مشاعر متدفقه ©؛°¨غرامي جديد¨°؛©

بنات هذي اول مشاركه لي روايه اماراتيه للكاتبه((واغربت شمسي)) اتمنى انكم تخقون معها مثل ما انا خقيت


الجـــــــــــزء الأول ..




في إحدى المحاضرات في الجامعة .. الدكتور يالس يشرح للطالبات المحاضرة .. وتقريبا طاف من الوقت نص ساعة من ابتدت المحاضرة .. و الشيخة حنان سرحانه ومب منتبهة حق المحاضرة بس يالسه وكانت تاكل لبان .. فجأة انتبه لها الدكتور وقومها وسألها عن شو تتكلم
المحاضرة ..

حنان : هاه والله ما أدري ..
الدكتور : و الله وإنتي أعده هنيه ليه ؟!
حنان : لا والله اسمحيلي آخر مرة أوعدك
الدكتور : كتير بتوعديني وبتخلفي بوعدك ..
حنان وهي منحرجة : والله آخر مرة
الدكتور : أنا مش عاوز أشوفك هنه .. شرفيني بخروجك
حنان : شو ؟؟!!
الدكتور : لو سمحتي برع .. ومش لازم تضيعي الوقت
حنان : تباني اطلع برع بطلع شو وراي .. انا ما صدقت افتك من ويهك
الدكتور : ايه افتك ديه ؟!
حنان : سلامتك يا طويل العمر .. باي
الدكتور : أكل ومرعى و قلة صنعه .. بايات

حنان وهي طالعة من المحاضرة وتتحرطم : الله يغربله من دكتور فشلني .. يعله السقم خلني أروح المكتبة أخلص بروجكتاتي أبرك من الحواطه ..

في المكتبه
دخلت حنان المكتبة وسارت تدور على الي تحتاجه عشان تسوي البروجكت مالها ويلست عند بنت ما انتبهت منو هي ..

نورة : حنون غربلات عدوج .. مب توني شفتج في المحاضرة
حنان : شو أقولج يا نوروه غربلاته من دكتور طردني
نوره : ههههههههه ليش ؟!
حنان : أمضغ لبانه وسرحانه وقالي مش عاوز أشوفك .. وطردني
نوره : صدق ما يستحي على ويهه
حنان : هيه والله العظيم .. عيل أنا الشيخة حنان بنت أحمد يطردني والله ليشوف
نوره : شو بتسوين .. ؟!
حنان : بلزق له لبانه على كرسيه علشان ما يتحرك من الفشيلة ويحس فيني
نوره : اتحداج تسوينها ..
حنان : أفا علييييج قدها وقدود
نوره : بنشوف ..

خلصت حنان البروجكت مالها .. وشافت الساعه 12.25 ..

حنان : المحاضرة خلصت خل شوف شواق أبرك لي ..

سارت عند شوق الي كانت توها طالعه من المحاضرة : شرفتي يا آنسه شوق
شوق: ههههههههههههه غربلات عدوج متنا من الضحك عليج عنبو هاي المرة الكم الي يطردج
حنان : يزول عن ويهي .. مسود الويه
شوق : سمعتيه يوم قال أكل ومرعى وقلة صنعه هههههه البنات كلهم ماتوا من الضحك
حنان : ضحكن من سرهن أن شاء الله
شوق : لا تدعين عليهم .. حرام
حنان : حرمت عليهم عشيتهم .. يضحكون عليه وتبيني أسكت لا والله
شوق : عاد الحين ضحكوا وخلصوا ..
حنان : يعل كل وحده ضحكت تتكربع وطيح على ويها جدام خلق الله
شوق: شو تقصدين .. ؟؟!!
حنان : افهميها وهي طايرة .. يعني يعساج تطيحين لأنج ظحكتي
شوق : ما عليه منج مسوده الويه .. خل نسير عند أمول نشوف خلص الكلاس مالها ولا ..

عنـــــد أمل ..
أمل : هههههههههههههههههههههههه الله يخسج يا حنون قالوا لي عنج ..
حنان : دخيلج أمول سكري السالفة .. كل ما أسير عند وحده قالت لي نفس الكلام
أمل : عسب تتأدبين مرة ثانيه ..
شوق : هيه والله أقولها .. لكن من يسمع
حنان : طوفوا أنا بطني يصاوي من اليوع .. يالله
شوق : والله أنا بعد ..
أمل : وشو خليتوا لي عيل وحليلي أنا خلاص رايحه فيها من اليوع
حنان : عن اللغوه الزايده يالله جدامي

شوق + أمل + حنان .. بنات عم

في مكان الإستراحه ..

روضه : خسج الله يا حنون
حنان غصت في الأكل : بسم الله بلاكم .. خلصت السوالف طايحين فيني
روضه : هههههههههههههههههههههههههههههههههههههههههههههههههه هههه
حنان : ضحكتي من سرج بلا
شوق : رويض دخيلج ابلعي لسانج مب عارفة أكل من الضحك .. ههههههه
روضه : تامرين .. وأنا بجلب ويهي تبون شي ؟!
حنان : هيه
روضه : شو ؟!
حنان : عطينا مقفاج ..
أمل : ههههههههه قفطوها .. رويض لقطي ويهج من القفطه ..
روضه : ما عندي سالفه مجابلتنكم .. مالت عليج وعلى بنت عمج
حنان : ايه ايه عاد كله ولا بنت عمي ما أرضى عليها ..
روضه : فقدتج إنتي وياها .. فديت شواقي أنا محد يسواها ..
حنان : مالت عليها من شوك ..
شوق : لو سمحتي اسمي شوق هب شوك
حنان : إلا شوك ونص ..
روضه : هههههه شواق قفطوج ..
شوق : قومي عني لاتشوفين شي ما شفتيه
روضه : خلاص بسير نوره تترياني باي ..

بعدها خلص الدوام ورجعوا البنات البيت .. في بيت حنان

حنان : اوف شوها التلفزيون السقم .. ما فيه شي عدل
شما : الله هاي نانسي حلو الفيديو كليب مالها خليه بشوفه ..
حنان : يالله مناك .. قالت لي نانسي اونه ..
شما : عسل على قلبي .. هاي نانسي
حنان : مالت عليج وعليها .. وعلى الي طلعها والي سوا لها الفيديو كليب وعلى الي يتابعها
شما : شوي .. خفي عن لا تطيح ظروسج وتعظين لسانج من كثر الكلام
حنان : إذا نطق السفيه فلا تجبه ..
شما : أمااااااااااااايه شوفيها تقولي إذا نطق السفيه فلا تجبه ..
الأم : صدقها ما جذبت ..
حنان : وانتصرنا والناصر الله .. انتصرنا ونحمد الله
شما : جديمه ..
حنان : إنتي ..
عبدالله ( أخو حنان والمقرب منها ) : السلام عليكم
حنان : هلا والله بالزين .. هلا والله بالشيوخ
عبدالله : فديتني أول مرة أعرف شكثر تحبيني ..
حنان : بسك عاد دلعتك وايد
عبدالله : بسم الله في دقيقة تجلب على الواحد الله يعين ربعج عليج ويعين أمول و شوق
حنان : أصلا هم يتمنون وحده مثلي ..
عبدالله : صدقت واايد ..
حنان : تتحدى
عبدالله : هيه أتحدى .. اتصلي حق شوق الحين وأسأليها شو رايها فيج ؟
حنان : بتقول فديتج والله حبوبه طيوبه قمر شو بعد ..
عبدالله : اتصلي انزين ..

حنان دقت ورد عليها ذياب ..
حنان : السلام عليكم
ذياب : وعليكم السلام
حنان : وين شوق ؟!
ذياب : منو أقول لها ؟!
حنان : قول لها حنان ..
ذياب : هلا حنون أخبارج ؟!
حنان : تمام وأنت ؟
ذياب : بخير .. لحظه بناديها
حنان : أوكي .. وحطت على السبيكر عسب عبدالله يسمع
شوق : هلا والله
حنان : أهلين .. شو تسوين ؟!
شوق : بسم الله شوي علينا لا شحالج لا شخبارج ؟ سيده
حنان : توني قبل شوي شايفتنج .. مب لازم أسألج
شوق : انزين .. خير بيغيتي شي ؟!
حنان : شواقي بسألج سؤال ..
شوق : أكيد تبين شي ولا ما بتقولين شواقي ..
حنان : هههههه زين عرفتي ..
شوق : شو ؟!
حنان : لا ما شي .. بس بسألج شو رايج فيني
شوق : من أي ناحية ؟!
حنان : من كل النواحي ..
شوق : الصراحة ..
حنان : ولا شي غير الصراحة ..
شوق : دفشه .. أم لسانين .. عصبيه .. مب شايفه خير .. وووو
حنان : بس بس خليتي شي ما قلتيه
عبدالله : ههههههههههههههههههههههههههه لقطي ويهج حنون
شوق : إنتي قلتي ولا شي غير الصراحة ..
حنان : مالت عليه .. لإني داقه لج
شوق : بخليج الحين بطلع ويا ذياب ..
حنان : يعلج ما تتوفقين يا شوقوه
شوق : وشحقه تدعين عليه ؟؟!
حنان : يالله يالله باي
شوق : بايات

ذياب : بلاها تتحرطم صوتها واصل عندي هههههههههههههههههه
شوق : قالت لي شو رايج فيني .. ويوم قلت لها طاحت فيني
ذياب : هههههههههههههههه تراج عطيتيها في الويه .. المهم يالله خل نمشي
شوق : يالله

عبدالله : ههههههههههههه قفطوها وييييييييييوو
شما : عاشوا ايوا .. ويييييو
حنان : عبادي دخيلك لا توقف ويا هاي ضدي
عبدالله : وشو فيها هاي مب أختج
شما : هيه مب عايبتنج أنا ؟؟!!
حنان : هيه مب عايبتني مول ..
شما : جب
حنان : يجبج
الأم : هالبتنين من يصبحن لين يمسن تقول قطو وفار
حنان : أنا القطوه لأن القطوه أحلى .. وشموه إنتي الفار
شما : مالت عليج .. صدق انج سباله عوده
عبدالله : محد سبال غيرج .. هاي أختج العوده عيب
حنان : هاي بعد وين تعرف العيب .. ما تستحي على ويها
شما : محد غيرج ..
عبدالله : شموه شو قلت أنا ؟؟!
شما : تشوفها .. حاطه دوبها ودوبي ..
عبدالله : كيفها
شما : مالت عليه إلي يالسه وياكم عن أذنكم .. بااي
عبدالله : هيه انزين مالت عليج .. و أذنج معاج .. بايات
حنان : ههههههههههههههه تتأدب
عبدالله : بس عاد أنتي ما صدقتي خبر ..
حنان : عبود لا تقولي جي ..
عبدالله : خلينا منج ومن شموه .. وقوليلي شو أخبار الجامعة ؟!
حنان : ما قلت لك .. هاك الدكتور الدب .. طردني مرة ثانيه
عبدالله : لعنت الله عليه لييش ؟!
حنان : كنت مب منتبه .. وطردني ولأني كنت أمضغ لبان بعــد
عبدالله : خسج الله .. هههههههههههههههههههههههه
حنان : أنا متحلفه له ..
عبدالله شو بتسوين مثلا .. ؟!!
حنان : بلصق لبان على كرسيه والله .. وتراني حلفت
عبدالله : أتحداج ..
حنان : وأنا قبلت التحدي
عبدالله : بشوف ؟!
حنان : كم تدفع ..
عبدالله : استحي على ويهج شو بعد كم تتدفع .. زين مني بصدقج لأنج مب قد هاي الحركة
حنان وهي تفره بالمخدة : تخسي إلا أنت .. ما كون حنان إذا ما سويتها
عبدالله وهو يضحك : وأنا أتحداج إنج ما بتسوينها ..
حنان : تدري إني خبله .. لأني يالسه وياك
عبدالله باهتمام : زين عرفتي ..
حنان : عن أذنك .. باي
عبدالله : هههههههههه أذنج شليها وياج لا تخلينها هنيه ..
حنان : سخيف
عبدالله : وأنتي أسخف .. باي

قامت حنان عن عبدالله .. وسارت غرفتها ..

عبدالله : والحين شو أسوي الهنتين زعلانات مني .. بس خلهن يتأدبن شوي ..
راشد توه داخل البيت : السلام عليكم
عبدالله : وعليكم السلام
راشد : وين الجماعة ليش يالس روحك .. ؟!
عبدالله : شموه وحنون زعلانات مني .. هههههههههههههههههههههههه
راشد : شو مسوي لهم ؟!
عبدالله : ما سويت شي .. دلع بنات
راشد : تعبنا من هالدلع .. خسهن الله من بنات
عبدالله : هيه والله صدقك
الأم : شو فيهم بناتي طايحين فيهم ؟
راشد : إنتي دلعتيهم .. والحين كل وحده مكبره رأسها علينا
الأم : خلهن فديتهن ..
راشد : إنتي جي تخربينهم ..
الأم : خسك الله مسود الويه .. الحين أنت تعرف مصلحة بناتي أكثر مني .!
راشد : هههههههههههههه لا ما قلت جي .. بس يعني وايد دلوعات ..
الأم : خلهن يدلعن شو عليك ..
علايه أصغر وحده من البنات : رشود .. اسمعك تقول كلام يديد
راشد : احترمي نفسج عاد .. مب أصغر عيالج أنا تقولين لي رشود
عبدالله : هلا بالزين كله .. هلا بعلايتي أنا ..
راشد : يالهرم .. أنا بعدلهم وأنت تبغي تخربهم
عبدالله : كيفي ..
علايه : فديت عبادي أنا محد يسواه والله ..
راشد : أقول أنا بقوم .. وبخليكم بسير أرتاح
عبدالله : شو السالفه اليوم كل ما قلت حق حد شي قام عني
الأم : تأدب وتسنع عيل .. يوم تباهم يلسون وياك ..
راشد : ما ألوم شموه وحنون يوم قاموا عنك ..
عبدالله : اسكت أحسن لك .. وفكني من الصدعه

وطلع عنهم راشد .. وعبدالله سار عند غرفة حنان إلي كانت تطالع فلم في الابتوب
عبدالله : ممكن ادخل
حنان : شو تبغي ؟!
عبدالله : بقولج شي ..
حنان: ادخل ..
عبدالله دخل : حنون زعلانه
حنان وهي مبتسمة : لا ..
عبدالله : حنون فديتج كله ولا زعلج ما أقدر على زعلج
حنان : خلاص انزين .. انا مب زعلانه
عبدالله : الحمد لله ..
حنان : عبدالله ؟!
عبدالله : آمري
حنان : أبغي باتشي ..
عبدالله : خلاص الحين بيبلج كم حنون عندي ؟
حنان : فديتك والله ..
عبدالله : خلاص بخليج الحين .. بسير أشتري باتشي وعلى الدرب بغازل .. كم بنت بشوفها في المول
حنان : لا والله ؟! احلف أنت بس
عبدالله : أنا من نظرة وحده أطيح عشر بنات .. تتحدين
حنان : امرره .. وايد مصدق عمرك هههههههههه
عبدالله : باي .. وما شي باتشي
حنان : عباادي خلاص فديتك يا بدر البدور .. يا المزيون .. يا غرشوب الإمارات بكبرها
عبدالله : خلاص عن تاكليني بيب لج .. صخي
حنان : خلاص عطني مقفاك .. بكمل الفلم
عبدالله : براحتج باي
حنان : بايات .. وسلم لي على إلي بتغازلهن
عبدالله : ما طلبتي .. هههههههههه

طلع عبدالله من عند حنان .. وخلاها تكمل الفلم مالها

عبدالله في المول ..

وهو يمشي شاف وحده شكلها حلو .. مطلعه قصتها وصابغتنها أحمر و عباتها ما تم لون فيها كل الألوان الأحمر والوردي والأصفر والبرتقالي .. إلي ما يخطر على بالكم .. والعطر الي ينشم من بعيد والبنطلون

عبدالله : إلا أقردنها .. وطـــــاف صوبها
عبدالله : هلا بالمزيونة .. هلا والله
البنت : نعم أخوي بغيت شي ؟!
عبدالله : هيه بغيتج تاخذين الرقم ..
البنت : فالك طيب ..
عبدالله عطاها رقم ولد عمه ذياب .. : تفضلي الشيخة
البنت : تسلم ..
عبدالله : اتريا اتصالج باي
البنت بمستحى : باي
عبدالله عقب ما راح عن البنت : ههههههههههههههه الله يعينك يا ذيابوه .. بيجتلني لو درا

وبـــعد دقيقتين .. شاف ذياب وشوق .. سلم عبدالله على ذياب وعلى شوق

عبدالله : شو عندكم هنيه ..
ذياب : بعد شو عندهم البنات غير عطور ومكياج وبدلات
شوق : هيه يعني شو تبونا نشتري .. ؟!
ذياب : انجبي إنتي أم لسان ..
عبدالله : خلها في حالها ..
ذياب : أقول عبود
عبدالله : هلا .. وبعدين اسمي عبدالله هب عبود
ذياب : شو عندك ويا البنت هاذيك توه .. شفتك
عبدالله توهق : ما عندي شي ..
ذياب : علينا ... !! أسأل شوقوه شافتك بعد
عبدالله يتصنع : هههههههههههههههه .. لا بس طاح الموبايل من إيدها و أنا يبته لها
ذياب : اهاا .. عيل نخليك بو الشباب .. مشاغل البنات ما تخلص
عبدالله : هيه بسير أشتري باتشي حق حنون بعد .. عن تاكلني
ذياب : شو المناسبة ؟!
عبدالله : بس جي .. يالله عيل باي
ذياب + شوق : بايات ..

بعد ما راحوا شوق وذياب ..
عبدالله : الحمدلله ما سمعني وأنا أعطي للبنت رقمه .. الحمدلله أحمدك وأشكرك يا رب .. يالله ذيابوه ساحر سبحان الله يوم رقمت البنت برقمه شفته جدامي ..
الساعة 7 المغرب في بيت شوق ..

يرن تيلفون ذياب .. المتصل رقم غريب ..

ذياب : ألو ..
البنت : ألو ..
ذياب : منو معاي ..
البنت : الشيخ أنا الي رقمتني اليوم .. ولا نسيت من كثر البنات الي ترقمهم
ذياب : نعم .. أنا ما أنزل مستواي للبنات وأرقم ..
البنت : يعني أنا بجذب وبيب الرقم من عندي ..
ذياب : هيه إنتي جذابه ..
البنت : قصورك عاد تغلط عليه ..
ذياب : ما أدري عاد منو أنتي يالخراطة .. يالله قولي في أي مول شفتيني
البنت : في المارينا مول .. في الطابق الثاني ..
ذياب انصدم صح هو كان في المارينا .. : انزين لو إنتي شاطره شو لون الحمدانية والكندورة مالتي
البنت : لون الكندورة سودا والحمدانية حمرا ..
ذياب تذكر أنه شاف عبدالله ويا وحده .. وتذكر بعد أن عبدالله كان لابس كندورة سودا وحمدانية حمرا
ذياب : أقول الشيخة بخليج الحين ..
البنت : تبغي تتهرب .. أكيد
ذياب : لا أتهرب ولا شي .. اجلبي ويهج باي
البنت مادة بوزها : بايات

يتصل ذياب حق عبدالله .. عبدالله شاف رقم ذياب على الموبايل
عبدالله : آتاك الموت يا تارك الصلاة .. بسلم أمري لله وبرد
عبدالله : ألو
ذياب : تعال يالهرم .. يالي ما تستحي على ويهك .. ويوم إلي تبغي ترقم رقم برقمك مب برقم غيرك الحشيمة مب لك .. الحشيمة لعمي و لا جان ذبحتك اليوم
عبدالله : شو مستوي ؟!
ذياب : ما تعرف شو مستوي تستهبل .. البنت إلي مرقمنها برقمي شو سالفتها هاي ؟؟ هااه
عبدالله : هههههههههههههه ما صار شي .. سوالف
ذياب : ويوم سألتك في المول شو تسوي .. قلت لي أيب الموبايل أسميك جذاب عود
عبدالله : هههههههههههههه بلاك يا ريال عليه .. شوي خف علينا
ذياب : تدري أنك خايس .. والله أنك قاهرني .. الحين هاي اللزقة شو يخوزها
عبدالله : صرخ عليها وبتخاف .. وما بتتصل
ذياب : بنات هالأيام قوة عين .. يردن عليك وما يعتبرن لحد
عبدالله : هيه والله
ذياب : ويوم تقول هيه والله .. شو الي خلاك تعطيها الرقم
عبدالله : قص عليه الشيطان .. شو أسوي
ذياب : مالت عليك أنت وشيطانك .. وأفكارك
عبدالله : تراك وايد غلطت اليوم ..
ذياب : قلت لك الحشيمة مب لك لعمي .. ولا كنت بي بذبحك وبروح
عبدالله : تحلم .. أنا الشيخ المزيون الغرشوب عبدالله بن أحمد
ذياب : وايد قاص على عمرك .. أقول ما عندي سالفة أرمسك باي
عبدالله : عقب ما خلص وشبع قال باي .. وأنا أقولك بايات

سكر ذياب عن عبدالله .. وعبدالله مات من الضحك على إلي سواه في ذياب
عبدالله : هههههههههههههههه الله يخسك يا ذيابوه أسميك مال مقصه ..

بعد شوي تنزل حنان من فوق ..

حنان : عبادي الغلا ..
عبدالله : بشرعة شو تبين مب فاضي ..
حنان : وين الباتشي ؟!
عبدالله : ما اشتريته ..
حنان : عبووود لييييش ما اشتريت ؟!
عبدالله : قبل شوي عبادي الغلا .. ويوم قلت لها ما اشتريت قالت عبود ..
حنان : سوري والله نسيت يا عبدالله
عبدالله : انزين قومي عن ويهي .. سيري حجرتي بتحصلين سلة الباتشي شليها
حنان : وااااااااي فديتك أنا يعلني ما أخلا منك يا رب .. وتركض فوق حق الباتشي
عبدالله : ما شفت مصلحجية مثلج يا حنون ..

بعد دقايق .. عبدالله دخل على حنان

حنان : فيه شي أسمه أستأذن قبل ما تدخل ..
عبدالله : تعالي حنون ما قلت لج ..
حنان وهي تاكل الباتشي : قول يا بعد جبدي قول ..
عبدالله وياكل بعد من الباتشي : تعرفين شو سويت في ذياب اليوم
حنان : أي ذياب .. ولد عمي ؟؟!!
عبدالله : فيه ذياب غيره ..
حنان : بلااه ؟!
عبدالله : رقمت بنت برقمه اليوم في المول ..
حنان : وافضحيتي .. يالي ما تستحي الحين لو حد شافك وقال هذا عبدالله ولد أحمد يرقم بنات .. صايع ما بيخطبونا حق عيالهم بسبتك واااي بعنس لااااااااااااا
عبدالله : والله إنج متفيجة .. طاع في شو تفكر
حنان : إنزين كمل ..
عبدالله : المشكلة أنه ذيابوه شافني يوم أرقمها في المول .. بس ما عرف إني رقمتها برقمه
حنان : اوييه .. انزين
عبدالله : ودقت له ولعوزته .. وعرف إني أنا إلي عاطنها الرقم واتصل يهزبني
حنان : هههههههههههههههههههههههههههههههههههههههههههههه كفك
عبدالله : ههههههههههههههههه والله أنه تحفه
حنان : بس أنته تستاهل أنه يهزبك .. وهو ما يستاهل ليش سويت فيه جي
عبدالله : بدل ما توقفين ويايه .. مشتريلج باتشي .. توقفين ويا ذيابوه
حنان : الحين عاد بيذلنا على الباتشي ..
عبدالله : هاتي السلة مالي .. بسرعة مخسر عليج ما تستاهلين
حنان وهي تتصنع : واااي فديتك عبدالله .. أنا واقفة وياك مب ويا ذياب .. شو أبغي فيه أوقف وياه
عبدالله : هي جي أبااج .. طالعة على خوج
حنان وهي تحيس بوزها : هي أخوية الغالي .. وافديتك أنا ..
عبدالله : إنتي ما تنعطين ويه .. أقول أنا بسير تبين شي ؟!
حنان : سلامتك .. اطلع وسكر الباب وراك
عبدالله : إن شاء الله .. وسار صوب الباب فتحه وطلع وخلاه مفتوح
حنان : عبووود سكر الباب ..
عبدالله : مابا ..
حنان وهي تصااارخ : عبوورد لااااااه سكره وراك
عبدالله طلع وسوالها أكبر طاف ..
حنان : مالت عليك يا عبود .. ما عندي سالفة يالسه أتسمع سوالفك ..

.
.
.

سجينة حب ©؛°¨غرامي ذهبي¨°؛©

.,,.

يآهلآ فيك عزيزتي

موفقه بآذن آلله

منوره آلقسم حبوبه ^،^

.,,.


VEN!CE يـآرب مآلـي ســـوآكـﮯ

,’


عوافي عزيزتي
آتمنى تكون كامله

موفقه ان شاء الله



,’

الزعيـ A.8K ـمه δЯέαмş
مستشــ¸.·* غرام *·.¸ـــاري

’ ,

بســـم الله

يعطيك العــافيه
و موفقــه إن شــآء الله بـ نقلك

’ ,


مشاعر متدفقه ©؛°¨غرامي جديد¨°؛©

: الجـــزء الثــــاني .. ^^


اليوم الثاني في الجامعة ..

الدكتور : إزيك يا حنان .. ؟!
حنان : بخيير .. بعدين تعال أول مرة تسألني عن حالي يعني
الدكتور : وحشتيني ..
أمل : اووويه حركات بعد .. حنون وحشتيه
حنان : أمول مالت عليج هذا الجذاب تصدقينه بعد .. أقول دكتور ..
الدكتور : نعم .. ؟!
حنان في قلبها نعامة ترفسك : اليوم عندي سربرايز حقك
الدكتور بفرح : والله .. ؟! أي دي السربرايز
حنان : بعدين بتعرف .. أخليك الحين
الدكتور : براحتك ..
بعد ما ساروا عن الدكتور ..
أمل : حنون شو السربرايز .. ؟!
حنان : مسرعج نسيتي ؟!
أمل : شو قولي لااه ..
حنان : تراني قايلة بلصق لبان على كرسيه ..
أمل : هههههههههههههههه قولي والله بتسوين الحركة .. على بالي نسيتي السالفة
حنان : لا حبيبتي أنا حنان .. ما أنسى
أمل : يا عيـــــــــني عليج يا بنت عمي ..
روضة وهي تنط عليهم .. : في منو تحشون ؟!
أمل : نحش فيج .. يا رويض
روضة : مالت عليج يوم إنج تحشين فيني
حنان : حدج عاد كله ولا بنت عمي ..
روضة : كم مرة بقول .. مالت عليج وعلى بنات عمج ..
أمل : رويــض يوزي عنا ..
روضة : إنتي انجبي أنا أرمس حنون ..
حنان : إنزين اجلبي ويهج
نورة : هلا والله بنيات شحالكم ؟
روضة : نوروه انقذيني .. طايحات فيني طيح ..
نورة : إنتي اسكتي الجذابة العودة ..
أمل : ههههههههههههههههههههههههههههههههههههه قفطوووووووها وييييييييييييييييو
روضة : مالت على إلي يسولف وياكم .. باااي بسير
حنان : بايات
وسارت روضة عنهم ..
نورة : بلحقها عن تزعل وتمد البوز
حنان : رويض ما تزعل ..
نورة : شدراج حبيبتي .. شكلها زعلت بخليكم الحين باي
أمل + حنان : باي ..

سارت نورة تربع من كلاس لكلاس تدور روضة إلي اختفت فجأة .. وآخر شي حصلتها يالسه روحها والدموع على طرف عينها ..

نورة : رواضي حبيبتي بلاج ؟!
روضة : تستهبلين نوروه .. ما تعرفين شو بلاني .. طلعي برع بليز وسكري الباب ما صدقت أحصل كلاس فاضي عسب إيلس روحي
نورة : روضة حبيبتي والله ما قصدنا نزعلج والله ترا السالفة أنه نحن كنا نسولف بس إنتي زعلتي
روضة : نوروه .. هاي مب أول مرة تسون هالحركات فيني دوم أشل في قلبي وأسكت وأقول أنتوا ربعي ولازم ما أزعل منكم بس والواحد كم بيستحمل
نورة : أوعدج أنها ما تتكرر يا رويض .. يالله غسلي ويهج وقومي ..
روضة : مابا .. وسيري عند ربعج إلي غيروج أبرك لج مني ..
نورة : روضوه عاد .. عن حركات اليهال هاي ..
روضة : قلت لج سيري سيري أبرك لج مني ..

نورة طلعت وخلت روضة روحها ..
روضة : الحمدلله يوم طلعت .. أوف ما صدقت إيلس روحي
دقايق ولا الشلة كلها داخلة .. حنان وأمل وشوق ونورة

شوق : الله الله يا الزعلان خف علينا شوية
روضة : شو تبون .. ما يكفي إلي سويتوه ياين تزيدوني ..
أمل : و حياتج .. أول و آخر مرة .. يالله رويض كنا نسولف والله
روضة : سوالفكم ما أقدر أتحملها أكثر ..
حنان : والله حرام يايين من أخر الدنيا عسب نراضيج .. ما يصير رواضي زعلانه
روضة : أنتي أخر وحده أسمع صوتها
حنان : خيــــــــــــــــبة .. والله حرام عليج ..
نورة : يالله رويض .. كلهم هنيه عسب يراضونج وإنتي ما طايعة ترضين
روضة : إلي يزعلني يتحمل ..
نورة : بسج عاد والله وايد تحملنا يالله قومي غسلي ويهج .. وتمسك نورة روضة من إيدها وتقومها
وروضة : إنزين هديني بقوم روحي ..
نورة : لا ماشي .. يالله قومي غسلي ويهج .. تدرين رويض تخوفين يوم تصحين
أمل : ويوم تضحكين قمـــــــــــــــــــــــــــــــــر ..
روضة : تطنزوا أكثر إنزين
أمل : والله نقول الصدق ..
حنان : مكانج زعلانه رويض مني
روضة وهي تبتسم : لا .. بس لا تعيدينها مرة ثانية
حنان وهي فرحانة : اوووووووووووووكي
قامت روضة غسلت ويها .. وطلعوا كلهم
حنان : يالله الحين دور المغامرة ..
أمل : هيه يالله
شوق : أي مغامرة .. ؟؟!
حنان : كم مرة بعيد .. أنا بلزق اللبان على كرسي الدكتور التيس
روضة : هههههههههههههههههه قولي والله
حنان : والله عيل شو حبيبتي .. أنا ما بنسى
نورة : هههههههههههههههههه أحلفي إنتي بس .. يالله بسرعة قبل لا يفوتنا
ويركضون كل البنات .. إلي يشوفهم ما يقول في الجامعة ..

شو بتسوي حنان بتلزق اللبان على الكرسي ولا ؟؟!! الحين بنعرف

دخلوا المحاضرة قبل ما يدخلها الدكتور .. >> أول مرة يدخلون قبله .. ويلست كل وحده مكانها دخل الدكتور وشرح نص المحاضرة .. حس أنه الطالبات ملن من اليلسه .. فعطاهم بريك عشر دقايق ..

أمل : يالله حنون .. سيري عنده ولزقي اللبان
حنان : أمييييييييييه أخااف ..
نوره : ما أدري منو حاشرنا من صباح الله خير ..
روضة : هيه والله
حنان : بسم الله بسكم كلتوني بثيابي .. شوي عليه .. هاي المخاطرة يبالها تركيز وقوة
شوق : الله وياج ..
حنان : أستودعكم الله على أمل اللقاء بكم المحاضرة اليايه .. لأني أحتمال انطرد
أمل : باي حنون ..
حنان مشت خطوتين ورجعت ..
روضة : يالجبانة ليش رديتي ؟؟!
حنان : بخذ مبايلي عسب أصور الكرسي عشان عبود أخوي يصدق إني سويت الحركة ..
شوق : لو شاف موبايلج بيشوتج برع .. !
حنان : بدسه ما بيعرف .. باي وتمثل أونها تصيح
روضة : شو إلي كالفنها ..
شوق : عسب تتحدى عبود أخوها .. ههههههههههههههه يالله سكتوا خلونا نشوف ونحن ساكتين

حنان وصلت عند الدكتور .. على حظها الدكتور كان واقف
حنان : أٌقول دكتور ..
الدكتور : نعم ؟!
حنان : انا ما فهمت المحاضرة .. ممكن تفهمني إياها بإختصار ..
الدكتور : حاضر .. بس بختصار شديد .. عشان أكمل المحاضرة
حنان : انزين أشرح وخلصنـــــــــي !!
الدكتور يشرح حق حنان وهي تحاول تدز الكرسي صوبها .. وبعد ما نجحت حاول تلهي الدكتور

حنان : دكتور شوف هناااااك .. البنات شاردات من المحاضرة ..
الدكتور بعد ما ألتفت .. : يا ويلهم مني .. حسجلهم غياب
حنان : هي .. وهي تلزق اللبان على الكرسي
أمل تحضن نورة .: فديتج حنون سويتيها ..
شوق : وااي على بنت عمي ..
روضه : هههههههههههههههههههههههه واخيرا ..
حنان تسويلهم حركات عسب يسكتون يلست تصور بمبايلها اللبان على الكرسي .. والدكتور مب منتبه لها

بعد دقايق ..
حنان : خلاص دكتور فهمت ..
الدكتور : في الخدمة ..
رد الدكتور يكمل المحاضرة .. دخلوا البنات ويلسوا أماكنهم وشرح الدكتور وخلص المحاضرة من التعب
عقب ما خلص يلس على الكرسي .. وطبعا لزق اللبان فيــــــــــــــــــــــه

حنان : هههههههههههههههههههههههههه هههههههههههههههههههههههههه ههههههههههههههه هههههههههههههه وأخيرا من زمان أنتظره ييلس ..
روضة : حنون فديتج .. إنتي إنسانه أعجر عن وصفج .. وااااااااي
حنان : رويض المهمه عليج الحين ..
روضه : مهمة شو ؟!!!
حنان : أنا تعبت خذي الموبايل وصوري بنطلون هالغبي من ورا .. عسب عبود يصدق
روضة : أوكيك .. أدعولي
نورة : الله وياج
وتركض روضة الخبلة .. كان الدكتور بيقوم على الكرسي .. وتصوره بسرعه .. وتسوي حق حنان علامة النصر
أمل : واخيييرا ..
شوق : الله على البطولات اليوم ..
روضة وهي ياية تركض : حنون يودي الموبايل صورت لج 4 صور بسج ..
شوق : انا أبغي الصورة براوي ذياب هههههههههه
حنان : عقب بطرشلج اياها على البلوتوث ..
شوق :الحيـــــــــن شو بيستوي عليج ..
حنان : قلت عقب ولا ما بطرش ..
شوق وهي ماده البوز : انزين ..

طلعن البنات من المحاضرة .. وسارن ياكلن .. روضة عزمتهم على حسابها .. عشان بطولة حنان
روضة : بالعافية عليج حنون .. وإن شاء الله دوم تسوين جي
حنان : إنتي وايد مستانسه .. ما تدرين أنه هالشي صعب .. ومب كل المرات تقدرين تسوينه
روضه : هيه أدري ..
حنان : تعرفون شو إلي خلاني أنجح في المهمه السريه الخطيرة هههههههههههههههه
روضة باهتمام : شو !!
حنان : الدكتور الغبي .. هو إلي ساعدني يعطيني فرصه .. يصد ويلهي عمره وما يدري أنه إيدي تشتغل في اللبان من ورا
أمل : هههههههههههههههههههههههههه خس الله بليسج ..
روضه : ايه .. اليوم ولا وحده تسب حنون ما أرضى
نورة : من متى هالحب .. ؟! هاه أحيدكم إلا دوم تتناقرن
أمل : هي والله ..
روضه : لأنها أنتقمت لي من أخس دكتور في الجامعة كلها
نورة : وأنا أقول مب لله .. تحبينها !!!
شوق : شفتي عاد .. حتى الحب أستوا فيه مصالح
أمل : هيه والله ..
حنان : أنتوا بتسكتون ولا شو .. خلوني أكل .. مب قادرة أركز
أمل : هههههههههههههههههه أول مرة أشوف حد يركز يوم ياكل ..
روضة : أمول عن التطنيز .. كله ولا حنون .. قالت لج خليها تركز يعني خليها
أمل : أووووف منكم يا أمهات المصالح ..
حنان : هههههههههههههههههههه بلاج سوالف
أمل وهي تطلع لسانها : أدري .. !

بعد شوي ..

حنان : أقول خل نسير نطالع الدكتور الغبي وين سار .. بشوفه يمكن عرف عن اللبان إلي وراه
شوق : هي يالله بسكم أكل .. وقوموا
دوروه في كل مكاان بس ما حصلوه ..
روضة : والحين يعني .. ما بنحصله شو ؟!!!!
حنان : والله ما أدري .. أخاف إلا الأرض انشقت وبلعته
أمل : عادي يستوي !
روضة : عن السخافة إنتي وياها ..
نورة : متأكدين أنكم دورتوه في كل مكان ؟!
روضه : هيييه ..
نوره : عيل .. ؟!
روضه : نوروه أكرمينا بسكوتج ..
نوره : ما عندي بسكوت .. عندي كاكاو تبين ؟!
روضة : ياربي على السخافة بلاكم اليوم مستويات سخيفات ما تضحكن .. !!
شوق: انجبي ودوريه ..
روضه : لحظه بسير أسأل وحده من هايل البنات يمكن شافوه .. ؟!

روضه وهي تمشي شافت ربيعتها مريـم ..
روضه : هلا مريومه شحالج ؟!
مريم : بخييييير رويض وينج إنتي ؟؟ شحالج علومج ؟!
روضه : بخييير .. أقول مريوم
مريم : آمري ؟
روضه : ما شفتي الدكتور .. ؟!
مريم باستغراب : أي دكتور في الجامعة مليون دكتور .. أي واحد ؟!
روضة : الدكتور إلي كنا نسميه تيس أنا وأنتي .. تذكرينه
مريم : وكيف ما أذكره هههههههههه .. هيه شفته طالع والدخان من خشمه يظهر
روضة أونها تستهبل : اووويه ليــــــــــش .!؟
مريم : ما أدري .. بس في بنات تموا يضحكون عسب أنهم أونه شافوا لبان ملزق وراه هههههه
روضه أونها توها تعرف السالفه : قووووووووولي والله .. حسبي الله عليهم .. منو سوا فيه جي ؟!
مريم : وأنا شدراني .. هههههههههههههههههه
روضة : يمكن تكونين إنتي ..
مريم : لا فديتني .. أنا ما أسوي جي
روضه : هههههههههه أنزين مريوم بخليج الحين .. ربيعاتي يتريوني هناك
مريم : سلمي عليهم
روضة : أشوفج مرة ثانيه يالله باي ..
مريم : باي رويض ..

روضه وهي تركض صوب ربيعاتها ..
شوق : مب كأنج ضاربة سوالف ويا ربيعتج !! وناستنا
روضة : عافانا الله .ما فيكم صبر !! خلوني أقولكم شو قالت
حنان بلهفه : شو قااااااااالت !!!!
روضة : تقولج شافته والدخان ظاهر من خشمه .. وتقول شكله مفول على الأخير
حنان : ما سألتيها ليش ؟!
روضه : حنانوه .. تستهبلين !! قالت لي في بنات تموا يضحكون أونه وراه لبان لاصق .. ويوم عرف عصب و ظهر من الجامعة ..
أمل : ههههههههههههههههههههههههههه
روضه : إنتي هالي فالحة فيه 24 ساعة تضحك ..
أمل : شو تبيني يعني أصيـــــــــح !!!!!
روضة : هيه غيري على الأقل .. كله تضحكين !
أمل : سخيفة .. ما تعرفين تنكتين
حنان : صخي إنتي وياها .. لو عرف الحين إني أنا شو بيسوي !!
أمل : هههههههههههههههه دواج ..
روضة : يا ربي لازم تضحك .. ما تعرف تقول شي بدون ما تضحك
أمل : وإنتي شو حارنج !!؟
روضه : ما شي انجبي عني أبرك !
حنان : يالله لاااه خلوه يولي .. وخل نرد البيت الحين ..

مكان انتظار السيارات .. حنان يالسه تدور سيارتهم .. فجأة انتبهت أنه راشد اليوم هو إلي ياي لها مب عبدالله ..
حنان وهي تركب السيارة : السلام عليكم
راشد : وعليكم السلام
حنان : شحالك ؟!
راشد : تمام وانتي ؟! .. شو الجامعة اليوم
حنان : ماشي الحال .. عيل غريبة ما يا عبدالله اليوم !
راشد : أحمدي ربج إني تكرمت ويتج ..
حنان : ليش عبود ما ياا .. كنت أباه
راشد : شو تبين فيه .. ؟!
حنان : هااه .. لا ما شي بس جي
راشد : مالت عليج .. بدل ما تقولين الحمدلله أنه الشيخ راشد ياي عندج .. تقولين وهو يقلد صوتها ((ليش عبود ما ياا .. كنت أباه ))
حنان : مالت عليك من شيخ .. بنتحر لو كنت شيخ
راشد : شيخج وتاج راسج بعد
حنان : تهبي !
راشد : احترمي نفسج لأفرج في الشارع الحين .. وردي البيت مشي
حنان : بركب تكسي
راشد : والله لأكسر ريلج ..
حنان عيل اسكت عني .. وخلني في حالي

وصلت حنان البيت .. ويوم دخلت الصالة : السلام عليكم
عبدالله : وعليكم السلام
حنان : عبود ليش اليوم ما يت تاخذني ؟؟!
عبدالله : أول شي متعايز .. ثاني شي اسمي عبدالله مب عبود ..
حنان : أها .. إنزين تعالي عقب الحجرة بقولك شي
عبدالله : انزين
راشد سمعها : شو السالفه !! ليش ما تقولين جدامنا
عبدالله : يا أخي ليش الفضول
راشد : أنت حط لسانك في حلجك أنا أكلمها هي !
حنان : وأنت شو يخصك ! ؟ شي بيني وبين عبدالله
شما وهي ترز ويها .. : شو هو هالشي ؟!
حنان : انا ما صدقت أفتك من رشود طلعتيلي إنتي ؟!
شما : بتقولين غصبا عنج ..
عبدالله وعصب من حركات شما : انتي وبعدين وياج .. لا تتحسبيني ساكت عنج وايد .. ترا بقوم أصفعج
شما : حشى كل ها عسب حنون .. إلي يقول أنا مب أختك !!!
عبدالله : شوفي حركاتج البايخة .. وعقب تعالي تكلمي إنزين
الأم : عبدالله اسكت عنها .. هاي ما تنعطا ويه
شما : افا يا أم راشد ما هقيتها منج صراحه !!!! حتى إنتي
الأم وهي تقلد صوت شما : ( حتى إنتي ) قومي عني لأصفعج بالملاس
عبدالله وحنان : ههههههههههههههههههههههههههه
شما : جب إنتي وياااه !!!
عبدالله : يجبج يالحيوانه ..
شما : محد حيوان غيرك ..

ويركض عبدالله وراها وتشرد عنه .. !! لكن منو أسرع من عبدالله زخها وعوا لها إيدها ..
شما وهي تصارخ : هدني !!
عبدالله : أول قولي من الحيوان !!
شما : ..................
عبدالله وهو يزيد اللف على إيدها ..
شما : آآآآآآآآآآآآآآآآآآآآآآآآآآآآآآآآآآآآآآآآي والله يعور أنته ما تحس !
عبدالله : عيل أول قولي من الحيوان ..
شما : حنون
عبدالله وهو يلف إيدها أكثر .. : منو الحيوان ؟!
شما وهي تزاعق : أنا .. أنا الحيوانه
عبدالله : حنون هاتي الموبايل بسجل صوتها وهي تسب عمرها بسرعه ..
تركض حنان وتودي الموبايل عند عبدالله ..
عبدالله مرة ثانيه وهو يسجل : شموه يالله قولي لي منو الحيوان !
شما من كثر ما إيدها تعورها : انا الحيوانه .. أنا الخايسه أنا ..
عبدالله وهد إيدها .. : يالله زولي عن ويهي
شما والدموع في عينها : والله ما فيك دم
عبدالله : قومي عن ويهي قالت لي ما فيك دم .. قومي عن أكسرلج إياها الحين
شما من الخوف ركضت فوق ..
حنان : هههههههههههههههه زين سويت فيها !
عبدالله : عيل .. قالت لي حيوان أونه
حنان : حط بسمع يوم سجلت صوتها وهي تسب عمرها ..
عبدالله وهو يحط .. ويسمعون هو وحنان (( انا الحيوانه .. أنا الخايسه أنا ))
حنان وعبدالله بينفجرون من الضحك : هههههههههههههههههههههههههههههه
عبدالله : وأخيرا حصلنا شي نعاير فيه شموه
حنان : هي والله كل ما بتقول شي بنسمعها صوتها وهي تسب عمرها
عبدالله : هي والله
حنان : عبود طوف ويايه الغرفه براويك شي عجيب
عبدالله : شو ؟!
حنان : أنته تعال وشوف !

وصل عبدالله غرفة حنان ويلس على الكرسي مالها ..
عبدالله : هاه يت .. شو تبين ؟!
حنان فتحت الموبايل وحطت له على الصور .. : شوف
عبدالله مستغرب : شوها ؟!
حنان : ها الكرسي إلي عليه اللبان ..
وعقب وهي تجلب الصورة : وها بنطلون الأستاذ من ورا عقب ما يلس على الكرسي ..
عبدالله وهو ما رايم يود عمره من الضحك .. : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه
حنان : قلت لك قدها وقدود ..
عبدالله : أشهد أنج بنت أحمد .. وأخت عبدالله
حنان : عيل شو ..
عبدالله وهو يمسح دموعه من الضحك : كيف سويتها هااه ؟!
حنان : شو بعد كيف ؟! أنا حنان ما يخبى عليه شي ..
عبدالله : عندي لج بشارة .. والحين بعد
حنان بلهفة : شو ؟!
عبدالله : سلة باتشي ثانية ..
حنان وهي تمد البوز : مليت من الكاكاو .. أبا شي ثاني
عبدالله : شو تبين ؟!
حنان : امممممممم أبا العطر اليديد الي نزل في باريس غاليري
عبدالله : فالج طيب ما طلبتي ..
حنان : إنزين خذني وياك ..
عبدالله : لا حبيبتي .. أنا بسير عند الشباب وأنا طالع بمر بخذ لج
حنان : إنزين بس أهم شي تيبه ..
عبدالله : إنزين يالله ننزل تحت .. حجرتج ملل
حنان : افا حجرتي أنا ملل .. صدق ما تستحي على ويهك
عبدالله : عن طولة اللسان
حنان : إن شاء الله عمي .. تبغي شي بعد ؟!
عبدالله : سلامتج .. !
حنان : خلاص عيل خلني برقد ..
عبدالله : حد يرقد الساعة 3 ونص الظهر صبري شوي الحين بيأذن العصر .. صلي ورقدي
حنان : لا برقد ويوم بيأذن بقوم يالله عاد عبادي أطلع ..
عبدالله : كانها طرده .. بس أنا اليوم بتقبلها منج لأنج طلعتي قد المسؤولية
حنان : أي مسؤولية .. ؟! ههههههههههههه
عبدالله : قد مسؤولية تلعويز الدكاترة
حنان : هي وأنا أقول .. !!!
عبدالله : خلاص عيل يالله باي
حنان : باي
طلع عبدالله عند حنان وخلاها بترقد .. توها بتتحلف إلا موبايلها يرن .. روضه المتصلة
حنان : آلو
روضه : أقول حنون أنا والشلة عازمين عمرنا اليوم بيتكم .. نبغي عشا حلو هاه
حنان وهي منصدمة : متى بتون !
روضه : عقب شوي
حنان : والله حرام عليكم .. خلوني أرقد
روضة : مب مشكلتنا !
حنان : والله حرام .. بس ساعة عقب تعالوا
روضة : إنزين فكينا من ويهج باي .. بس المهم نبغي عشا حلو هاه لا تنسين تقولين حق أمج
حنان : صدق أنج طرار ويتشرط .. يالله باي
روضة : باي
حنان : أوف شو ها ما بتهنى برقادي حتى .. !!!!

.
.
.


انتهى الجزء ااثاني...
.

.

يالله عطوني رايكم عشان اكمل لكم

آلشقرآ .~ ©؛°¨غرامي ذهبي¨°؛©

,,

هلا وغلا

بالتوفيق يالغاليه

عساك ع القوـوه


..

مشاعر متدفقه ©؛°¨غرامي جديد¨°؛©

اليوم انشاء الله رح انزل الجزء ال3و4و5و6و7

الجـــزء الثــــالث

طافت تقريبا ساعة ونص من رقدت حنان .. عبدالله يدق الباب ..
عبدالله : حنون يالي ما تستحين بنات عمج تحت وإنتي هنيه قومي
حنان في سابع نومه ولا تسمع : ...........
عبدالله : بتقومين ولا شو ؟! أول مرة أشوف حد يعزم الناس وآخر شي يرقد !!!!
حنان : ................
عبدالله طنشها وفتح الباب وعلى حظه حصل دبة ماي عند راس حنان .. بسرعه بدون أي مقدمات فتحها وصب على ويها الماي

حنان وهي قايمة وتزاعق : بسم اللــــــــــــــــه شو استوا ؟!!؟!
عبدالله : الحين يالي ما تستحين البنات تحت يتريون وإنتي هنيه راقدة .. صدق ماشي مذهب !
حنان : قول والله أنهم يوا !!!!!!!
عبدالله : والله .. عيل شو تتحسبني ألعب وياج ؟ يالله قومي أشوف
حنان : منو الي يا ؟!
عبدالله : أمل وشوق .. وبعد بنتين ما أعرفهم !
حنان : انزين بلبس وبي ..
عبدالله : يالله سرعه ..
طلع عبدالله عن حنان وهي بسرعة تلبس وتتعدل وحالتها حالة .. وتتحرطم بعد
حنان نزلت لهم وسارت الميلس ودخلت : السلام عليكم
البنات : وعليكم السلام
أمل : تفيقتي .. نحن من نص ساعة هني يالسين رواحنا ..
حنان بهبل : حلفي إنتي بس !
شوق : بلاج حنون .. شكلج تقولين مصفعه !!
حنان : شو بعد مقوميني من رقادي .. كيف تبين يكون شكلي ؟!
شوق : بس إنتي قايلة حق رويض ساعة وحده بترقدين بس !
حنان : والله راحت عليه نومه .. !!
نورة : بترقدين في الليل ..
حنان : والله حرام عليكم تعبانه . !
روضه : أعتبرها طرده من بيتكم
حنان : والله ما قلت لج أطلعي برع .. قلت تعبانه
روضه : قصدج تعبانه .. يعني خلوني برقد وسيروا بيوتكم !
حنان : افاااا والله ما عاش إلي يطردكم
أمل : الحين إنتي حنون هههههه
حنان : والحين أنا صحصحت من النوم
روضه : تفيقتي !!
البنات كلهم : ههههههههههههههههههههههههههههههههههههه

وتموا البنات سوالف وضحك وجي .. ويت عندهم علايه أخت حنان إلي في أول ثانوي يست تسولف وياهم .. واستانسوا عليها واايد
روضه : عليوه !!
علايه : هلا ! ..
روضه : ليش جي إنتي طالعة أحلى من حنون خخخخخ
علايه : لأني آخر العنقود .. خذت الحلاه كلها ههههههههههه
حنان : مالت على إلي يغارون
علايه : شو تقصدين ؟!
حنان : افهميها وهي طايرة ..
أمل : ايه عااد ما صدقوا يفتحون هالسالفه .. حق الضرايب
روضه : أصلا حنون أحلى من عليوه
حنان : بسم الله توج تقولين أنها أحلى مني .. خل تنفعج
روضه : والله العظيم إني كنت أسولف .. عيل أخلي الجمال كله وأسير عند البقر !!
علايه : الحين أنا بقره يا رويض !
روضه : وعنزة وتيسة وحماره وخسفه وكل شي
علايه : افا والله ما هقيت ..
روضه : كيفج عاد .. أنا اليوم مستويه أحب حنون
حنان : هههههههه مب لله !!

أما عن علايه فهي خذت السالفة بروح رياضية لأنها تدري أنه حنان أحلى عنها فليش الزعل !! وتدري بعد أن روضه تسولف وياها ..

يلسوا البنات سوالف وأكل .. وشافوا فلم بعد .. بعدين تعشوا وروحوا بيوتهم

اليوم الثاني الساعه 12 الظهر الكل يالس في البيت إلا حنان راقدة

حنان : وهي نازلة من فوق صباح الخير
بو راشد : أي صباح هذا .. شو مرقدنج للحين ؟؟
حنان : أبويه كنت سهرانه أمس ..
عبدالله : بسم الله طاعوا الويه شقا مصفع
حنان : أقولك أنت شفت ويهك يوم تقوم من النوم .. ؟
عبدالله : الحمدلله أحلى منج ..
حنان : تخسي
بو راشد : صدق ما تستحون تضاربون جدامي
راشد : أبويه هاي حياة عبود وحنون
حنان : أبويه ما عليك منهم .. بس أبويه طلبتك قول تم ..
بو راشد : ما بقول تم لين ما أسمع شو الطلب
حنان : أبويه الله يخليك وافق
بو راشد : إنزين إنتي قولي ..
حنان : أبويه أبي أسير العين .. بيت يدوه
بو راشد : ................
حنان : أبويه الله يخلييك .. لا تقول لا .. متولهه على يدوه وايد
بو راشد : إن شاء الله يصير خير
عبدالله : كنت أتمنى انك ترفض
حنان : ليش إن شاء الله ؟!
عبدالله : بس غياض فيج .. وبعدين الحين إنتي متولهه على يدوه ؟
حنان وهي ما عارفة شو تقول : ولهت على عالية بنت عمي بعد
عبدالله : قولي إنج ولهتي على عالية .. لا تقولين على يدوه
راشد : بسكم عن المناقر ..
شما : حشى تقول ديج وديايه
عبدالله وحنان في نفس الوقت : جب إنتي
شما : بسم الله ..
علايه : بتسكتون ولا ؟؟ خلوني أذاكر ..
عبدالله وحنان يسون حشرة زيااادة ويغايضون علايه
علايه : أبويه شوفهم ..
بو راشد : وإنتي يوم تبين تذاكرين .. شعنه يالسه في الصالة سيري ذاكري في حجرتج
عبدالله : ويييييييييييييو نازعوها
بو راشد : وأنت يا عبود أصطلب وأستو ريال ..
علايه : وييييييييييييو ..
بو راشد : صدق أنكم ما تستحون ..
عبدالله : انا ما يخصني .. !!
بو راشد : عيل أنا الي مسوي الحشرة والضرابة هاي كلها ؟!
عبدالله وهو متلوم : لا أبويه .. أسولف إنزين ..
وسكتوا كلهم .. فجأة بو راشد تكلم
بو راشد : حنان ..
حنان : آمر ..
بو راشد : باجر الصبح الساعه 10بنطلع من البيت بنسير بيت يدتج وبنتم هناك يومين تجهزي .. وإلي يبغي يسير حياه الله ..
عبدالله : انا بسير .. عند حمد وخلوف وسيفوه .. نسينا حمدانوه بعد
شما : ويه دام أنك أنت في السيارة أنا ما بحط ريلي فيها ..
عبدالله : أحسن توفرين مكان ..
علايه : أنا بي ..
بو راشد : وأنت راشد بتي ولا ؟!
راشد : لا أنا بتم عند أمي وشموه ..
بو راشد : عيل خلاص تجهزوا وباجر الصبح بنسير ..
حنان : تسلم يا أحلى أبو في الدنيا ..
بو راشد وهو يبتسم : الله يسلمج ..

طلعت حنان من الصاله وسارت غرفتها تجهز أغراضها .. وهي تجهز أغراضها رن موبايلها ..
حنان : ألو
شوق : هلا والله
حنان : أهلين شحالج ؟
شوق : بخير وإنتي .. ؟!
حنان : تمام ..
شوق : شو تسوين .. ؟!
حنان : ماشي يالسه أجهز أغراضي باجر بنسير بيت يدوه في العين..
شوق بلهفة : قولي والله .. !!
حنان : والله ..
شوق : ودي أي وياكم ..
حنان : حياج ..
شوق : لا أبويه ما بيطيع أصلا
حنان : براحتج ..
شوق : إنزين حنون .. بتين ويانا السوق أنا وأمل ..
حنان : متى ؟!
شوق : العصر ..
حنان : بشاور أبويه وبدق لكم ..
شوق : أوكيه .. باي
حنان : باي

جهزت حنان أغراضها وشاورت أبوها ودقت لشوق
شوق: ها شو قال عمي ؟!
حنان : بسم الله حتى ألو ما قلتي ..
شوق : أنا مستعيلة قولي شو قال ؟؟
حنان : وافق ..
شوق : الحمدلله .. نحن بنمر عليج الساعة 5
حنان : أوكي .. باي
شوق : بايات

بعد ما مروا عليها أمل وشوق وفي السيارة ..
شوق : أمول
أمل : هلا
شوق: تدرين الخاينة حنون وين بتسير باجر ؟!
أمل بدون اهتمام : وين ؟!
شوق: بيت يدوه ..
أمل بصرخه ولهفة : قولي والله حنون !!
حنان : والله .. شو أنا كل ما قلت لوحده بسير بيت يدوه قالت حلفي .. تبون تعالوا ويانا
أمل وشوق : أبويه ما بيطيع
حنان : عيل كيفكم !!
أمل : حنان حبيبتي ..
حنان: قولي شو تبين !
أمل : احم .. امممم سلمي عليهم كلهم
حنان وهي تحيس بوزها : يوصل .. هذا إلي تبينه إنتي
شوق : وأنا بعد سلمي لي على سيفوه ..
حنان : يوصل .. تامرون أمر
أمل : وسلمي على عاليه وقوليلها يالقاطعة ..
شوق : أنا بعد ..
حنان : إن شاء الله أوامر ثانيه .. ؟
أمل وشوق : لا ..

بعدين ساروا السوق .. وطاف اليوم سريع على حنان .. وردت ورقدت من وقت لأنها بتسير الصبح بيت يدتها ..

الساعة 9 ونص الصبح ..
عبدالله : حنون قومي ..
حنان : ...........
عبدالله : حنون قومي خلاص ما بنسير ..
حنان تنط من الرقاد : قول والله !!
عبدالله : بسم الله توها راقده .. من قلت لها ما بنسير قامت ..
حنان : عبود لا تلعب باعصابي بنسير ولا ؟!
عبدالله : هيه بنسير بس قومي .. ولا ترا بنخليج هنيه
حنان : الحمدلله .. يالخايس خوفتني على بالي ما بنسير
عبدالله : أنتوا ما تون إلا بالعين الحمرا
حنان : عينك لونها بني غامج مب حمرا
عبدالله : أونها توها قايمة من الرقاد وتنكت .. أقول نكتتج بايخة ..
حنان : مثلك .. وتقوم وتركض وهو وراها يبغي يزخها .. لكنها دخلت الحمام وسكرت الباب
عبدالله : تراج بتطلعين .. ما بتمين مندسه داخل ..
طلع وخلها بدلت حنان ثيابها وطلعت سارت الصالة وتريقت .. ويلست تترياهم
عبدالله : هاه السخيفة خلصتي ؟!
حنان : محد سخيف شراتك ..
عبدالله : طالع عليج .. شو أسوي أختي والله بلاني فيج .. !
حنان : أحمد ربك .. أنا نعمة من الله
عبدالله : إلا نقمة
علايه : صباح الخير
عبدالله : وعليكم السلام ..
علايه : أقصد السلام عليكم
عبدالله : الحين إنتي حرمة شكبرج وتقولين صباح الخير قولي السلام عليكم
علاية : إنزين قلت ..
حنان : هلا علاية شحالج ؟
علاية : ربي يسلمج .. أقول حنون أمس رويض دقت لج يوم كنتي راقدة ..
حنان : والله ما قالت شو تبا ؟!
علايه : لا ما قالت ..
حنان : ما أدري فيها .. خلاص يوم بوصل بدق لها ..
بو راشد : السلام عليكم
الكل : وعليكم السلام ..
بو راشد : ماشاء الله عليكم .. كلكم مخلصين
الكل : هيه أبوية !
بو راشد : خلاص عيل بتريق وبنطلع ..

تريق بو راشد .. وطلعوا كلهم في السيارة .. بو راشد إلي يسوق وعنداله عبدالله ورا علايه وحنان ..
وفي الدرب رقدت حنان وعلايه ورا ..
بو راشد : بلاهم خواتك مالهم حس ؟!
عبدالله : منطبنات .. مالهم حس .. كل واحد طايحه على كرسي كبير .. وأنا يالس على هذا الكرسي الضيق
بو راشد : محد قالك .. جان خليت حنان تيلس جدام وأنت سرت ورا ..
عبدالله : لا عادي خلاص .. أصلا ما أبغي أرقد ..
وبعد كم ساعة وصلوا بيت اليدة .. كانت الساعة 12ونص وكانت مفاجئة لأنه محد يدري أنه بوراشد وعليه بيسيرون العين لأنهم من زمان ما ساروا هناك ..
دخلت حنان الصالة .. واليده يالسه وعاطيه حنان ظهرها .. سارت حنان وغمضت عين يدتها
حنان : يدوه منو أنا .. ؟!
أم أحمد : بس يا عالية يوزي عني .. !
حنان : أفا يا يدوه ما عرفتيني ؟!
أم أحمد : عيل أذا إنتي مب عاليه .. أكيد إنتي عفروه ..
حنان : افا والله ما هقيت
أم أحمد : شلي إيدج عن عيني عورتني ..
بعد ما بطلت حنان إيدها عن عين يدتها ..
اليده مستغربة : حنووووووووون !!!!!!
حنان : هي يدوه شو ما عرفتني .. وتسلم على يدتها وتمت اليده حاظنتنها
أم أحمد : وينج عني من زمان ما شفتكم تولهت عليكم !
عبدالله وهو يدخل : السلام عليكم
أم أحمد وعيونها مدمعه فرحانه بشوفة عبدالله : هلا والله بعبدالله .. دلوع أم أحمد تعال فديتك .. تعال
ويسير عبدالله ويتم حاظن يدته .. ويدته مب طايعه تهده ..
عبدالله وهو يضحك : بس يدوه خلاص ..
أم أحمد : فديتك ما شبعت منك
علايه : شو يدوه ما تبين تسلمين عليه .. !
أم أحمد : هلا والله ببنتي الدلوعة هلا .. فديتج والله وكبرتي يا علاية
علايه : فديتج يدوه ..
أم أحمد : صف كم إنتي الحين ؟!
علايه :أول ثانوي ..
أم أحمد : الله يوفقج إن شاء الله ..
شوي ويدخل حمد ولد عم عبدالله ..
حمد وهو مستغرب : عبوووووووود ! أنت هني
عبدالله : لا هناك ..
حمد : عبود الغالي ولهت عليك .. ويسلمون على بعض ويسلم حمد على عمه .. وبنات عمه
حمد : شحالكم بنيات ؟!
حنان وعلايه : بخير دامكم بخير ..
حمد : توه نورت العين بوجودكم
حنان : منوره بأهلها ..
شوي وسيفوه وخلوف داخلين ..
سيف : خلوف تشوف إلا أنا أشوفه .. عبود هنيه ؟!
عبدالله : تعالوا سلموا عليه ..
ويحظن خليفة وسيف عبدالله : وينك يا ريال .. ؟
عبدالله : هههههه موجود
ويسلمون على عمهم وعلى بنات عمهم ..
سيف : حنان تبين عاليه ؟!
خليفة : يالغبي هاي شما ..
حنان : لااا عافانا الله .. الحين أنا شموه بسم الله عليك خلوف .. أنا حنان خرفت ولا شو ؟!
خليفة : عن الجذب شموه ..
حنان : أبويه قول له إني حنان ..
بو راشد : خليفه ويديه كيف ما عرفتها .. هاي حنان
خليفة مستغرب : والله سوري ما أدري على بالي شما ..
سيف وهو يتكلم بصوت واطي : لا تفكر فيها وايد
خليفة : جب .. !!
سيف : إنزين حنون جان تبين عاليوه سيري لها بيتنا
حنان : لا استحي
سيف : شو تستحين ... سيري عادي
حنان : لا انته دق لها بس لا تقولها إني هنيه أوكي ..
سيف وهو يدق حق عاليه ..
عاليه : هلا
سيف : أهلين .. تعالي بيت يدوه الحين
عاليه : سيفوه ما أقدر ..
سيف : يدوه تباج ضروري ..
عاليه : قول لها محد ..
سيف : يالسباله تبيني أجذب !
عاليه : والله مالي نفس ..
سيف : إنتي تعالي .. في سالفة مهمة مستوية ولازم تعرفينها يالله تعالي باي ..
عاليه وهي مادة البوز : باي ..

سيف : أقول عبود ليش ما يبت ذياب وياك ؟!
عبدالله : تدري إني مخون فيه .. هو ما يدري إني هنيه
حمد : حرام عليك جان قلت له بنتونس كلنا
سيف : ما أدري والله نسيت ..
حمد : ما عليه إن شاء الله مرة ثانية ..
عالية : السلام عليكم
الكل : وعليكم السلام
عاليه بدهشة واستغراب : حنووووووووووووووووووووووووووون !!!!!!!!!!!!!!!!!!
حنان تقوم تسلم على عالية : هلا والله ..
عالية بتموت من الفرح : شحالج ؟!
حنان : بخير ..
علايه : هلا والله
عاليه : أهليييين حبيبتي عليوه شحالج ؟
علايه : بخير ..
حمد : عاد الحين أجتمعوا عالية وعلاية .. كيف نناديكم ؟!
سيف : شو بعد كيف تناديهم ترا هاي علاية وهاي عالية
حمد : لا نفس الاسم .. عليوه وعلايوه هههههه ما بنفرق
علايه : هي قول لها علايوه بس أنا علايه
عاليه : لا والله أنا علايه وإنتي عليوه ..
حنان : بس عاد الحين جلبتوها ظرابة
عالية : عيل وين شموه ؟!
حنان حاست بوزها : ما تبغي تي ..
عاليه : افا ليش ؟!
حنان : بس جي .. تزول
خليفة في خاطره : خسارة والله ..
حمد : وراشد بعد ما يا وياكم ؟
عبدالله : هي رشود تم عند أمي و شموه ..
حمد : أها
وتموا الشباب يسولفون لين ما أذن الظهر وساروا يصلون ..
فجأة تذكرت حنان أنه روضة داقة لها .. وردت تدق حنان : ألو
روضة : ها حنون هانم .. وينج أمس راقده من وقت
حنان : بسم الله سلمي إنزين
روضة : خلي السلام بعدين .. حنون إنتي وين ؟!
حنان : في العين ليش ؟!
روضة : آآآآآآآه يا حنون لا تعذبيني ...
حنان : ليييييييش ؟! هههههههههه
روضة : تذكرين ولد عمج إلي شفته في بيت شوق ..
حنان : هيه
روضه : معذبني ..
حنان : أوه رويض في تطور .. ههههههههههههه
روضه : حنون لا تعيبين ..
حنان : ما أعيب .. ههههههههههه تدرين رويض توني كنت يالسه وياه
روضة: جذااابة ..
حنان : والله .. وكان يسولف ويايه بعد
روضة : تدرين إنج سبالة ..
حنان : إيه إنتي ما يخصج في ولد عمي ..
روضة : تعالي صح أنا نسيت شو اسمه .. ؟!
حنان : كيف تحبين واحد ما تعرفين شو اسمه هههههههه ؟!
روضه : حنون عاد قولي شو اسمه
حنان : أسمه حمد .. ارتحتي
روضه : الله حمـــــــــــــــد .. بو شهاب رهيب اسمه
حنان : ههههههههههههه
روضه : خلاص حنون بخليج بس وصلي السلام حق عاليه
حنان : يوصل باي
روضة : باي ..
عالية : منو هاي ؟!
حنان : رويض تسلم عليج ..
عاليه : هيه هاي ربيعتكم إلي تضحك
حنان : عليييييج نور
عاليه : الله يسلمها .. سلمي عليها بعدين
حنان : يوصل .. هي صح نسيت أمول وشوق بعد يسلمون عليج ويقولون لج يالقاطعه
عاليه : فديتهم والله ... بعدين حرام عليهم أنا قاطعه
حنان : شفتي عاد شو نسوي ..
علايه : بسكم سوالف يدوه تقول تعالوا ساعدوها
حنان وعاليه : إن شاء الله ..
وسارن البنات يساعدون يدتهم في المطبخ .. ويسولفون ..
.
.انتهى الجزء الثاث

مشاعر متدفقه ©؛°¨غرامي جديد¨°؛©

الجزء الرابع



في المطبخ ..

أم أحمد : حنان فديتج إنتي سوي السلطة .. وإنتي عالية سوي وياها ..
حنان وعالية : إن شاء الله يدوه ..
حمدان : السلام عليكم
البنات : وعليكم السلام
حمدان : بسم الله حنون علاية من وين طلعتوا ؟!
حنان : أول شي ليش بسم الله شايف جني جدامك .. ثانيا ترانا طلعنا من تحت الأرض
علايه : حمدان شحالك ؟!
حمدان : هاذيلا الناس إلي يسألون عن الحال .. مب إنتي هبيتي في ويهي بسم الله توني داخل
حنان : هي صح شحالك حمدانوه ؟!
حمدان : أول شي أنا بخير .. ثانيا اسمي الشيخ حمدان هب حمدانوه .. مب أصغر عيالج أنا ..
حنان : اسكت عني أبرك لك .. خلني أسوي السلطة
حمدان سحب الكرسي إلي عند حنان ويلس . : حنون تذكرين قبل سنتين شو سويت فيج
حنان : اسكت خسك الله .. وين ما تباني أنسى .. شوهت إيدي حشا محد يركب وياك
علاية : ليش شو السالفة .!
حمدان : كانت راكبة وراي في البانشي جان ينجلب البانشي .. طاحت هي على ايدها وانكسرت وأنا تعورت شوي ..
حنان : خسك الله .. ما تعرف تسوق
حمدان : بتحمل الإهانة علشان خاطر علاية ..
حنان : جب أنت وياها والله ما ركبت وياك مرة ثانية .. لو ركبت ويا سواف أبرك لي
سيف : شو بلاه سواف .. شو سوا سواف ؟!
حمدان : ما بلاك شي .. بس يالسين نقول عن من زمان يوم ركبت وياي وانجلب البانشي وانكرست ايدها تذكر ..
سيف : هيه يا ريال ..
حمدان : يالسه تقول أونه إني ما أعرف أسوق .. ولو ركبت وياك أحسن
سيف : الحمدلله إنج ما ركبتي وياي حنون ..
حنان : ليش إن شاء الله ؟!
سيف : أصلا حمدانوه ما أنجلب إلا عشانج وزنج يالدبة ..
حمدان يغمز حق سيف ويكملون الجذبة : هيه أصلا من كثر ما إنتي دبة ما قدرت ألف البانشي عشان جي انجلبنا ..
حنان : تقص على منو يا عمري .. أنا روحي عظم بعد وين استويت دبة
علايه : هي والله أنا أمتن منها ..
سيف : إنزين خلاص سالفة واستوت من زمان ليش تعيدونها
حنان : قول أنك ما عرفت ترد عليه .. عسب جي تغير السالفة
سيف : سيري لاه ..
حنان وهي تطالع إيدها : شوهت إيدي ..
حمدان : أنا أحيد إيدج انكسرت من داخل .. ما استوا عليها شي من برع
حنان : حتى ولو المهم إن إيدي صار فيها شي والسبب أنت ..
حمدان : ياهي مذلــــه .. خلاص لا تركبين وياي
حنان : ومنو قال بركب ليش بايعة عمري
عالية : حنون صخي شوي .. حشى تقولون بالعة راديو
حنان : جب إنتي ما تشوفين أخوج يعايرني ..
حمدان : بشو اعايرج ؟!
حنان : لا تستهبل أوكي
حمدان وهو يضحك : أوكي .. صدق أنها خبلة
خليفة : السلام عليكم
حنان : وعليكم ..
خليفة : ليش أنا كافر .. تردين عليه وعليكم
حنان : وعليكم السلام ورحمة الله وبركاته
خليفة : هيه هذا سلام المسلمين
حمدان : يالله على الشيبة
خليفة : محد شيبة غيرك
عبدالله : السلام عليكم جميعا ..
أم أحمد : وعليكم السلام هلا بالغالي ولد الغالي هلا
خليفة : يدوه .. توني أقول السلام عليكم ما كلفتي عمرج تردين عليه .. وحق عبود الدلع كله
أم أحمد : هذا الغالي ولد أحمد ..
خليفة : ما أدري منو هو إلا عبود ..
عبدالله : جب إنت يالغيار ..
خليفة : أفا الحين أنا غيار ..
حمدان : لا أنا ..
أم أحمد : انجب إنت وياه .. صدق ما تستحون على ويهكم ..
عبدالله : هيه يدوه عندج إياهم ..
خليفة : أكرمنا بسكوتك عبود
عبدالله : هههههه على قولة حنون عندي كاكاو ما عندي بسكوت
خليفة : سخيف
سيف : ههههههههههههههه صدقك يا ريال
حمدان : لا حرمة
أم أحمد : صدق أنكم ما تستحون على ويهكم يالله برع ..
حمدان : افا يدوه أنا دلوعج تطرديني برع
أم أحمد : تهبي يالهرم .. يالله برع إنت وخلوف
خليفة : وليش سيفوه ما يطلع بعد ..
أم أحمد : سيف قابض مذهبة .. ويالس وساكت مب أنتوا لسانكم متبري منكم
خليفه : يالله حمدان توكلنا على الله .. نطلع بكرامتنا عن تفلعنا العيوز بالجدر ..
حمدان : هيه والله عيايز آخر زمن ... شفت كيف
أم أحمد : صدق ما تستحون .. وهي شالة الملاس بتضربهم ويركضون ويشردون
عالية : وهاي حالتنا كل يوم
حنان : قولي والله .. وناسه
عاليه : بس تدرين يدوه كل مرة تدافع عن حمدان .. أشوفها اليوم قلبت عليه
حنان : ههههههههه ما عليج دام عبدالله موجود أكيد بتقلب على حمدان
عبدالله : عيل شو أنا الشيخ عبدالله بن أحمد ..
حنان : عبادي ..
عبدالله : بســـــــــــــــــــــــرعة شو تبين ما عندي وقت ..
حنان : كيف عرفت اني أبغي شي منك ؟!
عبدالله : تراج قلتي عبادي .. شو بعد
حنان : ههههههههههههههه إنزين طلعنا اليوم
عبدالله : يا الله توج واصله .. وين تبين تسيرين !
حنان : امممم بنتحوط
عبدالله : العين ما فيها مكان وين تبين تسيرين .. المول ؟ بكسر ريلج
عالية : كأنها إهانة ..
عبدالله : لا إهانه ولا شي ..
حنان : إنزين خلاص .. الله يغنينا ما نبا شي منك
عبدالله : يوم بنرجع بوظبي بطلعكم
حنان : أوكي .. بس مب بعدين تقولي بسير عند الربع
عبدالله : لا ما بقول .. أنا وعدتج وأنا عند كلمتي
حنان تشوفه بنص عين : بنشوف !!

طلعوا عبدالله وسيف من المطبخ .. وساروا يسولفون ويا الشباب ويخططون وين بيسيرون وشو بيسوون ..

حمدان : يبالنا نسير هناك ..
حمد : المشكلة المكان بعيد
سيف : عادي .. المهم نسير
عبدالله : يا أخي المكان وايد بعيد .. صدقه سيفوه
خليفة : وأنت شعليك .. مب أنت الي بتسوق
عبدالله : حتى ولو
خليفة : إنزين ولو سرنا .. فكم سيارة بنسير
حمد : بسيارتين .. وحده فيها سيف وعبدالله وحمدان .. والثانية أنا وخليفة والأغراض
خليفة : هيه جي أوكي ..
حمدان : بس تدرون منو ناقص ..
عبدالله وحمد : منو ؟!
حمدان : ذياب ورشود ..
حمد : هيه والله .. كله منك يا عبود ما قلت لذياب إي وياك
عبدالله بابتسامة خبث : ما عليه مرة ثانية بيسير ويانا

10 دقايق ويدخل عليهم ذياب
ذياب : السلام عليكم
الجماعة وكلهم مستغربين إلا عبدالله لأنه كان متفق ويا ذياب من قبل : وعليكم السلام
وكلهم يركضون لذياب ويسلمون عليه
حمد : وينك يا ريال ولهنا عليكم ..
حمدان : ولد حلال .. توني أقول محد ناقصنا غيرك وغير رشود
ذياب : هيه والله .. رشود ما طاع إي وياي
خليفة : أفا ليش .. ؟!
ذياب : ما أدري فيه أونه مشغول ..
حمد : المهم تعال أستريح
ويلسوا الشباب وهم يسولفون 5 دقايق ويدخل عليهم راشد
راشد : السلام عليكم
الكل مستغربين : وعليكم السلام
ويقوم خليفة وسيف ويركضون يحضنون راشد وهو يضحك : بسكم خلوني
حمد : ذياب يالجذاب أونه راشد ما طايع إي هاه ..
ذياب وهو يضحك : شو نسوي قلنا بنسوي سربرايز
حمدان : والله أنها أحلى سربرايز ..

شوي ويدخلون البنات
حنان : بسم الله ذياب من متى هنيه ؟!
ذياب : شو بسم الله ليش جني شايفتني !!
حمدان : عشان تتادبين .. مساعة قالت لي نفس الجملة أونه ليش شايف جنية جدامك ..
علاية مستغربة : راشــــــــــــــــــــــد ؟! من متى يتوا
راشد : ليكون ما تبينا ني ؟!
علاية : افا والله .. أنا أصلا أقول أنك أنت إلي ناقص عسب تونسنا
حنان : ذياب ولد عمي قول تم ..
ذياب : آآآآآآآآآه من المصالح .. شو تبين ؟!
حنان : والله طلب صغير ..
ذياب : شو ؟!
حنان : ودني صوب مبزرة الله يخليـــك ..
ذياب وهو يفكر : متى تبين تسيرين ؟!
حنان : العصر .. دخيلك
راشد : وليش ما تقولين لي بوديج ؟!
حنان : هيه بقولك عقب بتقولي لا .. قلت أقول حق ذياب أحسن منك أنت وعبود
حمدان : أفا جي تجرحين بوسنيده .. كله ولا حبيبي بو سنيده ما أرضى
حنان : اسكت لاااه
ذياب : خلاص حنون كلنا بنسير العصر
حنان : واااااي يعلني ما أخلا منك يا ولد عمي قول آمين
ذياب : حق المصالح آمين ..
حمدان : أنتوا جي تخربون علينا الخطة ..
ذياب : خطة شو ؟!
حمدان : كنا نخطط نسير رأس الخيمة .. عشان عوافي تعرف عاد أنت الشباب من كل مكان بس عشان عوافي إل هناك ..
سيف : هيه والله تجنن .. شباب العين وبوظبي كلهم هناك
حمد : يا ريت بس أهل بوظبي والعين كل الأمارات هناك
خليفة : وبعدين هالأسبوعين في مهرجانات .. خل نسير والله بنستانس
ذياب : ما عليه باجر بنسير .. أنا وراشد تعبانين تونا واصلين بنسير ندق درب بعد لين رأس الخيمة
راشد : هيه أنا صراحة ما أقدر ..
حمد : خلاص باجر ..
سيف : هيه أحسن عسب نجهز عدل ..
اليده وهي تدخل : تعالوا شباب تغدوا ..
الشباب : إن شاء الله ..
اليده وهي مستغربة وتشوف ذياب وراشد : وااااااي فديتكم من متى أنتوا هنيه ما تون تسلمون عليه
ذياب وهو يسلم على يدته ويلوي عليها : يدوه تونا إلا واصلين ..
اليده : يعلني ما أخلا منك يا رب .. فديتك كبرت واستويت معرس
ذياب : وحليلي معرس عاد .. بعدني عن العرس
راشد : وأنا يدوه ما بتسلمين عليه ..
أم أحمد وهي تسلم على راشد : فديتك أنا .. يالله عقبال ما أشوف عيالك ..
راشد : قريب إن شاء الله .. قريب
حمدان : أقول سواف خلوف حمد ..
خليفة وسيف وحمد : شو ؟!
حمدان : كأنه طاح سوقنا ..
سيف : إلا طاح ونص ..
خليفة : خسرانين .. هههههههه الحين الاهتمام حق عبود ورشود وذيابوه
حمدان : عادي ههههههههههههههههههههههه

على طاولة الأكل ..
أم أحمد : يالله يا ذياب متى بتعرس ؟!
ذياب : بعدني يدوه خل يعرس راشد .. هو الأكبر بعدين انا
أم أحمد : لا أنت قبل ..
ذياب : ليش تبين تعرسيني قبل راشد ..
أم أحمد : لأن العروس موجوده ..
حنان : ومنو هاي تعيسة الحظ
ذياب : اسكتي .. ترا والله ما بطلعج
حنان : خلاص بسكت
ذياب : يكون أحسن .. إنزين يدوه من العروس ؟!
أم أحمد : هاكي يالسه جدامك ..
ذياب : شو ؟! أنا أخذ هاي
حنان : شو انا أخذ هااا ؟!
الشباب كلهم نقعوا من الضحك .. لأن حنان ما تليق على ذياب
راشد : يدوه ما تعرفين تختارين .. ما يليقون على بعض
عبدالله وهو يضحك : هيه والله
حنان : أصلا هو يتمنى ..
ذياب : حلفي إنتي بس ..
حنان : والله عيل شو على بالك ..
راشد : بس اسكت أنت وعروستك ..
ذياب : أصلا أنا أعتبر حنون مثل شوق
حنان : هي والله حتى أنا أعتبر ذياب مثل راشد وعبدالله
أم أحمد : شوهالمنكر .. أعتبر هاي أختي وإنتي أعتبر ها أخوي .. عيل جان كل حد يقول جي محد عرس
راشد : بس سكتوا .. الحمدلله أنا بخلي أمي تخطب لي أبرك
أم أحمد : لا الغالي إنت بعد عروسك موجوده ..
راشد : ومنو هاي إن شاء الله
أم أحمد : عاليه في غيرها ..
عاليه وهي تشرق بالماي .. : يدوه شو انا ؟!
أم أحمد : يالله جب إنتي حق راشد .. وحنان حق ذياب .. وعلاية حق خليفة
حمدان : أفا وأنا مطلعتني من الحسبة
خليفة : لا لا يدوه علاية صغيرة عليه .. أنا بخذ شما
أم أحمد : علاية ولا شما .. كله واحد
عبدالله وهو يتكلم بصوت خفيف ويقول حق خليفة : قول والله بتاخذ شموه ..
خليفة : والله ؟ ليش ؟!
عبدالله : أقولك ما عندك سالفة تاخذ شرات هاي المتوحشة
خليفة : سير لااه ..
علاية : أفا وأنا .. ؟؟ منو بياخذني
عبدالله : أشوف عيبتج السالفة
أم أحمد : ما يخصك فيها
علاية : ههههههههههههههههههههه
وتموا الجماعة يسولفون ويضحكون ... لين ما أذن العصر وساروا يصلون
في المسيد في هندي دوم يسولف ويا سيف .. وعاد سيف يحب يخرط عليه .. بعد ما صلوا وخلصوا
راجو : بابا سيف منو هادا واجد هلو >> حلو
سيف : هيه هذا اسمه ذياب ..
راجو : ماشاء الله .. واجد هلوو ..
سيف : ذياب ألحق
ذياب : شو السالفة ؟!
سيف : صارلك معجبين ..
ذياب مستغرب : سيفوه عن العبط ..
حمدان : استغفر الله نحن في مسيد
خليفة : أونك عاد تدينت ؟!
سيف : إنزين هذا راجو يقول أونه أنت وايد حلو
خليفة : ووووووووووع
ذياب : تتمنى أصلا أنته ..
خليفة : وايد أتمنى ..
ذياب : جب ..
خليفة : جبك
راجو : كليفه .. إنت لسان واجد طويل أنا في سوي قصي >> أونه بيقص لسان خلوف
حمد : تتحدون .. لا يدافع عن ذياب بعد
حمدان : كفك يا ريال ..
راشد : استعفر الله .. مب عارف أصلي منكم ..
حمدان : الناس خلصت الصلاة أنت شو تسوي ..
راشد : لا تنسى إني يت متأخر ..
ذياب : يالله نسير
سيف : المعجب يبغي التوقيع
ذياب : سير ول أنت وياه .. وما أقول غير مالت علي إلي واقف وياكم
سيف وهو يكلم راجو : هذا ذياب اليوم في مجنون شوية ..
راجو : هو واجد حلو .. لازم شوية مجنون
سيف : صدق أنك خديه .. هههههههههههههه
راجو يضحك ولا يعرف شو السالفة : هههههههههههههههه
حمد : إلي يقول عاد فهم الحين
سيف : أنا بعد أقول جي ..
ذياب : قول له يا أخي فارج
حمدان : لا ذياب لا تجرح إحساس المعجبين ..
ذياب : والله أن ما سكت يا حمدان بتشوف شي ما يعجبك
حمدان : هااه عاد كله ولا ذياب يوم يعصب ..
ذياب : هيه اتحمل ..

طلعوا من المسيد وساروا البيت .. استعدوا لرحلة مبزرة

.
.
.

انتهى الجزء الرابع

مشاعر متدفقه ©؛°¨غرامي جديد¨°؛©

الجزء الخامس

استعد الكل للمبــــزرة ..
.. و قبل ما يركبون السيارة
حنان : أنا بسير في سيارة ذياب
حمدان : شو عليج .. بتسيرين ويالخطيب
حنان : لا تحلم وايد .. أنا وذياب هههههههههه ما نركب
حمدان : هيه والله ..
حنان : جان بتغير رأيك وبتقول حق يدوه تاخذني انا موافقة
حمدان وهو يمثل : صدق حنون ..
حنان أونها عاد : هيه صدق
حمدان وهو يكمل المسرحية : عيل بقول حق يدوه اليوم تخطبج حقي
حنان : وأنا أنتظرك تقولها ..
راشد وهو يصفق : هيييييييه حلوة المسرحية
سيف : والله صدق تعرفون تمثلون ..
حمدان : شفت عاد ..
راشد كان ساير صوب سيارة ذياب وفتح الباب عسب ييلس جدام حذال ذياب
حنان : ايه وين ساير ؟!
راشد : وين بعد بيلس جدام ..
حنان : يالله ورا أنا قايلة بيلس ويا ذياب جدام
راشد : لا والله يعني خطيبج بتيلسين عنده
حنان : انا أشوفكم وايد مصدقين رمسة يدوه
راشد : دام يدوه قالت رمسه بتسويها
حنان : إنزين فارج انا بيلس جدام
راشد : بس لأنه خطيبج بخليج ..
حنان : افففففففف
راشد : حمدي ربج ..
ذياب ركب جدام واستغرب يوم شاف حنون فتحت الباب ويلست حذاله ..
ذياب : ورا .. راشد بيلس هنيه
حنان : ههههههههههه طردته انا بيلس عندك .. ولا ما تبغي
ذياب : من أولها .. لا عادي يلسي
حنان : اتحسب بعد ..
ذياب : عيل وين البنات الباقين .. ؟؟!
حنان : في السيارة الثانية ..

شوية ولا حمدان وسيف يفتحون الباب الوراني
ذياب : ليش يتوا ؟!
حمدان : لا حبيبي ما بنخليك تاخذ راحتك ويا خطيبتك أرواحكم .. لازم مرافقين
حنان وذياب في نفس الوقت : سير لاااه ..
سيف : ههههههههههههه نفس الأفكار
حمدان : شفت عاد

وطول الطريق .. حنان ضرابة ويا حمدان وسيف .. وشوية ويا ذياب لين ما وصلوا قريب من مبزرة
حنان : الله ذياب هاي مبزرة ولا تقص عليه ..
ذياب : الحين أنا متعب عمري أخر شي أقص عليج ..
حنان : وااااااااااااااااااو .. وايد حلوة
ذياب : هيـــــه ماشاء الله ..
حنان : أبغي أنـــزل ..
ذياب : ماشي هنيه كله شباب
حنان : أففففففف
ذياب : حمدي ربج يبتج ..
حنان : الحمدلله .. أحسن من ماشي

شوية راشد يدق ويقول أنهم بيسيرون صوب جبل حفيت
حنان : ليـــــــــــــــــــش هم يسيرون ونحن لا .. ؟!
ذياب : ما أقـــدر .. الطريق طويل .. لين قمة الجبل ..
حنان : ذياب ..
ذياب من غير نفس : آمري ..
حنان : تدري إني خبلة يوم ركبت وياك .. لو الحين راكبة وياهم أبرك
سيف : لا حـــــــــــــرام .. انجرح الخطيب
ذياب : والله يا سيفوه لأخليك وأروح .. وتم هنيه
سيف : لا خلاص بسكت
حنان : أف شو هـــــــــــــا .. هم يركبون ونحن لا
ذياب : هيه حلال عليهم .. حرام علينا
حمدان : شفتوا عاد ..

وبعد ما ساروا الشباب جبل حفيت .. تمت حنان مبرطمة وأخر شي وداها ذياب عندهم وبعد ما نزلوا من جبل حفيت ساروا مبزرة مرة ثانيه ..

شوي وينزلون الشباب راشد وعبدالله وخليفة وحمد .. ويفرشون ويلسون وينزلون الأكل ..
ذياب : أنتوا قلتوا بتشوفون مبزرة .. ما بتيلسون
حمد : شوية عن خاطرنا .. وخاطر البنات
سيف : هيه والله ..
حنان تشققت من الوناسة ونزلت : عبادي ..
عبدالله : بسرعة مب فااااااايق .. شو تبين ؟!
حنان : ودني صوب جبل حفيت مرة ثانيه والله يخبل ..
عبدالله : ما أقدر ..
حنان : لا تستوي مثل ذياب .. حرام عليك بس شوي
عبدالله : اممم إنزين يالله
حنان وهي تلوي عليه : وافديتك أنا ..
سيف يمثل أونه يصيح : وأخيرا إلتقت الأخت الهندية بأخوها الهندي وتشاوفوا .. وهاي القصة في كل الأفلام الهندية ..
حمدان : تصدق عاد
حنان : محد هندي إلا غيرك ..
سيف : فديتني ملك جمال الكرة الأرضية
حمدان : وأنا وين رحت ..
حنان : أصلا حمدانوه أحلى منك ..
حمدان : ووووووووويييييييييو
سيف : مالت على ذوقج
عبدالله : حنون بتركبين ولا أروح عنج
حنان : بي .. يالله
حمدان : انا بعد

ركبت حنان ويا عبدالله وحمدان وساروا على قمة جبل حفيت .. وحنان قالت لعبدالله يشوح بالسيارة ..
عبدالله : ربطوا الحزام .. ما يخصني إذا تعورتوا
حنان : انزين ..
حمدان : يالله شو تنتظر

عبدالله أول شي بدا يشوح بالخفيف وحنان طول الوقت تصارخ بصوت عالي ويوم قفواا ..
حمدان : حشا طريتي طبلة أذني
عبدالله : والله أحس أذني تعورني
حنان : خفت إني بروح فيها ..
حمدان : حظهم يالسين تحت ياكلون .. ونحن هنيه نسمع صريخ حنون إلي يعور الأذن
عبدالله : مالت عليها .. شقا تصارخ تقول سيارة تشوح
حمدان : فديتك والله عرفت تشبه ..
علايه : بلاج تصارخين .. من قمة راسج
حنان : خفت أموت
حمدان : إنتي قطوة ب7 أرواح ما تموتين
حنان : بسم الله الحين بتصكنيي بعين
حمدان : فديتني عيوني هب حارة
حنان : بس وناسة

وبعد ما نزلوا وساروا صوب عيال عمهم .. عبدالله خبرهم السالفة كلها وماتوا من الضحك ع حنان

علاية : عبود ..
عبدالله : هلا
علاية : شو أذنك تعورك ؟!
عبدالله : أحس ذبابة دخلت في إذنـــــــي ..
حنان : مـــــــــالت ..
عبدالله : عليج .. .
علاية : بس عاد

تموا شوية وعقب ساروا البيت واستعدوا الشباب لرحلتهم إلى عوافي في رأس الخيمة ..

في الليل الشباب سهرانين ..
حمدان : شو رايكم نسوي مقلب في البنات ..
حمد : أعتقد البنات راقدين ..
خليفة : لا قالوا بيسهرون في الغرفة
ذياب : شو بتسون .. ؟!
خليفة : أنا سمعتهن مساعة يقولن .. بيسيرن المطبخ الساعة 2 بيسون لهن أكل وما أدري شو عسب السهرة ..
حمدان : هيه امممم شو بتسون ؟!
سيف : شوفوا .. 2 منا ينخشون في المخرن الي داخل المطبخ و2 في المطبخ و 3 يلسون في الصالة عسب البنات ما يشكون .. وإذا سألوكم عنا قولوا راقدين
حمدان : إنزين منو الي بيندس في المطبخ ومنو الي بيتم في الصالة ومنو الي بيندس في المخزن ؟
عبدالله : شوفوا .. أنا وحمدانوه في المطبخ .. سيفوه وذياب في المخزن .. وراشد وحمد و خليفة في الصالة ..
راشد : خلاص اتفقنا ..
حمد : الحين الساعة كم ؟!
ذياب : بعد شوي بتستوي 2
حمدان : يالله عيل ماشي وقت عن يطلعون الحين ..

كلهم نفذوا الخطة .. الي أندس في المخزن والي اندس في المطبخ والي تم في الصالة .. دقايق و
طلعوا البنات من الغرفة ..
علاية : عيل وين الشباب الباقين
حمد : شياب ساروا يرقدون
حنان : ما أحيد عبود يرقد من وقت
راشد : هيه حتى أنا .. بس يمكن تعب من الدرب سار يرقد
خليفة : وين بتسيرن ؟!
عاليه : المطبخ .. تبغي شي ؟!
خليفة : هيه أبغي عصير مــوز ..
عالية : إنزين

طلعوا البنات وسارن المطبخ ..
حنان : يلست تسوي السندويجات وعلاية تساعدها .. وعالية تسوي العصير دقايق ويسمون أصوات في المطبخ ..
حنان : علايه بس لا تطلعين هالصوت
علايه : شو بسم الله منو الي طلع هالصوت أنا ولا إنتي .. ؟!
حنان : تستهبلين إنتي

ورد الصوت يطلع مرة ثانية ..
حنان : كشفتج عاليوه عن الحشرة خليني أغني على راحتي إنتي تزعجيني
عالية : حد يغني نص الليل الحين بيطلعون الجن لج

عبدالله من سمع كلمة جن تم يطلع أصوات هو وحمدان
حنان وهي فاتحة عينها : شو هالصوت
عاليه وهي خلاص بالتموت : قلت لج لا تغنين طلعوا الجنانوه ..
علاية : لاااااااااا اميه أخااااااااف .. حنون كله منج
حنان : والله مالي خص ..

كل ساعة يزيد الصوت ويطلعن البنات من المطبخ وهن يصارخن ..
راشد وهو يتصنع : شو السالفة بلاكن تصارخن شو يركض وراكن
خليفة يستهبل : يعني ما تعرف البنات على كل شي يزاعقن .. اوف ما سمعت شو قالوا في الفلم
حمد : شو بلاكن تتنافضن ؟!
حنان : في المطبخ جــــــــني ..
حمد أونه مستغرب : جني ؟! ماشي جن هنيه
عالية : كل منها كانت تغني .. قلت لها لا تغنين بس هي ما تسمع
خليفة : عاد مب مشكلتي أنا أبغي العصير مالي الحين
عالية : لا أميه أخاف سير روحك ييبه ..
علايه وهي شوي وبتصبح : أميه كنت بروح فيها

دقايق ويدخلون الشباب وهم بيموتون من الضحك .. : وييييييو قصينا عليهم وصدقن وييييوا
حنان : وهي مستغربة : شو ؟!
حمدان : ههههههههههههههه قصينا عليكم .. نحن إلي كنا نطلع الأصوات في المطبخ
علاية : جذاب ؟!
حمدان : افا يا بنت عمي الحين أنا جذاب ؟!
علايه تشوفه بنص عين : محشوم ..
عبدالله : ههههههههههههههههه طالعوا ويهكم بسم الله فلم رعب
حنان : يعلكم ما تتوفقون إن شاء الله .. أنا قلت عبود ما يرقد من وقت

وتسير عند راشد وتكـــــــــــــفخه كفخه قويه
حنان : يالجذاب
راشد : مب إيد عليج حشا .. مطرقة
حنان بعصبية : بايخ ..
راشد : وإنتي أبيخ
حنان وهي تطلع لسانها : مالت عليكم .. وعلى أفكاركم البايخة
حمدان : يالله خل نلعب ورقة كلنا ..
عالية : أوكي .. بس بدون غش أنا أعرف سيفوه بدون غش ما يعيش
سيف : هههههههههههههههه المشكلة كل حد فاضحني
ذياب : في شرط مهم .. إلي بيغش ينطرد
سيف : دام السالفة فيها طرده .. خلاص ما بغش !
عبدالله : ههههههه خلاص جي أوكي

يلسوا الجماعة كلهم يلعبون ورقة .. كانوا مسوين أنه كل إثنين في فريق سيف وعلايه حنان وحمدان عالية وخليفة راشد وذياب .. عبدالله وحمد .. وبدوا يلعبون
حنان : ههههههههههههه تخسون تغلبوني
عبدالله : غشاشة ..
علاية : خسك الله يا سيفوه يالله ما باقي شي وبتفوز شد حيلك
سيف : إنزين صبري عليه !!
حمدان : يالله يا حنون لعبي هههههههه الحين بنرشهم كلهم بفوزنا
ذياب : اوووف وأنا ما حطيتوا وياي إلا هذا رشود .. ما يعرف يلعب
راشد : تهبي يالهرم ..
حمــد : عبود كفك فزنــــــــــــــــــــــاا
عبدالله : وييييييييييو فزنا
حمدان : حنون كله منج خسرنا
حنان : لا والله يوم ما عرفت تفوز رديته عليه !
ذياب : حنون بدلي أنا ويا حمدانوه .. وإنتي ويا أخوج رشود
حنان : هيـــــــــه .. لا يا حبيبي تباني أخسر يالله مناك
ذياب : أوف محد طايع يبدل ..
خليفة : يالله أنا ببدل ..
ذياب : واخيرا .. بدل خليفة ويا ذياب .. الحين خليفة ويا راشد وذياب ويا عالية

وبدوا يلعبون مرة ثانية
حنان : عاد الحين أنا وحمدانوه بنفوز ..
عالية : لا حياتي دام ذياب ويايه نحن إلي بنفوز ..
حنان : حبيبتي وايد تحلمين مسكينه .. منــــــــــاك
حمدان : يالله حنون الحين بنفوز ..
عبدالله وحمد : فــــــــزنا عليكم
حنان : بسم الله .. كل ما نبغي أنا وحمدان نفوز .. فزتوا أكيد تغشون
حمد : والله ما غشينا
عبدالله : أصلا نحن نعرف نلعب .. !
حنان وهي حايسة بوزها : أف منكم
ذياب : يالله نلعب مرة ثانية ..
الكل : أوكي

دقايق ويرن موبايل ذيـــــــــــاب .. شل ذياب موبايله ويوم شاف الرقم حاس بوزه وفر الموبايل على عبدالله ..
عبدالله : بسم الله ليش جي تفر موبايلك عليه ؟!
ذياب : شوف منو متصل ..
عبدالله شاف الرقم .. وما عرف منو المتصل .. : أول مرة أشوف هالرقم ..
ذياب : أول مرة هاه .. أذكرك فيه .. يوم المارينا مول تذكر ولا نسيت

عبدالله وفجأة أنفجر من الضحك .. والكل يشوفه مستغرب
حمد : شو السالفة ذياب ؟!
ذياب : تسألني أنا شو السالفة .. أسأله هو شو السالفة
حمد : عبود شو السالفة ؟
عبدالله من الضحك مب قادر يتكلم .. : الله يسلمك هاي وحده رقمتها برقم ذياب وهي دوم تتصل فيه
حمدان : حلوة الحركة يبالي أسويها في سيفوه ..
سيف : هالي ناقص .. حبيبي الي عندي يكفوني .. !!
حنان : كم وحده ترمس سيفوه ؟!
سيف : لو أقولج ما بخلص ..
حنان : قول أبغي أسمع
سيف : سلامة .. مريم .. حصة .. عاشة .. ريـــم .. نورة .. سارة .. آمنه .. جواهر .. تبين بعد ؟!
حنان : خيبة .. أكيد رصيدك بسرعة يخلص ..
سيف : لا حبيبتي هم الي يدقون لي .. أنا ما أحتاج أدق لهم .. أنا بس أرقم وهم يدقون
علايه : ما شاء الله عليك .. قدوه
سيف أونه يتفلسف : شفتي عاد .. !!

شوي ورد موبايل ذياب يرن وكان نفس الرقم ..

ذياب : اوهووو .. الحين هاي شو يفكني منها ؟!
عبدالله : هات أنا برد ..
ذياب : خذ الموبايل ورد عليها ..
عبدالله : آلو
دانة : حيا الله هالصوت ..
عبدالله : الله يحيج .. بغيتي شي ؟!
دانة : هيه بغيتك أنت شحالك ؟!
عبدالله : ما يخصج في حالي ..
دانة : بسم الله بلاك ؟!
عبدالله : خلصيني شو تبين ؟!
دانة : أبغيك أنت حرام ..
عبدالله : حرمت عليج عيشتج .. تحملي تدقين على رقمي أنا خلاص الحين تزوجت
دانة وهي منصدمة : ليش أنا أحبك
عبدالله : حبتج القرادة .. لا تتصلين حرمتي يالسه حذالي ..

عبدالله فر الموبايل على حنان .. وقال لها عسب تقص عليها ..
حنان : إن شفتج تدقين على موبايل ريلي يا ويلج .. فاهمة
دانة وهي تصيح : إنتي إلي خذتيه مني
حنان : حبيبتي أنا لا خذته ولا شي .. هو الي خطبني وأنا وافقت .. إنزين المهم إلي أبغيج تعرفينه زين لا تدقين على موبايل ريلي مرة ثانية فاهمة ..
دانه : .............
حنان : صدق قلة أدب فيكم .. باي وسكرت في ويهاا
حمدان : أوه حنون شكلها من الحين تغار على ذياب .. يالسه تقول لا تدقين على موبايل ريلي
حنان : بتسكت حمدانوه ولا شو ؟!
خليفة : خلوها تستحي ..
حنان : قوم لاه عن ويهي أنت وياه .. ماشي شغل أستحي
عبدالله : ايه أنتوا بسكم على أختي ..
حنان : فديت إلي يدافعون عني أنا !
عبدالله : يالله شباب قوموا ورانا باجر درب لين رأس الخيمة
راشد : هيه والله تصبحون على خير ..
الكل : وانت من هله ..

وقاموا ينسحبون واحد ورا الثــــاني .. تموا البنات رواحهن في الصالة
علاية : شوها هم يطلعون ونحن ميلسات هني ؟!
حنان : شو نسوي بعد .. احمدي ربج سرنا مبزرة
عالية : خاطري أسير وياهم رأس الخيمة والله ..
علاية : ما فيها شي ..
حنان : إنتي تتحدين أصلا عوافي مالهم ..
علاية : هيه أدري إنه عندهم عوافي بس .. ما عندهم شي
حنان : جب ترا ربيعتي من رأس الخيمة ما أرضى
عالية : أصلا أنا بعد وايد سمعت .. يمدحونهن بنات راك
حنان : والله إنتي لو ترمسين موزه إلي من راك بتتخبلين هالإنسانه شكثر طيبة
علاية : أول مرة أدري أنج تعرفين وحده من راس الخيمة
حنان : هيه تعرفت عليها في النت .. بس وايـــــــد حبوبة وارمسها في الموبايل بعد ..
عالية : عيل خلونا نرقد الحين وباجر الظهر دقيلها أبغي أرمسها
حنان : أوكي .. لأني أنا روحي من زمان ما كلمتها
علاية : يالله أنا بسير أرقد عند يدوه تصبحون على خير ..
حنان + عالية : إنتي من هله ..

تموا حنان وعالية نص ساعة وبعدين ساروا يرقدون .. والشباب كل واحد رقد في سابع نومه لأن باجر وراهم رحلة ثانية ..

انتهى الجزء الخامس

مشاعر متدفقه ©؛°¨غرامي جديد¨°؛©

الجزء السادس

اليوم الثاني الساعة 8 الصبح .. الكل يجهز لأنهم بيسيرون عوافي ..
راشد : خلوف قوم تأخرنا ..
خليفة : أوف شو ها محد يتهنا برقاده
راشد : محد قالك أسهر يالله قوم
ذياب : رشود بند المكيف وأفتح الستارة وشل عنه الكفر ..
خليفة : اييييه عيوني سكر الستارة
ذياب : عسب تتأدب يالله قوم ..
خليفة : خل حمدانوه يقوم أول ..
ذياب : حمدان يالله قوم
حمدان : إن شاء الله
راشد : سمعت الولد المطيع .. يالله قوم
حمدان قام وسار يتغسل ويتلبس .. خليفة بعد .. وكلهم
حمد : إلا تعالوا وين عبود ..
راشد : أويه ما قومته ..
خليفة : متشطر علينا نحن بس .. وأخوك ما وعيته
راشد : يالله جب الحين بقومه ..

سار راشد عند عبدالله وعاه من النوم .. قام عبدالله مستعيل مب لله .. بس عشان عوافي .. طلعوا الشباب من البيت .. وساروا في الطريج ..

حمدان : رشود حط لنا محيد أبغي أيول
راشد : صدق متفيج ..
حمدان : إنزين أنت حط وأسكت ..
حط راشد ميحد وتم حمدان وحمد ييبسون ويولون ..
راشد : شلو رأسكم .. أبغي أشوف السيارة إلي وراي ..
حمد : خل عينك جدام .. ما يخصك في إلي ورا
راشد : في وحده مزيونة تسوق ورانا ..
خليفة : ويل حالي أنا .. ذاب رشود
راشد : أسولف وياك صدقت
حمد : عيد الأغنية .. يالله حمدانوه ..

تموا الشباب على هالحال إلي يول وإلي يغني وإلي يلعب في الموبايل وأخر شي نصهم رقدوا وكلموا الدرب لين راك ..

الساعة 3 في بيت بو راشد ..
يرن موبايل شما .. شما : ألو هلا والله ..
مهرة : أهلين .. شحالج ؟!
شما : تمام وانتي ؟!
مهرة : يسرج حالي .. أٌقول
شما : هلا ؟!
مهرة : أنا و ميثا بنسير المول بتين ؟!
شما : امممم أوكي بقول حق ماماتي وبرد عليكم ..
مهرة : يالله نترياج .. باي
شما : باي

سارت شما عند أمها وقالت لها ..
شما : أماية بطلع ويا ربيعاتي ..
أم راشد : على وين ؟!
شما : بنسير المارينا شي مكان غير ؟!
أم راشد : متى ؟!
شما : عقب شوي ..
أم راشد : منو بيسير وياج ؟!
شما : قولي لي هيه ولا .. لا تفتحين ويايه تحقيق
أم راشد : سيري بس لا تتأخرين ولا بزوالج
شما تبوس راس أمها : إن شاء الله ما بتأخر

دقت شما حق مهرة ..
شما : هلا مهاري
مهرة : هاه شميم شو قالت أمج ؟!
شما : ما طاعت ..
مهرة : ليــــــــــــــــــــــــــش .؟!
شما : بلاج كلتيني .. أقص عليج بي
مهرة : قولي والله
شما : والله
مهرة : خلاص بتلبس وبمر على ميثوه وبنمر عليج .. تلبسي
شما : أوكي .. باي
مهرة : باي
سارت شما تتجهز لأنها بتسير المول ويا ربيعاتها ..

عند الشباب .. في رأس الخيمة
حمدان : محلاة عوافي
حمد : هيه والله بس زززززززززحمة
حمدان : هيه والله
ذياب : بسكم عن الهذره .. الحين منو بي ويايه .. بنصعد
حمد : أنا صراحة ما أقدر متعايز
حمدان : حتى أنا ..
ذياب : متعايزين ولا خايفين ؟؟
حمدان : منو شو نخاف ؟!
ذياب : أسأل عمرك ..
حمدان : خلاص يا أخي .. خذ وياك سيفوه وخلوف
ذياب : يالله شوفوني .. أنا الحين بسير
حمد وحمدان : بالتوفيق .. !

مرت مهرة على شما .. وساروا المول .. وفي المول
مهرة : شموه خل نسير الحمام .. غسلي ويهج من هالمكياج
شما : كيفي عايبني ..
ميثا تشوف شما من فوق لتحت : خليها يا مهاري بكيفها ..
شما : بس طوفوا يالله خل نتمشى

ساروا البنات يتمشن ومهرة و ميثا ما عايبنهم حال شما ..
شما : الله حلو هالمحل خل ندخل ..
ميثا : هيه أشوف عنده أشياء حلوة
مهرة : يالله خل نسير ..

وهم في طريجهم للمحل .. تقرب شاب من شما ..
الولد : الشيخة تفضلي الرقم .. وحطه لها على الطاولة .. شلته شما بدون ما ينتبهون لها ميثا ومهرة

وتم الولد يلاحق شما .. من محل لين محل ..
مهرة : أقول بنات أنا تعبت
شما : أنا بعد
ميثا : يالله خل نرد البيت ..
مهرة : يالله
شما : خل نتم شوي
مهرة : شموه نحن تعبنانين ..
شما : خلاص يالله عيل خل نسير ..

طلعوا البنات من المول وركبوا السيارة .. ونزلوا شما أول طبعا الولد شاف شما يوم نزلت وحفظ وين بيتهم .. وروح ..

في العيــــن ..

عالية : يالله حنون نسيتي .. دقي حق موزة إلي من راك أبغي أكلمها
حنان : زين ذكرتيني والله أنا روحي نسيت ..
علاية : يالله عيل دقي لها ..

دقت حنان حق موزة شوي وموزة ردت عليها .....
موزة : هلا والله بالقاطعين إلي ما يسالون
حنان : أهليــــن شحالج مويز .. أخبارج ؟!
موزة : مب بخيـــر ..
حنان : افا ليش ؟!
موزة : لأنج ما تسألين عني ..
حنان : افا عليج والله دوم على البال .. بس والله الجامعة ومشاغلها
موزة : خلاص عيل مسموحة ^^ ..
حنان : وين إنتي ؟!
موزة : والله ماشي في عوافي ويا الأهل .. في العزبة مالنا
حنان : افا اليوم أخوي ياي عوافي
موزة بلهفة : جان يتي ويـــــــــــــــــــــــــــــــــــــاه ..
حنان : قلنا له بس ما طاع
موزة : والله أفا .. خاطري بشوفتج
حنان : حتى أنا والله ..
عالية : بسج خلاص عطيني بكلمها ..
حنان : إنزين شو بلاج صبري ..
موزة : مشغولة ؟!
حنان : لا بس هاي بنت عمي حاشرتني تبا تكلمج
موزة : عطيني إياها ..
عالية : هلا والله
موزة : أهلين بالطيبين .. شحالج ؟!
عالية : يسرج الحال .. شخبارج إنتي
موزة : تمام ..
عالية : والله خاطرنا ني راك .. بس أخوانا ما طاعوا
موزة : ما قلتوا لي .. والله جان أستقبلتكم
عالية : يالله خيرها بغيرها ..
موزة : أقول ما عرفت شو أسمج ؟!
عاليه : أسمي عاليه ..
موزة : عاشت الأسامي علاية
عالية : عاشت أيامج ..
موزة : خلاص الغلا أنا بدق لكم بعدين .. الحين شوي مشغولة ..
عالية : أوكي نتيريا منج مس كول ..
موزة : اوكي باي
عالية : باي
سكرت عالية عن موزة .. وتموا البنات يسولفن وبعدين سارن ياكلن لأنهم ميتين من اليوع ..

في بيت بو راشد ..
في غرفة شما ..
شما : أدق ولا ما أدق .. بدق وإلي فيها فيها ..

دقت شما حق الولد ..
الولد من شاف رقم غريب عرف أنها شما .. : هلا والله
شما بتردد : أهلين
الولد : شحالج الغالية ؟!
شما : بخير .. علومك ؟!
الولد : دام إنتي بخير أنا بخير ..
شما : ..........
الولد : بلاج مترددة وخايفة ..
شما : لاني أول مرة أسويها .. وأدق على واحد
الولد : صدقيني مرحلة وتعدي .. عقب بتتعودين عليه ..
شما : إن شاء الله
الولد : يالله ما عرفتينا على الاسم الحلو ..
شما بتردد : اسمي ؟!
الولد : لا عيل اسم بنت اليران .. أكيد أسمج ..
شما بعد تفكير : اسمي حنان ..
الولد : عاشت الأسامي .. حنان .. انا اسمي نايف
شما : عاشت الأسامي ..
نايف : عاشت أيامج .. صف كم إنتي باين عليج صغيرونة ..
شما : ثاني ثانوي ..
نايف : يالله شدي حيلج .. ونبغي نسبة حلوة
شما : إن شاء الله ..
نايف: أقول حنان .. بخليج الحين الوالدة تباني ..
شما : خلاص بخليك ..
نايف : بدقلج بعدين ..
شما : أوكي باي
نايف : باي ..

طاحت شما على سريرها بعد ما حست براحـــــة .. من مكالمتها ويا نايف .. ومن التعب نامت ..

نرجع لرأس الخيمة .. بدا المغرب يقرب .. والناس بدت تروح .. بس الأغلبية بيخيمون في عوافي
راشد : يالله يا جماعة نروح
الكل : ما نبغي
راشد : أنتوا ما تحسون .. أنا إلي أتعب وأسوق
حمد : أنا بسوق بدالك بس خل نتم شوي .. أبغي أصعد على الند
راشد : بسكم خلاص أنا بروح والي فيه خير يرد العين مشي ..
حمدان : أف عاد والله حالة .. نبي نتم يا أخي أرحم حالنا
راشد : يالله أنا بركب وإلي يبغي يركب حياه الله ..
طبعا راشد كان جاد وركب السيارة وحرك والشباب في البداية كانوا يتحسبون أنه يسولف بس يوم شافوه ركب وروح .. عرفوا أنه يتكلم صدق ..

حمدان : أبيه والحين شو نسوي الخبل روح ..
عبدالله : خلني بدق له .. ودق حق راشد .. : ألو
راشد : نعم .. بقول حق أبويه أنكم بتردون مشي .. بعد تبون شي ؟!
عبدالله : يالله ارجع بنسير وياك ..
راشد : .............
عبدالله : بترجع ولا شو ؟!
راشد : دقيقة وأكون عندكم يالله باي ..
عبدالله : باي .. سكر عبدالله عن راشد
حمد : شو قال ؟!
عبدالله : يالله تجهزوا الحين ياي
سيف : متجهزين ومخلصين .. بس نترياه

دقيقه ووصل راشد .. وركبوا الجماعة وياه .. وردوا حق العين .. والساعة 10 ونص وصلوا
بو راشد : ما بغيتوا ..
راشد : والله هاذيلا ما طايعين يردون ..
أم أحمد : هاه شو أستانستوا
عبدالله : يدوه شو استانسنا .. قولي إلا ما بغينا نرد
أم أحمد : هالكثر حلوة عوافي ؟!
حمدان : إلا روعة .. والله وناسة والشباب كلهم هناك .. وعاد شباب رأس الخيمة وايد أوكي
ذياب : هيه تعرفنا على واحد من هناك .. وخذنا رقمه
سيف : أي واحد ؟!
ذياب : اسمه سطان .. وايد فنان هالإنسان
سيف : هيه سلطان
بو راشد : أهم شي استانستوا ..
عبدالله : هيه والله
راشد : عيل وين البنيات ؟!
أم أحمد : في الغرفة .. يالله عبدالله سير نادهم حق العشا
عبدالله : إن شاء الله ..

عبدالله وهو يدق الباب .. : يا بنات عشا
حنان وهي تفتح الباب وتحضن أخوها : واي فديتك متى يت تولهت عليك
عبدالله : توه واصلين ..
راشد : مرحبا ..
حنان : مرحبتين .. شو عوافي ؟!
راشد : والله روعة .. بس تدرين بدونج مب شي ..
حنان : أكيد .. أنا إلي أسوي لكم جو
راشد : هيه والله ..
عبدالله : يالله يدوه بتجتلنا عشا

وساروا الكل يتعشون ..

شما بعد ساعة من النوم .. قامت على صوت موبايلها .. وكان راشد المتصل
شما : أف هذا وقته .. تحسبت نايف داق وبعدين ردت عليه
راشد : هلا والله
شما : أهلين .. شحالك ؟!
راشد : بخير و انتي ؟!
شما : يسرك الحال .. متى بتون ؟؟؟!
راشد : باجر إن شاء الله
شما : اها تبغي أمي .. ؟!
راشد : هيه أدق لها على تيلفون البيت ما ترد ..
شما : أوكي الحين بشوفها لحظه

طلعت شما من غرفتها وسارت تشوف أمها ..
شما : امـــــــاية .. أميييه وينج
سوزي : ماما ما في هني .. سير برع
شما : أقول راشد أمي طلعت
راشد : خلاص بدق لها بعدين باي
شما : بايات ..

سكرت عن راشد وبعد ربع ساعة رن موبايلها كان نايف داق
نايف : هلا والله ..
شما : أهلين ..
نايف : شحالج ؟
شما : بخير وأنت ؟!
نايف : يسرج الحال ..

تم يسولف وياها .. وعقب شوي ..
نايف : حنان .. ؟!
شما : هلا ؟!
نايف بخبث : عندكم بلكونة في بيتكم ؟!
شما وهي مستغربة : هيه .. !
نايف : طلعي عليها إنزين
شما بدون ما تدري سارت عند البلكونة .. : إنزين سرت ..
نايف: تشوفين سيارة سودا .. برع
شما : هيه .. كيف عرفت ؟!!
نايف : لأني أنا فيها
شما وهي مستغربة : شو ؟! ..
نايف : إلي سمعتيه ..
شما : كيف يا حقير تتجرأ وتي عند بيتنا
نايف : أخر عمري بنت تسبني .. أنا أراويج يا حنون .. !!
شما والدموع تجمعوا عند عينها : شو بتسوي يعني ؟!
نايف : قلت لج براويج .. ما عليه وسكر في ويها
تمت شما تصيح وما عرفت شو تسوي .. خافت يسوي فيها شي .. شوي واتحركت السيارة .. بعد ما اتحركت حست شما شوي براحة لأنه روح

في العين الشباب مع البنات يلعبون ورقة ..
حنان : وأخيرا يا حمدان أقدر أقول فــــــــــــــــــــــــــــزنا
حمدان : واخييرا فديتج ..
ذياب : على حظكم هالمرة فزتوا ..
حمد : هيه والله بالصدفة ..
حمدان : تهبي بالصدفة ..
عالية : بس لا تتكافخون يالله نلعب مرة ثانية
خليفة : بس مليــــت من الورقة
ذياب : حتى أنا ..
حمدان : شو رايكم نلعب كيرم خخخ
عبدالله : هيه والله اليوم أخر يوم نسهر وياكم .. باجر رادين أبوظبي
حنان : هيه والله يالله خل نلعب

تموا الشباب يلعبون لين الساعة 3 نص الليل وبعدين كلهم ساروا يرقدون ويودعون أهلهم في العين
لأنهم بيرجعون بوظبي ..

الصبح الساعة 10
عالية : حنون قومي زهبي أغراضج
حنان : قومي أبي أنام ..
عالية : أبوج وأخوانج في الصالة بيسيرون ..
حنان : وأنا شو عليه منهم ..
عالية : يالله قومي بسلم عليج .. حبيبتي والله بشتاق لج
حنان تقوم من السرير وهي تحضن عالية وتبتسم : وأنا أكثر ..

راحت حنان تغسلت وتلبست وخلصت .. وعدلت أغراضها وطلعت للصالة عشان تسلم على أهلها
بو راشد : هاه العروس ما بغيتي تطلعين ..
حنان : سوري أبويه كنت راقده ..
بو راشد : حشى راقدة للحين
حنان بتكاسل : هيه أبويه خل نسير بعدين
بو راشد : شو بعدين يالله قومي ورانا درب ..

سلموا كلهم على بعض .. وتموا يدعون لهم أنهم يوصلون بالسلامة
حمدان : والله ربشتونا وسويتوا لنا جو ..
حنان : افا عليك ..
سيف : بنتوله عليكم ..
عبدالله : ونحن أكثر
علاية : عالية بتوحشيني
عالية : وإنتي أكثر والله ..

وطلعوا وركبوا السيارة ..
في بيت بو راشد .. في غرفة شما يرن الموبايل
شما بدون ما تشوف الرقم : ألو
نايف : أسف حبيبي أزعجتك حلو صوتك يوم تقوم من الرقاد
شما تضحك : هههههههه أحيد الأغنية أسف حبيبي أزعجتك حلو صوتك قبل لا تنام
نايف : كل شي لأجل عيونج يصير
شما : يالله عليك أمس أونك زعلان ..
نايف : شو نسوي .. فيج
شما : والله أوعدك ما أتطاول عليك .. بس لا تقرب من بيتنا
نايف بخبث : إن شاء الله ..
شما : أقول أنا بسير عند أماية ..
نايف : ليش ؟!
شما : أخواني بيون من العين .. ومشتاقة لهم بنسير نجهز لهم الغدا
نايف : اها .. خلاص عيل ما بعطلج باي
شما : باي

بعد ما سكر نايف عن شما : انا أراويج ياحنون منو هو الحقير على الأصول .. صبري عليه
طلع نايف من بيتهم وركب سيارته .. وسار وقف عند بيت شما .. يتريا أهلها يوصلون .. بس هم ما وصلوا .. انتظر ساعة تقريبا بس ما وصلوا
نايف : أف متى بيوصلون .. ولا أقول خل أسير الحين و أرد بعــــديــــــــن ..

روح نايف ورجع بيته .. بعد شوي وصلت سيارة بو راشد لبيتهم .. دخل الكل البيت وخلوا الأغراض في السيارة
راشد : هلا والله أم راشد هلا ..
أم راشد : فديتك يا ولدي ولهت عليك ..
راشد : وأنا أكثر
عبدالله : و أنا ما ولهتي عليه .. ؟
أم راشد : كيف ما ولهت عليك تعال فديتك
تقرب عبدالله من أمه وحب راسها .. : أنا ولهت عليج يا أماية أكثر ..
نزلت شما وسلمت عليهم
شما : والله البيت بدونك يا عبود جنه ..
عبدالله : بدت حق الضرايب .. تتمنين أصلا إنتي إني في البيت
شما وهي تحيس بوزها : هيه والله أتمنى
عبدالله بغرور : ما ييالها كلام ..
راشد : عبود خل نسير نشل الأغراض من السيارة
عبدالله : يا أخي متعايز
راشد : قوم يالله .. عن الهايزة
عبدالله : يالهرم الحين أنا هيز ..
راشد : هيه عيل شو ؟!
عبدالله : إنزين قمنا .. !!

طلع عبدالله ووراه راشد .. وساروا يشلون الأغراض .. انتبهوا أنه في سيارة سودا قريبه منهم ..
راشد من السيارة السودا .. ودق الجامه عسب راع السيارة يفتح له

راشد : نعم الشيخ بغيت شي ؟!
نايف : بغيت أشياء .. نزل نايف من السيارة وسكر الباب وتساند عليها ..
راشد استغرب من حركته .. : آمر شو بغيت ؟!
نايف : بغيتك تنتبه حق أختك حنان .. زين ما زين لأنها بدت تخورها هالأيام
راشد عصب : وأنت من وين تعرف أختي ؟!
نايف : اسألها .. تعرفين نايف وهي بتقول لك ..
عبدالله : بلاكم يا جماعة شو صاير
نايف : إلي صاير أنه أختكم أترمسني في التيلفون وانتبهوا لها عدل اوكي ..
راشد عصب من خاطره : انا أراويها سودت ويهنا الله يسود ويها
عبدالله : يا راشد استهدى بالله
نايف : أنا رايح مع السلامة ..

ركب نايف سيارته وروح عنهم
نايف : وأخيرا أنتقمت منج .. الحين تعرفين منو الحقير على قولتج ..

عبدالله من صوب يحاول يهدي راشد .. لكن راشد معصب على الأخير ..
شو إلي بيصــــــــير في حنان لأن شما أستخدمت أسمها .. تريوني في البارت الياي

.
.
انتهى الجزء السادس

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1