عيون عبير ©؛°¨غرامي فعال ¨°؛©


السلام عليكم و رحمة الله و بركاته ...

اقدم لكم طرح الاول في الروايات و اتمنى ان القصه تحوز على رضاكم...

هذه القصه كتبت من اعماق افكار كاتبتين اجتهدوا لكي تكون هذم القصه في القمه...

ولكم ارق التحيات من...

الكاتبه: ~ شمعتهم ~ و الكاتبه: شيخة الزين

في زاويه حديقه موحشه تذرف فتاة دموع حزن ...خوف ...رهبه..خيانه وحب
كانت تصرخ بقلبها واعماقها حتى يرحمها من في الارض من عذابهم لها

الفصل الاول

نوره:كافي حرام عليك كافي والله بمووووت خلاص
عبدالله:حرام وانت موحرام الي سويتيه فيني هااا تكلمي
نوره:انت موعبدالله الي قدامي انت شبح انا اتحلم اكيد
عبدالله:لا يا نوره لا انا عبدالله عبدالله الي طعنتيه وخنتيه
((في هذه اللحظات جاءت صرخه جعلت احدهما سعيد والاخر تعيس مدى الحياة))
مبارك:وخر عنها ياحيواااااان
((نوره تترك مكانها وتذهب بين يدي مبارك وهي تحاول انا تبحث عن الراحه والامان وهي تمسح
دموعها التي انهمرت مثل المطر))

لحضه لحضه نسيت اعرفكم بابطال قصتي
اولا :مبارك تكانه ورزه للاخر ومملوح اشوي 38الاخ الاكبر لعبدالله ,و عبدالله مزيووون بس راعي
حركات يعني امغازلجي 26 وهم عيال عم نوره الوحيدين
ثانيا:نوره وهي فتاة جميله خلوقه كل الناس تحبها وكثير من البنات ايغارون منها احيانا
عمرها 20 وعندها بس اختين اكبر منها وامها وابوها ماتو بحادث من قبل 3 سنين وهي
عايشه في بيت اختهاخلود 34 زوجه مبارك ودلال 27 متزوجه من واحد مايقرب لهم اسمه فهد((يلا انكمل))

عبد الله :بس يامبارك انا .
مبارك: انت جب ولا كلمه شغلي معاك بعدين يلا يانوره تعالي حبيبتي انا اوريه هالحيوان
نوره: باعلى صوتها اكرهك اكرهك يالجبان كنت احبك بس الحين اكرهك ولو كنت اخر واحد بالدنيا
ماراح اتزوجك ...وينك لما كنت محتاجه لك وينك لما ماتووووووو اغلى الناس وكنت محتاجه
اسمع صوتك احس انك جنبي اتواسيني هاااا قولي وين كنت ابي اسمع وين ؟؟؟؟
انا اقولك لا اتعب عمرك كنت اتفر واتقز من مجمع الى مجمع اتغازل هذي واتواعد هذيج

مبارك وعبدالله جامدين مو قادرين يتحركون من الي يسمعونه و أن كل هذا في قلب نوره بس مبارك
اخيرا تجرأ ومسكها وراحو للسياره بدون لا تسمع رد عبدالله اللي كان مثل المشلول موقادر
يتحرك ...موقادر يتكلم ..اوحتى يتنفس

انت عندي حاجه غير
هذي مافيها كلام
حبي وقلبي الكبير


خلود:الو هلا حياتي
مبارك:خلود وينج ؟ اطلعيلي عند سيارتي بسرعه بنرد البيت
خلود:ليش مبارك شنو فيه حياتي فيك شي خلنا معاهم اشوي بعد
مبارك:خلود تعالي بسرعه وبس >> ياقوي
البست خلود عبايتها بسرعه واستأذنت من عمتها والبنات واطلعت

وصلت خلود للسياره وشافت مبارك واقف ونوره داخل قاعده
مبارك:نوره شوي راسها ايعورها وبنروح البيت
خلود:يمه نوارتي اشفيج توج اشحلوج حياتي اشفيج
نوره :...بروح البيت ودوني البيت
خلود:انزين بس في شي ايعورج اوديج الطبيب
مبارك: خلود (مع نظره يعني بس اسكتي)

عبدالله الي من لحضه ماسمع انه نوره تبي تتزوج واحد ثاني غيره وهو منجن لانه مو قادر
يتخيل فكره انه نوره حبيبته وقلبه وروحه والهوا الي يتنفسه تكون لغيره واتقوله اكرهههههك

عبدالله:اااه يانوره ااه ياقلبي ليش ليش كل هذا شايلته بقلبج علي انت لوتطلبين عيوني
المركبه مااغليتها عليج لو تطلبين روحي ما اقولج لأ

احبك لاتقول شلون
احبك حب بجنون
احبك ياغلا هالكون
احبك والقلب والروح يشهدون


الساعه 2 الفجر في غرفه نوره

انا اترجاك لاتنسى
ليلي الحب وسنيني
وحاول لاجل حبي لك
انك ماتخليني
عشان الحب
والي بيني وبينك

كانت نوره في عالم ثاني لدرجه انه تليفونها دق 3 مرات وماسمعته اخيرا انتبهت
ولقت انه الي يتصل @عيوني@

نوره:الو
احمد:الو هلا حياتي ياعمري فيج شي ليش ماتردين علي صارلي ساعه وان ادق الو نونو
نوره:ها هلا بس ماسمعته

لحضه لحضه ((احمد يكون خطيب نوره و عمره 23 وهو اخو فهد زوج اختها دلال))
نوره:احمد
احمد:عيـــونه
نوره:اتحبني؟
احمد:افا يانوارتي هذا سؤال تسالينه لي لوقلت احبج اطلع كذاب لان كلمه احبج اشويه
بالي احسه وماتوفي الي في قلبي حقه قولي اعشقج اذوب بنضرات عيونج ممكن بس احبج اشويه
نوره:يعني عمرك ماحبيت وحده غيري ولا راح تحب ..وتخليني
احمد:نونو حبيبي اشفيج اليوم لايكون مريضه اجيج اوديج الطبيب
نوره: احمد جاوبني
احمد:ياعيون احمد انا شنو الي ذابحني غير هالصوت والله ثم والله ماراح احب غيرج وماراح ياخذني منج شي غير الكفن
نوره: بكل لهفه....اسم الله عليك ان شاء الله عدوينك
احمد:اااااااه ياقلبي ارحميني يابنت الناس وخلينا نتزوج
نوره:....طبعا الخدود مايحتاج حمرة
احمد:نوارتي وينج؟
نوره:هلا هلا كاني بس والله تو الناس وبعدين انا للحين ندرس
احمد:نوره انا كلمت فهد وابوي وقلت لهم نملج هالشهر والعرس بعد ما اتوضف يعني بعطله الصيف
نوره: هااا شنو
احمد: نوره بس تعبت وانا انتظر
اغلق الهاتف ولكن لم ينغلق حب الحبيبين >> انا خطيره بالفصحه

ولكن نوره كانت في تلك الليله في عالم اخر تعيش به بين حبها لاحمد وعشقها لعبدالله حبها الاول
حب الطفووووله
عبدالله: نوري نوري ليش تبجين
نوره:هاد حلود الحبل تكني (هذا خلود الخبل طقني)
عبدالله:خلاص حبيبتي انا راح اطقه لج بس لاتبجين انا موحبيبج عبودي
نوره: حلاص بس عبودي تكه حيل (خلاص بس عبودي طقه حيل)
عبدالله: ان شاء الله ياعيون عبودي




نروح لعالم احمد هو شاب مؤدب وخلوق جدا وعكس عبدالله تماما احمد اكبر من نوره بسنتين
ومن يوم تزوجو اخوانهم وهم معجبين ببعض بس ولا واحد فيهم قال للثاني يعني كان حب المراهقه
في يوم من الايام عند اهل زوج دلال

احمد:نوره نوره لحضه دقيقه
نوره بصوت واطي وهي امنزله راسها : نعم
احمد: نوره انا...........انا......احبج
نوره: رفعت راسها شـ ..............



تبون تعرفون شنو صار تابعوني في الفصل الثاني.



واتمنى ما تكون مكرره
ومنقووله حبايبي


VEN!CE يـآرب مآلـي ســـوآكـﮯ

,’




الله يعطيك العافيه
موفقه ان شاء الله
بتمني تكـون كامله : )

سجينة حب ©؛°¨غرامي ذهبي¨°؛©

.
.

وعليكم آلسلآم ورحمة آلله وبركآته

يآهلآ فيك عزيزتي
موفقه بآذن آلله
منوره آلقسم ^،^

.
.

عيون عبير ©؛°¨غرامي فعال ¨°؛©

المشاركة الأساسية كتبها VEN!CE اقتباس :
,’




الله يعطيك العافيه
موفقه ان شاء الله
بتمني تكـون كامله : )
مشكوره اختي منوره القصة

وانا رح اكملها

بتفاعل الجميع

عيون عبير ©؛°¨غرامي فعال ¨°؛©

المشاركة الأساسية كتبها سجينة حب اقتباس :
.
.

وعليكم آلسلآم ورحمة آلله وبركآته

يآهلآ فيك عزيزتي
موفقه بآذن آلله
منوره آلقسم ^،^

.
.
يا هلابك
الله يسلمك منوره الروايه

ودحين انزل البارت الثاني

عيون عبير ©؛°¨غرامي فعال ¨°؛©

الفصل الثاني
نوره:شنو ؟
احمد:اسف والله مو قصدي بس انا حبيتج من اول مرره شفتج فيها حبيت شكلج صوتج هدوئج
وحتى كبريائج
نوره:.....بس....
احمد:تدرين حتى يوم الخميس حبيته لاني اقدر اشوفج فيه قمت انتضر هاليوم يجي والاقيج واكحل
عيوني فيج انا يانوره عمري ماحبيت ولا عرفت الحب بس من شفتج وانا مادري شنو الي صارلي
احساس غريب عمري ماحسيته من قبل كاني منولد من جد وجديد
نوره: اسفه بس لازم اروح
احمد: مع السلامه وانا اكررلج اعتذاري بس ياليت اتفكرين في كلامي وديري بالج على روحج
نوره: مع السلامه وماله داعي تعتذر
((في هاللحظه احمد حس انه الدنيا مو سايعته من الفرحه كلام نوره عطاه احساس ماينوصف بالحروف))

و ألحين خلونا نرد لواقعنا

مها:ماما
خلود:هلا ميمي حبيبتي شنو تبين؟
مها:ماماتي خالتي نونو ماتفتح الباب صارلي ساعه ادق عليها الباب وهي ماترد
خلود:مهاوي خلي خالتج بروحها ولا تزعجينها هي تعبانه
مها:ليش تعبانه وليش ماتروح الطبيب يعطيها دواء طعمه مو حلوو
خلود:مهاوي دوختيني ماما روحي ناديلي اختج زينه بسرعه
((خلود عندها 3بنات زينه 10 سنين واقبال 8 ومها 6 وعندها ولدين خالد10 سنين توأم زينه
وعبدالرحمن سنتين))

زينه:هلا يااحلى ام بالدنيا
خلود:ااه منج انت يأم لسان من وين تجيبين هالحجي الحلوو
زينه:بعض ماعندكم ياخوختي الحلوه الا خالتي نوره وين ؟من رجعت من المدرسه وهي بغرفتها حشى قطنت هههههه
خلود:اسكتي لا تتكلمين عن خالتج جذي بس هي تعبانه من مزرعه جدج امس ونايمه تكفين زيونتي لاحد يزعج خالتج انا بروح
الجمعيه وارد ماني امطوله
زينه: اوكي من عيووووني كم خوخه عندنا


((مبارك قرر انه مايقول لخلود عن الي صار بالمزرعه وانه يحل الامور بنفسه حتى ماتكثر المشاكل بينهم ))

مبارك:الو عبيد وينك الحين
عبدالله:هلا في شيشه (....)
مبارك:اي اي عرفتها الحين انا جايك لاتروح اي مكان
عبدالله: ان شاء الله

بعد نص ساعه
مبارك:السلام عليكم
عبدالله فز من طوله بسرعه وباس راس اخوه وقعد يبجي
مبارك:بس ياولد انت رجال مو بزر علشان تبجي يلا امش معاي ابوي ايحاتيك من امس
عبدالله:بس انا لازم اتكلم يامبارك حسو فيني تكفون ياخي بموت وانا حي احس الدنيا بكبرها تكرهني
مبارك:تكلم وانا بسمعك لين تقول بس ماوراي شغل غيرك اشوف ابدأ يالله
عبدالله:احبها والله احبها واعشق الارض الي تدوسها رجليها بس هي ليش موراضيه تحس فيني اذا عالمغازل والله طيش شباب
وبطلنا لعيونها و اذا على موتت عمي ومرته الله يرحمهم انا كنت ادرس بره وانتو تدرون انهم مارضو يعطوني اجازه يعني شسوي
اكثر من جذي كلام وتكلمت صراخ وصرخت بكا وبكيت لما مليت
مبارك:كل كلامك على عيني وراسي بس ممكن اسالك سؤال وتجاوبني عليه بصراحه
عبدالله:تفضل
مبارك:انت تقدر تقعد بنفس المطعم مع واحد كارهه ولا تحب تشوف وجهه
عبدالله:اكيد لا
مبارك:أجل شلون ترضى انك تعيش مع وحده مو بس كارهتك الا تحب غيرك هي تحبه ياعبدالله وهو خوش ولد
عبدالله:لا مستحيل هي ماتحبه هي بس تبي تقهرني وهذا احمدوو والله لوريه يحط راسه براسي ان ماخليته يتندم علي سواه
ماكون عبد الله ولد ابوي
مبارك:استهدي بالله ياعبيد ترا الشيطان شاطر وبدال ماتتوعد بالولد ليش ماتفكر بحياتك شوف كم صار عمرك وانت للحين لاولد
ولاتلد عيش حياتك وانساها مثل ماهي نستك


بعد حوار طويللللللل اقتنع عبدالله بالفكره ولكن ليست فكرة الزواج بل الانتقام........ بس عبدالله يقدر يسوي شي؟


نوره كانت طالعه مع رفيجتها فاطمه هي صديقه نوره المقربه وهي جارتهم بعد
دق تليفون نوره بس الرقم كان غريب وماردت عليه وبعد فتره جاها مسج من نفس الرقم وكان فيه

لا تغرك سهوتي عنكك و"بعادي "
"تبقى عديل الروح عندي وغااااااليها"

نوره من قرت المسج وهي قلبها مغبوض ماتدري ليش وبعد فتره ارسلت ..منو؟.

وجاها مسج فيه
انا الي من كثر حبي لك تصدق حسدتك..
على انه في احد هالكثر يغليك...
جت نوره بترد على المسج بس فاطمه نادتها علشان تشوف لها فستان حق ملكتها

نوره: هاا حلو ولا الاحمر احلى
فاطمه:ماشاء الله عليج قمر جنج باربي لا لا الوردي احلى
نوره: مشكوره ياقلبي والفال لج ان شاء الله
شرت نوره الفستان وطلعت هي وفاطمه من المحل وهم يضحكون وفجأه جاهم صوت

...:عسى هالضحكه دوم مو يوم
نوره:....عبدالله
عبدالله:السلام عليكم
نوره و فاطمه :وعليكم السلام
نوره:يلا فاطمه خلينا نروح
عبدالله :تكفين بس دقيقه والله دقيقه
نوره:للأسف مافي بيني وبينك كلام
راحت وتركت وراها قلب محطم وخذت معاها قلب يتساأل عن الي صار
فاطمه كانت مو فاهمه شي لان نوره ماقالت حق اي احد عن الي صار بالمزرعه


في غرفه نوره في الليل جاها مسج وفيه
ياهاتفي ارسل على اعز مخلوق وصل له المرسول باسرع دقيقه
ياهاتفي قله ترى القلب محروق والكبد من فرقاه شبت حريقه
قله تراني ذبت من حرت الشوق ودي اشوفه كيف ابلقى طريقه

نوره احبج والله احبج تكفين كلميني انا عبدالله

نوره انصدمت من الي قاعده تقراه بس ارجعت تتذكر كلام رفيجاتها بالمدرسه لما كانو يتكلمون عن عبدالله وكل وحده فيهم
تتفاخر بالي جابه لها بعيد ميلادها وهي حتى ماقالها كل عام وانت بخير وقامت ارسلت

لاتزيدني تعب يكفي تعب
تجرحني وماتبيني اجرحك
اتقي شر الحليم اذا غضب
يقلب عليك الدنيا ويذبحك

رجاء انسا انه لك بنت عم اسمها نوره

الحين شنو تتوقعون عبدالله راح ايسوي وهل راح تفرح نوره بملكتها ولا..
انتظروني بالفصل القادم


عيون عبير ©؛°¨غرامي فعال ¨°؛©

الفصل الثالث

بعد شهر عادت الحياة الى وضعها السابق ونوررره مازالت في حيرة من امرها فقد كانت بين جنه ونار رغم وضوح الاختيار الا
انه سبب لها التعب والتفكير المستمر اما عبدالله فاستسلم لقرار نوره وقرر انه يحاول انه يحاول ينساها


في يوم الجمعه الكل مجتمع في بيت مبارك لان اليوم هو ملكة نوره على احمد الكل كان مشغول واكثرهم طبعا نوره الي كانت من
الصبح بالصالون تتجهز للحفله الي اصرو خواتها انها اتسويها بحكم عدم وجود امهم كانو يزيدون اهتمامهم فيها بعد ماخلصت نوره
من الصالون الساعه 3 العصر تقريبا اتصلت بمبارك علشان يردها البيت

وكانت المفاجأه انه الي راكب السياره مو مبارك كان...اي نعم عبدالله

وهو متكشخ كانه هو المعرس

عبدالله:الناس اذا ادخلو ايسلمون
نوره:اسفه السلام عليكم وين مبارك
عبدالله:وعليكم السلام واخي العزيز مبارك عنده شغل قال ايخلصه ويجي للبيت ووصاني اني اجيبج
اقول يابنت عمي ماباركتيلي
نوره: هاا على شنو؟
عبدالله:ماقالولج انا خطبت وملكتي الجمعه الجايه
نوره:بنبره كلها حزن ....شنو ومنو خطبت ومتى
عبدالله:فاطمه بنت جيرانكم اضن انها رفيجتج ولا لأ >> يااااي يقهر
نوره:فاطمه.... الف مبروك >> قالتها مبروك بس كانها اتعاتبه وتقوله نسيتني بهالسرعه >> لا والله بس انتي تنسين..؟
عبدالله:الله يبارك فيج ومبروك لج بعد ياروحي
انتبه عبدالله عالي قاله بس طالع نوره بسرعه الي كانت امسويه روحه ماسمعته وانها منشغله بالتليفون بس هي كانت تبجي
على حياتها
اوعلى قراراته هل كانت صحيحه وفي محلها او انها تسرعت

في البيت التجهيزات كانت ماشيه على قدم وساق الكل يشتغل بشي الا دلال الي كانت حامل بشهرها 8 بس هالمره الحمال
كان امأثر عليها حيل ((دلال عندها 3 بنات نور7سنين ساره 5سنين ابرار 3 سنين))


الساعه 5 والكل قاعد بالصاله ونوره و دلال عند الباب الي بين الديوانيه والصاله الداخليه ينتظرون المليك يسال نوره عن
رايها
بعد نص ساعه تمت الملكه على خير والفرح عم في بيتهم وصوت الاغاني واصله لاخر الشارع


ونوره واحمد في عالم ثاني كانو قاعدين في الصاله الداخليه ونوره كانت مثل الاميرات بالقصص الخياليه واحمد كان طاير فوق
السحاب وهو ايطالع هالملاك الي قاعده جنبه ومو مصدق عيونه انه نوره اخيرا صارت ملكه هو وبس

احمد:الف مبروك عليج "انا" يااحلى عروس
نوره:ههه الله يبارك فيك
احمد:نوارتي حبيبي اقرصيني ولا اقولج طقيني احسن
نوره:شنو؟
احمد:تكفين للحين مو مصدق ان حنا ملكنا خلاص اااه الحمدلله ياربي اخيرا صرت زوجتي .. يلا مشيناا
نوره:وين؟
احمد:يالله البيت خلاص صرتي زوجتي بس خلاص
نوره:"احمددد" بكل دلع
احمد:عيون وروح احمد ياربي هالبنت خبلت فيني
نوره:يلا انا بروح باااي وراحت >> تركض قبل لا يمسكها احمد لانه صج مجنون نوره << يعني مجنون ليلى هههههه


الزعيـ A.8K ـمه ©؛°¨غرامي ماسي ¨°؛©

,’


بســـم الله

بدآية رآئعـــة
يعطيك العــآفية
موفقــه بـ نقلك إن شـــآء الله




,’


عيون عبير ©؛°¨غرامي فعال ¨°؛©

مشكوره اختي منوره القصة بتواجدك
وان شاء اكمل القصة
اذا شفت ردورد الاعضاء

عيون عبير ©؛°¨غرامي فعال ¨°؛©

الفصل الرااابع

الساعه 1 الفجر في غرفه نوره جاها مسج من احمد

((احبك بجنون خلهم يدرون وش بيسون ,,, من البحر بيشربون احبك بجنون ))
نامت وهي حاسه انها صج عايشه حلم ما ودها تصحى منه ابد

بعد اسبوع وبالضبط يوم ملكة عبدالله الكل كان مستانس وفرحان حتى نوره لان الي يحب احد حب صادق مايتمناله الا الخير
ولكن عبدالله كان في هاليوم كانه ميت ويبون ايكفنونه وهو حي تمت الملكه وعبدالله بس خلصو راح ومحد ايعرف مكانه حتى
مادخل يشوف العروس

كان في البحر يشكيله همومه ويدعي انه يكون بحلم بس الحقيقه كانت غير
قام يمشي يركض يضحك ويبكي كلهم في وقت واحد <تأثير الحب اسألو امجرب لوول



مشت الايام وجت العطله الصيفيه كان شهر 6 يعني باقي شهر على عرس نوره


دلال: ااه اه فهد الحقني بولد
فهد:هاااا شنو لحضه يلا يلا امشي المستشفى
اركبو السياره وطاار فهد فيها للمستشفى ادخلو ودلال كانت في حاله لاتحسد عليها


في مكان ثاني في هالكون كان الجو كله حب وشوق مع نوره واحمد
نوره:يلا حبيبي ابي انام
احمد:حياتي والله ماشبعت منج بعد بس 5 .... (( قاطعته نوره ))
نوره:يلا اوكي بس 5 دقايق
احمد:شنو 5 دقايق قصدي 5ساعات ياقمر
نوره:شنو حرام عليك صارلنا فوق الساعتين انسولف ما خلينا شي ماسولفنا عنه صممنا بيتنا واخترنا كل شي حتى اعيالنا سميناهم
احمد: وشنو فيها الحين نبدا انسمي اعيال احفادنا يلا ابي عيال نوره الصغيره (عمر وخالد وراشد) يلا سمي عيال حمود الصغير
نوره:احمد حبيبي بس تعبت
احمد:ياعيون احمد خلاص اليوم بخليج بس باجر سهاري اوكي
نوره:من عيوني تصبح على خير
احمد:تسلم لي عيونج ياغلاتي وانت من اهله



فهد:الو حمود وينك صارلي ساعه ادق عليك وتليفونك مشغول
احمد:ياخي وش تبي خليني عايش جوي وبعدين انت وين عندك صوت
فهد:انا بالمستشفى دلال تولد ابيك تروح للبيت وتقول لوحده من خواتي تقعد بشقتي عند بناتي لين ارد
احمد:الف مبروك انشاء الله بالسلامه وتامريني يابو...احمد
فهد:العن ابو الغرور من قال بسميه احمد لا انا ابي على اسم عمي الله يرحمه صالح
احمد:الله يصلحه انشاء الله يلا تامرعلى شي
فهد:لا تسلم باي


بعد 8 ساعات اولدت دلال وجابت صالح وبعد ماتطمن عليها فهد راح البيت ايريح

الصبح الساعه 10 الكل عرف بالخبر ونوره كانت اول وحده تروح لدلال
نوره:صباح الخير يام صالح الف الف مبروك ياروحي
دلال:يا صباح النور (اتحاول تقوم بس ماقدرت من التعب وطاحت عالسرير)
نوره:دلول اسم الله عليج اشفيج ياقلبي
دلال:.......
نوره:دلول دلول الحقونيييييييي الحقونيييييي
جت الممرضات بسرعه وطلعو نوره من الغرفه الي كانت اكثر من منهاره وهي تصيح دلال لاتروحين كافي امي وابوي بعد انتيي
هالكلمات خلت الكل يتعاطف معاها ودقو على فهد علشان يجي



وقبل لايجي فهد نادوا الممرضات نوره لانه دلال تبيها نوره راحت للغرفه تركض وعيونها متروسه دموع
دلال:نوارتي اسمعيني ولا تقاطعيني انا حاسه اني خلاص بمووت
نوره:اسم الله عليج لاتقولين جذي تكفين لاتخليني
دلال:وصيتج عيالي وصيتج عيالي



وانتهت حياة انسانه عندما ابتدت حياة انسان من نفس الروح يا الله ما اغربها من دنيااا

بالعزاا اكثر وحده كانت منهاره هي نوره وجهها ذبل ماصارت تاكل ولاتتكلم بس تبجي وبس وخلود كانت بين نارين نار
موت اختها وعيال اختها اليتامى واختها نوره وحالتها الي تقطع القلب

خلود:نوره اتهقين دلال راح ترضى عالي انتي تسوينه بروحج نوره بس خلاص دلال راحت الله يرحمها بس الله يخلي عيالها
تراا مالهم غير الله وحنا وانا تعبت هم عندي عيالي
نوره: وين صالح؟
خلود:عند زينه اترضعه


بعد شهرين من وفاه دلال فهد قرر انه ياخذ عياله عنده ويخلي امه وخواته يهتمون فيهم معاه بس نوره مارضت وطلبت تشوفه
هو مع احمد

فهد واحمد:السلام عليكم
نوره: وعليكم السلام
فهد:هلا نوره امري
نوره:فهد دلال الله يرحمها قبل لاتموت وصتني على عيالها
فهد: وانا اشهد انج ماقصرتي
نوره:خلني اكمل انا عمري ماراح اسامح نفسي اذا عيال دلال احتاجو شي وانا مادريت او مالبيته لهم علشان جذي انا قررت
فهد:شنو
نوره: احمد.طلقني
احمد:شنووو انتي شتقولين؟ اطلقج ليش انا اشسويت
فهد:هدي يا احمد نوره شنو هذا اللي تقولينه؟
نوره:انا فكرت ولقيت احسن حل اني اعيش طول حياتي لعيال دلال وبس
فهد:بس انا ابوهم
نوره:خلاص تزوجني وخلنا نعيش حياتنا كاخوان بس اهم شي نربي عيال دلال
احمد:لا ياشيخه هو لعب اطفال طلق وتزوج
نوره:اسمعو عاد تبون هالحل اهلا وسهلا ماتبونه انا عيال دلال ماخليهم لوعلى قص رقبتي
احمد:وليش مانتزوج وتربينهم شنو المانع
نوره:المانع اني راح اظلمهم ولا راح اعطيهم الاهتمام الي يبونه وهذا اخر الكلام واذا وافقتو ردو علي
احمد:هذا انجنت ولا شنو وانت وشفيك ساكت ولا موافق هااا
فهد:.والله كبرت في عيني هالنوره بس مااقدر اسوي الي تبيه
احمد:فهد انا امقدر ضروفها وضروفك بعد بس ...صعبه
فهد:انا راح اترك لك القرار والي تقول عليه بسويه



ترك فهد اخوه بحيره من امره مايدري وش يسوي علشان يقنع نوره انها تغير رايهااحمد انجرح جرح كبير لان الي

جرحته حياااته و عمره نوره خندحيلي عليه و الله

شنو راااح يكون قرااار احمد؟ تابعوني...


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1