منتديات غرام روايات غرام أرشيف الروايات المغلقة - لعدم إكتمالها روايتي الأولى : حقيقة و إلا خيال يا معذب الروح
انا والدمع والحزن اخوان ©؛°¨غرامي مشارك¨°؛©

بسم الله الرحمن الرحيم
هذه اول روايه اكتبها لكل من يحب ان يرحل على ضفاف الخيال الممزوج بالواقع بكل مافيه من الم وامل
بكل مافيه من تعب وجهد بكل مافيه من شقاء وراحه من دمعه وبسمه من ترقب لغد مشرق
روايه استمديت قوامها من إصرار أبطالها فا اتمنى منكم التشجع لا التأنيب التوجيه لا التجريح فلى اول اوراق هذه الروايه



الورقة الاولى

اليوم الاثنين بكره الثلاثاء وبعده الخميس ايش قصة الاسبوع هذا ماهو راضي يخلص

أحمد :ياخي صجيتنا من السبت وانت تحسب اقول ارقد لا موصلك بالعقال الي بجنبك
فواز:ياخي ماتحس والله مشتاق للوالده مشتاق لحظنها مشتاق لمت أخواتي مشتاق لعيال حارتنا
أحمد:اقول لتكون شاعر وانا مادري ويش رايك تشارك بشاعر المليون واذا فزت نتقاسم المليون بلا دراسه بلا هم
فواز: الله حطيتني شاعر وفوزتني بشاعر المليون ولا خططت على جائزتي مره وحده اقول تحلم تشوف ريال منها
أحمد : اجل جعلك ماتفوز ولا تشم ريحة الفوز ودور من يصوتلك
فوز:مشكور عندي الي يصوتلي
أحمد : مين عيال حارتنا والا متولي راعي البقاله
فواز :مالك دخل بالي يصوتلي
أحمد :انت حتى اصدقاء ماعندك حل ياخي
فواز:.....
أحمد رفع راسه من على المخده وقام لعند فواز وجلس على طرف سريره
اسف ياولد عمي ماكان قصدي اضيق خلقك
فواز لف وجهه واعطى أحمد ظهر اقول فارق خليني انام
احمد ما اقدر انام وانت زعلان اذا لي خاطر عندك لا تسيبني كذا
فواز قام جالس ومسك يدينا احمد خلاص ماني زعلان بس والله متضايق
أحمد ايش مضيق خلقك ياولد عمي ومن بداية الدراسه وهذا حالك
فواز اقول خلينا ساكت احسن يكفي انك تبغى تسيبني
احمد لا ماني مخليك الا لما اعرف ايش سالفت عمر وبندر معك كنتم اصحاب ايش الي صار بينكم وبعدين
الوظيفه الي لقاها ابوي الرجال ما رد علينا يمكن ما تصير بس قول ويش سالفت اصحابك
فواز الله يخليك راسي مصدع ورجع انسدح على السرير اوعدك اذا فقت اقولك السالفه بس خليني انام
احمد على راحتك قام من عند فواز وهو يحك شعره الله يرجك طيرت النوم من عيوني
انسدح على سريره وطلع جواله يقراء بالرسايل
فوز رفع راسه يشوف احمد
فواز: هههههههههه والله حفضت الرساله اسمعلك
أحمد يرمي عليه المخده الله يغثك ماتخلي الواحد ياخذ راحته
فواز اتغطى بالحاف ويقول لأحمد الله يهنيك ويوعدنا
أحمد ماهو معاه مع الرساله
(((احمد وفواز عيال عم ويدرسون بجامعة الملك سعود بالرياض واهاليهم بالشرقية وكلهم مستجدين يعني اول مستوى لهم وسكني مع بعض في شقه صغيره على قدهم )))
فواز: احمد احمد الساعه تسعه قوم الجامعه
أحمد يرفع راسه الاختبار راح علينا
فواز : قوم بسرعه وين شماغي
احمد يجري على الحمام يتوضى
فواز: انا نازل اشغل السياره بسرعه خلصنا ولا تنسى تصلي
أحمد: الله الفجر وتسعه والله لو درا الوالد كان تبرى منا
فواز: الله يستر وتجملنا هالسياره لا توقف عند الايشاره وتفشلنا
أحمد ركب السياره سلام بسرعه بسرعه
وفي الجامعه احمد وفواز بالكفتريا
احمد: ما خلا شي هالدكتور ماقاله واخرتها ما يختبرنا
فواز : بس احنا ما تأخرنا غير ساعه
أحمد : وانت صادق بس شكله ناوي علينا
فواز ويش رايك نكسر سيارته
احمد: ههههههه اقول لا تفشلنا احنا في الجامعه مو في المدرسه
فواز:قهرني ياخي محنا من عيال النعمه والا كان اختبرنا وهو راضي
أحمد : اقول ويش رايك ياولد العم نضربها الشرقيه ما يحطون الغداء الا واحنا عندهم
فواز :مايكفي الي جانا الاسبوع الماضي اتهزانا ماخلونا نسوا بيزه
أحمد:اي والله لا تذكرني
فواز : على الأقل ابوك ارحم ابوي رمى على امي الطلاق ان شاف وجهي قبل انهاية الاسبوع
أحمد:ههههههههههه
يسويه عمي سعيد
فواز خلنا نقوم نكملها نومه
أحمد: انت روح انا أبغى انتظر ايمن عازمني على الغداء
فواز: اجل في امان الله انا رايح
ايمن : هههههههههه ههههههههههههههههه
ايمن اه يبطني والله شكلك تحفه انت ولد عمك ههههههههههههه
أحمد: الله يرجك من صبح وانت تضحك اول مره تشوف واحد ولد عمه ينطرد
ايمن :هههههههههههه هههههههههه اي والله اول مره ههههه
وعند فواز في الشقه الصغيره المكونه من غرفه وصاله ومطبخ وحمام واحد
في الصاله كان قاعد بملل يقلب في القنوات اه هذا حالي واحمد عند كيف لو راح
الله يوفقه قفل التلفزيون ودخل الغرفه وطلع الاب توب
اقول خليني اشوف الشات الي صاجينا فيه الشباب
يمكن القى احد اسولف معاه
فواز ايش اسمي نفسي اسير الشرقيه
من ذي الله ياكبر اسمها مجروحه والرح فيني محروقه
اسير الشرقيه :ممكن نتعرف
مجروحه والروح فيني محروقه :شكلك غشيم في الشات
اسير الشرقيه: اي والله ايش دراكي
مجروحه والروح فيني محروقه : اسلوبك
اسير الشرقيه : العفو انا غشيم في كل شي
مجروحه والروح فيني محروقه : اسفه مكان قصدي اجرحك
اسير الشرقيه :عادي متعود على الجرح
مجروحه :سامحني والا: اصيح
اسير الشرقه : سمحتك الا الدموع ما اقوى عليها
مجروحه:
اسير الشرقيه شكل دمك خفيف
مجروحه: الضحك ماهو علامة مستريح
اسير الشرقيه : الله ليه كم عمرك
مجروحه :18سنه
اسير الشرقيه:اجل صغير على الهم
مجروحه :الهم مايعرف ضغير والا كبير
اسير الشرقيه: اي والله صادقه
مجروحه :كم عمرك
اسير الشرقيه :21
مجروحه :العمر كله
اسير الشرقيه : ايش اقول احرجتيني
مجروحه: ماقلتلك غشيم
اسير الشرقيه:ههههههه صادقه
مجروحه: تدرس ؟
اسير الشرقيه: طالب في الجامعه الملك سعود اول مستوى
مجروحه : ماشاء الله تبارك الله الله يوفقك
اسير الشرقيه:وانت
مجروحه: ثاني ثانوي علمي
اسير الشرقيه:ليه غايبه
مجروحه:تعبانه
اسير الشرقيه :سلامتك ماتشوفين شر
مجروحه : الله يسلمك
اسير الشرقيه:انت اول مره تدخلين شات
مجروحه : لا ادخل بس موكثير وانت؟
اسير الشرقيه : اي والله اول مره بس شكلي كل يوم بدخل
مجروحه :ليه
اسير الشرقيه : ارتحتلك
مجروحه:بس انا زي هالوقت في المدرسه
اسير الشرقيه : وانا في الجامعه
اسير الشرقيه : ايش رايك الساعه 2الظهر
مجروحه :اوكي
مجروحه : يلا باي امي تنادي
اسير الشرقبه :بدري تو الناس
مجروحه :اسفه مظطره اخرج امي تنادي
اسير الشرقيه :الله معك
مجروحه : انتبه على نفسك
اسير الشرقيه :ان شاء الله
فواز قفل الاب توب والله ونستني هالبنيه الله يشفيها
وحط راسه وناااااااااااام

انتهت الورقه الاولى انتظرون في الورقه الثانيه والاحداث الجديده
الله الله في الردود الى القاء

سجينة حب ©؛°¨غرامي ذهبي¨°؛©

.
.

يآهلآ فيك عزيزتي
موفقه بآذن آلله
منوره آلقسم ^،^

لكِ وللجميع لآهنتم
https://forums.graaam.com/96290.html

.
.

كبراحساس ياء ©؛°¨غرامي مشارك¨°؛©

بداية مميزة في عالم الروايات

واحساسي يقوووووووووووووووووووول<<وش يقول احساسك ياام احساس

ايوه يقووووووووووووووووووووووول


انها حتكون حلووووووووووووووة

بس ياليت تكون مكتملة مو نشوف زي بعض الكاتبات الله يهديهم فاخر بارت مانشوف غير غبرتهم واحنا الضحايا ضيعنا وقتنا على الفاضي


وعاد ابي حلاوة منك الحين

بارت طوييييييييييييييييييييييييييييل

دمت بحب يالغلا

آلشقرآ .~ ©؛°¨غرامي ذهبي¨°؛©

,’

هللآ وغلآ

بصرآحه خفت من البنت ليه مدري

وبالنسبه لفراقهم بعد خوفني


عجبني اول جزء

بالتوفيق بالبقيه



,’

الزعيـ A.8K ـمه ©؛°¨غرامي ماسي ¨°؛©

,’

بســم الله

بدآية موفقه
تحمست أعرف مُشكلة فوآز


يعطيك العــآفية


,’


إبتسامي دمع ©؛°¨غرامي جديد¨°؛©

بصراحة القصة عجبتني كثييير مع إن ذوقي صعب بس من جد القصة شدتني وتحمست أعرف باقي الأحداث وعن قريب إن شاء الله بصير منافسة لكم خصوصا إني بديت للمره الأولى أكتب رواية بس ما راح أنزلها إلين ما أخلصها
وبالتوفيق إن شاء الله

VEN!CE يـآرب مآلـي ســـوآكـﮯ

,’


هذه اول روايه اكتبها لكل من يحب ان يرحل على ضفاف الخيال الممزوج بالواقع بكل مافيه من الم وامل
بكل مافيه من تعب وجهد بكل مافيه من شقاء وراحه من دمعه وبسمه من ترقب لغد مشرق
روايه استمديت قوامها من إصرار أبطالها فا اتمنى منكم التشجع لا التأنيب التوجيه لا التجريح فلى اول اوراق هذه الروايه
<< عجبتني المقدمـه

الله يعطيك العافيه
وموفقه لكل خير آن شاء الله



’,

انا والدمع والحزن اخوان ©؛°¨غرامي مشارك¨°؛©

المشاركة الأساسية كتبها سجينة حب اقتباس :
.
.

يآهلآ فيك عزيزتي
موفقه بآذن آلله
منوره آلقسم ^،^

لكِ وللجميع لآهنتم
https://forums.graaam.com/96290.html

.
.
يسعدني اني انظم اليكم والمكان منور بأصحابه
وحياكم في اول رواياتي

انا والدمع والحزن اخوان ©؛°¨غرامي مشارك¨°؛©

المشاركة الأساسية كتبها كبراحساس ياء اقتباس :
بداية مميزة في عالم الروايات

واحساسي يقوووووووووووووووووووول<<وش يقول احساسك ياام احساس

ايوه يقووووووووووووووووووووووول


انها حتكون حلووووووووووووووة

بس ياليت تكون مكتملة مو نشوف زي بعض الكاتبات الله يهديهم فاخر بارت مانشوف غير غبرتهم واحنا الضحايا ضيعنا وقتنا على الفاضي


وعاد ابي حلاوة منك الحين

بارت طوييييييييييييييييييييييييييييل

دمت بحب يالغلا
هلا بكل احاسيسك معايه في اول روايه لي تنبض بكل احاسيس العالم
وما لك الا طيب الخاطر في بارت اتمنى يعجبك

انا والدمع والحزن اخوان ©؛°¨غرامي مشارك¨°؛©

المشاركة الأساسية كتبها إبتسامي دمع اقتباس :
بصراحة القصة عجبتني كثييير مع إن ذوقي صعب بس من جد القصة شدتني وتحمست أعرف باقي الأحداث وعن قريب إن شاء الله بصير منافسة لكم خصوصا إني بديت للمره الأولى أكتب رواية بس ما راح أنزلها إلين ما أخلصها
وبالتوفيق إن شاء الله
احيي فيك روح المنافسه وانا اول قرائك

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1