غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 22-10-2005, 01:21 AM
صورة نور القمر الرمزية
نور القمر نور القمر غير متصل
©؛°¨غرامي فعال ¨°؛©
 
الافتراضي قصة حب مع الأيام / كاملة


بســـــــــــم الله الرحمن الرحيم ..
الجزء الأول ::

في الصالون :
نور : بسرعة تراني متأخرة على الحفلة
الكوافيرة : أوك مدام
نور : أي عفية

و بعد ربع ساعة كملت الكوافيرة تسريحة شعرها .. فخذت ثيابها و راحت تبدل ..

نور : كم صار ؟
الكوافيرة : 20 دينار
نور : تفضلي .. مع السلامة
الكوافيرة : مع السلامة

ركبت سيارتها و قعدت تمشي بسرعة جنونية لأن حفلة زواج خالها بدأ و هي لحد الحين مب هناك .. و ما أنتبهت الا على صوت ارتطام .. فطلعت من سيارتها مستحمقة ..

نور : أنت عمي ما تشوف ؟
.... : مسامحة أختي ما كنت أقصد أدعمج بس لأني مستعجل ..
نور و هي تقاطعه : لا و الله بس تفكر بنفسك حتى انا مستعجلة
.... و هو يطالعها من فوق لتحت : اي يبين عندج حفلة .. عيل ماني معطلتج و لة معطل نفسي .. بعطيج رقم موبايلي عشان تتصلين فيني و نحدد تكاليف سيارتج ..
نور : شوف يا ..
.... : يوسف
نور : شوف يا أخ يوسف أنا ما أقدر أطول الحين .. أنت هات الرقم و انا بعطيه لأبوي عشان يتصرف
يوسف : تفضلي
نور : دام فضلك
يوسف : أكرر أسفي .. في أمان الله
نور : مع السلامة .. و ركبت سيارتها بس ها المرة كانت تمشي بهدوء و تفكر بالحادثة اللي صار لها الى أن وصلت تفكر في الأخ اللي دعمها .. كان وسيم بطوله و شكله ..
نور و هي تقول بقلبها : أعوذ بالله أنا في شنو قاعدة أفكر .. بس شخصيته كانت قوية .. ليكون هاي أعجاب ؟ .. و استغرقت في تفكيرها الى أن وصلت للفندق

..
في الفندق ::

نور : السلام عليكم
نوف : و عليكم السلام .. و ينج ؟ جان رقدتي أكثر ؟
نور : شاسوي في طريجي واحد دعمني
نوف و هي تشهق : الله يقطع ابليسه ما لقى الا اليوم يدعمج .. بس عسى سيارتج ما تضررت وايد ؟
نور : لا بس انشمخت شوي .. و هو عطاني رقمه عشان يدفع تكاليف التصليح
نوف : لازم يدفع الا تعالي امج وايد تحاتيج
نور : وية عليها مسكينة
نوف : بسرعة امشي ندش القاعة عشان تتطمن عليج
نور : يالله عيل أمشي

( نوف هي أعز رفيجة عند نور .. و اللي قوى علاقتهم أكثر هو أن اليوم عرس خال نور ( حسن ) من خالة نوف ( أحلام ) )

في القاعة :
أم نور : وينج يمة تأخرتي وايد ؟
نور : شاسوي يمة تدرين زحمة الشوارع و لا واحد دعمني
أم نور و هي خايفة : وية على بنيتي الوحيدة عسى ما صادج شىء ؟
نور : لا يمة الحمدلله بس سيارتي شوي تشمخت
أم نور : الف حمدلله بدال السيارة عشر .. ما يغلى عليج شىء بنيتي
نور : يعلني ما انحرم منج يمة
أم نور : شخبارج نوف ؟ و شخبار أمج ؟
نوف : الحمدلله كلنا بخير ..
أم نور : أمج ما تبين وينها ؟
نوف : اكاهي عند العروس
أم نور : عيل أستأذنكم بروح عندها
نوف : نوارة قومي نرقص ؟
نور : اوك

..

في قاعة الرياييل :

يوسف : تدري أحمد شصادني في الطريج
أحمد : شدراني .. ليكون شايفني ساحر
يوسف : خخخخ تنكت وية ويهك
أحمد : الا تعال شصادك ؟
يوسف : دعمت سيارة من السرعة
أحمد : عسى ما صار شىء ؟
يوسف : لا الحمدلله سيارتي صاحية بس سيارة البنية شوي تشمخت
أحمد و هو فاج عيونه : داعم بنية ؟
يوسف و هو سرحان : ولة كل البنات
أحمد : أقول يا السرحان .. شتفكر فيه ؟ تراني أفهمك .. فضفض اللي في قلبك
يوسف : هااا مدري شصادني من أول ما شفتها
أحمد : نقدر نقول حب
يوسف : هه روح ول .. اي حب يا ريال .. اممممم بس يمكن اعجاب
أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..

..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 22-10-2005, 07:58 PM
صورة anobeees الرمزية
anobeees anobeees غير متصل
©؛°¨غرامي ذهبي¨°؛©
 
الافتراضي





نور القمر ياغالية

:13dfdgsb2

ميرسى أوى أوى على الجزء الأول من القصة

واضح إنها حلوة بجد00

خاصة إن لغتها سهلة 00
:
:

ميرسى تانى

بس إعملى حسابك ياقمر

ها تضطرى - لو لزم الأمر -

تترجمى لى الكلام اللى مش قادرة أفهمه :chirol_ie :chirol_ie

<< إبتدينا بأه وجع القلب يامدموازيل سماء :110103_za


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 22-10-2005, 09:17 PM
صورة ليل الرمزية
ليل ليل غير متصل
©؛°¨غرامي فضي¨°؛©
 
الافتراضي





ما اقدر اصبر صراحة

مع انه القصة في بدايتها بس اندمجت معاها

مشكوره اختي و ننتظر الاجزاء الباقية

بس لا تطولين علينا

لأن جد مافيني صبر








الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-10-2005, 10:18 PM
صورة ســ الأحزان ــر الرمزية
ســ الأحزان ــر ســ الأحزان ــر غير متصل
©؛°¨غرامي ماسي ¨°؛©
 
الافتراضي


تسلمين يالغلاا ونحن

بانتظار الجزء الثاني..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 23-10-2005, 04:31 AM
عاشق طموح عاشق طموح غير متصل
©؛°¨غرامي مشارك¨°؛©
 
الافتراضي


نور القمر .. باين على القصه مثيره ..

ننتظر الجزء الجاي ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 23-10-2005, 10:01 AM
ابراهيم لولو ابراهيم لولو غير متصل
©؛°¨غرامي جديد¨°؛©
 
الافتراضي


حتى القصص صارت مسلسلات الله يستر على الباقى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 23-10-2005, 02:03 PM
صورة احساس عاشق الرمزية
احساس عاشق احساس عاشق غير متصل
©؛°¨غرامي فضي¨°؛©
 
الافتراضي


وااااااااااااااااااااااو

حماااااااااااااااااااااس


يالله ننتظــــــــر البقيهـ بس لاتطولين علينـــا خيتي ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 23-10-2005, 07:42 PM
صورة نور القمر الرمزية
نور القمر نور القمر غير متصل
©؛°¨غرامي فعال ¨°؛©
 
الافتراضي


الجزء الثاني ::

أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..
يوسف : لا أمش نطلع برع .. أبي أشم شوية هوا بعيد عن الازعاج
أحمد : زين عيل قوم

( يوسف و أحمد ربع من هم صغار .. جنة أخوان و أكثر )

..

في قاعة الحريم ::

نور : وايد ازعاج أمشي شوي نطلع
نوف : اي و الله انا مصدعة
نور : زين بروح اييب شيلتي و برد
نوف : ييبي شيلتي وياج
نور : تامرين أمر

..

في حديقة الفندق ::

نوف : الله شحلاة الجو
نور : يهبل مب مثل داخل الصالة حر و ازعاج

..

يوسف : قوم نروح الحديقة .. نشوف الطبيعة و الورود شوية
أحمد : أشوف الأخ صار رومانسي
يوسف : فج وية ويهك
أحمد : هههههه
يوسف و هو مستغرب : شوف هناك قاعدة البنية اللي دعمتها
أحمد : تقصد اللي قاعدة وية أختك ؟
يوسف و هو يشد ايد أحمد : اي قوم نسلم عليهم

..

نوف : شوفي ها اللي قاعد ييي اخوي يوسف .. أنتي ولة قط مرة شفتيه
نور : أي ما شفت اخوج ابد ..
نور و هي مفججة عيونها : تشوفين اللي لابس بدلة .. هاي اللي دعمني
نوف : هاي هو اخوي
نور ما مداها تتكلم : ..
يوسف و أحمد : السلام عليكم
نوف و نور : و عليكم السلام
يوسف و هو يأشر على نور : مب أنتي اللي دعمتج ؟
نور : اي انا
نوف : يوسف ما عرفتها هاي نور أعز رفيجاتي علطول أكلمك عنها
يوسف : هذي نوووووووووووووور ؟
نور : اي انا نور
يوسف: تشرفنا بمعرفتج .. نوف علطول تكلمنا عنج
نور : عسى بالخير ؟
يوسف وهو يبتسم : أي علطول بالخير
أحمد و هو يقطع حديثهم : شلونج نوف ؟
نوف بحيا : الحمدلله بخير أنت شلونك ؟
أحمد : الحمدلله يسرج حالي
يوسف : يالله نترخص
نوف : في حفظ الله
بعد ما راحوا يوسف و أحمد
نور : اقول يا الخاينة طلعتي تخشين عني سوالفج
نوف : اي سالفة
نور : اي بعد تغيبي .. قصدي عن سالفة أحمد
نوف أنقلب ويهها لون أحمر : عبالي عندج سالفة .. الله يسلمج هاي رفيج أخوي .. وايد وية بعض جنهم أخوان
نور : اهاااا يعني بس جذي ؟
نوف : شتقصدين نورو ؟
نور : اقصد يا الرومانسية أنج تحبينه
نوف و هي ترتجف : اي حب انتي وية ويهج
نور : ترى عيونج قاعدة تفضحج .. و تكشف الحقائق و تقول انج تحبينه
نوف و هي سرحانه : اي أحبة .. احبه
نور : ترى الحب مو حرام اذا كان صادق و بريىء
نوف و هي تقرب راسها من صدر نور : تظنين ها الشىء ؟
نور : اي

..

في الصالة ::

حسن : هاي أحلى يوم بحياتي
أحلام بحيا : حتى أنا
حسن : شوفيني يا أحلام .. رفعي راسج
أحلام : .........
حسن : أوعدج أن حياتنا تكون مبنية على السعادة
أحلام : أتمنى ها الشىء
حسن : قومي حبيبتي نقطع الكيك
أحلام : أنشاءالله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 23-10-2005, 07:44 PM
صورة نور القمر الرمزية
نور القمر نور القمر غير متصل
©؛°¨غرامي فعال ¨°؛©
 
الافتراضي


الجزء الثالث ::

تمت حفلة الزواج على خير
و الحين حوالي الساعة الساعة 4 الفجر .. و المقربين من العروس و العريس لحد الحين في الفندق ..

أم نور : يالله أخوي تأخر الوقت لازم تلحقون على الطيارة
حسن : زين انتوا وديتوا الشنط المطار ؟
أم نور : السواق وداهم
حسن : تعبتج معاي يا ختي
أم نور : لا تقول جذي .. انا اللي ربيتك بعد وفاة أمنا الله يرحمها .. و سهرت على راحتك .. انت قبل ما تكون أخوي أعتبرك ولدي اللي أنحرمت من أنجابه ..
حسن : الله على كل شىء قدير .. يمكن ها الولد اللي ما يا يكون خير لج و لأبو نور
أم نور : و نعم بالله .. الا الطيارة متى بتحلق ؟
حسن : الساعة 6 الصبح
أم نور : عيل سرعوا .. انا بروح أجهز لكم السيارة
حسن و هو ينادي أحلام : يالله حياتي , لازم نروح المطار
أحلام : وااااااااي تعبانة
حسن : رقدي في الطيارة

..

في المطار ::

حسن : مع السلامة
أم نور و هي تبجي : الله يسلمك يا الغالي .. تروح و ترد لنا بالسلامة
حسن : لا تبجين أم نور ..
أم نور : شاسوي .. تعودنا على دمك الخفيف .. و فضولك الزايد .. و راح نفقد كل ها الاشياء في فترة سفرك ..
نور و هي تضحك : حسووووون لا تنسى تييب لي الساعة اللي خبرتك عنها
حسن : هيي شايفتني أصغر عيالج ..
نور و هي تطلع لسانها : لا شايفتك أخوي هههه
حسن : صج مالت عليج .. بس ولة يهمج ابشري الساعة بشتريها لج
نور : فديــــــــــت ها الخال و الله
حسن : يا اللوســــة مصلحجية ..
يوسف من بعيد كان يطالعهم و كان يضحك على حركات نور الطفولية ..
حسن و هو يصارخ : يوسف قرب
يوسف : هلا بو علي انشاءالله تروح و ترد بالسلامة ..
حسن : وية ويهك احترمني يا أخي مب جني زوج خالتك
يوسف : الا و النعم .. بس لا تنسى ان خالتي تربت وياي ببيت واحد من صغري

( حسن و أحلام عانوا من صغرهم .. حسن ابوه مات لما كان في بطن أمه .. و امه ماتت بسبة مرض السرطان يوم كان 9 سنين .. فربته أخته الوحيدة أم نور .. أما عن أحلام فأمها و أبوها ماتوا يوم كانت 5 سنين في حادث سيارة .. فعاشت مع أختها الوحيدة أم يوسف .. )

حسن : هيه التاريخ قاعد يعيد نفس الأحداث
من بعيد أم يوسف كانت تلوح لهم .. ولما أقتربت ..
أم يوسف : ها حسن دير بالك على أحلام .. تراها قطعة من كبدي
حسن : ابشري . الا وينها الحين ؟
أم يوسف: وية عليها تعبانة قاعدة على الكرسي هناك
حسن : عيل بروح أناديها لان الوقت وايد تأخر
أم يوسف : لا أنت روح كمل أجرائات السفر .. بقول لنور تروح تخبرها
حسن : انشاءالله
أم يوسف و هي تقول لنور : روحي نادي خالتج
نور : انشاءالله يمة

..

حسن يوم كمل كل اجرائات السفر .. و كان يبي يرد عشان ياخذ احلام لقى بطريجه بو نور و بو يوسف ..
بو نور : هلا بالمعرس ..
حسن : هلا و غلا بزوج اختي
بو يوسف : انشاءالله تروح و ترد بالسلامة
حسن : الله يسلمك
بو يوسف : ترى الطريج لفرنسا طويل ..
حسن : اي و الله .. الله يستر على ما اضن بشوف اكثر من 7 افلام في الطيارة
بو نور : ههههههههه عيل توفير عشان شهر ما تروح السينما
بو يوسف و حسن : ههههههههههههه
بو نور : متى بتحلق الطيارة ؟
حسن : اوووووو نسيت احنا وايد متاخرين .. خلونا الحق على المدام
بو نور : قوم اركض قبل ما تلحقك بالعصا
حسن : حرااااااااام
بو يوسف : ان كيدهن عظيم
حسن : ترى ما ارضى على حرمتي .. ووي فمان الله .. تراني وايد متاخر

..

راح حسن و خذ زوجته و دخلوا في الطيارة .. بأنتظار موعد التحليق ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 23-10-2005, 10:26 PM
صورة ســ الأحزان ــر الرمزية
ســ الأحزان ــر ســ الأحزان ــر غير متصل
©؛°¨غرامي ماسي ¨°؛©
 
الافتراضي


تسلمين يالغلااا نور القمرر

واحنا بناتظار تكملة القصة..


الرد باقتباس
إضافة رد

قصة حب مع الأيام / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : عهدي مع الأيام / كاملة @أحلاهم وأتحداهم@ روايات كامله - يتم نقل الرواية هنا بعد اكتمالها 187 30-08-2017 09:50 PM
عندما نتحدى الأيام ... ريجيم / الكاتبة : سهر الليالي ، كاملة سموة المعالي روايات كامله - يتم نقل الرواية هنا بعد اكتمالها 92 22-04-2017 04:10 PM
عشره ذي الحجه غـيد الأماليد مواضيع إسلامية - فقه - عقيدة 55 10-12-2008 03:34 PM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM

الساعة الآن +3: 03:29 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1