منتديات غرام أدبيات غرام منقولات أدبية وش علامك رغم كل اللي أقوله وتسكتين
..Kira.. ©؛°¨غرامي متألق ¨°؛©

[b]

كيــفكم انشــاء اللهـ بخيــر
هذي أول مشاركه لأي وانشاء الله تنال على إعجابكم



قصة بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن ……???!!





كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون


لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون


لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون


ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون


الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون


تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون


وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون


مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون


وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون


وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون


بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون


ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون


وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون


إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون



لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون


آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون


قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون


وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون


يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون


فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون


وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون


بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون


وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون



يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

إذا عجبتكم القصيده
فلا تحرموني من تقيمكم

..منقول من الإيميل ..[/
b]

سراب الصمت ©؛°¨غرامي ذهبي¨°؛©


يعطيكِ ألف عافيه

قصيده في قمة الروعه

فيها من العظه والعبره الكثير

سلمت يمينك وأناملك ع النقل

//

زهرة التوليب مَاعلّمكْ صُوت المطَر كيْف احْتِريك ..!!
مستشــ¸.·* غرام *·.¸ـــاري

صح لسان شاعرها


ويسلم بنانك على النقل


لاهنت

:)

..Kira.. ©؛°¨غرامي متألق ¨°؛©


الله يعافيييك

ياسراب الصمـت

مرورك الاروع

..Kira.. ©؛°¨غرامي متألق ¨°؛©

المشاركة الأساسية كتبها زهرة التوليب اقتباس :
صح لسان شاعرها


ويسلم بنانك على النقل


لاهنت

:)


صـــــح بدنك


اسعدني مرورك

احساس دافىء ©؛°¨غرامي جديد¨°؛©

مساء الخيرات

كلمات رائعة سلمت الايادي على النقل الحلوووووووو


احساس دافىء

؛؛همس الروح؛؛ [®]همس الحروف[®]
مستشــ¸.·* غرام *·.¸ـــاري

اهلأً بكـِ أختى

سلمتِ على النقل وحسن الإختيار


دمتِ بكل خير

..Kira.. ©؛°¨غرامي متألق ¨°؛©

احـــــســاس دافئ
،
،
هـــــــمـــــس الـروح

اسعدني مروركما

شهرزاد زماني ©؛°¨غرامي مبدع¨°؛©

تسلم يدينك ع النقل الروعه
والله يعطيك الف عااافيه
وتقبل مروري

..Kira.. ©؛°¨غرامي متألق ¨°؛©


الله يعافيك

أنرتوا الموضووع

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1