غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 24-10-2008, 03:48 AM
صورة قمة النعومه الرمزية
قمة النعومه قمة النعومه غير متصل
©؛°¨غرامي مشارك¨°؛©
 
B10 خمسه وسادسهم البحر / أول قصه من تأليفي


السلام عليكم ورحمه الله وبركاته

حابه اليوم ابدى انزل اول موضوع وهي اول قصه من تأليفي

وسط حجمها تاخذ يومين او اقل

انا نشرتها قبل بالجوال

وهذا انا بنشرها بهالمنتدى الحلو

واذا لاقيت تشجيع ... راح انزل قصصي الي اكتبها

هذي القصه تجمع بين الموعضه والكوميديا والإثاره والحكمه
جمعتهم بقصه وحده واختصرتها لكم

اتمنى تنال إعجابكمم

اتترككم مع القصه والله الله بالردووووووووود





خمسه وسادسهم البحر
( وعسى ان تكرهو شياء وهو خيرا" لكم )

دخل للبيت وهو يغني..وطربان..
دخل في الصاله ولقى اهله جالسين..

فيصل: السلااااام عليكم..

الكل: وعليكم السلام..

هدى: ولد حلال..تونا في سيرتك..

فيصل: ابد .. اكيد تحشون.. ولا انتم وش عندكم غير الحش؟..

ريم: حراااام..بالعكس..انت تعال اجلس وبتسمعنا..

ام فيصل: يابنات إذا قدرتو عليه لكم مني ألف لكل وحده فيكم..

بسمه: صدق؟ حتى انا؟

فيصل: لحظه لحظه.. من الحين قبل لا اجلس..كان سالفتكم عرس ما عرس..علموني من الحين ارقى..

هدى: وليش ان شاء الله بترقى؟

فيصل: لأن العزوبيه صالحه لي.. داق لي خيمه فيها مااابي اطلع منها...

ريم: استح على وجهك..عمرك صار فوق الـ 27 ومابعد فكرت؟

فيصل رفع حاجب: استح!!! وليش استحي؟ وبعدين انا رجال يعني لو يجي عمري 80 90 100 على الأقــل وتوني اتزوج عادي..

بسمه: اسمعو..يقول على الأقل!

ام فيصل: ياوليدي فرحني..انا ابي اليوم الي ادخل ويقولون ام المعرس دخلت..

دخل بندر: السلاااام عليكم..

فيصل: ايوااااا... هذا المعرس وصل يام المعرس..

بندر طير عيونه: هاه؟ معرس؟! وشهو معرسه؟

فيصل: تو امي قاعده تقول لي لقيت عروس لبندر..حبيبي..

بندر: لا ياحلو!! ايه نشبها فيني بعد..لايابوي..انا مانيب معرس إلا إليـــن الاقي زوجة المستقبل بنفسي..

هدى: فيصل!! بندر الوعد بعدين.. إنا الحين بنخطب لك..

بندر: ايوااا..سمعت؟ بتخطب لك..مبروك..مبروك ياعريس منك المال ومنها العيال..

فيصل: لاااا.. انا عاد حالف انها لك.. خذها عليك بالعافيه..

بسمه: هيـــه.. وش خذها؟! ثوب هي ولا شماغ عشان ياخذها؟!

فيصل: لأني انا مراح اتزوج.. ياخذها هو..

بندر: ولا انا.. انا توني في بداية شبابي...توني صغير على وجع الراس..خلها لك..

فيصل: يمه! هذا انسب لها..هو يعرف يتصرف مع المرأه.. وفيه حلم على ثرثرتهم..

بندر: وفيصل وصل سن الزواج..وراتبه مرموق وعنده خبرات بالحريم..

فيصل: وبندر وظيفته مستقره هنا.. بس انا الي ماأستقريت من ديره لديره..

بندر: بالعكس إلي كذا تلزمهم ألمره..عشان مايصيع..

فيصل: يمه! بندر يحبونه بنات العايله كلهم.. هذا دليل على شخصيتك الحلوه..

بندر: وفيصل يكلمونه بنات الرياض كلهم وهذا دليل على اسلوبك الرائع..

فيصل: بس انت تحب الكشخه والرزه وهذا إلي يحبونه الحريم..

بندر: وانت لك هيبه بطولك وعرضك ووسامتك..

ريم: بس بس والي يرحم والدينك بس..خلاص البنت الله يستر عليها..

هدى: استغفر الله توقعتكم كبرتو...

ام فيصل: تخيلو من ابدا معهم هالموضوع وهم كذا...

بسمه: ويه بسم الله علي.. عسى بس إذا جت حرمه تخطبني يسوون كذا؟!

فيصل: هذا..إذا..إذا جت حرمه..ولا انتي من يبغاك؟

بسمه: وجع..انا كل الحريم إذا دعو لولدهم قالو الله يرزقك ببسمه

بندر: لحظه يا أخت بسمه.. إذا دعو لـ ولدهم ولا على؟

ام فيصل: انتم وش فيكم اليوم؟

بسمه: يعني ماتعرفين عيالك إذا اجتمعو؟ إذا بندر لحاله يجي روعه وإذا فيصل لحاله يجي يمشي الحال..لأن فيصل عله.. بس إذا اجتمعو! اعوذ بالله......

فيصل: اقول ياهدى ماجبتي عيالك؟

هدى: لا..راحو مع ابوهم يسلمون على جدتهم..

ريم: فيصل! تدري إن اخت عبدالله زوجي فلقة قمر؟

هدى: ولا عاد اخت محمد..لاإله إلاالله قمه قمه

بسمه: انا صديقتي هند..تااااخذ العقل...

ام فيصل: يالله بس..فيصل مراح ياخذ إلا ليلى بنت اختي..

بندر همس لفيصل: رجعنا للطير يالي

فيصل يهمس: اقولك شلون اغير مجرى حديثهم؟

بندر: شلون؟

فيصل: انا اوريك

هدى: وش عندكم تتهامسون؟

فيصل: ابد.. جالس يخيرني بينهن.. إلا وش اخبار العنقز مع رهف ياهدهد؟

هدى: ويـــه ..وش اقولك يافيصل لعب فيها لعب بسم الله عليها قلبها كلها حبوب..

فيصل: عاد انا اعرف واحد يهتم بشكله مرره..ويشتغل صيدلي..ويقول كان وجهه كله حبوب واختفت

هدى: صدق؟ويصلح للصغار؟

فيصل: لكل الأعمار..

بسمه: يشيل حب الشباب؟

فيصل: كل شي..يخليك مرايه..

ريم: والبقع السوداء؟

فيصل: اقولكم كل شي..حطيه في الأماكن الغير مرغوب فيها ونامي..وبعد اسبوع بتجين باربي

ام فيصل: والتجاعيد؟

فيصل: ابد .. يخليك نونو.. يقولي جت في صيدليته حرمه وقالت ابي اي شي يخلي زوجي يشيل فكرة الزواج من راسه.. قال لها وش عندك؟ بقع؟ حبوب؟ جفاف؟ التهابات؟ قالت كل شي.. عطاها هالكريم ..بعد اسبوع رجعت وطلبته وشكرته وتقول قلبني انسانه ثانيه في اسبوع وطلبت كميه من هالكريم

الكل: صدق؟!

هدى: ابيك تجيب لي اسمه بكره....

فيصل: ماتلاقينه في اي صيدليه هذا خاص وعليه طلبيه بالهبل..بأدق يحجز لي رقم وبجيب لكم..يمكن بعد اسبوع يمكن بعد شهر ماأدري..انا برقى اغير ملابسي وبطلع..

بندر قام: وانا بنام..يعني بلا صراخ..

وهم على الدرج..

بندر: صدق الكلام الي قلته؟

فيصل: وانت سامع إن عندي صديق صيدلي؟

بندر: لا..

فيصل: اجل خلاص..لاتصير ناقص عقل مثلهن..

بندر: والله انك كارثـــه هههههههه..

ـــــــــــــــــــــ

فيصل بعد ماغير ملابسه..وجهز أغراظه في الشنطه..
رن جواله لما رفع وناظر الشاشه..

فيصل: ياهوو عليناااا...وش بيخلصني من هالقلق هذي؟ مزعجاااه بكل معاني الكلمه.. بتركها تدق إلين تشبع.. ولا اقول خلني ارد واقولها لاتدق..
الو

سحر: الو اهلين فيصل

فيصل: هلا..سحر

سحر: وش اخبارك؟

فيصل: تمام

سحر: فيصل وش فيك تغيرت علي؟..معاد تدق علي مثل اول

فيصل : مشغول ياقلبي..

سحر: وهالشغل بيبعدك عني؟

فيصل: وش اسوي عاد؟ سحوره حبيبتي بعطيك خبر انا والشباب اخذنا إجازه وبنطلع على جزيره في البحر

سحر: وشلون بتروحون؟

فيصل: باليخت بعد شلون بنروح ؟ بسيكل ؟

سحر: طيب هناك مافيه ابراج؟ شلون بدق عليك؟

فيصل: لاتدقين إذا حصلت فرصه اول من بدق عليه انتي..

سحر: متى بتمشون؟

فيصل: اليوم..بنمشي انا وفهد للدمام..وبننام عند شباب نعرفهم هناك..والصبح الساعه 6 بنمشي

سحر: طيب طمني اول ماتوصل للشرقيه.. انا بتم سهرانه إلين تدق تطمني

فيصل: خلاص بدق عليك اول ماأوصل..بيباي

سكر منها ورمى جواله على السرير.. سكر شنطته ورفع جواله
ولما طالع الشاشه لقى رساله فتحها..لقاها من المسكينه
( ياخي فكني حرام عليك..انا موب من هالنوعيه..فكني والي يرحم والديك )
ابتسم ودق عليها
بعد فتره ردت

المسكينه: نعم

فيصل: هلا بهالصوت..

_ نعم ؟وش تبي؟

_يابنت الحلال ارحميني انا حبيتك..

_وش هالخرابيط يارجال؟..وش هالتفاهات؟ وبعدين البنات كثير كلم اي وحده وش معنى انا؟

_ القلب وما يهوى..أبسألك انتي منيره؟

فترة صمت_ انت وش عرفك؟

_ انا اعرفك..قريبك يامنيره واحبك من سنين بس انتي ماتعرفين

_ من انت؟

_ ماله داعي اقولك من انا..انتي تعرفيني..

_شف..انا بديت أفقد اعصابي وانت السبب.. لك حوالي شهرين تحاول انك تخرب اخلاقي وماقدرت..

قاطعها: انا موب قصدي اخرب اخلاقـ...

قاطعته: اسمعني..انت بتتعب ومراح تحصل اليوم الي بتلاقيني مثلك حقيره..

_ افااااا

_ اسمع..وحركاتك هذي مراح تمشي علي ياواطي..
إذا كنت بهيمه وماعندك عقل فلا تعتقد إني مثلك .. انا وحده فطينه..

_ اخسس

_ واعرف حركاتكم القديمه

_ تعرفين حركاتنا الجديده طيب؟

_ اسمعني ياحيوان انا تنازلت وكلمتك لأني توقعتك كفو وتسمع الكلمه.. بس انت طلعت من حثالة المجتمع..

_ بعد؟

_ واكثر..وإذا انت ماعمرك سمعت احد يقيمك فأنا مستعده اقيمك من اليوم لين بكره..

_تؤ تؤ تؤ..هذا وانا داق اسلم على حبيبتي قبل لا..

قاطعته: حبك برص ان شاء الله ياقليل الحيا..صدق ان الناس نزعو منهم الحيا ياتافه

_ ليش؟

_ وتسأل بعد..لاكن الشرهه موب عليك الشرهه علي انا إلي اكلم حشرات..

وسكرت في وجهه
فيصل يضحك: ياحليلها إذا عصبت.

رن جواله بأسم فهد: الو

فيصل: هلا..ها جهزت؟

فهد: انا داق بسألك جهزت؟ انا جهزت

فيصل: وانا بعد

فهد: قلت لأهلك؟

فيصل: لا .. بقول لهم الحين..

فهد: منتاب صاحي..انا قايل لهم من اسبوع..

ــــــــــــــــــ

ام ياسر: ياياسر يايمه لاتروح لهذه الجزيره إلي ماعرف وين طلعتوها..اخاف يصير لك شي يايمه

ياسر: يمه!!! الشباب كلهم بيروحون..اجلس هنا بروحي..

ام ياسر: بس عرسك قرب وانت بدال ماتجهز عمرك تطلع للبحر؟!

ياسر: انا مجهز عمري ياعمري..وانا ابي اختم عزوبيتي بشي يستاهل.

حمد: طيب خذني معك

ياسر: هذا إلي ناقص أخذ بزران معي

حمد: خير!! وش بزران؟ باقي لي سنتين واخلص الثانويه واتوظف واتزوج

ياسر: ايه ان شاء الله..هاه يام ياسر وش قلتي؟

ام ياسر: انا خايفه عليك ياأمي..

ياسر: يمه كلها ثلاث ايام..وراجع لك ان شاء الله..انا احسن من غيري..تدرين من ظمن الشباب بيجون من الرياض بيجلسون 5 ايام
يوم قبل للوصول هنا..
ويوم بعد للأستراحه هنا..

ام ياسر: والله قلبي موجعني على هالطلعه

ياسر: وش دعوه عاد!! اول مره اطلع؟

ام ياسر: طيب الله يحفظكم..بس هاه دق على إيمان قبل..

ياسر: اكيد..بدق عليها وبقولها..وبعد؟

ام ياسر: اول مايمسك الجوال معك..

قاطعها: بدق عليك..اكيد مايبي لها كلام..وبعد؟

ام ياسر: سلم على ابوك

ياسر: اكيدين..فيه شي ثاني؟

ام ياسر: لا ياأمي..

ياسر: ادعي لي..

ام ياسر: الله يرجعك لنا سالم وغانم...رتبت هدومك؟

ياسر: رتبتها..

ام ياسر: خذت لك اكل؟

ياسر: لا كلنا اتفقنا مع مطعم يجهزون لنا حافظات وفاكهه وكل شي ..

ام ياسر: زين..الله يرجعك لنا سالم..

ياسر قام وباس راس امه: الله يخليك لنا..

طلع فوق ودخل على ديمه..

ديمه: ياسر؟!

ياسر: هلا ديوم..شفيك؟

ديمه: مافيني شي..بس عندي بكره اختبار علم اجتماع.. انت وش فيك؟

ياسر: انا بكره الصبح بنروح انا والشباب لجزيره..وبنجلس ثلاث ايام...

ديمه: جد؟ طيب وزواجك؟

ياسر: زواجي باقي عليه خمس ايام.. يعني لي يومين إذا رجعت..

ديمه: وناسه..من قدكم يالشباب... طيب ليش وجهك مكتم ؟

ياسر ابتسم: لا ابد.. بس قلت بسلم على ديوم..وبشوف كانها تبي شي من هناك

ديمه: اممم جب لي عريس..

ياسر: بايخه..

ديمه: انا ادري عنك!! جزيره فاظيه وش بتجيب لي؟

ياسر: ههههههه انا بس اقوم بالواجب..يالله باي..

ديمه: ياسر ! ياسر !

ياسر دخل راسه: هم؟

ديمه: دق على إيمان..

ياسر: اكيد..انا ادق عليها كل يوم..شلون عاد هاليوم بذات؟..

ديمه: بس لأنك بتروح..

ياسر: وبرجع ان شاء الله..يالله مع السلامه

ديمه: فمان الله..

طلع وراح لغرفة ابوه..

ياسر: السلام..

ابو ياسر وهو يقرى الكتاب: هم؟

ياسر: يبه..جيت اسلم عليك عشان بكره الصبح بنمشي للبحر..

رفع راسه وفسخ نظارته: ليش؟

ياسر: نتمشى..اقضي اخر ايام العزوبيه..

ابوه: وكم يوم بتجلس؟

ياسر: ثلاث ايام.. برجع قبل العرس بيومين..

ابوه: الله يحفظك...من بتروح معه؟

ياسر: انا والشباب...

ابوه: من هم الشباب؟

ياسر: منصور ومحمد وعلي وعمر و..

قاطعه: طيب محتاج فلوس؟ ناقصكم شي؟

ياسر: مانقصنا إلا دعاك يابوي..

ابوه: الله يرجعك لنا سالم..

طلع ياسر بعد ماباس راس ابوه.. وتوجه للبلكونه ودق على خطيبته إيمان إلي بصعوبه قدر يراضيها..وبصعوبه قدر يهديها ويمسح دموعها ويضحكها...
وهي عجزت بكل الطرق عشان يغير رايه ويشيل فكرة هالجزيره من راسه بس ماقدرت

ــــــــــــــــــ

جلس يردد كلام منصور في راسه..
" لازم تغير حياتك .. انت تعاقب نفسك بدون ذنب ... خلاص زمن الحب راح مع اهله .. انسى وغير حياتك .. الدنيا ماتسوى انك تكدر نفسك علشان شخص ماعرف قدرك .. تعال معنا للبحر وارمي جابر في هالجزيره المهجوره وارجع جابر ثاني .. "

قام من سريره ونزل شنطته من فوق الدولاب وفتحه وبدى يطلع من الدولاب ويدخل في الشنطه..

دخلت امه: جابر يمه ! وين بتروح؟

جابر: بروح اغير حياتي بروح ارمي جابر وارجع جابر ثاني...

امه: جابر!! انت شقاعد تقول؟

جابر: قاعد اقول إلي لازم اقوله من زمان.. تعبت من الضعف .. تعبت من الظلم .. تعبت من السكوت .. تعبت من الضرب والإهانه تعبت من التعب نفسه.. انا يايمه كبرت وصرت رجال مسؤل عنك وعن اخواني.. انا رايح لمدة ثلاث ايام وبرجع لكم جابر ثاني.. وبعيشكم حياة ثانيه...

امه: وين بتروح وبتخلينا؟

جابر: بروح للبحر..وبرجع لكم

امه: وبتخلينا؟..انا واخوانك مالنا غيرك..نطالع الله ثم نطالعك..

جابر اخذ نفس: راجع لكم ان شاء الله راجع لكم....

وقفت ام جابر تطالع ولدها بخوف من هالتغير المفاجئ..
جابر الساكت الهادي بدى يتحرك...وبعد طول هالفتره من الحبسه في هالغرفـــه الرخـــيصــهـ المــظـلـمـهـ .. قرر يطلع ! ولوين ؟ للبحر..

ــــــــــــــــــــ

ركب فيصل بجنب فهد..

فيصل: السلام

فهد: وعليكم السلام..هاه قلت لأمك؟

فيصل: ايه..وفزعت الدنيا..انا اخر اهتماماتك..تسوي الشي من دون شوري..انت متى بتعقل؟ متى بتكبر؟ هذا وانت بكري ..و و و

فهد: راضيتها؟

فيصل: بترضى هي من نفسها....

فهد تنهد: أنزل راضها.. قبل لا نمشي وتندم..

فيصل: ياخي بترضى بنفسها.. امي واعرفها...

فهد: كل الأمهات كذا..بس انت بتروح لمكان مهجور.. انزل..

فيصل: ياخي وش فيك؟ موب انت فهد الأولي..

فهد: فيصل انزل..

فيصل: امي نامت..

فهد: صحها..

فيصل: أوما اصحيها!!..خلاص بدق عليها..

فهد : انا قلت لك .. وانت براحتك..

مشى فهد بالسياره...

فيصل: انت متغير ذا الأيام وش فيك؟

فهد: خلها على الله..

فيصل: يافهد انت اعز من الأخ تكلم قول..

فهد: مراح استفيد من الكلام..

فيصل: يمكن اساعدك..

فهد: إذا كان هذا حكم القدر ماحد يقدر يساعدني.. الشي الوحيد إلي بيساعدني هو النسيان .. عشان كذا انا وافقت اطلع معكم....

فيصل: انت من زمان وانت تطلع معنا..

فهد: بس عقب إلي شفته حبست نفسي ... بس عقب ماكلمني منصور وكلمتني انت قلت يمكن إذا طلعت انسى همومي..

فيصل: ياخي حيرتني معك.. قول وريحني...

فهد: خلني ساكت احسن ياخوي.. انت ليش طلعت؟

فيصل: تغير جو.. انت تعرفني انا انسان احب التغير..في كل شي في لبسي في شكلي وفي اصدقائي غيرك طبعا..حتى في البنات احب اغير... وحبيت اغير جوي وبري وبحري.. خخخخخ...

فهد: وش يضحك؟

فيصل: ياسامج..اضحك وبس.. لاتسأل...

رن جوال فيصل..
بس فيصل ضغط السماعه الحمراء..

فهد: مين؟

فيصل: وحده قلق ...

رن جواله وكان بأسم عبدوووو

فيصل: اهلا وسهلا..

عبدو: هلا فصيل.. هاه مشيت؟

فيصل: مسكنا خط الدمام..

عبدو: طيب قولي اخبارك مع المسكينه..

فيصل: هههههه..والله مسكينه..هي مستقيمه..

عبدو: والله لأخليها متعرجه..بس عطني الإشاره الخظراء..

فيصل: دق.. دق عليها انت والشباب.. وكل واحد واسلوبه.. عشان تعرف من فيصل إلي تلفظت عليه.. اجل انا حشره؟

عبدو: افااا...

فيصل: اسمعو.. إلي بيقدر عليها له مني مبلغ وقدره...

عبدو: بتشوف.. مراح ترجع من البحر إلا وهي خالصه...

فيصل: كفو بالرجاجيل..

عبدو: اوكيه يالفيصليه..خلك على اتصال..

فيصل: ولو.. هذا اكيد..

سكر..

تنهد فهد: انت مراح تتـوب؟

فيصل: وش قالو لك؟ كافر عشان اتوب...

فهد التفت عليه بعصبيه: مراح تتوب من حركاتك الصبيانيه.. انت قلتها البنت مستقيمه وشوله هالف والدوران عليها؟
ولا لأنها مستقيمه بتجيها؟.. وهالصايعـه إلي تدق عليك تسكرها بوجهها..

فيصل: انت ناقصك تقصر الثوب وتزرع لحيه.. وتأذن بنا.. وتصير من الهيئه.. وش فيك طالع لي ارهابي؟

فهد بقهررر: الكـــلام معاااك ضــايع... اكلمـك اواكلم الجدار سـواء...

فيصل ابتسم: لا موبايلي خخخ تمون يالغالي تموووون...

فهد: فيصل! إذا بتغازل غازل البنات إلي ضايعات.. بس إلي مستقيمه لاتجيها..

فهد: هماها مستقيمه!! ليش خايف عليها؟

فهد: المشكله إن البنت عاطفيه وبتخرب على يدك..

فيصل: المستـقـيم مستقيم.. والدائـــره دائره.. والمـثلث مثلث.. والمربـع مربع..

فهد: فيصل انا اتكلم جد..

فيصل: وانا اتكلم اب...خخخخ...

فهد بلع غيضه وسكت..

فيصل: اوووه.. هههه عصبت؟! اسفين وحقك علينا.. وبعدين انا متأكد هذي موب بس بنت هذي بنت قويـــــه.. مراح يقدرون عليها.. جربت معها جميع الأساليب ولا نفع.. وعبدو والشله ملولين.. بيملون ولا راح يقدرون عليها...

فهد كمل سواقته بهدوء..

فيصل: اضحك عاااد.. كلنا بنروح لسعة الصدر لاتكدر علينا يا اسماعيل..

فهد: من اسماعيل؟

فيصل: اسماعيل الهندي حق مزرعتنا.. انت تشبهه

ابتسم فهد: منتاب صاحي...

فيصل: ايوا كذا.. ابتسم.. وليه تكشر دا العمر كله يومين..
شغل بس هالحلوه نانسي الدنيا حلوه..

شغلها فهد وهم على طريق الدمام....

ـــــــــــــــــــــــ

وصلو للدمام وراحو للشباب وجلسو يسولفون بعدين نامو.. كانت الساعه 9 العشا لما نامو..
لما جت الساعه 4 الفجر قام منصور وفهد..وجى ياسر.. وجو محمد وعمر وعلي.. وبدو يرتبون الأغراض وكل شي... كان عندهم يختين.. بينقسمون فيه..
الساعه 5 الكل عند البحر يركبون العفش.. حطو يخت فيه الأكل والشرب حق الثلاث ايام.. واليخت الثاني حطو فيه الخيمه والشناط والبطانيات والأشياء الثقيله..

جى رامي الحلقه الأخيره..
لمى وصل عند الشباب..

رامي: هاااي.. ام سوري.. معليش تأخرت..

منصور: ليش جيت؟ حنا كلنا كنا نساعد بعض.. وتجي انت متأخر وتركب وبس!!

رامي: منصور!! هايدي اول مره اطلع معكم ماعرف مواعيدكم...

ياسر: خلاص خلاص.. وين شنطتك اركبها..

دنق فيصل على فهد: وش هالأشكال؟

لوى فهد شفته وهو يهز كتوفه: ماادري.. ياسر قد شفته مع منصور ومحمد وعمر وعلي.. بس هالناعم إلي توه جاي اول مره اشوفه.. وهالساكت الهادي بعد اول مره اشوفه..

رن جوال فيصل بأسم قلق..

تأفف ورد: الو

سحر: فيصل؟ طمني عليك وصلت؟

فيصل: ايه وصلت ونمت وصحيت وركبنا العفش والحين بنروح..

سحر: انا ماقلت لك إذا وصلت دق علي؟.. تنام وتشبع نوم وانا سهرانه احتري إتصالك؟

فيصل: نسيت ياعيوني..

سحر: ليش تنسى؟ انا لو انسى لك اي شي فزعت الدنيا علي.. إلين متى وانت بهالأسلوب معي؟!

فيصل: اممم مافيه اتصال بصديق؟ خخخ...

سكرت الخط في وجهه تنتظر اتصاله يراضيها..
بس هو ماصدق تزعل عشان يطنشها ..
رن جواله بأسم المسكينه..

ضحك والتفت على فهد: امحق مستقيمه.. هذه تدق علي

فيصل: الو

تصيح: انت ناشر رقمي؟

فيصل: وعليكم السلام..

_ انت ناشر رقمي؟

_ ليش؟

_ انت ناشره ولا لا؟

_ ناشره؟ انا نشرته على حبل الغسيل..ليش مانشف؟ خخخخ

_ انا بسألك سؤال..

_ وانا بجاوبك جواب..هع هع هع هع

_ انت عندك خوات؟

_ لا ماعندي..

_ طيب افرض كان عندك ترض احد يسوي فيها كذا؟

_ امممم ذيك الساعه افكر..

_ انا وش سويت لك عشان تسوي كذا؟

_ وانا وش سويت؟

_ ناشر رقمي وتقول وش سويت!!

_ ناشر رقمك!! انا ناشره؟ في اي جريده؟ خخخ

_ حسـبي اللـه عليـك دنيـا واخره...

_ الدعوه ترجع لصاحبها

_ الله يلهـيك في نفسك ياحقير..

_ لاتدعين علي انا ماذبحت لك احد..

_ الله يمررك في موقف تتـذكر دعواتي..

_ موقف!! انا موقف سيارتي في موقف بس ماتذكرتك

_ دمك ثقيــل

_ كم وزنه؟

_ دمـــــك ثـــــقيل..

_ بأخففه بمويه.. هههاااااييي

_ اسمعني احسن لك ولشلتك المبزره لاعاد تدقون علي هالرقم ولا والله بتتحسفون...

_ قولي والله؟! هههههههههه.. منيره؟ منيره؟

صرخت معصبه: لاتقول اسمي ياحقييــــــر...

_ ههههه طيب... انا بجلس ثلاث ايام مراح ادق عليك موب خوف.. لا بعطيك راحه لمده ثلاث ايام ..انا بروح فيها للبحر...

_ جعلها روحه بلا رده..

_ لا يامنيره عيب...ان شاء الله اول ماارجع لي تفاهم ثاني معك

_ يـاللـه يــارب ارسـل عليـه العـقوبه لـه ولـشلـته عقوبه تذكـرهم فعـايلـهم مـعي...

وسكرت الخط في وجهه...
شرد فكر فيصل والكلمه الأخيره تتكر في ذهنه...

صحى على صوت منصور: يالله ياشباب.. كلنا بننقسم.. بما إن عمر وعلي مابعد وصلو انا ومحمد بنحتريهم..

رامي: مابعد وصلو ليش عصبت علي من شوي؟

محمد: راحو يشترون الأغراض إلي ناقصه

منصور: يالله يافهد فيصل ياسر جابر رامي علي يخت حق ياسر.. إلي في الأكل والشرب.. وحنا يالأربع بنلحقكم..

فيصل: من بيسوقه؟

ياسر: انا بسوق.. وانا ادلها ... بس انتم اركبو...

ــــــــــــــــــــ

كان فيه كرسين قدام إلي يسوق ياسر وجنبه فهد ويسولفون..
والي جالسين فيصل وجابر ورامي..
فيصل مسوي يغني اغاني البحاره إلي ماحفظ إلا لحنها..
وجابر جالس ولام رجوله لصدره ورامي معه مبرد وجالس يرتب اظافره..

فيصل: يالالا.. يالالا يالالا.. هوووب هيييع..

رامي: ياليتني ماجيت

فيصل يحب الشر: ايه والله ياليت..

جابر بخوف: وين منصور؟

فيصل: بيجي يابابا لاتخاف ترانا ما ناكل لحوم البشر..

فهد: فيصل!! استح على وجهك..

فيصل: ويالالا..يالالا يالالا..يالا هييييع..

وكمل الإزعاج إلي مسويه للشباب..

رامي: لو سمحت!! انت شو اسمك؟

فيصل: ويالالا..لالاااااا..وياااالا..

فهد: اسمه فيصل..

رامي: فيصل معليش خفظ صوتك..

فيصل يعاند: هوووووب هيييييع..

فهد: فصول!! ياغن زي العالم والناس ولا اسكت..

فيصل يرفع صوته: ويالالا..وياااااااااااالالا..ويااا..ويااااا هيييييع.

عرفو إن فيصل مامنه امل وسكتو..
فيصل بدى يطبل على اليخت وهو يغني..
فجأه سكت..وسمع صوت منيره وهي تصيح وتقول
( يـاللـه يــارب ارسـل عليـه العـقوبه لـه ولـشلـته عقوبه تذكـرهم فعـايلـهم مـعي... )
وبدى يهوجس والدعوه تتكرر في راسه..

فهد: وش فيك؟

فيصل: هاه؟! لا ابد.. بس...

جابر: ياسر!! رجعني..

ياسر يكلم نفسه: وش فيه ذا اليخت هدى.؟.

جابر: ياسر!! رجعني..

ياسر: وين ارجعك؟

واليخت يهدي

جابر: رجعني للأرض.. خلاص انا خفت

ياسر: جابر حنا مانلعب.. حنا طلعنا طلعة شباب موب بزران عشان ترجع لأمك..

فيصل: وانا بعد ابي ارجع..

ياسر: فيصل! انت من جدك؟

فيصل: ايه من جدي.. انا حاس إن ورى هالطلعه مصيبه..

فهد: انت كنت اكثر واحد متحمس..

فيصل: كنت.. بس الحين لا..

ياسر: شوفو انت وياه.. لو تحطون رجل بالسماء ورجل بالقاع رجعه مراح ارجع

جابر: اليخت هذا من حقه؟

ياسر: حقي.. والبانزين يالله يكفي..........

فجأه سكت ياسر وكأنه تذكر شي...

رامي: وشو؟ وش صار؟

ياسر التفت فجأه عالبانزين ثم التفت عليهم مرتاع...

فهد: وشو وش فيك ياياسر؟

واليخت بطت حركته بزياده

ياسر: البانزين خلص..

الكل مرتاع: وشوووو؟!

ياسر: نسيت اعبي....

جابر: رجعنا...بسرعه رجعنا...

ياسر: البانزين خلص وحنا في نص الخليج..

فيصل مرتاع: وليش الجزيره موب قريبه؟!

ياسر: لا الجزيره بعيده... قريبه عند الكويت

رامي: كيــف!!!

فهد: طيب وش الســوات؟!

ياسر: اكيد بيمرون عندنا منصور والباقي...اكيد..

فيصل وصلت معه وهجم على ياسر وخنقه: تركبــنا يخت مافيــــه بانزين يــــــــــاثــووووووووووووووور!!!!!

رامي وفهد يحاولون يفكون فيصل بس ماقدرو....

فهد: اذكر الله يافيصل هذا الشي مكتوب..

رامي: العصبيه مراح تفيد بشي.. اجلس خلونا نفكر بهالمصيبه..

فيصل ترك ياسر إلي جلس يكح : انــت السبب.. انت ياغــبي.. شلووووون تركبنا يخت مافيه بانزييين؟!

ياسر عصب: ياخي لاتلومني.. كل شي قطيتوه فوق راسي.. اطلب من المطعم جب يختك اشتر مويه..هذا غير زواجي وش ابدي وش اخلي.. موب مثلك انت وياهم رتبت شنطتك وجيت..

فيصل معصب: إذا انت منتاب قد الشي لاتسويه

ياسر: فيصل حســن اسلوبك معي.. انا منيب عبد عندك عشان تكلمني بهالأسلوب..

فيصل: شي حلو والله...مراح اعبي بانزين وانطقو في نص الخليج ماأعرف تطلعون حيين ولا جثث.. ولا احد يتكلم علي..

ياسر: اظن إني معكم مبتلش.. مابلشتكم لحالكم..

فيصل: المشكله إننا مبتلشين..والسبب غبائك..

ياسر: وليش ماجيت تشوف وش إلي ناقص ياذكي

فيصل: وانا وش عرفني انك غبي

ياسر: انا اعرفك من قبل عشان تحكم إني ذكي؟؟

وخر فيصل ياسر عن طريقه وجلس في مكان إلي يسوق..
بدى يضغط ..ويضغط..
مشت شوي..صرخو كلهم فرحانين..
ضحك فيصل ولف بالدركسون.. اول مالفت للجهه الثانيه وقفت...
رجع فيصل يحاول ويحاول..ومافيه امل..

فيصل: ماعندك جيك فيه بانزين للأحتياط؟

ياسر فجأه قام من مكانه وراح يدور مع العفش..
قام معه فهد يدور..

صرخ ياسر: ياااااهووو.. لقيت الجيك..

صرخو الكل فرحانين...
بس اول مارفع الجيك.. انرفع بسرعه!.
لما خظ الجيك بخوف..صار خفيف..
فتحه..لقاه فاضي..
رمى فهد نفسه بألم وفيصل رمى راسه على الكرسي..
وياسر رمى الجيك في الارض وصرخ: يااااااااارب

تكرر الصدى وراه.. يااااااااارب يااااااااارب يااااااااارب...

تذكر فيصل ورفع راسه بصدمه " يــارب ارسـل عليـه العـقوبه لـه ولـشلـته عقوبه تذكـرهم فعـايلـهم مـعي... "

معقوله!! هذي العقوبه إلي دعت بها علينا منيره!!!
لا..لا ان شاء الله لا.. ان شاء الله بيجون منصور وبياخذوننا...

ـــــــــــــــــــــــــــ

منصور: ماكأنهم تأخرو؟!

محمد: الله يستر.. انا اعرف علي.. متهور بسواقته...

رن جواله: الو؟ ايه انا محمد..شلون؟! في اي مستشفى؟

منصور: وشو؟! وش صاير؟

محمد سكر جواله: علي..علي وعمر صار لهم حادث...

راحو بسرعه وركبو سياراتهم وراحو مسرعين للمستشفى..

ـــــــــــــــــــــــــــ

الساعه 12 الظهر..

ياسر: مو معقوله!!.. مو معقوله ياناس...منصور والشباب مامرو علينا!!!...

فهد: شوفو جوالاتكم..مافيها ابراج؟

فيصل: ولا برج...

رامي: عندي فكره...شرايكم نسبح؟!

فيصل بأستهزاء: اسمعو الأفكار الديمقراطيه.. هذي الأفكار إلي تفتح الذهن..

رامي ابتسم: ثانكس..

فيصل عصب: اي ثانكس بعد انت!!.. شلون نسبح وحنا في نص الخليج؟!.. إلا صدق! شلون نروح لجزيره بيخت؟

ياسر عصب : اجل وش تبينا نروح به؟ بـ باخره؟!

فيصل بأستهزاء: لا بأستك احسن....وبعدين هذا الي راكبينه تسمونه يخت؟؟ هذا موب يخت

ياسر رفع حاجب: موب يخت!! اجل وش ذي سكوتر؟!

فيصل: اليخت اكبر من هذا..

ياسر: فهد والي يرحم امك سكت خويك..

فهد: فيصل..خلاص..

فيصل: حلوه ذي!.. يخت ابوك عشان تسكتني؟

ياسر: لا يخت ابوك انت... انت قاعد فوق يختي ياحلو..

فيصل: وقاعد هنا بسبب غبائك ياقمر...

ياسر: عاجبك الوضع؟ انطم.. ماعجبك ؟ طب واسبح..

فهد: فيصل! ياسر! خلاص...وبعدين كلنا ساكتين..معناها مبسوطين؟

فيصل: انا ادري عنه...على الأقل إذا ماعبيت اليخت عب الجيك..

ياسر: إذا ذكرت الجيك ذكرت اليخت .. ياثور

فيصل: والله انت مااستبعد عليك اي نقطه.. إلي ناوي يودينا لجزيره مهجوره بنص الخليج بدون بانزين وش ترجي منه؟

ياسر: فيصل إذا بتجلس تتذمر فوق حلال ابوي طب اسبح..

جابر: ياسر!! ودني لمنصور..

فيصل: شه بعد ذا لا تجيه ذا الماصوره..

ياسر: فيصل انت مالك دخل..هو يكلمني.. جابر ! منصور بيرجع ان شاء الله بيجي ياخذنا..

رن جوال رامي..الكل قام من مكانه..

فهد: بسرعه رد وعلمهم..

رد رامي: الو...

منصور صوته يقطع: أر...ارجعو...رامي...أر...و...

فيصل: علمه إننا تورطنا..

رامي: منصور؟ منصور تسمعني؟؟

منصور: لـ.. لا...يقـ .. ـطع.. اسمع... عمر .. و..لي.. صـ.. ـادث..ارجعو..ارجـ.........

طوط طوط

رامي : انقطع الخط..

فيصل عصب: يالكمخه ليش ماقلت له؟..

رامي: مايسمعني..بيقول يقطع..

فيصل: كان قلته يمكن يفهم.. يأللــه انا وش بلاني مع هالبزران الأغبياء؟؟

ياسر: وش قالك منصور؟

رامي: مافهمت شي..مافهمت غير كلمة ارجعو..

فهد: ليش؟ لايكون صاير لهم شي..

فيصل: ويـاحـلاوه... كـملت الحفله..منصور يقول ارجعو.. معناها مراح يجي هنا.. ورقصني ياقدع...

ياسر: يألـله .. شلون يعني بننطق هنا؟!..

فهد: لا إن شاء الله منصور والشباب بيستغربون لأننا مارجعنا..وبيـبلغـون عـلينا... ان شاء الله مراح تجي الساعه 6 المغرب إلا وكلنا في بيـوتنا..

ـــــــــــــــــــــ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 24-10-2008, 03:50 AM
صورة قمة النعومه الرمزية
قمة النعومه قمة النعومه غير متصل
©؛°¨غرامي مشارك¨°؛©
 
الافتراضي رد: اول قصه من تأليفي خمسه وسادسهم البحر


الساعه 9 العشـــاء..

فيصل جالس يطق طق على الأرضيه ويغني..
وجابر جالس في زاوية اليخت ولام رجوله لصدره..
وياسر وفهد جالسين يحاولون في اللمبه..
ورامي حاط راسه على ساق فيصل إلي يغني ونايم

فيصل يغني اغنيه قديمه : بيني وبينك غربة كنها الليل
معاد يذكرنا مكان التلاقي
ارحل مع النسيان ارحل مع مدري وشو
ولك اليوم باقي..

جلسو ياسر وفهد..

ياسر: صوتك حلو يا فيصل

فهد: عطشت..

ياسر: شف شناطنا كل إلي معنا اكل وشرب..

قام فهد وأخذ له قارورة مويه وجى عندهم..

ياسر: برد صح؟

فهد: إلا.. والمشكله ملابسنا وبطانياتنا مع منصور...

جابر وهو ياكل اظافره: متى بنرجع؟!

فهد: اليوم ان شاء الله..

جابر: انت قلت مراح تجي..6 إلا وكلنا في بيوتنا..والحين الساعه 9

فهد: لا ان شاء الله مراح تجي الساعه 12 إلا وحنا في الدمام..

ياسر: وإذا ماجو..فهو يا بكره ولا بعده...

فيصل: ويمكن بعد اسبوع..اسبوعين..شهر..ولا نموت هنا..

جابر: لا..لامابي اموت..لا انا وعدت امي اني ارجع لها وأغير حياتنا.. لازم ارجع لازم..

فيصل: شف ياجابر..طول ما انت عايش مع ناس بيودونك لنص الخليج بدون بانزين..وناس يمسك معهم الخط ويقعد يهرج وانت بأمس الحاجه لهالحظه..فأفقد الأمل بالحياة..

حط فهد يده على كتف ياسر إلي عصب..

فهد: انت كبر عقلك..صحيح فيصل إلي في قلبه على لسانه..بس حبوب..ولا انا وش مصبرني عليه؟

ياسر: انا هذا السؤال إلي شاغلني.. وش مصبرك عليه؟!..

تنهد فيصل ورفع راسه للنجوم: مراح نرجع..

فهد: وش هالتـشاؤم إلي عندك؟ بنرجع ان شاء الله..

ابتسم فيصل بألم: لا..مراح نرجع..بنموت كلنا..

فهد: فيصل!! وش فيك؟!

فيصل وعيونه غرقانه: هذي عقوبه من الله..ربي استجاب دعوة منــيره المسكينه..

ياسر عقد حواجبه: منيره المسكينه!!

جلس رامي متحمس: ليش؟! هي دعت عليك؟!..

فيصل وهو يتذكر: بأبدا قصتي من الأول... انا انسان احب التغير في كل شي.. واحب البنات..لاكن مااحب بنت معينه..احب اغير..
وهذا إلي خلاني انزع فكرة الزواج من راسي.. لأني ماأتخيل نفسي اعيش مع وحده انوم معها واصحى معها اطلع معها وادخل معها.. اكل معها واشرب معها..كل شي معها لحالها..بس وحده
فصرت راعي علاقات اخلص من وحده!! ابدى بالثانيه..
جربت البيضاء والسمراء..الحلوه والبشعاء.. العربيه والأجنبيه..
طلعات وسوالف ومسخره.. هذا غير سواليف الجوال..
ومره من المرات فكرت اخصص جوال لأهلي..وجوال للبنات..
دخلت محل جوالات المستعمله...
شريت جوال ولما وصلت للبيت.. اكتشفت إن اسماء راعي الجوال والرسايل وكل شي على سنعه...
ومن ظمن الأسماء كان فيه اسم منيــــره...
استغربت..شلون ولد ويكتب اسمها عيني عينك..
لقيت اسماء بنات بس بألقاب..مثلا همس الغلا ودانة حبي وشمعة حياتي والوسخه والقرده
هذيلا صديقاته.. ماأبيهم عندي كثير منهم
لقيت اسماء خواته مثل اختي ام سلمان واختي ام محمد واختي ( ج ) و و و
يعني منيره هذي لاهي صديقه ولا هي اخت.. اجل من هذي؟..
اللقافه اكلتني.. ومسحت كل الأسماء إلا اسمها..
ولما جى يوم فكرت قلت يمكن ولد ناعم.. بدق اجرب..
دقيت بس إلي ردت بنت.. وش السالفه؟
سكرتها وانا افكر.. اليوم الثاني قررت اشوف مويتها..
ارسلت لها رسايل لمدة شهر.. وكانت حاقرتني..
ولما جى يوم دقيت : الو السلام
ردت السلام
سألت_ كيف الحال؟
_ الحمدلله
_ من معي؟
_ انت إلي من انت؟
_ انا؟
_ انت غلطان
_ غلطان؟
_ ايه
وسكرتها...

ياسر: كفو .. شكلها رهيبه..

فيصل: انا بروح للحمام وبرجع..

رامي: فيه هوون تواليت؟؟

فيصل: إذا مافيه.. للبحر وش نسوي بعد؟

رامي: ولك العما..قرفتني

فهد: انت سعودي؟

رامي: ايه..بس الماما من لبنان..

ياسر: بسرعه يافيصل.. ابيك تكمل وش صار؟

فهد : وين راح هواشكم من شوي؟

ياسر: انا من ناحيتي طيب وانسى بسرعه..

فهد: حتى فيصل

رامي: على انه طاح من عيني لما وصف حاله .. وحبه للتغير وتنوع البنات..

ياسر: ايه صادق..ماتوقعته صايع كذا!!

فهد: هذي قصة تائب..ماشفتو دموعه؟ انا وانا صديقه من سنين اول مره اشوف دموعه..هذا دليل على توبته..

رامي: حنا هيك يالبشر..نادرا مابنتوب هيك من نفسنا..لازم ناخذ درس قاسي ومن بعده نتوب...

فجأه رن جوال فيصل وهجمو عليه ثلاثتهم يحسبونه منصور..
جى فيصل يركض وهو يسكر سحاب بنطلونه: من هذا مين؟

فهد: قلق يتصل بك..

فيصل بتعجب: الله ياخذها مامسك الخط إلا معها!!!

رامي: رد عليها وخبرها إزا فيها تخبر منصور..

ياسر: عطها رقم منصور..

رد عليها: الو..

سحر يقطع: أ.. أ.. أ..

فيصل: سحر؟ سحر؟ تسمعيني؟

سحر: فـ....ل......نك؟

فيصل: يقطع مافهمت شي..

رامي: انتا احكي بالأول

فيصل: سحر؟ خلص علينا البانزين في نص الخليج..تسمعين؟

سحر: فـ...فيصل؟

فيصل: نعم؟

سحر: أ..أ..

طوط طوط..

فيصل معصب: يوووه.. انقطع الخط والظاهر مافهمت شي..

ياسر: اجلس بس اجلس وكمل..مراح نطلع من البحر إلا بكره...

جلس فيصل واخذ تنهيده ورجع بذاكرته وقال: ارسلت لها رسايل وادق ولا ترد..
ومره ردت : نعم؟
قلت _ السلام
_ وعليكم السلام نعم؟
_كيفك؟
_وش تبي؟
المهم كلمه مني وكمه منها وبعدها سكرت الخط..

فهد: يعني ماعطتك وجه؟

فيصل: كانت متربيه صح..

رامي: طيب إزا كانت هيك ليش ترد؟؟

فيصل: ماكانت ترد إلا بعد طلعة الروح ولا كانت تحقرني أو تعطيني مشغول

ياسر جاد: طيب إذا كانت كذا المفروض تتركها..

فيصل: انا حسيت إن المسأله عناد.. مراح اعرف قدرتي على البنات إلى من خلالها..

رامي: كيف يعني؟ مافهمت..

فيصل: يعني البنت إلي اصلا ماعندها مانع سهله .. بكلمه بكلمتين تصير خاتم بأصبعك.. وهالنوعيه كثير.. يعني إذا جاك واحد يكلم اربعين وحده كلهم من هالنوعيه! هذا ماتعب نفسه .. لاكن البنت إلي مثل منيره صعبه.. وإذا لانت معك هذا دليل على قدرتك على تذويب كل البنات..

ياسر: المتربي متربي.. ولو يدق عليها احسن واحد بيتم متربي..

فيصل: فعلا.. وانا عمري ماكلمت وحده بقوة منيره.. حاولت معها بكل الطرق.. جيتها بالرومنسيه ولا فاد..
جيتها بخفة الدم ولا فاد...
وصلت معها بأتهامها بشرفها..

فهد بتعجب: تتهمها بشرفها وتبيها تكلمك؟

فيصل ابتسم بسخريه: هذي آآخر موضه للمغازله

هتفو الكل: الإتهام بالشرف!!!

فيصل: ايه.. موضه عجيبه صح؟

ياسر: وحتى المغازله لها موضات؟

فيصل : واكثر واسرع من موضة اللبس والسيارات..

فهد: المغازله؟

فيصل: ايه.. لانها حصلت مع واحد نعرفه دق على وحده وقال: انتي متى اخر مره طلعتي للشقه؟
انكرت وهاوشت..
بس لما قال لها: شوفي اذا مااعترفتي والله لاعلم اهلك..
وعندي صور تثبت ان كلامي صدق..
وصارت البنت اعوذ بالله خربانه..

ياسر: صدفه؟ ولا عنده خبر؟

فيصل: لا..صدفه..دق وظبطت معه.. ومن اول لقاء صورها صدق وصار يهددها بالصور إلي معها إذا رفضت له طلب..

فهد عصب: استغفر الله...من هذا النذل؟ اعرفه انا؟

فيصل: لا ماتعرفه.. بس من عقبها الكل صار يجرب ..

رامي: ايه..وخبرنا شو صار مع منيره..

فيصل: اقولكم جربت جميع الأنواع الي اعرفه وكانت قويه..نادر ماترد وإذا ردت هاوشت وسكرت..
ولا دايم تعطيني مشغول..
المشكله كل الشباب تحدوني..
هم دايم يتحدوني..وأفوز.. بس لأني ماقد صادفت وحده مثل منيره... حسستني اني ضعيف.. وانها اقوى مني..

فهد ابتسم: والنعم فيها..

فيصل: انا طولت على الشباب.. لأني ماجبت خبرها..
الين جى يوم وسألني عبدو: شكلها هي إلي جابت خبرك..
قلت: ليش؟..قال: اولا صرت سرحان ودايم تفكر، ثانيا نادر ماتجي لنا..قلت: والله ياعبدو انا ودي اجي عندكم بس اخاف تسألوني ثم اتوهق ، وافكر دايم وسرحان لأني ادور طريقه اذوبها..قال وهو يضحك: ليش ؟صعبه؟..قلت: واصعب مما تتصور..

ياسر ابتسم: تصدق! طمنتني لما عرفت إن الين اليوم وعندنا هالبنات.. انا حسبت مافيه عاقلات إلا اختي وزوجتي بس..ههههه

فيصل يضحك: وانا بعد..على بالي بس خواتي.. يعني بصراحه هالمنيره عطتني..موب بس درس..عطتني دراسه كامله..
المهم قالي عبدو: عطني رقمها والله لأخليها تلاحقك وتدق عليك مثل سحر...
عطيته الرقم وانا متأكد انها مستحيل تنقلب السما أرض.. منيره عاليه بالشرف والعفه والأخلاق..وسحر منحطه ومستعده تسوي اي شي..اي شي علشانك..تبيع شرفها ترمي عفتها..تخرب اخلاقها.. مستحيل يتساون..عطيته الرقم..

ياسر متفاجئ: عطيته الرقم؟!!

فيصل : ايه..عطيته

ياسر وصلت معه: وبكل سهوله؟! انت ناوي تقضي على بنت الناس؟! يعني ماتبغون بنت على هالأرض إلا وتخرب؟! انت وش انت؟ وش مخلوق منه؟

فهد: ياسر هد اعصابك.. الرقم وعطاه مراح يفيد صراخك شي؟

ياسر: ياخي انت عندك خوات.. ماتخاف على شرفــــــهممم؟؟
ماتخاف إن الشباب يحاولون يخربون اختــــــك؟!... يعني ماتعرف إن البنت بطبعها عاااااااااطفيه؟!.. بتخــــــرب يـــا قـــذر بتخـــــــــــــــرب.

رامي: ياسر روء اعصابك..

ياسر: انا احط نفسي مكان اخـــووووها.. والله لو كنت مكانه إن ماتغفى عيني إلا وانا مـــاسحــــــك من فوق الأررررض.. ودافنك.. حـــي! ميــــــت! دافنك..

فيصل نزل راسه.. فعلا حتى لو احد يتعرض بسمه اخته راح يسوي مثل ماقال ياسر.... لأن نوعية فيصل مراح يرتاحون إلا لما يشوفون السعوديه اطهر ارض .. مثل زبالة العالم امريكا.. مراح يرتاحون إلا لما يشوفون الفســـاد يمشي بين الناس..

جابر: لين فات الفوت ماينفع الصوت ياياسر..

الكل التفت صوب جابر الهادي إلي نطق الحق..

هدى ياسر وقال: كمل يافيصل... اطربنا بفعايلك...

ضغط فهد على ركبة ياسر إلي جالس جنبه وعظ شفته يعني اسكت..

فيصل وعيونه تغورقت: يحق لك ياياسر..

رامي: كمل يافيصل...

فيصل: انا لما عطيت عبدو الرقم..نبهته لايدق ولا يوزعه إلا لما اعطيه الإشاره الخظراء.. سألني : ليش؟ ..قلت له: انت سو إلي قلت لك وبس...

فهد: طيب ليش؟

فيصل: كنت ابي اجرب معها محاولتي الأخيره...
وفي اليوم إلي كنت ارتب فيه اغراضي.. يعني امس.. دقيت وقلت: انتي منيره؟
هي تفاجأت وسألتني: كيف عرفت؟

فهد : هي غبيه كان قالت لا

رامي: لايمكن من الصدمه..شي طبيعي.. ايوا كمل..

فيصل: قلت لها: انا اعرفك وقريبك واحبك من زمان بس انتي ماتعرفين..
_ من انت
_ انتي تعرفيني..
هنا عصبت ولا صدقت كلامي_ انت لك شهرين تحاول تخرب اخلاقي وماقدرت..
جيت بتكلم قاطعتني_ انت بتتعب ومراح تحصل اليوم إلي بتلاقيني مثلك حقيره...

سكت فيصل فتره ثم تنهد: صادقه.. انا تعبت معها عشان اشوفها حقيره مثلي..

رامي: شو هيدا الحكي يافيصل؟...

فيصل: هذا الواقع يا..يا..انت وش اسمك ؟

رامي ابتسم: رامي..

فيصل: سعودي؟

رامي: ايه..بس الماما لبنانيه وانا عايش بلبنان..بس من شان الوظيفه رجعت هون..
لسعوديه عند البابا..

فيصل: حتى ملامحك لبنانيه.. المهم بدت تتلفظ علي.. وانا احاول ارفع ضغطها.. المهم قلت لها _هذا وانا داق اسلم على حبيبتي قبل لا..
قاطعتني_ حبك برص ان شاء الله ياقليل الحيا ياتافه..
_ليش؟
_وتسأل بعد؟ لاكن الشرهه موب عليك الشرهه علي انا إلي اكلم حشرات.. وسكرتها في وجههي..

لاإرادي صفق ياسر: ياسلاااام عليها.. ايه ياهيك البنات يابلا...

رامي: ايه احكي... شو صار؟

فيصل تنهد: دق علي عبدو وسألني: وش اخبار المسكينه؟.. قلت: مستقيمه..قال: والله لأخليها متعرجه...

ياسر: استغفر الله...

فيصل اخذ نفس: قلت له: دق و وزع رقمها على الشباب..

ياسر: يألله... لا إله إلا الله... ايوا كمل..

فيصل: تحديتهم إلي بيقدر عليها له مبلغ وقدره..

ياسر يحاول يكتم ضيقته: ايوا؟!

فيصل: قال مراح ترجع من البحر إلا وهي خالصه..

ياسر ضغط على ركبته ومن بين اسنانه قال: شكل ضياعنا موب بسبب البانزييين..

فهد حط يده على كتف ياسر: ياسر!! اهدا لو سمحت..

ياسر: طيب..راح اهدا.. كمل يافيصل.. سمعنا...

فيصل: ياسر انا والله ندمت.. لاتزيد علي..

رامي: كمل يافيصل..

فيصل: اليوم الساعه 5 دقت علي..وكانت تصيح وسألت_ انت ناشر رقمي؟... جلست استهبل معها..
سألتني_ انت عندك خوات؟ قلت_ لا..
_ طيب لو كان عندك ترض احد يسوي فيها كذا؟!
قلت_ ذيك الساعه افكر..

رامي: انت قلت من شوي ان عندك اخت؟

فيصل: انا عندي...بس الطريقه الوحيده الي نجاوب بها على هالسؤال الكـــذب... المهم قالت لي_ حسبي الله عليك دنيا واخره..

الكل: يؤه..

فيصل: قلت_ الدعوه ترجع لصاحبها..
_ الله يلهيك في نفسك ياحقير..
_ لاتدعين علي انا ماذبحت لك احد..
_ الله يمررك في موقف تتذكر دعواتي..
خذت السالفه ضحك ومزح..
صارت بيننا هوشه هي معصبه وانا اضحك..
قلت _ انا بجلس ثلاث ايام مراح ادق عليك موب خوف .. بروح فيها للبحر..
قالت.........................

رامي: شو قالت؟

فيصل وكأنه توه يسمع الكلمه: قالت.......قالت........

فهد: وش قالت؟..بسرعه..

فيصل جلس يناظر ياسر بخوف...

ياسر: فيصل؟ لايكون إلي في بالي...

فيصل طاحت دموعه وشفايفه ترتجف: قالت جعلها روحـــه بــــــلا رده....

فجأه عم الهدوء...والأنظار تتنقل بتساؤل وخوف...
وكلهم يبون يسألون: هل هذي بدايه استجابه الدعوه؟!! هل هذي بداية نهايتنا؟!!!

جابر برجفه: لا..لا..بنرجع..كلنا بنرجع..صح منصور بيرجع؟

لارد.....لأن محد عنده الإجابه...

رامي رفع راسه لفيصل وهو خانقته العبره: فيه غير هالحكي يافيصل؟...

فيصل بدى يعلا صوته من الصياح: وقالت بعد_ يــارب ارسـل عليـه العـقوبه لـه ولـشلـته عقوبه تذكـرهم فعـايلـهم مـعي...

لأن فيصل كان يصيح صارت الدعوه بصوت عالي كررها الصدى من وراه...

فيصل بصوت خفيف: واستجاب لها ربي... وهذي العقوبه الي ذكرتني بفعايلي معها.....لأنها مظلومه...

رامي: معئول هيدي الروحه خلاص بدون رجعه؟!..

فهد: لا..لاتنسون الله..اذكروه...

الكل: لا إله إلا الله..

ياسر معصب: إذا كنت انا السبب لأني نسيت اعبي بانزين.. فـ فيصل السبـب الاول بظلمه مع بنات الناس..

فيصل: الكلام هذا مايفيد يا ياسر..

ياسر: يا حبي لك... نسيت فعايلك معي عشان البانزين؟ ماقلت الكلام مايفيد.. ولا كل شي حلال عليك حرام على غيرك... واكبر دليل خلني اوزع رقم اختك على الشباب..

فيصل عصب: ياسـر؟

ياسر: خير؟ خير؟ ليش انا غلطت في حقك؟ وانت ماغلطت في حق الناس؟

فيصل: اصلا انا الغلطان إلي قلت لكم..

ياسر: ايه لأنك ماتبي تكشف ماضيك وحاظرك.. لأنك عارف كيف بيوضح من السبب الأول والرئيسـي لجلوسنا هنا .. اجل نجنن خلق الله لين تقول جعلها روحـه بلا رده!!! طيب انا وراي عرس..زواجي؟ اليوم الي حطيت ماوراي و دوني عشانه.. اليوم الي تعبت مع الكل وراضيت الكل عشانه.. وفي الأخير ماأحظره؟

فهد: هد اعصابك يا ياسر..

ياسر: مراااااح اهدي اعصابي.. من ركبنا وانت تقول هالكلمه؟

فهد: لأنك من ركبنا وانت وفيصل هواش..

ياسر: فهد خلني اصـارخ.. يمكن ارتاح..< وخنقته العبره> يقول انها دعت وقالت روحـه بلا رجعه..

فيصل: دعت علي انا.. انت مالك شغل ..

ياسر صاح: شلووووووووون؟! انا وانـت في يخت وااااحد... وضعنا من الساعه 9 الصبح .. والحين الساعه 12 ومحد جى لنا.. يعني روحه بلا رجعه.. بنموت هنا... ومعادنا راجعيين... ومعاد فيه عرس.. ومعاد فيه إيمان... بنموووووووت ياجماعه ..بنموت..

انهار ياسر وجلس... قام فيصل وضمه مايعرف ليش؟
يواسيه؟ يطمنه؟ راحمه؟ احساسه بالذنب؟ للأخوه؟ ماعرف ليش.....

ـــــــــــــــــــــ

قام فهد على اصوات العصافير والنورس.. وتمغط..
ناظر المكان وسأل نفسه..انا ويني فيه؟ ثم تذكـر...
توضا من البحر وصلى الفجر...
رفع يده ودعى ربه انهم يرجعون اليوم ..
راح وفتح الشناط وطلع علبة تونه وخيار وقطع الخيار على التونه... وطلع جبن.. واخذ كيسه خبز وجلس...
صحى رامي وجى له يتمغط..

رامي: افتكرت إن كل شـي كان كابوس مزعج...

فهد ابتسم: يالـيت.. ودي افتح الحين والاقي نفسي في سريري.. وفي بيتنا..عند اهلي.. تتوقع نرجع اليوم؟

جلس رامي: انشالله يارب.. عطني خبز... إيه منـيح إن الأكل صار معنا..

فهد: ايه والله...ولا كان متنا من الجوع... ولا بعد الفرن الصغير والغاز والقدور معهم.. فما استفدنا من هالمعلبات.. انا افكر شلوون طعتهم اجي لجزيره مهجوره؟!!

رامي: هيدا القدر... بتحس وكأنك كنت منيم مغناطيسي... مابتفكر بالمصايب.. لأن ربك هيك كاتب علينا.. يعني مو منيح يالي بيعملوه فيصل وياسر.. كل واحد عم بيصرخ بالتاني انت السبب..

فهد: ايه والله.. بس شفت امس كيف ضم فيصل ياسر؟!

رامي: ايه.. تنيناتهن قلوبهن كبار..وبيحبو بعض.. بس عصبيـــين..

فهد: مرره...وفيصل امس كان هادي لأنه حاس بالذنب.. ولا انا؟ توقعته بينفجر..

رامي: ايه.. انا شفته لما عصب على ياسر من شان البانزين.. لحظه .. انت بتعرف جابر؟

فهد: لا..ليش؟

رامي: مابعرف بحس انه خايف ومرعوب وطول اليل عم يرجف..وكل وقت بيقوم هيك مرعوب وبيرجع تاني ينام

فهد: ياسر يعرفه..ومنصور يعرفه..

رامي: ايه منصور يخزي العين عليه.. بيعرف الكل..

فهد: لأنه محبوب واجتماعي الكل يحبه... يعني مثلنا انا وفيصل تعرفنا عليه وحنا من الرياض وهو هنا..

رامي: ايه مشالله..كمان جابر بحس انه هيك خايف منا كلياتنا وكل وقت عم يسأل عن منصور..إيجى منصور؟ إيمتى بيجي منصور..

فهد: إلظاهر انه هو وجابر مع بعض في مكتب واحد.. بس انت كيف عرفت منصور؟

رامي: منصور ابن عمتي..

فهد: ابن عمتك..تدري يارامي انت فعلا إلي يعرفك مابيثمنك

رامي عقد حواجبه: كيف يعني؟

فهد: يعني انا وفيصل اول ماشفناك ماحبيناك وعلى بالنا انك جنس ثالث

ضحك رامي: كتيير بيقولو هيك

فهد: بس بالعكس اكتشفنا انك خوش ادمي..حبيناك

رامي: ميرسي.. بس انا من شاني اهتم بحالي كتير هون بيقولون هيك بس هونيك بلبنان مابيقولو شي.. إيزي .. بس بدك الحق؟ انا كمان ارتاح قلبي ألكن كلياتكن..

فهد: الحين انت بسألك.. كلمه تقطها سعوديه..وكلمه لبنانيه.. وأول ماشفناك كنت سعودي.. شلون؟

رامي: انا بعرف سعودي.. وبعرف لبناني.. بس اللبناني اسرع واسهل بالنسبه إلي.. يعني إذا بغيتني اتكلم سعودي تكلمت.. وإزا بدك احكي لبناني حكيت.. بس لساني تعود عالبناني..

فيصل: صباح الخير..

فهد ورامي: صباح النور..

فيصل: اول ماقمت على بالي في سريري.. قعدت ساعه اركب المكان لين ذكرت وضاق صدري..

فهد: كلنا صار معنا كذا..

فيصل جلس: عطني خبز... لايكون عفن؟

فهد: لاتخاف.. لحظه اجيب تونه ثانيه واقطع فوقها خيار؟

رامي: لا..باقي كتير...إذا خلص وكمان جوعانين اخذنا..

فيصل: وبعدين خلها.. حنا مانعرف بنجلس هنا كم يوم.....

رامي: وفيصل معه حق...

فهد تنهد: الله لايقوله... قامو جابر وياسر؟

فيصل: جابر قام بس قاعد ماجى ولا ياسر نايم... إيـــــــــه ياهو شوتني!! شوتني!! ويقول عرسي.. شلون بيعرس ذا وكذا نومه؟!

فهد: هههههههههه من حلاة نومك؟ هههه

فيصل: ههههههه بس انا ماقلت بعرس..هههه

رامي ينادي: جابر؟! ولك ياجابر؟!

فيصل: موب راد.. مارد علي وانا قدامه يرد عليك انت...

رامي: طيب ليش؟ شوبه؟ بدي اياه ياكل له شي لقمه..

فيصل: خذها له...

رامي: انت شبعت؟

فيصل: ايه خذها..ناقص التونه مايونيز وبهورات مع الخيار وبتجي وااااو..

فهد: صليت الفجر؟

فيصل: ايه.. وجابر صلى.. بس ياسر مابعد قام..رامي صلى؟..

فهد: ايه..

ــــــــــــــــــــــ

منصور: معقولـه الشبـاب لـسا ماوصلو؟!

محمد: اظن عجبتهم الجزيره وجلسو...

منصور: كيـف؟ واكـثر العفش والأساسـي معنا!!

محمد: خلنا اول نشوف عمر وعلي..ونحتري لـين بكره إذا مارجعو بلغنا عليهم..

منصور: شـورك وهداية اللـه...

ـــــــــــــــــــــ

ياسر واقف فوق الغرفه ورافع جواله..

رامي: شو عم يعمل؟

فهد: يبي يمسك له برج...

فيصل: معقوله منصور مافقدنا؟

فهد جلس: ماعنده شغله إلا انت؟
تدرون ساعات ماودي ارجع...

نزل ياسر عاقد حواجبه.. وفيصل ورامي ناظرو بعض بتساؤل.. وجابر التفت على فهد بأستغراب..

فهد: شفيكم؟

فيصل: حنا وش فينا! انت إلي وش فيك؟

فهد: مافيني شي.. هذا الواقع إلي احس به..

رامي: انك تظل هووون!

فهد: لانه ارحم من الحياة المره إلي نعيشها..

ياسر: ليش ؟ الحين نعيش حياة العسل بدل المر!!

فهد: لا..موب عسل..بس إلي نمر فيه حياة مكشوفه.. وهذا إلي مهون علينا..يعني إحتمال نغرق..إحتمال نموت جوع...إحتمال يجي سمك قرش.. وإحتماااال يجي منصور... لاكن إذا رجعنا.. الحياة خداعه..ماتعطيك إحتمالات ابد...

فيصل: فهد!! انت وش قاعد تقول؟

فهد: انا اقول الواقع الي مريته.. لما حسيت بسعاده تغمرني..لما حسيت إني محظوظ.. لما حبيت وانحبيت من اروع انسانه في الوجود... حكمو على حبي بالأعدام...وسكرو باب السعاده في وجهي.. وبدلو حظي بتعاستي.. بدون ذنب سويته ولا ذنب سوته هي..

ياسر: ليش زوجوها اهلها غيرك؟

فهد ابتسم من بين دموعه: ياليت... كان الأمور بتصير اهون..

فيصل: ماتت؟!

فهد تنهد: بعد ياليت.. لأن موتها عندي ارحم من الي سمعته..

رامي: ردوك اهلها؟!

فهد: الأمور اصعب مما تتصورون..

جابر: وشو يافهد؟

فهد اخذ نفس طويـل.. ورفع راسه عشان لا تطيح دموعه: صـارت عمـتي..

الكل بصدمه: شـلــوووووووون؟!!

فهد ابتسم وطاحت دموعه: صارت عمتي...عمتي من الرضاعه..

الأنظار صارت تتنقل بتساؤل.. وبتعجب..وبشفقه..

ياسر: شلون صار كل هذا؟

فهد مسح دموعه بطرف كمه واخذ نفس يسترجع ذكرياته: انا قصتي تدوخ شوي.. بس ركزو معي... انا اصغر اهلي كلهم.. واختـي الـكبـيره عندها ولد قدي فرضعتني...
بس لما كبرت محد قالي إن اختك هي امك من الرضاعه... وفي يوم كنت رايح لأختي وكنت انا وعبدالله ولدها إلي قدي اكثر من مجرد خال وولد اخته..
وفجأه دخلت علينا بنت شابه .. أظلمها واقصر في وصفها إذا قلت قمر... تظنوني ابالغ؟ لا والله ماأبالغ.. انا قبل لأشوفها متوقع إن الجمال له مستويات.. وأعلى المستويات هم الفنانات.. بس لما شفت اميره.. تأكدت ان فيه اعلى واعلى واعلى واعلى بعد..
هي بسرعه خبت وجهها بكتاب ترجمه انجليزي وهربت..
بس عقب ايش؟ عقب ماشلخت قلبي نصين؟ عقب ماخذت نص قلبي لها والباقي اعيش به؟... عقب ماخلت لا ليلي ليل
ولا نهاري نهار؟.. قلبت حياتي فوووق حدر... عقبها صدقت بالحب الي من النظره الأولى.. عقبها رجعت عشر سنين لورى يعني 17 سنه.. صرت مراهق... صرت اجي يوميا عند اختي وخصوصا لما عرفت إنها اخت نسيبي وساكنه معهم هالأيام عشان الجامعه..واهلها ساكنين في القصيم..
جاني عبدالله وقالي: اميره هلأيام مهتمه بأمرك
سألت وقلبي يردح: شلون يعني؟
قال: تسأل عنك..وكلامها كله عنك..
حسيت إن الارض لحظتها معاد شالتني.. احس اني اطير من الوناسه
قلت لعبدالله: اسألها وش رايها فيني؟
ابتسم: وش عندك مع العمه؟
قلت: لا تخاف كل شي بالحلال... بس انت سو معنا خير ولو مره في حياته.. تتذكر اغنيه قديمه تقول والي جمع بين شملين الله يطول بعمره؟
ضحك : ابشر..رغم اني عارف وش رد اميره..
واليوم الثاني جى..
قلت: هاه وش قالت؟
يماطل: على ايش؟
قلت: على رايها فيني
قال: منهي؟
ارتفع ضغطي: عمتك اميره..بسرعه..
ابتسم: تقول شين ويخوف وماعرف وش مصبرك عليه..
خنقتني العبره وجلست اناظره..
ثم صرخ يضحك: امزح يالدلووع.. بالعكس تقول وسيم ومثل ماسمعت اخلاق وذوق وكشخه ..
حاولت ألم فمي عن الإبتسامه بس ماقدرت...
ومن عقبها صار عبدالله مرسول الغرام بيننا...
مرت 6 شهور كنت اجمع فيها المهر..
لما جمعت وجى اليوم إلي افاتح فيه اهلي..
كانت امي واختي ام عبدالله هم الأهم بالنسبه لي...
جيت لهم وانا ابتسم: يمه! يام عبدالله.. انا ودي اكمل نص ديني واتزوج..
استانسو .. وبدت امي تعدد لي: فلانه بنت احمد اخوي..حلوه وادب وبتعجبك..وعندك بعد فلانه بنت ام محمد جارتنا فلقة قمر وتعرف تطبخ وحرمة بيت.. وعندك بعد فلانه بنت عمك علي كان ابوك الله يرحمه يبيها لك..وعندك بعد..

قاطعتها: يمه!! انا ماصبرت كل هالسنين إلا علشان انطق بلي اختارها قلبي..

قالت اختي: يعني انت في بالك احد؟ مين؟ انت بس آشر وانا وامي بنخطبها لك..لاتشيل هم..

قلت: هي من عائله طيبه..وسمعتها زينه.. ومره شفتها بالغلط وكانت آيه من الجمال..

قالت امي: طيب منهي؟

ابتسمت فرحان: امـيــره.....

بدت تتغير ملامح الفرح على الوجهين وتتبدل صدمه..

اختي: اميره!! من اميره؟!

قلت عشان اسعدها: اميره..اخت زوجك...

التفتت اختي على امي..والصدمه مرسومه علي الوجهين...

امي: ومالقيت غير اميره يافهد؟

قلت بصدمه: وليش؟ اميره فيها شي؟

اختي: لا مافيها شي..بس..

قلت: بس ايش؟! تكلمو...

قامت اختي وجت جلست بجنبي...وحطت يدها على كتفي : مالك نصيب مع اميره يا ولـدي..

استغربت من اخـتي ولأول مره تقول ولدي..

قلت بأستغراب: ولـدي؟!!

امي: ياولدي اختار اي وحده غير اميره..

قلت: بس انا مابي غير اميره..انا احب اميره..

قالت اختي: فهد!! اميره تصير عـمتكـ.......

وهنا كانت اكـبر صدمه تلقيتها في حياتي.. تميت اناظر اختي وعيوني كلها اسأله ودموع..

قالت: انا ارضعتك مع ولدي عبدالله.. لما مات ابوي وانت عمرك ثلاث شهور وانا نفاس بعبدالله امي من الروعه على ابوي معاد ارضعتك فأرضعتك انا..وبكذا تصير اميره عمتك..

قلت وصوتي كله عبره وعيوني غرقااانه دموع وشفايفي ترتجف: لااا؟ لااا؟ انتي تمزحين معي صح؟!

امي: لا ياولدي...اميره تصير عمتك..

صرخت بألم وقهر : لااااااااا... انا احب اميره وابييها تصير زووجتي وام عياااالي..
مايصير تكذبون وتقولون عمتك.. لا هي موب عمتي..لاااا

حاولو يهدوني لاكني........انهرت...
انصدمت...... عمري ماحبيت احد قبلها.. ولما حبيييت صارت...... عمتي!!!
صرخت ووجهي كله دموع على اختي: لييش أرضعتيييني؟ لييـــيش؟!!
ولييييش ماعلمتوووني؟!! لييش؟!!
وليييييش في هالكوووون كله ماحبييت غيرهاااا.. وليش ليش ليش ليش؟!!

امي: الكل يعرف إن اختك ارضعتك..

قلت: الكل..لاكن انا مااعرف..

قالت: بس ظنيناك تعرف...

قلت: من وين اعرف؟ من وين؟ وبعدين ليش ارضعتيني؟ الموت ارحم علي من الي قاعد اسمعه..

اختي: وانا وش عرفني انك بتحب اميره؟

قلت وانا منهار: بس...بس...انا حبيتها..وبتزوجها..ماعلي منكم..

قالت امي: استغفر ربك يافهد.. مايجوز..

انهرت زيااااده: طيب انا احبهاااااااااا.. وش اسوي طيييب؟....

ظمتني امي عشان اهدى.. وجلست اصيح في حظنها اصيح واصيح إلين نمت.....

ومن عقبها حبست نفسي في غرفتي محد يدخل علي غير عبدالله ..
ماأسمح لدخول احد حتى امي..
وسمحت لعبدالله عشانه يوصل لي اخبار اميره إلي تنومت في المستشفى بسبب الصدمه جاها انهيار في الأعصاب
وانا جتني حاله نفسيه جاني إكتئاااب ماأكلم احد..حتى عبدالله يطق الباب إذا سمعت صوته فتحت له وجلست
خليته يتكلم ويتكلم ويتكم وانا ساكت او اصيح..
ثم يطلع ارجع اقفل الباب..

فيصل: وانا اقول وش فيك غبت عني اسبوعين!! اثاري السالفه كذا

فهد: مثل ماقلت جلست على هالحاله اسبوعين بس بعد الأسبوع الأول تحسنت حالة اميره وطلعت من المستشفى.. لما قالي عبدالله تكلمت : تحمد لها بالسلامه عني..
وعقبها خفت حالتي بديت اتكلم وفتحت باب غرفتي استقبل الكل.. بس طبعا ماعن غسل فراشي كل يوم بالدمووع

ياسر: فراشك؟ ولا مخدتك؟

فهد: الإثنين.. دق علي منصور بعدها وعلمني عن هالرحله ووافقت عشان اغير من نفسيتي شوي.. وصار إلي صار.. بس كل هذا ارحم واخف من إلي شفته في حياتي..

فيصل: ياعمري عمرك ياخوي..كل هذا ولا تقول لي...انا كنت اسألك وش فيك؟ وش غيرك؟ اثاريك مجروح؟

رامي: تقبر قلبي شو حظك تعيس.. من شان هيك كنت بتقول حياة المر؟!

فهد: وما اتوقع احد عانى في حياته كثري..

جابر: احمد ربك يافهد..غيرك عانى وعانى وعانى ويحمد ربه على نعمة المعاناة لانها إختبار من الله...

ياسر: وبعدين لازم يكون أملك بالله كبيــر ... خلاص البنت صارت عمتك..
قل الحمد لله ناس يتـزوجون ويجيبون عيال ثم يعرفون انهم خوان من الرضاعه...احمد ربك..وعش حياتك.. إذا رجعنا وتزوجت والله بتحب مرتك..

ـــــــــــــــــــــ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 24-10-2008, 03:52 AM
صورة قمة النعومه الرمزية
قمة النعومه قمة النعومه غير متصل
©؛°¨غرامي مشارك¨°؛©
 
الافتراضي رد: اول قصه من تأليفي خمسه وسادسهم البحر


ناظر الساعه وهو راقي فوق الغرفه وكانت 6 المغرب..

وصرخ: ياااااااااجماااااااااااااعـــه.
. ياااااااهوووووووو...ساعدونا يرحم والديكم...سااااااعدونااااااا... ورانا زواااااااااااااااج.. الله يخليكم...مايصير زواج بدون معرس ياعاااااااااالم...

فيصل: راح صوتك ومحد سامعك يابن الحلال...خلاص حنا بنقضي باقي عمرنا هنا..

التفت عليه ياسر وهو معصب: ايه.. بقضي باقي عمري كله هنا.. ومراح احظر زواجي والسبب انت...

وقف فيصل: ليش؟! انا ناوي اطلعكم لجزيره بنص الخليج بدون بانزين!!

نزل ياسر: لا..بس جننت بنات خلق الله لين دعو علينـــا..

فيصل: لاتسوي لي فيها مؤدب وماعمرك غازلت..

ياسر: ايـــه واللــــــه اني ماقد غازلت غير حلالي..

فيصل: مافيه رجال ماغازل

ياسر: شفت انك مراح ترتاح انت وأشكالك إلا لما تشوف الخراب يمشـــي بينا؟

رامي: خلصنا.. ياسر! فيصل! شو هالولدنه؟ خلاص

ياسر: انا ادري عنه؟

رامي كلكن عـقولكــن صغار..

فيصل: خير بعد انت! اشوفك قمت تمون!.. ماعاد إلا ذي ولد اللبنانيه..

ياسر لرامي: شفت؟؟ سمـعـت؟؟ من إلي فينا عقله صغير؟؟

رامي: ولك العما بقلبك يافيصل...شو هالسان يالي إلك؟! وبعدين هيدي عقوبه إلك...وضعنا كلياتنا وانت السبب وكمان مابتوب؟!

فيصل: انا مستعد احلف على القرآن إن لك يد في ضياعنا ياولد اللبنانيه...

رامي: اول شي انا بيشرفني انك بتنده لي بأبن اللبنانيه..
تاني شي إزا كان إلي يد فتأكد إني مجرد ماحسيت إن هيدي عقوبه رفعت إيدي لـ للـه وتـبت وترجيته يقبل توبتي.. مو متل بعض الناس...

فهد: فيصل!! انا توقعتك عقلت عقب دموعك..

فيصل: اعقل ؟! وليش شـايفني مجـنون عشـان اعقل؟

ياسر: ايـه مجنون ونـص بعد.. اجل فيه احد يسوي سواياك مع وحده لا ظرته بشي وعاقله ومستقيمه هالسـوات؟!

فيصل: والله شككتوني في نفسي...انا ذبحت ابوهـا ؟!
ولا سـرقت اخـوها؟!

فهد: خلاص ياجماعه خلاص.. غيرو الموضوع...يألله الشمس غابت ومنصور ماله أثر...

جابر: يعني منصور بيـرجع ياخدنا؟!

ياسر: انشـالله..الله كريـم..

رامي: جابر!! انت ليش هيك ساكت وعم ترجف؟!

جابر: لأني ابي ارجع.. انا وعدت امي..ومنصور بعد وعد امي..وعدناها بأني ارجع..

ياسر: فعلا قلب الأم .. انا امي ماأرتاحت لطلعتي هذي وحذرتني رغم اني دايم اطلع لبر ولبحر وحتى لجبل بس ماعمرها خافت مثل هالمره وكأنها حاسه

فهد: وحتى انا امي واختي ام عبدالله جلسو يصيحون وانا مستغرب وش معنى هالمره صاحو وخافو.. فيصل انا قلت لك دق على امك ...دقيت؟

فيصل: ايه الحمدلله اني دقيت لأني لو اضيع وانا مادقيت بينقطع قلبي.. مشكور يافهد لو الله ثم لك كان مادقيت عليها..

ابتسم فهد له

ركب فيصل سماعات جواله وبدى يغـــني مع الجوال..
" ســاعـات...ساعات احس إن الزمن قاسي "

التفت جابر لفيصل وقال: فيصل!! شل السماعات .. ابي اسمع...

فيصل شالها وعم الهدوء..
ماغير صوت راشـد الماجد يشرح مـأسي جابـر.....

(( ساعات احس إن الزمــن قاسي ولا يمـكن يلين..
وساعات احس إن الفرح محال ولا يمكن يحين..
هذا الي شفته في دنيتي وكلمـا مضالي من سنين...
يامن يعلمني الفرح ويفرح القلب الحزين...
ســاعات.. ))

لم جابر رجوله لصدره وهو يسمع الكلمات... وبدى ياكـل اظافره وعيونه غرقانـه دمـوع....
لأن الأغنيه تشرح معاناتـه.. وصوت راشد الماجد كان يبكي الحجر.. فـ جابر مامسـك نفسه ودفن راسه بين رجوله وصدره وانفجر..

(( اشـكي مرارة حيرتي بدنيا ماظن بتزين..
وإذا بدا بـعيني الأمل تجد احزاني وتبيـن..
روح زماني وانتهى وترك لي الجرح الدفين..
دنيا كفا الله شرها تخلي كل قاسي يلين...
ساعات......))

لما سكت فيصل الجوال.. علا صوت صياح جابر...
كانت العيون تتســأل.. اليـن قام فهد وجلس بجنب جابر..وحط يده على كتفـه..

فهد: جابر؟!! وش فيك؟!! ليش هالدموع؟!!

رامي: جابر!! احكي حبيـبي.. بلـكي نقدر نساعدك...

ياسر: جابر!! حنا اخوانك إلي مو من بطن واحد... وإذا ماقدرنا نساعدك في شي... يكفي اننا نشيل عنك ثقل هالهم...

فيصل: فعلا...ولو انا ماعندي ثقه فيكم ماقلت لكم سالفـتي..

فهد: ولا انا.. شفني الحين اهون من قبل شوي لأني تكلمت..

جابر رفع راسه إلي غرقان دموع: انا لـو اتكلم من الحين لـين بكره.. مراح ارتاح.. انا مكتوب علي الحزن والتعب والشقا والعذاب..

رامي: طيب احكي...جربنا..

جابر: بأصدع روسكم عالفاضي..

ياسر: اي فاضي ياجابر...انت اخوي..

فيصل: كلنا اخوان...ربي جمعنا هنا عشان نشيل على بعض...

فهد: وبعدين انت كذا تخليني اشك..انا اوجعت راسك بسالفتي؟!

جابر: لا ابد...بس..

رامي: بس شو؟! ..جابر كلياتنا بنحبك..وراح نساعدك..وراح نكون احسن بكتير من الأخوات...

مسح جابر دموعه وابتسم: وانتم فعلا احسن من الأخوان...

مسح فهد على راس جابر: طيب يالله...تكلم......

بداء جابر يسترجع ذكرياته لوراى: من زماااااان...من قبل عشرين سنه وكان عمري وقتها عشر سنوات... انفصلو ابوي وامي... تهاوشو علي..كل واحد يبيني اسكن معه...بس لما وصلت الأمور للمحاكم... خافت امي وراحت.. وانا سكنت مع ابوي وزوجته إلي اكبر مني بثمان سنين بس... كان عمرها 18 سنه..

ياسر: صغيره؟!

جابر: ايه..بس كانت امها ساكنه معنا.. وفي غياب ابوي كانو يشغلوني هي وامها خداااام...اكنس الحوش.. امسح الجدران.. انظف الأرضيه..اغسل المواعين..

رامي: وماكنت تخبر بيك؟

جابر: لا..كانو يهددوني إذا قلت لأبوي راح يحرقوني بالنار..وانا كنت صغير..فـ أخاف.. لاكن مره تعبت من الشغل لوحدي وهي وامها بس ياكلون فص فص ويطالعون التلفزيون...
فدخلت عليها وقلت: انا تعبت ابي ارتاح .. ساعدوني ولا بقول لأبوي يجيب خدامه...

هم خـافو اني اقول لأبوي فجتـني وقالت: ابوك مايحب الخدامه.. وإذا قلت له راح يرميك في الشارع.. سامع؟

لاكن امها كانت خايفه مني فحرقت ملعقه وجت وحطتها في ظهري.. وانا اصارخ من الالم واحاول الهرب...يوم شالتها
قالت: المره هذي حرقت الملعقه على ظهرك..المره الجايه إلي تجيب طاري الخدم احرقك انت..سامع؟!
هذاك اليوم ماقدرت انام من الألم..وكنت ابكي طول ليلي...دخلت علي زوجة ابوي وقالت: لاتبكي بصوت عالي..اخفظ صوتك لايسمعك ابوك ثم يضربك..
صدقتها وخفظت صوتي لين نمت....

فهد: ياحراااام..

جابر: اليوم الثاني وحنا على الفطور...كانت نظرات ابوي لي..غير..كان معصب..اول ماجلست حسيت ان فيه مصيبه...
سألته: إيش بك يابويا؟!
قال: وعامل روحك مش عارف؟! لاكن انت خلص فطورك وتعال الحقني للصاله...
قام ابويا من الطاوله وسابنا... ومابقى غير حرمة ابويا وامها...
كانو يتهامسو ويضحكو... عرفت إن فيه مصيبه كبيره... تمنيت إن هالفطور مايخلص من شان ماأروح لأبويا...بالرغم إن هالفطور مادخل تمي من الخوف...
سمعت صوت ابويا ينادي: ياجابر!!! كل هدا بتاكل؟! بسرعه خلصني...وانا ورايا اشغال كتير..
تركت مابين يدي ورحت متوجه له..اول مادخلت الصاله وقفت منزل راسي..
قال ابويا: إيش بك وقفت؟! تعال اجلس قدامي..
جلست قدامه وانا ارتجف..
قالي: ليش خايف؟! انتا عاملك مصيبه؟!
قلت: لا..بـ .. بـ .. س..
قال: جابر!!!
قالها بصوت جاد: قالت لي زوجتي انك تطلع تصاحب شباب كبار...صحيح هالكلام؟
قلت : اصلا حرمتك ماتخليني اطلع للشارع
قال: كيف يعني ماتطلع.. وانا كل ماطلعت واتصلت اسأل عنك قالت انك بـرا؟!
قلت: تكذب والله تكذب..
صرخ: جااااب.. هيا بمثابة والدتك..كيف تقول عنها كذابه؟
قلت: انا من عشت معاك وانا مااشوف الشارع...
قال: جابر..لاتكذب.. وقالت لي كمان انك مره جبت شريط ممنوع للبيت..
قلت ببراءه: كيف يعني؟!
قال: ويش إلي..كيف يعني؟! عامل روحك غبي؟!! مانتا فاهم؟
قلت: ايه والله اني ماني فاهم حاجه..انا جبت شريط ممنوع!!
قال: يعني وسخ..شي مايصلح للي بعمرك.. بس انا من لما سمعت انك تماشي كبار وانا متوقع منك كل حاجه..
قلت: يا بابا..انا لا صاحبت كبار..ولا دخلت شريط وسخ.. اصلا إذا انت طلعت هيا تشغلني خدام للبيت..
دخلت مرت ابويا إلي كانت تتسمع: إيش؟! انا أشغلك خدام؟! وتكزب كمان؟ نسيت جلساتك مع الشباب إلي بعمري واكبر كمان في الملحق.. تم تطلع تارك وراك بقايا ملحق من الوساخه والقرف وانا إلي انظفه..
لميت راسي: والله انك كذابه..اصلا كيف اصاحب كبار؟ وش يبغو فيا وانا صغير؟
قال: هم يبغوك لأنك صغير.. لاكن إيش اسوي فيك؟ ايش اسوي فيك ياناكر الجميل..
قلت : يابابا .. هيا كذابه لاتصدقها..
قالت: كذابه!! هذي جزاتي وتقول كذابه؟!
قلت: انتي تكذبي عشان تفتكي مني
قالت لأبويا: عاجبك الكلام إلي يقوله؟ لاكن انتا دلعته كتير وهذي نتيجة دلعك له..الولد صار شااااذ...
فجأه انهار ابوي وضربني بيده وبرجوله.. مع ارقى انواع السب واللعن..وانا بس اصارخ واترجا ابويا...
وهو ماغير يكرر: انقلع لأمك الكلبه الي ماعرفت تربيك..
كرر هالكلمه وكأنه ماله شغل في تربيـــتي...
نجحت حرمت ابويا في طردي من البيت حتى من دون اغراضي..
وركبني سيارته ووصلني لبيت امي الي تزوجت...
اول مافتحو لي الباب ..سابني ابويا..
انجنت امي لما شافت الدم وآثار الضرب..
لاكن زوجها اول ماشافني سألني: مااشوف معك شناط؟ يعني بترجع لأبوك...
قالت امي: رشيد! هدا ابني..انتا ناسي؟
قال: وانا ايش قلت؟ انا اسأل
قال: مو وقته.. انتا منتا شايف حالته؟!
ضمتني لصدرها بحنان وسألتني: مين الي ضربك
قلت: بابا
قال: ليش؟ اكيد انت ماتسمع الكلام..
قلت وانا ابكي: انا ماعملت حاجه.. بس حرمته شريره كذبت عشان يضربني..
قالت امي: ولا يهمك ياحبيبي..راح تكون تحت رعايتي طول العمر...
قال رشيد: وانتي إيش وراكي؟ ومن مصروفي كمان..

وبكذا عشت مع امي باقي عمري لاكن في مشاكل..
مره عشان المصروف..ومره يغار مني ويقول انتي تهتمي به اكتر مني..ومره يقول انتا لاشغل ولا مشغله بس سببت ضيق وبيت ابوك فاضي..

فيصل: كيف لاشغل ولا مشغله..وانت عمرك عشر سنين؟

جابر: لا..كان عمري وقتها يمكن 19 سنه او 20..

فهد: كنت كبير..

جابر: بس كانو يعاملوني واحد لسا عمره عشر سنوات.. إلا ماما... اما ابويا وزوجة ابويا وزوج امي كلهم يعتبرو عمري عشر سنوات..

رامي: كنت تروح لبيك؟

جابر: ايه..اسلم عليه واطلع...

ياسر: عقب إلي سواه معك؟

جابر: ايه..مهما سوا..يضل ابويا..

ياسر: طيب تحس انه ندمان؟ وودك انك تسكن معه؟

جابر: هه..إلا يبغى الفكه مني..ومصمم إني شاذ...

رامي: كيف كانو يعاملوك؟ يعني كيف يعاملوك على انك صغير؟

جابر: إذا غلطت ضربوني..وإذا جو يتكلمو طردوني... وإذا طلبت من ابويا فلوس يعطيني خمسه ريال وبالكتير عشره..وفي الاعياد يعطيني عشرين متل البزوره الصغار...

فهد: لا..مو معقول..

جابر: يحق لك ماتصدق... وأقسم بالله اليين اليوم صار عمري 30 وإذا غلطت يضربوني ..وإذا جو يتكلمو طردوني..
صحيح راتبي صار معي..بس هم ماأقتنعو إني كبرت فوق العمر إلي يتوقعوه عشرين سنه.. عم بيفكرو عمري 10 وانا عمري 30 ... فرق.. تعرف؟ قبل امس مسكني ابويا وانا ادخن وضربني بالعقال..تصور شكلي وانا اطول منه ويضربني..ضربني ضرب!!! لو يضربه لـ كلب نطق... تعرفو إن راتبي ياحذه زوج امي يقول انتا ماتعرف تتصرف مع الراتب..لـساتك صغـير.. انا بصرفه لك.. ويعطيني كل يوم خمسين لمدة اسبوع ثم يقول خلص.. بالرغم من إن راتبي 6000 ... وانا ماأخذ منه إلا 350 والباقي له..

فيصل: وانت القطاوه كلت لسانك؟ ماعندك لسان تتكلم دافع عن نفسك حتى مع ابوك عارض تكلم

جابر: لو انطق بحرف واحد راح اكل ظرب...

ياسر: حتى رشيد يضربك؟

جابر: كلهم يضربون كلهم واخاف منهم كلهم...
ومع كذا كنت ابي اعيش.. ابي اشوف وش النهايه.. صح انا خواف ..وارتجف واتخيل إن الكل راح يضربني.. بس كان عندي أمل..
ومره دخلت للبيت وكانت بنت خالتي جايه لخواتي..
وشفتها هي غطت وجهها وانا طلعت لغرفتي.. ماكنت اعرف شلون الحب إلى من بعدها.. حبيتها وسألت قلت: من كان عندنا امس قالو : هذي بشاير بنت خالتي جايه تسلم على امي..
حاكيت زوج امي وقلت ابغى اتزوج..
قال: انا راح اجمع لك..
وفعلا صار يجمع لي من رواتبي
ولما جيت وخطبت........رفضتني..
رجعت بعد مادفنت آخر امل لي بـ جمال حياتي..
رجعت وانا اسمع ضحكة زوج امي فرحان لأن المهر بياخذه له..
وقالي: هذي عقوبة إلي يفكر بالزواج وهو لساته طـفـل.....
فين الطفل إلي يحكي عنه؟ اي طفل إلي صار عمره 30؟ هل لأني أدي له راتبي صرت طفل؟ هل لأني انظرب وانطق وانهان صرت طفل؟ ولا ليش الناس يكبرون وانا دوبي طفل... الطفل إلي همومه قد هموم الشياب.....
جلست في غرفتي... أملي الوحيد للسعاده بشاير..وردتني..ماتبيني..لأني طفل في الثلاثين....
وبعد كذا سمعت انها قالت: انا ماني مستعده اتزوج مريض نفسي... ولا له شخصيه..وراتبه ياخذه زوج امه..
ولساته طفل في جسم رجال ينظرب وينهان ويبكي..
وطول وقته يرجف وخايف ومـبلل بنـطلونـه... انا ابي رجااااااااال بمعنى الكلمه.....

ومن عقب هالكلام وانا حالتي تزيد سوء.. وتتراجع لورى...
سبت الدوام.. بعدها جاني ضرب محترم من رشيد زوج امي ورجعت اداوم بدون نفس.. انا ومنصور في نفس المكتب..فشرحت له حالتي..
فعرض علي هالطلعه وقال: لازم تغير حياتك.. انت تعاقب نفسك بدون ذنب..خلاص زمن الحب راح مع اهله..انسى وغير حياتك.. الدنيا ماتسوى انك تكدر نفسك عشان شخص ماعرف قدرك..تعال معنا للبحر وارمي جابر في هالجزيره المهجوره..وارجع جابر ثاني..
قلبت كلامه في راسي وانا بالبيت واقتنعت..ورتبت اغراضي..
دخلت امي وسألت: وين بتروح؟
قلت: بروح اغير حياتي..
قالت: انت وش قاعد تقول؟
قلت: اقول الي لازم اقوله من زمان..تعبت من الضعف والظلم والسكوت والطق والإهانه..تعبت من التعب.. انا كبرت وصرت رجال مسؤل عنك وعن اخواني انا رايح لمدة 3 ايام وبرجع جابر ثاني
قالت: وين بتروح؟ قلت: للبحر..
وهذا انا..مكتوب علي ماأذوق طعم الوناسه ابد... كنت متوقع بتمر ثلاث ايام العمر.. إلي اضحك فيها واستانس فيها..بس مكتوب علي التعاسه والقهر وين ماأروح...
يعني شوفو اليخت وقف بنا..ومنصور ماجى ياخذنا...

فيصل: لا تقول كذا.. العبد ماييأس من رحمة الله...

فهد: وبعدين موب كل رجال انظرب وأخذو راتبه وردوه صار موب رجال.. كان ماعندنا رجاجيل.. ياكثر الرجاجيل إلي انظربو..بنقول خلاص منتوب رجاجيل؟! وياكثر الرجاجيل إلي ياخذون البنك من رواتبهم بنقول خلاص انتم موب رجاجيل؟! وياكثر الي خطبو وردوهم خلاص صارو موب رجاجيل؟؟ وموب كل من صار له شنب صار رجال ولا كل من انظرب صار موب رجال.. الرجال هو إلي عنده حكمه وكبر عقل وقوة صبر ونباهه وديـــن..

ياسر: واعتبر نفسك في الجزيره ..ارمي جابر هنا..وارجع جابر ثاني..

جابر: بس...

فيصل: بس ايش يارجال؟.. انت ماصبرت على الظلم؟ وماصبرت على الضرب؟ وماصبرت على التجريح؟ والإهانه؟
انت رجال غصب على الي مايرضى...

فيصل كان لكلامه تأثير على جابر الي ابتسم و أول مره يشوفون ابتسامته
كان فهد صادق لما وصف فيصل بالعصبي بس قلبه ابيض ..ولسانه متبري منه بس طاهر..

رامي: وبعدين إزا بيك قال عنك شاذ من حكي نسوان... لما يشوفــني شو ممـكن يقول...

ياسر: ليش انت وش فيك؟!

رامي: انا تعرضت للأغتصاب لما كنت في السنه الإعداديه بـ بيروت..

فيصل مرتاع: جــد؟!

جابر: الله يكون في عونك..

رامي: بصراحه اول شي تأسرت.. وصاحبوني شباب شازين.. ومن بعدهن صرت بحس إني بنت.. صرت عم قلد اختي الصبيه بلبسها وبدلعها وبكل شي..
بس لما جيت هون لسعوديه حسين اني رجال.. لأني بخجل اعمل متل يالي كنت اعمله بلبنان.. صرت اروح لدكتور نفساني

ياسر: والين اليوم وانت تروح؟

رامي: ايه

جابر: وبديت تتحسن مع العلاج؟

رامي: كتـــير..ياسر؟ كلياتنا قلنا حكاياتنا..انت إلك شي قصه؟!

ياسر: ايه.. باقي ثلاث ايام على زواجي من ايمان.....

ـــــــــــــــــــــ

الفجر الكل نايم..
فجأه سمعو اصـــوات وكانت قريبه..
قامو كلهم بس محد تحرك إلا فهد وفيصل
وشافو يخت قريب منهم...

سأل رجال لابس لبس آمن: انتم وش وقفكم هنا؟؟

فيصل بفرحه: خلص علينا البانزين .. ونبي نرجع الله يرحم والديك..

سأل الرجال: من صاحب اليخت؟!

طلع ياسر يركض: انا..انا صاحبه...

الرجال: خلاص اركبو معنا.. ويختك بنرجع ناخذه..

فهد فرحاااان ويضحك: الحمدلله يعني بنرجع؟

الرجال: انشالله..هذا عددكم بس؟ إلي مبلغ عنكم قال لنا خمسه

طلعو رامي وجابر..

الرجال: باقي احد؟

ياسر مستانس: لا..لاياشيخنا..

الرجال: يالله اركبو...

ــــــــــــــــــــــــ

جالسين ولافين انفسهم بالبطانيات.. في اليخت..

فيصل: انا ناوي اول ماارجع.. راح ادق على منيره واعتذر لها.. واوقف حركاتي واتزوج..

ياسر: كفو ياخوك.. وانت يافهد؟

فهد: وانا راح انسى اني حبيت عمتي اميره وبقول لأمي تخطب لي..

ياسر: كفو بالرجاجيل والله.. وانت ياجابر؟..

جابر ابتسم: انا رميت جابر الطفل..ورجعت جابر الرجال..

ياسر: ياسلام عليكم.. وانت يارامي من قلت انك تعالج وانت رجال ونص..لأنك ماانتظرت لين تعاقب عشان تعالج..

رامي: مرسي.. انا مابقول غير نيال إيمان فيك..

فهد: طيب انت يا ياسر وش ناوي عليه؟

ياسر: ناوي اعزمكم على زواجي.. وعقبالكم

فيصل: امين.. يافهد انا ودي اخطب عمتك اميره من بعد اذنك طبعا

فهد ابتسم ابتسامه كبيره: لنا الشرف والله بس انا لاني ابوها ولا اخوها وانا اصلا ودي اناسبك فعشان كذا انت اخطب عمتي وانا بخطب اختك بسمه

فيصل ابتسم: انا إلي لي الشرف فيك.. انتا اخوي واكثر من اخوي.. تدري كذا احسن عشان إذا زرتني يكون مافيه عوازل زوجتك اختي وزوجتي عمتك

جابر: مشالله خطبتو و زوجتو نفسكم و زرتو بعض بعد

ضحك فيصل: نصبر نصبر نصبر ثم نجيب الأفكار في وقت واحد

جلسو الشباب يضحكون

جابر : رامي! تقدر تاخذ لي موعد عند الدكتور إلي تعالج عنده

رامي: الدكتور النفساني؟! ايه لعيونك

ياسر: ليش انت تحتاج؟

جابر: طبعا لأني صعب اقدر اغير جابر في يوم وليله وابي حل لهالإرتجافات والخيالات ابي اظبط نفسي عشان اتزوج

رامي: ايه حبيبي لعيونك راح اخذ لك.. شو بدك كمان؟

جابر ابتسم: سلامت قلبك ياخوي

ـــــــــــــــــــــ

صحيح كان فيصل وياسر كثيره هواشاتهم بس صارو اعظم اصحاب في الشرقيه.. رغم إن واحد من الحجاز..إلي هو جابر..
وثنـــين من نجد إلي هم فيصل وفهد..
وواحد عايش مع امه البنانيه بلبنان..
والخامس متزوج إلا انهم كانو احلا اصحاب..
واكثر من انهم اخواااان....
فيصل المشاغب وفهد الحليم وياسر العصبي ورامي الرايق وجابر المسكين.. خمسه فرقتهم الصفات..
لاكن جمعتهم الصدفه بمعرفتهم بمنصور...
وجمعهم يخت واحـــد..
وصار إلي صار......

مـــا قـــبل الـــنهايـــه

فيصل تزوج اميره وفهد تزوج بسمه وهذا زاد علاقتهم ببعض
فهد نسى حبه لأميره وفيصل نسى اميره حبها لفهد..


جابر رجع يعيش في بيت ابوه ومعاد سمح لأحد إيا" كان يمد يده عليه..
ومعاد قدرت زوجة ابوه تخوفه ابدا"
وراتبه صار له محد يتجراء بيقول هاته لأنه صار يقول لا..
وقوة شخصيته علمتهم إنه رجال موب طفل..
وابوه عقب هالتغير المفاجئ لجابر ماعاد تجرا يقول عنه شاذ
والأسبوع إلي راح كانت ملكته على وحده تعرفها امه
وله اسبوع وهو يكلمها..
وعن قريب بيكون اخر موعد مع الدكتور
إلي خلص معه رامي..

وياسر جى له بنوته صغيره تاخذ العقل..

والشي الي ماتغير روحتهم يوميا للبحر
الخمسه كلهم وخصوصا بعد انتقال فهد وفيصل للدمام..
يوميا يروحون للبحر لأنه هو من جمعهم وضيعهم ورجعهم وصادقهم..
الخمسه كلهم
فهد
فيصل
ياسر
جابر
رامي
وسادسهم البحر...

الـــنـــهـــايـــهـــ

ياااجماعه الله يخلكم ابغى ردوووود تفتح النفس

لأني نزلتها بمنتدى ثاني والردود كانت ( 0)

ردو حتى لو إنتقاد حسسوني ان تعبي ماراح هدر

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-10-2008, 05:00 AM
صورة غلا ksa الرمزية
غلا ksa غلا ksa غير متصل
©؛°¨غرامي فعال ¨°؛©
 
الافتراضي رد: اول قصه من تأليفي خمسه وسادسهم البحر


روووووووووووعه يسلمو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-10-2008, 06:46 AM
صورة قمة النعومه الرمزية
قمة النعومه قمة النعومه غير متصل
©؛°¨غرامي مشارك¨°؛©
 
الافتراضي رد: اول قصه من تأليفي خمسه وسادسهم البحر


اقتباس:
المشاركة الأساسية كتبها غلا ksa مشاهدة المشاركة
روووووووووووعه يسلمو
غلا ksa


انتي اروع يسلمك ربي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 24-10-2008, 06:47 AM
صورة قمة النعومه الرمزية
قمة النعومه قمة النعومه غير متصل
©؛°¨غرامي مشارك¨°؛©
 
الافتراضي رد: اول قصه من تأليفي خمسه وسادسهم البحر


المشاهدات 15

الردود وحده الله يسلمها

<< تحطمت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-10-2008, 07:45 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: اول قصه من تأليفي خمسه وسادسهم البحر


’ ,
بســم الله

يعطيك العــافيه
قرأت بدايتهــا و لي عوده بعد ما أكملهــا بــإذن الله
اقتباس:
المشاهدات 15

الردود وحده الله يسلمها

<< تحطمت
يؤؤ تتحطمي و الروايه مابعد كملت 4 ساعات بس !!
و إنتــي منزلتهــا الفجــر يعني طبيعــي ما بتلقين ردود كثيــره :)
عزيــزتي موفقه إن شــاء الله باللــي يرضيك

’ ,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 24-10-2008, 08:00 AM
*&{ملك الرومانسيه}&* *&{ملك الرومانسيه}&* غير متصل
©؛°¨غرامي مشارك¨°؛©
 
الافتراضي رد: خمسه وسادسهم البحر / أول قصه من تأليفي


أنا أشهد إن تعبك ماراح هدر



ماشاء الله إبدآآآآآآآآآع لاتطولين علينا نبي قصة غيرها ورينا إبداعك ولو تصير على شكل رواية بتكون أقرب لقلبك وقلوبنا ...


دمت بود

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-10-2008, 08:03 AM
صورة قمة النعومه الرمزية
قمة النعومه قمة النعومه غير متصل
©؛°¨غرامي مشارك¨°؛©
 
الافتراضي رد: اول قصه من تأليفي خمسه وسادسهم البحر


اقتباس:
المشاركة الأساسية كتبها الزعيمـــه8 مشاهدة المشاركة
’ ,
بســم الله

يعطيك العــافيه
قرأت بدايتهــا و لي عوده بعد ما أكملهــا بــإذن الله

يؤؤ تتحطمي و الروايه مابعد كملت 4 ساعات بس !!
و إنتــي منزلتهــا الفجــر يعني طبيعــي ما بتلقين ردود كثيــره :)
عزيــزتي موفقه إن شــاء الله باللــي يرضيك

’ ,
الزعيمه نورتي بمرورك
الله يعافيك

وبعدين لااااتلوميني هذي اول مره انزل قصه لي

واكيد بكون متحمسه على ارائكم

ا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 24-10-2008, 08:07 AM
صورة قمة النعومه الرمزية
قمة النعومه قمة النعومه غير متصل
©؛°¨غرامي مشارك¨°؛©
 
الافتراضي رد: خمسه وسادسهم البحر / أول قصه من تأليفي


اقتباس:
المشاركة الأساسية كتبها *&{ملك الرومانسيه}&* مشاهدة المشاركة
أنا أشهد إن تعبك ماراح هدر



ماشاء الله إبدآآآآآآآآآع لاتطولين علينا نبي قصة غيرها ورينا إبداعك ولو تصير على شكل رواية بتكون أقرب لقلبك وقلوبنا ...


دمت بود
بالله!!

الحمدلله يااارب..

ابشر.. انا مجهزه عندي روايات مو بس روايه وحده

بس قلت بنزل اقصر وحده تجربه

اذا لقيت تشجيع نزلت
اسعدني مرورك ملك الرومنسيه

موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1