غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 12-12-2008, 05:22 PM
بنات افكارى 15 بنات افكارى 15 غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


ملاك : نورتى البيت يمه .......


ام صالح : منور بج يالغاليه.....


ملاك : هاه عاد يمه لحد يجهد نفسه ....بالتطبخ وانا مو موجوده ...وترتيب البيت ...انا اعرفج ما تخلين التعبث ....

الخدامه ما عندها الا انتى ...امرى عليها وهى بتسوى اللى تبينه.....تكفين يمه لاتعبين نفسج.....

ام صالح :بحاول......والله ...بس انتى تدرين مايجوزلى شغل الخدم...لازم انا بنفسى اشرف عليهم......

ملاك :لاء ...الحين ريحى نفسج ولا ترى بتتعبين وبندش المستشفى ...وانتى ما تحبينها

ام صالح :ومنو يحبها يالبنيتى ....لا تحاتين بريح نفسى ..خلاص بعد ..مافينى حييل...

ملاك:الله يخليج لى يالغاليه ....والله كله علشان صحتج...وانتى تدرين انا ما يعجبنى الا طبخج .....وما كو مثله ...

بس هم ميرى طبخها حلو....

بعد ما نامو الظهر .....نزلت ملاك المطبخ مع الخدامه وسوت القهوه واللحلو والفطايراستعدادا لزيارت جاراتهم

لهم وبعدها اصعدت فوق غرفتها ولبست لها تنوره جنز وبلوزه حمرا ....وطبعا جدتها ما تسمح لها انها اتحط ولا

نتفه مكياج لان عندها قاعده البنت ما تحط مكياج الا لما اتزوج.......وملاك ماشيه علا الشغله ومو معارضه

علبالها انه صح......لان جدتها تنقد علا كل حد اتحط مكياج وهى مو متزوجه.......ملاك ماشيه علا

هالقاعده ....بس سبحان الله ...مايحتاج اتحط شى ......بشرتها بيضه ...وصافيه....وعيونها اوساااااااع

وخشمها ..اصغير .....وحلجها اصغير ومكتنز ....وشفايفها حمر...ومن كثر ارموشها كانها حاطه كحل....

يعنى بختصار اتجنن اللى ايشوفها ......وفوق هذا اخلاقها عاليه ومادبه وخجوله لابعد الحدود.....

بعد ما اجتمعوا الجيران الا هذى ام مبارك جارتهم داشه

ام امبارك : انا جيتج مع انى زعلانه منج بس شسوى من دريت انج مريضه اجيت ماصبره....

((ام امبارك من شهر خطبت ملاك لولدها امبارك ...ولدها مشكلجى وراعى هواش ومشاكل ....ولا عنده شهاده ولا

فيه اى ميزه ...وتبى ملاك اتزوجه عشان ايطخ....وجدتها قالت لها بالوجه ملاك ما تصلح لو لدج ...ملاك هاديه

وعمر محد رفع صوته عليها ولدها هذا اسلوبه.....وبعدين ازعلت لان بنظرها ان ولدها مافيه احسن منه .....))

ملاك اول ما اسمعتهم وهم يفتحون الموضوع علا طول اطلعت ونا دت ميرى اتصب القهوه عنها.........

ام صالعح:يامرحباوالله .......لو انج ما تدرين انج غاليه عندى ما جينى......... والله ان القلب اوسعلج من الدار يم

امبارك.......وترى المجلس من دونج ناقص .....ولا يهونون بناتى القاعدين

ملاك :يوه اشتبى هذى لازم تفتح الموضوع جدامى والله انحرجت من الحريم.....يمه والله لو شنو ما اخذ ولدها

اليوم الثانى بالمدرسه .......

ليلى :هلا ملوكه وينج والله لج وحشه.....

ملاك:والله مع جدتى بالمستشفى وكنت بداوم بس.......... ان تعرفين الفحوصات كلها الصبح وما قدرت اهدها

لحالها قعدت معاها ......شسوى بعد..

ساره :الله يخليها لج ...

ملاك : امين والله من دونها ما اسوى

ليلى :باجر لما اتزوجين راح يتغير الحجى ........وهى تغمز بعينها

ملاك:مستحيل.......مس تحيل يجى احد اغلى من امى

ملاك :بس خلو منكم الحجى اللى ما منه فايده ......قولو لى شنو الاشياء المهمه اللى اخذتوها امس واللى قبله.....

ساره :انتى هذى هياتج بس دراسه بدراسه......متى لتفكرين مثل البنات ....تدرين عاد خساره هالجمال عليج...

لو انا جان ماخذتلى شيخ مو اى شى بس انتى دافنه نفسج بين هالكتب......هاهوتكش عليها مالت

ليلى انا بس ابى اعيونج بس بروحها تقتل......لا صج شخبار ولد عمج ...تركى

ملاك ماعندها الا عم وعمه راشد عمتها نوره طيبه وحبوبه وما عندها الا بنت وحده ما جابت غيرها والعيب من زوجها

وماجابه هالبنت الى علا كبر......وزوجها يموت علايها ....عمتها اتموت علا الموضه والكشخه ......وعندها مشغل

فساتين سهره وعرايس.....وحياتها كلها سفرات لاوربها عشان اتواكب الموضه وزوجها رجل اعمال كبير وعنده

شركات مشهوره بالكويت......بس نادر ما تزور ملاكمن كثر الشغل ولا بالعكس هى اتحب ملاك ....بس تنغث من

لبس ملاك ...وماتحب تجرحها ...فديم اتجيب لها ملابس بس جدتها ما تحب احد يجيب لمالك شى

اما عمها راشد ماعنده شخصيه زوجته متحكمه فيه ويحب ملاك ودايم ايزورها وتزورهم بس ملاك ما ترتاح

عندهم من نغزات مرت عمها ام تركى وبناتها منال ونوف....فكانت ما تقعد عندهم الا شوى وتروح لبيتها

اما تركى فهو ولد هادى خلوق يحب ملاك بشكل رحيييب اخر سنه له بالجامعه تخصص حقوق......بس عيبه ان امه

متحكمه فيه....ودايم يدز لملاك مسجات ......ومرات ينظرها عند باب المدرسه يبى ايشوفها ....وهالشى مضايق

ملاك حيل ولو تدر جدتها اتسويلها سالفه.........وهذا اللى مخوفها....

ملاك :صارله فتره ما شفته اشوه ........فكه والله لو تدرى امى لتسويلى سالفه وتهزء عمى ومرته

ساره :مالت عليج هالله اشحلاته جنه القمر اشلون اطوفينه لا وميت عليج ...انزين اصير اتحولينه لنا ....

ملاك :ياليت عليج بالعافيه هو ومه معاه دعايه

ساره :والله لو اخذه لاجننها وخليها اتقول حقى بارابتى هههههههه

ملاك ماتت من الظحك ........والله ياليته ....عاد باطه جبدى كل ماتشوفى تسالنى ليش شينانه ليش مسمره احى

من عندهم محبطه.....لاوالبنات نوف ومنال من يشوفونى وهم ايتساسرون ويطالعونى ويضحكون ولا دشو اغرفهم

وما يطلعون لين اروح.....بالله اشعليه انقهر تركى خوش ولد بس .....مستحيل اتزوجه...

بعد ما ردت ملاك البيت ......وصلت الظهروتغدت

ام صالح :ملاك منو اتوقعين عندنا اليوم ؟؟؟؟؟؟

ملاك :منو يمه ....

ام صالح :ام تركى .....

ملاك غريبه اشتبى ....

ام صالح :توقعى انتى

ملاك واللى بدت تتضح الراى عندها بس ما بغت اتبين لجدتها ؟؟؟؟

ملاك :ماادرى

ام صالح :اتخطبج لولدها !!!1

ملاك :من صجها هذى والله مالها امل..

ام صالح :والا فيها بعد اكيد برفض ....وقلت لها ملاك اصغيره وماعندنا عرش

ملاك :وش قالت

ام صالح : ماقالت شى خلاص انتها الموضوع؟؟؟

ملاك :اشوه فكه

ام صالح :شوفى يابنتى محد يقدر يغصبج علا شى وراسى اي شم الهوا((طبعا ام طالح ما نقلت لها ردت فعل ام

تركى خافت لا تحاتى وياثر علا دراستها .....ولا ام تركى اطلعت وهى اتحلف ان ملاك ما ياخذها غير تركى وان

ملاك تحمد ربها لن تركى خطبها


فى بيت ابو تركى


نوف :والله يمه انتى غلطانه اشتبين فيها ....هى ووجهها الخايس مدرى اشايف تركى فيها ولا لبسها الايفشل جنها

عجوز..........ختولى بس واخطبيله اللى احلا منها .....

ام تركى :الا ابيها خدامه عندى باطه جبدى هى وعجوز ابليس اللى عندها .....حشى دينصور ماتموت....

انا اوريها من ام تركى ان ما خذيت بنتها وبعد شهر خليت تركى يطلقها...ماكون ام تركى...... وهى تفرك علا

ايدينها من القهر ام تركى تكره ملاك من كره امها كانت اتغارمنها والكل كان يحب ام ملاك وحقدت عليها وانتقل

الكره لبنتها كانت اتمنى انها اتربيها عشان اطلع عقدها بهالبنيت بس جدتها امنعت الكل لا ياخذ بنت بنتها ...)

تركى لا تاخلى احد يخطبها حير عليها وانا بنشر عند الناس انك خاطبها

تركى انا بتاكدمن راى البنت اول .......اذا ماتبينى ماراح اظلمها نعاى يمه......واللى مايبينى ما ابيه...

موبكيفك بتاخذها يعنى بتاخذها.......وبنشوف من اللى كلمته ابتمشى


فى لندن عند خالد

خالد ....خالد ......حبيبى .....اصحى ...زيالله ياعريس ........خالد وهو يفرك اعيونه......هلا ياقلبى انتى ....هلا

يااعيون خالد..........رانيا كل هيدا نوم .......ويرد يحضنها وينام خلينى انام ترى انا معرس يعنى لازم استمتع

بهالوقت الحلو يالله حبيب البى انا مجهزتلك .....الغداء يالله هالا الساعه 5 بعد الظهر ما شبعتى نوم ...

تركى يالله يالله ياقلبى الحين جاى......((رانيا حذى كانت صديقه خالد وتزوجها عرفى واهى راضيه لان هذا ازواج

الثالث لها مقزرتها عرفى .....)))

خالد بعد ما خذاله شور وهو يفرك شعره بالفوطه ....هاه ياقلبى سومويتلنا .....وهو يطالع

اللللله ....تبوله ....وحمص ......مجدره....كل هذا بلندن والله عبالى بيروتهههههههههههه

صحتين علا البك .....ياالبى وهى تحوط ايدينها علا رقبته وتبوسه.....

خالد:وهو يطاع تلفونه الا 20 مكالمه لم يرد عليما من امه وريم....

خالد :الله كل هذا وانا وين......صج انج نسيتينى الدنيا واللى فيها يالله بعدين احاجيهم خلصى اكل ويالله خن نطلع انا

وياج حاجز لج كوخ بالريف عجججججب راح اتكيفين عليه

خالد رد لسوالفه القديمه لانه ما فكر بالزواج الا مره وحد ويوم واجه الصد رد لخرابيطه القديمه ومستانس علا

هالحيات كل يوم والثانى ماخذله لبنانيه ولا سوريه ولا مصريه من اللى معاه بلندن ومتع نفسع فيها جم يوم

ومطلقها طبعا علا اتفاق بينهم خالد عاش طفولته ودرس لحد ما صار عمره16 سنه بلندن لان ابوه كان يكمل

دراسات عليا بلندن وماخذهم معا وتربى مع عالمجتمع واى شى يبيه ياخذه .....الا ريم وقفله ابوةه فيها


فى بيت ام صالحم

دخلت ريم الا جدتها تكلم بالتلفون ........هلا يالمه اشلونه ياوليدى وشلون اعيالك والله انى مشتاقه لك حييل ومتى

بترحج والله ما صارت هالغربه انت بديره واختك بديره((ام صالح عندها ولد وبنتين فاطمه اللى مع زوجها بالر

ياض لانه اسعودى وصالح اللى يشتغل بالسفاره اللى بامريكا وما يجى الا مره بالسنه وكل خمس سنوات بديره

ام صالح:يالله ياولدى ماعاد بالعمر كثر الى راح تعال بشوفك قبل لا اموت ........وقعدت تبكى

ام صالح: والله........ متى......... الشهر........... الجاى يابعد عمرى والله مشتاقتلك يالله ياوليدى.....يالله مع

السلامه بحفظ الله

ملاك :والله يمه خالى بيجى الشهر الجاى ......وناسه ,

ام صالح: ان شالله....


صالح كان ينى ياخذ امه معه بس مارضه عشان ملاك ......ماتبى اتخليها عند احد....

بعد اسبوع :راحت ملاك وجدتها لموعدها عند الطبيب .....

ملاك: بشر يادكتور....ان شالله امى احسن ..

الدكتور :ماشاللاحسن بواجد انتى مو حاسه انج احسن يل ام صالح؟؟؟؟؟


ام صالح : الا والله احسن واحس انى قدرت انام عدل .......


الدكتور الحمد لله عساه دوم .....وكتبلها علاج اخف من اللى قبل وطلعو علا طلعتهم الا بدخلت خالد.....توه جاى من

المطار............

خالد : قوه يبه وما كان منتبه للى موجودين عند الباب وطبعا هذا طبه متكبر ومغرور.......ملاك اول ما شافته

اقعدت الطالعه شنو هالطول والجسم جسمه روعه لانه يشيل حديد وكمال اجسام وعيونه مهى كبار ولا صغار

حاده ونظرتها ترعب الللى مايعرفه وخشمه طويل وله لحيه خفيفهمع الشارب بس مسرع ما انتبهت لنفسها وطلعو اا
املاك :وهى تسوق السياره وسرحانه يالله ماحلاه اول مره يشد انتباهى احد بهالطريقه ...ماشالله تبارك الرحمن

يجنن.......... ملاك شالسالفه اشوف صايره جنى ساره وبتسمه...

خالد عند ابوه :شلونك بيه

الدكتور وهو يكتب ولا معطيه بال :حمد الله علا السلامه..

خالد :الله يسلمك يبه........يبه ادرى انك زعلان منى .....انا ادرى انى غلطت معاك باسلوبى وانا اسف ...بس تدرى

انا كنت.....

الدكتور :المكان مايسمح انتكلم بهالمواضيع....الحين وعموما انا نسيت الموضوع لانى ادرى انه انتى وخلاص

خالد:وهو يوقف انا ما حبيت اروح البيت قبل لا اشوفك وعالعموم انا اكرر اعتذارى لك وطلع......

وبالبيت صلى خالد الظهر وحط راسه ونام

وامه لما درت انه رد وهى ما شافته ماتت قهر تبى اتعرف شنو صار


بالسياره

ام صالح : ماشالله شفتى ولد الدكتور اشزينه يشبهه سبحان الله .....

ملاك :ما انتبهت (وفى بالها الا والله احلى من ابوه بالف مره)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 12-12-2008, 09:43 PM
بنات افكارى 15 بنات افكارى 15 غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


(((( الجزء الرايع))))


مرت الايام .....تقريبا متشابهه علا ملاك......من المدرسه للبيت ومن البيت للمدرسه......وجدتها مره زينه ومره



اتحس بالتعب وهذا اللى مضايق ملاك ......ومن جهه ثانيه ...............ام تركى لى الحين تخطط وتحلف لى اتورى



هالبنت وجدتها..........اما فى بيت ابو فيصل (الدكتور منصور)فكانت العلاقه بين خالد وابوه رسميه وفيها شى من



التحفظ .......


وصل صالح من امريكا ومعاه بناته ساره 20 كبر ملاك وحلا سنه 16والزين10 ومحمد25

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 12-12-2008, 09:46 PM
حلاتي بجنوني حلاتي بجنوني غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


واااااااااااااااو يجنن البااارت ياريت تكملي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 13-12-2008, 12:02 AM
بنات افكارى 15 بنات افكارى 15 غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


طبعا ساره بالجامعه لانها دشت المدرسه علا سنها ....لاكن ملاك ...اخرتها جدتها لانها كانت اتخاف عليها وتبيها


تكبر وما ردت علا اعتراضات الكل ......كل هذا من الخوف عليها.......واستانست ملاك حيلللل وياهم ملو عليها


وعلا جدتها البيت ........ملاك ......كانت حييل مستانسه وان خالتها بعد لما درت ان اخوها جاء قررت انها تجى



من الرياض....


ملاك :هلا والله بخالتى والله حيييل مشتاقين لج والله واخيرا سمحلج ......سى سيد ......



فاطمه :والله ما صدقت لما وافق والله ولهانه عليكم وعلا امى وعلا الكويت كلها .........(((فاطمه عمرها 37 سنه



وعقيم وزوجها متزوج عليها ......ومعاملته لها مو لى هناك ....مايخليها تجى الكويت الا بعد طلعت الروح بس اهى



تحبه وراضيه بنصيبها)))



كل يوم ملاك وبنات خالها يطلعون مع محمد ولد خالهم او مع ملاك بسيارتها ومعاهم الجده طبعا........وستانست



ملاك حيل معاهم اما مرت خالهم فراحت عند اهلها تبى تشبع منهم ..........ماتنلام ...ماتشوفهم الا بالسنه مره.....



ملاك وهم متجمعين علا الغدا ء :يمه باجر ترى عندج موعد ....لاتنسين ...



صالح :وين



ملام:بعيادت القلب عند الدكتور



صالح:يمع ترى انا اللى بوديج باجر وبشوف شيقول الدكتور لانى مفكر اخذج انتى وملاك معاى بعد ماتخرج ملا ك



لامريكا واعرضج علا الدكاتره اهناك



ساره : الله جده ياليت والله اتصير وناسه وملاك معانا




ام صالح: وين يبنيتى انا ما اتحمل الطياره والتعب .....وانا والله ارتحت علا علاج هالدكتور




صالح:ان شالله بكره اروح معاج ونشوف شنو يقول الطبيب؟؟؟؟؟؟؟؟؟؟




ام صالح: ان شالله ......




فى اليوم الثانى راحت ام صالح مع ولدها صالح للعياده......واول ما دش صالح.....ولا ينصدم باللى قاعد.....



صالح: ابو فيصل؟؟؟؟؟؟؟؟؟؟؟؟



الدكتور:بو محمد؟؟؟؟؟



الدكتور وهو ياخذه بالاحضان ياهلا والله........ ويامرحبا........... وينك يارجال وين اراضيك.....




صالح :والله صارلى ثلاث اسابيع وانا بالديره ومابقالى الا اسبوع......




لدكتور منصور :اقعد اقعد يارجال....والله ولهان عليك....وهو يلتفت علا ام صالح....تدرين يا ام صالح انه من اغز



اصدقائى ولا حتى يقول ابى اشوفه .......



صالح: والله هذى احلى صدفه....



الدكتور:استريحوا ...استريحى ام صالح....



ام صالح عدوك الريح



وبعد ماكشف علا ام صالح وكتب لها العلاج......لزم علا صالح وامه وعياله انهم يتعشون عندهم بكره.....



حاول يعتذر بس ما عطاه مجال.......



بعد ماوصلو البيت قالت امصالح لملاك ان الدكتور طلع صديق خالها وانه عازمهم كلهم علا العشاء بكره



ملاك :انزين انتى بتروحين يمه


ا
م صالح: كلنا حتا انتى :



ملاك :لاء يمه انا ماراح اروح اولا استحى وثانيا عندى ادروس اشكثر........وبعدين يمه ناس مااعرفهم



استحى .......




ام صالح: والله انتى معقده امشى تعرفى علا الناس واستانسى ...




ام صالح :ونتى يافاطمه بعد مستحيه.....




فاطمه :لاوالله بروح وياجو استانس....ومرت صالح بعد اتقول انها بتروح ............



ام صالح:والبنات



فاطمه بس حلا اللى بتروح والا اباقى بيقعدون عند ملاك......




ام صالح :زين ايسوون خليهم يقعدون عن ملوكه




جاء اليوم الثانى وبعد صلات العشاء تزهبو الحريم ومرهم صالح وولده محمد وراحو للعشى



ملاك والبنات اطلبو لهم فلم وعشى من مكدونلز وقعدو بالبيت




بعد ما تعشو ا وهم قاعدين يشربون الجاى ......



ابو فيصل :ياسبحان الله امك عندى طول هالفتره وما دريت انها امك ....ز



صالح:اى والله الا قولى شلونها امى ؟؟؟؟



الدكتور :والله ما اخبى عليك يبيلها راحهه تامه لان اى مجهود ياثر عليها.....تعرف انت السن يلعب دور.....وهى





عندها القلب من زمان .......الا تعال قولى هالبنيه هذى متى جابتها امك علا خبري ابوك متوفى وانتوا اصغار ؟؟؟




صالح::وهو يضحك ....لا يالمعود هذى سالفتها سالفه.....هذى ياطويل العمر بنت اختى اذا تذكر اللى توفت مع


زوجها عبدالله.......




ابو فيصل :اىاى اذكره عبدالله الله يرحمه...



صالح :عاد هذى بنته ملاك...بعد ما توفوا ربتها امى وما رضت احد يربيها جدتها ام ابوها توفت وجدها متوفى من




زمان ومالها الا امى .........وانا يامنصور حدى متاذى احاتى امى وراى وما اقدر اخذ هالبنيه معاى عمها ما





يرضى وشؤن القصر هم ما يرضون بعد لا زم اتكون تحت نظرهم....وتوهقت وتعبت من العربه ...ومحاتى امى




وتعرف انا مالى اخوان .....




الدكتور منصور ابو فيصل:ليش ا تزوجها محمد.....



صالح:خطبتها ورفظت اتقول منصور مثل اخوى وما بغيت اظغط عليها تكسر خاطرى...مع انها قمه بالاخلاق




والادب والسنع وتربيه امى....ومتفوقه وعمرها ما غثت احد وخجول حييل عشان جذيه ما عدت عليها رواجما من




محمد لانى ادرى انها بتستحى وتوافق عشانى وانا ما ابى اجبرها علا شى .........




بعد ما انتهت السهره وودع منصور صديقه صالح ..........منصور والله مهى شينه هالفكره ......ليش لاء

كم

حلا وهى تدخل : طافكم يابنات.....شنو بيت وشنو كشخه وشنو عشى .....شى ....والاحلا ولدهم ....يجنن توه جاى




من النادى وعليه لبس الرياضه شى مو طبيعى بس انه كبير شوى بس يجنن؟؟؟؟؟؟؟؟؟




ملاك التفتت لا ايرادى ((غالزالله عندج ذوق اذا هو انفس اللى شفته))




ملاك:((وهى منسدحه علا سريرها الله يقطع ابليسج يا حلا طريتيه على وانا نا سيته...)))




سافر صالح وعياله وسافرت فاطمه....وما بقى الا ملاك وجدتها......وحدهم ظايقه اخلوقهم بعد الازعاج والوناسه




رد هدوء البيت والملل والوحده لملاك......




ومرت الايام عاديه وكل ما قعدت ملاك علا مكتبها تبى تدرس لازم يمر طيف خالد علا بالها .....(((اف يربى ما ابى




افكر فيه يربى ما شفته الا دقيقه وجذيه تعلقت فيه اجل لو ساعه شبسوى ....صج انى سخيفه اللى افكر بواحد




جذى....يمكن يكون متزوج ولا خاطب سيده فكرت فيه لاء لاء لازم اشيله من مخى......



وبدت الامتحانات والنفسيات تحت الصفر .....ام صالح ما تشوف ملاك الا وهى رايحه المدرسه ولا راده منها



..............................واخيرا انتهت الامتحانات....................




ام صالح : وجيرانها عندها........ والله مابغت اتخلص هالامتحانات ...ماعاد شفت ابنيتى.....

ا

ام بدر : وهى تلتفت علا ملاك الا خلصتى يا ملاك مابقى منج الا جلد وعظم.....



ملاك: خلاص هم وانزاح من علا صدرى



وباجر النتيجه علا النت امانه ادعولى اجيب نسبه ادخلنى الطب..........




الحريم:امين...امين



ملااااك ...ملااااك مبروك مبروك



ملاك :شنو



ليلى: مبروك جبتى91




ملاك والله والله الحمد لله ليلى وانتى ...انا 85الحمد لله وساره 79




ملاك: نفس ماتوقعت الحمد للاه علا كل حال ليلوه عن اذنج بروح اشر امى .....وسجدت سجدت شكر وراحت لمها





ملاك : يييييمه ابشرج نجحت وجبت 91 باركيلى يمه باركبلى



ام صالح :جعله امبارك مبروك الف مبروك وقعدت تبكى ؟؟؟؟؟؟؟؟؟؟




ملاك :يمه ليش تبكين ؟؟؟؟؟؟




ام صالح من الفرح يمه الحمد الله اللى ما ضيع تعبج.....





ملاك:الحمد لله ...يمه انا مستانسه حييييل ودى اطير من الفرحه



ام صالح عسى ايامج كلها فرح يبنيتى ......




ملاك يمه :بشرى خوالى



وفجاه الا تلفون ام صالح يدق ووردت

ام صالح: الو

المتصل:..........


ام صالح :الله يبارك فيك ياوليدى


المتصل :.........


ام صالح:ان شالله



المتصل :..........



ام صالح :اى عندى ..............ام صالح وهى تغطو المايك .....هذا الدكتور منصور يب يبارك لج


ملاك اشرت بايدها بالرفض....ززمستحيه يمه



ام صالح اخذى خلصينى هذا جزه



ملاك :الو




الدكتور منصور:مبروك مبروك




ملاك:الله يبارك فيك



الدكتور ما شالله بيضتى وجيهنا بهالنسه



ملاك :مشكور وماقصرت



الدكتور:هاه وان شالله شنو ناويه ادشين



ملاك: والله ناويه ادش الطب



الدكتور:يعنى تبين اتنا فسينا وهو يضحك



ملاك :لاء العفو يادكتور



الدكتور:يالله عسى الله يوفقج ويوفق كل مجتهد



ملاك :امين ومشكور يادكتور علا الاتصال



الدكتور :انتى تستاهلين اللى يتصل عليج.....



ملاك :جزاك الله خير




وسكرت التلفون ووجهها احمر و......يمه والله استحيت ......بس والله ما قصر اللى اتصل وعبرنا ....




ام صالح : الله يجزاه خير




ملاك:الا ما سالناه عن نسبه بنته




ام صالح : اى والله فشله .....عاد الرجال داق





بالجرايد باجر




الكل اتصل واللى جاء وانترس البيت بالكيك والهدايا من صديقات ام صالح وخالها صالح حولها خمس ميه دينار




حق تخرجها......




ميرى ::ماما ماما فيه رجال ابى ملاك بر




ام صالح:شنو منو هذا رجال




ميرى :هذا رجال انكل ملاك ابى برا وياه ولد مال هوا




ام صالح :روحى نادى ملاك خليها تجى




ام صالح :يالله حيهم ....اقلطوا داخل الدوانيه وقعدت معاهم




ابو تركى : مبروك نجاح بنتج ياام صالح




ام صالح: الله يبارك لك




دشت ملاك وهى حاطه احجابها علا راسها ولابسه درتعه واسعه ونظرها بالارض وانزلت علا راس عمها وباسته




وعيون تركى ما فارقتها




تركى :مبروك يا ملاك



ملاك :الله يبارك فيك




عمها مبروك يا ملاك رفعتى روسنا وانا ابوج




ملاك :الله يبارك فيك



ابو تركى ملاك : بغيتج بسالفه بينى وبينج




ملاك وهى تطالع جدتها :واشرتلها عشان تروح وطلعو برى




ابو تركى ملاك :انتى تدرين ان تركى سبق وخطبج وكانه عندج دراسه ومنتى فاظيه والحين يابنتى انا اكرر عليج




الطلب هل انتى موافقه ....شوفى ياملاك محد يجبر احد علا شى وانتى بنت الغالى وايذا ما تبينه .....محد راح



يغصبج......والحين مابى منج رد فكرى وحسبيها عدل وبعدين ردى على




******تعتقدون شنو ورا اهتمام الدكتور صالح بملاك

وشنوا رد ملاك علا عمها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 13-12-2008, 12:05 AM
بنات افكارى 15 بنات افكارى 15 غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


مشكوره اخت حلاتى بجنونى ونزلت البارت لعيونج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 13-12-2008, 04:15 AM
صورة سحابه حلم الرمزية
سحابه حلم سحابه حلم غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


واو قصة روعإأإأإأإأ تسلمين قلبو لاتحرمينا من جديدكـ

انتظر البارت الجديده على احر من الجممممممممممممممر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 13-12-2008, 10:16 PM
بنات افكارى 15 بنات افكارى 15 غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


مشكور اخت حلوه واتمنا تعجبج بقيه القصه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 13-12-2008, 11:46 PM
بنات افكارى 15 بنات افكارى 15 غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


((((الجزء الخامس))))







ابو تركى : الله يابوك مشينا ......يالله فمان الله يام صالح وعسى ايامكم كلها فرح......





ام صالح :الله يحفظكم ياوليدى .....وماتشوفون شر ان شالله.........




ابو تركى :الشر ما يجيج .................وطلعوا ....وتركى اعيونه علا بنت عمه ملاك........ايحبها حيييل.....من




يومه اصغير ........وكبر هبها وعاه ويتمناها اتكون زوجته ..........






ام صالح ..:وهى تميك ملاك من ظهرها....... تعالى قوليلى .....شنو كان يبى عمج فيج؟؟؟؟؟؟؟؟؟؟




ملاك :يييييوه يمه والله احرجنى عمى .........وكسر خاطرى......





امصالح:ليش بالله ...كسر خاطرج؟؟؟؟





ملاك:قالى انه يكرر خطبته لى ويقول ماراح يقدر احد يجبرج علا شى .....






ام صالج:وليش ما يبى يتكلم قدامى ؟؟؟؟؟ليه باكله انا................................ا وبعدين ليه ما قلتيله لا مانى





موافقه وانهيتى الموضوع.......خليه ايولى .....





ملاك :والله بغيت اقوله بس هو قالى لا تردين الحين.............




ام صالح:والله راهى ينطر الموافقه ان شالله ..........والله لو تاخذين اولده لا توريج امه انجوم القايله.......




اصلا هى ودها انج تاخذين ولادها ....عشان اتعزر فيج ..............وبعدين ايقول محد غاصبج اشدعوه عاد انا




بخليه علا كيفه .....................الحين ادق عليه واقوله ما عندى بنت للعرس .....وشيلو ملاك من روسكم




ملاك: لاء يمه الله ايخليج....





ام صالح :شنهو لايكون تبينه ......انا اشوف الخز اللى مو طبيعى بينكم .........هاا اكيد بينكم شى .....والله منتى





بنتى اللى ربيتها .......................






ملاك : اى خز الله يهديج ...والله مابينى وبينه شى بس انا برد علا عمى برد مايزعله ......(((والله كاسر خاطرى





تركى بس امه ما راح اتخلينى اعيش متهنيه وياه ......وانا مالى بالمشاكل....))))




ام صالح :يعنى انا اطلع منها الحين هاه معليه يا ملاك......وعطتها ظهرها ومشت.......




ملاك:وهى تلحقها وتمسكها من اكتوفها : يمه عاد انا مو هذا قصدى والله انتى اغلا عندى حتى من نفسى بس خلى





هالموضوع على ........وبعدين يمه ترى انا حدى متظايقه لا تزيدين ضيقتى ضيقه.........ولا تلتفت ام صالح بسرعه





ليه ينه اتحسين ابشى متعبج شى قولى ......شنو اللى يعورج.......وتفحص جسمها ....





ملاك :لاء يمه مافينى الا العافيه بس عمى كسر خاطرى






امصالح:ههههاه كسرخاطرج عمج ولا ولده ؟؟؟؟؟؟؟؟؟






ملاك :ابصراحه يمه الاثنين!!!!








ام صالح :خلاص تزوجيه وافتكى ورتاحى وخلى ضيقه الخلق اللى عندى وروحيلهم






ملاك:ييوه يمه كل شى تفسرينه غلط........انا مستحيل اوافق وانتى عارفه بس ما كان ودى ارد عمى هو عمره ما







زعلنى ابشى بس عاد شسوى لازم ارد عليه.................................






اصعدت ملاك الغرفتها وصلت العشى وقعدت اترتب اغراضها وتشيك الكتب وترتب غرفتها من جديد.........الا جدتها




داشه عليها.........




ام صالح: ملاك يمه اليوم فظى الكبتات من الاغراض ........





ملاك :ليش يمه؟؟؟؟؟؟




ام صالح:بكره الصبح راح اروح انا وياج الضجيج ....(منطقه بالكويت للاثاث) وبشتريلج غرفه جديده






ملاك : والله يمه .......بس يمه لا تكلفين علا عمرج عرفتى جديده .......





امصالح :معليه انا بشتريا لج هديه لنجاحج....






ملاك:يابعد عمري انتى .....توج معطتنى هديه .....(عطتها 200دينار)






ام صالح :وهذى بعد مايصير الدكتوره ملاك تقعد بهالغرفه القديمه






قامت ملاك وحظنت جدتها الله يخليج لى ........(ام صالح دايما لا ضايقه ملاك ابشى اتحاول تعتذرلها بس بطريق






غير مباشر عشان اتراظيها ....وملاك فاهمه هالشى)







اقعدو الصبح وبعد ما افطروا ........






ام صالح :يالله ملوكتى مشينا .....





ملاك : يالله بس البس ملفعى وانزل لج ...............ولبسه عباتها وملفعها ,,,,وطلعوا .....





ام صالح :ملاك الظاهر انى برد اجيب لى سايق.....




ملاك :ليش يمه ....؟؟؟؟؟؟؟




ام صالح :الحين انتى بالداومين بالجامعه وماراح اتردين الا العصر .....هذى بنت ام سالم ما ترد الا العصر وانا





يمج محتاجه احد ايودينى ونتغر للبيت وانتى ما راح اتلحقين .....





ملاك كوالله صاجه يمه ....بس هالمره جيبى واحد كبير عشان ترتاحين مو مثل هذاك اللى كل خدامت الشارع





مصادقاته وفشلنا ابجيرانا .........





امصالح :اي والله






وبعد ما فرو السوق فر .....ماخلت ام صالح محل ما دشته وساعه وهى اتكاسره وتفاصله وبعدين اتروح وتخليه






^^^


^^^



^^^




فى بيت ابو فيصل كان قاعد ابو فيصل وولده فيصل..........فى غرفت المكتب .......يتكلمون بالشغل لان فيصل هو اللى ماسك تجارت ابوه وابوه معتمد عليه ابكل شى .......لانه يثق فيه ودراسته ساعدته علا هالشىخريج كليه التجاره ..........
ابو فبصل :فيصل انا والله يبوك شايل هم اخوك اللى لحد الحين مايبى ايتزوج ويوم اختار اختار بنت خالته والله بغى يذبحنى يبى يناسب خريج السجون وعياله كلهم والعياذو بالله مدمنين مخدرات ............انا لما اشوفهم عندكم احس بشياطين الدنيا كلها تركبنى وخوك هذا عنيد والله اخاف ياخذها من دون علمى وهم ما عندهم مانع لو يحى بروحه ايخطب عطوه ................عشان جذيه انا فكرت اخطبله علا ذوقى واحطه جدام الامر الواقع وانا ادري انه ما راح يكسر كلمتى عند الناس ويصغرنى ........وبعد ما يتزوج راح ايغير رايه لما ايشوف المره السنعه الى تصلح اتكون
ام لعياله وتحفظ بيته من بعده ..............وهذى عندى لانه مهو كفو اخليه علا كيفه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 14-12-2008, 07:27 AM
صورة سحابه حلم الرمزية
سحابه حلم سحابه حلم غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


خطيييييييييييييييييييره البارت الجديدهـ تسلمين يالغلا بسسس لو تكون البارت اطووول شوي وتعرفين الحين مدارس ماراح ادخل كثير بليززز خيتو ويعطيكـ الف عافية وفي انتظر البارت الجديدهـ على احر من الجممممممممممممممر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 14-12-2008, 11:14 PM
بنات افكارى 15 بنات افكارى 15 غير متصل
©؛°¨غرامي مشارك¨°؛©
 
الافتراضي رد: بعلمك درس يفيدك ويحييك


مشكوره حبيبتى...وان شالله راح انزل البارت فى اقرب وقت ........ويكون اطول ....

الرد باقتباس
إضافة رد

بعلمك درس يفيدك و يحييك / كاملة

الوسوم
بعلمك , يفيدك , ويحييك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6835 28-05-2019 01:18 PM
بعلمك درس يفيدك ويحييك كـان قلبـي لـك مدينـه ارشيف غرام 3 09-05-2010 01:03 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 08:05 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1