منتديات غرام

منتديات غرام (/)
-   منقولات أدبية (https://forums.graaam.com/118/)
-   -   الحكم مقفل والغشيم يربّع (https://forums.graaam.com/169017.html)

:: الشمري :: 24-12-2008 08:48 PM

الحكم مقفل والغشيم يربّع
 
.. بلا مقدمات ..


.


.


.




[poem font="simplified arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
جمّع عدد ما تستطيع إتجمّع=وإطرح جميع إللي ماتهوى جمعه
وإضرب بهم عرض الجدار وفدّع=وإقسم لهم من كل بيتٍ صفعه
وإصرف لهم مما لديك وطلــّع=زكاة شعري حلت وجا دفعه
ياشعري إللي للجياع يشبّع=وكل العطاشا ترتوي من نبعه
ياكثر ماني بحبكته أستمتع=هذا وأنا مايوم أخذته صنعه
وياويل منهو في حماي يوقــّع=هي وقعته إللي تسمى وقعه
وإللي حكى بي ثم قام يرقـّع=ماكل خثعه بعتبرها خثعه
مسكين وبليا طحين يجعجع=القافله تمشي وهو مع ربعه
الحكم مقفل والغشيم يربّع=وزودٍٍ على ذلك يحل السبعه
قامت عليك ولو تبي تستجمع=قواك خارت وإنتهيت بهزعه
وسّع ياخو غشما لا جيتك وسّع=ورح قل لبو أحمد وشو سر الركعه !
ماتدري إني ليا طنيت أطوّع=عسر القوافي وأتحدى صدعه
غشوك يالمقرود يوم تلمّع=على حسابي ناس ماله لمعه
أدناهم إللي فيك قام يرفـّع=وخلوك يوم إنك طلبت الفزعه
ذلوا لاني لا حضرت أروّع=وألخمهم بشعرٍٍ يجيب الفجعه
عشرين وأنا فوقهم متربّع=وإللي يبي يطلع عطيته قمعه
ثم يخمد يحول قام يدمّع=حقه ويستاهل يهل الدمعه
إركد يا خبل الشعر والا ودّع=ودور بغير الشعر هذا بضعه
باثنين من صغري وأنا متولـّع=الشعر أغرسه ثم أجني زرعه
وعهدٍ ولو طال الزمن مااااشجّع=غير النصر مهـما تردى وضعه[/poem]




.


.


.


سطام فيصل الشمري

زهرة التوليب 25-12-2008 12:05 AM

رد: الحكم مقفل والغشيم يربّع ؟؟؟
 
صح لسانك يا سطام

ونعم فيك ..

وأكيد لهذي القصيدة مناسبة ..
لأنها جاءت على شكل غيض من فيض ..
لاهنت يا سطام

:)

! همسة غلا ! 25-12-2008 12:22 AM

رد: الحكم مقفل والغشيم يربّع
 
ماتدري إنـي ليـا طنيـت أطـوّع
عسر القوافـي وأتحـدى صدعـه


وانا اشهـــــــــد لك ياولد شمر

شاعر والنعم فيك وبلابتك

قصيدة من مطلعها الى اخر بيت فيه رفعة ,, وفخر

ومدح يليق بممدوحه..

يعافيك ربي وفي انتظار المزيد ..~..<

|{ سيـــ الغـنج ــدة }| 25-12-2008 01:28 AM

رد: الحكم مقفل والغشيم يربّع
 
باثنين من صغـري وأنـا متولّـع
الشعر أغرسه ثـم أجنـي زرعـه
وعهدٍ ولو طال الزمـن مااااشجّـع
غير النصر مهمـا تـردى وضعـه

روووووووووووووووووووووووووووووووووووووووووعه القصيده صح السانك القصيده رائعه وزادها روعه اسم النصر في البيت الاخير

الله يعطيك الف عافيه مبدع دائما ياسطام
\

الفهد. 25-12-2008 01:35 AM

رد: الحكم مقفل والغشيم يربّع
 
صح لســــــــــــــــــــــــــــ شاعرنا المبدع سطام الشمري ـــــــــــــــــــــــــــــآآآآآآآآآآآآآآآآآآآآآ آنك

لاهنت ولاهان غاليك يالنشمي

دمت من الله بكل الخير

أســــ الغنج ــــير 25-12-2008 02:38 AM

رد: الحكم مقفل والغشيم يربّع
 
اخوي سطام
يعطيك العافيه مشاركه حلوه
وماجات من عبث اكيد لها مناسبه غامضه
من جد اعجبني التحدي اللي فيها بس خربتها في آخر بيت ياليت ماهو موجود ههههههههه
<< مايواطن النصر انت شمري ماانت بحياالله خل النصر عنك
عالعموم كل على كيفه
لاعدمتك وتقبل تحيات اخوك
أســــ الغنج ــــير

adel al.rooh 25-12-2008 02:46 AM

رد: الحكم مقفل والغشيم يربّع
 
لا هنت
وصح لسانك مليوووون
رائعه من شاعر أروووووووووع
تحيااااااااتي

nashwan/wish master 25-12-2008 05:17 PM

رد: الحكم مقفل والغشيم يربّع
 
اخي الكريم سطام الشمري

كفو والله والنعم فيك

شاعر جزل وما عليك غبار

وقلم يستحق كل التقدير

صح السانك وتسلم يمينك

دمت بكل الخير


ولاتحرمنا جديدك


تحياتي
نشوان/سيد الامنيات

سهام الليل. 28-12-2008 01:47 PM

رد: الحكم مقفل والغشيم يربّع
 
ماتدري إنـي ليـا طنيـت أطـوّع
عسر القوافـي وأتحـدى صدعـه

يا تاج ارسي يالطنايا وصح اللسانك يا ولد العم بصراحه قمه وروعه لا عدمناك يا بعد حي

بس خرب عليها اسم النصر في اخر بيت

لا تطول علينا في جديدك دائما اتابعك من خلف الكواليس

عاشقتهم 28-12-2008 11:32 PM

رد: الحكم مقفل والغشيم يربّع
 
صح السانك
و
سلمت يمينك
و
يعطبك الله العااافيه


الساعة الآن +3: 09:40 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1