غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-10-2008, 06:40 PM
وقفة شموخ وقفة شموخ غير متصل
©؛°¨غرامي جديد¨°؛©
 
الافتراضي الهدوء ماقبل العاصفه / روايه بقلمي


الهدووء ماقبل العاصفه

روايه جديده بقلمي يمكن بسيطه ولا عاديه
بس اتمنى انها تحوز على رضاكم
وتذكرو انها الاولى لي
ولي سنتين تقريبا اكتبها لاني بديت فيها يوم كنت بثالث متوسط بالاختبارات جان نشاط غير طبيعي بعدها جت العطله وانشغلت وشبه مليت وبعدين جت الدراسه وانشغلت اليم جت العطله الثانيه ونويت اني اخلصها وانزلها
عاد كل الي ابيه منكم تشجييييع مع انتقاداتكم
عشان اذا سويت ثانيه طلعت باافضل من هذي
يمكن يكون العنوان شوي لغه عربيه
بس اتمنى تنظرون للروايه واحداثها قبل العنوان


اول شي بابدأ باول عايله عايلة ابو عبدالله
محمد
حصه
عيالهم
عبدالله.25 سنه ضابط رجال خطير فيه خفة دم احيانا شكله امممم شوي رزه <<<يعني عادي مو حلو مره

دانه: 22 برابع جامعه بنت مره نعوووووومه وحليوه بيضاء وناعمه وشعرها يميل للبني الى نص ظهرها وهاديه وماتحب الازعاج<<عكس اختها>> شوي حساسه اخر سن له بالجامعه

سار:18 بنت خطيره مره فله وناسه رجه هبله خبله ههههههه مهستره اذا جينا عند الجمال صح دانه احلى منه وابيض بس يمكن ماادري ناس يقولون هي وناس يقولون دانه وعاديه بشرتها
جسمها كمان عادي بس اقرب للنحف وشعرها اسود الى كتوفها واخر سنه له بالثانوي

بعدهم تجي سديم:5 ماله دور مره بالروايه صدق فارق السن مره كبيره بينها وبين ساره لان امها تعبت فتره طويله من الحمل عاد تعالجت وكانت سديم اخر العنقووود

وباقي العايلات بعدين اجيبهم

بمزرعة ابو ساره الي كانت على حدود الرياض
صحت ساره من النوم وغسلت وجهها ومتحمسه عشان تقول لابوها تسوق السياره
<<فيه سياره بالمزرعه مو مره زينه فكان معودهم وهم صغار يسوقونها بس بعد اذنه وكبرت وهي تسوقها لان ماكان فيه احد حولهم تدور حول مزرعتهم وترجع>>
نزلت تحت لقت ابوها يبي يطلع
ساره: صباح الخير على احلى اب
ابوها: هلا ببنيتي صباح النور
ساره: كيف حالك يبه
ابوها: ادري تبي تسوقين
ساره: فاهمني سبحان الله
ابوها: خلاص لاتطولين شوي وارجعي
راحت ساره حبت راس ابوها: ابشــــــــــر
ابوها: كل هذا عشان السواقه بنتي راعية مصالح
ساره: يبه طيب وين الليسن
ابوها: وش بعد هذا الليسن
ساره: يابيي هذا المفتاح بالاماراتي بس الامارات يسمونه ليسن بس ولا يهمك اقلب سعوديه وين المفتاح
ضحك ابوها على بنته صح ايام تزعجه بس تسوي جو بالبيت
ابوها: تلقينه بمكتبة الصاله
راحت فوق لبست ثوب اخوها عبدالله على لبسها صدق طويل بس من يبي يشوفه وتلطمت بشماغه<<فنانه بالتلطم>> ولبست نظارتها ناظرت نفسها بالمرايه اما لو انا ولد قسم بالله شكلي خطير كان دايم اتلطم هههههههههه
اخذت المفتاح وساقت لالسياره وبدت تدور حول مزرعتهم اصلا ماحولهم احد الا مزرعه شوي بعيده عنهم المه وهي تدور يوم جت تبي تلف لقت شرطي ماتدري وش تسوي وقف دمها المشكله جالس ياشر لها توقف المهم جاء لمها من سوء الحظ كان شباكها مفتوح وقف عند الشباك وهي تدعي ان الله يستر ولا يسوي شي المهم قال لها الرخصه والاستماره لو سمحت تووورطت بجد ماتدري وش تسوي حست انه هذا موتها جلست تبكي بدون صوت دمووووع وعاد وقال ابي الرخصه تسمع وش اقول وهي كل ماتكلم بكت زياده على بكيها وخافت زياده عاد قال لها شكلك اضمخ ماتسمع تبي تطلعها ولا اتفاهم معاك بشي ثاني ياويلي قال شي ثاني شكله درى اني بنت لا يمااااه توبه اطلع بالسياره بس ابي اروح عنه ابي اهج ومير يفتح السياره ويسحبها استغرب الثوب يسحب قال طلع الرخصه وفك اللطمه يووووه وش يقول ذا ياربيه ياليت الارض تنشق وتبلعني اهئ اهئ طبعا اخينا الشرطي تهوووش وسحب اللطمه وطارت عيونه ساره الي خوفن زياده يوم نقزت عيونه قلت اكيد قال صيده سهله هو مايدري و يسوي وشوله سوى كذا اليم تدارك نفسه ونزل راسه قال اختي تيسري وارجعي لااهلك وانا اسف وانتبهي مره ثانيه ممكن تطيحين بيد احد مايرحم الله ياخذه لايخوفن المهم طرت الى السياره طيران وعلى طول رحت لمزرعتنا ومن السياره لغرفتي يمااااه وجلست تصيح صياح ردة فعل للموقف وخوووف وبعد دموع شكر انها رجعت بدون مايلمس منها شي واحد وبعدين مسحت دموعها وجلست تفكر توبه اسوق بدون مامعاي احد واخذت جوالها ودقت على صديقتها الصدوقه يعني مره معاها من ايام الابتدائي ريم ويرن الجوال رنه رنتين ثلاث اليم سكر يووووه محد رد ودقت مره ثانيه وردت ريم ونصها نوم :نعم
ساره: هلا والله كيف الحال
ريم: اقول روحي هناك اكيد قايمه من صباح الله خير عشان تسوقين وشبعانه نوم وانا توني نايمه يالله كلمين بعدين
ساره: وجع شوفي عندي لك سالفه
ريم: والله بي نوم مو فاضيه وبعدين مو مركزه يالله باي
ساره يووه اوف الحين اقول لمين هالسالفه ابي اقولها لااحد احسها ترقع بقلبي لازم اقول ويوم جلست تفكر بشكله اووه وانا وش ابي بشكله بلا شكله بلا هم
راحت غيرت لبسها ولبست تنوره ميدي وصلت الظهر ونزلت وشافت امها باست راسها
ساره: هاي مام
امها: كم مره اقولك لاتقولين هاي ولا باي وشوله هالخرابيط
ساره: ولا عليك السلام عليكم
امها: وعليكم السلام
ساره: تبي مساعده مامي
امها: ايه والله صديق اخوك يبي يتغدى معانا
ساره: مين عبودي
عبدالله توه داخل: لا ناصر كم عندك اخو
ساره:هههههههههههه
عبدالله: وبعدين اصغر اخوانك عبودي
ساره: مالت هذا جزاتي ادلعك وبعدين لو تتزوج بابتل اناديك عبودي
عبدالله: ومن يقول بتزوج
ساره: يارب انه اليوم قبل بكرى
عبدالله: يوم نسيت خويي بالمجلس وين القهوه
ساره وهي تزبطها : امسك احلى قهوه لااحلى اخو
عبدالله: الا وين دانه وسديم
على دخلتها
ساره: الطيب عند ذكره وسديم تلقاها نايمه
دانه: لايكون تحشون فيني
ساره: افا عليك الي بس يحاول يحش فيك اقصلك لسانه
عبدالله: والله ماندري مين الي يحش فيها
ساره: افا وانا بنت ابوي وش قصدك
عبدالله: اووووه نسيت سليطين بالمجلس كله منك يبي يكفخني
امه ودانه وساره جالسين يضحكون عليه
..................................................
عبدالله مسرع ودخل على رفيق عمره سلطان بالمجلس
سلطان يناظر ساعته: بدري كان تأخرت شوي ماكأن فيه احد يحتريك
عبدالله: والله اخذتنا السوالف
سلطان: اول مره تشوفهم
عبدالله:لا والله سويره اختي قالت لي سالفه ثمن تهاوشن ثمن سالفه ونسيت نفسي والله ماتخليك تطلع من عندها الا ومطلعه الشيب في راسط
سلطان: ههههههه واقول وشي مزرعة الشيب الي براسك
وجلسو يسولفون اليم جاء العصر وصلو ورجعو
.................................................. .
ساره: ماماتي من الي راح يجي اليوم
امها: خوالك وعمانك
ساره: وااااو من زمان عنهم مشتاقه لهنيييد الدبيه
امها: وفيه بعد ناس يبي يجون تبي تفرحين بهم كثير
ساره: جد ميييين
امها: يمكن انتي اكثر من تفرحين بهم
عبدالله وهو داخل: اكيد دام يبي يفرحها وحدها متعلق بصديقة العمر
امهم:ههههههههه عارف ماشاء الله عليك
دانه: اكيد فيه اغلى من ريوم بقلب ساره
ساره: وااااااااو ياوناسه وبعدين ليه حاسدينها هالقد يالله بيبايو <<وراحت رقت فوق>>
عبدالله: مااقول الا الله يعينكم على الحوسه انا ادرى بسويره
دانه وامهم: ههههههههههه
.................................................. .
ساره الي جالسه بغرفتها دقت على صديقتها ريم
ساره:يالدبه تبي تجون
ريم: دبه في عينك
ساره: خلاص لاص يالعصلا تبي تجون
ريم: تبي تكحلينها عميتيها
ساره: ههههههههه وش اسوي الا صح وش تبي تلبسين
ريم: وانتي وش دخلك هههههههه
ساره: خيييير ترى بطردك من مزرعتنا
ريم: تقدرين
ساره: احاول
ريم: والله ماادري بس يمكن تنوره قصيره سوداء وبلوزتي السماويه الي يوم نتلاقى بالسوق
ساره: اها حلووووووووووو
ريم: وانتي
ساره: ماادري
ريم: اقول سلملم امي تناديني
ساره: يالله اجل بدق على هنادي
ريم: من زمان عنها تبي تجي
ساره: نو نو
ريم باحباط: يووووه ليه ودي اشوفه
ساره: تعالي لبيتنا واعزمها
ريم : ابشري
ساره: صدقتي اقول روحي لامك
ريم: يوووه نسيت يالله مع السلامه
ساره: مع السلامه

سكرت ساره من هنادي ودقت على هنادي
هنادي تكون بنت خال ساره وبنفس الوقت بنت عمتها
يعني ابو ساره وام هنادي اخوان
وابو هنادي وام ساره اخوان
وعايلة هنادي
ابوها خالد
وامها نوره
عبد الرحمن27 اممم ميزته عن باقي الشباب ان الي يشوفه يقووول عصبي بس بالعكس حبوب بس شوي شديد وعريض جسمه زي الابضايات ههههههههههه

وبعده نسايم:22 سنه صديقة دانه بنوته شوي سمراء طويله مملوحه اخر سنه له بالجامعه

وبعدهم تجي هنادي18 هي وساره نفس الرجه والهبال<<مهبل العايله>> ههههههههه لسانه طويل تعجبني اخر سنه له لاثانوي

وبعده فارس17 اصغر من هنادي بسنه طاقن ميانه مع ساره ههههههههه من ورى الغطاء مهستــــر<<كل العايله مهسترين الا عبدالرحمن ونسايم عاقلين>> بثاني ثانوي

وبعدهم رامي15 حليوووو هالولد وكمان لسانه طويل بثالث متوسط

نرجع لمحور القصه
دقت ساره على هنادي
هنادي: هلا والله بالطش والرش والبيض مفقش
ساره: بيض ولا شكشوكه هههههههاي
هنادي:خخخخخ ماتضحكين
ساره: محد غصبك اخبارك اعلومك وش مسويه وينك لاحس ولا خبر
هنادي: شوي شوي مو على طول
ساره: طول ولا عرض عرض ولا ارتفاع ارتفاع ولا انخفاض ههههههههههـ
هنادي: يوووه ياشينك اذا مصختيها والله مالي خلقك
ساره: افا يعني اسكر
هنادي: امزح امزح اخبارك انتي
ساره: الحمد لله عم ازقح
هنادي : دريتي
ساره: يييييييس تبي تجون بس وش رايك اادري اخر الناس
هنادي: خخخخخ فشلتين طلعت غصب بس نمشيها هالمره بس والله مره استانست
ساره: ماالومك تبي تشوفيني
هنادي: ابو الثقه الي مثل كذا
ساره: لابد هالثقله هاليومين الا وش تبي تلبسين
هنادي: وش عندك تسألين
ساره: كذا فضاوه
هنادي: ماادري حتى الان ماقررت وش رايك وش البس
ساره: ههههههه حافظه دولابك
هنادي: لو ماحفظتيه ماسألتك
ساره: تذكرين تنورتك السوداء هذيك الي مره جيتكم واثاريكم توكم شارينها
هنادي: أي وحده
ساره: الي اقولك انها مثل حقة ريم
هنادي: ياحليلها ريم وش اخبارها
ساره: بخيرات تسأل عنك
هنادي: سألت عنها العافيه
ساره: نرجع لسالفتنا
هنادي: طيب حلو والبلوزه
ساره: السماويه الي شريتها لك
هنادي: والله انك اخطر وحده حلووووو فكيتي عني ازمه
ساره: هههههههه ترا كله لبس
هنادي : ولو ماتعبت راسيب بالتفكير
ساره: احم احم انا ذوقي راقي من النوع الفريد
هنادي: كنك بديتي تخرفين
ساره: هههههههه بديت اشك بنفسي اقول يالله بروووح اجهز حالي
هنادي: اشوفك على خير
ساره: بيبايو
...........................................
سكرت ساره من هنادي وراحت اخذت لها شور يوم خلصت طلعت ولبست تنوره وبلوزه سماويه<<يقالهم تبي تطلعهم مميزين>> وجعدت شعرها طلع شكلها مره حلووو
شوي وتدخل عليها دانه
دانه: يالله امي تنتظرك تحت
ساره: احد جاء
((هم الحين العصر وحلو هالوقت يجتمعون اذا كان الاجتماع بمزرعه))
دانه: ابو علي وامي فاطمه

طبعا خوالهم وعمانهم يقربون لبعض
يعني عمانهم
الجد علي
والجده فاطمه
اكبر اعيالهم

سليمان ((ابو ابراهيم))
مريم ((ام ابراهيم))
واعيالهم
ابراهيم30: حبوب متزوج من بنت عمه هنا حبوب

حسام22 شوي طويل لسانه بس مو شراني هههههههههه متخرج<<ماخذ صيفي>>

ندى17 هالبنت خبــــــله مهســــتره عنوانه بالحياة طنش تعش تنتعش رهيبه قويه <<لاحقه ساره وهنادي بالهبال هههههههه>> بثاني ثانوي

اسامه15 طبعا مرجوج مثل رامي!! بثالث متوسط
..........
وبعدين اختهم نوره<<ام هنادي طبعا عرفت بهمقبل>>
..........
وبعدين ابو ساره
محمد <<طبعا عرفت به وبعياله قبل>>
..........
وبعدهم ناصر ((ابو سامي))
منيره ((ام سامي))
اكبر عيالهم هنا 25 زوجة ابراهيم

سامي18 ماشاء الله شاب مرتب عاقل الهبال بوادي وهو بوادي ثاني طيب هو وتوأمه كلهم بثالث ثانوي
وتوأمه عليا 18 تجنن هالبنت انعم بنت بالعايله وهـ ياناس حبوبه وطيوبه وتجنن ونعومه حيــــل انعم وحده بالعايله بعدها تجن دانه

ماجد15 صديق رامي واسامه لكن مو مهبول مثلهم ههههههههه بثالث متوسط
..........
وبعدين العنود 26 متزوجه ورجلها اسمه محمد عندها بنت عمرها 3 سنين اسمها دلع
..........
واخيرا بندر28 ماتزوج
.............................................
.............................................
وبعدين خوال ساره
الجد عبدالرحمن
والجده ساره
عيالهم
خالد<<ابو هنادي عرفت فيهم قبل>>
..........
وبعدين حصه <<ام ساره وطبعا عرفت فيهم قبل>>
..........
وبعدين هنا متزوجه ورجلها ميت وعندها بنتين وولدين
عبير 19 اول جامعه رياض اطفال حبوبه هالبنت وتحب الاطفال كثير

وبعدها لما16 سنه ايام تنهبل مع البنات وايام عكسهم تماما تكون عاقله<<على حسب المزاج>>

سامر 10 رابع ابتدائي

مروان 5 سنوات
..........
واخيرا سلمان 26 تخصصه دكتور يدرس برا فله هالانسان يحبونه بنات اخوانه كثيـــر مافيه مكان مايوديهم وبعده تجي منال 23 ماتزوجت دايم الاجتماع عنده هههههه اكبر العزابيه
............................................
يمكن تنصدمون وتطير عيونكم من كثرهم
بس صدقوني اذا تابعتو معاي راح تحفظونهم على طول ان شاء الله
.............................................
نرجع لمحور الروايه المهم تزينت ساره على السرع وضبطت شكلها ونزلت ولقت جدتها فاطمه وجدها علي
ساره: هلا والله تو مانور البيت وراحت سلمت عليهم
جدها علي: اخبارك يابنيتي واخبار دراستك
ساره: والله الحمد لله بخير اخبارك انت يبه
جدها علي: بخير يالله بقوم اشوف الرجال
ساره: وش اخبارك يايمه
جدها: بخير بس هالركب صايلاتن علي وش اخبارك انتي بشريني عن حالك
ساره: والله بخير حالي يسرك بقوم اشوف امي
وهي طالعه شافة ريم واهلها توهم داخلين
وراحت عند ريم وضمتها
دانه: الحمدلله والشكر مكأن قبل امس شايفين بعض
لميا<<اخت ريم>>: ايه والله صادقه
ساره: يمه منكم الى هالدرجه حاسديننا
لميا: على الاقل سلمي
ساره: طيب اكلتوني
ونست ساره وراحت سلمت على ام ريم: هلا خاله منورين
ام ريم: منور بااصحابه
دانه: هلا خالتي تفضلو حياكم الله
ساره: هلا لمووووي
لميا: بدري
ساره: وش اسوي توي اتذكر هههههههه
ساره: هلا رنيم كيف الحال
عاد بدو يسلمون على بعض وبعد السلام والكلام
ساره : ركوني كيف حالك وقسم بالله انك تهبل
..........
طبعا ريم صديقة ساره الروح بالروح من زمان
حتى اهلهم يعرفون بعض يعنييروحون لبعض بس موكثير
اهل ريم
ابوها علي
وامها مزنه
وعيالهم سلطان<<صديق عبدالله>> 25

وبعدين لميا 21 سنهثاني سنه له بالجامعه

وبعدها ريم 18 سنه

رنيم 15 ثالث متوسط

ابراهيم 9 ثالث ابتداءي

راكان 5
..........
راحو دخلو دانه ولميا وجلسو يسولفون ريم وساره عند الباب
ريم: واقول وش عندك تسألين عن اللبس
ساره: شفتيني حركتات
ريم: وانا اشهد
ساره: شوفي روحي سلمي والحقيني فوق
ريم: مافيه احد
ساره: لا عبدالله برا وابوي مو داخل
ريم: طيب
................................................
في مكان ثاني ببيت خالهم خالد
نسايم: هنادي يالله عجلينا
هنادي: طيب طيب شوي بس بعدل شعري
ونزلوووووو
عبدالرحمن: جاهزين
هنداي: عن نفسي خلصت
عبدالرحمن: وعن الباقين
هنادي: ماادري عنهم
وكلهم خلصو
ابو عبدالرحمن: شف ياعبدالرحمن انا بااخذ اهلك وانت رح جب ابوي وامي ومنال وخذ معاك رامي وهنادي
عبدالرحمن: سم ابشر يالله طلعنا
..........................................
نرجع للمزرعه
سلمت ريم على الحريم ويوم جت تبي ترقى فوق راحت للمدخل لان فيه مرايه كبيره عدلت شوي من نفسها وراحت ترقى وكانت تحوس بشنطتها توها تتذكر انها ماتعطرت وكانت تبي تطلع العطر وهي ترقى وطرطخ بهذاك الرجل جت تبي تزلق وطبيعي مسكها الرجال والعطر راح في خبر كان طاح وتكسر رفعت راسه انا آآآآآآآآسفه وعلى طول رقت فوووق

ساره شافت الموقف الي صار بين احوها وريم المهم وعلى طول رجعت الغرفه يوم دخلت بعدها ريم وشكلها مرتبكه ومتوتره
ساره وهي تخفي ضحكتها: ريم وش فيك
ريم: مافيني شي
ساره: اللــــه مافيك شي ووجهك محمر
ريم: لا عادي حرانه شوي
ساره: تلعبين على مين المكيف مره بارد
ريم: وراك ماتصدقين اقولمك حرانه
ساره: براحتك شويات بروح وبرجع

ساره وهي داخله: الا ريم وين عطرك
ريم ارتبكت: هااااه ايه صح نسيته بشنطة نسايم
ساره: اها اكيـــد
ريم(الله يستر): يوووه الحين وش فيك مو مصدقتني
ساره: لا بس غريبه ريم بنت علي شنطتها مافيها عطر من يصدق انتي حياتك العطر
ريم(اشك انك عارفه بس كيف ماادري):عاد هالمره نسيته لميا بغته وعطيتها اياه
ساره(والله لااخليك تتكلمين): لا بس مستغربه ريحة الدرج عطرك المفضل صح انا عندي مثله بس انه ببيتنا ماجبته
ريم ساكته: ماادري
ساره: اقول قولي وش السالفه تراني عارفتك
ريم: بقولك ويبقى سر
ساره: سرك في بير<<وتقوم وتقفل الغرفه>>
وتبدأ ريم تقول لها السالفه وساره بس تضحك عاد قبل ماتكملها قالت ساره: وبعين قلتي له انا أ أ أ أ أسفه ومن هالكلام وجيتي تدخلين ويوم سألتك<<تقلد نبرت كلامها>> حرانه وتجلس تضحك هههههههههه
ريم: ضحكتي من سرك سخيفه وترمي عليها المخده
ريم: مين عبدالله
ساره: لا مسعود وش رايك انا احلى صح
ريم: لا هو احلى منك
ساره: ياكبرها عند ربي وش قلتي
ريم: هو احلى عندك مانع
ساره: لايكون بدء الحب حب من اول نظره
ريم: هههههه اقول روحي هناك بعدين وين عايشين مسلسل
ساره: حتى انا عندي قصة حب قصدي قصة رعب ههههههه
ريم: كيف ووشلون
ساره: اخطر من قصك
ريم: وشي قولي
ساره: يوم ادق عليك اليوم تقولين مو فاضيه وسكرتيها
ريم: قلتي لدانه
ساره: لا مشغوله مره اليوم
ريم : طيب وشي
.................................................. ...
تحت جو عمانهم ناصر وسليمان وعمتهم العنود وعلى دخلة خالهم خالد وولده المهم هنادي سلمت وطيران فوق وياخسارتاه كانو مقفلين الباب وتضرب باقوى ماعندها على الباب
ساره: وجع من فيه
هنادي تعاند السه تطقطق الباب بدون ماتتكلم
سارهوهي تفتح الباب: خير ان شاء الله مين
هنادي: هههههههههههههههـ وسلمت عليها
ساره: ضحكتي من سرك المفروض مااسلم عليك بس الشكوى لله
وتسلم على ريم
.................................................. ....
تحت دق جوال دانه وبما ان المجلس كله حريم طلعت تكلم برا<<راحت للمزرعه>>
دانه: هلا والله وغلا
حنان: هلا فيك
دانه جالسه تكلمها وهي تتمشى: وينكم
حنان: السموحه والله اننا جاهزين بس امي تعبت ولا قدرنا نجي
دناه: سلامات عسى ماشر
حنان: الشر مايجيك يالغلا بس والله كذا فجأه
دانه: ماتشوف شر يارب سلمي لي عليها
حنان: يبلغ ان شاء الله يالله بس حبيت اعتذر توصين على شي
دانه: سلامتك طمنيني عن خالتي
حنان: ان شاء الله مع السلامه

حنان صديقة دانه
قليل اجتماعاتهم مع اهل دانه يعني مو مثل اهل ريم
حنان ابوها رائد وامها هيا
اكبر اخوانها جاسم24
وبعدين هي صديقة دانه22
وبعدين سمر16 اول ثانوي
ياسر12 اولى متوسط

نرجع للقصه
وهي راجعه للبيت دانه جالسه تحوس بجوالها الا وتصقع بذاك الرجل عاد غاصت فيه من كبره ماشاء الله وشكلها!!! وطاح جوالها وامتلى تراب واخذت وعلى طول راحت للبيت ركض
راحت لغرفتها جلست تفكر مين هذا مين بس زين عدت على خير بس شكله عبدالرحمن فيه لمحه من هنادي لا والله يختلف يوووه خلون انزل تحت احسن
.....
جوالها كان فيه تعليقه دبدوب صغنون انقطع الخيط يوم طاح الجوال يوم راحت دانه شاف عبدالرحمن الدبدوب سحبه وشافه وحطه بجيبه وراح
.................................................
شفتو هذا اليوم مره صارت احداث
بدايتن مع ساره
ثمين ريم
واخيرا دانه

بس ساره اصعبهم بس زين عدو كلهم على خير
................................................
اتمنى القى تشجيع
وانتقاداتكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-10-2008, 07:01 PM
صورة أهلاوية من قدي الرمزية
أهلاوية من قدي أهلاوية من قدي غير متصل
©؛°¨غرامي فعال ¨°؛©
 
الافتراضي رد: الهدوء ماقبل العاصفه / روايه بقلمي


بداية حلوة نتظرك.......

والله يعطيك العافية.........

تحيـــــــــــــــاتيـ......


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 20-10-2008, 07:02 PM
rosettelibre rosettelibre غير متصل
©؛°¨غرامي مشارك¨°؛©
 
الافتراضي رد: الهدوء ماقبل العاصفه / روايه بقلمي


بداية جيدة وننتظر المزيد

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-10-2008, 08:20 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: الهدوء ماقبل العاصفه / روايه بقلمي


’ ,

بســم الله

يعطيك العـــافيه

موفقه إن شـــاء الله

https://forums.graaam.com/96290.html

’ ,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-10-2008, 04:19 AM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: الهدوء ماقبل العاصفه / روايه بقلمي


:..


هلا وغلا ومرحبا

نورتينا يالغاليه

https://forums.graaam.com/96290.html

بالتوفيق يارب

:..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 21-10-2008, 07:54 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: الهدوء ماقبل العاصفه / روايه بقلمي


’,’


هلا فيكي وقفه شموخ
منوره غرام والرويات

موفقه ان شاء الله


’,

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 21-10-2008, 02:40 PM
وقفة شموخ وقفة شموخ غير متصل
©؛°¨غرامي جديد¨°؛©
 
الافتراضي رد: الهدوء ماقبل العاصفه / روايه بقلمي


اقتباس:
المشاركة الأساسية كتبها أهلاوية من قدي مشاهدة المشاركة
بداية حلوة نتظرك.......

والله يعطيك العافية.........

تحيـــــــــــــــاتيـ......
اسعدني تواجدك

الله يعافيك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 21-10-2008, 02:42 PM
وقفة شموخ وقفة شموخ غير متصل
©؛°¨غرامي جديد¨°؛©
 
الافتراضي رد: الهدوء ماقبل العاصفه / روايه بقلمي


اقتباس:
المشاركة الأساسية كتبها rosettelibre مشاهدة المشاركة
بداية جيدة وننتظر المزيد
مشكوره على التواجد

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 21-10-2008, 02:44 PM
وقفة شموخ وقفة شموخ غير متصل
©؛°¨غرامي جديد¨°؛©
 
الافتراضي رد: الهدوء ماقبل العاصفه / روايه بقلمي


اقتباس:
المشاركة الأساسية كتبها الزعيمـــه8 مشاهدة المشاركة
’ ,

بســم الله

يعطيك العـــافيه

موفقه إن شـــاء الله

https://forums.graaam.com/96290.html

’ ,
لله يعافيك

ويوفقك

ياليت تكونين من قراء قصتي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 21-10-2008, 02:45 PM
وقفة شموخ وقفة شموخ غير متصل
©؛°¨غرامي جديد¨°؛©
 
الافتراضي رد: الهدوء ماقبل العاصفه / روايه بقلمي


اقتباس:
المشاركة الأساسية كتبها ! غمـوض بنيـه ! مشاهدة المشاركة
:..


هلا وغلا ومرحبا

نورتينا يالغاليه

https://forums.graaam.com/96290.html

بالتوفيق يارب

:..
هلا فيك

النور نورك

ويوفقك

ياليت تكوني من قراء قصتي


موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1