اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 25-11-2008, 07:44 PM
احلى كيوت احلى كيوت غير متصل
©؛°¨غرامي مشارك¨°؛©
 
الافتراضي كان قلبي لك مدينة و لاحظ إني قلت كان / للكاتبة : خجل ، كاملة


اهلييين كيفكم ان شاء الله تمام طبعا القصه منقوله للكاتبه الرائعه المبدعه/ الخجل كله انا


كان قلبي لك مدينة ولاحظ إني قلت كان..
روايتي الثانية.. الأقل من متواضعة بين يدينكم..
حبيباتي شاركتوني ببعض القلوب مسكرة الله يبيح سدها
وانبسطنا مع بعض.. وفليناها..
واليوم نلتقي.. مع رواية جديدة..
كان قلبي لك مدينة ولاحظ إني قلت كان..
دعوة خاصة.. لبنات عزيزات على قلبي حيييل
وأبيهن يشاركن بفرحتي الثانية >> الدعوه ولادة خخخخ
الغاليات أبذكرهن.. بس تراهن كثيرات تحملن ..
توأمي السيامي.. وروح الروح.. وبنت العم حاملة الدم : الملاك الساحر
أول وحده وقفت جنبي وساندتني الغالية : حربية والمشية ملكية
الغالية.. حبيبتي.. وتوأم روحي.. : أنين الألم..
قلبي.. المرحة .. الي كلها وناسة : وجود
والبنات الغاليات الي حبهن معميني.. ومخلييني أهلوس ليل الله ونهاره
سويت شوشو , رنوبة , نور المحبة , مس دوت , ايمي, القلب المعتلي , غلا أبوهاااا , فراشة الدلع , والغالية مووت بنت الديرة الي هي بشاير نجد, وبنوتهـ مرجوجهـ , سوسو و دودو , وفي انتظار همس , والمتابعين من خلف الكواليس ..
وفرح القلب وهمسة دلع والسميراء
والكل بدون استثناء
~[ المواجههـ ]~
شهد بعصبية:وكيف تقرر عني؟؟ أنا قلتلك إني رافضة .. تعرف شو يعني؟؟
تركي: مو بكيفك.. أنا عطيت الرجال كلمة.. وملكتك بعد بكره..
شهد وارتفع ضغطها: انت شتقول؟؟ مجنون انت؟؟ ملكة بعد يومين من الخطبة؟؟
تركي: ليه وش وراك يا خانم؟؟
شهد: مو بكيفك.. مو عشاني يتيمة ومالي سند ..
تركي: أنا قلت وخلصت.. وأظن لي كلمة عليك.. أنا أخوك .. وولي أمرك..
شهد بصراخ: هذا ما يعطيك الحق إنك تتدخل بحياتي.. سااااامع؟؟
تركي: هه.. غصبن عليك.. ورجلك فوق رقبتك بتتزوجينه..
شهد: ايه.. ادفني مثل ما دفنت دانة.. انت الي قتلتها يا تركي انـــــــت
طلعت غرفتها تركض ودموعها بالأربع ما وقفت..
اليوم أخوها بيعلن نهايتها .. الي ما كانت مختلفة كثير عن نهاية المرحومة دانة..
بيزوجها غصب عنها.. طبعاً لأنه مالها أحد.. غصب عنها بيتحكم تركان بحياتها..
~[ شهد العســل]~
عمرها 18 سنة.. تدرس بثالث ثانوي.. أهلها متوفين بحادث.. وما بقى غير هي
وتركي ودانة.. أخوان أشقاء .. تركي اعتنى فيهم.... شهد بنت حلوة .. بيضة وشعرها لنص الظهر.. لونه أسود.. عيونها بني غامق
ذباحة.. واسعة ورمشها سليل.. وحواجبها حادة وكأنها مرسومة.. فمها نقطة
بوجهها .. لون شفايفها وردي فاتح.. وخشمها نحييف ودقيق .. بس صغنتوت مره..
بنت مرحة بس بهدوووء .. بس في الحق ما تخاف .. ما تدافع عن نفسها أبد.. إلا
بالحالات الحرجة.. حنونة.. بس عنيدة.. دمعتها على خدها..
أتصور عرفتوا الكثير عن شهد العسل..
طبعاً اسمها الكامل شهد العسل.. بس ما ينادونها إلا شهد >> اختصار..
~[ صديقهـ ]~
كلمت شهد العسل صاحبتها بسرعة..
سمر: هلااا بالغالية.. هاه وش صار؟؟
شهد: هلا فيك.. بيزوجني غصب هالسافل
سمر: وه.. مبروووك يختشي..
شهد: مبروك بعينك.. أنا أنذبح وانتي تباركين؟؟
سمر: أهم شي.. عطيني الحين المواصفات ..
شهد: ههه رايقة..
سمر: العمر؟؟
شهد: أوووف منه.. عمره 22 إن شاء الله ما يكمل
سمر: يؤ لا تدعين.. ما أحب ذا الدعاوي
شهد: زين..
سمر: المهم.. مزيون؟؟ شفتيه؟؟
شهد بنص ابتسامة: ايه شفته..
سمر: مزيون؟؟
شهد: بالحييييل يا سمور بالحيييل
سمر: يؤيؤ.. بدينا نحب؟؟
شهد: ضفي مع وجهك.. أكبر مني بمادري كم مو وقتك..
سمر: والله أنا بعد حاز بنفسي هالزواج
شهد: أجل أنا شهد بنت نايف.. ياخذني ثانية.. وعشان الولد؟؟
سمر: هو شافك؟؟
شهد: لاء طبعاً وين بيشوفني؟؟
سمر:أنا رايي إنه من يشوفك بيخق.. وينسى طوايف مرته
شهد: لاء.. يحبها موووت..
سمر: خصارتون.. ياربي.. اوصفيه..
شهد: أسمر.. سماره يخبل لو تشوفينه.. أنفه سلة السيف وربي.. وعيونه واسعة.. وفيها لمعة مادري كيف جايه.. وحاجبة آآخ عذااااب.. حاجبة مشكوك بغرز.. بالطول
سمر: أووووووخص.. يجنن أجل؟؟
شهد: عذااااااب.. أففف.. بس ما أحبه..
سمر: مو لازم تحبينه.. المهم إنه يخبل..
شهد: يخبل وبس؟؟ تقولين براد بيت سعودي..
سمر:ههههههههه .. فديتك.. يلا خل أنزل لأبوي.. يمكن يغصبني أتزوج مزيون
شهد: ههههههههه .. فديتك.. روحي لأبوك..
سمر: باي.. ولا تضايقين نفسك.. إذا ما بغيتيه سوي مثل ذيك الي بالفلم واطعنيه ليلة الدخله
شهد:هههههههههه .. وربي شاربه شي.. يلا باي..
سمر: هههههههههه باي..
قفلت شهد العسل من سمر وهي مرتاحة نفسياً ..
~[ سمــر ]~
صديقة شهد الروح بالروح.. عمرها 18.. ما يخفف عن شهد إلا هي.. بنت تجنن.. كاملة
والكامل الله.. تخبل.. تواصيفها تذبح >> فهمنا
هي تقرب لشهد بنت عمتها
سمارها يذبحححح.. ويخبل.. سمار برونزي يلمع بوجهها..
عيونها بها عناد ومرح خاص فيها هالبريق..
عيونها رمادية بااااهتة.. ومحدده بالأسود.. لأن أصول جدتها لأبوها تركية ..
ملامحها صغيرة .. رموشها أطول منها مافيه..
وشفايفها تشتهين تناظرنها .. حلوة موت.. شعرها أسووود..
ويوصل لأسفل خصرها بشوي.. وطبيعته كيرلي..
هالبنت مرجوووجهـ بس أكيد حلوة .. مافيها هدوء شهد.. رومانسيتها بخبال..
دلوعة شوي.. وتحب الغرور بس مو بمغرورة.. حنونة مره
ونقطة ضعفها براد بيت .. هههههههه
~[ الإستسلامـ ]~
نزلت بهدوء بعد ما طلبها أبوها..
وقلبها يرقع من الخوف.. عاد هذا أبوها.. حنووون موت.. وعمره ما مد يد على أولاده.. لكن له هيبة .. يممه يخوف>> خافت خجولتكم
سمر بركادة يقالها العاقلة: سم يبه.. طلبتني؟؟
جابر: اجلسي يا بنيتي..
سمر جلست: هلا يبه.. آمرني..
جابر: ما يامر عليك ظالم.. يابنيتي وش قلتي بولد عمك نواف؟؟
سمر فيها الصيحة: يبه.. ولد عمي على عيني وراسي.. لكن.. ما ينجبر قلب على قلب
جابر: وش كلام المخربطين ذا؟؟ يا بنيتي.. فكري بعقلك..
سمر: يبه.. انت شايف إن نواف مناسب لي؟؟
جابر: لو مو شايفه مناسب كان رفضته بدون شورك..
سمر: اسمحلي يبه.. بس أنا مابي ولد عمي.. بعدين يبه.. انت ناسي سعود؟
جابر: يا بنتي سعود ماعاد بين أبد.. وما هقيت إنه يبيك بعد هالسنين
سمر: يبه أنا واثقة إن سعود بيرجع .. وما أبي أخذله
جابر: وإن قلت عشان شيبات أبوك؟؟
استسلمت.. وقضت على أحلامها.. وآمالها..
بإنها تتزوجه.. حبيب الروح.. الي للحين مارجع..
وعدها بيرجع من لندن ويتزوجون..
هو خطبها بس.. حتى ما ملكوا..
ولعنت نواف مليون مره..
هو يدري بسالفة عشقها.. لكنه حجر.. قاسي.. ما يحس
لكن حلفت إنها توريه الويل..
سمر باستسلام: موافقة يبه..
جابر تهلل وجهه: ألف مبروك يا بنيتي.. والله يقدم الي فيه الخير..
سمر: الله يبارك بعمرك..
طلعت سمر ركض لغرفتها.. وهي تمسك دموعها عن تنهار.. وتعلن نهايتها..
آخر شي توقعته من نواف النذل.. يحطها بالموقف هذا..
يقهرررررررر بجد..
~[ ملكهـ أو إعدامـ ؟؟ ]~
شهد: على وش أوقع؟؟
تركي: على وش باقي؟؟ وقعي وخلصينا وتصيرين زوجة ذا النشبة
شهد: بففف.. الحين هو النشبة؟؟ مو مهم.. هات خل أوقع
يدها ارتجفت..وطاح القلم..
تركي: لا حووول.. يلا عاد.. عن حركات البنات
شهد: وش بعد؟؟ تراني بكر وأستحي..
طبعاً تركي يستحي من هالكلام.. عشان كذا
قالتله شهد هالكلام.. خخخخ ..
المهم .. وقعت ونزل أخوها بسرعة..
أما هي.. استسلمت للدموع..
وهي مو عارفة ملكتها ملكة ولا إعدام؟؟
هذا الي بيتزوجها اسمه خالد.. ما تزوجها عشان سواد عيونها..
تزوجها بأمر من أمه الي جبرته.. وليه؟؟
عشان يجيب ولي العهد.. يعني تولد
ويطلقها وياخذ ولده..
وتربي الولد زوجته الأولى..
هي عارفة إنه يعشق زوجته الأولى .. أصلاً الكل يتكلم عن حبهم الجنوني..
وعشان كذا مافيه أمل ولو عشر ذرة بالمية إنه يحبها أو يكن لها مودة..
يعني جايبها آلة تفريخ وتولي بعدها..
وأخوها ليه وافق؟؟
عشان لا تتعذب مع واحد فقير ..
طبعاً خالد ولد عز ونعمة..
وهذا الشي الي قاهرها.. يعني بيذلها هي وأخوها وبيتمنن عليهم..
شهد مو ناقصها لا جمال ولا نسب..
لكن من بيناظر لبنت طفرااانه
وهالأيام الشباب ما يتزوجون إلا الي عندها فلوس
عشان تساعدهم بالمسؤوليات..
إنهارت شهد العسل.. وهي تتوعد خالد وزوجته..
ومن أول يوم مقررة تقلبها نكد..
لكن هذي للأسف شهد..
ما تقدر تجرح أحد.. أو تنكد عيشته..
بالله شفتم وحده.. بيوم ملكتها لابسة بيجامة النوم؟؟
مالها أحد.. ما معها إلا سمر..
وهي ما تتزين لسمر.. لأنها رفيقة دربها باختصار..
بعد دقايق .. وقف تركي قدام باب غرفتها
تركي: شهوووود.. اطلعي..
شهد طلعت: هلا تركان.. وشفيه بعد؟؟ محسسني إني أبوقع على شراء شركة
تركي: أقول.. يا ملافظ سعد.. زوجك يبي يشوفك
شهد: بففف.. خخخخ .. ههههههههههاي.. كذا؟؟
تركي ناظر البيجاما: البسي أي فستان وحطي ذا الكحل واطلعي..
شهد: يؤ.. قوله.. ماعندنا بنات ينشافن قبل الزواج
تركي معصب: شهوووووود..
شهد: طيب طيب.. لا تعصب..
دخلت شهد .. وقالت لسمر الطامة الكبرى..
سمر: أجل يلا .. خل نكشخك.. لاجل تكونين أحلى من مرته الأولى
شهد: هههههههههه .. مرجوجة..
لبست شهد فستان تحبه مره.. لونه تفاحي.. مخصر ليي تحت الخصر بشوي..
وبعده طبقات تجنن.... فتحة الصدر كانت واسعة شوي.. بس معطيها أنوثة..
شعرها رفعته شنيون بمساعدة سمورة الي تفهم بهالأشياء..
ومكياجها سموكي يدخل فيه التفاحي..
تعطرت حتى وقالت بس..
ناظرتها سمر وصفرت بإعجاب : أخخخ.. الولد خاق خاق..
شهد: ايه مره.. أنا أموووت وأشوفها زوجة زوجي..
سمر: يسمونها ضرتي , طبينتي .. عدوتي.. أي شي بس مو زوجة زوجي
شهد: هههههههههههه .. خبله.. يلا أنا بروح..
سمر: أنا أسمع إن البكر تستحي ويحمر وجهها..
شهد: عيب يا قليلة الأدب.. وش ذا الكلام؟؟
سمر: أجل ليه وجهك ما يحمر؟؟
شهد: لأنه لسا ما نزلت.. ودك تنزلين تشوفينا؟؟
سمر: ماكو بروبلم
شهد: أقول انطقي مكانك.. يوووه سمورتي ما أبغى أروح
سمر: هههههههه .. ايه الحين تأكدت إنك بنت..
رمتها شهد بالمخدة.. وسمعت صوت تركان..
تركي: يلااااااا يا شهد..
شهد: زين زين.. طالعة .. ياويلي يا ويلي..سمورة روحي بدالي
سمر بخقه: والله؟؟ ياربيي.. جت فرصة حياتي.. بتزوج مزيون
شهد:ههههههههه .. والله ما مخفف عني إلا انتي..
ناظرت شكلها طالعة قمر
وكأنه الناس حاضرين ملكتها.. غمزتلها سمر..
وهي غمزتلها بعد.. وطلعت مع تركي..
~[ صدمـات ]~
جمال: نعععععععععم؟؟
أمل: هذا الي صار يختشي.. وإذا مو مصدقة.. إسأليه..
جمال: يا ويلي على حالي.. والله ورحتي فيها يا جمال..
أمل: إيه الحين ابكي.. وربي جزاكم انتي وهو ..
جمال:ياربيي مو وقتك.. الحين قوليلي أبوي اش قال بالتفصيل؟؟
أمل: يقول.. أنا الي بطلق جمال من راكان.. وخلهم يعرفون إن الله حق..
جمال: ياربيي.. طيب ليه؟؟ حنا اشسوينا؟؟
أمل: والله ما سويتوا شي.. بس من يوم تزوجتوا وانتي نايمة هنا وهو نايم ببيتكم
جمال: تدرين شلون؟؟ أنا بكره برجع لراكان.. ما أتحمل أعيش بدونه وربي ما أتحمل..
أمل: أنا أبغى أفهم.. تحبينه ويحبك.. ليه كل واحد في بيت؟؟
جمال: بيننا خلافات ما تفهمين؟؟
أمل: خلافات من ثاني أسبوع زواج؟؟ يا شيخة صارلكم 6 شهور..
جمال: ايه خلافات.. بعدين عيب تتكلمين بهالمواضيع.. أنا زعلانه منه وهو ما راضاني..
أمل: ياربييي.. وش السبب يوم انك زعلانه؟؟
جمال: مالك دخل.. انقلعي من وجهي.. أبكلم بنت خالتي.. أحسن من خلقتك..
أمل: عمى قليلة أدب.. خل شهدوه تنفعك الحين..
جمال: طيب ذلفي يلا ..
على طول اتصلت على شهد.. لكن للأسف مافي رد..
هذي هي جمال ..
~[ جمـال ]~
عمرها 22 سنة.. متزوجة من ولد عمها .. الي هو راكان..
تزوجوا عن حب.. قصتهم مره مشهورة بالعيله..
أمها متوفية.. وماعندها خالات غير أم شهد.. وهي بعد متوفية.. تعز شهد مره
ودايم تحكيها عن الي يصير..
.. اكتشفت إن راكان ولد عمها وزوجها..
متزوج بالسر.. لبنانية تخبل..
وطبعاً ما عرفت إلا بعد أسبوعين من زواجهم..
فشالت قشها وراحت لبيت أبوها .. وراكان يحاول يرجعها..
وهي رافضة لغاية ما يطلقها.. وكلهم يدرون إنها ما تنام الليل ..
من شوقها ولهفتها له.. تحبه لو شو ما صار بينهم..
مملوحة هالبنت حيييل.. وعيونها لحالها قصة.. بيضه وشعرها قصير دايم..
عيونها مكحلة وواسعة.. شفايفها لميا..
~[ خـ ج ـل العذارى]~
دخلت شهد وهي متمسكة بذراع أخوها.. وخايفه موووت..
ناظرها خالد وابتسم نص ابتسامة..
تركي: وجع.. ابعدي عني يا اللصقة..
شهد بهمس: تروووك.. حبي انت.. لا تتركني معاه يخوف..
تركي بصراخ: ليه بياكلك هو؟؟ اخلصي علي..
وأخيراً تدخل خالد: شهد.. تعالي ليه خايفة؟؟
شهد شوي وتصيح من صوته الي فيه بحة جذابة..
تركي فك يدها بالغصب..
تركي: هذي هي لك يا الصهر..
خالد ابتسم..
طلع تركي وتركهم بحالهم..
شهد صارت تبلع ريقها أكثر من مره.. حلقها جف.. هي كذا لا توترت..
ناظرها خالد.. ومو قادر يشوف شكلها.. لأنها منزله راسها..
شوي وتوصل للأرض..
خالد: كيفك شهد؟؟
شهد: بـ .. بخير..
خالد: مبروك..
شهد:الله يبارك فيـ .. فيك..
خالد: أنا أجلت موعد الزواج ليومين كمان
شهد:ـــــــــــــه.. مين يومين؟؟
خالد بحزم:أنا حجزت وتكفلت بكل شي.. وفستان الزواج موجود..
شهد: بـ .. بس..
خالد: لا بس ولا شي.. يلا بالإذن أنا رايح.. وإذا احتجتي شي رقمي عند تركي..
شهد انقهرت مره من تصرفه..
لكنها مشتها.. وناظرته بنص عين.. وهو ما انتبه..
هو ناظرها نظرة وحده.. وجذبته.. لكن زوجته الأولى ما غابت لحظة عن باله..
قام وترك المجلس بكبره..
وطلع..
~[ استيعاب الواقع ]~
مها: ايه يبه أنا موافقة على ولد عمي
جابر: ايييه.. الله يريح بالك.. مو مثل إختك الي ما ينعرف لها..
المها بألم: يبه.. سمر تحب سعود..
جابر: حبتها القرادة.. ماعندنا هالكلام..
المها بخوف: بس هو خطيبها يبه..
جابر: أقول.. تنثبر هي معه.. المهم انتي تجهزي لزواجك من ولد عمك فيصل
مها: إن شاء الله يبه.. انتوا اجلسوا وحددو كل شي.. من المهر ليي الزواج.. وأنا موافقة..
جابر تنهد: هييييه .. الله يريحك مثل ما ريحتيني يا بنيتي.. إلا وينها إختك سمور؟؟
مها: عند بنت خالي شهد يبه ..
جابر: اييه.. زين زين..
طبعاً ذكرنا قبل إن سمر بنت عمة شهد.. وشهد بنت خال سمر..
~[ المها ]~
اخت سمر الكبيرة عمرها 20 سنة.. جمالها نجدي يذبحح..
حلوة حيل.. وأحلى مافيها سمارها..
حساسة.. وتخاف من أبوها.. خطبها ولد عمها فيصل..
الي يحبها مووت.. لكن هي ما تحبه..
يعني هي كانت متأملة يتزوجها سامي أخوه.. لكنه للأسف يهينها دايم ..
هالبنت مثل ما قلنا حساسة وطيبة.. ما تحب تجرح أحد.. وحنونة حيل..
طلعت المها غرفتها.. خلااااص الليلة.. وافقت على الي يعشقها بجد..
مرت فترة..كانت مو مستوعبة إنه سامي ما يحبها..
كانت تحبه وتعشقه مووت..
وأحيان تتميلح قدامه لكنه ما يعطيها وجه..
والحين استوعبت الواقع.. إن الي يستاهلها هو الفيصل..
رجااال من ظهر رجال..
يحبها ويموت بترابها.. ولو بتطلب عيونه بيقول فدوتك يا روح الروح..
~[ وصايـا العشيقة ]~
الجوهرة: ايه يا روح الجوهرة إنت..
خالد: خلاص أجل.. مثل ما قلتي.. خلها تلبس فستان زواجك.. مو بصاير شي..
الجوهرة: عفيه عليك.. آآخ يا إني أحبك يا خالد
خالد بابتسامة: وأنا بعد أحبـك..
الجوهرة بدلع: وشهد؟؟
خالد كشر: هذيك أنامغصوب عليها يا قلبي.. ولا أنا آخذ من هالأشكال؟؟
الجوهرة: أدري حبيبي.. أول ما ربي يرزقنا بولد.. خل نعطيها فلوس ونطردها
خالد: وهذا الي بيصير.. أنا بس أسكت أمي..
الجوهرة بكره: يووووه.. ياخالتي معقدة
خالد صرخ: جوهرة .. لا أسمعك تتكلمين عن أمي بذي الطريقة ..
الجوهرة: سامحني يا روحي.. بس أنا مو مستوعبة إن أحد بيشاركني فيك..
خالد: آآآآآآخ..
الجوهرة: علمني يا خالد.. ليه رفضت إن أهلك يروحون ملكتك؟؟
خالد: ماله داعي.. أمي وخواتي بيقلبنها فرح.. وأنا بموت غم..
الجوهرة:اييييييه..
خالد: وأبوي حضر.. وزايد أخوي ما يقدر يقول عنده تمارين أهم..
الجوهرة: آهاا..
خالد: يلا يالجوهرة.. طفي النور خليني أنام.. بكره أبودي الفستان لشهد..
الجوهرة: طيب.. من عيووووووووني..
طبعاً خالد ما نام من وصايا الجوهرة.. الي أزعجته بها..
من الحين بتأمن على حياتها مع خالد..
~[ الجوهـرة ]~
زوجة خالد الأولى.. عمرها 20 ..
ما تحب خالد.. لكنها تزوجته طمع فيه وبفلوسه..
عندها عادة إنها تكتب مذكراتها كل يوم..
حلوه مره.. شعرها بني يوصل لنص ظهرها.. عيونها واسعة..
وحواجبها مرسومة بإتقان.. فمها حلو.. (بس ما يعجبني) خخخ..
تكره شي اسمه أهل خالد.. وبالذات أمه وخواته..
ودايم تحرضه على زايد.. أخوه..
لكن خالد رجاااال.. ودايم يوقفها عند حدها..
رغم إنه يحبها.. لكنه مايرضى على نفسه وأهله..


~[ خالد ]~
عمره 22 سنة.. يجنن قليل في حقه..
أسمر.. وسماره ذباح.. عيونه غامضة.. بس فيها بريق خاص..
أنفه سلة السييييف.. شعره يوصل لنص الرقبة.. ونااعم وكثيييف.. صوته فيها بحة تخبلك..
في وسط حاجبه.. في غرز تقطع الحاجب طولياً زادت من هيبة خالد
الكل يحترم خالد بالبيت.. من كبيرهم لصغيرهم..
فيه نخوه وشهامة لا توصف..
وعنده حمية لأهله..
وما يرضى عليهم الزلة.. وأي كلمة من الجوهرة عنهم .. يوريها العين الحمرا
أبد في حياته مامد يده على حريمه.. محترم وله هيبة.. شكله من بعيد يخووف..
بس لما تجلس معاه أليف مره..
يحب الجوهرة مره ومتعلق فيها.. وما يدري عن خباثتها..
كاره زواجه من شهد.. بس أمه وأبوه جابرينه.. لأن الجوهرة ما تجيب عيال
الناس يهابونه .. ويحترمونه..
حتى زملاء العمل.. ما يتعدون حدودهم ولا يمزحون معاه..
ماسك شركة هو مأسسها بمساعدة أبوه.. والشركة الحين ملكه..
~[ رغبة في الإنتقامـ ]~
في المدرسة في وقت الفسحة..
نزلت سمر تناقز وتنطط على بالها في المتوسط..
وجلست في الكافتيريا على كرسيها المعتاد هي و شهد العسل ..
جلست شهد بهدوووء..
سمر: هههههههاي.. يعني عشانك متزوجة ما تناقزين؟؟
شهد: سموور.. أنا ما بيجنني إلا حركاتك ذي..
سمر: آآآآخ يا شهد.. ما أبغى أتزوج .. سد نفسي الله يسد نفسه
شهد: نواف؟؟
سمر: ووووجع .. *طلعت لسانها* اسمه يلوع الكبد
شهد: ههههههههه .. مرجوجة.. زين قوليلي .. مزيون؟؟
سمر: خخخخ .. حلو .. بس مو أحلى من .. *بغصة* من سعود..
شهد: معليه حبيبتي.. أنا أشوف إنه هالزواج بصالحك..
سمر: ايه يلا اقلبي علي.. خليك انتي ونواف والزمن ضدي..
شهد:خخخخخ .. يا شيخة انسي سعود.. لو يحبك ما تركك
سمر:لاء.. سعود يحبني.. ووعدني يرجع ونتزوج ..
شهد: من متى وعدك؟؟
سمر: من أربع سنين..
شهد: ومتى قالك بيرجع؟؟
سمر: بعد سنتين..
شهد: والحين مرت أربع سنين مو سنتين.. لو يبغاك رجع..
سمر: بعذره.. يمكن صايرله شي..
شهد: سمور خلاص.. أنا بس أتذكر إني بتزوج خالد بكره تجيني صيحة..
سمر: والله لأنتقم منه هالنواف الغبي.. وانتي بعد .. لازم تنتقمين منه ..
شهد: من مين؟؟
سمر: من زوجك يختشي.. ولو إنه ما يهون شبيه براد بيت..
شهد:هههههه .. براد بيت؟؟ مجنوووونة.. بس قوليلي كيف أنتقم منه؟
سمر: بسيطة.. زهقيه بعيشته..
شهد: هذي ناويتها من زمان.. شي ثاني..
سمر بحماس: وش رايك.. تخلينه يحبك ويستمر معاك.. ويطلق الغبية الي متزوجها؟؟
شهد: هههههه .. يحبها موت.. مارح يعطيني وجه..
سمر: يا سلااااااااام.. انتي بس الي هبله وما تعرفين تتصرفين..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 25-11-2008, 07:47 PM
احلى كيوت احلى كيوت غير متصل
©؛°¨غرامي مشارك¨°؛©
 
الافتراضي رد: روايتي الثانية .. كان قلبي لك مدينة .. ولاحظ إني قلت كان / روايه رومانسيه وجريئه للكاتبه/ خجل


شهد:ههههه .. نوريني يختي..
سمر: لا وربي من جد.. دايم تصلحي.. وانتي الي أكليه ورتبي أغراضه.. ودايم قوليله من كلام السوريات الزين
شهد:ههههههههه .. وش أقول مثلاً؟؟
سمر: عاد هذي مهمتك... راقبي مسلسلات وتعرفين ..
شهد:ولا يهمك.. توصين على شي بعد؟؟
سمر: هو عطاك المهر؟؟
شهد: ايه.. عطاني في بطاقة..
سمر: وكم مهرك؟؟
شهد:900,000
سمر: الله .. الله .. الله.. وكم صرفتي منها؟؟
شهد:ووووجع.. لا إله إلا الله .. ما صرفت شي
سمر: ياربيي.. انتي الي بتذبحيني.. ما شريتي شي؟؟
شهد: هو تكفل بكل شي. تصوري فستان الزواج جابه أمس لبيتنا..
سمر: ولووو.. يا هبله.. وقمصان النوم؟؟ والعطورات والماكياج والملابس؟؟ ما أتصور إن زوجته العقربه بترتبلك كل شي..
شهد: أول شي حرام يمكن تكون المخلوقة طيبة.. بعدين .. ماصارت فرصة ونزلت السوق
سمر بقهر: يا هبله يا هبله.. هذي لوحدها مناسبة.. شوفي..
شهد:هاه؟؟
سمر: أول ما نطلع من المدرسة بنروح مع السواق .. بطاقتك معاك؟؟
شهد: ايه.. في البوك..
سمر: تمااااااااامز .. خلاص.. الوعد اليوم بعد المدرسة..
شهد بحماس: أوكييه..
سمر: وناااسة..
شهد: بس وش أسوي بجودي؟؟ أخاف أتأخر عليها..
سمر: ياربيي انتي وذا القطوة الي معك.. يا بنت الناس تراك كبيرة عن هالحركات
شهد: انطبي بس.. أنا أحبها .. يوووه فديتها جودي تخبل..
سمر: جودي أي وحده؟؟
شهد: الي فروها كثير وناعم لونها أبيض وعيونها زرقا.. أم شريطه وردية
سمر تجاريها بهبل: أجل البيضا النحيفه الي عويناتها خضر أم شريطة زرقا وش اسمها؟؟
شهد: ولو إنك تستهبلين بس يلا .. يوووه فديتها هذيك سوفت ( يعني الناعمة بالانجلش ) سميتهم على اسم قطط الليدي لين
سمر: ايييه.. قلتيلي.. أجل سوفت وجودي هاه؟؟ أموت وأشوف خالد وهو ينصدم بطفولتك
شهد: سمروه. لا تقلبينها نكد.. كل ما قلت شي قلتي خالد..
سمر: أقول انطبي لأفلعك بالعصير .. غني ومزيون وأسمر.. وش أحسن من كذا؟؟
شهد: أصلاً أنا لسا صغيرة وجع..
سمر: ياربي.. اييه ما قلتلك؟؟
شهد: وش؟؟
سمر: هع هع هع .. بنت عمتك مهاوي بتتزوج الفيصل..
شهد: كذاااااااااابة.. مهاوي؟؟ بس لحظة مين الفيصل؟؟
سمر: هذاك الي شفتيه بذاك اليوم.. يوم جيتي عندنا
شهد: الله .. المزيووووووووون؟؟ أبو شعر سبايكي؟؟
سمر: هو .. يا عيني عليك .. أخاف حبيتيه مع كشتك؟؟
شهد: بفففف .. أنا؟؟ .. أنا يالله أفكر في خالد بالقوة..
سمر: يؤيؤ.. يعني تفكرين فييه؟؟؟
شهد: تفكيرك فاااااااااااسد..
سمر: أقول يلا دق الجرس.. لا تطردنا أبله سهى.. وووجع ما أطيقها
شهد: خخخخخخ .. ولا أنا.. يلا قومي..
قاموا البنات وانطلقوا لصفوفهن وبالهن مع الشوبينغ الي بيصير ..
~[ عودة المنكسرهـ ]~
راكان: جمااااااااااااااااال!!!؟؟
جمال بانكسار: ايه جمال..
راكان بفرح: هلا .. هلا بحياتي.. هلا فيك يا جمال الكون كله.. تو ما نور البيت
جمال بحزن: راكان.. طلقتها؟؟
راكان بتكشير: جمال.. لا تفتحين هالموضوع مره ثانية..
جمال: كيف؟؟ كيف يعني لا أفتحه؟؟ تبغاني أشوفها .. وهي تشاركني فيك وأسكت؟؟
راكان:جمال الغالية.. أنا ما صدقت رجعتي.. بليز.. خل نتفاهم..
جمال: أنا ما رجعت بكيفي.. أنا رجعت لأن أبوي كان ناوي يطلقنا ..
راكان: شو!!؟؟
جمال: الي سمعته..
راكان: وانتي.. وانتي .. يعني..
جمال: لأني أحبك..
راكان: يا روحي انتي.. وأنا بعد أموووت فيك يا عمر راكانك انتي..
جمال بخجل: راكان.. بليز ستووووب..
راكان: يؤ .. فديييت اسمي ياناس.. حلو مره..
جمال: هههههههههههههههه ..
توجهت جمال لغرفتها..
جمال: مثل ما تركتها..
راكان: من زود حبي لك >> كذاب مافيه ينظف خخخ
جمال ولع وجهها : راكان.. ترفق..
راكان: هههههههه .. انتي الي ترفقي بحالي يا بنت الناس.. محلوة ..
جمال بخجل: أجل وش على بالك؟؟
راكان:هههههه .. فديييييتك
جمال: راكان بس.. تراي خجولة ..
راكان: أمووووت على أهل الخجل..
جمال بنص عين: متأكد؟؟
راكان بخبث: بتتأكدين بنفسك؟؟
جمال بخجل :نشووف..!
محذوووف ×× شششش ×× مشفر ×× شششش ×× رقابة
~[ مفاجأة التسوقـ ]~
نزلوا شهد وسمر السوق.. وبين ما هن يفرفرن في الأسواق..
سمر: آآآآآي.. يالأعمى.. يا غبي يا معفن .. يا يا ..
ولما شافت وجهه
سمر: يا مزيون..
.......: ماقدر يخفي ابتسامته من هبلها..
شهد بصدمة: خالـــــــــــــــد!!!!!!؟؟؟
خالد:!!!! .. معذرة بس مين انتي؟؟
شهد: احمـ .. احمـ .. كح كح..
سمر: ـــــــه .. هذا خالد زوجك؟؟
شهد دفت سمر بكوعها..
سمر تكلم خالد: هذي زوجتك خلف الله على أمن جابتك
شهد: سمور.. عن هالكلام عاد..
خالد: شهد؟؟!!!
شهد: ا.. ايه ..
خالد بجمود: هلا شهد كيفك؟؟
شهد: بخير الحمد لله..
سمر: انت شلونك؟؟
شهد دقتها : أقول.. رزة الفيس من طبايع التيس..
سمر: هههههههه .. اشفيك لا يكون غرتي؟؟
شهد: أوووووص ..
خالد: أنا الحمدلله .. تمام.. شو تسوين بالسوق؟؟
شهد: أشتري.. أغراض..
خالد: أغراض شو؟؟
شهد: ..............
سمر: أغراض ما بعد الزواج.. قمصان نوم وماكياج وعطور..
طااااح وجه شهد العسل من الفشلة.. وماقدرت ترقع السالفة..
سمر انتبهت : يعني أغراض لي .. مو لها.. لأني عقبالكم بتزوج..
خالد: آها.. مبروك..
سمر: الله يبارك فيك.. والحين عن إذنك بنروح..
خالد: انتي روحي.. شهد أبوصلها بيتهم..
سمر: لااااا؟؟ بتخليني بروحي؟ صدق مافيك احترام.. بعدين لسا ماصارت زوجتك تتحكم فيها
خالد: شهد.. امشي معاي..
شهد: لو سمحت.. ممكن.. بس.. أبغى أروح مع سمر..
خالد: لاء..
سمر: وشو لاء؟؟ ليييييييييه؟؟ ولا ما تقدر تستغني؟؟
خالد:هه ..أنا؟؟! .. أنا ماخذها أسكت أمي وبس.. عشان الولد.. حطوا هالشي ببالكم..
سمر: صدق قلة أدب.. مع إنك حلو لكن لسانك خايس..
شهد دمعتها تعلقت بعيونها.. ولاحظوها الاثنين..
شهد: سمر.. إذا خلصتي.. أنا بالكوفي شوب..
سمر: روحي يلا .. شوي ولاحقتك ..>> مصدقة نفسها
خالد: ع العموم.. روحي مع صاحبتك.. وصيعي إنتي وهي.. عادي.. مو بروبلم..
سمر: هييييه احترم نفسك.. حنا بنات حمايل .. عن الغلط..
خالد: زين يا بنات الحمايل.. أصلاً أنا معتبرها ولا شي.. مجرد لعبة .. فهميها هالكلام
سمر: وسسسسسسسسخ.. ضف وجهك.. لا أقول للسكيورتي إنك تضايقني..
خالد بقهر: احترمي نفسك لو سمحتي وعن الغلط..
سمر: لاااااااا؟؟ وانت من أول وانت تغلط علي.. يلا انقلع .. ناس مملة..
~~~
راح خالد بكل هيبة من قدامها.. وهي رجعت لشهد.. الي بتقطع نفسها من الصياح
~[ توائمـ ]~
رسل: يوووه منك .. رسيل .. لا تعفسين الغرفة مره ثانية..
رسيل: مو عاجبك روحي دارك..
أسيل: خخخخ .. انتي الي عزمتيها
رسل تقلد رسيل: يمه.. رسل حبيبتي أخاف أنام بروحي تعالي معاي..
رسيل: ههههه .. لا تذلينااا ..
أسيل: بنات جوعانه..
رسل: وأنا بعد جوعانه ..
رسيل: يؤيؤ.. وأنا بعد جوعانه..
رسل: إليكم الخطة يا بنات: بنروح المطبخ.. ناكل ناكل ناكل.. ولما نخلص ندور ع الجوهرة.. ونطفشها بعيشتها
أسيل: مواااااااااااااااااااااااااافقة ..
رسيل: وأنا موااااااااااااااااااااااافقة..
أسيل: يؤ.. بس بعد شوي بيجي خالد..
رسل: ياا حبي له خلودي ..
رسيل: هو ما يخوف بس له هيبة..
أسيل : لا والله إنتي الي جريئة معاه بزيادة..
رسل: يابنات.. مقهووووورة.. أبغى أشوف زوجته الجديدة..
رسيل: أنا من الحين في صفها..
أسيل: وأنا بعد..
رسل: ما يبغالها كلااااااااااااااااااام..
~[ أسيل ]~
توأم رسل ورسيل..
عمرها 18 سنة.. حلوة ومملوحة وأكيد نسخة بالكربون عن خواتها..
عيونها بني بلون الشوكولاته ..
شخصيتها قيادية شوي.. بس حبوبة.. وتدخل القلب بسرعة.. وتحب الناس والجمعات
خل أقولكم كيف أشكالهم.. ( الله والتعبير بس)
بيضه .. وشعرها قصته فراوله.. ولونه بني مخصل بالأشقر..
عيونهم حلوة بس مو واسعة.. بس رموشهم ذباحة سليلة..
وحواجبهم دقيقة بس مو خفيفة..
شافايفهم بلون التوت .. ما يحتاج مرطب ولا روج ولا غيره..
أسيل .. حنونة وقيادية,, وحبوبة.. وتحب الناس..
ومرحة مثل خواتها ..
~[ رسيل ]~
توأم أسيل ورسل..
طبعاً نسسسخة بالكربون عن اختها ..
بس عيونها لوزييية
عمرها 18 سنة.. مرحة .. وتحب خواتها بشكل لا يوصف.. متعلقة بأبوها زوود..
تحب المناقر.. تخاف تنام بلحالها.. عندها عصفور مربيته اسمه كاسكو..
هي بالذات دلوعة ونعومة .. بس مع خواتها عربجيـــــــــــــة ..
~[ رسل ]~
توأم أسيل ورسيل
العمر 18.. أصغر خواتها .. يعني آخر وحده انولدت ..
وأكيد هي كمان نسخة بالكربووون عن خواتها ..
بس هي لون عيونها أسود..
طيبة وتحب الناس .. خططها أحيان شيي..
تحب خواتها .. ومتعلقه مره فيهم..
مرحة مثلهم.. وتحب التسوق وهالأشياء..
مدلعة مع الكل..
وهي المفضلة عند خالد لأنها خجولة ..
طبعاً هن ما يطيقون الجوهرة لأنها شريرة..
ومن الحين متحمسات لشهد العسل ..
البنات مطقمات بكللل شي.. وكلهم نفس الملابس والقصات
ما يفرقون بينهم إلا بلون العيون..
حتى بالجوالات نفس الأسماء والألقاب والنغمات والصور..
يعني ثلاث نسخ من شخص واحد..
ولكل وحده فيهم لقب ..
أسيل: شوكولاه .. لأنه عيونها بلون الشوكولاتة .. وهي عشقها اللون البني..
رسيل:فانيلا .. لأنه عصفورها أبيض.. وهي أصلاً تحب اللون الأبيض..
رسل:وايت شوكلت .. لعشقها للشوكولاه البيضا .. ولأنه أخوها خالد بعد يحبها..
يونسون هالثلاثي ولا؟؟
بووووسة فديتهم ..
~[ دموع في الكوفي شوب ]~
شهد: اهئ اهئ.. حررررام عليه.. حراااام.. وش سويت أنا؟؟
سمر: حبيبتي شهودة هدي شوي.. وربي سفلت فيه لي قال بس..
شهد: أنا؟؟ أنا صايعه؟؟ اهئ اهئ.. هذا واحنا بأول زواجنا اهئ اهئ..
سمر: ماعليك منه.. هو ماشافك ولا ماقال عنك هالكلام..
شهد: اهئ.. مالت عليه.. مااا أحبه.. خل يولي.. ما أريده
سمر: يؤيؤ.. هدي شوي يا قلبي انتي..
مسحت شهد دموعها.. وناولتها سمر الكوفي حقها.. بعد ما هدت شوي..
سمر: والله إنك مو بهينه.. أجل هالمزيووون رجلك؟؟
شهد: أقول عن التغزل..
سمر: هههههههه .. ونغار باقي؟؟ يؤ يؤ..
شهد: ههههههههههه ..
سمر: خلاص .. بكذا اشترينا كل شي..
شهد: هههههه .. أول مره أسمع عن بنت بيوم واحد تقضي لزواجها..
سمر: هههههههه .. بجد.. غريبة كيف مدانا الوقت..
شهد: يؤ.. نسينا الكريمات ..
سمر: لا تخافين .. قبل لا أجي أهديك مع مناحتك .. شريت كل الي كتبناه بالحصه ..
شهد: خخخخخ .. شفتي أبله سهى كيف تناظرنا بحقد..
سمر: ههههههههههه.. تحزززن .. شكلها يقطع القلب.. وكل ما قربت..حطينا الورق بصدورنا
شهد: هههههههههههههههههههههه .. مخفات ..
سمر: هههههههههههه ..
شهد: يؤ .. هذا تروك .. يتصل ..
سمر: ردي عليه أكيد قلقان ..
شهد: ألووو؟؟ هلا تروك.. يؤ فديتك.. ههه ايه.. يدوم عزك.. لا .. في السوق مع سمور.. ايه أقضي للعرس.. شفت كيف؟؟.. ايه بعد صرت مهمة.. هههه .. وأنا بعد أحبك.. بايو يا قلبي.. باي..
سمر تقلدها: وأنا بعد أحبك .. حشى زوجك مو بتروووووك ..
شهد: هههه .. أحبه شسوي؟؟
~[ تركي ]~
للآن ما تكلمنا عن تركان
تركي: خجلوه انطمي لا تقولين تركان
خجل: مو بكيفك.. أنا الكاتبة
تركي: أقول ترى بطب بكرشتك.. تعرفيني عضلات ..
خجل: وربي لأخبر شهوووود..
تركي: بتفزعلي لأني أخوها ..
خجل: بس أنا خجولة ..
تركي: ومين خجل؟؟
خجل: الحلوة الجذابة الفاااااااتنة..
تركي: ايييه .. خجولة تتزوجيني؟؟
خجل: كووووول حلاو معفن.. مابقى إلا هي
تركي: أصلاً مو من زينك.. وارجعي كملي الكتابة لا أطب ببطنك الحين
خجل: طيب..
تركي.. أخو دانة وشهد.. دانة ماتت.. وأكيد عرفتوا قصة عائلتهم >> دفاشة ..
المهم .. تركي حبووووووب وش حليله.. بس إذا كان رايق
يبي خواته يعيشون أحسن عيشه.. عشان كذا زوجهم رجال أغنياء حتى بدون موافقتهم..
ما يبغاهم يتغربلون بعيشة الهم ..
تركي مملوح وأبيض.. وشعره دايم جل.. يحب الحرية .. وما يسمح على أصدقاءه
وش باقييي؟؟ آها .. يحب شهد العسل مره.. ومايحقق معاها بشي أبد..
بس يخاف عليها كثييير..
إذا عصب يخووووووووووف .. عمره 24 سنة..


~[يوميات]~
أم خالد: رسل .. يا رســــــــــــــــل
رسل:نعم ماما؟؟
أم خالد: كم مره أقولك ناديني يمه؟؟
رسل: ماما .. خليك ستايل وفله.. أنا أحب أقول ماما ..
أم خالد: ستايل ها؟؟ ما عندكن تمسك بالعادات..
رسل: ياربيييي.. ماما حبيبتي انتي.. شو كنتي تبغين؟؟
أم خالد: وين مرة أخوك الجوهرة؟؟ ناديتها كذا مره ليه ماترد؟؟
رسل: مادري عنها ياماما.. وجع ياااااخذها يارب..
أم خالد: بس يابنت .. لا تدعين على مرة أخوك ..
رسل: إن شااااااااااااء الله.. يلا ماما بروح السوق .. باي..
أم خالد: أوووف روحي.. مع السلامة ..
خرجت رسل وهي تناقز من البيت كعادتها..
اليوم كان دورها في التسوق لها ولخواتها ..
الجوهرة: نعم عمووه .. ناديتيني؟؟
أم خالد: وينك من الصبح أناديك؟؟
الجوهرة: أوهووو عموه .. المهم إني هنا الحين ..
أم خالد: طيب يلا قولي للخدامات يجهزن الغدا..
الجوهرة: عموه .. على خبري عندك ثلاث بنات في البيت ليه أنا الي أروح؟؟
أم خالد: رسل بالسوق .. وأسيل ورسيل نايمات ..
الجوهرة: هه .. أصلاً هذا الي فالحات فيه بناتك .. بالإذن .. بروح أجهز الغدا..
أم خالد بصرخة : جوهــــــــــــــرة ..
الجوهرة: نعم؟؟ خير ؟؟ فيه شي باقي؟؟
أم خالد: مو يعني إني ساكته لك يعني إني ضعيفه.. لاء. . أنا أراعي شعورك كعقيمـ ..
راحت الجوهرة للمطبخ وفيها الصيحة..
كذا كل يوم خلافاتها مع أم خالد..
أم خالد تسكت تسكت تسكت.. وآآآخر شي .. تردلها الصاع صاعين
أم خالد شخصيتها قوية.. بس فيها صبر ..
~[ تجهيزاتـ ]~
سمر: خلااااااااص خلصنا الحمدلله ..
شهد: يوووه .. ياربي تعب..
سمر: شهود مين الي بينقل أغراضك بيت زوجك؟؟
شهد: مين باقي؟؟ أكيد أخوي تركي..
سمر: ياربييي.. ما حطيتي العطورات.. الحين كيف بنفتح الشنطة؟؟
شهد: خلاص مو لازم.. أبحطها بالشنطة الصغيرة..
سمر: طيب اتركيها أنا برتبها ..
شهد: أوكيــــــــــــشن .. وأنا بروح أجيب كوفي..
سمر: طيب .. يكون أحسن بعد..
نزلت شهد تجيب الكوفي لسمورة ..
واستمرت التجهيزات ليوم بكره .. يوم الزواج..
وهالليلة بالذات نامت سمر عند شهد..
في الليل..
شهد: يؤ .. مين هذا؟؟
سمر: ردي.. يمكن براد بيت ..
شهد: هه براد بيت مو فاضيلي .. الحين في هوليوود مع أنجلينا جولي وتوم كروز وجورج كلـ..
سمر: ردييييييييييييييي.. يمكن بالغلط خخخخخخخ
شهد: أوووووص .. ألووو؟؟
....: ألو؟؟
شهد: مين؟؟؟
....: ما عرفتيني؟؟
شهد: أوهووو .. شوف إذا داق تتغزل ترى بعطيك سمور وأخليها تتصرف معاك..
....: مين سمور؟؟ آها .. الي كانت معاك اليوم بالسوق؟؟
شهد بلعت ريقها : خالــــــــــد؟؟!!!!
خالد: ايه.. كيفك شهد؟؟
شهد: ب.. بخير الحمدلله.. انت كـ.. كيفك؟؟
خالد: الحمدلله تمام .. ماشي الحال..
شهد:..............
خالد: شهد معاي؟؟
شهد: ايه .. هنا ..
خالد: اتصلت عليك عشان أخبرك.. حجزت لك في مشغل .....
شهد: ايه .. مشكور .. خبرني تركان..
خالد: العفو.. يلا باي.. أخوك يعرف كل التفاصيل ..
شهد: طيب .. باي..
سمر: أووووخص.. بدأ الحب يختشي..
شهد: خخخخ .. بس اتصل يقول اسم المشغل الي حجزلنا فيه ..
سمر: ههههه .. حجز لسمورتك ؟؟ ولا معصب مني عشاني هزأته ؟؟؟
شهد: هههاي .. أتصور إنه يحقد عليك ..
سمر: يؤيؤ .. مع إنه مزيون .. لكن قلبه أسود ..
شهد: ههههه .. يلا خلينا ننام بكره ورانا قومه من الساعة تسع ..
سمر: هههه .. يلا يا عروصة .. تصبحين على خير..
شهد: خخ وانتي من أهل الخير يا قلب العروصة ..
هاه عسى البداية قنبلة؟؟ >> يرحم أبوك مو في السياسة ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-11-2008, 08:19 PM
صورة ● Ғαитαѕтΐс « ) الرمزية
● Ғαитαѕтΐс « ) ● Ғαитαѕтΐс « ) غير متصل
©؛°¨غرامي فعال ¨°؛©
 
الافتراضي رد: روايتي الثانية كان قلبي لك مدينة ولاحظ إني قلت كان / روايه رومانسيه وجريئه للكاتبه / خجل


وآآآآو

تجننننننننننننننننننننننننن

رووعه خقآآق

من آول بآرت خقييت ~> آحلفي بسس طسسي خخخ

بجد آلروآيه تججن

وآنآ وآثقه
آن خآلد بيدري عن خبآثه آلجوهره هالملعووونه ~> من آول بآرت ودي آكفخهآ آخخ يآلقهر
وخآلد بيصير يعشق شهد ويمووت على تراب رجولها وه فدييتها هالبنت تستاهل

بليييز لاتطلوولين ويالييت ماطوولين علينا اذا ماعليك كلافه

يلله خيتوو

C.u


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 25-11-2008, 08:53 PM
الجامد من غامد الجامد من غامد غير متصل
©؛°¨غرامي جديد¨°؛©
 
الافتراضي رد: روايتي الثانية كان قلبي لك مدينة ولاحظ إني قلت كان / روايه رومانسيه وجريئه للكاتبه / خجل


هيا والله انها حلوة كملي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 25-11-2008, 10:32 PM
صورة عاشقة الكتب الرمزية
عاشقة الكتب عاشقة الكتب غير متصل
©؛°¨غرامي فعال ¨°؛©
 
الافتراضي رد: روايتي الثانية كان قلبي لك مدينة ولاحظ إني قلت كان / روايه رومانسيه وجريئه للكاتبه / خجل


يووووه بليز كمليها...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-11-2008, 01:57 AM
صورة الوردة الأنيقة الرمزية
الوردة الأنيقة الوردة الأنيقة غير متصل
©؛°¨غرامي فعال ¨°؛©
 
الافتراضي رد: كان قلبي لك مدينة ولاحظ إني قلت كان / روايه رومانسيه وجريئه للكاتبه / خجل


واااااااااااااااااااو حماااااااااااااااااس مررررررررررررررة

بليـــــــــــــــــــــــــــــــززززززززززززز كمليهـــــــــــــــــــــــــاااااااااااااا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-11-2008, 04:06 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: كان قلبي لك مدينة ولاحظ إني قلت كان / روايه رومانسيه وجريئه للكاتبه / خجل


’,


احلى كيوت
الله يعطيك العافيه
بتمني تكون كـآمله :)
موفقه ان شاء الله




’,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-11-2008, 05:32 AM
kadra kadra غير متصل
©؛°¨غرامي فعال ¨°؛©
 
الافتراضي رد : كان قلبي لك مدينة ولاحظ إني قلت كان / روايه رومانسيه وجريئه للكاتبه / خجل


يااااااااااااااااي



مرررررررررررررررررررررررررره خطييييييييييييييييييييييييييييييره




الحوااار رااااااائع والشخصياات اكثثثر بس يقهههههرني تاركاااان>>>بيذبحني لاني قلت تاركان




تكفيين خلي خالد يحب شهههد وخلييه يكتشف هالخايسه الجوهره>>>حاقده عليها بقوووه





ننتظر التكلمه





تقبلي مرووري





كادرا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-11-2008, 11:26 AM
صورة كبراحساس ياء الرمزية
كبراحساس ياء كبراحساس ياء غير متصل
©؛°¨غرامي مشارك¨°؛©
 
الافتراضي رد: كان قلبي لك مدينة ولاحظ إني قلت كان / روايه رومانسيه وجريئه للكاتبه / خجل


بصراحة روووووووووووووووووووووووووووووووعة


واسلوب اروع

يسلمو يالغلا

دمت بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-11-2008, 02:58 PM
احلى كيوت احلى كيوت غير متصل
©؛°¨غرامي مشارك¨°؛©
 
الافتراضي رد: روايتي الثانية كان قلبي لك مدينة ولاحظ إني قلت كان / روايه رومانسيه وجريئه للكاتبه / خجل


اقتباس:
المشاركة الأساسية كتبها تنتظر كلمه احبك مشاهدة المشاركة
وآآآآو

تجننننننننننننننننننننننننن

رووعه خقآآق

من آول بآرت خقييت ~> آحلفي بسس طسسي خخخ

بجد آلروآيه تججن

وآنآ وآثقه
آن خآلد بيدري عن خبآثه آلجوهره هالملعووونه ~> من آول بآرت ودي آكفخهآ آخخ يآلقهر
وخآلد بيصير يعشق شهد ويمووت على تراب رجولها وه فدييتها هالبنت تستاهل

بليييز لاتطلوولين ويالييت ماطوولين علينا اذا ماعليك كلافه

يلله خيتوو

c.u
يسلموووووووووووووووووو يالغاليه توقعاااااات حلوه برشا<< قلبت مغربي خخخخخخ

الرد باقتباس
إضافة رد
الإشارات المرجعية

كان قلبي لك مدينة و لاحظ إني قلت كان / للكاتبة : خجل ، كاملة

الوسوم
٩٣/٩٤/٩٩ , بعض صفحات البارتات 8\19\41\25\52\61\63\250 , خطيرهـ , روعــــــــــــه , صـ115 , صفحات البارتات..1 , صــ127 , صــ138 , صــ148 , صــ158 , صــ171 , صــ179 , صــ186 , صــ209 , صــ223 , شـهـد العـسـل , ظـــلــم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لمْار في مكان ما / للكاتبة : مناير العز ، كاملة غمـْوضٍْ إنسسـْآنـﮧّ } روايات كامله - يتم نقل الرواية هنا بعد اكتمالها 49 26-11-2016 06:29 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM
سجل مدينتك المفضلة Halolo99 ارشيف غرام 2485 07-10-2006 03:14 PM
مدينة العاشقين ضحكة الدنيا خواطر - نثر - عذب الكلام 15 07-03-2006 04:56 PM
مدينة الرياض عـبـود مواضيع عامة - غرام 15 15-10-2005 08:55 PM

الساعة الآن +3: 08:44 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1