غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 21-12-2008, 02:23 PM
صورة krkr G!rl الرمزية
krkr G!rl krkr G!rl غير متصل
©؛°¨غرامي مشارك¨°؛©
 
B10 روايتي الأولى : طبع الحياة حزن و فرح .. و طبع الورود شوك و زهور / كاملة


{ طبع الحياة .." حزن " و" فرح ".. وطبع الورود" شوك " و" زهور"}



عندما يسكنك الألم ...وتلعب بك الأقدار يمنه ويسره ..وتذوق كأسا من العلقم وتشرب المر ..
وتسكن الدموع الحارقة مقلتيك..وتعرض البسمة عن شفتيك..وتوحش الدنيا في عينيك...

فتذكر حينها...!!

أن الحياة بطبعها .. " حزن و"فرح"..وطبع الورود " شوك " و " زهور" ...وان مهما كان ليلك أليم عسيرا فغدا يوما آخر..[ فان مع العسر يسرا إن مع العسر يسرا] فلربما يحمل لك الغد عكس ماحملتة لك الليلة الظلماء التي عشتها بآلامكـ...









روايتي الأولى ..

أتمنى تنال إعجابكم .. وأحصل منكم التشجيع الكافي اللي يخليني أواصل كتابتي


في كل من مدينة .. ( أبها _ الرياض _ الشمال )


{ طبع الحياة .." حزن " و" فرح ".. وطبع الورود" شوك " و" زهور"}للكاتبة : krkr G!rl

/
/
/

أبو محمد : مستحيل أزوجه بنتي علشان كم قرش
أم محمد تبكي : طيب والحل ..؟
أبو محمد : والله مدري مـدري

عند غرفة يارا هيثم يدق الباب
يارا : ادخل
هيثم باستهبال : هاي خيتو
يارا : هـلا
هيثم : وش فيك كنتي تبكيييين ..؟
يارا : لا ومين قال ..؟
هيثم : واضح على وجهك
يارا : لآ أبكي ولا شي بس شوي تعبانه
هيثم : تبغين اوديك المستشفى ..؟
يارا : لا مايحتاج بانام شوي وبارتاح
هيثم : أوك ياعيوني مع السلامه
يارا : هـلا


"ياعيون تذرف دمعها حيره وجمر..حكم البشر آه من حكم البشر"

يارا وهي تبكي : آه ياربي معقولة في ناس بهالنجاسه يستغلون الإنسان بكل الطرق ..؟
أنا لازم أقبل عشان خاطر أبوية لازم ماترك أحد يذلة علشان وسخ دنيا

غفت يارا من كثر التفكير والتعب




نعرفكم على عائلة أبو محمد
أبو محمد ( عبدالله ) : 55 سنة / مدير مدرسة . طيب وحنون يحب بنته الوحيدة ويموت عليها يارا
أم محمد ( نادية ) : 43 سنة / ربة بيت .. تحب أولادها وتحاول توفر لهم أحسن جو
محمد : 27 سنة / متخرج من جامعة الملك سعود ( قانون ) مملك على بنت خالة ( هـند )
أسمر ووسيم كمل دراستة في الرياض ..
هيثم : 22 سنة / يدرس في جامعة الملك خالد ( انجليزي )
طويل عريض اسمر مره حليو ووسيم .. مرح وحنون
يارا : 19 سنة / ثالث ثانوي ( أدبي ) .. رومانسيه حساسة بقوة
شعرها لنص ظهرها نآعم بس شوي خفيف أشقر على بني
طولها 158 .. وزنها 52
عيونها وساع لونها بني وكحيله


:
:
الجزء الأول
:
:
:

أم محمد : يارا يابنتي يالله قومي أذن المغرب وانتي باقي نايمة
يارا : إن شاء الله
أم محمد : يالله نسيتي اننا معزومين عالعشاء
يارا تذكرت : ايه اييييه يالله الحين باقوم .. وقامت
أم محمد : وش فيك تعبانه ..؟
يارا : لا مافيني شي
أم محمد : أجل ورا وجهك اصفر وذابل وعيونك حمر
يارا : يمكن من السهر معليك يا أمي
:
:


قامت يارا وأخذت لها شاور
طلعت من الحمام .. وتركت شعرها سآيح ورفعت قصتها بوف
ولبست فستان قصير توب مره ناعم أبيض وتحت الصدر مربوط شريطه حمرا
حطت كحل وقلوس وبلشر خفيف ولبست صندل أحمر ناعم
وصلت ونزلت لأهلها .

أبو محمد : هلا وغلا هلا بحياتي ونور دنيتي
يارا تذكرت كلام أبوها في العصر وخنقتها العبرة : هلا فيك ياابويه الله لا يحرمني منك أنت النور كله
محمد : الله يالدنيا ماخليت لأم محمد شي
أبو محمد : وأنت وش حاشرك وأنا أبوك ..؟
محمد باستهبال : لا ولا شي
الكل : هههههههههههههه
أم محمد : جهزتي ياعيوني ..؟
يارا : ايوة خلصت
هيثم : اجل أنا أنتظركم في السيارة

في السيارة

يارا لازم اسوي أي شي عشان أبوية راح أوافق أتزوج
بس اذا مافاتحني أبوية بالموضوع .. يآربي ساعدني

صحيت من سرحانها على صوت هيثم

هيثم : هييييييه ياللي نايم في العسل
يارا : هاه وش فيك
هيثم : هههههههههههههه اللي ماخذ عقلك يتهنى فيه
يارا : من جد ماعندك سالفة
هيثم : أقول انقشعي انزلي من السيارة
يارا : هين والله لأوريك ونزلت من السيارة وسكت الباب بقوووه



في بيت خال يارا .. خالهم سعود اللي هو أخو أمهم


سعود ( أبو عبدالرحمن ) : 60 سنة / رجل أعمال جدي لأبعد درجه بس حنون
فاطمة ( أم عبدالرحمن ) : 45 سنة / طيبة وحنونة
عبدالرحمن : 31 سنة / دكتور نفسي متزوج ( نوال ) 24 سنة / معلمة كيمياء .. عندهم ولد ( سعود ) سنتين
غادة : 26 سنة / متزوجة ( عادل ) عندهم بنت وولد توأم .. وليد _ ولاء .. 4 سنوات
هند : 22 سنة / تدرس في جامعة الملك خالد ( انجليزي ) خطيبة محمد
أسيل : 19 سنة / صديقة يارا الروح بالروح ومعها في نفس المدرسة وفي نفس الفصل
بس عكس يارا هذي عربجية
فارس: 11 سنة / يحب يارا مرة

:
:
:

بعد ماسلموا على أهل البيت وتكشخوا دخلت يارا وأمها عند المعازيم

الكل أنبهر بجمال يارا .. وأول مادخلت قاموا الحريم يسمون
جلست جنب أمها ..
أم لؤي : ماشاء الله تبارك الله يا أم محمد ماتوقعنا أن عندك بنت مثل الغزال
أم محمد : الله يسلمك
أم لؤي : إلا ايش تدرسين ياقمر ..؟
يارا منقهره : ثالث ثانوي
أم لؤي : لا ماشاء الله صرتي عروس خلاص
يارا : تسلمين .. وقامت عند البنات وهي متكرررررنة


هند : وش فيك ياحافظ معصبة ..؟
يارا : من جد حريم يرفعون الضغط
أسيل : ههههههههه أنتي اللي تبغين تسوين أوادم وداخلة مع أمك عندهم
يارا : ها ها ها سخيفة .. وحتى أنا أحسب إني داخلة على أوادم وأثرني داخلة على مشافيح
الكل : هههههههههههههههه
غادة : قوموا بلا دلع زايد ساعدووني في توزيع الحلا
أسيل : هههههههه منك قادرة تتحركين من اللي في بطنك
غادة : قومي لا والله بالملعقة على جبهتك
يارا : أنا بأقوم
غادة : تسلمين ياحياتي
يارا : الله يسلمك الا وين عيالك ..؟
غادة : عند أبوهم
هند : عند حبيب ألبــك
يارا : هههههههه وش دخلك حبيب البها ولا غيره
هند : أغــــار
يارا : غاري على حمودك وبـس أما ولد الناس مالك شغل فيه
هند : أنحرجت .. وجع ماعاد صار فيكم حيا
غادة : أنتي أول وحده الحيا متبري منك
الكل : ههههههههههههه

:
:

في الرياض .. وفي مكان غير وحياة غير

طلال : لا حول ولا قوة الا بالله
أبو حسين بعصبيه : طلال أنا قلت كلمتي وماراح أثنيها فاااهم
طلال : كلامك على عيني وراسي يبة بس هذي حياتي ومستقبلي
واذا عن الديون اللي لك عند الرجال أنا اسددها لك
أبو حسين وهو شوي ويقتل ولده : تسددني من حلالي
طلال وهو يفكر في غباءه : بس يبة
أبو حسين : حرف زيادة لا أنت ولدي ولا أعرفك
بعد بكرة بنروح لهم الجنوب ونكلمهم .. فاهم
طلال : لا حول ولا قوة الا بالله .. يصير خير .. مع السلامه
وطلع من مكتب أبوه وهو زعلان


وش تتوقعون راح يصير
هل يارا راح تفاتح أبوها عالموضوع ..؟
وكيف راح تكون حالتها وحالة أبوها ..؟
وهل فيه أحد راح يعارض ..؟

أنتظروني في الجزء الثاني وأتمنى أن بدايتي نالت اعجابكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 21-12-2008, 02:36 PM
صورة روووووووووووعــــــة الرمزية
روووووووووووعــــــة روووووووووووعــــــة غير متصل
©؛°¨غرامي فعال ¨°؛©
 
الافتراضي رد: ( طبع الحياة " حزن وفرح " .. وطبع الورود " شوك وزهور ) / روايتي الأولى


القصة مرررررررره
روعــــــــــــــــه
وبدايه موفقه ان شاء الله

طلال الله يعينه على ابوه<<<البنت حبته
اوووف عصبي
اما يارا حزنتني تبي تساعد ابوها
اخذت جو مع القصه
هههههههههههه
ننتظر البارت القادم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 21-12-2008, 02:36 PM
صورة ღ Zain ღ الرمزية
ღ Zain ღ ღ Zain ღ غير متصل
©؛°¨غرامي نشيط¨°؛©
 
الافتراضي رد: ( طبع الحياة " حزن وفرح " .. وطبع الورود " شوك وزهور ) / روايتي الأولى


روآآآآآآآآآآآآآآآآآآآآآآيهـ روووووووووووووووووووووعه من جد

خطييييييييييييرهـ

وسجليني آول متآبعه :)

آنتظــــــــــــــرك :$

. زيووونه .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 21-12-2008, 03:53 PM
صورة krkr G!rl الرمزية
krkr G!rl krkr G!rl غير متصل
©؛°¨غرامي مشارك¨°؛©
 
الافتراضي رد: ( طبع الحياة " حزن وفرح " .. وطبع الورود " شوك وزهور ) / روايتي الأولى


الأروع مروركم يالغاليات

أسعدني مروركم العطر على متصفحي

ويشرفني تكونون أول القارئات ..

تشرفت بمروركم

ولعيونكم راح أنزل الجزء الثاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-12-2008, 04:37 PM
صورة krkr G!rl الرمزية
krkr G!rl krkr G!rl غير متصل
©؛°¨غرامي مشارك¨°؛©
 
الافتراضي رد: ( طبع الحياة " حزن وفرح " .. وطبع الورود " شوك وزهور ) / روايتي الأولى


الجزء الثاني ..

أسيل : ايييييييييييش
يارا وهي تبكي : شسوي هذا ابوية فداني بحياته وروحة وعلشان الحين كم ريال ما أساعده ..؟
أسيل : أولا مستحيل مايكون فيه حـــــــــل
ثانيا أنتي خبلة ومجنونة اذا وافقتي
يارا وبكاها يزيد : خليني مجنونه وهبلا وخبله وكل شي لكن راح اتزوجة يعني راح اتزوجة
أسيل رحمتها وضمتها لصدرها
يارا قامت تبكي بشكل يقطع القلب

:
:

في الرياض

ماجد : خلآص يارجال هونها وتهون
طلال : ماجد أبوي دمر حياتي تعرف وش يعني دمرها دمرهاااا
ماجد : العن الشيطان وإن شاء الله تلاقي لك حل
طلال : خلاص رحلتنا لأبها بكرة
ماجد : روح البيت وارتاح وأنا بكرة راح أجيك

:
:
يارا وصلت البيت وعلى طول طلعت لغرفتها وأخذت لها شاور ولبست بجامة برمودا وردي وعلى البلوزة مرسوم دبدوب طالعة مره كيوووت

جلست على سريرها وضمت رجولها لصدرها وجلست تبكي

محمد : يارا ممكن أدخل
يارا : دقيقة .. مسحت دموعها وغسلت وجهها وفتحت له الباب
محمد : أخبار الحلو اليوم
يارا بإبتسامه مصطنعه : أنا ولا هند
محمد : يرميها بالمخدة
يارا : هههههههههههه
محمد : أصلا الشرهة مو عليك عالي يجيك ويعطيك وجه
يارا : أفــــــا
محمد : أقول أنزلي كلمي أبويه
يارا أنفجعت .. ياربي سآعدني ياربي يسر أمري .

:
:
يارا : لبية يا أبوية
أبو محمد : لبيتي في منى .. تعالي يابنتي
يارا جالسة جنب أبوها .. حط أبوها يده على كتفها
أبو محمد : أسمعي يابنتي أنتي كبرتي وصرتي عروسة
وفية واحد ولد حسب ونسب وماينعاب تقدم لك .. وش قلتي يابنتي ..؟
يارا : اللي تشوفه ياأبوية
أبو محمد : أنا قلت لك رأيي في الولد بس أنتي فكري وردي لي خبر
يارا : إن شاء الله

بعد ماطلعت يارا ..
أم محمد : ها وافقت ..؟
أبو محمد : باقي بس إن شاء الله ماتوافق
أم محمد : البنت باقي صغيرة الله لا يوفقة لا هو ولا أبوه
أبو محمد : أنا ماراح أزوج بنتي وراح أقول لها إنهم كنسلوا كل شي .. وماراح أزوجها لو على رقبتي
أم محمد : بس ...
يارا نزلت عندهم
يارا : يا أبويه أنا أبغى أتزوج
أبو محمد : ........
أم محمد تبكي
يارا : أنت نزفت كل دم قلبك لسواد عيوني أنا وأخواني
والحين تبغاني أخليك تبات في السجون عشان خاطري ؟
أنا أبغى اتزوج وأنا كيييفي .. وطلعت وهي تبكي

:
:
:

في الرياض

دخل ماجد بسيارته الـ بي إم حديقة قصر أبو حسين

نزل وفتحت له الخدامة الباب ودخل المجلس يستنى طلال

لمياء : يمه وين بدر ..؟
أم حسين : وأنا وش يدريني عنكم ..؟
لمياء باستغراب : وش فيك يمه ..؟
أم حسين : وربي مني رآيقه لك
لمياء : وش دعوى ياحااافظ خلاااص آسفين

راحت لمياء تدور لأخوها بدر
طلعت الحديقة ماحصلتة رجعت البيت
لمياء : سيتييي سيتييي
سيتي : يس مدام
لمياء : وين بدر ..؟
سيتي : ممكن في ماجليس ..
لمياء : يمكن
لمياء راحت المجلس وماكانت تعرف إن فية أحد

دخلت المجلس وهي تغني بدفاشة وتهز على خفيف

دخل مزاجي وعاجبني من يوم شفتة تملكني حبيت روحة وحبيته

وفجأة صرخت : بـدر بدير بدور
سمعت صوته : خير أصغر عيالك أنـــأ ..؟
التفتت شافته جالس جنب واحد يفلق الوجة .. وماسك ضحكته
تنحت
ماجد ياربي وش هالجمال تخقق
:
لمياء مالوم بدير يوم لصق فيك آه ياقلبي
:
بدر : ياام الشباب عطيتكم وجة يالله انقشعي
لمياء أنتبهت لنفسها وحطت رجلها وطلعت غرفتها

ماجد : حبيبي بدر
بدر : خير
ماجد : لا تقول لطلال شي أتفقنا ؟
بدر : عن وشو ..؟
ماجد : عن اللي صار مع أختك
بدر : أهــا لمياء
ماجد يازينها ويازين أسمها

طلال : حي الله ماجد
ماجد : الله يحييك
طلال : آه ياماجد آآهـ
ماجد : وربي ليت إن في يدي شي أسوية بس مابيدي شي
طلال : ماتقصر ياخوي
ماجد : أوصلك للمطار ..؟
طلال : أجل وش أنت صديق لة ..؟
ماجد : ياقواة وجهك ياشيخ يالله قوم

طلال : يمه يمه
أم حسين : خير يمه
طلال : أنا الحين ماشي تأمريني بشي ..؟
أم حسين : لا الله لا يهينك وأنتبه لنفسك
طلال حب رأس أمه : دعواتك يمه .. فمان الله
أم حسين : بالتوفيق في وداعة الله
لمياء وهي مشوتة من الدرج : طلول دقيقة
طلال : وش طلول ياللي ماتستحين
لمياء ياستهبال : آسفة ههههههههه
طلال : ههههههه
توادع من أهلة ومشى

:
:
في بيت أبو محمد عالغداء
أم محمد : يارا كلي يا أمي
يارا : هذاني أكل يالغالية
أبو محمد شايل هم بنتة ولا تكلم بس يطالع فيها بحسرة
هيثم : ياعيون أخوها
يارا : امممم
هيثم : يعني كل من يتزوج يتغلى ..؟
يارا خنقتها العبرة : وش أقول لك يعني ..؟
هيثم بزعل : قولي لي لبية سم هلا
يارا : ولا تزعل .. نعم
محمد : هههههههههههه
هيثم : نعامة ترفسك
محمد : من جد أنك قلق ياشيخ
أبو محمد : أبوية يارا
يارا : لبية
أبو محمد وهو متردد : الجماعة بيجون بكرة
يارا والدموع في عينها : يصير خير
محمد مبسوط لأخته
أما هيثم حاس فيها

يارا في غرفتها جالسة مهمومة وتبكي
راحت عند هيثم
هيثم : أدخل
يارا : نايم ..؟
هيثم : لا تعالي ياعيوني
يارا جلست جنب أخوها عالسرير
وشافتة يسوي تصميم مكتوب فيه


مهما كان ليلك أليم عسيرا فغداً يوماً آخر ..[ فان مع العسر يسرا إن مع العسر يسرا].. فلربما يحمل لك الغد عكس ماحملته لك الليله الظلماء التي عشتها بآلامكـ...


سرحت وراحت عالم ثاني وهي تقراه وطاحت دموعها لآ شعوريا
هيثم : يارا يارا
يارا : لبية
هيثم : ههههههه أخيرا قلتي لي هالكلمة
يارا : تبتسم وتمسح دموعها
هيثم : يارا صدقيني إني حاس فيك وأعرف انك ماتبغين تتزوجين
يارا : ومين قا...
هيثم قطع كلامها : لآ تنكرين أنا حاسس فيك
يارا رمت نفسها على حضن أخوها وقامت تبكي
ونامت على حضنه شالها هيثم ووداها غرفتها ..

هل راح توافق يارا ..؟
ايش راح يكون موقف طلال لمن يشوفها ..؟
وكيف حالة لمياء وماجد بعد اللقاء الأول ..؟
ومين تتوقعون راح يطيح ومحد يسمي عليه ..<< يعني يحب هههههه ..؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 21-12-2008, 06:33 PM
صورة المرجووجة الرمزية
المرجووجة المرجووجة غير متصل
©؛°¨غرامي فعال ¨°؛©
 
الافتراضي رد: ( طبع الحياة " حزن وفرح " .. وطبع الورود " شوك وزهور ) / روايتي الأولى


مشكورة على الروايه وبدايه موفقة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 21-12-2008, 07:03 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: ( طبع الحياة " حزن وفرح " .. وطبع الورود " شوك وزهور ) / روايتي الأولى


,’

بســم الله

يعطيك العــآفية
موفقه إن شــآء الله


لـي عودة لـ التعليق بـ إذن الله



,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 21-12-2008, 07:10 PM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: طبع الحياة حزن وفرح .. وطبع الورود شوك وزهور / روايتي الأولى


،‘

هلآ وغلآ

بالتوفيق ان شاء الله

يعطيك العافيه

https://forums.graaam.com/96290.html



,‘

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 21-12-2008, 08:25 PM
صورة ღ Zain ღ الرمزية
ღ Zain ღ ღ Zain ღ غير متصل
©؛°¨غرامي نشيط¨°؛©
 
الافتراضي رد: طبع الحياة حزن وفرح .. وطبع الورود شوك وزهور / روايتي الأولى


رووووووووووووووووووووووووووووووووووووووعهـ آلبآرت

بـ آلآنتظآر حبووو :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 21-12-2008, 11:27 PM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد: طبع الحياة حزن وفرح .. وطبع الورود شوك وزهور / روايتي الأولى


.
.


يآهلآ فيك عزيزتي
موفقه بآذن آلله
منوره آلقسم ^،^


.
.

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1