غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-09-2008, 12:48 AM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
B10 قراره الموجه / الكاتبة : انثى مغرورة ، كاملة


[B] السلام عليكم ورحمة الله وبركاته

حبيت أبتدي مشواري معكم بأول مشاركة لي بقصص كاملة علشان ما يصير حالكم مثل حالي انتظار مع طولت بال بعدين جنون وأخر شي مو مكتمله نقعد شهور والقصة ما اكتملت ( واحترامي لباقي الاعضاء والمشاركين )

*******
إن شاءالله تعجبكم ...

يالله نبدأ ... وابي تشجيع منكم ... اوكي

******


قصة قراره الموجه
للكاتبة / أنثى مغروره *


شخصيات القصه
بيت بوفيصل(عبدالرحمن) اكبر اخوانه عمره(55)سنه يمتلك شركة استيراد وتصدير مع اخوانه متزوج من ام فيصل (لطيفه) عندهم من العيال فيصل عمره 33 سنه متزوج من مها وعنده ولد اسمه عبدالرحمن عمره6 سنوات وبنت اسمها لطيفه وعمرها سنتين والولد الثاني من اولاد بو فيصل فهد عمره 25 سنه شاب فائق الجمال مغرور واللي في راسه بينفذه توه جاي من بريطانيا دارس ادارة اعمال وبعدين نوره عمرها 19 سنه سنه اولى جامعه قسم انجليزي بنت حبوبه واهم شي في حياتها الموضه . كادي عمرها 5 سنوات بنت صغيرونه وحلوه بس عيبها دموعها ماتنتهي كثيرة البكاء على اتفه الاسباب



بيت بو عبدالله (سلطان) اخوبو فيصل رجال عنده خير غني عمره 45 سنه شريك اخوه في الشركه متزوج من منيره , منيره انسانه طيبه لابعد الحدود في الثلاثين من عمرها ماجابت منه الا ثلاث بنات بعدين توقفت عن الولاده لاسباب غير معروفه على الرغم من ان الله منعم عليهم الا ان المال مانفعهم في العلاج ياما حاول بوعبدالله انه يعالج زوجته ولكن مشيئة الله اكبر وبناتهم هم مشاعل عمرها 20 سنه تدرس ثاني جامعه في جامعة الملك سعود قسم نبات عيونها واسعه وسود شعرها ناعم ويميزها ابتسامتها البريئه اللي تجذب كل من يناظرها واللي زايدها جمال وجود شامه صغيره تحت شفايفها وهي بنت تحب تهتم بنفسها انيقه لابعد الحدود وتهتم كثير بمظهرها الخارجي وهي دلوعه وفيها نسبة غرور والبنت الثانيه نوف عمرها 18 سنه تدرس في صف ثالث ثانوي بنت جمالها ناعم ويميزها سواد شعرها ونعوته بنت مرحه لابعد الحدود . والبنت الثالثه جود عمرها 14 سنه آخر العنقود وطلباتها اوامر دلوعة العايله


بيت امتعب الاخ الثاني لبو فيصل له ثلاث سنوات من زواجه متزوج بنت عمه العنود وعنده بنوته صغيرونه اسمها رند عمرها سنتين



منصور عمره 25 سنه عازب جذاب ومرح مهندس ويشتغل في شركة اخوانه ولا فيه احد قادر يسلم من تعليقاته ومقالبه
وباقي الشخصيات بتعرفونها من خلال الاحداث


في الشركة
بوعبدالله( قاعد يرتب الاوراق):- هاه منصور انتهيت من تصميم المشروع
منصور:- لاباقي اللمسات الاخيره كلها يومين بالكثير ونسلم المشروع
بوعبدالله:- تسلم والله يااخوي انت لو الله يفكك من العزوبيه كان انت مافي مثلك اثنين
منصور:- اصلا ومن قال انه فيه مني اثنين
بوعبدالله:- اقول بس عن الهرج الزايد وقم بس معي البيت ترى البنات مأ ذيني ماأجي الا وانت معي
منصور:- سوري مااخذت معي موعد
بوعبدالله:- لاسوري ولالبناني قم بس قم
منصور:- هههههههه خطير والله بوعبدالله يعرف ينكت
بوعبدالله:- قليلا مما عندكم هههههه
وطلعوا من المكتب واتجهوا للبيت


صوت الام تنادي بناتها :- يابنات ابوكم في الطريق تعالوا نجهز الغدا
جود:- انا يمه اعذريني اصغر وحده وحطي همتك في الكبار
نوف:- مصير الصغير يكبر يالله قومي امي وهي كبرك متزوجه وحامل بالمهبوله مشاعل
مشاعل:- مالهبل الا وجهك واحترمي اختك الكبيره وعنادا لكم ماراح اجهز السفره مع امي
الام:- حسبي الله على شيطانكم وهذا حالكم كل يوم كانكم متفقين على هوشه قبل الغدا علشان ماتجهزون السفره محسوبين علي بنات
مشاعل:- يمه ليه الخدم موجودين زيادة عدد حللي رواتبهم خليهم يجهزونها
الام:- مايصير يجهزونها وعمكم جاي على الغدا
بلهفه ردت مشاعل( مشاعل اقرب وحده لعمها منصور) أي عم يمه
جود:- من غيره اللي كل يوم اربعاء عندنا اكيد عمي منصور هو اللي لاحسيب ولا رقيب
نوف:- والله احسن واحد مااحد متمتع بحياته مثل عمي
الام:- هههههههه مااسمعك ابوك كل يوم يزن فوق راسه اعرس وهو مهوب راضي
مشاعل:- والله ياحبني له لاجل عين تكرم مدينه
الام:- اجل قومي خلصيني بدل هالهرج
واتجهوا البنات والام يجهزون السفره




في بيت بوفيصل
فهد:- يمه يمه
ام فيصل:- وش فيك تزعق خير انشاء الله
فهد:- الخير بوجهك يمه كل خير طبعا دامك امي وابوي عبدالرحمن
ام فيصل:-ماورى هالكلام الزين الا مصيبه
فهد:- افاا يمه ماهقيتها انا فهد ولد ام فيصل تجي مني مصايب
ام فيصل:- خلصني قل وش عندك ولا بقوم
فهد:- ماعندي شي بس ولهت عليك يالغلا حرام ؟
ام فيصل:- لا مهوب حرام بس الظاهر ماعندك سالفه اقوم اشوف الغدا ابرك لي الحين يجي ابوك والغدا ماجهز
فهد:- افااااااااا يمه ماهقيتها منك هذا بدل ماتقولين ما تولة علي غالي يا وليدي بس معلوم انا ولد البطه السودا مهوب ولدك
ام فيصل عطت فهد نظره وتوها بتقوم الا............
فهد:- الا يمه وش صار على الموضوع؟
الام:- انا قايله ان وراك بلى أي موضوع؟
فهد:- الفلوس اللي بتاخذينهم من ابوي عشان بسافر للشرقيه مع ربعي
الام:- وين راتبك معقوله ماعندك فلوس في حسابك
فهد:- وش رايك اقصر على نفسي تبين ربعي يقولون ولد بوفيصل اقل من غيره
الام:- قالوا ولا ماقالوا انت وش عليك منهم
فهد"بنظرة جد":- يمه انا اتكلم جد
الام:- بفاتح ابوك في الموضوع على الغدا واذا مارضى ابوك ماراح اعطيك الا 3000
.........:- السلام عليكم
ام فيصل +فهد:- وعليكم السلام
بوفيصل:- هاه ياام فيصل وشعندك مع هالولد
ام فيصل:- تعال جيت بوقتك
فهد بصوت خفيف:- لو طري مليون كان جاني
بوفيصل:- اجل لو طاري مليون يافهيد
فهد:-هههههههههههه و يقوم يحب راس ابوه ماشاء الله عليك يبه كل شي شايب فيك الا اذانك ردارات مهيب اذان
ام فيصل:- بسم الله على بوفيصل توه شباب وش ودك فيه يافهيد
فهد:- اجل وش رايك يايبه مدام امي قالت انك شباب تروح تعرس لك على وحده ثانيه ولاحظ انها شهادة معتمده من امي
بوفيصل:- هههههههههههه مهيب شينه بننظر في الموضوع ( قالها وهو يناظر في ام فيصل)
ام فيصل:-ماسوت علي من كلمه دام المساله فيها عرس لا بالله انت شايب شايب شايب
فهد:- ههههههههه الله الوالده قالتها بالثلاث من قلبها
ام فيصل( وهي قايمه):- هين يافهيد وتبيني اتوسط لك عند ابوك خلاص بروح احط الغدا ابرك
بوفيصل:- وش السالفه وش توسط وش خرابيط
فهد بكل جديه:- بصراحه انا ناوي اروح الشرقيه مع الربع ولازمني فلوس
بوفيصل:- ياولدي ماتلاحظ ان مصاريفك كثرت هاليومين جمع فلوسك بكره تعرس وتحتاج للقرش هذا اخوك معرس ومصاريفه اقل منك
فهد:-هاه يبه بتعطيني او لا؟
بوفيصل:- طيب والشغل ومن عطاك اذن انك تسافر؟
فهد:- يبه يومين ماهي بضاره والحلال حلالنا
بوفيصل:-امرنا لله كم تبي
فهد:- انت كريم وحنا نستاهل يابو فيصل
بو فيصل:- ههههههههه يعني يكفيك 5000
فهد:- توني اقول انك كريم وحنا نستاهل وتقول 5000
بو فيصل:-خلاص بحول لك اللي يرضيك في حسابك
فهد:- مشكور يبه ماتقصر




في بيت بو عبدالله
كل العايله مجتمعه على الغدا مع عمهم
مشاعل:- هاه عمي وش رايك في طبخي
منصور:- آآه بطني وانا اقول الاكل فيه شي اثاري انتي اللي مسويته بالله الاسعاف بسرعه
الكل:- هههههههههههههههههههههههههههههههههههه
نوف:- ماشالله عليها تعبت من الصبح وهي في المطبخ حتى الجامعه ماراحت
جود:- عمي اذا انت طبخت فهي طبخت
منصور يبي يعدلها لانه انحرج من اخوه:- من زود العسل اللي فيه خفت يرتفع السكر عندي فقلت اطلب الاسعاف احتياطا
بوعبدالله:- كانك جالس تتعدى على حقوقي
مشاعل:- هههههههه اموت انا على اللي يغارون
جود:- عمي ماشاء الله عليه ماشي يعوقه قلب كل الموضوع في مصلحته
وفي اثناء ذلك يرن جوال مشاعل
مشاعل:- هلا وغلا تو كنت معك في الجامعه مسرع اشتقتي لي
ساره:- مشكلة الثقه الزايده
مشاعل:- هاه خير وش بغيتي انا اتغدى
ساره:- الله وش غداكم خلي لي شوي
مشاعل:- ماتغديتوا
ساره:- لا راح ننتظر نايف
مشاعل ويدق قلبها:- ليه وينه
وفي هاللحظه منصور يناظرها بنظرات خبث
منصور:- من هو اللي وينه
مشاعل:- السواق
منصور:- متاكده
مشاعل:- عمي وبعدين البنت على الجوال
نوف بصوت واطي:-ياعيني على التصريف
ساره:- خلاص مشاعل بعدين اقولك وش ابي جا القاضي
مشاعل:- مع السلامه
وفي هاللحظه دخل نايف الصاله
نايف:- السلام عليكم طول الوقت ماتملين من هالسوالف؟
ساره:- وعليكم السلام اولا انا مااهذر عالفاضي وثانيا انا جالسه اكلم بنت خالتي
نايف فز قلبه وقال:- ومن هي
ساره بخبث:- وحده من بنات خالتي منيره
نايف واحمر وجهه:- مشاعل
ساره:- ايوه شاطر مشاعل
نايف:- شخبارها؟
ساره:- طيبه
نايف:- بالقطاره تتكلمين ابي اخبارها مهوب الموجز
ساره:- اسفه وش قالوا لك عني وكالة رويتز
نايف:- اقول ضفي وجهك والشرهه على اللي يقابلك وقومي حطي الغدا
ساره و كاتمه الضحكه :- انشالله
بيت الخاله موضي اخت منيره زوجها بونايف اسمه عبدالرحمن موظف في الغرفه التجاريه عندهم اربع بنات وثلاث اولادبكرهم نايف عمره 26 سنه وهو طيار وهو شاب جميل ووسيم لكنه مايوصل وسامة فهد وهو شاب طموح وبعده بنت( ساره) وهي اكبر البنات وصديقة مشاعل الروح بالروح ومعها بنفس القسم, زيد عمره 14 سنه في ثاني متوسط , جوري عمرها 4سنوات
===========================================
في شارع التحليه ستار بكس
فهد وربعه مجتمعين
احمد:- اجل بتفوزون على الطائي
ماجدوهو يفور دمه:- اساسا حنا مانبي الكاس لاننا في مرحلة تجديد
عبدالله:- اقول بلا مرحلة تجديد ابعد عوار الراس عنك وخلك مع...
فهد وهو يقاطعه:- اقول بلا كره بلا هم وش سويتوا مع السفره
عبدالعزيز:- انا احتمال ياشباب مااسافر معكم مقدر اترك اهلي
فهد:- مازلت مصر على هالعرس
عبدالعزيز:- لو علي ماعرست بس حكم القوي
احمد:-طيب اجل ننزل الشرقيه يومين وبعدين نحول للبحرين وش رايكم؟
ماجد:- طبعا اجل وش فايدة الدمام من غير البحرين
فهد:- بس لاتنسون الجوازات
عبدالله:- ننسى روحنا ولاننسى الجوازات
الكل:-ههههههههههههههههههههههههههههههههههههه
بيت متعب
متعب:- هاه حبيبتي جهزتي
العنود:- خذ بنتك وانا انشاء الله عشر دقايق واناعندك
متعب:- لاتطولين ياعمري لاني مواعد واحد من الشباب
العنود:- طيب بس ماقلت لي متى بنروح بيت اخوك بو فيصل
متعب:- والله مااتصلت عليه بس خليها الجمعه مره وحده نتغدى عندهم ونشوف الكل
( متعودين الاخوان يجتمعون كل جمعه على الغدا كل الاهل ولا احد يفوت هالجَمعه)

بيت بوفيصل
ام فيصل:- يلا فهد قم الحين بيصلون الجمعه
فهد:- يمه والله مانمت الا الفجر خليني ربع ساعه بعدين صحيني
ام فيصل وهي طالعه من غرفة فهد تقابل منصور
( ام فيصل راضعه منصور مع فهد وينام عندهم بعض الايام)
منصور:- صباح الخير يالغاليه
ام فيصل:- صباح الخير ياوليدي شلونك يمه؟
منصور:- بخير دامك بصحه وعافيه
ام فيصل:- وش فيك مارحت للمسجد هذا الامام جالس يخطب
منصور وملامح وجهه تعجب:- لاا والله ماشالله متى العرس
ام فيصل:- ههههههههه وش عرسة وش خرابيط الله يقطع شرك انا مدري من اللي المفروض يعرس اقول يمه
منصوروهو مبتسم:- سمي
ام فيصل:- رح صحّ فهد وروحوا صلوا عشان ترجعون بدري
منصور:- تامرين امر اصحيه واصحي ابوه
ام فيصل:- لامشكور لاتصحي ابوه بس صحه هو
منصور:- ههههههههههههه لاتقولوين انك تغيرين
ام فيصل:- اقول قم مدام النفس طيبه عليك
ويتجه منصور غرفة فهد وهو ناوي عليه نيه
دخل منصور غرفة فهد ويلاحظ انها ثلج
منصور:- حسبي الله عليك مهي بغرفه الاسكيمو
اخذ منصور كاس مويه بارده وعلى طول نادى باعلى صوته
منصور:- فــــــــــــــهـــــــــــــــــد وعلى طول يكب المويه على وجهه وهرب
فهد معصب وواصل حده:- اوريك يانصير مردوده
خلصت الصلاة واجتمعوا كل العوايل
مشاعل:-خالتي تبين اساعدك
ام فيصل:- لايابنتي هذا مها معي في المطبخ
مها تدخل الغرفه:-يابنات الله يعافيكم وحده تجي تجهز معي الاغراض
مشاعل:- اجل جيت بوقتي
ويتجهون للمطبخ
ميري (الخدامه):- ماما مها وين حطي انا هذا اكل
مها:- عطيه مشاعل توديه سفرة الرجال
مشاعل وهي تاخذ الاكل ومتجه لغرفة طعام الرجال
مشاعل بعد ماحطت الاكل:- كان السفره تحتاج للمسات ذهبيه
وتبدا مشاعل ترتب السفره
في مجلس الرجال
كل الشباب والرجال مجتمعين وفي هالوقت يرن جوال فهد ويطلع بسرعه من الغرفه ويتجه لغرفة الطعام علشان يكلم احمد
فهد:- اجل بكره
وهو رافع راسه وشاف مشاعل
فهد:- مع السلا........


وهذا الجزء الاول

وابي رايكم ترى مهم عندي
ولولاكم ما تشجعت

بحفظ الرحمن

مع السلامه

العـــزوف


الصور المصغرة
%thread_id%-333.jpg  
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-09-2008, 01:53 AM
hajar02 hajar02 غير متصل
©؛°¨غرامي مشارك¨°؛©
 
الافتراضي رد : قراره الموجه .. قصة كامله .. للكاتبة - انثى مغرورة


بداية موفقة حبيبتي
باين عليها جناااااااااااااااااان
بليز لا تطولين كمليها بسرعة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-09-2008, 03:09 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: قراره الموجه / روايه كامله للكاتبة انثى مغرورة


,‘


وعليكم السلام والرحمه

احسنتي الاختيار
موفقه ان شاء الله




‘,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-09-2008, 02:36 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة


يسلمو حبايبي عالمرور

*****

ومشكورين

*****

وهذا الجزء الثاني بنزله خاص لـ hajar 02
لانها اول ضيفه عندي حياج قلبي
وللكل طبعا


***

العـــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-09-2008, 02:53 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة




( الجزء الثاني)


في مجلس الرجال

بوفيصل:- الا وش سويت يابو عبدالله مع بوناصر
متعب:- وش فيه بو ناصر
بوعبدالله:- طمني وقالي انشالله المناقصه راسيه علينا
منصور:- والله انا مومطمن لهالرجال
بوفيصل:- ماشفنا منه الشينه
متعب لف جهة فهد بعد ماشافه سرحان
متعب:- اللي ماخذ عقلك
فهد:-....................
متعب:- فهد فهيد فهوودي
فهد:-هلا تبي شي
متعب:- شفيك سرحان اللي ماخذ عقلك
فهد:- لا بس انتوا تتكلمون عن الشركه وانا مالي خلق
بوفيصل:- معلوم مالك خلق على الحلال بس لك خلق على السفر والهياته
منصور وجذبه الموضوع:- وش سفرته بعد
فهد:- ابد والله نازلين الشرقيه يومين
منصور:- الشرقيه! مع مين انشالله وغريبة ما قلتلي
فهد:- مع اخوياي يعني مع مين بسافر مع الامير وليام ولا شارلز وبعدين تراني رايح الشرقية مهيب فرنسا
منصوروهو متجاهل تريقة فهد وبكل حزم:- يعني مع مين من الشباب
فهد:- يعني بكون مع مين غير ماجد وعبدالله واحمد
متعب:-اقول فهد بالله سلم لي على الشرقية واحد واحد ههههه
منصور بصوت واطي:- الله يهداك وبعدين انتبة لمتعب وكتفى ببتسامة وما حب يعلق على كلامه000
فهدجالس سرحان وتجاهل تريقة متعب وتحقيقات منصور ويفكر من البنت اللي شافها في غرفة الطعام
فهد في باله:- الحين هذي مشاعل او نوف ؟ يمكن مرت عمي؟ لا لا اظنها مشاعل اذكرها وهي صغيره زينه بس مو لهالدرجه؟ الا الا هذي مشاعل عرفتها من شامتها بس ياحلاتها والله كبرت وحلوة ياحلاة اللبس القصير عليها
فهد بعد ماتعمق في التفكير تكلم بصوت مسموع:- الحين انا وش علي منها
متعب:- من هي اللي ماعليك منها؟
فهد تغيرت ملامح وجهه :- السياره لا لا مدري شفيها
متعب :- شفيها السياره
فهد:- لا بس انا مسوي حادث بس ماابيك تقول لابوي
متعب:- عسا مو خسايره كبيره
فهد:- لا لا بسيطه اهم شي طلعت منها سالم والباقي حديد في حديد
متعب:- الحمد لله بس اترك عنك السرعه الزايده
منصور :- وش مسوي بعد
فهد بصوت واطي:- اوهوو ابتلشنا ابي اصرفها تورطت
فهد:- لالا لا ولا شي رايح شوي وجاي
وطلع من غير مايعطيهم فرصه انهم يكلمونه هربان من اجابة السؤال

*****

مها:- عسى انشالله سفرة الرجال جاهزه
مشاعل:- ايه جاهزه
مشاعل:- تصدقين يامها توني مكتشفه ان فهد ولد عمي بهالزين
مها:- ليه ماتعرفينه من عمره زين
مشاعل:- مدري
مها:- ليه سالتي عنه غريبه
مشاعل:- لا ولا شي جا في بالي وسألت
مها:- اهااااااااااااااااااا
ام فيصل:- ها يبنات جهزتوا الاكل
مها+ مشاعل:- جاهزه
في مجلس النساء
نوف:- وين نوره ياخالتي ام فيصل
ام فيصل:- طالبها خالها وراحت معه القصيم وراجعه الليله
نوف:- ايه وش عليها دخلت الجامعه وضمنت مو انا
ام فيصل:- حتى انتي انشالله تتخرجين وتدخلين الجامعه
نوف:- آآآمين
ام عبدالله:- وش اخبار الوالده يالعنود
العنود:- الحمد لله تحسنت حالتها
ام عبدالله:- الله يشافيها
العنود:- آمين
فجاه نوف:- هههههه
ام عبدالله:- وش بلاك تضحكين وكادي ليه تبكي
نوف:-كالعادة دحومي ولد فيصل يجننها
العنود:- هههه ليه وش قال لها بعد
نوف:- انا اجنن دحومي ولد فيصل واقوله اني انا وكادي رحنا الالعاب ولعبنا باللعبه الجديده وهو قال لي ايه حتى انا لعبت يكذب علي قلت له لا هو توهم حطوها الحين قبل ماتجي رحنا لعبنا وجينا قال ايه حتى انا لعبت وجيت انا كنت راكب وراكم بس انتوا ماانتبهتوا لي وانا احاول ابكيه بس اللي بكت كادي تقول متى رحنا ماتذكروجلست تبكي
الكل:-ههههههههههه
العنود:-وش يسكتها الحين
ام عبدالله:- ماشالله عليه على صغر سنه مااحد غالبه
الكل:- ههههههههههههه
دخلت مها ومشاعل وام فيصل غرفة الحريم
مها:- وش بلاكم تضحكون
جود:- وهل من جديد اكيد على ولدك وكادي
مها+مشاعل+ام فيصل:- ليه وش صار
جود:- قالت لهم كل السالفه
مها:-هههههههه ياحبني له
ام فيصل:- هههه كاني اشوف ابوه متعب وهو صغير
مشاعل:- اتوقعه بيصير شخصيه سياسيه
مها:- لا سياسيه ولا هم انشالله دكتور
جود:- لا بالله بيرفع ضغط المرضى بيجونه متعافين وبيطلعون مراضى
مشاعل:- نفسي مره اشوفه يبكي
دحومي:- ماما ليه كادي كله تبكي
جود:- هههههههه هذي وهي عمتك تقول عنها هالكلام
ام فيصل:- بسكم من كادي وعبدالرحمن قوموا الغدا جاهز

*****

بوفيصل:- يالله قوموا الغدا جاهز
واتجهوا الرجاجيل الى غرفة الطعام
منصور:- الله احب يوم الجمعه عزيز على القلب يتفنون الحريم في الغدا
متعب:- نسينا يوم الجمعه تبكي اذا جا كره في السبت
فيصل:-تذكر فهد اذا جا يوم الجمعه في الليل تظهر جميع انواع الامراض عليك المعديه والغير معديه والله يرحمها جدتي نوره حنونه من تشوفك تغيبك عن المدرسه وانت مبسوط واذا ابتدت الحصه الاولى تختفي منك جميع انواع الامراض عشان مايمداه توديك المدرسه وانت مبسوط
الكل:-ههههههه الله يرحمها حنونه
بوفيصل:- اذا تبي هالسفره كل يوم اعرس
منصور:- الله لهدرجه مثقل عليك انا يخوي
بوفيصل:- لا والله انت تعرف غلاك عندي من غلات فيصل اذا عيالي مثقلين علي انت مثقل بس والله احبك وابي مصلحتك ودي واشوف عيالك
منصور:-هههه امزح ادري اني خفيف بس احب العزوبيه مااقدر استغني عنها
فهد:- بعترف لك يامنصور اعتراف خطير
وعلامة تعجب ارتسمت على وجه الكل
منصور:- اعترف يابوالعريف
فهد:- انت كلك على بعضك ماتعجبني بس اتفق معك في العزوبيه
منصور:-هه ابسط ياعم من قدك طالع على عمك
بوعبدالله:- لاانشالله نفرح فيكم اثنينكم في يوم واحد
متعب:- الله يسمع منك بس مااظن مااقول الا الله يعين اللي بتاخذونهم
منصور وبخبث بصوت خافت:- بس اذا مثل العنود انا راضي
متعب وبعصبيه والشرر يطاير من عيونه:- الزم حدووووودك جعلك ماعرست طول عمرك
منصور:-ههههههههههههه

*****

ام عبدالله:- ماشالله عليك يامها ضابطه كل شي حتى الحلا
جود:- يابخت فيصل فيك اما انا اذا تزوجت ماراح اسوي له شي يحلم بخليه يجيب لي طباخه تطبخ انا كسوله لو علي بيموت جوع
نوف:- مسكين اللي بياخذك امه داعيه عليه
مها:- الا والله يابخته
جود:- يكفيه بس انه اخذ جود هذا اكبر شرف له
مشاعل:-هههه ياحلوه قبلك ثنتين يعرسون بعدين فكري انتي الا على فكره مها وش طريقة الحلا
جود:- ياحياتي مو مشكلتي اذا انتوا مو حلوين وانا حلوه اني انتظركم اللي يجيها معرس اول تاخذه
الكل:-هههههه
ام عبداللهبعصبيه:- عييب بنات وش هالكلام
مشاعل:- الا ماقلتي مها وش طريقة الحلا
مها:- سهل وقالت مها لمشاعل طريقة الحلا
وفي هالاثناء يرن جوال مشاعل
مشاعل:- هلا وغلا
ساره:- هلا فيك وشلونك وش لون خالتي
مشاعل:- بخير الحمد لله وانتي وش اخبارك واش اخبار الاهل
ساره:- انا وامي وابوي واخواني بخير الا الكابتن
مشاعل بخوف:- ليه وش فيه
ساره:- بخير وبخير وبخير
مشاعل:-ههههه سخيفه خوفتيني على فكره انتي ليه داقه علي يوم الاربعاء الظهر بس عشان جوعانه وماتغديتي
ساره:- لا بس كنت بقولك عن محاضره دكتوره اميمه ماحضرتها ابي انقلها منك
مشاعل:- اهاا بس يعني
ساره:- ايه تدرين عني دافوره من يومي من يوم الاربعاء ادق عليك
مشاعل:- ههههههههههه عاد دافوره كثري منها
ساره وهي متجاهله تريقة مشاعل وحبة تحرجها شوي وتلعب بأعصابها :- ليه انتي وش جا ببالك اقولك يعني نايف يسلم عليك مثلا
مشاعل :- سخيفه واللي تسمع لك اسخف تبين شي ليه داقه؟!
ساره وهي ميتة ضحك من طريقة مشاعل:- هههههه اووه ذكرتيني اليوم بيجون عندي الشله وابيك تجين بدري
مشاعل:- ليه من بيجي
ساره:- عبير وجواهر ومي ونجلاء
مشاعل:- يوووه مي وحشتني موت من زمان ماشفتها من ايام الثانوي
ساره:- بس لاتتاخرين تعالي بدري
مشاعل:-لا صعبه اذا جو دقي علي
ساره:- لاتعالي ساعديني
مشاعل:- صعبه اجي ويكون عمي بونايف ونايف موجودين
ساره بخبث:- يعني بذمتك ماودك يكون نايف موجود
مشاعل:- بلا سخافه والله لاقفل التليفون
نوف جالسه جمبها وسمعت اسم نايف:- احلىى السالفه فيها نايف
مشاعل:- اوووهووو وطلعت من الغرفه
ساره:- اصلا نايف بينام بدري لان عنده بكره رحله وابوي في الخرج عن جدي
مشاعل:- وين رحلته
ساره:- ههه مدري شكله لبنان اشوفه هاليومين بس يتكلم عن اهل لبنان وحلاتهم
مشاعل بعصبيه:- اصلا انا وش دخلني بخوك جعله يعرس عليهم كلهم كفوه
ساره:- ههههه متاكده
مشاعل:- ايه وعناد فيك والله مااجي بيتكم
ساره:-ههههه نسينا من قاله ادخل الطيران مسكين ميت على الطب وباشاره منك ابي الطيران صار طيار
مشاعل:- طيب تبين شي
ساره:- يالمهبوله والله اجننك مدري وين بيروح يمكن السودان
مشاعل:- ههههههههه
ساره:- المهم لاتتاخرين
مشاعل :- انشالله
ساره:- مع السلامه
مشاعل:-مع السلامه

*****

نايف كان جالس قريب من ساره يقلب قنوات التلفزيون وسمع المكالمه
نايف:- ساره من بيجيك اليوم
ساره:- خوياتي
نايف:- يعني مين
ساره:- عيب بنات ماتعرفهم
نايف:- طيب اللي اعرفهم قوليهم
ساره:- تبيني اقول مشاعل
نايف:- مبروووووووووك واخيرا فهمتي بتجي او لا
ساره:- ماراح اقولك
نايف:- على العموم مو لازم
نايف حاط براسه مكالمة اخته مع مشاعل بعد ماسمع كل شي وعرف انها راح تجي
نايف:- عالعموم انا طالع لاني بجي بدري بنام بكره عندي رحله واذا تبون أي شي عندكم زيد والسواق انا ماني فاضي
ساره:- انشالله
ام نايف:- زهبتي كل شي
ساره:- ايه يمه مايجون الا كل شي جاهز
ام نايف:- ودقيتي على بنت خالتك دقيت عليهم في البيت محد رد كنت بسولف مع خالتك
ساره:- ايه هم بيت عمهم
ام نايف:- يوه اليوم الجمعه ذكرتيني
ساره:- اقول يمه متى بيجي ابوي
ام نايف:- الليله انشالله
ساره:- انشالله
ساره:- يمه انا بلبس جوري وبدخلها معي بس تكفين يمه ماابي زيود يذيني مثل كل مره خلي لي من هالاكل وطلباته اللي ماتنتهي
ام نايف:- زيد ماهو بفاضي لك بيطلع
ساره:- اريح

*****

مشاعل:- يمه يمه
ام عبدالله:- هلا
مشاعل:- بروح اليوم بيت خالتي مجتمعين البنات
ام عبدالله:- براحتك خلي السواق يوديك بس لاتتاخرين
مشاعل:- يمه خليني اتاخر بكره عندي اوف
نوف: ايه خليها تتاخر وشعليها
مشاعل :- طالعتها بنظره
نوف:- موقصدي اللي ببالك قصدي ان ماوراك ثالث ثانوي وراك اوف
جود:- انا الحين اسمع ان ثالث ثانوي يخوف بس انتي مااشوفك تذاكرين بس تتاذين منه وتغبطين العالم اذكر مشاعل تذبح نفسها
نوف:- ياحبيبتي ذا بالقلب محد يدري عنه يكفي همه اللي في قلبي ومشاعل غبيه لازم تذاكر اما انا مايحتاج وثانيا هي علمي لازم تذاكر اما انا ادبي مهوب لازم اذاكر
مشاعل:- ياحظي الكل يذاكر بس انتي
العنود:- هههه يالله عن اذنكم بروح دق علي متعب
مشاعل:- واللي يعافيك العنود نزلوني بيتنا عشان البس
العنود:- يالله

*****

في السياره

مشاعل:-السلام عليكم
متعب:-وعليكم السلام
مشاعل:-كيف الحال عمي
متعب:-الحمدلله الامشاعل وش عندك رايحه بيتكم بدري
مشاعل:- لابس معزومه بيت خالتي بنت خالتي عندها بنات
متعب:-اهاااااااااااااااااااا

*****

نايف:- هلا يمه
ام نايف:- هلا وليدي
نايف:- جاو البنات
ام نايف:- ايه جت وحده بس مدري من هي
نايف اتجه للمجلس بعدما تطمن انها مو مشاعل وبعد ماتذكر موعد المباراه وينتظر مكالمه من خويه بندر

*****

ساره:- هلا والله بنجلاء
نجلاء:- هلا بك حبيبتي الا ماجاو البنات
ساره:- لا انشالله بيجون الحين
نجلاء:- من بيجي
ساره:- عبير ومي وجواهر ومشاعل
نجلاء :- الا على طاري مشاعل هو صحيح انها مخطوبه لاخوك او هي قاطه عمرها عليكم
ساره بعصبيه وماعجبتها الكلمه:- لا هي محجوزه له من صغرهامن انولدوا وهم مسميين لبعض وكل الاهل عارفين كذا اما الخطوبه رسمي يبي لها انشالله قريب
نجلاء:- بس احس ان مشاعل ماتناسبه نايف ماشالله مركز وجمال بس مشاعل اسمحي لي عاديه ترى اقولك من باب النصيحه انتي مثل اختي
ساره تبي تقفل الموضوع:- مشاعل تستاهل كل خير وهذهم انشالله جايين
نجلاء:- الا يابخته بيعيش حياة عز ملايين ابوها ماطلعتوا من هالزواجه بلوشي
ساره:- اخوي مو قاصره شي وحنا شارين البنت مو فلوس ابوها ومشاعل بنت خالتي وصديقة عمري ومثل اختي وعارفتها ومعروفه بزينها والف واحد يتمناها

*****

مشاعل دخلت بيت خالتها في الحوش ماخذه راحتها عل الاخر بعد مااكدت لها ساره انه مافي البيت رجال وقابلت المرايا اللي بالحوش وهي عباره عن شباك كبير لمجس الرجالونوعية الزجاج عاكس بجيث يبان للي برى مرايه وتعكس الشكل داخل مجلس الرجال ومشاعل تقول في بالها مافي انسب واكبر من هذي المرايه وخصوصا ان نايف نايم وبو نايف مسافر وابتدت تضبط الميك اب وهي طبعها اذا قابلت المرايه تطول تتفحص كل شي فيها
نايف في مجلس الرجال:- خلاص يابندر السفره على لبنان الصبح
(بندر خوي نايف الروح بالروح ويعرف عن حبه لبنت خالته)
نايف:-........
نايف:- ترتفع عينه على النافذه ويشوف بنت في كامل اناقتها وقال لبندر:- بعدين بعدين مع السلامه ويقفل الخط نزل عينه وذكر انها مشاعل وكان يعرف شكلها من مره دخل عليها بالغلط وثانيا مااحد يقدر يدخل البيت في هذا المكان من الحوش الا الاهل وجلس يناظرفيها نظره المشتاق وحس برجفه في جسمه والعرق ينزل من جسمه رغم بروده الغرفه
ومن جهه ثانيه مشاعل مو حاسه باللي يجري ورى المرايه وتضبط تنورتها وبلوزتها وتتعطر ما بقى شي ما ضبطتة
نايف:- اووف كنت اتمنى اشوفها وهي متغطية واليوم تحقق اكبر حلم لي وشفتها بكامل زينتها من قددددددددك ياناااااااااااااااااايف
(وكانت مشاعل لابسه تنوره قصيره الى تحت الركبه شيفون ورديه وبلوزه ورديه شيفون وعليها ايشارب صغير زايد جمالها ومكياج وردي هاااااااااادي بارز ملامحها الحلوه)
راحت مشاعل ودخلت عند البنات
نايف بصوت خافت وبتوسل :- اجلسي دقيقه بس تكفين بس دقيقه

*****

مشاعل:- السلام عليكم
ساره+ نجلاء:- وعليكم السلام ورحمة الله وبركاته
ساره:- ماشالله وش هالحلاه يامشاعل قمر طل علينا
مشاعل بابتسامه خفيفه:- مشكوره حبيبتي انتي القمر
نجلاء وانقهرت من هالكلام:-انبسطي يامشاعل بالمدح دقايق وتجي مي وتغطي عليك هههه
مشاعل بكل غرور:-كل واحد واثق من جماله ياحياتي
ساره بعد ماحست بالاحراج وان الثنتين ماراح يعدون الموقف على خير حبت تغير الموضوع
ساره:-هذااللي بتيجي بدري
مشاعل بابتسامه زادت من جمالها:واصله من ربع ساعه بس تعرفيني لما اقابل المرايه انسى عمري
نجلاء وبكل خبث وتغمزبعينها:متاكده ولاجالسه مع ...................
مشاعل وساره عصبوا من وقاحه نجلاء وساره تناظر مشاعل نظرات ترجي كان حالها يقول تكفين طنشيها
مشاعل وغيرمباليه بنظرات ساره والعصبيه طايره من عيونها:-كلن يرى الناس بعين طبعه حبيبتي
عبير+ جواهر + مي:-السلام على احلى البنات
الكل:-وعليكم السلام
ساره وفي بالها الحمدلله نقذتوني من موقف كبير
مشاعل وبكل لهفه:-وتضم مي والله وحشتيني مووووووووووووووووووت ياميو
جواهر:-احم احم وحنا مالنا من هالحب والوحشه نصيب
عبير:-لا انا وانت ياجواهر بنات السواق كومار محد يشتاق لنا ولايوله علينا
جواهر:-لناالله
الكل:-هههههههههههههههههههههههههههههه
مشاعل :-حرام عليكم والله كلكم لكم وحشه بس ميو من زمااااااااااااااااان من ايام الثانوي ماشفتهاوانتوا كل يوم اشوفكم في الجامعه
ساره:-يكفي عليك ياجواهر انك توحشين سعود
جواهر:-ايه والله ياحبني له سعود
نجلاء:-احم احم الله يعلم كانه جد توحشينه ولالا
مشاعل بكل جرئه:-اعوذ بالله من شرك اتركي البنت في حالها
ساره تبغى تغير السالفه:-اقول بنات بلا هرج زايد كلكم صوتوالهشام
عبير:-عذروني ماراح اصوت مااحب ارمي فلوسي على هالخرابيط لكن هذا مايمنع ان معزته بقلبي
نجلاء بصوت خافت:-الا قولي من البخل الزايد

*****

فهد جالس يضبط حاله وشنطته للسفر بيسافر من الفجر
ويرن جواله
فهد:-الووو
نوره:-هلا فهد بلغ امي اني ماراح انزل اليوم الرياض
فهد:-وليه ماتقولين انت لها
نوره:-فهد تكفى امي راح تعصب علي وبتهاوشني
فهد:-وليه ماتجين اليوم
نوره:-بجي بكره قلت لك انامبسوطه مع بنات خالي
فهد مومعطيها اهميه:-يالله يالله بسكر بروح الحمام الان بنزل اللي في بطني ماسكها لي سنه
ويسمع صوت ضحكات كثيره من الجوال
نوره :-يالدبشه اناحاطه سبيكر وحولي كله بنات فشلتنا
ويسكرفهد السماعه لاشعوري
وبعدها ارسل مسج(اعتذري لهم ولوفيه وحده معجبه فيني عطيهاالرقم)
البنات:-ههههههههههههههههههه
ريم:-اخوك علني يانوره
مضاوي:-والله واثق الاخ
لينا:-عسى بس الرقم مميز
دانه:-اقول ولد عمتي يمزح
وبعدها ارسل مسج ثاني(اعتذري لهم وبوسيهم بالنيابه عني)
الكل:-ههههههههههههههه
ريم + مضاووي + لينا:-جد يمزح ههههههههههههههههههه

****

ساره:-جواهر+ مي + عبير لاطولون الغيبه
الكل:-ان شالله مع السلامه
ساره:لاتزعلون على كلام نجلاء
جواهر:-لا متعودين عليها بس ريحتنا وراحت بدري
مشاعل:-والله لو مارحت كان انا اللي طلعت مابقى احد ماسلم من لسانها
عبير:-الله يهديها
الكل:-مع السلامه
ساره:- مع السلامه
مشاعل:-قبل مايجي عمي منصور ودي اسلم على خالتي000

*****

نايف يكلم حاله :-يالله خلوني اطلع وانام شكلها طلعت وانا بكره وراي رحله من الصبح ويكفيني اليوم اني شفتها

/

/

/

نهاية الجزء الثاني

وهالمره ابي الردود كثيره

تحياتي للجميع

العــــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-09-2008, 04:41 PM
صورة نجوم النهار الرمزية
نجوم النهار نجوم النهار غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة


اقتباس:
المشاركة الأساسية كتبها العـــزوف مشاهدة المشاركة
[b] السلام عليكم ورحمة الله وبركاته

حبيت أبتدي مشواري معكم بأول مشاركة لي بقصص كاملة علشان ما يصير حالكم مثل حالي انتظار مع طولت بال بعدين جنون وأخر شي مو مكتمله نقعد شهور والقصة ما اكتملت ( واحترامي لباقي الاعضاء والمشاركين )

*******
إن شاءالله تعجبكم ...

يالله نبدأ ... وابي تشجيع منكم ... اوكي

******


قصة قراره الموجه
للكاتبة / أنثى مغروره *


شخصيات القصه
بيت بوفيصل(عبدالرحمن) اكبر اخوانه عمره(55)سنه يمتلك شركة استيراد وتصدير مع اخوانه متزوج من ام فيصل (لطيفه) عندهم من العيال فيصل عمره 33 سنه متزوج من مها وعنده ولد اسمه عبدالرحمن عمره6 سنوات وبنت اسمها لطيفه وعمرها سنتين والولد الثاني من اولاد بو فيصل فهد عمره 25 سنه شاب فائق الجمال مغرور واللي في راسه بينفذه توه جاي من بريطانيا دارس ادارة اعمال وبعدين نوره عمرها 19 سنه سنه اولى جامعه قسم انجليزي بنت حبوبه واهم شي في حياتها الموضه . كادي عمرها 5 سنوات بنت صغيرونه وحلوه بس عيبها دموعها ماتنتهي كثيرة البكاء على اتفه الاسباب



بيت بو عبدالله (سلطان) اخوبو فيصل رجال عنده خير غني عمره 45 سنه شريك اخوه في الشركه متزوج من منيره , منيره انسانه طيبه لابعد الحدود في الثلاثين من عمرها ماجابت منه الا ثلاث بنات بعدين توقفت عن الولاده لاسباب غير معروفه على الرغم من ان الله منعم عليهم الا ان المال مانفعهم في العلاج ياما حاول بوعبدالله انه يعالج زوجته ولكن مشيئة الله اكبر وبناتهم هم مشاعل عمرها 20 سنه تدرس ثاني جامعه في جامعة الملك سعود قسم نبات عيونها واسعه وسود شعرها ناعم ويميزها ابتسامتها البريئه اللي تجذب كل من يناظرها واللي زايدها جمال وجود شامه صغيره تحت شفايفها وهي بنت تحب تهتم بنفسها انيقه لابعد الحدود وتهتم كثير بمظهرها الخارجي وهي دلوعه وفيها نسبة غرور والبنت الثانيه نوف عمرها 18 سنه تدرس في صف ثالث ثانوي بنت جمالها ناعم ويميزها سواد شعرها ونعوته بنت مرحه لابعد الحدود . والبنت الثالثه جود عمرها 14 سنه آخر العنقود وطلباتها اوامر دلوعة العايله


بيت امتعب الاخ الثاني لبو فيصل له ثلاث سنوات من زواجه متزوج بنت عمه العنود وعنده بنوته صغيرونه اسمها رند عمرها سنتين



منصور عمره 25 سنه عازب جذاب ومرح مهندس ويشتغل في شركة اخوانه ولا فيه احد قادر يسلم من تعليقاته ومقالبه
وباقي الشخصيات بتعرفونها من خلال الاحداث


في الشركة
بوعبدالله( قاعد يرتب الاوراق):- هاه منصور انتهيت من تصميم المشروع
منصور:- لاباقي اللمسات الاخيره كلها يومين بالكثير ونسلم المشروع
بوعبدالله:- تسلم والله يااخوي انت لو الله يفكك من العزوبيه كان انت مافي مثلك اثنين
منصور:- اصلا ومن قال انه فيه مني اثنين
بوعبدالله:- اقول بس عن الهرج الزايد وقم بس معي البيت ترى البنات مأ ذيني ماأجي الا وانت معي
منصور:- سوري مااخذت معي موعد
بوعبدالله:- لاسوري ولالبناني قم بس قم
منصور:- هههههههه خطير والله بوعبدالله يعرف ينكت
بوعبدالله:- قليلا مما عندكم هههههه
وطلعوا من المكتب واتجهوا للبيت


صوت الام تنادي بناتها :- يابنات ابوكم في الطريق تعالوا نجهز الغدا
جود:- انا يمه اعذريني اصغر وحده وحطي همتك في الكبار
نوف:- مصير الصغير يكبر يالله قومي امي وهي كبرك متزوجه وحامل بالمهبوله مشاعل
مشاعل:- مالهبل الا وجهك واحترمي اختك الكبيره وعنادا لكم ماراح اجهز السفره مع امي
الام:- حسبي الله على شيطانكم وهذا حالكم كل يوم كانكم متفقين على هوشه قبل الغدا علشان ماتجهزون السفره محسوبين علي بنات
مشاعل:- يمه ليه الخدم موجودين زيادة عدد حللي رواتبهم خليهم يجهزونها
الام:- مايصير يجهزونها وعمكم جاي على الغدا
بلهفه ردت مشاعل( مشاعل اقرب وحده لعمها منصور) أي عم يمه
جود:- من غيره اللي كل يوم اربعاء عندنا اكيد عمي منصور هو اللي لاحسيب ولا رقيب
نوف:- والله احسن واحد مااحد متمتع بحياته مثل عمي
الام:- هههههههه مااسمعك ابوك كل يوم يزن فوق راسه اعرس وهو مهوب راضي
مشاعل:- والله ياحبني له لاجل عين تكرم مدينه
الام:- اجل قومي خلصيني بدل هالهرج
واتجهوا البنات والام يجهزون السفره




في بيت بوفيصل
فهد:- يمه يمه
ام فيصل:- وش فيك تزعق خير انشاء الله
فهد:- الخير بوجهك يمه كل خير طبعا دامك امي وابوي عبدالرحمن
ام فيصل:-ماورى هالكلام الزين الا مصيبه
فهد:- افاا يمه ماهقيتها انا فهد ولد ام فيصل تجي مني مصايب
ام فيصل:- خلصني قل وش عندك ولا بقوم
فهد:- ماعندي شي بس ولهت عليك يالغلا حرام ؟
ام فيصل:- لا مهوب حرام بس الظاهر ماعندك سالفه اقوم اشوف الغدا ابرك لي الحين يجي ابوك والغدا ماجهز
فهد:- افااااااااا يمه ماهقيتها منك هذا بدل ماتقولين ما تولة علي غالي يا وليدي بس معلوم انا ولد البطه السودا مهوب ولدك
ام فيصل عطت فهد نظره وتوها بتقوم الا............
فهد:- الا يمه وش صار على الموضوع؟
الام:- انا قايله ان وراك بلى أي موضوع؟
فهد:- الفلوس اللي بتاخذينهم من ابوي عشان بسافر للشرقيه مع ربعي
الام:- وين راتبك معقوله ماعندك فلوس في حسابك
فهد:- وش رايك اقصر على نفسي تبين ربعي يقولون ولد بوفيصل اقل من غيره
الام:- قالوا ولا ماقالوا انت وش عليك منهم
فهد"بنظرة جد":- يمه انا اتكلم جد
الام:- بفاتح ابوك في الموضوع على الغدا واذا مارضى ابوك ماراح اعطيك الا 3000
.........:- السلام عليكم
ام فيصل +فهد:- وعليكم السلام
بوفيصل:- هاه ياام فيصل وشعندك مع هالولد
ام فيصل:- تعال جيت بوقتك
فهد بصوت خفيف:- لو طري مليون كان جاني
بوفيصل:- اجل لو طاري مليون يافهيد
فهد:-هههههههههههه و يقوم يحب راس ابوه ماشاء الله عليك يبه كل شي شايب فيك الا اذانك ردارات مهيب اذان
ام فيصل:- بسم الله على بوفيصل توه شباب وش ودك فيه يافهيد
فهد:- اجل وش رايك يايبه مدام امي قالت انك شباب تروح تعرس لك على وحده ثانيه ولاحظ انها شهادة معتمده من امي
بوفيصل:- هههههههههههه مهيب شينه بننظر في الموضوع ( قالها وهو يناظر في ام فيصل)
ام فيصل:-ماسوت علي من كلمه دام المساله فيها عرس لا بالله انت شايب شايب شايب
فهد:- ههههههههه الله الوالده قالتها بالثلاث من قلبها
ام فيصل( وهي قايمه):- هين يافهيد وتبيني اتوسط لك عند ابوك خلاص بروح احط الغدا ابرك
بوفيصل:- وش السالفه وش توسط وش خرابيط
فهد بكل جديه:- بصراحه انا ناوي اروح الشرقيه مع الربع ولازمني فلوس
بوفيصل:- ياولدي ماتلاحظ ان مصاريفك كثرت هاليومين جمع فلوسك بكره تعرس وتحتاج للقرش هذا اخوك معرس ومصاريفه اقل منك
فهد:-هاه يبه بتعطيني او لا؟
بوفيصل:- طيب والشغل ومن عطاك اذن انك تسافر؟
فهد:- يبه يومين ماهي بضاره والحلال حلالنا
بوفيصل:-امرنا لله كم تبي
فهد:- انت كريم وحنا نستاهل يابو فيصل
بو فيصل:- ههههههههه يعني يكفيك 5000
فهد:- توني اقول انك كريم وحنا نستاهل وتقول 5000
بو فيصل:-خلاص بحول لك اللي يرضيك في حسابك
فهد:- مشكور يبه ماتقصر




في بيت بو عبدالله
كل العايله مجتمعه على الغدا مع عمهم
مشاعل:- هاه عمي وش رايك في طبخي
منصور:- آآه بطني وانا اقول الاكل فيه شي اثاري انتي اللي مسويته بالله الاسعاف بسرعه
الكل:- هههههههههههههههههههههههههههههههههههه
نوف:- ماشالله عليها تعبت من الصبح وهي في المطبخ حتى الجامعه ماراحت
جود:- عمي اذا انت طبخت فهي طبخت
منصور يبي يعدلها لانه انحرج من اخوه:- من زود العسل اللي فيه خفت يرتفع السكر عندي فقلت اطلب الاسعاف احتياطا
بوعبدالله:- كانك جالس تتعدى على حقوقي
مشاعل:- هههههههه اموت انا على اللي يغارون
جود:- عمي ماشاء الله عليه ماشي يعوقه قلب كل الموضوع في مصلحته
وفي اثناء ذلك يرن جوال مشاعل
مشاعل:- هلا وغلا تو كنت معك في الجامعه مسرع اشتقتي لي
ساره:- مشكلة الثقه الزايده
مشاعل:- هاه خير وش بغيتي انا اتغدى
ساره:- الله وش غداكم خلي لي شوي
مشاعل:- ماتغديتوا
ساره:- لا راح ننتظر نايف
مشاعل ويدق قلبها:- ليه وينه
وفي هاللحظه منصور يناظرها بنظرات خبث
منصور:- من هو اللي وينه
مشاعل:- السواق
منصور:- متاكده
مشاعل:- عمي وبعدين البنت على الجوال
نوف بصوت واطي:-ياعيني على التصريف
ساره:- خلاص مشاعل بعدين اقولك وش ابي جا القاضي
مشاعل:- مع السلامه
وفي هاللحظه دخل نايف الصاله
نايف:- السلام عليكم طول الوقت ماتملين من هالسوالف؟
ساره:- وعليكم السلام اولا انا مااهذر عالفاضي وثانيا انا جالسه اكلم بنت خالتي
نايف فز قلبه وقال:- ومن هي
ساره بخبث:- وحده من بنات خالتي منيره
نايف واحمر وجهه:- مشاعل
ساره:- ايوه شاطر مشاعل
نايف:- شخبارها؟
ساره:- طيبه
نايف:- بالقطاره تتكلمين ابي اخبارها مهوب الموجز
ساره:- اسفه وش قالوا لك عني وكالة رويتز
نايف:- اقول ضفي وجهك والشرهه على اللي يقابلك وقومي حطي الغدا
ساره و كاتمه الضحكه :- انشالله
بيت الخاله موضي اخت منيره زوجها بونايف اسمه عبدالرحمن موظف في الغرفه التجاريه عندهم اربع بنات وثلاث اولادبكرهم نايف عمره 26 سنه وهو طيار وهو شاب جميل ووسيم لكنه مايوصل وسامة فهد وهو شاب طموح وبعده بنت( ساره) وهي اكبر البنات وصديقة مشاعل الروح بالروح ومعها بنفس القسم, زيد عمره 14 سنه في ثاني متوسط , جوري عمرها 4سنوات
===========================================
في شارع التحليه ستار بكس
فهد وربعه مجتمعين
احمد:- اجل بتفوزون على الطائي
ماجدوهو يفور دمه:- اساسا حنا مانبي الكاس لاننا في مرحلة تجديد
عبدالله:- اقول بلا مرحلة تجديد ابعد عوار الراس عنك وخلك مع...
فهد وهو يقاطعه:- اقول بلا كره بلا هم وش سويتوا مع السفره
عبدالعزيز:- انا احتمال ياشباب مااسافر معكم مقدر اترك اهلي
فهد:- مازلت مصر على هالعرس
عبدالعزيز:- لو علي ماعرست بس حكم القوي
احمد:-طيب اجل ننزل الشرقيه يومين وبعدين نحول للبحرين وش رايكم؟
ماجد:- طبعا اجل وش فايدة الدمام من غير البحرين
فهد:- بس لاتنسون الجوازات
عبدالله:- ننسى روحنا ولاننسى الجوازات
الكل:-ههههههههههههههههههههههههههههههههههههه
بيت متعب
متعب:- هاه حبيبتي جهزتي
العنود:- خذ بنتك وانا انشاء الله عشر دقايق واناعندك
متعب:- لاتطولين ياعمري لاني مواعد واحد من الشباب
العنود:- طيب بس ماقلت لي متى بنروح بيت اخوك بو فيصل
متعب:- والله مااتصلت عليه بس خليها الجمعه مره وحده نتغدى عندهم ونشوف الكل
( متعودين الاخوان يجتمعون كل جمعه على الغدا كل الاهل ولا احد يفوت هالجَمعه)

بيت بوفيصل
ام فيصل:- يلا فهد قم الحين بيصلون الجمعه
فهد:- يمه والله مانمت الا الفجر خليني ربع ساعه بعدين صحيني
ام فيصل وهي طالعه من غرفة فهد تقابل منصور
( ام فيصل راضعه منصور مع فهد وينام عندهم بعض الايام)
منصور:- صباح الخير يالغاليه
ام فيصل:- صباح الخير ياوليدي شلونك يمه؟
منصور:- بخير دامك بصحه وعافيه
ام فيصل:- وش فيك مارحت للمسجد هذا الامام جالس يخطب
منصور وملامح وجهه تعجب:- لاا والله ماشالله متى العرس
ام فيصل:- ههههههههه وش عرسة وش خرابيط الله يقطع شرك انا مدري من اللي المفروض يعرس اقول يمه
منصوروهو مبتسم:- سمي
ام فيصل:- رح صحّ فهد وروحوا صلوا عشان ترجعون بدري
منصور:- تامرين امر اصحيه واصحي ابوه
ام فيصل:- لامشكور لاتصحي ابوه بس صحه هو
منصور:- ههههههههههههه لاتقولوين انك تغيرين
ام فيصل:- اقول قم مدام النفس طيبه عليك
ويتجه منصور غرفة فهد وهو ناوي عليه نيه
دخل منصور غرفة فهد ويلاحظ انها ثلج
منصور:- حسبي الله عليك مهي بغرفه الاسكيمو
اخذ منصور كاس مويه بارده وعلى طول نادى باعلى صوته
منصور:- فــــــــــــــهـــــــــــــــــد وعلى طول يكب المويه على وجهه وهرب
فهد معصب وواصل حده:- اوريك يانصير مردوده
خلصت الصلاة واجتمعوا كل العوايل
مشاعل:-خالتي تبين اساعدك
ام فيصل:- لايابنتي هذا مها معي في المطبخ
مها تدخل الغرفه:-يابنات الله يعافيكم وحده تجي تجهز معي الاغراض
مشاعل:- اجل جيت بوقتي
ويتجهون للمطبخ
ميري (الخدامه):- ماما مها وين حطي انا هذا اكل
مها:- عطيه مشاعل توديه سفرة الرجال
مشاعل وهي تاخذ الاكل ومتجه لغرفة طعام الرجال
مشاعل بعد ماحطت الاكل:- كان السفره تحتاج للمسات ذهبيه
وتبدا مشاعل ترتب السفره
في مجلس الرجال
كل الشباب والرجال مجتمعين وفي هالوقت يرن جوال فهد ويطلع بسرعه من الغرفه ويتجه لغرفة الطعام علشان يكلم احمد
فهد:- اجل بكره
وهو رافع راسه وشاف مشاعل
فهد:- مع السلا........


وهذا الجزء الاول

وابي رايكم ترى مهم عندي
ولولاكم ما تشجعت

بحفظ الرحمن

مع السلامه

العـــزوف
[/list]رواية جميلة ورائعة ارجو منك ان تكمليها في اسرع وقت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-09-2008, 07:06 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة


هلا غلا بـ نجوم النهار تشرفت بمعرفتج
وعلشانج راح انزل جزئين اليوم

*****

وان شاءالله خلال اسبوع القصه مكتمله عندكم

*****

تحياتي ... العــــزوف

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-09-2008, 10:20 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة




( الجزء الثالث)

مشاعل:-هلا خالتي كيف الحال
ام نايف:-بخير جعلك بخير الاوانت وش اخبارك وش اخبار امك شدعوى لنا اسبوعين ماشفناكم
مشاعل:-حمدلله تعرفين ياخالتي الدنيا مشاغل ولا انت حبك في القلب يالله ياخالتي استاذن عمي منصور جاء مع السلامه
ام نايف:- مع السلامه سلمي على امك
مشاعل تحمل جوري وتبوسها:- كيف حالك حبيبتي جوري
جوري:-الحمدلله انا احبك مرررررره يامشاعل اجلس عندنا
مشاعل:-هههههههههه وانا احبك بعد مرررررره
يقطعهم صوت نايف ينادي من فوق:-جوووري0جوووري0جوووري
ساره+ مشاعل+جوري كانوا بالحوش لان منصور جاء وبتطلع وسمعوا صوت نايف
مشاعل وحست بفرحه كبيره لانها بس سمعت صوته وفي داخلها تقول ليه ماجيت قبل دقيقه بس دقيقه
ساره:- من يومه نايف كسلان اكيد يبغى شي من تحت وينادي جوري
مشاعل :- مع السلامه
ساره:- مع السلامه






العنود:-حبيبي وشتبي العشاء
متعب وهو حاط بنته بحضنه ويلعبها :-سوي لي أي شي
رند بعد ماشافت في التلفزيون فستان عروسه مسكت ايد ابوها وهي جالسه تاشر على التلفزيون
رند:-بابا ابي عروسه
العنود:-هههههههههههه الله يبلغني واشوفك عروسه لولد عمك
متعب:-وش معنى ولد عمها يمكن تكون من نصيب واحد من برى العائلة
العنود :-نكذب على حالنا مصير البنت لولد عمها والولد لبنت عمه
متعب بينه وبين حاله(لاوربي مااخليها تعيش ماساتي )
متعب بصوت مسموع:-لاوربي ماتاخذ الا اللي هي تبيه وهو يبيها حتى لوكان من برى العايله لو توصل لقطع ارقاب ماتنزل دمعه من دموع بنتي وهي مجبوره على شي ماتبيه

فاهمه
العنود:-ههههههههههههههه وش فيك قلبتها جد هذي البنت وهي لسا صغيره ماتدري على وقتها وش يصير
متعب:-يبوس بنته ويحملها يلله أنا بروح أنام
العنود:-والعشا
متعب بينه وبين نفسه(واللي يذكر انه محروم من حبه له نفس ياكل. وش فيك يامتعب انهبلت تذكر حب مذبوح من سنين وانت عندك رند بالدنيا مسكينه يالعنود الله يقدرني

واسعدك واحبك مثل ماانتي دايم تسعديني وتحبيني)
متعب بصوت مسموع:-لاودي انام خفيف
العنود:- والعشا اللي انا طابخته
متعب:- اكليه انتِ وبنتك والخدامه
العنود:-براحتك






منصور:-انبسطتي
مشاعل:-اكيد وخاصه انه في بعض خوياتي من الثانوي ماشفتهم
منصور:-طيب من احلى وحده فيهم
مشاعل :-احلى عمي ناوي على العرس اشر وانا اختار لك اجمل الجميلات
منصور:-ياالله كل من سال عن الزين اعرس
مشاعل وهي تلعب بشنطتها وتدور على جوالها فجأه:-يوووه عمي نسيت جوالي تكفى ارجع بيت خالتي
منصور:-لالابعدين بنت خالتك تجيبه معها في الجامعه
مشاعل:-عمي مابعدنا مازلنا بالسليمانيه يلله هي تمشيه
منصور:-تعرفين وش مشكلتي يامشاعل ؟!اني مااقدر عليك
مشاعل:-ياحبني لك والله ياعمي
منصور:-بس خذي جوالي كلميهم قولي لهم يجهزونه
مشاعل:-تامر
مشاعل:-هلا ساره
ساره:-هلا مشاعل
مشاعل:-الله يعافيك جهزي جوالي نسيته بالغرفه اللي فيها البنات
ساره:-اوكي اخلي الخدامه اطلعه لك

ساره:-سومياتي سومياتي
سومياتي:-ماما نعم
ساره:-هذا جوال مشاعل اللحين في يجي وديه مشاعل برى في شارع
سومياتي:-اوكي ماما
سومياتي متجهه للحوش ويصادفها نايف طالع فوق بعدمااخذ الغرض من تحت
نايف وجذبه شكل الجوال مو لهم:-سومياتي هذا جوال مين؟!
سومياتي:-هذا جوال مشاعل اللحين في يجي ياخذ
نايف واستغل الموقف:-اوكي جيب جوال انا في يعطي مشاعل
نايف بينه وبين حاله وبفرحه كبيره من قدك يانايف بتشوفها مرتين في يوم واحد ماني مصدق
نايف يسمع صوت السياره طلع برى
منصور نزل من السياره
منصور:-هلاوالله بالكابتن وينك ماعاد نشوفك
نايف:-هلا فيك تفضل
منصور:-لامشكور الاهل معي في السياره
نايف:-لاوالله ان تقلط
منصور:-مره ثانيه الا وش اخبارك مع السفريات من قدك كل يوم في بلد صاير مثل سندباد
نايف:-هههههههه عندي والله بكره رحله للبنان تخاويني
مشاعل بينها وبين حالها:-لاهين ياسوير وتقول السودان
منصوروبصوت عالي وقصده يغيظ مشاعل:-الله من قدك يانايف بتروح للماء والخضره والوجه الحسن
نايف وقصده يثير غيره مشاعل:-هههههههه أي وجه حسن كلها يومين وانا راجع مايكفينا نتنفس هناك
مشاعل في نفسها ومتنرفزه على الاخر وتضرب بيديها على رجلينها:-لا وعلني يقولها قدامي ولا حاشمني حتى بس يصير خير انشالله خلي اهل لبنان ينفعونك يانايف يالله ياعمي

وينك بسررعه عجل
منصور:- ههه الله يوفقك يالله تامر على شي
نايف:-آآمين وويوفقك معي لا مايامر عليك ظالم مع السلامه
نايف:- اووه نسيت الجوال خذه
منصور:- ههه وانا جاي مخصوص له يالله مع السلامه وسلم على الاهل
نايف:- انشالله يوصل وانت سلم على الاهل والربع
منصور :- انشاء الله مع السلامه
مشاعل وهي في قمة عصبيتها اول ماركب منصور السياره:- عمي وينك ابطيت علي
منصور:- انت تعرفين شفت نايف وقمت اسولف معه وماحسينا بالوقت بعدين تعالي يالظالمه وين تاخرت عليك كلها ربع ساعه
مشاعل وهي تتمنى من عمها يكذب اللي سمعته:- وش كنتم تتكلمون فيه
منصور:- سوالف رجاجيل
مشاعل:- يعني ماينفع اعرفها
منصوروهو وده يجس نبض مشاعل:- الا ينفع يالسنيوره مشاعل بس مالي خلق اقولها مثل رحلته للبنان وحياته مع الطيران
مشاعل بعصبيه:- اهااا تصدق عمي احس ان الطيار مهنة المتاعب على الرغم من ان الطيار يسافر عدة بلدان الا انه محسوبه عليه من غير ماينبسط فيها
منصور:- مدري من اللي كانت تقول امنيتي آخذ طيار وثانيا انا عارف ان ورى فلسفتك الزايده هذي انك تبين تاخذين مني الكلام اللي قاله لي ولد خالتك بس معصي صحيح ان

كيدهن عظيم هههههه
مشاعل :- ههه لا فطين فهمتها لوحدك
منصور:- بس موتي بحرتك ماراح اقول
مشاعل:- هذا جزاتي اللي ابي اونسك بالطريق
منصور:- لا مشكوره حبيبتي
مشاعل:- يالله مع السلامه ومشكور على التوصيله
منصور:- العفو سنيوره ههههه مع السلامه وسلمي لي على امك وابوك وخواتك





نوف:- جوود جووود جوود وصمخ
جود:- افف خير شتبين
نوف:- وش هالنفس الخايسه اطر منك صدقه انا صديقتك كلمي
جود:- الو هلا
طيف:- هلا والله وش اخبارك
جود:- عاش من سمع صوتك انا تمام وانتي
طيف :- عاشت ايمك تمام الا من اللي ردت علي من شوي ؟
جود:- اختي
طيف:- أي اخت فيهم
جود:- ليه تبين تخطبينها
طيف:- ههه لا يالهبله اسال اكيد مشاعل
جود:- لا حاولي مره اخرى
طيف:- هههه مالي بالي على ثقالة دمك بس صدق ياجود ان اختك مشاعل مزيونه
جود:- لا اشاعه من قايلك انا احلى وحده في عيلتنا
طيف:- اختي تقول ان اختك مشاعل مزيونه وانا وامي ودنا نشوفه من كثر مايتكلمون الناس عن جمالها واخلاقها
جود:- حياك الله انتي وخالتي في أي وقت وان ماشالتكم الارض تشيلكم عيونا
طيف:- تسلم عيونك بس لازم اشوفها اذا جيت عندكم
جود:- بس مو مشكلتي اذا انصدمتي في الاخير واكتشفتي اني انا احلى منها
طيف:- ههههه طيب الحين صوتي لهشوم قلبي
جود:- بعد وصار قلبك انا هالرجال مااحبه احس انه اخذ شهره مايستاهله راح لبنان انسان عادي وصار مشهور بفلوس المهابيل اللي يصوتون له
طيف بعصبيه:- الحين اللي يصوت له مهبول بلاك انتي مهبوله الدنيا مقلوبه صغار وكبار يصوتون وانتي تقولين مهابيل
جود:- الا اخوك يرضالك تشوفين مثل هالبرامج
طيف:- اكيد يرضى لي وابشرك هو اللي يشتري لي بطاقات للتصويت
جود:- ههه كلها سنه انشالله ويجي ستار جديد وتنطفي شهرت هشومك مثل ماانطفت شهرت الشطي وخلاوي
طيف:- يالبى قلبهم هالاثنين بس هشومي غير
جود:- بلاغير وبلا جده غير قفلي على الموضوع الا بسالك كم عمر اخوك عزووووز
طيف:- اصغير عيالك عزووز ماسمعك كان باح دمك هو رجال وعمره 25 وتقولين عزووز على العموم باي باي بسرعه بدا الحفله
جود:- باي








مشاعل دخلت البيت وهي في قمة عصبيتها
ام عبدالله:- خير انشالله وش فيك معصبه
مشاعل:- لا معصبه بس .........
الام:- بس ايش وش صاير
مشاعل:- يوووووووووووه ولا شي ولاشي بروح غرفتي لااحد يزعجني
نوف:- مشاعل مشاعل تعالي بدت الحفله ولا شبك معي ولا خط بموت ان مافاز
مشاعل:- اووه خلصينا فاز ولا مو ضروري
نوف:- لا الله الا الله نار فكه منها راحت الغرفه بس انا عسى يشبك معي الخط
مشاعل في غرفتها:- اجل مايمداك تشم الهوا في لبنان يانايف وش ناوي عليه انشالله هذا ولسا ماصارت الخطبه رسميه وتقول قدامي كذا الله يعيني عليك بس ماتوقعتها منك
مشاعل:- ترمي نفسا على السرير وتناظر السقف ةتبتسم :- عارفه حركاتك يانايف تبي تثير غيرتي فديت اللي يسوون الحركات بس مردوده انشالله ياولد الخاله
مشاعل تناظر ساعتها:- اووف الساعه عشر ونص ماصوت ولا شفت الحفله مر الوقت بسرعه يالله خلني انزل واصوت مع نوف





نايف:-الحمد لله والشكر كل هذي فرحه بفوزه اجل لو انك ناجحه وش بتسوين اكثر من هالهبال
سارة:-اووووووووه منك لاتذكرني بالاختبارات الحين انا فرحاااانه(وتضم جوري بقوة ,وتبدا جوري بالصراخ)
نايف:-شوي على البنت لاتموت بيدك
سارة:-لاتخاف ماراح تموت هذي صرخه الفرح
نايف:-لاتكثرين هرج وهاتي الريموت
سارة:-تكفى نايف لاتغير القناه الا اذا سلموه الكاس ,ناظره ناظره يغني مع الكويتي
نايف:-الحمد لله والشكر مايشوف هالبرامج الا الهبلان اللي مثلك وشرواك
ساره:-اساسا كل العالم يتابع هالبرنامج مهوب بس انا
نايف:- أي و انا وش قلت مايشوفها الا مثلك وشرواك
سارة:-اهاااا قصدك ان بعض الناس مهبولة
نايف:-اساسا بعض الناس على قولتك اكبر من انها تشوف هالبرامج
وفجاه يرن جوال سارة بصوت مسج
ساره وهي تبتسم:-ياحبني لك يا شعوله ,نايف تبي اقرا لك المسج
نايف وهو يدق قلبه:-اذا الكلام خاص عطيني المسج اقراه
ساره:-هههههههههه شكل تفكيرك راح بعييييييد استعد بقراه لك
نايف وبدا يفقد اعصابه:-يلا بتذلينا علشان مسج قوليه ولا انكتمي
ساره:-
اسمك رباعي يقطع قلبي المشدود
يقسم جنوده في ساحة البيد بحدود
الهاء همسه وفا بالعز منشود
والشين شمس الضياء تلمع من على الخدود
والألف ألف من محياك مشرود
والميم مسك الروايح ويفوح منك العود
وسلامتك
نايف وهو متنرفز:-ماشاء الله اجل تفوح منه ريحه العود
يدق جوال ساره وتناظر الشاشه وتعرف انها مشاعل
ساره:- مبروووووووووك مشاعل
مشاعل :- الله يبارك فيك ماني مصدقه الى الان انه فاز احس انه حلم
نايف بعصبيه وبدى يقلب في القنوات:- ماشالله كل هذي فرحه بالفوز الصوت طالع برى الجوال
مشاعل:- في احد جمبك ساره
ساره:- لامحد جمبي بس جوري وزيد وامي ونايف
مشاعل:-كل امة محمد جمبك وتقولين محد جمبك, شكل نايف معصب انتي متهاوشه معه
ساره:- بس هذا اللي هامك ليه معصب
مشاعل :- لا بس اسال
ساره:- هذا ياطويلة العمر اخوي نايف يقول الي يتابع البرنامج هبلان وانا وانتي طلعنا من ضمن المهابيل وانا ادافع عن حقوقنا عشان كذا معصب فهمتي
نايف بصوت عالي حتى تسمعه مشاعل:- الا مهابيل ونص اللي يتابع هالبرامج
مشاعل وقاصده ترد اللي سواه فيها :- قولي له حنا راضين نكون مهابيل اذا كان عشان هالمزيون
ساره:- متاكده تبين اقوله
نايف:- وش تقول الانسه مشاعل
ساره:- تقول تصبح على خير
مشاعل بصوت عالي:- اقولك قولي له الكلام
ساره:_ نايف مشاعل تقول حنا راضين نكون مهابيل اذا كان عشان هالمزيون
نايف بعصبيه:- لا وصار مزيون اقول قولي لها نامي بدري ترى وراها بكره جامعه واذا ماعليها امر تصحيني الساعه خمس الفجر وراي رحله للبنان
مشاعل:- ايه قولي له ينتظرني اصحيه بس يامر امر هو
ساره:- الا اقول مشاعل وش رايك اعطيك الجوال تكلمينه تراني صايره لكم وسيط ماله اهميه
مشاعل بخوف:- لا لا لا باي
نايف:- وبدء الارتباك عليه وبدء قلبه يخفق بقوه وتزيد دقات قلبه دقه تقول تكفين قولي ايه ودي اسمع صوتك يامشاعل ودقه تقول لا عشان مااضعف اذا سمعت صوتك وتهتز

صورتي قدام اختي
ساره:- ههه طيب باي
نايف:- يمه لاتنسين تصحيني خمس الفجر عشان عندي رحله
ام نايف:- انشالله الله يوفقك
نايف:- يالله عن اذنكم بروح انام
================================






........:- تشوفون اللي اشوفه
ماجد:-اكيد نشوف هالزين وش قالوا لك عميان الا الزين محد يجادلنا فيه
عبدالله:- في هذي صدقت يالله دورك يافهد اقنص المزيونه
فهد :-0000000
عبدالله:- فهد فهد فهيد ووجع
فهد :- خير وش هالصراخ بدا عرض الفيلم
احمد:- لا الولد تعبان قايل لكم الولد فيه شي تعبان من زمان نقوله اقنص يقول فيلم
فهد باستغراب:- في البحرين قنص.؟
الكل:--ههههههههههههههههههه
عبدالله :- نكلم عن الغزال اللي مشى قدامك وانت تقول فيلم في السينما
احمد:- بس شكلها ياشباب سعوديه صح؟
ماجد:- ايه واضح انها سعوديه وشرقاويه بعد
عبدالله:- اقول قالها رابح الزين نجدي والدلع شرقاوي
احمد+ماجد+عبدالله:- نااظر ناظر يافهد هذه جت مره ثانيه
فهد:- وهو يناظر البنت فجاه جت على باله ان مشاعل اللي شافها يوم الجمعه هي اللي تمشي
فهدوهو معصب:- عيب شباب البنت ساتره لا تناظرونها ماترضونها في اهلكم
احمد:- قايل لكم الولد تعبان مره يبي له دكتور يعالج
فهدومازال معصب ويتخيل ان البنت اللي تمشي مشاعل:- الحين اللي يقول الصدق يصير تعبان ويحتاج لدكتور
ماجد:- لا بس هالكلام مايطلع من واحد مثل فهد
يقاطعه فهد:- ليبه و ش فيه فهد مهبول مايعرف يتكلم
ماجد:- لا محشوم بس انت مابقى بنت في المملكه ومدنها وقراها وضواحيها الا رقمتها وكلمتها وتعشيت معها
فهدبملل:- اقول شباب قفلوا على السالفه ومتى ناوين ترجعون
عبدالله:- تونا واصلين ماكملنا يوم كامل وانت تقول نرجع ليه عسا ماشر
احمد:- وش بلاك تقول نرجع حنا اتفاقنا الاثنين نرجع
فهد بينه وبين حاله:- الله يافهد انت اللي مابقى بنت ماعرفتها وكلمتها تهزك بنت مغروره مثل مشاعل وتغيرك على ربعك مره وحده ليه هالانسانه الوحيده اللي دخلت بالي ياما

عرفت قبلها كثر واحلى منها بكثير
يقطع سرحانه صوت ماجد:- يالله شباب الساعه تسع ونص بدا عرض الفيلم
الكل :-يالله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-09-2008, 10:25 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة



( الجزء الرابع)



في استراحة الرجال ( الديوانيه)
بوسعد:- السلام عليكم
الكل:- وعليكم السلام
بوعبدالله:- شخبارك يابوسعد وش اخبار سعد والعيال
بوسعد:- الحمد لله , الا وش اخبارك انت وش اخبار الشركه
بوعبدالله:- الحمد لله كل شي تمام
بوسلمان:- الا سمعنا يابو عبدالله انكم بتفتتحون فرع جديد في الامارات
بوعبدالله:- ايه الحمد لله , وانشالله بنفتتح فرع قطر على الشهر الجاي
بوحمد:- ماشالله شركاتكم في توسع
بوعبدالله:- ايه , الحمد لله
بوعبدالعزيز:- الله يوفقكم ويرزقك بالولد الصالح اللي تقر به عينك
بوعبدالله:- آمين , وثانيا أي ولد الله يهداك بس , انا راضي باللي الله كاتبه لي
بوتركي:- لا والله وانا اخوك , الولد سند لك في كبرك , ناظر انا ولد تركي شايل عني كل الحمل
بوعبدالله:- اذا ربي كاتب لي ولد من ام العيال خير ونعمه
بومتعب:- ورى ماتعرس بثانيه وتجيب الولد اللي يفرح قلبك
بوعبدالله:- يالله شباب انا استاذن
بومتعب:- رواك زعلت يااخوي ترى كثير عرسوا على ثانيه وجابوا الولد ومازالوا يعيشون حياة سعيده
بوعبدالله:- انت ماقلت شي غلط عشان اتضايق ,وثانيا انت ماقلت الا الشي اللي حلله الشرع , يالله شباب انا استاذن

*****

في الفيصليه( في الالعاب)
متعب يلعب رند ويبوسها ويقول لها:- بابا خلصتي من الالعاب
رند بابتسامه بريئه تاشر على الالعاب:- اعب هذا
يرن جوال متعب في هذه اللحظه
متعب:- هلا انتهيتي من السوق
العنود:- ايه خلصت , بس عسا رنودي ماازعجتك
متعب:- حبيبت ابوها , تبي تلعب كل الالعاب
العنود:- وش رايك نطلع فوق نتعشى
متعب بينه وبين حاله( والله انك دانه يالعنود على كل اللي سويته فيك يوم الجمعه مازعلتي)
متعب:- الا وش رايك اعزمك انا على أي مطعم برى المجمع
العنود:- حد يرفض عزومه , انا موافقه
متعب:- انا انتظرك مع رنوده في السياره
العنود:- انشالله

*****

جود:- يمه بكره راح تجي طيف خويتي
ام عبدالله:- ومن هي طيف هذي؟
جود:- خويتي معي بالمدرسه
نوف- عسا اللي مطيحه معها هاليومين , اربع وعشرين ساعه مكالمات
جود:- ايه وابيغاكم تكشخون عشان تدخلون عليها , تبغى تشوف مشاعل , تمدحها لاتفشلونا وتنصدم فيكم
نوف:- احلى منك حتى اذا ماكشخنا
مشاعل:- اصلا ماراح نكشخ علشان مانخرب عليك

*****

متعب:- وين ودك نتعشى فيه
العنود:- بصراحه لي كم يوم مشتهيه اكل حالي
متعب بابتسامة خبث:- يعني.........
العنود:- لااااا وين راح بالك ماني حامل بس ودي بمطعم صيني فيه مطعم ورى الفيصليه يمدحونه
متعب:- ايوه عرفته , خلاص ولايهمك نتعشى فيه

*****

بيت بو فيصل

منصور:- السلام عليكم
فهد:- وعليكم السلام
منصور:- اخوي بو فيصل جا من الشركه
فهد:- اخوك الله يعلم وينه , ماله ارض من سما
منصور:- الله يكون في عونه
فهد:- وليه؟
منصور:- مع هذي المناقصه خايف منها , وثانيا انت ولا انت بمهتم , اصلا ماتداوم
فهد:- ومن قالك اني مو مهتم او مااداوم , مداوم اليوم من الساعه 11 الى 12
منصور:- ماشالله عليك , بالله عليك هذا دوام , راضي عنه
فهد:- ايه راضي , اهم شي اني انا راضي
منصور:- الا وش اخبار العيال؟
فهد:- كلهم بخير , الا انت اللي ماتنشاف دايم يسالون عنك
يقاطعهم صوت بكى كادي من الدرج
منصور:- استعد بالسباحات , جت الفياضانات
فهد:- اكيد مع دحوم , مجننها مع ان دحوم بيت خالته من العصر وش سالفتها هالمره!
كادي بصوت عالي وصراخ متجهه لهم
كادي:- ابغى ادخل غرفة فيصل هناك دحوم , هم مايفتحون لي
فهد:- دحوم بيت خالته والله ماجا
كادي:- لا , جا وعنده العاب داخل , وجالس يلعب اسمع صوتهم بس هم مايفتحون لي الباب يقول لي فيصل طيب طيب مده ولايفتح لي
منصور يناظر فهد بنظرات خبث ويضحكون
منصور:- اقول لاينزل عليك الان فيصل ويعلمك شمعنى الدموع , كل شي الا انك تقاطعينه
فهد:- هههههههههه
في هالاثناء تدخل ام فيصل


ام فيصل:- شعلامكم , وش هالضحك , وليه كادي تبكي صوتها موصل آخر البيت
منصور:- هههه طلعت لبنتك هوايه جديده , التخريب
ام فيصل:- أي تخريب بعد
فهد:- ابد , سلامتك بنتك مدلله وتبكي على اتفه الاسباب
نوره:- هلاااا والله, هلا وغلا وينك
منصور :- انا
نوره:- لا اجل فهد, ايه انت
فهد:- انا واثق ان الكلام داخل قلبك لي بس تستحين تقولينه وقلتي منصور , يالله مااكسر بخاطره
منصور:- ياشين الثقه يافهيدان
يدق جوال نوره
نوره:- هلا وغلا ببنت العم
مشاعل:- هلا فيك حبيبتي , كيف الحال
نوره:- الحمد لله , وانتي كيفك؟
مشاعل:- بخير دامك بخير
مشاعل:- الا اقول نوره انتي بالجامعه كنت تقولين ان عندك فيلم جديد مرعب
نوره:- ايه تقصدين house of wax
مشاعل:- ايوه, حلو؟
نوره:- يجنن , بس تراه مرعب ماينفع تشوفينه الا بالليل
مشاعل:- اوكي , ممكن تجهزينه اجي امره
نوره:- اوكي , انا بجهزه , بس مدامك جايه انزلي عندنا هذا عمي منصور هنا
مشاعل:- اوكي , مع السلامه
نوره:- مع السلامه
منصور:- من هذي , مشاعل ولا نوف
فهد:- مستحيل جود
نوره:- ليه مستحيل
فهد:- ذي بنت معقده هذي يبي لها القناه الاولى تجلس عليها بس واذا تطورت القناه الثانيه
ام فيصل:- ماذميتها انت مدحتها
نوره:- هههههه
منصور:- هههه لا جود اخر همها التلفزيون , بنت تموت بالكتب
ام فيصل:- ياحبني لهالبنت
فهد:- ماورثت ولد عمها شوي من حب الدراسه
نوره:- اريحكم , لاتحشون في هالجود تراها مشاعل وهذا هي جايه بالطريق
ام فيصل:- حياها الله
فهد:- وانشالله ناويه تشوفون الفيلم الان
نوره:- لا بس بتمره وبتجلس شوي معنا
منصور:- وهذي مشاعل ماتثبت في البيت ماعمري كلمتها الا وقالت انا طالعه
فهد:- ههههههههه تصريفه ياحظي ماتبيك
ام فيصل:- وانتم من تطرون اسم بنت تجلسون تحشون فيها
نوره:- ويقولون البنات صاحبات القال والقيل
فهد:- اشاعه اشاعه ولا حنا يالرجال اصحاب القال والقيل
نوره يدق جوالها:- اكيد هذي مشاعل وصلت يالله انا بطلع لها
ام فيصل:- قولي لها تدخل هنا
فهد:- اكيد بتدخل هنا , ولا انشالله ثلاثتهم ناوين يتركوني
منصور بصوت عالي :- مشاعل تعالي ادخلي مافي حد الا فهد تغطي وادخلي
مشاعل:- السلام عليكم
الكل:- وعليكم السلام
ام فيصل:- حيا الله شيخة البنات
مشاعل:- الله يخليك خالتي
منصور:- أي والله صدقتي
نوره:- الله واكبر عليك, الحين شيخة البنات ومن شوي كلام ثاني
مشاعل بنظرة غرور:- وش قايل عني
فهد يناظر في مشاعل ويبتسم
منصور:- يااحبك للفضااايح , سكتي , الحين انا اخوك وعمك بنفس الوقت وتقولين عني هالكلام
مشاعل:- ماعليك منها , وش قلت عني
ام فيصل وهي بتقوم:- ماقال عنك شي بس هي تحب تفتن , بروح ااكل لطوفه بنت فيصل واسوي العشا
منصور:- انا ماقلت الا الجد طول عمري اكلمك وتقولين انك طالعه
مشاعل:- ههه ليه مقهور اطلع
نوره:- مشاعل ليه ماجو نوف وجود معك
مشاعل:- نوف يقال انها في ثالث ثانوي بس ماتذاكر المهم انها ماتطلع وجود تذاكر
نوره:- هههههههه عاد نوف غير فله
منصور:- مشاعل بقولك ان الكاسيت اللي في سيارة السواق اخذته
مشاعل:- أي كاسيت
منصور:- المنوعات
مشاعل:- اهااااااا
فهد:- الا مازلتي يامشاعل روتانا متنقله
منصور:- واخيرا تكلمت
مشاعل:- هههههه اللي يشوفك ماتشتري اشرطه
نوره:- أي والله صدقتي من كثرهم انا اخذ وهو مايحس فيهم
فهد وهو واقف مستعد يطلع من الصاله:- ياحليلك يامشاعل والله كبرتي

*****

في المطعم

يدخلون متعب والعنود ورنوده من باب المطعم
متعب تلفت نظره بنت معطيته ظهرها لابسه عبايه شفافه وريحة عطر شانيل فايحه منها
متعب في باله:- الله يذكرك بالخيريا ريم
يدخلون كبينة في المطعم ومتعب لازال سرحان ويقطعه صوت الجرسون
الجرسون:- YES SIR
متعب:- just minutes please
متعب:- هاه ريم حبيبتي وش حابه تاكلين
متعب احمر وجهه وحس ان الكلمه غلط ويقول في باله اكملها عادي يمكن انها ماحست
العنود حست بالكلمه وقالت ماله داعي اسوي فضايح في المطعم بخليها في البيت
العنود:- أي شي براحتك

*****

في الكليه
جواهر:- يالله ياطول هالمحاضره
ساره:- لاطويله ولا شي بس يوم الاربعاء وآخر محاضره تحسين انها طويله
عبير:- تعرفون وش احلى شي اليوم؟
جواهر+ساره:- اكيد ان اليوم الاربعاء
عبير:- لا , لان اليوم نجلاء غايبه
ساره:- لاحرام عليك
مشاعل:- السلام عليكم
الكل:- وعليكم السلام
مشاعل:- الصبايا مجتمعات , غريبه مازلتوا مجتمعين ماطلعتوا
ساره:- وين كنتي فيه؟
مشاعل:- في القاعه , انشغلت الدكتوره ووقعت حضور لنجلاء
جواهر:- وليه موقعه لها انشالله
مشاعل:- مسكينه امس تعبانه, اكيد فيها شي
عبير:- لكن ولو ماكان حضرتيها
مشاعل:- حتى انا مااتقبلها , بس ولو لازم
ساره:- حرام عليكم ذالينها على هالتحضير
في هالاثناء يدق جوال جواهر (لسواق)
جواهر:- اطلع انا ازين لاتنقلب الان قضيه معكم , يالله عبير قومي جا السواق
عبير+جواهر:- مع السلامه
ساره+مشاعل:- مع السلامه
ساره:- مشاعل وش رايك نروح اليوم بيت امي ساره
مشاعل:- متى؟
ساره:- اليوم الظهر
مشاعل:- طيب , اكيد ماحسبتنا في الغدا
ساره:- ماعليك حنا نطلب غدا من برى وانا اوصلك معي مع السواق
مشاعل:- اوكي راح اكلم امي اني راح انزل بيت امي ساره ولاترسل لي السواق
ساره:- وحتى انا بكلم امي واعطيها خبر

*****

في الشركه
منصور مستعجل وداخل
منصور:- هاه بو فيصل وش صار على المناقصه عندك خبر عنها
بو فيصل:- لا, انا يدي على قلبي , ويقولون ان الساعه عشر الصبح تطلع
بوعبدالله:- الله يصبرنا الى الساعه عشر
متعب:- اللي علينا سويناه والباقي على رب العالمين والمدير التنفيذي ومدير التسويق سوو اللي عليهم واذا ربي كاتب انها بترسي علينا بترسي والله يقدم اللي فيه خير
الكل:- آمين

*****

جوال ساره يدق
ساره:- هلا
نايف :- هلا يالله اطلعي على الباب انا انتظرك
ساره:- انت! ليه وين السواق
نايف:- السواق سوى حادث وموقوف في المرور وانا جيت اخذك
ساره:- بس انا معي مشاعل بنت خالتي ونبي ناخذ غدا من برى ونروح بيت امي ساره
نايف بفرح:- حياها الله بس لاتتاخرون
ساره:- انشالله
ساره في بالها الله يعين على مشاعل اذا عرفت ان نايف هو اللي بيودينا بس بحطها قدام الامر الواقع
ساره:- مشاعل يالله السياره برى
طلعوا مشاعل وساره
مشاعل:- وين سيارة السواق مااشوفها
ساره تاشر على سيارة نايف:- هذي سيارة نايف يالله اركبي
مشاعل:- وليه ماقلتي انه نايف
ساره:- بعدين اقولك السالفه تراه مايحب ينتظر
مشاعل:- امري لله يالله
مشاعل :- السلام عليكم
نايف:- وعليكم السلام , كيف الحال مشاعل
مشاعل التقت عيونها بعيون نايف في المرايه ونزلت راسها بسرعه:- الحمد لله
وطوال فترة السياره كانت مشاعل مرتبكه نظرات نايف في المرايه ماوقفت مو قادره تاخذ راحتها
نايف:- أي مطعم تبون تاخذون غداكم
ساره :- ها مشاعل وش بغيتي أي مطعم
مشاعل:- أي شي
ساره:- شيليز
نايف:- اوكي
ساره:- نبي بطاطس مهروسه وجوانح دجاج واللي يعجبك من الطلبات مانردك والحساب عليك
نايف:- هههه تامرين امر, غريبه بتروحون بيت امي ساره , وش عندكم
ساره:- حنا واصلين مو مثلك يالقاطع
نايف:- الا انبسطتي مع خوياتك ياساره يوم الجمعه
ساره وهي مستغربه من سؤال اخوها:- اكيد وخاصه ان بعضهم من ايام الثانوي ماشفتهم
مشاعل مقهوره من سؤال نايف وتقول في بالها وش عليك من خوياتها
نايف وهو يناظر المرايه:- تعرفين وش اكثر شي عجبني في بيتنا يوم الجمعه
مشاعل في بالها الله وش هالجراه يانايف , اكيد يقصدني انا , بس عساه مايقول قدام ساره, يالله متى بنوصل والله انحرجت , احس ان المسافه طالت ليتنا ماطلبنا غدا
ساره:- وشو؟
نايف:- المرايه العاكسه اللي بمجلس الرجال اللي تطل على الحوش عرفتيها
مشاعل وعيونها بتطلع من مكانها , وش يقصد , لايكون شافني,
ساره:- عاديه من زمان عندنا ماحسيت انها حلوه الا يوم الجمعه
نايف :- عاديه ؟ ! الا حلوه( تلتقي نظرات نايف ومشاعل بالمرايه ونايف يبتسم) , الا وش رايك فيها يامشاعل؟
مشاعل منحرجه:- ها, مدري, ايه حلوه , يمكن , يمكن
نايف:- هههههههههه
ساره:- فيك شي انت اليوم , بالله عليك شفاطر انت اليوم داق علي معصب ,ركبنا السياره رايق
نايف:- هههههههه
ساره:- يالله يامشاعل ننزل شكل اخوي اليوم فيه بلا
نايف:- والله ودي انزل معكم , من زمان ماشفت امي ساره, ودي ازورها

******
تم
*****

انتظروني بعد ردودكم الحلوه

*****

العـــــزوف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-09-2008, 02:51 PM
صورة العـــزوف الرمزية
العـــزوف العـــزوف غير متصل
©؛°¨غرامي مشارك¨°؛©
 
الافتراضي رد: قراره الموجه / روايه كامله للكاتبة انثى مغرورة



يؤيؤيؤ
وين مشاركاتكم معاي
شكل القصة بتطول

****
العــــزوف


الرد باقتباس
إضافة رد

قراره الموجه / الكاتبة : انثى مغرورة ، كاملة

الوسوم
جرأه،ورمنسيه،واحاسيس
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6851 17-06-2020 11:50 PM
صرخات الحب / الكاتبة : فراشة الوطن ، كاملة nandetto روايات كامله - يتم نقل الرواية هنا بعد اكتمالها 133 29-05-2019 01:28 PM
روحي لك وحدك / الكاتبة : ريم الحجر ، كاملة روح زايــــد روايات كامله - يتم نقل الرواية هنا بعد اكتمالها 161 15-11-2018 05:47 AM
و اني أحبك / الكاتبة : امازيغية الهوى ، كاملة النجمة القطبية روايات كامله - يتم نقل الرواية هنا بعد اكتمالها 76 28-07-2013 11:12 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 08:22 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1