غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات إدارية - يُمنع طرح اقتراحات > ارشيف غرام
موضوع مغلق
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 18-12-2008, 10:24 AM
rafooo rafooo غير متصل
©؛°¨غرامي مشارك¨°؛©
 
الافتراضي رد: يحلمون اللي فيك يفكرون ياخذونك انت مني والله لو يتجننون .. رواية من تأليفي


( البارت الخامس )



* عند الاولاد *


دخل عليهم منصور .:. سلااام
الشباب .:. وعليكم السلام
منصور .:. كيفك محمد ؟
محمد ( مستغرب ) .:. الحمدلله .. كيفك انت ؟
منصور .:. الحمدلله بخير
فارس .:. الحين كلنا مجتمعين
ما ملى عينك غير محمد ؟! ..
ياخي اقل شيء جااامل
منصور ( والله لو كل خواتكم زي ريما هع ..
كان تزوجت 4 هع هع )

فيصل .:. ماااااخذ عقلك يتهنابه
منصور .:. امييييييييييين .. جعلها تتهنابه لحالهااا
الشباب بققوا عيونهم
عبدالله .:. اووووووخص ..
منصور انضميت لي وصرت تغازل

منصور .:. لا وعع بسم الله علي منك ..
انا ما احب غير وحدة

فيصل من الصدمه .:. ههههههههههه منصور
ههههه انت تحب
هههههههههههه
محمد .:. من جدك منصور تحب ؟
منصور ( حس انه كب العشا ) .:. هههههههههههه ..
اذكياء مرة ماشاء الله عليكم ..
ينلعب عليكم بسهولة
فارس ( باقي مصدوم ) .:. يؤ .. منصور تحب ؟؟
منصور .:. هيييييي انت مصدق .. كله مقلب
فيصل .:. المهم ما علينا ..
وش رايكم نسوي مفاجأة لخالد بمناسبة زواجه
خصوصا انه هو اول واحد بيتزوج فينا
فارس ( مسوي متأثر ) .:. نكتب له رساله : هان عليك
ان تودع قفص العزوبية النحاس .. وتذهب لقفص الزواج الذهبي
دون ان تأخذنا معك .. اهئ اهئ
ضحكوا الشباب على شكله
وكملوا سهرتهم سوالف وضحك





* في بيت ابو محمد *



رجعت ريما من الحفلة وتوها بتطلع غرفتها
سمعت اصوات الشباب .. جاها فضول ..
حبت تتأكد .. اللي شافته بالحفلة ..
هو نفسه صديق محمد ولا لا ..
توها بتطل من الشباك
الا سمعت صوت منصور .:. محمد ابي موية
محمد .:. ادخل محد في البيت .. الاهل معزومين
ريما على طول جت تبي ترجع ما لحقت
وطاحت على دخلة منصور للصالة
منصور لفت انتباهه شيء اسود طايح
وصوت بنت .:. آآآي
منصور قرب منها بيساعدها
وفي نفس اللحظة رفعت ريما عيونها ..
ريما بققت عيونها ..
منصور ( يؤؤ .. محكوم علي اخق مرتين
في نفس اليوم ..
الا لحظة .. عيونها مو غريبة علي ..
وتذكر الموقف اللي صار في بيت فيصل ..
لما حسبها الشغالة ..
ما قدر يمسك نفسه وضحك

ريما عيونها دمعت ( ياقليل الأدب .. هذا بدل
ما يساعدني يقعد يضحك علي .. والله فشلة حفظ
شكلي من كثر ما يشوفني .. لا و واقف قدامي بعد )

قامت ريما ودزت منصور
وطلعت غرفتها وهي تبكي


منصور ندم مليون مرة
على انه ضحك ( ياقلبي ..
شكلها تأثرت من حركتي .. بس انا وش ذنبي
مقدر امسك ضحكتي
بس ياقلبي عليها ..
مبين انها تضايقت مني )


ورجع للمجلس وهو
متضايق لأنه زعل ريما





* في غرفة ريما *

كانت تتكلم مع رفيف بالجوال
وهي تبكي وتشهق .:. تخيلي يارفيف
ثالث مرة يشوفني ..
والله فشلة .. لا وكل مرة يشوفني
وانا طايحه وين اودي وجهي


رفيف .:. ياقلبي ياريموووو ..
هدي طيب مافيه ولا رجال بالكون يستاهل
دمعه وحدة ( وهي في بالها محمد ..
اللي طول الوقت تفكره يحب غيرها )

ريما وهي تشاهق .:. بس فشلة .. تخيلي لو
عرف محمد .. والله بيذبحني
رفيف .:. لا ياقلبي لا تفكرين كذا ..
اصلا مستحيل يقول لمحمد ..
لأن لو قال لمحمد بنلقاكم
بكرة معلقين بالمروحه انتي وياه
ريما ضحكت .:. ههههههه حلوة منك
رفيف .:. اي كذا .. تصدقين صوتك
احلى وانتي تضحكين
ريما .:. فديتك يابعدي ..
الله يريحك زي ما ريحتيني
رفيف .:. ولوو كم ريمو عندي .. يلا قومي
مسحي دموعك ونامي
زييين .. افكر بكرة نطلع
ريما .:. وين تطلعين ؟
رفيف .:. اي مكان راضية ..
لو حتى اطلع افر حارتنا وارجع
ريما .:. هههههه .. اي زين
اذا قررتي تطلعين علميني
رفيف .:. وانا اقدر اطلع من غير تؤام روحي
ريما .:. يابعد قلبي
رفيف .:. بس انا اقص مشاعل
ما اقصدك انتي هع
ريما .:. دوبوووه ..
مالت عاللي يكلمك اصلا ..
يلا باي

وراحت غسلت وجهها ونوووم




( قبل عرس خالد بأسبوع )


رفيف .:. ايوه ريما .. بمرك بعد شوي ..
بنروح نسويبروفا لفساتينا بالمشغل ..
اي الحين بكلمها .. يلا بايو


دقت رفيف على مشاعل ومرت عليهم وراحوا للمشغل
وقاسوا فساتينهم وطلعت حلوة ورجعوا لبيوتهم



* بيت ابو ياسر *


نواف .:. مشاعل
مشاعل وهي تطالع المجله .:. هممم
نواف .:. تتوقعين بنسافر بعد عرس خالد ؟
مشاعل وهي مو لمه .:. لا
نواف .:. ليه ؟
مشاعل .:. هممم .. مدري
نواف .:. مشااعلوه .. انا اكلمك
مشاعل وهي تسكر المجلة .:. خير وش تبي ؟
نواف .:. ليش ما تتوقعين بنسافر
مشاعل وهي توقف .:. ما يبيلها ذكاء
المدرسة قربت .. خلاص عرفت ليه .. اففف
محد ياخذ راحته بذا البيت ابدااا
خذت المجلة وطلعت غرفتها
نواف .:. افففف والله مريضة نفسية
انا بروح انام ابرك ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 18-12-2008, 10:27 AM
rafooo rafooo غير متصل
©؛°¨غرامي مشارك¨°؛©
 
الافتراضي رد: يحلمون اللي فيك يفكرون ياخذونك انت مني والله لو يتجننون .. رواية من تأليفي


* في غرفة رفيف *



وكالعاده تقرقر مع ريما بالجوال
ريما .:. الا صح رفو .. العرس بعد 4 ايام
وفساتينا باقي ما خلصت
رفيف .:. مين قال لك ما خلصت .. الخياطة تقول
بعد بكرة بتطلع
ريما .:. طيب .. واذا طلع مو حلو
رفيف .:. ياذكية .. مو حنا مسويين بروفا
وشفنا فساتينا واعجبتنا
ريما .:. اي صح .. بس امممم .. رفيف تتوقعين صديق
محمد بيجي للعرس
رفيف .:. ياذكية ناسية ان اصدقاء محمد هم نفسهم
اصدقاء خالد .. يعني شيء طبيعي بيحضرون ..
لحظة لحظة .. ليش تسأليييييييييين ؟
ريما .:. هاه .. لا بس سؤال جاء على بالي
رفيف .:. بحاول اصدق .. ما سمعتي الشاعر اللي يقول .:.

الحب باين في عيوني ...
............................... والعشق هو سبب جنوني ...

ريما .:. دوبوه .. هذا انتي اللي قايلته مب شاعر ..
قال شاعر قال .. بعدين مين قال لك اني احب
رفيف .:. الحب عذاب مو صح هع
ريما .:. رفيفوووووه .. بلا سخافة
رفيف .:. ههههههههههه كأن فيه ناس
وجههم صار احمر
ريما .:. ترى بسكــــــــــر
رفيف .:. هههههههههه لا انا اقصد نفسي
ريما .:. اي مرة واضح .. الا صدق
رفيف بعد عرس خالد
بـ 3 اسابيع بتبدا الدراسة
رفيف .:. وهـ .. اشتقت للجامعه
ريما .:. اي والله .. ولا بوابة الباصات مع البنات
رفيف .:. عاد اكره ماعندي مبنى 15
ريما .:. هههههههههه مقر النسرات ( الدكتورات )
رفيف .:. ههههههههه اي .. بس تصدقين
مافيه ازين من الدكتورة ايمان الروّاف .. وربي عسسسل
ريما .:. اي والله ياحبي لها .. عاد كله يهوووووون
عند الدكتورة سعاد العتباني ههههههههههههههه
رفيف .:. ايييييي .. ههههههههههههههه ..
بس حسبي الله عليها من اسئلة
من وين تجيبها مدري
ريما .:. رفو .. تذكرين ذيك السالفة ههههههههههه
لما اكتشفنا انو زوجها اللي يصحح
معها الاوراق ههههههههههههه
رفيف .:. اي هههههههههههههه ..
افا عليك انا مستحيل انساها


( السالفة طبعا انو كان عليهم امتحان
ورفيف وريما جاوبوا على سؤال
نفس الجواب يعني الجواب الصح ..
ولما نزلت النتايج .. طلعت نتيجة رفيف
اقل من ريما ومحطوط على جواب رفيف خطأ
وجواب ريما انو صح ..
فلما راحوا لها وكلموها استوعبت
وعدلت الدرجة .. _ السالفة حقيقية ترى هع _ )


ريما .:. آآآآي يابطني هههههههههه
بموت من الضحك هههههههههههه
رفيف .:. ههههههههههههههه خلاااااص
اسكتي هههههههههههه
ريما .:. انا بسكر هههههههههههه
ما اقدر اتحمل ههههههههه
لو قعدت اكلمك يمكن انجن ههههههههههههه
رفيف .:. ههههههههههههه .. اي زين
هههههههههههه يلا باي


( طبعا هذي حالة هستيرية هع
تصيب رفيف وريما اذا كانوا مرتبكات
ومتوترات وخايفات من شيء )







* في يوم العرس *


( 1 ونص الظهر .. بيت ابوفيصل )


رفيف .:. فيصل يلااااااااا ..
ودينا المشغل نبي نخلص بسرعه

فيصل .:. ما تشوفيني ناااااااايم
رفيف .:. فيصل تكفــــــى بنتأخر عالكوفيرة
فيصل .:. اففف منك يا انتي غثاااا خلاص طيب
ضفي وجهك ببدل ملابسي



بدل فيصل ونزل و ودا رفيف وامه للمشغل



* في المشغل *


اتفقوا البنات من قبل يجتمعون بالمشغل مع امهاتهم

رفيف .:. مشاعل اي تسريحة اسوي ؟
مشاعل .:. شوفي انتي دايم تسوين كيرلي .. فهالمرة خليها
تسوي لك بوف بسيط واكسسوار .. نعوم وحلو

ريما .:. طيب انا ؟
رفيف .:. اي ريما شوفي .. انا شفت تسريحه
تناسب على وجهك .. شوفيها في ذيك المجلة

ام ياسر .:. بنـات .. حنا خلصنا بنروح الحين للقاعه
اذا خلصتوا اتصلوا على احد من اخوانكم يجيبكم
البنات .:. ان شاء الله


ع ـالساعه 9 كانوا البنات مخلصين
وجاهم ياسر و وداهم للقاعه




كانت رفيف لابسة فستان سماوي ماسك على جسمها
وتحت الصدر حزام فضي و منثور على الفستان كرستال فضي طويل





اما ريما كانت لابسة فستان فوشي حفر والحزام على شكل اكسات صغيرة
لونه بني طبعا ماسك عالجسم ولتحت الركبة بشوي







مشاعل كانت لابسة فستان ابيض عليه نقشات ورد بالأحمر والاخضر
بخصر نازل شوي ومسوية حزام بشريطة ساتان حمراء





كانت كل وحدة احلى من الثانية
قعدوا يرقصون ويسولفون وطبعا تعليقات هع
ع ـالساعه 12 ونص بالليل



بدت الزفة اول شيء بالزغاريط
بعدين بدا الشعر وسارة واقفة اعلى الدرج



كان شكلها اقل ما يقال عنه رووووعة
فستان العرس كان مرة حلو ونعووووووووم
وكانت رافعه شعرها ومسوية كيرلي من فوق وحاطه تاج
وماسكة بيدها باقة ورد جوري احمر




بدت تنزل من عالدرج مع موسيقى هادئة
ولما وصلت للكوشة بدت الزغاريط من جديد
وشغلوا اغنية مخصصة لها من الحان وغناء منصور


دعاء .:. هذا منصور ولد عمي .. ماشاء الله عليه
مو حلو صوته
رفيف .:. الا ما شاء الله صوته حلو
ريما اللي ميزت صوته ( اهـا اسمه منصور ..
ويصير ولد عمهم ..
عشان كذا شفته عندهم ذاك اليوم ..
بس جد ماشاء الله
حلو وصوته حلو ..
يؤؤ وش فيني انا فاصخه الحيا ..
وبعدين من حلاته ..
قليل الادب يضحك على بنات الناس )



جلست سارة عالكوشة
وبدوا البنات يرقصون وخلوها ترقص معهم


لما دخلوا الناس ع ـالعشاء
جابت دعاء الكاميرا .:. يلا بنات
خلونا نتصور مع سارة ..
( اللي كانت مسرحه وفي عالم ثاني )


ريما .:. يلا بنات .. خلونا نسوي فريق كورة قدم
وسارة الكابتن هع
ضحكوا البنات كلهم مع سارة
رفيف .:. اخيرا ضحكتي .. وش ملحتس وانتي تضحكين ..
مو تو ما ندري وين انتي فيه ..
سارة .:. ههههههههه ..
بنشوفك بعرسك وبقول لك نفس الكلام
رفيف سكتت ( عرسي هه .. هذا اذا تزوجت بعد حماده ..
يؤؤؤؤ .. وادلعه بعــــد ..
هذا وانا قايلة بنساه .. بس ياربي شسوي ..
والله احبه .. مقدر )
دعاء .:. رفووو .. وين رحتي ؟
رفيف .:. هاه .. ( ابتسمت ) .. لا ولا مكان ..
يلا خلنروح نتعشى






( انتهى البارت الخامس )

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 18-12-2008, 10:29 AM
rafooo rafooo غير متصل
©؛°¨غرامي مشارك¨°؛©
 
الافتراضي رد: يحلمون اللي فيك يفكرون ياخذونك انت مني والله لو يتجننون .. رواية من تأليفي


( البارت السادس )


* بعد عرس خالد *

( بيت ابو سارة _ العصر )


ام سارة .:. يلا يابنات قوموا ودعوا سارة
بعد شوي بتجي ورحلتها اليوم

نوف .:. طيب يمه .. بعد شوي بنقوم

دق جرس الباب ونزلت الام تفتحه

ام سارة .:. هلا والله .. توما نور البيت
خالد .:. تسلمين خالتي .. منور بأهله
ام سارة .:. تفضلوا .. حياكم
دخلوا المجلس

سارة .:. يمه كيف حالك ؟
ام سارة .:. الحمدلله بخير
انتوا شخباركم عساكم مرتاحين ؟
خالد .:. الحمدلله والله بخير
سارة .:. يمه وين خواتي ؟؟
ام سارة .:. نايمات .. بقوم اقعدهم من النوم
سارة .:. لا يمه اقعدي .. بروح انا اقعدهم

طلعت سارة لغرفة اختها دعااء

سارة .:. يلاااا .. يلااا دعاء يكفي نوم يلا قومي

وطفت المكيف وشغلت اللمبات

دعاء .:. ساااروووه مب فاضيتلك تعبااانة ..
سارة .. ( صرخت ) سااارة هلااا والله
سارة .:. اهلين .. بدري توك تستوعبين
دعاء .:. كيفك وشخبارك ؟
سارة .:. الحمدلله .. يلا تعالي نقعد نوف

وراحوا قعدوا نوف وتجمعوا بالصالة الفوقية

دعاء .:. سارة متى رحلتك ؟
سارة .:. بعد ساعه
نوف .:. يعني بتجلسين عندنا نص ساعه بس !!
سارة .:. اي عشان الحق عالرحلة
دعاء .:. بس ما امدانا نقعد معك
سارة .:. بعد ما نرجع بنشب لكم
لين تقولون لي ضفي وجهك
نوف .:. ما بنقولهاااا

وجلسوا مع بعض سوالف الا ان مرت نص ساعه
طلعت سارة مع خالد وراحوا للمطار مع فيصل
اللي وصلهم ورجع عند الشباب



* بعد المغرب *

ام فيصل .:. رفيف .. رفيييييييييييييف .. يلا قومي
رفيف .:. همممممم . يمه فيني نوم .. بقوم بعدين
ام فيصل .:. يلا قومي صلينا المغرب وانتي باقي نايمة
رفيف .:. اي طيب طيب .. بقوم بعد شوي


قامت رفيف وهي تتثاوب
كان ظهرها يوجعها وجسمها مكسر عقب العرس
قامت اخذت شور وتوضت وصلت
بعد ما صلت قعدت عاللاب وفتحت الماسنجر
لقت صديقتها نورة اون لاين

احبــــك .. عجزت انساها .. ( رفيف ) .:.
هاااي
الدنيا حلوة بالأمل ( نورة ) .:.
وعليكم الهاي
احبـــك .. عجزت انساها .. .:.
كيفك يادوبة وشحتينييييي
الدنيا حلوة بالأمل .:.
الحمدلله .. وانتي اكثر والله .. يالقااااااطعه
من عطلنا ما كلمتيني غير مرتين بس
احبــك .. عجزت انساها .. .:.
ياقلبي اعذريني انشغلت بملكة وزواج ولد عمي
الدنيا حلوة بالأمل .:.
عالبررررررررركة .. عقبالك
احبــك .. عجزت انساها .:.
فاااااااااااااال الله ولا فالك .. تفاولي علي خير
الدنيا حلوة بالأمل .:.
ههههههههههههههه .. الحين الزواج شر
المهم .. ماعلينا
كيفك وشخبارك ؟


وكملت سوالف معها وشوي سكرت المسن
ونزلت تحت للصالة

شافت امها ماسكة سماعه التلفون .:. لا حول ولا قوة الا بالله
الحين جايينكم .. يلا مع السلامة
رفيف .:. يمه وش فيه ؟؟؟
ام فيصل .:. روحي بسرعه البسي عباتك ..
مشاعل بنت عمك مساعد بالمستشفى
رفيف .:. مشاااااااااااااعل ؟؟؟ وش فيها يمه ؟؟؟؟
ام فيصل .:. ما ادري يلا بسرررعه

ركضت رفيف فوق ولبست عباتها ونزلت على طول للسيارة



* في المستشفى *


نزلت رفيف تركض لقت مرة عمها وياسر ونواف
واقفين برا في الممر وام ياسر تبكي
رفيف .:. عمتي .. وش فيها مشاعل ؟؟
ام ياسر وهي تبكي .:. مدري يابنتي .. لما رقيت فوق ابي اقعدها من النوم .. لقيتها طايحه ع ـالأرض
رفيف .:. طيب الحين كيفها ؟
نواف .:. ما ندري .. ابوي عند الدكتور الحين
ام فيصل كانت توها جاية شافت ام ياسر تبكي
راحت لمها تهديها .:. ياوخيتي هدي .. ان شاء الله بتقوم بالسلامة ..
يمكن مرهقة شوي وبتقوم زي اول واحسن ان شاء الله ..

ورفيف اللي كانت خايفة على صديقتها وبنت عمها الوحيدة ..
كانت تبكي بهدوء وتدعي انها تقوم بالسلامة ..


شوي وجاهم ابو ياسر ومبين على شكله انه تعبان ..
خصوصا ان مشاعل بنته الوحيدة ..
ام ياسر .:. وش قال لك الدكتور ؟
ابو ياسر .:. ما قال لي شيء مهم للحين .. بس يقول لازم تبقى تحت الملاحظة
اقل شيء 4 ساعات
ام ياسر .:. ليش فيها شيء ؟؟؟
ابو ياسر .:. لا ان شاء الله ما فيها شيء
ام ياسر .:. طيب ليش يحطونها تحت الملاحظة
ياسر .:. يمه لا تخافين .. بس عشان يتأكدون
انها مراح تتعب مرة ثانية وبيطلعونها لا تحاتين
ام ياسر .:. طيب انا بقعد مع بنتي
ابو ياسر .:. جلوسك هنا مراح يفيدك كثر ماراح يضرك
انتي لازم ترجعين البيت وترتاحين .. وان شاء الله هي بقوم بالسلامة



رجعوا ام ياسر ونواف مع ياسر ورفيف وامها رجعوا بيتهم
وبقي ابو ياسر بالمستشفى عند بنته الوحيدة ..,’

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 18-12-2008, 10:32 AM
rafooo rafooo غير متصل
©؛°¨غرامي مشارك¨°؛©
 
الافتراضي رد: يحلمون اللي فيك يفكرون ياخذونك انت مني والله لو يتجننون .. رواية من تأليفي


* في غرفة رفيف *

ريما .:. يؤؤؤ .. طيب هي الحين كيفها ؟
رفيف وهي تبكي .:. مدري .. طلعنا من المستشفى والدكتور
يقول لازم تقعد تحت الملاحظة .. الحين عمي عندها
ريما .:. ياقلبي والله الله يقومها بالسلامة .. خلاص رفو لا تبكين
هي اكيد بتتضايق لو درت انك بكيتي
رفيف .:. ياريما مقدر غصبا عني
انتي اكثر وحدة عارفة مشاعل قد ايش تعني لي
غصبا عني ببكي وبحاتيها
ريما .:. عارفة ياقلبي والله عارفة .. بس مفروض تصيرين قوية
وتتفائلين خير .. وتدعين لها تقوم بالسلامة .. مو تبكين
البكاء والخوف ماراح يفيدها بشيء
رفيف وهي تمسح دموعها .:. اي صح .. بحاول امسك نفسي
ريما .:. اوكي طيب .. ما بطول عليك ..
بس اذا سمعتي اي شيء عن مشاعل بلغيني
رفيف .:. ان شاء الله .. باي

قامت رفيف وغسلت وجهها وتوضت
وصلت العشاء وصلت ركعتين ودعت ان
مشاعل تقوم بالسلامة
لما خلصت صلاتها دخلت عليها امها وعيونها محمرة
ام فيصل .:. مشاعل بنت عمك مساعد ..
رفيف .: وش فيها يمه ؟؟؟؟؟؟؟؟؟؟؟؟؟؟؟
ام فيصل .:. ادعي لها بالرحمة .. توفت
رفيف .:. اييييييييييييييييييش ؟؟؟؟؟؟؟؟؟؟؟؟؟؟؟؟؟؟؟
يمه لا تمزحين معي واللي يخليك يمه
وربي ما اتحمل يمه لا تمزحين معيييييييييي
وطاحت ع ـالأرض تبكي حضنتها امها
وهي تبكي معها .:. يمه خلاص طيب هدي .. قضاء وقدر
ادعي لها بالرحمة .. محتاجة دعائك الحين
رفيف كانت دموعها تنزل بهدوءو بدون اي ردة فعل

( مشاعل ماتت .. لا لاا مستحييييييل .. امس كانت معنا ..
تضحك وترقص معنا .. كيف ماتت الحين .. لا لا اكيد امي تمزح
الحين بنروح لبيتهم بنلقاها هناك .. وبقعد امزح معها واغايضها
وبنتزاعل شوي وبنرجع نتصالح .. مشاعل لا ما مااااااتت )




* عند الشباب *


كانوا فيصل ومحمد وفارس جالسين يسولفون
وينتظرون باقي الشباب يجون


دق جوال فيصل .:. هلا والله يالغالية
ام فيصل .:. فيصل يمه ارجع البيت ضروري
فيصل خاف .:. ليه يمه وش فيييييكم ؟؟
ام فيصل بكت .:. مشاعل بنت عمك مساعد .. وما قدرت تكمل
فيصل .:. يممممممممممه وش فيها مشاعل
ام فيصل .:. الله يرحمها
فيصل ما استوعب كلام امه ورمى الجوال ع ـالأرض
( لااااااا مستحيل .. مشاعل ماتت .. )

قام فيصل بسرعه وطلع من عندهم
وركب سيارت وماشي مسررررع ودموعه متوقفه بعيونه
مو قادر يصدق .. قلبه يقول انها ما ماتت ..
وعقله يقول انها ميتة الحين .. البنت اللي حبها راحت ..
من هالدنيا .. راحت من الدنيا اللي حلاتها بضحكة منها ..
كيييييييييييف .. كيف ماتت وخلتني .. ليش راحت وما اخذتني معها
ليش خلتني اتعذب بعدها ... طيب . طيب ليش ما قااالت لي انها بتروووووح
لييييييش .. ياااربي خذ روووحي ياارب .. انا مقدر اعيش من بعدهااا
ياربي موتني معهاااا .. الدنيا ظلمة وهي مو فيها .. ياربي ليش مكتوب علي اشقى
تكفين مشااعل ارجعييي .. تكفين .. بس لو يوم واحد .. بقول لك اني احبك
واني مقدر اتخلى عنك .. واني من بعدك ما اسوى شيء .. والله ما اسوى شيء بدووووونك
انتي بالنسبة لي كل الحياااااة .. آآآآآآآآآآآآآآآآآآآهـ,’ من هالدنيا ..
خذت مني اللي اغلى من هالكون ياربي كيف بعيش انا ؟؟؟؟؟؟؟؟؟؟
ياربي مووووتني وخلني ارتااااااااااااااح .. وقف سيارته وقعد يبكي داخلها
يبكي حبه اللي مــــــــــــــــــــــــات ..,’






* في بيت ابو محمد *

ريما اللي كانت ما تدري عن شيء
تتصل على رفيف للمرة المليون ولا ترد عليها
( ياربي هذي شفيها .. ليش ماترد علي ..
يمكن نايمة الحين .. من الصبح وهي صاحيه ..
شوي وبدق عليها )


نزلت للصالة وجالسة تطالع تلفزيون
شوي ونزلت امها .:. ريما .. تعالي شوي ابغاك ..
ريما وهي رايحه لها .:. هلا يمه
ام محمد .:. ريما بنتي .. انتي مؤمنة بالقضاء والقدر
وايمانك قوي ان شاء الله
ريما بدت تخاف .:. قوولي يمه
ام محمد .:. مشاعل صديقتك .. عطتك عمرها
ريما .:. مشاعل ؟؟ يعني مشاعل ؟؟ يعني كيف يعني ؟؟
ام محمد .:. يعني توفت الله يرحمها ويغفر لها
ريما .:. توفت ؟؟؟؟ .. نزلت دموعها بهدوء
امها اللي خافت عليها قامت تهزها .:. ريما
ريمااااااااااااا .. وش فيك ؟ .. يمه ردي علي
ريما وخرت امها وطلعت غرفتها وقفلت وقعدت على سريرها تبكي




* في بيت ابو ياسر *


نواف اللي كان قاعد بغرفة اخته ويناظر صورتها وهو يبكي
( مشاعل سامحيني .. ادري غلطت عليك كثير .. وزعلتك مني كثير ..
ويمكن اخذتي بخاطرك مني .. بس والله احبك يا اختي ..
احبــــــــــــــــــــــــــــك تسمعيني ..
يلا ارجعي .. اوعدك مراح المس دبدوبك ..
والله ما بزعلك .. بس ارجعي .. بطلع معك السوق
اذا بغيتي تطلعين .. بشتري لك الافلام اللي تبينها ..
بس تكفيييييين ارجعي .. وعد بحافظ على دراستي ..
وما بتعبك اذا جيتي تدرسيني .. الله يخليك ارجعي ..
وما قدر يتحمل وطاح ع ـالأرض يبكي





* بعد الصلاة على مشاعل *



بعد ما صلوا عليها وراحوا للدفن
دفنها ابوها واعمامها ..
ابو فيصل .:. الله يرحمها ويغفر لها ..
يلا خلنرجع للبيت .. عشان نفتحه للعزاء
ابو ياسر كان يمشي وهو مو لم احد منهم
خاف عليه اخوه ابو خالد راح له ومسكه وركبه بسيارته
ووداه لبيتهم .. بقي ياسر ونواف وفيصل ومحمد وخالد بالمقبرة
ياسر .:. يلا نواف خلنرجع البيت
نواف .:. لا ما بروح .. بقعد استنى مشاعل
محمد .:. نواف قوم وادعي لها بالرحمة
نواف .:. انت ليش ما تفهم .. كلكم ما تفهمون
الحين مشاعل بتقوم .. انا بقعد استناها

فيصل اللي كان اكثر واحد حاس بالألم ..
ألم فقد الأحـــــــــــــــــــــبة وللأبد ..
قام بسرعه وما قدر يتحمل ركب سيارته ومشى

خالد .:. محمد روح الحق على فيصل .. شوف وين راح شكله تعبان


طلع محمد ودور على سيارة فيصل ما لقاها فيه
راح لبيتهم ولا لقاه .. وراح لبيت عمهم ابو ياسر ولا لقاه
وراح لبيت عمه ابو خالد ولا لقاه .. راح ودور عليه بكل مكان
ممكن يلقاه فيه ولا لقاه .. احرق جواله بس ما يرد ..
فيصل خلاص اختفى ولا يدرون وين راح ...,’







( انتهى البارت السادس )

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 18-12-2008, 10:35 AM
rafooo rafooo غير متصل
©؛°¨غرامي مشارك¨°؛©
 
الافتراضي رد: يحلمون اللي فيك يفكرون ياخذونك انت مني والله لو يتجننون .. رواية من تأليفي


( البارت السابع )


* ثاني ايام العزاء *



كان محمد بقي يدور على فيصل
اللي ما يدرون وين اختفى






* في بيت ابو ياسر *




كانت رفيف جالسة هي
وريما بالصالة الفوقية
وكل وحدة منهم حالتها حاله
نواف اللي كان مو راضي يطلع
من غرفة اخته طلع لهم وقتها




رفيف تبي تخفف عنه .:. هاه كيفك نوافوه ؟

نواف ابتسم ابتسامة شاحبه .:. ماشي الحال
ريما .:. اجيب لك موية ؟
نواف .:. اذا ماعليك امر




راحت ريما وجابت لنواف موية
شرب نواف ونزل تحت عند الرجال ..,’






خلصت ايام العزاء الثلاث
وفيصل مو عارفين وينه ..,’






* بعد اسبوعين من وفاة مشاعل *




في بيت ابو فيصل
وبــــآخر الليل




رفيف .:. لا فيصل للحين مو عارفين وينه
ريما .:. غريبة يعني وين بيروح ..
محمد قال لي انه دور بكل مكان يتوقع
يلقاه فيه ولا للقى له اي اثر
رفيف .:. الله يرحمك يا مشاعل والله
من بعدك كلنا ضعنا

ريما .:. الله يرحمها
رفيف .:. ريمو على فكرة
الدراسة بعد اسبوع
ريما .:. اف ضيقة خلق ..
والله مو مشتاقه غير للبنات بس
رفيف .:. بالعكس احس لو جت الجامعه
بنغير جو الكآبة اللي نازل علينا
ريما .:. اي صح يمكن
رفيف .:. يلا ريمو انا الحين بسكر .. بايو







نزلت رفيف للمطبخ تدور لها شيء تاكله
خصوصا انها ما تعشت ولا تغدت ..


سوت لها سندوتشة وهي جاية بتطلع


لمحت زول واحد واقف بالصالة ..


رفيف خافت .. دخلت للمطبخ وأخذت معها سكينة ونزلت


وصارت تمشي بشوي شوي

عشان ما ينتبه لها ..


وصلت للدرج وتوها بتطلع طاحت


وطاح الصحن اللي معهاوانكسر


رفيف .:. آآي .. وقته هذا الحين


وتشغلت لمبات الصالة

طالعت رفيف اللي قدامها وهي مبققة عيونها

..... .:. لهالدرجة اخوف .. يعني ما وحشتك ؟

قامت رفيف تركض وحضنت اخوها
وهي تبكي .:. خوفتنا عليك .. وين كنت ؟
فيصل .:. يؤؤؤ لهالدرجة تحبيني ؟؟
رفيف .:. يادووب يعني مسوي

ما تعرف غلاتك


ضحك فيصل على اخته .:. طيب بعدي شوي بتطيحيني

رفيف تبي تقهره دزته بقوة ع ـالأرض

فيصل .:. آآي دوبوه للحين ما عقلتي

رفيف وهي تطلع لسانها له من فوق الدرج .:. ولا بعقل

قام فيصل بيلحقها ركضت لغرفتها وقفلت الباب


ضحك فيصل على اخته ( هذي من جد مستحيل تعقل
بس نستني شوي حزني على مشاعل آآآهـ يا مشاعل )


ودخل غرفته شم ريحة بخور تبسم .:. اكيد هذي امي


دايم حريصة تبخر غرفتي يابعد قلبي


حتى وانا مو فيهت تبخرها


دخل الحمام _ اكرمكم الله _ واخذ شور ونزل

لقى رفيف جالسه ع ـالكنب

فيصل .:. شجايبك ؟؟ جاية للموت برجلك يعني

رفيف .:. لا ياغبي .. بس ابي اعرف وين كنت

طووووووووول هالوقت قلبنا الرياض كلها ولا لقيناك

تبسم فيصل .:. شيء طبيعي لأني ماكنت في الرياض


رفيف بققت عيونها .:. مو في الرياض ؟؟؟؟؟؟

اجل وين كنت ؟؟


فيصل .:. كنت بالدمام


رفيف .:. يؤ وش تسوي بالدمام ؟؟؟؟؟؟؟؟؟

فيصل .:. سياحه


رفيف .:. فيصلوووووووه

فيصل .:. يعني وش رايك

ليش رحت الدمام يعني

مالي خلق عزا وضيقة صدر

رفيف .:. بس خوفتنا عليك .. وبعدين هذا

عزا بنت عمك فشلة بحقك لما تنحاش منه

وش تبي الناس يقولون عنك ؟؟

فيصل .:. وانا وش علي من الناس ..

الحين ممكن تطلعين

لأني منهك وتعبان وابي انام

رفيف .:. طيب بس قلت لمحمد انك رجعت ؟

فيصل .:. اي قلت له .. بس ليش تسألين ؟

رفيف .:. لأنه ياقلبي عليه كان طول الوقت يدورك

ياعمري عند جد تعب معنا

فيصل وهو يقلدها .:. ياقلبي عليه ..

ياعمرري ..

ههههههههههههههههههههه رفو استحي على وجهك
اقل شيء احترميني أنا كأخو تقولين كذا قدامي

رفيف حمـّر وجهها .:. يؤؤ .. انا ما قصدي شيء
بعدين انت جالس تدقق خير

فيصل يطالعها بنص عين .:. يعني طالعه من قلب

رفيف مسوية بريئة .:. وشو ؟

فيصل .:. ههههههههههههههه العبي على غيري
مسوية ما تدرين وشووو


رفيف .:. فيصلوووه بلا سخاافه
لا مو طالعه من قلب لااااااا

فيصل .:. هههههههههههههههه .. بعدين حتى لو تحبينه
هو ما بينهبل ويحب وحدة رجة مثلك


كلمات فيصل جات زي السكاكين على قلب رفيف
وتجمعت الدموع بعيونها .:. انا مو رجة

فيصل اللي حس انه غلط على اخته .:. يؤؤ ؤفيف
امزح معك .. شفيك كذا زعلتي ؟؟


رفيف .:. لامافيني شيء انا بروح انام


فيصل .:. اوكي طيب ولا تقولين لأحد اني رجعت
انا بقول لهم بكرة


رفيف طلعت من الغرفة قبل يخلص كلامه ودخلت غرفتها
وقفلت الباب وكالعاده جلست عالسرير تبكي ..,’

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 18-12-2008, 10:36 AM
rafooo rafooo غير متصل
©؛°¨غرامي مشارك¨°؛©
 
الافتراضي رد: يحلمون اللي فيك يفكرون ياخذونك انت مني والله لو يتجننون .. رواية من تأليفي


( في الصباح )




* في بيت ابو محمد *





كان محمد وابو محمد وام محمد جالسين يسولفون




ريما وهي نازلة من الدرج .:. صباح الخير



ما شاء الله شعندها العايلة الكريمة مجتمعه



ام محمد .:. قوووولي ماشاء الله ..
ياخوفي بكرة


كل واحد منكم لا تزوج


يروح وينسانا


محمد .:. افا والله يمه ..


ننسى الغالية مستحيل



ابو محمد .:. بس الغالية ؟؟!!!




ريما .:. ههههههههههههه والغالي كمان




وقعدوا يسولفون شوي ودق جوال محمد




محمد .:. هلا والله ابو فهد .. كيفك ؟



فيصل .:. اهلين .. ماشي الحال ..


وانت بشرني عنك



محمد .:. الحمدلله تمام



فيصل .:. فاضي ؟



محمد .:. اي .. ليش ؟



فيصل .:. ابي اشوفك



محمد .:. اوكي طيب .. انت وينك الحين ؟



فيصل .:. تعال لبيتنا



محمد .:. اوك .. الحين جايك ..,’





* في غرفة رفيف *





كانت جالسة تتقلب ع ـالسرير و تحاول تنام



من امس بالليل وهي مو قادرة تنام




كانت كل ما تتذكر كلام فيصل يضيق صدرها



( ليش انا منحوسة .. لما اكتشفت اني احبه ..
مو بس احبه الا اعشقه .. في نفس اليوم اكتشف انه
ما فكر فيني .. لا وبكل برود يبي يتزوج .. طيب حس فينييييييييييييي
حرام عليك والله حراااااااااااااااااااااااااااام .. محمد والله احبك
والله احبـــــــك ليش ما تحس فيني .. افهمنيييييييييييييي .. احبك يعني مقدر
اعيش بدونك .. احبك يعني صرت كل شيء بالنسبة لي
ليش ما تفهم ليييييييييييييييييييش )



وقامت بسرعه للحمام _ اكرمكم الله _ وجلست تبكي





* بالمجلس *




فيصل .:. هلا ابو شهد .. حياك


محمد .:. هلا فيك .. كيفك ؟


فيصل .:. ماشي الحال .. كيفك انت ؟


محمد .:. الحمدلله تمااااااام .. هااه شعندك ؟


فيصل .:. طيب اول شيء محمد انت تحب مو صح ؟



محمد استغرب سؤال فيصل .:. اي احب .. ليش ؟



فيصل .:. طيب لو فرضا ماتت اللي تحبها


بتتزوج من بعدها ؟؟



محمد بدا يفهم السالفة ابتسم وهو يقول .:.
تقصد ان خالتي كلمتك بموضوع الزواج ؟


فيصل .:. اي
محمد .:. طيب كم مرة كلمتك في هالموضوع
وش معنى الحين متأثر ؟؟!!
فيصل .:. بس هالمرة مصرّة وبتروح تخطبها
محمد ناظره بنص عين .:. فيصل انت سويت شيء
او قلت شيء نرفزها
فيصل .:. لا بس قلت لها اني ما
بتزوج من بعد مشاعل ولا وحدة
محمد .:. فيصلوووووووووووووووه
فيصل .:. يعني تبيني اتزوج وحدة وانا احب غيرها
محمد .:. بس اللي تحبها الله يرحمها ..
الحي ابقى من الميت ..
فيصل .:. بس مشاعل ...
قاطعه محمد .:. لا بس ولا شيء ..
مشاعل الحين ان شاء الله
بالجنه ومتنعمه فيها ..
ومتأكد انها ماراح تزعل لو درت
انك تزوجت من بعدها بالعكس بتفرح لك
فيصل قام وهو معصب .:. انت ما تفهم بالحب اصلا
جاي اشكي لك ابيك توقف معي .. تروح معهم ضدي
محمد .:. اوقف معك لما تكون مع الحق
مو انك تظلم نفسك وتقعد كذا
فيصل .:. محمد لو سمحت اللي فيني كافيني


وطلع فيصل لغرفته وقعد يبكي




( ليش ما يفهمون .. كيف اتزوج من بعد مشاعل ؟!!
مستحيييييييييييييييييييييل .. انا ماراح ارضى بهالزواج ابد )





بعد اسبوع




* في غرفة رفيف *




كانت جالسه مع ريما يلعبون اونو



رفيف .:. ريموووو .. عطيني فرصة


ريما .:. مااالي شغل فيك ..


هالمرة دوري انتقم هع هع



شوي ودخلت عليهم ام فيصل .:. سلام
البنات .:. وعليكم السلام
ريما .:. حياك خالة تفضلي
رفيف .:. تمونييييييييييييييييييين اشوف
ناسيه انها غرفتي
ام فيصل .:. بس رفيف استحي على وجهك




رفيف بوزت وريما قعدت تضحك عليها



ام فيصل .:. اممممم بنات بقول لكم شيء
رفيف .:. قولي يمه
ام فيصل .:. انا خطبت لفيصل
رفيف .:. صدق ؟؟؟؟؟؟؟؟؟؟؟؟؟؟؟
ام فيصل .:. اي
ريما .:. طيب .. فيصل كيف وافق يتزوج
ام فيصل .:. ما وافق
رفيف .:. يمه فهميني يا يمه
كيف خطبتي له وهو مو موافق
ام فيصل .:. عاد يتصرف بنت الناس خطبتها
واليوم ردوا علي انها موافقة
رفيف .:. بس يمه فيصل ..
ام فيصل .:. لا بس ولا شيء
انا ما سويت هالشيء الا عشان مصلحته




وطلعت من الغرفة
والبنات مستغربات من تصرفات ام فيصل











( انتهى البارت السابع )

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 18-12-2008, 10:38 AM
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: يحلمون اللي فيك يفكرون ياخذونك انت مني والله لو يتجننون .. رواية من تأليفي


,’

بســم الله


الحمد لله على سلآمتك
لآهنتـــي كمليهــآ بـ نفس موضوع الروآية الأول
فتحتهـــآ لك

موفقه إن شـــآء الله

,’


موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1