , تفهمين ولا لا
نوره تحاول تخلص مشاعل من يدين اخوها:- حرام عليك فهد اتركها
نوف:- حسبي الله عليك البنت وماتبيك هو بالغصب
جود:- مغروور جد مغرور

طلع فهد بعد ماشبعت منه مشاعل ضرب وصارت مشاعل تبكي وراحت لشاليهم مع خواتها ودخلوا نوف وجود الغرفه اما مشاعل صارت تبكي بالصاله وتمنت ان عمها مايدخل عليها ويشوفها وهي بهذي الحاله كانت تبكي حبها لنايف اللي ذبحته بيدها وتبكي ظلم ولد عمها لها
بعد مرور ساعتين ونص يدخل منصور الشاليه
منصور:- هلا مشاعل , غريبه مارحتوا الحفله
مشاعل ماحبت تبين له الموضوع عشان مايكبر الموضوع بينه وبين فهد:- الا رحنا بس ماعجبتنا ورجعنا
منصور:- طيب وين باقي البنات
مشاعل:- دخلوا ينامون
منصور:- تو الناس
مشاعل:- مدري عنهم ( وماحبت تبين له انهم متضايقين من فهد)
منصور حس انها فرصه انه يطلع مع مشاعل لحاله ويتمشون يمكن يقدر يخفي عنها علامات الحزن اللي في وجهها ومهما حاولت تخفيها ماتختفي او يمكن يخليها تعترف له باللي مزعلها او يخفف عنها
منصور:- الا وش رايك مدام البنات نايمين تقومين معي الراشد ابي اخذ رايك بنظاره ودي اشتريها
مشاعل ماحبت تكسر بخاطر عمها وهم فرصه بالنسبه لها تنسى اللي صار بينها وبين فهد:- يالله

اول ماصلوا المجمع

منصور:- شوفي وش رايك في هذي النظاره
مشاعل:- حلوه بس شكل هذي ياعمي تناسبك اكثر
منصور:- طيب وش رايك فيها علي باللبس
مشاعل:- ثنتينهم حلوين
منصور اخذ النظارتين واخذت مشاعل لها نظاره
مشاعل:- شكل البضاعه جديده اللي بالمحلات خلينا نشوفها عمي
منصور:- انا المجنون ادخل بنت سوق جبت مصيبه لنفسي لو اني واقف محل نظارات برى المجمع مو كان احسن
مشاعل:- هههه كيفك انت اللي جايبني السوق وانا مااقدر اشوف محلات ولاادخل
منصور:- امري لله
مشاعل:- خلاص ثلاث محلات بس
ووقفوا عند اول محل وابتدوا يناظرون الملابس المعروضه برى وبعدين دخلت مشاعل قبل عمها للمحل ودخل وراها وهو معصب من حركتها
مشاعل :- وش رايك بهذي البلوزه
منصور :- حلوه
مشاعل :- لو سمحت عطني من هذي small
يدق جوال مشاعل
مشاعل ترد:- الو هلا
نوف:- وينكم
مشاعل:- طالعين وهذا حنا جايين
نوف:- من معك
مشاعل:- عمي منصور
نوف:- بتتاخرون
مشاعل:- لا

لاحظت مشاعل ان عمها معصب فطلعت من المحل بعد ماحاسبت

منصور:- خلاص خلصتي
مشاعل حست انه معصب:- ايه خلصت

ركبوا السياره وحست من طريقة لفه للدريكسون انه معصب وجلسوا عشر دقايق من الطريق ساكتين وبدا منصور بالكلام
منصور:- ماتلاحظين يامشاعل ان اللي سويتيه اليوم غلط
مشاعل بخوف:- ليه وش سويت
منصور بصراخ :- يعني تسوين حالك ماتعرفين وش سويتي , اولا دخلتي المحل قبلي وطلبت من الموظف وتردين على الجوال ولا كاني الا طرطوور عندك
مشاعل:- الجوال دق وش اسوي
منصور:- المفروض يامحترمه تعطينهم بزي وتروحين الحمام وتردين مو تردين قدام الناس كانك تقولين ياناس اعرفوا ان عندي جوال
مشاعل:- بس الكل عنده جوال
منصور:- بس انا اعرف نظرت الشباب

مشاعل وحست نفسها ضاقت فيها الدنيا على وسعها وانفجت بالبكاء:- انتوا كلكم علي لاني ماعندي ابو يوقف بوجهكم من يوم مافكر ابوي بالزواج وهو منشغل عنا بالزواج وصرنا مسخره للكل فهد يضربني وانت تهاوشني طبعا لاني ماعندي احد يوقف في وجهكم صرت مسخره للكل عندكم انا بسالك تقدر تسوي هالاشياء في وجه ابوي
منصور باستغراب وشده كلا م مشاعل:- فهد , ضربك, متى
مشاعل انفجرت بالبكاءوقالت لعمهاا كل السالفه ودخل للشاليه وهو في قمة عصبيته واتجه بسرعه لشاليه فهد وحاولت مشاعل تمنعه بس سبقها ودخل للشاليه وهي وقفت عند الباب وبسرعه وبكل غضب عطى منصور فهد كف قوي قدام ومشاعل
منصور:- والله لاربيك وصلت فيك الجراه انك تمد يدك على مشاعل على بنت عمك ياحيوان

وانقلب الموقف ضرب لان فهد ضرب منصور لانه احرجه قدام مشاعل وصار ضرب قوي مابينهم وحاولت مشاعل تسحب منصور وتهديه

فهد دق على نوره :- نوره يالله بنرجع الان الرياض
نوره :- انشالله
وهو طالع من باب الشاليه حب انه يجرح مشاعل اكثر
فهد:- يالله يادوب نلحق الليله على ملكة عمي ماالومه لما فكر يتزوج ثانيه
مشاعل اتجهت بسرعه لشاليهم
منصور:- مشاعل مشاعل
منصور يضرب على غرفة مشاعل وبحزم:- مشاعل فتحي
مشاعل :- لا
منصور بعصبيه:- اقول فتحي

فتحت الباب ودخل عليها
مشاعل:- برجع الرياض برجع الرياض قم وني
منصور:- صدقتي كلامه و تراه كذاب, تبين تتاكدين دقي على ابوك هو كذاب يبي يغيضك بس
مشاعل:- المهم ابي ارجع الرياض
منصور:- خلاص على بكره الصبح حنا ماشين مانبي نمسك خط بالليل
منصور:- انا اسف على اللي صار , انا كنت معصب , مااحب حركات البنات انا شاب وافهم تفكير الشباب عشان كذا عصبت عليك ماحبيت ان بنت اخوي الغاليه تسوي هالحركات
مشاعل تبوس راس عمها:- لا انا كنت معصبه من موقف فهد انت معك حق
منصور:- طيب ابتسمي قبل لا اطلع

مشاعل ارتسمت على وجهها ابتسامه جافه

وطلع منصور وحس انه مازالت فيه طاقه من هواشه مع فهد وقرر يروح لصالة البولينج ويفرغ الطاقه في ضربه للكوره

*****

ام بندر:- الا يابندر صدق الخبر اللي سمعناه ان خويك نايف ردته بنت خالته
بندر:- ايه صحيح
ام بندر:- شلون
بندر:- مافيه نصيب
تدخل وجدان( الاخت الكبيره لبندر وهي متزوجه من سنه وحامل في الشهر الخامس)
بندر:- هلا والله فيك شكل الحمل مبهدلك
وجدان:- أي والله ذابحني
ام بندر:- توك على التعب
وجدان:- وش كنتوا تسولفون عنه
ام بندر:- عن خويه نايف وبنت خالته اللي ردته
وجدان:- ايه الله يوفقهم , الا انت يابندر مالك نيه تخطب
بندر:- ههه ليه حصلتي بنت الحلال اللي ترضى فيني
وجدان:- انت كل البنات يتمنونك ماشالله عليك جمال ووسامه حتى انك تشبه توم كروز برونزي وخشم سلاله ولا عيونك واسعه الا يخسى توم كروز فيك
بندر:- ههه هذا الجمال عندكم بس الشكل
ام بندر:- أي والله ياليتك ياوليدي تفرح قلبي وتعرس وش ناقصك بعد غيره
بندر:- اذا حصلتوا بنت الحلال اللي تشوفونها مناسبه مانقدر نقول لكم لا , الله يقدم اللي فيه الصالح
وجدان:- ابيك بكره توديني السوق يابندر
بندر:- لا والله بكره مااقدر بكره عندي رحله

*****

مشاعل اول ماتدخل البيت لقت ابوها في وجها بالصاله وامها كانت في المطبخ
مشاعل حضنت ابوها وصارت تبكي
مشاعل:- يبه ضعنا بدونك بس مجرد تفكيرك في الزواج خلانا مسخره للكل الكل صار يتشمت فينا من كل جهه صاروا يعاملونا كانا مالنا والي كانا يتامى بدونك يبه حنا بناتك اللي دلعتنا في اول عمرنا معقوله ننذل في اخر عمرنا

وكانت تبكي بقوه في حضن ابوها

بوعبدالله مسح على راس بنته بحنان:- ماعاش من يهينكم وانا موجود , ليه من هانكم في الشرقيه
مشاعل بارتباك تبي تخبي هواش الشرقيه على ابوها:- مو في الشرقيه في كل مكان في نظرات الناس لنا واحساسنا بالشفقه من الكل يبه الفلوس اللي بتخسرها على العرس لو تحطهل في علاج لامي مو ازين والطب تطور يبه بس انت اهملت امي في السنوات الاخيره يبه تكفى ارجع لنا ابونا اللي حبنا وعزنا ودللنا وخلانا نعيش وراسنا فوق علمنا انا حنا غير الناس مانذل نفسنا لاحد

بوعبدالله يبوس جبين مشاعل:- ماعاش من يهينكم ويذلكم وانا حي واعتبروها زله وانتهت من حياتي
دخلوا نوف وجود اللي كانوا يراقبون الموقف من على الباب وعجبتهم قوة مشاعل وتاثيرها على ابوها واتجهوا لابوهم وحبوا راسه
بوعبدالله:- حمد الله على سلامتكم عسا انبسطتوا
نوف:- اكيد انبسطنا بس ليتك ويانا

*****

الجده:- الا وش اخباره الان نايف ياموضي
ام نايف:- بخير الحمد لله
الجده:- والله يامنيره بنتك لو تلف العالم كله ماتحصل مثل نايف ولد خالتها بس خلي ولد عمها ينفعها
ام عبدالله:- والله هالشي يمه لابيدي ولابيدها ولا لو الود ودي اني اعرسهم على بعض بس كل شي قسمه ونصيب
الجده:- الا وين بناتك
ام عبدالله :- في البيت توهم جايين من الشرقيه مع عمهم تعبانين يمكن يمرونك الليله بس تكفين يمه لاتفتحين الموضوع قدام مشاعل
الجده ابتدت تهلوس بينها وبين نفسها وكان كلام ام عبدالله مو عاجبها

*****

منصور مع اخوياه داخلين المطعم الصيني
سعود:- مو كان هذا يامنصور اخوك متعب
والتفت منصور ولقى متعب توهطالع من المطعم مع وحده مهيب العنود
منصور في باله وهو معصب:- يالنذل
منصور:- دقايق وجايكم
منصور يطلع ورى متعب :- متعب
منصور:- شوف ترى الموضوع ماينسكت عنه لهالدرجه قدام العالم توديها وتجيبها ماتراعي مشاعر زوجتك ولاتخاف من ربك والناس بس شكل الموضوع زاد عن حده ولازم يعرفون اخواني
متعب بلا مبالاه:- شوف اعلى مافي خيلك اركبه
منصور:- بذمتك هذي بنت تتخلى عن العنود عشاناها
متعب بعصبيه:- ذي خطيبتي ولاارضى تغلط عليها تفهم ولا لا
منصور:- انت شكلك مايردك الا كبير

طلع منصور وهو معصب بعد ماترخص من اخوياه واتجه لبيت اخوه بو فيصل وقاله عن سالفة ريم ومتعب
بوفيصل في قمة عصبيته:- الولد انجن قم معي لبيته والله لاذبحه
منصور:- انت هدي اعصابك لاتحس زوجته كلمه ولاتحسسه وقله يجي هنا وتفاهم معه على الموضوع
بو فيصل:- هلا متعب تعال بيتنا ابيك في موضوع
متعب وماجا في باله ان منصور قاله الموضوع:- انشالله
بعد نص ساعه يدق متعب على بو فيصل
متعب:- السلام عليكم
بوفيصل+منصور :- وعليكم السلام
بوفيصل وهو في قمة عصبيته قام من مكانه وعطى متعب كف قوي :- وصلت فيك الجراءه انك تخون العنود قدام الناس
متعب:- انا ماخذتها برضاي خذتها غصب عني عشانكم والا انتوا تعيشون وانا اموت بالحيا
بوفيصل:- حنا معطينك شيخة البنات معطينك العنود
منصور:- احسن من اللي بتاخذها لاهي من ثوبنا ولاهي من مستوانا
بوفيصل:- العنودكانت امانه عند ابوي بعد وفاة عمي وهي امانه عندي انا وانا اللي بوقف في وجهك يامتعب
متعب:- وانا اللي انظلم في القصه

بو فيصل بعد ماحس ان ضاق عليه التنفس وحس بضيقه في صدره:- طلع برى يامتعب لاانت اخوي ولااعرفك
متعب عزت عليه حالة اخوه اللي وصل لها وقام باس راس بو فيصل:- يسلم راسك يالغالي اللي تبيه بيصير بس لاتتضايق انت

وكان متعب يفكر انه مستحيل يتخلى عن ريم ولكن ماحب يخسر خوه فقال يجاريه بالكلام
بوفيصل بعصبيه:- اطلع برى اطلع

حاول منصور يهدي بوفيصل ومتعب طلع من البيت وراح متعب لبيته

العنود:- وش فيك تتالم مالك ثلاث ايام من سويت الغسيل
متعب:- مدري بس شكلها زاييده علي بروح الان المستشفى
العنود:- لاكلم احد اخوانك انت وانت بهالحاله ماتقدر تروح لحالك
متعب:- لا انا بروح لحالي
العنود:- اجل انتظر انا بروح معك
متعب بعصبيه:- اقول بروح لحالي تفهمين
وطلع من البيت واتجه للمستشفى وكان تلوى من آلام جنبه
العنود تدق على منصور:- السلام عليكم
منصور:- وعليكم السلام
العنود بخوف:- واللي يعافيك اخوي منصور متعب زادت عنده الكلى وراح المستشفى ومااتوقعه يقدر يوصل هناك لحاله ليتك تروح معه وتطمني
منصور:- اهدي اهدي لاتخافين نا بروح الان له
منصور في باله:- والله انك اصيله يالعنود على كل اللي سواه فيك تخافين عليه

*****

بعد مرور شهر

مشاعل:- كيفك الان امي ساره
الجده:- الحمد لله بخير
ساره:- ايه الحمد لله تحسنتي كثير
نوف:- رجعتي شباب يمه ساره كانك ام عشرين سنه
الجده:- انا اصلا صغيره بس الهم كبرني
ام عبدالله + ام نايف:- بسم الله عليك عن الهم
الجده وهي تناظر مشاعل:- الحين انت وش استفدتي يوم رديتي ولد خالتك لااللي صرتي له ولا ولولد عمك
ام نايف:- الله يوفقهم يمه
ام عبدالله:- يمه الله يهديك كل شي قسمه ونصيب
الجده:- ايه ماقلنا شي بس لو ماخذه ولد خالتها ازين لها
يدخل نايف بيت جدته
نايف يسال الخدامه:- ماما ساره صاحيه
الخدامه:- ايه فيه مع نوره وماما انت كلوا داخل
اتجه نايف للصاله ودخل:- السلام عليكم

*****


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 22-09-2008, 08:51 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة




الجزء الرابع عشر


يدخل نايف بيت جدته
نايف يسال الخدامه:- ماما ساره صاحيه
الخدامه:- ايه فيه مع نوره وماما انت كلوا داخل
اتجه نايف للصاله ودخل:- السلام عليكم
نايف اول ماشاف بنات خالته رجع برى الغرفه
نوف وجود لبسوا عباياتهم وجلسوا اما مشاعل قامت من مكانها متجهه فوق
ام نايف لحقت مشاعل:- تغطي واجلسي ترى مهما كان هو ولد خالتك قبل أي شي وجلسي ولاكان شي صار ومسكتها ام نايف وجلستها
مشاعل تغطت ودخل نايف
نايف:- السلام عليكم
الكل:- وعليكم السلام
سلم نايف على جدته وامه وخالته
ام نايف:- الحمد لله على السلامه
نايف:- الله يسلمك
ام نايف:- مامريت البيت وجبت زيد معك
نايف:- يقول بيتابع برنامج وبعدين بيجي
نوف:- لايكون برنامج ياهلا بدا
نايف:- لا برنامج صافره مو عاجبه تحكيم المباراه بين الهلاال والنصر وجالس يطلع اغلاط الحكام
نوف:- ايه الحمد لله
الجده:- وينك ياوليدي مااشوفك بالشهر ماكاني امك
نايف:- والله يمه حقك علي بس توني واصل الرياض وعلى طول جيتك
ام عبدالله:- الله يوفقك ياولدي
نايف يلتفت على جدته:- وش هالزين في السوري
الجده باستغراب:- ومن هي السوري
نايف:- انت في احد زين غيرك
الجده:- استح شايفني اصغر عيالك تناديني السوري
نايف:- والله اللي مايعرفك يقول بنتي الصغيره
الجده احمرت خدودها من كلامه:- والله انا صغيره بس اهلي زوجوني مبكر
نايف:- ايه اكيد هالزين مااحد يخليه انتِ كنتِ ذابحه عيال الحاره كلهم بجمالك
الجده ومازالت خدوده محمره وبخجل:- زماان ياوليدي
الكل:- هههههههههههه
نوف:- وانا اقول انا ليه حلوه , اثاريني طالعه عليك يمه ساره
الجده:- كلكم حلوين ماشالله عليكم
ام عبدالله كانت تناظر نايف وقلبها يتقطع بحسره على انه ماراح يكون من نصيب بنتها
ام عبدالله:- الا عساك ياوليدي ماتروح دول شرق اسيا اللي عندهم انفلونزا الطيور
نايف:- انا هذي السنوات مو رحلاتي لهذي المناطق
الجده:- والله انك كامل ياوليدي( التفتت جهة مشاعل) بس وين اللي يقدر
مشاعل نزلت راسها واتجهت برى الغرفه
نايف:- كل شي قسمه ونصيب
مشاعل تقول بينها وبين نفسها:- الله يانايف, وين لهفتك علي الاول , من تدخل كانت عيونك تدور علي , وحتى يوم سالتك امي ساره مااهتميت ولاتاثرت شكلك جد جد جد كنت كارهني وانا كنت طول هذيك الفتره اعيش في سراب , بس الحمد لله اني عرفت هالحقيقه قبل لاارتبط فيك
وصارت عيونها تنزل دموع
ساره:- وش فيك طلعتي
مشاعل:- لا بس شوي تعبانه وبروح البيت
ساره:- سلامتك وعلى العموم لاتتضايقين من كلام جدتي ترى كلنا نعرف ان اللي في قلبها على لسانها
مشاعل:- لاشدعوى محد يزعل من امه

وفي الجهه الثانيه من البيت
ام عبدالله:- والله اني احبك ياوليدي والله يشهد باللي في قلبي لك بس اللي صار شي لابيدي ولابيدك ومهما صار من شي تراك بتظل ولدي اللي ماجبته
نايف يبوس راس خالته:- وانا بعد احبك ,وأحد يكره خالته الوحيده !!!!
رند تبكي بصوت عالي
متعب:- يالعنود امسكي بنتك تراها ازعجتني شوفي وش تبي
العنود:- اتركها جالسه تتدلع , بنت مدلعه , كانها انت وانت صغير
متعب بابتسامه:- بعد عمري رند حبيتها اكثر لما قلتي انها علي , اثاريني وانا صغير اجنن مثلها
العنود:- أي والله وانت الصادق مجنن عمي ومرت عمي
متعب:- اصلا وش عرفك اني مجننهم انا اكبر منك بست سنوات يعني كنت صغيره مره
العنود بابتسامه:- عاد انت مشهور, عليك سوالف مشهوره
متعب:- ههههههههههههههههه
متعب:- جد وانا صغير على اني اصغر من فيصل كنت اضربه وابكيه واروح اسبقه في البكا عشان ماانضرب وتجي امي وتضرب فيصل وامي دايم مصدقتني وتضرب فيصل
العنود:- ههههههههه الله يرحمها كنت تلعب عليها
متعب:- بروح اشوف هالعله رند وش تسوي بالغرفه شكلها حاست اغراضي حوس هذا صوت شي انكسر

يدق التلفون
العنود:- الو
.............:- الو , لو سمحتي عطيني متعب
العنود باستغراب:- من يبيه؟
.............:- قولي له ريم

العنود تنرفزت من مكالمتها هي ماصدقت خبر تتحسن علاقتها معه جايه ريم تخربها:- لا مو موجود
ريم:- متاكده
العنود:- ايه مع السلامه
العنود:- وش هالقلة الادب والوقاحه وصلت فيها الجراه انها تدق عليه في بيته
متعب يجي من الغرفه:- من اللي كان على التلفون
العنود :- هاه لا هذي وحده غلطانه
بندر:- السلام عليكم
الكل :- وعليكم السلام
ناصر :- عمرك طويل يابندر تونا كنا في سيرتك
بندر بمزح:- ماني محللكم وش كنتم تقولون
الكل:- هههههههه
نايف:- كنا نسولف عن البنات اللي صادفناهم بالاشاره وطلبوا منا طريق الشرقيه انت مشيت معهم الين مسكوا خط الشرقيه وهم وراك شكلك حبيت وحده منهم ولا كان تقدر توصف لهم الطريق وبس ولاتعنى معهم
بندر:- والله كل واحد وتفكيره , انا رحمتهم لانهم واضح انهم حريم مع ولد تقريبا عمره 14 سنه وسايق وشكلهم محترمات وانا ماعمري رديت احد عشان ارد هم
سليمان :- ماشالله عليك يابندر ماترد احد طلبك ابد اما انا كسوول لو علي وصفت لهم الطريق وبس
راشد:- تذكرون يوم كان يسالنا الشيبه اللي معه العائله عن طريق المجمع
بندر:- ههههههه ايه صار سليمان يقول لنا لاتعلمووونه
سليمان:- هههه الله ايام الثانوي
يدق جوال بندر
بندر:- السلام عليكم هلا يمه
ام بندر:- وعليكم السلام ورحمة الله وبركاته , بندر تعال واللي يعافيك شوف شوق مو راضيه تروح معنا بيت جدتك تعبت معها
بندر:- ليه
ام بندر:- مدري عنها ياوليدي مقابله هالكمبيوتر , تعال واللي يعافيك كلمها يمكن تسمع منك مااقدر اطلع واتركها في البيت لحالها
بندر :- يالله هذاني جاي مع السلامه
ام بندر:- مع السلامه
بندر:- مع السلامه شباب
نايف:- وين ماجلست معنا
بندر:- ماني مطول نص ساعه وراجع لكم
سليمان :- نحتريك
بندر:- انشالله
. بندر:- السلام عليكم
ام بندر:- وعليكم السلام
بندر:- وينها؟؟
ام بندر:- فوق بغرفتها تعال معي لها يمكن تقنعها
بندر:-يالله تعالي معي غرفتها
بندر:- السلام عليكم
شوق:- وعليكم السلام
بندر:- شوق جاهزه نروح بيت جدتي
شوق:- لا ماني برايحه بيت جدتي
بندر:- ليه؟؟؟
شوق:- ماعندهم بنات كلهم اولاد اطفش هناك لوحدي
بندر:- وانت انشالله ماتروحين الا للبنات روحي شوفي جدتي وسلمي عليها عيب عليك لك تقريبا شهر ماشفتيها , يالله نتظرك تحت لاتتاخرين
شوق:- تكفى بندر ماابي اروح
بندر بنبرة جد وعابس جبينه:- انا مو امي تتدلعين عليها , انا قلت لك انتظرك تحت لاتتاخرين

طلع بندر من الغرفه

ام بندر:- يالله يمه انت تعرفين اخوك كلمته ماتصير ثنتين
شوق بملل:- انشالله نص ساعه ونازله
ام بندر:- مشكور ياوليدي تقول نص ساعه وبتنزل
بندر :- اوصلكم
ام بندر:- لا الله يعافيك بنخلي السواق يودينا
بندر:- يالله مع السلامه بروح لربعي وانتوا ان جهزتوا خلوا السواق يوديكم وانا بمركم بعدين
ام بندر:- انشالله , مع السلامه

*****

ام عبدالله:- الا اقول يابوعبدالله مدام مابقى على الدراسه الا اسبوع ونص وش رايك نروح لمخيماتنا مع اهلي واهلك , بصراحه ودي اجمع اختي مع ام فيصل احس ان النفوس شايله على بعض بينهم
بوعبدالله:- ليه كيف حسيتي
ام عبدالله:- امس لما كنت بيت جارتنا ام سعد وجات اختي وام فيصل حسيت من سلامهم ان النفوس شايله مو مثل اول ودي نجتمع مثل اول يمكن تصفى النفوس
بو عبدالله:- شورك وهداية الله , اساسا حنا من زمان عن المخيمات
نوف:- أي والله لنا فتره طويله مارحنا للمخيماات
جود:- أي والله ياحلو المخمات وايامها
نوف:- تتوقعون مشاعل توافق على الروحه وخاصه ان بيجتمع فهد ونايف مع بعض
ام عبدالله:- لا نايف عنده رحله ومااظن بيروح معنا
بوعبدالله:- خلاص اكلم الان اخواني وزوج اختك واسالهم عن الوقت اللي يناسبهم بكره او بعد بكره
نوف:- يـــــــــــــــــــــــــــــــــــــــــس
جود:- انا من الفرحه ماني بنايمه

******

في الكافي

ريم:- متعب حبيبي وين كنت اليوم العصر
متعب باستغراب:- العصر؟؟ في البيت ليه؟؟؟
ريم:- غريبه انا دقيت عليك في البيت وقالت لي زوجتك انك طالع
متعب بعصبيه:- وليه دقيتي علي البيت , الف مره اقولك البيت انسي رقمه
ريم بدلع وبكاء مصطنع:- هذا بدل ماتهاوشها لانها صرفتني جلست تهاوشني انا
متعب:- والجوال ليه مادقيتي عليه؟؟؟؟؟؟
ريم:- كان مقفول, هذا لاني مشتاقة لك وولهانه عليك تهاوشني
متعب:- آآآآسف حبيبتي بس لاتدقين مره ثانيه على البيت
ريم:- ليه خايف على مشاعر زوجتك
متعب:- انت قلتيها ( زوووجتك) , ايه اكيد اخاف على مشاعرها

******

في بيت متعب

متعب:- العنود في احد دق علي اليوم العصر
العنود بارتباك :- ايه اول ماطلعت
العنود ببكاء:- حراام عليك يامتعب راع على الاقل مشاعري تخليها تدق عليك على البيت وتطلبك حرام عليك انا لي مشاعر واحاسيس على الاقل احترم مشاعري
متعب ماعرف كيف يرد عليها فتجاهل كلامها وطلع

******

بوعبدالله:- ترى ياام عبدالله كلمت اخواني وزوج اختك واتفقنا بكره نروح للمخيمات
ام عبدالله:- الحمد لله انهم وافقوا والله كنت خايفه
بوعبدالله:- في البدايه لما عرف بوفيصل ان اختك معنا رفض بس اقنعته ونفس القضيه مع بيت اختك بس الحمد لله اقتنعوا كلهم
المهم حنا بكره بنمشي بدري مع منصور عشان نجهز المخيم وبعدين يلحقونا الباقي
ام عبدالله:- انشالله
بوعبدالله:- المهم بلغي بناتك , انا بروح الان الشركه تبون شي
ام عبدالله:- سلامتك مع السلامه
بوعبدالله:- مع السلامه
راحت ام عبدالله لبناتها
ام عبدالله:- السلام عليكم
الكل :- وعليكم السلام
ام عبدالله:- ترى بكره انشالله بنروح المخمات حنا بنروح بدري مع عمكم منصور والباقي بيلحقونا بعدين
مشاعل:- كلهم بيجون
ام عبدالله:- ايه
المهم يابناتي انا هالرحله اساسا قصدي منها نصفي القلوب على بعض
نوف:- كيف يمه
ام عبدالله:- انا احس ان قلوب اختي وام فيصل شايله على بعض وانا ماودي يصير هالشي وبسببنا مهما كنا حنا اهل ومانقدر نستغني عن بعض
مشاعل:- يمه مو بيدي
ام عبدالله:- انا مااحملك المسؤليه ياعمري هذي كتبت ربي ومانقدر نعترض عليها بس ودي اذا رحنا هناك نلطف الجو مابينهم
الكل:- انشالله
ام عبدالله:- تسلمون, يالله ناموا الان عشان تصحون بدري
الكل:- مع السلامه

******

وصلوا بيت بوعبدالله ومنصور المخيمات

ام عبدالله:- امي تعالي معي مخيمات الحريم اجلسي انا بروح ارتب الاغراض
الجده:- انشالله
ام عبدالله:- مشاعل روحي اشرفي على الخدامات في مخيمات الحريم
مشعل:- ان شاءالله
ام عبدالله:- وانت نوف وجود اشرفوا على مخيمات الرجال
نوف+جود :- ان شاءالله
منصور:- اخوي ترى حطيت الذبايح بالحوش وباقي الاغراض نزلتهم المطبخ
بو عبدالله:- مشكور يااخوي نتعب معاك انشالله في عرسك
نوف:- آآآآآآآآآآآمين
منصور:- تسلم يالغالي, وانت شكل آمين طالعه من قلبك
نوف:- وش اسوي ودي افرح بعمي ودي ادخل عرس واكون انا من اهل العرس والكل يناظرني
منصور:- هههههه بزواج مشاعل انشالله , يالله روحي اشتغلي بسرعه كلموني قالوا ساعتين وهم واصلين
نوف:- انشالله
منصور:- كأن الحطب قليل بروح اجيب حطب بالليل بيكون برد
ام عبدالله:- ماله داعي هذي الدفايات موجوده
منصور:- لا حلاة المخيمات بالحطب
وانشغل الكل في ترتيب المخيمات وتبخيرها وبعد ساعتين الكل وصل وجلسوا الحريم والرجال بمخيماتهم
نوف:- يمه ساره قولي لنا قصتك بلندن
الجده:- ههههه, هذيك السنه رايحه انا مع جدك الله يرحمه لندن ورحنا شقة واحد مصري مسوري عزيمه واول مادخلت سلمت على الموجودين وكل وحده اسلم عليها اقول لها good bayانا اظنها السلام عليكم بالانجليزي فمبسوطه واقول للكل بعدين جلست على طاولة الاكل وكان الكل ياكل بشوكه وسكين قلت ماني باقل منهم حطيت لي بصحن واخذت لي شوكه وصرت اكل واللحمه تهرب مني الين جاتني مصريه وقالت لي تقدري تاكلي بايدك مافيهاش مشكله ههه شكلها كانت خايفه على صحنها لااكسرها عاد انا ماصدقت خبر وصرت اكل بيدي
الكل:- ههههههههههههههههههه
العنود:- هههه شكلك يمه ساره صاحبة حكايات
الجده:- ان شاءالله الليله اقولكم حكااوينا الاول مو هالايام

والكل انبسط من عرض الجده

ام عبدالله:- تفضلوا على الغدا
مها:- جوري حبيبتي وين كادي ودحوم
جوري:- يلعبون برى
ام فيصل:- اتركيهم يلعبون انا رفعت لهم اكل
مها:- انشالله

بعد الغدا

نوف:- بنااات ناظرو الاولاد يطعسون
نوره:- أي اولاد
نوف:- اولادنا فيصل ومتعب ومنصور وفهد وزيد معهم
مشاعل :- لاا ابي اطعس معهم بكلم عمي
مشاعل :- هلا عمي منصور تكفى ارجعوا نبي نطعس معكم
منصور:- اقول يالله مع السلامه ماناقص الا تطعسون وهذا حنا نطعس مع اولاد جيرانا شكلهم فله يالله باي
جود:- وش قال
مشاعل بحزن:- شكلهم مبسوطين يطعسون مع عيال المخيمات اللي جنبنا
نوف:- يابختهم

******

كادي تبكي
ام فيصل:- وش فيك تبكين
كادي:- بيت دحوم فيه بركه انا بيتي مافي بركه
كانوا دحوم وكادي بانيين بيت من طين
ام فيصل:- وين البركه بيتك مثل بيته مااشوف بركه
كادي ببكا:- الا هي داخل وهو قفل عليها عشان مانوسخها
ام فيصل:- حتى انت داخل عندك بركه
كادي ببكا:- لاا انا ماسويت بركه
ام فيصل:- طيب سوي
دحوم:- لا هي ماتعرف بس انا اعرف
كادي ببكا:- شفتي انا مااعرف بس هو
دحوم:- ايه انت بيتك صغير وانا بيتي اكبر واحلى
وصارت كادي تبكي وام فيصل تهديها

*****

بوفيصل:- الا يااخوي وش سويت في موضوع العرس اشوفك ساكت
بوعبدالله :- والله وش اقولك يااخوي تعرف اني مااقدر على دموع بناتي غاليين عندي وخاصه لما جو من الشرقيه وقالوا لي انهم يحسون ان الكل يلعب فيهم لاني بغيب عنهم احس اني تراجعت وفي نفس الوقت ودي بالولد اللي يشيل اسمي
بوفيصل:- الله يقدر لك اللي فيه الخير
بوعبدالله:- آمين والله مافي شي يعدذبني مثل دموع بناتي ابيع كل شي لرضاهم
بوفيصل:- الله يخليهم لك
بوعبدالله:- تسلم
بونايف:- السلام عليكم
بوفيصل+بوعبدالله:- وعليكم السلام
بوعبدالله:- وين رحت
بونايف:- في الخيمه الثانيه
فهد+منصور:- السلام عليكم
الرجال:- وعليكم السلام
بو فيصل:- وين رحتوا
منصور:- طعسنا ولعبنا كوره مع عيال الجيران وجينا
بونايف:- وين متعب وزيد؟
فهد:- بيجيون مع عيال الجيران
منصور:- والله وناسه ياكثرهم كل دقيقه يطلع لك واحد ماتدري منين
فهد:- هههههههه أي والله ولعيبه عليهم رجول ماتتعب
بوعبدالله:- قولوا لا اله الا الله لاتجيهم عين منكم
منصور+فهد:- ههه لااله الا الله
بوفيصل:- هذا متعب وصل
دخل متعب وزيد والاولاد
فلاح+علي+نواف+سمير+عبدالرحيم( عيال الجيران)+زيد +متعب:- السلام عليكم
الكل:- وعليكم السلام
بوعبدالله:- حياكم الله تفضلوا
فلاح :-زاد فضلك ياعم
متعب:- يالله قوموا نلعب كوره يمكن اعوض خسارتي شوي
فهد:- هههههه ماظنيت
بوعبدالله:- انتظروني بجي العب معكم نرجع ايام الشباب
منصور:- احلىىىىى بوعبدالله
بوفيصل:- ههه تعال وين تلعب حنا كبرنا ومافينا حيل على اللعب
بوعبدالله بثقه مصطنعه:- انا مازلت صغير انت لوحدك اللي كبرت
الكل:- ههههههههههههه
وصاروا الاولاد يلعبون كوره مع بعض

*****

كادي ببكى:- ابي مشوووووووووووووي
ام فيصل:- من وين اجيب لك مشوي
كادي:- من جيراااانا
ام فيصل:- وش جيرانه انت شفتي احد منا اكل مشوي
كادي تبكي:- انا اشوف يطلع من خيمة الجيران دخان شوي وفهد راح هناك يعني كل شوي وانا لاااااااااااااااا
مها:- فهد دااخل روحي اساليه بيقولك مااكل
كادي ببكا:- طيب
راحت كادي لجهة لعب الكوره
كادي ببكا:- فهد اهئ اهئ ابي مشوي
فهد:- حبيبتي من وين اجيب لك مشوي
كادي:- انت رحت عند الجيران وكلت ولاجبت لي معك
فهد:- والله ماكلت
كادي:- الا انا اشووف دخان هنااك شوي ابي مشووووووووووووووووووي
فلاح بعد شوي وكلم اهله وطلب منهم يجيبون مشوي لكادي بعد مااحرجتهم

******

بعد ماخيم الليل على المخيمات
مخيم الحريم
جود:- يالله يمه ساره قولي لنا قصصك القديمه
العنود:- أي والله اني احب قصصك يايمه
الجده:- الله يسلمك
الجده:- هذا وانا حامل بام نايف رحت انا وام زوجي الله يرحمها مسجد نصلي الجمعه المهم كان المسجد زحمه وجلسنا برى حطينا سجاداتنا وجلسنا نسمع الخطبه وانا كانت نساتي نوم فتسندت على جدار ورحت في النوم بدون لااحس انتهوا الناس من الخطبه والصلاه ام زوجي راحت السياره وجلسوا ينتظروني هي وجدك وابوه الله يرحمهم كلهم المهم صار المسجد زحمه وصاروا يدورون علي وانا رايحه بالنوم والناس اللي يمرون يظنوني فقيره فكل واحد يمر يحط بحضني مبلغ المهم بعد تقريبا ثلث ساعه حصلتني ام زوجي وصحتني ورحت لهم وكان جدك وابوه معصبين علي مابغيت الا روحي هذاك اليوم
الكل:- ههههههههههههههههههه
نوف:- ياحليلك يمه وكم جمعتي ووين وديتيهم
الجده:- والله مدري ماعديتهم بس يوم صحيت دخلت المسجد وحطيتهم بزاويه وطلعت وحلفت على ام زوجي انها ماتقول لهم والله ان درى جدكم اني اطلع من ذمته
مشاعل:- الله يرحمه كان عصبي
الجده:- ايه , بس يوم جاوا البنات حن عليهم وخفت عصبيته و
كانواالحريم طول الليل يقصون قصص على بعض

******

في مخيم الرجال
بونايف:- سمعنا عنك يانواف انك تقول قصايد
نواف:- يعني
سمير:- ايه ماشالله عليه وقصايده تجنن
بوفيصل:- اجل سمعنا من اشعارك
نواف:- حتى فلاح يقول قصايد
منصور:- مايمنع نسمع منكم اثنينكم نبتدي فيك انت يانواف
نواف:- بقولكم اول قصيده قلتها وانا باول متوسط كانت مكسره ومافيها وزن بس غاليه علي
متعب:- يالله نسمعها
نواف:- اعترف لك بالفشل
كنت حاسب ان قلبك ماله غيري
ويوم شفتك ماصاب لساني غير الشلل
كنت احسبك تموت حتى بعذاريبي
مادريت ان قلبك كل يوم له شكل
مره تحبني ومره تهجرني ومرات لغيري
لا ومن قبل تسمعني احلى الجمل
كذبتهم قلت هذا حبيبي وانتم عذالي
ياخساره وقت مضى كنت افكره عسل
وياليتني صدقتهم يوم كذبتني ولا اشوفك تطعنين بسهوم الغر
تمنيت تذوق طعم الخيانه يوم ذوقتني
ابسالك اللي تسوينه يرضي عقل
كنت احسب اني خسرت ولكنت كسرتني
لا وكنت اقولك اعترف لك بالفشل
لعنبوا حب ذلني او حسسني بفشلي
ماني بنادم لكن الله يعينك او لايعينك على حياة الذلل
ومااقول الا احمد الله اللي منك فكني

وسلامتكم

الكل :- صح لسانك
نواف:- صح بدنكم
بو عبدالله:- ماشالله بدايه حلوه
بو نايف:- يالله الان دورك يا فلاح
فلاح:- أوراق الورد

أنا..وحبها.!!

جلست علي مقعدها..

وبأناملها الرقيقه احتوتني..

اشعر بنبضات قلبها تتسارع وهي تقطف اوراقي.. تتساءل.. أيحبها..؟ام لا..؟

كيف لا يحبها وهي من أعطته قلبها..

واحتضنته بروحها..

أيعقل ان يتركها حائرة..! تقطف اوراقي..

وتجرحني بأشواك لهفتها.. لا...

لا تقتليني يا ملاكي..

ارحمي مرسال حبه اليكِ.. يحبني..

لا يحبني..

يحبني..

لا..يحبني..!

حائرة..ترتجف..تريد شفاء لقلبها الرقيق..

كم اشفق عليكِ..

كم احسده..

وكم اريد اسعادكِ..

اقطفي اوراقي..

مزقي حياتي..

بعثري انفاسي..

لترتاحي..

سأقدم لكِ هناءَ دقائق..

بموتي..تحت اقدامك..

نعم..

اقطفيني..الان..

واقرأي ترانيم موتي الابدي..

هيا..

فلتكن كلمة يحبني..

اخر ما اطرب به مسامعي.. احيطيني بحبل اعدامي..

لتهنئي..

بوهم حبه لك ..

يحبني....!

وتقتل الوردة.!
الكل :- صح لسان
فلاح:- صح بدنكم
واستمروا الرجال يلقون قصايد
فلاح:- يالله نستاذنكم
بوفيصل:- وين تو الناس
سمير:- لا نخليكم ترتاحون انتوا ياشباب قوموا معنا هناك
الكل:- لا مشكور مع السلامه
عيال الجيران:- مع السلامه
وبعد ماسهروا الرجال على قصايد حسوا بالتعب واتجهوا للنوم

******

في مخيم الحريم

بعد ماسهروا الحريم والبنات على قصص الجده وبعض قصص الامهات
مها:-الو السلام عليكم
فيصل:- وعليكم السلام
مها :- فيصل الله يعافيك برسلك دحوم عطه مفتاح السياره
فيصل:- ليه
مها:- اخاف تجيني حشرات
فيصل:- هههههههه طيب بس بسرعه قبل لاانام

( وكانت سيارات الرجال بين مخيمات النساء والرجال)

مها:- دحوم حبيبي روح لبابا جيب مفتاح السياره
مشاعل:- حبيبي دحوم واطلب من ابوي مفتاح سيارتنا
دحوم:- انشالله
مشاعل:- شطوور حبيبي
بعد ماجاب المفاتيح نامت مها في السياره
مشاعل:- جود جكيتي وين تركتيه احس برد
جود:- بالسياره من ورى
مشاعل راحت جابت الجكيت وانسدحت
ساره:- يمه جاكيتي ماحصلته برد
ام نايف:- مدري يمكن ماجابناه معنا
ساره:- يوووه
مشاعل:- ساره في في سيارتنا جيت انا جايبته زايد روحي خذيه
ساره:- مفتوحه السياره
مشاعل:- خذي المفتاح من شنطتي
واخذت ساره المفتاح واتجهت للسياره وجلست تدور على الجاكيت
منصور حس بنور يطلع من سيارة اخوه :- اكيد هذي وحده من البنات خلني اروح لها
اتجه منصور بسكووت وخفه وصار ورى ساره ومد يده ومسك يدها
منصور:- شتسوييييييييين
ساره التفتت مفزوعه جهته:- يممممممممممممه
منصورحس انها مو بنت اخوه ولف راسه:- آآآآآآآآسف
ساره:- اخذت الجاكيت وراحت تركض للخيمه ونامت مع الباقي
منصور يفكر:- من هذي اكيد ساره بنت خالتهم هي اللي بسن بنات اخوي , بس ماشالله عليها محلوه اذكرها الاول بكشتها , جد من قال للبنت الف وجه , ماشالله تبارك الله
منصور سرح في كلام مشاعل له:- منصور:- ساره بنت خالتك مازالت بكشتها
مشاعل :- ههه لاماشالله عليها مزيونه تبيني اخطبها لك

وصار منصور يفكر في ساره ملامحها اللي شافها وهو مابين ياترى وش راح تقول عني , هي اكيد ساره ولا لا ......................

*******

العنود:- السلام عليكم
متعب:- وعليكم السا\لام
العنود:- متى بروح المستشفى
متعب:- الان بمشي
العنود:- اجل انتظر البس عبايتي واجيك
متعب:- لا مافيه داعي
العنود:- لا مااقدر اتركك تروح لحالك
متعب بعصبيه:- وبعدين معك قلت لك لا يعني لا , وماابي احد يعرف انا قلت لاخواني عندي شغل , انا ماراح اطول الليله انشالله انا عندكم
العنود:- انشالله, مع السلامه
متعب:- مع السلامه

*********

نوف+ساره:- السلام عليكم
ام نايف:- وعليكم السلام بدري
ساره:- يمه مانمنا الا متاخرين صحينا صلينا الفجر ونمنا
ام عبدالله:- طيب وين الباقي
نوف:- بينزلون الان
ام فيصل:- روحي عجليهم بنتغدى
نوف:- انشالله


*****

دحوم:- ماما ماما شوفي بابا يسوي حركات بالدباب
وطلعوا الحريم والبنات بعد ماتغطوا يشوفون الرجال وهم يلعبون بالدبابات
مها:- فيصل ارجع
ام فيصل:- فيصل لااااااا
مشاعل:- يابختهم
نوف:- اذا انتهوا بنلعب حنا
جود:- شوفوا فيصل عليها حركات تجنن بالدباب
ام فيصل:- فيصل حراام عليك تعاال
فيصل قرب من امه:- تعالي يمه اركبي
ام فيصل:- لا بس انت هدي واللي يعافيك
فيصل:- اركبي وركب امه غصب ومشى فيها
مها:- حراام عليك جيب امي
بوفيصل:- ارجع الله يهديك

قرب فيصل وام فيصل رافع يدينها وتقول وناااسه
فيصل :- مها شفتي امي احسن منك و تعالي اركبي
مها:- لا ودخلت داخل الخيمه عشان مايغصبها تركب
وبعد ماانتهوا الجال من الدبابات لعبوا البنات وانواع الاستعراضات والوناسه ولما جا الليل
مها:- انا بروح السياره انام
الكل:- مع السلامه

الرجال كلهم ناموا بعديوم تعب من سوالف ولعب

مها بالسياره والظلام دامس عليها كانت مقفله كل الشبابيك ومرجعه الكرسي على ورا ونايمه حست بظل طويل على النافذه فحاولت تفتح عينها ولكنها ماقدرت وصار هذا الظل يضرب الشباك بضربات خفيفه حست انها مافيها قوه تفتح عيونها ورجلينها وقف الدم فيها وصارت ترتجف وفكرت عبث انها بتفتح عيونها وبتزمر عشان اللي يسمعها يجيها وكل شوي يزيد الصوت وتزيد معها نبضات قلبها وخوفها فتحت جزء من عينها وصرخت
فيصل:- يالمهبوله انا فيصل
مها فتحت له الباب:- يمه حراام عليك خوفتني
فيصل جلس بالكرسي اللي جنبها
مها:- هلا تبي شي
فيصل بابتسامه:- واحد واشتاق لزوجته فيها شي
مها ومو مستوعبه الموقف:- نعم
فيصل يناظر السما ويدينه ورى راسه:- مها شوفي السما وجمالها صافيه وفيها قمر انا اتخيله انت وهذول النجوم هم عيالنا اللي ينورون حياتنا
مها :- فيصل
فيصل:- قلب وعمر فيصل
مها سحبت فيصل وطلعته برى السياره :- جد انك فاضي انا نايمه وفزعتني عشان تقول سما وقمر ونجوم
قفلت مها الباب ونامت
فيصل:-هههههه خلني اروح انام احسن

***********

في خيمة ام نايف وبناتها انتبهت ساره على رساله جايتها
ساره بصرخه وفزع:-يمممممممممممممه ناايف
ام نايف بصرخه :- وش فيييييييييييييييييه
ساره خافت على امها:- لا بس طيارته يقولون انها............
ام ناايف:- وش فيها قولي
ساره بتردد:- طاحت
ام نايف ببكا :-يمممممممه ولييييييدي

**********

منصور قرب من خيمة الحريم: السلام عليكم
ام فيصل+ام عبدالله+مشاعل:- وعليكم السلام
منصور:- في احد غريب هنا ولاادخل
ام عبدالله بعد ماتغطت:- لاتفضل امي تصلي بالخيمه الثانيه والباقي نايمين مافي غيري انا اوامك ومشاعل
منصور:- اجل بكلم فهد يجي يفطر معنا الكل هناك نايم بس انا وياه قلت نجي معكم
ام فيصل:- حياكم
كلم منصور فهد
مشاعل بتقوم بس حست من نظرة امها لها انها تقول لها اجلسي وتذكرت كلام امها لها بالبيت عشان يرجعون العلاقه فجلست
فهد:- السلام عليكم
الكل:- وعليكم السلام
جلسوا يفطرون
فهد:- مشاعل عطيني العسل اللي وراك
مشاعل بضيق:- تفضل
فهد:- مشاعل صبي لي حليب
منصور عطا فهد نظره:- وليه انت ماتصب لنفسك
فهد:- هو اقرب لها مني
مشاعل بضيق :-تفضل
قامت مشاعل من مكانها متضايقه من اوامر فهد لها
ولما وصلت مشاعل عند الباب
فهد:- مشاعل

***********

باجر اكمل آآآآخر جزئين
.
.
.
العـــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 23-09-2008, 01:50 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة


هذا الجزء قبل الاخير
والجزء الاخير بنزله الساعه 11

*****

(الجزء الخامس عشر)


منصور قرب من خيمة الحريم: السلام عليكم
ام فيصل+ام عبدالله+مشاعل:- وعليكم السلام
منصور:- في احد غريب هنا ولاادخل
ام عبدالله بعد ماتغطت:- لاتفضل امي تصلي بالخيمه الثانيه والباقي نايمين مافي غيري انا اوامك ومشاعل
منصور:- اجل بكلم فهد يجي يفطر معنا الكل هناك نايم بس انا وياه قلت نجي معكم
ام فيصل:- حياكم
كلم منصور فهد
مشاعل بتقوم بس حست من نظرة امها لها انها تقول لها اجلسي وتذكرت كلام امها لها بالبيت عشان يرجعون العلاقه فجلست
فهد:- السلام عليكم
الكل:- وعليكم السلام
جلسوا يفطرون
فهد:- مشاعل عطيني العسل اللي وراك
مشاعل بضيق:- تفضل
فهد:- مشاعل صبي لي حليب
منصور عطا فهد نظره:- وليه انت ماتصب لنفسك
فهد:- هو اقرب لها مني
مشاعل بضيق :-تفضل

قامت مشاعل من مكانها متضايقه من اوامر فهد لها ولما وصلت مشاعل عند الباب
فهد:- مشاعل
مشاعل بفزع وتركض :- يمه وش صاير صوت بكا وصياح

الكل اتجه مسرع جهة مشاعل ووصلت مشاعل لمصدر الصوت اللي كان من غرفة خالتها وبسرعه فتحت الباب

كانت ام نايف جالسه على الارض وتبكي :- ولدي مااات ولدي رااح
ساره ببكاء:- يمممممممه لاناايف لاااااا
مشاعل بفزع:- ساره, خالتي شفيكم

وصلوا ام فيصل وام عبدالله وبعدهم العنود وريم وساره ونوف وجود سمعوا الصوت وجاو ودخلوا وظلوا منصور وفهد برى الغرفه

ساره وبصعوبه تجمع الكلام من كثر البكاء مو واضح صوتها:- وصلت رساله لي على جوالي تقول ان الطياره اللي فيها ناايف طاحت في البحر

مشاعل انهارت بعد ماسمعت الكلاام كان اخر شي تتوقعه ان ناايف يمووت نايف اللي دخل الطيران عشانها نايف اللي زعلته يمووت وبدون شعور منها وهي في قمة انهيارها من الخبر اللي سمعتها:- لااااااااا مستحيل نااااااااااااااايف مااات , نااااااااااااااايف لااا حي ياخالتي حي
وصارت ام نايف تحضن مشاعل وتبكي :- مشاعل ناايف رااح

مشاعل واثناء ماتحضن خالتها بينها وبين نفسها:- وش فيني بسرعه تاثرت لما عرفت بالخبر مو هذا نايف اللي ماابيه مو هذا نايف اللي رفضته وليه بينت مشاعري لهم المفروض اكون اقوى من كذا وماابين لاحد مشاعري المفروض ادفن مشاعري بيني وبين نفسي أحبك يانايف وحبك عذبني
ام عبدالله بفزع وبكا :- من اللي رسلك
ساره:- خدمة العربيه

فهد وكان يناظر مشاعل بنظرات غضب على موقفها:- وش عرفكم انها رحلة نايف
ساره:- نفس الطيران ونفس البلد
منصور:اخذ جواله ودق على رقم نايف مو عارف ليه سوى كذا بس حاب يتاكد ولكن كانت كل محاولاته بائت بالفشل
وبعد ربع ساعه ومع محاولات منصور المستمره
....... بصوت هاادئ :- هلا
منصور:- نايف وينك وش اللي سمعنا
نايف:- وصلكم الخبر, امي درت
منصور:- ايه مسكينه وهذه جالسه تبكي

ام نايف بمجرد ماسمعت اسم ولدها رجعت فيها الحياه مره ثانيه وصارت بين مصدقه ومكذبه للخبر
منصور:- يعني منت بنايم
نايف:- لا
منصور:- خذ الوالده طمنها

منصور عطا جود الجوال تعطيه خالتها
ام نايف ببكا من الفرحه:- الو ناايف يبه وينك وش فيك
نايف:- يمه الحمد لله انا بخير
ام نايف:- وش فيه صوتك شكلك فيك شي عطني احد جنبك اكلم واتطمن عليك
نايف:- يمه الله يهديك والله مافيني شي بس متضايق يمه على اللي صار له الحادث
ام نايف:- ليه هي ماكانت رحلتك
نايف:- الا يمه بس جانا خبر ان الاحوال الجويه عندهم امطار وغيم وبهالحالات يبدلون الرحله للي هم اكبر منا سن واكثر خبره يمه مسكين زواج بنته بعد شهر
ام نايف:- الله يرحمه وعظم الله اجركم, انشالله انا بكلم ابوك وبنجي
نايف:- لايمه انبسطوا لاتحاتين
ام نايف:- لاانا بجي
نايف :- براحتك
ام نايف:- مع السلامه
نايف:- مع السلامه
حضنت ام عبدالله ام نايف ووبكا:- الحمد لله على سلامته يااختي
ام نايف:- الله يسلمك
ام فيصل حضنت ام نايف وببكا:- يستاهل الحمد ربي على سلامة نايف الله يخليه لك ويبلغك فيه معرس
ام نايف:- الله يسلمك ولا يخوفكم على حبيب لكم
ام فيصل:- المهم اجلسي معنا وهذا انت تطمنتي عليه
ام نايف:- لامااقدر بروح اسمحوا لي
ام عبدالله:- الله يهديك يااختي الحمد لله نايف وبخير اجلسي معنا
ام نايف:- لا بشوف امي بس اذا بتروح معنا
ام عبدالله وام فيصل:- بحفظ الرحمن
نوف:- طيب ساره انت اجلسي معنا
ساره:- لا بروح

ورجعوا ام نايف وعيالها مع الجده للبيت بعد ماقالوا لها السالفه وحمدت ربها ان امها ماعرفت ولا كان تعبت عليهم

*****

في مخيم الرجال
دحوم:- بابا بسالك
فيصل:- هلا بابا
دحم:-الان فيه انسان بس مافي شي اسمه انسانه صح
فيصل:- ايه صح
دحوم:- يعني الرجال انسان
بوفيصل:- ايه
دحوم :- والمراه مافيه انسانه يعني هي حيوانه صح
بوفيصل+بوعبدالله :- استغفر الله
الكل:- ههههههههههههههههههههه
منصور:- اثاريك منت بسهل
فيصل:- هههههههه والله ماسمعتك امك كان ذبحتك
كادي تدخل :- بابا
بوفيصل:- عيونه
كادي:- تقول خالتي العنود عمي متعب الى الان ماجا
بوفيصل:- ايه ماجا

*****

في مخيم الحريم

كادي:- خالتي يقول بابا لا ماجا
ام فيصل:- وش فيك يالعنود هذي سادس مره تسالين عنه تبين شي
العنود:- لا بس ابي اتطمن انه وصل
مشاعل:- طيب دقي عليه جوال
العنود:- مايجاوب الجوال مغلق
ام عبدالله:- يمكنه في مكان مافيه ابراج
ريم:- هو قال للرجال انه بيروح مشوار ضروري وبيرجع لاتحااتين الغايب عذره معه
اما العنود اللي كان بالها بعيد عن الكل تفكر في متعب وسبب تاخيره وعدم جوابه لها وكانت طول الفتره تحاول تدق عليه وتقول في بالها يمكن بنت ابليس مارضت له يرجع وبعدين تقول بس جواله مغلق وزاد خوفها عليه
بعد حوالي الساعه
صوت غريب:- الو
العنود:- الو السلام عليكم
.......:- وعليكم السلام
العنود:- لو سمحت اخوي مو هذا جوال متعب
.......:- من معي ويش تقربين له
العنود خافت من نبرة صوته ووقفت :- خير اخوي متعب فيه شي
.......:- بصراحه متعب زاد علينا بعد الغسيل الكلوي واضرينا نومه وهو الان ماصحى وحبيت اطمنكم لان اتصالاتكم كثيره
العنود بفزع وبكا:- وينه أي مستشفى طمني عليه
الكل انفزع من مكالمة العنود وعرفوا انه بالمستشفى وصار الحريم يبكون وعرفوا الرجال وقررو يمشون له المستشفى
منصور:- ولا كان حنا اخوانه يروح ويجي حشا لو حنا اعدائه يااخي هذا انسان غريب
العنود:- ماحب يخرب عليكم رحلتكم حتى انا مارضالي اروح عشان ماتشكون
بوعبدالله:- صدقت يوم قلت انه انسان غريب

*****

الجده بخوف:- الحمد لله انه سلمك يانايف والله يوم قالوا بعد ماعرفوا انه مو انت بس تعبت عليهم انا كم مره قلت لك اترك عنك هالطيران
ام نايف ببكا:- أي والله الحمد لله انه مو فيها
الجده:- وهو اللي توفى كم عمره
نايف:- تقريبا بالاربعين اكبر بناته زواجها بعد شهر
ساره:- الحمد لله خيره من ربي انك ماكنت بالطائره
نايف:- بس انتوا كيف عرفتوا
ساره:- جتني رساله من العربيه ان الطائره اللي متوجه لنفس البلد اللي انت بتروح لها فقدت الاتصال وبعدين ارسلوا انها طاحت وانا انصدمت وصرت اصارخ وعرفت امي وصارت تبكي وسمعتنا مشاعل جات ولما قلنا لها مسكينه انهارت
ام نايف:- كانت مو مصدقه تضمني وتبكي
ساره:- مسكينه اكثر وحده تاثرت هي
نايف:- الحمد لله بس ان امي ساره ماعرفت الا بعدين تعرفون الزعل مو زين عشانها , يالله تامروني على شي
ام نايف:- وين
نايف:- بروح اعزي وبعدين بروح مع اخوياي تبون شي
ام نايف:- سلامتك
نايف:- الله يسلمك , مع السلامه
الكل:- مع السلامه

*****

في المستشفى

فهد:- ها دكتور طمنا
الدكتور:- والله مااعرف وش اقولكم بس هو اهمل عمره وتضاعفت عنده الحاله
بوعبدالله بفزع:- والحل دكتور
الدكتور:- حاليا يقدر يعيش على غسيل يوم بعد يوم للكلى
منصور:- طيب مافيه علاج ثاني
فيصل:- حتى لو ننقله برى الحمد لله الخير كثير
الدكتور:- الحمد لله الطب عندنا تقدم وجميع دول العالم الان صارت تستعين باطبائنا المهره بس فيه حل ثاني وهو التبرع بكليه
بوفيصل:- سهله هذي انشالله أي واحد منا يتبرع بس المهم صحة اخوي
الدكتور:- على العموم انتوا فكرو وقررو ومثل ماقلت لكم هو بيعيش على الغسيل يوم بعد يوم
بوعبدالله:- الله يسهل دكتور مع السلامه
الدكتور:- الله يطمنكم عليه انشالله , مع السلامه

*****

في بيت متعب كل الحريم مجتمعين

بوعبدالله+بوفيصل+فيصل+فهد +منصور:- السلام عليكم
الكل:- وعليكم السلام
العنود وبصوت باكي :- طمنونا وش قال الطبيب
بوفيصل:- خير انشالله يقول انه يحتاج غسيل يوم بعد يوم
ام عبدالله:- طيب مافيه حل غيره
بوعبدالله:- الا نتبرع له بكليه
ام فيصل:- بوفيصل لاتتركون اخوكم واحد منكم يتبرع له
بوفيصل:- الله يهديك حنا مانبخل عليه بروحنا مو بكليه بس يقول الطبيب ضروري تطابق الانسجه
منصور:- على فكره انا كلمت اختي مزنه وقلت لها عن اخوي وقالت يمكن تنزل خلال هالاسبوع مع عيالها
ام عبدالله:- حرام ماكان روعتوها عليه
فهد:- ضروري عشان نسوي اختبار انسجه واللي يناسبه يتبرع له
فيصل:- ايه مثل ماقال اخوي متى ماجات عمتي رحنا كلنا وحللنا
مشاعل:- الله من زمان عن عمتي مانشوفها الا مره بالسنه
نوف:- تصدقون مااعرف كم عندها من العيال
ام فيصل:- ايه لانها ماتنزل الا وقت المناسبات وبدون عيالها
نوره:- انا اذكر عندها بس ولدين
ام عبدالله:- لاماشالله عندها الان ولدين كبار وبنتين صغار

والكل راح لبيته وتارك العنود بهمها لحالها

العنود صارت تحضن بنتها وتبكي:- لاتخافين ياحبيبتي ماراح تعيشين يتيمه انا اللي بتبرع لابوك
العنود في بالها:- فكري يالعنود لو تبرعتي له وبعدين تعبتي من اللي بيربي بنتك ماراح يربيها غير ريم لامستحيل اخليها تعيش عند زوجة اب او تعيد تجربتي وتروح عند عم يربيها متعب انت غالي بس رند اغلى ماراح اضحي بنفسي عشانك وانت بالنهايه بتاخذ ريم ويمكن تعذب بنتي مستحيل

*****

في الصباح
في المستشفى

العنود:- الحمد لله على سلامتك يامتعب
بوفيصل+بوعبدالله+فيصل+فهد+منصور يبوسون راس متعب:- الحمد لله على سلامتك يالغالي
ام عبدالله+ام فيصل+مها+نوره+مشاعل وجود ونوف:- الحمد لله على سلامتك
متعب:- الله يسلمكم
بوعبدالله:- وش دعوى يااخوي ولاكان حنا اخوانك
بوفيصل:- ايه نسالك وين بتروح وتقول بروح لمشوار
متعب:- ماكان ودي اتعبكم معي وماتوقعت تتضاعف حالتي مع الغسيل بس الحمد لله على كل حال
منصور:- وانت الصادق الحمد لله على كل حال , على فكره تسلم عليك اختي وتقول بتجي بعد اسبوع
بوفيصل:- حصلت حجز
منصور:- ايه
متعب:- الله يهديكم ماكان ازعجتوها
فيصل:- هي اللي اصرت تجي لما عرفت بحالتك
فهد:- انا بكون مرافق معك اليوم عمي
العنود:- لاااسمحولي انا بكون معه
منصور:- لا يام رند انت ارتااحي وانا بكون معه
العنود بنبرة رجاء:- الله يعافيكم ابي اكون عنده مرافقه ابي اتطمن عليه
بوفيصل:- خير انشالله وحنا كل يوم من الفجر عندك والان بمر البيت وباخذ رند معي
العنود:- جزاك الله خير
بعد ماراحوا الزوار
متعب:- العنود جوالي والمحفظه عند الامانات خذيهم معك
العنود :- انشالله بس مافي شي غيرهم
متعب:- لا
متعب سرحان ويفكر يقول ريم اول من عرف عني بس غريبه الى الان مااتصلت ولاجتني تتطمن لايكون صار فيها شي لما سمعت عني انا خابرها حساسه بسم الله عليك يالغاليه
العنود:- متعب ارتااح وراك بكره من الفجر غسيل
متعب:- انشالله

*****

بوعبدالله:- مشاعل تعالي غرفة المكتب ابيك
مشاعل :- انشالله يبه
مشاعل دخلت غرفة المكتب:- هلا يبه
بوعبدالله:- تعالي اجلسي يالغاليه جنبي
وجلست مشاعل قريب من ابوها
بوعبدالله يحرك شعر بنته بحنان:- يالغاليه اليوم جاو ناس وكلموني يبونك لولدهم
مشاعل انصدمت من الخبر ووقفت :- لايبه تكفى يبه ماابي اعرس
بوعبدالله:- وبعدين الى متى بتظلين تردين اللي يجونك هذا خامس واحد اذا انت ماتبين ولد عمك او ولد خالتك خلاص وافقي على واحد غيرهم وانسي الماضي
مشاعل ببكا:- يبه تكفى ماابي اعرس
بوعبدالله بحزن:- يمه الوحده مالها الا بيت زوجها حنا مو دايمين لك وودنا نفرح فيك بس ماراح اغصبك
مشاعل باست راس ابوها وطلعت
منصور داخل البيت:- هلا مشاعل وين ابوك
مشاعل:- داخل في غرفة المكتب
منصور:- انت وش فيك
مشاعل:- لا ولا شي
منصور:- مشاعل بغيتك بموضوع بعد مااطلع من ابوك بجيك غرفتك
مشاعل:- انشالله
راحت مشاعل غرفتها تجر جروحها معها مو عارفه ليه رفضت اللي تقدمو لها هل مازالت تحب نايف او فهد كرها في الرجال واثناء تفكيرها
منصور:- السلام ادخل
مشاعل:- وعليكم السلام , حياك عمي
منصور:- مشاعل ليه رفضتي اللي كلمك ابوك عنه مع انه ماشالله عليه الكل يمدحه
مشاعل:- عمي تكفى ماابي اعرس قفلوا على الموضوع
منصور بابتسامه:- طيب واذا قلت لك عمك نوى يعرس وش تقولين
مشاعل بفرح ووقفت متغربه وفرحانه :- لامستحيل عمي منصور يعرس لا شكلي سمعت غلط عمي قرر يترك العزوبيه
منصور:- ايه
مشاعل:- خلاص من بكره ادور لك احلى بنت واخطبها لك بنت تليق فيك
منصوربقلق ومو عارف كيف يفاتح مشاعل:- ممممممم تذكرين يامشاعل لما مره سالتك عن بنت خالتك اذا مازالت بكشتها
سرحت مشاعل شوي وبعدين قالت:- ايه
منصور:- انت قلتي تبيني اخطبها لك وانا مارديت عليك بس اليوم انا جاي واقولك اني ايه موافق
مشاعل بحزن:- عمي انت اخترت البنت الخطا
منصور بخوف:- ليه وش فيها البنت
مشاعل:- لامافيها شي بس العلاقات بينا الان مو مثل اول يعني احس علاقتها فيني خفت مع انا مازلنا على اتصال ,اجّل ياعمي هالموضوع شوي لين تهدى النفوس
منصور:- خلاص ولايهمك ناجله شوي عشان خاطرك , يالله تامرين على شي
مشاعل:- سلامتك بس وين بدري
منصور:- وراي شغل مع السلامه
مشاعل:- مع السلامه

*****

في المستشفى

الاطباء حول متعب مركبين عليه الاجهزه والانابيب من كل جهه تحيط به انابييب يده ووجهه وكان شكله يكسر الخاطر مو حاس باللي حوله

العنود سرحانه وتقول سبحان الله بني ادم ضعيف اقل مرض يهزه ولا من يصدق متعب الانسان القوي يكون هذا حاله يكسر الخاطر وطاحت دمعه من عينها

العنود:- لامستحيل اتخلى عنك يامتعب انا اللي بتبرع لك وش هالكلام اللي قلتيه يالعنود بالبيت مهما كان هذا ولد عمي هذا بو رند وماراح اتخلى عنه

******

بيت بو فيصل

الكل مجتمعين لحظة وصول العمه ام بدر وعيالها

بوفيصل:- حياك اختي تفضلي ادخلي
ام بدر:- السلام عليكم
الكل :- وعليكم السلام
وقام الكل يسلم على ام فيصل ويتحمد لها بالسلامه
ام بدر:- وشلونه الان اخوي انشالله بخير
ام عبدالله:- الله يلطف بحاله
ام بدر:- ماشالله يامشاعل وجود ونوف ونوره كبرتو
نوف:- أي ياعمتي انت من زمان عنك مانشوفك
ام بدر:- خابره يالغاليه الغربه والسفر بس انشالله ناويه هالمره استقر هنا وازوج بدر خلاص تعبنا من الغربه
ام فيصل:- الله يبشرك بالخير
ام بدر:- ماشالله نوره انت الان باي صف
نوره:- بالجامعه قسم انجليزي
ام بدر:- ماشالله
مها:- وين ياعمتي ريوف وفي
ام بدر:- مع كادي ورند ودحوم يلعبون
ام بدر:- الا متى بنروح المستشفى
ام عبدالله:- بكره انشالله ومره وحده التحاليل
ام بدر:- على خير انشالله الله يقومه بالسلامه لنا انشالله
الكل:- انشالله

*****

في الصباح الكل مجتمع في المستشفى لاجراء التحاليل من اجل معرفة انسب شخص للتبرع بالكليه لمتعب وبعد التحاليل كان وقت انتظاار النتيجه اللي استغرقت اسبوع

******

بعد اسبوع

بو عبدالله بزعل:- كيف يادكتور متاكد اني مااطابق له
الدكتور:- ايه فصيلة دمه نادره وماحصلنا احد منكم يناسبه الا منصور مثل ماقلنا لكم
منصور ومتحمس ووده ينقذ اخوه بعد ماتدهورت حالته:- خلاص دكتور متى نقدر نعمل العمليه
بوفيصل:- طيب مانقدر نحصل متبرع من برى او نسفره برى
منصور:- وشوله المتبرع الغريب وانا اخوه اقدر
بوعبدالله بحنان:- بس انت توك صغير لو انا او بوفيصل ممكن بس انت توك في بداية عمرك
منصور بحزم :- لاتنسون هذا اخوي مثل ماهو اخوكم وافديه بروحي مو بكليتي
بو فيصل يحضن منصور:- هذا العشم فيك يالغالي
واتفقوا انها العمليه تكون يوم الثلاثاء

*****

يوم الثلاثاء اليوم المرتقب للعوائل ولريم اللي بيتحدد فيه هل جسم متعب بيتقبل الجسم الغريب اللي بيدخل له ولا لا كان الجميع يصلي ويذكر ربه ويدعي ربه انه يسلم الاخوين لحظه صعبه على الكل اخوين بنفس الوقت بغرفة العمليات ووفروا تبرع بالدوم لو حدث نزيف لاي واحد منهم لاسمح له من اصحاب نفس فصيلة الدم وكان اهل الخير كثير اللي تبرعوا بعد مرور فتره عصيبه على الكل في انتظار خروج الطبيب واخبارهم بالنتيجه
بوعبدالله بتعب:- الو هلا مشاعل
مشاعل:-هلا يبه ماطلعوا الى الان من غرفة العمليات
بوعبدالله:- لا بس انشالله انهم بخير
مشاعل:- اول مايطلع بشرونا هذا العنود تعبانه نفسيا هي وعمتي وامي يبكون والباقي يهدونهم
بوعبدالله:- لاطمنيهم مافيه الا الخير
لحظة صمت
بوعبدالله:- مشاعل دقايق وادق عليك هذا الدكتور يكلم عمك
بوعبدالله:- هلا وش قال الطبيب
فيصل:- يقول الحمد لله مبدئيا الحاله مستقره
فهد:- بس يحتاجون يكونون بالعنايه 24 ساعه على الاقل
بوفيصل:- ويقول الزياره الان ممنوعه
كلم بوعبدالله الحريم وبشرهم اللي كانت فرحه للكل وقامت العنود تصلي شكر لربها انه رجع لها زوجها سالم هي مالها حد بالدنيا غيره

*****

في اليوم الثاني متعب يفتح عيونه بتعب
متعب:- ابي موووويه
العنود :- انشالله بسال الطبيب اذا اشربك مويه او لا
متعب:- العنود لا اجلسي جنبي حاس اني ضايع بدونك
العنود :- وش هالكلام متعب الله يهديك بس بسال الممرضه
وجلس متعب يفكر بموقف العنود لما سمعت فيه وكيف كانت تبكي منظرها هز متعب من داخله وصحى شي يكنه لا مو عارف هو حب او احترام لهالانسانه مو حاب انها تفارقه ابد وقل تفكيره في ريم اللي من عرفت عنه وهي هاجرته قل تفكيره فيها في حالة وجود العنود
متعب بتعب:- محد كلمني وسال عني
العنود:- لا اخوياك جاووك قبل العمليه وامس كلمني خويك تركي يتطمن عليك بعد العمليه وقال انه متى متى ماسمحوا بزيارتك بيجون يزورونك وطبعا اخوانك وحريمهم وبناتهم وعمتي وعيالها
متعب بضيق:- ايه , بس مافيه غيرهم
العنود:- لا
متعب سرح في ريم هل معقوله تخلت عني في الوقت اللي ابيها فيها وهل كلام تركي صح سؤال جالس يدور في باله

*****

ساره:- يمه من وين جايه
ام نايف:- من بيت حمى اختي متعب اتحمد للعنود بسلامة متعب
ساره:- يله هو طلع
ام نايف :- لا بس انشالله من اسبوع الى اسبوعين وبيطلع
نايف كان في جهه ثانيه من الصاله ويتابع اخبار التلفزيون ولا مستمع لكلامهم
ام نايف:- نايف
نايف يلتفت جهة امه:-يمه
ام نايف:- ودي افرح فيك ياوليدي وانا شايفه لك بنت وودي اخطبها لك
نايف بلا مبالاه:- يمه انشالله تفرحين فيني وفي عيالي وعيال عيالي بس الان انا ماافكر في العرس صدقيني انا من كيفي بجي وبقولك يمه خطيبي وانت اختاري اللي تبينها وش تبين اكثر
ام نايف تهز راسها بحزن:- الله يهديك بس
نايف:- تامرون على شي
ام نايف:- لاسلامتك وين
نايف:- بروح للمخيم مع اخوياي , مع السلامه
ام نايف+ساره:- مع السلامه

*****

بعد خروج متعب من المستشفى كان الاهل كلهم مجتمعين بيت بوفيصل بهالمناسبه

بوفيصل:- سمعنا يابوبدر انك بتستقر هنا انشالله
بوبدر:- ايه خلاص يااخوي ملنا من الغربه ودنا نستقر هنا ونفرح بالعيال
بوعبدالله:- يالله وحشوتنا ودنا نجتمع معكم في اعياد ومناسبات مو تجون زياره سريعه وتروحون وخلوا العيال يتعرفون على بعض
فهد:- طيب ووظيفتك ياعمي بوبدر بالسفاره
بوبدر:- تقاعدت هالسنه
متعب:- الحمد لله ارتحت
بو بدر:- وانت منصور مالك نيه تعرس
فهد:- لا هذا حامل نفس شعاري نعم للعزوبيه لا للعرس
بوبدر:- لا بس اختك ودها تفرح فيك وماراح تتركك الا لما تعرس
منصور:- ومن قالك ان هذا شعاري فهيدان غيرته من جات اختي
فهد:- افاا
منصور:- ودنا نجرب اللي يقولون عنه شهر عسل
بوعبدالله:- اشالله حياتك تكون كلها عسل
منصور:- وانت يابدر هذا اخر سنه لك
بدر:- ايه هذا السنه الاخيره واتخرج
بوفيصل:- مازلت في الهندسه
بدر :- ايه
فهد:- وانت يا مازن
مازن ( ولد العمه الثاني):- انا باللى جامعه
فيصل:- وش تخصصك
مازن:- صيدله
بوفيصل:- يعني بتكون بياع بصيدليه
الكل:- ههههههههه
مازن:- لا طبيب صيدلي يعني اختصاصي الادويه وتصنيفها
بوفيصل:- ماشالله

*****

ام فيصل:- نوره ومشاعل ونوف وجود قوموا الله يعافيكم جهزو سفرة النساء والرجال الاكل جاهز بس رتبوه
البنات :- انشالله
ام بدر:- الحمد لله ان البنات قاموا , ياام فيصل انا جايه اليوم وودي تكون فرحة فرحتين فرحة بسلامة اخوي وودي بعد اخطب نوره لولدي بدر
ام فيصل بفرح:- والله هذا الساعه المباركه ولو هي ذبيحه ماعشتكم بتروح من بيت اهلها لبيت اهلها الثانيين
وصار الكل يبارك لام فيصل بالخطوبه
ام فيصل:- وانشالله الاسبوع الجاي نبارك خطوبة مشاعل
ام عبدالله بنبرة حزن:- آآآآآه ياام فيصل انا محد عال قلبي الا هالبنت على كثر اللي يتقدمون لها ترفض
ام بدر تقرب من ام عبدالله وبصوت هامس:- لاتزعلين يااختي ترى مشاعل غاليه علي وودي فيها لولدي بس حسيت من كلامها انها مو موافقه ولا هي الاكبر والاولى
ام عبدالله:- لا شدعوى كلهم بناتي والله فرحة لنوره مثل فرحتي بخطبة بنت بناتي
ام بدر:- من طيب اصلك
دخلوا البنات:- يالله الاكل جاهلز
وصارو الحريم يسلمون ويضمون نوره ويباركون لها وهي مو عارفه شي عن الموضوع
مشاعل باستغراب:- على ايش تباركون
ام عبدالله:- عمتك خطبت نوره لولدها بدر
وصارو البنات يحضنون نوره ويباركون لها وهي مو عارفه شتسوي من الحيا صعدت فوق وصعدوا وراها البنات
جود:- مبروووووووووك نووره
مشاعل:- مبرووك نوره تستااهلين ماشالله
نوف:- مبروك ماشالله عليك بينطبق عليكم المثل وافق شن طبقه انت تخصصك انجليزي وهو دارس برى
نوره:- الله يبارك فيكم بس ماتمنيته هو
مشاعل باستغراب:- اجل من تمنيتي
نوره:- مازن اخوه
نوف باستغراب:- ليه؟!
نوره:- انا اذكر من حنا صغار ان واحد منهم مو زين واظنه بدر والثاااني قمر واتوقع انه مازن
نوف:- والله انك مهبوله يعني اذا ماوافقتي عليه بيخطبك اخوه , اقول تمسكي فيه ترى يقولون العرسان قالين هاليومين
نوره بفرح:- اكيد بوافق عليه بس تمنيت اخوه
جود:- يالله يالعروس عقبالنا بس انزلوا امي تنادي من زمان
الكل :- يالله

*****

العنود:- متعب وش تبي عشاك اليوم
متعب:- مممم مدري ودي نروح برى نتعشى من زمان ماطلعنا مع بعض
العنود:- يالله أي مطعم
متعب:- تجهزوا وانا بوديكم واحد على ذوقي
فضلت العنود انها تعشي رند بالبيت وتنومها وبعدين لبست وطلعت مع متعب
دخلوا المطعم وكان متعب والعنود ينتظرون في اللوبي تفضى كابينه لان المطعم كان زحمه
متعب:- احسن شي سويتيه انك تركتي رند بالبيت
العنود :- ايه ماودي بازعاج وانا اتعشى ودي اكل على راحتي

بس لفت نظر العنود ان متعب مو منتبه للكلام وكان يناظر بنت

متعب عيونه على بنت كانت لابسه عبايه شفافه ومتحجبه وطالعه من الكابينه مع رجال وانواع الضحك والوناسه دقق فيها وعرف انها ريم وعلى طول جا في باله كلام تركي له لما زاره وساله متعب عن ريم اذا كان شافها قاله تركي ايه بس تحسف وتراجع بكلامه وقاله يامتعب هذي انسانه تافهه ماتناسبك ومثل ماخانت غيرك بتخونك كلام ماقدر يفهم معناه او ماحاول الا لما شاف المنظر قدامه متعب ماتمالك اعصابه وخاصه انه خطيبته مثل مايعتقد وتحدى الكون عشانها اسرع لها ومسكها عند البا
متعب بصرخه:- ريم
ريم بخوف:- متعب
متعب عطا ريم كف قوي عبر فيه عن قضبه وزاد احتقاره وكرهه لها
متعب بحزم:- اخر شي كنت اتوقعه انك تخونيني
ريم بدلع وقوه:- اصحى مو ريم اللي تعيش مع انسان مريض

متعب بعد ماهرب الولد اللي كان معها وتذكر موقف العنود لما كان مريض وكيف كانت تسهر على راحته وهذي تخلت عنه بابسط موقف
متعب:- يالتافهه وجرها من شعرها :- انسى واحد تعرفينه اسمه متعب للاسف كنت احب وحده تافهه حثاله
ريم ومحاوله تحتفظ بما بقي لها من كرامه:- احسن

ودخل متعب
العنود:- خير متعب من هذي
متعب:- لا ماعليك منها
العنود:- شكلك متضايق تبي نرجع البيت
متعب:- لا تخسي الا هي ارجع البيت عشان قابلة وجه هالحثاله لا ويهمك انا زين قومي ندخل هذا كبينه فضت

اثناء الاكل
متعب:- العنود
العنود بابتسامه:- قلب العنود
متعب ويناظر العنود نظرات المعجب المحب: العنود اسف على كل جرح جرحتك اياه العنود حياتي بدونك ماتسوى اكتشفت انك كل شي بحياتي العنود احبك احبك
العنود بخجل:- وانا بعد انت زوجي وحبيبي وابو بنتي الله لايحرمني منك
العنود بخوف وتردد:- من هذي اللي رحت لها برى ريم
متعب:- ايه التافهه ريم
متعب:- اوعدك يالعنود بعيشك الحياه اللي تستاهلين يمكني ماعرفت قدرك الا متاخر بس ياليت نبتدي صفحه جديده واوعدك اعوضك كل شي
العنود:- الله يخليك لنا سالم هذا اهم شي

*****

مشاعل تتصفح موقع بطاقات بالانترنت وعجبتها بطاقه فتحتها وطلع منها صوت محمد عبده


لعيونها بس لعيونها قلبي سراب بدونها
قلبي سراب وعيني سراب مااقول اعشقها بعقل
مجنونها مجنونها مجنونها مجنونها
البارحه مريت في احلى الفصول صيف وشتاء
وناظرتها وقلبي يقول هذي العيون الى متى
حبيبتي ياكثرها عيونك على هالليل وين مالتفت اشوفها
حبيبتي يازينها عيونك ورى هالليل
سحرني برق عيونها مااقول اعشقها بعقل
مجنونها آه مجنونها مجنونها
قمري ياقمري وياشمسي الذهب
سفري ورى عيونك تعب
قلبي تعب وصبري تعب
ومن الهدب لين الهدب
بحر ومراكب من لهب
امواج تبحر برضاها
وامواج تلعب بغضب
لعيونها بس لعيونها قلبي سراب بدونها
قلبي سراب وعيني سراب مااقول اعشقها بغقل
مجنونها مجنونها مجنونها مجنونها

*****

سرحت مشاعل في الاغنيه وهربت دمعه من عينها تفضح مشاعرها واشواقها دمعه تبكي مرور سنه كامله على اهداء نايف لها هذي الاغنيه قفلت مشاعل الموقع ونزلت لاهلها تحت

مشاعل:- السلام عليكم
بوعبدالله+ام عبدالله:- وعليكم السلام
بوعبدالله:- متى نتايجكم يامشاعل
مشاعل:- مع نتايج نوف وجود
ام عبدالله:- الله يستر من نوف شكلها بتخربها باخر السنه
بوعبدالله:- لانوف ماتذاكر ايام عاديه بس بالنهائي تجتهد
مشاعل:- ايه وهي اساسا ماشالله عليها ذكيه تقرى المعلومه مره وحده وتحفظها
بوعبدالله:- على فكره كلمني اخوي بوفيصل ويقول انه حجز تذاكر بعد نتايج الثانوي باسبوع
مشاعل:- ليه وين بنسافر
بوعبدالله:- لبنان
مشاعل بخوف:- كلنا السنه بنسافر مع بعض
ام عبدالله:- ايه ومعنا عمك منصور انبسطي
مشاعل:- لا اقصد بيت عمي بوفيصل وعياله
بوعبدالله:- ايه عمامك عمتك
مشاعل:- لايبه تكفى مانبي نروح
ام عبدالله:- ليه وش فيك
مشاعل:- لا بس كذا ماابي اسافر معهم
بوعبدالله:- مو بكيفك اخوي حجز وانتهى وماقدر اقوله الغي الحجز
مشاعل بضيق:- عن اذنكم بروح انام
وراحت مشاعل غرفتها وصارت تفكر كيف بتروح السنه لبنان وبتجتمع مع فهد بنفس المكان وش ممكن يسوي لها هناك هل بيضايقها او بيتعمد يجرحها وجلست تتذكر احداث السنه الماضيه بلندن مع نايف وصارت تبكي الين نامت
.
.
.
.

*****

العـــزوف

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 23-09-2008, 11:05 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة


(الجزء السادس عشر والاخير)

مشاعل بفرح :-نوف تصدقين من دق علي اليوم
نوف باستغراب :- مين
مشاعل بفرح:-جواهر خويتي وتقول هي في لبنان معنا
نوف :-ماشالله واخيرا طلعوا برى المملكه
مشاعل :-ايه هذي اول مره يسافرون فيها برى المملكه عشان كذا تبي تطلع معنا ونوريها الاماكن وانا وعدتها نروح اليوم مغارة جعيتا
اوكي اكيد بننبسط هناك معها نوف:-
ايه اجهزي انتي ونوف وانا بكلم نوره ونروح مع بعض مشاعل:-
نوف :- اوكي



في مغارة جعيتا

جواهر:- ماشاءلله تبارك الخلاق فيما ابدع كانها نحت ماشالله
مشاعل:-ايه ماشاءلله احجارها وصخورها رائعه في نحتها
ساره:-يالله قوموا نروح المغاره السفلى
وش سفلى جواهر باستغراب:-
عباره عن قارب يمشينا على صخور مثل كذا نوف:-
ماالومك يوم قلتوا نعشق لبنان حياه جديده جواهر:-
خلونا نروح نصلي اول قبل لايطلع الوقت:- جود
- بس مانعرف حنا اتجاه القبله مشاعل:-
جواهر اتجهت لسيده لبنانيه كانت كاشفه
جواهر:- السلام عليكم يااختي ممكن اسالك وين القبله
شوووو , شوووو ابله السيده اللبنانيه:-
قبله , صلاه نبي نصلي جواهر:-
مابعرف شو بتحكي السيده اللبنانيه باستغراب:-
وش ربي بلاني انا , مكه مكه وين جواهر:-
مكه مو هون مكه بالسعوديه اللبنانيه:-
- هههههههه وماحصلتي الا تسالينها هذي مسيحيه الكل:-
- وش عرفني انها مسيحيه جواهر:-
هذي كاشفه ولبسها موساتر على عكس المسلمات هنا معظمهم متحجبات مشاعل :-
وقدروا يعرفون اتجاه القبله ويصلون
وش رايكم نروح مطعم نشرب لنا شي نوره:-
- يالله جواهر :-
دخلوا البنات المطعم
menu please نوره:-
الجرسون:-تفضلي
انا ابي قهوه تركيه مشاعل
نوره:-وانا ابي عصير ليمون بالنعناع
نوف :-وانا كابتشينو
جود:-شوكولا ساخنه
لو سمحت انا جيب لي عرق بلدي جواهر ولفت نظرها اسم غريب بالقائمه:-انتوا طلبتوا اشياء موجوده عندنا بس هذا اسمه بلدي يعني اكيد شي متميزين فيه
الجرسون وهو يناظر جواهر بنظرات استغراب :-بس هيدا ماابينفع الا بالليل
وليه انشاءلله ماينفع الا بالليل على كيفك هو جيبه لي الان انا ابيه الان جواهر باستغراب:-
بس بتعرفي شو هاي الجرسون بنظره خبيثه :-
لا وش عباره عنه جواهر :-
هذي نوع من انواع الخمره الجرسون :-
لا انشاءلله بسم الله علي خمره مره وحده جواهر بخوف :-
قلنا فليها بس مو خمره مشاعل:-
هههههههههههههه الكل:-
خلاص خلاص جيب لي قهوه تركيه اضمن جواهر :-وانا وش عرفني
انشاءلله :-الجرسون



وش رايكم ننزل اليوم بيروت فيصل:-
اكيد بننزل اليوم لاتنسى اليوم حفلة محمد عبده وحنا حاجزين فيها من وحنا في السعوديه متعب:-
منصور :-بس الشياب مو راضين يقولون اليوم محد يطلع من برمانه
من غير مايحسون نطلع فهد :-
يالله وقولوا للبنات حنا حاجزين لنا معهم بس حرصوهم محد يدري :-بدر
فيصل :-انا بكلم زوجتي وهي تبلغ الباقي
مازن :-اوكي

واتجه الكل مشاعل ونوف وجود ومها والعنود ومنصور وفيصل ومتعب وفهد وبدر ومازن لحفلة محمد عبده ماعدا ساره اللي رفضت تروح لانها مو حابه تتواجه مع خطيبها وبعد مااوهموا الشياب انهم بيسهرون في مطعم ببرمانه


في حفلة محمد والكل ينتظر دخول الفنان

مو هذا اللي بالاخر نايف فهد :-
مشاعل شدها الاسم والتفتت
منصور :-أي والله هذا هو عمره مافوت حفله لمحمد بلبنان يالله قوموا شباب نسلم عليهم
واتجهوا الاولاد لطاولة نايف
الكل :-السلام عليكم
بندر+نايف:-وعليكم السلام
نايف :-انتوا هنا معنا بتحضرون الحفل
فيصل :-ايه
بندر :- حياكم اجلسوا
لا اعذرونا معنا الاهل بس حبينا نسلم متعب :-
نايف:- الله يسلمكم ماقصرتوا
يالله مع السلامه الاولاد :-
نايف+بندر :-مع السلامه

دخل الفنان محمد عبده وعلا صوت تصفيق الجماهير له ترحيبا به وابتدى محمد يغني
مشاعل كل ماسمعت اغنيه اهداها اياها نايف او تذكرها بموقف تحاول تسرق النظر له ولكن بالمقابل نايف مو مهتم لها ومندمج مع محمد عبده ويبتسم
مشاعل بضيق:- لا ويقولون اللي يحب عمره مايكره بس هو يكره انا صحيح مااحبه بس هالاغاني ذكرتني بماضي حلو بينا آآآآآآآه منك يانايف آآآآآآآآآآآآه
بعد ثلاث ايام حفلة نانسي وراشد نبي نروحها نوف :-
فهد بعصبيه :-اسمع بس وحده منكم رايحه لها والله لاذبحها
جود :-ليه حرام عليكم نبي نحضرها
لا يعني لا واسمع بس انكم فكرتوا تنزلون بيروت هالفتره اذبحكم منصور:-
انا بطلع احد منكم بيروح معي مشاعل معصبه من موقف نايف وعدم مبالاته ومتضايقه :-
منصور فكر انه يمنعها انها تطلع بس وجود نايف وفهد عشان كذا ماحب يضغط عليها
من بيوديك منصور :-
كلمت السواق مشاعل :-
لا لا خليه يرجع انا برجع معك منصور :-



بعد مرور ثلاث ايام

مشاعل :-الو هلا جواهر
جواهر :- هلا فيك
وينك ماعاد شفناك مشاعل :-
ههه كيفكم مع حفلة محمد عبده انبسطتوا جواهر :-
ايه ياليتك جايه مشاعل :-
جواهر :-حاولت ماحصلت حجز
ايه حنا حاجزين من السعوديه قبل لانجي مشاعل :-
جواهر :-انشالله نعوضها اليوم في حفلة نانسي وراشد بتكون رهيبه
خساره ماراح نقدر نجي مشاعل بضيق :-
ليه جواهر :-
الاولادرافضين وبقوه بعد مشاعل :-
جواهر :-حاولوا تجون تكفون
احاول مشاعل :-
يالله وقولي لي اذا بتجون او لا مع السلامه جواهر:-
انشالله مع السلامه مشاعل :-
نوف :-وش تقول جواهر
تقول حاولوا تجون اليوم حفلة نانسي وراشد مشاعل :-
يالله خلونا نروح جود :-
كيف والاولاد مو راضين مشاعل :-
نروح بدون لايعرفون وهم اساسا قايلين هم مو حاضرينها يعني مستحيل بيعرفون نوره :-
صح فكره مشاعل :-
واتجهوا البنات يتجهزون للحفله وخبروا جواهر اللي اكدت حجزهم
اول ماوصلوا الحفل انصدموا البنات بوجود الاولااد باول صف في المسرح
نوف واتجهة للاولاد :-وهذا اللي يقولون محنا بجايين
فهد بعصبيه :-انتوا وش جابكم حنا مو قايلين لكم لاتجون
مشاعل :-اللي جابكم جابنا
فيصل :-ارجعوا بسررررررعه البيت
نوف :-اوكي بنرجع بس بنخبر اهالينا وزوجاتكم
منصور :-خلاص خلاص اجلسوا
فهد استسلم لكلام عمه ولكنه مازال معصب عليهم



متعب بابتسامه:- العنود
العنود:- عيونها
متعب:- والله اني كنت محروم وانا بعيد عنك يالغاليه عمري مااحسبه الا من يوم زواجي فيك وش رايك بسهرتنا امس
العنود بابتسامه وخدودها محمره:- بصراحه ذكرتني بايام شهر العسل
متعب:- انشالله حياتنا تكون كلها عسل وانشالله ان ربي عطاني طولة العمر مااخلي الابتسامه ماتفارق وجهك



فيصل:- الااقول مها وش رايك اليوم نطلع نسهر لوحدنا من جينا ماعمرنا سهرنا لوحدنا
مها:- ياليت انا انتظر هالفرصه من زمان
فيصل:- تعرفين احيانا الاماكن تضطر الانسان يبوح باللي في قلبه
مها:- مثل ايش
فيصل:- اني احبك واعشق وكل يوم اكتشف اني متيم في حبك



نوره:- السلام عليكم
مشاعل:- وعليكم السلام هلا نوره
نوره:- مشاعل تعالوا بيتنا انت ونوف وجود
مشاعل:- ليه ماتجين انت انت وحده بس حنا ثلاثه
نوره:- لاتعالوا البيت فاضي عشان ناخذ راحتنا بالسوالف ونكلم نجلاء تجي معنا
مشاعل:- انشاء الله
مشاعل:- نوف وجود تقول نوره قوموا فيلتهم مافيه احد هناك
نوف:- انا بروح البس والحقكم
جود:- وانا بعد
مشاعل:- خلاص انا بروح وتعالوا بعدين بس لاتتاخرون
( كانت بيوتهم بلبنان عباره عن اربعة بيوت يفصل بين كل بيت والثاني زراعه ماعدا بين بيت بوعبدالله وبيت بو فيصل بينهم زراعه ومسبح وكل البيوت يحيطهم سور واحد )
مشاعل كانت لابسه بنطلون برمودا وتيشيرت واخذت شال وحطته على كتفها لانها عارفه ان البيت مافيه احد تتغطى منه
مشاعل كانت تمشي بالحديقه بتروح بيت عمها وماخذه راحتها على الآخر وتغني وتهز " حبيبي قرب بص وبص بص زعلان ازعل ازعل آه ونص"
حست مشاعل بوجود شخص عند المسبح بسرعه رفعت الشال وتغطت ودخلت الفيلا
مشاعل:- هلا نوره من برى عن المسبح؟؟
نوره:- مافي احد ليه
مشاعل:- الا انا شفت واحد
نوره:- يمكن فهد
نوره وتناظر من الشباك:- ايه هذا فهد غريبه ماطلع
مشاعل معصبه:- يوووه كان تاكدي انه هنا او لا
نوره:- ليه وش بلاك مافيها شي
مشاعل:- طالعه كذا واغني وتقولين مافيها شي
مشاعل سمعت صوت فهد بسرعه تغطت
فهد:- السلام عليكم
مشاعل+نوره:- وعليكم السلام
اتجهوا نوره ومشاعل لداخل الفيلا
فهد يقطعهم:- مشاعل تعالي
مشاعل بخوف:- نعم
فهد:- حركتك اللي من شوي عارف انك متعمده تسوينها عارف انك تبين تلفتين نظري بس حبيت اقولك ان حركتك هذي قديمه وماتمشي علي
مشاعل مو عارفه تبرر موقفها راحت تركض لنوره بالغرفه وهي تبكي
نوره:- انت معطيته اهميه كبيره هذا طبع فهد يعني اول مره تعرفينه
مشاعل ببكاء:- لا بس هو دايم يقصد يجرحني انا بالذات والله ماكنت اقصد شي حرام عليه ليه يسوي فيني كذا
نوره:- هو مثل اخوك وتحمليه يامشاعل
مشاعل حاولت تهدى عشان خاطر بنت عمها اللي واضح انها مو عاجبها تصرف اخوها بس مابيدها شي



رحلتهم للبنان كانت رحله سريعه وقصيره مثل عادتها العائله كل سنه تصيف بلبنان ولكن ماتطول عشان اعمال الرجال

بوفيصل:- فيصل جهزوا الاغراض من الليله لان بكره من الفجر رحلتنا
بوعبدالله:- انا كل اغراضي مجهزها وانت يامتعب
متعب:- ايه هذا ام رند تجهزها

ورجعوا الكل لارض الوطن بعد رحله حلوه وقصيره



ام عبدالله:- اليوم كلمت اختي وعرفتها انها تعبانه ولها فتره ماطلعت ولا زارت امي وودي نزورها
بوعبدالله:- ليه سلامتها وش فيها
ام عبدالله:- الم في ظهرها يقولون فقرات من الظهر
بوعبدالله:- الله يشافيها متى بترحوون لها
ام عبدالله:- متى ماجهزو البنات
مشاعل بخوف:- لا يمه انا ماني رايحه معكم
ام عبدالله:- ليه
مشاعل:- خلاص انتي سلمي لي عليها وروحي انت وخواتي وانا بعدين اشوفها بيت جدتي
ام عبدالله بحزم:-لا يامشاعل انت اول وحده بتروحين معي يابنت ترى القطاعه مو زينه هذا لك سنه مادخلتي بيت خالتك واذا ربي ماكتب نصيب بينكم انتي وولدها مو معناها ماتدخلين بيتهم هو الان مثل اخوك
مشاعل:- يمه بس انا اشوف خالتي بيت جدتي
ام عبدالله:- ولو لازم تقومين معي نزورها ونايف مثل ماقلتلك مثل اخوك
مشاعل بحزن:- انشالله



ساره:- يمه كلمت خالتي وتقول بتجي هي وبناتها بعد الصلاه
ام نايف:- حياهم الله
نايف:- يالله انا بطلع تامريني على شي يمه
ام نايف بحزن:- لا ياوليدي وين بتروح مايصير كل مايجون بنات خالتك مكان تطلع منه والله حتى خالتك بتزعل
نايف:- عشان ياخذون راحتهم يمه تامرين على شي
ام نايف:- لا سلامتك مع السلامه
نايف:- الله يسلمك مع السلامه



ام عبدالله وبناتها:- السلام عليكم
ام نايف+ساره:- وعليكم السلام
ام عبدالله تبوس راس اختها:- وش فيك يالغاليه ماقلتي لي
ام نايف:- والله يااختي ظهرني ماني عارفه اتحرك
مشاعل:- سلامتك خالتي عسا رحتي الدكتور
ام نايف:- ايه وقال عندك فقرات
نوف:- الظهر علاجه الوحيد نومة الارض
جود:- ولاتحملين شي ثقيل ياخالتي
ام نايف:- لا والله مااحمل ثقيل
ام عبدالله:- الحمد لله على كل شي
ساره:- وش اخبارك خالتي
ام عبدالله:- تمام انت بشريني عنك
ساره:- الحمد لله
نوف:- وين زيد وجوري
ساره:- زيد طالع وجوري نايمه
ام عبدالله:- وش تبين في زيد هو الان رجال والمفروض تتغطون منه
نوف:- لامستحيل بتغطى منه الى يوم زواجه
ام نايف وتبتسم:- ايه هم حسبت خواته
ساره:- مشاعل انا نزلت برنامج جديد للكمبيوتر على جهازي بس مو راضي يشتغل قومي شوفيه يمكن تعرفين له
مشاعل:- يالله وينه فوق
ساره:- ايه تعالي معي غرفتي
وطلعت ساره للغرفه ولحقتها مشاعل
مشاعل لاحظت ان غرفة نايف مفتوحه ومظلمه وعرفت انه موموجود وحست بشي يجذبها للغرفه ماتعرف هل هو فضول او تعود انها تدخلها دايم
دخلت مشاعل الغرفه وفتحت الانوار وبتدت تتنقل عيونها بين اغراضه ولفت نظرها دفتر قربت منه وكان اسمه مذكراتي بخط جميل مدت يدها على الدفتر وحبت تقرأ فيه مو عارفه هل هي مازالت متعلقه في نايف بعد ماكنت تظن انها نسته او حب فضول فتحت الدفتر على اخر مذكره كاتبها

"نبضه من قلبي"
" اليك يامن علمتني الحب , اليكي يامن جعلت الحب يسري في عروقي من اول نظرة لك , اليك يامن تعلمت لاجلها لغة العشق والغرام واصبحت ذلك العاشق المتيم والاسير لنظراتك , من اول يوم رايتك فيه وقلت نعم هاهي ضالتي هاهي نصفي الاخر , تعلمت لااجلك فقط لغة الحب عند العشاق لاصيغه اليك عله يعبر عما بداخلي اليك وكل مرة اراك فيها واجرحك لم اكن لاعنيك بل كنت اجرح نفسي بتلك الكلمات لااعلم لماذا اعمل كل هذا ولكن كل الذي اعلمه ان هناك كلمة لم انطقها بلساني بل نطقتها من اعماق قلبي لاقولها لك
أحـــــــــــبـــــــــك , أحــــــــــــــــبــــــــك , أحــــــــــــــبــــــــــــــك
يامشاعل"



كانت مشاعل مصدومه من الكلام اللي تقراه وانصدمت اكثر لما عرفت انه يقصدها

مشاعل تبكي:- نايف يعني انت تحبني يعني ماتكرهني
مشاعل:- احبك احبك احبك يانايف وماراح اخذ غيرك
مشاعل وهي مازالت مصدومه:- يوه نسيت ساره خلني اطلع قبل لاتعرف اني دخلت
ساره:- وينك
مشاعل:- هلا هذا انا جيت وين البرنامج



في المقهى

نايف:- السلام عليكم
بندر:- وعليكم السلام وينك تاخرت
نايف:- زحمة السيارات انت عارف
بندر:- خير نايف وش الموضوع الضروري اللي تبيني فيه
نايف بابتسامه:- لا بس سمعنا انك بتصير معرس
بندر:- ههههههه لا بس طلبت من امي تدور على بنت الحلال وانت ماودك تعرس
نايف:- خلك مني بس انا ودي اقولك شي
بندر:- سم
نايف :- سم الله عدوك بس انت عارف انك عندي اخوي اللي ماجابته امي ومواقفك معي كثيره وبصراحه ماني عارف كيف اجازيك عليها بس بعرض عليك تتزوج بنت خالتي لانها الوحيده اللي تستاهلك
بندر بذهول:- تقصد مشاعل
نايف:- ايه مشاعل
بندر:- وانت؟
نايف :- لا هي بالنسبه لي مثل اختي
بندر بعد تردد:- نايف بصراحه انا ماحبيت اقولك من اول , انت اول ماصار الخلاف بينك انت وبنت خالتك وانفصلتوا امي راحت واخطبتها والله العالم اني ماعرفت الا لما قالت لي امي بس هي ماوافقت
نايف:- طيب جرب مره ثانيه وانا بكلمها
بندر:- لا مستحيل هي لك وانت لها
نايف:- لا انا قلت لك هي مثل اختي
بندر:- اذا كذا انا بصراحه اشوف امي تبيها بقولها واللي فيه الخير يقدمه رب العالمين
نايف:- الله يوفقكم انشالله



نايف:- السلام عليكم
الكل:- وعليكم السلام
نايف :- هلا خالتي شخبارك
ام عبدالله:- الحمد لله وانت شخبارك
نايف:- الحمد لله

مشاعل من شافت نايف كان ودها تقولها نايف احبك نايف عرفت حبك لي ومانزلت عيونها منه
بالجهه الثانيه نايف حس ان مشاعل عرفت انه مازال يحبها ونظراتها فضحتها وفضحت شوقها وحبها له حاول يتجنب نظراتها بس هي ماعطته فرصه وهالشي اكد له انها عرفت عنه

ام عبدالله:- يالله بنات ابوكم برى
ام عبدالله :- ماتشوفيمن شر يالغاليه
مشاعل+نوف+جود:- ماتشوفين شر خالتي
ام نايف:- الشر مايجيكم
بعد ماطلعوا
ام نايف:- نايف
نايف:- هلا يمه
ام نايف:- ياوليدي ودي افرح فيك واعرسك ماودك اخطب لك
نايف:- يمه خذيها مني صريحه ماراح اتزوج الا لما اضمن ان بنت خالتي توفقت وهي سعيده مع زوجها يمه من حنا صغار الكل يعرف نايف لمشاعل ومشاعل لنايف ماراح اتزوج واظلم بنت الناس الا لما تتوفق بنت خالتي
ام نايف:- الله يوفقكم اثنينكم انشالله



بوفيصل:- ترى ياام فيصل اتصلت اختي تاكد ان الزواج السنه
ام فيصل:- كان حاولت فيها الين تنتهي البنت من دراستها
بوفيصل:- عيت وانا ماني بكاسر بخاطر اختي
ام فيصل:- الله يسعدهم ويوفقهم
بوفيصل:- وانت فهد مالك نيه تعرس
فهد:- الا انشالله لما ارجع من السفر بقولكم تخطبون لي
ام فيصل:- وش سفرته بعد
فهد:- بروح مع اخوياي الامارات بعد اسبوع وبجلس هناك اسبوعين
بوفيصل:- الله يهديك وانت ماتقر بمكانك
ام فيصل :- والله اني خايفه عليك ياوليدي تعرف السفر للشاب مفسده
فهد يبتسم:- لاتخافين على ولدك يمه ذيب



ام عبدالله:- مشاعل تعالي ابيك بغرفتي
مشاعل:- انشاءلله
في الغرفه
مشاعل:- هلا يمه آمريني
ام عبدالله:- مايامر عليك ظالم , بس اليوم جاتني ام بندر تخطبك لولدها وولدها طيار وهي ماعندها غير بندر وبنت وحده وهو يتيم الاب وساله عنه ابوك وقال والنعم فيه
مشاعل:- لا ماابيه
ام عبدالله:- مشاعل المره الاولى لما رفضتيه كنا مقدرين وضعك النفسي بس الان مالك عذر فكري ولاتستعجلين وعطيني خبر
مشاعل بس تبي ترضي امها:- انشالله



نايف:- السلام عليكم
بندر:- وعليكم السلام
نايف :- وش اخبارك بعد مباراة امس
بندر:- والله لعب الشباب ممتاز ويستاهل الفوز اما الهلال داخل بغرور
نايف:- بس والله ماتوقعتها 3/0
بندر:- يالله مو من نصيبهم هالبطوله
نايف:- الا بسالك وش سويت بالموضوع اللي قلت لك عنه
بندر:- راحت امي كلمت خالتك ولهم اربع ايام ماردوا خبر
نايف:- خير انشاء الله انا اكلم خالتي وارد لك خبر
بندر:- نايف ترى الى الان اقولك انت اولى فيها
نايف:- والله انها مثل اختي
بندر:- براحتك



بعد يومين مشاعل بغرفتها يدق جوالها بنغمه ذكرتها بماضي جميل وجروح معها ايه هذي نغمة نايف
مشاعل بتردد:- الو
نايف:- السلام عليكم
مشاعل:- وعليكم السلام
نايف:- مشاعل انا اسف أني كلمتك على جوالك بس حبيت اقولك لاتضيعين بندر من يدك تراه يستاهلك والنعم فيه ولو انه مايستاهلك ماكان مدحتك له وتراك انت مثل اختي وابي مصلحتك انا قلت لك والقرار راجع لك بس هم ارجع واقول لاتضيعين بندر من يدك
مشاعل مصدومه من كلام نايف اخر شي توقعته منه انها يقول لها وافقي على غيري كانت تتوقعه بيقولها اصبري وتحملي لد عمك انا مازلت شاريك كانت عشانه مستعده تتحمل وخاصه بعد ماعرفت حبه لها من مذكراته بس جات طعنته قويه لما طلب منها هالطلب ماعرفت مشاعل وش تقول فقررت انها تقفل الخط
دخلت مشاعل بنوبة بكاء من كلامه وحبت تنتقم منه ماتعرف كيف وليه بس بتنتقم وماحست بنفسها الى وهي قريبه من غرفة اهلها وتضرب الباب
ام عبدالله:- مين
مشاعل:- ايه يمه تعالي لي الغرفه ابيك
ام عبدالله:- انشاء الله
في غرفة مشاعل
ام عبدالله:- هلا مشاعل
مشاعل:- يمه انا موافقه على بندر
ام عبدالله:- اكيد مقتنعه
مشاعل:- ايه يمه
وقامت ام عبدالله وحضنت بنتها وباركت لها وعمت الفرحه بيت العمام والخاله وبيت ام بندر



بوعبدالله:- السلام عليكم
بوفيصل+متعب+منصور+فيصل:- وعليكم السلام
بوعبدالله:- كلمني امس بندر وطلب مني الملكه تكون الاسبوع الجاي انشاء الله
منصور:- وش عنده مستعجل
بوعبدالله:- لا يبي العرس السنه ويادوب يمديهم يجهزون ويبي بعد يتعرف على البنت اكثر
متعب:- وانا اايد كلامك
بوعبدالله:- الخميس انشاء الله الملكه
الكل:- على بركة الله

مر الاسبوع سريع على مشاعل اللي انشغلوا فيها الكل بتجهيز اغراض الملكه

يوم الاربعاء
ام عبدالله :- مشاعل للان ماجهزتي
الكوفير:- لحظات مدام وكل شي بيكون جاهز ماشاء الله عليها ماتحتاج لمكياج هي حلوه من غير شي
مشاعل:- مشكوره
نوف:- يمه جهزتوا الكاسات اللي بيشربون فيها بندر ومشاعل العصير
ام عبدالله:- ايه بالمطبخ
بالصاله اللي كانت عباره عن صالحه مفتوحه وبوسطها درج يطلع لفوق وكانت الملكه عائليه مختصره بناء على رغبة ام بندر
نوف:- خالتي ام بندر كلمي بندر وقولي له يستعد عشان يدخل مع مشاعل ويقطعون الكيك ويشربون العصير
ام بندر:- انشاء الله وكلمت ولدها وتجهز
جود:- شوق واللي يعافيك قولي لاخوك يصعد فوق على بداية الدرج ويمسك يد مشاعل وينزل معها
شوق:- انشالله
شغلوا اغنية العروس لراشد الماجد وطلعت مشاعل من الغرفه وكانت لابسه فستان من تصميم الي صعب ومكياج حلو بارز جمالها و قدامها نوف تصورها مع المصوره وتقدمت الى ان وصلت بداية الدرج صعد بندر ومسك يدها ونزلوا وكان الارتباك مبين عليهم اثنينهم
بندر:- مبروك
مشاعل:- الله يبارك فيك
نزلوا وراحت مشاعل سلمت على جدتها وام بندر وصار الكل يسلم عليها وهربت دمعه من عين امها فرحه بسعادة بنتها وتدعي ربها انه يتمم عليها الفرحه
ومن جهه ثانيه دمعت عين ام نايف اللي تمنت مشاعل لولدها ولكنها ماتنكر فرحتها لبنت اختها
مسك بندر يد مشاعل وقطعوا الكيك وصاروا ياكلون بعض كيك ويشربون بعض عصير
ام عبدالله:- الله يوفقكم ويسعدكم انشالله , يالله يانايف خذ مشاعل وروحوا المجلس عشان تاخذون راحتكم
دخلوا المجلس وكان بوعبدالله في استقبالهم
بوعبدالله:- مبروووووووووووك ياحلى عروسين
بندر:- الله يبارك فيك
بو عبدالله:- حس بتوتر بندر ومشاعل حب يلطف الجو
بوعبدالله:- الا انت وش تشجع يابندر
بندر:- النصر
بوعبدالله:- هههه اجل الله يعينك على مشاعل هي هلاليه متعصبه ويوم المباراه لااحد يكلمها
بندر اكتفى بابتسامه بعد ماحس ان مشاعل انحرجت واحمرت خدودها ونزلت راسها
بوعبدالله:- اتركم تاخذون راحتكم
طلع بوعبدالله
بندر:- كيف الحال
مشاعل بارتباك:- الحمد لله
بندر:- انشاءلله بعد الزواج بتكملين جامعه او لا
مشاعل:- ايه انشاءلله
بندر:- مشاعل تذكرين يوم شوفت السنه لما ضحكتي بعفويه هزيتيني وحلفت من يومها اني احاول دايم اني اسعدك
مشاعل احمر وجهها لماتذكرت الموقف
بندر وقرب من مشاعل ورفع وجهها بيده:- انا شفتك انت ماودك تشوفيني
ابتسمت مشاعل وبعدت راسها عن يده
بندر:- والله انا زوجك وش خايفه منه
بندر:- هههه خلاص انا بطلع بس اذا تبيني ادق عليك عطيني رقمك
مشاعل بحياء:- لا خلاص يكفي اليوم سولفنا
بندر:- ههه ياحلوك وانت مستحيه , لا ياعيوني انت زوجتي وراح اكلمك الليله باخذ رقمك من عمك لاتنامين انتظري مني مكالمه
مشاعل:- انشاء الله
بندر:- مع السلامه
مشاعل:- مع السلامه



نوف:- مشاعل وش هي انطباعاتك الاوليه عن بندر
مشاعل :- بصراحه ماتوقعته خفيف دم وينحب
جود:- قولي حبيته وريحي بالك
مشاعل:- شكلي بصراحه انسان رائع
نوف:- الله يوفقكم ويسعدكم
مشاعل:- عقبال مانفرح فيك انت وجود
نوف:- آآآآآآآآمين
مشاعل يدق جوالها:- يالله اطلعوا
نوف:- ليه
مشاعل:- بكلمه
جود:- ماشاء الله امداه اشتاق
قامت مشاعل طلعتهم وقفلت الباب وراهم



فهد:- السلام عليكم
ام فيصل:- وعليكم السلام
فهد:- وش اخباركم يمه
ام فيصل:- الحمد لله حنا بخير انت اللي وش اخبارك من سافرت ماكلمتنا متى بترجع يبه
فهد:- يمه حقك علي وانا عارف اني غلطان بس كل مااحاول ادق مايشبك
ام فيصل:- ومتى بتجي تراك طولت
فهد:- بعد بكره انشاء الله توصين على شي
ام فيصل:- سلامتك بس اول ماتجي رح لعمك بارك له
فهد:- أي عم؟
ام فيصل:- بوعبدالله
فهد:- ليه؟
ام فيصل:- مشاعل انخطبت وملكت لها اسبوع
فهد:- مشاعل ؟ انخطبت؟ لمين ؟ ومتى
ام فيصل :- خطبها بندر خويكم الطيار وصارت الملكه بسرعه خلال اسبوع
فهد:- خير انشاءلله يالله يمه مع السلامه
ام فيصل:- مع السلامه



بندر:- خلاص حياتي انا بنام الان وانتي
مشاعل:- حتى انا بنام
بندر:- ومتى بتصحين
مشاعل:- الفجر
بندر:- خلاص ان صحيتي دقي علي صحيني
مشاعل:- ليه انت نام ارتاح بكره ماعندك شي
بندر:- لا حاب اول صوت اسمعه صوتك عشان يكون يومي حلو مثلك
مشاعل بحياء:- انشاء الله مع السلامه
بندر:- مع السلامه



بندر:- السلام عليكم
مشاعل:- وعليكم السلام
بندر:- مساء الورد وكل شي حلو بحياتي
مشاعل:- مساء النور
بندر:- الا ماودك تشوفيني بالبدله
مشاعل:- الا ياليت كم مره قلت لك ارسلي صورتك بالبدله
بندر:- وشوله صوره بوريك اياها على الطبيعه دقايق وانا عندك
مشاعل:- حياك
مشاعل نزلت لامها:- يمه بندر الان بيجي
ام عبدالله:- الان وقت نوم وش يجيبه
نوف:- الحب يمه يجيبه
ام عبدالله:- استحي عيب
نوف:- ههه انشاء الله
مشاعل:- المهم يمه انا بروح اجهز الشاهي والقهوه والفطاير بالمجلس
ام عبدالله:- بس لايطول والله ان عرف ابوك ليطرده
مشاعل:- تكفين يمه لاتقولين له
ام عبدالله:- انشاء الله
دق الجرس وراحت مشاعل تركض وفتحت الباب وكان لابس بدلة الطيار وحامل معه هديه عباره عن عطور وكريمات
مشاعل:- حياك مشكور ماكان كلفت على حالك
بندر:- اذا مااهديت زوجتي حبيبتي من اهدي
مشاعل بخجل:- تسلم تفضل
بعد حوالي الساعتين كانت ام عبدالله بالغرفه المجاوره للمجلس ومعليه على صوت القران
بندر:- هههه قولي لعمتي حركتها قديمه ماني بطالع من هنا الا الفجر
مشاعل:- ههههههههههههههه



تصحى مشاعل على صوت جوالها
مشاعل بتكاسل:- الو
فهد:- الو هلا مشاعل
مشاعل بخوف:- مين
فهد:- انا فهد ولد عمك
مشاعل بخوف:- نعم
فهد وهو خانق الدمعه:- بقولك كلمه عمري ماقلتها لك من قبل انا احبك وانا فرطت فيك , انتي غيرتيني , خليتيني , خليتيني اضعف واعترف لك بكلمه عمري مااعترفتها لك ولا لغيرك اني احبك , وكنت كل مره يامشاعل احاول اكلمك قصدي احتك فيك , لكن غروري منعني اعترف لك بحبي , وللاسف غروري ضيعك مني , اول مره شفتك ببيت عمي هزيتيني , ماكنت اتوقع عندي بنت عم بهالجمال مثلك
فهد وصار يبكي:- احبك
فهد وهو معصب ويبكي:- انت فاهمه هالكلمه فاهمتها أحـــــــــــبــــــــــــــك
كانت مشاعل مصدومه من الكلام اللي تسمعه
وفجاه سمعت صوت اصطدام وانقطع الصوت
مشاعل بصراخ:- الوو الوو فهد
خرجت مشاعل مثل المجنونه وتصرخ :- فهد مااااااااااااااااااااااات
بوعبدالله بخوف :- وش تقولين
مشاعل ومو عارفه تشرح الموقف:- فهد كان يكلم وبعدين سمعت صوت تصادم وانقطع الارسال
مشاعل تبكي:- انا السبب

بوعبدالله خرج بسرعه وكلم اخوانه وفيصل وماقالوا لبو فيصل عشان مايفزع على ولده وعرفوا من فيصل انه راجع اليوم من السفر وصاروا يدورون على حادث قريب من المطار وسالوا المستشفيات القريبه والشرطه وكلهم ماعندهم خبر
استمر البحث عدة ساعات والتعب زاد عليهم وفقدوا الامل انهم بيحصلونه

دق رقم فيصل

فيصل:- الو , انشالله هذا حنا جايين
فيصل:- الشرطه تقول في شخص بنفس المواصفات بالمستشفى قوموا نروح
دخلوا بوعبدالله ومتعب ومنصور وفيصل بيت بوفيصل وكان رامين الشماغ من التعب ومنصور متلثم وعيونه مليانه دموع وفيصل يبكي
انفزوعوا بوفيصل وام فيصل من الموقف
بو فيصل بصراخ وفزع:- وش فيكم فهد فيه شي
زاد بكا فيصل وحضن ابوه
ام فيصل:- وش فيه فهد مات
بوعبدالله:- الله حي لايموت
وعم الحزن بيت بوفيصل على وفاة فهد
ام عبدالله:- مشاعل قومي معي عزي عمك ومرت عمك
مشاعل :- انشاءلله
بوعبدالله:- اخوي مشاعل جايه تبي تعزيك
بوفيصل بصراخ:- لا لاتدخل علي خلوها تطلع من بيتي هي اللي ذبحت ولدي
بوعبدالله:- اذكر الله يااخوي هذا يومه
بوفيصل ببكا:- بس نوره تقول انها كان يكلمها وبعدين سمعت صوت الحادث وكانت بنتك تقول وتهلوس انا السبب يعني هي اللي ذبحته لما كلمته اكيد قالت له شي ضايقه خلها تطلع ماابي اشوفها



مرت الايام ثقيله على العائله بسبب حزنهم على وفاة فهد وصار زواج نوره ومشاعل عائلي بسيط مجرد ان كل وحده راحت بيت زوجها بدون مظاهر الفرح



بعد عدة شهور
متعب بفرح:- مبروووووووووووك يااحلى زوجه بالكون
العنود:- كلمت المستشفى
متعب:- ايه وقالوا انك حامل
العنود بخجل:- الله يبارك فيك
متعب:- وين بتروحين
العنود:- بتروش
متعب:- لاتتاخرين بتروش بعدك
العنود استغلت الموقف وحبت تعبر عن حبها لمتعب وبعد ماتروشت بمويه حاره كان فيه بخار على باب الشاور الزجاج كتبت عليه " احبك "
طلعت ودخل متعب اللي تفاجا بحركتها وقرر بكره يسوي لها نفس الحركه



مشاعل:- السلام عليكم
ام عبدالله+بوعبدالله +جود+نوف:- وعليكم السلام
جود:- شكل الحمل متعبك
مشاعل:- أي والله
نوف:- باي شهر انت الان
مشاعل:- الشهر التاسع
بو عبدالله :- الله يهون عليك
ام عبدالله:- عندي لك خبر يامشاعل
مشاعل:- خير يمه
ام عبدالله :- نوف اليوم كلمونا ناس فيها
مشاعل بفرح:- جد مين
ام عبدالله:- خوي عمك ياسر اللي من الشرقيه
مشاعل وتناظر نوف:- اللي قابلناه بالشاليهات
نوف بحيا:- ايه
مشاعل:- مبروووووووك
جود:- الى الان مابعد يصير شي
ام عبدالله:- انشاء الله بيصير
بوعبدالله:- وانا عندي خبر ثاني
مشاعل:- اليوم يوم المفاجات العالمي
بوعبدالله:- منصور كلم اختي تخطب له ساره بنت اختك
الكل:- صحيح بالبركه
ام عبدالله:- والله تستاهل ساره
مشاعل:- عاد هو كان يبيها من زمان
نوف:- واخيرا طلق العزوبيه
جود:- الله يوفقهم



مها:- هلا فيصل وش فيه عمي
فيصل:- آآآه يامها ابوي من بعد وفاة المرحوم زاد عمره 50 سنه قدام صار كانه رجال كبير
مها:- اللي صار مو سهل
فيصل:- أي والله مو سهل الله يرحمه مااحد توقع وفاته
مها:- الا وش اخبار منصور من زمان ماجا
فيصل:- طاير قلبه من الفرحه بالعرس كان مااحد عرس الا هو
مها:- الله يسعدهم



بندر:- السلام
بوعبدالله:- وعليكم السلام
بندر:- ابشرك ياعمي
بوعبدالله بفرح خير بشر
بندر:- مشاعل ولدت وجابت ولد
بوعبدالله بفرح:- الله يبارك فيك وينها الان بالمستشفى
بندر:- ايه
بوعبدالله:- يالله هذا حنا جايين
وعم الفرح بيت ام بندر وام عبدالله وبشروا الاهل والاقارب والكل فرح لمشاعل
في المستشفى
ام عبدالله:- مبروك يابنتي
جود+نوف+شوق+ ام بندر:- مبروك
مشاعل بتعب:- الله يبارك فيكم
نوف:- ماشاء الله عليه يجنن على خالته
مشاعل:- شفتوه
ام بندر:- ايه رحنا وشفناه
شوق:- ايه ماشاء الله قمر
ام بندر:- انا اليوم بجلس معك بالمستشفى
ام عبدالله:- لا انا بجلس ارتاحي انتي ياام بندر
مشاعل:- لامايحتاج انا الحمد لله بخير والطفل مراح يجيبونه الا وقت الرضاعه والطبيب قال يومين و نطلع
ام عبدالله:- براحتك



الرد باقتباس
إضافة رد

قراره الموجه / الكاتبة : انثى مغرورة ، كاملة

الوسوم
جرأه،ورمنسيه،واحاسيس
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6851 17-06-2020 11:50 PM
صرخات الحب / الكاتبة : فراشة الوطن ، كاملة nandetto روايات كامله - يتم نقل الرواية هنا بعد اكتمالها 133 29-05-2019 01:28 PM
روحي لك وحدك / الكاتبة : ريم الحجر ، كاملة روح زايــــد روايات كامله - يتم نقل الرواية هنا بعد اكتمالها 161 15-11-2018 05:47 AM
و اني أحبك / الكاتبة : امازيغية الهوى ، كاملة النجمة القطبية روايات كامله - يتم نقل الرواية هنا بعد اكتمالها 76 28-07-2013 11:12 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 03:29 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1