| بسم الله الرحمن الرحيم السلام عليكم ورحمة الله بركاته أسهل وأحسن شي عندي إني أكتب مقدمة لموضوع ، كتبت مقدمات لمواضيع صور ولمواضيع هزلية وأدبية وغيرها إلا الموضوع ذا ماقدرت أكتب له مقدمة . الموضوع ذا يحتاج شاعر بشاعرية أحمد شوقي عشان يصف حجم البؤس والألم في الموضوع ، و من هو الكاتب أو الشاعر الي يقدر يكتب عن : ألم الفقر ... وألم المرض ... وألم البؤس ... وألم فقد العائل ... وألم الإعاقة ... وألم قلة الحيلة ... وألم كبر السن ... وألم تنكر المجتمع ... وألم وألم وألم ... وحدة من ذولي تحتاج شعراء وكتاب يكتبون عنها ، فما بالك إذا اجتمعت في عائلة وحدة ؟! الله المستعان !! يا إخوان مابي أطول عليكم ، أنا وقفت على حالة أسرة سعودية تدمي القلب و يندى لها جبين إنسانية المجتمع ... أنا الحقيقة مابي أصف مشاعري تجاه القضية ودي أنقل لكم حال هالأسرة والله على ما أقول شهيد : أسرة تتكون من ست أشخاص : أم عمرها تقريباً 58 سنة ، الابن معوق ومتخلف عقلياً ، ابنه مريضة بالصرع ولها ثلاثة أطفال وساكنة عندهم ، الأب متوفي وحالتهم المادية متدنية جداً جداً الأم تشتغل مستخدمة بمجمع الكليات وتستلم 1700 ريال ، 1000 ريال قسط دين عليهم و500 ريال ايجار الليموزين شهر كامل و 200 ريال مصروف البيت و أقسم بالله على هالشي . الأسرة عليها ديون بسبب زواج ابنهم السنة الماضية والابن هذا توفى بنفس السنة يرحمه ، ويسكنون في بيت أشبه مايكون بخرابة وايجار البيت 8000 بالسنة بس راعي البيت الله يجزاه خير ما أخذ منهن الإيجار من عشر سنين . أنت شف الصور التالية وتعرف عن ايش أتكلم : مدخل البيت : [IMG]  [/IMG]الصالة : [IMG]  [/IMG][IMG]  [/IMG][IMG]  [/IMG]طبعاً الصالة سقفها شينكو ولا حظ الفتحة الي في الزاوية [IMG]  [/IMG]سقف الغرفة المطبخ : [IMG]  [/IMG][IMG]  [/IMG]دورة المياة - الله يكرمكم- : [IMG]  [/IMG][IMG]  [/IMG]يا إخوان مايحتاج أذكركم بأجر من ساعدهم ، ولا أبغى أكتب لكم آيات وأحاديث الصدقة فأنتم كلكم تعرفونها إن شاء الله . والآن العائلة محتاجة أي شي فرشة ، أكل ، أثاث ، بيت ، تسديد دين ، مصروف شهري ، زكاة فطر ... يعني العايلة تحت خط الفقر بدركات ومحتاجينكم بأي شي الله لا يحوجكم لأحد . والله الذي لا إله غيره إنهم مايلقون شي ياكلونه !! يا إخوان تكفون لاتنسونهم بأي شي الله يعتق رقابكم من النار بهالعشر الفضيلة ، ولا بينكم وبينهم وسيط رح أنت لهم بنفسك ماتضرك ساعة من عمرك تمرهم وتشوف الوضع بنفسك ، أو ترسل لهم أحد أٌقربائك أو أي طريقة . أبحط لكم جوال الأم وأنتم الله يجزاكم خير اتصلوا عليها وروحوا لها بأنفسكم وتأكدوا من كل شي بأنفسكم . تخيلوا منظر عجوز تصارع الحياة عشان عيالها الي هم مرضى ، والله إن الرجال الشباب مايقدرون يتحملون حالتها كيف بعجوز هي أًصلاً تحتاج من يرعاها . تكفون يا إخوان لا تخلونها الله يجعل فيها عتق رقابكم ورقاب والديكم من الناس . ملاحظه: رقم الجوال موجود عندي اللي يبغاهـ يرسلي رساله خاصه * العائلة تسكن بحي المصانع في جنوب الرياض قريب من شارع الفريان جنوباً ، وحتى لو إنك خارج الرياض اتصل عليها واجبر خاطرها بأي شي وتذكر أن من فرج كربةً من كرب الدنيا فرج الله عنه كربةً من كرب الآخرة * أرجو من الجميع نشر الموضوع بالإيميلات والمدونات والمنتديات الله يكتب لكم الأجر . م/ن |
| لاحول ولا قوة إلا بالله والله حالتهم تقطع القلب الله يكون بعونهم إن شاء الله أهل الخير مايقصروا معاها وماننسى: {كان الله في عون العبد مادام العبد في عون أخيه} الله يفرجها عليهم وعلى كل محتاج في هالأيام المباركة :( |
| لا حول ولاقوة الا بالله اللهم يصبرهم ويكون بعونهم عشرات العشرات امثالهم يعيشون مثل هالحالة واردى بس التعفف لغتهم ومبدأهم في الحياة اسأل الله بمنه وكرمه ان يمد لهم يد العون والمساعده من اهالي الخير وهم كثر ولله الحمد جزيا خيرآ وجعلها الله في ميزان حسناتك |
| الله يكون بعونهم وصدقني لو تصل قضيتهم لأهل الخير والمعروف بنفس البلد ماراح يقصر معهم أحد والدوله أيضا 00 يعني ممكن تصرف لهم معونات وضمان اجتماعي ويسكنون بمساكن خاصه تصرف لمثل هذه الحالات وهي مساكن جميله ونظيفه وصحيه المشكله هنا هي سكوت الناس وصمتهم عن مثل هذه الحالات الانسانيه واحيانا الجيران لايمدون يد العون لهذه الحالات الانسانيه ولو بالتبليغ عنهم للجهات المختصه انا أعرف شخص جزاه الله خير نقل حالة جيرانه للمسؤلين وتكونت لجنه وصححت أوضاعهم الله يعين الناس تحياتي |
| لا حول ولاقوة الا بالله وربي يعطيك العافيهـ |
| ياربيييييييييييييييييييييييييييييييييييي كيييييييييييييييييييييييييييييييييييييييييف يقدرووووون يعيشووون كذاااااااا ياربيييييييييييييييييييييييييييييييييييييييي حراااااااااااااااااااااااااااااااااااااااااام |
| لاحول ولا قوة إلا بالله والله حالتهم تقطع القلب الله يكون بعونهم إن شاء الله أهل الخير مايقصروا معاها |
| لا حول ولا قوة الابالله الله يعينهم ويصبرهم والله حزنوني يسلمو على الموضوع الله يعطيك الف عافيه ارق التحايا..سكر |
| الله يعطيك العافية يمنع طرح مثل هالمواضيع بالقسم
9- موضوعات طلب مساعدات مالية أو تبرعات لصالح أشخاص أو جهات
منتديات غرام - الإعلانات في المنتدى : مواضيع عامه - غرامينقل للارشيف |
| أدوات الموضوع | |
| طريقة العرض | |
النمط المتتابع
