غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 31-10-2008, 05:23 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي مع غيري إلعب و بيّن له مهاراتك / الكاتبة : العنيده212 , كاملة


قصه للكاتبه الـ ع ــنيده212
الـ ج ـــــزء الأول..


••.•°¯`•.•• غ ــيــمه غلا ••.•°¯`•.••

أمطرينا ياسحابــــــــة .. أروي الأرض المحيلة
هلي بجود وصـــــبابة .. أشفي النفـــس العليلة
عالجي القلب وصوابة .. بالهوى اروي غــليلة
أغسلي عنه الكــــــآبه .. بالهني كوني وسيــلة

منظر صبيب المطــــــــر..محد يروووم يوصفـــه من كثر حلاااااته..يعني منظر من صج رووووووعــــه....والغبي اللي يفوت هالمنــــظر..لأنه يُعتبر احلى مااا في هالطبيعـــــــه..الصراااحه الحزين بيفرح..والمتضاايـــج بيستااانس.. يمكن لأن وظيفة المطر انه يونس العرب..ويغسل الأحزان..ويصفي الخوااطــر...ويبرد القلوووب ورااعي الهموم بينسى همومه بس بشووفـــــــة المطــر..
في منطقـــة الرمــــاح..المطر ع الخفيف....و السما ملبده بالغيوووم..والجو مسسسسسكـــــــت..النااس راادين راايحين..شباب الإمارااات معروووفين..يعني بدوون رمســـه هم فالعراقيب..اللي يصور واللي يسولف واللي يقز واللي يشل واللي يتمصخــر..طبعهم الشباااب جيه عاايشين حياتهم ع الكييف.."صــح؟؟"
واللي منهم شل هله وقهــــوته وسار ييلس له افبقعـــه يستمتع ابهالجــــو..واللي منهم سااار لعزبته ايشووف حلالــــه..واللي يتحوط فالشــارع ويسيّر على اللي يقربله ويييرانهم..يعني تقريبن محد يااالس فالبيت..
صد سهيل صوب سيف..
سهيل:خلااااص عاااد عايبتنك الساالفه توصل اول واااحد العرقووب ..
سيف"مكشخ ضرووسه":يا غبي خقه ..الشبااب يالسين يصورون..>>ثره الريال خقاااق من الخاطر..
سهيل:انزين يـــلا..بنتحوط..
سيف:حششرتني من يينا وانته يلا يلا جنك الا حرمة مستعيله بعشا عيالها..؟؟شو عندك؟؟
سهيل:هههههههههه..خلاص يا ريال مـــاشي...!!!
وقفوا سهيل وسيف ع طرف من حشرة شباب الرماح وسويحان واليحـــر..اللي كااانوا كلهم متيمعين عند عرقووب عوود معرووف عنه بالتفحييط والقـــــــــز.. وقف سيف بسيارته النيسان الأسود..وهالسيارة مخصصه للعراقيب فقط..أما سيارته الثانيه فهي رنـــج..وياهم ناصر فوق دراجته..لابس كندورة بيج وحاط كــاب أحمــــر وكاميرة الفيديو معلقنها في رقبته..
ناصر:هاه سيف ..الأنظــار موجه عليك اليوم..طرييت الشبااااب..
سيف"يطالع افجامة سيارته ويعدل سفرته الحمرة وبصوته الخشن..":ههههه...شو عيبتك اليوم..؟؟
ناصر:كل يوم تعيبني..اتصدق ان فيك شجاعة غريبه..لعنبوووك ما تخاااااف ذهااب ايااب ع راس العرقوب والنيسان الأسود يترنح يمين يســـااار..
سيف:شووو نسوي عشقنا العرااقيب وما نهااابها يا ريااال..
سهيل"ايصاارخ ع حميد أخو ناصر":يااينك ياااريااال هيد علي..
وركب سهيل سيارته ..
سيف:هاه سهيل وين راايح..؟؟
سهيل:هاذا حميد طفرني مادري بلااااه..بو هناد لا اتسير مكان اتريااااني اللحينه بيي..
سيف:أوكيك..الله ويااك..>>>جنه الا بيساافر..ههههههه
ومن تحرك سهيل وقفوا حمد وسعيد..فوق سيارة حمد النيسان الأبيض..
حمد:هاه بوهناد ويانا؟؟
سيف:ويــــن بهـــــااا؟؟
سعيد:هنيه الا صوب عزبنا..
سيف:شو عندكم؟؟توكم يايين من هناك..
حمد:توه الا محمد مسويلي تيلفون..يقول روضه سرقت سيارته الإستيشن وهو يبغي ايي عندنا..وما رام يلحقها محد من الشواب رااضــي يعطيه سيارته..
سعيد:تدريبهم انته خوالك كيف الا سياييرهم مدلعات..وما يعطونها حد من الشبااب..
سيف:ههههههههههههه..عيل خلااص فمان الله سيروا انا ما بسير بتريا اسهيل بيي اللحينه..وأدبها هااي سراقة السياايير..ما تيوز عن فعايلها..
حمد:خلاص عيل عقبها نتلاقي عند المر بن خليفه..
سيف:غايته..
وساروا سعيد وحمد صوب عزبهم..

. . . . . . .

ليتني غيم في ســماكم .. دوم بمطر في حويكم ....
بروي الارض وفلاكم .. لا ولابا الشمس تيكم ....

صــارخت روضه ع البنات اللي حاشراتها..
روضه:صخن لا اوقف اللحينه وتنزلن محد بييلس الا موزاني..حسرتني ما تنرزا علينا هالسرقه..؟؟!!>>>ههههه..روضه عندها مشكله في حرف الشين..
موزة"بنت عم روضه":افدييييت خشمها بنت رااشد ما حد فيه الخير فالقووم الا هي....خشمج خشمج...
ويتوايهن..موزة وروضه..
سلامة"بنت عم روضه وموزة":فدييييييتج الرووض بمووت من الزيغه انزين خفي السسسرعـــــه..
غبوش"أخت روضه":متفيحاااات ويا رااسكن حمد وسعيد يلحقونا..وقفن لا يقصبونا اقصاااب..والله بممووت من الزيغه..
موزة:ما عليج منهن الرووض يلا..خلينا انعيش حياتنا..بعد ثلاثة اسابيــــع امتحانات نص السنه..
روضه:والله محد يفهمني الا موزاني..خسمج خسمج..لا خلييت منج..
غبوش:خشمج خشمج..مب خسمج خسمج..
موزة:فديتج والله رواضي..غبوش لا اتعيبين على روااضي البنيه جيه رمستها..
ويتوايهن..
سلامة:لو نحسب كم مرة موزاانــي والروض يتوايهن فاليوم..؟؟
غبيشه:فوق الألف مررررة..بس عااد وقفن انتن ما تدرنبه هاذا بو شهاب بيدقها نذاله فينا عقب..بمووووت..خفي السرعه..
روضه:ما اهااب العرااقيب..>>>>>عااااااااااااشووووووواااااا...
روضه وموزاني..صرقن سيارة محمد الإستيشن اللي هــو أخو روضــه..وزقرن سلامي وغبوش..وشغلن السيارة وبما ان روضه اتعرف اتسوق فهي اللي سااقــــت..محمد من بعد ما كشف ان سيارته مسرووقه..طرش حمد وسعيد.. عيال عموومته..يلحقوون الرووض ويلقون القبض علييها ويا شلة اللصوص اللي عندها....سعيد أخو سلامه..وحمد أخو موزة بالأب والأم..ويكون ولد عم روضه واخوها بالرضـــاعه..>>>>فهمتوا صــــــــــح؟؟
روضه"عايشــة حياتها":شو تبون اف ام ولا ميحد..
موزة:مييييييييحد يربشنا اللحينه..ويا هالجو المسسسسسككككت..
روضه:حااضرييييين للطيبيييييين..
وحطت ميحد وتمن يتسمعن ومرتبشاااات ويصفقــــن..حتى سلامه وغبوش ودعن الزيغه ومرتبشات مع موزاني وروضه..
الكل: ليتني غيم في ســماكم .. دوم بمطر في حويكم ....
بروي الارض وفلاكم .. لا ولابا الشمس تيكم ....
روضه:ومرحباااااااا بطااااااااارس نبااااااااااااااكم..>>>خربت الغنيه ويا رااسها..اونه طارس..طااارش..
والأخت يالسه اتيبس وهي اتسوووق..وتطالع موزاني اللــي تنعش بقذلتها...
سلامه:لاااا طالعي طالعي جدااااااااامج عن ندعم..
موزة:ندعم؟؟وين ندعم؟؟
روضه:ههههههههههه..منو يدعم في العراااقيب..الا ان سي واايت مااي يانا اللحينه..>>شي مب سي..
موزة:غبوش اقوول صخي صخي..
سلامه:ويييييل حاالي بمووت روضه لا تسرعييين دخييييييييلج..
موزة:انزين ليش خايفه..؟؟
روضه:خايفه اتموت وهي للحينه ما تزوجت خلووووووووف..كففففففــــــــــــج..
"هاذا خلوف اخو موزة...وعاايش قصة حب ويا سلااامي..وملج عليها.."..
موزة وروضه"يضربن كف كف":ههههههههههههههههههههههههههههه..
روضه:امبي بنانا"لقب موزة"..تييلفوني يدق تحت..
موزة:وين؟؟
روضه:عند ريولي..
موزة:خلييييييييه ينقع تلاقينه حموووود..يتخبر عن سيااارته..
غبوش:حموود وقده ريال معرس وعنده ولد وبنت شكبرهم..؟؟
روضه:يالا عاااد اونج اتقلديين امايه العوده..
غبوش:هههههههه..ما عرفت امثل الدور صح.."وتصد صوب هل النيسان الأبيض"..روضه وقفي ما تلاحظين ان حمد وسعيد قربوا منا..
سلامي:وما تلاحظون ان المطر وقف..
الروض:المطر وقف افعيييييينج مسودة الويه..
سلامي"بويهها البرئ..وهدووووءها المعهوود":ما ينرزا علي..>>هااي ويه حد يهزبها..حرااام..
الروض:بفج الدرييسه عسب ارويج ان المطر ما وقف..
موزة:هههههههه..الدريسه؟؟لأن اذا وقف المطر بتوقف فرحتنا..
روضه:صحيييييييييح..وانا اسهد..>>وانا اشهد..
وطت روضه الدراايش وما وحالها اتصد جدام الا سعيد وحمد واقفين بسيارة حمد النيسان الأبيض ومكشخييين ضروووسهم..والواااحد من زوود ابتسامته كيف عريضة ..الحلج بينشق خلاااص..>>>>>>خخخخخخخخخخخخخخخخ..تشبيه بليغ..بليييز خبروا مس العربي انيه شااطره..
روضه:عوووووووووووذ بالله..من وين ظهرتوا..
غبوش:طالعي جداااااااااااااام عن ندعم..
موزة:انرد ونقول محد يدعم فالعرااقيب..تابعوا بهدووء>>سوالف هالبنيه..
حمد:وقفي يا سرااقة السيااايير..>>>هاذا لقب روضه..
سعيد:ددوااااااااااج عند حمووووووود ..مسودة الويه..
حمد:لو شفتي الدخان اللي ظاهر من رااسه..
روضه:جيه اخويه ظهر بركان..>>>>>>تنكت وااحليلها..ظهرت تعرف البركااان الحمدالله زين والله..
الكل:هههههههههههههههههههههههههه..
حمد:انزين يلا وقفي..
روضه:سرط اسوق نيسانك الأبيض..>>>>سرااقه ويالسه تتشرط؟؟!!!
حمد: لا تتسرطين ويا راسج"حراام عليهم يتمصخرون ع حرف السين.." بتبطيييييييييييييييييييييييين ..
روضه:بلف اسوي وبييي..
حمد:خمس دقاايق..ولا ياا ويلللللج..اششششوي مب اسوي..
روضه:انزين خلاص لا اتخربوون وناستنا وخلوني اعرف اسوووق..حسى ما استوت سياارة ..سيارة مصنوعه من ذهب.."حشــى=حســـــى"
سعيد:كلتييينا لابركتن فيييج..يلا..
من بعد ما لفت اسوي ع قولتها وقفها اسعيييد باشاارته..
روضه:هاااااه سو تبون ياليهال..؟؟
سعيد"يطالع حمد":شو راايج اتساابقييين؟؟
حمد:هيه يلا...
روضه"بدون تردد":يلا..لين العزب..
سعيد:هاه ادلينهن انتي العزب..؟؟؟
روضه:ادلهن وانا بنت رااسد..
سعيد:وانا اسهد..>>>هههههه..يتمصخر هو الثاني على حرف السين..
روضه:نذااااااااله وحقااااره..تتمصخر علي ويا رااسك..ادلهن وانا بنت راااااشششششد...والله اعرف ارمس بس هاه بسبة القويم..
سعيد:كيفي..يلا سبااق..
موزة:عااااااشوا عااشوا..عاشووووا والله عاااشوووا..عاااشوووا عااشووواا...وع قولت روضه..عااسوا والله عاااسسسووووا..
ويلست موزة تنعش بقذلتها كالعاده..وروضه زاختنها بنظرات عيونها لأنها تتمصخر عليها..
غبوش:اييييييييه انتي بتذبحييينا..
سلامه:رووضووه ودري هالخباااااال..انتي بتنفدييينا..
روضه:جججججججب..
بدى السبااااق..المتساابقين ما قصروا..شاديين حييلهم..وعند شلة رووضه..غبووش وسلامه عافداات ع رووضه..اللي خانقتها واللي اتمط شعرها..موزة مب منتبهه صااده عنهن..لين ما عصبت روضه وعضت كل وحده منهن..بس لازالن ايصاارخن..وشيلهن طاايره بسبة الهوى اللي يضرب بقوو..وكل ما بندن دريشه..ردت روضه وفجتها..والنهايه..وبدون اي رمسه..فااز فريق الشبااب..ويوم وقفوا ظهروا من السيارة نافخين اعماارهم..أما روضه ..لقتلها هزبه من عند يدوتها..عكس ابوها راشد واخوها محمد ما يرمسوونها متعوووديين علييها.. وهاذي هــي كانت نهاية روحتهم لعزبهم..
وصلوا بيتهم..واللي يشوفه يقول قصــــر..لأنه مبــالغ وايييد في تعديــــله..ظهـــرت الروض وهي مخيسه ترااب...طبيعي ايردن وحالتهن لله..بعد اليوم الحاافل بالمغامرات..وطت اللبن في المطبخ..وشخطته وييييييل فوق صوب حيرتها عسب اتبدل..
"رووضه..وهي بطلة القصه..ابنيه افقمـــة الجمـــال..يعني صج حـــلاها غييير..كل شي فيها مسسسسكت..شعرها بياضها اعيونها خشمهـــا وكل شي..وفــوق هاذا الجاذبيه اللي تتمتع فييها...خريييييييش وغبيه لأبعد الحدود..وسوالفها موول ما تخلص..دومها امسوية جو فالبيـــــت..ومغامراتها ما توقف عند حد..سرااقه السيااايير..وكبريائها وشموخها محد موصلنــــة...وتظهر للناس انها قويه..بس الصدق..هي اضعف ضعيفه افداخلها..يعني مرة تاخذ افخاطرها بس ما ترمس..عندها مشكله في نطق حرف الشين..بدل ما اتقول شمس..اتقول سمس..ابسبة التقويم..واقناعها صعــب..بس تروم تقنع غييرها بســـرعه"..
وبعد ما تعدلـــت تعديل بسيــــط..وشيكــــت ع تيلفونهــــا.. عقته ع الشبرية..وظهرت من الحيرة بعد ما خذتلها باتشي من ثلاجتها..عااد هااي الثلاجه يوم اتشوفونها..بتقولون دكااان..كل انوااع الكاافيااات والحلوياات عندها..وكرااتين بااسكن روبنز.."اخووها محمد مسميها محي الدين على اسم راعي الدكان اللي قرب بيتهم"..
شافت ختها شجون يالسه اترمس تيلفون..وهااي شجون كل حياتها تيلفون..افصف أول ثنوي..ومنعزله عن العــالم..أختها من ابوها بـــس.. جمالها واايد حلوو..شعرها لونه بني..وقاصتنه قصة فرااوله..ولون عيونها بني..وبشرتها بيضا ماايله ع الإسمـــــراااار..بس اللي مخــرب عليييــــها لســـــانها الطويل..واسلوووبها الإحتقااري..وما تدرس في مدرسة روضه..تدرس في مدرسة خااصه في العييين..وعندها دريول خاص ايوديها وييبها..
سوتلها طــاف ومشت عنهــا..لأن اذا رمستها ابكلمة اترد علييها ابعشـــر..شجوون موول ما اتقصر فالرد...أخــــــس عن ختها..هع هع هع ..
نزلت تحت وشافت عنودي بنت اخوها محمد..كـــاشخه ..وقالت افخاطرها اكيد بيسيرون مكـــان..شافت عليوه حرمت محمد..يالسه فالصاله بعبايتها.."عاد هااي عليا طييييييييييييييبه ومسكييييييييييينه وعلى نياتها..ودوومها ضحيه من ضحايا روضه وخواتها"..
روضه:عليووووووووووووووه عليووووووووووه طالعي سو تحت بيقرصج نشي نشي ما فينا ع المستشفيات..والمراابع صوب الدخااتـــــر..
صااارخت علياا وساارت تربع في الصاله شروات المينوووونه..
روضه:هههههههههههههههههههههههههههههههههههههه..
عليا:اااااااااه انا متى بفهم على حركاتج..خوفتييييييني..
روضه:خخخخخخخخخخخ..اقول عليووه وين بتسيرون..؟؟
عليا:زاخر صوب هليه..
روضه"وهي اتبطل التلفزيون":بتبطون اهنـــاك؟؟
عليا:لأ..بااجــر بنيي..
روضه:اهااا..سلمي على خواتـــج..وقولي لفطامي اني من متى ادق على تيلفووونها وما ترد..ويا راسها بنت الجامعه..
عليا:يبلـــغ..
من انتهـــت عليا من كلمتها..ظهر محمد اخو روضه من قسمهم..كــان كااشخ..واللي يميزه شعره النعييم..وقفت عليا..وزقرت على عبودي ولدها..وهاذا اكبر عن عنودي.. ما تلاحظون..كيف اساميهم؟؟..عبودي..عنودي..اشوي وبتستوي غنيه..هع هع هع ..هالولد شيطاااااااااان..على هيئة انسان..استغفر الله..بس علييه لســان وايحب ايخرب.."وهااي استوت قصيده"لازم يلمس هاذا ويلعب هاذا ويشوف هاذا..فضولي لأبعد الحدووود..
نشت روضه من مكانها وسارت صوب محمد وعليا..اونها اتوصلهم للبـــاب..وهي يالسه اتسولف ويا محمد..وتتمصخر ع اشكــال عياله..
الكل ضحك ع مصخرتها..وخص عبودي يفهم الرمسه بسسرعه ماشالله علييه..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 31-10-2008, 07:38 PM
صورة التركوآز الرمزية
التركوآز التركوآز غير متصل
кάωάii..♠«
 
الافتراضي رد: مع غيري العب و بين له مهاراتك كامله


شكرااا على البارت الرواية رااااائعه وبتمنى تكمليها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 31-10-2008, 10:22 PM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد: مع غيري العب و بين له مهاراتك كامله


.
.

يآهلآ فيك عزيزتي

موفقه بآذن آلله

منوره آلقسم من جديد ^،^

.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-11-2008, 10:00 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: مع غيري العب و بين له مهاراتك كامله


,’



عوافي عذاب
رووعه البدايه :)
موفقه كل خير ان شاء الله





,’

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-11-2008, 02:28 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: مع غيري العب و بين له مهاراتك كامله


منورين القصه حبايبي

ركبوا سيارتهم..وظهروا من البيت.. عليا ومحمد ثناائي رووعه مشاالله عليييهم..ودومهم متفااهميييين..وعليا اتكون بنت خالة روضه..بعد ما خذوا الدووااار اللي في الحوي..وهالدوار فيه نافووورة واايد عوودة..منظرها فليل روووعه..لأن ضوء الأنوار الملونه يرتفع فووق..ومن يطالع في النافورة..كأنه يطالع لوحه فنيه طبيعيه..
يلست روضه ع طرف النافورة..وتمت تلعب بالمــــاي..
روضه من خلصت ثاني ثنوي..سافرت ويا يدوتهــــا وعمها ذياب للندن..عمها ذياب عزاابي..وعمره صك التسع والعشرين..ومــع هاذا للحينه ما عــــرس..وهو اللحينه مسافر لمصـــر..بسبة شغلــه..عندها من غيره ثلاثة من عمومتها..اللي هوعمها سلطان ..عنده خليفه وحميد واخوهم حمد.."سبق وذكرت انه اخو روضه بالرضـــاعه.."..واختهم موزة ثالث ثنوي وافصف سلامي وروضه..وويا روضه افكل شي..مخروشااات من الخااطر..
وقوم عمها محمد..اللي هو ابو سلامه..عنده سهيل وسعيد وسلامه.. وكلهم بحرف السيييين....وعمها الثالث..علي..اخر مرة شافته يوم كانت افصف ثالث عدادي.. ..دومه ايسافر..بس يتم فيه تواصل بينه وبين ابو روضه واعمامها....ابد ما تتذكر شكله..واذا يأ الإمارات ما يكلف نفسه ايي ويسلم على اخوانه وعيالهم؟...امه اللي هي امه مقاطعنها..ودوومها يدوتهم تتشكى منه..كأنه انسان ما يهم روضه..وماسحتنه من القاااائمة..
تمت اتفكر فالمدرسه..وتمنت انها منعت نفسها من انها تتذكر المدرسه.. اتذكرت معاناتها ذيج السنه..المسكينه كانت تتعذب من رسايل الإعجاب والحب والهيام والعشق والغرام"أقولكم انا مستوية هالفتره شــــاعره ههههه"..
كانت اتيي من البريك اتشووف طاولتها ممزورة رسايل اشكال وانواع..وافعيد ميلادهــا اترد البيت محمله هدايا جنها الا بكساتني حمالي..هع هع هع..واتم مصخره بين خوانها حمدان ومحمد..واذا دخل عمها ذياب في السالفه..تتلعووز من الخااطر..حتى غبووش ختها تتمصخـــر عليهاا.....؟؟؟!!!!
كااانت اتعاني من هالبنات اللي ما عندهن سالفه..وكله ابسبة الجمال اللي وهبها اياااه ربي..كانت دووم محط الأنظار..افكل مكااااااااااان..لأن جمالها طغى على شخصيتها..ربي عطاها هاك الجمال اللي محد اتمتعت فيه من بنات العايله..
اختها شجون يوم اتشوف ربيعاتها..اتقولها انتي وحده ملكة جمال..كيف اترابعين هايييلا اللي ما يتشاهدن..ترى شجون ما يهما الا المظاهر ويا سماعتها اللي لاصقه في اذوونها اربع وعشرين سااعه..والمشكله خوانها ينازعونها كل يووم..بس هي مسوية طااف لهم..خاصتن حمدان..يمسح فيها الأرض..وهي ما عليها..
يلست روضه فالحـــوي..وشوي الا طابه عليها عموتها نورة"هاي اتكون ام سيف"..ويلست وياهن اتسولف..
وصبتلها روضه اقهوه وقربتلها الفوااالــــه..ويلست اتسولف فيا عموتها..ويت غبووش..
"غبيشه افصف ثاني ثنوي..شااااااطــــرة...همها الرقااد والدرااسه..معظم الوقت جديه..بس احيانن تستهبل واتخف دمها..بس مب قوية عين شرات روضه..بالعكس قلبها حنووون وطيب..وتصيح لأتفه الأسباب..واتم مصخره بين هلها لو اتشوف فيلم هندي..ومب نذله شرات رووضه..وسلامه وغبوش فريق..وروضه وموزة فريق..ضعيفونه هالكة عمرها بهالدراسه..عيونها مسككككته.."
وكانت غبوش ميودة صحن بيتزا..
غبوش:ويااااااااا مرحبا باللي لفانا..
أم سيف:مرحبااابج زوود..شحالج غناتي..
غبوش:بخير ربي يسلمج ومن صوبــــج؟؟
ام سيف:ماا نشكي بااس..
روضه:عموه وينهن بنــــاتج مـــاين..
أم سيف:خلودي اتقول تعبـــانه من هالبــرد..وفطامي بااجر الأحــد عليها امتحـــان..
روضه:هيه الله يعينهن عيــــل..
غبيشه:روااضـــي منو يـــاب هالبيتزا..
روضه:سوو درراج انتي هب عاايشه ويانا فالبيت..اليوم حمدان عطن من بوظبي..وياب هالبيتزا.."عطن معناها رد"..
غبيشه:يااالله فديته .. اتولهـــت عليه..وينه اللحينه..؟؟؟
روضه:وين بعد..صوب العرااقيب..امبونهم الشبااب ما يقصرون فالعرااقيب.
ام سيف:حتى سيف فديته ..نزلني اهنه بيت عمج محمد..وسار صوب عيال خوالــــه..شو عليهم افدييـــتج..الجو غااوي ويبون يستاانسووون..
روضه:هيه والله..ياا حظهـــم..مب سراتنـــا اذا قلنا لمايه ظهرونا مكان قالت صكن الدعنـــه..
أم سيف:هههههههه..ومنو بيفضاالج غناتي ايحوطج..ارروحهم يتحوطون..
روضه:مــا عليّه منهم..من بعد صلاة المغرب انا وسلامي وغبوس وموزانـــي بنخطف ع بنات الشعبيه وينتحوط..وبناخذ مريوومي وسهيله..امنو بييلس في بيته افهالجو الغـــاوي..
أم سيف:امبونها فطامي تبغي اتي..بس انا ما خليتها..محتشرة ع يمعة بنات الرمــــاح..
غبيشه"أم الدراسه":بس طبعن الإمتحاان أهــم..ما يتعوض..بس يمعة البنات تتعوض.
روضه:بلعي لســانج يالمصرية..تولهنا عليها فطاامي..
ومن بعد ما ين اليده العوده وام روضه وغبوش..استأذنن وسارن يتحوطن فالشعبيه ..ويا بنات عمهن وبنات ييرانهم..ما سدتهن حواطة السيااارة...!!!!

. . . . . .

والله مانسى كلمة منه جتــــني..فيها مــلك روحي وقلبي صـفاله
كلمة حبيبي من حبيبي شرتني..وأصبحت ملك له ولا ابغي بداله

بيت بو سيف..
الساعه 10ونص..

صاارخت خلوودي وهي محرجه ع ختها فطووم الخرييييييش..
خلودي:فطووووووووم تعالي وين شااردة عنيه..
فطوم"تربع ع الدري":هاهاهاهااهاهاهاهاهاهاهااااااااا..
خلودي:فطوووووووم ان ماااييتي ياا ويلج..
فطوم"تطالع خلودي بغييض":ماااااااارييييد..
خلودي:اقوولـــــــــج ييبي الصـــــــورة..والله بخبر عليييج سيفاااني..
فطوم:شو بتقولين لـــه؟؟فطوم شلت عنيه صورة حبيبي سلطــــــان..
خلودي:اوووهووو والله بصييح ييبي الصورة..هااي عاشر مرة اتشلينها عنيه..
فطوم:الليله رقدي بلياااهاااا..بتروومين؟؟
خلودي:ماارروووم ارقد بدون ما اشوف صوورته..
فطوم:وبدون ما تلويين عليها..اعــــــــــــــــرفج..سااد هاك اليوم زخيتج..هاهاهاهاا..
وصلن للصاله التحتيه..وما زالت خلود تربع ورى فطامي..وفطوم ما تبغي تعطيها الصورة..والصورة صورة سلطان ..خطيب خلودي..واللي ملجتهم بعد اسبوعين..
اتحولت الصاله لحلبة للمصااارعه..استون يتفاارن بالمخدات الصغـــار..خلودي كانت لابسه كندورة..اما فطامي لابسه بيجامه ورديه..وفااجه شعرها القصير..اللي واصل لنص ظهــرها..هن حليوات مااششااالله عليييهن...وفطوم أحلى..لأنها تشــابه اخوها سيف..أحلـــى وااحد فالعاايلة....؟؟!!
خلود:ماا عليه بقول لماايه يوم اتيي انج ما ذاكرتي ولا فجيتي الكتااب..
فطامي:ماعليه ياا جذاابه..وانا بقولها انج محتفظه ابصورة سلطان..
خلود:فطااااااااامي..
فطامي:خلوووووووودي..
خلووودي:اوووووووهـــــــــــــــو...
فاطمه:منج..
دق تيلفون خلودي..
خلودي:هلا بالرووض..يسرج الحال ومن صووبج؟؟يااا حظكن..لااااااا لا تقوووليييين..انا كنت بي..بس المشكله تعباانه..ربي يسلمج ويسلم غااليييج..انزين..لا هااي فطوم ملعوزتني مااخذه صورة سلطان وتربعبها فالبيييت..هههههههه..يبلغ..في حفظ الرحمن..
وبندت عنها وطالعت افطامي..
فطامي:شو تقول رواضي؟؟
خلودي:اتقول انهن متيمعات كلهن مع قووم مريووم وسهيله..
فطامي:مريوووم..لا فااتتني المصخــره الصرااحـــه؟؟ااااااااه ليتني سرت ويا اماايه..
خلودي:ييبي الصورة..
فطامي:مااريد..
خلودي:ان يودتج والله لكسرج..
فطامي:شو الأخت عصــــــا..؟؟
انفج باب الصــــاله..وحدر سيف اخوهن..تم مبهت فيـــــهن..وعلى طوول فطامي حطت يداتها ورى ظهـــرها..وخلودي اشوي وبتظهـــر عيوناتها..
ام سيف:لا زييييييييين والله..يا زينكن من بنـــــــات..جيه مسويات فالصـــــاله..
خلودي:امايه كله من فطامي..حتى الكتااب ما فجته..
فطامي:امايه كله من خلوودي هي يالسه اتقولي شو تبين من المذاكرة خلينا انسولف ونلعب اونها ملاااانه..يااخي عرسي وفكييينا..
خطفهن سيف..وشكلـــــــــه متضاااااايـــــــــج..طالعته فطاامي..وصدت صوب امها يوم شافت ان سيف حدر قسمه..
فطامي:امي بلاه ولــــدج..
ام سيف"سايرة لحيرتها":ااااااه يا هالولــــد معذبني..بياكلي فؤاادي..كل ما رمسته افسالفه العرس..تضاايج وحااس ابووزه..
فطامي"اتطالع ختها":بلااااااااااااااهم؟؟
خلودي:اقووووووووولج ييبي الصوووورة..
فطامي:رقدي بدوووونها..نياههههه..
وربعت فطامي فوووق..وخلت الأخت خلودي اترتب الصاااله...
"فطامي..اول ثنوي..بنت عمة روضه..خبله..رااعية المغامرات..دومها تستويلها مووااقف..حياتها ع المسن..دوومها ويا ربيعاتها"..
"خلودي..انسانة رومانسية..طيوبه..حبوبه..عسوله..حلوة..فيها من الجمال الهندي..اتحب سلطان ولد خالوتها..وملجتهم بعد اسبوعين"...

. . . . . . . .

اسراب حبك جاتني سرب مع سرب..واتسيدن كل الضمير وسرنبـي..
لحظه بعدك في الحشا ولعت حــرب..نيـــــــرانها بين الحنايا تشبـي..

بيت بو سلطان..
الساعه12ونص..
حيرة شيخاني..

وقفت شيخاني من بعد ما بندت الاب توب بقوووووة.."اوووووف ملل"..شلت تيلفونها وطرشت مسج لربيعتها حصـــــــــة..تتخبرها راقده ولا لأ..بس حصه ما ردت ..يعني اكييد راقــــــــــده..نزلت تحت..ويلست فالصـــاله..وتمت مشغله التي في بصووت عــــــالي..فالوقت حدر عليها اخوها سلطان..
سلطان:السلام عليكم..
شيخاني"بدون نفس":وعلييكم..السلام..
سلطان:شو مااشي مداارس بااجر..
شيخاني:امبلا..بس عندي موعد بــــــاجر..وبغييييب...
سلطان:موعد شوووو؟؟
شيخاني:يظهرون التقويم..
سلطان:جيه بسرعه خلصتي..
شيخاني:هيه..
سلطان:اووه عيل انا بعدني مطوووول..قالولي بعد سنه وشي..
شيخاني:هيه..
سلطان:يلا تصبحين على خير..
شيخاني:وانته من هله..
سار سلطان وخلى شيخه يالسه ارووحها فالصـــاله..وصلها مسج..

"رااقده؟؟"

طرشت مسج..

"لأ بس مب فاضيه حقــــك"..

وصلها مسج..

"شو عندج؟؟"

طرشت له..

"قبل ما ارقد بسوييلك"..

نشت من مكانها وهي اترد خصلات قذلتها الطايحه ورى أذوونهـــا..من وصلت فوق.. وصلها مسج..

"اوكيك اترياااج غنـــاتي.."..

قرت المسج واستاانست..لأنها متأكـــده ان هالرمسه ظااهره من قلب كاتبها..ورااحت ترقد مسويه لهالرمسه طاااف..
هاي شيخه..امها تكون اخت نورة وابو روضه وابو سلامه وابو موزة..يعني شيخه بنت عمتهم..ساكنين في بوظبي..صف ثاني ثنوي..نذذذذذذذذذذله بشكل ما تتووقعونه وقلبها اسوووووود..وفي الشكل ونسسسسسسسسسخه من رووووووضه...وتشاابهها واايييييد.."بس روضه احلى"..تراها تكره روضه وما ادانيها..حتى قوم روضه ما يدانونها..ومحد يرويها شغلها الا موزة..تأدبها من الخااطر..الكل مستغرب كيف روضه اتشااابه شيخاني..ترى راشد"ابو روضه"..وغبيشه"ام شيخاني"..توووم..ويشاابهون بععععض واايد..وشيخه ظهرت على امها..وروضه ظهرت على ابوها..وخذن نفس الملاااااامح"ترى عندنا ثنتيين من بنات العاااايله جيه"..
ابو شيخاني شاااااااااايب..يعني مرة كبيير فالسن..ودووومه تعبان و فالمستشفياااات..اما سلطان اكيد عرفتوه..هاذا اخو شيخاني وبيااخذ خلووودي..

. . . . . . .

اتمنى قربك ولكن كيف يا عـــــمري .. ما تـدري عني ولا ادري باحـوالك ..
اتعبني قلبي وصبري يشتكي صبري .. يا ليت عيني تشوفك واتّشكّى لك..

بيت بو عبدالله..
الساعه 10ونص..
يـــوم الإثنين..

بندت موزة الابتوب..وظهرت من حيرتها ابسسرعه..جان تنزل الحوي واتشوف ابوها وأمها يالسين..سلمت عليهم وسارت بيت عمها راشد..ابو روضه..فالدرب..وقفت سيارة..صدت موزة..جان اتشوف واحد من الشبـــاب..يطالع فيها..بسرعـــه حدرت البيت..وهي تنتفض.."هااذااا لين متى بيتم يلاحقنــــي"..رددت هالجملـــه افبـــالها..وكملت دربها..
"موزة..عرفتوا انها بنت روضه..وأخت حميد وحمد وخلوف..انساانة صريحه لأبعد الحدود..وصراحتها دووم تجرح..صحيح ان قلبها طيب..بس دوومها ما تثمن رمستها..الا بعد ما تقولها..فيها الجمال اللي يلفت الأنظار..وخاصتن شعرها المايل للون البني..واصل نص ظهرها..ولون عيونها العسلية..من بين بنات عمهن..تبين القزوومه..قلبها طيب وتحب النقااش..واتموت ع النت..."
وسارت موزة صوب روضه..اللي كانت يالسه ع دري الباب..وميودة كتااب الدين..
موزة:مرحباااا..
روضه:مراااحب..هاه خلصتي..
موزة:هيه من متى..يلست ع النت اشوي وييتج..وانتي؟؟
روضه:تونيه مخلصه اخر درس..
موزة:يالله الله يوفجنا..
روضه:اميين..
موزة:دقيتي لسلامي..
روضه:ردت عليه عمووه حليمه..قالت رااقـــده..
موزه:عيل متى بتنش ومتى بتذااكـــر هالبنيه..؟؟
روضه:مادري فيها..قومي سرييييييييينالها ادبناها..
موزة:ههههههه..يلا..
نشن الثنيتن..وكتاب الرووض افيدهــــا..وسارن بيت عمهن..وسارن لسلامي فووق..وموزة ميودة اكتااب روضه...وروضه ميودة كوب مااي باارد..فجن البااب..
موزة:سلامي سلامي..
سلامه مطنشه..رااقده..
روضه وبكل نذااله صبت المااي ع سلامه..
سلامه:سخييييفاااااااات اباااا ارقققققققد..
روضه:مااسي رقاااد..نسي ذاااكري..
ردت سلامه ورقدت..
موزة:وبعدين ويااهااا هااااي..
روضه:برويج فيها..سلامه سلامه نسي خليييفه يبااج تحت اللحينه..
سلامه"اتفز":شووووووووو؟؟وويينه وييينه؟؟
روضه:هههههههههههههههههههههههههههههههههههه.
موزة:نشي نشي يبااااج..
سلامه:حلفن؟؟
روضه:ماجذب نسي يلا..
موزة:نشي قبل ماا يسير..
سارت سلامه الحماام الله يعزكم وتغسلت..واكتشفت انهن يجذبن علييها..
سلامة:والله ان ما خبرت علييج حبيبج يا رواضي ما اكون سلامي..
روضه:ماا عليه منج..جنه الا بيمتحن هو اللحينه من رمستج..
موزة:لا واثقه..
روضه:الا مليوون بالميه..
وتمن يذااكرن..ما ينلامن بنات ثنوية عااامه..ع الساااعه 12ونص..ردن روضه وموزة بيوتهــــن..
روضه يوم حدرت بيتهـــم..ما شافت لا اخوانها ولا ابوها..وتمت ياالسه عند امها اللي توسوس بغيياب الشاايب وعيااله....لين ما انفج الباب العوود مال الصاله..
وحدروا ابوها ووياه حمدان ومحمد..واخر شي حدرت ابنيه افطوول روضه..لابسه عبايه وشيله..وجحالها سايل ودموعها ع خدها..ونظرة الحزن افعيونها...............؟؟؟!!
وقفت روضه من جافتهم..طالعت امها..منصدمه...؟؟!!منو هااي اللي يت..؟؟؟

هاذا هو الباارت الأول.

اتمنى انه يعيبكم..

ظنكـــــم منو هالبنيـــه اللي حدرت بيت قوم بومحمد؟؟
ظنكم رواضي اتحب منوو؟؟
وظنكم شو سالفة هالريــــال اللي يلاحق موزة..؟؟
ظنكم شيخاني..اترمس منو؟؟وهل له صله فيها..؟؟
ظنكم سيف؟؟هل له دوور في حيااة روضه وغيرها..؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-11-2008, 02:29 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: مع غيري العب و بين له مهاراتك كامله


الــ ج ــزء الثــاني..

••.•°¯`•.•• دنيا غ ــريبة ••.•°¯`•.••

انا احبك واحبك من صغر سني..ما أبـــــالغ ان قلت لك من يوم ميلادي..
اكبر ويكبر غلاك لين جــــــنني..غصبن عن عيون حســادك وحســادي..

طالعت روضه..ميدالية حرف الإس..اللي معلقتنها افموبايلها..كيف شكله كبير..مقارنتن بحرف الآر..الصغير..الآر كاان حرفها..ولمست حرف الإس ابكل حنيـــه..لأنه ببساطه حرف حبايبها...وصدت صوب سلامه اللي كانت يالسه عدالها..وزختها بنظرات عيونها..و سلامه من شافت روضه ابتسمت..وبلعت لها حبة جلكسي..كأنها اتلطف الجو..
تمت روضه اتطالع البنيه..الحزينه..التعيسه..اللي كانت جدامها..اسمها شمسه..فيها بياااض ماااشااالله..ثمها صغير ولونه وردي..عيوناتها حلووة..حياتها مقارين..شعرها قصير..اتطالع جمالها الرباني واتفكر في حياتها الأليمة..
قطعت افكــارها صوت سلامه..وهي تستأذن عسب اتسير لبيتهم.. نشت سلامه ونشن روضه وشمسه وياها..
روضه:حراااااام عليج سلاامي يلسي اسوي..
سلامه:يلااا..الساعه صكت الوحده..بويه لو درابي بيقصبني اقصااب..احسن لي اسير..
روضه:نوري بيتنا بااجر..
سلامه:ياللوتيه..كل يوم عيد..باجر تعالي انتي وييبي شموس ويانا..
روضه:افديتها خويتنا اليديده..قمر من حلاتها..
سلامه:هههههههه..لا تنسن تعالن بااجــــر..
روضه:لا تخااافيين بنيييج..بس لا ترقدين العصر..
سلامه:اوكيييك يلا مافي مشكله..يلا مع السلامه..
شمسه وروضه:الله يحفظج..
ظهرت سلامي من الباب الي فالسكـــة..فالوقت اللي صدت روضه صوب شمسه..ويلسن ع طرف النافورة..والأضوااء مرة تضرب في ويه روضه..ومرة تضرب في ويه..شمسه..شمسه للحينه يلست عند قوم بو محمد أسبووع..وفهالإسبووع..اندمجت واايد ويا رووضه..وحيرة شموس عدال حيرة غبوش وروضه...ومعظم وقتها ويا رووضـــه..وروضه اقنعتها تدخل المدرسة..وتكمل الدراسه..بس شمووس ما تبا..؟؟
شموس:شكلج اتحبين هالمكان واايد..
روضه:هيه..اقضي وقتي اهنه..
شموس:تدرين رواضي..
روضه:ســو؟؟>>>عاد هاي ام الفظول ؟؟
شمسه:هههههههههه..لا تقولين سو..قولي شوو؟؟
روضه:حراام عليييج..والله يوم اظهر التقويم بتسوفين رمستيه كيييف..بس هاه بسبة التقويم..
شموس:خلاص عيل..
روضه:يلا سموس قولي سو عندج؟؟
شمسه:احس من نظرة اعيوووونج انج تبين تسأليني..صح؟؟
روضه:امممم..كيف عرفتي..؟؟
شمسه:اممممم..اعرف لغة العيوون..سألي وانا بجاوبج..؟؟
روضه:سمووس..قوليلي عن حياتج في الكويت..قوليلي عن عمي علي..الله يرحمه..وقوليلي عن أمج..خبريني عن دراستج وربايعج..وقوليلي عن هواياتج..ومواهبج...ابغي اعرف كل شي عنج..يعني طوول هالفترة اللي يلستي عندنا..ما رمت ايلس واتخبرج عن هالشي..الا من بعد ما خذتي عليج وانتي خذيتي عليه.....؟؟
بدت ترمس شمووس..وروضه ما قاطعتها..كانت تسمعها..وكأن فيلم ينعرض جدامها من حياتها الغريبه..صج هااي الدنيا ما ترحم حد..لا صغير ولا كبير..اياً كان وولد منو وشو أصلــــة؟؟روضه..ما كانت متوقعه انها بتفتح جرووح عااايشه افقلب شموس..افقلبها اللي وده يتنااســـى هالجروح دامها فداار بو خليفه..
شمسه:شو اقوولج يا رواضي..اخافج تنثغين منيه..
روضه:أفـــــــــــا والله..ما توقعتها هالرمسه منج..
شموس:خلاص عيل سمعي..ابويه الله يرحمه وامايه كانوا دوومهم يتضاربون..وانا وحييده ما اعرف شو اسوي..اذا ظهر بوييه الله يرحمه من البيت..اسير صوب امايه..الاقيها متزهبه عسب تظهر من البيت..وكانت امايه حشييم..بس ما تلتزم بالعباايه والشيله..عكسي انا كنت ملتزمه بعباتيه وشيلتيه..حتى يوم اسير اللمدرسه..البنات يستغربن منيه..لأنــي انا عاايشه فالكويت ..فليش ما اكون
شرات "معظمهم"..او بالأحرى شرات ماماتي..وكنت ما ارمس كويتي..كنت ارمس اماراتي..لأني اماراتيه ..وما قد مرة شفت الإمارات الا يوم ييت اهنه..كنت اشوف مسلسلات اماراتيه..واقرا قصص اماراتيه من منتديات مختلفه...عسب اخذ فكره عن مجتمعي اللي ما قد مرة اتعاملت ويا هله..واللي عشت فيه اول اربع سنوات من عمريه وبعدين سرنا للكويت..
من توفى ابويه لله يرحمه ويغمد روحه الينه..امايه جنها الا استانست..وهالشي اللي قاهرني..وقالت لي انها بتردني صوب عمومتيه..يتصرفون افحياتيه..هم بدال الواحد..ثلاثه..هي ما تباني..لأنها تبغي اتعرس..وابسهووله دقت لعمومتيه..وانا بعد تحت تأثير صدمة وفاة اغلى انسان افهالدنيا..اللي ما اعرف افهالدنيا اللي هـــو..اللي وعيت على هالاالم وهو الوحيد المهتم فيني..من شفت عمومتيه..وخاصتن عمي راشــد..يوم شافني اصييح وخذني بالأحظان..ذكرت بوويه الله يرحمه..وانا مستااانسه حييل لأني فاارجت الكويت..بسبة امايه..وفارجت الأرض اللي عانيت فيها..وكنت بعد متضاايجه حييل..لأني فارجت البلد اللي ربيت فيه..وكبرت ..وعرفت الدنيا فيييهــا..بالمختصر..انا انسانه مشتته من الداخل يا روااضي..
سكتت شمسه..و رورضه بعد سكتت..العبرة خانقتنها..معقوووله..هالإنسانه الرقيقه الطيبه..كانت اتعاااني..معقووله..عم روضه..اللي هو علي.. ايسوي جييه..يعرس من وراهم من سنين..وبنته ع عمر روضه..يعني من 19 سنه...ولا مخبر حد..ولا..وكان عايش اول اربع سنين من عمر بنته في الإمــارات..يعني معقوووله محد حس فيه ولا درى عنــه...معقوووووله؟؟انزين محد بيعارضه اذا خذ كويتيه...شو فيها..؟؟الكويت هم اهلنا واحن منهم وهم منـــا..غرييييييبه هاذي الدنيا..
تمت روضه اتفكر ..للحظه حست ان ربنا ارسل لها شمووس..عسب اتسااعدها..وتنسى معاناتها..انها اتحااول اتغير مجرى حياااة شموس..تندمج ويا هالعاايلـــة كلهـــم..لأنها منهم وفيــــهم..وهالشي افنظر روضـــه..مب سهــل..بس روضه عزير ومن تعزر ع الشي اتسوووييــــه..
روضه"اتغير الساالفه":سمووسي صوتج حلوو..غنيلي..؟؟
شمسه"منصدمه":كيف عرفتي؟؟
روضه:سمعتج وانتي افحيرتج تغنين..
شمسه:اهــا..شو تبيني اغني..؟؟
روضه:اي سي..
بدت شمسه اتغني : من زمانن وانت عن العيون غايب..وبغيابك كم صابتني مصايب..وش يسلي النفس في بعدك حبيبي..كل دقيقه اتمر في قلبي لهايب..
حكمت الأقدار تبعدنا وتجرح اه ليتنا على الدنيا قرار..وين يرحل وين تسريبه سنينه..من غدى في سحرك الفتان ذايب..من زمانن وانت عن العيون غايب..
وبغيابك كم صابتني مصايب..
شو اقولكم..شو من مشااعر حست ابها روضه ذيييج الساعه..رنات صوت شموس الرقيق دخلت افقلبها وتخلخلت بين حنايا خفوقها الولهان..صوتها..عذاااب بمعنى الكلمه..ذبح بمعني الكلمه..حلوووو بمعني الكلمة..ذكر روضه في حبيبها اللي تولهت عليييه..حبيبها ياما تحمل عشاانهــــا..والحمدالله آخـــر شي..ربي جمع من بينـــــهم..
شمسه:وسوااااالم..
روضه:وعسى من قال سوااااااااالم يسلم..علني فداااااااج وعلني فدا صوووووتج الغاووي..في ذمتيه انج طر كسرتيم..
شمسه وخدودها امحمرات: اوووه عن يكبر راسي اللحينه..ما حب حد يتمدح فيني..
روضه:عندي نكته..
شمسه:سمعيني اياها..
روضه:مسكين ومسكينه يابوا ولد..سموه يكسر الخاطر..
شمسه:هههههههههههه..حلووووووة...
روضه:يلا قوليلي نكته..
شمسه:اسمعهن بس ما ارووم اذكرهن..
روضه:..امممممممم..عندج ساعه..؟؟؟
شمسه:هيه..تشير الساعه إلي الثانية عشر والنصف..
روضه"ميودة بطنها":يووووووووعاااااااانه ...نسي بنسويلنا أكـــل..
شمسه:يــلا..
ومدت يدهاا صووب روضه..ويودت يدها ونشت..ومشن ارباعه صوب المطبخ وهن يسولفــن..وحدروووا المطبخ..ويلست رواضي ع الطاوله من بعد ما ظهرت الفيليه..
شمسه:بتخبرج انتي اشعنه لابسه شيله افبيتكم..محد ايي..
روضه:امممم شو اقوولج..حبيبتي احن بدوووو..ولازم نلبس سيلنا..صحيح انيه يوم اكون في الطابق الثاني..افجها ..بس تحت لازم التزم ابها..سوااءً في الصاله في الميلس في البيت الزجاجي في الخيمه ..في المطبخ والحوي..
شمسه:والسبب؟؟
روضه:احن عندنا الرياييل دووم اييون صوبنا ويسلمووون..خص ان بيتنا عدال بيت عمي محمد..وبيت عمي محمد من الساعه عشر سباب الرماح يسيرون اهناااك..وخلاف يظهرون صوب بيتنا ويسلمون؟
شمسه:حتى ولو بدوون مناسبه..؟؟
روضه:هااييل اهلنا..ومن حقهم ومن حقنا انسلم عليهم ونعرف اخبارهم ونيلس ويااهم..
شمسه:وعيال عمج..؟؟
روضه:اعيال عمي؟؟بلاهم؟؟
شمسه:تغشين ويهج عنهم..
روضه" اتفهمها الوضع":سمووس تراهم الا عيالي عمي..امبووونهم اللي يقربولي..لزوومن علي اسلم عليهم..وان خطفت وماسلمت..بينقدووني..بيقولوون هااي شايفه نفسها وخااقه بعمرها....وانا من يشوفني ايقوول جيه..عاد لو ما سلمت..أطيييييح من عينهم..وما اتغسى عنهم...
شموس:اشووووووووووووو؟؟يعني انتوا تختلطون ويا الرياااييل..عادي عندكم؟؟
روضه:هيه عاادي..بس كلن يييلزم احدوووده...
شموس:وتيلسين ويا واحد منهم اروواحكم ..عادي؟؟
روضه:لااااااااااا قويه هاااي...لازم ايكون حد عندنا..وانا محد عندج..سلمي علييه..وتخبري عن اخباري..وييبي قهوتج وصبيله فنيال وحطيه جدامه..ودبري..>>>يعني روحي..
شموس:كل هل الإمارات جييه..؟؟
روضه:لأ مب كلهم..بعضهم حضر..وهاييلا موول ما يظهرن جدام حد..حتى ولد عمها ولد خالها...وان ظهرت ما اتسلم علييه..اما بعضهم سراتنا...بس سرط اتكووون مغطيه ويهها..تتصرف عاده هي..ببرقع...بغسوه"بغشوه"..بس ما تظهر وهي كاسفه وييهها..وتيلس وتسلم واتدق سوالف عاادي..
شموس:اممممممممم..ما أحب اختلط ويا الرياااااييل واايد..
روضه:لييس اتخافين؟؟؟
شموس:لأ..مب مسألة خووف..استحي واايد..
روضه:سو له تستحين..هاااييلا هلج..
من قالت جيه..حدر عليهم حمدان..جان تتحجب شمووس..وهي اتطالع روضه...
حمدان:السلااام عليكم..
روضه وشمووس:وعلييكم السلام..
نشت روضه وايهته..لأنها ماااااااا شافته هاليووم كاامل..
حمدان:شحاااااااالج..؟؟
روضه:بخير ومن صوبك..؟؟
حمدان:ما نشكي بااس..
روضه:هاه وينك مختفي عن الأنظار..
حمدان:والله من يوم ما ظهرت من الدوام..صكيت خط دبي..عندي شغل ويا سيف..
روضه:ووينه سيف..من زمان ما يأ صوب الرماااح..
حمدان:عاد هاذااك ابرووحه سالفه..بزنس ماان..وين تبينه يفضى لهالسوالف..
روضه:ياللا الله يوفجه..وشو حالها ريسه..ماسفتها يتنا.؟؟.>>ريسه حرمت حمدان..
حمدان:تعباانه..الولاده قربت..
روضه:الله يسهل عليها..
وصد حمدان صوب شمسه اللي كانت ميودة كرتون الفيليه..
حمدان:شحالج شمسه..؟؟
شمسه:بخير ومن صوبك؟؟
حمدان:يسرج الحال طولي بعمرج..شمووس..اعتبري البيت بيتج..واعتبرينا شرااات اخوانج..وان شي ناقصنج..امممممممرة..تحت امرج..وما يردج الا لساانج...
شمسه:تسلم يا حمدان ما تقصر..
حمدان:الله يسلمج.."وصد صوب روضه"..هاه الخقاااااقه..وشعلووومج؟؟
"حمدان..هاذا اخو روضه..عمره 25..فيه شي يجذب الأنظاار..عرس وطلــق..مع انه كان ماخذ وحده من قرايبهم..واللحينه ماخذ أخت عليــا اسمها ريسه...بس هالفتــرة هي عند أهلها..لأن قريب وبتولد..يشتغل في ابوظبي..وعنده بيت اهناااك..وكل ويكند يكون اول العرب عند هله.."
ويلس ع الكرسي..بعد ما سحب روضه من شعرها..وخلاها واقفه ع ريولها..من بعد يلستها الأوليه..
روضه"اتعدل قصتها":حمممدوووني يعني لازم اتسوي جيييه..ارمس بدون مؤثرات حركيه..
ضحكوا على تعليق رواضيي..خلصوا السندويشات..وطبعن حاسبين احسااب الشيخ حمدان .. ظهروا من المطبخ..حمدان جدام روضه اللي كانت ميودة صينية فيها أكواب العصير..قرشة بيبسي كبيرة..وشموس ورا روضه ميودة صينيه فيها السندويشات..
ومن بعد ما خلصوا الأكل..وسارت روضه حيرتها..ودقت ابوووها نووومه..أما شمسه من حدرت حيرتها..اختلت بأفكارها اللي دووم تغزيها فهالوقت ..قبل رقادها بالضبط..
بالفعل شموس حبت الكويـــت..الا تمووت فيها..بلدها والمكان اللي تربت فيه..الكويت..داار العز والفخر..معروفين بهلها الطيبين ..هاذي داار أل الصبااح..هل الجود والكـــرم..قلبها ما قواها ع فراااق الكويت..بس الناس أجنااس..مثل مافي كل بلد من النااس الطيبين والنذلين..امها ما اهتمت فيها..ولا عطتها اي اهتمام..وكأنه من بعد وفاة ابو شموس..شموس اتوفت ويااه؟؟؟
رجعت شموس بذكرياتها القديمه..اقصد ييرانهم..كيف كانوا ايعاملونها..كانوا ايحبونها ..وما يذكرونها الا بالخير..وعاشت الفرح والحزن وياهم..ويا صديقة عمرها أمـــل..
هلت الدمعه بعيونها وهي تذكر كل مواقفها فالكويت..مستحيل اتفاارق ذيج الداار..لازم اتردلها افيوم ..لأنها من اللحينه اتولهت عليها..ولازم اتشوف أمـــل..
..وردت شموس لحاضرهاا..لازم اتعيش يووومهــــا..واتعيش كل لحظه بلحظه..
رقدت شموس ..وقلبها معورنها ع فرااق بلدها الثااني..البلد اللي ضمــها في بداية شبابها..ولكن الشي لازم ايرد لأصلــــه..لو شو ماا يصير؟؟

. . . . . . . .

بعدت ومـــــرت الأيام..وقلبي ما سـلا عنكم..
فوادي في هواكم هام..وطول الوقت يتبعكم..

الأحــــــــــد..
بيت قوم سلامه..
الساعه12ونص..

صدت سلامه صوب الكتـــاب..جان اتطيح عينها ع أسم خلووف..تفدته افخاطرها..نشت من على الشبرية..وشلت كتاب التاريخ..وظهـــرت من حيـــرتها..ع أساااس إنها بترووح المطبـــخ..
"سلامي..انســانه رومانسيــة..حســاسه رقيقه..وشبه دلوعــة..بس غبيه..يعني الإستيعاب عندها بطــئ..وسنــة لين تفهم سالفه..شعرها طويل واســود..وفالملامح اتشاابه اخوها سعيد..نفس العيون والخشم..محيرة عاد هااي خلاص..بتاخذ خلوف من اتخلص الثنويه..خلوف واقفلها فالبلعوم..وملجتهم كانت ذييج السنه..يعني يوم كانت ثاني ثنوي..وتموت فيه..بس احيانن اتطنشه وتحرق دمه.."
وصلت للمطبــــخ..وقالت بتسويلها اندومي..وطت الكتاب ع الطاااولــــة..وبدت اتشوف شغلتــــها..ومن خلصـــت..ظهرت صوب الحوي..ويلســت ..اتراجع اللي ذااكرته.. وتـــاكل..مـــا حست الا بخليـــفة..وااقف ع راسها..سلم ويلس حذاالـــها..
خليفة:شحـــالهم الشيوووخ..؟؟
سلامه:يسرك حــــالهم..ومن صوووبك..؟؟
خليفه:مااا يشكون الا فرقـــاكم..
سلامه:خلووف بلاك ما تنشاااف..تقهر انته الصررراحــــــــه..
خليفه:يــــــا حلووو عتااابج..
سلامه:بسسسسك خلووف..
خليفه:اول مرة احس اسمي حلووو..
سلامه:................
خليفه:شاللي افخااطرج..؟؟
سلامه:لييــش مطنش..
خليفه:انا ولا انتي؟؟
سلامه:اسأل عمرك...
خليفه:تدرين انيه مقهووور..؟؟
سلامه:مــن شـــووو؟؟
خليفه:انــج اللي تبدين بالصد وتهجـــريني وتبتعدين منـــي..واذا شفتيني كأنج شفتي الموووت..وخلاف تتفيجين لي واتقولين انته يا خليفه الي اتصد وتطنش وتبتعـــــد..ومع هاااذااا أناا سااكت..تدرين افشوو افخااطــرية..؟؟
سلامه:شوووووو؟؟
خليفه:أعطيييييج هاااك السطاااار..عسب يرد لج عقلــــــج..
سلامه:شووو؟؟خلوفي اهوون عليـــــــك؟؟
خليفه:هههههههههه..هيه اتهونين..
سلامه:تدري انا الغلطانـــة اللي يااالسه عندك..خوز عن دربي..
خليفة"ميود يدها":والله ما تسيريييين..يلسي..
يلست سلاموه وهي تتنافــــخ..
سلامه:شو هالرمسه اللي اتعقها اليوووم..اففففف..خذيت افخااااااااطرية..
خليفه:تدرين بقوولج شي..واباج تنشريييينــــه..وما تخلين حد الا وقلتي له..
سلامه:عاادي بقوول لرووضه وهي بتنشر..
خليفه:ادريبها قنااة الجزيرة..
سلامه:زين يلا بمووت من الفظووووول..
خليفه:أمووت انا ولا انتي..
سلامه:وبعدين يعني..يلا ابغي ادرس..
خليفه:افااااااا..اللحينه الدرااسه اهم مني..تبين اتجاابلين هالكتااااب وتفارجيني..
سلامه:خلووف فديتك يلااا قووول..حرقت اعصاابـــــــي..
خليفه:يااللله كم بصبر أنـــــــا..شو بيرقدني الليله..اقييين اقييين بليييييز..
سلامه:مصدق رووحك انتــــه..بتقول..ولا؟؟
خليفه:سمعي..
سلامه:شووووو؟؟
خليفه:أحببببببببج..
ماا بقول ان سلامه انصدمت..ولا بقول انها ابتسمت..ولا صااحت..لأنهــــا بالأصل..تااااااهت فعيووون خليفه..ادقق فيــــهن..بالفعل هالإنساان يحبها ويموووت فيها..والأحلـــى هي اتبادله الشعووور..هو يتحرقص عسب يشووفها..يستاانس اذا رمسها..ماااات اذا شاف بسمتها..
تموا يطاالعون بعض..وكأن الزمن وقف عند هاللحظه وبس..وهالساااعه تبى ترتااح اشوي..فالوقت اللي خليفه وسلامه سرحانين افبعـــض..قطــع هالصمت ..اللي هو صمت العشاااق..نبرة صووت خليفه وهو يكمل ..
خليفه:والله اني احبج..كثر ما قالها العشااق..
كثر ما بعدتي عني..
وكثر هالحزن اللي في عيوني..
وكثر ما قالها الإنسان اللي مفاارق الأحباااب..
أحبج كثر ذرات الرمال..
كثر قطرات ماي البحاار..
وأحبج كثر ما سطرت الأقلام هالكلمه..
وأحبج حتى لو تجفيني وتكرهيني وتصديني وتبتعدين عني....
احبج لو حتى ما تحبيني..
أحبج لو حبيتي غيري..احبج واعشقج والله..
احبج ودنيتي ما تسوى بدوونج..سلامه..صدقيني احبــــــــــــج..
مشااعر حب ومودة زاادت ..عسب تسكن قلب سلاااامه..هاااجت لهالشخص اللي جدامها..خفق قلبها برنة صوته..تعتبره هو كــل شي افحيـــاتها..بكل بسااااطـــه هي اتحببببه مووووت..
"خلوف:اسمه خليفه..امممممم..اسلوبه كششخه..ومب عصبي..يحب التفااهم..ويحب يحرق الأعصـــاااب..باارد لأبعد الحدود..واذا شي عصبه يخوزون العرب عن دربه..عادي عنده ايدووسهــــم..مييت بمحبة سلامي"..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-11-2008, 02:30 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: مع غيري العب و بين له مهاراتك كامله


وإن خنتني أعلم ترى ما بعد خنت..الا مــــــعك لكن خونك ذرابه..
خنتك مع طيفك بعد ما تيقــــــــنت..أنك علي بعد الثرا والسحابه..

الإثنيــــــــن..
بيت بو محمـــد..
الساعه 10 ونص..
المطبـــخ..

هالوقت..حطت روضه عباة أمها ع راااسهـــــا..ويابت شيله وحطته ع ويهها..وغبيشه يالسه اتطـــالع فيــها..
روضه:هاه العنـــز..قلتي لعليا اتسير قسمهــــم..؟؟
غبيشه:هيه...بس والله حرام عنودي بتزييغ..
روضه:خليييهم..نياهاهاهاهاهاهااهاهاههاهاهااهاهاهاها اهاهاهاهاهاها..
غبيشه:وهااج الكيمرا..؟؟
روضه:خليها عندج اباج اتصورين كل سي..وحتى لو فصخت عبااتيه ابااااج اتصورين..كل سي اباه يتصور..ولا تنسييييين ويووه عنودي وعبوودي..اول ما يسوفوني..
غبيشه:اوكي اوكي..
روضه:يـــلا..ومثل ما وصيتج..خلج اتعرفين اتصورين سراات اختج الحلوة الرووض...فااهمه يالمصرية؟؟..مب اتفجين الكيمرا واتعقينها ع الأرض..وتربعين حيرتج فوق..لأنج اتذكرتي واجب ما حليتيه..ولا مسأله ما فهمتيها عدل..ولا ملف ما عدلتيه..هههههههههههههههههههههههههههههههه..
غبيشه:غربلات بليسج..حمدي ربج جان غبيشه بنت راااشــــد حفلت بج..ويت رمستــــــج..اااااااااه منج..ودرت مذاكرتيه عسبـــــــــج..
روضه:اتسوفين هالدله اللي ع الطاوله..
غبيشه:هيه اسوفها بلاااها..>>تتمصخر ع حرف السين..
روضه:ان ما صخيتي وبلعت هاللساااان..والله لا افرج بها..وعاد انتي دبري رووحج منو يوديج المستسفى ورااســج مفلووع..خخخخخخ..
غبيشه:اميييييييي انتي مجرمـــــة..؟؟
روضه:يلا يلا هبابنا انخلص هالخطه..قبل لا ايي محمد..خطفي جداامــي يلا..
غبيشه:صج شعـــب فاااظي..
روضه:اوكي ما في اي مسكل ماما..لو تبين امـــــــــه فااااااضيـــه وما عندها سغل..بس عااد خلصيني..
غبيشه:بس عاد روضه عقلي مرة وحــده وخلي هالخبااال ولو مره افحيــــاتج..عيني خيـــر..هاييلا بيزيغوون..يهال تراااهم..وخص العنود بتم اتباااغم لين الفير..
روضه:بس بس وياا هالبراااطم ..برااطـــم بقرة..خلييييييني على كيفي..
غبيشه:اوف كيف خبلـــــة؟؟
روضه:شوفي غبووس دامها ع حسمه..جان بتذليني..أنا ما أحب ذلـــة العااار..
غبيشه:خلااااااص بسكت كلتيني بقشوووري..
روضه:هيييه خلييج جيه..خلينا حباايب ونسمع الرمســـه من أول مرة..هههههههههههههههههههههههه..سمعي اتعرفين اتسغلينها.."وترويها"..هوسي على هاذا الزر..
غبيشه:أدري ادري..
روضه:قلت يمكن انتي ماال اول وعليج اغباار..كح كح كح ..هعهعهعهعهعهعهع..
غبيشه:صج ان العقل نعمه..
روضه:نعمه..ع بالي عواس..هههههههههه>>>نعمه وعواش بنات شعبيتهم..
راحت غبيشه وحدرت الصاله..فالوقت اللي روضه تمشي وراها..وبعد ثواني..فجــت روضه الباب بكل قوة..وعفدت ع عنودي و عبودي اللي كانوا يالسين ايطالعون سبيستوووون..
روضه:هوووووووووووووووووووووووووووو..انا الحراااااميــــــــــــة..
نقزوا عبودي وعنودي ..وبسرعه ساارووا صووب غبووش اللي كانت اتصورهم..ومن شافوا هالحراميه تلحقهم..تموا يربعون فالصـــاله..وعنودي ميته من الصيـــاح..وروضه تربع وراهم افعبااتها..واشوي..الا تطيح بسبة الكرسي اللي جدامها ولا شـــااافـــته..طييحه شيييينه..كل شي كـــان يتصور..وحتى يوم طاااحت رووضه..يوا يربعون عندها..وغبيشه اتصور عنودي وهي اتصيح..وعبودي ايحااول يفج هالشيله عن ويه الحراميـــــة..ومن شااافوا شكلها..عبودي عفد ع روضــه يضربها..
عنودي"ببراءة":عمووه رواضـــــــــــــــــي..
روضه:قـــــــــــــــــولي والله..؟؟>>>>>طااحت الشيله عن ويهها..وشعرها ظااهر..
غبيشه:هههههههههه..عنلات صداااااج..زيغتيييها.."وما زالت حااطـــه الكيمرا الفيديو ع ويه رووضه.."..
روضه:أأأأأأأأأأأخ..تعورت..
عبودي:تستاااهلين.."ويمط شعرها"..
روضه:كرر هالحـــركة وبتشوووف شو بسويبك..ان ما سفرتــــك..وكنسلت ويزتك يا ولد محمد..>>هالمرة روضه عدلت رمستها وا قالت سين بدال الشين..
عبودي:مااالت عليج زيغتيني..بخبر علييج ماماتي ..
روضه:كلهن ياالسااات فالحــوي..سيرلهــــن..وبتخبر ماماتك..جيه وينه أبووك..اقولك ولد محمد..اسميييك ظهرت ولد امك..عنودي فدييتج ليش جيه اتطالعيني..
عنودي:عموه روااضـــي غبيه..
غبوش:ههههههههههههههههههههههههه..انتي يبتيها لعمـــرج...
روضه:لا حلفي انتي بس..انا غبيه يا غبيه..ماا عليييه..
عنودي:عموه رواضي شرات شرات شرات المياااانين..>>>>>ههههههههههههههههه..اسميها فنتكــه هالعنوود..لازم اتعيد الكلمه..عشر مرااات..
روضه:لا لا لا الأخت طااايحـــه فيني..
عنودي:الله يعطيج العقل..
روضه:أأأأأأأأأأأأأأأخ ويهي احترق..مطافي مطافي..ابسسرعه ويهي يالس يحترق..
غبوش:اقووول..
روضه:هاه وياا كثر ما اتقووليـــن..
غبوش:هاااااج كيمرتج..وسخافتج ويا اليهاااالوه تركيها..جاابلــي كتبج احســـــن..وكل شي صورته عسب تستاانين..
روضه:اقول اقول..انقققققلعي فوووق..هب فاايجه لج ولنصااايحج..يا براطم البقرة المصريه..
غبوش:لحوووووول..بااي..
روضه:باااي..باللي ما يحفظج..
ساارت غبوش..وحطت روضه الكيمرا ع ويهها..وقالت ابصوووت مسمووع.."والله اني أحبـــــك رغم كل الظروووف "..!!!!!!
بندت الكيمرا ..وسارت للحـــوي..محد يالس الا امها العوده..وابووهــــا..وطبعن عبودي وعنودي..يالسين يخبرون امهم العوده شاللي صاار من شوي..ويلست رووضه تسمعهم شو يقولون..
عنودي:جان..جان ..جان اتي..عموه روضه...واتطيييح..واتطييح..بسبة ..بسبة ..الكرسي..
عبودي:صخي العنز ياللي ما تعرفين ترمسيييييين..
عنودي:بابا راشد شوفه شو يقوول.
روضه:يالصخله لا اترمسين ابوويه..مالج خص فيـــــه..
عبودي:مسكيييييييييينه للمرة الألف ينازعونها"هاذا افصف خامس..وعنودي ثااني"..
عنودي:ماما العوده شوفيهم..شوفيهم..شوفيهم كيف يرمسووني..هاي عموه روضه ..روضه..روضه..غبيه..
روضه:شراااااااااتج يالعنز..
صاااااااااااحت عنودي مرة وحــــــــــده..وتموا عبدالله وروضه ناااقعييين ضحك علييها..فالوقت اللي حدر محمد البيت.. عنودي من شااافت ابوها ربعت صووبه وتمت لاويه علييه..سلم محمد ويلس..وعنودي يالسه عند ابوها..
عنودي:اهئ اهئ..ابويه..ابويه ..ابويه محمد..ترى..ترى..
عبودي:رمسسسسسسسسسسسسسسسسي..اووف حرقتي اعصاابي مع انج ما تقولين لي السالفه..
عنودي:وااااااااااااااااااااااااااااااااااااااااااا هئهئهئهئهئهئهئهئهئهئهئهئههئهئهئ..
تم عبودي يضحك عليييها..وروضه مكتفيه بالإبتسااامه..متعودين ع دلع عنودي وبزااهااا..
عنودي:ترى ترى عموه روضه زيغتني فالصاله ..كانت لابسه عباااه..واللحينه يالسه اتقولي يالعنـــــز..عموه روضه ما اتعرف ترمس ما تقول شين..اتقول سين..
محمد:هههههههههههههه؟؟حبيبي مااا عليج منها..اتشوفين نعالي..ييبها..عسب نضربها وخليها اتقول أأأي...>>>علييييييييه سووووالف هالمحمد..
نشت عنودي ويابت نعال محمد..عسب يضرب روضه..روضه على طوول نشت..وبعدت عنهم..فرها محمد بالنعال بس خاازت عنها..
روضه:يالأحـــــــــــــــــوووول..مسكيييييييي ن مااا يسوووف ماا يسووووف..فصل لك نظارة يااخـــي..
الكل:هههههههههههههههههههههههههه..
عبودي:ابوويه ايشوف..وماا يطيح بسبة الكراااسي..>>>>>>>نغزة محترمه..
روضه:وانا ع بااالي انته افصفي..بتقول رواضي عطيني كااافي من ثلاجتج..بتبطييييييييييي مااا ذقته..>>تقصد دكانها..
عنودي:ابوويه..بلاك..ما..ما..ما..ضربتها..
محمد:ماا عليه حبوبه بنييها فليل وبنزيغها..وبنخليها اتصيييييح..
عنودي:هيه..أحسن..تراها...تراها...تراها هي بعد زيغتني..عبودي..بتسير..بتسير ويانا..؟؟؟
عبودي:شو قالولج نذل شرااتج..
ضحكوا على تعليقه...فالوقت اللي حدرت سلامه البيت..وتمت يالسه ويا روضه افطرف..بعيد عن البرزة اللي سووها الشياااب..
وظهرت شموس من المطبخ..وسلمت عليييهم..ويلسن كلهن اربااعه يسولفن..صخت روضه عن البنات..
سلاموه:هاه روااضي اتفكرييييييين فيه؟؟
روضه:امممممممممممممممم..هيه..
سلاموه:تدرين هو وين؟؟
روضه:لا..
سلاموه:في ميلسكم مال الرياييل..
توضحـــــــــــــت ملااااااااااااااااامح الفـــــــرحه افويه روضـــــــــه..وشقت الحلج بابتساامه ماشي أحلــــــــى عنهــــا..
روضه:قوولي وااالله..؟؟ياااااااااااااااااااااااااااااااااااااا اااي فدييييييت قلبــــــــــه..
سلامه:هههههههههههههههههههههههههههههه,,,,صج انج مسكيينه..هههههههههههههههههههههههه..خلاص بموووت من الضحك..اااااااااااااه هههههههههههههههههه..
نفس الشي ويا شمووس كاانت ميته من الضحك..أما رووضه كرهت عمرها يوم قااالت هالكم كلمه جدام سلامي شموس..عاادي عندهن يربعن ويخبرنــــه..
وخلاف ساارن لموزااني..موزوة كانت يالسه فالحوي اترمس تيلفون..سهيله..ومن شاااافتهن ..بندت..
روضه:اعترفييييييييي كنتي اترمسيييييييييين منوووو...والله وعليييج حركــــــات..بنانا احسن لج ترمسسسسييييييييييييييييين..والا عند اخووج خلووف..
موزة:ماالج خص يااخي كنت ارمس حبيبي..
شموس:خخخخ..لقطي ويهج يلا...
سلامه:تبيني اسااااعدج..
الكل"ما عدا روضه":ههههههههههههههههههههههههه..
روضه:سخيييييييييييييييييفااااااااااااااااااااااااا ااااااااااااات..
سلامه:ااااااااااه برسب فامتحان التاااريخ..ما رمت اذاكر زيين..
شمسه:مب منج..من خلووف..
موزة:لو ماا يااج ورمســـج..جااان يبتي فووول مااارك..
سلامه:فووول ولا فاصيولياااا..ههههههههههههه..
موزة:ماااااا يضحك..
سلامه:لا تقفطيني مرة ثااانيه..
موزة وشمسه:هههههههههههههه..
روضه:ايييه السلة الفااسده فهمني شو السالفه..
شمسه:اي ساالفه؟؟
روضه:هاللي ترمســـن عنها..مب فااهمه شوو تقوولـــن..جني الا اطرش فالزفـــة..
سلامه:شو انتي ما تعرفين..؟؟؟
روضه:هااااااااه هاااااااااااااه بدينا انخش عن بعض..وبديتن تنسن وجوودي يالنذللللاااااااات..والله ان مخوتكن مخوة شااارون وبووش..بس ماا عليييه..
نشت روضه وهي معصبه عليهن..تمن يراضنها..
شمسه:والله سالفه ما تنرزى..اللهم ان خلوف قاال لسلااامه أحبـــج..
روضه:وبعــــــــــــــــــد؟؟؟؟؟هاللي ما تنرزى..احن من متى نتريا الأخ خلوووف ينزل مستوااه ويقول هالكلمه..
موزة:يالرووض حطي الرحمن في صدرج بلاج جيه محرجــــه..
روضه:وانتي اتعرفين الساااالفـــه؟؟
موزة:هيه..
روضه:يعني انا اللي طلعت الغشييمه امبينكن وما تبن اتخبرني..اوكككككيك مشكورات..خوزن عن دربي يالنذلااااات..
وقفت روضه..ووقفن وياها..
سلامه:انزين يلا بقوولـــج السااالفه..
روضه:متى استوت..؟؟
سلامه:الباارحه..
روضه:وبعـــــــــــــــــــــد؟؟ داومنا اليوم فالمدرسه ولا قلتيلي ..وشفتج العصر ولا قلتيلي..توج اتذكرتي..وانا ع بالي مستوية اليووووم..خوزي خوزي..ماا هقيتها منج..
سلامه:روااااااااااااضـــــــــــي...
روضه:خوزي يلا..بلا رواضي بلا خربطيييشن..
شموس:رواااضي طلبتج بلا زعــــل..
موزة:يلسي بنقوولج السااالفه..
روضه:ماا اريد اعرف..اصلن ماا يهمني..وبعدين بعد شو تبن اتخبرني..تو النااس يااخي..
موزة:كيييف انرااضييييييييج..؟؟
روضه:اممممممم..يبولي اكل..
الكل:ههههههههههههههههههه..
طلبن البنات من المطعــــم..ع حسااب سلامه..عسب رووضه ترضى..هي اصلن اتلف واتدوور..عسب توصل للي تبـــــــاه..وفليـــــل..افبيت قوم رووضــه..كـــانت روضــه اترمــس سلامي تيلفون..السااعه 1فليييل..العرب رقوووووود..وهن يقرقن جنهن سيلااانيااات..
سلامه..:اووكي رواضي اخليــج اللحينه..حبيب قلبج وصل...
روضه"ردت عليها ابسرعه وكأنها مب مصدقه"..:ويــــنه مــا ينشاااف..؟؟
سلامه بضحكه خبيثه..:هـاااهــاااي..متوووولهه علييييه..؟؟؟
صخت روضه..كــانت بتقولها..الا متولهه عليه وعلى سوالفه..متولهه على بسمتة ونظرة عيونه..متولهه اتخبـــره عن حــالتها في بعـــده..وكيـــف عــــانت من غيــــابة..متولهه عليييه..عسب اتقوووله انها تتمنى وصـاله..ولا ودها بفرااااقــه دقااايق..بس ما رامت تفضح مشااعــرها..لأنها هالمشااعر ما تنفضـــح الا جدام حبيب رووضـــه..
سلامه:اتلومتــي ويــا ويهـــج..؟؟
روضه:لا عدال من زيـــن ويهــــج..>>>عصبت..
سلامه:فددييييييييت قلبـــــــــج..بـــــــــــــــاي..
روضه:فداعة الله..
بندت ..وفرت التيلفون من الخاااااااطر ع الشبريه..كانت شبه معصبه..واللحينه معصبه ونص..هالإنسااان ماادري بلاااه..حير عقلها..ولا يخليها ترقد شراات العالم والنااس..
تمت تسأل نفسها..هو ليش جيـه..ولا يكلف نفسه يتخبــر عن حااال روضـــه؟؟
"مليــــــــــــــت تراني؟؟هاي الأشيااااء دوومهـــــــا افبـــالي.."
فجت الاب توب وتمت ياالسه ع النت..قريب السااعتين..ومن بعد ما بندت النت..نزلت تحـــت صوب المطبـــخ ..خــاطرها تاكل..لو شفتوا اللي تاكله..والله لتستغربـــــون..لأنه ما يبين فيــها..بتقولون هـاي مفرووض تستوي دنكر مـــاي..خ خ خ خ ..وصلــــــــت المطبخ..تمــت اتفكر..شو اتسوي من أكلــــــة ..اتكــون سريعه افهـالوقت..ماشي غيــــر الكروون فليكس........؟؟؟!!!..
من بعد ما خلصت ..يلســــــت ع الدري اللي جدام باب الفيلا العوود..كانــت لابسه بيجــامتها الزرقــا..ورابطه شعرها عــادي..وكأنها مب رابطتنــه..لأن نصــه طـــايح..
اشـــوي..الا تسمـــع صوت سيــارة بتحـــدر البيـــت...فزت من مكـــانها وحدرت الصاله..ابسسرعه لأنه البـــاب كــان مبطـــل...وخلت الكرون فليكس معقوق افمكـــانه..وتمت اتوايق من الدريـــشه..
انصدمــــت..وحلت الفـــرحه ابقلبـــــــها وهي اتشوووف نظر عيونها..وغنـــاة قلبها..ظــاهر من سيـــارته..وويـــاه حمــدان أخووها..
والله انها من زوود الونـــاسه حست بعمرها اشوي و بتصيـــح..يمكـــن لأنــها متولهه عليــــــه وااااااااااايد واااااااااااااااااايد واااااااااااااااااااااااااايد..
طاحــــــت ع الأرض بطريقه بطيـــــــئة..وكأنها اللحينه حســــت بالراحــة لأنها شافتـــه..ولبــت مطــالب هالأشــــواق اللي لاعبـــة بقلبها...طول هالأربـــع ليـــالي..
"يا نــــــــاس أحبـــــــه..وأمــــــــــــووووت في حبــــه..هو الوحيـــد اللي سكن افقلبــــــــي وحشــــاي..والأحـــــلى انه هو بعــــــــد يحبنـــي..ويمكــــــــن زوود..وأنــــــــا متأكده من هالشـــــــي امية بالمية......؟؟؟ ؟؟؟ ؟؟؟ ؟؟؟ "

. . . . . .

عسا في يوم تعرف كبر قدرك..كثير الناس من دونك قلـــــيله..
عيوني تحتري بالامر وصلك..و اخاف دموعها تبقى همـــيله

الساعه10 ونص..
بيت بومحمد...
الصــــاله..

هــــالوقـــت..روضــه اترمس سهيييله تيلفون..وغبوش ميودة وااحد من كتبها..واتحووم فالصااله تدرس الإمتحاااااااان اللي عليييها بااجر..من بندت..
غبوش:شوو انتي ماا عليج امتحااان..ميودة هالسمـــــاااااعـــــة..وشااله الصاااله بضحييكج..
روضه:قومي لااا متفيجه لمحااضرراااات صغاار الســـــــن..
غبوش:كيفج..فالأخير انت الخسرااانه...
روضه:فكيينا تبين سندويشات بخلي البشااكير ايســـون..
غبوش:ابالي وااحد..مع لبنـــه اوكييي؟؟
روضه:بس واااحــد..ما يكفي؟؟
غبوش:ليش انتي جم وااحــد؟؟
روضه:مادري يمكن اربعه او خمسه..
غبوش:مب بطن عليييج..
روضه:تف تف تف عن اتضربيني بعين اللحيــــــنه..جااااو..
ظهــرت رووضـــــه..ووصلــــت للمطبـــخ..تمت اتفج الثلاجه اتشووف شو فيها عسب تختار شو تبــــى..بس بنـدت هالثلاجـــه..من سمعــــت صوت خلهـــــا..الصوت اللي انحرمــــت منه.. صوووت دخل اأعمــــاق قلبهــا..حرك مشـــاعر حب مودة..حرك حنين..واحاسيس يااا ما سكنت هالقلب..وياا ما شكــت افراااق محبينـــــها..

ظنكم شو بيكون لقاااء رواضي مع حبيبهــــا؟؟
ظنكم شو نهايـــة خلوف وسلامـــي؟؟
هل بيجمعـــهم القدر..؟؟ولا بيفرقهم شرات ما فرق غيـــرهم..؟؟
ظنكـــــــم منو هالشخص اللي اتحبه رووضـــه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 01-11-2008, 03:15 PM
صورة روح هاآيم الرمزية
روح هاآيم روح هاآيم غير متصل
أِلعـجِبَ لّمِنٌ يِخّلَفٌ وُمًعًأًهٌ أُلّنِجَأًهً
 
الافتراضي رد: مع غيري العب و بين له مهاراتك كامله



تسلمينــــ على المجهـــود

تقبليـــ مروريـــــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 01-11-2008, 04:49 PM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: مع غيري العب و بين له مهاراتك كامله


.,


هلا وغلا
تو مانور القسم
عساك ع القوه
بالتوفيق يارب


.,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 01-11-2008, 06:55 PM
صورة التركوآز الرمزية
التركوآز التركوآز غير متصل
кάωάii..♠«
 
الافتراضي رد: مع غيري العب و بين له مهاراتك كامله


الله يعطيكي العافيه يا الغلا بارت حلووو

بنتظر التكمله

الرد باقتباس
إضافة رد

مع غيري إلعب و بيّن له مهاراتك / الكاتبة : العنيده212 , كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6834 29-03-2019 01:27 AM
رجفة قلوب أسود الصحراء / الكاتبة : وديمه العطا ، كاملة همسة غــــرام روايات كامله - يتم نقل الرواية هنا بعد اكتمالها 379 10-10-2018 12:18 AM
قصة جبتها ع الجرح / الكاتبة : أمنيه حنيني ، كاملة بنت سمهرم روايات كامله - يتم نقل الرواية هنا بعد اكتمالها 58 23-07-2017 08:34 PM
و اني أحبك / الكاتبة : امازيغية الهوى ، كاملة النجمة القطبية روايات كامله - يتم نقل الرواية هنا بعد اكتمالها 76 28-07-2013 11:12 PM

الساعة الآن +3: 01:23 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1