غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 19-12-2008, 02:19 PM
شعـ((الحلوهـ))ــوله شعـ((الحلوهـ))ــوله غير متصل
©؛°¨غرامي مجتهد¨°؛©
 
الافتراضي رد: عقلي يبي محمد وقلبي يبي فيصل رواية سعودية جريئة


العنود/خليني ارجع اكمل نومي...
محمد/هههه لامافي هروب من الاجابة انا مصر اعرف......
العنود/شتعرف؟
محمد/احساسك شنو؟
العنود/وتغير الموضوع بعد ماتعرف؟
محمد/أي بغيره...
العنود/وعد..
محمد/وعد ياقلبي...
العنود/وماتساْل ولاسؤال خلاص...
محمد/ان شاء الله عمتي....
العنود/..............اي..
محمد بخبث/شنو أي فهمت شي انا من أي حقتك؟
العنود/أي احس فيها ناحيتك....
محمد/احبك وربي الكون احبك ياعنود ودي اطلع واصرخ للعالم كله باني اموت عليك...
العنود/سويها وبتلاقيني ساعتها انتقلت الى رحمة الله,,,
محمد/ليش عاد!!
العنود/تقول بتطلع تصرخ للعالم كله انا وين اودي وجهي ذيك الساعة من الفشيلة......
محمد/بالعكس هذا اروع احساس يالعنود صدقيني مافي اروع من احساس الحب ...
العنود/الليلة صاير شاعر.......
محمد/ ابي اكتب قصيدة حب ابي اوجز معانيها...........
ابيك بين هاالعالم تفاخر يوم تقراها......
ابيك لحرفها تطرب ........ابي غيرك يغنيها.....
ابي لامن سالك انسان ....من اللي فيك سواها...
تقول اللي سكنت قلبه وروحه لي مهديها!!!وسلامتك يااغلى البشر...
العنود/الله الله...محمد تعرف اني استحي من هاالشي....
محمد/أي شي؟
العنود/انت حساس ورومنسي
وانا احس اني غير عنك ومافيني شوية منك رغم المفروض انا اكون كذا...
محمد/بكرة اذا انكويتي بنار الحب بتكونين كذا يالعنود صدقيني.....ولعلمك انا ماكنت كذا ولا لي في ها السوالف بس من تعلقت فيك صرت ادور على قصايد الحب ومااسمع الا اغاني الشوق و.....
العنود/يعني بكرة اذا تزوجنا بقول لك هاالكلام ؟
محمد/اكيد بتقولينه وبتقولين احلى منه لانك بتجربين الحب الحقيقي....
العنود/احنا مو قلنا ماراح نتكلم ليش جريتني في الكلام......
محمد/هههه تعرفين ياالعنود انتي بريئة حيل واللي يبي منك شي بسرعة ياخذه وانا اموت على هالشي فيك...
العنود/محمد انا متضايقة ان الملكة تاْجلت...
محمد/عيون محمد مافرقت ملكنا بكرة لو بعد عشرة ايام صدقيني ماتفرق اذا اللي في قلبنا بيظل معنا خلاص ولاشي في ها الدنيا يهم...
العنود/بس...
محمد/يعني انا اللي صابر لين تكبرين واخذك بيعجز صبري عن عشرة ايام ياالعنود!! لاحبي انتي اقوى من انك تتاْزمين وتفكرين في اشياء تضايقك...
العنود/مشكلتي معك يامحمد اني حتى الاشياء اللي اكون واثقة منها تغير راي فيها سرعة وتقنعني دايما بحلول ثانية...
محمد/الا ماعلينا يقولون منورة اليوم بالوردي....
العنود/وردي!!!منو قال لك اني لابسة وردي!!
محمد/وليش مستغربة كذا اني عرفت شنو لابسة
العنود/لان سخافة تعرف بعد شنولابسة؟
محمد/ههههه سخافة عاد ليش مو حلالي انتي..
العنود/محمد حاط بيني وبينك ناس تنقل لك الاخبار...
محمد/حرام عليك انا كذاعاد؟
العنود/اجل شلون عرفت شنو لابسة....
محمد/ساْلت وجاوبوني...
العنود/وليش تسال هالاسئلة عاد؟
محمد/انتي تضايقتي؟
العنود/طبعا تضايقت...عيب تعرف شنو لابسة...
محمد وهو يكتم ضحكته على تفكيرها البسيط/بس انا سالت لاني متضايق منك او بمعنى احرى زعلان...
العنود/زعلان مني؟؟ليش شسويت انا؟؟؟
محمد/زعلان من عنادك اللي فيك...اقولك بكرة معزوم في الشركة تقومين تسوي لهم عشى وتجيبينه ولاحتى تشيلين لي قطعة تذوقيني طباخك؟
العنود/هههه تستاهل وبعدين والله اني ماكنت متقصدة اسويها في اليوم اللي انت مو موجود خالتي دقت علي وقالت لي مشتهية هاالصينية مني وسويتها......
محمد/وليش ماشلتي لي قطعة اذوقها!!
العنود/محمد مو كفاية اني كنت متحملة تعليقاتهم كلهم عليها وعليك الليلة اقوم اشيل لك بيتاكد كلامهم علي,,
محمد بخبث/ليش شنو قالوا لك؟
العنود/خلاص محمد انا من جد فيني النوم بكرة بقولك ...
محمد/ليش عاد كذا توها السهرة في اولها!
العنود/محمد انا ماتجي الساعة 10 الا راحت علي نومة واللحين الساعة 3 الفجر...
محمد/أي بس عمر محمد قبل تنامين في ذاك الوقت اللحين لازم تتعودين على السهر لاتنسين ان التلفون بيكون متنفسنا الوحيد بعد اصدار الحكم من النائب العام بعدم شوفتنا لبعض لين ليلة الزواج....
العنود/يصيرخير بعدين خليني انام اللحين,,,
محمد/طيب عطيني شي يحمسني اخليك تسكرين,,,
العنود/محمد ترى من جد ماادري شبقولك بعد دقيقتين..من النعس اللي فيني....
محمد/يعني مافي تسكرين...
العنود/طيب اول مااصحى بكرة من النوم وقبل أي شي بدق عليك زين كذا !
محمد/أي خليك كذا تعطين مغريات حلوة ياعسل ...طيب حبي تصبحين على خير وبظل طول ماانا نايم انتظر متى تصحيني على صوتك الدافي....
العنود/تصبح على خير.......
رغم انها كانت فعلا نعسانة بس اول ماسكرت الجوال ورمته على المخدة جنبها فتحت عيونها وحست بنشاط غريب..كان كلام محمد هو اللي صحاها من نومها وشعللها كذا ..ليه تحس ان محمد شي غير عنها هو صريح بحبه والكل عارف انه يموت عليها بس هي حاسة انها قاعدة تظلمه بس ليش ماهي حاطة في بالها سبب معين...محمد رومنسي وحساس وشاعري وهي باردة وماعندها هاالسوالف ..غرام واشواق واشعار وخواطر...
ماتدري ليش خطر على بالها انها لو اخذت محمد بتقتل حبها في قلبه من بروده ..هي تميل له حييل ويمكن تقدر تقول انها حبته بس مشكلتها ماهي قادرة تتجاوب معه في رومنسيته هي قاعدة تحس ان بينهم حاجز كبير من هاالرومنسية وهي ماهي قادرة توصل لمرحلة التعبير عن مشاعرها بطلاقة,,,,ومافكرت عنود اكثر في هاالشي لانها راحت في سابع نومة,,,,,(خلي التفكير على جنب ياعيوني ههههه)

***
يوم الخميس الصبح,,, في بيت العامري( بيت الجد )
وضحى/صباح الخير..
الجد/صباح النور...انتوا ماتقعدون الا وجهكم قدام ..
وضحى/جدي يوم الخميس منو يقعد من الساعة 10!!
الجدة/خيابتكم مو منو يقعد من الساعة 10 كل الناس تقعد يوم الخميس قبل هاالوقت بعد يقعدون مع اهاليهم ...
لؤلؤة تهمس لوضحى/لاتتعبين نفسك انا شوي وبقوم اخمد من جديد نعسانة مووت...
وضحى/ليش انا اللي ماني نعسانة ظليت سهرانة البارحة مع حمودي وبعدين قعدت على النت ومانمت الا 6 يعني مانمت غير ثلاث ساعا ونص بس!!!
لؤلؤة/المشتكى لله منهم ...
الجد/لؤلؤة وين خالد اخوك...
لؤلؤة/الظاهر انه لسه نايم اقوم اصحيه (بخبث)
الجد/لا خليهم نايمين اليوم اجازتهم..
وضحى/يبى حتى احنا يوم اجازتنا مافي جامعات ليش هاالتفرقات يعني..!!!
الجدة/هم ماعندهم بكرة بيوت يفتحونها انتوا وراكم...
وضحى تهمس للؤلؤة/والله ماحد رايح فيها في العالم غيري وغيرك يالؤلؤووا
لؤلؤة/لا وامس متفقين الشلة كلهم انهم ينامون اسبوع الجاي يعني بداية الاجازة عند نوف عاد انا قلت حرام مايشوفون النعيم اللي احنا فيه فحلفت عليهم يمين ينامون هني عندي
وضحى/ههههههه الله ياخذك ياالملعونة على هاالافكار..
لؤلؤة/ليش بالله علينا بس هذرة جدك وجدتك هم بعد بناتهم ولازم يسمعون هاالاسطوانات مثل مااحنا نسمعها....
الجدة/انتوا علامكم كل وحدة تهذر في اذن الثانية ماتبونا نسمع شتقولون؟
لؤلؤة/ولاشي جدتي...
الجدة/لا..علينا مافي شي..
وضحى/احنا كنا نقول لو ان اليوم الليل نروح بيت عمي ابو فيصل نتعشى هناك لانهم مابيروحون بيت جدهم,,,
الجد/والله خوش فكرة ..وليش تهذرين انتي وياها كان رفعتوا صوتكم علشان نتشاور كلنا مع بعض
لؤلؤة/معليش جدي بس كنا خايفين ترفض الفكرة او ماتلاقي استحسان من قبلكم يعني,,,
الجد/هذا اللي يعلمونكم اياه في الجامعات تصفون هذرة فاضية!!(يخرابي يمه من كلامك ياعم)
وضحى/هههه شنسوي بعد جدي هاذي الجامعات اللي حطونا عيالكم فيها بدل مايودونا ندرس برة,,
الجدة/هذا اللي قاصر بعد بنات تدرس برة؟
لؤلؤة/وش الفرق بين البنت والولد!
الجد/عن طولة اللسان وقومي نادي ابوك بكلمه,,,
لؤلؤة/شتبي فيه!
الجد/وانتي شيخصك ياالملقوفة..
لؤلؤة/ول...
ابوخالد/السلام عليكم,,
/وعليكم,,,,السلام والرحمة..
ابو خالد/وانتي صوتك كله عالي وبس,,
لؤلؤة بصوت واطي/من اهلك اللي بيذبحوني في عز شبابي...
الجد/اقول بو خالد ورا مانملك لخالد مع محمد في ليلة..
ابو خالد/ياريت يبى انا قايل له هاالكلام قال انا اللحين مو مستعجل اول ماارتب اموري بعطيكم خبر..
الجدة/ قال يرتب اموره قال !! أي امور هاذي اللي بيرتبها بعد!!
ابو خالد/والله انا ماحبيت اضغط عليه قلت اخليه براحته..
الجد/انا اقول يوم ان محمد بيشتغل في شقته خلي خالد بعد مرة وحدة..
ابو خالد/يعني اجبره يبى..
الجد/لا يوم انه مو ناوي على العرس اللحين خليه على راحته

***
في غرفة محمد دق الجوال والعنود كانت متصلة وشاله محمد وراسه كله نوم
العنود/صباح الخير
محمد/.......اي
العنود/بعدك نايم
محمد/أي
العنود/شفت شلون جننتني امس وانا بنام اللحين دورك تتحمل
محمد/بعدين
العنود/لا ماهو بعدين اللحين
محمد/اوهو...
العنود/وشخبارك بعد..
محمد/ماادري...
العنود/حمودي صحصح شوي معي..
محمد/ والله فيني النوم..
العنود/ومتى بتقوم يعني؟
محمد/كم الساعة اللحين؟
العنود/عشر ونص..
محمد/حرام عليك توها الناس...خليني انام
العنود/لامافي ليش يوم اني قلت لك سكر مارضيت يالله تحمل اللحين.
محمد/والله فيني النوم بعدين اكلمك ..
العنود/لاخلاص اليوم عقاب لك مافي تسمع صوتي يالله باي....
محمد راح في سابع نومة ولاهو في الدنيا بعد...

***
العصر.....
وضحى/اقول اخوي
محمد/قولي...
وضحى/بعدك على وعدك,,
محمد/أي وعد؟
وضحى/انت امس قلت لي بوديك وين ماتبين ومع مين ماتبين...
محمد/أي ذكرت ....,انتي حضرتك مانسيتي؟
وضحى/كيف انسى بالمنة علينا هاالطلعات وتبيني انسى...
محمد/والمطلوب؟
وضحى/يالله نمشي..
محمد/ههههه والله انك خفيفة دم ..وين تبين تروحين؟
وضحى/بعزم البندري وليالي على تمشية خفيفة
محمد/يصير اخت البندري تجي معنا؟
وضحى/لا طبعا اصلا هي وهند طالعين اليوم,,
محمد/اسمع بنت اللذينا تطلع وماتشاور بعد...
وضحى/بعدك اخوي مااخذتها علشان تشاورك...
محمد/يالله لبسي عبايتك وتعالي انا في السيارة...
.................................. طق طق طق
لؤلؤة/ادخل
وضحى/طيران لبسي عبايتك وتعالي بسرعة..
لؤلؤة/لوين.؟
وضحى/انتي مو بتقولين انك ماتبين تروحين بيت جدك اليوم انا بنقذك قومي بمشيك معي عازمة بندورة وليال معنا يالله بسرعة...
لؤلؤة/أي بس انتوا تبون راحتكم وانا...
وضحى/يالله لؤلؤووة بلا بياخة امشي بسرعة محمد في السيارة لبسي عبايتك ونزلي مو تتاخرين,,,

***
الليل في بيت ابو فيصل....
ابو فيصل/زارتنا البركة والله..
الجدة/الله يحييك يمه..
ام فيصل/من زمان كنا ناطرين هاالزيارة ياخالتي مو بس في المناسبات المفروض كل اسبوع تجون عندنا,,,
الجد/والله اليوم قاعدين الا لؤلؤة ووضحى يرطنون مع بعض يوم سالنهم وش تقولون قالوا بيت عمي بو فيصل مو رايحين بيت جدهم ليش مانزورهم الليلة قلنا بس نرجي عندكم..
ابو فيصل/يعني لو مالؤلؤة ووضحى قالوا ماكنتوا بتجون؟
الجدة/الا وينهم صدق ماجوا للحين؟
نوف/جايين اللحين دقيت عليهم وقالوا انهم بالطريق...
الجدة/أي هم طالعين مع محمد اليوم وقالوا انتوا سبقونا وبنجي وراكم...
سلطان/ليش مابيروحون بيت جدهم؟
الجدة/ماشكلهم هااالاسبوع بيروحون؟اهاليهم راحوا وهم قالوا بنروح بيت عمي بو فيصل...
الجد/سعود مو هني...
ام فيصل/لاوالله اليوم الخميس يطلعون يتغذون برة ومايرجعون الا الليل...
نوف/مافي غير وجهي في هاالبيت...
ابو فيصل/هاالاسبوع بس مارحتي بيت جدك كل اسبوع انتي هناك...
نوف/ومن زين قعدتهم هناك رايحة برج الفيصلية!!
ام فيصل/وش فيها قعدة اهلي ماتعجبك بعد!
نوف/اهللك على عيني وعلى راسي بس مو كلهم طبعا...
الشغالة/ماما في جي لؤلؤة وود حى..(عجبني اسم وضحى الجديد)
ام فيصل/خلهم يدخلون هني بناتنا ذولا..
سلطان وقف بيمشي...
الجد/عسى ماشر...
سلطان/بمشي
الجد/وليش بالله؟
سلطان/علشان.....علشان ياخذون راحتهم..
ابو فيصل/لا يبى اقعد مايصير بنات عمك يدخلون وانت تطلع ماهي عدلة وبعدين ذولا حسبة خواتك وش فيها اذا قعدت معاهم...
سلطان قام يتحلطم ورجع مكانه...
وضحى/لؤلؤة//////السلام عليكم,,,
///////////وعليكم السلام والرحمة////
وضحى/عمي شلونك..
ابو فيصل/هلا ببنيتي هلا..
لؤلؤة/عمي شلونك..
ابو فيصل/هلا لؤلؤة هلا..
وراحوا عند ام فيصل وسلموا عليها وقعدوا جنب نوف...
وضحى/سلطان شلونك...
لفت لؤلؤة وشافته قاعد في الصالة وارتبكت حيل لانها ماانتبهت لوجوده بدخلتهم .....
سلطان/هلا وضحى انتي شلونك...
وضحى/بخير عساك سالم...
نوف قامت تناظر بلؤلؤة اللي كانت عيونها على سلطان وهو اول ماشافها لف بعيونه بعيد...
سلطان/شلونك بنت عمي...قالها بدون مايناظر فيها..
لؤلؤة/ب..بخير ولد عمي بخير...
الجدة/وين اللي معاكم...
وضحى/رديناهم بيوتهم...
الجد/عنود كانت معاكم؟
لؤلؤة/لا جدي البندري وليالي بس...
الجد/أي زين سوت يوم ماراحت معكم...
وضحى/لا هي طالعة مع هند اليوم عند صاحبتهم.....
نوف/تعالوا وين رحتوا بسرعة!!
لؤلؤة/كل مكان..
نوف/لاتذبحيني قولي بسررعة وين رحتوا...
ام فيصل/قولي لها بسررعة وين رحتوا لا تذبح حالها,,,
وضحى/رحنا المملكة وبعدين طلعنا نتمشى بالسيارة كذا...
نوف/ياسلام انتوا في المملكة وانا في مملكتنا بيتنا الكئيب...
ام فيصل/الله واكبر عليك يوم ماتطلعين تقوم القيامة ...
ابو فيصل/مو قالت لك وصال تعالي معنا انتي مارضيتي..
نوف/انا مااحب اطلع مع ناس عندهم عيال مجربة الوضع قبل كذا معروفة المحلات اللي بيدخلونهم..يالله اول يدخلون مذركير بعدين بي اتش اس وبعدين سيرجينت ميجور وبعدين نكست وبعدين ليمتتو وبعدين ليدي بيرد وبعدين خل ندخل التعليم المبكر نشوف الالعاب اللي عنده ويضيع اليوم وانا مادخلت المحلات اللي ابيها...هذا ناهيك عن صراخ عيالهم طول الطريق وتعالي اوقفي بناخذ له فشار لو بنعطيه حليب لو لو لو...
الجد/لاحول الله انتي بالعة مسجل ماتسكتين
لؤلؤة/هههههههه
نوف/انتي ضحكي احسابك بعدين ياماما ...
سلطان /انا بروح المطبخ شوي....
وبعد ماقام سلطان وضحى لفت على ام فيصل تكلمها ونوف همست للؤلؤة/قومي وراه
لؤلؤة برعب/جنيتي!!
نوف/قومي بنقول ان احنا بنزل شي من فوق وبنرجع وانا بركب وانتي تروحين له المطبخ
لؤلؤة/مستحيل!!!!
نوف/قومي..
لؤلؤة/هو مو طايق يشوفني..
نوف/اذا صرتوا بروحكم يتغير الوضع قومي جربي....
وماعطتها مجال مسكتها من يدها وقاموا..
نوف/بنجيب شي من فوق وراجعين....
وتوهم واصلين المطبخ وقفوا عند الباب كان سلطان واقف في ظهر الباب ويكلم في جواله...
نوف/يالله ادخلي سوي نفسك بتشربين عصير او أي شي يالله,,,
لؤلؤة بخوف/لا نوفوا مااقدر انا حاسة انه مو طايقني...
نوف/يالله لاتقهريني امشي بدخل معك وبعدين بطلع من المطبخ الخارجي زين....
ودخلوا مع بعض ولؤلؤة كانت خايفة مووت بس اول ماسمعت كلام سلطان في الجوال تلاشى خوفها ونزلوا دموعها وطلعت بسرعة من المطبخ ونوف وقفت متضايقة ..
كان سلطان يكلم نانسي بنت خالته,,,ويقول لها (حبيبتي نانسي انتي عارفة ان الليلة اسواْ ليلة في حياتي عشان ماراح اشوفك ...)
ماكانت لؤلؤة تنتظر اكثر علشان تسمعه خذت بعضها وراحت تبكي في الحديقة ونوف اوقفت مكانها...
نوف بعصبية/سلطان ابوي يبيك...
سلطان لف عليها/..طيب...ورجع يكلم نانسي..لاحبيبتي نوف هاذي مو خالتك,,,,تبين تكلمينها,,,,طيب وعطى الجوال لنوف اللي قامت تطالع فيه باحتقار...
سلطان مد لها بالجوال/نانسي بنت خالتي تبي تكلمك...
نوف تقربت اكثر من الجوال وقالت بصوت يسمع نانسي../مالي خلق اكلم ناس قرووين هاالحزة لافضيت كلمتها,,,
وطلعت بسرعة قبل لاتشوف الشرر اللي بيطلع من عيون سلطان...
ولفت البيت على لؤلؤة مالقتها....
نوف/ميري ...ميري..
ميري/نعم مدام,,,
نوف/وين راحت لؤلؤة؟
ميري/كانت في الهديقة بس بعدين يكتب لاانتي رسالة في جوال ويتلع,,,
نوف/وينه الجوال؟
ميري/....................هذا ماما..
امسكت نوف الجوال وفتحت على الرسايل ...
(نوف انا اسفة بس مضطرة امشي ..)
نوف دقت على لؤلؤة/.................................................. ...........................الو..هلا ..وينك وين رحتي؟؟ طلعتي ؟مع السايق؟لا!!!لاتقولين طالعة تمشين بروحك !!بذبحك لؤلؤووه كيف تحطيني في هالموقف شوفي مابعدتي صح...دخلي الماركت اللي بيجي على يدك اليمين وانا ووضحى بنجيك اللحين مع السايق ...مابرجعك هني بوصلك البيت بس لاتكملين مشوارك مشي الله يخليك.......
نوف دخلت الصالة وكان الوضع مثل ماتركته عدا عيون سلطان اللي شبت اول ماشافتها...نوف/بابا معليش بناخذ السايق وبنطلع انا ولؤلؤة ووضحى بنروح الماركات بناخذ لنا تسالي...
سلطان/ماهو وقت طلعة اللحين والبيت مليان تسالي...
نوف/زين بابا..
ابو فيصل/بس لاتطولين يبى,,
نوف مسكت يد وضحى اللي مو فاهمة شي /ان شاء الله يبى...
وبعد ماطلعوا
سلطان/يبى انت مو شايف انك عاطيها حريتها بزيادة!!
ابو فيصل/لا مو شايف..
سلطان/اسمع هاالسمعة ..وش تسمي طلعتها مع السايق هي وبنات عمها ...
الجد/يوم انك خايف عليهم كان رحت وصلتهم انت الماركت ماهو بعيد عن بيتكم!!
سلطان/انا اوصلهم !! علشان اذبحهم وارجع....
.................................................. ...............في السيارة
وضحى/انا ابي افهم شلي صاير بالضبط!!
لؤلؤة/انا ابي ارجع البيت..
نوف/لؤلؤة انا اسفة والله ماحسبت بيصير كذا...
لؤلؤة/خلاص لاتفتحين الموضوع مرة ثانية ابي ارد بيتنا...
وضحى/شصاير؟؟؟؟؟؟
نوف/طيب بكلم ابوي وبقوله اني بنام عندكم ماشي...
لؤلؤة/...............
نوف/ماتبيني؟
وضحى/لا تعالي شنو ماتبيك تعالي علشان اعرف السالفة...

***
هند والعنود كانوا يتمشون في المول ووصلوا عند محل سوري يسوي اختام ويطبع صور على كل شي..
العنود/شوفي هاذي تجنن..
هند/صورة ياسر القحطاني اللي تجنن ولا البلوزة!!
العنود/الله عليك الحركة طبعا...
العنود/لو سمحت..
البايع/تفضلي مدام..
العنود/في عندك اشياء ..امم......
البايع/متل شو بدك مدام..
العنود/يعني ميدالية تتعلق بالسيارة مثلا...
البايع/تكرم عيونك مدام كل شي بنساوي لك اياه انتي عندك الميدالية ولا بدك شوف لك شي مرتب...
العنود/لا انا ماعندي بشوف الا شياء اللي عندك...
البايع/شوفي مدام هاي حلوة..وهي كتير مهضومة..وهي مرتبة كتير كتير.....
امسكت العنود وحدة على شكل اطار ذهبي مرصع حواليها بخرز ازرق..
العنود/فيك تطبع لي بوسطها صورة...
هند/صورة منو لاتقولين محمد!!
العنود/لا مو صورة محمد...
البايع/تكرم عيونك الحلوين كل شي بدك اياه بساوي لك ....معك الصورة مدام..
العنود/أي لحظة بس...وفتحت شنطتها وعطته الصورة...........................................
.................................................. .................

يوم ثاني......
الجدة تكلم في التلفون../من متى؟
أي خلاص امك عندها....طيب وماكلمتي امك تشوفين شخبارها اللحين...طيب يمه مع السلامة...
الجد/عسى ماشر منو تعبان؟
الجدة/في غيرها ...العنود ...
ام خالد/شفيها؟
الجدة/الجازي تقول انها البارح تعبت حييل وودوها المستشفى.....
ابو محمد/الله يعافيها ماتستاهل هاالبنية....
وضحى/متى بنروح نشوفها......
,,,,,,,,,,,,,,,,,,,,,,,,,,,,,,,,يوم شافت ان ماحد رد على سؤالها قامت وراحت لمحمد اللي بعده نايم,,,
محمد/طلعي من الغرفة لااقوم اذبحك اللحين..
وضحى/بتقوم يعني بتقوم..
محمد/وضيحي ترى احنا اصحاب لاتخليني اغير تعاملي معك...
وضحى/مو علشان ان احنا اصحاب لازم تقوم محمد العنود تعبانة وودوها المستشفى....
محمد استوعب الكلام وقام مرة وحدة..
محمد/شفيها!!!
وضحى/ماادري اللحين الجازي كلمتنا وقالت ان عمتي ووليد معها من البارح....
محمد/قومي طلعي بسرعة..
وضحى/شبتسوي؟
محمد/بقوم ارقص!! شبسوي يعني ببدل وباروح لها المستشفى...

***

ام وحيد/ماتشوفين شر يمه عنود...
العنود واللي كان مبين عليها التعب/تسلمين ياخالتي..
ام وحيد/يمه عاد شوي شوي على نفسك ترى ماعندنا غير عنود وحدة...
ام الوليد/اسكتي يااختي طول الليل مانامت من الالم,,,لا وضغطها بعد مرتفع وزيادة الخير خيرين...
ام وحيد/الحمد الله على كل حال....جويزي وبندورة بروحهم في البيت
ام الوليد/قلت لهم خلوا السايق يوصلكم بيت جدكم..بس الظاهر ماراحوا...
هند كانت جنب العنود وهمست لها /هذا كله من عيون السوري اللي بالامس عيونك حلوين وعيونك حلوين ورحتي فيها
العنود ببتسامة/حرام عليك....الا بنشدك محمد عرف اني في المستشفى!
هند/والله ماادري انا لو ماكنتي دقيتي علي مادريت..
العنود/حرام لاتقولون له لو عرف بيجي علطول..
هند/خله يجي وش عنده اليوم جمعة..
العنود/أي بس هو ماينام الا الصبح حرام...
ومامرت دقايق من كلامهم حتى وصل محمد مع امه وجدته وام خالد ولؤلؤة ووضحى..
الجدة/عنود يمه اسم الله عليك...
***


يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 19-12-2008, 02:22 PM
شعـ((الحلوهـ))ــوله شعـ((الحلوهـ))ــوله غير متصل
©؛°¨غرامي مجتهد¨°؛©
 
رد: عقلي يبي محمد وقلبي يبي فيصل رواية سعودية جريئة


وبكمل البااااااقي بالليل ...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 19-12-2008, 02:49 PM
صورة فلفولة الرمزية
فلفولة فلفولة غير متصل
©؛°¨غرامي مشارك¨°؛©
 
الافتراضي رد: عقلي يبي محمد وقلبي يبي فيصل رواية سعودية جريئة


يسلمووووووووووووو الغلا


لا تطولي علينا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 19-12-2008, 02:52 PM
صورة الحزن باين في عيوني الرمزية
الحزن باين في عيوني الحزن باين في عيوني غير متصل
©؛°¨غرامي جديد¨°؛©
 
الافتراضي رد: عقلي يبي محمد وقلبي يبي فيصل رواية سعودية جريئة


احس انها حلوه مع اني ما قريتها

تسلم يمنا ناقلها

<<<< ما يحب الروايات

تحياتي لك بس كمليها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 19-12-2008, 02:56 PM
صورة كويتيه مزيونه الرمزية
كويتيه مزيونه كويتيه مزيونه غير متصل
©؛°¨غرامي مشارك¨°؛©
 
رد: عقلي يبي محمد وقلبي يبي فيصل رواية سعودية جريئة


القصه حلوه الله يوفقج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 19-12-2008, 08:55 PM
شعـ((الحلوهـ))ــوله شعـ((الحلوهـ))ــوله غير متصل
©؛°¨غرامي مجتهد¨°؛©
 
الافتراضي رد: عقلي يبي محمد وقلبي يبي فيصل رواية سعودية جريئة


ومامرت دقايق من كلامهم حتى وصل محمد مع امه وجدته وام خالد ولؤلؤة ووضحى..
الجدة/عنود يمه اسم الله عليك...
العنود تاشر على هند تعطيها شيلتها لاتذبحها امها وبالليالله فهمت هند ولبستها العنود بعد ماشافها محمد بدونها ولااول مرة...
العنود/يمه انا بخير ليش بس جيتي..
ام خالد/ماعليك شر ان شاء الله..
العنود/الله يسلمك...
محمد تقرب منها/سلامتك يالغالية...
العنود/الله يسلمك...
الوليد دخل/احم احم....هلا محمد..
محمد/هلا .....
محمد/شقال الدكتور
ام الوليد/يقول يبيلها تبعد عن الزعل وتكدير الخاطر ضغطها مرتفع وهذا اللي متعبها اكثر...
محمد/ودمها!
الوليد/ماهو حلو بس اللي متعبها الضغط...
محمد/وطبعا الدكتور اليوم مايداوم!
الوليد/لا بكرة الصبح قال بيمر يشوفها...
العنود/يمه خلاص روحي البيت ارتاحي من البارح وانتي هنا..
ام الوليد/لايمه انا بقعد عندك,,,
العنود/يمه خالتي ام وحيد عندي وهند هنا ........ومحمد بعد هني انتي ارتاحي لك شوي ...
ام وحيد/أي والله يو خيتي انا بقعد معها انتي روحي للبنات شوفيهم وارتاحي لك شوي بعدين تعالي,,,
ام الوليد/لامافيني اقوم والله..
ام وحيد/يالله اختي عاد قومي...
الجدة/قومي ارتاحي وكلنا معها
ام محمد/يعني مابنحطها في عيونا ياام الوليد!
ام الوليد/لا والله ماهو كذا بس ..
محمد/بس شنو عمتي مابتحتاج لشي وكلنا حواليها ..يالله عاد ...
الوليد/يالله يمه امشي روحي شوفي بناتك في البيت من البارح تاركتهم ترى عادي احرقوا البيت يسوونها بناتك,,,
ام محمد/هههههههه يالله عاد ياالوليد لاتقول شذي عن خواتك ...
ام الوليد/يالله يمه انا بقوم تبين شي اجيبه معك وانا جاية بعدين..
محمد يهمس للوليد/مصدقة نفسها عمتي بترجع بعدين خلاص مافي زيارة ثانية هذا مستشفى حكومي مو خاص,,,
الوليد/هههه انا بسكت عنها لين نوصل وتدخل البيت وينتهي وقت الزيارة بعدين بقول لها..
محمد/زين تسوي فيها ...انا بظل هني معهم لاترجع انت وقول لاامك لاتحاتي...
الوليد/يوم انك جيت انا متطمن وبروح ارقد بعد,,,,
العنود/سلامتك يمه ماابي شي,,,
الجدة/يوم اني تطمنت على العنود وصلني معك على الطريق ياالوليد...
الوليد/يالله امشي...
محمد/وانتوا مابتمشون؟
وضحى/لابنقعد مع العنود نسليها شوي,,,
محمد قام يتحرطم
/لؤلؤة /في شي ولد عمي؟
محمد/لا...انا بقعد برة اذا احتجتوا شي نادوني,,,,
ام خالد/مانبي شي روح استريح بس....
وطلع محمد من الغرفة بعد ما مشت الجدة والوليد وامه,,,
ام خالد/عيار هاالولد والله هو وين وقومته يوم الجمعة وين,,,,
ام وحيد/بعد بيتطمن على مرته مايصير,,,
وقاموا البنات يطالعون في العنود ويضحكون وابتسمت لهم ابتسامة باهتة كانت تعبانة بس مقاومة علشان وجودهم حواليها,,,
لؤلؤة قامت وفتحت في الاكياس وطلعت صحن فيه فطاير ...ومدته للعنود,,
العنود/ماابي..
لؤلؤة/مسوينا قبل شوي ..
العنود/مو مشتهية والله,,,
ام محمد/يالله كلي لك وحدة على الاقل مايصير انتي مو متعبك غير قلة الاكل يمه,,,
وضحى/ترى انا ولؤلؤوة اللي مسويينه,,,
هند/وهذا اللي يخوف في السالفة...
ههههههههههه ضحكوا كلهم حتى العنود’’’
وضحى/حرام عليك يابنت عمتي ...
العنود/طيب جيبي وحدة...

لؤلؤة راحت عند العنود وعطتها وكانت هند قاعدة جنب العنود بس على اليسار ولؤلؤة جاية من اليسار فعطت العنود ومشت تلف على الباقي عطت عمتها وامها ومرة عمها ووضحى وراحت قعدت مكانها وهند تناظرها هي والعنود,,,
لؤلؤة/شفيكم ليش تناظروني؟
هند/سلامتك بس الظاهر اني في القائمة السوداء عندك....
لؤلؤة/القائمة السوداء!!!ليش عاد.....وانتبهت انها ماعطتها وقامت من مكانها يالله والله ماانتبهت يابنت عمتي والله وراحت عندها بالصحن ورفعت لها هند كوب القهوة اللي في يدها بمعنى ماابي,,
لؤلؤة/والله هند مو قصدي احقرك او اطنشك...
هند/لاعادي اصلا انا ماابي اذا شربت قهوة مااحب اكل معها أي شي...
العنود/لاتتعبين نفسك لؤلؤة وتظلين واقفة بالصحن ماراح تاخذ حطيه على الطاولة ووقت اللي بتشتهي بتاكل...
رجعت لؤلؤة مكانها منحرجة من هند وظلت ساكتة طول الوقت....
لين بعد ساعة ونص وصل سعود ووصال....
سعود/ماتشوفين شر يابنت عمتي...
العنود/الشر مايجيك ياولد خالي...
وصال/سلامات سلامات
العنود/الله يسلمك يابعد عمري
ام وحيد/اقعد تقهوى ياسعود
سعود/لابس عمتي بقعد مع محمد برة وطلع
ام محمد/وين ولدك ياوصال؟
وصال/انا ماعندي عيال اسم الله علي توني متزوجة
هند/ههههه وين موديته اليوم بعد..
وصال/يعني وين بيكون مع خالتي
ام خالد/ليش ام فيصل ماهي جاية لنا
وصال/بلى جايين في الطريق هي وعمي ونوف
ام محمد/شلونه عمك اليوم
وصال/بخير
ام وحيد/انا قلت بكلمه امس وماصار عندي وقت
وصال/لا هاذي يومين وااجد احسن ...
وضحى لفت للؤلؤة/صح وش سالفة امس ياعيوني؟
لؤلؤة/أي سالفة
وضحى/ماادري أي سالفة انتي ونوفوا طبعا وهبالكم الامسي اللي مافهمت منه أي شي!!!
لؤلؤة/اوه الامسي منسي يابنت عمي خلينا من امس ....
ابو فيصل/السلام عليكم.....
وعليكم السلام والرحمة.....
ام وحيد/شلونك اخوي ..
ابو فيصل/الحمد لله يااختي.....شلونك ياالعروس..
العنود/بخير...
ام فيصل/لامايصير كذا تخوفين محمد عليك....
ام وحيد/هههه مايبيله شي ويخاف..
ام فيصل/أي اقوله شخبارها قال ماهي طيبة ضعفانة وماهي راضية تاكل شي وهذولا زاعجينها زيادة...
ابو فيصل/قال هذولا انا فكرت خواتها عندها الا طلعتوا انتوا هذولا عند محمد...
ام خالد/بعد مالنا فيه اللحين...
ابو فيصل/ماتبين شي يابنيتي..
العنود/سلامتك ياخالي
ابو فيصل/يالله طيبي وقومي بالسلامة خل نملك عليكم ويبتلش فيك محمد بروحه
العنود/هههههه حرام خالي محمد طيب ومايستاهل منك كل هذا...
ابو فيصل/أي دافعي عنه شعليه..خلاص مطيحين في بعض....يالله تقومين بالسلامة يابنيتي انا بطلع عندهم وانتوا لاتصيفون...
نوف/ان شاء الله يبى...
هند/نوفوا عبايتك تجنن وين مفصلتها..
نوف/من الخواجة..
وضحى/اه يالخاينة متى رحتي البحرين عنا؟
نوف/قبل شهر وشوي مو توها ..
وصال/انا اخر مرة افصل عند بدون اسم صار زبالة هاالمكان..
نوف/من زمان هو زبالة موتوه,,,
هند/الاصحيح,,,,,,
نوف بغتها من الله ان الكل ينشغل في سالفة وراحت جنب لؤلؤة...
نوف/بعدك زعلانة؟
لؤلؤة/لا
نوف/مو مبين انك مو زعلانة..
لؤلؤة/لاعادي مافيني شي
نوف/اكيد...
لؤلؤة/اكيد وبعدين انا شلته من بالي يانوف .................................................. ................وبرة الغرفة..
خالد/السلام عليكم....
وعليكم السلام والرحمة...
خالد/شخبارها اللحين..
سعود/الحمد لله احسن...
محمد/بكيفك هي صارت احسن !!!لابعدها تعبانة ويالله كل واحد ياخذ مرته ومع السلامة خلوها ترتاح....
ابو فيصل/ههههه زين تسوي فيهم يامحمد أي خلك كذا خاف على مرتك ....
ابو فيصل دخل الغرفة وهو يضحك ومعه محمد
ام وحيد/ان شاء الله دوم هالضحكة يارب...
محمد/ان شاء الله عمتي...
ابو فيصل/محمد يقول لكم يالله قوموا خلو مرته ترتاح .....
ام محمد/محمد يمه,,,
محمد/خلاص وقت الزيارة انتهى وهي تبي ترتاح يعني بااذنكم لو بدونه...
نوف/ياي على الذوق مااقدر انا..
محمد/عاد قدرتي لو ماقدرتي مع الف سلامة ابوك بيمشي...
ابو فيصل/يالله ياام فيصل مشينا بعد اليوم محمد مو طايقنه
محمد/شيل معك احد بعد وخلصنا من الحشرة الزايدة بالمكان...
ام وحيد/الله يسامحك ياولدي...
محمد/الله يسامح الجميع عمتي بس بنستقبلكم في وقت ثاني اللحين معليش عنود تعبانة,,,
العنود/محمد لا...
محمد بدون مايطالع فيها/ترى الزيارة خلصت من نص ساعة ...
العنود/معليش هند تبقى معي,,
محمد/لا مايرضون
العنود/ولا بالواسطة,,
محمد/لا ... وهو في نفسه يقول هند تبقى وانا لا مستحيل طبعا...
ام خالد/خالد ماوصل...
محمد/بلى خالد بيوصل عمتي ام وحيد وانتوا روحوا مع سعود
نوف/احنا بناخذ لؤلؤة ووضحى معنا...
وطلع الكل وظلت ام وحيد عندها وهند كانت توها طالعة وخالد واقف برة وهي لابسة العباية ملكي...وكانت لؤلؤة وراها على طول
لؤلؤة /هند هند,,,
لف خالد عليها على طول ووقفت هند في مكانها..
لؤلؤة/هند انا اسفة يابنت عمتي من جد اسفة والله ماكنت قاصدة ..
هند/شفيك انتي صايرة حساسة بزيادة!!!
لؤلؤة/لاموقصدي اكون حساسة بس خفت تاخذين على خاطرك مني...
هند/لاعادي عارفة انك ماانتبهتي لوجودي...ورفعت راسها لقت خالد يناظرها واول ماالتقت عيونهم ببعض لف على الجهة الثانية كانه مو مهتم...
هند/خالد شلونك
خالد رجع يناظر بصوبهم/من معاي!!!(تلفون حشى)
هند ماردت عليه فاقامت لؤلؤة تتكلم بدالها...
لؤلؤة/هاذي هند بنت عمتي...
خالد/هلا والله...
ام وحيد طلعت بهااللحظة....
ام وحيد/ها خالد هني شلونك يمه,,
خالد/شلونك عمتي...
ام وحيد/اساْل عنك يمه,,,دربنا معك لو مع غيرك,,
خالد ضحك لها/هو بقى غيري مافي الا العريس ...
هند/ان شاء الله هذا بيطلعنا كلنا علشان يقعد في النهاية بروحه!!!
جاها صوت محمد من وراها ونشف دمها/واذا قعد بروحه شيخصكم انتوا مرتي ياعالم.....
هند بفزع/بسم الله الرحمان الرحيم جني انت!!!!من وين طلعت؟
محمد/من ارض الله وبعدين انتي عارفة ان الزيارة انتهت كيف بقعد والله,,,
ام وحيد/بس يبون يهذرون عليك يامحمد ماعليك منهم يمه,,,
محمد/شفتي ياعمتي دايما مظلوم...
خالد/أي لاتخليني اتكلم وطلع ظلمك,,,,
محمد ضحك لخالد/اقول خالد بتوقف عمتي زيادة روح وصلها ...
هند/والله شكلكم مايطمن احسكم متامرين على شي!!!
خالد قام يناظرها/وليش بالله شايفتنا مافيا!!!
هند/عفوا ماقصدت.....الظاهر انك تفسر كل شي جد ...وقامت تناظر بلؤلؤة ....مثل اختك....
ام وحيد/بتوقفونا في المستشفى؟
خالد/لاعمتي تفضلي.......
ومشوا ام وحيد وخالد ولؤلؤة وهند.......
.................................................. .................................................. ...............................في غرفة العنود ...كانت مضت على طلعتهم عنها ربع ساعة وربع...ودق تلفون الغرفة....
العنود/الو..
البندري/اهلين عنود...
العنود/هلا ..هلا بندورة..
البندري/كيف صرتي اللحين؟
العنود/الحمد لله ..عارفة بالحال مايحتاج اوصف لك...
البندري/يالله عمري انتي قوية شدي حيلك وبتتغلبين على هاالازمة ان شاءالله,,,
العنود/لا هاالمرة حاسة اني بتغلب عليها ان شاء الله بس ليش ماادري؟
البندري/يمكن علشان ....
العنود/علشان وشو؟
البندري/عارفة مايحتاج اتكلم ياحلوة...
العنود/امي شلونها؟
البندري/أي ضيعي الموضوع ...امي قاعدة تتهاوش مع الوليد مااقال لها انها مابتقدر ترجع لك توها مكتشفة بعد مااذن وقامت بتسوي لك عشى ...
العنود/اجل قايمة الحرب في البيت عندكم...
البندري/اسكتي وليد الليلة رايح فيها رايح فيها..
العنود/واعلي عليه اخوي وينه بكلمه....
البندري/اذا هداْت العاصفة بخلي يدق عليك..
العنود/شوفي قولي لاامي اني صرت احسن واني تعشيت وقلت بنام ارتاح لاتخليها تحاتيني زين..
البندري/من صدقك اكلتي اكل المستشفيات!!!!
العنود/شفيك انتي انتي قولي كذا لاامي علشان تهداْ مو تروحين تقولين العكس...
البندري/لالالا افا عليك تامرين بشي يالغلا,,,
العنود/دعواتك يااختي...
البندري/ماراح اقصر ياالعنود صدقيني ..يالله تصبحين على خير...
رمت العنود السماعة وهي حاسة بخمول وتعب وارهاق وحطت راسها على المخدة وحاسة انها ميتة من الالم والجوع ....ومامرت دقايق الا باب الغرفة انفتح ودخل احد تضايقت لانها فكرت وحدة من الممرضات جاية تقيس الضغط مالفت على جهة الباب خلت وجها على الجهة الثانية وهي تستنى تسمع صوت الممرضة بس ماسمعت غير صوت اكياس تنحط على الطاولة وريحة اكل واحد يقعد جنبها ..!!!
لفت على الجهة الثانية ولقت محمد قعد وهو يناظرها...
العنود بفزع/محمد!!!!!!
محمد/اسم الله عليك يالغلا خرعتك ولاقعدتك من نومتك !!
العنود/محمد كيف دخلت الزيارة انتهت من قبل ساعتين !!وانتبهت انها مو لابسة الشيلة وشعرها طايح على اكتافها.......ومسكت شيلتها بتلبسها بس يد محمد كانت اسرع منها ومسكت الشيلة قبلها,,
محمد/شفتك اليوم بدونها ليش بتلبسينها بعد...
العنود/لا محمد مايصير ...
محمد مسك شيلتها وقربها منه وصار يشمها
محمد/ماعلي منك انتي حلالي ويصير اشوفك بدون شيلة..
العنود نزلت راسها بالارض/محمد لا مايصير لاتخليني ازعل منك ...وبعدين انت كيف دخلت بالله والزيارة انتهت...
محمد/ماراح اجاوبك غير لمى ترفعين راسك..
العنود/وانا ماراح ارفع راسي الاا ذا عطيتني شيلتي ..
محمد.............................................. .................................................. .اعطيك اياها بشرط.؟
العنود/شنو؟
محمد/توافقين عليه؟
العنود/اول اعرفه..
محمد/لامابتعرفينه توافقين وبس..
العنود/مايصير...
محمد/خلاص اجل ماراح اعطيك اياها اذا على كذا...
العنود/طيب موافقة...
محمد تقرب منها وهو فرحان/شرطي اني البسك الشيلة بنفسي...
رفعت العنود راسها اول ماقال محمد هاالكلمة وتقرب منها بس محمد ماعطاها مجال لااي شي حط الشيلة على راسها وصار يلعب في شعرها وهو يسوي روحه يعدلها لها وهي حست ان الدم وقف في جسمها اول ماالمست يده شعرها وماعرفت حتى تتحرك من مكانها لين حست انها بتموت لو ظل يلمس شعرها بهاالطريقة الجنونية ...محمد كان يمرر يده في شعرها وهو يتنهد بصوت مسموع وهي ماقدرت تتحمل اكثر بعدت نفسها عنه مرة وحدة ولفت الشيلة على راسهابسرعة...
محمد/ليش كنا رايقين مع بعض؟
العنود بدون ماترفع راسها لمحمد/محمد..
محمد/........خلاص فهمت مو من حقي اسوي هاالشي..انا اسف اذا ضايقتك بس ماقدرت امسك نفسي عنك احمدي ربك اني ....
العنود بانفعال/محمد خلاص انا...
محمد/خلاص خلاص لاتعصبين سكرنا على الموضوع..........ولف على الطاولة وقرب منها الاكياس وقرب لها البيتزا اللي كان جايبها....
العنود رفعت راسها تشوف بالاكياس...
محمد ليش جايب معك هالاغراض كلها؟
محمد/مين يقدر على اكل المستشفيات ياعنودي؟
العنود/بس ماكان لازم تكلف على نفسك وتجيبهم معك انا كنت بدق على الوليد....
محمد/ماني راد عليك اذا كنتي معتبرتها كلافة!! وبعدين متى ناوية تدقين على الوليد اذا متي من الجوع!!!!
وفتح البيتزا وصار يحط لها بالصحن الفاضي اللي جنبها.....
العنود/...........................
محمد/يالله مدي يدك...هاذي سوبر بريم اللي تحبينها من بيتزاهت ...
رفعت العنود راسها لمحمد متفاجئة منه وهو يبتسم لها....
العنود/انت شنو اللي ماتعرفه عني يامحمد؟
محمد/اشياء وااجد مااعرفها اذا حابة تتكلمين فاانا اسمعك ياقلبي.....

***
بعد ثلاثة ايام كانت عنود طلعت من المستشفى بعد تعب وارهاق ومعاناة ماكان مخففها الاوجود محمد جنبها وسؤاله الدايم عنها .......

***في بيت ال معمر...
هند/رقدي يابنت الناس لاتتعبين نفسك وانتي توك طالعة من المستشفى..
العنود/تعبت من الرقدة ياهند ابي اقوم واقعد على راحتي...
لطيفة اللي كانت توها داخلة الغرفة/ارتاحي شوي وبعدين قومي وقعدي على راحتك ياعمري...
هند قامت لها تبوسها/اهلين والله في هالطلة وينك انتي ماتناشفين صار لك زمان؟
لطيفة/والله صارت نور مرضانة يومين ولازمنا البيت تعرفين بعد مرضهم وعسارته...وقعدت جنب العنود.......شلونك انتي اللحين؟
العنود/الحمد لله صرت احسن عن اول...
لطيفة/أي شدي حيلك هاليومين عنودوا لاتفشلينا مع الرجال بعدين يهون..
هند/هههه لاتطمني يالطوف ماراح يهون تدبس وخلصنا منه...
لطيفة/لا....طلعتي مو هينة عنودوا بعد ..هههههه

***
مرح/حاسة بملل مو طبيعي على نهاية الدراسة...
لؤلؤة/انا البداية والنهاية كله حاسة بملل ماهي فارقة عندي...
الجازي/بنات شرايكم في ذي.....
والتفتوا عليها مرح ولؤلؤة ونوف وهي حاملة باقة ورد جنان ماهي طبيعية كانت سلة على شكل قلب ذهبية والورد اللي داخلها كله احمر ومزينة بكرستالات على جوانبها والورد مرشوش بلمعة ذهبية وصاير شكلها جنان مووت...
نوف/وااااااااو...مو معقولة..لك شو حلوة كتير...
مرح/جويزي اكيد سارقتها من عنود؟
الجازي/صح لسانك ياعسل...
نوف/لاتقولين من حبيب القلب؟
الجازي/ليش فيه غيره!!!!
نوف/بصراحة اثبت انه عند ذوق يجنن....
لؤلؤة/اكيد عنده ذوق يجنن موم ولد عمي وساكن معي في نفس البيت اخذ الذوق مني ....
مرح/ههههههههه ضحكتيني..وبعد.
.لؤلؤة/واختار عنود زينة البنات لازم بيكون ذوقه عسل.
.الجازي/الثانية مافيها شك عشانها اختي بس الاولى بنعيد النظر فيها ههههههههههههههه
نوف/بعد اسبوعين عيد ميلادي يالله اتفقوا شتبون تجيبون لي بسرعة...
مرح/واحنا مانخلص من اعياد الميلاد! شتبين نجيب لك..؟
لؤلؤة/افكر اخذ لك علبة ششوكلاته وبس!!!
نوف/تحلمون والله اللي ماراح تجيب لي هدية مابتدخل الاحتفال هذا انا اقول لكم...
الجازي/فيصل مافي اخبار عنه؟
نوف/بيني وبينكم يقولون نزلته الخميس الجاي بس ابوي مو راضي يقول لااحد هاالمرة خايف انه فيصل يكسفه وماينزل بعد....
مرح/ترى فيصل زودها واثبت انه مو شي ابدا...
الجازي/اللحين من يقول ان امريكا احسن من السعودية؟
لؤلؤة/ماحد قال كذا؟
مرح/وليش اجل مايبي ينزل حضرته ؟ولا اللي هني وناطرينه مو اهله؟
نوف/انا تعبت من هاالسالفة الكل يسال ولافي أي اجابة شافية.........فيصل اخر مرة شفته قبل سنتين يوم انروح لعنده حسيت انه يبي يهرب باي شكل بس من شنو ماادري؟؟؟خايف يرجع بس وده يكون حوالينا استغربت من هاالتناقض اللي داخله امي سالته يوم كنا هناك سؤال ومارد عليها سالته :انت اخذت الشهادة وصرت جراح ليش ماتبي ترجع معنا ؟؟؟اشتغل هناك وسط اهلك وناسك يافيصل !! بس مارد على امي لحظتها سكت وسكوته عذب الكل في ذيك اللحظة....اخذت ايميله وخفت اكلمه يوم نزلنه لاني مااحتكيت معه بقوة واحنا هناك كان دايم مع امي وابوي ولامع سعود وسلطان....بس بعد ثلاثة شهور ضفته عندي وهو اول من صار يكلمني ..في البداية كان يسالني اسئلة عابرة وانا بعد شخبارك..شخبار الشغل والحياة,,,وحشتنا..طولت غيبتك يالغالي....بس شوي شوي تغيرنا سالني مرة نوف في احد في بالك؟ استغربت سؤاله !! قلت يمكن حاب يفتح معي هاالموضوع لانه بيقول لي انه عاش قصة حب وتزوج او يببي يتزوج ومو عارف شلون يفاتح اهلي خصوصا بعد ماعرف اني اقرب وحدة من ابوي في البيت....قلت له اني توني داخلة الجامعة ومايشغل بالي الا لبسي وطلعاتي وكشخاتي ....قال لي :وطلال.....رديت عليه بدهشة طلال!!!!!!!!!!
قال لي :أي يانوف طلال....انتوا من كنتوا صغار وجدي قال نوف لطلال ويتراولي كبرتوا على هالشي صح ولالا!!
قلت له موصحيح وانا عمري مافكرت في طلال اصلا وبعدين ماحد جاب هالسيرة ..سكر الموضوع وصار يسالني عن صاحباتي ومنو اقرب وحدة لي في العائلة,,,ومن ذاك اليوم بدينا نتقرب من بعض اكثر واكثر ...كان يسالني دايما عنكم وشخباركم بعد ماعرف عن علاقتي معكم ويسالني عن باقي الاهل ويذكرهم بالاسماء الا وحدة عمره ماطراها ابدا ....

***
في سيارة سعود...
وصال/ماراح تنزل تسلم على عمتي..
سعود/اذا رجعت اخذك بدخل اسلم اللحين بروح اشيك على كل شي خبرك بعد ثلاثة ايام المفروض فيصل يكون هني...
وصال/ان شاء الله هاالمرة بس تكون صدق وينزل ...
سعود/كلنا تعبنا من هاالسالفة ياوصال كلنا...
وصال/ طيب حبيبي لاتبطي زين نبي نام الليلة بدري بكرة باسل عنده تطعيم...
سعود/اوه يعني مافي نوم ولاراحة بكرة..الله يعين..
وصال/قول لروحك وانت تبي باسل يكمل سنة وتجيب غيره..علشان الجنون يزيد بشكل مضاعف..
سعود/حرام عليك هذا زينة الدنيا.....
وصال/بس هو زينة دنيتك..
سعود/لا طبعا امه اللي جابته....
وصال/أي خليك كذا مو ناخذ الكلام منك بالقطارة...
سعود/المفروض حتى لو ماتكلمت تكونين عارفة بشعوري ياحياتي....
وصال/خلاص لاتفتحها لنا محاضرة وروح لاتتاخر....واذا استجد أي شي كلمني,,,
سعود/انتبهي لنفسك ولباسل.....

***
كانوا منسجمين معها في الكلام واول ماسكتت ثاروا عليها كلهم.
.مرح/كملي شصار !!!
لؤلؤة/مني اللي ماكان يسال عنها!!!
الجازي/نوفوا تكلمي بسرعة الله ياخذك...
نوف/هههه حاسة نفسي اقول قصة ....انزين لعيونكم الحلوة بكمل...
الجازي/يالله بسرعة نوفوا بلا بياخة....
نوف/ الا العنود ماقد طراها ابدا لدرجة اني شكيت اذا كان فاكر انه عند بنت عمة بهاالاسم ولالا..سالته ليش ماعمرك سالت عن العنود!!! بس سكت مارد علي وقال انه نسي نص بنات العيلة اصلا من كثر ماهو غايب عنا....قال انه حاب يرجع لانه اشتاق انه يكون قاعد وسط ناس تحبه وتحاتيه ..تنتظر رجعته وتسال عنه لو طول ...قلت له خلاص ارجع ليش قاعد هناك قال لي انه يبي يرتب وضعه بالاول وبعدين بيرجع وها البعدين ماجت للحين ........

***
اخر الليل في غرفة العنود دق تلفونها....
هند كانت ملازمة العنود من طلعت من المستشفى وباتت عندها/ها خذي العاشق الولهان اتصل...
العنود/ياغيرتك ياهنودة هههههه
هند/حرام عليك انا اغار!!!!!!ردي لايذبح حاله الولد هههههه
العنود/هلا محمد..
محمد/كيفك ياقلبي...
العنود/تمام الحمد الله..
محمد/مية في المية..
العنود/ههههه أي..
محمد/اكيد ولا بس تبين تسكتين..
العنود/لا اكيد..
محمد/الحمد.......عنود انا حيل فرحان لانك بخير..
العنود/جد يامحمد!!
محمد/ليش عندك أي شك في هاالموضوع...
العنود/لاطبعا حبيبي....
العنود اسكتت لان هند قامت تطالعها بنظرات معناها يقول (ثقلي وركدي احسن لك)اما محمد فاارتاح موت يوم سمع هاالكلمة...
محمد/صايرين تريحونه حيل بها الكلام الحلو,,,
العنود/وينك فيه رجعت البيت؟
محمد/لاوالله واقف عند كنتاكي استنى عشاك يخلص...
العنود/عشاي!!! أي عشى انا ماقلت ابي عشى؟؟؟
محمد/محسوبك مايستناك تقولين ابي عشى قبل لاتفكرين في الشي بتلاقينه قدامك....
العنود/محمد لاتخجلني والله.....
محمد/شوفي ترى رايح استلم الطلب نص ساعة وانا عندكم في البيت ولاتخافين على ممرضتك جبنا لها عشى اما خواتك قولي لهم ترى مانصرف على عميان...

***
يوم الاربعاء في بيت العامري....
الجد/لا نور البيت ياعنود اليوم شحليلك جايتنه من الظهر....
العنود/الله يسلمك ياجدي...
الجدة/والله يمه يبيلك تديري بالك على نفسك تراك بتعورين قلب امك من كثر هاالطيحات اللي تطيحينها يابنيتي....
العنود/..............
محمد دخل المجلس هااللحظة...
محمد/السلام عليكم....
الجد/بسم الله الرحمان الرحيم....انت مو في الدوام وماتطلع الا الساعة خمس شجايبك البيت !!!!
العنود نزلت راسها بالارض لانه فشلها هي امس قالت له انها بتجي هني تتغدى بس ماتوقعت انه بيطلع من الدوام ويحرجها ويحرج نفسه....
محمد دخل وقعد/انا قلت يمكن ناقصكم شي ماشيْ ...
الجدة/محمد...انت ماتسال كل يوم اذا كان ناقصنا شي ماهي عوايدك يعني الا اليوم..ليش خابر العنود بتجي!!!
محمد/لا العنود بتجي مادرينا والله....
الجد/والله!!!! زين يوم انك مادريت....ومنو بالله هاذي اللي جالسة جنبي هني....
محمد قام يطالع بطريقة مضحكة في العنود وكان يستكشف اذا كانت هي ولالا لانها كانت منزلة راسها بالارض...
محمد/لا هاذي عنود من جد...
الجد/لا نمزح معك ماهي العنود...
محمد/هههههه عنود شلونك...
العنود/...........بخير....
الجد/يامحمد اثقل لاتركب حرمتك على راسك وتمشي وراها ترى ماهي مرجلة...
محمد/ههههه وانا شسويت ياجدي...
الجد/قوم رد دوامك يامحمد ليش طالع يبى لاحق على العنود بكرة بتصير بروحك معها وبتمل من كثر ماتقابلها...
محمد/وعد ياجدي..
الجد/وعد شنو؟؟؟
محمد/بكرة عنود تكون معاي ....هههههههه
العنود تفشلت يوم قاموا يضحكون جدها وجدتها اخذت بعضها ودخلت داخل لاام محمد....
ام محمد/هلا والله بالغالية...
العنود/شلونك مرة خالي...
ام محمد/لا هاذي يبيلك تغيرينها ابي خالتي انا..
العنود/هههه ماتعودت بعدني على خالتي..
ام محمد/عودي نفسك من اللحين...لو يدري الولد انك هنا ماداوم اليوم.....
العنود نزلت راسها في الارض...من الفشيلة اللحين كلهم بيعرفوا انها تكلمه في التلفون ..الله ياخذك يامحمد على هاالموقف البايخ اللي حطيتني فيه,,,
ام محمد/عنود شفيك يابنيتي؟؟؟محمد مزعلك بشي...
وفي هااللحظة دخل محمد البيت....
محمد/السلام عليكم....(على اساس ماشافها قبل شوي)
ام محمد قامت تطالع بمحمد والعنود/أي اللحين محمد ولدي اللي اعرفه....عسى ماشر...
محمد/ههه ماشر نسيت اوراق ورجعت اخذهم....
ام محمد/اوراق.....اي ..روح خذهم لاتتاخر...

محمد/ام محمد تبين الفكة مني انتي....بدل ماتقولين مدامك جيت ياوليدي اقعد تغذى وبعدين روح خبري الامهات كذا قلوبهم على عيالهم بس انتي قلبك غيريمه...
ام محمد/محمد....يمه لاتسوي لروحك سالفة كلها كم يوم وتصير عندك....
محمد/واحد يقول لي بكرة وواحد يقول كم يوم افهموني ياناس.....
ودخلت روان في هااللحظة
روان/مرة عمي امي تبيك عندنا ...
ام محمد/يالله جاية.....عنود يمه خلصي ماعليك منه وتعالي تغذي معنا هناك ترانا بنقعد في المطبخ,,,,
وراحت هي وروان....
العنود رفعت راسها لمحمد وهي شابة نار...
محمد/حبيبي..
العنود/ولا كلمة...ليش تحطني في موقف كذا يامحمد ليش....
محمد/حياتي ليش كذا عاد....
العنود/محمد انا زعلانة منك وماراح يرضيني شي ابدا...
محمد/لالالالالا اترجاك كله الا زعلك مافيني اتحمله لحظة وحدة يالغلا....

العنود/محمد انت فشلتني....شبيقولون اللحين...
محمد/...........
العنود/محمد....
محمد/عيون محمد انت يالغالي,,,امر تدلل..
العنود/ارجع الشغل علشاني لاتخليهم يحكو فيك وفيني طول اليوم...
محمد/من صدقك ارجع الشغل انا توني اقول لهم هناك مو راجع ولاتحسبون حساب لرجعتي تقولين لي ارجع...لاانسي....
العنود/اذا مارجعت البيت انا اللي بطلع يامحمد...
محمد/شوفي انا بقترح عليك اقتراح تقعدين تتغذين هني وانا بطلع على بال برد العمل زين على الساعة ثلاث ونص تطلعين انتي وتقولين ان هند بتمرك هنا اول ما تطلع من البنك وبعدين تروحين السوبر ماركت اللي هنا وباخذك انا من هناك علشان ماحد يشوفك وانتي طالعة ....
العنود/بس يامحمد...
محمد/اذا فيها بس وبترفضين ماراح اطلع....
العنود/انت صاير اليوم شرير يامحمد...
محمد/انتي غلا محمد....
وضحى/بعد صدق انكم ماتستحون ابدا...
محمد والعنود لفوا على مصدر الصوت لقوا وضحى ولؤلؤة داخلين ....
محمد/حشى مو بشر جنيات انتي معها...
لؤلؤة/مو عيب عليكم تقعدون بروحكم اروح اعلم جدي...
وضحى/احنا بس عرفنا ان العنود هنا جينا ركيض حتى لاتحدث أي مشكلة....
العنود/اقول محمد الله معك ماعليك منهم...
لؤلؤة/وين يروح؟؟
العنود/بيروح العمل...
وضحى/ليش؟؟؟؟؟؟؟
/العنود/علشان يجيب لنا فلوس....
محمد/هههههههههههه حلوة..
لؤلؤة/لا سمعينا سمعينا ماسمعنا والله
وضحى/أي قاعدين بروحكم شحقه حق الكلام الماصخ وقلة الحيا..
العنود/حمود ي روح ماعليك منهم لاتتاخر على الدوام,,,
محمد/تامرني عيون حمودي وانا ماعلي الا التنفيذ ...
وضحى/صراحة انتوا الاثنين ماتستحون ابدا...
لؤلؤة/أي عنود ماقلتي لنا ليش حمودي بيجيب لك فلوس هههههه
العنود/علشان اشتري كل اللي نفسي فيه..
وضحى/يعني انتي بس تقولين هات ..هات..واخوي طول اليوم كرف في العمل علشان يجيب لك الفلوس...
محمد/طيب ماهو راضي انتي شيخصك؟
وضحى/لانها قاعدة تستغلك وتلعب عليك...

العنود/يالله روح روح ماعليك منهم ذولا سالفة ورا سالفة مايخلصون لاتتاخر...
محمد/طيب في شي قبل لاامشي؟!!!!
لؤلؤة/اه..بروح اعلم جدي .................................................. ..................


في البنك اللي تشتغل فيه هند والعنوددق جوال هند.....
هند/الو..
خالد/مرحبا...
هند/هلا..
خالد/انا خالد ولد خالك...
هند/ياهلا والله...
/خالد/فيني اخذ اليوم من وقتك شوي اذا ممكن؟
هند/متى؟وليش؟
خالد/كنت ابي اتكلم معك شوي...
هند/بخصوص شنو؟
خالد/اللحين ماينفع فيني اشوفك اليوم ؟
هند/طيب بعدين ارد عليك..يالله باي...
سكت الجوال وهي مستغربة هاذي اول مرة في حياتها يتصل عليها خالد ولد خالها ياترى ويش يبي فيها؟؟؟؟؟؟

***


يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 19-12-2008, 09:11 PM
شعـ((الحلوهـ))ــوله شعـ((الحلوهـ))ــوله غير متصل
©؛°¨غرامي مجتهد¨°؛©
 
الافتراضي رد: عقلي يبي محمد وقلبي يبي فيصل رواية سعودية جريئة


.................................................. ..................في بيت العامري
العنود/يالله انا قايمة اشوفكم على خير...
ام خالد/قايمة وين بتروحين يمه توها الساعة ثلاث ونص؟
العنود/هند بتمر تاخذني
ام محمد/وليش ماتدخل تقعد معانا هند..
العنود/معليش السموحة توها طالعة من البنك يالله بتروح تصلي وتاكل لها لقمة وبتنام
وضحى/وانتي ليش بتروحين معها؟
العنود/عشان جايبة لي اوراق الاجازة من البنك وبمر اوديهم المستشفى وشغلة يعني...
لؤلؤة/يابنت الناس قعدي لايجي محمد بعدين ومايشوفك ويحرق البيت فوق راسنا...
ام محمد/ههههههه وهي الصادقة اذا جاء وماشافك بيزعل علينا ..
العنود سكرت عبايتها ولبست شيلتها ومسكت شنطتها ووقفت/معليش كلها كم ليلة وبنجي يعني وين بنروح...يالله مع السلامة...

***
لبست النقاب ولااول مرة في حياتها وطلعت من بيت جدها وهي خايفة موت ان احد يشوفها ويوم شافت ان المكان امان مشت في الشارع لين وصلت للسوبر ماركت اللي اتفقوا انهم يلتقون فيه...ودخلت هناك....

***
هند طلعت من البنك وعلطول على السيارة رمت شنطتها جنبها وطلعت الجوال بتدق على العنود..
هند/محي الدين شفيك واقف خلاص امشي,,
لف عليها خالد اللي كان قاعد مكان السايق وهي ماانتبهت عليه وشال النظارة من على عيونه وقال لها انا خالد..
هند بفزع/بسم الله الرحمان الرحيم انت شيمقعدك هنا بالله؟؟؟ووين محي الدين راح؟؟؟؟
خالد/فكرت ان احنا نقعد مع بعض شوي افضل...
هند/خالد انا مااحب هاالحركات ابدا...
خالد/انا مو قصدي اضايقك اسف ....بس كنت ابي نقعد في مكان محايد بعيدا عن البيت وماكنت ابي اتكلم معك على التلفون,,,
هند/...........................
خالد/يضايقك ان احنا نقعد مع بعض شوي نتكلم..
هند/كم يعني؟
خالد/يمكن ساعة..
هند/فيني اعطيك نص ساعة بس...
خالد/هند ..عمتي تدري اني مار اسلم عليك وبعدين انا طرشت السايق بيتكم بسيارتي يعني امك عندها خبر انك بتكونين معي......
هند/طيب بلاش نتاخر لو سمحت..
خالد/نمشي يعني.,,
هند/تفضل..

***
في سوبر ماركت السعادة ....
العنود كانت واقفة عند المجلات تقلب فيهم ..
محمد من وراها/احم احم ...
لفت العنود لعنده...
محمد/من زمان تنتظريبن؟
العنود/لا لسه وصلت..
محمد مسك ثلاث مجلات ومشى لعند الحساب,,,,ووقفت العنود وراه واول ماخلص طلعوا وركبوا السيارة..
العنود/اه..
محمد/ههههه شفيك؟
العنود/شفيني بعد احس نفسي مجرمة...
محمد/مجرمة عاد ليش شمسوية انتي بالله؟
العنود/ماادري يامحمد بس ياليتني ماطعتك وجيت؟
محمد حط يده على يدها /تعوفيني قعدتي يالعنود....
العنود/محمد انا مو قصدي بس انا من جد كنت خايفة حيل لايعرفني احد..
لف عليها محمد وهو يتاملها/عنود..
العنود/شنو؟
محمد/ليش ماتظلين لابسة النقاب علطول...
العنود/انت تبي كذا؟
محمد/.......................
العنود/بفكر....
محمد/.............ان شاء الله خير..وين تبين نروح اللحين؟
العنود/نروح!!!!مااتفقنا على كذا يامحمد؟
محمد/أي بس احنا مااتفقنا على شي اصلا ياعمري...
العنود/محمد انا توقعتك بتوصلني البيت وبس؟
محمد/خلينا نقعد في مكان شوي ياحياتي...
العنود/لا توصلني البيت وبس...
محمد/شوي بس ياقلبي..
العنود/لايامحمد الله يخليك الى اللحين وانا احترمك واحترم علاقاتنا لاتخليني اغير راي الله يخليك
محمد/واحنا شبنسوي ياقلبي بنقعد بمكان بروحنا بس وبعدين احنا طلعنا من قبل تغذينا بروحنا ولانسيتي؟
العنود/لا مانسيت بس ذيك المرة كانت امي عارفة وجدي عارف وحتى خوالي عارفين بس هاالمرة لا احس نفسي طالعة اسرق..
محمد/خلاص بلاش تزعلين نفسك بردك البيت بس انا كان قصدي نكون مع بعض شوي..
العنود/الايام جاية وبنظل مع بعض علطول ولاانت غيرت رايك,,,
محمد/انا اغير راي ليش بالله مجنون!!!
العنود/اسم الله عليك من الجنون لاتقول كذا في حق نفسك يامحمد...
محمد/عنود...
العنود/.........
محمد/تحبيني؟؟
العنود/..........
محمد/ليش ساكتة ياقلبي ردي علي..
العنود/لانه اسمي العنود ماهو بعنود يامحمد ومايصير كل مرة اصحح غلطتك....

***
في مقهى كوستا كوفي...
خالد/ممكن تشيلي نقابك وتقعدي طبيعي؟
هند/لا...
خالد/ليش ماخذة السالفة عناد؟
هند/ماهو عناد بس انت قاعد تسير كل شي على كيفك وانا مستحيل امشي ورا مزاج احد مهما يكون ياخالد...فاهم علي...
خالد/يالله هذا شي وعرفنا.....بعد..
هند/بعد وشو؟؟؟
خالد/هند انا حبيت نتقابل ونتعرف على بعضنا البعض في مكان محايد وبدون علم احد لاني ماودي يصير شي رسمي الا اذا فهمنا بعضنا وعرفتك وعرفتيني وقدرنا نتاقلم على بعض....
هند/.............................
خالد/انا عارف انك بنت فاهمة وواعية وتدركين معنى كلمة ان الزواج يكون متكافىء بين الطرفين..
هند/ممكن تتكلم بوضوح اكثر وبدون هاالمقدمات!!
خالد/شوفي هند انا بدخل معك في الموضوع مباشرة.....امي دايما تتكلم عنك بالخير وابوي مايجيب طاريك الا بكل شي طيب وانا هاذي ماعندي خلاف عليها....بمعنى اخر هم مرشحينك تكونين زوجة لي ولو كان بالتلميح بس بدون مايقولونها صراحة وانا عن نفسي حبيت اتقابل معك واعرفك وتعرفيني وافهمك وتفهميني قبل لايصير بينا أي شي رسمي...وهاذي كل السالفة...
هند/انا..........انا ماعندي شي اقوله لك....
خالد/ممكن اعطيك رقمي واخذ رقمك ونظل نشوف بعض هنا اذا تحبين لين نتفاهم وبعدين نقرر شيصير..
هند/..............خالد احد عارف بفكرتك هاذي؟
خالد/لا محمد بس؟
هند/وممكن ماحد يعرفها غيره ..هذا في حالة ان انت كان ودك نشوف بعض ونتكلم بصراحة طبعا...
خالد/من ناحيتي تطمني انا ماابي احد يعرف بها الشي وانتي حرة في اللي تسوينه وتقولينه اكيد....
هند/طيب فينا نروح اللحين انا تاخرت ياخالد ولازم اروح البيت...
خالد/بدينا بالتغلي وحركات البنات ....
هند/انا مااعرف في هاالسوالف يعني اذا حاب تعلمني جزاك الله خير .....بس انا من جد تاخرت عندي اوراق للعنود وبمر بيت خالتي بعطيهم اياها,,,
خالد/طيب بشوفك في وقت قريب...
هند/ان شاء الله..
خالد/معناته بنكون على اتصال....
هند/طيب...
خالد/...هند ..شكرا لانك تفهمتي الموقف ....

***
في اخر الليل في بيت العامري...
ابو محمد وابو خالد وخالد ومحمد وطلال ومشعل كانوا قاعدين بالديوانية,,,
ابو خالد/ها محمد يقولون اليوم العنود عندنا تغذت...
محمد/البيت بيتها ياعمي هي الداخلة وحنا الطالعين...
طلال/شنو يعني هي الداخلة واحنا الطالعين!!!
ابو محمد/هههه لاتخاف على نفسك ياطلال ماحد بيطلعك من بيتك ابدا وبعدين تعال يامحمد ليش تسوي لروحك سالفة وتجي اليوم البيت وانت عارف انها بتكون هني....
محمد/انا الغلطان يوم قلت بنتظر فيصل يرد لو ماقلت احسن شوف كم تاجلت الملكة بسبايبه..
مشعل/هههه هاذي غلطة ماكنت حاسب حسابها اكيد ياولد العم,,,
خالد/على فكرة ترى يقول سعود ليلة بكرة فيصل بينزل..
ابو خالد/بس ابو فيصل ماتكلم ولاقال انه بينزل بكرة,,
محمد/هو مايبي يقول لااحد خايف مايرد مثل ذاك اليوم اذ تاكد كل شي بيقول لكم...
ابو محمد/ان شاء الله هالمرة يرد ومايخلف بوعده ,,
طلال/خلونا من فيصل اللحين...اقول محمد انت كل ليلة تدق على العنود؟
محمد/وانت ليش تسال؟
طلال/اذا انت تكلمها كل ليلة وانت نيتك الزواج فمعانته مايخالف انا اكلم نوف بعد!
ابو خالد/اقول اركد وبلا هاالكلام الفاضي انت لبنت عمك وهي لك من الصغر بعد ليش تكلمها وتكلمك..
ابو محمد/ماعليك من محمد هذا بيخربك ...اول نفرح في اخوك خالد وبعدين انت تكون بعد اشتغلت وكونت نفسك يبى ياطلال...
خالد يهمس لمحمد/طلعت مع هند اليوم..
محمد/لا جد...
مشعل/شعندكم تسولفون بروحكم..
خالد/قاعد اقول له عن المهندس الجديد اللي شفته اليوم...
محمد/شصار؟
خالد/ماكو شي...كلمته في الموضوع وشرحت له وجهة نظري وهو مشاء الله عليه بعد تفهم وان شاء الله الايام الجاية بنتعرف على بعض اكثر وماتدري يمكن يكون بينا عقد ويمكن,,,,
طلال/هذا وجهي اذا كان مهندس قلبي حاس انها مهندسة والله,,
محمد/هههههههههههه شدعوة عاد طلال..

****
وفي اليوم الثاني في بيت العامري بيت ابو فيصل...
نوف/يبى اجيب لك شي تشربه؟
ابو فيصل/لايبى ماابي شي
ام فيصل/يارجال ارحم نفسك شوي من البارح لانمت ولااكلت مايصير كذا ياابو فيصل...
ابو فيصل/وصال دقي على سعود شوفي وش سوه خل يرد علي هو فيصل طلع ولا بعده ولا شنو ...والله ماانا عارف وش صاير..
وصال/والله ياعمي دقيت عليه مقفل جواله هو قالي الصبح انا بقولكم بللي يصير انتوا لاتتصلون علي..
ابو فيصل/انا مافيني اتحمل اكثر من كذا لازم يطمنه سعود لازم...
نوف/يبى هدي شوي مايصير كذا...
لطيفة/يبى سعود قال اذ بيجي او ماراح يجي بيرد علينا اول مايعرف واكيد للحين ماعرف شي...
ام فيصل كانت تحاول تهديه بس هي نفسها كانت متقطعة وتحس ان فيصل اذا مارجع الليلة بتصير مصيبة كبيرة لها ....
دق التلفون وشاله ابو فيصل قبل لايكمل رنته كلها..
ابو فيصل/الو.....ها..سلطان هذا انت يبى.....لاياولدي للحين ماعرفنا شي ...حنا بعد كل ماندق عليه مقفل جواله...
ام فيصل/يارب استرها معانا يارب...
لطيفة/ يمه طولي بالك انتي بعد مايصير كذا احنا للحين ماسمعنا خبر عنا....
باسل كان يتحرش في جده يبي يلفت انتباه علشان يشيله بس ابو فيصل كان مجمد ومو عارف يتحرك من مكانه,,,
ابو فيصل/خليني يبى باسل خليني في اللي فيني...
نوف/تعال حبيبي عندي تعال....
سعود/السلام عليكم...
الكل وقف اول مادخل سعود وكلهم يطالعون بوجه..
ابو فيصل/سعود طمني يبى ..
سعود/يبى .....الليلة عشى العيلة كلها عندك احسب حسابك...فيصل الساعة ثمان بيكون موجود..
ابوفيصل/سعود انت تتكلم من صدقك؟
سعود/أي يبى من صدقي...توه داق علي ويقول انه وصل تركيا اللحين,,
ابو فيصل/تركيا؟؟ليش...
سعود/عشان ماكانت فيه رحلة دايركت من تركيا لهنا طلع من امريكا لتركيا وبعد ساعتين بيطلع من تركيا على لبنان ومن لبنان على الدمام ومن الدمام للرياض..يعني الساعة ثمان بيكون عندك في البيت..
ام فيصل/يعني انت من امس كنت عارف وماقلت لنا ياسعود؟
سعود/خفت انه يغير رايه في اخر اللحظات واتفقت معه اني مااقول لكم غير لمى يوصل تركيا...
لطيفة/الحمد لله ياربي الحمد لله..
نوف/بنروح المطار نستقبله.؟
سعود/لا انا وتركي ولد خالتي بنروح نجيبه ماله داعي روحتكم كلكم...
ام فيصل/لايمه سعود انا ابي اروح اشوفه؟
سعود/يمه علشان طول الطريق وانتي تبكين انا اقول اروح انا وتركي وانتوا تظلون هني بعد مو عدلة عماتي وعمامي يجون البيت وانتوا تطلعون...
لطيفة/وهو الصادق يمه بعدين في المطار مابناخذ راحتنا كثر البيت..
وصال/خالتي قومي نجهز غرفته من اللحين..
ام فيصل/يالله يمه جاية بعدك..
سعود/صحيح ..هو بيجي رحلته متعبته على الاخر انتوا شفتوه كيف تنقلاته صارت كثيرة يعني لاتضغطون عليه يقعد معاكم وااجد خلوه يرتاح اليوم وبكرة بتشبعون منه...
ابو فيصل/سعود...
سعود/امرني يبه..
ابو فيصل/الله يبشرك باالخير يبه....اذا رجع اخوك الليلة حلاوتك انت ومرتك وولدك عندي انا ياسعود...بسفركم اسبوع على حسابي ووين ماتبون تروحون..
نوف/لا شمعنى يعني ناس دون ناس يابو فيصل..
سعود/تسلم ياالغالي وجودك بينا هو اكبر هدية لنا عسانا مانعدمك ...ابو فيصل/الله يخليك مرتك وولدك ويريح بالك مثل ماانت مريحني علطول ياسعود..

***
على الساعة ثمان كانت العيلة كلها متجمعة عند ابو فيصل ينتظرون وصول فيصل على احر من الجمر ...الرجال كانوا في الحوش والحريم في الصالة والبنات في مجلس الحريم,,,,,,
نوف/والله مو مصدقة ان اخوي بيرجع حاسة باحساس غريب...
هند/الله يجيبه بالسلامة ان شاءالله...
لطيفة/والله مو عارفين شنسوي ياهند حاسين بربكة وبشي مو طبيعي ماراح نصدق انه وصل غير مانشوفه بعيونه هني...
مرح/يالله الله يجيبه بالسلامة بسرعة نبي نتعشى قبل لايبرد العشاء...
الجازي/هههه هذا اللي تفكرين فيه يابنت الناس كلهم يحاتون فيصل وانتي تحاتين بطنك؟
لؤلؤة/وهي الصادقة بنت خالي لايدري عنها ولايدري عن هوى دارها فصيل باشا..
نوف/لااحد ينقص باسم اخوي هذا الدكتور فيصل لو سمحتوا..
ليالي/عدال لاتطيح براطيمك ياقلبي...
البندري/ههههههه زين تسوين فيها...
وضحى/عنود شفيك ماانتي على بعضك اليوم؟
والتفتوا البنات على العنود اللي كانت سرحانة..
العنود/ماادري والله حاسة باحساس غريب والله ..
لطيفة/خير اللهم اجعله خير..
العنود/حاسة قلبي مقبوض بس من شنو ماادري ..
نوف/نتصل في الحبيب نخليه يطيب خاطرك بكلمتين...
العنود ببتسامة/انتي قلبي وجهك عني..
نوف/وانا الصادقة من جبنا طاري الحبيب ابتسمتي..
هند/يالله لاتحرجين صديقتي وخلي محمدوا يولي...
لؤلؤة/اه ياقلبي شفتي يالعنود قالت عن اخوي محمدوا وانتي مادافعتي؟
مرح/انا لو منك اقوم اتصل فيه افتن عليها...
واسكتوا البنات مع صوت ام وحيد اللي كان يجبب وقاموا يطالعون من الباب لان فيصل اكيد وصل..
ودخل فيصل واتجهت انظار البنات كلها له عدا لطيفة ونوف اللي راحوا يركضون يسلمون عليه...
فيصل مثل ماراح مثل مارجع بنفس الكبرياء والهيبة والجبروت مع زيادة شوية في الغرور حتى وهو حاضن امه ماكن يبين عليه حنان ولاعطف ولااشتياق لاامه اللي غاب عنها عشر سنين!! وبنفس البرود سلم على عماته ونسوان عمه واخته لطيفة وماابتسم غير لمى شاف نوف واقفة قدامه...
نوف/نورت الرياض يابو عبدالعزيز...
فيصل/الرياض بس مايكفي قولي المملكة كلها اليوم نورت فيني...واخذها في حضنه...
وابتدت مسيرة السلام وصال..
وصال/حمد الله على سلامتك ياولد عمي..
فيصل بدون مايلتفت عليها او على اللي جايين وراها/الله يسلمك ياام باسل..
هند/حمد الله على السلامة ياولد خالي...
فيصل/الله يسلمكم كلكم ...
لؤلؤة تهمس لمرح/هاذي معناته لاتسلمون ؟
مرح/الله ياخذك على هاالاخلاق لو مارجعت لنا احسن متى بس يحطون العشى بدل ضيقة الخلق..
الجازي/الله ياخذه على هاالغرور بس صراحة يسوى يجنن وسيم بشكل لايصدق احسه مو ولد خالي غير عنهم هذا شكله سوري على لبناني..
فيصل/معليش اسمحولي انا بدخل اخذ دوش وبطلع للرجال..
ام وحيد/خذ راحتك يمه..
ام الوليد/واذا انت حاس نفسك تعبان بلاش تطلع يمه استريح...
لطيفة/تعال من هنا بوريك غرفتك...

***
في غرفة فيصل بعد مرور ساعة...
دق جواله...
تركي/وينك انت ماصار ذا دوش اللي بتاخذه..
فيصل/مو قلت لك انها مو معهم ؟
تركي/بالله !! انت من صدقك هذا وقته..اكيد بتكون معاهم يعني وين بتكون واهلها كلهم هني تلاقيها هنا ولاهنا ..يالله فشلة ينتظرونك على العشى واذا مابتطلع قولي اروح بيتنا,,
فيصل/لا هذا انا جاي لكم اللحين..

***
في مجلس الرجال..
ابو فيصل/اقولهم يحطون العشى يافيصل ؟
فيصل/انا ماعندي مشكلة بتحطون بتتاخرون كيفكم..
الجد/لاياولدي شنتاخر بعد متنا جوع..حطوه خلاص..
خالد/نورت يافيصل..
فيصل بدون نفس/تسلم...
ابو فيصل/على فكرة يافيصل ترى محمد خطب ومارضى يملك غير لمى ترجع انت..
فيصل بعد بدون نفس/لا..ان شاء الله الف مبروك..
محمد/الله يبارك فيك ياخوي ..ويالله ان شاء الله عقبال مانسمع عنك..
فيصل/لا تطمن اذا علي انا راجع ونيتي قبل لااداوم في المستشفى اتزوج..
ابو فيصل/هاذي الاخبار السنعة ياولدي ان شاء الله الف مبروك..
خالد/انت وين بتشتغل؟
فيصل/في التخصصي..
محمد/تمام متفاهم معهم من هناك يعني..
تركي/أي تقريبا خلصنا امور الشغل كلها...
سعود دخل ومعاه باسل وجابه لعند فيصل
سعود/يالله سلم على عمك فيصل...
فيصل ابتسم لمى شاف باسل واخذه عنده/تغير عن الصور حيل ياسعود..
ابو محمد/اكيد بيتغير من متى وانت شايف صوره ياولدي..
فيصل/شسمك..
باسل/بابا..
فيصل/طيب انا شسمي..
باسل/دادا..
فيصل/انا دادا زين والله...
باسل اخذ بعضه وقام من حضن فيصل وراح لعند خاله محمد....
باسل/واوة
محمد/ماعندي حلاوة الحلاوة داخل عند الحريم روح لهم واذا عطوك جيب لي معك..
تركي/صحيح محمد انت من خطبت؟
محمد/بنت عمتي..
ابو فيصل/يالله ياجماعة العشى صار جاهز ....

***
وبعد ماطلع الكل من بيت ابو فيصل في اخر الليل
ام فيصل/تعال يمه اقعد جنبي شوي خلني اتاملك..
فيصل قعد جنب امه بدون اعتراض وهي تتامله وفي عيونها دموع وتحمد الله على جيته لها بالسلامة وتامل هو لعيونها ومسح دموعها بيده
فيصل/خلاص ياام فيصل هذا انا جنبك عاد ..
ام فيصل/الحمد لله يمه الحمد لله...والله اني مو عارفة من فرحتي شسوي...
فيصل/لاتسوين شي..بس سولفيلي عن كل شي صار هنا ..
نوف دخلت مع ابوها المجلس..
نوف/اوه اوه اوه الظاهر الجو رومانسي هنا ومالنا مكان بابا...
ابو فيصل ضحك وقعد مقابل لفيصل وامه/انا حتى لو مالي مكان بحشر نفسي في القعدة...
ضحك فيصل على كلام ابوه/انت الخير والبركة يابو فيصل عسى الله يطول بعمرك ويخليك لنا ذخر...
نوف/قلبت دراما معكم ثلاثتكم..
فيصل/انتي ام لسانين..
ابو فيصل/كيف شفت البيت يافيصل بعد التغيير اللي صار فيه...
فيصل/بنظرة عامة يمشي الحال..
نوف/أي وانت الصادق تحسه بيت طرارين وشحاتين هههههههههه
ام فيصل/قوم ارتاح عن نوفوا وهذرتها الزايدة يمه شوف وجهك شلون تعبان من الرحلة..
فيصل/معليش يمه على ثقل دم بنتك ومغثته الا اني ابي اسولف معاها شوي قبل لاانام...
نوف/شفت بابا ولدك شقال عني وانت خبر خير ماكانك تسمع..
ابو فيصل/لا فيصل مايقصد يهينك يمزح معك يانوف...
قامت ام فيصل وابو فيصل علشان يتركون فيصل ونوف براحتهم..
فيصل/يمه لاحد يقعدني لو يصير بالارض شنو مايصير وقت اللي اقعد بقوم ...
ام فيصل/ان شاء الله يمه تصبح على خير حبيبي...
وبعد مامشوا..لف فيصل على نوف لقاها تبتسم له..
نوف/نور البيت ياخوي والله ان الفرحة ماهي شايلتنا
فيصل/تسلمين يانوف..
نوف/مفكرة اسوي بارتي لصاحباتي لاصار ولا استوى بمناسبة رجعتك بالسلامة...
فيصل/لؤلؤة ومرح والجازي...
نوف/اللي ماعطيتهم وجه يوم سلموا عليك..
فيصل/يعني توني داخل البيت بعد رحلة طويلة عريضة تبيني اخذهم بالاحضان,,,
نوف/ماقلت بالاحضان بس ريق حلو ماكان بيضر ياخوي والله انهم كانوا يحاتون جيتك من زمان معنا..
فيصل/خلهم يولون عنك...
نوف/تدري شلون العروس بس ماحطتك في بالها اصلا ماكلفت على عمرها تقوم تسلم عليك قالت لهم ماراح يرد عليكم لو سلمتوا ليش تتعبون نفسكم ومسكت جوالها مسجات للحبيب ولاهمتها جيتك..
فيصل/من هاذي؟
نوف/العروس..
فيصل/أي عروس؟
نوف/ماقالوا لك ان محمد ولد عمي خطب!
فيصل/كاني سمعت بس ماعرفت خطب منو..
نوف/ماراح اقولك منو خليها مفاجاْة وبعدين هم مستعجلين يعني الموضوع كان المفروض يصير قبل ثلاثة اسابيع لولا ان محمد عطى ابوي كلمة ان بينتظرك ترد وانت غيرت رحلتك..
فيصل/يصطفل معها ماهموني لاهو ولاهي..
نوف/...........
فيصل/..........
نوف/............
فيصل/ شخبار طلال؟
نوف/وانا شكو ليش ماشفته اليوم؟
فيصل عدل قعدته ومال على قدام شوي/اقنعيني انكم ماتكلمون بعض؟
نوف رفعت راسها بشموخ/بنت بو فيصل ماهي خفيفة حتى لو كان ولد عمها لازم يتعب علشان يكسب رضاي عليه..
فيصل صفق بيده /برافوا نوف برافو...احلى شي في البنت ثقلها لاتبينين له انك بتموتين عليه علشان لاتخسرين نفسك وكرامتك..
نوف/لاتخاف علي انا اعرف شلون امشي اموري يافيصل....
فيصل/تعرفين نوف..انا ابي اتزوج..واستقر..
نوف/جد؟؟؟؟لاتقول انك بتتزوج امريكية ياخوي ترى والله ابوي يروح فيها..
فيصل/هههههههه والله انك تضحكين يانوف...تعرفين اني حاط في بالي وحدة من زمان من زمان واجد من يوم هي صغيرة تخيلي اني مااذكر منها غير ذيك البنت الصغيرة اللي راجعة من المدرسة وشنطتها على ظهرها ومسوية شعرها ثنتين ولا انها تلعب العصر في الشارع مع اخوانها ..بس هذا كل اللي اذكره منها..!!!
نوف/من جدك انت يافيصل طيب يمكن تزوجت وجابت عيال في ها العشر سنين..
فيصل/لاماتزوجت لسه..
نوف/اوه متابع اخبارها بعد,,,مين اللي ينقل لك اخبارها؟
فيصل/تركي...
نوف/انا اعرفها!!!
فيصل/اكيد..
نوف/من جيرانه لو من قرايبنه...
فيصل قام من مكانه/اليوم انتهت الجلسة بكرة لنا قعدة ثانية نوف يالله تصبحين على خير..

***
في نفس الليلة على التلفون ..
العنود/وش اللي تغير فيه بعد..
محمد/ولا شي فيصل مثل ماتركنا قبل ماتغير فيه شي ابدا يمكن ثقته بنفسه زادت شوي عن اول ...
العنود/قصدك تقول غروره لان هذا غرور مو ثقة بالنفس....
محمد/يكون اللي بيكون المهم ان احنا قربنا ياروحي...
العنود/مثل ماقلت اهم شي حياتنا احنا ماعلينا من احد غيرها..
محمد/ماتكلمنا عن العرس ووين بنقرر نسويه ووين بنروح شهر العسل وش تبين يكون مهرك ووش...
العنود/محمد بدري على ها السوالف حبيبي مايستعجلون فيها....
محمد/مدام اني حبيبك فهذا عندي بالدنيا كلها ياعنودي....
العنود/....................
محمد/وين رحت ياعسل؟
العنود/معك موجودة مارحت مكان .......
محمد/ماشفتك علقتي بشي؟
العنود/محمد....تتوقع انك تتركني في يوم من الايام ...
محمد/مااحب اسمع هاالكلام منك انتي بالذات لانك عارفة مدى تعلقي فيك ياعنودي...
العنود/محمد انا مو قصدي اجرح في حبك لي بس مدري ليش حاسة ان احنا....
محمد/ماابيك تحسين في شي فيه فراقنا ياعنود اذا سمحتي ...
العنود/محمد انا اسفة انا مو قصدي ازعلك بس كنت متضايقة اليوم ومدري ليش خطر على بالي ....
محمد/ماقلنا بنسكر الموضوع خلاص مانبي نتكلم فيه....عمري بتجين البيت بكرة صح...
العنود/ والله ماادري ليش ماراح يروحون بيت عمي ابو فيصل؟
فيصل/المفروض ان فيصل هو اللي يجي بكرة عند جدي وجدتي ...
العنود/لامحمد شنو المفروض مع فيصل تنشال القاعدة هاذي فيصل مايعترف بالاصول ولا العادات...
محمد/ ههههه احسك شايلة على فيصل حيل يالعنود!
العنود/وليش لحتى اشيل عليه يامحمد بس هاذي الحقيقة..فيصل طول عمره كذا ومابالك بغربة عشر سنين تتوقعه يامحمد بيرجع شخص عادي مثل ما كان؟

***
في بيت العامري يوم ثاني الصبح...
الجد/ما فتحتوا الباب ؟؟
لؤلؤة/بلى جدي راحت روان تفتحه....
دخل فيصل المجلس/السلام عليكم,,,,
وقفوا اللي با المجلس كلهم (الجد,لؤلؤة, وضحى, ابو محمد,مشعل,طلال)
الجد/فيصل..... وعليكم السلام والرحمة ليش متعب نفسك وجاي يبى احنا كنا بنمركم العصر...
فيصل/ليش جدي ماتبيني اجي عندك !!!!
ابو محمد/ولو ياولدي البيت بيتك وانت الداخل واحنا الطالعين بس توقعناك ترتاح اليوم بعد رحلتك المتعبة..
فيصل/اللي مثلنا وقته مو ملكه ابدا ياعمي ولا شنو رايك يادكتور طلال...
طلال ارتبك لانه حس في كلام فيصل اهانة بس ما حب يحطها في باله/ولو اني لسه ماصرت بس اتوقع...حياك ولد عمي تفضل ....
فيصل قعد في المجلس وبعد ماقعد قعدوا الباقي وراه
فيصل/انتوا صاحبات نوف اكيد...
لؤلؤة/انا لؤلؤة
وضحى/وانا وضحى..
فيصل/خالة باسل....ياهلا وسهلا والله..(قالها بدون نفس ولؤلؤة ووضحى اخذوا بعضهم وطلعوا من المجلس)
الجد/شلونك ياولدي يافيصل ..
فيصل/الحمد لله..
ابو محمد/اللحين بس كملنا يافيصل كانت القعدة دايما تفتقد وجودك ياولدي يافيصل...
فيصل/تسلم ياعمي....
مشعل/فيصل انت اللحين وين بتشتغل؟
فيصل/وين الباقي مااشوفهم موجودين..
الجد/كل واحد في شغله تبي نكلمهم بردونا نتغذى كلنا مع بعض...
فيصل/لا ماله داعي بكرة بنشوفهم ...
ابو محمد/ليش ابوك ماحجز الفندق من الليلة؟
فيصل/انا مافيني الليلة ياعمي قلت له ياجلها لبكرة عندي شغلات ابي اخلصها هني وبعدين يصير الاستقبال على راحتي...
طلال/كيف الحياة في امريكا يافيصل؟
فيصل/........اللي مثلي وفي وضعي صعب يقول لك ان الحياة حلوة هني ولا هناك انا كل وقتي كان باالجامعة وفي البحوث والمختبرات لين تخرجت وصرت اطبق وتفوقت في تخصصي ...باختصار اللي مثلي ساعات راحته وسعادته محدودة جدا جدا...
مشعل/يعني ماكان عندك ولا يوم اجازة!معقولة؟؟
فيصل/بلى عندي اجازة بس في اجازتي ياتجيني جراحات عاجلة ولا اكون شغال على بحث او حالة من الحالات الجديدة والنادرة يعني اذا كنت مفكر ان في وقت للوناسة فاانت غلطان..

***
في البنك كانوا هند والعنود يسولفون ودق جوال هند..
العنود/احم احم احم ..اشوف روميو اخذ على الاتصال..
هند/لا تخليني اندم اني قلت لك ...ورفعت جوالها...هلا خالد انا مشغولة حيل اللحين اذ بتكون فاضي بدق عليك بعد ساعة...
خالد/بدون حتى سلام ..طيب ماشي انتظرك...باي..
العنود/شوف الكذابة مشغولة حيل في شنو وانتي قاعدة تسولفين ماوراك شي!!!!
هند/انا مو هبلة علشان كل ماكلمني رديت عليه علطول يالعنود..
العنود/افهم من كلامك انك تقصد يني انا ومحمد!!!
هند/وليش اقصدك انتي ومحمد محمد في النهاية قصده ارتباط وزواج يعني لاتخافين على نفسك..
العنود/خالد بعد قصده ارتباط ياهند..
هند/ادري ان خالد قصده زواج بس احنا المشوار قدامنا طويل يابنكمله مع بعض او ان احنا بنوقف يا العنود...

***

بعد مرور ساعة الا ربع اتصلت هند في خالد...
هند/الو..
خالد/مرحبا والله..
هند/اهلين خالد مشغول...
خالد/لا ماعندي شي ..
هند/معليش انا اسفة بس كنت مشغولة شوي تعرف قبل الاجازة يكثر الشغل شوي..
خالد/اليوم اخر يوم دوام..
هند/لا بكرة بيكون اخر يوم دوام...
خالد/مخططين على شي علشان الاجازة ولا لسه بدري...
هند/والله على اساس كنا متفقين مع ابوي علشان نروح قطر وخبرك خالي ابو فيصل كان بعد مخطط يروح (ابو فيصل وابو وحيد اصحاب وبينهم عشرة عمر وشغالين مع بعض )بس مع رجعة فيصل ماادري اكيد خالي بيكون مشغول في الاستقبال وابوي بيظل ملازم له..
خالد/وشمعنى قطر يعني؟
هند/لانها المكان الوحيد اللي مارحناه واذا عطلت معي بطلع انا ووحيد وليالي..
خالد/يعني معزمة عليها مية في المية لو مابيودونك بتروحين...
هند/يكفي تعب والله نبي نغير جو....
خالد/ومابتروحين مع صاحبتك؟
هند/عندها محمد مالنا فيها هههه اخاف مايرضى تجي معنا ..
خالد/ههه بشوفك اليوم؟
هند/..خالد انا والعنود رايحين بيتكم يعني بيت جدي بعد شوي...
خالد/يعني مافي مجال اشوفك اليوم لو نص ساعة!
هند/صعبة شوي متفقين نمر بيت جدي ونتغذى وبعدين بنروح لبيت خالي بو فيصل خبرك الحريم اليوم كلهم متجمعين هناك يتحمدون بسلامة فيصل...
خالد/طيب مافي مشكلة لو صار عندك وقت فاضي دقي لي ..
هند/ماشي الحال ..يالله باي...
***


في بيت العامري ...
الجد/خلاص قوموا حطوا غذانا مايصير جوعنا فيصل وهو ضيفنا...
فيصل/ماشي الحال لاتشيل همي...
طلال يكلم مشعل/انا كاني شفت سايق بيت عمتي بتتغذى هنا اليوم..
مشعل/لا الله يسلمك السايق جايب هند والعنود من البنك بيتغذون هنا اليوم,,,
فيصل من سمع ها الطاري طار عقله يبي يدخل يشوف الحبايب بس كيف يتحجج..
فيصل بضيق/شوي ديوانيتك يبه كاتمة..
ابو محمد/لا...
فيصل/انا اشوفها كذا..
الجد/خلاص بكرة نغيرها لو ماعجبتك..
فيصل/في مجلس داخل البيت صح ولا انا نسيت تفصيل البيت؟
ابو محمد/بلى يبى فيصل في مجلسين داخل..
الجد/قوم ادخل يافيصل شوف البيت وش صار فيه صار لك عشر سنين غايب عنه شوف اذا تبي تتغذى داخل لو هنا براحتك...
قام فيصل مع عمه ابو محمد وظلوا الباقي قاعدين والجد تضايق انهم ماقاموا معه...
فيصل في باله يقول يارب اشوفها لو باالعجلة لو نظرة صغيرة...
ودخلوا داخل البيت..
ابو محمد /يابنات سووا لنا طريق فيصل جاي..
العنود/انا بقوم ادخل المطبخ..مالي خلق اشوف ولد عمكم..
وراحت المطبخ وظلوا هند ووضحى بس في الصالة
ابو محمد/احم احم...حياك يبى فيصل...
هند/خالي شلونك؟
ابو محمد/هلا هلا والله ببنت سعود شلونك يبى شعلومك..
هند/هه الحمد الله خالي طيبة عازمين نفسنا انا والعنود عندكم هني بنتغذى فيصل شلونك..
فيصل وهو سرحان في طاري العنود وموعاطيهم وجه/بخير الحمد الله..
هند كانت ناوية تتكلم بس اسلوب فيصل اسفزها وسكتت...
ابو محمد/اجل عنودنا وينها؟
فيصل تزهب نفسيا علشان يعرف هو بيشوفها ولا لا..
وضحى/في المطبخ ياعمي...
فيصل يكلم عمه/نكمل
نشوف الباقي..(وهو في باله يقول نروح المطبخ)
ابو محمد/أي يبى حياك تفضل اول المطبخ خل نشوف عنودنا.....
وضحى تهمس لهند/هههه عنودوا رايحة المطبخ علشان ماتشوفه ماتدري انه مشرق عندها اللحين...

***
نوف/وينه بو عبد العزيز؟
ام فيصل/راح يسلم على جدك...
نوف/اها..علشان كذا ابو فيصل زعلان وعاقد النونة...
ابو فيصل اللي كان مبين عليه انه متضايق/يعني شتبين اسوي يايبى وانتي عارفة انه البارح وصل وبعده تعبان ماكان ودي يروح هم كذا ولا كذا جايين اليوم..
ام فيصل/ابو فيصل شبلاك وهو وين رايح فديته رايح يسلم على جده وعمامه تعرف انه البارح ماقعد معهم كفاية واكيد انه مشتاق لهم ويبي يسولف معهم قبل لايجون الرجاجيل...
ابو فيصل/بس ياام فيصل..
قاطعته نوف/امي معاها حق يبى انت عارف فيصل زين مايسوي الا الشي اللي يبيه ولو ما كان يبي يروح ماراح لو كلنا قلنا له روح بس هو من نفسه يبي يروح...
ابو فيصل/...............(اذا تكلمت الاميرة لزوم يسكت )
نوف/ في خبر حلو اقوله لو ماهو وقته..
ابو فيصل/شنو؟
نوف /قبل شنو ابي وعد منك ومن الماما ان الموضوع مايطلع لااحد نهائيا مهما كان مقرب..
ام فيصل/انتي ماتستحين تقولين ها الكلام لي ولاابوك..
نوف/لاتنسين يايمه ان الموضوع يخص فيصل وهو مايحب احد يعرف خصوصايته وبعدين هو فتح الموضوع معي البارح بس ماتكلمنا فيه وقال الليلة بيكمله معي..
ابو فيصل عدل قعدته/يعني الموضوع يخص فيصل؟
نوف هزت براسها...
ام فيصل بخوف/شفيه فيصل؟
نوف/مافيه الا العافية..بس هو يبي يتزوج.....

***
في المطبخ كانت العنود واقفة داخل وعاطية ضهرها للباب...
ابو محمد/احم احم...شلونك عنود..
لفت العنود على خالها وهي متضايقة انها بتشوف فيصل لانها داخلة علشان لاتشوفه...وحاولت ان عينها تصير في عين خالها وماتلف على فيصل ابدا...

****



يتبع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 19-12-2008, 11:36 PM
$بسبوسة$ $بسبوسة$ غير متصل
©؛°¨غرامي جديد¨°؛©
 
الافتراضي رد: عقلي يبي محمد وقلبي يبي فيصل رواية سعودية جريئة


لالالالالاالله يخليك كمليها بسرعة تحمست ابي اشوف المواجهه بين فيصل والعنود .ويسللللمووو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 20-12-2008, 02:53 AM
صورة بقايا جروووح الرمزية
بقايا جروووح بقايا جروووح غير متصل
{آبيـ/ـڪ’،.وُ آرفضْ الوُآقـع!~
 
الافتراضي رد: عقلي يبي محمد وقلبي يبي فيصل رواية سعودية جريئة


ههههههههههههههههههههههه

8
8
8
8
8
8
مثلها مررررررررررررررررررررررة متحمسة

كملي البارت بسررررررررررعة ياعسل

ننتظرك
لا تطولي علينا
.,’,.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 20-12-2008, 10:51 AM
عزتي فوق ظنكـ عزتي فوق ظنكـ غير متصل
©؛°¨غرامي جديد¨°؛©
 
الافتراضي رد: عقلي يبي محمد وقلبي يبي فيصل رواية سعودية جريئة


بلييييز شعوووله كمليهااااااااا بجد تحمسسسست تكفييين بأسررررررع وقت

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1